چین کے وزیر خارجہ وانگ یی اور بیلجیئم کی وزیر خارجہ ہادجا لہبیب نے بیجنگ میں بیلجیئم کے نئے سفارت خانے کا مشترکہ طور پر افتتاح کیا۔(شِنہوا) 

چین کے وزیر خارجہ وانگ یی اور بیلجیئم کی وزیر خارجہ ہادجا لہبیب نے بیجنگ میں بیلجیئم کے نئے سفارت خانے کا مشترکہ طور پر افتتاح کیا۔(شِنہوا) 

شمالی غزہ کی پٹی کے قصبے بیت لاہیا میں ایک تباہ شدہ عمارت کے سامنے سے ایک آدمی گزر رہا ہے۔(شِنہوا)

غزہ کی پٹی کے ساتھ سرحد پر اسرائیل کی  جانب سے لی گئی اس تصویر میں اسرائیلی فوجی (سامنے) اور شمالی غزہ کی پٹی (پیچھے) میں تباہ شدہ عمارتوں کو دکھایا گیا ہے۔(شِنہوا)

چین کےمشرقی صوبے جیانگ سو کے شہر نانجنگ میں نانجنگ ریلوے اسٹیشن کے ٹکٹ ہال میں مسافر ٹکٹ خرید رہے ہیں۔(شِنہوا)

قطرکے دارالحکومت  دوحہ کا ایک منظر، قطر 12 جنوری سے 10 فروری تک اے ایف سی ایشین کپ کی میزبانی کرے گا۔(شِنہوا)

چھانگ چھون (شِنہوا)  چین کی تجارتی سیٹلائٹ کمپنی نے مدار میں سیٹلائٹس کے درمیان 100 گیگا بٹس فی سیکنڈ (جی بی پی ایس) کی رفتار سے لیزر رابطے کو کامیابی سےقائم کیا ہے۔

 جیلن-ون کے دو سیٹلائٹس کے  درمیان ڈیٹا ٹرانسمیشن کی گئی  اورفائنل ڈیٹا کوزمین پر کامیابی کے ساتھ ڈاؤن لوڈ کیا گیا،یہ پہلی بارہے کہ چین نے ہائی ڈیفینیشن انٹر سیٹلائٹ ریموٹ سینسنگ امیجز کو اتنی تیز رفتاری سے منتقل کیا ہے۔  چھانگ گوآنگ سیٹلائٹ ٹیکنالوجی کمپنی(سی جی ایس ٹی ایل) نے 100 سے زیادہ جیلن- ون سیٹلائٹس  کو کمرشل کانسٹیلیشن بنانے کے لیے مدار میں بھیجا ہے، اور 2021 سے ان سیٹلائٹس کے درمیان لیزر رابطوں کے لیے کلیدی ٹیکنالوجی کی تصدیق کی ہے۔  

بیجنگ(شِنہوا) چین میں آنے والے موسم بہارکے تہوار کے سفری رش کے لیے ٹرین ٹکٹوں کی فروخت جمعہ کو شروع ہوگئی ہے۔

عموماً ٹرانسپورٹیشن  کی زیادہ مانگ کے دوران لوگ خاندان کے دیگر افرد سے ملنے کے لیے گھروں کو واپس آتے ہیں، یہ سلسلہ26 جنوری سے شروع ہو کر40 دن تک برقرار رہتا ہے۔ 

چائنہ سٹیٹ ریلوے گروپ کمپنی نے بتایا کہ  کوویڈ کی وبا کے بعد پہلی بار اس سال سفری رش کا یہ چوٹی کا سیزن ہوگا،جس میں سیاحوں، تارکین وطن کارکنوں اور طلباء کی جانب سے سفر کی اعلی طلب سامنے آئے گی۔

اس مدت کے دوران ٹرانسپورٹیشن کی صلاحیت بڑھانے کے لیے، 10 فروری کو فیسٹیول تک یومیہ 12ہزار700 ٹرینیں اور اس کے بعد 12ہزار800 ٹرینیں چلائی جائیں گی۔ ریلوے نیٹ ورک تہوار سے پہلے 14.4 فیصد زیادہ  جبکہ 2019 کی وبا سے پہلے کی سطح کے مقابلے میں تہوار کے بعد 12.6 فیصد زیادہ مسافروں کے لیے سفری انتظامات کرے گا۔

