انڈونیشیا ،صوبے مغربی جاوا میں ٹرین حادثے کے مقام پر امدادی کارکن کام کررہے ہیں ۔ (شِنہوا)

بیجنگ(شِنہوا)چین کے پبلک سیکورٹی ڈیپارٹمنٹس نے جنوری سے نومبر 2023 تک ٹیلی کام اور آن لائن فراڈ کے 3 لاکھ 91 ہزار کیسز  حل کیے ۔

  چینی وزارت پبلک سیکورٹی نے جمعہ کو اعلان کیا کہ متعلقہ مجرمانہ سرگرمیوں کو موثر انداز میں ناکام بنانے کے  لیے وزارت نے 2023 میں کئی قانون نافذ کرنے والی مہمیں شروع کیں جن کا مقصد ٹیلی کام اور آن لائن فراڈ کا خاتمہ ہے۔

اس دوران مجموعی طور پر79 ہزار مشتبہ افراد کو گرفتار کیا گیا جن میں ایسے 263 افراد بھی شامل ہیں جنہوں نے اس طرح کی سرگرمیوں کی مالی معاونت کی، قیادت کی یا وہ ان کے انچارج تھے۔

وزارت نے  قانون نافذ کرنے والے بین الاقوامی مشنوں میں حصہ لینے کے لیےٹیمیں تھائی لینڈ، فلپائن اور کمبوڈیا سمیت ممالک میں بھی بھیجی  جبکہ متعدد بیرون ملک جرائم کے اڈوں کو تباہ کر دیا گیا اور اس عمل میں 3 ہزار سے زیادہ مشتبہ افراد کو پکڑا گیا۔

چینی شہریوں کو متاثر کرنے والی شمالی میانمار میں ٹیلی کام اور آن لائن فراڈ کی سرگرمیوں سے نمٹنے کے لیے، یون نان سمیت صوبائی علاقوں میں پبلک سیکیورٹی حکام نے وزارت کی ہدایات پر عمل کرتے ہوئے سرحدی علاقوں میں قانون نافذ کرنے والے تعاون کو فروغ دیا ۔

چین اور میانمار کے درمیان قریبی تعاون کے ذریعے کُل 41 ہزار ٹیلی کام اور آن لائن فراڈ کے مشتبہ افراد کو چین منتقل کیا گیا اور کئی بڑے مجرم گروہوں کو مؤثر طریقے سے ختم کیا گیا۔

یِن چھوان (شِنہوا)چین کے شمال مغربی ننگ شیا ہوئی خود مختار علاقے میں نئی توانائی کی نصب شدہ صلاحیت اس وقت 3 کروڑ 60 لاکھ کلوواٹ سے زیادہ ہے جو علاقے کی کل نصب شدہ صلاحیت کے 54 فیصد سےزائد ہے۔

بجلی کے مقامی حکام  کے مطابق نئی توانائی کی جامع تعمیر کے لیے چین کے پہلے  آزمائشی علاقے کے طور پر ننگ شیا ماحول دوست توانائی کے وافر وسائل کا حامل ایک بڑا ماحول دوست توانائی فراہم کنندہ ہے۔

صرف 2023 میں ننگ شیا کی نئی توانائی کی یومیہ زیادہ سے زیادہ پیداوار اور یومیہ بجلی کی پیداوار نے 14 مواقع پر ریکارڈ بلندیوں کو چھوا۔ خطے میں نئی توانائی کے استعمال کی شرح پہلے بھی مسلسل پانچ سالوں میں 97 فیصد سے تجاوز کر گئی تھی۔

بیجنگ (شِنہوا) چین کی نئی توانائی گاڑیوں سازوں کے لئے 2023 میں کارکردگی توقعات سے بڑھ کر رہی اور وہ آمدہ سال بارے بہت زیادہ پرامید ہیں۔

چائنہ پیسنجر کار ایسوسی ایشن کی شائع کردہ ایک رپورٹ کے مطابق 2023 میں نئی توانائی گاڑیوں کی تھوک فروخت 88 لاکھ 80 ہزار رہی جو گزشتہ برس کی نسبت 38 فیصد قابل ذکر اضافہ ہوگا۔

معروف چینی نئی توانائی گاڑی ساز اداروں کی ترسیل اور پیداوار میں 2023 کے دوران نمایاں اضافہ ہوا ہے یہ ادارے پہلے اعدادوشمار جاری کرچکے ہیں۔

نئی توانائی گاڑیوں کی صنعت سے وابستہ افراد نے سال نو کے آغاز پر نئے سال کے لئے مضبوط شرح نمو کی پیشگوئی کی ہے۔

الیکٹرک وہیکل انڈسٹری تھنک ٹینک چائنہ ای وی 100 کے نائب صدر ژانگ یونگ وائی نے توقع ظاہر کی ہے کہ چینی نئی توانائی گاڑیوں کی پیداوار اور فروخت کا حجم مزید بڑھے گا۔

اگرچہ 2023 کا آغاز کمزور تھا جس کی وجہ نئی توانائی گاڑیوں پر  13 برس سے جاری سبسڈیز کا خاتمہ تھا تاہم نئی توانائی گاڑیوں کی مارکیٹ نے لچک کا مظاہرہ کرتے ہوئے دسمبر کے اختتام میں مضبوطی دکھائی۔

چینی نئی توانائی گاڑیوں کے بڑے ادارے بی وائی ڈی کی ریکارڈ گاڑیاں فروخت ہوئیں۔کمپنی کی تازہ ترین کارکردگی رپورٹ کے مطابق کمپنی نے سال بھر 30 لاکھ 20 ہزار سے زائد گاڑیاں فروخت کیں جو گزشتہ برس کی نسبت 61.9 فیصد کا نمایاں اضافہ ہے ۔ اس کے سبب بی وائی ڈی کی سالانہ فروخت 30 لاکھ ہدف سے تجاوز کرگئی۔

