چین کے جنوبی صوبے گوانگ ڈونگ کے یانگ جیانگ ساحل سے ملحقہ سمندر   سے لانگ مارچ 11 کیریئر  راکٹ 3 سیٹلائٹس لے کر خلا ء میں روانہ ہو رہا ہے۔ (شِنہوا)

بیجنگ(شِنہوا)  کمیونسٹ پارٹی آف چائنہ کی مرکزی کمیٹی کے جنرل دفاتر اور ریاستی کونسل نے مشترکہ طور پر ایک سرکلر جاری کیا ہے تاکہ آئندہ نئے سال کے پہلے دن اور بہار تہوار کی تعطیلات کے دوران تمام شعبوں  میں  امور کی انجام دہی کو اچھے طریقے سے یقینی بنایا جا سکے۔

سرکلر میں پسماندہ افراد کی بہتر دیکھ بھال اور ضرورت مندوں کے لئے مناسب مدد کو یقینی بنانے کی کوششوں پر زوردیا گیاہے۔

سرکلر کے مطابق تعطیلات کے دوران مارکیٹ میں اشیائے ضروریہ کی مناسب فراہمی کو یقینی بنایا جائے، جس سے  مجموعی کھپت کی طلب پوری اور ثقافتی زندگی کو تقویت ملے۔

سرکلر میں عوامی ٹرانسپورٹ کی اچھی خدمات، متعدی بیماریوں سے بچاؤ اور کنٹرول، کام کی جگہ پر حفاظت اور سماجی استحکام کو یقینی بنانے کی کوششوں کا بھی خاکہ پیش کیا گیا ہے۔

سرکلر میں حکومتی اور پارٹی عہدیداروں کے درمیان تکلفات، نوکر شاہی، خوشامد اور اسراف کو روکنے کی کوششوں کا مطالبہ کیا گیا ہے۔

ٹوکیو (شِنہوا) جاپانی کار ساز کمپنی ڈائی ہاٹسو موٹر نے اپنے حفاظتی ٹیسٹ میں غلط فہمی کے ایک اسکینڈل کے باعث منگل کو تمام مقامی پیداوار معطل کردی ۔

  کار ساز نےایک  روز قبل شیگا، کیوٹو اور اویٹا کے صوبوں میں تین دیگر پلانٹس بندکرنےکےبعدمنگل کو اوساکا پریفیکچر میں اپنے کارخانے میں کام بند کر دیا جس سے کمپنی کی ملکی پیداوار مکمل طور پر رک گئی۔

ڈائی ہاٹسو کے مطابق   توقع ہے کہ چار فیکٹریاں کم سے کم اگلے سال جنوری کے آخر تک معطل رہیں گی جبکہ کمپنی نےا ن تمام کمپنیوں کو معاوضہ دینے کا وعدہ کیا جنہیں وہ براہ راست سپلائی کرتی ہے۔

 ڈائی ہاٹسو نے گزشتہ ہفتے اعلان کیا تھا کہ تحقیقات میں 64 ماڈلز کی نئی گاڑیوں کی حفاظتی جانچ کے حوالے سے بدانتظامی کے 174 نئے کیسز ملے ہیں۔

بیجنگ(شِنہوا) چین کا محکمہ ڈاک  ماؤ زے دونگ کی 130ویں سالگرہ کے موقع پر یادگاری ڈاک ٹکٹ جاری کرے گا۔

چائنہ پوسٹ  کی جانب سے مجموعی طور پر78لاکھ اسٹامپ سیٹ جاری کیے جائیں گے، 4.8 یوآن (تقریباً 68 امریکی سینٹ)قیمت کے ساتھ فی سیٹ اگلے چھ مہینوں میں نامزد پوسٹل آؤٹ لیٹس اور آن لائن شاپس سے خریدے جا سکیں گے ۔

ہر سیٹ میں چار ڈاک ٹکٹ ہیں، جن میں جاپانی جارحیت کے خلاف چین کی عوامی جنگ میں استقامت، منگ ٹومبز ریزروائر کی تعمیر، عالمی وژن اور جنگ گانگشان پہاڑوں پر واپسی کے موضوعات شامل ہیں۔

ماؤ 26 دسمبر 1893 کو پیدا ہوئے ان کا 9 ستمبر 1976 کو انتقال ہوا تھا۔

تیونس(شِنہوا)چین اور تیونس کے درمیان تہذیبوں کے تبادلے اور مکالمے سے دونوں ممالک کی مشترکہ ترقی اور خوشحالی کو فروغ حاصل ہو گا۔

یہ بات چینی ایسوسی ایشن برائے بین الاقوامی مفاہمت (سی اے ایف آئی یو) کے صدر جی بنگ شوان نے سی اے ایف آئی یو  اور تیونس کے قومی ورثہ انسٹی ٹیوٹ (آئی این پی ) کی طرف سے مشترکہ طور پر تیونس کے دارالحکومت میں منعقدہ چینی-تیونسی ثقافتی اور تہذیبوں کے تبادلے کی کانفرنس سے خطاب میں کہی جس میں چینی اور تیونس کے محققین، ماہرین تعلیم اور تاریخ دانوں نے شرکت کی۔ 

جی نے کہا کہ چین کے تجویز کردہ عالمی تہذیبی اقدام کا مقصد مختلف تہذیبوں کے درمیان بقائے باہمی اور باہمی  طور پر سیکھنا ہے اور یہ انسانی معاشرے اور دنیا کی مختلف تہذیبوں کی جدید کاری کے عمل کو فروغ دینے میں اہم کردار ادا کرتا ہے۔

اس موقع پر آئی این پی کے ڈائریکٹر طارق باکوچے نے اپنی تقریر میں کہ حالیہ برسوں میں چین اور تیونس کے درمیان ثقافتی تعاون میں اضافہ دیکھا گیا ہے اور اس سال شروع کیا گیا چین-تیونس مشترکہ آثار قدیمہ کا منصوبہ بہتر انداز میں  آگے بڑھ رہا ہے۔