بیجنگ (شِنہوا) چین کے صدر شی جن پھنگ اور لیسوتھو کے بادشاہ لیٹسی سوئم نےدونوں ممالک کے درمیان سفارتی تعلقات کی بحالی کی 30ویں سالگرہ کے موقع پر مبارکباد کے پیغامات کا تبادلہ کیا۔ صدرشی نے کہا کہ 30 سال قبل سفارتی تعلقات کی بحالی کے بعد سے چین اور لیسوتھو نے ایک دوسرے کے بنیادی مفادات اور اہم خدشات سے متعلق مسائل پر ایک دوسرے کی حمایت کی ہے، قومی ترقی اور احیاء کے سفر میں تعاون اور کووڈ کی وباجیسے چیلنجز سے نمٹنے میں ایک دوسرے کی مدد کرتے ہوئے بڑے اور چھوٹے ممالک کے لیے دوستانہ بقائے باہمی اور مشترکہ ترقی کی ایک اچھی مثال قائم کی ہے۔ صدرشی نے کہا کہ وہ چین اور لیسوتھو کے تعلقات کی ترقی کو بہت اہمیت دیتے ہیں اور دوطرفہ تعلقات کو مزید مستحکم کرنے اور عملی تعاون کے شعبوں کو وسعت دینے اور دوطرفہ دوستانہ تعاون پر مبنی تعلقات میں زیادہ سے زیادہ پیش رفت کے لیے سفارتی تعلقات کی بحالی کی 30ویں سالگرہ کوایک موقع  خیال کرتے ہوئے شاہ لیٹسی سوئم کے ساتھ کام کرنے کے خواہاں ہیں۔

بیجنگ (شِنہوا) چین کے صدر شی جن پھنگ اور لیسوتھو کے بادشاہ لیٹسی سوئم نےدونوں ممالک کے درمیان سفارتی تعلقات کی بحالی کی 30ویں سالگرہ کے موقع پر مبارکباد کے پیغامات کا تبادلہ کیا۔ صدرشی نے کہا کہ 30 سال قبل سفارتی تعلقات کی بحالی کے بعد سے چین اور لیسوتھو نے ایک دوسرے کے بنیادی مفادات اور اہم خدشات سے متعلق مسائل پر ایک دوسرے کی حمایت کی ہے، قومی ترقی اور احیاء کے سفر میں تعاون اور کووڈ کی وباجیسے چیلنجز سے نمٹنے میں ایک دوسرے کی مدد کرتے ہوئے بڑے اور چھوٹے ممالک کے لیے دوستانہ بقائے باہمی اور مشترکہ ترقی کی ایک اچھی مثال قائم کی ہے۔ صدرشی نے کہا کہ وہ چین اور لیسوتھو کے تعلقات کی ترقی کو بہت اہمیت دیتے ہیں اور دوطرفہ تعلقات کو مزید مستحکم کرنے اور عملی تعاون کے شعبوں کو وسعت دینے اور دوطرفہ دوستانہ تعاون پر مبنی تعلقات میں زیادہ سے زیادہ پیش رفت کے لیے سفارتی تعلقات کی بحالی کی 30ویں سالگرہ کوایک موقع  خیال کرتے ہوئے شاہ لیٹسی سوئم کے ساتھ کام کرنے کے خواہاں ہیں۔

اقوام متحد(شِنہوا) اقوام متحدہ نے شمالی غزہ میں بگڑتے ہوئے انسانی بحران کو اجاگر کرتے ہوئے کہا ہے کہ امدادی سرگرمیوں میں بڑی رکاوٹیں حائل ہیں۔

اقوام متحدہ کے سیکرٹری جنرل انتونیو گوتریس کے ترجمان سٹیفن ڈوجارک نے باقاعدہ پریس بریفنگ میں کہا کہ یکم سے 10 جنوری کے درمیان خوراک، ادویات، پانی اور دیگر جان بچانے والی 21 میں سے صرف تین  امدادی ڈیلیوری کی غزہ کے شمال میں ترسیل کی گئی ہے۔

