لاہور پولیس نے کارروائی کرتے ہوئے بدنام زمانہ قبضہ مافیا منشا بم کو گرفتار کر لیا۔ پولیس حکام کے مطابق منشا بم کو سی سی پی او کی خصوصی ٹیم نے گرفتار کیا ہے، ملزم کے خلاف زمینوں پر قبضے کی متعدد شکایات موجود ہیں۔ حکام نے بتایا کہ نگران وزیر اعلی پنجاب محسن نقوی نے قبضہ مافیا کی سرکوبی کا حکم دے رکھا ہے ۔ حکام نے مزید بتایا کہ منشا بم کو پہلے بھی کئی مربتہ گرفتار کیا جا چکا ہے۔

کریڈٹ: انڈیپنڈنٹ نیوز پاکستان-آئی این پی

پاکستان مسلم ق کے سیکرٹری جنرل چودھری شافع حسین نیکہا ہے کہ آئندہ عام انتخابات میں کچھ حلقوں میں ن لیگ سے سیٹ ایڈجسٹمنٹ ہو سکتی ہے۔ گجرات میں میڈیا سے گفتگو کرتے ہوئے چودھری شافع حسین نے کہا کہ شہبازشریف گھر آئے تھے تو سیٹ ایڈجسٹمنٹ کی بات کی تھی ، ممکن ہے کچھ حلقوں میں ن لیگ سے سیٹ ایڈجسٹمنٹ ہو ۔ انہوں نے کہا مسلم لیگ ن سے گجرات کے حوالے سے بھی بات ہو گی لیکن ہم ہر طرح سے الیکشن کے لیے تیار ہیں۔ چودھری شافع حسین کا کہنا تھا تھا کہ اگراگلے مہینے الیکشن ہوں تو پھر بھی ہم تیار ہیں، لیکن کچھ حلقوں میں حلقہ بندیاں اور مردم شماری بھی ہونیوالی ہے۔

کریڈٹ: انڈیپنڈنٹ نیوز پاکستان-آئی این پی

خیبرپختونخوا نگران کابینہ اراکین کے قلمدانوں میں ردوبدل کر دیا گیا۔ انجینئر احمد جان،عامر ندیم درانی،ڈاکٹر سرفرازعلی شاہ اور ظفراللہ خان کیمحکمے تبدیل کئے گئے ہیں۔ جاری اعلامیہ کے مطابق سید عامرعبداللہ کو قبائل امور کے ساتھ انڈسٹری، کامرس اور فنی تعلیم کے محکمے دئیے گئے انجینئر احمد جان سیمنرل ڈیولپمنٹ اوتوانائی کا وازرت واپس لے کر کمیونیکیشن اینڈ ورک اورآبپاشی کے محکمے تفویض انجینئر عامر ندیم درانی سے ٹرانسپورٹ اینڈ ماس ٹرانزٹ اور انڈسٹری کامرس اور فنی تعلیم کا قلمدان واپس لے کر پبلک ہیلتھ انجینئرنگ اور لوکل گورنمنٹ الیکشن اینڈ رورل ڈویلپمنٹ کی ذمہ داری سونپی گئی۔ اسی طرح ڈاکٹر سرفرازعلی شاہ سے کمیونیکیشن اینڈ ورکس اور پبلک ہیلتھ انجینئرنگ کے وزارتیں واپس لیکرپلاننگ اینڈ ڈیولپمنٹ کے ساتھ توانائی اورمنرل ڈیولپمنٹ کے قلمدان حوالہ اسی طرح ظفراللہ خان سے آبپاشی کا قلمدان واپس لیکر ہاوسنگ ، ٹرانسپورٹ اورماس ٹرانزٹ کے قلمدان تفویض کئے گئے۔

