اسلام آباد، بینک آف چائنہ کی شاخ کی افتتاحی تقریب میں وزیرخزانہ اسحاق ڈار (درمیان) اور پیپلز بینک آف چائنہ کے نائب  گورنر شوان چھانگ ننگ (دائیں) نے شرکت کی۔ (شِنہوا)

اسلام آباد، بینک آف چائنہ کی شاخ کی افتتاحی تقریب میں وزیرخزانہ اسحاق ڈار (درمیان) اور پیپلز بینک آف چائنہ کے نائب  گورنر شوان چھانگ ننگ (دائیں) نے شرکت کی۔ (شِنہوا)

اسلام آباد، بینک آف چائنہ کی شاخ کی افتتاحی تقریب میں وزیرخزانہ اسحاق ڈار (درمیان) اور پیپلز بینک آف چائنہ کے نائب  گورنر شوان چھانگ ننگ (دائیں) نے شرکت کی۔ (شِنہوا)

چین ، جنوب مغربی صوبہ سیچھوان کے شہر چھنگ دو میں 31 ویں ایف آئی ایس یو سمر ورلڈ یونیورسٹی گیمز میں ایتھلیٹکس ویمنز 10 ہزار میٹر فا ئنل کی فاتح چین کی شیا یویو جشن منارہی ہیں۔(شِںہوا)

چین ، جنوب مغربی صوبہ سیچھوان کے شہر چھنگ دو میں 31 ویں ایف آئی ایس یو سمر ورلڈ یونیورسٹی گیمز میں ایتھلیٹکس ویمنز 10 ہزار میٹر فا ئنل کی فاتح چین کی شیا یویو جشن منارہی ہیں۔(شِںہوا)

چین ، جنوب مغربی صوبہ سیچھوان کے شہر چھنگ دو 31 ویں ایف آئی ایس یو سمر ورلڈ یونیورسٹی گیمز میں خواتین کی 50 میٹر رائفل 3 پوزیشنز ٹیم شوٹنگ کے فائنل میں چین کی شی مینگ یاؤ مقابلہ کررہی ہے۔(شِنہوا)

چین ، جنوب مغربی صوبہ سیچھوان کے شہر چھنگ دو 31 ویں ایف آئی ایس یو سمر ورلڈ یونیورسٹی گیمز میں خواتین کی 50 میٹر رائفل 3 پوزیشنز ٹیم شوٹنگ کے فائنل میں چین کی شی مینگ یاؤ مقابلہ کررہی ہے۔(شِنہوا)

اسلام آباد ، صدر مملکت ڈاکٹر عارف علوی سے چینی صدر شی جن پھنگ کے نمائندہ خصوصی اور چین کے نائب وزیراعظم ہی لی فینگ (درمیان) کی ملاقات کا ایک منظر۔(شِںہوا)

اسلام آباد ، صدر مملکت ڈاکٹر عارف علوی سے چینی صدر شی جن پھنگ کے نمائندہ خصوصی اور چین کے نائب وزیراعظم ہی لی فینگ (درمیان) کی ملاقات کا ایک منظر۔(شِںہوا)

اسلام آباد ، صدر مملکت ڈاکٹر عارف علوی سے چینی صدر شی جن پھنگ کے نمائندہ خصوصی اور چین کے نائب وزیراعظم ہی لی فینگ (درمیان) کی ملاقات کا ایک منظر۔(شِںہوا)

نیدرلینڈز کے سائیکل سوار اولاو کویج نے ٹور ڈی پولونے سائیکل ریس 2023کا چوتھا مرحلہ جیت لیا ، نیدرلینڈز کے سائیکلسٹ اولاو کویج کی ریس میں یہ پہلی فتح ہے،ٹور ڈی پولونے سائیکل ریس کے چوتھے مرحلے میں سائیکل سواروں نے پولینڈ میں آسٹریلن سے اوپول تک 198.6 کلو میٹر کا فاصلہ طے کرنا تھا جو سیدھے راستے پر محیط تھا،21سالہ نیدرلینڈز کے سائیکل سوار اولاو کویج نے عمدہ سائیکلنگ کا مظاہرہ کرتے ہوئے ہم وطن سائیکلسٹ مارجن وین ڈین برگ کو پیچھے چھوڑتے ہوئے پہلی پوزیشن حاصل کی،اولاو کویج نے چوتھے مرحلے کا 198.6کلومیٹر پر مشتمل مطلوبہ فاصلہ 4گھنٹے 23منٹ اور15سیکنڈز میں طے کرکے اپنے نام کیا،نیدرلینڈز کے سائیکلسٹ مارجن وین ڈین برگ نے دوسری جبکہ اطالوی سائیکلسٹ میٹیو موشیٹی نے تیسری پوزیشن حاصل کی،دوسرے مرحلے میں کامیابی کے ساتھ ساتھ سلووینین سائیکلس میٹیج موہوریچ نے بیلجیئم کے ٹم مرلیئرسے یلو جرسی چھین لی تھی اور تاحال یلوجرسی پر انہی کا قبضہ ہے،ٹور ڈی پولونے سائیکل ریس 7مرحلوں پر محیط ہے جس میں سائیکل سوار 1130.5کلو میٹر کا سفر طے کریں گے ، ٹور ڈی پولونے سائیکل ریس 4اگست کو اختتام پذیر ہوگی۔