باکوچے نے کہا کہ 2024  میں چین اور تیونس کے درمیان سفارتی تعلقات کے قیام کی 60ویں  سالگرہ منائی جارہی ہے اور دونوں فریقوں کے درمیان تعاون بلند سطح تک پہنچ جائے گا۔

تیونس(شِنہوا)چین اور تیونس کے درمیان تہذیبوں کے تبادلے اور مکالمے سے دونوں ممالک کی مشترکہ ترقی اور خوشحالی کو فروغ حاصل ہو گا۔

یہ بات چینی ایسوسی ایشن برائے بین الاقوامی مفاہمت (سی اے ایف آئی یو) کے صدر جی بنگ شوان نے سی اے ایف آئی یو  اور تیونس کے قومی ورثہ انسٹی ٹیوٹ (آئی این پی ) کی طرف سے مشترکہ طور پر تیونس کے دارالحکومت میں منعقدہ چینی-تیونسی ثقافتی اور تہذیبوں کے تبادلے کی کانفرنس سے خطاب میں کہی جس میں چینی اور تیونس کے محققین، ماہرین تعلیم اور تاریخ دانوں نے شرکت کی۔ 

جی نے کہا کہ چین کے تجویز کردہ عالمی تہذیبی اقدام کا مقصد مختلف تہذیبوں کے درمیان بقائے باہمی اور باہمی  طور پر سیکھنا ہے اور یہ انسانی معاشرے اور دنیا کی مختلف تہذیبوں کی جدید کاری کے عمل کو فروغ دینے میں اہم کردار ادا کرتا ہے۔

اس موقع پر آئی این پی کے ڈائریکٹر طارق باکوچے نے اپنی تقریر میں کہ حالیہ برسوں میں چین اور تیونس کے درمیان ثقافتی تعاون میں اضافہ دیکھا گیا ہے اور اس سال شروع کیا گیا چین-تیونس مشترکہ آثار قدیمہ کا منصوبہ بہتر انداز میں  آگے بڑھ رہا ہے۔

باکوچے نے کہا کہ 2024  میں چین اور تیونس کے درمیان سفارتی تعلقات کے قیام کی 60ویں  سالگرہ منائی جارہی ہے اور دونوں فریقوں کے درمیان تعاون بلند سطح تک پہنچ جائے گا۔

لانژو(شِنہوا) چین کے شمال مغربی علاقے میں یونیسکو کے عالمی ثقافتی ورثے کے مقام موگاو گروٹوز کے قریب واقع ڈن ہوانگ موگاو بین الاقوامی ہوائی اڈے سے باضابطہ طور پر بین الاقوامی پروازیں  دوبارہ شروع کر دی گئی ہیں ۔

انڈونیشیا کے شہر جکارتہ سے ایک سیاحتی چارٹر پرواز گزشتہ صبح 7 بج کر 20 منٹ پر ہوائی اڈے پر پہنچی جو اس سال ہوائی اڈے پر  پہلی بین الاقوامی سیاحتی چارٹر پرواز تھی۔

24 دسمبر 2023 سے 5 جنوری 2024 تک انڈونیشیا (جکارتہ) کنمنگ-ڈن ہوانگ ہوائی راستے پر آٹھ پروازیں چلیں گی جو باٹک ایئر کے ذریعے چلائی جائیں گی۔ توقع ہے کہ انڈونیشیا سے تقریباً 600 سیاح سیاحتی چارٹر پروازوں پر ڈن ہوانگ جائیں گے۔

ہوائی اڈہ 2024 میں چین کے ہانگ کانگ، عوامی جمہوریہ کوریا کے سیول اور ویتنام کے نہا ٹرانگ کو سیاحوں کے لیے جوڑنے والے راستے کھولنے کا بھی منصوبہ رکھتا ہے۔

ابوجا (شِنہوا)نائیجیریا کے وسطی علاقے میں دیہاتوں پر حملوں کے سلسلے میں کم سے کم 160 افراد ہلاک ہو گئے ہیں۔

 یہ ہلاکتیں بوکوس کی مقامی حکومت کے علاقے کے ایک گاؤں مشو میں چرواہوں اور کسانوں کے درمیان تصادم میں 16 ہلاکتوں کی  ابتدائی اطلاعات  کے بعد مجموعی  تعداد میں  تیزی سے اضافہ ظاہر کرتی ہیں ۔

خبرر رساں ادارے اے ایف پی نے بوکوس کی مقامی حکومت کے سربراہ مونڈے کسساہ کے حوالے سے بتایا کہ کم سے کم 113 افراد کی ہلاکت کی تصدیق کی گئی ہے  جبکہ 300 سے زائد زخمیوں کو بوکوس، جوس اور بارکن لاڈی کے ہسپتالوں میں منتقل کیا گیا ہے۔

 مقامی ریڈ کراس کے ایک عارضی ٹول نے بوکوس کے علاقے کے 18 دیہاتوں میں 104 اموات کی اطلاع دی۔

ریاستی پارلیمنٹ کے رکن ڈکسن چولوم کے مطابق، بارکن لاڈی کے علاقے کے کئی دیہاتوں میں کم سے کم 50 افراد کے ہلاک ہونے کی بھی اطلاع ہے۔

یہ گزشتہ مئی  میں  کسانوں اور چرواہوں کی جھڑپوں میں 100 سے زیادہ افراد کی ہلاکت کے بعد سے علاقے میں تشدد کا بدترین پھیلاؤ ہے۔

شی نِنگ  (شِنہوا)چین کےشمال مغربی  صوبہ چھنگ ہائی میں900 میگاواٹ بجلی پیدا کرنے کی صلاحیت کا حامل ایک فوٹو وولٹک منصوبہ فعال ہو گیا ہے۔

