پاکستان گوادر بندرگاہ کے ذریعے تیزی سے ایک بین الاقوامی تجارتی مرکز بنتا جا رہا ہے، کیونکہ یہ درآمد کنندگان اور برآمد کنندگان کو انتہائی موثر آپریشنز، جدید کارگو ہینڈلنگ، ہر قسم کے کارگو کے لیے خاطر خواہ اسٹوریج ایریاز کے ذریعے اہم اقتصادی فوائد فراہم کرتا ہے۔سینٹر آف ایکسیلنس، چائنا پاکستان اکنامک کوریڈور کے ایک ریسرچ ایسوسی ایٹ عدنان خان نے ویلتھ پاک سے گفتگو کرتے ہوئے کہا کہ بدلتے ہوئے جغرافیائی سیاسی حالات نے سیاست سے معیشت کی طرف صف بندی کے پیٹرن کو منتقل کر دیا ہے۔ "دنیا بھر میں قومی سلامتی کی ترجیحات میں اقتصادی سلامتی اولین ترجیح بنتی جا رہی ہے۔ چین اقتصادی ترقی کو تیز کرنے کے لیے ایشیا سمیت دنیا بھر کے ممالک کے ساتھ اپنے اقتصادی تعلقات کو مضبوط بنا کر اس شعبے کی قیادت کر رہا ہے۔انہوں نے کہا کہ پاکستان کو خطے کے اندر اور اس سے باہر معاشی سرگرمیوں میں اضافے سے درپیش چیلنجز اور دبا کو کم کرنے کے لیے روابط پیدا کرنا ہوں گے اور دولت پیدا کرنا ہوگی۔عدنان خان نے کہا کہ گوادر میں پاکستان اور وسطی ایشیائی ممالک کے درمیان تجارتی روابط بڑھانے کے دیرینہ مقصد کو حاصل کرنے کی صلاحیت موجود ہے۔ بندرگاہ کو خاص طور پر چین اور وسطی ایشیائی ممالک کی ضروریات کو پورا کرنے کے لیے ڈیزائن کیا گیا ہے۔

انہوں نے بتایا کہ گوادر بندرگاہ پر حال ہی میں درآمدی کارگو کی آمد ہوئی ہے کیونکہ تین جہاز، ہر ایک میں 90,000 میٹرک ٹن یوریا تھا، بندرگاہ پر پہنچے تھے۔ "کارگو کی یہ آمد ظاہر کرتی ہے کہ گوادر کے علاقے میں معاشی سرگرمیاں بڑھ رہی ہیں، جس سے روزگار کے مواقع پیدا ہو رہے ہیں اور مقامی معیشت کو فروغ مل رہا ہے۔"انہوں نے مزید کہا کہ بین الاقوامی تجارتی مرکز بننے کے لیے پاکستان کو اپنے انفراسٹرکچر میں اہم سرمایہ کاری کرنے کی ضرورت ہے تاکہ بندرگاہ اور اس سے متعلقہ صنعتوں کی ترقی میں مدد مل سکے۔ "اس میں نقل و حمل، مواصلات، توانائی کے بنیادی ڈھانچے، اور انسانی سرمائے کی ترقی میں سرمایہ کاری شامل ہوگی۔ ملک کو لاجسٹک چیلنجوں سے نمٹنے کی بھی ضرورت ہوگی تاکہ یہ یقینی بنایا جاسکے کہ بندرگاہ غیر ملکی سرمایہ کاروں اور تاجروں کے لیے قابل رسائی اور محفوظ ہے۔ ریسرچ ایسوسی ایٹ نے کہا کہ موجودہ حکومت بلوچستان کو ملک کے دیگر حصوں کے برابر لانے کے لیے پرعزم ہے۔ "بلوچستان میں جو مسئلہ بہت زیادہ تشویش کا باعث ہے وہ بجلی کی فراہمی کی کمی ہے۔ حال ہی میں، نیشنل ٹرانسمیشن اینڈ ڈسپیچ کمپنی نے ایران کے علاقے پولان سے گوادر تک 29 کلومیٹر طویل ڈبل سرکٹ ٹرانسمیشن لائن مکمل کی۔"ٹرانسمیشن لائن کی تعمیر کے ساتھ، پاکستان کا ٹرانسمیشن سسٹم اس قابل ہو گیا ہے کہ 100 میگاواٹ اضافی ایرانی بجلی بلوچستان کے مختلف حصوں میں لے جا سکے۔

کریڈٹ: انڈیپنڈنٹ نیوز پاکستان-آئی این پی