غزہ کے المغازی کیمپ پر اسرائیلی بمباری میں 11سال کی بچی شہید ہوگئی،المغازی مہاجرین کیمپ میں رہنے والی 11سالہ سیلا نے شہادت سے ایک دن قبل ڈائری لکھی تھی جس کی کہانی سوشل میڈیا پر وائرل ہوئی تھی،سیلا نے لکھا تھا کہ ہم صبح ساڑھے7بجے اٹھے مگرناشتہ نہیں ملا، دیگربچوں کے ساتھ کھیلاہمیں بہت مزا آیا،میڈیا رپورٹ کے مطا بق سیلا کے ساتھ کھیلنے والے دیگربچے بھی شہید ہوگئے۔

کریڈٹ: انڈیپنڈنٹ نیوز پاکستان-آئی این پی

غزہ کے مرد و خواتین، بچوں اور بوڑھوں سے تضحیک آمیز اسرائیلی سلوک کی ایک اور ویڈیو سامنے آگئی، ویڈیو میں دیکھا جاسکتا ہے کہ ایک اسٹیڈیم میں بچے اور بڑے مردوں کو برہنہ کرکے قطار میں کھڑا کیا گیا،اسرائیل کی قید سے چھوٹ کر واپس غزہ آنے والے فلسطینیوں نیبدترین تشدد کے حوالے سے شکایات کرتے ہوئے کہا کہ برہنہ کرکے ذہنی اور جسمانی تشدد کا نشانہ بنایا گیا، غیر انسانی حربے آزمائے گئے۔

کریڈٹ: انڈیپنڈنٹ نیوز پاکستان-آئی این پی

اقوام متحدہ کے فلسطین کے لئے خصوصی رپورٹر آلبنیز نے کہا ہے کہ سریبرینیٹسا اور روانڈا کی طرح غزہ کا قتل عام بھی دنیا کی اجازت سے کیا جا رہا ہے،اقوام متحدہ کے خصوصی رپورٹر فرانسسکا آلبنیز نے سوشل میڈیا پیج سے جاری کردہ پیغام میں اقوام متحدہ کے ہائی کمشنر دفتر برائے حقوقِ انسانی کے شیئر کردہ اور اسرائیل کو، غزہ کے محلے الرمال میں11نہتے فلسطینیوں کے ان کے کنبوں کے سامنے قتل کرنیکا قصوروار ٹھہرانے سے متعلق پیغام کا حوالہ دیا اور کہا ہے کہ "اگر بغور دیکھیں تو آپ کو غزہ کا قتل عام دیگر شہری قتل عاموں سے مختلف دِکھائی نہیں دے گا نسل کشی کوئی اقدامِ واحد نہیں بلکہ ایک مرحلہ ہے جس کا سدباب کیا جانا ضروری ہے لیکن حقیقت یہ ہے کہ بالکل سربرینیٹسا اور روانڈا کے قتل عاموں کی طرح غزہ کا قتل عام بھی دنیا کی اجازت سے کیا جا رہا ہے،آلبنیز نے اپنے پیغام میں ایک اور سوشل میڈیا پیغام کا حوالہ دیا ہے جس میںکہا گیا ہے کہ 'غزہ میں شہری قتل عام اور بچوں کا قتل عام فرانس، امریکہ، برطانیہ، یوکرین، اٹلی، جرمنی، جنوبی افریقہ اور انڈیا سے آنے والے کرائے کے فوجیوں کر رہے ہیں لیکن کوئی بھی انہیں غیر ملکی دہشت گرد جنگجو نہیں کہہ رہا'۔ اس حوالے کے ساتھ آلبنیز نے کہا ہے مقبوضہ فلسطینی زمینوں سمیت بیرونی ممالک میں جنگی جرائم کا ارتکاب کرنے والوں پر ان کی شہریت کے ممالک میں عدالتی کاروائی کے لئے ان ممالک کے عدالتی نظام پر دباو ڈالا جانا چاہیے۔

کریڈٹ: انڈیپنڈنٹ نیوز پاکستان-آئی این پی

اقوام متحدہ کے خصوصی نمائندے برائے رہائشی حقوق بالاکرشنن راجگوپال نے کہا کہ اگر عالمی فوجداری عدالت غزہ میں اسرائیل کے جنگی جرائم پر بہت کم وقت میں کارروائی نہیں کرتی ہے تو ایک نئی بین الاقوامی عدالت قائم کی جانی چاہئے،سوشل میڈیا ایکس پر اپنے پیغام میںاقوام متحدہ کے خصوصی نمائندے راجگوپال نے کہا کہ غزہ میں جو کچھ ہوا وہ ادارہ جاتی استثنی کی صورت حال کا نتیجہ تھا،جہاں اقوام متحدہ کے نمائندے اور انسانی حقوق کی تنظیمیں غزہ میں شہریوں کو نشانہ بنانے والے اسرائیل کے حملوں اور اجتماعی سزا کے اقدامات کو نسل کشی سے تعبیر کرتی ہیں وہیں عالمی فوجداری عدالت کے چیف پراسیکیوٹر کریم خان کو ذمہ داروں خاص طور پر اسرائیلی وزیراعظم بن یامین نیتن یاہو کی گرفتاری کے وارنٹ جاری کرنے جیسے احتیاطی اقدام نہ کرنے پر تنقید کا نشانہ بنایا جا رہا ہے۔

کریڈٹ: انڈیپنڈنٹ نیوز پاکستان-آئی این پی

فرانس کے صدر نے غزہ میں قائم چرچ کے بھی اسرائیلی جنگ کی زد میں آجانے پر تشویش کا اظہار کیا ہے،صدارتی دفترکے مطابق ،انہوں نے اس سلسلے میں مشرقی القدس میں لاطینی چرچ کے سرپرست کارڈینل پیئرباٹیسٹا پیزابالا کے ساتھ ٹیلی فون پر بات کرتے ہوئے کیا ہے،بیان میں کہا گیا ہے کہ جب سے اسرائیل اور حماس کی جنگ کے دوران بہت افسوسناک صورت حال موجودہے،ان کا کہنا تھا کہ دو ماہ سے زیادہ مدت ہو چکی ہے اور سینکڑوں شہری بلا شبہ بمباری اور گولیوں کی زد میں ہیں حتی کہ چرچ میں عبادت کرنے والی ضعیف اور معذوروں کی خدمت پر مامور راہباہیں بھی نشانہ بنی ہیں،لاطینی چرچ کے سرپرست نے کہا سولہ دسمبر کو اسرائیلی فوجیوں نے بڑی بے رحمی کے ساتھ ایک مسیحی خاتون اور اس کی بیٹی کوغزہ میں ہلاک کردیا ہے۔