ترجمان  نے غزہ شہر کے لیے طبی سامان اور شہر اور شمالی علاقے میں پانی اور صفائی کی سہولیات سے لےکر  ایندھن کی فراہمی کی ضرورت پر زوردیا ، اسرائیلی حکام نے ان سہولیات اور امداد تک رسائی بند کی ہوئی ہے۔

ترجمان  نے موجودہ صورتحال کا گزشتہ مہینوں سے موازنہ کیا، جس میں امداد تک رسائی میں نمایاں کمی واقع ہوئی ہے۔ "جنوری میں اب تک امداد تک رسائی کی شرح گزشتہ سال کے دسمبر میں رسائی کی شرح کے مقابلے میں نمایاں کم ہے، انہوں نے بتایا کہ امداد تک رسائی دسمبر میں 70 فیصد سے زیادہ سے کم ہوکر جنوری کے شروع میں تقریباً 14 فیصد تک پہنچ گئی ہے۔

اقوام متحدہ (شِنہوا)چین نے مغربی افریقہ اور ساحل میں امن و استحکام کے حصول، دہشت گردی کے خلاف جنگ اور معیشت کی ترقی کے لیے بین الاقوامی برادری سے کوششوں کامطالبہ کیا ہے۔

اقوام متحدہ میں چین کے نائب مستقل نمائندے دائی بنگ نے کہا کہ گزشتہ سال سے خطے کے ممالک نے امن و استحکام برقرار رکھنے کے لیے کافی کوششیں کی ہیں۔اس دوران  خطے کی صورتحال کو متعدد مشکلات اور چیلنجز کا سامنا ہے۔  داخلی طور پر سماجی تناؤ میں اضافے کے ساتھ کچھ ممالک کی سیاسی صورتحال غیر مستحکم ہے۔سلامتی کونسل میں اظہار خیال کرتے ہوئے انہوں نے کہا کہ چین علاقائی ممالک کی اپنے اندرونی اختلافات کو سیاسی بات چیت کے ذریعے حل کرنے کی حمایت کرتا ہے، تاکہ امن اور مفاہمت کے لیے حالات پیدا کیے جا سکیں۔گورننس کو بہتر اور ریاستی عملداری کو مضبوط بنا کر لوگوں میں اعتماد اور امید لانا ضروری ہے۔

کابل(شِنہوا) افغان نگران حکومت کے قائم مقام وزیر داخلہ خلیفہ سراج الدین حقانی نے انتظامی اداروں کے ترجمانوں سے کہا ہے کہ وہ ذرائع ابلاغ کے ساتھ بروقت معلومات کا تبادلہ کریں۔

سرکاری خبر ایجنسی باخترنیوز کے مطابق میڈیا کے کردارکو انتہائی اہم قرار دیتے ہوئے قائم مقام وزیر نے حکومتی ترجمانوں پر زور دیا کہ وہ میڈیا کے ساتھ دوستانہ رویہ اختیار کریں۔  رپورٹ میں کہا گیا کہ قائم مقام وزیر نے حقیقی تصویر پیش کرنے اور ملک کے حقائق کو عوام اور دنیا تک پہنچانے میں ذرائع ابلاغ  کے اداروں کی اہمیت پر بھی زور دیا۔  نگراں حکومت کے چیف ترجمان ذبیح اللہ مجاہد نے بھی میڈیا اداروں کے ساتھ دوستانہ تعلقات قائم کرنے پر زوردیتے ہوئے  حکومتی ترجمانوں سے کہا ہے کہ صحافی جب بھی رابطہ کریں ان کومعلومات فراہم کی جائیں۔

