پاکستان ٹورازم ڈویلپمنٹ کارپوریشن کے منیجنگ ڈائریکٹر آفتاب الرحمان رانا نے کہا ہے کہ حکومت لائسنسنگ کے نظام کو مضبوط کر رہی ہے کیونکہ ناتجربہ کار اور غیر پیشہ ور ٹورسٹ گائیڈز اور آپریٹرز غیر ملکی سیاحوں کی نظروں میں ملک کا امیج خراب کر رہے ہیں،ہم رواں ماہ پہلا 'نیشنل ٹور گائیڈ ٹریننگ پروگرام منعقد کرنے جا رہے ہیںجن میں ٹورازم اینڈ ہوٹل مینجمنٹ ،سسٹین ایبل ٹورازم فانڈیشن پاکستان ،محکمہ سیاحتی خدمات اور پاکستان ایسوسی ایشن آف ٹور آپریٹرزشامل ہیں، اگلے تین سے چار سالوں میں کم از کم 5000 ٹور گائیڈز کو تربیت دینا ہوگی،پاکستانی ٹورسٹ گائیڈز کی تربیت کے لیے بین الاقوامی ٹرینرز کی خدمات بھی حاصل کی گئی ہیں۔ ویلتھ پاک سے گفتگو کرتے ہوئے انہوں نے کہا کہ ہمارے سیاحت کے شعبے کو نتیجہ خیز بنانے کے لیے یہ بہت ضروری ہے کہ ہمارے ٹور آپریٹرز، ٹورسٹ گائیڈز، مہمان نوازی کے شعبے کو بین الاقوامی معیار کے مطابق تربیت دی جائے۔

اس شعبے میں کوئی بھی کردار ادا کرنے کے لیے تمام قسم کے لائسنس تربیت اور جانچ کے سخت اقدامات کے بعد جاری کیے جانے چاہئیں۔پہلے سے ہی ٹور آپریٹرز، ٹور گائیڈز، ہوٹلز، گیسٹ ہاوسز محکمہ سیاحت کی خدمات سے آپریشن کے لائسنس حاصل کرتے ہیں اور ہر صوبے میں اس دفتر کی ایک شاخ ہے۔ ہم فی الحال نظام کو بہتر بنانے کے لیے اقدامات کر رہے ہیں اور اس بات کو یقینی بنا رہے ہیں کہ سیاحوں کو فراہم کی جانے والی خدمات درست ہیں۔حال ہی میںسیاحت اور مہمان نوازی کے شعبے کے تمام اہم اسٹیک ہولڈرز سے مشاورت کے بعدسیاحت اور مہمان نوازی کے لیے قومی کم از کم معیارات تیار کیے گئے ہیں جو پورے پاکستان میں مزید لاگو ہوں گے۔

اس کے متوازی ایک تربیتی پروگرام بھی تیار کیا گیا ہے جو لائسنس حاصل کرنے اور اس شعبے میں مہمان نوازی کارکن، ٹور آپریٹر، ٹورسٹ گائیڈ کے طور پر کام کرنے کے لیے لازمی ہوگا۔اس شعبے میں خدمات کے معیار کو بہتر بنانے کے لیے ہم رواں ماہ مختلف دیگر ایجنسیوںکے تعاون سے پہلا 'نیشنل ٹور گائیڈ ٹریننگ پروگرام منعقد کرنے جا رہے ہیںجن میں ٹورازم اینڈ ہوٹل مینجمنٹ ،سسٹین ایبل ٹورازم فانڈیشن پاکستان ،محکمہ سیاحتی خدمات اور پاکستان ایسوسی ایشن آف ٹور آپریٹرزشامل ہیں۔ تمام اسٹیک ہولڈرز کے تعاون سے یہ وسیع تربیتی پروگرام ایک باقاعدہ سرگرمی کے طور پر شروع کیا جائے گا۔ یہ سبسڈی والا پروگرام ہے اور دیگر اسٹیک ہولڈرز بڑے اخراجات برداشت کریں گے۔آفتاب نے کہا کہ پاکستان میں ٹور گائیڈز کی شدید کمی ہے اور اس قومی پروگرام کے ذریعے انہیں اس فرق کو پر کرنے کے لیے اگلے تین سے چار سالوں میں کم از کم 5000 ٹور گائیڈز کو تربیت دینا ہوگی۔