کریڈٹ: انڈیپنڈنٹ نیوز پاکستان-آئی این پی

اینٹی وہیکل لفٹنگ سی کی پولیس پارٹی نے شارع فیصل کے علاقے گلستان جوہر رابعہ سٹی کے قریب سے مبینہ مقابلے کے بعد ایک ملزم کو زخمی حالت میں گرفتار کر لیا۔ ترجمان ایس ایس اے وی ایل سی کے مطابق گرفتار ملزم عمران ولد محمد گل سے اتحاد ٹاون کے علاقے سے گن پوائنٹ پر چھینی گئی موٹرسائیکل اور ایک پستول برآمد کرلیا۔ گرفتار ملزم موٹر سائیکلیں چھیننے و چوری کرنے کے علاوہ چوری، ڈکیتی، پولیس مقابلے اور اسلحے کے مقدمات میں ملوث ہے، ملزم پولیس کو انتہائی مطلوب تھا۔

کریڈٹ: انڈیپنڈنٹ نیوز پاکستان-آئی این پی

الیکشن کمیشن کے عام انتخابات کی تاریخ دینے کے اختیار کے اقدام کو چیلنج کردیا گیا۔ جوڈیشل ایکٹوزیم پینل نے سپریم کورٹ لاہور رجسٹری میں آئینی درخواست دائر کر دی جس میں وفاقی حکومت، الیکشن کمیشن سمیت دیگر کو فریق بنایا گیا ہے۔ درخواست میں استدعا کی گئی ہے کہ عدالت الیکشن ایکٹ میں ترمیم کو غیر آئینی قرار دے، آئین کے تحت اسمبلی کی مدت 5 برس ہے۔ یاد رہے کہ چند روز قبل ملک بھر میں عام انتخابات کی تاریخ پر وزارت قانون وانصاف اور الیکشن کمیشن نے صدر مملکت کو خط میں کہا تھا کہ انتخابات کی تاریخ دینے کا اختیار الیکشن کمیشن کے پاس ہے۔ دوسری جانب گزشتہ روز صدر مملکت ڈاکٹر عارف علوی نے الیکشن کمیشن ملک بھر میں بیک وقت 9 نومبر کوانتخابات کرانے کی تجویز دے دی ہے۔

کریڈٹ: انڈیپنڈنٹ نیوز پاکستان-آئی این پی

انسداد دہشتگردی عدالت نے پی ٹی آئی رہنما و سابق گورنر پنجاب عمر سرفراز چیمہ کے علاج کی درخواست منظور کرلی۔ پی ٹی آئی رہنما و سابق گورنر عمر سرفراز چیمہ کے علاج کیلئے درخواست میں اہم پیش رفت ہوئی ہے ، انسداد دہشت گردی عدالت نے سابق گورنر عمر سرفرازکے علاج کیلئے درخواست منظور کر لی۔ وکلانے عمر سرفراز چیمہ کی جانب سے درخواست دائر کی جس میں کہا گیا کہ عمر چیمہ کو ویل چیئر پر عدالت پیش کیا جاتا ہے، وہ کمر کی تکلیف سمیت دیگر امراض میں مبتلا ہیں ، جیل سے باہر علاج کیلئے عدالت کی اجازت درکار ہے اجازت دی جائے ۔ انسداد دہشتگردی عدالت کی ایڈمن جج عبہر گل خان نے علاج کے لئے دائر درخواست منظور کرتے ہوئے جیل حکام کو فوری سابق گورنر عمر سرفراز چیمہ کے چیک اپ کرانے کا حکم دے دیا ۔ واضح رہے کہ سابق گورنر عمر سرفراز 9 مئی جلا گھیرا کے مقدمات میں جیل میں ہیں۔