بیجنگ (شِنہوا) چینی ایئر لائنز کی سال 2023 کے دوران وقت کی پابندی کی شرح 87.8 فیصد تک پہنچ گئی۔ چین کے سول ایوی ایشن ادارے (سی اے اے سی) کے نائب سربراہ ما بنگ نے ایئر ٹریفک مینجمنٹ سسٹم کانفرنس میں بتایا کہ 2023 میں مجموعی طور پر 98لاکھ 60ہزار ٹرانسپورٹ فلائٹ ٹیک آف اور لینڈنگ کو یقینی بنایا گیا، جو گزشتہ سال سے 87.3 فیصدزیادہ ہیں۔ ما نے بتایا کہ سول ایوی ایشن ٹریفک کنٹرول سسٹم نے مسلسل 76 ماہ تک فضائی ٹریفک کنٹرول کے حفاظتی حادثات کی صفر اطلاع دی، 2023 میں ایندھن کی کھپت میں2لاکھ 10ہزار ٹن سے زیادہ  اور کاربن ڈائی آکسائیڈ کے اخراج میں6لاکھ 80ہزارٹن سے زیادہ کی کمی واقع ہوئی ہے۔ ما نے کہا کہ کنٹرول کی صلاحیت میں بہتری کے متعدد منصوبے گزشتہ سال شروع کیے گئے  اور نئے بڑے ہوائی ٹریفک کنٹرول آلات کی لوکلائزیشن کی شرح 80 فیصد سے زیادہ رہی۔

بیجنگ(شِنہوا)افریقہ سے تقریباً1لاکھ 20ہزارسے70ہزارسال قبل انسانوں کی مشرقی ایشیا میں منتقلی کی ایک بڑی وجہ شدید ایشیائی موسم گرما کا مون سون سیزن بھی تھا۔

چین کی اکیڈمی آف سائنسز کے انسٹی ٹیوٹ آف ارتھ انوائرمنٹ  اور جنوبی کوریا، اسپین اوربرطانیہ  کے محققین کی طرف سے اس حوالے سے کی گئی تحقیق رواں ہفتے امریکی جریدے پروسیڈنگز آف دی نیشنل اکیڈمی آف سائنسز (پی این اے ایس) میں شائع ہوئی۔

اس بات پر وسیع اتفاق ہے کہ  افریقی براعظم انسانوں کی جائے پیدائش ہے  اور ایشیا کے سب سے زیادہ آبادی والے جنوبی اور مشرقی علاقوں کی آب و ہوا بنیادی طور پر مون سون چکر سے متاثر ہوئی ۔ تاہم، قدیم انسانوں نے مون سون کی تبدیلیوں سے کس طرح سے نمٹا یہ انسانی ارتقاء کی تحقیق میں ایک بڑا سوال ہے۔ چینی اور غیر ملکی محققین نے اس بات کا تعین کرنے کی کوشش کی کہ ایشیائی موسم گرما کے مون سون سیزن نے آج کے انسانوں کے آباؤ اجداد ہومو سیپینز کی ہجرت میں کیا کردار ادا کیا۔ محققین نے چین کی سطح مرتفع لوایس

 کے ڈیٹا کی بنیاد پر ماضی کے ایشیائی مون سون سیزن کی ہائی ڈیفینیشن وضع  اور قدیم مشرقی ایشیا کے ہائیڈروکلیمیٹ اور قدیم انسانی رہائشی ماحول کو سیمولیٹ کیا۔ محققین نے معلوم کیا کہ گزشتہ 2لاکھ 80ہزارسالوں میں، ایشیائی موسم گرما کے مون سون سیزن  میں شمسی تابکاری، شمالی نصف کرہ میں برف کے حجم اور گرین ہاؤس گیسوں کی وجہ سے وقتاً فوقتاً تبدیلیاں آتی رہی ہیں۔

بیجنگ(شِنہوا)چین کی وزارت تعلیم نے قومی تعلیمی ورک میٹنگ میں سال 2024 کے لیے کئی اہم امور کا خاکہ پیش کیا۔

 ان  امور میں تعلیم کے ذریعے نیکی کو فروغ دینے کے بنیادی کام کو عملی جامہ پہنانے کے لیے ایک نئے ماحولیاتی نظام اور فریم ورک کی تعمیر، اعلیٰ تعلیم کے قائدانہ کردار کو تقویت دینا، ابتدائی تعلیم کی بنیاد کو مضبوط کرنا اور پیشہ ورانہ تعلیم کو عام لوگوں کے لیے مزید موافق اور پر کشش بنانا شامل ہے۔

  نئے سال کے لیے، وزارت نے تعلیم کی ڈیجیٹلائزیشن میں نئی منازل طے کرنے ، تعلیمی شعبے کے اعلیٰ معیار کے آغاز کو فروغ دینے اور اچھی تعلیمی اقدار سے متاثر ہو کر اعلیٰ صلاحیتوں کو پروان چڑھانے کی کوششوں پر بھی زور دیا۔

