بیجنگ(شِنہوا)کمیونسٹ پارٹی آف چائنہ (سی پی سی) کی مرکزی کمیٹی کے آرگنائزیشن ڈیپارٹمنٹ نے چین کے شمال مغربی صوبے گانسو اور چھنگ ہائی کے زلزلہ زدہ علاقوں میں قدرتی آفات سے نمٹنے کی کوششوں میں مدد کے لیے سی پی سی کی رکنیت کے  فنڈز سے 10 کروڑ یوآن (تقریباً 1 کروڑ40 لاکھ 90 ہزار ڈالر) مختص کیے ہیں۔

محکمے کے مطابق یہ فنڈز نچلی سطح کے پارٹی ممبران، آفیشلز اور آفات میں ریلیف کے فرنٹ لائنز پر کام کرنے والے لوگوں،زلزلے کی وجہ سے مشکلات کا شکار  پارٹی ممبران اوردیگرلوگوں کی امداد پر خرچ کیے جائیں گے۔ مختص شدہ رقم ابتدائی سطح کے پارٹی ممبران کے لیے تباہ شدہ تعلیمی سہولیات کی مرمت پربھی استعمال کیے جائیں گے۔

محکمے  نے زلزلہ زدہ علاقوں میں نچلی سطح کی پارٹی تنظیموں اور ارکان پر زور دیا کہ وہ ایک مثالی کردار ادا کریں، لوگوں کی جان و مال کی  حفاظت کے لیے پوری کوشش کریں اور زلزلے کے بعد امداد اور  تعمیر نو کو مناسب طریقے سے انجام دیں۔

اقوام متحدہ (شِنہوا) اقوام متحدہ میں چینی مندوب نے کہا ہے کہ غزہ میں جنگ بندی کا حصول اس وقت سب سے اہم ترجیح ہے۔

اقوام متحدہ میں چین کے مستقل مندوب ژانگ جون نے سلامتی کونسل کو مشرق وسطیٰ کی صورتحال بشمول فلسطین کے مسئلے پر بریفنگ دیتے ہوئے کہا کہ جنگ بندی اولین شرط ہے۔ صرف جنگ بندی ہی یرغمالیوں سمیت شہری  اموات اور علاقائی تنازع کو قابو سے باہر ہونے سے روک سکتی ہے اورصرف جنگ بندی سے ہی سیاسی حل کے امکانات کو مکمل طور پر ختم ہونے سے روکا جاسکتا ہے۔

انہوں نے کہا کہ عالمی برادری نے بار بار اور بھاری اکثریت سے غزہ میں فوری جنگ بندی کا مطالبہ کیا ہے لیکن اس کے باوجود اسرائیل اپنی بمباری اور گولہ باری جاری رکھے ہوئے ہےاور اسکولوں، اسپتالوں، مساجد، گرجا گھروں اور پناہ گزین کیمپوں کو فوجی کارروائیوں میں بار بار نشانہ بنایا جارہا ہے۔

چینی مندوب نے کہا کہ حملوں کا کوئی جواز نہیں ہوسکتا۔ اس بات کی نشاندہی ہونا چاہیئےکہ غزہ میں زیادہ شہری اموات سے یرغمالیوں کو بچانے کا حل نہیں نکلے گا اور نہ ہی اس سے کسی فریق کو زیادہ تحفظ ملے گا۔

انہوں نے کہا کہ ہم اسرائیل پر زور دیتے ہیں کہ وہ اقدامات پر نظرثانی کرے اور غزہ کے عوام کے خلاف اندھا دھند فوجی حملے اور انہیں اجتماعی سزا دینا بند کرے۔

ژانگ نے مغربی کنارے بارے کہا کہ مغربی کنارے میں صورتحال کو قابو سے باہر ہونے سے روکنے کے لیے ہر ممکن کوشش کرنا چاہیئے۔ 

چین، دارالحکومت بیجنگ میں ثقافتی ورثہ تحفظ اور وراثت کے موضوع پرمنعقدہ ایک سمپوزیم سے کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے رکن اور کمیونسٹ پارٹی آف چائنہ کی مرکزی کمیٹی کے سیکریٹریٹ کے رکن تسائی چھی خطاب کر رہے ہیں۔ (شِںہوا)

چینی نائب وزیراعظم اور کمیونسٹ پارٹی آف چائنہ کی مرکزی کمیٹی کے سیاسی بیورو کے رکن ژانگ گوچھنگ  شمال مغربی صوبے گانسو کی لن شیا ہوئی خوداختیار پریفیکچر کے شہر جی شی شان کی بونان -ڈونگ شیانگ- سالارخوداختیارکاؤنٹی کے زلزلے سے متاثرہ قصبے شی یوآن کا  دورہ کر رہے ہیں۔ (شِنہوا)

پھاٹھالونگ، تھائی لینڈ (شِنہوا) تھائی لینڈ کے جنوبی صوبے پھاٹھالونگ میں چین کی تعمیر کردہ بجلی ترسیل لائن کا افتتاح کردیا گیا ہے ۔

تھنگ سونگ-سونگ کھلا 500 کے وی ترسیل لائن منصوبہ جسکی تعمیر 2 برس لگے جنوبی تھائی لینڈ میں پہلی 500 کے وی ترسیل لائن ہے۔ اسےس تھنگ سونگ منصوبہ بھی کہا جاتا ہے۔جنوبی تھائی لینڈ کے صوبہ ناکھون سی تھمارات سے صوبہ پھاٹھالونگ تک 105 کلومیٹر پر پھیلے اس حصے پر کام ہی نان الیکٹرک پاور ٹرانسمیشن اینڈ ٹرانسفارمیشن کنسٹرکشن نے مکمل کیا ہے۔