کریڈٹ: انڈیپنڈنٹ نیوز پاکستان-آئی این پی

آفیشل سیکرٹ ایکٹ کی خصوصی عدالت نے سائفر کیس میں اسد عمر کی درخواست ضمانت قبل از گرفتاری منظور کر لی۔ جج ابو الحسنات ذوالقرنین نے ایف آئی اے پراسیکیوٹر کے بیان کی روشنی میں ضمانت منظور کی۔ اسد عمر کو 50 ہزار روپے کے ضمانتی مچلکے جمع کروانے کی ہدایت کی گئی۔ ایف آئی اے پراسیکیوٹر شاہ خاور ایڈوکیٹ نے عدالت میں اہم بیان دیتے ہوئے کہا کہ اس وقت اسد عمر کی گرفتاری درکار نہیں ہے کیونکہ ابھی تک ان کے خلاف شواہد نہیں لیکن دوران تفتیش شواہد سامنے آئے تو دیکھیں گے۔ اسد عمر کو ایف آئی آر میں نامزد نہیں کیا گیا، عدالت میرا بیان لکھ لے۔اسد عمر کے وکیل بابر اعوان نے کہا کہ شاہ خاور سے کہیں کہ عدالتی کارروائی میں مداخلت نہ کریں۔ شاہ خاور ایڈوکیٹ نے کہا کہ مستقبل میں اگر کوئی شواہد سامنے آئے تو اسد عمر کو آگاہ کریں گے۔ آفیشل سیکرٹ ایکٹ عدالت میں چیئرمین پی ٹی آئی، شاہ محمود قریشی اور اسدعمر کے خلاف سائفر کیس کی سماعت کی گئی۔

کریڈٹ: انڈیپنڈنٹ نیوز پاکستان-آئی این پی

بالاکوٹ میں جرید کے مقام پر جنگلی ریچھ نے آبادی میں گھس کر ایک شخص کو نوچ کر شدید زخمی کر دیا۔ تفصیلات کے مطابق جنگلی ریچھ نے گھر میں حملہ آور ہوکر عمر خطاب نامی شہری کو نوچ کر شدید زخمی کیا۔ تاہم، لوگوں کے اکٹھا ہونے پر ریچھ شہری کو چھوڑ کر بھاگ گیا۔ جنگلی ریچھ کے حملے سے زخمی ہونے والے شخص کو قریبی اسپتال منتقل کر دیا گیا جہاں طبی امداد دی جا رہی ہے۔

کریڈٹ: انڈیپنڈنٹ نیوز پاکستان-آئی این پی

آزادکشمیر کے علاقے باغ میں گوہیں نالہ کے قریب مسافر وین حادثے کا شکار ہوگئی جس کے نتیجے میں 3افراد جاں بحق ہوگئے ۔ تفصیلات کے مطابق بدقسمت مسافر وین راولاکوٹ سے راولپنڈی جارہی تھی کہ حادثے کا شکار ہوگئی ، حادثے میں 3 افراد جاں بحق جبکہ 9 زخمی ہوئے ہیں ۔ زخمیوں کو ڈسٹرکٹ ہسپتال سدھنوتی منتقل کیا جارہا ہے ، مسافر وین میں 15 افراد سوار تھے ۔

کریڈٹ: انڈیپنڈنٹ نیوز پاکستان-آئی این پی

جامعہ کراچی ایوننگ پروگرام میں اساتذہ کو ڈیڑھ سال سے ادائیگیاں نہیں ہوئیں جس پر اساتذہ نے آج سے ایوننگ کلاسز کے بائیکاٹ کا اعلان کردیا۔ ایوننگ پروگرام میں اساتذہ کلاسز چھوڑ کر سراپا احتجاج بن گئے اور یہ احتجاج ادائیگیاں نہ ہونے کے باعث کیا جارہا ہے۔ انجمن اساتذہ جامعہ کراچی کا کہنا ہیکہ ادائیگیوں کے معاملے پر وائس چانسلر خالد عراقی کی طرف سے حوصلہ افزا جواب نہیں ملا جس پر وائس چانسلر ڈاکٹر خالد عراقی نے کہا کہ انجمن اساتذہ نے ایوننگ پروگرام کے بلوں پر بات ہی نہیں کی، وہ تو ایم فل، پی ایچ ڈی میں انرولڈ اساتذہ کی فیس معاف کرانے آئے تھے، فیس معاف کرنے کا اختیار وائس چانسلر کا نہیں۔