بیجنگ(شِنہوا)چین اور امریکہ نے جمعہ کو ویڈیو لنک کے ذریعے 2020 کی دہائی میں موسمیاتی تغیر سے نمٹنے کے لیے کوششیں بڑھانے سے متعلق اپنے ورکنگ گروپ کو فعال کیا ہے۔

ورکنگ گروپ کا آغاز سان فرانسیسکو کے اجلاس میں دونوں ملکوں کے سربراہان مملکت کے درمیان طے پانے والے اتفاق رائے پر عمل درآمد اور موسمیاتی تبدیلیوں سے نمٹنے کے لیے  چین اور امریکہ کے درمیان تعاون کو مضبوط بنانے کے لیے کیا گیا تھا۔

بیجنگ(شِنہوا)چین کے وزیر خارجہ وانگ یی اور بیلجیئم کے وزیر خارجہ ہادجا لہبیب نے  بیجنگ میں بیلجیئم کے نئے سفارت خانے کا مشترکہ طور پر افتتاح کیا۔تقریب میں چین کے دورے پرآئے بیلجیئم کے وزیر اعظم الیگزینڈر ڈی کرو نے بھی شرکت کی۔

چینی وزیر خارجہ اور کمیونسٹ پارٹی آف چائنہ کی مرکزی کمیٹی کے پولیٹیکل بیورو کے رکن وانگ یی نے چینی حکومت کی جانب سے نئے سفارت خانے کے افتتاح پر مبارکباد پیش کی۔

انہوں نے نشاندہی کی کہ چینی ثقافت میں نئی رہائش ایک نئے ماحول کا باعث ہے جس کی توقع  چین  اپنے اور بیلجیم و یورپ تعلقات سے  رکھتا ہے۔ امید ہے کہ چین میں بیلجیئم کا سفارت خانہ ایک پل کے طور پر اپنا کردار ادا کرتا رہے گا اور باہمی افہام و تفہیم کو بڑھانے، تبادلوں کو وسعت دینے اور چین اور بیلجیئم اور یورپی یونین کے درمیان تعاون کو مزید وسعت دینے کے لیے نئے کردار ادا کرے گا۔

بیجنگ(شِنہوا)چین کے وزیر خارجہ وانگ یی اور بیلجیئم کے وزیر خارجہ ہادجا لہبیب نے  بیجنگ میں بیلجیئم کے نئے سفارت خانے کا مشترکہ طور پر افتتاح کیا۔تقریب میں چین کے دورے پرآئے بیلجیئم کے وزیر اعظم الیگزینڈر ڈی کرو نے بھی شرکت کی۔

چینی وزیر خارجہ اور کمیونسٹ پارٹی آف چائنہ کی مرکزی کمیٹی کے پولیٹیکل بیورو کے رکن وانگ یی نے چینی حکومت کی جانب سے نئے سفارت خانے کے افتتاح پر مبارکباد پیش کی۔

انہوں نے نشاندہی کی کہ چینی ثقافت میں نئی رہائش ایک نئے ماحول کا باعث ہے جس کی توقع  چین  اپنے اور بیلجیم و یورپ تعلقات سے  رکھتا ہے۔ امید ہے کہ چین میں بیلجیئم کا سفارت خانہ ایک پل کے طور پر اپنا کردار ادا کرتا رہے گا اور باہمی افہام و تفہیم کو بڑھانے، تبادلوں کو وسعت دینے اور چین اور بیلجیئم اور یورپی یونین کے درمیان تعاون کو مزید وسعت دینے کے لیے نئے کردار ادا کرے گا۔

بیجنگ(شِنہوا)چین نے متعلقہ فریقوں سے بحیرہ احمر کے علاقے میں کشیدگی میں مزید اضافے سے بچنے کے لیے صبر و تحمل کا مظاہرہ کرنے کی اپیل کی ہے۔

چینی وزارت خارجہ کی ترجمان ماؤ ننگ نے یہ بات روزمرہ  کی پریس بریفنگ میں امریکہ کی طرف سےیمن کے حوثیوں پر حملے کے بارے میں پوچھے گئے سوال کے جواب  کہی جو بحیرہ احمر میں ایک تجارتی جہاز پر حوثیوں کے حملوں کے جواب کے طور پر کیا گیا۔