تھائی لینڈ میں بجلی پیدا کرنے والی اتھارٹی کے انڈیپینڈنٹ پاور پروڈیوسرز کے ٹرانسمیشن سسٹم کنسٹرکشن پروجیکٹ کے ڈائریکٹر بون ما فوچن نے منصوبے کی تکمیل پر منعقدہ ایک تقریب میں کہا کہ جنوبی تھائی لینڈ میں بجلی کی قلت تھی اور ملک جنوبی اقتصادی راہداری کی ترقی کے لئے پرعزم ہے اور ان صوبوں میں صنعتی پارک قائم کرے گا۔ اس لئے یہ منصوبہ جنوبی تھائی لینڈ میں بجلی نظام کے استحکام اور اس پر بھروسہ بہتر بنانے اور ان صوبوں میں بجلی کی بڑھتی ہوئی طلب پورا کرنے میں بہت اہم ہے۔

انہوں نے مزید کہا کہ ترسیل لائن کے مستقبل میں فعال ہونے کے بعد لاکھوں افراد اس سے مستفید ہوں گے۔

بیجنگ (شِنہوا) چینی صدر شی جن پھنگ نے کہا ہے کہ وہ نکاراگوا کے صدر ڈینیئل اورٹیگا کے ساتھ مل کر کام کرنے کو تیار ہیں تاکہ دونوں ملکوں کے درمیان نئی اعلان کردہ اسٹریٹجک شراکت داری کو نئی بلندیوں پر لے جانے کے لیے دوطرفہ تعلقات کو فروغ دیا جاسکے۔

نکاراگوا کے صدر اورٹیگا کے ساتھ فون پر گفتگو میں چینی صدر شی جن پھنگ نے کہا کہ وہ یکجہتی، تعاون، باہمی فائدے اور باہمی طور پر مفید نتائج کی مثال قائم کرنے میں نکاراگوا کے رہنما کے ساتھ شامل ہونے کے خواہشمند ہیں۔

انہوں نے کہا کہ چین نکاراگوا کا قابل اعتماد دوست بننے کو تیار ہے اور نکاراگوا کی قومی آزادی اور قومی وقار کے تحفظ کے لئے اس سے بھرپورتعاون جاری رکھے گا۔  چین بیرونی مداخلت کو مسترد کرنے میں بھی نکاراگوا کی حمایت کرتا ہے۔

چینی صدر شی جن پھنگ نے کہا کہ چین نکاراگوا کے ساتھ ملکر بالادستی اور طاقت کی سیاست کی مخالفت کرنے اور زیادہ منصفانہ و معقول عالمی نظام کی ترقی کے فروغ کو تیار ہے۔

انہوں نے مزید کہا کہ چین عالمی امور میں نکاراگوا کے ساتھ یکجہتی اور تعاون کو مضبوط بنانے اور ترقی پذیرممالک کے جائز حقوق اور مفادات کے تحفظ کو تیار ہے۔

بات چیت کے دوران نکاراگوا کے صدر اورٹیگا نے کہا کہ چین کی ترقی میں قابل ذکر کامیابیوں نے عالمی امن میں کردارادا کیا اور دنیا میں امید پیدا ہوئی۔

انہوں نے کہا کہ چین نے ایشیا، افریقہ اور لاطینی امریکہ کے ترقی پذیر ممالک کے عوام کے ساتھ ترقیاتی کامیابیاں بانٹنے اور ان کی فلاح و بہبود بہتر بنانے میں اہم کردارادا کیا ہے۔

انہوں نے کہا کہ نکاراگوا ایک چین اصول پر سختی سے عمل پیرا ہے اور چین کے اتحاد کے عظیم مقصد کی حمایت کرتا ہے جبکہ نکاراگوا چینی صدر شی کے تجویز کردہ بیلٹ اینڈ روڈ انیشی ایٹو سمیت عالمی تعاون کے اقدامات میں بھی بھرپور تعاون کررہا ہے۔

بیجنگ (شِنہوا) چین کے صدر شی جن پھنگ نے روسی فیڈریشن کے وزیراعظم میخائل میشوسٹن سے بیجنگ میں ملاقات کی۔

اس موقع پر چینی صدر نے رواں سال روسی صدرپیوٹن سے 2 مرتبہ ملاقاتوں کاذکر کرتے ہوئے کہا کہ دونوں ممالک کی حکومتوں، قانون ساز اداروں اور سیاسی جماعتوں نے مختلف شعبوں میں عملی تعاون کو مضبوط اور مستحکم انداز میں فروغ دیا۔

چینی صدر شی نے کہا کہ رواں سال کے ابتدائی 11 ماہ  کے دوران چین۔ روس نے 200 ارب امریکی ڈالر کے سالانہ تجارتی حجم کا ہدف حاصل کرلیا ہے۔ یہ ہدف دونوں سربراہان مملکت نے مشترکہ طور پر طے کیا تھا جو دونوں ممالک کے درمیان باہمی فائدہ مند تعاون میں مضبوط لچک اور وسیع امکانات کا اظہار ہے۔