چائنہ تھری گورجز کارپوریشن کے مطابق یہ الٹرا ہائی وولٹیج پاور لائن کے لیے دوسرے مرحلے کا منصوبہ ہے جو چھنگ ہائی سے  چین کے وسطی صوبےہینان  تک بجلی کی ترسیل کرتا ہے۔ کارپوریشن نے کہا کہ فوٹو وولٹک پروجیکٹ، ہائی نان تبتی خود مختار پریفیکچر کی گونگ ہی کاؤنٹی میں واقع ہے، یہ چھنگ ہائی تبت سطح مرتفع کے شمال مشرقی حصے میں 3 ہزار میٹر کی بلندی پر تقریباً1 ہزار 540  ہیکٹر کے رقبے پر محیط ہے۔

یہ منصوبہ اوسطاً ایک سال میں تقریباً 2 ارب 10 کروڑ کلو واٹ بجلی پیدا کرے گا جس سے تقریباً6 لاکھ 40 ہزار ٹن معیاری کوئلے کی بچت سمیت  کاربن ڈائی آکسائیڈ کے اخراج کو 17 لاکھ 40 ہزار ٹن تک کم کیا جا سکے گا۔

چھنگ ہائی-تبت سطح مرتفع پر واقع، چھنگ ہائی صاف توانائی کے وسائل، جیسے پانی، ہوا اور شمسی توانائی سے مالا مال ہے جو اسے نئی توانائی کی صنعت کی ترقی کے لیے ایک مثالی جگہ بناتا ہے۔

لاس اینجلس (شِنہوا) امریکہ میں تعطیلات کے دوران زکام اور کووڈ 19 کے مریضوں کی تعداد میں اضافہ ہوا ہے جس پر ماہرین صحت نے سانس کی بیماریوں کے بیک وقت پھیلنے سے صحت کو لاحق خطرات پر تشویش ظاہر کی ہے ۔

ماہرین صحت کے مطابق اس اضافے کی کئی وجوہات ہیں جن میں تعطیلات کے اجتماعات، بڑی تعداد میں لوگوں کا ویکسین نہ لگوانا اور کورونا وائرس کی ایک نئی اور ممکنہ طور پر زیادہ متعدی قسم کا پھیلنا چاہیئے۔

امراض پر قابو پانے کے امریکی سنٹرز(سی ڈی سی )کے تازہ ترین اعداد و شمار کے مطابق امریکہ میں موسمی زکام کے پھیلاؤ میں اضافہ ہوا ہے اور ملک کے بیشتر حصوں میں اضافے کا سلسلہ جاری ہے۔

سی ڈی سی کے تخمینے کے مطابق امریکہ میں رواں سیزن کے دوران اب تک زکام سے سے کم سے کم 53 لاکھ افراد بیمار ہوئے ہیں جس میں سے 54 ہزار اسپتال میں داخل ہوئے جبکہ 3 ہزار 200  افراد کی موت واقع ہو ئی۔

ادھرامریکہ میں ایک کورونا وائرس کی نئی قسم جے این1 تیزی سے پھیل رہی ہے جس کے سبب ملک میں کوویڈ 19 کے نئے کیسز سامنے آرہے ہیں۔

سی ڈی سی نے بتایا کہ جے این 1 اس وقت پھیلنے والی تیزترین قسم ہے اور امریکہ میں اس کا غلبہ ہے جبکہ  اس وقت ملک بھر میں 44 فیصد سے زیادہ نئے انفیکشن اسی کے سبب ہورہے ہیں جو پہلے رپورٹ کردہ اعداو شمار سے 21.4 فیصد زائد ہے۔

امریکہ، واشنگٹن ڈی سی میں فیس ماسک پہنے ایک شخص نیشنل مال کے قریب سے گزررہا ہے۔ (شِنہوا)

سی ڈی سی کے مطابق جے این 1 نیوجرسی اور نیویارک سمیت شمال مشرقی علاقوں میں شدت اختیار کرچکا ہے جہاں یہ تقریباً 57 فیصد کیسز کا سبب ہے۔

جے این1 ایک اور ویرینٹ بی اے.2.86 ویرینٹ سے قریبی تعلق رکھتا ہے سی ڈی سی اس پر اگست سے نگاہ رکھے ہوئے ہے۔ امریکہ میں اس کا پہلا کیس ستمبر 2023 میں سامنے آیا تھا۔

سی ڈی سی نے کہا کہ جے این 1 ممکنہ طور پر دیگر اقسام کی نسبت زیادہ متعدی ہے یا دیگر پھیلنے والی اقسام کی نسبت ہمارے مدافعتی نظام کو زیادہ بہتر انداز سے دھوکہ دیتا ہے۔

بیجنگ(شِنہوا)چین کے سنٹرل ملٹری کمیشن (سی ایم سی) کے چیئرمین شی جن پھنگ نے دو فوجی افسران کو جنرل کے عہدے پر ترقی دینے کے لیے سرٹیفکیٹ آف آرڈر پیش کیے ہیں۔

ترقی پانے والے افسران میں  پیپلز لبریشن آرمی (پی ایل اے) کی سدرن تھیٹر کمانڈ کے پولیٹیکل کمشنر وانگ وین چھوان اورپی ایل اے  نیوی کے کمانڈر ہو ژونگ مِنگ شامل ہیں۔

سی ایم سی کے وائس چیئرمین ژانگ یوشیا نےصدر شی کے دستخط کے بعد پروموشن آرڈر کا اعلان کیا۔

 سی ایم سی کے ایک اور وائس چیئرمین ہی وی ڈونگ نے تقریب کی صدارت کی۔

صدرشی جن پھنگ نے ترقی پانے والے افسران کو مبارکباد دی۔

 بعد ازاں شی اور دیگر رہنماؤں نے ان کے ساتھ گروپ فوٹو بنوایا۔

چین میں حاضر سروس فوجی افسروں کے لیے جنرل سب سے اونچا درجہ ہے۔

ہوہوٹ(شِنہوا)چین کے شمالی اندرونی منگولیا خود مختار علاقے میں ہائی وے کا ایک حصہ منہدم ہونےسے تین افراد ہلاک اور چار زخمی ہو گئے۔