جی اے سی گروپ کے نئی توانائی گاڑیاں بنانے والے ذیلی ادارے جی اے سی آئیون کی فروخت میں 2022 کی نسبت 77 فیصد اضافہ ہوا یہ تعداد 4 لاکھ 80 ہزار یونٹس تک پہنچ گئی جبکہ اسٹارٹ اپ کار ساز کمپنی این آئی او کی 2023 میں گاڑیوں کی ترسیل کی تعداد 30.7 فیصد اضافے سے 1 لاکھ 60 ہزار یونٹس رہی۔

بیجنگ(شِنہوا) چین نے پیداوار کے ایک عنصر کے طور پر ڈیٹا کے استعمال کو فروغ دینے اور اقتصادی اور سماجی ترقی کو آگے بڑھانے میں ڈیٹا کو زیادہ اہم کردار ادا کرنے کے لیے تین سالہ ایکشن پلان جاری کیا ہے۔

   نیشنل ڈیٹا ایڈمنسٹریشن (این ڈی اے) سمیت 17 سرکاری محکموں کے شائع کردہ منصوبے کے مطابق ڈیٹا کے استعمال کو 12 شعبوں میں فروغ دیا جائے گا جن میں مینوفیکچرنگ اور فنانس سے لے کر تکنیکی جدت اور  ماحود دوست اور کم کاربن کی ترقی تک کے شعبےشامل ہیں۔

این ڈی اے کے نائب سربراہ شین ژولین نے گزشتہ ماہ کہا  تھا کہ ڈیٹا کے استعمال کو آگے بڑھا کر چین وسائل کی تقسیم کو بہتر بنانے اور نئی صنعتوں اور نمونوں کےساتھ ساتھ ترقی کے نئے محرکات  کو فروغ دینے کی توقع رکھتا ہے۔

ایکشن پلان کےمطابق 2024سے  آئندہ تین سالوں میں چین ڈیٹا کے اعلیٰ سطحی اطلاق کو فروغ دینے، ڈیٹا کی فراہمی کے معیار کو یقینی بنانے، ڈیٹا کی گردش کے ماحول کو بہتر بنانے اور ڈیٹا کی حفاظت کو مضبوط بنانے کی کوششوں میں اضافہ کرے گا۔

نیوزی لینڈ میں 23 گھنٹے سے زائد وقت سمندر کے ٹھنڈے پانی میں بہنے اور ایک شارک کا سامنا ہونے کے باوجود ایک شخص زندہ بچنے میں کامیاب رہا۔ درحقیقت اس کی کلائی پر بندھی گھڑی نے اسے بچانے میں کردار ادا کیا۔ یہ حیرت انگیز واقعہ نیوزی لینڈ کے قصبے Whangamat میں پیش آیا جہاں 61 سالہ ول فرانسن اکیلے مچھلیاں پکڑنے سمندر میں 2 جنوری کو روانہ ہوئے۔ مگر شکار کے دوران ان کی کشتی الٹ گئی اور وہ اس پر دوبارہ سوار ہونے میں ناکام رہے۔ وہ کشتی پانی میں دور چلی گئی اور جب ول فرانسن نے ایک قریبی جزیرے تک تیر کر جانے کی کوشش کی تو سمندر کا بہاو انہیں دور لے گیا۔ مقامی پولیس سے تعلق رکھنے والے سارجنٹ ول ہیملٹس نے بتایا کہ اس شخص کا بچنا ایک کرشمہ ہے۔ ول فرانسن نے مقامی میڈیا سے بات کرتے ہوئے کہا کہ پانی میں بہتے ہوئے انہیں لگ رہا تھا کہ وہ اب بچ نہیں سکتے۔ انہوں نے بتایا کہ 'مچھلی کو کشتی کی جانب کھینچتے ہوئے ڈوری میرے ہاتھ سے پھسل گئی جس کے نتیجے میں کشتی الٹ گئی اور مجھ سے دور چلی گئی'۔ انہوں نے مزید بتایا کہ 'جب میں پانی میں تیر رہا تھا تو مجھے معلوم تھا کہ اس طرح کے حالات میں کسی بھی فرد کے بچنے کا امکان نہ ہونے کے برابر ہوتا ہے، مگر میں زندہ رہنے کی کوشش کرتا رہا'۔ سمندر میں تیرتے ہوئے وہ بہت زیادہ تھک گئے تھے مگر پھر بھی انہیں پانی میں سرد اور مشکل رات گزارنا پڑی، جبکہ ایک موقع پر ایک شارک نے قریب آکر انہیں سونگھا اور پھر دور چلی گئی۔ ان کا کہنا تھا کہ 'میں نے ہار مان لی تھی اور خود کو پانی کے سپرد کرکے اپنے سر کے اوپر سورج طلوع ہونے کا خوبصورت منظر دیکھنے لگا'۔ اس طرح لیٹنے نے ہی ان کی زندگی بچائی کیونکہ اگلے دن 3 ماہی گیروں نے پانی میں کسی چیز کو چمکتے دیکھا اور اس کے بارے میں جاننے کے لیے کشتی وہاں لے گئے۔ ماہی گیروں نے سمندر کے پانی میں ایک تھکے ہارے اور خوفزدہ شخص کو دریافت کیا اور انہیں معلوم ہوا کہ چمکتی ہوئی چیز ول فرانسن کی کلائی پر موجود گھڑی تھی۔ مقامی پولیس کے مطابق یہ ایک کرشمہ ہے کہ تمام تر مشکلات کے باوجود وہ شخص زندہ رہا، اگر وہ تینوں ماہی گیر نہ ہوتے تو وہ زندہ نہیں بچتا۔ ان تینوں ماہی گیروں نے بتایا کہ قسمت انہیں وہاں لے گئی ورنہ وہ تو اس جگہ سے 600 میٹر دور سے گزر جاتے۔