انہوں نے کہا کہ چین روس تعلقات کو برقرار رکھنا اور فروغ دینا دونوں فریقوں کا دونوں ممالک کے عوام کے بنیادی مفادات کی بنیاد پر کیا جانے والا اسٹریٹجک فیصلہ ہے۔

چینی صدر شی جن پھنگ نے توقع ظاہر کی کہ چین ۔ روس سفارتی تعلقات کے قیام کی 75 ویں سالگرہ کو اعلیٰ سطح کے سیاسی تعلقات کو مسلسل وسیع کرنے ، معاشی و سماجی ترقی کے جامع فروغ  و قومی مقاصد کی تجدید  کے لیے مشترکہ طور پر آگے بڑھنے میں ایک نئے نقطہ آغاز کے طور پر استعمال کیا جائے گا۔

بیجنگ(شِنہوا) چین نے زلزلے سے متاثرہ صوبوں گانسو اور چھنگ ہائی میں بحالی کے کاموں کے لیے  فنڈنگ کی  اپنی کوششوں کو تیز کر دیا ہے۔

چینی وزارت خزانہ نے وزارت زراعت اور دیہی امور اور وزارت آبی وسائل کے ساتھ مل کرپیرکی رات آنے والے  6.2 کی شدت کے زلزلے کے بعد تباہ شدہ زرعی اور آبی تحفظ کے بنیادی ڈھانچے کی بحالی میں مدد کے لیے کل 22 کروڑ یوآن (3 کروڑ 10 لاکھ ڈالر) فنڈز مختص کیے ہیں۔ 

وزارتوں کے مطابق یہ فنڈز بنیادی طور پر گرین ہاؤسز، مویشیوں ،  ڈیموں، آبپاشی کے نظام، دیہی پانی کی فراہمی کی سہولیات کے ساتھ ساتھ چھوٹے پیمانے پر آبی ذخائر کی بحالی کے لیے استعمال کیے جائیں گے۔

یوکرین کے ڈونیٹسک میں حالیہ روسی گولہ باری سے تباہ شدہ عمارت سے دھواں اٹھ رہا ہے۔ (شِنہوا)

چین کے شمال مغربی سنکیانگ ویغورخوداختیارخطے کی کیزیل سو کرغیزخوداختیار پریفیکچر کی کاؤنٹی آک چھی کے آگ بجھانے والے سٹیشن پرامدادی کارکن زلزلے سے متاثرہ علاقوں میں روانگی کے لیے جمع ہیں۔ (شِنہوا)

غزہ پٹی کے جنوبی شہررفح میں اسرائیلی فضائی حملے کے بعد لوگ امدادی سرگرمیوں میں مصروف ہیں۔ (شِنہوا)

چینی نائب وزیراعظم ہی لی فینگ  کلیکٹیو فاریسٹ ٹینورمیں اصلاحات کو آگے بڑھانے کے حوالے سےبیجنگ میں منعقدہ  ٹیلی کانفرنس سے خطاب کرتے ہوئے۔(شِنہوا)

اقوام متحدہ(شِنہوا) اقوام متحدہ کے سیکرٹری جنرل انتونیو گوتریس نے چین میں آنے والے زلزلے پر انتہائی افسوس کااظہار کیا ہے۔

ترجمان سٹیفن ڈوجارک نے کہا کہ سیکرٹری جنرل المناک زلزلے سے جانی و مالی  نقصانات اور لوگوں کے زخمی ہونے پر شدید غمزدہ ہیں۔ ترجمان نے کہا کہ سیکرٹری جنرل چین کےعوام اورحکومت کے ساتھ  یکجہتی اور متاثرین کے اہل خانہ کے ساتھ اپنی دلی تعزیت کا اظہار کرتے ہیں اور انہوں نے زخمیوں کی جلد صحت یابی کی خواہش کابھی اظہار کیا ہے۔  

کویت سٹی(شِنہوا)  شیخ مشعل الاحمد الجابر الصباح نے بدھ کو کویتی قومی اسمبلی کے سامنے حلف لیتے ہوئے باضابطہ طور پر کویت کے امیر کا عہدہ سنبھال لیا۔

شیخ مشعل  مرحوم امیر شیخ نواف الاحمد الجابر الصباح کے جانشین ہیں، جو 16 دسمبر کو 86 سال کی عمر میں انتقال کر گئے تھے۔ شیخ مشعل تیل کی دولت سے مالا مال خلیجی ریاست کے 17ویں حکمران ہیں۔

پارلیمنٹ میں خطاب کرتے ہوئے شیخ مشعل نے شہریوں کے مفادات کو نظر انداز کرنے والے اقدامات کے لیے قانون کے دائرہ کار میں احتساب کی اہمیت پر زور دیا۔

 83 سالہ امیر نے اپنے خطاب میں سلامتی، معیشت اور معیار زندگی کے حوالے سے موجودہ صورتحال کا جائزہ لینے پر زور دیتے ہوئے  خلیج اور بین الاقوامی تعاون کے لیے اپنے عزم کا اعادہ کیا۔

بیجنگ (شِنہوا) چین کے خلائی اسٹیشن پرموجود خلائی جہاز شینژو-17 کے عملے کے ارکان اگلے چند دنوں میں پہلی بار خلائی اسٹیشن سے باہرنکل کراپنی سرگرمیاں(ای وی اے) انجام دیں گے۔