کریڈٹ: انڈیپنڈنٹ نیوز پاکستان-آئی این پی

انسداددہشتگردی عدالت نے پی ٹی آئی رہنما یاسمین راشد کے علاج کے لیے دائر درخواست منظور کرلی۔ سابق وزیر صحت ڈاکٹر یاسمین راشد نے کینسر کے علاج کیلئے درخواست انسداد دہشتگردی عدالت میں دائر کی تھی جس میں انہوں نے سروسز اسپتال سے کینسر کے ٹیسٹ کرانے کی اجازت مانگی تھی۔ انسداد دہشتگردی عدالت نے یاسمین راشد کے علاج کیلئے درخواست منظور کر لی اور عدالت نے جیل حکام کو یاسمین راشد کے سروسز اسپتال سے کینسر ٹیسٹ کرانے کا حکم دیا۔ عدالت نے حکم دیتے ہوئے کہا کہ جیل حکام یاسمین راشد کو اسپتال میں کینسر ٹیسٹ کیلئے لے کر جائیں۔ واضح رہے کہ ڈاکٹر یاسمین راشد 9 مئی کے جلا گھیرا کے مقدمات میں گرفتار کیا گیا تھا۔

کریڈٹ: انڈیپنڈنٹ نیوز پاکستان-آئی این پی

نگران وزیر اعظم انوار الحق کاکڑ نے کہا ہے کہ جن افغان مہاجرین کے پاس ویزا یا دستاویز نہیں انہیں فوری واپس بھیجیں گے۔ ایک بیان میں نگران وزیراعظم انوار الحق کاکڑ نے کہا کہ ہمیں یہ ضرورپتا ہے بلیک مارکیٹ میں جگہ جگہ یہ اسلحہ فروخت ہورہاہے، بی ایل اے، ٹی ٹی پی اورداعش تینوں کے پاس یہ اسلحہ ہے۔ انہوں نے کہا کہ نان اسٹیٹ ایکٹرز اس اسلحے کو استعمال کررہے ہیں،پنجگور اور نوشکی میں جو حملے ہوئے ان میں یہ اسلحہ استعمال ہوا۔ نگران وزیر اعظم کا کہنا تھا کہ جن افغان مہاجرین کے پاس ویزا یا دستاویز نہیں انہیں فوری واپس بھیجیں گے، کچھ لوگوں نے یہاں ہماری فیملی ٹری میں گھس کر شناختی کارڈ بنائے، ایک مشق چل رہی ہے کہ ایسے لوگوں کا بھی پتا لگایا جائے۔

کریڈٹ: انڈیپنڈنٹ نیوز پاکستان-آئی این پی

قطر سے اسلام آباد کی پرواز میں ہنگامی صورتحال کے باعث طیارے کو واپس دوحہ اتار لیا گیا۔ ایوی ایشن ذرائع کے مطابق قطر ایئر ویز کی شیڈول پرواز کیو آر 614 نے دوحہ انٹرنیشنل ایئرپورٹ سے اسلام آباد کیلئے مقامی وقت کے مطابق صبح 3 بجکر 4 منٹ پر ٹیک اپ کیا۔ پرواز نے صبح 8 بجے اسلام آباد پہنچنا تھا تاہم روانگی کے 11 منٹ بعد پرواز 15 ہزار فٹ کی بلندی پر تھی کہ پائلٹ نے ایئر بس اے 330 میں فنی خرابی کی نشاندہی کی، ائیر ٹریفک کنٹرولر کی ہدایت پر پائلٹ نے طیارے کو واپس دوحہ ایئرپورٹ کی طرف موڑ لیا۔ روانگی کے 22 منٹ بعد طیارہ الورکہ کے قریب سمندر پر چکر کاٹ رہا تھا کہ فلائٹ ریڈار کو طیارے سے ایمرجنسی کے سگنل موصول ہوئے اور ٹیک آف کے 34 منٹ بعد طیارہ واپس قطر کے دوحہ انٹرنیشنل ایئرپورٹ پر لینڈ کر گیا۔ ایوی ایشن ذرائع کے مطابق مسافروں کو طیارے سے آف لوڈ کر دیا گیا۔

