چین نے جنوبی جزیرہ نما صوبہ ہائی نان کے وین چھانگ خلائی جہاز لانچ مرکز سے مزید 3 نئے سیٹلائٹ خلا میں بھیج دیئے ہیں۔بھیجے گئے سیٹلائٹ کے نام ، شی جیان۔ 23، شی یان ۔22 اے اور شی یان۔ 22 بی ہیں جنہیں لانگ مارچ 7 کے ترمیم شدہ ورژن کی مدد سے صبح 6 بجے( بیجنگ وقت)پر خلا میں بھیجا گیا جو کامیابی سے مقررہ مدار میں داخل ہو گئے۔شی جیان -23 سیٹلائٹ بنیادی طور پر سائنسی تجربات اور تکنیکی تصدیق کے لئے استعمال کیا جاتا ہے جبکہ شی یان -22 اے اور شی یان -22 بی سیٹلا ئٹس مدار میں خلائی ماحول کی نگرانی جیسی نئی ٹیکنالوجیز کی تصدیق کے لئے استعمال کئے جاتے ہیں ۔یہ لانگ مارچ کیریئر راکٹ سیریز کا 459 واں پرواز مشن تھا۔

کریڈٹ: انڈیپنڈنٹ نیوز پاکستان-آئی این پی

چین میں ریل ٹرانزٹ لائنز اس وقت 55 شہروں میں کام کررہی ہیں اور 2022 کے اختتام تک ان کی مجموعی لمبائی 10291.95 کلومیٹر ہو گئی۔چائنہ ایسوسی ایشن آف میٹروز کے اعدادوشمار کے مطابق میٹرو لائنز مجموعی لائن کے 77.85 فیصد کے مساوی ہیں۔اعدادوشمار کے مطابق صرف 2022 میں چین کے شہروں میں 1085.17 کلومیٹر ریل ٹرانزٹ لائنز فعال ہوئیں جس میں تقریبا نصف نے چوتھی سہ ماہی کے دوران کام شروع کیا تھا۔ایسوسی ایشن نے کہا کہ گزشتہ برس فعال ہونے والی نئی لائنز میں میٹرو نیٹ ورک کا حصہ 74.01 فیصد رہا ،اس کے بعد ریل ریپڈ ٹرانزٹ اور ٹرام کا نمبر آتا ہے جو بالترتیب 19.57 فیصد اور 5.64 فیصد تھا۔چین کے مشرقی ہانگ ژو اور جنوبی شین ژین میں 2022 کے دوران طویل ترین ریل ٹرانزٹ لائنز نیٹ ورک کا حصہ بنیں جبکہ گزشتہ برس چین کے 5 دیگر شہروں میں ریل ٹرانزٹ کا آ غاز ہوا۔

کریڈٹ: انڈیپنڈنٹ نیوز پاکستان-آئی این پی

چین کی نیشنل آرکائیوز ایدمنسٹریشن اور روس کی فیڈرل آرکائیو ایجنسی نے مشترکہ طور پر 1949 سے 1960 کے ما بین چین۔سوویت یو نین ثقافتی تعلقات با رے آ رکائیوز کی ایک تالیف شا ئع کی ہے۔یہ تالیف سِنگہوا یو نیو رسٹی کی جا نب سے شا ئع اور تقسیم کی گئی ہے۔اس میں معا ہدوں ، پروٹو کولز اور قراردادوں سمیت چین اور سو ویت یو نین کے ما بین بات چیت کا ریکارڈ شا مل ہے۔اس میں دونوں حکومتوں اور حکام کے ما بین وفود کے دوروں بارے رپورٹس اور خطوط شا مل ہیں۔کچھ آ رکا ئیوز کو پہلی مر تبہ شا ئع کیا گیا ہے۔

کریڈٹ: انڈیپنڈنٹ نیوز پاکستان-آئی این پی

چین میں مرکزی اداروں اور ان کی شاخوں کے خالی عہدوں کے لئے سالانہ سول سروس کے بھرتی امتحان میں 15لاکھ 20 ہزار سے زائد افراد نے شرکت کی۔قومی سول سروس انتظامیہ کے مطابق رواں سال امتحان نے تقریبا 19 لاکھ 50 ہزار امیدوار وں کی تو جہ حاصل کی۔ اس میں ہر 41 میں سے ایک کو بھرتی کیا جائے گا۔تحریری امتحان اتوار کو ملک بھر میں 287 شہروں میں بیک وقت منعقد ہوا تھا۔چین رواں سال 37 ہزار 100 سرکاری ملازمین بھرتی کرنے کا ارادہ رکھتا ہے جو مرکزی اداروں اور براہ راست ان کے ماتحت اداروں میں کام کریں گے۔

کریڈٹ: انڈیپنڈنٹ نیوز پاکستان-آئی این پی

چین کے شمال مغربی سنکیانگ ویغور خود اختیار خطے کی توانائی کے مر کب میں مسلسل بہتری ہورہی ہے۔ جنوری 2023 میں پہلی مرتبہ نئی توانائی سے بجلی کی تنصیب شدہ پیداواری صلاحیت 4 کروڑ کلو واٹس سے زائد ہوگئی۔ریاستی گرڈ سنکیانگ الیکٹرک پاور کمپنی لمیٹڈ کے مطابق خطے میں نئی توانائی بجلی کی تنصیب شدہ صلاحیت بڑھ کر 4 کروڑ 70 لاکھ کلوواٹس ہوگئی ہے جو مجموعی تنصیب شدہ صلاحیت کے 36.09 فیصد کے مساوی ہے۔خاص کر ہوا سے بجلی پیدا کرنے کی تنصیب شدہ صلاحیت 2 کروڑ 61 لاکھ کلوواٹس تک پہنچ گئی جبکہ فوٹو وولٹک توانائی کی صلاحیت 1 کروڑ 45 لاکھ کلوواٹس ہوچکی ہے۔سال 2022 کے دوران سنکیانگ میں نئی توانائی سے بجلی کی پیداواری صلاحیت میں 40 لاکھ کلو واٹس کا اضافہ ہوا جو 2021 کی نسبت 254.17 فیصد زائد ہے۔سنکیانگ میں 2022 کے دوران نئی توانائی سے بجلی کی پیداوار 76.8 ارب کلو واٹ۔ آورز تھی جو خطے کی مجموعی پیداوار کا تقریبا 20 فیصد بنتی ہے جبکہ نئی توانائی پیدا کرنے کی استعمال کی شرح 96.4 فیصد تک پہنچ گئی ۔

کریڈٹ: انڈیپنڈنٹ نیوز پاکستان-آئی این پی

چین کا جنوبی جزیرہ ہائی نان سیاحت سے مالا مال ہے اور یہاں اس شعبے میں حالیہ دنوں میں بحالی ہوئی ہے۔یہ سب چین میں دسمبر کے دوران نوول کرونا وائرس کی روک تھام اور تدارک کو مزید بہتر بنانے کے بعد ہوا ہے۔ہائی نان کے آف شور ڈیوٹی فری شاپنگ مالز میں یومیہ فروخت 2022 میں 13 سے 19 دسمبر تک مسلسل 7 روز کے دوران 10 کروڑ آرایم بی (تقریبا 1 کروڑ 47 لاکھ امریکی ڈالرز) سے زائد رہی۔چین نے اب نوول کرونا وائرس کو کلاس اے متعدی بیماریوں کی بجائے کلاس بی متعدی قرار دیکر اس کے خلاف اقدامات اٹھائے ہیں، یہ اس کی وبائی امراض سے نمٹنے کی پالیسی میں ایک بڑی تبدیلی ہے۔انتظامی پالیسی میں اس تنزلی سے اندرون و بیرون ملک ہموار اور منظم سفر کی سہولت ملے گی، تبادلے و تعاون میں اضافہ ہوگا اور مقامی و عالمی معیشت کے فروغ میں بھی مدد ملے گی۔

