پاکستان فلم انڈسٹری کے نامور گلوکار منیر حسین کی 28ویں برسی 27ستمبر کو منائی جائے گی۔موسیقار صفدر حسین نے انہیں فلم ''حاتم'' سے فلمی دنیا میں متعارف کروایا جس کے لئے انہوں نے اپنا فلمی نغمہ ''تیرے محلوں کی چھائوں میں قرار اپنا لٹا بیٹھے''گایا اور پہلے ہی نغمے نے انہیںشہرت کی بلندیوں تک پہنچا دیا۔اس کے بعد موسیقار رشید عطرے، خواجہ خورشید انور اور اے حمید نے ان کی آواز سے بھرپور فائدہ اٹھایا۔ وہ پاکستان کے پہلے گلوکار تھے جنہیںبیک وقت اردو اور پنجابی فلموں میں کامیابی ملی تھی۔ انہوں نے اپنے 38 سالہ فلمی کیرئیر میں میںسات لاکھ، عشق لیلیٰ، نوراں، ہیر، مکھڑا، نیازمانہ، بودی شاہ، عالم آرا، بچہ جمورا، ناجی، جھومر، ساتھی، شمع، سوہنی کمہارن، سچے موتی، گلفام، گلبدن، سلمی، آنچل، شہید، اولاد، دامن، چوڑیاں، آشیانہ سمیت 225کے قریب فلمی گیت گائے تھے جن میں بعض ناقابل فراموش اور سدا بہار گیت ہیں۔منیر حسین کے سگے ماموں رشید عطرے پاکستان کے عظیم ترین موسیقار تھے جبکہ ان کے خالہ زاد بھائی صفدر حسین بھی ایک اعلی پائے کے موسیقار جانے جاتے تھے۔ اپنے انداز کا یہ منفرد گلوکار 27ستمبر 1995ء کو جہان فانی سے کوچ کر گیا۔

کریڈٹ: انڈیپنڈنٹ نیوز پاکستان-آئی این پی

بابائے جمہوریت نواب زادہ نصر اللہ خاں کی20ویں برسی (آج)26ستمبرمنگل کو منائی جائے گی۔نواب زادہ نصر اللہ خاں1918ء میں جنوبی پنجاب کے ضلع مظفر گڑھ کے علاقہ خان گڑھ میں پیدا ہوئے وہ نصف صدی سے زائد تک خارزار سیاست میں آبلہ پائی کرتے رہے اپنے 55سالہ سیاسی کیرئیر میںاگرچہ نواب زادہ نصر اللہ خاں مقبول سیاسی رہنما نہ بن سکے لیکن ہر سیاسی رہنما ان کے سیاسی ڈیرے پر حاضری ضرور دیتا تھا بڑے بڑے سیاستدان ان سے سیاسی معاملات پر مشاورت کیلئے آتے رہے۔سیاسی تاریخ میں ان کا اہم ترین کارنامہ12اکتوبر 1999ء کو جمہوریت پر شب خون مارنے والے جنرل(ر) پرویز مشرف کے خلاف پاکستانی سیاست کے دو روایتی حریفوں میاں نواز شریف اور محترمہ بے نظیر بھٹو شہید کو ایک پلیٹ فارم پر اکٹھا کرنا تھا۔ان گنت سیاسی اتحادوں کا بانی نوابز ادہ نصر اللہ خاں26ستمبر 2003ء کو 85برس کی عمر میں اس جہان فانی سے رخصت ہو گیا۔

کریڈٹ: انڈیپنڈنٹ نیوز پاکستان-آئی این پی

سکھر میں بس ٹرمینل کے قریب ایل پی جی کی دکان پر سلنڈر پھٹنے کے نتیجے میں جاں بحق افراد کی تعداد 6 ہوگئی ۔ ہسپتال انتظامیہ کے مطابق 4 روز قبل ہونے والے سلنڈر دھماکے کے دواور زخمی زخموں کی تاب نہ لاتے ہوئے چل بسے ۔ افسوس ناک حادثے کے نتیجے میں جاں بحق افراد کی تعداد 6 ہوگئی ، جاں بحق ہونیوالوں کی شناخت بچہ شہریار، اظہار بھیو، جمیل، نعیم، لیاقت جمالی، امجد عرف پپو چنو کے نام سے ہوئی ہے ۔ یاد رہے کہ 4 روز قبل دکان میں گیس سلنڈر پھٹنے سے 7 افراد زخمی ہوئے تھے۔

کریڈٹ: انڈیپنڈنٹ نیوز پاکستان-آئی این پی

پشاور پریس کلب کے سامنے ایم ڈی کیٹ ٹیسٹ پاس کرنے والے طلبا نے احتجاج کیا، ٹیسٹ دوبارہ لینے کے بجائے نقل میں ملوث طلبا کے خلاف کارروائی کا مطالبہ کیا۔ احتجاج میں طلبا کی بڑی تعداد شریک تھی جنہوں ںے ٹیسٹ دوبار لینے کے فیصلے اور نقل مافیا کے خلاف نعرے بازی بھی کی۔ مظاہرین نے کہا کہ ایم ڈی کیٹ ری کنڈکٹ کرنے سے 46 ہزار طلبا و طالبات کے مستقبل سے کھیلا جارہا ہے، جن 1000 طلبا کے ساتھ ڈیوائسز پکڑی گئیں ان کے خلاف کارروائی کی جائے، جن طلبا نے ٹیسٹ پاس کرلیا ہے ان کے مسقبل کے ساتھ کیوں کھیلا جارہا ہے؟ طلبا نے کہا کہ جے آئی ٹی پر بھی ہمیں شکوک و شبہات ہیں، اپنوں کو نوازنے کے لیے دوبارہ ٹیسٹ لیا جارہا ہے، اس واقعے کی جوڈیشل انکوائری کی جائے اور واقعے میں ملوث کرداروں کو کھڑی سزا دی جائے۔ مظاہرین نے نتائج جاری کرنے کا مطالبہ کیا اور کہا کہ ہم نے ٹیسٹ شفاف طریقے سے دیا ہے اس لیے اسے منسوخ نہیں ہونا چاہیے، گرفتار ملزمان سے تفتیش کی جائے اور صرف ملوث افراد کے خلاف کارروائی کی جائے، ہم نے دن رات پڑھائی کی، ٹیسٹ پاس کیا اب اسے منسوخ کرنا ناانصافی ہے۔ احتجاج کے بعد ایم ڈی کیٹ ٹیسٹ میں 180 سے زائد نمبر لینے والے طلبا نے پشاور ہائی کورٹ میں درخواست دائر کردی جس میں طلبہ کا ٹیسٹ دوبارہ نہ لینے کی استدعا کی گئی ہے۔ درخواست میں طلبا نے موقف اپنایا ہے کہ ایٹا پالیسی میں دوبارہ ٹیسٹ کے انعقاد کا کوئی ذکر موجود نہیں، طلبہ نے محنت کر کے نمبر حاصل کیے، اس بات کی کیا ضمانت ہے کہ ہم دوبارہ وہ نمبر حاصل کرلیں گے، دوبارہ ٹیسٹ سے ذہین طلبہ کے متاثر ہونے کا خدشہ ہے۔ درخواست میں کہا گیا ہے کہ حکومت کے مطابق اسیکنڈل میں گرفتار ہونے والوں میں سرغنہ بھی شامل ہے، ٹیسٹ منسوخ کرنے کے بجائے سرغنہ سے تحقیقات کرکے ملوث طلبہ کے امتحانات منسوخ کیے جائیں۔ درخواست میں ٹیسٹ دوبارہ نہ لینے اور ملوث افراد کے خلاف سخت کارروائی کی استدعا کی گئی ہے۔

کریڈٹ: انڈیپنڈنٹ نیوز پاکستان-آئی این پی

پاکستان کے سوئٹزرلینڈ کہلانے والی وادی سوات میں بڑی تعداد میں غیر ملکی سیاحوں کی آمد جاری ۔ سوات کے علاقے کالام میں صرف ستمبر ہی کے مہینے میں بڑی تعداد میں یورپی ممالک کے سیاحوں کی آمد ہوئی ہے، جنہوں نے منکیال اور مہوڈنڈ کی پہاڑیوں پر ٹریکنگ کے لیے رخ کیا ہے۔ غیر ملکی سیاحوں نے گروپس کی شکل میں کالام کے مختلف علاقوں اور پہاڑوں کا رخ کرلیا۔ اس حوالے سے غیر ملکی سیاحوں کا کہنا ہے کہ پاکستان ایک خوبصورت ملک ہے اور یہاں کے عوام بھی اچھے ہیں۔ ہمارا یہاں بہت اچھا تجربہ رہا ہے اور ہمارے لیے اب یہ ضروری ہے کہ ہم دوبارہ یہاں آئیں۔ سیاحوں کا کہنا ہے کہ سوات کے لوگ بہت دوست مزاج ہیں۔ عوام اور فوج نے ہمارا بہت خیال رکھا اور مدد کی۔ پاکستان آرمی بہت پروفیشنل فوج ہے۔

کریڈٹ: انڈیپنڈنٹ نیوز پاکستان-آئی این پی

وزیر پرائمری اینڈ سیکنڈری ہیلتھ کیئر پنجاب نے غیرمعیاری انجکشن سے بینائی متاثر ہونے کے معاملے پر عفلت برتنے پر 11 ڈرگ انسپکٹرز کو معطل کر دیا۔صوبائی وزیر ڈاکٹر جمال ناصر نے کہا کہ لاہور، ملتان، صادق آباد، خانیوال، ساہیوال سمیت 8 اضلاع کے انسپکٹرز کو عفلت برتنے پر معطل کیا۔ انہوں نے مزید کہا کہ ڈریپ اجازت لینے کے بعد انجکشنز کی سپلائی ممکن بنائے گا۔ خیال رہے کہ اواسٹین انجیکشن فراہم کرنے والوں کے خلاف مقدمہ درج کر لیا گیا ہے ، اس کے علاوہ بینائی ضائع ہونے کے کیسز کی تحقیقات کے لیے 5 رکنی کمیٹی بھی تشکیل دے دی گئی ہے۔

