اسرائیل کے وزیراعظم بنیامین نیتن یاہو نے کہا کہ سعودی عرب کے ساتھ امن معاہدے کے قریب پہنچ گئے ہیں۔ اقوام متحدہ کی جنرل اسمبلی سے خطاب میں اسرائیلی وزیراعظم بنیامین نیتن یاہو نے کہا کہ فلسطینیوں کو یہودیوں کے علیحدہ ریاست کے حق کو تسلیم کرنا ہوگا۔ اسرائیل فلسطینیوں کے ساتھ دیرپا امن کے لیے کوشاں ہے۔ اسرائیلی وزیراعظم کا مزید کہنا تھا کہ سعودی عرب کے ساتھ امن معاہدہ دیگر عرب ممالک کو بھی اسرائیل کے ساتھ امن معاہدہ کرنے پر آمادہ کرے گا۔ عرب ممالک کے تعاون سے نئی امن راہداری قائم کی جائے گی۔ سعودی عرب کے ساتھ امن معاہدے کے قریب پہنچ چکے ہیں۔متحدہ عرب امارات، بحرین، مراکش اور سوڈان اسرائیل کو تسلیم کر کے سفارتی تعلقات قائم کر چکے ہیں۔

کریڈٹ: انڈیپنڈنٹ نیوز پاکستان-آئی این پی

سوڈان میں فوجی دھڑوں کے درمیان تصادم میں آرمی چیف نے مذاکرات پر آمادگی ظاہر کردی۔ برطانوی نشریاتی ادارے سے گفتگو میں سوڈانی فوج کے سربراہ جنرل عبدالفتح البرہان نے کہا کہ وہ ملک میں جاری لڑائی پر قابو پانے کے لیے امن مذاکرات کے لیے تیارہیں۔ جنرل عبدالفتح نے کہا کہ وہ رپیڈ سپورٹ فورسز کے سربراہ محمد ہمدان کے ساتھ بیٹھنے کے لیے تیار ہیں۔ سوڈان میں 2021 میں اقتدار پر قبضہ کرنے والے جنرل عبدالفتح نے اقوام متحدہ کی جنرل اسمبلی سے خطاب کے لیے آمد پر بی بی سی سے گفتگو کی۔ انہوں نے کہا کہ وہ جنرل ہمدان کے ساتھ بیٹھیں گے کیونکہ سعودی عرب میں ہونے والی بات چیت پر قائم ہیں کہ وہ اپنے لوگوں کو تحفظ فراہم کریں گے اس لیے مذاکرات کے لیے تیار ہیں۔ جنرل عبدالفتح کا کہنا تھا کہ اگر یہ باغی افواج چاہتی ہیں کہ وہ بیرکوں میں واپس جائیں اور دستوں کو رہائشی علاقوں سے واپس بلالیں تو ہم ان میں سے کسی کے بھی ساتھ بیٹھیں گے بصورت دیگر جدہ میں ہونے والی بات چیت پر قائم ہیں کہ ہم اس مسئلے کا حل نکالیں گے۔ سوڈانی آرمی چیف نے کہا کہ ہماری ریاست صومالیہ اور لیبیا کی طرح تقسیم شدہ ناکام ریاست نہیں بنے گی۔ غیر ملکی میڈیا کے مطابق سوڈانی فوج کے سربراہ ملک میں فوجی بغاوت کے بعد سے عالمی طاقتوں کا تعاون حاصل کرنے کی کوشش کررہے ہیں جب کہ وہ ملک میں فوجی بغاوت کے بعد اقتدار سویلین حکومت کو دینے میں ناکام رہے ہیں۔ جنرل عبدالفتح برہان اس دعوے کی تردید کی ہے کہ ان کی فوج عام شہریوں کو نشانہ بنارہی ہے جب کہ اقوام متحدہ اور دیگر اداروں کا کہنا ہیکہ سوڈانی فوج کی جانب سے رہائشی علاقوں میں بمباری کے واضح ثبوت موجود ہیں۔ واضح رہے کہ سوڈان میں فوج کے دھڑوں کے درمیان لڑائی اپریل سے جاری ہے جس میں اقوام متحدہ کا کہنا ہیکہ اب تک 5 ہزار افراد مارے جاچکے ہیں جب کہ 50 لاکھ افراد بے گھر ہوچکے ہیں۔

کریڈٹ: انڈیپنڈنٹ نیوز پاکستان-آئی این پی

امریکا کی جانب سے جنگ زدہ یوکرین کو دور تک مار کرنے والے میزائل فراہم کیے جائیں گے۔ امریکی میڈیا رپورٹس میں بتایا گیا ہے امریکی صدر جو بائیڈن کے پلان کے مطابق یوکرین کو جنگ میں اپنے دفاع کے لیے دور تک مار کرنے والے جدید ترین میزائل فراہم کیے جائیں گے۔ میڈیا رپورٹس کے مطابق معاملے سے آگاہ امریکی حکام کا کہنا ہے کہ یوکرین کو کچھ آرمی ٹیکٹیکل میزائل سسٹم (ATACMS) فراہم کیے جائیں گے جن کی رینج 300 کلو میٹر تک ہے، یعنی ان میزائلوں کی مدد سے یوکرین دور سے ہی روسی اہداف کو نشانہ بنا سکتا ہے۔ برطانوی نشریاتی ادارے کے مطابق جمعے کے روز کم از کم ایک یوکرینی میزائل نے بحیرہ اسود میں روس کے ہیڈ کوارٹر کریمیا کو نشانہ بنایا تھا۔ یوکرین کے فوجی حکام کی جانب سے اس حوالے سے بتایا گیا کہ سیواستوپول بندرگاہ پر اسٹرام شیڈو میزائلوں کی مدد سے حملہ کیا گیا جو برطانیہ اور فرانس کی جانب سے فراہم کیے گئے ہیں، ان میزائلوں کی رینج 150 میل تک ہے۔ این بی سی نیوز اور وال اسٹریٹ جرنل کی رپورٹ میں بتایا گیا ہے کہ امریکی صدر جو بائیڈن نے یوکرینی ہم منصب سے جمعرات کو وائٹ ہاس میں ہونے والی ملاقات میں یقین دہانی کروائی کہ انہیں کچھ اے ٹی اے سی ایم ایس میزائل فراہم کیے جائیں گے۔ وال اسٹریٹ جرنل کی رپورٹ میں بتایا گیا ہے کہ دور تک مار کرنے والے جدید ترین میزائل آئندہ چند ہفتوں میں یوکرین کو فراہم کر دیے جائیں گے تاہم واشنگٹن پوسٹ کا اس حوالے سے کہنا ہے کہ معاملے سے آگاہ حکام کا کہنا ہے کہ یوکرین کو اے ٹی اے سی ایم میزائل سنگل وارہیڈ کی جگہ کلسٹر بم کے ساتھ فراہم کیے جائیں گے۔ تاہم اس حوالے سے امریکا اور یوکرین کی جانب سے حکومتی سطح پر کسی قسم کی تصدیق یا تردید سامنے نہیں آئی ہے۔ یاد رہے کہ امریکا نے حال ہی میں یوکرین کے لیے مزید 32 کروڑ 50 لاکھ ڈالرز کے فوجی امداد کا اعلان کیا ہے جس کی باقاعدہ منظوری بھی دیدی گئی ہے۔ یہ اعلان اس وقت کیا گیا جب یوکرین کے صدر ولادیمیر زیلنسکی نے 21 ستمبر کو وائٹ ہاس میں امریکی ہم منصب سے ملاقات کی۔ اس فوجی امداد کے تحت امریکا کی جانب سے یوکرین کو فضائی دفاعی میزائل، HIMARS راکٹ، ایوینجر فضائی دفاعی نظام، وائر گائیڈڈ میزائل، اینٹی آرمر سسٹمز اور گولہ بارود دیا جائے گا۔

کریڈٹ: انڈیپنڈنٹ نیوز پاکستان-آئی این پی

برطانوی وزیراعظم رشی سونک کی جانب سے ملک میں سگریٹ پر پابندی لگائے جانے کا امکان ہے۔ برطانوی میڈیا رپورٹس کے مطابق برطانوی وزیراعظم ایسے اقدامات متعارف کرانے پر غور کر رہے ہیں جن سے آنیوالی نسل پر سگریٹ خریدنے پر پابندی لگ جائے گی۔ رپورٹ میں کہا گیا ہے کہ وزیراعظم انسداد تمباکو نوشی کے اقدامات پر غور کر رہے ہیں جیسا کہ نیوزی لینڈ نے گزشتہ برس اعلان کیا تھا جس کے مطابق یکم جنوری 2009 کو یا اس کے بعد پیدا ہونے والے ہر فرد کو تمباکو فروخت کرنے پر پابندی ہے۔ غیرملکی میڈیا کے مطابق اس سے متعلق زیرِ غور پالیسیاں اگلے سال کے متوقع انتخابات سے قبل صارفین پر مرکوز ایک نئی مہم کا حصہ ہیں۔ اس حوالے سے برطانوی حکومت کے ترجمان کاکہنا ہے کہ ہم زیادہ سے زیادہ لوگوں کی حوصلہ افزائی کرنا چاہتے ہیں کہ وہ سگریٹ نوشی چھوڑ دیں اور 2030 تک سگریٹ نوشی سے پاک رہنے کے ہمارے عزائم کو پورا کریں۔ ترجمان کے مطابق یہی وجہ ہے کہ ہم نے سگریٹ نوشی کی شرح کو کم کرنے کے لیے پہلے بھی اقدامات کیے ہیں۔

کریڈٹ: انڈیپنڈنٹ نیوز پاکستان-آئی این پی

وال اسٹریٹ جرنل نے بھی کینیڈا میں بھارتی دہشتگردی کی تصدیق کردی۔ وال اسٹریٹ جرنل نے انکشاف کیا ہے کہ ہردیپ سنگھ کے قتل کی تحقیقات مکمل ہونے پر بھارت کو عالمی سطح پر شدید ذلت اور رسوائی کا سامنا ہے۔ بھارت کی جانب سے اس قتل میں تعاون اور مستقبل میں اس طرح کی دہشتگردی نہ کرنے کی یقین دہانی کے بدلے میں کینیڈا کی تحقیقات ختم ہو جائیں گی۔کینیڈین وزیراعظم جسٹن ٹروڈو کے الزام نے جمہوریت کے علمبردار اور خود کو جمہوریت کی ماں کہنے والے بھارت کو بے نقاب کیا ہے۔ نئی دہلی میں جی 20 کانفرنس سے واپسی کے چند دن بعد، وزیراعظم ٹروڈو نے ہندوستانی حکومت پر کینیڈا کی سرزمین پر ایک کینیڈین شہری کو قتل کرنے کا الزام لگایا۔ وزیراعظم ٹروڈو کے پاس ٹھوس شواہد ہونے کے باعث کینیڈا کے قریبی اتحادیوں یعنی امریکہ، برطانیہ اور آسٹریلیا نے حمایت کا اعلان کیا۔ بھارت کے بعد کینیڈا سکھوں کی آبادی کے لحاظ سے دوسرا بڑا ملک ہے، جہاں 750,000 سے زائد سکھ رہائش پذیر ہیں۔ ان میں سے ایک جگمیت سنگھ ہیں، جو نیو ڈیموکریٹک پارٹی کے خالصتان کے حامی رہنما اور وزیراعظم ٹروڈو کے گورننگ اتحاد میں جونیئر پارٹنر ہیں۔

