زراعت پر موسمیاتی تبدیلی کے اثرات سے نمٹنے کے لیے، پاکستان کو موسمیاتی لچکدار ٹیکنالوجیز کی ترقی کے لیے اہم اقدامات کرنے کی ضرورت ہے۔پاکستان میں گزشتہ چھ دہائیوں کے دوران زرعی پیداوار میں کمی آئی ہے۔ زرعی کاروبار کی شرح نمو 1960 اور 2000 کے درمیان اوسطا 4فیصد، 2000 اور 2010 کے درمیان 3فیصد، اور 2010 اور 2020 کے درمیان 2فیصدتھی ۔ گلوبل الائنس فار امپرووڈ نیوٹریشن گین ایواکے سینئر پالیسی ایڈوائزر فیض رسول نے اس بات پر زور دیا کہ موسمیاتی تبدیلی کا زرعی پیداواری صلاحیت پر نمایاں اثر پڑا ہے۔ بڑھتا ہوا درجہ حرارت، بارشوں کے بے ترتیب نمونے، اور شدید موسمی واقعات کی بڑھتی ہوئی تعداد ملک کے زرعی شعبے کے لیے اہم چیلنجز کا باعث بنتی ہے جو بارش سے چلنے والی کاشتکاری پر بہت زیادہ انحصار کرتا ہے۔انہوں نے زور دیا کہ ان چیلنجوں سے نمٹنے کے لیے، پاکستان کو زرعی پیداوار کو بڑھانے اور غذائی تحفظ کو یقینی بنانے کے لیے موسمیاتی لچکدار ٹیکنالوجیز کی ترقی اور نفاذ میں فعال طور پر سرمایہ کاری کرنے کی ضرورت ہے۔ پاکستان کی موسمیاتی لچکدار ٹیکنالوجیز کی ترقی میں توجہ کا ایک اہم شعبہ خشک سالی اور گرمی سے مزاحم فصلوں کی اقسام کو فروغ دینا تھا۔

انہوں نے کہا کہ فصلوں کی روایتی اقسام اکثر پانی کی کمی اور گرمی کے دبا کا شکار ہوتی ہیںجس کے نتیجے میں پیداوار میں کمی اور کسانوں کو معاشی نقصان ہوتا ہے۔تحقیق اور افزائش کے پروگراموں کے ذریعے، سائنسدانوں کو فصلوں کی نئی اقسام تیار کرنی چاہئیں جو طویل عرصے تک خشک سالی اور زیادہ درجہ حرارت کو برداشت کر سکیں۔ یہ موسمیاتی لچکدار اقسام کسانوں کو بدلتے ہوئے موسمی حالات کے مطابق ڈھالنے اور اپنی روزی کو محفوظ بنانے کے لیے ایک قابل عمل آپشن پیش کریں گی۔انہوں نے کہا کہ زراعت میں آب و ہوا کی لچک کے لیے پانی کا موثر انتظام بہت ضروری ہے۔ ایک ایسے ملک میں جہاں پانی کے وسائل پہلے ہی دبا ومیں ہیں، پانی کے استعمال کو بہتر بنانا ناگزیر ہو جاتا ہے۔پاکستان کو آبپاشی کی درست تکنیکوں کو اپنانے کو فروغ دینے کی ضرورت ہے جن میں ڈرپ اریگیشن اور اسپرنکلر سسٹمزشامل ہیں ۔ یہ طریقے اس بات کو یقینی بناتے ہیں کہ پانی براہ راست پودوں کی جڑوں تک پہنچایا جائے، ضیاع کو کم سے کم کیا جائے اور اس کا زیادہ سے زیادہ استعمال کیا جائے۔ انہوں نے کہااس کے علاوہ، نمی کے سینسر کا استعمال اور موسم پر مبنی آبپاشی کے نظام الاوقات سے کسانوں کو آبپاشی کے بارے میں باخبر فیصلے کرنے میں مدد ملتی ہے تاکہ فصلوں کو صحیح وقت پر پانی کی صحیح مقدار ملے۔

کریڈٹ: انڈیپنڈنٹ نیوز پاکستان-آئی این پی