کریڈٹ: انڈیپنڈنٹ نیوز پاکستان-آئی این پی

پاکستان مسلم لیگ ن نے قائد نواز شریف کے وطن واپسی پر استقبال کے لیے ڈویژنل اور ضلعی عہدیداران کو زیادہ سے زیادہ کارکنان لانے کا ٹاسک دے دیا۔ مسلم لیگ ن کی قیادت کو نواز شریف کے استقبال کے لئے 10 لاکھ کارکنان کی آمد کی امید ہے، چیف آرگنائزر مسلم لیگ ن مریم نواز نے پنجاب، اسلام آباد، آزاد کشمیر اور خیبر پختونخوا ویمن ونگ کی کوآرڈینیشن کمیٹیاں تشکیل دیدیں۔ پنجاب کے علاوہ اسلام آباد، آزاد کشمیر اور خیبر پختونخوا خواتین ونگ کی بھی کمیٹیاں تشکیل دیدی گئی ہیں، چیف آرگنائزر مریم نواز نے استقبالیہ کے لئے کوآرڈینیشن کمیٹیوں کا نوٹیفکیشن جاری کردیا۔ نوٹیفکیشن کے مطابق راولپنڈی ڈویژن کے ذمہ دار خواجہ سعد رفیق ہوں گے، گوجرانوالہ کی ملک احمد خان، سرگودھا کی احسن اقبال اور فیصل آباد کی کمیٹی کی سربراہی خرم دستگیر کریں گے، ساہیوال ڈویژن کی کمیٹی کے میاں جاوید لطیف، ملتان کے اویس لغاری، بہاولپور کے سردار ایاز صادق سربراہ ہوں گے۔ نوٹیفکیشن میں کہا گیا ہے کہ ڈیرہ غازی خان کے طلال چودھری اور لاہور ڈویژن کی کمیٹیوں کے سعود مجید ذمہ دار ہوں گے، 9 ڈویژنز کی زیر سرپرستی پنجاب کے 36 اضلاع کے عہدیداران کی کمیٹیاں بھی تشکیل دی گئی ہیں۔ عطا تارڑ کو ضلع راولپنڈی، مصدق ملک کو اٹک اور حنیف عباسی کو چکوال کمیٹی کا سربراہ مقرر کیا گیا ہے، صبا صادق جہلم، گجرات کے شیخ آفتاب سربراہ مقرر کیے گئے ہیں، ڈاکٹر طارق فضل چودھری سرگودھا، چودھری تنویر اوکاڑہ کمیٹیوں کے سربراہ ہوں گے۔ 30 ستمبر کو تمام کمیٹیاں پارٹی قائد نواز شریف کے استقبال کی تیاریوں سے متعلق اپنی رپورٹس چیف آرگنائزر مسلم لیگ ن مریم نواز کو پیش کریں گی۔

کریڈٹ: انڈیپنڈنٹ نیوز پاکستان-آئی این پی

ترجمان آئل اینڈ گیس ریگولیٹری اتھارٹی (اوگرا) نے کہا ہے کہ قیمتوں میں اضافے یا کمی کے بارے میں کوئی بھی قیاس آرائی قبل از وقت ہے۔ پٹرولیم مصنوعات کی قیمتوں کے حوالے سے قیاس آرائیوں پر سخت ردعمل دیتے ہوئے ترجمان کا کہنا تھا کہ قیاس آرائیوں سے ممکنہ طور پر تیل کی سپلائی چین کے کام میں خلل آسکتا ہے، پٹرولیم مصنوعات کی قیمتوں کے حوالے سے قیاس آرائیوں سے گریز کیا جائے۔ پٹرولیم مصنوعات کی قیمتوں کے اعلان میں ابھی ایک ہفتہ باقی ہے۔ اعلامیے کے مطابق قیمتوں کا تعین عالمی مارکیٹ اور ایکسچینج ریٹ پر ہوتا ہے، حالیہ دنوں میں عالمی سطح پر پٹرولیم مصنوعات کی قیمتوں میں اضافہ دیکھا گیا تاہم ڈالر سے روپے کی شرح تبادلہ میں بہتری بھی آئی ہے۔ واضح رہے کہ آج بھی عالمی منڈی میں برینٹ کروڈ آئل 32 سینٹ اضافے کے ساتھ 93.59 ڈالر فی بیرل جبکہ یو ایس ویسٹ ٹیکساس انٹرمیڈیٹ کروڈ 24 سینٹ اضافے کے ساتھ 90.27 ڈالر فی بیرل پر پہنچ گئی تاہم مقامی مارکیٹ میں ڈالر کی قدر میں کمی کا تسلسل بھی برقرار ہے۔

کریڈٹ: انڈیپنڈنٹ نیوز پاکستان-آئی این پی

مسلم لیگ ق پنجاب کے سیکرٹری جنرل چودھری شافع حسین نے کہا ہے کہ عام انتخابات میں مسلم لیگ ن کے ساتھ مل کر میدان میں اتریں گے۔ اپنے ایک بیان میں چودھری شافع حسین کا کہنا تھا کہ الیکشن میں سیٹ ایڈجسٹمنٹ کے حوالے سے ن لیگ اور ہم نے کمیٹیاں بنا دی ہیں، ن لیگ کی کمیٹی میں رانا ثنا اللہ، ایاز صادق اور سعد رفیق جبکہ ق لیگ کی طرف سے کمیٹی میں چودھری سالک حسین، طارق بشیر چیمہ اور چودھری سرور شامل ہیں۔ انہوں نے کہا کہ پیپلز پارٹی کے ساتھ سیٹ ایڈجسٹمنٹ کے حوالے سے کوئی بات نہیں ہوئی، لیکن امید ہے کہ اس بار سندھ سے بھی ق لیگ کی کچھ سیٹیں نکلیں گی۔ سیکرٹری جنرل مسلم لیگ ق کا کہنا تھا کہ ن لیگ والوں کی جانب سے یہ بھی بیان آ رہا ہے کہ شاید سیٹ ایڈجسٹمنٹ کر لیں، اگر ن لیگ والے سیٹ ایڈجسٹمنٹ نہیں بھی کرتے تو ہم اوپن الیکشن کیلئے تیار ہیں، پنجاب میں ہم اپنے 15 سے 20 امیدوار انتخابی میدان میں اتاریں گے۔ انہوں نے کہا کہ الیکشن کمیشن نے جنوری کے آخری ہفتے میں انتخابات کرانے کا کہہ دیا ہے، اب الیکشن میں تاخیر نہیں ہونی چاہیے، چیئرمین پی ٹی آئی سمیت ہر ایک کو الیکشن لڑنے کا موقع ملنا چاہیے، ہم تو الیکشن کی اسی طرح ہی تیاری کرتے رہیں گے اور ہر حال میں الیکشن لڑیں گے۔ چودھری شافع کا مزید کہنا تھا کہ پی ٹی آئی کے دور میں ریکارڈ کرپشن ہوئی، ٹرانسفر پوسٹنگ کے بھی پیسے لئے گئے، غیر قانونی ہاسنگ سوسائٹیوں کو لیگل کروانے کے پیسے لیے گئے۔

کریڈٹ: انڈیپنڈنٹ نیوز پاکستان-آئی این پی

بغیر ہیلمٹ موٹرسائیکل سواروں کا صوبائی دارالحکومت کی اہم شاہراہوں پر داخلہ بند کر دیا گیا۔ سی ٹی او لاہور مستنصر فیروز نے ٹریفک پولیس کو ہدایت کی ہے کہ بغیر ہیلمٹ کسی بھی موٹرسائیکلسٹ کو شہر کی اہم شاہراہوں پر داخل نہ ہونے دیا جائے۔ سی ٹی او کے احکامات کے مطابق پیر سے مال روڈ، کینال روڈ، جیل روڈ، فیروزپور روڈ، گلبرگ سمیت اہم شاہراہوں پر بغیر ہیلمٹ موٹر سائیکل سواروں کا داخلہ بند کر دیا گیا ہے اور ایسے شہریوں کی موٹرسائیکلوں کو بھی بند کر دیا جائے گا۔ مستنصر فیروز کا مزید کہنا ہے کہ بغیر ہیلمٹ موٹرسائیکل سواروں کو کسی بھی اہم و مصروف شاہراہ پر نہیں آنے دیا جائے گا، مسلسل خلاف ورزی کرنے والوں کے خلاف غفلت و لاپرواہی کی دفعات کے تحت مقدمات بھی درج کئے جائیں گے، کسی بھی سرکاری و نیم سرکاری ادارے کے اہلکار کو بھی پابندی سے استثنی نہیں ہوگا۔ انہوں نے مزید بتایا کہ شاہدرہ، جی ٹی روڈ، برکی روڈ، بیدیاں روڈ، رائے ونڈ روڈ، روہی نالہ فیروز پور روڈ پر ناکہ بندی کی جائے گی، اس کے علاوہ ملتان روڈ، علامہ اقبال روڈ، خیابان جناح روڈ، پیکو روڈ سمیت ریموٹ ایریاز میں بھی ناکہ بند ہوگی۔ سی ٹی او مستنصر فیروز کا کہنا تھا کہ قیمتی جانوں کے تحفظ کے پیش نظر سخت اقدامات اٹھائے جا رہے ہیں۔

کریڈٹ: انڈیپنڈنٹ نیوز پاکستان-آئی این پی

لاہور میں بجلی چوری میں ملوث مزید چودہ افراد کو گرفتار کرلیا گیا۔ ایک سو اٹھہتر افراد کے خلاف مقدمہ درج کیا گیا۔ لیسکو کا بجلی چوروں کے خلاف گرینڈ آپریشن جاری ہے۔انیس ویں روز کارروائیوں کے دوران مزید تین سو انسٹھ کنکشنز پکڑے گئے۔ایک سو اٹھتر افراد کے خلاف مقدمہ درج ہوئے جبکہ چودہ افرادکو گرفتارکیاگیا۔ ترجمان کے مطابق دو کروڑ اٹھاسی لاکھ سے زائد مالیت کے پانچ لاکھ ستر ہزار یونٹس ڈٹیکشن بل چارج کیے گئے۔کارروائیاں لاہور کے علاقے آرکیڈ روڈ اچھرہ،نیوشادباغ، رسول پورہ،اسلامیہ کالونی،فیروز پور روڈ پر کارروائیاں کی گئیں۔ اب تک بجلی چوری پر چھ ہزار دو سو ترپن مقدمات درج کیے گئے اور ساڑھے پانچ سو ملزمان کو گرفتار کیا جاچکا۔