کریڈٹ: انڈیپنڈنٹ نیوز پاکستان-آئی این پی

چین نے اتوار سے کلاس اے متعدی بیماریوں کی بجائے کلاس بی متعدی بیماریوں کا مقابلہ کرنے بارے اقدامات کے ساتھ نوول کرونا وائرس بارے انتظامات شروع کرد ئیے ہیں۔اسی دن شِنہوا کے نامہ نگار نے شنگھائی پوڈونگ بین الاقوامی ہوائی اڈے کا دورہ کیا تاکہ انسداد وبا کے بہتر اقدامات کے بعد آمد ہال کا منظر دیکھا جاسکے۔

کریڈٹ: انڈیپنڈنٹ نیوز پاکستان-آئی این پی

چین کی نیشنل ہیلتھ کئیر سکیورٹی ایڈ منسٹریشن نے کہا ہے کہ چین کے قو می طبی انشو رنس کے نظام میں ادویات کو شا مل کر نے با رے مذاکرات ختم ہو گئے ہیں۔اس کے تحت 2 مز ید انسداد نوول کرو نا وائرس ادویات کا میابی سے شا مل کر لی گئی ہیں۔نیشنل ہیلتھ کئیر سکیورٹی ایڈ منسٹریشن نے کہا ہے کہ 4 روزہ مذاکرات کے دوران تین ادو یات فا ئزر پیکسلو ویڈ اینٹی وائرل کمبی نیشن، ایز وو ڈائن ٹیبلیٹس اور ایک ہربل گرینوئل میڈ یسن پر گفتگو کی گئی جن میں سے موخر الذکر دو ادویات کو فہر ست میں شا مل کیا گیا۔عہد یدار نے کہا کہ پیکسلو ویڈ کو مہنگے نرخ ہو نے کے باعث فہر ست میں شا مل نہیں کیا گیا جبکہ موجو دہ پا لیسی کے تحت طبی انشو رنس کا نظام ما رچ کے اختتام تک پیکسلو ویڈ کے استعمال پر آ نے والے اخرا جات ادا کر تا رہے گا ۔عہد یدار نے مز ید بتا یا کہ مذاکرات کے بعد اب تقر یبا 60 سے زائد اد ویات نوول کرو نا وائرس کی بخار اور کھا نسی جیسی علا مات کے علا ج کے لئے کے لئے استعمال ہو رہی ہیں۔یہ سب قو می طبی انشو رنس کے نظام کے تحت ادویات کی فہر ست میں شامل ہیں۔عہد یدار نے بتا یا کہ اگلے مر حلے میں ایڈ منسٹر یشن مر یضوں سے بوجھ کم کر نے کے لئے فہرست کو مئو ثر طر یقے سے مزید تر تیب دے گی ۔فہرست کے حوالے سے مذاکرات کے حتمی نتا ئج کا مستقبل قریب میں اعلان کیا جا سکتا ہے۔

کریڈٹ: انڈیپنڈنٹ نیوز پاکستان-آئی این پی

چین نے 2022 کے ابتدا ئی 11 ما ہ کے دوران 52 ہزار 500 پرانی شہری ر ہا ئشی کمیو نٹیز کی تز ئین و آ رائش شروع کی اور سا لا نہ ہدف حاصل کر لیا۔وزارت ہا سنگ اینڈ اربن-رورل ڈیویلپمنٹ کے اعدادو شمار کے مطا بق گز شتہ سال شرو ع کئے جا نے والے تز ئین و آ رائش کے منصوبے سے تقر یبا 87 لا کھ 60 ہزار گھر مستفید ہو ں گے۔چین نے گز شتہ ایک د ہائی کے دوران 1 لا کھ 60 ہزار سے زائد شہر ی علا قوں کی تز ئین و آ را ئش کی جس سے تقر یبا 2 کروڑ 80 لا کھ گھرا نے مستفید ہو ئے۔

کریڈٹ: انڈیپنڈنٹ نیوز پاکستان-آئی این پی

شین ژین اور ہانگ کانگ کو ملانے والے مختلف سفری پوائنٹس اتوار کی صبح سے دوبارہ کھول دیئے گئے ہیں جس کے ساتھ ہی مین لینڈ اور ہانگ کانگ کے درمیان معمول کا سفر دوبارہ شروع ہوچکا ہے۔شین ژین - ہانگ کانگ سرحدی کنٹرول پوائنٹس کو جدید اور منظم طریقے سے دوبارہ کھولنا گزشتہ 3 برس میں مین لینڈ اور ہانگ کانگ کے درمیان افراد کے معمول کے تبادلے بحال ہونے کی سمت پہلا قدم ہے۔

کریڈٹ: انڈیپنڈنٹ نیوز پاکستان-آئی این پی

نظامت زرعی اطلاعات محکمہ زراعت نے کاشتکاروں کو ٹماٹر کی شاندار فصل حاصل کرنے کیلئے ٹنل میں سالار ایف ون، ساحل ایف ون، نقیب کی کاشت کی ہدایت کی ہے اور کہاہے کہ مذکورہ اقسام کی کاشت سے ٹماٹر کی بہتر پیداوار حاصل کی جاسکتی ہے۔انہوں نے کہاکہ ٹماٹر کی ٹنل میں کاشت کیلئے دو طرح کی اقسام سے استفادہ کیاجاسکتاہے جن میں ایک لمبے قد والی دوسری چھوٹے و درمیانے قد والی قسم شامل ہیں۔انہوں نے بتایاکہ حالیہ تجربات سے یہ بات بھی ثابت ہوئی ہے کہ ٹنل میں کاشت کیلئے ٹماٹر کی دوغلی یعنی ہائبرڈ اقسام زیادہ موزوں ہے۔ انہوں نے بتایاکہ ٹماٹر کی سالار ایف ون قسم عمومی کاشت کیلئے منظور کی گئی ہے جو 72 ٹن فی ایکڑ تک پیداوار دیتی ہے۔اسی طرح ساحل ایف ون نامی لمبے قد والی امپورٹڈ قسم میں ٹماٹر کاسائز قدرے بڑا اور شکل لمبوتری دل نما ہوتی ہے اور یہ قسم بھی اچھی پیداواری صلاحیت کی حامل ہے۔ انہوں نے بتایاکہ نقیب نامی قسم چھوٹے قدکی عمومی کاشت کیلئے منظور شدہ ہے جو 21 سے 25 ٹن فی ایکڑ پیداوار دیتی ہے۔

