بیجنگ (شِنہوا) چین کے اعلیٰ اقتصادی منصوبہ ساز نے معاشی بحالی کو برقرار رکھنے اور اعلیٰ معیار کی ترقی کو فروغ دینے کی کوششوں کے درمیان کھپت کو فروغ دینے کے لئے متعدد اقدامات کا اعلان کیا ہے۔
ملک نے نئی توانائی کی گاڑیوں (این ای وی)، گھریلو آلات، الیکٹرانکس، کیٹرنگ، ثقافت اور سیاحت کے شعبوں کے ساتھ ساتھ دیہی علاقوں میں وسیع پیمانے پر اشیا اور خدمات کی کھپت کو فروغ دینے کا عہد کیا۔
نیشنل ڈیویلپمنٹ اینڈ ریفارم کمیشن (این ڈی آر سی) کی جانب سے جاری کردہ ایک اعلامیہ کے مطابق ہاؤسنگ اور بہتر معیار زندگی کی مانگ کی حمایت کرنے کا بھی اعادہ کیا گیا ہے۔
این ڈی آر سی نے اعلامیہ میں کہا ہے کہ مقامی حکام کو آٹو کی خریداری کو محدود کرنے کے لئے نئے اقدامات کو ظاہر نہیں کرنا چاہئے جبکہ جن علاقوں میں پہلے سے ہی آٹو کی خریداری پر پابندی عائد ہے انہیں مقامی حالات کے مطابق ڈھالنے کے لئے ان اقدامات کو بہتر بنانا چاہئے۔
اعلامیہ کے مطابق اعلٰی معیار کے چارجنگ انفراسٹرکچر کی تعمیر، دیہی علاقوں میں این ای وی کے استعمال کو فروغ دینے اور این ای وی خریداریوں کے لئے سازگار ٹیکس مراعات کو برقرار رکھنے اور بہتر بنانے کے لئے کوششیں کی جانی چاہئے۔
اعلامیہ میں کہا گیا ہے کہ ریاستی اقتصادی منصوبہ ساز نے گھریلو آلات کی کھپت پر بھی زور دیا ہے جس میں تجارت اور استعمال شدہ گھریلو آلات کی ری سائیکلنگ شامل ہے۔
بیان میں کہا گیا ہے کہ ریاستی کونسل کی جانب سے منظور کیے جانے والے ان اقدامات کا مقصد گھریلو طلب کو بڑھانے کی حکمت عملی کو بہتر طریقے سے نافذ کرنا، معاشی نمو کو تیز کرنے میں کھپت کے بنیادی کردار کو مکمل طور پر ادا کرنا اور ملک کی اعلیٰ معیار کی ترقی کو برقرار رکھنا ہے۔