ماؤ  نے کہا کہ بحیرہ احمر سامان اور توانائی کے لیے ایک اہم بین الاقوامی تجارتی راستہ ہے  اور امیدہے کہ تمام متعلقہ فریق خطے میں سلامتی اور استحکام کے تحفظ کے لیے تعمیری اور ذمہ دارانہ کردار ادا کریں گے جس سے بین الاقوامی برادری کے مشترکہ مفادات  کا تحفظ ہو سکے۔

ہانگ ژو(شِنہوا) چین کےمشرقی صوبے ژے جیانگ میں ننگبو-ژوشان بندرگاہ کے ذریعے  گزشتہ سال2023 میں سامان اور کنٹینرز کی نقل و حمل میں مسلسل اضافہ ریکارڈ کیا گیا ۔

ژے جیانگ  صوبائی بندرگاہ کے جہاز رانی انتظامی مرکز کے اعدادوشمار کے مطابق بندرگاہ نے 2023 میں 1.3 ارب ٹن سے زیادہ سامان کی نقل و حمل ریکارڈ کی جو گزشتہ سال کی نسبت 4.94 فیصد زیادہ ہے۔ اس مدت کے دوران بندرگاہ کے ذریعےکنٹینر کی نقل و حمل مجموعی طور پر 3 کروڑ 53 لاکھ  بیس فٹ مساوی یونٹس (ٹی ای یوز) سے زائد رہی جو گزشتہ سال کی نسبت 5.85 فیصد کا اضافہ ظاہر کرتی ہے۔

2023 کے اختتام تک، ننگبو-ژوشان پورٹ سے کنٹینر روٹس کی تعداد 300 ہے جن میں سے 130 بیلٹ اینڈ روڈ شراکت دار ممالک  کی جانب جاتے ہیں ۔ بندرگاہ کے پاس 25 سمندری ریل کے انٹر موڈل نقل و حمل کے راستے بھی فعال ہیں جو چین کے 16 صوبوں، خود مختار علاقوں اور میونسپلٹیوں کے 65 پریفیکچر سطح کے شہروں کو جوڑنے میں مدد کرتے ہیں۔

یمن ، صنعا کے قریب امریکہ اور برطانیہ کے فضائی حملوں سے آگ بھڑک رہی ہے۔ (شِنہوا)

چین، شمال مشرقی صوبے حئی لونگ جیانگ کے صدر مقام ہاربن کی مرکزی سٹریٹ میں نصب برفانی مجسمے کے سامنے سیاح سیلفی بنارہے ہیں۔ (شِنہوا)

کینیڈا ، برٹش کولمبیا کے شہر وینکوور میں حرارت مہیا کرنے والے ایک عارضی مرکز کے باہر نشان آویزاں ہے۔ (شِنہوا) 

کوموروس ، دارالحکومت مورونی کے المعاروف اسپتال میں چینی طبی ٹیم کی رکن شو رونگ ٹنگ ایک مریضہ کا معائنہ کررہی ہے۔ (شِنہوا)

بیجنگ (شِنہوا) چین کی آبی تحفظ کے منصوبوں میں سرمایہ کاری 2023 میں ریکارڈ بلند ترین سطح پر پہنچ گئی۔ وزارت آبی وسائل کے مطابق، اس شعبے میں تقریباً 12کھرب یوآن (تقریباً 168 ارب 81 کروڑڈالر) کی سرمایہ کاری کی گئی۔ یہ سرمایہ کاری  دریائی طاس میں سیلاب پر قابو پانے، نیشنل واٹر نیٹ ورک، ہائیڈرولوجیکل انفراسٹرکچر، انٹیلیجنٹ آبی تحفظ اور دریاوں اور جھیلوں کی ماحولیاتی بحالی سے متعلق منصوبوں میں کی گئی۔ ملک میں 2023 کے دوران آبی تحفظ کے 27ہزار900 نئے منصوبے شروع کیےگے جو گزشتہ سال سے 11.5 فیصد زیادہ ہیں۔ اور تحفظ آب کے تعمیراتی منصوبوں سے گزشتہ سال تقریباً27لاکھ 40ہزار  ملازمتیں فراہم کی گئیں  جو کہ 2022 سے 8.9 فیصد زیادہ ہیں۔