کریڈٹ: انڈیپنڈنٹ نیوز پاکستان-آئی این پی

خوردنی تیل کی پیداوار بڑھانے اورسالانہ300سے350 ارب روپے کی درآمدات سے بچاؤ کیلئے سن فلاور کی فصل انتہائی اہم کردار ادا کر سکتی ہے لہٰذا کاشتکار100سے120دن کے عرصہ میں تیار ہونیوالی کم مدت و کم خرچ کی حامل سن فلاور کی اعلیٰ قسم کے 40سے 45فیصد تک تیل کی حامل فصل کی کاشت پر خصوصی توجہ مرکوز کریں۔ڈائریکٹر آئل سیڈ ریسرچ انسٹیٹیوٹ آری فیصل آباد محمد آفتاب نے'بتایا کہ چونکہ یہ کم مدت کی فصل ہے اسلئے اسے دو بڑی فصلات کی کاشت کے درمیانی عرصہ میں آسانی سے کاشت کیا جا سکتا ہے۔انہوں نے بتایا کہ بھاری میرا زمین سن فلاور کی کاشت کیلئے بہت موزوں ہے تاہم سیم زدہ اور بہت ریتلی زمین اس کیلئے موزوں نہیں، کاشتکار زمین کی تیاری کیلئے راجہ ہل یا ڈسک ہل پوری گہرا ئی تک چلائیں تاکہ پودوں کی جڑیں گہرائی تک جا سکیں، ہائبرڈ اقسام عام اقسام کی نسبت زیادہ پیداوار دیتی ہیں اسلئے اچھی شہر ت کی حامل کمپنیوں کے ہائبرڈ بیج اپنے علاقے کی نسبت سے کاشت کی جائے،شرح بیج کا انحصار زمین کی قسم، بیج کی شرح روئیدگی، وقت کاشت اور طریقہ کاشت پر ہوتا ہے جبکہ اچھے اگاؤ والے صاف ستھرے دوغلی اقسام کے بیج کی فی ایکڑ مقدار دو تا اڑھائی کلوگرام رکھنی چاہیے اور بیج کا اگاؤ بھی 90 فیصدسے زیادہ ہو۔انہوں نے کہا کہ اگر اگاؤ کی شرح کم ہو تو بیج کی مقدار اسی حساب سے بڑھا ئی جائے نیزسن فلاور کی اچھی پیداوار حاصل کرنے کیلئے فصل کا قطاروں میں کاشت کرنا بے حد ضروری ہے اور قطاروں کا درمیانی فاصلہ سوا دو تا اڑھائی فٹ اور پودوں کا درمیانی فاصلہ آبپاش علاقوں میں 9 انچ اور بارانی علاقوں میں 12 انچ ہونا ضروری ہے۔

انہوں نے کہا کہ کاشتکار اس بات کا خاص خیال رکھیں کہ بیج تروتر میں کاشت کیا جائے اور بیج کی گہرائی زیادہ سے زیادہ دو انچ ہو کیونکہ اگر کھیلیوں پر کاشت کرنا ہو تو کھیلیاں آلو کاشت کرنے والے رجر سے شرقاً غرباً نکالیں اور کھیلیوں میں پہلے پانی لگائیں اور جہاں تک وتر پہنچے اس سے تھوڑا اوپر خشک مٹی میں جنوب کی طرف بیج لگائیں۔انہوں نے کہا کہ سن فلاور کی کاشت پلانٹر، ٹریکٹر ڈرل یا سنگل رو کاٹن ڈرل، پور یا کیرا، ڈِبلنگ(چوپا) کے ذریعے کی جا سکتی ہے، کاشت کے پہلے حصہ میں بہاولپور،رحیم یار خان، خانیوال، ملتان، وہاڑی اور بہاولنگر میں سورج مکھی کی کاشت کا وقت 31جنوری تک مقرر کیا گیا ہے جبکہ دوسرے حصہ میں مظفر گڑھ، ڈیرہ غازی خان،لیہ، لودھراں، راجن پوراور بھکر کے ا ضلاع میں سورج مکھی کی کاشت کاوقت10جنوری سے10فروری تک اور تیسرے حصہ میں میانوالی، سرگودھا، خوشباب، جھنگ، ساہیوال، اوکاڑہ، فیصل آباد، سیالکوٹ، گوجر انوالہ، لاہور، منڈی بہاؤالدین،قصور،شیخوپورہ، ننکانہ صاحب، نارووال، اٹک، ر ا ولپنڈی، گجرات،چکوال میں سورج مکھی کی کاشت کا وقت25جنوری سے فروری کے آخر تک ہو گا۔انہوں نے کہا کہ کاشتکار سورج مکھی کی کاشت کیلئے اچھے اگاؤ والے صاف ستھرے دوغلی(ہائبرڈ) اقسام کے بیج کی فی ایکڑ مقدار 2تا اڑھائی کلوگرام رکھیں۔

انہوں نے بتایاکہ سورج مکھی کی زیادہ پیداوار حاصل کرنے کیلئے موزوں وقت پر کاشت انتہائی ضروری ہے کیونکہ تاخیر سے کاشت کی صورت میں نہ صرف سورج مکھی کی فی ایکڑ پیداوار بلکہ تیل کی مقدار میں بھی کمی ہوتی ہے۔انہوں نے کہا کہ چونکہ اب کماد کی کٹائی کے بعد گندم کاشت نہ کی جا سکتی ہے اسلئے کاشتکار سورج مکھی کاشت کر کے بھر پور مالی منافع کما سکتے ہیں۔انہوں نے بتایاکہ کسان پیکیج کے تحت حکو مت کی طرف سے سورج مکھی کے کاشتکاروں کوکروڑوں روپے سبسڈی کی فراہمی کا سلسلہ بھی جاری ہے اور اس ضمن میں رجسٹرڈ کاشتکاروں کو سورج مکھی کی کاشت پر بذریعہ واؤچر 5000 روپے فی ایکڑ سبسڈی دی جا رہی ہے۔انہوں نے توقع ظاہر کی کہ کاشتکارکماد کی فصل کے بعد بہاریہ سورج مکھی کاشت کر کے حکومتی سبسڈی سے بھرپور فائدہ اٹھائیں گے۔

کریڈٹ: انڈیپنڈنٹ نیوز پاکستان-آئی این پی

بگ بیش لیگ (بی بی ایل)کے 34ویں میچ میں سڈنی سکسرز نے سڈنی تھنڈر کو 7وکٹوں سے شکست دے دی،سڈنی شو گرائونڈ کرکٹ سٹیڈیم میں کھیلے گئے میچ میں سکسرز نے ٹاس جیت کر تھنڈر کو پہلے بیٹنگ کی دعوت دی جس پر تھنڈر نے مقررہ 20اوورز میں 8وکٹوں کے نقصان پر 133رنز بنائے،سیم وائٹمین 42اور ایلیکس روز 34رنز کے ساتھ نمایاں رہے جبکہ سین ایبٹ نے عمدہ بائولنگ کا مظاہرہ کرتے ہوئے 9رنز کے عوض 3وکٹیں حاصل کیں،فاتح ٹیم نے مطلوبہ ہدف 16.2اوورز میں 3وکٹوں کے نقصان پر حاصل کر کے ایونٹ میں چھٹی کامیابی اپنے نام کی، جورڈن سلک نے 59اور موسس ہینریکس نے 53رنز کی شاندار اننگز کھیلی،فاتح ٹیم کے بالر سین ایبٹ کو بہترین کارکردگی کا مظاہرہ کرنے پر میچ کا بہترین کھلاڑی قرار دیا گیا۔

