کمشنر کراچی کی سربراہی میں قائم دس رکنی ٹیم نے بحریہ ٹاؤن کراچی کے زیر قبضہ زمین کی سروے رپورٹ سپریم کورٹ میں جمع کرادی ہے، نجی ٹی وی کے مطابق سپریم کورٹ میں جمع کرائی گئی رپورٹ میں انکشاف کیا گیا ہے کہ بحریہ ٹاون کراچی نے معاہدے سے تین ہزار اکتیس ایکڑ زائد زمین پر قبضہ کررکھا ہے،سروے رپورٹ کے مطابق عدالتی فیصلے کے تحت بحریہ ٹاون کراچی کا 16ہزار 896ایکڑ زمین کا معاہدہ ہوا لیکن اس وقت بحریہ ٹاون کے پاس 19ہزار 931ایکڑ زمین کا قبضہ ہے،رپورٹ کے مطابق بحریہ ٹاون معاہدے سے 3ہزار 31ایکڑ زائد زمین پر قابض ہے جبکہ ضلع ملیر کی 813ایکڑ اور جامشورو کی 2222ایکڑ زائد زمین پر قبضہ ہے،بحریہ ٹاون نے محفوظ کئے گئے جنگل کی زمین پر بھی قبضہ کررکھا ہے،سروے رپوٹ سپارکو، سروے آف پاکستان اور محکمہ جنگلات کی مدد سے تیار کی گئی،یاد رہے کہ سپریم کورٹ نے گزشتہ سماعت پر بحریہ ٹاون کی زمین کا سروے کرانے کا حکم دیا تھا۔

کریڈٹ: انڈیپنڈنٹ نیوز پاکستان-آئی این پی