شنگھائی (شِنہوا) چین اور سنگاپور کے سائنسدانوں کی ایک ٹیم نے اس بات کا تعین کرلیا ہے ایک عام مدافعتی قسم کا خلیہ سرطان میں مدد کرتا ہے جسے انسداد سرطان تھراپی میں ممکنہ طور پر ہدف بنانا مفید ثابت ہوسکتا ہے۔

جرنل سائنس میں شائع شدہ تحقیق کے مطابق نیوٹروفلس ٹیومر کی نشوونما میں معاونت کرتا ہے۔ نیوٹروفلس جسم کے سفید خون کے خلیوں میں سب سے زیادہ پایا جاتا ہے یہ انفیکشن اور زخم میں فوری ردعمل کے طور کام کرتا ہے ۔ یہ ٹیومر کے اطراف جمع ہونے کا رجحان بھی رکھتا ہے۔

شنگھائی جیاؤ ٹونگ یونیورسٹی اسکول آف میڈیسن اور سنگاپور امیونولوجی نیٹ ورک کے ماتحت  رین جی اسپتال کے محققین نے لبلبہ سرطان کے تجرباتی ماؤس ماڈل کا استعمال کرتے ہوئے دریافت کیا کہ جب یہ ٹیومرمیں داخل ہوتا ہے تو نیوٹروفلس ٹی 3 سیل سب سیٹ میں تبدیل ہوجاتا ہے جو طویل عرصے زندہ رہتا ہے۔

تحقیق کے مطابق یہ ٹی 3 خلیات جسم کے لئے "تخریب کار" بن جاتے ہیں اور نئی بلڈ ویسل کی نشوونما کو فروغ دیتے ہیں جو کم آکسیجن اور محدود غذائی اجزاء والے حصوں میں ٹیومر کو زندہ رہنے میں معاونت کرتا ہے اس لئے ٹی 3 خلیات میں کمی یا ان کے کام کرنے کی صلاحیت کو کمزور کرنے سے ٹیومر کو بڑھنے سے روکا جاسکتا ہے۔

پیکنگ یونیورسٹی کے پروفیسر ژانگ زی مِن جو اس تحقیق میں شامل نہیں تھے، نے کہا ہے کہ یہ دریافت نیوٹروفلس کو نشانہ بنانے والی امیونوتھراپیوٹک حکمت عملی تیار کرنے میں استعمال کی جاسکتی ہے جو ان کے پیتھولوجیکل ری پروگرامنگ کے عمل میں مداخلت کرکے اور ان کے بنیادی مدافعتی افعال برقراررکھتے ہوئے ٹیومر بڑھنے کے عوامل کو روک سکتی ہے۔

بیجنگ(شِنہوا)چین میں چائنہ تائی پھنگ انشورنس ہولڈنگز کمپنی لمیٹڈ کے سابق ڈپٹی جنرل منیجر شیاؤ شینگ کو رشوت خوری کے شبہ میں گرفتار کر لیا گیا ہے۔

سپریم پیپلز پروکیوریٹوریٹ (ایس پی پی) نےجمعہ کو کہا کہ اس کی نامزد کردہ ہینان پراونشل پیپلز پروکیوریٹوریٹ نے   نگرانی کے قومی کمیشن کی تحقیقات کے اختتام کے بعد گرفتاری کا فیصلہ کیا۔

   کیس کی قانونی کارروائی جاری ہے۔

بیجنگ(شِنہوا)چین کے صدر شی جن پھنگ کےخصوصی نمائندے لیو گوژونگ 15 سے 24 جنوری تک  19 ویں غیروابستہ تحریک کےسربراہ اجلاس اور یوگنڈا میں تیسرے جنوبی سربراہ اجلاس میں شرکت سمیت الجزائر، کیمرون اور تنزانیہ کا دورہ کریں گے۔

اس بات کا اعلان چینی وزارت خارجہ کی ترجمان ماؤ ننگ نے جمعہ کو کیا۔

لیو کمیونسٹ پارٹی آف چائنہ  کی مرکزی کمیٹی کے سیاسی بیورو کے رکن اور ریاستی کونسل کے نائب وزیر اعظم ہیں۔