کریڈٹ: انڈیپنڈنٹ نیوز پاکستان-آئی این پی

پہلا انٹرنیشنل کرکٹ کونسل (آئی سی سی )انڈر 19ویمنز ٹی 20ورلڈ کپ 14جنوری سے 29جنوری تک جنوبی افریقا میں کھیلا جائے گا جس میں 16ٹیمیں حصہ لیں گی،انٹرنیشنل کرکٹ کونسل کے مطابق ٹورنامنٹ میں شریک ٹیموں کو چار گروپس میں تقسیم کیا گیا ہے ، گروپ اے میں آسٹریلیا، بنگلہ دیش، سری لنکا اور امریکا، گروپ بی میں پاکستان، انگلینڈ، زمبابوے اور روانڈا، گروپ سی میں آئرلینڈ، انڈونیشیا، نیوزی لینڈ اور ویسٹ انڈیز جبکہ گروپ ڈی میں بھارت، جنوبی افریقہ، متحدہ عرب امارات اور سکاٹ لینڈ شامل ہیں،پاکستانی ٹیم میگا ایونٹ میں اپنی مہم کا آغاز 15جنوری کو روانڈا کے خلاف میچ سے کرے گی، گرین شرٹس کو عروب شاہ لیڈ کریں گے، قومی انڈر 19ٹیم اپنا دوسرا گروپ میچ 17جنوری کو انگلینڈ اور تیسرا میچ 19جنوری کو زمبابوے کے خلاف کھیلے گی۔

کریڈٹ: انڈیپنڈنٹ نیوز پاکستان-آئی این پی

مختلف ضرررساں کیڑوں کے حملوں سے پاکستان میں مکئی کی پیداوار دوسرے ممالک کی نسبت کئی گنا کم ہو گئی ہے جس پر کاشتکاروں کو کونپل کی مکھی، تنے کی سنڈی، چست و سست تیلے، امریکن و لشکری سنڈی کے فوری خاتمہ کیلئے کیمیائی انسداد کی ہدایت کی گئی ہے۔پلانٹ پروٹیکشن،پیسٹ وارننگ اینڈ کوالٹی کنٹرول آف پیسٹی سائیڈز محکمہ زراعت فیصل آباد کے ڈپٹی ڈائریکٹر ڈاکٹر عامر رسول کے مطابق کونپل کی مکھی، تنے کی سنڈی، چست تیلے، سست تیلے، امریکن سنڈی، لشکری سنڈی اور دیمک کے باعث پاکستان میں مکئی کی پیداوار مسلسل کم ہو رہی ہے لہٰذاان کیڑوں کی شناخت، مختصر اً دوران زندگی اور نقصان پہنچانے کے طریقوں کو مد نظر رکھتے ہوئے ان کا انسداد ضروری ہے۔انہوں نے کہاکہ کاشتکار کونپل کی مکھی کے انسداد کیلئے ٹرائی ایزو فاس 40 ای سی 600 ملی لیٹر فی ایکڑ، فلووالینیٹ 20ای سی 175 ملی لیٹر فی ایکڑ ایڈوانٹیج 20ای سی 250ملی لیٹر فی ایکڑ کے حساب سے سپرے کریں۔ انہوں نے کہاکہ چست تیلے و سست تیلے سے بچاؤ کیلئے امیڈا کلوپرڈ 200 ایس ایل کی 100ملی لیٹر مقدار فی ایکڑ کے حساب سے سپرے کرنے کے بھی مثبت نتائج سامنے آئے ہیں۔ انہوں نے بتایاکہ امریکن سنڈی اور لشکری سنڈی کے کیمیائی انسداد کیلئے ایما میکٹن بنزوایٹ 0.19ای سی 200ایم ایل فی ایکڑ اور انڈوکسا کارب 240ایس ای 175 ملی لیٹر فی ایکڑ جبکہ دیمک کے خاتمہ کیلئے کلور پائری فاس 40ای سی 1500ملی لیٹر فی ایکڑ کے حساب سے استعمال کی جائے۔

کریڈٹ: انڈیپنڈنٹ نیوز پاکستان-آئی این پی

انگلش کرکٹ ٹیم کے بیٹر ڈیوڈ میلان نے کہا ہے کہ بنگلہ دیش پریمیئر لیگ (بی پی ایل )میں مختلف ٹیموں کی نمائندگی کرنے سے انہیں مختلف حالات میں کھیلنے کے بارے مزید جاننے اور اسپن کے خلاف اپنے کھیل کو بہتر بنانے میں مدد ملی ہے،انگلش کرکٹر ڈیوڈ میلان نے اپنے حالیہ انٹرویو میں کہا کہ میں یقینی طور پر سوچتا ہوں کہ بی پی ایل میں کھیلنے سے مجھے اسپن کے خلاف اپنی بیٹنگ بہتر بنانے میں کس طرح مدد ملی ، آپ برصغیر میں جتنا زیادہ کھیلیں گے، اتنا ہی بہتر ہے کیونکہ آپ اتنا ہی زیادہ ہنر سیکھیں گے،میلان نے کہا کہ میں ہر وقت سیکھنے کی کوشش کرنے میں بڑا ہوں، جب آپ اس طرح کے حالات میں آتے ہیں تو آپ کو اعلی معیار کے اسپنرز کا سامنا کرنا پڑتا ہے، یہاں بہت سی ٹی ٹوئنٹی کرکٹ اسپن کے ذریعے کی جاتی ہے، جب کہ دوسرے ٹورنامنٹس میں آپ کے پاس ہر ٹیم میں صرف ایک یا دو اسپنرز ہوتے ہیں،انہوں نے کہا کہ مجھے جب بھی بنگلہ دیش آنے کا موقع ملتا ہے میری کوشش ہوتی ہے کہ میں موقع سے فائدہ اٹھاں اور اپنا کھیل مزید بہتر بنائوں ، میرے خیال میں مختلف ممالک میں ہمیشہ مختلف چیلنجز ہوتے ہیں،انہوں نے کہا کہ اچھی وکٹوں کی تیاری کچھ بہتر کھلاڑیوں کو بی پی ایل میں حصہ لینے کے لیے راغب کر سکتی ہے، بعض اوقات یہاں کے حالات سخت ہوتے ہیں اور رنز بنانا واقعی مشکل بن جاتا ہے، جب آپ چٹاگانگ جاتے ہیں تو آپ کو دنیا کی بہترین بیٹنگ وکٹیں ملتی ہیں۔

کریڈٹ: انڈیپنڈنٹ نیوز پاکستان-آئی این پی

نیوزی لینڈ کے فاسٹ بولر لوکی فرگوسن نے کہا ہے کہ پاکستان سے ون ڈے سیریز میں سخت مقابلے کی توقع ہے،میڈیا سے گفتگو کرتے ہوئے لوکی فرگوسن نے کہاکہ ٹیسٹ سیریز میں دونوں ٹیمیں ہم پلہ رہیں، ون ڈے مختلف نہیں ہوں گے،پہلی بار پاکستان آیا ہوں، یہاں آکر کافی اچھا لگ رہا ہے،انہوں نے کہا کہ پاکستان میں پہلے نہیں کھیلا، کنڈیشنز کے بارے میں ساتھی پلیئرز سے پوچھا ہے، وکٹ بیٹنگ کیلئے سازگار لگ رہا ہے،کسی بھی ٹیم کو اس کی ہوم کنڈیشنز میں ہرانا مشکل ہوتا ہے،لوکی فرگوسن کا کہنا تھا کہ یو اے ای میں پاکستان سے کھیلا تھا تو اچھی پرفارمنس رہی، وہی دہرانا چاہوں گا،پاکستان کی موجودہ ٹیم میں کافی اچھے بیٹرز موجود ہیں،لوکی فرگوسن نے کہا کہ برصغیر کی کنڈیشننز نیوزی لینڈ سے کافی مختلف ہیں، آئی پی ایل کھیل کر برصغیر کی کنڈیشنز کا اندازہ ہوا ہے، ہر ملک میں مختلف کنڈیشن ہوتی ہے، کھلاڑی کا کام ایڈجسٹ کرنا ہے،انہوں نے کہا کہ بولنگ اور بیٹنگ کے درمیان اچھا مقابلہ ہوگا، کوشش ہوگی کہ جلد از جلد کنڈیشنز سے ہم آہنگ ہوں اور اپنا کردار ادا کروں، امید ہے ون ڈے سیریز کیلئے اچھا کراڈ میدان میں آئے گا۔