کریڈٹ: انڈیپنڈنٹ نیوز پاکستان-آئی این پی

کینیڈین وزیراعظم جسٹن ٹروڈو نے کہا ہے کہا کہ کینیڈا نے ہردیپ سنگھ نجر قتل میں بھارتی ایجنٹ کے ملوث ہونے کے شواہد بھارت کو کئی ہفتے پہلے ہی دے دیے تھے۔ نیویارک میں یوکرین کے صدر ولادی میر زیلنسکی کے ساتھ پریس کانفرنس کرتے ہوئے جسٹن ٹروڈو نے ایک بار پھر کہا کہ وہ اس معاملے پر بھارت کے ساتھ تعمیری انداز سے کام کرنا چاہتے ہیں۔ ٹروڈو نے امید ظاہر کی کہ بھارت اس معاملے پر کینیڈا سے تعلق بنائے گا تاکہ اس انتہائی سنجیدہ معاملے کی تہہ تک پہنچا جاسکے۔ انہوں نے مزید کہا کہ ہم قانون کی حکمرانی پر مبنی ملک ہیں ، ہم کینیڈا کے باشندوں کو محفوظ رکھنے اور اپنی اقدار اور بین الاقوامی قوانین پر مبنی آرڈر کو برقرار رکھنے کے لیے ضروری اقدام کرتے رہیں گے، فی الوقت ہماری توجہ بھی یہی ہے۔ غیر ملکی میڈیا کی ایک رپورٹ کے مطابق کینیڈین حکام کا کہنا ہے کہ بھارت کے ہردیپ سنگھ نجر کے قتل میں ملوث ہونے کے الزامات کینیڈا میں بھارتی سفارتکاروں کی نگرانی اور ایک اہم اتحادی ملک کی جانب سے فراہم کردہ انٹیلی جنس معلومات پر مبنی ہیں۔ امریکہ کا کہنا ہے کہ وہ کینیڈا کی سرزمین پر سکھ رہنما ہردیپ سنگھ نجر قتل کے بعد کے الزامات پر نئی دہلی اور اوٹاوا کے درمیان بڑھتے ہوئے سفارتی تنا کے درمیان بھارت اور کینیڈا کے ساتھ مسلسل رابطے میں ہے۔ بھارت ہردیپ سنگھ نجر قتل کیس میں ملوث افراد کا احتساب یقینی بنائے اور قتل کی تحقیقات میں تعاون کرے۔

قبل ازیں امریکا کے قومی سلامتی کے مشیر جیک سلیوان نے واضح کیا تھا کہ بھارت پر کینیڈا کے سنگین الزامات باعث تشویش ہیں، امریکی تشویش کے باوجود امریکا اور کینیڈا کے درمیان معاملے پر کوئی کشیدگی نہیں ہے، امریکا نے بھارت کے ساتھ یہ معاملہ اعلی ترین سطح پراٹھایا ہے، امریکا چاہتا ہے کہ تحقیقات آگے بڑھے اور قتل میں ملوث افراد انصاف کے کٹہرے میں لائے جائیں۔ علاوہ ازیں کینیڈا کے حکام اور سیاستدانوں نے بھارتی ہندوں کے خلاف کینیڈا چھوڑنے کے بیان کی بھی مذمت کی ہے۔ کینیڈا کے وزیر ڈومینک لی بلینک کا کہنا ہے کہ ہندو کینیڈین شہریوں کے خلاف نفرت انگیز بیان ہماری اقدار کے خلاف ہے، جارحیت، نفرت، ڈرانے دھمکانے یا خوف پھیلانے کی کینیڈا میں کوئی جگہ نہیں۔ اس سفارتی کشیدگی کے دوران ہی کینیڈا میں بھارت کے ویزا پروسیسنگ سینٹر نے جمعرات کو اپنی خدمات فوری طور پر غیر معینہ مدت تک کیلئے معطل کر دی تھیں۔ رواں ہفتے پیر کے روز کینیڈا نے پہلی بار بھارتی حکومت پرسکھ رہنما کے قتل میں ملوث ہونے کا الزام عائد کرتے ہوئے بھارت کے ایک اعلی سفارت کار کو ملک بدر کرنے کا حکم دیا تھا، جوابا بھارت نے بھی کینیڈا کے ایک سفارت کار کو بے دخل کر دیا تھا۔ بعدازاں کینیڈا نے بھارت میں اپنے شہریوں کے لیے ایک ایڈوائزری جاری کی تھی، اس کے رد عمل میں بھارت نے بھی سفری ایڈوائزری جاری کی، جسے کینیڈا نے پوری طرح سے مسترد کر دیا تھا۔ دنیا کے کئی ممالک پہلے ہی اس قتل کے حوالے سے تشویش کا اظہار کر چکے ہیں، جبکہ بھارت اور کینیڈا کی جانب سے بیان بازی کا سلسلہ جاری ہے۔

کریڈٹ: انڈیپنڈنٹ نیوز پاکستان-آئی این پی

روال جنرل اینڈ ڈینٹل ہسپتال لہتراڑ روڈ کی انتظامیہ نے صحت کارڈ کا اجراء کر دیا ،کارڈ سے علاقے کے غریب عوام علاج معالجہ کی سہولت سے پورا سال مفت مستفید ہوسکیں گے۔ تفصیلات کے مطابق اسلام آباد حلقہ این اے 48کے غریب عوام کو صحت عامہ کی سہولتوں کی مفت فراہمی کے لئے روال جنرل اینڈ ڈینٹل ہسپتال لہتراڑ روڈ کی انتظامیہ نے صحت کارڈ کا اجراء کیا ہے ، روال ہسپتال کے چیئرمین خاقان وحید خواجہ کے مطابق صحت کارڈ سے علاقے کے غریب عوام اوپی ڈی لیبارٹری ٹیسٹ آپریشن اور علاج معالجہ کی سہولت سے پورا سال مفت مستفید ہوسکیں گے ۔

کریڈٹ: انڈیپنڈنٹ نیوز پاکستان-آئی این پی

لاہور کے سروسز ہسپتال کی ایمرجنسی اور ڈاکٹروں کے کمروں میں بھی بارش کا پانی داخل ہونے سے سارا نظام درہم برہم ہوگیا۔ بارش کے پانی کی وجہ سے مریضوں اور تیمارداروں کو شدید مشکلات کا سامنا کرنا پڑ رہا ہے۔ دوسری جانب پنجاب کے مختلف شہروں میں ہونے والی بارش کے پیش نظر نگران وزیر اعلی پنجاب محسن نقوی نے چین سے صوبائی اور ضلعی افسران کو ہدایات دیں۔ نگران وزیر اعلی نے کہا کہ پانی کے نکاس کو یقینی بنایا جائے تاکہ عوام کو کسی قسم کی مشکلات کا سامنا نہ کرنا پڑے۔ محسن نقوی نے فون کر کے انتظامیہ اور واسا حکام کو فیلڈ میں پہنچنے کا حکم دیا ہے۔

کریڈٹ: انڈیپنڈنٹ نیوز پاکستان-آئی این پی

لاہور بار ایسوسی ایشن نے محکمہ اینٹی کرپشن کی جانب سے وکلا پر مقدمات درج کرنے کیخلاف عدالتوں کی تالہ بندی کر دی۔ اینٹی کرپشن کی جانب سے وکلا کیخلاف مقدمات درج کرنے پر احتجاج کرتے ہوئے لاہور بار ایسوسی ایشن نے سیشن کورٹ کے مرکزی دروازوں پر تالے لگا دیئے۔ پولیس،اینٹی کرپشن اور سائلین کا عدالتوں میں داخلہ بند کر دیا گیا، لاہور سیشن عدالت کے دروازوں کے باہر سائلین کا رش لگ گیا۔ سائلین کا کہنا ہے کہ ہم دور دراز علاقوں سے آئے ہیں، ہمیں عدالتوں میں داخلے کی اجازت دی جائے اور ہمارے مقدمات میں پیش ہونے دیا جائے۔ دوسری جانب لاہور بار ایسوسی ایشن نے اینٹی کرپشن کی جانب سے وکلا کے ساتھ ناانصافیوں پر اعلامیہ جاری کر دیا۔ اعلامیے کے مطابق وکلا کی جانب سے 25 ستمبر سے اینٹی کرپشن کے اہلکاروں کے احاطہ عدالتوں میں داخل ہونے پر پابندی عائد کر دی گئی۔ صدر لاہور بار کا کہنا ہے کہ کسی اینٹی کرپشن کے ملازم اور افسر کو احاطہ عدالت میں داخل نہیں ہونے دیا جائے گا، اینٹی کرپشن وکلا کے ساتھ زیادتیاں کر رہا ہے، اینٹی کرپشن کی جانب سے وکلا کے ساتھ بدتمیزی اور وکلا برادری کو ٹارگٹ کیا جا رہا ہے۔

کریڈٹ: انڈیپنڈنٹ نیوز پاکستان-آئی این پی

بجلی چوروں کے خلاف پاور ڈویژن اور انتظامیہ کی کارروائیاں تیزی سے جاری ۔ سیکرٹری پاور ڈویژن کے مطابق گزشتہ 15 روز کے دوران ملک بھر میں بجلی چوروں پر 15 ہزار 47 مقدمات درج جبکہ 2 ہزار 301 بجلی چوروں کو گرفتار کیا گیا ہے۔ حکام کا کہنا ہے کہ اب تک بجلی چوروں سے 7 ارب 88 کروڑ روپے کی ریکوری کی جا چکی ہے۔ رپورٹ کے مطابق لاہور الیکٹرک سپلائی کمپنی ( لیسکو) کی کارکردگی بہترین رہی ہے جہاں 5 ہزار 878 مقدمات درج کئے گئے جبکہ 471 گرفتاریاں اور 2 ارب روپے سے زائد رقم ریکور کی گئی۔ ملتان الیکٹرک سپلائی کمپنی نے 3 ہزار 889 مقدمات میں 689 افراد کو گرفتار کیا، ٹرائبل ایریا الیکٹرک سپلائی کمپنی نے گزشتہ 15 روز میں 8 بجلی چوروں کو گرفتار جبکہ 37 مقدمات درج کئے۔