کریڈٹ: انڈیپنڈنٹ نیوز پاکستان-آئی این پی

یورپی پارلیمنٹ میں آئرش بائیں گروپ کی رکن کلیئر ڈالی نے یورپی یونین کمیشن کی سربراہ ارسولا وان ڈر لئین کو 'میڈم نسل کشی' کے نام سے مخاطب کرتے ہوئے یورپی پارلیمنٹ کی جنرل کمیٹی میں یورپی یونین کی سول سوسائٹیوں کے لئے تیار کئے جانے والیڈیموکریسی پیکیج پر تنقید کی ہے انہوںنے کہا کہ یورپی یونین، جمہوریت کا قلعہ نہیں جمہوریت کی تحقیر کرنے والا ادارہ بن چکا ہے،ڈالی نے مذکورہ پیکیج کے وان ڈر لئین کی زیرِ قیادت تیار ہونے کا ذکر کیا اور لئین کے اسرائیل کے ساتھ تعاون پر تنقید کرتے ہوئے کہا کہ اپنے شہریوں سے ایک بھی ووٹ لئے بغیر اقتدار میں آنے والی اور حالیہ دو مہینوں کو منتخب حکومتوں کی خارجہ پالیسی کو مفلوج کرنے میں خرچ کرنے والی یہ شخصیت ایک ایسی وحشی اور امتیاز پسند انتظامیہ کی تعریف و تحسین کر رہی اور اسے حقیقی جمہوریت قرار دے رہی ہے جس نے بچوں سے بھرے شہر کو نیست ونابود کر دیا ہے۔ بہت بہت شکریہ ہمیں جمہوریت کے ایسے محافظ نہیں چاہیئں۔ڈالی نے کہا کہ "وان ڈر لیئن کو "میڈم نسل کشی" کا خطاب دے کر میں سمجھتی ہوں کہ میں نے بہت سے یورپی شہریوں کی ترجمانی کر رہی ہوں"یورپی یونین کی آئرش رکن ' کلیئر ڈالی' کا یہ خطاب سوشل میڈیا پر تیزی سے وائرل ہو گیا ہے۔ڈالی نے ڈر لیئن کے منتخب ہوئے بغیر اقتدار میں آنے پر اور یورپی یونین اور رکن ممالک کی طرف سے بات کرنے پر تنقید کی تھی۔

کریڈٹ: انڈیپنڈنٹ نیوز پاکستان-آئی این پی

اسرائیل کے وزیراعظم نیتن یاہو نے کہا ہے کہ غزہ میں جنگ جلد ختم نہیں ہوگی،اسرائیلی وزیراعظم نے اپنی پارٹی کے ارکان سے خطاب میں کہا کہ حماس کے خلاف جنگ میں شدت لائیں گے، غزہ میں جنگ جلد ختم نہیں ہوگی،انہوں نے کہا کہ غزہ میں آنے والے دنوں میں لڑائی کو مزید تیز کریں گے، یہ ایک طویل لڑائی ہوگی، غزہ میں کارروائی کرنے والے اسرائیلی فوجی بھی طویل جنگ کے حق میں ہیں۔

کریڈٹ: انڈیپنڈنٹ نیوز پاکستان-آئی این پی

اسرائیل کے نہتے فلسطینیوں پر مظالم جاری ہیں ، غزہ پراسرائیل کی وحشیانہ بمباری میں مزید شدت آ گئی،فلسطینی وزارت صحت کے مطابق غزہ میں گزشتہ چوبیس گھنٹوں کے دوران 250فلسطینی شہید جبکہ 500زخمی ہوگئے ہیں،عرب میڈیا کے مطابق غزہ کی جنگ کے 80ویں دن اسرائیل نے غزہ کی پٹی میں شدید بمباری کی، مغربی کنارے کے شہر بیت اللحم میں فلسطینیوں کے لیے کرسمس کی ایک اداس رات کے بعد شہری فاقہ کشی کا شکار ہیں،فلسطینی عوام کے مصائب کے خاتمے کے لیے کسی فوری جنگ بندی کے آثار نظر نہیں آ رہے، غزہ میں قحط کا منظر ہے اور پٹی میں ہر طرف تباہی کے مناظر ہیں اور تمام مکینوں کے اسرائیلی جارحیت یا بھوک کے باعث ختم ہوجانے کے خدشات پیدا ہو رہے ہیں، حالیہ پیش رفت میں فلسطینی طبی حکام نے بتایا ہے کہ وسطی غزہ کی پٹی پر اسرائیلی فضائی حملے میں شہدا کی تعداد 106ہو گئی ہے، یہ اعلان اتوار کی شب المغازی پناہ گزین کیمپ میں ہونے والے فضائی حملے کو غزہ پر مہلک ترین فضائی حملوں میں شامل کر رہا ہے،گزشتہ روز اسرائیلی فوج نے وادی غزہ کے قریب البریج کیمپ کے مکینوں سے فوری طور پر انخلا کا مطالبہ کیا، غزہ کی پٹی کے اطراف میں واقع بستیوں پر دوبارہ میزائلوں کی بمباری کی اطلاع دی،کرسمس کے موقع پر غزہ کی پٹی میں بمباری ایک لمحے کے لیے بھی نہیں رکی ، پیر کی صبح فلسطینی میڈیا نے اطلاع دی ہے کہ جنوبی غزہ کی پٹی میں خان یونس میں ایک گھر پر اسرائیلی فوج کے چھاپے میں 23افراد شہید ہوگئے جبکہ الزوائدہ کے چھوٹے سے گائوں کے قریب بھی ایک بم دھماکے میں 12افراد چل بسے۔

کریڈٹ: انڈیپنڈنٹ نیوز پاکستان-آئی این پی

بالاکوٹ میں گھنول تھانواں کے مقام پر جیپ حادثہ کا شکار ہو کر کھائی میں جا گری، جس کے نتیجے میں دوافراد جاں بحق ہوگئے ۔ ریسکیو حکام کے مطابق حادثہ اتنا شدید تھا کہ گاڑی میں سوار افراد موقع پر ہی جاں بحق ہو گئے ، حادثے میں مقامی جنرل کونسلر سمیت دو افراد جان کی بازی ہار گئے ۔ ریسکیو کی جانب سے جاں بحق افراد کو کھائی سے نکال کر ہسپتال منتقل کیا جارہا ہے۔

کریڈٹ: انڈیپنڈنٹ نیوز پاکستان-آئی این پی

پاک فوج اور فرنٹیئر کور نارتھ کی جانب سے خیبر پختونخوا میں تعلیم سب کے لییمہم کامیابی سے جاری ۔ تفصیلات کے مطابق پاک فوج اور فرنٹیئر کور نارتھ کی جانب سے تعلیم سب کیلیے مہم کے تحت یتیم بچوں کے لیے مالاکنڈ میں کفالت یتیم خانہ بھی تعمیر کیا گیا ہے۔ جہاں یتیم بچوں کا تعلیمی اداروں میں داخلہ کروانے کے ساتھ انہیں تمام اخراجات بھی مہیا کیے گئے ہیں۔ اس کے ساتھ ساتھ کفالت یتیم خانہ میں بچیوں کے لئے کلاسز کی سہولیات بھی فراہم کر دی گئیں۔ گرلز کمیونٹی سینٹر میں خواتین اساتذہ کی مدد سے بچیوں کو تعلیم دی جا رہی ہے۔ اہل علاقہ نے پاک فوج اور فرنٹیئر کور نارتھ کے اس اقدام کو سراہا ہے۔ واضح رہے کہ پاک فوج اور فرنٹیئر کور خیبرپختونخوا حکومت کے اشتراک سے صوبے بھر میں علم کی روشنی پھیلانے میں مصروف ہیں۔ خیبرپختونخوا میں پاک فوج کا "علم ٹولو دا پارہ" یعنی (تعلیم سب کیلیے) پروگرام کے تحت 9 پائلٹ پراجیکٹس پر ہنگامی بنیادوں پر کام شروع کردیا گیا۔ پروگرام کا مقصد نوجوانوں کو علم کے زیور سے آراستہ کر کے ملکی ترقی و خوشحالی میں حصہ دار بنانا ہے۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ میں سموگ کے تدارک کے لیے دائر درخواستیں سماعت کے لیے مقرر کر دی گئی ہیں۔ لاہور ہائی کورٹ کے جسٹس شاہد کریم 29 دسمبر کو شہری ہارون فاروق سمیت دیگر کی درخواستوں پر سماعت کریں گے۔ واضح رہے کہ عدالت نے مختلف سرکاری محکموں سے عملدرآمد رپورٹس طلب کر رکھی ہیں جبکہ درخواستوں میں سموگ پر قابو پانے کے لیے اقدامات کرنے کا حکم دینے کی استدعا کی گئی ہے۔

