برلن (شِنہوا) بی ایم ڈبلیو او مرسیڈیز بینز چین میں برقی کاروں کے لیے تیز رفتار چارجنگ نیٹ ورک بنانے کے لیے مشترکہ منصوبہ (جے وی) شروع کریں گے۔
جرمن کار سازاداروں نے ایک مشترکہ پریس ریلیز میں کہا کہ مساوی شراکت داروں کے طور پر، مرسڈیز بینز اوربی ایم ڈبلیو بریلیئنس آٹو موٹیو( بی بی اے) چین میں نئی توانائی سے چلنے والی گاڑیوں (این ای وی) مارکیٹ کے بارے میں چارجنگ کی اپنی معلومات اور گہری سمجھ بوجھ کو استعمال کرنا چاہتے ہیں۔
پہلے چارجنگ اسٹیشن اگلے سال کے اوائل سے اہم ترین چینی این ای وی علاقوں میں کام شروع کردیں گے۔ 2026 کے آخر تک، مشترکہ منصوبے کے تحت 7ہزارچارجنگ پوائنٹس کے ساتھ 1ہزار اسٹیشن قائم کیے جائیں گے۔
فاسٹ چارجنگ نیٹ ورک عوام کے لیے کھلا رہے گا۔ کمپنیوں نے زور دیا کہ "جہاں حالات اجازت دیتے ہیں،" بجلی براہ راست قابل تجدید ذرائع سے حاصل کی جائے گی۔ معاہدہ تاحال ریگولیٹری اداروں کی منظوری سے مشروط ہے۔