کریڈٹ: انڈیپنڈنٹ نیوز پاکستان-آئی این پی

لندن میں مسلم لیگ(ن)کے اہم اجلاس میں پارٹی بیانیے اور منشور کیلئے کمیٹی قائم کرنے کا فیصلہ کرلیا گیا۔ تفصیلات کے مطابق نواز شریف نے تمام سی ای سی ممبران سے تجویز طلب کرلیں، 7 کے اندر اندر تحریری طور پرتجاویز نوازشریف کو دی جائیں گی۔ دیگر معاملات کے بجائے صرف معاشی اہداف کی جانب توجہ مرکوز رکھی جائے گی۔ قائد ن لیگ اور سابق وزیراعظم نوازشریف نے رہنماں کو ہدایت کی کہ ادھر ادھر کے بجائے ن لیگ صرف معاشی اہداف کی جانب توجہ مرکوز رکھے۔ دوسری جانب پارٹی رہنماوں کے تحفظات کے پیش نظر نوازشریف تمام معاملات براہ راست خود دیکھیں گے۔ دوسری جانب اس موقع پر شہباز شریف نے کہا کہ نوازشریف ن لیگ کی جانب سے وزیراعظم کے متفقہ امیدوار ہیں، نواز شریف کی سربراہی پر کسی بھی سینئر ممبر کو اعتراض نہیں ہو گا۔

کریڈٹ: انڈیپنڈنٹ نیوز پاکستان-آئی این پی

انٹرنیشنل اسٹیلز لمیٹڈ نے حال ہی میں جون 2023 کو ختم ہونے والے مالی سال کے لیے اپنی مالیاتی رپورٹ جاری کی ہے، جس میں معاشی حالات کی وجہ سے مارکیٹ کی طلب میں ہونے والی تبدیلیوں کی وجہ سے آمدنی اور منافع دونوں میں کمی واقع ہوئی ہے۔کمپنی نے مالی سال 22 میں 91.4 بلین روپے کے مقابلے میں مالی سال 23 میں 76.7 بلین روپے کی کل آمدنی کی اطلاع دی، جس میں مجموعی طور پر 16 فیصد کی کمی درج کی گئی۔ آمدنی میں اس کمی کی وجہ ملک میں موجودہ معاشی بدحالی ہے جس کی بنیادی وجہ مہنگائی کی بلند شرح اور امریکی ڈالر کے مقابلے میں کرنسی کی قدر میں کمی ہے۔آمدنی میں کمی کے نتیجے میں، کمپنی کا مجموعی منافع مالی سال 22 میں 12.38 بلین روپے سے 14.3 فیصد کم ہو کر مالی سال 23 میں 10.60 بلین روپے رہ گیا۔ اس کی وجہ کمپنی کی طرف سے فروخت کی جانے والی اشیا کی قیمت میں اضافہ ہو سکتا ہے۔ تاہم، مجموعی منافع کے مارجن میں مالی سال 22 میں 13.54 فیصد سے مالی سال 23 میں 13.82 فیصد تک معمولی اضافہ دیکھا گیا۔ اس سے ظاہر ہوتا ہے کہ کمپنی نے فروخت کردہ سامان کی قیمتوں میں سے زیادہ فیصد آمدنی کی بچت کی۔آئی ایس ایل کا آپریٹنگ منافع مالی سال 22 میں 10.47 بلین روپے سے مالی سال 23 میں 12 فیصد کم ہوکر 9.22 بلین روپے ہوگیا۔ اس سے ظاہر ہوتا ہے کہ کمپنی زیر غور مدت کے دوران اپنے آپریشنل اخراجات کا انتظام کرنے کے قابل نہیں تھی۔ٹیکس سے پہلے کا منافع مالی سال 22 میں 8 ارب روپے سے مالی سال 23 میں 35.11 فیصد کم ہوکر 5.19 بلین روپے ہوگیا۔اسی طرح، آئی ایس ایل کا خالص منافع مالی سال 23 میں 35 فیصد کم ہو کر 3.51 بلین روپے ہو گیا جو مالی سال 22 میں 5.41 بلین روپے تھا۔ یہ کمی سود کی بلند شرح اور ملکی کرنسی کی قدر میں کمی کی وجہ سے ہوئی ہے۔ فی حصص آمدنی مالی سال 22 میں 12.44 روپے سے مالی سال 23 میں 8.09 روپے تک گر گئی۔ یہ کمی فی حصص منافع میں کمی کو ظاہر کرتی ہے جس کی وجہ سے اسٹاک کم پرکشش ہے۔کمپنی کے غیر موجودہ اثاثے جون 2023 میں 1.58 فیصد کم ہو کر 20.65 ارب روپے ہو گئے جو جون 2022 میں 20.99 ارب روپے تھے۔ اسی طرح کمپنی کے موجودہ اثاثے جون 2022 میں 34.9 بلین روپے سے جون 2023 میں 37.75 فیصد کم ہو کر 21.7 بلین روپے رہ گئے۔

اس سے ظاہر ہوتا ہے کہ کمپنی کے پاس کم لیکویڈیٹی اور ورکنگ کیپیٹل جیسے کیش، اکانٹ کی وصولی اور انوینٹری تھی۔ موجودہ اور غیر موجودہ اثاثوں میں کمی کے نتیجے میں، کمپنی کے کل اثاثے جون 2023 میں 24.17 فیصد کم ہو کر 42.39 ارب روپے ہو گئے جو جون 2022 میں 55.90 ارب روپے تھے۔ کل شیئر ہولڈرز کی ایکویٹی جون 2022 میں 21.59 بلین روپے کے مقابلے میں جون 2023 میں معمولی طور پر 0.41 فیصد اضافے کے ساتھ 21.68 بلین روپے ہوگئی۔جون 2023 تک، کمپنی کی نان کرنٹ واجبات جون 2022 میں 5.09 بلین روپے کے مقابلے میں 3.3 بلین روپے رہی، جس کے نتیجے میں 35.22 فیصد کی کمی واقع ہوئی۔ اس سے ظاہر ہوتا ہے کہ کمپنی نے اپنی طویل مدتی ذمہ داریوں کو کم کر دیا ہے۔اسی طرح، کمپنی کی موجودہ ذمہ داریاں جون 2022 میں 29.21 بلین روپے سے جون 2023 میں 40.42 فیصد کم ہوکر 17.4 بلین روپے ہوگئیں۔انٹرنیشنل اسٹیلز لمیٹڈ کی کل ایکویٹی اور واجبات جون 2022 میں 55.90 بلین روپے سے جون 2023 میں 39.26 فیصد کم ہو کر 33.95 بلین ہو گئے۔ خالص فروخت میں مالی سال 18 میں 49.15 بلین روپے سے مالی سال 19 میں 57.48 بلین روپے تک اضافہ ہوا، جو ایک مثبت رجحان کی عکاسی کرتا ہے۔تاہم، یہ اوپر کا رجحان مالی سال 20 میں الٹ گیا کیونکہ کمپنی نے اپنی خالص فروخت میں 48.08 بلین روپے کی معمولی کمی دیکھی۔ خالص فروخت نے پھر سے رفتار حاصل کی اور مالی سال 21 میں 69.79 بلین روپے اور مالی سال 22 میں 91.4 بلین روپے تک پہنچ گئی، جس سے کافی نمو ظاہر ہوئی۔ مالی سال 23 کے دوران، خالص فروخت نمایاں طور پر کم ہو کر 76.75 بلین روپے رہ گئی۔سب سے زیادہ خالص منافع 7.46 بلین روپے مالی سال 21 میں دیکھا گیا اس کے بعد مالی سال 22 میں 5.4 بلین روپے اور مالی سال 18 میں 4.36 بلین روپے رہا۔سب سے کم خالص منافع 494.8 ملین روپے مالی سال 20 میں ریکارڈ کیا گیا جس کے بعد مالی سال 19 میں 2.66 بلین روپے اور مالی سال 23 میں 3.51 بلین روپے رہا۔

کریڈٹ: انڈیپنڈنٹ نیوز پاکستان-آئی این پی

جنوبی ایشیا کے سب سے بڑے قلعوں میں سے ایک قلعہ روہتاس کو عالمی سطح پر فروغ دینے کی ضرورت ہے تاکہ ثقافتی سیاحت کی صنعت کو فروغ دیا جا سکے۔عالمی ثقافتی ورثہ اور شاندار فوجی فن تعمیر ہونے کے ناطے، یہ بیرونی دنیا سے متعارف ہونے کا مستحق ہے۔ ڈائریکٹوریٹ آف آرکیالوجی اینڈ ٹورازم ڈیپارٹمنٹ، پنجاب کے ڈائریکٹر محمد حسن نے ویلتھ پاک سے بات کرتے ہوئے قلعہ روہتاس کی تاریخی اہمیت پر روشنی ڈالتے ہوئے کہا کہ یہ جنوبی ایشیا کے سب سے بڑے قلعوں میں سے ایک ہے، جس کا رقبہ تقریبا 175 ایکڑ ہے۔انہوں نے 2013 کے بعد سے قلعہ پر کئے گئے ترقی پسند تحفظ کے کاموں کے بارے میں تفصیلات بھی بتائی ۔محکمہ آثار قدیمہ اور عجائب گھر اسلام آباد کے ڈپٹی ڈائریکٹر ڈاکٹر محمود الحسن نے ویلتھ پاک کے ساتھ روہتاس قلعہ کے تاریخی پس منظر پر گفتگو کرتے ہوئے کہا کہ قلعہ روہتاس سولہویں صدی کی یادگار ہے۔ انہوں نے کہا کہ شیر شاہ سوری نے اسے اپنی سلطنت کی شمالی سرحدوں کو بیرونی اور مقامی حملہ آوروں سے بچانے کے لیے تعمیر کیا تھا۔ یہ قلعہ اس علاقے میں واقع ہے جو افغانستان اور وسطی ایشیا کو ملاتا ہے۔ چنانچہ بغاوت اور ہنگامہ آرائی سے بچنے کے لیے وہاں باقاعدہ مسلح افواج تعینات کی گئیں۔ اس قلعے کی یہی حیثیت مغلیہ دور میں بھی برقرار رہی۔ برطانوی دور میں، یہ تقریبا ترک کر دیا گیا تھا لیکن جزوی طور پر فوجی مقاصد کے لیے استعمال کیا جاتا تھا۔ تقسیم کے بعد، یہ قدیم یادگار تحفظ ایکٹ، 1975 (اب نوادرات ترمیمی ایکٹ، 2012) کے تحت محفوظ کیا گیا تھا۔محمود نے مزید بتایا کہ 1997 میں یونیسکو نے اس قلعے کو عالمی ثقافتی ورثہ کی فہرست میں شامل کیا تھا۔ انہوں نے مزید کہا کہ اس کے بعد اس کا تحفظ شروع ہوا، حالانکہ یونیسکو کی طرف سے کچھ رہنما اصولوں کے علاوہ کوئی مالی امداد نہیں دی گئی۔