چائنہ مینڈ اسپیس ایجنسی (سی ایم ایس اے)نے بدھ کو بتایا کہ  خلاباز 54 دنوں سے  خلائی اسٹیشن پر موجود ہیں جو ان کے چھ ماہ کے خلائی مشن کا تقریباً ایک تہائی ہے۔ 

سی ایم ایس اے کے مطابق، خلابازوں نے شینژو -16 کے خلابازوں کی جگہ ذمہ داریاں سنبھالنےکے بعد خلائی اسٹیشن کے پلیٹ فارم کی دیکھ بھال،لائف اینڈ ہیلتھ سپورٹ،  اسپیس سوٹ کا معائنہ  وجانچ، تیان ژو-6 کارگو جہاز کے سازوسامان کا معائنہ اور آئندہ کی اسپیس واک کی تیاری مکمل کر لی ہے۔

کابل(شِنہوا) افغانستان کے قائم مقام وزیرخارجہ مولوی امیر خان متقی نے افغانستان کے لیے برطانوی مشن کے انچارج رابرٹ چیٹرٹن ڈکسن کے ساتھ ملاقات کی ہے،جس میں قائم مقام وزیر خارجہ نےعالمی برادری کے ساتھ اچھے تعلقات کوفروغ دینے پرزور دیا ۔

سرکاری نیوز ایجنسی  باختر کے مطابق افغان نگراں حکومت کے وزیرخارجہ نے کابل میں ہونے والی ملاقات میں کہا کہ ان کا ملک ہمسایہ ممالک، خطے اور پوری دنیا کے ساتھ اچھے تعلقات کو فروغ دینا چاہتا ہے۔ متقی نے کہا کہ افغانستان ہر ملک کے ساتھ بات چیت کے لیے تیارہے انہوں نے افغانستان اور برطانیہ کے درمیان تجارت میں اضافے پر زوردیتے کہا کہ یہ صورت حال اقتصادی اور سیاسی تعلقات کے ساتھ ساتھ انسانی امداد کے لیے بھی سازگار ہے۔  افغانستان کے لیے برطانوی مشن کے ناظم الامور جو فی الحال دوحہ میں مقیم ہیں نے ایک پرامن اور مستحکم افغانستان کے لیے اپنی حمایت کا اظہار کرتے ہوئے سیاسی مقاصد کے لیے تشدد کی مذمت کی۔

بیجنگ (شِنہوا) چین میں دوروزہ سالانہ مرکزی دیہی ورک کانفرنس بدھ کو بیجنگ میں اختتام پذیر ہوگئی جس میں 2024 کے لیے دیہی امور کی ترجیحات کاتعین کیاگیا۔ کمیونسٹ پارٹی آف چائنہ کی مرکزی کمیٹی کے جنرل سیکرٹری،مرکزی فوجی کمیشن کے چیئرمین،صدرشی جن پھنگ نے زراعت، دیہی علاقوں اور کسانوں سے متعلق امورکے بارے میں اہم ہدایات دیں۔ صدر شی نے کہا کہ 2023 میں ملک میں نسبتاً شدید قدرتی آفات اور دیگر منفی حالات پر قابو پایا گیا، اناج کی پیداوار میں نیا ریکارڈ قائم ہوا ، کسانوں کی آمدنی میں نسبتاً تیزی سے اضافہ اور دیہی علاقوں میں ہم آہنگی اور استحکام برقراررہاہے۔

صدر شی نے کہا کہ چینی جدیدیت کو فروغ دینے، زرعی شعبے کی بنیاد کو مضبوط اور دیہی احیاء کو ہر لحاظ سے آگے بڑھانے کے لیے مسلسل کوششیں کرنا ہوں گی۔

بیجنگ (شِنہوا) چینی لفظ "ژین" جس کا مطلب پرعزم رہنا اور"اعلیٰ معیار کی ترقی" کوچین میں سال 2023 کے کریکٹر اور لفظ کے طور پر منتخب کیا گیا ہے۔

 "چائنیز لینگویج ریویو 2023" کے تحت  بدھ کو جاری کردہ سالانہ سروے کے مطابق کریکٹر اور لفظ کا انتخاب انٹرنیٹ صارفین اور ماہرین کی سفارشات سے کیا گیا ہے۔ انتخاب کے عمل میں چینی حروف پر مبنی ایک الگورتھم بھی استعمال کیا گیا۔ ماہرین کا کہنا ہے کہ "ژین" کا کریکٹراس وقت لاگو ہوتا ہے جب کوئی مشکلات کا سامنا کرتے ہوئے اپنے نظریات پر قائم رہے ، حالات جیسے بھی ہوں اپنی پیش قدمی جاری رکھے اور ہر قدم ترقی کرنے پر خوشی محسوس کرے۔ مسلسل 18 سال سے منعقد ہونے  والے  بزورڈ سلیکشن کا مقصد عوام کو اپنی زندگیوں اور سماجی تبدیلیوں کو ریکارڈ کرنے کی ترغیب دینا ہے۔

 وسطی غزہ کی پٹی کے شہر دیر البلاح کے ایک اسپتال میں زخمی لڑکے کوطبی امداد کے لیے لایاگیا ہے۔(شِنہوا)

بیجنگ(شِنہوا)چین نے اس امید کا اظہارکیا ہے کہ  امریکہ اقوام متحدہ کی سلامتی کونسل کی قراردادوں کو یکطرفہ طورپر روکنا بند کرتے ہوئے فوری طور پر فلسطین-اسرائیل جنگ بندی  کے لیے اپنا بھرپور کردار ادا کرے گا۔