کریڈٹ: انڈیپنڈنٹ نیوز پاکستان-آئی این پی

استحکامِ پاکستان پارٹی کے رہنما اور سابق صوبائی وزیر فیاض الحسن چوہان نے کہا ہے کہ مسلم لیگ(ن)نواز شریف کی واپسی کو نجات دہندہ کی واپسی قرار دے کر قوم کا مذاق اڑا رہی ہے۔ سابق وزیراعظم نواز شریف کی وطن واپسی کے اعلان پر ردعمل دیتے ہوئے فیاض الحسن چوہان کا کہنا تھا کہ ن لیگ اپنے جرائم پر پردہ ڈالنے کیلئے اب نواز شریف کی واپسی کا کارڈ کھیل رہی ہے۔ انہوں نے مزید کہا کہ الیکشن میں عوام ن لیگ اور اتحادیوں سے مہنگائی اور اپنی رسوائی کا حساب ضرور لیں گے۔ واضح رہے کہ مسلم لیگ ن کے صدر شہباز شریف نے پارٹی قائد نواز شریف کی 21 اکتوبر کو وطن واپسی کا اعلان کرتے ہوئے کہا کہ نواز شریف لاہور پہنچیں گے جہاں پورا پاکستان ان کا فقیدالمثال استقبال کرے گا۔

کریڈٹ: انڈیپنڈنٹ نیوز پاکستان-آئی این پی

نامزد چیف جسٹس قاضی فائز عیسی 17 ستمبر کو اپنے عہدے کا حلف اٹھائیں گے۔ میڈیا رپورٹس کے مطابق نامزد چیف جسٹس پاکستان کو قانون کے مطابق سکیورٹی فراہم کر دی گئی ہے۔ 16 ستمبر کو ریٹائر ہونے والے چیف جسٹس پاکستان عمر عطا بندیال نے ججز کالونی میں چیف جسٹس ہاوس خالی کردیا ہے اور چیف جسٹس ریٹائرڈ ججوں کے لیے مختص گھر میں منتقل ہو گئے ہیں۔

کریڈٹ: انڈیپنڈنٹ نیوز پاکستان-آئی این پی

نگران وزیراعلی پنجاب کی خصوصی ہدایت پر ایل ڈی اے نے آپریشن کرتے ہوئے قبضہ مافیا سے کروڑوں روپے کی کمرشل اراضی واگزار کرا لی۔ محسن نقوی کی خصوصی ہدایت پر شہر بھر میں ایل ڈی اے کا تجاوزات کیخلاف آپریشن جاری ہے، 24 گھنٹے میں قبضہ مافیا سے اربوں روپے مالیت کی زمین واگزار کرالی گئی ہے۔ وزیراعلی کی ہدایت پر کمشنر و ڈی جی ایل ڈی اے اور سی سی پی اولاہور نے ایکشن لیتے ہوئے جوہر ٹاون پی آئی اے روڈ پر قبضہ مافیا کے خلاف جمعرات کو علی الصبح آپریشن کیا۔ ایل ڈی اے ٹیموں نے پی آئی اے روڈ جوہرٹاون کے اطراف میں کارروائی کرتے ہوئے سرکاری زمین و عام شہریوں کے پلاٹوں سے قبضہ واگزار کروایا۔ اربوں روپے مالیت کی 75 کنال سے زائد کمرشل اراضی سے قبضہ واگزار کروا لیا، ان املااک پر قبضہ مافیا نے دکانیں، نیلام گھر و دیگر مستقل تجاوزات بنا رکھی تھیں۔

کریڈٹ: انڈیپنڈنٹ نیوز پاکستان-آئی این پی

پاکستان پیپلز پارٹی نے سینئرقانون دان اور پارٹی کے رہنما لطیف کھوسہ کو شوکاز نوٹس جاری کر دیا۔ شوکاز نوٹس پیپلزپارٹی کے سیکرٹری جنرل نیئر بخاری کی جانب سے جاری کیا گیا، پارٹی نے لطیف کھوسہ سے 7 روز کے اندر شوکاز نوٹس کا جواب مانگ لیا۔ نوٹس میں کہا گیا ہے کہ پارٹی کی اجازت کے بغیر آپ کسی اور جماعت کے سربراہ کا دفاع کر رہے ہیں، وکلا کی تقریب میں آپ نے سائفر معاملے پر ریاستی پالیسی کو تنقید کا نشانہ بنایا۔ نوٹس میں لطیف کھوسہ سے استفسار کیا گیا ہے کہ بتائیں کہ آپ کے خلاف تادیبی کارروائی کیوں نہ کی جائے؟ جواب نہ دینے کی صورت میں آپ کی پارٹی رکنیت ختم کردی جائیگی۔ شوکاز نوٹس میں کہا گیا ہے کہ لطیف کھوسہ پیپلزپارٹی سینٹرل ایگزیکٹیو کمیٹی کے ممبر ہیں، لیکن وہ پارٹی کی سینئر قیادت سے اجازت کے بغیر دوسری جماعت کا دفاع کررہے ہیں۔