کریڈٹ: انڈیپنڈنٹ نیوز پاکستان-آئی این پی

سست روی کے باعث 16 ارب روپے سے زائد کے فنڈز استعمال نہ ہونے پر سرنڈر ہوگئے۔ تفصیلات کے مطابق عالمی اداروں کے تعاون سے جاری منصوبے سست روی کا شکارہیں۔ 19 منصوبوں کیلئے فراہم کردہ 16 ارب 77 کروڑروپے سے زائد کے فنڈز استعمال میں نہ لائے جا سکے۔ جس کے باعث فنڈز سرینڈر کردیے گئے۔ دستاویزات کے مطابق فنڈزعالمی بینک، اے ڈی بی، آئی ایف اے ڈی ،ایف سی ڈی او اور دیگراداروں نے دیے تھے۔ ترقیاتی منصوبوں میں تعلیم، واٹرسپلائی ،سیوریج سمیت مختلف محکموں کے منصوبے شامل ہیں۔ دوسری جانب محکمہ پلاننگ کی غیر استعمال شدہ فنڈزدوبارہ اکاونٹس میں منتقل کرنیکی استدعا منظور ہوگئی۔ غیراستعمال شدہ اربوں کے فنڈزرواں مالی سال ترقیاتی منصوبوں پرخرچ ہوں گے۔

کریڈٹ: انڈیپنڈنٹ نیوز پاکستان-آئی این پی

درآمدات میں نرمی،ایک ماہ میں موبائل فونز کی امپورٹ 76 فیصد بڑھ گئی ہے۔ گزشتہ ماہ 32 ارب 71 کروڑ روپے مالیت کے موبائل فون امپورٹ کئے گئے۔ ادارہ شماریات کے مطابق جولائی میں 19 ارب 14 کروڑ روپے کے موبائل فون درآمد ہوئے تھے۔ دستاویزات کے مطابق گزشتہ سال اگست میں ہی 13 ارب 92 کروڑ کے فون درآمد کئے گئے تھے۔اگست 2023 میں موبائل فونز کی درآمد پر 11 کروڑ 13 لاکھ ڈالر خرچ ہوئے۔ رپورٹ کے مطابق جولائی میں موبائل فونز پر 6 کروڑ 81 لاکھ 35 ہزار ڈالر زرمبادلہ خرچ ہوا تھا۔گزشتہ مالی سال میں 136 ارب 84 کروڑ روپے مالیت کے موبائل فون درآمد ہوئے تھے۔ رپورٹ کے مطابق 2022-23 میں موبائل فونز کی درآمد پر مجموعی 57 کروڑ ڈالر سے زیادہ خرچ ہوئے۔2021-22 میں ایک ارب 97 کروڑ ڈالر مالیت کے موبائل فونز امپورٹ ہوئے تھے۔

کریڈٹ: انڈیپنڈنٹ نیوز پاکستان-آئی این پی

اسلام آباد ہائی کورٹ نے فواد چودھری کی الیکشن کمیشن کی کارروائی کے خلاف درخواست مسترد کر دی۔ توہینِ الیکشن کمیشن کے الزام میں فواد چودھری کے خلاف الیکشن کمیشن کی کارروائی کے خلاف درخواست اسلام آباد ہائی کورٹ نے مسترد کی۔ چیف جسٹس اسلام آباد ہائی کورٹ جسٹس عامر فاروق نے محفوظ فیصلہ سناتے ہوئے فواد چودھری کی درخواست مسترد کر دی۔ واضح رہے کہ فواد چودھری نے 2 فورمز پر کارروائی کرنے کو چیلنج کر رکھا تھا، درخواست میں فواد چودھری کی جانب سے موقف اپنایا گیا تھا کہ ایک ہی درخواست پر دو فورمز پر کارروائی نہیں ہو سکتی۔

کریڈٹ: انڈیپنڈنٹ نیوز پاکستان-آئی این پی

وزارت مذہبی امور نے پاکستانی حجاج کیلئے مختصر دورانیے کا حج متعارف کروانے کا اعلان کردیا۔ مولانا عبدالغفورحیدری کی زیرصدارت سینیٹ قائمہ کمیٹی مذہبی امور کے اجلاس میں نگران وفاقی وزیر مذمبی امور نے کہا کہ مختصردورانیہ کا حج 18 سے 20 دن پر مشتمل ہوگا۔ نگران وفاقی وزیرمذہبی امور انیق احمد کا کہنا تھا کہ مختصرحج کا فیصلہ حجاج کرام خود کریں گے۔ چئیرمین کمیٹی نے ہدایت کی کہ مختصر حج کا دورانیہ 18 سے لیکر 30 دن تک کیا جائے، جس پر انیق احمد نے کہا کہ اس تجویز پر غور کیا جائے گا۔ واضح رہے کہ پاکستان میں متوسط اور غریب طبقات سے تعلق رکھنے والوں کی بڑی تعداد اگر روزگار کی تلاش کے علاوہ بیرونِ ملک سفر کرتی ہے تو اکثر اس کا مقصد حج اور عمرہ جیسے مذہبی فرائض کی ادائیگی ہوتی ہے۔ یہ لوگ پائی پائی جوڑ کر برسوں اس سفر کے لیے رقم جمع کرتے ہیں لیکن ملکی کرنسی کی قدر میں کمی اور مہنگائی کی وجہ سے ہر برس اس میں اضافہ ہوتا جا رہا ہے۔ پاکستان میں حج کے اخراجات اب اس قدر بڑھ چکے ہیں کہ غربا تو ایک طرف یہ متوسط طبقے سے تعلق رکھنے والوں کی پہنچ سے بھی باہر جا چکے ہیں۔ سنہ 2020 میں پاکستان سے حج کے فریضے کی ادائیگی کے لیے جانے والے افراد سے حکومت نے پانچ لاکھ روپے فی کس کے لگ بھگ رقم لی تھی جو 2022 میں سات لاکھ دس ہزار روپیتک جا پہنچی اور رواں برس اس مد میں 12 لاکھ روپے کے قریب وصول کیے گئے۔

کریڈٹ: انڈیپنڈنٹ نیوز پاکستان-آئی این پی

تیار ملبوسات کی برآمدات میں اگست کے دوران سالانہ بنیادوں پر 14.5فیصد اضافہ ریکارڈ کیا گیا ہے۔ ادارہ برائے شماریات پاکستان کی طرف سے جاری کردہ اعدادوشمار کے مطابق اگست 2022 کے مقابلے میں اگست 2023 کے دوران تیار ملبوسات کی برآمدات میں 14.5فیصد اضافہ ہوا ہے ۔ اعداد وشمار کے مطابق اگست 2022 کے دوران 72.9ارب روپے کے تیار ملبوسات برآمد کیے گئے جبکہ اگست 2023 کے دوران برآمدات کا حجم 83.4ارب روپے رہا ۔ اس طرح تیار ملبوسات کی برامد میں سالانہ بنیادوں پر 14.5فیصد کا اضافہ ریکارڈ کیا گیا ہے۔ دوسری جانب لک سے سوتی ملبوسات کی برآمدات میں اگست کے دوران ماہانہ بنیادوں پر 14 فیصد کی نمو ریکارڈکی گئی ہے۔ پاکستان بیورو برائے شماریات کے اعدادوشمار کیمطابق اگست میں سوتی ملبوسات کی برآمدات سے ملک کو 160 ملین ڈالر کا زرمبادلہ حاصل ہوا جو جولائی کے مقابلہ میں 14 فیصد زیادہ ہے ۔ جولائی میں سوتی ملبوسات کی برآمدات کا حجم 141 ملین ڈالر ریکارڈ کیا گیا تھا۔

کریڈٹ: انڈیپنڈنٹ نیوز پاکستان-آئی این پی

صوبائی وزیر بلوچستان نوابزادہ جمال رئیسانی نے کہا ہیکہ بھارتی شہری ہردیپ سنگھ کے قتل میں بھارتی خفیہ ادارے کے لوگ براہ راست ملوث ہیں۔ نوابزادہ جمال رئیسانی نے اپنے ایک بیان میں کہا ہے کہ بھارت کا خون آلود چہرہ دنیا کے سامنے عیاں ہوچکا ہے،دہشت،وحشت اور ظلم بھارت کی پہچان بن چکی ہے،اپنے حق کی آواز اٹھانا بھارت جیسے ظالم ریاست کے سامنے گناہ ہوچکا ہے۔سکھوں کے حقوق غصب کرنا اب بھارتی دہشتگرد ریاست کے بس کی بات نہیں،اقوام متحدہ اور عالمی دنیا کی ذمہ داری ہیکہ بھارت کی وحشت سے معصوم لوگوں کو بچایا جائے،بلوچستان اور پاکستان کے عوام بھارتی مظالم کی شکار سکھ برادری کے ساتھ ہیں۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ میں آنکھوں کے اویسٹن انجکشن استعمال کرنے کا اقدام چیلنج کردیا۔ نگران پنجاب حکومت سمیت دیگرکو فریق بنایا گیا۔درخواست میں موقف اپنایا گیا کہ آنکھوںکی بیماری کے علاج کیلئے غیر معیاری انجکشن لگائے جا رہے ہیں۔ درخواست میں موقف اختیار کیا گیا کہ انجکشن لگانے سے 14 افراد آنکھوں کی بینائی سے محروم ہوئے۔ درخواست میں استدعا کی گئی کہ عدالت غیر معیاری انجکشن کا استعمال روکنے، ذمہ داروں کیخلاف کارروائی کا حکم دے۔

کریڈٹ: انڈیپنڈنٹ نیوز پاکستان-آئی این پی

پراسیکیوشن نے جناح ہاوس حملہ کیس میں صنم جاوید سمیت دیگر ملزمان کی ضمانت منظوری کو چیلنج کرنے کا فیصلہ کیا ہے۔ جناح ہاوس حملہ کیس میں پراسیکیوشن انسداد دہشت گردی کی جانب سے صنم جاوید ، روبینہ جمیل سمیت دیگر ملزمان کی ضمانتیں منظور کرنے کے فیصلے کو ہائی کورٹ میں چیلنج کرے گی۔ اس سلسلے میں درخواست کی تیاری پر مشاورت جاری ہے۔ انسداد دہشت گردی عدالت کا مصدقہ فیصلہ موصول ہوتے ہی درخواست دار کر دی جاے گی۔ ایک روز قبل انسداد دہشت گردی عدالت نے صنم جاوید اور روبینہ جمیل سمیت 9 ملزمان کی ضمانت منظور کر لی تھی جسے آج چیلنج کرنے کا فیصلہ کیا گیا ہے۔