کریڈٹ: انڈیپنڈنٹ نیوز پاکستان-آئی این پی

نگران وزیراعلی پنجاب محسن نقوی نے کہا ہے کہ مزار بی بی پاکدامن کو 31دسمبر تک زائرین کیلئے کھول دیا جائے گا۔ وزیراعلی پنجاب نے مزار بی بی پاکدامن کی تزئین و آرائش اور توسیعی منصوبے کا تفصیلی دورہ کیا، محسن نقوی نے پراجیکٹ پر پیشرفت کا جائزہ لیا اور جاری کاموں کا مشاہدہ کیا، انہوں نے مزار کے مرکزی حصے اور گنبدوں کی تزئین و آرائش کے کام کا مشاہدہ کیا، مزار کی چھت اور گنبدوں کا معائنہ بھی کیا۔ محسن نقوی نے دئیے جلانے کیلئے علیحدہ جگہ مختص کرنے اور مزار کے مرکزی حصے میں خوبصورت لائٹس لگانے کی ہدایت کی۔ اس موقع پر وزیراعلی محسن نقوی نے گفتگو کرتے ہوئے کہا کہ مزار کی تزئین و آرائش کے تمام کام اعلی معیار کے ساتھ مکمل کئے جائیں، مزار کے راستے کو کشادہ کرنے کا کام جلد مکمل کیا جائے، راستہ کشادہ ہونے سے زائرین کو آمدورفت میں سہولت ملے گی۔ وزیراعلی نے سیکرٹری تعمیرات و مواصلات اور سیکرٹری اوقاف کو منصوبے کی جلد تکمیل کیلئے ہدایات دیں، محسن نقوی نے مزار پر پاکستان کی ترقی و خوشحالی، استحکام اور فلسطینی مسلمانوں کی سلامتی کیلئے دعا بھی کی۔ صوبائی وزرا منصور قادر، اظفر علی ناصر، عامر میر، مشیر وہاب ریاض، انسپکٹر جنرل پولیس ڈاکٹر عثمان انور، سیکرٹریز، کمشنر اور ڈپٹی کمشنر لاہور، سی ٹی او لاہور، چیف انجینئر بلڈنگز محکمہ تعمیرات و مواصلات، ڈائریکٹر پراجیکٹس محکمہ اوقاف، آغا شاہ حسین قزلباس اور متعلقہ حکام بھی اس موقع پر موجود تھے۔

کریڈٹ: انڈیپنڈنٹ نیوز پاکستان-آئی این پی

مشیر برائے ہوا بازی ایئر مارشل(ر)فرحت حسین نے کہا ہے کہ پی آئی اے کی ٹینڈر کے ذریعے نجکاری کی جائے، پی آئی اے کی نجکاری کا عمل ستمبر میں نجکاری کمیشن کے سپرد کر دیا گیا ، کابینہ کی منظوری سے تمام پراسیس ہو رہا ہے،انڈونیشیا سے ایک جہاز واپس آگیا ہے ایک اگلے ماہ واپس آجائے گا،پی آئی اے ائیر لائن کی سب سے پہلے نجکاری کی جائے ، پی آئی اے کے اثاثوں کو الگ رکھا جائے گا ، سابقہ حکومت کی پالیسی کے تحت 3 ائیر پورٹ کی آوٹ سورسنگ ہونی ہے، اوپن بڈز کے ذریعے ائیر پورٹ کی آوٹ سورسنگ کی جا رہی ہے۔ پیر کو سینیٹ اجلاس میں پاکستان انٹرنیشنل ایئرلائن ((پی آئی اے ) کی نجکاری کا معاملہ زیر بحث آیا ۔ سینیٹر ڈاکٹر زرقا سہروردی نے سوال کیا کہ پی آئی اے کے حوالے سے کئی سوالات اٹھ رہے ہیں، ہمارے جہاز باہر انڈونیشیا میں کھڑے ہیں، جرمنی کے حوالے سے بھی بات کی گئی کہ جہاز کھڑے ہیں جن پر لاکھوں ڈالرز خرچ ہو رہے ہیں؟ ان کے سوالات پر مشیر برائے سول ایوی ایشن نے جواب دیا کہ جو جہاز ہائر کیے جاتے ہیں ان کا رینٹ ہوتا ہے، یہ جہاز 2015 میں لیے گئے، یہ دونوں جہاز 20 کروڑ ڈالرز کے تھے، ہم نے 2.6 کروڑ ڈالرز ادا کیے ہیں، ایک جہاز واپس آگیا ہے ایک جہاز اگلے ماہ واپس آجائے گا، یہ دونوں جہاز اب پی آئی اے کا حصہ ہیں۔ مشیر برائے ہوا بازی ایئر مارشل(ر)فرحت حسین کا کہنا تھا کہ 7 اگست تک پی آئی اے کو نجکاری کی فہرست میں شامل کر لیا گیا تھا، پی آئی اے کی نجکاری کا عمل ستمبر میں نجکاری کمیشن کے سپرد کر دیا گیا ، کابینہ کی منظوری سے تمام پراسیس ہو رہا ہے، 31 دسمبر تک نجکاری کے حوالے سے فریم ورک دیا جانا ہے ، پی آئی اے کی ائیر لائن اور اثاثے ہیں۔ انہوں نے کہا کہ پی آئی اے ائیر لائن کی سب سے پہلے نجکاری کی جائے ، پی آئی اے کے اثاثوں کو الگ رکھا جائے گا اور ٹینڈر کے ذریعے اس کی نجکاری کی جائے، ائیر پورٹ مینیجمنٹ پیچیدہ معاملہ ہے، دہلی ائیر پورٹ بھی آوٹ سورس ہے، سابقہ حکومت کی پالیسی کے تحت 3 ائیر پورٹ کی آوٹ سورسنگ ہونی ہے، اوپن بڈز کے ذریعے ائیر پورٹ کی آوٹ سورسنگ کی جا رہی ہے۔