انہوں نے کہا کہ اس پروگرام کے کچھ سیشن پی ٹی ڈی سی کے احاطے میں اور کچھ سی او ٹی ایچ ایم میں ہوں گے۔ بہت سا فیلڈ ورک بھی اس پروگرام کا ایک لازمی حصہ ہے۔ 15 دن کا ایک وسیع تربیتی سیشن ہوگا۔ پہلے مرحلے یا 15 دن کی ٹریننگ میں کامیاب ہونے والے ٹرینی سینئر ٹورسٹ گائیڈز کی نگرانی میں اور مختلف کمپنیوں کے ساتھ تربیت کے اگلے مرحلے میں حصہ لینے کے اہل ہوں گے۔ ان تمام مراحل کو مکمل کرنے کے بعد تربیت یافتہ افراد کو سیاحتی لائسنس حاصل کرنے کا اہل سمجھا جائے گا۔پی ٹی ڈی سی کے منیجنگ ڈائریکٹر نے کہا کہ انٹرنیشنل ٹورسٹ گائیڈ ایسوسی ایشن بھی پی ٹی ڈی سی کے ساتھ رابطہ کر رہی ہے۔ اس کے علاوہ پاکستانی ٹورسٹ گائیڈز کی تربیت کے لیے بین الاقوامی ٹرینرز کی خدمات بھی حاصل کی گئی ہیں۔

پنجاب ٹورازم انسٹی ٹیوٹ لاہور اور ملک کے دیگر حصوں میں کام کر رہا ہے۔پی ٹی ڈی سی یونیورسٹیاں بھی اس موضوع پر توجہ مرکوز کر رہی ہیں جس سے انسانی وسائل کی خدمات کو بہتر بنانے میں مدد ملے گی کیونکہ رسمی اداروں کی شمولیت کے بغیر اس شعبے میں معیار اور خدمات کی سطح کو بہتر نہیں کیا جا سکتا۔ اگلے دو سالوں میں عالمی معیار کے مطابق معیاری خدمات حاصل کرنے کے لیے ایک وسیع انسانی وسائل کی ترقی کے تربیتی پروگرام کا آغاز کیا جائے گا۔انہوں نے کہا کہ تربیت کے بعد ٹورسٹ لائسنسنگ تمام غیر پیشہ ور سوشل میڈیا ٹورسٹ گائیڈز اور ٹور آپریٹرز کی مشروم کی افزائش کو ہمیشہ کے لیے روکنے میں مدد دے گی۔ انہوں نے کہا کہ غیر لائسنس یافتہ ہوٹلوں، لاجز، گیسٹ ہاوسز پر بھی سیاحوں کی میزبانی پر پابندی ہوگی۔مستقبل میں محکمہ سیاحتی خدمات اس تشویش میں تمام غیر قانونی طریقوں کی سختی سے نگرانی کرے گا۔

بہت جلد قومی میڈیا چینلز کے ذریعے ایک مہم بھی شروع کی جائے گی جس میں عام لوگوں کو آگاہ کیا جائے گا کہ وہ صرف لائسنس یافتہ ٹور آپریٹرز، ٹریول ایجنٹس اور ٹور گائیڈز کی خدمات حاصل کریں۔ یہ بھی ایجنڈے کا ایک حصہ ہے کہ سرکاری میڈیا ریگولیٹری اتھارٹیز غیر لائسنس یافتہ ٹورسٹ آپریٹرز، گائیڈز، کمپنیوںکے تمام اشتہارات پر پابندی عائد کر دیں گی۔ لوگوں کو ایسی جگہوں پر رہنے کے لیے بھی آگاہ کیا جائے گا جو ایسے کلائنٹس کی میزبانی کے لیے لائسنس یافتہ ہیں۔

کریڈٹ: انڈیپنڈنٹ نیوز پاکستان-آئی این پی