بیجنگ (شِنہوا) چین نے نوجوانوں میں سائنس و ٹیکنالوجی کی صلاحیتوں کے فروغ اور اس کا انتظام کرنے بارے متعدد اقدامات کا اعلان کیا  ہے جس کا مقصد سائنس اور ٹیکنالوجی شعبوں میں خود انحصاری اور قوت کے حصول کی ملک گیر مہم کو آسان بنانا اور اسے تقویت دینا ہے۔

کمیونسٹ پارٹی آف چائنہ کی مرکزی کمیٹی اور ریاستی کونسل کے جنرل دفاتر کی جاری کردہ دستاویز میں نوجوان ٹیلنٹ کو اعلیٰ معیار کی ترقی میں مدد اور رہنمائی فراہم کرنے کی کوششوں پر زور دیا گیا ہے اور انہیں اصل اختراع کرنے، کامیابیاں حاصل کرنے اور تحقیقی نتائج کو عملی طور پر نافذ کرنے کی ترغیب دی گئی ہے۔

دستاویز کے مطابق نوجوان ٹیلنٹ کو سائنس و ٹیکنالوجی کے بڑے قومی منصوبوں ، اہم شعبوں میں بنیادی ٹیکنالوجیز پر تحقیق اور ہنگامی سائنس و ٹیکنالوجی تحقیق میں نمایاں کردار  دینے کو کہا گیا ہے ۔

اصولی طور پر ان منصوبوں میں 40 برس سے کم عمر کے سائنس دانوں  کی قائدانہ  اور بنیادی ار اکین کی سطح پر مو جودگی  کم سے کم 50 فیصد ہونی چا ہئیے۔

دستاویز میں اس بات پر بھی زور دیا گیا ہے کہ سائنس و ٹیکنالوجی بارے فیصلہ کن مشاورت میں نوجوان ٹیلنٹ سے فائدہ اٹھایا جائے ۔

اس میں بین الاقوامی تبادلے و تعاون آسان بنانے، مالی تعاون مستحکم کرنے ، نوجوان سائنس و ٹیکنالوجی ٹیلنٹ پر غیر تحقیقی بوجھ میں کمی اور ان کی فلاح و بہبود یقینی بنانے کے اقدامات بھی شامل ہیں۔