خالصتان کے حامی گروپ سکھ فار جسٹس(ایس ایف جے)نے ریفرنڈم سے قبل سیاسی سرگرمیوں کا آغاز کردیا،تفصیلات کے مطابق امریکی ریاست کیلیفورنیا کے شہر سان فرانسسکو میں 28جنوری کو خالصتان کی آزادی کیلئے منعقد ہونے والے ریفرنڈم کے سلسلے میں سکھ فار جسٹس نے سیاسی سرگرمیوں کا آغاز کردیا،خالصتان کے حامی گروپ نے بھارت سے آئی ہوئی این آئی اے کی ٹیم کے سان فرانسسکو میں انڈین قونصلیٹ کے دورے کے موقع پر سکھ فار جسٹس کا احتجاج کیا گیا، سکھوں نے بھارتی قونصلیٹ کا محاصرہ کرلیا، سینکڑوں سکھ گاڈیوں کی ریلی کے ذریعے احتجاج کرنے بھارتی قونصلیٹ پہنچے تھے،ریلی میں شامل ایک فلوٹ پر مقتول اندرا گاندھی کے ساتھ انھیں قتل کرنے والے سکھوں کی تصاویر بھی نمایاں تھیں،سکھ رہنما گرپرونت سنگھ پنوں کا کہنا تھا کہ بھارت ایک عرصہ سے سکھوں کو آزادی کے حصول سے روکنے کی ناکام کوشش کر رہا ہے، مودی نے کینیڈا میں ہردیپ سنگھ نجر کو قتل کی نئی لہر کو ہوا دی ہے،گرپتونت سنگھ پنوں نے کہا کہ تاریخ گواہ ہے کہ سکھوں نے ہمیشہ اپنے ساتھ ہونے والی ناانصافیوں کا جواب دیا ہے، تشدد ہمیشہ تشدد کو ہی جنم دیتا ہے۔ سکھوں نے اپنے آزاد وطن کے حصول کیلئے بلٹ کی بجائے بیلٹ کا انتخاب کیا ہے۔

کریڈٹ: انڈیپنڈنٹ نیوز پاکستان-آئی این پی