کریڈٹ: انڈیپنڈنٹ نیوز پاکستان-آئی این پی

جہلم سے امیدواروں کے 15 تائید کنندگان اور تجویز کنندگان کو گرفتار کر لیا گیا۔ جہلم پولیس نے بتایا کہ فواد چوہدری، چوہدری ظفر اقبال اور فوق شیر باز کے تائید کنندگان کو گرفتار کیا گیا ہے۔ پولیس نے بتایا کہ دوران آپریشن چوہدری ثقلین کے تائید کنندہ کو بھی گرفتار کیا گیا، جبکہ چوہدری طیب ایڈووکیٹ کو رات گئیگرفتاری کے بعد چھوڑ دیا گیا۔ پولیس کا کہنا تھا کہ مزید تائید کنندگان اور تجویز کنندگان کی گرفتاریوں کے لیے آپریشن جاری ہے۔

کریڈٹ: انڈیپنڈنٹ نیوز پاکستان-آئی این پی

ا سلام آباد کی انسداد دہشت گردی کی عدالت نے پشتون تحفظ موومنٹ (پی ٹی ایم )کے سربراہ منظور پشتین کی ضمانت منظور کر لی۔ عدالت کی جانب سے منظور پشتین کی 2 مقدمات میں درخواست ضمانت منظور کی گئی ہے۔ اسلام آباد کی انسداد دہشت گردی کی عدالت نے منظور پشتین کی 30، 30 ہزار روپے کے مچلکوں کے عوض ضمانتیں منظور کی ہیں۔ واضح رہے کہ پشتون تحفظ مومنٹ (پی ٹی ایم) ) کے سربراہ منظور پشتین کو رواں ماہ چمن میں گرفتار کیا گیا تھا۔

کریڈٹ: انڈیپنڈنٹ نیوز پاکستان-آئی این پی

سیکریٹری اسٹیبلشمنٹ نے الیکشن کمیشن آف پاکستان سے آئی جی اکبر ناصر خان اور ڈپٹی کمشنر اسلام آباد عرفان نواز میمن کو عہدے سے ہٹانے کے اپنے فیصلے پر نظر ثانی کرنے کی درخواست کی ہے۔ سیکریٹری اسٹیبلشمنٹ نے کہا کہ اسلام آباد میں امن و امان کے حوالے سے بھی رپورٹ ہے، وزیراعظم انوار الحق کاکٹر نےآئی جی اور ڈی سی اسلام آباد کے تبادلے کے لیے اجازت دے دی ہے۔ انہوں نے کہا کہ وزارت داخلہ نیکہا ہے ان دونوں افسران کو برقرار رکھا جائے، الیکشن کمیشن افسران کے حوالے سے فیصلے پر نظر ثانی کرے۔ سیکریٹری اسٹیبلشمنٹ کی درخواست پر چیف الیکشن کمیشن کمشنر سکندر سلطان راجا نے کہا کہ وزارت داخلہ کی رپورٹ کو ہم دیکھ لیں گے، آپ کل تک دونوں عہدوں کے لیے پینل دیکھیں۔ واضح رہے کہ الیکشن کمیشن آف پاکستان کے احکامات پر عمل کرتے ہوئے گزشتہ روز آئی جی اسلام آباد اکبر ناصر خان اور ڈپٹی کمشنر عرفان نواز مین ہٹانے کا فیصلہ کیا گیا تھا۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف نے انٹرا پارٹی انتخابات پر الیکشن کمیشن کے فیصلے کو پشاور ہائی کورٹ میں چیلنج کر دیا۔ درخواست میں پی ٹی آئی کے وکلا نے الیکشن کمیشن کے فیصلے کو کالعدم قرار دینے کے استدعا کی ہے۔ قبل ازیں پی ٹی آئی رہنما بابر اعوان نے پشاور ہائی کورٹ میں میڈیا سے گفتگو کے دوران کہا کہ پی ٹی آئی کا انتخابی نشان بلا تھا اور بلا ہی رہے گا۔ ان کا کہنا ہے کہ بانی پی ٹی آئی چیئرمین تھے اور رہیں گے، الیکشن کمیشن کے فیصلے کو چیلنج کر رہے ہیں، سپریم کورٹ میں بھی توہین عدالت کا کیس دائر کرنے جا رہے ہیں۔ انہوں نے بتایا کہ سپریم کورٹ نے کہا ہے کہ الیکشن میں جو بھی رکاوٹ ڈالے گا اس کے خلاف توہین عدالت کا مقدمہ ہو گا۔ بابر اعوان کا یہ بھی کہنا ہے کہ پنجاب میں پی ٹی آئی کے ساتھ پری پول ریگنگ ہو رہی ہے، امیدواروں سے کاغذات نامزدگی تک چھینے گئے۔

کریڈٹ: انڈیپنڈنٹ نیوز پاکستان-آئی این پی

الیکشن کمیشن آف پاکستان نے پاکستان تحریک انصاف کی مخصوص نشستوں پر سکروٹنی روک دی۔ عام انتخابات 2024 میں حصہ لینے والے قومی اور صوبائی اسمبلی کے امیدواروں کی مخصوص نشستوں پر کاغذات نامزدگی کی جانچ پڑتال کا سلسلہ جاری ہے۔ ترجمان صوبائی الیکشن کمشنر پنجاب کا کہنا ہے کہ مخصوص نشستوں پر پی ٹی آئی کی خواتین کے کاغذات نامزدگی کی جانچ پڑتال نہیں ہوگی، انٹرا پارٹی فیصلے کے بعد پی ٹی آئی کی مخصوص نشستوں کی سکروٹنی روکی گئی گئی ہے۔ الیکشن کمشنر پنجاب کے ترجمان کا کہنا ہے کہ معاملہ عدالتوں میں زیر سماعت ہے، فیصلہ آنے تک سکروٹنی نہیں ہوگی۔ دوسری جانب پی ٹی آئی کی خواتین آر او سے تحریری طور پر سکروٹنی نہ کرنے کا لکھوا کر واپس جانے لگی، صوبائی الیکشن کمیشن آفس میں پی ٹی آئی خواتین نے شدید احتجاج بھی کیا۔

کریڈٹ: انڈیپنڈنٹ نیوز پاکستان-آئی این پی

فیصل آباد کی کاشتکار برادری کو نہری پانی کی شدید قلت کا سامنا ہے اور وہ اس متنازعہ مسئلے کو حل کرنے کے لیے آبپاشی کے موجودہ نظام کو بہتر بنانے پر زور دے رہے ہیں۔ویلتھ پاک سے بات کرتے ہوئے چک لاشاریاں کے ایک کاشتکار کاشف حسین نے بتایا کہ ان کے علاقے کے کئی لوگ بجلی، ڈیزل یا شمسی توانائی سے چلنے والے ٹیوب ویلوں کی مدد سے اپنی زمینوں کو سیراب کر رہے ہیں لیکن اس پر انہیں بہت زیادہ خرچہ آ رہا ہے۔نہری پانی کی قیمت ہمارے لیے کچھ نہیں ہے کیونکہ ہمیں معمولی سالانہ فیس ادا کرنی پڑتی ہے لیکن ٹیوب ویل کی صورت میں ایک کسان کو صرف ایک ایکڑ زمین کو سیراب کرنے کے لیے دس ہزارروپے سے زیادہ خرچ کرنا پڑتا ہے۔ میرے گاوں میں، پرانا ڈرین سسٹم کام کر رہا ہے لیکن پیداوار بڑھانے اور کسانوں کی مشکلات کو کم کرنے کے لیے اسے از سر نو بنانے کی ضرورت ہے۔ریکارڈ کے مطابق، پنجاب کا میگا ایریگیشن نیٹ ورک 21.71 ملین ایکڑ 8.79 ملین ہیکٹرقابل کاشت کمانڈ ایریا کو پورا کرتا ہے۔ 50فیصدسے زیادہ زرعی پیداوار دنیا کے سب سے بڑے آبپاشی کے نظاموں میں سے ایک کے ذریعے سیراب ہونے والی کھیتوں سے حاصل ہوتی ہے۔حکومت کو نہری پانی کی فراہمی کا جائزہ لینے کے لیے ایک سروے شروع کرنا چاہیے۔ کاشف حسین نے مزید کہا کہ یہ طریقہ یقینا کاشتکار برادری کے پانی سے متعلق مسائل کو حل کرے گا اور پیداوار میں اضافہ کرے گا۔سرگودھا روڈ کے ایک کسان عبدالحق نے کہا کہ پانی کی کمی اور اس کی چوری کسانوں کو مختلف مسائل سے دوچار کر رہی ہے

