بیجنگ(شِنہوا) چین میں رواں سال ستمبرکے آخر تک رجسٹرڈ نجی کمپنیوں کی تعداد5کروڑ20لاکھ  سے زیادہ ہو گئی، جو ملک میں رجسٹرڈ کل کاروباری اداروں کا 92.3 فیصد ہے۔

اسٹیٹ ایڈمنسٹریشن فارمارکیٹ ریگولیشن (ایس اے ایم آر) نے منگل کو بتایا کہ  چین کے نجی اداروں کی ترقی  میں استحکام ایک پیچیدہ بین الاقوامی ماحول اور ملکی معیشت میں نیچے کی جانب بڑھتے ہوئے دباؤ کے تناظر میں واضح ہو رہا ہے۔

ایس اے ایم آر نے مزید کہا کہ جنوری سے ستمبر کے عرصے کے دوران تقریباً70لاکھ 70ہزارنئی نجی کمپنیاں قائم ہوئیں، جو گزشتہ  سال کے مقابلے میں 15.3 فیصد زیادہ ہیں۔

ایس اے ایم آر کے اعداد و شمار کے مطابق  پہلی تین سہ ماہیوں میں ملک بھر میں تقریباً 1کروڑ72لاکھ نئے  انفرادی کاروباری ادارے قائم ہوئے، جو گزشتہ سال سے 11.7 فیصد زیادہ ہیں۔