پاکستان تحریک انصاف کی سینئر نائب صدر ویمن ونگ پنجاب کنیز فاطمہ نے سیاست چھوڑنے کا اعلان کرتے ہوئے کہا کہ پی ٹی آئی تمام عہدے چھوڑ رہی ہوں ، 9مئی کو جو واقعات ہوئے وہ نہیں ہونے چاہیئے تھے ، پیر کے روز پریس کانفرنس کے دوران انہوں نے کہا کوئی بھی محب وطن پاکستانی اس چیز کو اچھا نہیں سمجھتا ۔ بحیثیت پاکستانی 9مئی کے واقعات کی شدید مذمت کرتی ہوں ، میں ابھی سیاست سے کنارہ کشی اختیار کررہی ہون ، میں اپنی فیملی کو وقت دینا چاہتی ہوں ، جو لوگ حملوں میں ملوث تھے ان کے خلاف پہلے ہی کاروائی ہورہی ہے ملکی املاک پر حملہ کسی بھی جماعت کو زیب نہیں دیتا ۔

کریڈٹ: انڈیپنڈنٹ نیوز پاکستان-آئی این پی