لاس اینجلس (شِںہوا) کولمبیا یونیورسٹی میلمین اسکول آف پبلک ہیلتھ کی جاری کردہ ایک نئی تحقیق کے مطابق تجارتی طور پر بیمہ شدہ بچوں کے لیے ناکافی صحت کوریج ایک بڑا مسئلہ ہے۔

جے اے ایم اے ہیلتھ فورم میں شائع شدہ اس تحقیق میں اس بات کا انکشاف ہوا ہے کہ کوریج میں کمی سرکاری طور بیمہ شدہ بچوں کو بھی متاثر کررہی ہے۔

محقیقین نے امریکی قومی سروے برائے صحت اطفال 2021-2016 کے اعدادوشمار کو استعمال کرتے ہوئے صفر سے 17 برس کی عمر کے بچوں کے صحت بیمہ ڈیٹا کی بنیاد پر والدین یا سرپرستوں کی رپورٹ کردہ معلومات کا تجزیہ کیا اور نوول کرونا وائرس کے دوران رونما تبدیلیوں کا موازنہ کیا جس میں ہرقسم کے بیمہ میں متضاد اور ناکافی کوریج کی نشاندہی ہوئی۔

تحقیق کے مطابق امریکہ میں ہر 5 میں سے ایک بچے کے پاس ناکافی صحت بیمہ ہے تجارتی بیمہ والے بچوں میں ناکافی کوریج اس سے زائد ہے۔

تحقیق میں کہا گیا ہے کہ بچوں کی صحت کی دیکھ بھال کے لئے جیب سے زیادہ اخراجات میں کمی کے لئے تجارتی طور پر بیمہ شدہ خاندانوں پر مزید کام کرنے کی ضرورت ہے اس کے ساتھ ہی اس بات کو بھی یقینی بنایا جائے کہ فوائد بچوں کی ضروریات پورا کرنے کے لئے کافی ہوں۔