۔جب ایک کسان کو اپنی زمین کو بروقت سیراب کرنے کے لیے پانی نہیں ملتا تو وہ اچھی فصل کیسے حاصل کر سکتا ہے؟ یہ صورت حال کسانوں کو خراب معاشی حالت کی طرف دھکیل دے گی اور انہیں اپنی روزی کمانے کے لیے متبادل طریقوں کا انتخاب کرنا پڑے گا۔ریکارڈ سے کوئی بھی دیکھ سکتا ہے کہ پانی کی تقسیم ان لوگوں کے درمیان تنازعہ کی وجہ بنی ہوئی ہے جن کی زمینیں ان کی سرحدیں بانٹتی ہیں۔ متعدد بار، اس مسئلے کی وجہ سے شدید جھڑپیں ہوئیں۔ اس کے علاوہ، پانی کی تقسیم غیر مساوی ہے، اس مسئلے کو مستقل بنیادوں پر حل کرنے کے لیے حکومت کی توجہ کی ضرورت ہے تاکہ کسان زراعت پر توجہ دے سکیں۔زرعی ماہر شاہد اقبال نے کہا کہ پانی کی کمی کسانوں کے لیے ایک بڑا مسئلہ ہے اور اسے فوری حل کرنے کی ضرورت ہے۔ انہوں نے کہا کہ ٹیلنڈر سب سے زیادہ کمزور ہیں، جنہیں فصل کی پیداوار سے سمجھوتہ کرنا پڑا۔انہوں نے کہا کہ مشترکہ زمینی حدود بھی مسائل پیدا کر رہی ہیں، جو اکثر پڑوسیوں کے درمیان جھگڑے کو جنم دیتی ہیں۔انہوں نے کہا کہ کسان بعض اوقات جان بوجھ کر قریبی کھیتوں کے پل کو نقصان پہنچاتے ہیں تاکہ انہیں جلد زیادہ پانی مل سکے۔انہوں نے کہا کہ پاکستان میں کبھی پانی کی فراوانی تھی لیکن اب صورتحال بد سے بدتر ہوتی جا رہی ہے۔لگتا ہے لوگ اس مسئلے سے نمٹنے میں سنجیدہ نہیں ہیں۔ زیادہ تر کام عملی طور پر کرنے کے بجائے کاغذ پر کیے جاتے ہیں۔ایک اور کسان، سبی نے کہا کہ آبپاشی کا موجودہ نظام ان کی ضروریات کو پورا نہیں کر رہا ہے، حالانکہ بڑھتی ہوئی ہاوسنگ کالونیوں کی وجہ سے زرعی زمین کا حجم ہر گزرتے دن کے ساتھ تیزی سے کم ہو رہا ہے۔ہمارا آبپاشی کا نظام دہائیوں پرانا ہے، پانی کے ناقص انتظام اور رساو کی وجہ سے نمایاں نقصانات کا شکار ہے۔ اس صورت حال کی وجہ سے، ہم پانی کا ایک بڑا حصہ کھو رہے ہیں، جو آبپاشی کے لیے بہت ضروری ہے۔

کریڈٹ: انڈیپنڈنٹ نیوز پاکستان-آئی این پی

ملک میں ویلیو ایڈڈ ٹیکس کے نظام میں گہرائیوں سے خامیاں سرایت کر گئی ہیں جو ٹیکس وصولی کے اہداف کو پورا کرنے میں حکومت کی صلاحیت کو مسلسل محدود کر رہی ہیں۔ پاکستان انسٹی ٹیوٹ آف ڈویلپمنٹ اکنامکس کے وائس چانسلر ندیم الحق نے ویلتھ پاک سے بات کرتے ہوئے زور دیاکہ ضروری پالیسی اصلاحات کے ذریعے خامیوں سے نمٹنا مناسب ہے۔فیڈرل بورڈ آف ریونیو کی طرف سے جاری کردہ تازہ ترین ایکٹو ٹیکس دہندگان کی فہرست کے مطابق، مجموعی طور پر 3,376,699 ٹیکس دہندگان نے اگست 2022 تک اپنے انکم ٹیکس گوشوارے جمع کرائے تھے۔ سب سے نمایاں خامی یہ ہے کہ کاروبار اور کارپوریٹ ادارے آسانی سے اپنی لاگت کو بڑھا چڑھا کر پیش کر سکتے ہیں یا کم ٹیکس ادا کرنے کے لیے جھوٹے دعوے کر سکتے ہیں۔انہوں نے ٹیکس کے نظام میں شعبہ جاتی عدم توازن پر بھی روشنی ڈالی۔ مختلف شعبوں کو مختلف ٹیکس کی شرحوں یا چھوٹ کا سامنا ہے، جس کی وجہ سے ممکنہ بگاڑ پیدا ہوتا ہے۔ مثال کے طور پر، مینوفیکچرنگ سیکٹر سب سے زیادہ حصہ ڈالتا ہے، جب کہ رئیل اسٹیٹ اور خدمات کے شعبوں کا حصہ سب سے کم ہے۔ایک اہم غیر رسمی معیشت کی موجودگی، اس کے علاوہ، ٹیکس کے رساو میں حصہ ڈال رہی ہے۔ غیر رسمی شعبے میں کام کرنے والے کاروبار جنرل سیلز ٹیکس کے لیے رجسٹرڈ نہیں ہیں، جس کی وجہ سے حکومت کو ریونیو کا نقصان ہوتا ہے۔ندیم الحق نے ملک کے ٹیکس نظام کو بہتر بنانے کے لیے قابل عمل پالیسی اصلاحات کی ضرورت پر روشنی ڈالی۔ٹیکس قوانین کو آسان اور واضح کریں تاکہ انہیں کاروبار اور ٹیکس دہندگان کے لیے مزید قابل رسائی اور قابل فہم بنایا جا سکے۔ واضح اور سیدھے ضابطے غلط تشریح اور ہیرا پھیری کے مواقع کو کم کر سکتے ہیں۔انہوں نے مزید کہا کہ فلیٹ ٹیکس سسٹم پر اکثر بات کی جاتی ہے لیکن اس پر سنجیدگی سے غور نہیں کیا گیا۔انصاف کو فروغ دینے اور کاروباری برادری کی ٹیکس کی تعمیل کی حوصلہ افزائی کے لیے، حکومت کے لیے یہ ضروری ہے کہ وہ ایک فلیٹ ٹیکس سسٹم کے نفاذ پر غور کرے، اس طرح امتیازی سلوک کے تاثرات کو کم کیا جائے اور ٹیکس کی ادائیگی میں شرکت میں اضافہ کو فروغ دیا جائے۔اسی طرح، انہوں نے حکومت کو ٹیکس چوری سے نمٹنے کے لیے اقدامات کی تجویز پیش کی، جیسے کہ ڈیٹا کی کراس ریفرنسنگ کو بہتر بنانا، ٹیکس آڈٹ کے عمل کو مضبوط بنانا اور مالیاتی لین دین میں بے ضابطگیوں کا پتہ لگانے کے لیے ٹیکنالوجی کا استعمال ہے۔ حکومت کے بڑھتے ہوئے اخراجات کو پورا کرنے کے لیے ٹیکس کے نظام میں اصلاحات ناگزیر ہو گئی ہیں۔