علاقائی پبلک سیکیورٹی ڈیپارٹمنٹ نے منگل کو بتایا کہ  الانقاب شہر میں پیر کوشام ساڑھے سات بجے کے قریب سڑک ٹوٹنے سے چار گاڑیاں الٹ گئیں۔

حادثے کی مزید  وجوہات جاننے کی تحقیقات جاری ہیں۔

بیجنگ (شِنہوا) میک کنزی اینڈ کمپنی اِن گریٹر چائنہ کے چیئرمین جو نگائی نے کہا ہے کہ ایک برس بعد میرا یہ یقین پختہ ہوگیا ہے کہ "اگلا چین" بھی چین ہی ہوگا۔

شِںہوا کے ساتھ ایک خصوصی انٹرویو میں نگائی نے کہا کہ چین اب بھی غیر ملکی سرمایہ کاری کے لئے کشش رکھتا ہے۔  2023 کے آغاز میں سوشل میڈیا پر ایک پوسٹ میں انہوں نے کہا تھا کہ کہا تھا کہ " اگلا چین" بھی چین ہی ہوگا۔

نگائی نے چین بارے اپنی توقعات کا اعادہ کیا ہے کہ کیونکہ ملک میں ایک مکمل  ڈھانچہ ایک مضبوط پیداواری مرکز ، اعلیٰ پیداواری صلاحیت ، اور  بڑی معیشتوں کے لیےبڑی منڈیوں سمیت کم لاگت کے فوائد بھی مہیا کرتی ہیں۔

انہوں نے کہا کہ میں اس نتیجہ پر پہنچا ہوں کہ گزشتہ 30 برس میں چین نے جو سپلائی چینز تیار کی ہے اس کی نقل کرنا بہت مشکل ہے۔

وزارت تجارت کے اعداد و شمار کے مطابق رواں سال کے ابتدائی 11 ماہ میں چینی مین لینڈ میں براہ راست غیر ملکی سرمایہ کاری (ایف ڈی آئی) کا حقیقی استعمال 10.4 کھرب یوآن (تقریبا 146.55 ارب امریکی ڈالر) رہا ۔

وزارت نے بتایا کہ اس مدت کے دوران ملک بھر میں 48 ہزار 78 نئی غیر ملکی سرمایہ کار کمپنیاں قائم کی گئیں جو گزشتہ برس کی نسبت 36.2 فیصد زائد ہے۔

ژینگ ژو (شِنہوا) چین کے وسطی صوبے ہی نان کے شہر ان یانگ میں ڈاپو کھنڈرات کے مقام سے 28 مقبرے دریافت ہوئے ہیں۔ یہ مقبرے ایک خاندانی قبرستان میں کھدائی کے دوران دریافت ہوئے ہیں جو شانگ دور (1600-1046 قبل مسیح) سے تعلق رکھتے ہیں۔

یہ دریافت صوبہ ہی نان میں آثار قدیمہ کی کامیابیوں بارے ایک حالیہ سالانہ اجلاس میں عوام کے سامنے پیش کی گئی۔

ان یانگ ادارہ برائے ثقافتی ورثہ و آثار قدیمہ کے نائب صدر کوئی ژونگ لیانگ نے بتایا کہ یہاں  بڑے، درمیانے اور چھوٹے 3 اقسام کے مقبرے دریافت ہوئے ہیں۔ ڈاپو کھنڈرات ان یانگ کے ضلع ین دو میں واقع ہیں  جو ین شو کے عالمی ثقافتی ورثہ مقام سے تقریباً 4.5 کلومیٹر کی دوری پر ہیں ،انہیں ین کھنڈرات کے نام سے بھی پکارا جاتا ہے۔

ان مقبروں میں سے 3 بڑے مقبرے چینی حروف "ژونگ" کی شکل کے ہیں۔

کوئی ژونگ  نے بتایا کہ ایسے مقبرے اشرافیہ کے اعلیٰ طبقے کے تھے اور یہ پہلا موقع ہے کہ ین کھنڈرات کے بیرونی علاقے میں اتنے بڑے مقبرے ملے ہیں۔

آثار قدیمہ کے ماہرین نے قبروں کے اطراف انسانوں، گھوڑوں اور مویشیوں کی قربانی کے گڑھے بھی دریافت کئے ہیں۔

کوئی ژونگ نے کہا کہ اس دریافت نے شانگ دور میں جنازے کے انتظام سے متعلق نظام کا مطالعہ کرنے کے لئے نئی معلومات مہیا کی ہیں اور یہ اس وقت کے معاشرتی ضرورت اور معاشرتی تنظیمی ڈھانچے کی تلاش میں بھی معاون ثابت ہوئی ہے۔

بیجنگ(شِنہوا) محققین کے ایک گروپ نے 1961 سے 2019 تک 30 بڑے ممالک میں کاغذ  کی گھریلوصنعتوں میں خالص عالمی گرین ہاؤس گیس (جی ایچ جی) کے اخراج کا جائزہ لیا ہے جس میں ان ممالک میں تاریخی اخراج کے ارتقاء اور ڈھانچے میں نمایاں فرق پایا گیا ہے۔

جریدے نیچرمیں حال ہی میں شائع شدہ ایک تحقیق کے مطابق پلپ اور کاغذ کی صنعت گرین ہاؤس گیسوں کے اخراج کا ایک بڑا ذریعہ ہے۔ 2050 تک اس صنعت میں خالص صفر اخراج کے حصول کے لئے ان ممالک کو اپنے اعتبار سے مخصوص نوعیت کی حکمت عملی اپنانے کی ضرورت کیونکہ ان ممالک میں مختلف بودوباش رکھنے والے افراد بستے ہیں۔