کریڈٹ: انڈیپنڈنٹ نیوز پاکستان-آئی این پی

پاکستانی سائنسدانوں نے پائیدار جنگلات کے انتظام کے لیے بغیر پائلٹ فضائی نظام یو اے ایس متعارف کرادیا ۔ یہ نظام محفوظ، کم خرچ، تیز رفتار اور ماحول دوست انداز میں تیزی سے جنگلات کو فروغ دے سکتا ہے، ڈرونز بہت کم اونچائی سے ہائی ریزولوشن تصاویر اور ویڈیوز لے سکتے ہیں۔ویلتھ پاک کی رپورٹ کے مطابق پاکستانی سائنسدانوں نے پائیدار جنگلات کے انتظام کے لیے ایک بغیر پائلٹ فضائی نظام یو اے ایس متعارف کرایا ہے۔ پاکستان موسمیاتی تبدیلیوں اور ماحولیاتی انحطاط سے بری طرح متاثر ہونے والے ممالک میں سے ایک ہے۔ جنگلات کے بڑے رقبے کو ترقی دینے سے اس مسئلے پر قابو پانے میں مدد مل سکتی ہے۔ انسٹی ٹیوٹ آف اسپیس ٹیکنالوجی اسلام آباد کے ایرو اسپیس اینڈ ایویونکس انجینئرنگ ڈیپارٹمنٹ کے پروفیسر ڈاکٹر عبدالمنیم خان نے ویلتھ پاک کو بتایا کہ یو اے ایس سے چلنے والا نظام محفوظ، کم خرچ، تیز رفتار اور ماحول دوست انداز میں تیزی سے جنگلات کو فروغ دے سکتا ہے۔ انہوں نے کہا کہ ڈرون اب جنگلات کے انتظام اور درختوں اور بیج بونے کی نگرانی کے لیے جنگلات میں استعمال ہوتے ہیں۔ ان کا استعمال مناظر کا نقشہ بنانے، جنگل کی کثافت کی پیمائش اور درختوں کی خصوصیات سے متعلق ڈیٹا اکٹھا کرنے کے لیے بھی کیا جاتا ہے۔ فکسڈ ونگ ڈرون بڑے جنگلاتی علاقوں کے سروے اور نقشہ سازی کے لیے استعمال کیے جاتے ہیں۔ ملٹی کاپٹر ڈرونز کے فوائد بتاتے ہوئے انہوں نے کہا کہ یہ لچکدار ہیں۔ چونکہ وہ عمودی طور پر ٹیک آف اور لینڈ کرتے ہیں، اس لیے انہیں ڈرون مشن شروع کرنے کے لیے کسی بڑے علاقے کی ضرورت نہیں ہوتی۔

وہ تھوڑی جگہ بھی منڈلا سکتے ہیںجس سے انہیں بہت سے فوائد ملتے ہیںجن میںکسی خاص علاقے یا درخت کا معائنہ کرنا یا گمشدہ لوگوں کو ضروری سامان پہنچاناشامل ہے۔ ملٹی کاپٹر ڈرون کا ایک اور فائدہ یہ ہے کہ اسے چلانا آسان ہے۔ یہاں تک کہ اڑنے والے ڈرونز کا تجربہ نہ کرنے والے بھی ان پر بہت جلد قابو پا سکتے ہیں۔ بہت سے ملٹی کاپٹر ڈرونز کو مختلف پے لوڈز کے ساتھ بھی منسلک کیا جا سکتا ہے جن میں بیج، کیڑے مار ادویات اور نگرانی کے کیمرے شامل ہیں۔ ڈاکٹر منیم نے کہا کہ جنگلات میں ڈرون کا استعمال پیسے کی بچت کرے گا اور جنگلات کے لیے وسیع تربیت کی ضرورت کو کم کرکے ورک فلو میں ڈرونز کو متعارف کرانے میں تیزی لائے گا۔ انہوں نے کہا کہ یہ درخت کی اونچائی، قطر، عمر اور مقام جیسی خصوصیات سے متعلق ڈیٹا اکٹھا کرنے میں موثر ہے۔ انہوں نے کہا کہ یہ نظام جنگل کی صحت کی نگرانی اور اس کے انتظام کے بارے میں باخبر فیصلے کرنے کے لیے معلومات اکٹھا کرنے میں مدد کرتا ہے۔ ڈرون جنگلات کے لئے اتنا اچھا ذریعہ ہیں کہ وہ مقامی اعداد و شمار کے بارے میں درستگی کی اجازت دیتے ہیں۔ ڈرونز بہت کم اونچائی سے ہائی ریزولوشن تصاویر اور ویڈیوز لے سکتے ہیںجو انہیں نقشہ سازی کے لیے مثالی بناتے ہیں۔انہوں نے کہا کہ حکام جنگل کی آگ کے خلاف جنگ میں مدد کے لیے یو اے ایس سے چلنے والے پائیدار جنگلاتی انتظام کے نظام کا استعمال کر سکتے ہیں۔ انہوں نے کہا کہ یہ نظام آگ کے پھیلاو، شدت، وسائل مختص کرنے کی ضرورت اور بچ جانے والوں کی تلاش کے بارے میں ڈیٹا اکٹھا کرتا ہے۔ انہوں نے کہا کہ ڈرونز کا استعمال جنگلات میں لگنے والی آگ کے اثرات کو کم کرنے اور ان کے پھیلا کو روکنے کے لیے کنٹرول جلانے کے لیے بھی کیا جا رہا ہے۔ ڈاکٹر منیم نے کہاکہ اس طرح پیشہ ورماہرین بڑے پیمانے پر دوبارہ جنگلات لگا سکتے ہیں اور موسمیاتی تبدیلی کے اثرات کو کم کر سکتے ہیں۔

کریڈٹ: انڈیپنڈنٹ نیوز پاکستان-آئی این پی

قومی ٹیم کے سٹار آل رائونڈر شاداب خان کی انگلی آسٹریلوی لیگ بگ بیش میں فریکچر ہوگئی تھی جس کے بعد انہیں نیوزی لینڈ کے خلاف ون ڈے سکواڈ کا حصہ نہیں بنایا گیا،ایسے میں ایک ناقد نے شاداب کو غیر ملکی لیگ کھیلنے کا طعنہ دیا،صارف نے لکھا غیر ملکی لیگز آپ پیسوں کے لیے کھیلتے ہیں، اس کے بعد زخمی ہوجاتے ہیں اور پھر قومی ٹیم کے میچز چھوڑ دیتے ہیں ،کرکٹر نے اس تنقید کا تفصیلی جواب دیا اور بتایا کہ بگ بیش لیگ کی وجہ سے آسٹریلیا میں ہونے والے ورلڈکپ میں میری کارکردگی اچھی رہی، مختلف کنڈیشنز میں کھیلنا آپ کو بہتر بناتا ہے ،شاداب نے لکھا جہاں میں قومی ٹیم کے لیے سلیکٹ ہوا وہاں ملک کے لیے کھیلوں گا ،آل رائونڈر نے ایک اور ٹوئٹ میں کہا انگلی کی انجری کبھی بھی ہوسکتی ہے، پریکٹس میں کسی کو بھی گیند لگ سکتی ہے پھر چاہے وہ آسٹریلیا ہو یا پاکستان ،شاداب خان نے کہا کہ نئی جگہوں اور تجربات سے انسان سیکھتا ہے، یہ مقصد ہوتا ہے کہ سیکھ کر پاکستان کے لیے اچھا کریں ۔