کریڈٹ: انڈیپنڈنٹ نیوز پاکستان-آئی این پی

چیئرمین پی ٹی آئی کو سول کورٹ میں پیشی کے لئے پولیس کی گاڑیاں اٹک جیل سے خالی ہاتھ واپس آگئیں۔ جیل احکام نے معذرت کرتے ہوئے سیکیورٹی خدشات کا اظہارکردیا۔20 سے زاہد پولیس کی گاڑیاں دو دو کرکے واپس روانہ ہوگئیں۔ پیر کو چیئرمین پی ٹی آئی کو سول عدالت میں پیش کرنا تھا۔بگتربند گاڑی بھی بغیر مہمان کے واپس روانہ ہوگئی۔ خیال رہے کہ غیرشرعی نکاح کیس میں چیئرمین پی ٹی آئی کو آج اسلام آباد سول کوٹ میں طلب کر رکھا تھا ۔ خیال رہے کہ چیئرمین پی ٹی آئی سائفر کیس میں اٹک جیل میں قید ہیں۔

کریڈٹ: انڈیپنڈنٹ نیوز پاکستان-آئی این پی

گڈانی بلوچستان میں دنیا کا تیسرا سب سے بڑا شپ بریکنگ یارڈ جو 10 کلومیٹر پر محیط ہے - ملکی اور عالمی عوامل کی وجہ سے طاقتور بحری جہازوں کے لیے مزید پرکشش مقام نہیں رہا، ویلتھ پاک کی رپورٹ کے مطابقیہ صحن کراچی کے شمال مغرب میں تقریبا 46 کلومیٹر کے فاصلے پر واقع ہے۔ 1970 کی دہائی میں اپنے قیام کے بعد سے، اس نے پاکستان کی معیشت میں اہم کردار ادا کرنے کے لیے ترقی کی ہے۔اسی کی دہائی کے دوران گڈانی جنوبی ایشیا کا سب سے بڑا شپ بریکنگ یارڈ تھا۔ تاہم، وقت گزرنے کے ساتھ، ہندوستان کے گجرات ضلع کے النگ میں شپ بریکنگ یارڈ اور چٹاگانگ، بنگلہ دیش نے گڈانی میں ہونے والی کارروائیوں کو پیچھے چھوڑ دیا۔ آج النگ بلاشبہ دنیا کا سب سے بڑا شپ بریکنگ یارڈ ہے، جس میں چٹاگانگ شپ بریکنگ یارڈ دوسرے نمبر پر ہے۔"گڈانی شپ بریکنگ انڈسٹری 20,000-25,000 براہ راست ملازمتیں فراہم کرتی ہے، جب کہ 200,000-250,000 کا بالواسطہ طور پر اس صنعت سے تعلق ہے۔ آصف علی خان جو پاکستان شپ بریکرز ایسوسی ایشن کے ایک عہدیدار ہیں نے کہا کہپچھلے دو سالوں میں ڈالر کے مقابلے میں روپے کی قدر میں کمی نے خاص طور پر صنعت کو ایک بڑا نقصان پہنچایا، کیونکہ بریکرز پرانے جہاز خریدنے سے قاصر تھے۔ ڈالر کی اونچی قیمت پرانے جہازوں کو بھارت اور بنگلہ دیش کی طرف دھکیل رہی ہے، کیونکہ پاکستانی خریدار مہنگے ڈالر سے جکڑ رہے ہیں۔ لیکن یہ واحد وجہ نہیں ہے، کیونکہ یکے بعد دیگرے آنے والی حکومتوں کی بے حسی اور مناسب انفراسٹرکچر کی کمی نے بھی گڈانی شپ بریکرز کے زخموں پر نمک پاشی کی ہے۔یوٹیلٹیز کی اونچی قیمتیں اور پڑوسی ملک سے اسمگل شدہ سٹیل بھی پاکستان میں اس صنعت پر دبا ڈالتا ہے۔

گڈانی اپنی ٹپوگرافی اور محل وقوع کی وجہ سے جہاز توڑنے کے لیے مثالی ہے۔ اتھلے اور گہرے پانیوں کے درمیان تیزی سے منتقلی کی وجہ سے بحری جہاز اونچی یا نچلی لہروں سے قطع نظر یہاں آسانی سے ساحل پر جا سکتے ہیں۔ یارڈ میں شپ بریکنگ کے 132 پلاٹ ہیں۔یہ صنعت سکریپ جہازوں کو درآمد کرتی ہے اور انہیں خام مال (ری رولنگ میٹریل) میں تبدیل کرتی ہے، زیادہ تر ری رولنگ انڈسٹری اور چھوٹے اور درمیانے درجے کے کاروباری اداروں کے لیے، بشمول کاٹیج کمپنیاں جو اسٹیل تیار کرتی ہیں۔مصنوعات کا ایک حصہ، جس میں پگھلا ہوا اسکریپ آئرن اور اسٹیل بھی شامل ہے، ریمیلٹنگ انڈسٹری میں جاتا ہے۔ ہر سال ملک کی دیگر صنعتوں کو لاکھوں ٹن سٹیل فراہم کرنے کے علاوہ، یہ جہاز توڑنے کا کاروبار قومی خزانے میں 20 بلین سے زیادہ کا سالانہ ٹیکس حصہ ڈالتا ہے۔ یارڈ کو روزگار کے مواقع پیدا کرنے اور قومی خزانے میں ریونیو دینے کے لیے بحالی کے منصوبے کی ضرورت ہے۔"صنعت کو بین الاقوامی کنونشنوں کی روشنی میں بحال کیا جانا چاہیے اور حکومت کو تحفظ، سماجی تحفظ اور پیشہ ورانہ صحت کے قوانین کو نافذ کرکے کارکنوں کے آئینی حقوق کو یقینی بنانا چاہیے۔ پاکستان کو قومی سطح پر ماحولیاتی قوانین کو لاگو کرنا چاہیے اور خطرناک کچرے کی غیر قانونی اسمگلنگ کو جرم قرار دینا چاہیے،" میری ٹائم اسٹڈی فورم تجویز کرتا ہے کہ حکومت جہاز کو فروخت کرنے سے پہلے اسے مکمل طور پر دھونے کے بین الاقوامی طرز عمل کی پابندی کو یقینی بنائے

کریڈٹ: انڈیپنڈنٹ نیوز پاکستان-آئی این پی

پاکستان اس سال 1100 سے زائد درآمدی اشیا پر ٹیکس لگا رہا ہے، جو گزشتہ سال 860 اشیا پر زیادہ ہے۔ یہ زرمبادلہ کے ذخائر میں تیزی سے کمی کو روکنے کے لیے ایک جامع حکمت عملی کا حصہ ہے۔یہ بات وزارت تجارت کے ایک ایگزیکٹو ممبر نے نام ظاہر نہ کرنے کی شرط پر ویلتھ پاک سے گفتگو کرتے ہوئے کہی۔درآمدی بل جولائی میں 3.7 بلین ڈالر سے بڑھ کر اگست 2023 میں 4.5 بلین ڈالر ہو گیا، جس سے ملک کے کرنٹ اکانٹ کے ذخائر میں مزید تنا آیا۔ریگولیٹری ڈیوٹی کا مقصد لگژری اور غیر ضروری اشیا کی درآمد کی حوصلہ شکنی کرنا ہے، اس طرح زرمبادلہ کو بچانا ہے۔ان کے بقول، حکومت چھ ماہ سے بھی کم عرصے کے سخت ٹائم فریم میں معاشی چیلنجوں سے تیزی سے نمٹ رہی ہے۔ریگولیٹری ڈیوٹی معیشت کو مستحکم کرنے اور زرمبادلہ کے ذخائر کے تحفظ کے لیے اٹھائے جانے والے اقدامات میں سے صرف ایک ہے۔انہوں نے کہا کہ حکومت گیس اور بجلی کے نرخوں کو بحال کرنے میں فعال طور پر مصروف ہے اور انہیں پانچ برآمدی شعبوں کے لیے علاقائی طور پر مسابقتی بنانے کی کوشش کر رہی ہے۔ان ممکنہ ترامیم کو بین الاقوامی مالیاتی فنڈ کی جانب سے قبولیت پر نظر رکھتے ہوئے تلاش کیا جا رہا ہے۔ مزید برآں، برآمدات کے ذریعے زرمبادلہ کی آمد کو آسان بنانے کے لیے مختلف اقدامات پر غور کیا جا رہا ہے۔انہوں نے وضاحت کی کہ اسپیشل انویسٹمنٹ فیسیلیٹیشن کونسل نامی ایک نیا فیصلہ ساز ادارہ درآمدی بل کو کم کرنے کے لیے تجاویز کے ایک سیٹ پر غور کر رہا ہے، جو گزشتہ سال 55 بلین ڈالر تھا۔انہوں نے مزید کہا کہ پاکستان کے درآمدی پورٹ فولیو پر تیل کی درآمدات کا غلبہ تھا، جس کی لاگت گزشتہ سال 17 بلین ڈالر تھی۔ خوراک کی درآمدات کا بھی ایک اہم حصہ ہے، جس میں 9 بلین ڈالر خرچ ہوئے، بشمول پام آئل کی درآمدات پر $3.6 بلین۔ ٹیکسٹائل کی درآمدات تقریبا 3.7 بلین ڈالر تھیں، بشمول خام کپاس کی درآمدات کے لیے 1.7 بلین ڈالر۔گزشتہ سال اگست میں، پچھلی حکومت نے مکمل پابندی اٹھانے کے لیے بین الاقوامی دبا کے بعد درآمدات پر بھاری ریگولیٹری ڈیوٹی عائد کی تھی۔ورلڈ ٹریڈ آرگنائزیشن کے ضوابط غیر معینہ مدت کے لیے درآمدی پابندیاں لگاتے ہیں،