انہوں نے کہا کہ 18ویں آئینی ترمیم کے تحت روہتاس قلعہ پنجاب حکومت کے محکمہ سیاحت، آثار قدیمہ اور میوزیم کی ذمہ داری بن گیا ہے۔ انہوں نے کہا کہ بہتر مواصلاتی ڈھانچے کی وجہ سے قلعہ تک رسائی اب آسان ہے۔ انہوں نے کہا کہ قلعہ میں کنزرویشن انجینئرز کے لیے ایک دفتر اور ایک چھوٹا میوزیم تھا، جہاں مغل دور کی کچھ تلواریں اور چند دیگر نمونے رکھے گئے تھے۔محمود نے کہا کہ روہتاس گاوں کے باشندے ان محافظوں کی اولاد تھے، جنہیں مغل دور میں تعینات کیا گیا تھا۔ انہوں نے کہا کہ وقت گزرنے کے ساتھ ساتھ، اگرچہ گاوں کی آبادی میں اضافہ ہوا ہے، لیکن لوگوں کو اس کی شان و شوکت کو برقرار رکھنے کے لیے قلعہ سے کافی فاصلے پر رکھا گیا ہے۔محمود نے کہا کہ ثقافتی ورثے کے مقامات کو فروغ دینے کی چینی مثالوں کی پیروی کی جا سکتی ہے تاکہ اس سائٹ کو غیر ملکیوں سمیت سیاحوں کی توجہ کا مرکز بنایا جا سکے۔ویلتھ پاک سے بات کرتے ہوئے، ٹورازم ڈویلپمنٹ کارپوریشن پنجاب کے مینیجر نوید انجم نے کہا کہ قلعہ روہتاس مقامی اور غیر ملکی سیاحوں میں ایک مقبول سیاحتی مقام ہے۔ زیادہ تر سیاحوں کی آمد ویک اینڈ پر ہوتی ہے، لیکن غیر ملکی سیاح بھی ہفتے کے دنوں میں اس کا دورہ کرتے ہیں۔"انہوں نے بتایا کہ محکمہ صوبے کے محکمہ آثار قدیمہ اور سیاحت کے ساتھ مل کر اس ورثے کے اثاثے کو فروغ دے رہا ہے۔ انہوں نے یہ بھی کہا کہ محکمہ آثار قدیمہ کے گائیڈز ہمیشہ موجود رہتے ہیں تاکہ اس تاریخی مقام کی تفصیلات سیاحوںکے ساتھ شیئر کریں۔ تاہم، انہوں نے کہا کہ گائیڈز کو بھی اس جگہ کے تاریخی پس منظر کو فروغ دینے کے لیے تربیت دی جانی چاہیے۔

کریڈٹ: انڈیپنڈنٹ نیوز پاکستان-آئی این پی

پاکستان میں زنکائٹ کے وسیع ذخائر ہیں۔یہ ایک بے رنگ یا زرد نارنجی ٹوٹنے والا نیم قیمتی معدنیات ہے جو پنجاب اور جنوب مغربی صوبہ بلوچستان کے سالٹ رینج میں بکھرا ہوا ہے ۔ملک مختلف صنعتی مقاصد کے لیے زنک آکسائیڈ درآمد کرتا ہے ۔ زنکائٹ کم پیمانے پر تیار کیا جاتا ہے جو مقامی صنعتی ضروریات کو پورا کرنے کے لیے کافی نہیں ہے۔ درآمدات محنت سے حاصل ہونے والے زرمبادلہ میں کمی کا باعث بنتی ہیں۔اسلام آباد میں قائم گلوبل مائننگ کمپنی کے پرنسپل جیولوجسٹ محمد یعقوب شاہ نے ویلتھ پاک سے گفتگو کرتے ہوئے کہا کہ زنک آکسائیڈ ایک نایاب معدنیات ہے جسے قیمتی پتھر کے طور پر بھی استعمال کیا جاتا ہے۔عام طور پر، یہ شیل، ڈولومائٹ اور چونا پتھر سمیت تلچھٹ پتھر کی تشکیل میں پایا جاتا ہے۔ زنکائٹ قدرتی طور پر کم مقدار میں زنک ایسک کے ذخائر سے وابستہ ثانوی معدنیات کے طور پر بنتا ہے۔پاکستان میں زنک کے سب سے اہم ذخائر مختلف مقامات پر پائے جاتے ہیں، جن میں پنجاب کے سالٹ رینج اور بلوچستان کے خضدار اور کوہ دلیل کے علاقے شامل ہیں۔ یعقوب نے کہا کہ اس کی موجودگی بنیادی زنک معدنیات، جیسے اسفالرائٹ کی تبدیلی اور موسمی اثرات کا نتیجہ ہے۔انہوں نے کہازنکائٹ کے نینو ذرات کو مختلف سائنسی صنعتی ایپلی کیشنز میں استعمال کیا جاتا ہے، جیسا کہ بائیو میڈیکل ایپلی کیشنز اینٹی فنگل اور بائیو کمپیٹیبل ہیں۔ یہ بہت سے علاج اور علاج کے لیے بھی استعمال ہوتا ہے۔ یہ ذیابیطس، اینٹی کینسر، اینٹی مائکروبیل، اینٹی فنگل کے لیے سوزش ہے اور جلد کو نقصان دہ الٹرا وائلٹ شعاعوں سے بچانے کے لیے بائیو امیجنگ اور سن اسکرین میں بھی استعمال ہوتا ہے۔

زنکائٹ ایک اعلی منتقلی دھات ہے جو بہت سے شعبوں میں لاگو ہوتی ہے جن میں کیمیکل سینسرز، سیرامکس، پیزو الیکٹرک ٹرانسڈیوسرز، اینٹی یووی ایڈیٹیو، فوٹوکاٹیلیسٹ، زراعت، فوٹو الیکٹرک فیلڈزشامل ہیں ۔زنک آکسائیڈ ایک غیر فعال سفید مرکب ہے جو بہت سے تجارتی مقاصد کے لیے بڑے پیمانے پر استعمال ہوتا ہے، جیسے فلر یا بلکنگ ایجنٹ، سفید روغن، ربڑ، آئرن اسٹون، شیشے کی صنعت ہے۔ زنک آکسائیڈ کی عالمی منڈی میں 2021 میں 4.92 بلین امریکی ڈالر سے 2030 تک 5.2 فیصد کی کمپاونڈ سالانہ شرح نمو کی توقع ہے۔پاکستان میں زنک کے کافی ذخائر ہیں۔ کان کنی کے علاوہ زنک ایسک کی مقامی پروسیسنگ اور ویلیو ایڈیشن بہت اہم ہے اور سرکاری اور نجی کان کنی کمپنیوں دونوں کو اس پر غور کرنا چاہیے۔ زنک ایسک کی ریفائننگ اور پروسیسنگ کے بعد، اس کے انگوٹ، زنک آکسائیڈاور دیگر زنک پر مبنی بہت سی مصنوعات تیار کی جا سکتی ہیں۔کان کنی کی صنعت کو مضبوط بنانے کے لیے جواہرات اور دیگر صنعتی اجزا دونوں کو پروسیس کرنے کے لیے اس قیمتی دھات کو استعمال کرنے کی مناسب پالیسی بہت ضروری ہے۔ زنک سے متعلق مناسب کان کنی یونٹس کے قیام سے نہ صرف کام کے نئے مواقع کھلیں گے بلکہ کان کنی کے کاروبار سے وابستہ کمیونٹیز بھی پائیدار روزی کمائیں گی۔

کریڈٹ: انڈیپنڈنٹ نیوز پاکستان-آئی این پی

انٹرنیشنل انڈسٹریز لمیٹڈ کی آمدنی مالی سال 2022-23 میں 26.78 بلین روپے تک گر گئی جو مالی سال 22 میں 37.8 بلین روپے تھی، جس میں 29.2 فیصد کی کمی درج کی گئی۔ اس کمی سے پتہ چلتا ہے کہ ملک میں صارفین کی مانگ میں تبدیلی، مارکیٹ کے حالات اور معاشی بدحالی کی وجہ سے کمپنی کو آمدنی پیدا کرنے میں چیلنجز کا سامنا کرنا پڑا۔اسی طرح، مجموعی منافع مالی سال 22 میں 4.66 بلین روپے سے مالی سال 23 میں 26.71 فیصد کم ہو کر 3.42 بلین روپے رہ گیا۔ تاہم، کمپنی کے مجموعی منافع کا تناسب مالی سال 22 میں 12.33 فیصد سے مالی سال 23 میں معمولی طور پر بڑھ کر 12.77 فیصد ہو گیا۔کمپنی کا آپریٹنگ منافع بھی مالی سال 22 میں 1.70 بلین روپے سے مالی سال 23 میں 5.20 فیصد کم ہوکر 1.61 بلین روپے رہ گیا۔ٹیکس سے پہلے کا منافع بھی مالی سال 22 میں 3.6 بلین روپے سے مالی سال 23 میں 2.88 بلین روپے تک گر گیا، جو کہ 21.16 فیصد کی نمایاں کمی کو ظاہر کرتا ہے۔ زیر غور مدت کے دوران کمپنی کو مجموعی منافع اور آپریشنل سطح دونوں میں چیلنجوں کا سامنا کرنا پڑا۔دوسری جانب، کمپنی کا منافع مالی سال 22 میں 2.15 بلین روپے سے مالی سال 23 میں 2.27 بلین روپے تک 5.4 فیصد معمولی اضافہ ہوا۔ کمپنی کی فی حصص آمدنی مالی سال 22 میں 16.35 روپے سے مالی سال 23 میں 17.23 روپے تک بڑھ گئی ۔کمپنی کے غیر موجودہ اثاثے مالی سال 22 میں 13.33 ارب روپے سے مالی سال 23 میں 0.37 فیصد سے کم ہوکر 13.31 بلین روپے رہ گئے۔