وزارت خارجہ کے ترجمان وانگ وین بن نے ان خیالات کااظہار  ایک باقاعدہ پریس بریفنگ میں  بروکنگز انسٹی ٹیوشن میں چین میں امریکی سفیر نکولس برنز کے بیان سے متعلق ایک سوال کے جواب میں کیا،جس میں انہوں نے کہا تھا کہ چین مشرق وسطیٰ میں زیادہ بااثر بننے کا خواہاں ہے لیکن تنازعہ کو ختم کرنے کا کام حقیقت میں صرف امریکی کندھوں پر ہے۔

وانگ نے کہا کہ فلسطینی اسرائیل تنازعہ شروع ہونے کے بعد سے چین جنگ بندی کے قیام، شہریوں کے تحفظ اور انسانی بحران کو کم کرنے کے لیے کوشاں رہا ہے۔

ترجمان نے کہا کہ نومبر میں سلامتی کونسل کے صدر کے طور پر، چین نے  فلسطینی اسرائیل  کے درمیان موجودہ تنازعہ شروع ہونے کے بعد سلامتی کونسل کی پہلی قرارداد کی منظوری میں کردار ادا کیا، فلسطین اسرائیل تنازعہ کے حل کے بارے میں  پوزیشن پیپرپیش کیا اورسلامتی کونسل کی جانب سے مزید حمایت اور کارروائی کے لیے کوشش کی ۔

اسرائیلی علاقے المطلہ میں  حزب اللہ کی طرف سے گولاباری  کے بعد دھواں اٹھ رہا ہے(شِنہوا)

لاس اینجلس(شِنہوا) ناسا ستاروں کے درمیان خلا کو دیکھنے اور ہماری کہکشاں ،ملکی وے کا 3 ڈی نقشہ بنانے کے لیے نیا مشن بھیجنے کی تیاری کررہا ہے۔

ناسا کے مطابق گلیکسیز/ ایکسٹرا گلیکسیز یو ایل ڈی بی سپیکٹروسکوپک ٹیرا ہرٹز آبزرویٹری یا گسٹو مشن 21 دسمبر سے پہلے امریکی نیشنل سائنس فاؤنڈیشن کےانٹارکٹیکا کے مک موردو ریسرچ بیس کے قریب روز آئس شیلف سے لانچ کیا جائے گا۔

انٹارکٹیکا کے اوپر فضا میں انتہائی بلندی پر، گسٹومشن میں ایک غبارے سے بندھی  دوربین، ستاروں کے درمیان خلا انٹر اسٹیلر میڈیم کا جائزہ لے گی۔

ناسا کے مطابق، یہ دوربین سائنسدانوں کوانتہائی ہائی فریکوئنسیز ریڈیو لہروں میں ملکی وے کا 3 ڈی نقشہ بنانے میں مدد دے گی۔

بیجنگ(شِنہوا)  چین نے کہا ہے کہ شی ژانگ خوداختیارعلاقے کے بورڈنگ اسکولوں کے خلاف یورپی پارلیمنٹ کی الزام تراشی اور بہتان بازی  حقیقت میں بچوں کے تعلیمی حق کی خلاف ورزی ہے،جس سے خطے میں انسانی حقوق کی صورتحال کو نقصان پہنچا ہے۔  وزارت خارجہ کے ترجمان  وانگ وین بن نے ان خیالات کا اظہار روزانہ کی پریس بریفنگ میں اس سے متعلقہ ایک سوال کے جواب میں کیا کہ  یورپی پارلیمنٹ نے چینی حکومت کی جانب سے شی ژانگ کے بورڈنگ اسکولوں کے ذریعے تبتی بچوں کے جبری انضمام پر تنقید کرتے ہوئے ایک قرار داد منظوراور یورپی یونین اور اس کے رکن ممالک سے اقدامات کا مطالبہ کیاہے۔

ترجمان نے کہا کہ یورپی پارلیمنٹ کی اس قرارداد میں جو کچھ کہا گیا وہ غلط معلومات پر مبنی  ہے اس سے چین کی ساکھ کو نقصان پہنچایا گیا  اوریہ ہمارے ملک کے اندرونی امور میں مداخلت ہے ہم اس کی مذمت اور بھرپور مخالفت کرتے ہیں۔  

بیجنگ(شِنہوا) چین میں فائیو جی نیٹ ورک کی تعمیر میں مسلسل پیش رفت جاری ہے اور  نومبر کے آخر تک ملک میں فائیو جی بیس سٹیشنوں کی تعداد32 لاکھ 80 ہزارسے تجاوز کر گئی ہے۔

 بدھ کو چینی وزارت صنعت اور انفارمیشن ٹیکنالوجی کے جاری کردہ اعداد و شمار کے مطابق یہ تعداد ملک کے کل موبائل بیس سٹیشنوں کا 28.5 فیصد ہے۔

 چین میں زیادہ سے زیادہ موبائل فون صارفین نے فائیو جی سروسز کو اپنا لیا ہے۔

اعداد و شمار سے پتہ چلتا ہے کہ نومبر کے آخر تک ملک کی تین ٹیلی کام کمپنیوں چائنہ ٹیلی کام، چائنہ موبائل اور چائنہ یونی کام کے موبائل فون صارفین کی تعداد تقریباً 1 ارب 73 کروڑ تک پہنچ چکی ہے۔