لیکن ریگولیٹری ڈیوٹی مختلف حدوں کے تحت ہر معاملے کی بنیاد پر لاگو کی جا سکتی ہے۔ایگزیکٹو ممبر نے انکشاف کیا کہ اس بار تقریبا 1100 آئٹمز پر مختلف سطحوں کے ریگولیٹری ڈیوٹی لگائی جائیں گی، جو کہ گزشتہ سال اگست میں زیادہ ریگولیٹری ڈیوٹیز کا سامنا کرنے والی 860 اشیا کے مقابلے میں تقریبا 30 فیصد اضافہ ہے۔انہوں نے وضاحت کرتے ہوئے کہا کہ "تین سال پرانی گاڑیوں کی درآمد کے لیے طریقہ کار کے ضوابط میں تبدیلیوں پر غور کیا جا رہا ہے۔دلچسپ بات یہ ہے کہ ریگولیٹری ڈیوٹی کی جانچ پڑتال کے تحت بہت سی اشیا برآمدی شعبوں کے لیے ضروری درمیانی خام مال ہیں۔وزارت خزانہ پیٹرولیم مصنوعات کی قیمتوں کے تعین کی پالیسی پر عمل پیرا ہے جس میں سبسڈی شامل نہیں ہے اور اس کا مقصد ایکسچینج ریٹ کے نقصانات سمیت پوری درآمدی لاگت کی وصولی ہے۔ اس میں پیٹرول پر 60 روپے اور ڈیزل پر 50 روپے کی حد تک پٹرولیم لیوی کے ذریعے اہم ٹیکس عائد کرنا شامل ہے۔ یہ قیاس کیا جا رہا ہے کہ آنے والے مہینوں میں ڈیزل لیوی میں مزید اضافہ دیکھا جا سکتا ہے۔سبزیوں اور کھانا پکانے کا تیل اب دوسرا سب سے بڑا زمرہ ہوگا جس پر ریگولیٹری ڈیوٹی لگائی جائے گی تاکہ کھپت کو کم کیا جاسکے اور زرمبادلہ کے نقصانات کو کم کیا جاسکے۔آٹوموبائل کی درآمدات میں تبدیلیوں کے حوالے سے، سمندر پار پاکستانیوں کو سالانہ 50,000 ڈالر وطن واپس بھیجنے کے لیے چھوٹی گاڑیوں کی اجازت ہوگی، جب کہ لگژری گاڑیوں جیسے 4x4s کے معاملے میں یہ حد $5 ملین سے تجاوز کر جائے گی۔انہوں نے کہا کہ اس سکیم کو ممکنہ طور پر بحال کیا جا سکتا ہے، جو پچھلے سال کے مقابلے میں توانائی کی کھپت میں اضافے پر منحصر ہے اور برآمدات کی نمو سے منسلک ہے۔برآمدی صنعتوں، خاص طور پر ٹیکسٹائل، کو قریبی پاور پلانٹس سے براہ راست بجلی کی خریداری کا اختیار پیش کیا جا سکتا ہے، جو کہ صنعتی آپریشنز میں بجلی کی بلا تعطل فراہمی اور استحکام کو یقینی بنانے کے لیے تقسیم کار کمپنیوں کو وہیلنگ چارجز کی ادائیگی سے مشروط ہے۔

کریڈٹ: انڈیپنڈنٹ نیوز پاکستان-آئی این پی

پاکستان مائننگ آپریشنز، پروسیسنگ اور ویلیو ایڈیشن میں گرین کیمسٹری کے طریقوں کو لاگو کرکے لاکھوں کی بچت کرسکتا ہے، اسلام آباد میں قائم گلوبل مائننگ کمپنی کے پرنسپل جیولوجسٹ محمد یعقوب شاہ نے ویلتھ پاک کو بتایا کہ نہ صرف آپریشنل اور کان کنی بند کرنے کے اخراجات کو کم کرتا ہے، بلکہ یہ ذریعہ کے لحاظ سے موثر، پائیدار، ماحول دوست، اور کان کنی کے کارکنوں کی حفاظت کو بڑھاتا ہے۔ یہ فضلہ کی مقدار کو کم کرتا ہے اور کان کنی شدہ دھاتوں سے قیمتی معدنیات اور دھاتوں کی بازیافت کو بڑھاتاہے۔ کان کنی کے دوران زہریلے کیمیکلز کے استعمال، ایسک پروسیسنگ، یا اس کی قیمت میں اضافے، یعنی زہریلے کیمیکلز کی بجائے غیر زہریلے سالوینٹس کا استعمال، یعنی مرکری، کان کنی کے آپریشنز میں خطرناک مادوں اور عمل کو ختم کرتا ہے۔ نئی اور اختراعی تکنیکیں، یعنی بائیو منرلائزیشن، اور بائیو میڈیشن، بہترین، محفوظ ترین اور ماحول دوست متبادل ہیں جنہیں معدنی دھاتوں پر کارروائی کرنے کے لیے اپنایا جا سکتا ہے۔یعقوب کے مطابق، سونے اور چاندی کے پیدا کرنے والے زیادہ تر کان کنی شدہ دھاتوں سے قیمتی دھاتوں کی زیادہ سے زیادہ پیداوار حاصل کرنے کے لیے سائینڈیشن پر انحصار کرتے ہیں، لیکن یہ عمل انسانی صحت اور ماحول دونوں کے لیے انتہائی نقصان دہ ہے۔ اس کے مقابلے میں، گرینر ایجنٹس، مثلا، "تھیوریا" یا "تھیو سلفیٹ" سائینائیڈ سے کم خطرناک ہیں، لیکن پیداوار کم ہے۔انہوں نے مزید کہا کہ سبز معدنیات کی پروسیسنگ میں کچھ حکمت عملی اپنائی جا سکتی ہے، جیسے کہ غیر فعال ہونے والی تہوں کو ختم کرنے کے لیے الٹراسانڈ، اور ممکنہ گزرنے کے ذرائع کو ختم کرنے کے لیے کیمیائی پری ٹریٹمنٹ۔یعقوب نے کہا کہ پیسنے اور کرشنگ کے دوران فضلہ کی پیداوار کو کم سے کم کرنے میں توانائی کی بچت اور بہت عملی ہے، جس نے توانائی کے استعمال، فضلے کو ٹھکانے لگانے، پانی کے انتظام اور علاج کے اخراجات، اور استعمال شدہ زہریلے کیمیکل خریدنے کی صورت میں ریگولیٹری تعمیل کے اخراجات کو کم کرنے میں مدد کی جن میں کان کنی میں، غیر تعمیل سے متعلق ممکنہ جرمانے اور قانونی اخراجات، کان کی بندش، اور دیگر متعلقہ اخراجات شامل ہیں۔"حکومت کو تمام کان کنی کے کاموں میں جی سی کی درخواست کو نافذ کرنا چاہیے۔ تفصیلی معاشی تجزیہ اور فزیبلٹی اسٹڈی کا جائزہ لینے کے لیے ایک پرنسپل باڈی کا قیام ضروری ہے۔ اس سے کان کنی میں جی سی کو اپنانے کے معاشی فوائد کا اندازہ لگانے میں مدد ملے گی۔یعقوب نے مزید کہا کہ حکومتی اداروں کے ساتھ تعلیمی اداروں کا اشتراک تمام صنعتی پہلوں، خاص طور پر کان کنی کے شعبے، اور مقامی استعداد کار میں گرین کیمسڑی کے تصور کو مقبول بنانے کے لیے بھی اہم ہے۔

کریڈٹ: انڈیپنڈنٹ نیوز پاکستان-آئی این پی

وزارت منصوبہ بندی، ترقی اور خصوصی اقدامات 2022 کے سیلاب سے متاثرہ علاقوں میں ریزیلینٹ ریکوری، ری کنسٹرکشن اینڈ ری ہیبلیٹیشن فریم ورک کو لاگو کرنے کے لیے کوشاں ہے۔یہ ایک حکمت عملی ہے جو تباہ کن سیلاب کے بعد شروع کی گئی تھی تاکہ لوگوں اور ماحول کو تباہی سے نکالنے میں مدد کی جا سکے۔سیکرٹری پلاننگ ظفر علی شاہ نے کہا کہ سیلاب سے قبل معیشت مضبوطی کی رسی پر چل رہی تھی۔ سیلاب نے غریب ترین اضلاع کے غریب ترین گھرانوں کے ساتھ ساتھ ملک کے ان حصوں کو بھی متاثر کیا جہاں سیلاب سے پہلے ہی انسانی ترقی کے نتائج کم تھے۔انہوں نے کہاکہ "حکومت سٹریٹجک بحالی کے مقاصد اور متاثرہ لوگوں کی زندگیوں اور ذریعہ معاش کو بحال کرنے کے لیے ریاستی نظم و نسق اور صلاحیت کو مضبوط بنانے پر کام کر رہی ہیشاہ نے کہا کہ کثیرالجہتی اور دوطرفہ معاہدوں نے پاکستان کو ایک نئی لینڈنگ دی ہے۔ عالمی بینک کے بورڈ آف ایگزیکٹو ڈائریکٹرز نے 200 ملین ڈالر کے فنانسنگ پیکج کی منظوری دی جس کے پروگرام کے حصے کے طور پر حکومت پاکستان کے ساتھ تباہ کن سیلاب سے نمٹنے اور موسمیاتی لچکدار پاکستان کی ترقی کے لیے اتفاق کیا گیا۔"یہ فنڈنگ خیبر پختونخواہ میں ضروری خدمات کی فراہمی اور موسمیاتی لچکدار دیہی انفراسٹرکچر کی ترقی کے لیے ریاستی صلاحیتوں کو بڑھانے کے لیے استعمال کی جائے گی، جس میں سیلاب کے بعد کی بحالی اور تعمیر نو کے لیے سرمایہ کاری بھی شامل ہے۔