کریڈٹ: انڈیپنڈنٹ نیوز پاکستان-آئی این پی

متحدہ عرب امارات میں رواں ماہ جنوری میں وقفے وقفے سے بارش برسنے کی محکمہ موسمیات کے قومی مرکز نے پیشگوئی کر دی ۔ عرب میڈیا کے مطابق یو اے ای کے موسمیات کے قومی مرکز نے پیشگوئی کی کہ امارات میں رواں ماہ وقفے وقفے سے بارش برستی رہے گی جو درجہ حرارت میں کمی کا باعث بنے گی۔ قومی مرکز نے امکان ظاہر کیا ہے کہ بارش اور درجہ حرارت میں کمی اس سال ماضی کے مقابلے میں زیادہ رہے گی۔ دن کے وقت موسم معتدل اور رات کو سرد رہے گا اور اوسط درجہ حرارت 16سے 20ڈگری سینٹی گریڈ تک رہنے کا امکان ہے۔ موسمیاتی مرکز کے مطابق ملک علاقہ بحیرہ احمر کے موسمی دبا میں بھی رہے گا نیز بادل چھائے رہیں گے جب کہ بعض اوقات شمال مغربی ہواں سے متاثر رہے گا جس سے علاقے میں گرد وغبار اور دھند میں اضافہ ہوگا۔

کریڈٹ: انڈیپنڈنٹ نیوز پاکستان-آئی این پی

بھارت سے تعلق رکھنے والے مکیش امبانی لگ بھگ ایک سال بعد ایشیا کے امیر ترین شخص کے اعزاز سے محروم ہوگئے۔ مکیش امبانی کی جگہ بھارت کے ہی گوتم اڈانی ایک بار پھر ایشیا کے امیر ترین شخص بن گئے ہیں۔ خیال رہے کہ جنوری 2023 میں امریکی شارٹ سیلنگ کمپنی ہندن برگ نے ایک رپورٹ میں کہا تھا کہ ڈانی گروپ دہائیوں سے اسٹاک مارکیٹ میں ہیرا پھیری اور اکانٹنگ فراڈ اسکیم میں ملوث ہے۔ رپورٹ میں گوتم اڈانی کے لیے کارپوریٹ تاریخ کے سب سے بڑے دھوکے باز کے الفاظ بھی استعمال کیے گئے تھے۔ اس رپورٹ کے بعد گوتم اڈانی کی دولت میں کمی آئی تھی اور وہ 2023 میں دنیا کے امیر ترین افراد کی فہرست میں کافی نیچے رہے تھے جبکہ مکیش امبانی نے ایشیا کے امیر ترین شخص بننے کا اعزاز حاصل کیا تھا۔ مگر گزشتہ دنوں بھارتی سپریم کورٹ نے حکم جاری کیا تھا کہ ہندن برگ کے الزامات پر نئی تحقیقات کی ضرورت نہیں۔ اس فیصلے کے بعد گوتم اڈانی کے اثاثوں میں اضافہ ہوا اور اب وہ ایک بار پھر ایشیا کے امیر ترین شخص بن گئے ہیں۔ بلومبرگ کی رپورٹ کے مطابق 4 جنوری کو 7.7 ارب ڈالرز کے اضافے سے گوتم اڈانی کے اثاثوں کی مالیت 97.6 ارب ڈالرز ہوگئی، جس کے بعد انہوں نے مکیش امبانی کو پیچھے چھوڑ کر ایشیا کے امیر ترین شخص بننے کا اعزاز حاصل کرلیا۔ مکیش امبانی اس وقت 97 ارب ڈالرز کے مالک ہیں۔ امریکی شارٹ سیلنگ کمپنی کے الزامات کی تردید کے باوجود اڈانی گروپ کی مجموعی مالیت میں گزشتہ سال نمایاں کمی آئی تھی۔ بھارتی عدالت نے مقامی مارکیٹ ریگولیٹر کو اڈانی گروپ کے خلاف تحقیقات کرنے سے روک دیا تھا جس کے بعد 2024 کے ابتدائی 4 دن کے دوران گوتم اڈانی کی دولت میں 13.3 ارب ڈالرز کا اضافہ ہوا۔ خیال رہے کہ گوتم اڈانی نے 2023 کا آغاز 119 ارب ڈالرز کے ساتھ دنیا کے تیسرے امیر ترین شخص کی حیثیت سے کیا تھا اور پھر دولت میں مسلسل کمی کے بعد نیچے چلے گئے۔ اب ایک سال بعد وہ ایشیا کے امیر ترین جبکہ دنیا کے 12 ویں امیر ترین شخص بنے ہیں۔

کریڈٹ: انڈیپنڈنٹ نیوز پاکستان-آئی این پی

مودی حکومت کا بیٹی بچاو، بیٹی پڑھاو نعرہ کھوکلا نکلا، بھارتیہ جنتا پارٹی (بی جے پی ) کے سوشل میڈیا سیل کے ارکان گینگ ریپ میں ملوث نکلے۔ رپورٹ کے مطابق یکم نومبر کو بی جے پی کے غنڈوں نے بنارس ہندو یونیورسٹی کی طالبہ کو بندوق کی نوک پر بے لباس کر کے اجتماعی زیادتی کا نشانہ بنایا ۔ مندر کے عین سامنے ہونے والے واقعے کی ویڈیو بھی بنائی گئی۔ ٹائمز آف انڈیا کے مطابق مودی سرکار اور ان کے جیالوں کی جانب سے اس خبر کو دبا دیا گیا تاہم، 60 دن بعد ملزمان کی گرفتاریوں سے معلوم ہوا کہ غنڈے بی جے پی کی بنارس تکنیکی سیل کے خاص کارکن ہیں۔ حال ہی میں مودی کے ساتھ ان غنڈوں کی تصاویر بھی منظرعام پر آچکی ہیں ۔ بھارت میں اپوزیشن رہنما سوال اٹھا رہے ہیں کہ مودی سرکار آخر کب تک اپنے ہی کارندوں کی غیر انسانی حرکتوں پر خاموش رہے گی۔