فودان یونیورسٹی کے شعبہ ماحولیاتی سائنس اور انجینئرنگ کے محققین نے کاغذ کی صنعت سے گرین ہاؤس گیسوں کے اخراج کا ڈیٹا اکٹھا کرنے میں عالمی شراکت داروں کے ساتھ تعاون کیا اور 2050 تک خالص صفر اخراج تک پہنچنے کی حکمت عملی تجویز کی جس میں ان ممالک کے مقامی حالات کو مدنظر رکھا گیا ہے۔

تحقیق میں یہ بات سامنے آئی کہ عالمی کاغذی صنعت نے 1961 سے 2019 تک گرین ہاؤس گیسوں کے مساوی 43.5 ارب ٹن کاربن ڈائی آکسائیڈ خارج کی تھی۔

عالمی سطح پر کاغذ کی صنعت میں خالص گرین ہاؤس گیسوں کے اخراج نے پہلے بڑھنے اور پھر کمی یا استحکام کا رجحان پایا گیا ہے۔

تحقیق میں تمام ممالک سے توقع ظاہر کی گئی ہے وہ 2050 تک اپنے پلپ اور کاغذ کی صنعتوں میں خالص صفر اخراج کا ہدف حاصل کرلیں گے ۔ زیادہ تر ترقی یافتہ ممالک میں ایک ہی طریقہ کار اختیار کیا جارہا ہے جبکہ ترقی پذیر ممالک کی اکثریت میں متعدد اقدامات کئے جارہے ہیں۔

منظرنامے کے تجزیے سے یہ بات سامنے آئی ہے کہ توانائی کا ڈھانچے اور توانائی کی کارکردگی دونوں میں اخراج کم کرنے کے لئے مؤثر اقدامات کئے گئے ہیں جن سے تحقیق میں شامل 30 ممالک میں بالترتیب 64 فیصد اور 41 فیصد اوسطاً اخراج کم ہوسکتا ہے۔

جکارتہ (شِنہوا) انڈونیشیا کے چیمبر آف کامرس اینڈ انڈسٹری کی چائنہ کمیٹی کے چیئرمین غریبالدی تھوہیر نے کہا کہ جکارتہ- بانڈونگ تیزرفتار ریلوے نے انڈونیشیا اور چین کے عوام کے درمیان دوستی کو وسعت دی ہے اور اس سے دونوں ممالک کے درمیان تعلقات کے فروغ پر مثبت اثرات مرتب ہوئے ہیں۔

جکارتہ میں شِںہوا کے ساتھ ایک حالیہ انٹرویو میں انہوں نے کہا کہ جکارتہ- بنڈونگ تیز رفتار ریلوے کو انڈونیشیا میں خوش آمدید کہا گیا ہے۔ 2 ماہ قبل یہ باضابطہ طور پر فعال ہوئی تھی۔ تیزرفتار ریلوے پر سفر کرنے کے لئے انڈونیشیا کے عوام میں کافی جوش وخروش پایا جاتا ہے۔

انہوں نے کہا کہ چین کی جدید تیز رفتار ریلوے ٹیکنالوجی ، انڈونیشیئن عملے دوست اور پرجوش خدمات نے جکارتہ - بنڈونگ تیزرفتار ریلوے کو انڈونیشیا میں انتہائی پرکشش عوامی نقل و حمل کا ذریعہ بنادیا ہے۔

جکارتہ- بانڈونگ تیزرفتارریلوے جکارتہ اور صوبے مغربی جاوا کے صدرمقام بنڈونگ کو جوڑتی ہے۔ انڈونیشیا اور جنوب مشرقی ایشیا میں یہ پہلی تیزرفتار ریلوے ہے جس میں ٹرین کی رفتار  350 کلومیٹر فی گھنٹہ سے زائد ہے۔ اس سے دونوں شہروں کے درمیان سفر کا دورانیہ گھٹ کر تقریباً 40 منٹ رہ گیا ہے جو اس سے قبل 3 گھنٹے تھا۔

یہ بیلٹ اینڈ روڈ انیشی ایٹو کا ایک فلیگ شپ منصوبہ ہے جس کی مجموعی طوالت  142.3 کلومیٹر ہے ۔ یہ بیرون ملک تیزرفتار ریلوے کا پہلا منصوبہ بھی ہے جس میں مکمل طور پر چینی ریلوے سسٹم ، ٹیکنالوجی اور صنعتی آلات استعمال ہوئے ہیں۔

تھوہیر نے کہا کہ تیز رفتار ریلوے ایک مستحکم ، مؤثر اور کم کاربن نقل و حمل کا ذریعہ ہے۔ اس میں مسافروں کی بڑی گنجائش موجود ہے۔

چین کے شہروں نے تیز رفتار ریلوے سے ایک قابل اعتماد اور آسان باہم مربوط نیٹ ورک قائم کیا ہے۔ انڈونیشیا کو اس شعبے میں چین سے سیکھنا اور زیادہ تیز رفتار ریلوے تعمیر کرنی چاہئے۔

جکارتہ (شِنہوا) انڈونیشیا کے چیمبر آف کامرس اینڈ انڈسٹری کی چائنہ کمیٹی کے چیئرمین غریبالدی تھوہیر نے کہا کہ جکارتہ- بانڈونگ تیزرفتار ریلوے نے انڈونیشیا اور چین کے عوام کے درمیان دوستی کو وسعت دی ہے اور اس سے دونوں ممالک کے درمیان تعلقات کے فروغ پر مثبت اثرات مرتب ہوئے ہیں۔

جکارتہ میں شِںہوا کے ساتھ ایک حالیہ انٹرویو میں انہوں نے کہا کہ جکارتہ- بنڈونگ تیز رفتار ریلوے کو انڈونیشیا میں خوش آمدید کہا گیا ہے۔ 2 ماہ قبل یہ باضابطہ طور پر فعال ہوئی تھی۔ تیزرفتار ریلوے پر سفر کرنے کے لئے انڈونیشیا کے عوام میں کافی جوش وخروش پایا جاتا ہے۔