موجودہ اثاثے مالی سال 22 میں 22.9 بلین روپے سے مالی سال 23 میں 20.64 بلین روپے تک 9.98 فیصد کم ہو گئے۔ اس سے ظاہر ہوتا ہے کہ کمپنی نے اپنے موجودہ اثاثوں جیسے نقد، کھاتوں کی وصولی اور انوینٹری کو کم کیا۔موجودہ اور غیر موجودہ اثاثوں میں کمی کے نتیجے میں کل اثاثوں میں 6.44 فیصد کی کمی واقع ہوئی کیونکہ کمپنی کے کل اثاثے مالی سال 22 میں 36.29 بلین روپے سے مالی سال 23 میں کم ہو کر 33.95 بلین روپے رہ گئے۔مالی سال 23 کے دوران، کمپنی کے کل شیئر ہولڈرز کی ایکویٹی مالی سال 22 میں 14.59 بلین روپے سے 4.49 فیصد بڑھ کر 15.24 بلین ہو گئی۔ یہ اضافہ اس مدت کے دوران کمپنی کی اپنی ایکویٹی بیس کو بڑھانے کی صلاحیت کو ظاہر کرتا ہے۔مالی سال 22 میں 1.86 بلین روپے کے مقابلے مالی سال 23 میں نان کرنٹ واجبات 4.28 بلین روپے رہی جو کہ 129.65 فیصد کی نمو کو ظاہر کرتی ہے۔ اس سے ظاہر ہوتا ہے کہ کمپنی نے اپنے طویل مدتی منصوبوں یا بنیادی آپریشنل اخراجات کی مالی اعانت کے لیے مزید طویل مدتی ذمہ داریاں لی ہیں۔کمپنی کی موجودہ واجبات مالی سال 22 میں 19.83 بلین روپے سے مالی سال 23 میں نمایاں طور پر 27.30 فیصد کم ہوکر 14.42 بلین روپے ہوگئیں۔ فرم کی کل ایکویٹی اور واجبات مالی سال 22 میں 36.29 بلین روپے سے مالی سال 23 میں 6.44 فیصد کم ہوکر 33.95 بلین روپے رہ گئے۔

کریڈٹ: انڈیپنڈنٹ نیوز پاکستان-آئی این پی

پاکستان نے 23 ستمبر سے 8 اکتوبر تک ہانگچو میں ہونے والے ایشین گیمز کے لئے چار بیڈمنٹن کھلاڑیوں کو چین بھیج دیا ہے۔ خواتین کے زمرے میں ماہور شہزاد اور غزالہ صدیقی پاکستان کی نمائندگی کریں گی۔ دریں اثنا عرفان سعید اور مراد علی کو مردوں کی کیٹیگری میں منتخب کیا گیا ہے۔ غزالہ صدیقی نے گوادر پرو کو انٹرویو دیتے ہوئے کہا کہ مجھے چین میں 2023 کے ایشین گیمز میں شرکت پر فخر ہے۔میں نے اسکول کے میچوں کے دوران ایک شوق کے طور پر بیڈمنٹن کھیلنا شروع کیا، اور پھر یونیورسٹی میں اپنے وقت کے دوران مجھے اس کا شوق پیدا ہوا۔ میں اب انڈر 16 اور انڈر 19 چیمپیئن ہوں۔ میں ساتھ ایشین گیمز میں کھیل چکا ہوں جہاں میں نے کانسی کا تمغہ جیتا ۔ میں نے 2018 میں ایشین گیمز میں بھی حصہ لیا ہے اور حال ہی میں کامن ویلتھ گیمز میں حصہ لینے کے لئے انگلینڈ گیا ہوں۔ گوادر پرو کے مطابق ہر دن، ہمارے پاس دو تربیتی سیشن ہوتے ہیں، جو شام کو ڈھائی گھنٹے اور صبح میں ڈیڑھ سے دو گھنٹے تک چلتے ہیں۔ غزالہ نے کہا، "اگرچہ ہمارے پاس تربیت، کیمپ کی سہولیات، ہال، شٹلز اور ریکٹس کی کمی ہوسکتی ہے، پھر بھی ہم مکمل تیاری کرتے ہیں اور اپنی بہترین کارکردگی پیش کرتے ہیں۔ عرفان سعید نے 10 سال کی عمر میں بیڈمنٹن کھیلنا شروع کیا تھا۔ "میرے چچا کھیلتے تھے اور وہ دبئی میں ایک تجربہ کار چیمپیئن تھے۔ اس نے مجھے بیڈمنٹن شروع کرنے پر مجبور کیا۔

اب میں اس وقت پاکستان کا قومی چیمپیئن ہوں۔ اس کے بعد میں نے انڈر 19 کی سطح سے بین الاقوامی سطح پر شروعات کی، "عرفان نے گوادر پرو کو چین میں ہونے والے ایشین گیمز کے بارے میں بات کرتے ہوئے عرفان نے کہا کہ ان کا شرکت کرنا سنسنی خیز ہے۔ میں تیسری بار ایشین گیمز کھیل رہا ہوں۔ میں نے اسے 2014 میں، پھر 2018 میں انڈونیشیا میں اور اب 2023 میں چین میں کھیلا۔ میں نے 2018 میں چینی کھلاڑی چن لونگ کے ساتھ کھیلا تھا، جو 2016 میں اولمپک چیمپیئن تھے۔ عرفان نے کہا کہ میں ہانگژو میں بہتر کارکردگی کا مظاہرہ کرنے کے لئے بہت پرجوش ہوں۔ گوادر پرو کے مطابق پاکستانی بیڈمنٹن ٹیم کی کوچ کی حیثیت سے زرینہ وقار نے نیشنل چیمپیئن اور ورلڈ اسلامک کنٹریز چیمپیئن کا اعزاز حاصل کیا ہے۔ سینئر کوچ نے کہا کہ میں نے ایشین گیمز میں حصہ نہیں لیا لیکن میں نے انگلینڈ اور سوئٹزرلینڈ میں ورلڈ چیمپیئن شپ کھیلی ہے جبکہ میں ورلڈ اسلامک کنٹریز کا چیمپیئن بھی رہ چکا ہوں جس میں میرے تین طلائی تمغے ہیں۔ گوادر پرو کے مطابق انہوں نے کہا کہ ہمارے پاس جو کھلاڑی ہیں وہ پاکستان میں ہمارے چار بہترین کھلاڑی ہیں اور مجھے امید ہے کہ وہ چین میں اپنا بہترین کھیل کھیلیں گے۔ وقار نے گوادر پرو کو بتایا کہ وہ سارا سال ٹریننگ کرتے رہے ہیں لیکن جب سے انہیں پتہ چلا ہے کہ ہمیں ایشین گیمز کے لیے منتخب کیا گیا ہے، وہ سخت ٹریننگ کر رہے ہیں۔

کریڈٹ: انڈیپنڈنٹ نیوز پاکستان-آئی این پی

چین کے شہر ہانگچو میں جاری 19ویں ایشین گیمز، پاکستان نے مینز بیڈمنٹن گروپ ڈی کے ابتدائی میچز میں منگولیا اور چائنیز تائی پے کو 3-0کے اسکور سے شکست دے دی۔ گوادر پرو کے مطابق پاکستان نے 23 ستمبر سے 8 اکتوبر تک ہانگچو میں ہونے والے ایشین گیمز کے لیے چار بیڈمنٹن کھلاڑیوں کو چین بھیجا ہے۔ خواتین کے زمرے میں ماہور شہزاد اور غزالہ صدیقی پاکستان کی نمائندگی کریں گی۔ دریں اثنا عرفان سعید اور مراد علی کو مردوں کی کیٹیگری میں منتخب کیا گیا ہے۔ اب، وہ کھلاڑی اپنی کھیل کی مہارت کو نکھارنے کے لئے تربیت حاصل کر رہے ہیں.

کریڈٹ: انڈیپنڈنٹ نیوز پاکستان-آئی این پی

چین کے شہر ہانگچو میں 19ویں ایشین گیمز جاری اور پاکستانی ہاکی ٹیم ایونٹ میں اپنی بہترین کارکردگی کا مظاہرہ کرنے کے لیے حتمی تیاریاں کر رہی ہے۔ پاکستان ہاکی ٹیم کے ہیڈ کوچ شہناز شیخ نے چائنا اکنامک نیٹ سے بات کرتے ہوئے کہا ایک بالکل نئی ٹیم ہے، نوجوان لیکن مسابقتی۔ انہوں نے ٹیم اور ان کی صلاحیتوں پر اعتماد کا اظہار کرتے ہوئے کہا کہ اگرچہ وہ جانتے ہیں کہ چین میں میڈل جیتنا آسان نہیں ہوگا لیکن وہ عزت کے لیے لڑ رہے ہیں۔ چائنا اکنامک نیٹ کے مطابق پاکستان ہاکی ٹیم کے کپتان عمر بھٹہ نے ہانگچو میں اچھا نتیجہ حاصل کرنے کی خواہش کا اظہار کیا ہے۔ انہوں نے کہا کہ 2010 کے ایشین گیمز چین میں منعقد ہوئے تھے جس میں پاکستان نے ہاکی میں گولڈ میڈل جیتا تھا، ہمیں امید ہے کہ ٹیم اس سال کے کھیل میں میڈلز جیتنے میں کامیاب ہوگی اور ملک کا نام روشن کرے گی۔ چائنا اکنامک نیٹ کے مطابق ٹیم نے میگا ایونٹس کے انعقاد میں چین کی عمدہ کارکردگی کے بارے میں بھی بات کی اور کہا کہ ایشین گیمز کے پچھلے دو ایڈیشن ، 1990 میں بیجنگ میں اور 2010 میں گوانگچو میں ، زبردست کامیابی حاصل کی ہے۔ شیڈول کے مطابق پاکستانی ہاکی ٹیم کو گروپ اے میں سخت حریف بھارت، جاپان، بنگلہ دیش، سنگاپور اور ازبکستان کے ساتھ رکھا گیا ہے۔ چائنا اکنامک نیٹ کے مطابق پاکستان اور بھارت کے درمیان ہاکی سیریز کا پہلا میچ 30 ستمبر کو کھیلا جائے گا۔ ہندوستانی مردوں کی ہاکی ٹیم دو بار ایشین گیمز کی چیمپیئن ہے جبکہ پاکستان نے ریکارڈ آٹھ مرتبہ اس براعظم میں سونے کا تمغہ جیتا ہے۔ پاکستان اسپورٹس بورڈ کے مطابق 23 ستمبر سے شروع ہونے والے 19 ویں ایشین گیمز میں 250 سے زائد پاکستانی ایتھلیٹس حصہ لیں گے۔ یہ ایڈیشن اب تک کا سب سے بڑا ایڈیشن ہوگا، جس میں 45 ممالک اور خطوں کے تقریبا 12500 ایتھلیٹس 40 کھیلوں، 61 کھیلوں اور 481 مقابلوں میں حصہ لیں گے۔