ہم غریب ترین اضلاع کی ترقی کے لیے بھرپور اقدامات کر رہے ہیں جس کا بنیادی مقصد بنیادی ڈھانچے اور انسانی سرمائے کی ترقی میں ہدفی سرمایہ کاری کے ذریعے جامع ترقی اور مساوی ترقی کو فروغ دینا ہے۔ مستقبل کی آفات کی منصوبہ بندی کے علاوہ وزارت منصوبہ بندی میں بحالی اور تعمیر نو کا سیل بنایا جائے گا۔انہوں نے کہا کہ "یہ ضروری ہے کہ ہم انسانی سرمائے اور لچک پیدا کرنے میں سرمایہ کاری کریں، خاص طور پر دیہی سندھ اور بلوچستان میں جہاں زیادہ تر تباہی ہوئی۔پاکستان میٹرولوجیکل ڈیپارٹمنٹ (پی ایم ڈی) کے سابق ڈی جی ڈاکٹر غلام رسول نے کہاکہ "ملک نے موسم کے بدلتے ہوئے پیٹرن کو دیکھا ہے، جس میں بارش اور درجہ حرارت میں فرق، طوفانوں اور ساحلی بارشوں کی تعدد اور شدت میں اضافہ، برفانی پگھلنا، برفانی جھیلوں کا سیلاب شامل ہیں۔ فریم ورک کے کامیاب نفاذ کے لیے سرکاری ایجنسیوں، غیر سرکاری تنظیموں، بین الاقوامی شراکت داروں، اور مقامی کمیونٹیز کے درمیان تعاون کی ضرورت ہے۔ اسٹیک ہولڈرز کو فوری ریلیف سے لے کر طویل مدتی لچک پیدا کرنے کی کوششوں تک ہر سطح پر شامل کرنا ضروری ہے۔۔ یہ حکمت عملی بحالی کی منصوبہ بندی اور عمل درآمد کے لیے عالمی سطح پر تسلیم شدہ نقطہ نظر اور طریقہ کار کی پیروی کرتی ہے۔ اس کے تین مراحل ہیں جو مختلف ٹائم فریموں پر محیط ہیں

کریڈٹ: انڈیپنڈنٹ نیوز پاکستان-آئی این پی

ناظم آباد میں گھر کے چوکیدار نے ماں اور بیٹے کو قتل کردیا۔ پولیس کے مطابق ناظم آباد مجاہد کالونی میں گھر کے اندر کنویں سے ماں بیٹے کی لاشیں ملیں جنہیں گلا دبا کر قتل کیا گیا ہے۔ پولیس کا کہنا ہے کہ واقعے کی تحقیقات کی گئی تو قتل کی واردات میں گھر کا چوکیدار ملوث نکلا جس نے دونوں کو گلا دبا کر قتل کیا اور لاشیں کنویں میں پھینک دیں۔ پولیس کے مطابق چوکیدار کو گرفتار کرلیا گیا اور تفتیش کے دوران اس نے لاشوں کی نشاندہی کی جس کے بعد لاشوں کو کنویں سے نکال لیا گیا۔

کریڈٹ: انڈیپنڈنٹ نیوز پاکستان-آئی این پی

ملک بھر میں عام انتخابات کا معاملہ، الیکشن کمیشن نے پنجاب بھر میں رجسٹرڈ ووٹرز کے اعداد وشمار جاری کر دیئے۔ الیکشن کمیشن کی دستاویزات کے مطابق صوبہ پنجاب میں رجسٹرڈ ووٹرز کی کل تعداد 7 کروڑ 23 لاکھ 10 ہزار 582 ہوگئی، 2018 کے مقابلے میں پنجاب میں ووٹرز کی تعداد 1 کروڑ 16 لاکھ 37 ہزار 811 ووٹرز کا اضافہ ہوا، پنجاب میں رجسٹرڈ مرد ووٹرز کی تعداد 3 کروڑ 87 لاکھ 20 ہزار 67 جبکہ خواتین ووٹرز کی تعداد 3 کروڑ 59 لاکھ 90 ہزار 515 ہے۔ دستاویزات میں بتایا گیا ہے کہ 2018 کے مقابلے میں پنجاب میں رجسٹرڈ خواتین ووٹرز کی تعداد میں 65 لاکھ 98 ہزار 141 ووٹرز کا اضافہ ہوا جبکہ 2018 کی نسبت 50 لاکھ 39 ہزار 670 مرد ووٹرز بڑھے۔ پنجاب کے 41 اضلاع میں سے سب زیادہ ووٹرز کی تعداد ضلع لاہور کی ہے، لاہور میں رجسٹرڈ ووٹرز کی تعداد 67 لاکھ 24 ہزار 633 ہے، لاہور کی کل آبادی 1 کروڑ 20 لاکھ 8 ہزار387 ہے، لاہور میں مرد ووٹرز کی تعداد 35 لاکھ 78 ہزار 725 جبکہ خواتین ووٹرز کی تعداد 31 لاکھ 45 ہزار 908 ہے۔ پنجاب میں سب سے کم ووٹرز ڈسٹرکٹ مری کے ہیں، ڈسٹرکٹ مری میں رجسٹرڈ ووٹرز کی کل تعداد 2 لاکھ 90 ہزار 931 ہے۔ ترجمان الیکشن کمیشن کا کہنا ہے کہ آئندہ عام انتخابات مذکورہ ووٹرز لسٹوں پر ہی ہوں گے، ووٹر لسٹوں میں کوئی ردوبدل نہیں کیا جا سکے گا۔

کریڈٹ: انڈیپنڈنٹ نیوز پاکستان-آئی این پی

گوادر سے 10 رکنی وفد چین کے دورے سے واپس آ گیا، چین میں انہوں نے ملک کی ترقی اور جدت کاری کی کوششوں کا جائزہ لیا۔ وفد نے چین کی ترقی اور دوستانہ تعلقات کی تعمیر کے لئے اس کے ہمسایہ سفارتکاری کے نقطہ نظر کی تعریف کی۔ گوادر پرو کے مطابق وفد نے اس بات پر زور دیا کہ چین کے ساتھ پاکستان کی دیرینہ دوستی کو سیاسی وابستگیوں اور معاشرے سے بالاتر ہو کر حمایت حاصل ہے۔ سینئر ماہرین تعلیم، محققین، تاجروں اور انتظامی افسران پر مشتمل اس گروپ کی قیادت یونیورسٹی آف گوادر (یو جی)کے وائس چانسلر پروفیسر ڈاکٹر عبدالرزاق صابر نے کی۔ وہ چینی وزارت خارجہ کی دعوت پر 10 ستمبر کو چین کے دس روزہ دورے پر روانہ ہوئے تھے۔ گوادر پرو کے مطابق بیجنگ میں وفد نے چینی وزارت خارجہ کے ایشیائی امور کے شعبے کے ڈائریکٹر جنرل لیو جن سونگ سے ملاقات کی۔ لیو نے کہا کہ ایک دہائی قبل پاک چین اقتصادی راہداری (سی پیک) کے آغاز کے بعد سے مشترکہ کوششوں کے نتیجے میں گوادر میں بنیادی ڈھانچے کے بڑے منصوبے شروع ہوئے ہیں جن میں بندرگاہیں، ہوائی اڈے، سڑکیں، ہسپتال اور ڈی سیلینیشن پلانٹ شامل ہیں جس سے مقامی آبادی مستفید ہو رہی ہے۔ یو جی کے ایک بیان کے مطابق لیو نے بلوچستان اور گوادر میں اقتصادی ترقی کے لئے چین کے عزم کا اعادہ کیا۔ انہوں نے کہا کہ پاکستان کے بارے میں چین کی دوستانہ پالیسی تمام نسلی گروہوں تک پھیلی ہوئی ہے، سی پیک سے خطوں، قبائل اور سماجی سطح پر فوائد حاصل ہوں گے۔ گوادر پرو کے مطابق وفد نے تعلیمی شراکت داری، علم کے تبادلے اور تجارت، ٹیکنالوجی اور بنیادی ڈھانچے میں تعاون کو فروغ دینے میں دلچسپی کا اظہار کیا۔ وہ صرف تعلیم سے آگے وسیع تر باہمی تعاون کے لئے ایک فریم ورک تیار کرنے کے خواہاں ہیں۔ گوادر پرو کے مطابق بیان میں کہا گیا ہے کہ گوادر کے عوام تیز رفتار، جامع اور باہمی فائدہ مند راہداری تعاون کو سراہتے ہیں۔ وہ عوامی سطح پر مزید تبادلوں اور عملی تعاون کے خواہاں ہیں تاکہ کئی نسلوں تک پاک چین دوستی کو مزید فروغ دیا جا سکے۔

کریڈٹ: انڈیپنڈنٹ نیوز پاکستان-آئی این پی

چین میں پاکستان کے سفیر معین الحق نے ایکس پلیٹ فارم( ٹویٹر )پر گرمجوشی سے استقبال کا ذکر کرتے ہوئے کہا ہانگژو میں ایشین گیمز میں شرکت کرنے والا پاکستانی دستہ چینی تماشائیوں کی بڑی تالیوں کے درمیان اسٹیڈیم میں داخل ہوا، ہمارے کھلاڑیوں کے لیے نیک خواہشات۔ گوادر پرو کے مطابق 262 پاکستانی ایتھلیٹس اور آفیشلز پر مشتمل دستہ 26 سے زائد کھیلوں میں حصہ لے ر ہا جن میں 137 مرد اور 53 خواتین شامل ہیں۔ پاکستان سوئمنگ ٹیم 24 سے 29 ستمبر، ہاکی ٹیم 24 ستمبر سے 7 اکتوبر اور ٹینس ٹیم 24 سے 30 ستمبر تک شرکت کرے گی۔ گوادر پرو کے مطابق کھیلوں کے لیے ہانگژو میں پاکستانی اسپورٹس ایکسپرٹ شاہد افراز خان نے کہا کہ میزبان شہر نے اس بڑے ملٹی اسپورٹس مقابلے کے لیے شاندار انتظامات کیے ہیں۔ انہوں نے مزید کہا کہ ایشین گیمز کے دوران شائقین کو زبردست مقابلے کے ساتھ ساتھ ایک دوسرے کی ثقافت کے بارے میں جاننے کا موقع مل رہا ہے جو یقینی طور پر ہم آہنگی کو فروغ دینے میں ایک پل ہے۔ گوادر پرو کے مطابق عمران خان نے اس اعتماد کا اظہار کیا کہ پاکستانی ایتھلیٹس ان کھیلوں میں بھرپور کارکردگی کا مظاہرہ کریں گے، انہوں نے کہا کہ یہاں ان کا پرتپاک استقبال ان کی اعلی توقعات اور حمایت کی نشاندہی کرتا ہے۔ ان کی شرکت کھیلوں سمیت پاکستان اور چین کے قریبی تعلقات کو بھی اجاگر کرتی ہے۔ پاکستانی کھلاڑیوں نے اپنی تیاریوں میں چینی حکومت کے تعاون کا سہرا اپنے سر باندھا اور تعاون پر اظہار تشکر کیا۔ 19 ویں ایشین گیمز کا باضابطہ آغاز 23 ستمبر کو ہوا تھا۔ اگلے دو ہفتوں کے دوران ایشیا بھر سے 12,500 سے زائد ایتھلیٹس 40 کھیلوں کے 481 مقابلوں میں حصہ لے رہے ہیں۔