کریڈٹ: انڈیپنڈنٹ نیوز پاکستان-آئی این پی

ایگریٹیک لمیٹڈ کا خالص نقصان 2022 کی اسی مدت کے دوران 2.42 بلین روپے کے بعد از ٹیکس نقصان سے 2023 کے پہلے نو مہینوں میں 13.9 فیصد بڑھ کر 2.76 بلین روپے ہو گیا۔تاہم، فروخت میں اضافے کی وجہ سے خالص نقصان کا مارجن گر کر 19.85فیصدہو گیا۔ کمپنی کی خالص فروخت 12.01 بلین روپے سے بڑھ کر 13.9 بلین روپے ہو گئی، جس میں فاسفیٹس اور یوریا کی بڑھتی ہوئی مانگ کی وجہ سے 15.8 فیصد اضافہ ہوا۔ایگریٹیک کا مجموعی منافع 79 فیصد بڑھ کر 2.38 بلین روپے ہو گیا جو گزشتہ سال کی اسی مدت میں 1.33 بلین روپے تھا۔ نتیجے کے طور پر، مجموعی منافع کا مارجن 17.15فیصد تک بڑھ گیا۔کمپنی 141.9 ملین کی دیگر آمدنی پیدا کرنے میں کامیاب رہی، جس میں 187.60 فیصد کا نمایاں اضافہ ہوا۔اسی طرح، آپریٹنگ منافع 166.55 فیصد بڑھ کر 1.5 بلین روپے ہو گیا جو پچھلے سال کی اسی مدت میں 566 ملین روپے تھا۔کمپنی کا ٹیکس سے پہلے کا خسارہ 3.029 بلین روپے تک بڑھ گیا جو 2.62 بلین روپے تھا۔کھاد بنانے والی کمپنی کو فی حصص نقصان کا سامنا کرنا پڑ رہا ہے، جو 7.03 روپے تک پہنچ گیا جو پچھلے سال کی اسی مدت میں 6.17 روپے کے مقابلے میں تھا۔کمپنی کے کل اثاثے 3.07 فیصد بڑھ کر 83.9 بلین روپے ہو گئے جو کہ خالص نقصانات کے باوجود دسمبر 2022 میں 81.47 بلین روپے تھے۔ ستمبر 2023 میں، کمپنی کے غیر موجودہ اثاثوں میں 1.71 کی کمی واقع ہوئی، لیکن اس کے موجودہ اثاثوں میں موازنہ مدت کے دوران 42.05 کا نمایاں اضافہ ہوا۔غیر موجودہ اثاثے دسمبر 2022 میں 72.56 بلین روپے سے کم ہو کر ستمبر 2023 میں 71.3 ارب روپے رہ گئے۔تاہم، موجودہ اثاثے دسمبر 2022 میں 8.9 بلین روپے سے ستمبر 2023 میں 12.65 بلین روپے تک پہنچ گئے۔ کمپنی کے ذخائر اور حصص کیپٹل 9.22 بلین روپے رہے، جو دسمبر 2022 میں 11.98 بلین روپے سے کم ہے، جو 23.03 فیصد کمی کو ظاہر کرتا ہے۔کمپنی کی نان کرنٹ واجبات 13.02 بلین روپے سے کم ہو کر 12.25 بلین روپے ہو گئی، جس میں 5.89 فیصد کمی واقع ہوئی۔ اس سے ظاہر ہوتا ہے کہ کمپنی کے طویل مدتی قرض کا ایک حصہ طے ہو گیا تھا۔دوسری جانب، قلیل مدتی وعدوں میں اضافے کی وجہ سے، کمپنی کی موجودہ واجبات ستمبر 2023 میں 10.68 فیصد بڑھ کر 62.49 بلین روپے ہو گئیں جو کہ دسمبر 2022 میں 56.46 بلین روپے تھیں، جو کمپنی کی جانب سے مزید قلیل مدتی ذمہ داریوں کی عکاسی کرتی ہیں۔زیر جائزہ مدت کے دوران، ایگریٹیک لمیٹڈ کی کل ایکویٹی اور واجبات 3.07 فیصد بڑھ کر 83.97 بلین روپے ہو گئے۔ 2019 میں فی حصص کی آمدنی مثبت رہی اور 2021 میں، کمپنی نے 2020 میں 559.64 فیصد اور 2022 میں 10.25 فیصد کا بڑا نقصان کیا۔

کریڈٹ: انڈیپنڈنٹ نیوز پاکستان-آئی این پی

ایشیائی ترقیاتی بینک نے پاکستان کے لیے 2002 کے سیلاب سے تباہ ہونے والے اسکولوں کی بحالی اور غذائی تحفظ کو یقینی بنانے کے لیے زرعی پیداوار میں اضافے جیسے ترقیاتی منصوبوں کو انجام دینے کے لیے 659 ملین ڈالر کے قرضہ پیکیج کی منظوری دے دی ہے۔ قرض کا مقصد جامع اقتصادی ترقی کو سپورٹ کرنا اور ملک کے بنیادی ڈھانچے، توانائی کی حفاظت، ٹرانسپورٹ نیٹ ورکس اور دیگر سماجی خدمات کو بہتر بنانا ہے۔ ان قرضوں میں سے 80 ملین ڈالرز زرعی پیداوار کو بہتر بنانے کے لیے مختص کیے گئے ہیں تاکہ غذائی تحفظ کو بڑھایا جا سکے۔منصوبہ بندی، ترقی اور خصوصی اقدامات کی وزارت کے زرعی شعبے کے ماہر شہزاد عامر نوید نے ویلتھ پاک کو بتایاکہ پاکستان میں زرعی ترقی کے لیے 80 ملین ڈالر مختص کرنے کا ایشیائی ترقیاتی بینک کا فیصلہ اقتصادی بحالی کے لیے ایک قابل تعریف جامع نقطہ نظر ہے۔فنڈز کی تقسیم زرعی شعبے پر خاص طور پر سیلاب سے متاثرہ علاقوں میں جان بوجھ کر زور دینے کی نشاندہی کرتی ہے۔ اس فنڈنگ سے چھوٹے کاشتکاروں کو ضروری وسائل اور تربیت فراہم کرنے میں مدد ملے گی، جس میں خواتین پر توجہ دی جائے گی۔یہ پہل موسمیاتی تبدیلی کے سیکٹر کے خطرے سے نمٹنے کے ساتھ ساتھ دیہی برادریوں کو بھی ترقی دے گی۔ غذائی تحفظ کو یقینی بنانے اور کمزور آبادیوں کی روزی کے تحفظ کے لیے ان مسائل کو حل کرنا بہت ضروری ہے۔حالیہ برسوں میں، ملک کو اہم مالی مشکلات کا سامنا کرنا پڑا ہے، جو کہ حالیہ سیلابوں سے مزید بڑھ گیا ہے جس نے بنیادی ڈھانچے اور زرعی زمینوں کو تباہ کیا ہے۔انہوں نے اس امید کا اظہار کیا کہ براہ راست غیر ملکی سرمایہ کاری کو فعال طور پر آگے بڑھانے سے معاشی بحالی کے امکانات موجود ہیں۔تاہم، کامیاب نفاذ کا انحصار حکومتی تنظیموں، مقامی کمیونٹیز اور بین الاقوامی شراکت داروں کے درمیان موثر ہم آہنگی پر ہوگا۔فنڈز کے استعمال اور ہدفی نتائج کے حصول کو یقینی بنانے کے لیے باقاعدہ نگرانی اور تشخیص ضروری ہے۔ اگر مستعدی سے عمل کیا جائے تو یہ اقدام مثبت ہونے کی صلاحیت رکھتا ہے جس سے مزید لچکدار، جامع اور معاشی طور پر متحرک پاکستان کی راہ ہموار ہوگی۔