کریڈٹ: انڈیپنڈنٹ نیوز پاکستان-آئی این پی

پاکستان کو توانائی کے موجودہ بحران پر قابو پانے کے لیے بایو الیکٹرسٹی پیدا کرنیکی ضرورت، بائیو ماس کے وسائل 20,709 میگاواٹ بجلی اور 12,615 ملین مکعب میٹر بائیو گیس پیدا کرنے کی صلاحیت رکھتے ہیں،پاکستان سالانہ 427 ملین ٹن جانوروں کی کھاد، 121 ملین ٹن زرعی باقیات اور 7.5 ملین ٹن میونسپل کوآپریشن ویسٹ پیدا کرتا ہے۔ویلتھ پاک کی رپورٹ کے مطابق حکومت پاکستان کو توانائی کے موجودہ بحران پر قابو پانے کے لیے بایو الیکٹرسٹی پیدا کرنے کے لیے ملک کی صلاحیت کو تلاش کرنے کی ضرورت ہے۔ ملک کو پائیدار ترقی کے لیے صاف، سستی اور قابل اعتماد توانائی کی مسلسل فراہمی کی ضرورت ہے۔ آج کی دنیا میں یہ ایک عام خوف ہے کہ جیواشم ایندھن کی فراہمی جلد ہی ختم ہونے والی ہے۔ توانائی کی قیمتیں بھی روزانہ بڑھ رہی ہیں۔ ایک انتہائی پائیدار، ماحول دوست اور موثر قابل تجدید توانائی کے ذرائع کے طور پربائیو ماس پاکستان کو بڑھتی ہوئی طلب کو پورا کرنے کے لیے درکار توانائی فراہم کر سکتا ہے۔ توانائی کی کمی پر قابو پانے کے لیے یونیورسٹی آف ایگریکلچرفیصل آباد میں پنجاب بائیو انرجی انسٹی ٹیوٹ کے ایک ماہر نے ویلتھ پاک کو بتایاکہ قابل تجدید توانائی کے ذرائع اور ٹیکنالوجیز دنیا کے ترقی پذیر ممالک کو درپیش دیرینہ توانائی کے مسائل کا حل فراہم کرنے کی صلاحیت رکھتی ہیں۔

پاکستان اس وقت توانائی کے حقیقی بحران کا سامنا کر رہا ہے۔ہر معاشرہ توانائی پر منحصر ہے جو اس کی سماجی و اقتصادی ترقی کے لیے ضروری ہے۔ تیزی سے بڑھتی ہوئی آبادی اور زندگی کے بہتر معیار کی وجہ سے وقت کے ساتھ ساتھ توانائی کی کھپت میں نمایاں اضافہ ہو رہا ہے۔ سماجی ترقی اور معاشی ترقی کو سہارا دینے کے لیے توانائی کی طلب کو پورا کرنا مشکل ہوتا جا رہا ہے۔ انھوں نے کہا کہ ماحولیاتی نظام کو برقرار رکھنے، ماحولیاتی نظام کی ترقی کو بڑھانے اور اس کی ضمانت دینے کے لیے بجلی کی بلا تعطل فراہمی ضروری ہے۔ انہوں نے کہا کہ جیواشم ایندھن سے قابل تجدید توانائی کے ذرائع میں تبدیل ہونا اب پہلے سے کہیں زیادہ اہم ہے۔ فی الحال بایوماس قابل تجدید توانائی کے سب سے زیادہ امید افزا ذرائع میں سے ایک ہے کیونکہ یہ خام تیل اور قدرتی گیس کی طرح ایندھن پیدا کرتا ہے جس نے بہت زیادہ توجہ مبذول کی ہے۔ بائیو ماس موجودہ نسل کی توانائی کی ضروریات کو پورا کرنے میں اہم کردار ادا کرنے کی صلاحیت رکھتا ہے کیونکہ اس کا انحصار صرف خام مال کی دستیابی پر ہے۔ ماہر نے کہا کہ گزشتہ صدی کے دوران توانائی کے استعمال میں نمایاں اضافہ ہوا ہے۔ تقریبا تمام انسانی سرگرمیاں اب توانائی پر بہت زیادہ انحصار کرتی ہیں۔

اپنی صلاحیت اور مقامی حیثیت کی بنیاد پربائیو ماس پاکستان کے لیے توانائی کا ایک عملی ذریعہ ہو سکتا ہے۔ بائیو ماس انرجی ٹیکنالوجی ریسرچ سنٹر کی طرف سے کی گئی ایک تحقیق کے مطابق بائیو ماس کے وسائل 20,709 میگاواٹ بجلی اور 12,615 ملین مکعب میٹر بائیو گیس پیدا کرنے کی صلاحیت رکھتے ہیں۔ پاکستان سالانہ 427 ملین ٹن جانوروں کی کھاد، 121 ملین ٹن زرعی باقیات اور 7.5 ملین ٹن میونسپل کوآپریشن ویسٹ پیدا کرتا ہے۔ فضلہ کی یہ تمام شکلیں بایو انرجی کے متعدد اختیارات فراہم کرتی ہیں۔ ملک کی بجلی کی پیداوار اور نقل و حمل کے لیے موجودہ اور متوقع توانائی کی ضروریات گھریلو بایوماس وسائل کو بہترطریقے سے استعمال کر کے پوری کی جا سکتی ہیں۔ قومی گرڈ کو فوسل فیول سے قابل تجدید توانائی کے ذرائع میں تبدیل کیا جاتا ہے۔انہوں نے کہا کہ ہمیں فعال طور پر تقسیم شدہ اور مربوط قابل تجدید توانائی کے حل تلاش کرنے چاہئیں۔

کریڈٹ: انڈیپنڈنٹ نیوز پاکستان-آئی این پی

وارد ٹیلی کام لمیٹڈ 2022میں پاکستان اسٹاک ایکسچینج میں تجارتی حجم کے لحاظ سے سرفہرست رہی،3.8 ارب روپے کی مارکیٹ کیپٹلائزیشن کے ساتھ ٹیکنالوجی اور کمیونیکیشن سیکٹر کی نویں سب سے بڑی کمپنی ہے۔ویلتھ پاک کی رپورٹ کے مطابق وارد ٹیلی کام لمیٹڈ نے خود کو سال 2022 کے لیے سب سے زیادہ فعال طور پر تجارت کرنے والے اسٹاک کے طور پرمتعارف کرایااور 22 جنوری سے 22 دسمبر تک 6.7 بلین کے تجارتی حجم کے ساتھ 12 میں سے 11 مرتبہ ماہانہ سرفہرست پانچ علامتوں کے چارٹ میں پوزیشن حاصل کی۔ 3.8 بلین روپے کی مارکیٹ کیپٹلائزیشن پر درج ٹیکنالوجی اور کمیونیکیشن سیکٹر کی نویں سب سے بڑی کمپنی ہے جبکہ سنرجی20.8 بلین روپے کی مارکیٹ کیپٹلائزیشن کے ساتھ ریفائنری سیکٹر کی دوسری سب سے بڑی کمپنی ہے جس نے 22 اپریل میں 524 ملین کا سب سے زیادہ تجارتی حجم حاصل کیا۔کے الیکٹرک 1.9 بلین کے کل تجارتی حجم کے ساتھ تیسرا سب سے زیادہ تجارت کرنے والا اسٹاک رہا اور پاور جنریشن اور ڈسٹری بیوشن سیکٹر کا واحد نمائندہ رہا۔ 74.0 بلین روپے کے مارکیٹ کیپٹلائزیشن کے ساتھ کے الیکڑک پاور جنریشن اور ڈسٹری بیوشن سیکٹر میں درج دوسری سب سے بڑی کمپنی ہے۔