کریڈٹ: انڈیپنڈنٹ نیوز پاکستان-آئی این پی

انڈونیشیا میں 2 ٹرینوں کے درمیان پیش آنے والے حادثے میں تین افراد ہلاک جبکہ 28 زخمی ہوگئے۔ غیر ملکی میڈیا کے مطابق یہ واقعہ انڈونیشیا کے جزیرے جاوا میں پیش آیا جہاں 2 مسافر ٹرینوں کے درمیان تصادم ہوا۔ انتظامیہ نے بتایا کہ مشرقی صوبے جاوا کے دارالحکومت سورابایا سے بانڈونگ جانے والی ایک ٹرین نے دوسری ٹرین کو سٹیشن پر ٹکر ماردی جس سے بوگیوں کو شدید نقصان پہنچا جب کہ کچھ بوگیاں پٹری سے اتر گئیں۔ میڈیا رپورٹس کے مطابق تصادم کے نتیجے میں ہلاک ہونیوالوں میں ٹرین کا ڈرائیور، اسسٹنٹ اور سٹیوارڈ شامل ہیں۔ انتظامیہ کے مطابق واقعے کی اطلاع ملتے ہی ریسکیو اہلکاروں سمیت ایمبولینسز موقع پر پہنچ گئیں اور لاشوں سمیت زخمیوں کو طبی امداد کیلئے ہسپتال منتقل کیا۔ میڈیا رپورٹس کے مطابق حادثے کے وقت ٹرین میں 478 مسافر سوار تھے، حکام کی جانب سے واقعے کی مزید تحقیقات کا آغاز کردیا گیا ہے ۔

کریڈٹ: انڈیپنڈنٹ نیوز پاکستان-آئی این پی

سعودی فرمانروا شاہ سلمان بن عبد العزیز نے ایک ہزار عمرہ زائرین کی میزبانی کی منظوری دے دی ہے۔ غیر ملکی میڈیا کے مطابق یہ عمرہ زائرین خادم حرمین شریفین شاہ سلمان بن عبد العزیز کے مہمان ہوں گے اور انہیں وزارت اسلامی مور، دعوت و ارشاد کے تحت مدعو کیا جائے گا۔ میڈیا نے اس حوالے سے بتایاکہ مہمانوں میں وہ شخصیات شامل ہوں گی جنہوں نے اسلام اور مسلمانوں کی نمایاں خدمت کے علاوہ انتہا پسندی اور دہشت گردی کے خاتمے کیلئے کام کیے ہوں گے۔ دوسری جانب سعودی عرب کے شاہ سلمان بن عبدالعزیز نے متعدد فرامین جاری کرکے کئی شاہی شخصیات اور دیگر حکام کو نئی ذمہ داریاں سونپ دی ہیں۔ رپورٹ کے مطابق شاہ سلمان بن عبدالعزیز نے شہزادہ سلمان بن سلطان بن عبدالعزیز کو مدینہ منورہ کا گورنر بدرجہ وزیر مقرر کیا ہے جبکہ شہزادہ فیصل بن سلمان کو نجی مشیر بدرجہ وزیر تعینات کردیا ہے۔ شہزادہ سعود بن بندر بن عبدالعزیز کو مشرقی ریجن کا نائب گورنر بنادیا گیا ہے جبکہ شہزادہ سعود بن مشعل بن عبدالعزیز کو مکہ مکرمہ کا نیا نائب گورنر مقرر کردیا گیا ہے۔

کریڈٹ: انڈیپنڈنٹ نیوز پاکستان-آئی این پی

شمالی کوریا نے مغربی ساحل سے جنوبی جزیرے یون پیونگ کی طرف 200 سے زیادہ آرٹلری شیلز فائر کردیئے۔ غیرملکی میڈیا رپورٹس کے مطابق جنوبی کورین فوج کا کہنا ہے کہ شمالی کوریا نے جنوبی جزیرے یون پیونگ کی طرف 200 سے زیادہ آرٹلری شیلز فائر کیے ہیں جن کے بعد شہریوں کو انخلا کا انتباہ جاری کر دیا گیا ہے۔ جنوبی کوریا نے اس اقدام کی مذمت کرتے ہوئے اسے اشتعال انگیز عمل بھی قرار دیا ہے۔ جمعہ کے روز داغے گئے گولے جنوبی کوریا کے علاقے میں داخل نہیں ہوسکے اور دونوں ممالک کے درمیان بفر زون میں گرے۔ جنوبی کوریا کے جوائنٹ چیفس آف اسٹاف نے کہا کہ اس واقعے سے ہمارے لوگوں یا فوج کو کوئی نقصان نہیں پہنچا لیکن یہ عمل جزیرہ نما کوریا میں امن کو خطرہ اور کشیدگی کو بڑھاتا ہے۔ تازہ ترین واقعہ شمالی کوریا کی جانب سے جنوبی کوریا کے ساتھ فوجی معاہدے کو مکمل طور پر معطل کرنے کے چند ماہ بعد سامنے آیا ہے، معاہدے کا مقصد تعلقات کو بہتر بنانا تھا۔ منگل کو پیانگ یانگ کی جانب سے ایک جاسوس سیٹلائٹ کو کامیابی کے ساتھ خلا میں بھیجنے کے دعوے کے بعد یہ معاہدہ خراب ہونا شروع ہوا اور اس کی وجہ سے جنوبی کوریا نے معاہدے کو جزوی طور پر معطل کرتے ہوئے کہا کہ وہ سرحد کے ساتھ نگرانی کی پروازیں دوبارہ شروع کرے گا۔ پیانگ یانگ نے کہا کہ وہ زمین، سمندر اور فضائی سمیت تمام شعبوں میں فوجی تصادم کو روکنے کے لیے اٹھائے گئے تمام اقدامات کو واپس لے لے گا اور سرحدی علاقے میں زیادہ طاقتور مسلح افواج اور نئی قسم کے ملٹری ہارڈویئر تعینات کرے گا۔