کریڈٹ: انڈیپنڈنٹ نیوز پاکستان-آئی این پی

مسلم لیگ (ن)کے رہنما خرم دستگیر نے کہا ہے کہ استحکام پاکستان پارٹی کے قائدین کو ایڈجسٹ کر سکتے ہیں مگر ان کے بڑے ایجنڈے پر گفتگو کرنا ابھی باقی ہے۔ ایک بیان میں خرم دستگیر نے کہا کہ آئی پی پی نے بہت بڑا مطالبہ کیا تھا جس کے بعد ان سے فیصلہ کن مذاکرات نہیں ہوئے، ٹکٹوں کے حوالے سے تقریبا 20 نشستوں پر تنازع ہے جو تین چار دن میں حل ہو جائے گا۔ لیگی رہنما نے کہا کہ مسلم لیگ(ن)ٹکٹوں کے حوالے سے اپنا حتمی فیصلہ کرنے کے بعد دیکھے گی کہ کہاں اسپیس دینا ہے۔

کریڈٹ: انڈیپنڈنٹ نیوز پاکستان-آئی این پی

لاہور کے مختلف حلقوں میں امیدواروں کے کاغذات نامزدگی کی جانچ پڑتال شروع ہوگئی۔ پہلے روز مسلم لیگ(ن)کے رہنما حمزہ شہباز اور پی ٹی آئی کے رہنماں کے کاغذات چیک کیے گئے جب کہ این اے 125 سے آزاد امیدوار حنان حیات کے کاغذات کم عمری کی بنیاد پر مسترد کردیے گئے۔ کمشنر آفس لاہور میں ریٹرننگ افسران نے این اے 118 اور این اے 121 کے امیدواروں کی اسکروٹنی کی۔ این اے 118 کے لیے حمزہ شہباز کے کاغذات کی جانچ پڑتال ان کے وکیل علی رضا نے کرائی، اسی حلقے سے میاں مجتبی شجاع الرحمان کے کاغذات بھی چیک کیے گئے جب کہ پی ٹی آئی کے فیصل رضا، رضوان ضیا اور پیپلز پارٹی کے شاہد عباس کے کاغذات بھی چیک کیے گئے۔ این اے 121 سے رانا احسن شرافت اور منظور بٹ نے ایاز صادق کے کاغذات جانچ پڑتال کیلئے پیش کیے جب کہ مسلم لیگ (ن) کے شیخ روحیل اصغر کے کاغذات کی جانچ پڑتال بھی ہوئی، پی پی 162 سے ذوالفقار علی بدر اور پی پی 155 سیحافظ سعید کے صاحبزادے طلحہ سعید کے کاغذات کی جانچ کی گئی۔واضح رہے کہ کاغذات کی جانچ پڑتال کا عمل 30 دسمبر تک جاری رہے گا اور مخصوص اقلیتی و خواتین امیدواروں کے کاغذات کی جانچ پڑتال 26 دسمبر سے شروع ہوگی۔

کریڈٹ: انڈیپنڈنٹ نیوز پاکستان-آئی این پی

عوامی نیشنل پارٹی کے ناراض رہنما عدنان جلیل نے پیپلزپارٹی میں شمولیت کا فیصلہ کرلیا۔ اے این پی کے ناراض رہنما عدنان جلیل اسی ہفتے آصف زرداری سے ملاقات میں پارٹی میں شامل ہونیکا اعلان کریں گے جب کہ ایاین پی نے بھی مرحوم رہنما حاجی عدیل کے بیٹے عدنان جلیل کو منانے کے لیے جرگہ بھیجا تھا۔ نجی ٹی وی سے گفتگو میں عدنان جلیل نے کہا کہ آصف زرداری اور بلاول نے پیار اور عزت دی، ان دونوں کے پیارکے سبب پی پی میں جانیکا فیصلہ کیا ہے۔ انہوں نے کہا کہ وزارت کے دوران ایمل ولی نیکرپٹ افسرکو سپورٹ کرنیکا کہا جس پر انکارکیا، کرپٹ افسر کو سپورٹ سے انکار پرپارٹی قیادت خفا ہوئی اور وزرات سے ہٹادیا گیا۔ واضح رہے کہ عدنان جلیل نے پی کے 81 سے کاغذات نامزدگی جمع کرا رکھے ہیں اور چند روز قبل آصف زرداری نے ان سے ملاقات کرکے انہیں پارٹی میں شمولیت کی دعوت دی تھی۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کے سابق ممبر صوبائی اسمبلی (ایم پی اے ) چوہدری نعیم ابراہیم کو گرفتار کر لیا گیا۔ عارف والا سے تعلق رکھنے والے سابق رکن پنجاب اسبلی چوہدری نعیم ابراہیم کو پولیس نے ملتان ایئر پورٹ سے حراست میں لیا۔ چوہدری نعیم ابراہیم نے عام انتخابات 2024 کے لئے قومی و صوبائی اسمبلی کے دونوں حلقوں سے کاغذات نامزدگی بھی جمع کروا رکھے ہیں۔ پولیس حکام کے مطابق چوہدری نعیم کے خلاف پلاٹ پر قبضہ کرنے کا مقدمہ درج ہے جس کے تحت انہیں گرفتار کیا گیا ہے۔ ذرائع کے مطابق سابق ایم پی اے 27 دسمبر تک حفاظتی ضمانت پر تھے۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف نے پرویزخٹک کے بیان کو "بلے" کا نشان ہتھیانے کی سازش قرار دے دیا۔ سابق وزیردفاع پرویزخٹک کے بیان پر ردعمل دیتے ہوئے ترجمان تحریک انصاف نے کہا کہ پرویزخٹک کے بیان پر چیف الیکشن کمشنر سے جواب طلب کیا جائے، چیف الیکشن کمشنر کیخلاف زیرِالتوا ریفرنس پرکارروائی کی جائے۔ اس سازش میں مرکزی کردارچیف الیکشن کمشنرہیں جوپوری تاریخ رکھتے ہیں۔ اعلامیے میں مزید کہا گیا ہے کہ تحریک انصاف کو جبر سے انتخابات سے باہر کرنے کی کوششیں کی جارہی ہیں، نشان ہتھیانے کی سازش کی جامع تحقیقات کیلئے عدالتی کمیشن قائم کیا جائے۔ ترجمان تحریک انصاف نے یہ بھی کہا کہ بلے کے نشان پر الیکشن کمیشن کے متنازعہ ترین فیصلے کو کالعدم قرار دے کر ملک کی سب سے بڑی سیاسی جماعت کو بلے کا انتخابی نشان فراہم کیا جائے، جمہوریت اور دستور کے خلاف سازشوں کے کلیدی کردار چیف الیکشن کمشنر کے ملک و قوم کے خلاف سنگین جرائم کا حساب قوم ضرور لے گی۔ خیال رہے کہ گزشتہ روز پشاور میں پریس کانفرنس کے دوران سربراہ پی ٹی آئی پارلیمنٹرین پرویز خٹک نے کہا کہ مجھے بلے کی آفر ہوئی تھی میں نے لینے سے انکار کیا ہے بلا ہو یا نہ ہو ہم نے اپنا پروگرام دینا ہے صوبے کے ضبط حقوق کے لیے جدوجہد کروں گا۔