کریڈٹ: انڈیپنڈنٹ نیوز پاکستان-آئی این پی

سبی ہرنائی سیکشن بحال نہ ہوسکا،ہرنائی پسنجر کا ریک بھی واپس چلاگیا، گورنر بلوچستان عبدالولی خان کاکڑ نے 7اگست کوٹرین کا افتتاح کیا تھا،سیکشن مکمل بحال نہ ہونے پر ایک دن بعد ٹرین بند کردی گئی اور اب مسافر ٹرین کا ریک (کوچز) بھی واپس منگوالی گئیں،مسافر ٹرین کی کوچز واپس منگوانے اور ٹرین نہ چلنے پر عوام نے مایوسی اور شدید برہمی کااظہارکیا۔ اس خبررساں ادارے کے مطابق سبی ہرنائی سیکشن کو سابق وزیر ریلوے سعد رفیق نے 17سال بعد 7اگست کو بحال کرنے کا دعویٰ کیا اور گورنر بلوچستان عبدالولی خان کاکڑ اوربلوچستان کے دیگر اتحادی رہنماو¿ں نے سبی جنگشن پر ہرنائی پسنجر کا افتتاح کیا جبکہ سابق وفاقی وزیر انسداد منشیات شاہ زین بگٹی نے وزارت ریلوے میں افتتاح تقریب میں ان لائن شرکت کی جبکہ سابق وزیر ریلوے سعد رفیق نے لاہور سے ان لائن افتتاحی تقریب میں شرکت کی تھی ۔ ٹرین کے افتتاح کے ایک دن بعد 8اگست کو اعلان کیاگیا کہ ٹریک مکمل نہیں ہے اس لیے ٹریک مکمل فعال ہونے کے بعد ٹرین چلائی جائے گی۔ذرائع نے بتایاکہ ہرنائی پسنجرکا ریک(مسافرکوچز) جو کہ 10کوچز پر مشتمل تھا سبی سٹیشن پر کھڑا تھا جبکہ اس کے ساتھ آنے والا انجن اسی دن واپس چلاگیاتھا۔اب سبی سے ہرنائی پسنجرکا ریک بھی واپس لے گئے ہیں ۔اس حوالے سے ڈی ایس ریلوے کوئٹہ سے رابطہ کیا گیا مگر انہوں نے کوئی جواب نہیں دیا ۔ترجمان پاکستان ریلوے نے موقف دیتے ہوئے کہاکہ ہرنائی پسنجر کا ریک واپس لایاگیا ہے ایک ہفتہ میں واپس چلا جائے گا مگر انہوں نے بھی یہ نہیں بتایاکہ ہر نائی پسنجر کب چلے گی ۔(محمداویس)

کریڈٹ: انڈیپنڈنٹ نیوز پاکستان-آئی این پی

پی آئی اے شدیدمالی مشکلات کا شکار تو دوسری افسران پر نوازشات جاری ،یورپ اوربرطانیہ میں پی آئی اے پر پابندی کے باوجود ڈیپوٹیشن پر افسران کی تعیناتی کا انکشاف ہواہے ۔یورپ ،برطانیہ ،امریکہ میں مقامی شہریوں کو بھی نوکری پر رکھاگیاہے ۔ڈیپوٹیشن پر تعینات افسران اورمقامی ملازمین کو تنخواہ ،الاونسزاوردفاتر کے لیے ماہانہ کڑوروں روپے خرچ کئے جارہے ہیں ،پی آئی اے پرپابندی کے باوجود ڈیپوٹیشن پر افسران کی تعیناتی سوالیہ نشان ہے ،ترجمان سے رابطہ کیاگیامگر انہوں نے کوئی جواب نہیں دیا۔اس خبررساں ادارے کو دستیاب سرکاری دستاویزات کے مطابق پاکستان انٹرنیشنل ائیرلائن شدید مالی مشکلات کا شکارہے اور اپنے ملازمین کو تنخواہ دینے کے لیے اور دیگر اخراجات کے لیے وزارت خزانہ سے مدد کی درخواست کررہی ہے مگر دوسری طرف انتظامیہ کی کارکردگی بھی سوالیہ نشان بن گئی ہے پی آئی اے میں مالی نظم وضبط کی بھی کمی ہے ۔ سابق وفاقی وزیر غلام سرور خان کے 24جون 2020 کوبیان کے بعد یورپ ،برطانیہ اور امریکہ نے پاکستانی ائیرلائنز پر پابندی لگادی تھی جس کا اطلاق 3جولائی 2020سے ہوگیاتھا۔سرکاری دستایزات کے مطابق پی آئی اے نے یورپ ،برطانیہ اورامریکہ میںمقامی شہریوں کو مقامی قوانین کے تحت نوکری پر رکھا تھا وہ ابھی بھی کام کررہے ہیں