تیان جن (شِںہوا) چین کی شمالی بلدیہ تیان جن میں جہاں ایک آٹوموٹو فیکٹری میں آٹوموبائل چیسیز اور باڈی اسٹرکچر کے پرزے ایک کے بعد ایک اسمبلی لائنز میں چلتے ہیں۔

یہ فیکٹری بینٹیلر آٹوموٹو کمپوننٹ (تیان جن) کمپنی لمیٹڈ کی ہےجو چین میں بینٹیلر گروپ کے 16 پلانٹس میں سے ایک ہے جو اعلی درجے کی کار کمپنیوں کے لئے پرزے اور ماڈیولز تیار کرتی ہے۔

کمپنی کے لانچ منیجر کلاؤس ہانس مائر نے کہا کہ کمپنی نے مارچ 2023 تک نئی پروڈکشن لائنز کی تعمیر کے لئے تیان جن میں 26 کروڑ یوآن (تقریباً 3 کروڑ 66 لاکھ امریکی ڈالر) کی سرمایہ کاری کی تھی جس میں 2023 میں 10 کروڑ یوان کی اضافی سرمایہ کاری  شامل ہے۔ کلاؤس ہانس مائر گزشتہ 11 برس سے چین میں کام کررہے ہیں۔

ہانس مائرنے کہا کہ 2023 میں مجموعی فروخت گزشتہ برس کی نسبت دگنی ہوئی تھی۔ کمپنی پیداواری لائنز کو اپ گریڈ کرنے کے لئے 2027 سے قبل مزید 30 کروڑ یوآن کی سرمایہ کاری کا ارادہ رکھتی ہے۔

ہنس مائر نے کہا کہ ہم ایشیا بحرالکاہل کاروبار کو اپنے گروپ کی ترقی میں ریڑھ کی ہڈی سمجھتے  ہیں اور چین اس میں دل کی حیثیت رکھتا ہے۔

کمپنی تقریباً 50 مربع کلومیٹر پر محیط  تیان جن بائی چھن اقتصادی اور تکنیکی ترقیاتی خطے میں قائم 10 سے زائد کمپنیوں میں سے ایک ہے۔

صعنا (شِنہوا) امریکہ اور برطانیہ نے جمعے کی علی الصبح یمن کے دارالحکومت صنعا کے ارد گرد حوثیوں کے فوجی ٹھکانوں پر متعدد فضائی حملے کئے ہیں۔

حوثیوں کے زیر انتظام صبا نیوز ایجنسی اور رہائشیوں نے بتایا ہے کہ امریکہ، اسرائیل اور برطانیہ نے دارالحکومت صنعا ،حدیدہ، سعدہ اور ظامر گورنریٹس پر متعدد حملے کئے ہیں۔

رپورٹ کے مطابق ان حملوں میں صنعاء میں الضالمی ایئر بیس، صوبہ حدیدہ کے ضلع زابد کے علاقوں، حدیدہ بندرگاہی شہر کے ہوائی اڈے کے اطراف کے علاقے، شمالی سعدہ شہر کے مشرق میں کہلان کیمپ اور شمال مغربی حکومت حجہ کے ضلع عبس کے ہوائی اڈے کو نشانہ بنایا گیا۔

صنعا کے اطراف پہاڑوں پر کم از کم 4 طاقتور فضائی حملے کیے گئے جس سے گھروں کی کھڑکیاں ٹوٹ گئی اور کئی علاقوں میں بجلی کی فراہمی منقطع ہوگئی۔ مقامی افراد نے بتایا کہ حوثیوں نے صنعا کے وسط میں رہائشی بستیوں سے متصل بہت سے کیمپس خالی کرالئے ہیں۔

امریکہ اور برطانیہ نے حوثی باغیوں کے بحری جہازوں پر حملے سے روکنے کے لیے حوثی ٹھکانوں پر فضائی حملوں کا اعلان کیا تھا ۔ جس کے بعد بھری ہوئی گاڑیاں رات بھر کیمپس سے نکلتی نظر آئیں۔

سڑکوں پر قائم چیک پوسٹوں پر بھی حوثی جنگجو تعینات کردیئے گئے ہیں۔