کریڈٹ: انڈیپنڈنٹ نیوز پاکستان-آئی این پی

چیف جسٹس اسلام آباد ہائی کورٹ نے چیئرمین پی ٹی آئی کو اٹک جیل سے اڈیالہ جیل منتقل کرنے کا حکم دے دیا۔ اسلام آباد ہائی کورٹ کے چیف جسٹس عامر فاروق نے چیئرمین پی ٹی آئی کی اٹک سے اڈیالہ جیل منتقلی کی درخواست پر سماعت کی۔ چیف جسٹس عامر فاروق نے کہا کہ چیئرمین پی ٹی آئی کی سزا کا سٹیٹس تبدیل ہو چکا ہے، اسلام آباد کے تمام انڈر ٹرائل قیدی اڈیالہ جیل میں ہیں، چیئرمین پی ٹی آئی ابھی تک اٹک کیوں ہیں؟ اڈیالہ جیل کیوں نہیں؟ عدالت نے ایڈیشنل اٹارنی جنرل منور اقبال دوگل سے جواب طلب کر لیا،عدالت نے استفسار کیا کل اگر آپ رحیم یار خان کی جیل میں بھیج دیں تو وہاں جیل ٹرائل کریں گے؟ چیف جسٹس اسلام آباد ہائیکورٹ نے ریمارکس دیئے کہ چیئرمین پی ٹی آئی کو اڈیالہ جیل شفٹ کریں۔ دوران سماعت وکیل نے استدعا کی کہ چیئرمین پی ٹی آئی سپورٹس مین ہیں انہیں ایکسرسائز مشین فراہم کی جائے۔ چیف جسٹس اسلام آباد ہائی کورٹ نے کہا کہ جیل رولز کے مطابق وہ جن چیزوں کے حقدار ہیں ملنی چاہئیں، حق تلفی نہ ہو۔

کریڈٹ: انڈیپنڈنٹ نیوز پاکستان-آئی این پی

بلوچستان میں سکھ برادری نے کینیڈا میں سکھ رہنما کے قتل میں ملوث ہونے پر بھارت کے خلاف احتجاج کیا۔ سکھ برادری اور دیگر مقامی افراد نے بلوچستان کے شہر لسبیلہ پریس کلب کے سامنے کینیڈا میں بھارتی خفیہ ایجنسی را کے ہاتھوں سکھ رہنما ہردیپ سنگھ کے قتل کے خلاف احتجاجی مظاہرہ کیا۔ سکھ برادری نے بھارتیوں کے سکھوں پر دنیا بھر میں جاری مظالم کو اجاگر کرتے ہوئے شدید احتجاج کیا۔ سکھ رہنماں کا کہنا تھا کہ کینیڈا میں ہمارے بھائی ہردیپ سنگھ نجر کو بے دردی سے قتل کیا جس کی بلوچستان کی سکھ کمیونٹی اور اقلیتی برادری شدید مذمت کرتی ہے۔ سکھ مظاہرین نے کینیڈا کے وزیراعظم جسٹن ٹروڈو سے ہردیپ سنگھ کے قاتلوں کو جلد سے جلد گرفتار کرنے کا مطالبہ کیا۔

کریڈٹ: انڈیپنڈنٹ نیوز پاکستان-آئی این پی

لسبیلہ میں تیز رفتاری کے باعث کار الٹ گئی جس کے نتیجے میں 2 افراد جاں بحق، 2 زخمی ہو گئے۔ حادثے کا شکار کار کراچی سے کوئٹہ جا رہی تھی کہ لسبیلہ کے مقام پر تیز رفتاری کے باعث الٹ گئی، حادثے کے بعد کار مکمل طور پر تباہ ہو گئی۔ حادثے کی اطلاع ملنے پر لاشیں اور زخمی افراد کو ڈی ایچ کیو ہسپتال اوتھل منتقل کر دیا گیا، پولیس نے وجوہات جاننے کیلئے تحقیقات شروع کر دیں۔

کریڈٹ: انڈیپنڈنٹ نیوز پاکستان-آئی این پی

پاکستان سے مصر جانے والے مسافروں کے لیے نئی ہدایت جاری کردی گئی، مسافروں کے لیے پولیو ویکسینیشن سرٹیفکیٹ لازمی قرار دیے دیاگیا۔ پاکستان سول ایوی ایشن اتھارٹی (سی اے اے) نے اپنی ویب سائٹ پر مسافروں کے لیے ہدایت جاری کردی ہے۔ سی اے اے کا کہنا ہے کہ پاکستان سے مصر جانے والے مسافر پولیو ویکسینیشن کا بین الاقوامی سرٹیفکیٹ لازمی ساتھ رکھیں ، پولیو ویکسین، او پی وی یا آئی پی وی دونوں قابل قبول ہیں۔ واضح رہے کہ مصر نے پاکستان سمیت افغانستان، ملاوی، موزمبیق اور کانگو سے آنے والے مسافروں کے لیے پولیو ویکسی نیشن لازمی قرار دی ہے۔

کریڈٹ: انڈیپنڈنٹ نیوز پاکستان-آئی این پی

سندھ ہائیکورٹ نے سانحہ بلدیہ کیس میں نامزد ملزم حماد صدیقی کا پاسپورٹ، شناختی کارڈ بلاک کرنے اور بینک اکانٹس بلاک کرنے کا حکم دے دیا۔سندھ ہائیکورٹ میں سانحہ بلدیہ فیکٹری سمیت 3 کیسز کے مفرور ملزمان کی وطن واپسی کے معاملے کی سماعت ہوئی جس سلسلے میں وفاقی سیکرٹری داخلہ عدالت میں پیش ہوئے، دوران سماعت عدالت نے مفرور ملزمان کی وطن واپسی کی کوششیں نہ کرنے پر برہمی کا اظہار کیا۔ دوران سماعت عدالت نے وفاقی سیکرٹری داخلہ سے سوال کیا کہ حمادصدیقی کو وطن واپس لانے کے لیے کیا اقدامات کیے؟ اس پر سیکرٹری داخلہ نے بتایا کہ حمادصدیقی 2017 میں ابو ظبی چھوڑ چکا ہے، اس پر جسٹس کے کے آغا نے کہا کہ حماد صدیقی کیس کا ٹرائل شروع ہونے سے پہلے ہی ابوظبی چھوڑ چکا تھا؟ سیکرٹری داخلہ نے کہا کہ حماد صدیقی 2013 میں پاکستان سے چلا گیا تھا۔ عدالت نے سوال کیا کہ کیا حماد صدیقی کا پاسپورٹ اور شناختی کارڈ بلاک کیا گیا؟ اس پر سیکرٹری داخلہ نے کہا کہ حماد صدیقی کے پاسپورٹ کی معیاد ختم ہوچکی ہے۔ عدالت نے حماد صدیقی، تقی حیدر شاہ، خرم نثار کے پاسپورٹ اور شناختی کارڈ بلاک کرنے اور بینک اکانٹس بند کرنے کا حکم دیا۔ عدالت نے کہا کہ حماد صدیقی کی آخری بار پاکستان لینڈ کرنے کی تفصیلات پیش کی جائیں۔ عدالت نے مفرور ملزم تقی حیدر اور خرم نثار سے متعلق رپورٹ طلب کرلی اور ساتھ ہی پراسیکیوٹر جنرل سندھ سے صوبے بھر کے مفرور اور اشتہاری ملزمان کی فہرست بھی مانگ لی۔ عدالت نے عدم پیشی پرسیکرٹری امورخارجہ کو شوکاز جاری کردیا اور آئندہ سماعت پرنادرا اور سیکرٹری امورخارجہ سے2 اکتوبر تک رپورٹ طلب کرلی۔

کریڈٹ: انڈیپنڈنٹ نیوز پاکستان-آئی این پی

چیف جسٹس پاکستان قاضی فائز عیسی نے کہا ہے کہ اپنے ذہن سے یہ بات نکال دیں کہ اب مقدمات میں التوا ملے گا،کسی بھی کیس میں ایک تاریخ پر فریقین کو نوٹس جاری ہو گا ، اگلی سماعت میں دلائل پر فیصلہ ہو گا۔ پیر کو ایک مقدمے کی سماعت کے دوران چیف جسٹس پاکستان نے سپریم کورٹ میں دائر مقدمات میں التوا نہ دینے سے متعلق اپنی رائے دیتے ہوئے کہا سپریم کورٹ میں اب سیکیسز میں التوا دینیکا تصور ختم سمجھا جائے۔ جسٹس قاضی فائز عیسی نے اپنے ریمارکس میں یہ بھی کہا کہ سپریم کورٹ میں بہت زیادہ کیسز زیر التوا ہیں، ذہن سے یہ تصور بلکل نکال دیں گے کہ مقدمات میں تاریخ دی جائے گی۔ چیف جسٹس پاکستان کا کہنا تھا کسی بھی کیس میں ایک تاریخ پر فریقین کو نوٹس جاری ہو گا اور اگلی سماعت میں دلائل پر فیصلہ ہو گا۔ جسٹس قاضی فائز عیسی کا کہنا تھا اس کیس کے توسط سے یہ پیغام سب کے لیے ہے کہ اب مقدمات میں التوا نہیں ملے گا، یہ باقی عدالتوں میں ہوتا ہیکہ دستاویزات جمع کرانے کا وقت دیا جائے، سپریم کورٹ آخری عدالت ہے جہاں تمام مقدمات کے فیصلوں کا ریکارڈ پہلے سے ہوتا ہے۔ یاد رہے کہ جسٹس قاضی فائز عیسی نے 17 ستمبر 2023 کو بطور چیف جسٹس پاکستان عہدے کا حلف اٹھایا تھا اور ان کا پہلے مقدمے کی سماعت کے دوران کہنا تھا بطور چیف جسٹس کوشش ہو گی کہ زیر التوا مقدمات کو جلد از جلد نمٹایا جائے۔