-۔پورپ ،برطانیہ اورامریکہ میں کل26 مقامی شہریوں پی آئی اے میں کام کررہے ہیں اور9افسران پاکستان سے ڈیپوٹیشن پر تعینات ہیں ۔پی آئی اے کے برطانیہ میں 22مقامی لوگو ں کو نوکری پر رکھا گیاہے ان کا پے سکیل تین ،چار پانچ ،چھ اور سات ہے ۔امریکہ میں ایک مقامی شہری کو جس کا پے سکیل تین ہے رکھاگیاہے۔بھارت میں عرصہ داراز سے پروازیں بند ہیں مگر وہاں بھی دومقامی شہریوں کو نوکری پر رکھا گیاہے اور ان کا پے سکیل تین ہے ۔فرانس میںایک مقامی شہری کورکھاگیاہے جس کو پے سکیل چار ہے ۔ اس کے ساتھ پابندی کے باجود پاکستان سے پی آئی اے کے افسران کو ڈیپوٹیشن پر پورپ اوربرطانیہ میں تین سال کے لیے تعینات کیاگیاہے ۔فرانس میں دو پاکستانی افسران کو ڈیپوٹیشن پر تعینات کیاگیاہے جن کو پے سکیل چھ اورسات ہے یہ دونوں افسران سال 2022سے فرانس( پیرس) میں تعینات ہیں ۔برطانیہ میں پی آئی اے نے 7ملازمین کو تعینات کیاہے اور ان کے پے سکیل 6سے 9ہیں اور یہ برمنگم ،لندن اورمانچسٹر میں تعینات ہیں ۔ واضح رہے کہ جولائی سال2020سے پی آئی اے پر یورپ ،برطانیہ اور امریکہ میں پابندی ہے اور وہ وہاں آپریٹ نہیں کرسکتی ہے، ڈیپوٹیشن پر تعینات افسران کو کروڑوں روپے ادا کئے جارہے ہیں ۔اس حوالے سے ترجمان پی آئی اے سے رابطہ کیاگیا مگر انہوں نے کوئی جواب نہیں دیا۔ (محمداویس)

کریڈٹ: انڈیپنڈنٹ نیوز پاکستان-آئی این پی

مغربی کنارے کے شہر نابلس میں فلسطینی مسلح شخص کے فائرنگ حملے کے جائے وقوعہ کے قریب ایک چوکی  پراسرائیلی فوجی پہرہ دےرہے ہیں۔(شِنہوا)

مراکش کے صوبہ الحوز کے طلعت این یعقوب میں تباہ شدہ عمارتوں کا منظر۔(شِنہوا)

چین کے نائب صدر ہان ژینگ  بیجنگ میں متحدہ عرب امارات کی فیڈرل نیشنل کونسل (یو اے ای) کے سپیکر ساقرغوباش سے ملاقات کر رہے ہیں۔(شِنہوا)

چین کے نائب صدر ہان ژینگ  بیجنگ میں متحدہ عرب امارات کی فیڈرل نیشنل کونسل (یو اے ای) کے سپیکر ساقرغوباش سے ملاقات کر رہے ہیں۔(شِنہوا)