کریڈٹ: انڈیپنڈنٹ نیوز پاکستان-آئی این پی

ٹریفک کے دو مختلف حادثات میں ایک شخص جاں بحق جبکہ خواتین اور بچوں سمیت 8 افراد زخمی ہو گئے ۔ ٹریفک کا پہلا حادثہ شدید دھند کے باعث منچن آباد کے علاقے مین ہائی وے روڈ پر پیش آیا جہاں کار موٹر سائیکل کو بچاتے ہوئے درخت سے ٹکرا گئی، حادثے کی وجہ سے کار میں سوار شخص موقع پر دم توڑ گیا جبکہ اس کی بیوی اور 2 بچے شدید زخمی ہوئے جنہیں ہسپتال منتقل کر دیا۔ احمدپورشرقیہ کے علاقے پل صدیق آباد نوشہرہ جدید روڈ پر ہونے والا دوسرا حادثہ بھی دھند کے باعث ہوا جہاں 2 موٹر سائیکلیں ٹکرانے کے نتیجے میں 2 خواتین اور بچے سمیت 6 افراد زخمی ہو گئے، حادثے کے بعد ریسکیو ٹیم موقع پر پہنچ گئی اور زخمیوں کو ہسپتال منتقل کر دیا گیا۔

کریڈٹ: انڈیپنڈنٹ نیوز پاکستان-آئی این پی

کراچی کی موبائل مارکیٹ میں آتشزدگی سے متعدد دکانیں جل گئیں، دکانوں میں موجود لاکھوں روپے کا سامان بھی راکھ کا ڈھیر بن گیا۔ تفصیلات کے مطابق کراچی کی صدر شاہ جہاں موبائل مارکیٹ میں موجود ایک دکان میں آگ لگی جس نے دیکھتے ہی دیکھتے خوفناک شکل اختیار کر لی اور متعدد دکانوں کو پلیٹ میں لے لیا، آتشزدگی کے باعث دکانوں میں موجود لاکھوں روپے کا سامان جل گیا۔ اطلاع ملنے کے بعد فائر بریگیڈ کی 9 گاڑیوں نے ریسکیو آپریشن میں حصہ لیا، دکانوں کے تالے اور شٹر توڑ کر بھی آگ بجھانے کی کوشش کی گئی تاہم طویل جدوجہد کے بعد عملے نے آگ پر قابو پا لیا، آتشزدگی کی وجہ معلوم کرنے کیلئے تحقیقات جاری ہیں۔

کریڈٹ: انڈیپنڈنٹ نیوز پاکستان-آئی این پی

بلوچستان میں سردی کی شدت بڑھ گئی، صوبے کے بیشتر اضلاع میں موسم خشک جبکہ شمالی اضلاع میں سرد رہے گا۔ قلات میں کم ازکم درجہ حرارت منفی 2، کوئٹہ اور سبی میں5 ڈگری سینٹی گریڈ ریکارڈ کیا گیا، نوکنڈی، گوادر اور جیونی میں 11، تربت میں 12 ڈگری سینٹی گریڈ ریکارڈ ہوا ہے۔ محکمہ موسمیات کے مطابق 24 گھنٹوں میں صوبہ کے بیشتر اضلاع میں موسم سرد اور خشک رہے گا، جبکہ شمالی اضلاع میں مطلع ابر آلود اور سردی کی شدت برقرار رہنے کی پیشگوئی کی گئی ہے۔

کریڈٹ: انڈیپنڈنٹ نیوز پاکستان-آئی این پی

صوبائی دارالحکومت لاہور کی فضا بدستور مضر صحت ہے، آلودگی کے اعتبار سے لاہور دنیا میں تیسرے نمبر پر براجمان ہے، شہر میں سموگ کی اوسط شرح 205 ریکارڈ کی گئی ہے۔ محکمہ موسمیات کا کہنا ہے کہ شہر کا کم سے کم درجہ حرارت 7 جبکہ زیادہ سے زیادہ درجہ حرارت 22 ڈگری سینٹی گریڈ تک جانے کا امکان ہے۔

کریڈٹ: انڈیپنڈنٹ نیوز پاکستان-آئی این پی

انٹربینک میں امریکی کرنسی کی قدر میں بھی کمی واقع ہو ہو گئی ۔ کاروباری ہفتے کے پہلے روز انٹربینک میں امریکی کرنسی کی قیمت میں 03 پیسے کمی دیکھی گئی ہے جس کے بعد انٹربینک میں ڈالر 282 روپے 50 پیسے پر پہنچ گیا ۔ یاد رہے کہ گزشتہ کاروباری ہفتے کے آخری روز انٹربینک میں ڈالر 282 روپے 53 پیسے پر بند ہوا تھا۔

کریڈٹ: انڈیپنڈنٹ نیوز پاکستان-آئی این پی

پاکستان سٹاک مارکیٹ سٹاک ایکسچینج میں شدید مندی کا رجحان دیکھا گیا ہے۔ کاروباری ہفتے کے پہلے روز کاروبار کے دوران پاکستان سٹاک مارکیٹ میں 1070 پوائنٹس کی کمی دیکھنے میں آئی ہے، شدید مندی کے باعث 100 انڈیکس 60 ہزار 634 پوائنٹس کی سطح پر پہنچ گیا ۔ واضح رہے کہ گزشتہ کاروباری ہفتے کے آخری روز ہنڈرڈ انڈیکس 61 ہزار 705 پوائنٹس پر بند ہوا تھا۔

کریڈٹ: انڈیپنڈنٹ نیوز پاکستان-آئی این پی

چین، وسطی صوبے ہوبے کے علاقے شی یان میں ہان جیانگ عظیم پل کا تعمیراتی مقام۔ (شِنہوا)

چین، شمال مغربی ننگ شیا ہوئی خود مختارخطے میں دریائے زرد پر بہتی برف کا دلکش کا نظارہ۔ (شِنہوا)