کریڈٹ: انڈیپنڈنٹ نیوز پاکستان-آئی این پی

الیکشن ٹریبونل نے کاغذات نامزدگی کے حوالے سے عالمگیر خان کی اپیل مسترد کرتے ہوئے آر او کا فیصلہ برقرار رکھا ہے۔ حلقہ این اے 236 سے پی ٹی آئی کے امیدوار اور سابق رکن قومی اسمبلی عالمگیر خان اور حلقہ این اے 230 اور حلقہ این اے 231 پر امیدوار مسرور سیال کے کاغذات نامزدگی مسترد کیے جانے کے خلاف اپیلوں کی سماعت الیکشن ٹریبونل میں ہوئی، جسے ٹریبونل نے مسترد کردیا۔ الیکشن ٹریبونل نے عالمگیر خان کی اپیل مسترد کرتے ہوئے ریٹرننگ افسر کا فیصلہ برقرار رکھا۔ ریٹرننگ افسر نے عالمگیر خان کے کاغذات نامزدگی ٹیکس نادہندہ ہونے کی بنیاد پر مسترد کیے تھے۔اسی طرح الیکشن ٹریبونل نے حلقہ این اے 230 اور این اے 231 پر امیدوار مسرور سیال کی اپیلیں بھی مسترد کرتے ہوئے ریٹرننگ افسران کا فیصلہ برقرار رکھا۔ ریٹرننگ افسر نے ایف بی آر نادہندہ ہونے کی بنیاد پر مسرور سیال کے کاغذات نامزدگی مسترد کیے تھے۔

کریڈٹ: انڈیپنڈنٹ نیوز پاکستان-آئی این پی

سابق وفاقی وزیر فواد چوہدری نے کہا ہے کہ میڈیا کو سب سے زیادہ آزادی ہمارے دور میں ملی، کس پارٹی سے الیکشن لڑنا ہے اس کا ابھی فیصلہ کروں گا، میڈیا سے گفتگو کرنے میں مسئلہ ہوتا ہے، لیکن گفتگو ضرور کریں گے۔سماعت کے بعد میڈیا سے گفتگو کرتے ہوئے فواد چوہدری نے مزید کہا کہ میڈیا کو سب سے زیادہ آزادی ہمارے دور میں ملی، سوال کرتاہوں کہ کیا اب میڈیا آزاد ہے؟ فواد چوہدری نے بتایا کہ جب میں پاکستان ٹیلی ویژن گیا تھا تو ادارہ 4.5 ارب روپے کے نقصان میں چل رہا تھا، میں نے 3.5 ارب روپے کے منافع پر پی ٹی وی کو چھوڑا۔

کریڈٹ: انڈیپنڈنٹ نیوز پاکستان-آئی این پی

اسلام آباد کی احتساب عدالت نے جہلم کے تعمیراتی منصوبوں میں خورد برد کیس میں پاکستان تحریک انصاف کے سابق رہنما و سابق وفاقی وزیر فواد چوہدری کا 4 روزہ جسمانی ریمانڈ منظور کرلیا۔ احتساب عدالت کے جج محمد بشیر نے محفوظ فیصلہ سنایا، وفاقی تحقیقاتی ادارے (نیب)کے پراسیکیوٹر کا کہنا تھا کہ فوادچوہدری کے کیس کے حوالے سے بینکنگ ریکارڈ برآمد کرنا ہے۔ عدالت نے فوادچوہدری کی جانب سے خاندان والوں سے ملاقات کرنے کی استدعا بھی منظور کرلی۔

کریڈٹ: انڈیپنڈنٹ نیوز پاکستان-آئی این پی

نگران وزیراعظم انوار الحق کاکڑ نے ا قوام متحدہ میں پاکستان کے مستقل مندوب منیر اکرم کو اقوام متحدہ کے پلیٹ فارم پر مسئلہ فلسطین پر پاکستان کے موقف کی موثر نمائندگی پر سراہا تے ہوئے کہا کہ عالمی سطح پر ملک کی معاشی فلاح و بہبود کے لیے مواقع کی نشاندہی کرنا پاکستان کے تمام سفارتی نمائندوں کی اولین ترجیح ہونی چاہیے۔ جمعہ کو نگران وزیراعظم انوار الحق کاکڑ سے اقوام متحدہ میں پاکستان کے مستقل مندوب منیر اکرم کی ملاقات ہوئی ہے۔ نگران وزیراعظم نے منیر اکرم کو اقوام متحدہ کے پلیٹ فارم پر مسئلہ فلسطین پر پاکستان کے موقف کی موثر نمائندگی پر سراہا، وزیراعظم نے منیر اکرم کو اقوام متحدہ میں مسئلہ کشمیر پر پاکستان کے موقف کو تواتر سے اجاگر کرنے کی ہدایت کی ۔ وزیراعظم نے کہا کہ عالمی سطح پر ملک کی معاشی فلاح و بہبود کے لیے مواقع کی نشاندہی کرنا پاکستان کے تمام سفارتی نمائندوں کی اولین ترجیح ہونی چاہیے۔ منیر اکرم نے وزیراعظم کو اپنے مشن کی کارکردگی سے آگاہ کیا اور وزیراعظم سے خارجہ پالیسی کے ضمن میں ہدایات لیں۔