کریڈٹ: انڈیپنڈنٹ نیوز پاکستان-آئی این پی

پاکستان کرکٹ بورڈ (پی سی بی)نے بھارت میں اکتوبر میں شیڈول آئی سی سی ورلڈ کپ تک غیر ملکی کوچز مکی آرتھر اور گرانٹ بریڈ برن کو تبدیل کرنے کا ارادہ ترک کر دیا،ذرائع کے مطابق پی سی بی کرکٹ کمیٹی کے اجلاس میں سابق کپتان مصباح الحق نے کہا گو کہ میں غیر ملکی کوچز کی تقرری کے حوالے سے سخت موقف رکھتا ہوں لیکن اگر نجم سیٹھی نے غلط فیصلہ بھی کیا ہے تو ایک دم سے کوچز کو تبدیل کرنا دانشمندی نہیں ہے،ذرائع کے مطابق مصباح الحق کا کہنا تھا مکی آرتھر اور گرانٹ بریڈ برن کو وقت ملنا چاہیے، ورلڈ کپ کے بعد ان کی کارکردگی کا جائزہ لے کر فیصلہ کرنا ہو گا،ذرائع کا کہنا ہے سابق چیف سیکرٹری پنجاب اور پاکستان ٹیم کے سابق منیجر نوید اکرم چیمہ کو ورلڈ کپ کے لیے پاکستان ٹیم کا منیجر بنانے کی تجویز نہیں ہے، نوید اکرم چیمہ نے کئی بڑے کھلاڑیوں کو ڈسپلن کا پابند بنایا اور وہ سخت رویے کی وجہ سے جانے جاتے ہیں،تاہم کرکٹ کمیٹی کے اجلاس میں یہ بات سامنے آئی کہ موجودہ ٹیم میں ایسا کوئی کھلاڑی نہیں ہے جو منیجر یا ٹیم انتظامیہ کے لیے مسائل پیدا کرنے والا ہو،ذرائع کا کہنا ہے پاکستان کرکٹ ٹیم کی اچھی کارکردگی بھی ایسے فیصلوں کی راہ میں رکاوٹ ہے۔

کریڈٹ: انڈیپنڈنٹ نیوز پاکستان-آئی این پی

سابق ٹیسٹ کرکٹر سرفراز نواز نے وزیراعظم شہباز شریف کو بھیجے گئے خط میں کہا ہے کہ پی سی بی سے جانے والے نجم سیٹھی اب بھی کرکٹ بورڈ کے معاملات میں رکاوٹ بن رہے ہیں، یہ بات بین الاقوامی سطح پر بھی مشاہدے میں آئی ہے کہ اندرونی سیاست ہو رہی ہے،سابق ٹیسٹ کرکٹر نے کہا کہ بورڈ میں تبدیلی کا فیصلہ وزیراعظم اور کابینہ نے مشترکہ طور پر کیا جو سابق عہدیداران نجم سیٹھی اور شکیل شیخ کو ہضم نہیں ہو رہا،سرفراز نواز کا کہنا تھا کہ موجودہ پی سی بی مینجمنٹ کے لیے مشکلات پیدا کی جا رہی ہیں، مینجمنٹ کمیٹی کے چیئرمین ذکا اشرف کو آپ کی سپورٹ کی ضرورت ہے،انہوں نے خط میں یہ بھی کہا کہ پیٹرن آپ کے معاملات دیکھنے سے ایشیا کپ اور ورلڈکپ جیسے میگا ایونٹس کے معاملات اچھے انداز میں ہوں گے،سرفراز نواز نے کہا کہ جونیئر ورلڈ اسکواش چیمپئن کے لیے کیش ایوارڈ کا اعلان قابل ستائش ہے۔