ان میں سے77 کروڑ 10 لاکھ فائیو جی موبائل فون استعمال کرنے والے صارفین شامل ہیں جن کی تعداد میں گزشتہ سال کے آخر سے اب تک  21 کروڑ 4 لاکھ کا خالص اضافہ ہوا ہے جوکل موبائل فون صارفین کا 44.7 فیصد ہے۔

جنیوا(شِنہوا) عالمی ادارہ صحت (ڈبلیو ایچ او) نے کورونا وائرس کی  تیزی سے بڑھتی ہوئی جے این۔ون قسم کے پھیلاؤ کا حوالہ دیتے ہوئے کہا ہے کہ یہ قسم  بی اے۔2.86 کی سابقہ قسم سے بالکل مختلف ہے۔

ڈبلیو ایچ او نے کہا کہ دستیاب شواہد کی بنیاد پرجے این۔ون سے عالمی آبادی کولاحق اضافی خطرہ فی الحال کم  نوعیت کا ہے۔

عالمی ادارہ صحت نے کہا کہ موجودہ ویکسین  جے این۔ون اورکورونا  کی دیگر مختلف اقسام کے باعث شدید بیماری اور موت سے تحفظ فراہم کرنے میں بدستور سود مند ہیں۔

اقوام متحدہ کے ادارہ صحت  نے لوگوں کو مشورہ دیا ہے کہ وہ تمام دستیاب اوزاروں کا استعمال کرتے ہوئے انفیکشن اور شدید بیماری سے بچنے کے لیے اقدامات کریں اور ہجوم یا خراب ہوادار علاقوں میں ماسک پہنیں، سماجی دوری برقرار رکھیں اور ہوا کی آمد و رفت کوبہتر بنائیں۔

سان جوز(شِنہوا)کوسٹا ریکا  کے اقتصادی اور مالیاتی تجزیہ کار نے کہا ہے کہ چین کی اعلیٰ معیار کی ترقی نے اپنے شراکت دار ممالک کے لیے ترقی کے زبردست مواقع فراہم کیے ہیں۔

کوسٹا ریکا کے اقتصادی اور مالیاتی تجزیہ کار محمد اویلا نے ایک حالیہ انٹرویو میں شنہوا کو بتایا کہ چین کا شراکت دار ہونا کسی بھی ملک کے لیے اہم ہے کیونکہ چین جانتا ہے کہ ترقی کرنے کے لیے چینیوں کو اپنے شراکت داروں کے ترقی کرنے کی ضرورت ہے۔

انہوں نے کہا کہ گزشتہ دہائیوں میں چین نے بیلٹ اینڈ روڈ انیشیٹو (بی آر آئی) جیسے متعدد اقدامات کی تجویز پیش کی ہے جو لاکھوں لوگوں کو اس کی اختراع پر مبنی اورماحول دوست ترقی کے ذریعے لائے گئے مواقع سے جوڑتے ہیں۔

محمد اویلا نے کہا کہ چین خاص طور پرالیکٹرانک وہیکلز(ای ویز)جیسی ماحول دوست ٹیکنالوجیزمیں "عالمی فیکٹری" سے عالمی تحقیق اور ترقی (آر اینڈ ڈی) میں ایک سرکردہ رہنما ملک میں تبدیل ہو گیا ہے اوراس طرح عالمی اقتصادی منظر نامے میں ایک متحرک چینی معیشت پائیدار منتقلی میں اہم کردار ادا کررہی ہے۔

اویلا نے کہا کہ چین کی اعلیٰ معیار کی ترقی کا محرک اس کا یہ فلسفہ ہے کہ لوگوں کو اولین ترجیح دی جائے۔

چین کے شمال مغربی سنکیانگ ویغورخود اختیارعلاقے کے جیانگ جون ماؤنٹین اسکی ریزورٹ میں اسکیئرزاسکی کرتے ہوئے۔(شِنہوا)

امریکی ریاست کیلیفورنیا کے شہرسان کارلوس میں ایک خاتون کرسمس کی سجاوٹ دیکھ رہی ہے۔(شِنہوا)

بیجنگ (شِنہوا) چینی محققین نے پہلی بار مشرقی ایشیا میں ایک کروڑ 40 لاکھ برس قدیم  گینڈے کا فوسل دریافت کیا ہے جس سے ان جانوروں کی مشرقی ایشیا کی جانب نقل مکانی کے اہم شواہد ملے ہیں۔

پروسنٹورائنس چھوٹے معدوم شدہ ٹیلیوسیراٹین گینڈوں کی ایک نسل ہے جس کے اعضاء کی ہڈیاں چھوٹی ہوتی ہیں جو یورپ میں بڑے پیمانے پر پایا جاتا ہے۔

تاہم متعلقہ  باقیات ریکارڈ کی کمی کے سبب اس نسل کا ایشیائی ارتقاء غیر واضح رہا ہے۔

چائنیز اکیڈمی آف سائنسز کے ماتحت انسٹی ٹیوٹ آف ورٹی بریٹ پیلینٹولوجی اینڈ پیلیو اینتھروپولوجی کے محققین نے چین کے ننگ شیا ہوئی خوداختیارخطے میں مورفولوجیکل تحقیق کی اور ایک گینڈے کی نئی باقیات دریافت کیں جو وسط مایوسین دور سے تعلق رکھتا ہے۔