بیجنگ(شِنہوا)  چین کی وزارت خزانہ نے آئندہ پانچ سالوں میں جامع مالیات کو فروغ دینے کے لیے پالیسیاں وضع کرلی ہیں جو یکم اکتوبر سے نافذ العمل ہوں گی۔ مرکزی حکومت سٹارٹ اپ قرض پرسود کی شرحوں میں رعایت دینے، جامع فنانس کے لیے ڈیمانسٹریشن زون کی تعمیر اور دیہی مالیاتی اداروں کو سبسڈی دینے کے لیے فنڈزمختص کرے گی۔

  پالیسیوں کے مطابق روزگار پیدا کرنے کی ملکی کوششوں میں معاون اہل سٹارٹ اپ قرض پر اصل شرح سود میں50 فیصد رعایت یا دیگر سبسڈی کے لیے درخواست دے سکتے ہیں۔ وزارت صنعت اور انفارمیشن ٹیکنالوجی کے مطابق ملک میں چھوٹے کاروباری اداروں کے لیے فنانسنگ کی سہولت فراہم کی جارہی ہے۔ چھوٹی اور مائیکرو سائز کی کمپنیوں کے واجب الادا جامع مالیاتی قرضوں کا حجم  جون کے آخر میں277کھرب یوآن(38کھرب 50ارب ڈالر) تک پہنچ گیا تھا جو گزشتہ سال کی نسبت 26.1 فیصد زیادہ ہے۔ 

بیجنگ (شِنہوا)  چین کا امیگریشن کا قومی ادارہ(این آئی اے)  9 اکتوبر سے اپنے سروس پلیٹ فارم پرآن لائن اپائنٹمنٹ اورغیر ملکیوں کے لیے ویزہ اور دیگر متعلقہ دستاویزات کی انکوائریز جیسی نئی خدمات شروع کرے گا۔

 پلیٹ فارم کی  نئی سروسز میں انفرادی ویزوں اور دیگر دستاویزات کے لیے درخواستوں کے لیے آن لائن اپائنٹمنٹ، انفرادی ویزا اور دیگر دستاویزات کے اجراء میں پیش رفت بارے آن لائن انکوائریز ، انفرادی ویزوں اور دیگر دستاویزات سے متعلق معلومات کے بارے میں آن لائن انکوائریز اورچین کی جانب سے جاری غیر ملکی مستقل رہائشی شناختی کارڈ بارے آن لائن معلومات شامل ہیں۔

این آئی اے کے مطابق آن لائن خدمات سے مستقل رہائش کی حیثیت رکھنے والے غیر ملکیوں کے پاسپورٹ کی معلومات،متعلقہ دستاویزات جاری کرنے والے حکام سے متعلق معلومات حاصل کی جاسکیں گی،اس کے علاوہ آن لائن سروس گائیڈنس اور سروس استعمال کرنے والوں کے رشتہ دار یا دوست بھی ان  کی جانب سے  آن لائن مدد حاصل کرسکیں گے۔

ایران، دارالحکومت تہران میں چینی سفارت خانے میں فنکار  فن کا مظاہرہ کررہے ہیں۔ (شِنہوا)

ایران، دارالحکومت تہران میں چینی سفارت خانے میں فنکار  فن کا مظاہرہ کررہے ہیں۔ (شِنہوا)

ایران، دارالحکومت تہران میں چینی سفارت خانے میں ایک اداکارہ فن کا مظاہرہ کررہی ہے۔(شِنہوا)

ایران، دارالحکومت تہران میں چینی سفارت خانے میں ایک اداکارہ فن کا مظاہرہ کررہی ہے۔(شِنہوا)

چین ، مشرقی صوبے ژے جیانگ کے شہر ژوشان میں 19 ویں ایشیائی کھیلوں کی مشعل ریلے کی افتتاحی تقریب میں اداکار  فن کا مظاہرہ کر رہے ہیں۔ (شِنہوا)

چین ، مشرقی صوبے ژے جیانگ کے شہر ژوشان میں 19 ویں ایشیائی کھیلوں کی مشعل ریلے کی افتتاحی تقریب میں اداکار  فن کا مظاہرہ کر رہے ہیں۔ (شِنہوا)