کریڈٹ: انڈیپنڈنٹ نیوز پاکستان-آئی این پی

قومی ٹیم کے فاسٹ بولر شاہین آفریدی اور شاہد آفریدی کی صاحبزادی انشا کی شادی کی تقریب حال ہی میں کراچی میں ہوئی جب کہ دونوں کا ولیمہ 21 ستمبر کو اسلام آباد میں ہوا۔ شادی میں معروف کرکٹرز سمیت شوبز اور سیاسی شخصیات نے شرکت کی، اب شاہین نے شادی اور ولیمے سے فارغ ہوکر سوشل میڈیا پر پہلا پیغام جاری کیا۔ فاسٹ بولر نے سسر شاہد آفریدی کے ہمراہ شادی اور اہلیہ انشا کے ساتھ ولیمے کی تصویر شیئر کی۔ شاہین اور انشا کی تصویر میں دونوں کا چہرہ نظر نہیں آرہا بلکہ ان کے ہاتھ ایک دوسرے کے ہاتھوں میں دکھائی دے رہے ہیں۔ ان خوبصورت تصاویر کے ساتھ شاہین آفریدی نے پیغام بھی لکھا اور شادی پرآنے والے مہمانوں کا شکریہ ادا کیا۔ شاہین نے کہا آپ سب کی نیک خواہشات و تمناں کا شکریہ، یہ کسی خاص انسان کے ساتھ پیار محبت اور خوشیوں کی شروعات ہے۔ دوسری جانب انسٹاگرام پر شاہین اور انشا کے ولیمے کی تصاویر لینے والی فوٹوگرافر نے بھی ان کی ایک تصویر شیئر کی جس میں شاہین کا چہرہ دکھائی دے رہا ہے لیکن انشا کا محض ہاتھ ہی ہے۔

کریڈٹ: انڈیپنڈنٹ نیوز پاکستان-آئی این پی

نسیم شاہ کے کندھے کی سرجری ہوگی جب کہ انھیں فٹنس کی بحالی کیلیے 4ماہ درکار ہیں۔ ایشیاکپ میں بھارت سے میچ میں آخری اوور ادھورا چھوڑ کر میدان سے باہر جانے والے پیسر نسیم شاہ کا دبئی میں اسکین ہوا تھا، پی سی بی کے مطابق مکمل طبی معائنے اور قابل ذکر ماہرین سے صلاح مشورے کے بعد نسیم شاہ کو کندھے کی سرجری کرانے کا کہا گیا ہے جب کہ انہیں مکمل طور پر صحتیاب ہونے میں 4ماہ لگیں گے۔ یاد رہے کہ انجرڈ پیسر کی جگہ حسن علی کو ورلڈکپ اسکواڈ میں شامل کیا گیا ہے۔

کریڈٹ: انڈیپنڈنٹ نیوز پاکستان-آئی این پی

انضمام الحق اور بابر اعظم نے ٹیم میں تبدیلیوں کے حوالے سے کرکٹ کمیٹی کی تجاویز نظرانداز کر دیں۔ پی سی بی مینجمنٹ کمیٹی کے سربراہ ذکا اشرف نے ایک نجی ٹی وی کو انٹرویو میں کہا کہ ہم نے ایشیا کپ کی کارکردگی کا جائزہ کیا، کرکٹ کمیٹی کے 2 سابق کپتانوں محمد حفیظ اور مصباح الحق نے ٹیم کیلیے ورلڈ کپ سے متعلق اپنے تجربے کی بنیاد پر مفید مشورے دیے۔ انہوں نے کہا کہ ناکام ہونے والے کھلاڑیوں کی جگہ دیگر کو شامل کرنے کی تجاویز سامنے آئیں تھیں جو مناسب بھی لگیں، البتہ کپتان بابر اعظم اور چیف سلیکٹر انضمام الحق کا موقف تھا کہ زیادہ تبدیلیوں سے ٹیم کا کمبی نیشن متاثر ہوگا، ڈائریکٹر کرکٹ مکی آر تھر بھی ان کے ہم خیال تھے، ہم نے کپتان اور چیف سلیکٹر کی خواہش کا احترام کیا۔ یاد رہے کہ اس میٹنگ کے بعد حفیظ نے کرکٹ کمیٹی چھوڑ دی تھی۔

کریڈٹ: انڈیپنڈنٹ نیوز پاکستان-آئی این پی

قومی کرکٹر شاہین آفریدی کی شادی اور ولیمے کی تقریب سے جہاں معروف کرکٹرز کی گپ شپ کی ویڈیو وائرل ہورہی ہیں وہیں کرکٹر حسن علی کی بھی ویڈیو سوشل میڈیا پر وائرل ہے۔ یہ ویڈیو شاہین آفریدی کے ولیمے کی ہے جس میں حسن علی دیگر قومی کرکٹرز کے ساتھ تقریب میں ہلہ گلہ کررہے ہیں، اس دوران قومی کرکٹر افتخار احمد لوگوں سے گلے مل رہے ہیں، ایسے میں فورا ہی حسن علی نے دیکھا کہ افتخار ان سے گلے نہیں ملے تو انہوں نے افتخار احمد کا بازو پکڑ کر کہا میرا نام بھی ورلڈ کپ میں آرہا ہے۔ حسن علی کے جملے پر قریب کھڑے لوگ ہنس پڑے اور افتخار احمد نے گلے ملتے ہوئے معذرت کی اور کہا کہ میں نے آپ کو دیکھا نہیں تھا۔ واضح رہے کہ پاکستان کرکٹ ٹیم کے چیف سلیکٹر انضمام الحق نے گزشتہ روز آئندہ ماہ سے بھارت میں شروع ہونے والے ورلڈکپ کے لیے قومی ٹیم کا اعلان کردیا جس میں نسیم شاہ کی جگہ حسن علی کو اسکواڈ میں شامل کیا گیا ہے۔

کریڈٹ: انڈیپنڈنٹ نیوز پاکستان-آئی این پی

پاکستان ٹین پن بالنگ فیڈریشن کے زیراہتمام اور سندھ ٹین پن بالنگ ایسوسی ایشن کے تعاون سے پاکستان اوپن ٹین پن بالنگ چیمپئن شپ 24 اکتوبر سے کراچی میں شروع ہو گی۔ پاکستان ٹین پن بالنگ فیڈریشن کے صدر اعجاز الرحمن اور سندھ ٹین پن بالنگ کے صدر علیم آغا نے گزشتہ روز اپنے مشترکہ بیان میں کہا کہ ایونٹ کی تیاریاں زور و شور سے جاری ہیں اور چیمپئن شپ میں ملک بھر سے مرد اور خواتین کھلاڑی حصہ لیں گے۔ ایونٹ میں آٹھ کیٹگریز کے مقابلے رکھے گئے ہیں جن میں اوپن سنگلز، ایمچور، لیڈیز، انڈر 22، سینئر، میڈیا، ڈبلز اور مکس ٹیم شامل ہیں۔ ان کاکہنا تھا کہ چیمپئن شپ میں شرکت کی خواہش رکھنے والے کھلاڑی اپنے ناموں کی رجسٹریشن 10 اکتوبر سے 20 اکتوبر تک کروا سکتے ہیں۔ چیمپئن شپ 29 اکتوبر تک جاری رہے گی اور چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔

کریڈٹ: انڈیپنڈنٹ نیوز پاکستان-آئی این پی

چیف سلیکٹر انضمام الحق نے کہا ہے کہ عامر ریٹائرمنٹ واپس لے کرفرسٹ کلاس میچز کھیلیں، پرفارم کریں۔ چیف سلیکٹر انضمام الحق کا کہنا ہے کہ محمد عامر سمیت کسی بھی کھلاڑی کرکٹ کے دروازے بند نہیں ہوئے، عامر ایک بہت اچھے بولر رہے ہیں، انھوں نے ریٹائرمنٹ لے لی تھی، اگر وہ پاکستان کیلیے کھیلنا چاہتے ہیں تو ان سمیت تمام کھلاڑیوں کیلیے پی سی بی کے دروازے کھلے ہیں،وہ فرسٹ کلاس میچز کھیلیں اور پرفارم کریں، ان کے بارے میں ضرور سوچا جائے گا۔ انہوں نے کہا کہ پاکستان کرکٹ بورڈ اور سلیکشن کمیٹی کبھی کسی کیلیے دروازے بند نہیں کرتی، سرفراز احمد، شان مسعود اور عماد وسیم بھی اپنی پرفارمنس کی بنیاد پر قومی ٹیم میں واپس آسکتے ہیں۔ انضمام الحق نے کہا کہ یہ ہر کھلاڑی کا اپنا فیصلہ ہوتا ہے کہ اسے پاکستان کیلیے کھیلنا ہے یا نہیں، کوئی اگر کوئی وائٹ یا ریڈ بال کرکٹ کھیلنا چاہیے تو یہ اس کی صوابدید ہے، ہم سلیکشن کرتے ہوئے دیکھیں گے کہ اگر کسی کھلاڑی کی ضرورت ہے تو اس فارمیٹ میں اس کی کارکردگی کیسی ہے۔

کریڈٹ: انڈیپنڈنٹ نیوز پاکستان-آئی این پی

نیو ٹاون پولیس نے کارروائی کرتے ہوئے جعلی پارکنگ رسیدیں بنا کر شہریوں سے بھتہ لینے والے 5 ملزمان کو گرفتار کرلیا۔ ترجمان پولیس کے مطابق ملزمان میں راجہ طاہر، نقاش، فہیم، کامران اور منصور شامل ہیں، جن سے جعلی رسیدیں بھی برآمد ہوئیں۔ ملزمان نے موٹر سائیکل پارکنگ کی زائد فیس وصولی کے لئے جعلی رسیدیں تیار کر رکھی تھیں۔ وہ کمرشل مارکیٹ میں موٹر سائیکل پارکنگ فیس 10 کی بجائے 20 روپے وصول کر رہے تھے۔نیوٹاون پولیس نے فوری کارروائی کرتے ہوئے شہریوں کو لوٹنے والے 05 افراد کو گرفتار کیا۔ پولیس نے بتایا کہ ملزمان کے خلاف مقدمہ درج کر کے تفتیش کی جا رہی ہے۔