ہاسکول پیٹرولیم لمیٹڈ کے کل تجارتی حجم 1.4 بلین حصص کے ساتھ چوتھے سب سے زیادہ فعال اسٹاک کے طور پر پوزیشن میں ہے۔ 6.6 بلین روپے کی مارکیٹ کیپ کے ساتھ یہ تیل اور گیس کی مارکیٹنگ کے شعبے میں ساتویں بڑی کمپنی ہے۔ ٹیلی کارڈ پانچویں سب سے زیادہ تجارت کرنے والا اسٹاک رہاجس کے کل حصص کی تجارت 1.2 بلین بتائی گئی جب کہ ماہ 22 اپریل کو 330 ملین شیئرز کی سب سے زیادہ تجارت ہوئی۔ ٹی آر جی چھٹے سب سے زیادہ فعال علامت کے طور پر پوزیشن میں لے لیا۔ 60.5 بلین روپے کی مارکیٹ کیپ کے ساتھ یہ دوسری سب سے بڑی کمپنی ہے اور ماہانہ ٹاپ فائیو سمبل چارٹ میں ٹیکنالوجی اور کمیونیکیشن سیکٹر کی تیسری نمائندہ ہے۔ پی آر ایل کیلنڈر سال 2022 میں اپنے متعلقہ شعبے سے ٹاپ فائیو سمبل چارٹ میں ریفائنری سیکٹر کی دوسری نمائندگی ہے۔ ہم نیٹ ورک لمیٹڈ 619 ملین شیئرز کے کل تجارتی حجم کے ساتھ 10 ویں سب سے زیادہ فعال اسٹاک کے طور پر پوزیشن میں ہے۔

کریڈٹ: انڈیپنڈنٹ نیوز پاکستان-آئی این پی

قومی کرکٹر شان مسعود نیوزی لینڈ سیریز کے بعد پشاور سے تعلق رکھنے والی میشے خان سے پشاور میں ہی 21جنوری کو شادی کریں گے جبکہ ان کے ولیمے کی تقریب کراچی میں ہوگی،کرکٹر کے ولیمے کا کارڈ بھی سامنے آچکا ہے جس کے مطابق ان کا ولیمہ 27جنوری بروز جمعے کو ہوگا جس میں متعدد کرکٹرز سمیت معروف شخصیات کو مدعو کیا گیا ہے،میڈیا سے گفتگو کرتے ہوئے پاکستان کرکٹ ٹیم کے نائب کپتان شان مسعود نے کہا کہ وہ پسند کی شادی کر رہے ہیں،دلہن ان کی بہترین دوست رہی ہیں اور اب وہ ان کی لائف پاٹنر بننے جا رہی ہیں،ان کی ان سے پہلی ملاقات لاہور میں ہوئی،شان مسعود نے اپنی دلہن کے حوالے سے بتایا کہ ان کا تعلق پشاور سے ہے ان کی ان سے پرانی دوستی ہے جو اب بہترین رشتے میں بدل رہی ہے اور وہ بہت زیادہ خوش ہیں کہ انہیں زندگی کا بہترین ساتھی مل رہا ہے، وہ انہیں بہترین انسان کے ساتھ بہترین کرکٹر بننے میں بھی مدد کریں گی کیوں کہ جب سے وہ ان کی لائف میں آئی ہیں ان کے کردار میں بڑا اچھا بدلا آیا ہے،انہوں نے کہا کہ 33سال بعد اس بات کا احساس ہوا کہ کھیل سے باہر بھی زندگی بڑی اہم ہوتی ہے ،ایک فیملی ہونی چاہیے،شان مسعود نے کہا کہ خوشی ہے کہ وہ سرکل سے باہر دوسری فیملی میں جاکر شادی کر رہے ہیں، شان مسعود نے بتایا کہ انہوں نے شیروانی کا ٹرائیل دے دیا ہے اور طویل بحث کے بعد یہ طے ہوا کہ وہ نکاح والے دن شیروانی تو زیب تن کریں گے لیکن قلہ نہیں پہنیں گے،شان مسعود کا کہنا تھا کہ نائب کپتانی کی ذمہ دای بڑی اہم ہے، ٹیم کے پلینگ الیون میں اگر وہ بہترین دستیاب کھلاڑیوں کی فہرست میں فٹ نہیں آتے تو پلینگ الیون میں نہیں ہوں گے،ان کا کہنا تھا کہ پروفیشنل کھلاڑی ہوں،کبھی کسی رول پر شکایت نہیں کی ،ٹی ٹوئنٹی اور ٹیسٹ کرکٹ میں اپنی پوزیشن کو ایڈجسٹ کیا یہ سب گیم کا حصہ ہے، کوشش یہ ہوتی ہے جہاں موقع ملے ٹیم کیلئے اچھے نتائج دوں، ٹیم میں شامل تمام 16کھلاڑیوں کی یہ ہی سوچ ہونا چاہیے کہ جہاں جب جیسے بھی انہیں موقع ملے اپنی بیسٹ پرفارمنس دینے کی کوشش کریں،شان مسعود نے کہا کہ وہ ٹیم کے ہر فیصلے کو مثبت لیتے ہیں اور کبھی شکایت نہیں کرتے انہوں نے کہا کہ شاداب ٹیم کے نائب کپتان ہیں اور وہ ٹیم کے تینوں فارمیٹ کے آئیڈل کھلاڑی ہیں فی الحال توجہ بحثیت بیٹسمین پر ہے کہ خود کو کیسے ٹیم میں فٹ ہوتا ہوں،نائب کپتان نے کہا کہ نیوزی لینڈ وائٹ بال کی تگڑی ٹیم ہے اور پاکستان اپنی کنڈیشن میں بڑے عرصے بعد کھیل رہی ہے ،وہ خود چار سال بعد ون ڈے اسکواڈ میں واپس آئے ہیں ،انہیں کوئی شکوہ نہیں کہ چار سال ون ڈے نہیں کھیلا، سرفراز احمد کی مثال سب کے سامنے ہے ،وہ چیمپئن کپتان تھے پہلے پلینگ الیون سے اور پھر ٹیم سے باہر ہوئے لیکن ہمت نہیں ہاری محنت جاری رکھی،انگلینڈ اور نیوزی لینڈ ے خلاف ٹیسٹ سیریز میں اپنی کارکردگی کے حوالے سے شان مسعود نے کہا کہ وہ ٹیسٹ سیریز میں اپنی کاکرکردگی سے مطمئن نہیں ہیں، جو موقع ملے فائدہ نہیں اٹھایا کوئی، کئی بار شارٹ کا انتخاب اچھا نہیں کیا۔