کریڈٹ: انڈیپنڈنٹ نیوز پاکستان-آئی این پی

آسٹریلین کرکٹ ٹیم کے سابق فاسٹ بولر اور سابق کوچ پاکستان کرکٹ ٹیم جیف لاسن نے کہاہے کہ ورلڈ کپ میں پاکستان کرکٹ ٹیم کے اچھے چانسز ہیں،سیمی فائنل میں جگہ بنائے گی ،جیف لاسن نے نیشنل کرکٹ اکیڈمی لاہور میں لگائے جانے والے ایج گروپ کوچنگ کیمپ میں شرکت کی،اس موقع پر نجی ٹی وی سے گفتگو کرتے ہوئے جیف لاسن نے کہا کہ پاکستان کرکٹ ٹیم آسٹریلیا کے بعد دوسری ٹیم ہے جسے فالو کرتاہوں، جیف لاسن نے پاکستان میں دوبارہ آنے کو اردو میں زبردست قرار دیا، پاکستان کے ساتھ کام کا تجربہ شیئر کرتے ہوئے جیف لاسن کا کہنا تھا کہ نیشنل کرکٹ اکیڈمی میں نوجوان کرکٹرز کے ساتھ کام کر کے اچھا محسوس کیا، خاص طوپر انڈر 13کرکٹرز کے ساتھ کام کیا اچھا لگا ان میں غیر معمولی ٹیلنٹ ہے،جیف لاسن کا کہنا تھا کہ میں دیکھتا ہوں کہ پاکستان ٹیم کیسے آگے بڑھ رہی ہے کوچنگ اسٹاف میں کون کون شامل ہیں، کھلاڑی کون کون ہیں ،میرے دور کے کھلاڑی اب کوچز بن چکے ہیں ان میں مصباح الحق بہت کامیاب ہیں ،بھارت میں ہونے والے ورلڈ کپ میں پاکستان کرکٹ ٹیم کے امکانات کے بارے میں جیف لاسن نے کہا کہ پاکستان کے ورلڈ کپ میں چانسز ہیں ، یہ ورلڈ کپ بہت کلوز ہو گا، کوئی ایک فیورٹ نہیں ہے ، 4، 5ٹیمیں اچھا کھیلنے والے فیورٹ میں شامل ہوں گی۔،انھوں نے کہا کہ بر صغیر کنڈیشنز میں کھیلنے کا پاکستان ٹیم کو فائدہ ہو گا جبکہ سیمی فائنل میں پہنچنے کے امکانات ہیں،جیف لاسن نے بتایا کہ میں کپتان بابر اعظم کا فین ہوں ، بابر اعظم دنیا کے بہترین کرکٹرز میں شامل ہیں وہ جب بھی کھیلنے کے لیے آتے ہیں خود کو بہتر بناتے ہیں ، کپتانی میں بھی وہ شاندار ہیں ، ان کے ساتھ محمد رضوان بھی باصلاحیت ہیں ، پاکستان ٹیم کی فاسٹ بولنگ اچھی ہے اور بھارتی کنڈیشنز کے مطابق اسپنرز بھی اچھے ہیں۔،انہوں نے کہا کہ شاہین آفریدی ،حارث رئوف اور نسیم شاہ کے پاس بہت پیس ہے شاہین آفریدی دراز قد بھی ہیں ، ان تینوں فاسٹ بولرز کے پاس تجربہ اور ورائٹی ہے جس کا پاکستان ٹیم کو فائدہ ہو گا ۔

کریڈٹ: انڈیپنڈنٹ نیوز پاکستان-آئی این پی

انٹرنیشنل کرکٹ کونسل (آئی سی سی)ورلڈکپ ٹرافی کے پاکستان ٹور کو از سر نو ترتیب دیا جائے گا،ذرائع کے مطابق ٹرافی کا پاکستان میں 31جولائی سے 4اگست ٹور شیڈولڈ تھا لیکن اب بھارت جانے کی اجازت ملنے کے بعد پاکستان کے ٹور کو حتمی شکل دی جائے گی،پی سی بی کی بھارت جانے کی اجازت کی درخواست حکومت کے پاس ہونے کی وجہ سے ٹور تعطل کا شکار ہوا، پاکستان کرکٹ بورڈ نے آئی سی سی کو ٹور کے حوالے سے تمام معاملات سے آگاہ کر دیا ہے،ذرائع کا کہنا ہے کہ اب پاکستان کے علاوہ آئی سی سی ورلڈکپ ٹرافی ٹور مکمل کرے گی،دوسری جانب چند روز میں ورلڈکپ کے لیے بھارت جانے کی اجازت کے حوالے سے آگاہ کردیا جائے گا، اس حوالے سے پاکستان کرکٹ بورڈ نے آئی سی سی کو بھی آگاہ کردیا ہے،ذرائع کا کہنا ہے کہ ورلڈکپ ٹرافی ٹور کے حوالے سے پی سی بی آئی سی سی کو نئی تاریخیں تجویز کرے گا، بھارت کے ٹور کے لیے ہمیشہ پاکستان کرکٹ بورڈ کو حکومتی اجازت درکار ہوتی ہے اس لیے بورڈ ورلڈکپ کے سلسلے میں بھارت جانے کے لیے حکومتی اجازت کا منتظر ہے۔