انہوں نے کہا کہ چین کی جدید تیز رفتار ریلوے ٹیکنالوجی ، انڈونیشیئن عملے دوست اور پرجوش خدمات نے جکارتہ - بنڈونگ تیزرفتار ریلوے کو انڈونیشیا میں انتہائی پرکشش عوامی نقل و حمل کا ذریعہ بنادیا ہے۔

جکارتہ- بانڈونگ تیزرفتارریلوے جکارتہ اور صوبے مغربی جاوا کے صدرمقام بنڈونگ کو جوڑتی ہے۔ انڈونیشیا اور جنوب مشرقی ایشیا میں یہ پہلی تیزرفتار ریلوے ہے جس میں ٹرین کی رفتار  350 کلومیٹر فی گھنٹہ سے زائد ہے۔ اس سے دونوں شہروں کے درمیان سفر کا دورانیہ گھٹ کر تقریباً 40 منٹ رہ گیا ہے جو اس سے قبل 3 گھنٹے تھا۔

یہ بیلٹ اینڈ روڈ انیشی ایٹو کا ایک فلیگ شپ منصوبہ ہے جس کی مجموعی طوالت  142.3 کلومیٹر ہے ۔ یہ بیرون ملک تیزرفتار ریلوے کا پہلا منصوبہ بھی ہے جس میں مکمل طور پر چینی ریلوے سسٹم ، ٹیکنالوجی اور صنعتی آلات استعمال ہوئے ہیں۔

تھوہیر نے کہا کہ تیز رفتار ریلوے ایک مستحکم ، مؤثر اور کم کاربن نقل و حمل کا ذریعہ ہے۔ اس میں مسافروں کی بڑی گنجائش موجود ہے۔

چین کے شہروں نے تیز رفتار ریلوے سے ایک قابل اعتماد اور آسان باہم مربوط نیٹ ورک قائم کیا ہے۔ انڈونیشیا کو اس شعبے میں چین سے سیکھنا اور زیادہ تیز رفتار ریلوے تعمیر کرنی چاہئے۔

یانگ جیانگ، گوانگ ڈونگ(شِنہوا)چین نے لانگ مارچ-11 کیریئر راکٹ کے ذریعے  تین سیٹلائٹس کو کامیابی کے ساتھ خلا میں بھیج دیا ۔

اس راکٹ کو چین کےجنوبی صوبہ گوانگ ڈونگ کے شہر یانگ جیانگ کے ساحلی پانیوں سے  تائی یوان سیٹلائٹ لانچ سینٹر نے صبح 6 بج کر 39 منٹ (بیجنگ وقت) پرخلاء میں بھیجا ۔

شی یان -24 سی سیٹلائٹس بنیادی طور پر خلائی سائنس اور ٹیکنالوجی کے تجربات کے لیے استعمال کیے جائیں گے۔

 یہ لانگ مارچ کیریئر راکٹ سیریز کا 503 واں  پرواز مشن تھا۔

بیجنگ(شِنہوا)  چین کی  فرنٹیئر سائنس، بائیو ٹیکنالوجی، خلائی تحقیقات اور انجینئرنگ جیسے شعبوں کی  2023 کے دوران  10 سرفہرست سائنسی اور تکنیکی کامیابیوں کی فہرست  ایک اخبار نے شائع کی ہے۔

منگل کو سائنس و ٹیکنالوجی ڈیلی کے مطابق، مرکزی سائنس اور ٹیکنالوجی کمیشن کا قیام اس فہرست میں سرفہرست ہے۔ یہ کمیشن سائنس اور ٹیکنالوجی سے متعلق امور پر سی پی سی کی مرکزی کمیٹی کی مرکزی اور متحد قیادت کو بہتر بنانے کے لیے قائم کیا گیا ۔

خلائی تحقیقات میں،قومی خلائی تجربہ گاہ کے طور پر کام کرنے والے تیانگونگ خلائی اسٹیشن نے کام شروع کیا۔

ملک کی فاسٹ دوربین کو نینو ہرٹز کشش ثقل لہروں کے کلیدی شواہد ملے، جو بڑے پیمانے پر بلیک ہولز، کہکشاں کے انضمام کی تاریخ اور کائنات میں بڑے اجسام  کی تشکیل کے حولے سے ابتک پراسرار رہنے والی چیزوں کو جاننے میں  مدد کر سکتے ہیں۔

بائیوٹیکنالوجی میں، چینی سائنسدانوں نے فصلوں کے ایک کلیدی جین کی نشاندہی کی جو جینیاتی انجینئرنگ کے ذریعے، الکلائن مٹی میں فصل کی پیداوار کو کافی حد تک بہتر بنا سکتا ہے۔

بیجنگ(شِنہوا)  چین کے سپریم پیپلز پروکیوریٹوریٹ (ایس پی پی) نے عوامی سیاسی مشاورتی کانفرنس کی حئی لونگ جیانگ صوبائی کمیٹی کے سابق نائب سربراہ چھو من کو مشتبہ رشوت ستانی کے الزام میں گرفتار کرنے کا حکم دےدیا ہے۔

ایس پی پی نے منگل کو کہا کہ نیشنل کمیشن آف سپرویژن کی تحقیقات مکمل ہونے کےبعد  کیس کو تشخیص اورٹرائل کے لیے استغاثہ حکام کو منتقل کر دیا گیا ہے۔

اس معاملے کی مزید تفتیش ابھی جاری ہے۔

ماسکو(شِنہوا)  یوکرین کے میزائل حملے سے کریمیا کے بندرگاہی شہر فیوڈوسیا میں روسی بحریہ کے ایک جہاز کو نقصان پہنچا ہے۔