کریڈٹ: انڈیپنڈنٹ نیوز پاکستان-آئی این پی

پاکستان کے ابھرتے ہوئے اور باصلاحیت کھلاڑی نعمان خان نے برٹش جونیئر سکواش چیمپئن شپ 2023چاندی کا تمغہ جیت لیا،میڈیا رپورٹس کے مطابق پاکستان کے نعمان خان نے برٹش جونیئر اوپن سکواش چیمپئن شپ میں چاندی کا تمغہ جیت لیا ہے، انڈر 13کے فائنل میں نعمان خان کو امریکی حریف کے ہاتھوں کا شکست کا سامنا کرنا پڑا،پاکستان سکواش فیڈریشن کے مطابق برطانیہ کے شہر برمنگھم میں کھیلے گئے انڈر 13کے فائنل میں امریکہ کے کالٹن کیپیلا نے پاکستان کے نعمان خان کو 7-11،14-12، 11-9اور 11-9سے ہرا کر ٹائٹل جیت لیا اور پاکستان کے نعمان خان نے چاندی کا تمغہ حاصل کیا،قبل ازیں انڈر19-کیٹیگری کے سیمی فائنل میں پاکستان کے محمد حمزہ خان کو انگلینڈ کے فنلے ونگٹن کے ہاتھوں شکست کا سامنا کرنا پڑا اور حمزہ خان نے ایونٹ میں کانسی کا تمغہ حاصل کیا۔

کریڈٹ: انڈیپنڈنٹ نیوز پاکستان-آئی این پی

2022 کی چوتھی سہ ماہی میں پاکستانی سٹارٹ اپس میں سرمایہ کاری میں نمایاں کمی واقع ہوئی ،سالانہ سرمایہ کاری 2021 میں جمع کی گئی رقم سے محض معمولی حد تک بڑھ گئی۔ویلتھ پاک کی رپورٹ کے مطابق پاکستانی اسٹارٹ اپس نے 2021 میں 354 ملین ڈالر کے مقابلے میں 2022 میں 355 ملین ڈالر اکٹھے کیے، جس میں صرف 0.28 فیصد اضافہ ہوا، کیونکہ 2021 میں 81 کے مقابلے 2022 میں 57 سودے ہوئے تھے۔2022 کی آخری سہ ماہی میں پچھلے سال کی چوتھی سہ ماہی کے مقابلے میں 79 فیصد کمی دیکھی گئی۔اعداد و شمار سے پتہ چلتا ہے کہ 2022 کی تیسری سہ ماہی تک، اسٹارٹ اپ اچھی رفتار سے بڑھ رہے تھے۔ 2022 کی پہلی تین سہ ماہیوں میں، سرمایہ کاری کا حجم $340 ملین رہا، جو 2021 کی پہلی تین سہ ماہیوں کے مقابلے میں 22% زیادہ تھا۔ تاہم، 2022 کی چوتھی سہ ماہی میں کمی دیکھی گئی۔اکتوبر 2022 میں، ریموٹ بیس، ایک سافٹ ویئر ڈویلپمنٹ فرم نے پری سیریز A رانڈ میں 2.1 ملین ڈالر اکٹھا کیا۔ نومبر میں، بس کارو ایک ٹرانسپورٹ سلوشن سٹارٹ اپ نے اینجل رانڈ میں $0.5 ملین اکٹھا کیا۔ واڈا ایک انشورنس ٹیک اسٹارٹ اپ نے سیڈ رانڈ میں 1.3 ملین ڈالر اکٹھے کیے، اور فنجا ایک فنٹیک اسٹارٹ اپ - نے سیریز-A رانڈ میں $10 ملین اکٹھے کیے ہیں۔

اعداد و شمار سے پتہ چلتا ہے کہ دسمبر میں ایٹ فوڈ پاکستان نے سیڈ فنڈنگ میں 1 ملین ڈالر جمع کیے اور ولیم نے پری سیڈ فنڈنگ میں نامعلوم رقم اکٹھی کی۔اعداد و شمار سے پتہ چلتا ہے کہ فنٹیک سٹارٹ اپ 10 ملین ڈالر اکٹھا کر کے سرفہرست رہے جس کے بعد سافٹ ویئر ڈویلپمنٹ سٹارٹ اپس نے 2.1 ملین ڈالر اکٹھے کیے، جبکہ انشور ٹیک سٹارٹ اپ نے 1.3 ملین ڈالر اکٹھا کیا۔جنس کے لحاظ سے، مردوں کے قائم کردہ سٹارٹ اپس نے پانچ سودوں میں 14.4 ملین ڈالر اکٹھے کیے، جب کہ خواتین کے ذریعے قائم کردہ سٹارٹ اپ بس کارو نے ایک ہی سودے میں 0.5 ملین ڈالر اکٹھے کیے۔ Q4 2022 میں کوئی خاتون شریک بانی کمپنی نہیں تھی۔ اسپیشل ٹیکنالوجی زونز اتھارٹی میں اسٹریٹجک پلاننگ اور کلائنٹ سروسز کے ڈائریکٹر حمزہ سعید نے کہا کہ سلیکون ویلی سے جڑے عالمی رجحان کی وجہ سے پاکستان میں اسٹارٹ اپس کے لیے فنڈنگ میں کمی آرہی ہے۔ "عالمی افراط زر کے دبا سے نمٹنے کے لیے یورپ اور امریکہ میں شرحوں میں اضافے، اور روس-یوکرین کے بحران کی وجہ سے سپلائی چین کی رکاوٹوں نے سٹارٹ اپس میں سرمایہ کاری کی نچلی سطح میں حصہ ڈالا ہے۔ تاہم، پاکستان میں سٹارٹ اپ ایکو سسٹم میں ترقی کی بے پناہ صلاحیت موجود ہے۔"

انہوں نے کہا کہ سٹارٹ اپ کے بانیوں سے توقع کی جاتی ہے کہ وہ کاروباری منصوبوں، مالیاتی ماڈلنگ اور وینچر کیپیٹل فنڈز اکٹھا کرنے کے حوالے سے بہتر کارکردگی کا مظاہرہ کریں گے۔حمزہ سعید نے کہا کہ سٹارٹ اپس میں پیسے کا بہا پچھلے سال صحت مند تھا۔ "تاہم، مختلف علاقائی اور عالمی پیش رفتوں کی وجہ سے 2022 میں ڈیل کے بہا میں نمایاں کمی آئی ہے۔"انہوں نے وضاحت کی کہ سٹارٹ اپ ایکو سسٹم بیرونی عوامل سے پہلے سے کہیں زیادہ متاثر ہوا ہے جو کہ دنیا کو درپیش معاشی چیلنجوں کی عکاسی کرتا ہے۔حمزہ سعید نے کہا کہ نومبر 2022 میں پاکستان کی سال بہ سال مہنگائی 23.84 فیصد کی دہائیوں کی بلند ترین سطح پر پہنچ گئی۔ مزید برآں، اسٹیٹ بینک کے ذخائر 2022 میں 11.6 بلین ڈالر کی کمی کے ساتھ تیزی سے ختم ہوئے اور کل ذخائر اس وقت آٹھ سال کی کم ترین سطح پر پہنچ گئے، جو ایک ماہ کی درآمدات کو پورا کرنے کے لیے بمشکل کافی ہیں۔

کریڈٹ: انڈیپنڈنٹ نیوز پاکستان-آئی این پی