کریڈٹ: انڈیپنڈنٹ نیوز پاکستان-آئی این پی

ملک سے سیمنٹ کی برآمدات میں جاری مالی سال کے پہلے 2 ماہ میں سالانہ بنیاد پر 130.24 فیصد نمو ریکارڈ کی گئی ۔ پاکستان بیورو برائے شماریات کے مطابق جولائی اور اگست میں سیمنٹ کی برآمدات کاحجم 39.641 ملین ڈالر ریکارڈ کیا گیا جو گزشتہ مالی سال کی اسی مدت میں 17.21 ملین ڈالر تھا۔ مقداری لحاظ سے سیمنٹ کی برآمدات میں مالی سال کے پہلے 2 ماہ میں سالانہ بنیاد پر 198فیصد کی نمو ریکارڈ کی گئی۔ رپورٹ کے مطابق جولائی اور اگست میں سیمنٹ کی برآمدات کا حجم 981395 میٹرک ٹن ریکارڈکیاگیا جو گزشتہ مالی سال کی اسی مدت میں 329157 میٹرک ٹن تھا۔ اعداد وشمار کے مطابق اگست میں سیمنٹ کی برآمدات میں ماہانہ بنیاد پر 102.74 فیصد نمو ہوئی۔ اگست میں سیمنٹ کی برآمدات کا حجم 23.49 ملین ڈالر ریکارڈ کیا گیا جو گزشتہ سال اگست میں 11.58 ملین ڈالر تھا۔

کریڈٹ: انڈیپنڈنٹ نیوز پاکستان-آئی این پی

محکمہ انسداد دہشت گردی اور حساس اداروں کے مشترکا کارروائی کے دوران اسلام آباد اور لاہور سمیت پنجاب کے مختلف شہروں سے 15 دہشتگردوں کو گرفتار کرلیا گیا۔ ترجمان سی ٹی ڈی کے مطابق لاہور سمیت پنجاب کے مختلف شہروں میں انٹیلی جنس بیسڈ کارروائیاں کرتے ہوئے کالعدم تنظیموں کے 13 دہشتگردوں کو گرفتار کرلیا۔ ترجمان کے مطابق لاہور میں کارروائی کے دوران ٹی ٹی پی کے2 ،داعش کا ایک اہم کمانڈر پکڑے گئے جبکہ اٹک سے کالعدم ٹی ٹی پی کے 5 دہشتگرد گرفتار کیے گئے۔ حکام کا کہنا ہے کہ راولپنڈی، بہاولپور اور جہلم سے بھی کالعدم تنظیم کے کارندے گرفتار ہوئے۔ ترجمان کا کہنا ہے کہ دہشتگردو ںس ے دھماکا خیز مواد اور خودکش جیکٹس بنانے کا سامان برآمد کرلیا گیا، دہشت گردوں کے خلاف مقدمات درج کرکے تفتیش شروع کردی گئی۔ دوسری جانب اسلام آباد میں کھنہ پل کے قریب سی ٹی ڈی نے کارروائی کرتے ہوئے دو دہشت گردوں کو گرفتارکرلیا، گرفتار دہشت گردوں کو تفتیش کے لئے تھانے منتقل کردیا گیا۔

کریڈٹ: انڈیپنڈنٹ نیوز پاکستان-آئی این پی

ملکی اور بین الاقوامی مارکیٹ میں سونے کی فی تولہ اور 10 گرام کی قیمتوں میں اضافہ ہوگیا۔ بین الاقوامی بلین مارکیٹ میں ٹریڈنگ کے دوران فی اونس سونے کی قیمت معمولی اضافے کے بعد 1925 ڈالر کی سطح پر پہنچ گئی جبکہ عالمی مارکیٹ کے زیر اثر مقامی مارکیٹ میں بھی قیمتوں میں اضافہ دیکھا گیا۔ میڈیا رپورٹ کے مطابق مقامی صرافہ مارکیٹوں میں فی تولہ اور فی دس گرام سونے کی قیمتوں میں باالترتیب 800 روپے اور 500روپے کا اضافہ ہوگیا۔ اضافے کے نتیجے میں کراچی، حیدرآباد، سکھر، ملتان، لاہور، فیصل آباد، راولپنڈی اور پشاور میں فی تولہ سونے کی قیمت بڑھ کر 215800 روپے اور فی دس گرام سونے کی قیمت بڑھ کر 185000روپے کی سطح پر آگئی۔ یہ بات قابل ذکر ہے کہ سونے کے باضابطہ نرخ کی غیر موجودگی میں جیولری کی دکانوں پر صارفین ابہام کا شکار ہیں۔سونے کی قیمتیں روزانہ کی بنیاد پر آل پاکستان جیمز اینڈ جیولرز ایسوسی ایشن کی جانب سے جاری کی جاتی ہیں تاہم قانون نافذ کرنے والے اداروں کی جانب سے مبینہ طور پر سٹہ بازی اور اسمگلنگ کے خلاف کریک ڈان کے بعد سے ایسوسی ایشن، گزشتہ ہفتے بدھ سے سونے کی یومیہ قیمتیں جاری نہیں کر رہی۔

کریڈٹ: انڈیپنڈنٹ نیوز پاکستان-آئی این پی

خیبر پختونخوا کے ضلع لکی مروت میں فلائنگ کوچ پر ڈاکوں کی فائرنگ سے ایک شخص جاں بحق ہوگیا۔ ڈاکوں نے قبول خیل کے علاقے کے قریب مسافر گاڑی کو لوٹنے کی کوشش کی اور کوچ کے نہ روکنے پر اس پر فائرنگ کردی۔ پولیس نے بتایا کہ فائرنگ سے دو افراد زخمی ہوئے، جن میں سے ایک زخمی اسپتال منتقل کرتے ہوئے راستے میں ہی دم توڑ گیا۔گاڑی میں کوئلے کی کان میں کام کرنے والے مزدور سوار تھے جو مزدوری کے بعد گھروں کو واپس آرہے تھے۔ اہل علاقہ نے ڈاکوں کا پیچھا کیا تاہم وہ رات کی تاریکی کا فائدہ اٹھاتے ہوئے فرار ہو گئے۔ ڈاکوں کی چھوڑی گئی دو موٹرسائیکلیں عوام کے ہاتھ لگ گئیں۔ اہل علاقہ نے قبول خیل گاں کو گھیرے میں لے رکھا ہے کیونکہ انہیں شک ہے کہ ڈاکو قبول خیل میں چھپے ہوئے ہیں۔ مظاہرین نے مطالبہ کیا ہے کہ ڈاکو گاں قبول خیل میں روپوش ہیں، پولیس سرچ آپریشن کرے۔ انہوں نے لاش درہ تنگ سڑک پر رکھ کر احتجاج بھی کیا اور مقامی سرکاری یورینیم فیکٹری پاکستان اٹامک انرجی پراجیکٹ قبول خیل جانے والی تمام گاڑیوں کو روک دیا۔

کریڈٹ: انڈیپنڈنٹ نیوز پاکستان-آئی این پی

پاکستان کی ٹریڈ ڈیولپمنٹ اتھارٹی نے کہا ہے کہ اس کی بھرپور کوشش ہے کہ متحدہ عرب امارات سمندر کے راستے پاکستان سے تازہ گوشت کی درآمد پر پابندی کا فیصلہ واپس لے۔ یو اے ای نے اعلان کیا تھا کہ وہ پاکستان سے گوشت کی درآمد اگلے ماہ سے بند کر رہا ہے کیونکہ ایک نامعلوم کمپنی کی جانب سے غیرمعیاری گوشت بھجوایا گیا۔ ٹریڈ ڈویلپمنٹ اتھارٹی آف پاکستان (ٹی ڈی اے پی) نے ابتدائی تحقیقات کے بعدوضاحت بھی دی گئی تھی کہ اس کا ذمے دار ایک شپنگ کمپنی کے فریز کرنے کا سسٹم ہے۔ متعلقہ ایکسپورٹرز نے شپنگ کمپنی پر ہرجانے کا دعوی بھی کیا ہے۔

کریڈٹ: انڈیپنڈنٹ نیوز پاکستان-آئی این پی

دہشت گردی کے خدشات کے پیش نظر کانٹر ٹیررزم ڈیپارٹمنٹ (سی ٹی ڈی ) پنجاب نے مختلف شہروں میں کارروائیاں کرتے ہوئے انٹیلی جنس بیسڈ آپریشن کے دوران 13 دہشت گردگرفتار کرلیے ۔ ترجمان سی ٹی ڈی کے مطابق کارروائیاں لاہور، اٹک، بہاولنگر، جہلم، بہاولپور، شیخوپورہ اور راولپنڈی میں کی گئیں ، اٹک سے 5 اور لاہور سے 3 دہشت گرد گرفتار کیے گئے ہیں ۔ ترجمان کاکہنا ہے کہ دہشت گردوں کے قبضے سے بارودی مواد ، 29ڈیٹونیٹر، پرائما کارڈ، موبائل فون، اسلحہ ، گولیاں اور نقدی بھی برآمد کی گئی ہے ۔ ترجمان کے مطابق دہشت گردوں کی شناخت خورشید، رشید، عرفان، لقمان ، وحید، رضوان، عامر اور واجد وغیرہ کے نام سے ہوئی ہے ۔ ترجمان سی ٹی ڈی کا کہنا ہے کہ دہشت گرد سرکاری دفاتر اور اہم تنصیبات پر حملے کی منصوبہ بندی کر رہے تھے ، دہشت گردوں کے خلاف مقدمات درج کرکے مزید تفتیش جاری ہے۔ سی ٹی ڈی ترجمان کے مطابق رواں ہفتے625 کومبنگ آپریشنز کے دوران 105 مشتبہ افراد گرفتار کیے ، کومبنگ آپریشنز میں 27229افراد سے پوچھ گچھ کی گئی۔ ترجمان کاکہنا ہے کہ سی ٹی ڈی محفوظ پنجاب کے ہدف پر عمل پیرا ہے ، دہشت گردی کے ناسور کو جڑ سے اکھاڑ پھینکنے کے لیے پرعزم ہیں ۔