کریڈٹ: انڈیپنڈنٹ نیوز پاکستان-آئی این پی

وفاقی تحقیقاتی ایجنسی (ایف آئی اے)نے بشری بی بی کے سابق شوہر خاور مانیکا کو بیرون ملک جانے سے روک دیا۔ بشری بی بی کے سابق شوہر علامہ اقبال انٹرنیشنل ایئرپورٹ سے دبئی جا رہے تھے کہ ایف آئی اے نے خاور مانیکا کو روک لیا اور اینٹی کرپشن کے حوالے کر دیا۔ واضح رہے کہ خاور مانیکا کے خلاف اینٹی کرپشن میں مقدمہ درج ہے۔ ذرائع نے بتایا ہے کہ خاور مانیکا سرکاری ملازم ہیں اور باہر جانے کا این او سی بھی ان کے پاس موجود تھا تاہم سٹاپ لسٹ میں نام ہونے کی وجہ سے انہیں روک لیا گیا۔

کریڈٹ: انڈیپنڈنٹ نیوز پاکستان-آئی این پی

غیر شرعی نکاح کیس میں اٹک جیل حکام نے چیئرمین پی ٹی آئی کو ڈسٹرکٹ اینڈ سیشن کورٹ پیش نہ کرنے کی استدعا کر دی۔ سپرنٹنڈنٹ اٹک جیل نے ڈسٹرکٹ اینڈ سیشن کورٹ کے سول جج کو غیر شرعی نکاح کیس میں طلبی کا معاملے پر خط لکھا ہے جس میں عدالت پیشی کو سکیورٹی رسک قرار دیتے ہوئے کہا گیا ہے کہ چیئرمین پی ٹی آئی سابق وزیر اعظم پاکستان ہیں اور سائفر کیس میں اٹک جیل میں قید ہیں۔ خط میں مزید لکھا گیا ہے کہ جج ابو الحسنات محمد ذوالقرنین سائفر کیس کا ٹرائل اٹک جیل کے اندر ہی کر رہے ہیں، چیئرمین پی ٹی آئی کو اٹک سے اسلام آباد لانے میں سکیورٹی کا مسئلہ درپیش آسکتا ہے، ان کو درپیش سکیورٹی مسائل کو مد نظر رکھتے ہوئے پیشی سے استثنی دیا جائے۔

کریڈٹ: انڈیپنڈنٹ نیوز پاکستان-آئی این پی

اسلام آباد ہائی کورٹ نے سائفر کیس میں چیئرمین پی ٹی آئی کی درخواست ضمانت پر سماعت ان کیمرہ کرنے یا نہ کرنے پا فیصلہ محفوظ کر لیا۔ پیر کو سائفر کیس میں چیئرمین پی ٹی آئی کی درخواست ضمانت پر اسلام آباد ہائی کورٹ میں سماعت ہوئی، ہائی کورٹ کے چیف جسٹس عامر فاروق نے درخواست پر سماعت کی۔ چیئرمین پی ٹی آئی کی جانب سے بیرسٹر سلمان صفدر اور سائفر کیس میں پراسیکیوٹر شاہ خاور ایڈووکیٹ عدالت میں پیش ہوئے۔ عدالت نے ریمارکس دیئے کہ 2 وکلا روسٹرم پر رکیں، یہ جیل سہولیات والا کیس نہیں ہے، پراسیکیوٹر نے عدالت کو بتایا کہ آفیشل سیکرٹ ایکٹ کے تحت ٹرائل ہو رہا ہے۔ چیئرمین پی ٹی آئی کے وکیل سلمان صفدر نے موقف پیش کیا انکار نہیں کہ ٹرائل آفیشل سیکرٹ ایکٹ کے تحت ہورہا ہے، پراسیکیوٹر نے موقف اختیار کیا کہ اس کیس کے جیل ٹرائل کی وجہ سکیورٹی خدشات بتائے گئے ہیں۔ چیف جسٹس نے ریمارکس دیئے کہ ریکارڈ دیکھ لیں پھر طے کریں کہ کیس کس طرح لے کر چلنا ہے، بعدازاں عدالت نے درخواست ضمانت کی سماعت ان کیمرا ہو گی یا نہیں؟ فیصلہ محفوظ کر لیا۔

کریڈٹ: انڈیپنڈنٹ نیوز پاکستان-آئی این پی

صحافی عمران ریاض خان بازیاب ہو کر اپنے گھر پہنچ گئے ۔ ڈسٹرکٹ پولیس نے اپنے ٹویٹر، فیس بک، انسٹاگرام اور ٹک ٹاک پیج پر عمران ریاض خان کی بازیابی اور گھر منتقلی بارے پوسٹ آویزاں کردی۔ عمران ریاض خان کو 9 مئی کو پاکستان تحریک انصاف کے چیئرمین عمران خان کی گرفتاری پر ملک بھر میں پرتشدد مظاہروں کے بعد گرفتار کیا گیا تھا۔ عمران ریاض خان سیالکوٹ انٹرنیشنل ائیرپورٹ سے مسقط جارہے تھے کہ ایف آئی اے حکام نے گرفتار کر کے پولیس کے حوالے کردیاتھا۔ گرفتاری کے بعد عمران ریاض خان کو آخری بار تھانہ کینٹ اور پھر سیالکوٹ جیل لے جایا گیا تھا۔ عمران ریاض خان کے والد نے لاہور ہائی کورٹ درخواست دی کہ ان کے بیٹے کو اغوا کیا گیا ھے، 16 مئی کو والد ریاض خان کی مدعیت میں تھانہ سول لائن میں عمران ریاض خان کے اغوا کا مقدمہ درج کیا گیا۔ ایف آئی آر کی تعزیرات کی دفعہ 365 کے تحت نامعلوم افراد اور پولیس اہلکاروں کے خلاف درج کی گئی۔ 20 ستمبر کو چیف جسٹس لاہور ہائی کورٹ امیر علی بھٹی نے عمران ریاض خان کے والد کی درخواست پر سماعت کی، لاہور ہائی کورٹ نے آئی جی پنجاب ڈاکٹر عثمان انور کو 26 ستمبر تک آخری مہلت دی تھی۔ عدالت کا کہنا تھا کہ 5 ماہ گزر گئے اور عدالت کا پیمانہ لبریز ھوچکا ھے جب کہ آئی جی پنجاب کا کہنا تھا کہ صوبائی انٹیلیجنس چیف لاہور نہیں ہیں، دوبارہ ورکنگ گروپ کا اجلاس جامعہ کے روز ہوگا۔ آئی جی پنجاب نے 15 روز میں خوشخبری سنانے کی نوید دی تھی۔

کریڈٹ: انڈیپنڈنٹ نیوز پاکستان-آئی این پی

نگران وزیر اعلی پنجاب محسن نقوی سے جاپان کے سفیر واڈا مٹسو ہیرو نے ملاقات کی ۔ملاقات میں باہمی دلچسپی کے امور، سیاحت، میوزیم کی بحالی، آٹوانڈسٹریز، واٹر اور دیگر شعبوں میں تعاون بڑھانے پر بات چیت کی گئی، ملاقات میں جائیکا (جاپان انٹرنیشنل کارپوریشن ایجنسی)کے تعاون سے جاری پروگرام پر بھی تبادلہ خیال کیا گیا۔ اس موقع پر گفتگو کرتے ہوئے وزیراعلی پنجاب کا کہنا تھا کہ پنجاب کے عوام کو مزید سہولتیں دینے کے لئے جاپان کی تکنیکی معاونت کا خیرمقدم کرتے ہیں، جاپان کے تعاون سے ٹیکسلا میوزیم کے ساتھ لاہور میوزیم کو بھی اپ لفٹ کریں گے۔ محسن نقوی نے کہا کہ جاپان کا آٹو انڈسٹری میں اپنا علیحدہ مقام ہے، الیکٹرک موٹر بائیکس کے حوالے سے جاپانی تعاون چاہتے ہیں، پنجاب کی ڈویلپمنٹ کیلئے جاپان کے تکنیکی تعاون کی ضرورت ہے، ٹیکنالوجی میں جاپان کی مہارت مسلمہ ہے۔ جاپانی سفیر نے وزیراعلی پنجاب کو تکنیکی معاونت کے لئے تعاون کی یقین دہانی کراتے ہوئے کہا کہ پنجاب حکومت کے ساتھ میوزیم، ثقافت اور دیگر شعبوں میں تعاون جاری رکھیں گے۔ صوبائی وزیراطلاعات و ثقافت عامر میر، چیف سیکرٹری، سینئر ممبر بورڈ آف ریونیو، سیکرٹری وزیراعلی، ڈپٹی کمشنر اور دیگر متعلقہ حکام بھی اس موقع پر موجود تھے، اس کے علاوہ جاپان کے اعزازی قونصل جنرل عامر شیرازی اور فرسٹ سیکرٹری و ہیڈ آف پولیٹیکل سیکشن نابوکونی شنوہارا نے بھی ملاقات میں شرکت کی۔

کریڈٹ: انڈیپنڈنٹ نیوز پاکستان-آئی این پی

چین، شمال مغربی ننگ شیا ہوئی خود اختیار خطے کے شہر ین چھوان میں چھٹی چین-عرب ریاستیں نمائش میں لوگ پاکستانی اشیاء خرید رہے ہیں۔ (شِنہوا)

چین، شمال مغربی ننگ شیا ہوئی خود اختیار خطے کے شہر ین چھوان میں چھٹی چین-عرب ریاستیں نمائش میں لوگ پاکستانی اشیاء خرید رہے ہیں۔ (شِنہوا)

چین، شمال مغربی ننگ شیا ہوئی خود اختیار خطے کے شہر ین چھوان میں چھٹی چین-عرب ریاستیں نمائش میں لوگ پاکستانی اشیاء خرید رہے ہیں۔ (شِنہوا)

چین ، شمال مغربی سنکیانگ ویغور خوداختیار خطے کے قدیم شہر کاشغر میں صحافی مقامی شہری کا انٹرویو کر رہے ہیں۔ (شِنہوا)

چین ، مشرقی صوبے ژے جیانگ کے شہر ہانگ ژو کے ہانگ ژو اولمپک اسپورٹس سینٹر اسٹیڈیم میں منعقدہ 19 ویں ایشیائی کھیلوں کی افتتاحی تقریب کے دوران پاکستانی دستے کی ایک رکن قومی پرچم لہرارہی ہے۔  (شِنہوا)