فائلو جینٹک تجزیہ 282 مارفولوجیل کریکٹرپر مبنی ہے میں 36 ٹیکسا سے انکشاف ہوا یہ نسل پروسنٹورائنس سے تعلق رکھتی ہے۔

محققین نے اس نئی نسل کا نام پروسنٹورائنس یی ایس پی نوو رکھا ہے۔

نئے نمونے کی خصوصیت ،اچھی طرح سے محفوظ مکمل کھوپڑی ہے جس میں موٹی اور اونچی ناک کی ہڈیاں ایک چھوٹے سینگ کو سہارا دیتی ہیں۔

انسٹی ٹیوٹ کے ایک محقق ڈینگ تاؤ کے مطابق اس دریافت سے ظاہر ہوتا ہے کہ پروسنٹورائنس کی جغرافیائی تقسیم بہت وسیع ہے جو یورپ سے لیکر جنوبی پاکستان اور چین تک پھیلی ہوئی ہے۔ اس کا مطلب ہے کہ ان کی ہجرت یوریشیا میں ماحولیاتی اور جغرافیائی رکاوٹوں کی وجہ سے محدود نہیں تھی۔

یہ تحقیق لین نیان سوسائٹی کے زولوجیکل جرنل میں شائع ہوئی ہے۔

ڈینور (شِنہوا) امریکی ریاست کولوراڈو کی سپریم کورٹ نے سابق صدر ڈونلڈ ٹرمپ کو ریاست میں 2024 کے ریپبلکن صدارتی پرائمری بیلٹ کے نااہل قرار دیدیا ہے۔

ٹرمپ نے اس عزم کا اظہار کیا تھا کہ وہ فوری طور پر امریکی سپریم کورٹ میں اپیل دائر کریں گے۔

عدالتی فیصلہ چار تین سے آیا جس میں امریکی آئین کی شاذ و نادر استعمال شق کا حوالہ دیتے ہوئے لکھا گیا کہ عدالتی اکثریت کی رائے میں ٹرمپ 14 ویں ترمیم کی دفعہ 3 کے تحت صدارتی عہدے کے لئے نااہل ہیں۔

کولوراڈو کی عدالت کہا ہے کہ 4 جنوری 2024 تک اپیل کی جاسکتی ہے اس لئے اس وقت اس فیصلے پر عملدرآمد روک دیا گیا ہے۔

امریکی تاریخ میں یہ پہلا موقع ہے کہ 14 ویں ترمیم کی دفعہ 3 کو کسی صدارتی امیدوار کو نااہل قرار دینے کے لیے استعمال کیا گیا ہے اوریہ بھی پہلا موقع ہے جب کسی امریکی ریاستی عدالت نے فیصلہ دیا ہے کہ ٹرمپ 2024 کے صدارتی انتخابات کے لئے نااہل ہیں۔ سابق صدر ٹرمپ کو 2024 کے ریپبلکن نامزدگی کے مقابلے میں وسیع برتری حاصل ہے۔

ڈینور پوسٹ نے پیش گوئی کی ہے کہ یہ معاملہ امریکی سپریم کورٹ میں جائے گا۔  ٹرمپ کی انتخابی مہم کے ترجمان اسٹیون چیونگ نے کہا ہے کہ وہ جلد ہی امریکی سپریم کورٹ میں اپیل دائر کررہے ہیں۔

بیجنگ (شِنہوا) چین کے وزیراعظم لی چھیانگ اور روسی فیڈریشن کے وزیراعظم میخائل میشوسٹن نے بیجنگ میں چین ۔ روس سربراہان حکومت کے 28 ویں باقاعدہ اجلاس کی مشترکہ صدارت کی۔

اس موقع پر چینی وزیراعظم لی چھیانگ نے کہا کہ دونوں سربراہان مملکت کی اسٹریٹجک رہنمائی میں چین۔ روس تعلقات اعلیٰ سطح پر فروغ پا رہے ہیں جس میں زیادہ سیاسی باہمی اعتماد، دونوں ملکوں کے عوام کے درمیان دوستی کو گہرا کرنا، زیادہ لچکدارعملی تعاون اور قریبی بین الاقوامی ہم آہنگی شامل ہے جو بڑے ممالک کے تعلقات میں ایک نئے ماڈل کی مثال قائم کرتی ہے۔

انہوں نے کہا کہ چین اگلے سال سفارتی تعلقات کے قیام کی 75 ویں سالگرہ کے موقع سے فائدہ اٹھاتے ہوئے دونوں سربراہان مملکت کے درمیان طے شدہ اہم اتفاق رائے پر عمل درآمد، نسل در نسل چین ۔ روس دوستی آگے بڑھانے اور چین ۔ روس تعلقات کی نئی اور وسیع تر ترقی پر زور دیتے ہوئے روس کے ساتھ کام کرنے کو تیار ہے۔

اس موقع پر روسی وزیراعظم میشوسٹن نے چین کے شمال مغربی صوبے گانسو کی کاؤنٹی جی شی شان میں زلزلے سے ہلاکتوں پر چین سے اظہار تعزیت کیا۔

انہوں نے کہا کہ روس دونوں سربراہان مملکت کے درمیان طے شدہ اہم اتفاق رائے کو عملی جامہ پہنانے، معیشت، تجارت، توانائی اور سرمایہ کاری شعبوں میں تعاون کو مضبوط بنانے، ثقافتی و عوامی تبادلے گہرا کرنے ، اقوام متحدہ اور برکس جیسے کثیر الجہتی میکانزم میں رابطے اور ہم آہنگی کو مستحکم کرنے کے لئے چین کے ساتھ ملکر کام کرنے کا خواہش مند ہے۔