کریڈٹ: انڈیپنڈنٹ نیوز پاکستان-آئی این پی

نگران وزیر اعظم انوار الحق کاکڑ نے کہا ہے کہ پاکستان بہادر کشمیری عوام کی سیاسی، سفارتی، اخلاقی حمایت جاری رکھے گا۔جمعہ کونگران وزیر اعظم نے یوم حق خود ارادیت کے موقع پر اپنے پیغام میں کہا کہ آج دنیا بھر کے کشمیری اقوام متحدہ کے کمیشن برائے ہندوستان اور پاکستان (یو این سی آئی پی)کی طرف سے منظور کی گئی قرارداد کی 75 ویں سالگرہ منا رہے ہیں ، جس کے مطابق جموں و کشمیر کے تنازع کا فیصلہ جمہوری طریقے سے آزادانہ اور غیر جانبدارانہ استصواب رائے کے ذریعے کیا جائے گا۔ انہوں نے کہا کہ آج کا دن کشمیریوں کے اس ناقابل تنسیخ حق خودارادیت کا اعادہ ہے جو بین الاقوامی قانون کے عین مطابق ہے اور بین الاقوامی انسانی حقوق نے بھی اس کی تائید کی ہے ، یہ افسوسناک امر ہے کہ ساڑھے سات دہائیوں سے زائد عرصہ گزرنے کے باوجود بھارت کے غیر قانونی طور پر مقبوضہ جموں و کشمیر (IIOJK) کے مظلوم عوام اس بنیادی حق کا استعمال نہیں کر سکے۔ بھارت جموں و کشمیر کے عوام پر ظلم و ستم کا سلسلہ جاری رکھے ہوئے ہے، 5 اگست 2019 سے، بھارت ایک سازشی عمل میں مصروف ہے ، جس کا مقصد IIOJK کی آبادی کے ڈھانچے اور سیاسی منظر نامے کو تبدیل کر کے کشمیریوں کو ان کی اپنی سرزمین میں ایک بے اختیار کمیونٹی میں تبدیل کرنا ہے۔ جموں و کشمیر کی حیثیت سے متعلق بھارتی سپریم کورٹ کا حالیہ فیصلہ کشمیری عوام کے حق خود ارادیت سے انکار کی جانب ایک اور قدم ہے، اس طرح کی قانون سازی اور انجینئرڈ عدالتی فیصلوں کے ذریعے کشمیریوں کی حقیقی امنگوں کو ختم نہیں کیا جا سکتا۔ انہوں نے کہا کہ اقوام متحدہ کی جنرل اسمبلی (یو این جی اے )ہر سال "عوام کے حق خود ارادیت کی عالمگیر احساس" پر ایک قرارداد منظور کرتی ہے جس کا مقصد جبری قبضے میں رہنے والے لوگوں کی حالت زار اور حقوق کی طرف بین الاقوامی توجہ مبذول کرانا ہے۔ بین الاقوامی برادری، خاص طور پر اقوام متحدہ، اس بات کو یقینی بنانے کی ذمہ داری اٹھاتی ہے کہ مقبوضہ جموں کشمیر کے لوگ اپنے ناقابل تنسیخ حق خود ارادیت کا استعمال کریں۔ وزیراعظم نے کہا کہ پاکستان بہادر کشمیری عوام کی اقوام متحدہ کی سلامتی کونسل کی متعلقہ قراردادوں کے مطابق حق خودارادیت کے ناقابل تنسیخ حق سمیت ان کے حقوق کی منصفانہ جدوجہد میں ان کی مکمل سیاسی، سفارتی اور اخلاقی حمایت جاری رکھے گا۔

کریڈٹ: انڈیپنڈنٹ نیوز پاکستان-آئی این پی

بلوچستان کے کئی شہروں میں موسم سرما کی شدت بڑھ گئی ، برف باری شروع ہو چکی ہے۔گزشتہ رات بھر بارش سے نشیبی علاقے زیر آب آ گئے۔ شمالی بلوچستان کے مختلف اضلاع کان مہترزئی خانوزئی سمیت زیارت و قلات میں برفباری جاری ہے جب کہ کوئٹہ میں بارش کے بعد نشیبی علاقے زیر آب آگئے۔ دکی میں بارش اور سنجاوی چوتیر سمیت قلات میں برفباری موسم مزید سرد ہو گیا۔ صحبت پور سوئی میں بھی بارش سے موسم کی شدت بڑھ گئی۔ ادھر وادی زیارت و گردنواح میں برفباری سے پہاڑوں اور عمارتوں نے سفید چادر اوڑھ لی ہے۔ شہر میں 6 انچ جب کہ پہاڑوں پر 8 انچ کے قریب برف پڑ چکی ہے۔ برفباری کا سلسلہ رات گئے شروع ہوا جو صبح سویرے تک جاری رہا۔ برفباری کے باعث زیارت شہر کے پہاڑ دلکش فطری مناظر پیش کررہے ہیں۔ محکمہ موسمیات کے مطابق برفباری کی وجہ سے سردی کی شدت میں بھی کافی اضافہ ہوگیاہے۔ آج کم سے کم درجہ حرات منفی 2 ریکارڈ کیا گیا۔ دریں اثنا ڈیرہ مراد جمالی شہر و مضافات میں موسم سرما کی پہلی بارش ہوئی۔ نصیرآباد میں بارش سے سردی کی شدت میں اضافہ ہوگیا۔ بارش شروع ہوتے ہی بجلی اور گیس غائب ہو گئی، جس سے شہریوں کو پریشانی کا سامنا کرنا پڑا۔ ادھر کوئٹہ میں بھی رات گئے بارش کے بعد سے شہر کے مختلف علاقوں میں بجلی غائب ہو گئی۔ مانجھی پور شہر اور گردونواح میں بارش کے بعد موسم سرد ہوگیا۔