 کریملن نے ایک بیان میں بتایاکہ روسی وزیر دفاع سرگئی شوئیگو نے صدر ولادیمیر پیوتن کو رات گئے ہونے والے حملے کے بارے میں آگاہ کیا۔

شوئیگو نے بتایا کہ یوکرین کی مسلح افواج نے ہوائی جہاز سے گائیڈڈ میزائلوں کا استعمال کرتے ہوئے  کریمیا میں فیوڈوسیا بیس کو نشانہ بنایا۔    بیان میں کہا گیا ہے کہ حملے میں بڑے لینڈنگ جہاز نووچرکاسک کو نقصان پہنچا اور روسی فضائی دفاع نے نکولائیف شہرکے قریب یوکرین کے دو ایس یو -24 ٹیکٹیکل طیاروں کو تباہ کر دیا۔

نوم پنہ (شِنہوا) کمبوڈیا میں 2023 کے ابتدائی 11 ماہ سے 4 لاکھ 98 ہزار 250 چینی سیاحوں کی آمد ہوئی جو گزشتہ برس کی اسی مدت کے 90 ہزار 648 کی نسبت 449 فیصد زائد ہے۔

وزارت سیاحت کی جاری کردہ رپورٹ کے مطابق یہ تعداد رواں سال جنوری سے نومبر کے دوران اس جنوب مشرقی ایشیائی ملک میں آنے والے 49 لاکھ 10 ہزار غیرملکی سیاحوں کا 10.1 فیصد ہے۔

رپورٹ میں کہا گیا ہے کہ غیرملکی سیاحوں کی آمد میں تھائی لینڈ اور ویتنام کے بعد چین تیسرے نمبر پر ہے ۔ اس مدت کے دوران تقریباً 16 لاکھ 50 ہزار تھائی اور 9 لاکھ 20 ہزار 93 ویتنامی سیاحوں نے کمبوڈیا کا سفر کیا جو بالترتیب 130 فیصد اور 129 فیصد زائد ہے۔

کمبوڈیا کی وزارت سیاحت کے سیکرٹری اور ترجمان ٹاپ سوفیاک نے بتایا کہ کمبوڈیا مزید چینی سیاحوں کو راغب کرنے کا خواہش مند ہے ، انہوں نے یقین دلایا کہ ملک ایک محفوظ سیاحتی مقام ہے۔

انہوں نے شِنہوا  کو بتایا کہ ان کا ملک مزید چینی سیاح کی آمد کا خواہش مند ہے کیونکہ اس نے ہماری اقتصادی اور سیاحتی ترقی کے ساتھ ساتھ تحفظ غربت میں اہم کردارادا کیا ہے۔

فائل فوٹو، کمبوڈیا کے صوبہ سیم ریپ میں سیاح انگ کور آثارقدیمہ پارک کا دورہ کررہے ہیں۔ (شِنہوا)

سوفیاک کی رائے میں چینی سرمایہ کاری سے قائم سیم ریپ انگ کور بین الاقوامی ہوائی اڈہ کمبوڈیا میں چینی مسافروں سمیت مزید غیرملکی مسافروں کو راغب کرے گا۔ اس ہوائی اڈے نے گزشتہ ماہ باضابطہ طور پر اپنا تجارتی آپریشن شروع کیا تھا۔

انہوں نے امید ظاہر کی کہ یہ نئی بین الاقوامی فضائی کمپنیوں کو اپنی جانب راغب کرے گاجو کمبوڈیا اور خاص کر سیم ریپ صوبے میں مزید سیاح اور سرمایہ کاروں کو لائیں گے جہاں ے صوبے صوبہ سیم ریپ میں مشہور انگ کور آثارقدیمہ پارک واقع ہے۔

سیاحت کمبوڈیا کے 4 معاشی ستونوں میں سے ایک ہے۔ اس کے علاوہ ملبوسات، جوتے اور سفری سامان کی برآمدات، زراعت ، تعمیرات اور ریئل اسٹیٹ اس کی آمدن کے اہم ذرائع ہیں۔

نوم پنہ (شِنہوا) کمبوڈیا میں 2023 کے ابتدائی 11 ماہ سے 4 لاکھ 98 ہزار 250 چینی سیاحوں کی آمد ہوئی جو گزشتہ برس کی اسی مدت کے 90 ہزار 648 کی نسبت 449 فیصد زائد ہے۔

وزارت سیاحت کی جاری کردہ رپورٹ کے مطابق یہ تعداد رواں سال جنوری سے نومبر کے دوران اس جنوب مشرقی ایشیائی ملک میں آنے والے 49 لاکھ 10 ہزار غیرملکی سیاحوں کا 10.1 فیصد ہے۔

رپورٹ میں کہا گیا ہے کہ غیرملکی سیاحوں کی آمد میں تھائی لینڈ اور ویتنام کے بعد چین تیسرے نمبر پر ہے ۔ اس مدت کے دوران تقریباً 16 لاکھ 50 ہزار تھائی اور 9 لاکھ 20 ہزار 93 ویتنامی سیاحوں نے کمبوڈیا کا سفر کیا جو بالترتیب 130 فیصد اور 129 فیصد زائد ہے۔

کمبوڈیا کی وزارت سیاحت کے سیکرٹری اور ترجمان ٹاپ سوفیاک نے بتایا کہ کمبوڈیا مزید چینی سیاحوں کو راغب کرنے کا خواہش مند ہے ، انہوں نے یقین دلایا کہ ملک ایک محفوظ سیاحتی مقام ہے۔

انہوں نے شِنہوا  کو بتایا کہ ان کا ملک مزید چینی سیاح کی آمد کا خواہش مند ہے کیونکہ اس نے ہماری اقتصادی اور سیاحتی ترقی کے ساتھ ساتھ تحفظ غربت میں اہم کردارادا کیا ہے۔