فریقین نے اس بات پر اتفاق کیا کہ اس وقت چین اور روس دونوں ترقی اور بحالی کے لئے پرعزم ہیں۔

انہوں نے چین ۔ روس تعلقات کے فروغ ، دوطرفہ تجارت اور زرعی تعاون کو وسعت دینے، ایک دوسرے کے کاروباری اداروں کو اپنے ممالک میں سرمایہ کاری کا بہتر کاروباری ماحول فراہم کرنے ، دونوں ممالک کی توانائی کی سلامتی کا مشترکہ طور پر تحفظ، رابطے مضبوط بنانے، اہلکاروں کے تبادلے ، مقامی تعاون میں اضافہ ، صنعتی اور سپلائی چین کا  تحفظ و استحکام یقینی بنانے کے لئے داخلی محرک قوت میں اضافے پر بھی اتفاق کیا۔

چینی و روسی وزرائے اعظم نے مشترکہ طور پر 2022-2023  سالوں کے کھیلوں کے تبادلوں کے کامیاب اختتام کا اعلان کیا۔ دونوں فریق 2024-2025  کو چین - روس ثقافتی سال کے طور پر منائیں گے۔

ملاقات کے بعد دونوں سربراہان حکومت کی موجودگی میں کسٹمز، انسپکشن اور قرنطینہ، مارکیٹ نگرانی اور دیگر شعبوں میں تعاون کی دستاویزات پر دستخط ہوئے۔

بیجنگ (شِنہوا) چین کے وزیراعظم لی چھیانگ اور روسی فیڈریشن کے وزیراعظم میخائل میشوسٹن نے بیجنگ میں چین ۔ روس سربراہان حکومت کے 28 ویں باقاعدہ اجلاس کی مشترکہ صدارت کی۔

اس موقع پر چینی وزیراعظم لی چھیانگ نے کہا کہ دونوں سربراہان مملکت کی اسٹریٹجک رہنمائی میں چین۔ روس تعلقات اعلیٰ سطح پر فروغ پا رہے ہیں جس میں زیادہ سیاسی باہمی اعتماد، دونوں ملکوں کے عوام کے درمیان دوستی کو گہرا کرنا، زیادہ لچکدارعملی تعاون اور قریبی بین الاقوامی ہم آہنگی شامل ہے جو بڑے ممالک کے تعلقات میں ایک نئے ماڈل کی مثال قائم کرتی ہے۔

انہوں نے کہا کہ چین اگلے سال سفارتی تعلقات کے قیام کی 75 ویں سالگرہ کے موقع سے فائدہ اٹھاتے ہوئے دونوں سربراہان مملکت کے درمیان طے شدہ اہم اتفاق رائے پر عمل درآمد، نسل در نسل چین ۔ روس دوستی آگے بڑھانے اور چین ۔ روس تعلقات کی نئی اور وسیع تر ترقی پر زور دیتے ہوئے روس کے ساتھ کام کرنے کو تیار ہے۔

اس موقع پر روسی وزیراعظم میشوسٹن نے چین کے شمال مغربی صوبے گانسو کی کاؤنٹی جی شی شان میں زلزلے سے ہلاکتوں پر چین سے اظہار تعزیت کیا۔

انہوں نے کہا کہ روس دونوں سربراہان مملکت کے درمیان طے شدہ اہم اتفاق رائے کو عملی جامہ پہنانے، معیشت، تجارت، توانائی اور سرمایہ کاری شعبوں میں تعاون کو مضبوط بنانے، ثقافتی و عوامی تبادلے گہرا کرنے ، اقوام متحدہ اور برکس جیسے کثیر الجہتی میکانزم میں رابطے اور ہم آہنگی کو مستحکم کرنے کے لئے چین کے ساتھ ملکر کام کرنے کا خواہش مند ہے۔

فریقین نے اس بات پر اتفاق کیا کہ اس وقت چین اور روس دونوں ترقی اور بحالی کے لئے پرعزم ہیں۔

انہوں نے چین ۔ روس تعلقات کے فروغ ، دوطرفہ تجارت اور زرعی تعاون کو وسعت دینے، ایک دوسرے کے کاروباری اداروں کو اپنے ممالک میں سرمایہ کاری کا بہتر کاروباری ماحول فراہم کرنے ، دونوں ممالک کی توانائی کی سلامتی کا مشترکہ طور پر تحفظ، رابطے مضبوط بنانے، اہلکاروں کے تبادلے ، مقامی تعاون میں اضافہ ، صنعتی اور سپلائی چین کا  تحفظ و استحکام یقینی بنانے کے لئے داخلی محرک قوت میں اضافے پر بھی اتفاق کیا۔

چینی و روسی وزرائے اعظم نے مشترکہ طور پر 2022-2023  سالوں کے کھیلوں کے تبادلوں کے کامیاب اختتام کا اعلان کیا۔ دونوں فریق 2024-2025  کو چین - روس ثقافتی سال کے طور پر منائیں گے۔

ملاقات کے بعد دونوں سربراہان حکومت کی موجودگی میں کسٹمز، انسپکشن اور قرنطینہ، مارکیٹ نگرانی اور دیگر شعبوں میں تعاون کی دستاویزات پر دستخط ہوئے۔