کریڈٹ: انڈیپنڈنٹ نیوز پاکستان-آئی این پی

پاکستان پیپلزپارٹی کے چیئرمین اور سابق وزیر خارجہ بلاول بھٹو زرداری نے کہا ہے کہ پی پی شہید بھٹو کے منشور 'روٹی، کپڑا اور مکان' پر عمل کرے گی۔ چیئرمین پیپلزپارٹی بلاول بھٹوزرداری نے سابق وزیراعظم ذوالفقارعلی بھٹو کو ان کے یوم ولادت پر خراج عقیدت پیش کیا ہے۔ سابق وزیراعظم ذوالقفار علی بھٹو کے یوم ولادت کے موقع پر اپنے خصوصی پیغام میں بلاول بھٹو کا کہنا تھا کہ قائدعوام صرف ایک فرد یا کسی ایک جماعت کے لیڈرنہیں، شہید بھٹو کا ہر قدم سیاسی دوراندیشی اور پاکستان سے وابستگی کا مظہر ہے۔ انہوں نے مزید کہا کہ ہم قائدِعوام کیمنشور پر عمل کر کیمہنگائی، بیروزگاری اورغربت پر قابو پائیں گے۔

کریڈٹ: انڈیپنڈنٹ نیوز پاکستان-آئی این پی

قومی احتساب بیورو (نیب)نے سابق وفاقی وزیر مراد سعید کے خلاف نئی انکوائری شروع کردی۔ نیب نے تحریک انصاف کے رہنما اور سابق وفاقی وزیر مراد سعید کیخلاف نئی انکوائری شروع کردی ہے اور اس حوالے سے نیب نے الیکشن کمیشن کو خط بھی لکھا ہے۔ مراد سعید مفرور اور کئی مقدمات میں مطلوب ہیں۔ واضح رہے کہ عام انتخابات کے لیے مراد سعید نے کاغذات نامزدگی جمع کرائے تھے جسے مسترد کردیا گیا۔

کریڈٹ: انڈیپنڈنٹ نیوز پاکستان-آئی این پی

سانحہ 9 مئی میں مخصوص سیاسی جماعت کے شر پسندوں کے ملوث ہونے کے مزید شواہد سامنے آگئے۔ ویڈیو میں مکمل تیاری کے ساتھ شرپسند مخصوص جماعت کا پرچم اٹھائے تخریب کاری میں مصروف نظر آتے ہیں، باغیانہ نعروں کے ساتھ شرپسندوں کو سرکاری املاک کو آگ لگاتے دیکھا جا سکتا ہے۔ ویڈیو میں دیکھا جا سکتا ہے کہ مخصوص جماعت کے شر پسند کارروائی پر اظہار مسرت اور کامیابی کے اشارے بھی کرتے نظر آ رہے ہیں، جناح ہاس میں توڑ پھوڑ اور آگ لگاتے ہوئے ویڈیو بناتے یہ شر پسند واضح دیکھے جا سکتے ہیں۔ لوٹ مار اور تخریب کاری کے یہ خوفناک مناظر مخصوص جماعت کی طرف سے ریاست کو نقصان پہنچانے کے واضح ثبوت ہیں کیا اس میں کوئی شک باقی ہے کہ سانحہ نو مئی مخصوص جماعت کی طرف سے مکمل تیاری کے ساتھ کیا گیا تھا؟

کریڈٹ: انڈیپنڈنٹ نیوز پاکستان-آئی این پی

اسلام آباد ہائی کورٹ نے پولیس کو بلوچ مظاہرین کو ہراساں نہ کرنے کا حکم دے دیا۔ بلوچ مظاہرین کی پولیس کی جانب سے مسلسل ہراساں کرنے کے خلاف درخواست کی سماعت اسلام آباد ہائی کورٹ میں ہوئی۔ جسٹس محسن اختر کیانی نے درخواست کی سماعت کی۔ جسٹس محسن اخترکیانی نے اسلام آباد پولیس انتظامیہ کو بلوچ مظاہریں کو ہراساں نہ کرنے کا حکم دیتے ہوئے کہا کہ نامعلوم افراد کی وجہ سے یہ بھائیوں بیٹوں کو یہاں ڈھونڈ رہے ہیں۔ جن کے بھائی باپ بیٹے گمشدہ ہیں وہ وہی جانتے ہیں ان پر کیا گزر رہی ہے۔وفاقی حکومت کو بھی سمجھ نہیں آتی ہم معاملات کہاں لیکر جا رہے ہیں۔ جسٹس محسن اختر کیانی نے ریمارکس دئیے شاہراہ دستور ڈی چوک یہاں تو زندگی گزر گئی لوگ احتجاج کرتے ہیں۔ قانون ہوتا تو یہ بلوچستان سے یہاں آتے۔ عورتوں اور بچوں کو کچھ ہوا تو انتظامیہ اور پولیس ذمہ دار ہوگی۔ مظاہرین کو تحفظ دینا بھی پولیس کی ذمہ داری ہے۔ نمائندہ آئی جی اسلام آباد نے عدالت میں موقف اختیار کیا کہ یہ کوئی چیز لے کر آئے ہیں تو ہمیں دکھائیں۔ ان کا آپس میں کوئی جھگڑا ہو گا تو کوئی نامعلوم افراد لے گئے۔ درخواست گزار کے وکیل عطا اللہ کنڈی نے کہا کہ یہ کہنا شروع کر دیتے ہیں اس چیز کی اجازت نہیں این او سی لیکر آئیں۔ ہم فوکل پرسن رکھنے کے لیے تیار ہیں لیکن یہ تنگ کر رہے ہوتے ہیں۔ یہ دیگ میں بھی ہاتھ ڈال کر چاول بھی چیک کرتے ہیں قانون بھی کچھ ہے۔ سیکورٹی کے لیے واک تھرو گیٹ بھی یہ لگا سکتے ہیں۔ درخواست گزار کا موقف تھا کہ میرے والد 15 سال سے لاپتہ ہیں۔ ایس ایچ او کا رویہ بڑا عجیب ہے۔ ہم اسلام آباد آئے ہیں اور ہمارے ساتھ یہ رویہ ہے۔ ڈی سی اسلام آباد عرفان نواز میمن اور ایس ایس پی آپریشنز عدالت میں پیش ہوئے۔ ڈپٹی کمشنر اسلام آباد نے کہا کہ ساونڈ سسٹم 24 گھنٹے تو استعمال نہیں کیا جا سکتا۔ دوسرے شہریوں کے بھی حقوق ہوتے ہیں۔