فائل فوٹو، کمبوڈیا کے صوبہ سیم ریپ میں سیاح انگ کور آثارقدیمہ پارک کا دورہ کررہے ہیں۔ (شِنہوا)

سوفیاک کی رائے میں چینی سرمایہ کاری سے قائم سیم ریپ انگ کور بین الاقوامی ہوائی اڈہ کمبوڈیا میں چینی مسافروں سمیت مزید غیرملکی مسافروں کو راغب کرے گا۔ اس ہوائی اڈے نے گزشتہ ماہ باضابطہ طور پر اپنا تجارتی آپریشن شروع کیا تھا۔

انہوں نے امید ظاہر کی کہ یہ نئی بین الاقوامی فضائی کمپنیوں کو اپنی جانب راغب کرے گاجو کمبوڈیا اور خاص کر سیم ریپ صوبے میں مزید سیاح اور سرمایہ کاروں کو لائیں گے جہاں ے صوبے صوبہ سیم ریپ میں مشہور انگ کور آثارقدیمہ پارک واقع ہے۔

سیاحت کمبوڈیا کے 4 معاشی ستونوں میں سے ایک ہے۔ اس کے علاوہ ملبوسات، جوتے اور سفری سامان کی برآمدات، زراعت ، تعمیرات اور ریئل اسٹیٹ اس کی آمدن کے اہم ذرائع ہیں۔

بیجنگ (شِنہوا)چین نے کہا ہے کہ وہ غزہ میں جنگ کے جلد خاتمے، دو ریاستی حل اور مشرق وسطیٰ میں امن و استحکام کے لیے اقوام متحدہ کی سلامتی کونسل میں تعاون بڑھانے اور مزید ذمہ دارانہ اور نتیجہ خیز اقدامات کے لیے تمام فریقین کے ساتھ ملکر کام جاری رکھے گا۔

چینی وزارت خارجہ کی ترجمان ماؤ ننگ نے یہ بات اقوام متحدہ کی سلامتی کونسل کی قرارداد 2720 کے بارے میں ایک سوال کے جواب میں کہی۔ جس میں غزہ کو انسانی امداد کی توسیع اور جنگ کے مستقل خاتمے سے متعلق حالات پیدا کرنے کے لیے فوری اقدامات کا مطالبہ کیا گیا تھا۔ قرارداد کے حق میں 13 ووٹ آئے جبکہ 2 ارکان نے مخالفت کی تھی۔

ترجمان ماؤ نے کہا کہ چین نے قرارداد 2720 کے حق میں ووٹ دیا جو موجودہ فلسطینی۔ اسرائیل تنازع کے آغاز کے بعد سلامتی کونسل کی منظور کردہ دوسری قرارداد ہے۔ انہوں نے یہ بھی کہا کہ یہ قرارداد دنیا کی توقعات پر پورا نہیں اترتی اور اس میں کچھ خامیاں ہیں جنہیں دور کرنے کی ضرورت ہے۔

ماؤ نے کہا کہ موجودہ فلسطین۔ اسرائیل تنازع میں ہزاروں شہری جاں بحق اور زخمی ہوئے ہیں ۔ غزہ میں انسانی صورتحال مسلسل خراب ہو رہی ہے ایسے میں چین نے اس قرارداد پر مؤثر انداز میں عملدرآمد ، انسانی امداد میں وسعت اور نگرانی کا نظام جلد سے جلد قائم کرنے پر زور دیا ہے۔

ماؤ نے کہا کہ جنگ بندی کو حقیقت کا روپ دینا ہر چیز میں اولین ترجیح اور شرط ہے۔

چین غزہ میں جنگ کے جلد خاتمے، 2 ریاستی حل اور مشرق وسطیٰ میں امن و استحکام کے لئے انتھک کوششوں میں سلامتی کونسل میں تعاون بڑھانے اور مزید ذمہ دارانہ اور نتیجہ خیز اقدامات کے حصول کے لیے تمام فریقین کے ساتھ ملکر کام جاری رکھے گا۔

لان ژو (شِنہوا) چین کے شمال مغربی صوبے گانسو کے زلزلہ زدہ علاقوں میں کاروبار اور اسکول دوبارہ کھل گئے ہیں جس سے زندگی بتدریج معمول پر لوٹ رہی ہے۔

ایک ہفتہ قبل لین شیا ہوئی خود مختار پریفیکچر کے علاقے جی شی شان کی بونان ڈونگ شیانگ سالار خود مختار کاؤنٹی میں 6.2 شدت کا زلزلہ آیا تھا جس سے گانسو اور پڑوسی صوبے چھنگ ہائی میں 100 سے زائد افراد ہلاک ہوئے تھے۔ 

گانسو کے صوبائی محکمہ ہنگامی انتظامات نے ایک پریس کانفرنس میں بتایا کہ کاؤنٹی جی شی شان میں سپرمارکیٹوں سے لیکر ریستورانوں تک 90 فیصد کاروباری دکانیں دوبارہ کھل چکی ہیں جبکہ چھوٹے شہروں میں کاروبار بحال ہونے کی شرح 50 فیصد سے زائد ہے۔

اس کے علاوہ کاؤنٹی کے تمام اسکولوں نے پیر سے تدریس کا دوبارہ آغاز ہوچکا ہے۔

پریفیکچرحکومت کے مطابق زلزلہ زدہ علاقے میں 8 ہزار 96  تیارشدہ مکانات مہیا کئے گئے ہیں۔

صوبے نے ایسے 15 ہزار گھر مہیا کرنے کا منصوبہ بنایا ہے تاکہ ان رہائشیوں کو چھت مہیا کی جاسکے جن کے گھر تباہ ہوگئے ہیں یا انہیں نقصان پہنچا ہے۔

ان تیار شدہ گھروں میں رضائی اور الیکٹرک ہیٹرز موجود ہیں جبکہ  دوبارہ آباد کاری کے ان مقامات پر طبی عملہ بھی تعینات کردیا گیا ہے۔