کریڈٹ: انڈیپنڈنٹ نیوز پاکستان-آئی این پی

نگران وفاقی وزیر برائے نجکاری فواد حسن فواد نے کہا بجلی کی تقسیم کار کمپنیوں کی نجکاری وزارت نجکاری کا ترجیحی شعبہ ہے۔ نگران وفاقی وزیر برائے نجکاری فواد حسن فواد نے ملاقات کیلیے آئے بین الاقوامی مالیاتی کارپوریشن (آئی ایف سی )کے ریجنل ڈائریکٹر مشرق وسطی خواجہ آفتاب احمد سے گفتگو کرتے ہوئے کہا بجلی کی تقسیم کار کمپنیوں کی نجکاری وزارت نجکاری کا ترجیحی شعبہ ہے۔ خواجہ آفتاب نے اپنی ٹیم کے ہمراہ فواد حسن فواد سے ملاقات کی، اہم شعبوں میں دوطرفہ تعاون پر تبادلہ خیال ہوا، توانائی کے شعبوں میں اہم پیشرفت پر گفتگو ہوئی۔ فواد حسن فواد نے گفتگو کرتے ہوئے کہا حکومت ریاستی ملکیتی کاروباری اداروں کی نجکاری کے ذریعے اقتصادی ترقی اور پائیداری کو فروغ دینے کے لیے پرعزم ہے۔ آئی ایف سی نے ڈسکوزکی نجکاری کے حکومتی منصوبے کے لیے حمایت کا بھی اظہار کیا۔ علاوہ ازیں نگران وزیر نجکاری فواد حسن فواد نے فیصل آباد میں ایف بی آر کی اراضی کی میوٹیشن ڈیڈ کامیاب خریدار کے حوالے کردی۔

کریڈٹ: انڈیپنڈنٹ نیوز پاکستان-آئی این پی

لاہور ہائی کورٹ نے چیئرمین پی ٹی آئی کی عبوری ضمانتیں خارج کرنے کے خلاف دائر درخواستیں سماعت کیلئے مقرر کر دیں۔ لاہور ہائی کورٹ کی جسٹس عالیہ نیلم کی سربراہی میں 2 رکنی بنچ 28 ستمبر کو سماعت کرے گا۔ چیئرمین پاکستان تحریک انصاف نے انسداد دہشت گردی عدالت سے ضمانتیں خارج کرنے کے اقدام کو لاہور ہائی کورٹ میں چیلنج کر رکھا ہے۔ واضح رہے کہ چیئرمین پی ٹی آئی کے خلاف لاہور میں 9 مئی سمیت دیگر مقدمات درج ہیں۔

کریڈٹ: انڈیپنڈنٹ نیوز پاکستان-آئی این پی

لورالائی میں پک اپ اور کار کے درمیان خوفناک تصادم کے نتیجے میں 5 افراد جاں بحق جبکہ 6 زخمی ہو گئے ۔ ٹریفک کا افسوسناک حادثہ لورالائی کے قریب شیر جان کڈی کے مقام پر پیش آیا، حادثے میں 5 افراد موقع پر ہی دم توڑ گئے جن میں خواتین اور بچے بھی شامل ہیں۔ حادثے کی اطلاع ملنے کے بعد ریسکیو ٹیم نے موقع پر پہنچ کر امدادی سرگرمیوں میں حصہ لیا، لاشوں اور 6 زخمیوں کو ہسپتال منتقل کر دیا، پولیس نے قانونی کارروائی شروع کر دی۔

کریڈٹ: انڈیپنڈنٹ نیوز پاکستان-آئی این پی

گھوٹکی میں شوہر نے بیوی کو قتل کردیا جس کے بعد ملزم فرار ہوگیا۔ پولیس کی جانب سے واقعے کی تفصیلات بتائی گئی کہ یہ واقعہ گھوٹکی کے علاقے یارو میں پیش آیا جہاں ایک شوہر نے بیوی کو قتل کردیا۔ پولیس کے مطابق شوہر نے اپنی بیوی کو فائرنگ کرکے قتل کیا۔ پولیس نے واقعے کے حوالے سے مزید بتایا کہ ملزم اپنی بیوی کو قتل کرنے کے بعد سے فرار ہے جب کہ ملزم کیخلاف مقدمہ درج کر لیا گیا ہے۔

کریڈٹ: انڈیپنڈنٹ نیوز پاکستان-آئی این پی

بہاولنگر میں مبینہ پولیس مقابلے کے دوران 2 ڈاکو اپنے ہی ساتھیوں کی فائرنگ سے ہلاک ہوگئے۔ پولیس کے مطابق ڈاکوں کی اطلاع پر مکلوڈ گنج بائی پاس کے قریب چھاپہ مارا گیا تو ڈاکوں نے پولیس پر فائرنگ کردی۔ پولیس کا کہنا ہے کہ ڈاکوں کی فائرنگ کے بعد اہلکاروں نے جوابی فائرنگ کی جس پرڈاکوں نے اندھا دھند گولیاں برسائیں اور ان کے دو ساتھی اپنے ہی ساتھیوں کی فائرنگ سے مارے گئے جب کہ تین ڈاکو فرار ہو گئے۔ پولیس کے مطابق مارے گئے اور فرار ہونے والے ڈاکو ڈکیتی اور راہزنی کی وارداتوں میں مطلوب تھے۔

کریڈٹ: انڈیپنڈنٹ نیوز پاکستان-آئی این پی

سول ایوی ایشن اتھارٹی (سی اے اے) کی دو حصوں میں تقسیم کے لئے 9 رکنی کمیٹی قائم کر دی گئی، کمیٹی 15 اکتوبر تک اپنا کام مکمل کرے گی۔ وزارت ایوی ایشن کی جوائنٹ سیکرٹری شازیہ رضوی کمیٹی کی چیئرپرسن مقرر کی گئی ہیں جبکہ ایئر وائس مارشل تیمور اقبال کمیٹی کے معاون ہوں گے۔ نوٹیفکیشن کے مطابق سی اے اے پاکستان ایئرپورٹ اتھارٹی اور بیورو آف ایئر سیفٹی انویسٹی گیشن میں تقسیم ہوگا، کمیٹی سول ایوی ایشن اتھارٹی کے اثاثے اور فنڈز نئے محکموں میں تقسیم کرے گی۔ نوٹیفکیشن میں کہا گیا ہے کہ کمیٹی افسران کے ٹرانسفر، ریکارڈ، اسپیس اور فرنیچر کی تقسیم کو بھی دیکھے گی، اس کے علاوہ مشینری، گاڑیوں اور فنڈز کی تقسیم بھی کمیٹی کا اختیار ہوگا۔

کریڈٹ: انڈیپنڈنٹ نیوز پاکستان-آئی این پی

لاہور میں ماڈل کورٹ برائے جنسی تشدد نے 14سالہ بیٹی سے زیادتی کے مجرم کو سزائے موت سنادی۔ ماڈل کورٹ برائے جنسی تشدد کے جج میاں شاہد جاوید نے ملزم رفیق پر جرم ثابت ہونے پر سزائے موت کا حکم سنایا۔ عدالت نے حکم دیا کہ ملزم بیٹی کو 10 لاکھ روپے ہرجانہ بھی ادا کرے۔ عدالت نے قراردیا کہ 10 لاکھ روپے ہرجانہ ادا نہ کرنے کی صورت میں مجرم کو مزید 6 ماہ قید بھگتنا ہوگی،عدالت کا فیصلہ آنے پر مجرم کو جیل منتقل کر دیا گیا۔ عدالت نے جیل سپرنٹنڈنٹ کو ہدایت کی کہ ہائیکورٹ سے توثیق ہونے تک سزائے موت پر عملدرآمد نہ کیا جائے۔ خیال رہے کہ مجرم رفیق کے خلاف مقدمہ مارچ 2019 میں تھانہ ستو کتلہ پولیس نے درج کیا تھا۔

کریڈٹ: انڈیپنڈنٹ نیوز پاکستان-آئی این پی

لاہور کے مختلف علاقوں میں لگنے والی بارش سے متعدد نشیبی علاقوں کے ساتھ ساتھ پوش علاقے بھی پانی میں ڈوب گئے۔ تفصیلات کے مطابق لاہور میں رات گئے شروع ہونے والی بارش کاسلسلہ تاحال جاری ، جس سے شہر کے مختلف سڑکیں مکمل طور پر زیر آب آگئیں۔ اسکول اور دفاتر جانے والے افراد کوپریشانی کا سامنا۔ محکمہ موسمیات کے مطابق پانی والاتالاب میں93، نشترٹاون میں92 ملی میٹر، گلشن روی میں 123 ملی میٹر،قرطبہ چوک120 گلبرگ میں 109 بارش ریکارڈکی گئی، لاہور میں سب سے زیادہ بارش لکشمی چوک میں124 ملی میٹرریکارڈ کی گئی۔ دوسری جانب صوبائی دارالحکومت لاہور کے ساتھ ساتھ پنجاب کے مختلف علاقوں میں بھی موسلادھار بارش ہوئی جس سے موسم خوشگوارہوگیا۔ بارش کے بعد سے متعدد علاقوں میں بجلی کے فیڈزرٹرپ کرگئے جس سے بجلی کی فراہمی معطلی رہی جبکہ نشیبی علاقوں میں پانی جمع ہونے سے عوام کو مشکلات کاسامنارہا۔ محکمہ موسمیات کے مطابق ملک کے مختلف علاقوں میں بارشوں کاسلسلہ جاری رہنے کا امکان ہے۔

کریڈٹ: انڈیپنڈنٹ نیوز پاکستان-آئی این پی

جرمنی میں کام کرنے والے پاکستانیوں کی ترسیلات زرمیں رواں مالی سال کے پہلے 2 ماہ میں سالانہ بنیادوں پراضافہ ریکارڈ کیا گیا ۔ اسٹیٹ بینک کی جانب سے جاری اعدادوشمار کے مطابق جولائی اور اگست میں جرمنی میں کام کرنے والے پاکستانیوں کی ترسیلات زرکاحجم 88.5 ملین ڈالرریکارڈ کیا گیا جوگزشتہ مالی سال کی اسی مدت کے 84.1 ملین ڈالر مقابلہ میں 5.3 فیصدزیادہ ہے۔ رپورٹ کے مطابق اگست میں جرمنی سے ترسیلات زرکاحجم 44.3 ملین ڈالرریکارڈ کیا گیا جوجولائی میں 44.2 ملین ڈالراورگزشتہ سال اگست میں 40.5 ملین ڈالرتھا۔ واضح رہے کہ رواں مالی سال کے پہلے 2 ماہ میں سمندرپارپاکستانیوں کی ترسیلات زرکاحجم 4.12 ارب ڈالرریکارڈکیاگیا جوگزشتہ مالی سال کی اسی مدت میں 5.25 ارب ڈالرتھا۔

کریڈٹ: انڈیپنڈنٹ نیوز پاکستان-آئی این پی