کریڈٹ: انڈیپنڈنٹ نیوز پاکستان-آئی این پی

سینیٹ میں قائد ایوان اسحاق ڈار نے کہا ہے کہ لوگ کہتے ہیں وزیراعظم کے بجائے بڑے صوبے کے وزیراعلی بن جائیں۔ چیئرمین سینٹ صادق سنجرانی کی زیر صدارت سینیٹ کے اجلاس میں اظہار خیال کرتے ہوئے اسحاق ڈار نے کہا کہ صوبے مل کر وفاق کے ساتھ طے کریں اور تعلیم اور صحت کے شعبے میں حوصلہ افزا رقم خرچ کریں۔ اسحاق ڈار کا مزید کہنا تھا کہ آج کل زیادہ تر لوگ کہتے ہیں کہ وزیراعظم بننے کے بجائے بڑے صوبے کے وزیراعلی بن جائیں۔ صوبوں کے پاس وسائل موجود ہیں،صحت اور تعلیم کے شعبے پر کم توجہ دی گئی۔پی ٹی آئی کے سینیٹر دلاور نے کہا کہ 18 ویں ترمیم کوئی آسمانی صحیفہ نہیں۔ اس کی وجہ سے صوبوں میں مسائل پیدا ہو رہے ہیں۔ ڈبلیو ایچ او کے سرٹیفیکیٹ کی طرف حکومت توجہ دے۔ سینیٹر بیرسٹر علی ظفرکا کہنا تھا کہ ایسی کمیٹی تشکیل دی جائے جو وفاق اور صوبوں کے درمیان کوارڈینیشن موثر بنائے۔ چیئرمین سینیٹ نے کمیٹی تشکیل دینے کی ہدایت دے دی۔

کریڈٹ: انڈیپنڈنٹ نیوز پاکستان-آئی این پی

پاکستان پیپلز پارٹی کے امیدوار مرزا اختیار بیگ کو قومی اسمبلی کے حلقہ این اے 241 سے الیکشن لڑنے کی مشروط اجازت دے دی گئی۔ الیکشن ٹربیونل میں اس حوالے سے ہونے والی سماعت کے دوران جسٹس عدنان الکریم میمن نے کہا کہ اگر دہری شہریت ختم ہوچکی ہے تو بیان حلفی جمع کرائیں۔ عدالت کی جانب سے کہا گیا کہ اگر بیان حلفی غلط ثابت ہوا تو الیکشن جیتنے کے بعد کامیابی منسوخ ہو جائے گی۔ واضح رہے کہ ملک بھر میں عام انتخابات 8 فروری کو شیڈول ہیں۔

کریڈٹ: انڈیپنڈنٹ نیوز پاکستان-آئی این پی

حلقہ این اے 122 سے بانی پی ٹی آئی کے کاغذات نامزدگی مسترد کرنے کے خلاف اپیل سماعت کے لیے مقرر کر دی گئی ہے، ایپلٹ ٹربیونل کے جج رسال حسن سید (آج) ہفتہ کو اپیل پر سماعت کریں گے۔ ادھر حلقہ این اے 119 سے مسلم لیگ ن کی سینئر نائب صدر اور چیف آرگنائزر مریم نواز کے کاغذات نامزدگی کی منظوری کے خلاف اپیل پر بھی سماعت (آج)ہفتہ کو ہو گی۔

کریڈٹ: انڈیپنڈنٹ نیوز پاکستان-آئی این پی

اپیلٹ ٹربیونل نے شہباز شریف کے کاغذات نامزدگی منظور اور حماد اظہر کے مسترد کرنے کیخلاف درخواست پر آر اوز سے جواب طلب کر لیا۔ مسلم لیگ ن کے صدر شہباز شریف کے قومی اسمبلی کے حلقہ این اے 132 سے کاغذات نامزدگی کی منظوری کے خلاف اپیل پر سماعت ہوئی۔ اپیلٹ ٹربیونل نے ریٹرننگ افسر کو نوٹسز جاری کرتے ہوئے جواب طلب کرلیا۔ اس حوالے سے اپیل میں موقف اپنایا گیا تھا کہ صدر مسلم لیگ ن اور سابق وزیراعظم شہباز شریف آئین کے آرٹیکل 62 اور 63 پر پورا نہیں اترتے۔ علاوہ ازیں پی ٹی آئی کے رہنما حماد اظہر کے کاغذات نامزدگی مسترد کرنے کے خلاف بھی دائر اپیل پر سماعت ہوئی، الیکشن ٹربیونل نے آر او کو نوٹسز جاری کرتے ہوئے جواب طلب کرلیا۔ اپیل میں موقف اپنایا گیا ہے کہ ریٹرننگ افسر نے قانون کے منافی کاغذات نامزدگی مسترد کیے۔

کریڈٹ: انڈیپنڈنٹ نیوز پاکستان-آئی این پی

ایبٹ آباد میں مسلم لیگ ن کے قائد اور سابق وزیر اعظم نواز شریف کے کاغذات نامزدگی پر اعتراض کے معاملے پر الیکشن ٹربیونل نے سماعت 8 جنوری تک ملتوی کر دی۔ دوران سماعت نواز شریف کی طرف سے بیرسٹر جہانگیر جدون ٹربیونل میں پیش ہوئے۔ الیکشن ٹربیونل نے کہا کہ ممبران پارلیمنٹ کی اہلیت کا کیس سپریم کورٹ میں زیر سماعت ہے، سپریم کورٹ کے فیصلے کا انتظار ہے۔ واضح رہے کہ نواز شریف کے کاغذات نامزدگی این اے 15 مانسہرہ سے اعظم خان سواتی نے چیلنج کیے تھے۔

کریڈٹ: انڈیپنڈنٹ نیوز پاکستان-آئی این پی