کریڈٹ: انڈیپنڈنٹ نیوز پاکستان-آئی این پی

چین پاکستان اقتصادی راہداری (سی پیک) کا 2013 میں آغاز ہوا تو اس وقت ایک طالب علم معاذ اعوان کو شاید ہی اس بات کا علم ہوکہ کوئی زبردست تبدیلی آسکتی ہے۔ بیلٹ اینڈ روڈ انیشی ایٹو کے تحت نقشے پر سال 2013 میں سی پیک چین کے شمال میں واقع کاشغر کو جنوب میں پاکستان کی گوادر بندرگاہ کے ساتھ ملانے کے حوالے سے ایک راستے سے زیادہ کچھ نہ تھا۔ چین کے صدر شی جن پھنگ نے 2015 میں اپنے "آہنی دوست " ہمسایہ ملک کا سرکاری دورہ کیا تھا۔ فریقین نے تعاون کے 50 سے زائد معاہدوں پر دستخط کئے جن میں سی پیک کی ترقی کو چار اہم شعبوں گوادر بندرگاہ ، نقل وحمل کے بنیادی ڈھانچے ، توانائی اور صنعتی تعاون پر توجہ مرکوز کرنے پر اتفاق کیا گیا۔ اس کے بعد سے کاغذ پر ڈیزائن تیزی سے ایک حقیقت بدلنے لگا اور معاذ جیسے عام پاکستانی شہریوں کو زبردست ترقیاتی فوائد حاصل ہوئے۔ معاذ نے بتایا کہ سی پیک بلاشبہ ان کی زندگی میں بڑی تبدیلیاں لایا ہے ۔ یہ 30 سالہ معاذ اعوان چین کے لیے قطعی اجنبی نہیں ہیں ۔ انہوں نے کئی برس تک چین میں تعلیم حاصل کی اور روانی سے چینی زبان بولتے ہیں۔ ان کے والد ضمیر احمد اعوان ایک ماہر امور چین ہیں۔

انہوں نے چین میں اصلاحات اور کھلے پن کے آغاز کے بعد چین میں تعلیم حاصل کی اور بیجنگ میں سفارتکار کی حیثیت سے خدمات انجام دیں۔ معاذ اب چائنہ تھری گورجز ساتھ ایشیا انویسٹمنٹ لمیٹڈ میں سینئر منیجرکے عہدے پر فائز ہیں، جو پاکستان کے شمال میں واقع کیروٹ پن بجلی گھر کا آپریٹر ہے۔ اس نے جون 2023 کے اختتام پر محفوظ آپریشن کی پہلی سالگرہ منائی تھی۔ کیروٹ پن بجلی گھر نے مکمل طور پر فعال ہونے بعد سے اب 3.64 ارب کلوواٹ آورز بجلی پیدا کی ہے جس سے تقریبا 15 لاکھ 90 ہزار ٹن معیاری کوئلے کی بچت ہوئی اور تقریبا 39 لاکھ 80 ہزار ٹن کاربن ڈائی آکسائیڈ کا اخراج کم ہوا۔ اس نے 50 لاکھ سے زائد افراد کی بجلی کی طلب پوری کی۔ ایک دہائی قبل سی پیک کے آغاز کے وقت پا کستا ن میں بجلی کی شدید قلت تھی،لوگوں کو یومیہ 12 گھنٹے سے زیادہ کی لوڈشیڈنگ کا سامنا تھا۔ معاذ نے بتایا کہ سی پیک کے تحت کیروٹ جیسے توانائی کے منصوبوں سے پاکستان اپنے توانائی کے بحران پر قابو پا تے ہوئے زیادہ سے زیادہ توانائی کا تحفظ حاصل کرسکتا ہے۔ اس کے علاوہ بجلی کی درآمدات پر انحصار کم کرکے صنعتوں اور گھروں کو بجلی کی مستحکم فراہمی یقینی بناسکتا ہے۔ معاذ نے کہا کہ کیروٹ منصوبے کی تعمیر میں ماحولیاتی تحفظ کو ترجیح دی گئی تھی۔ مچھلیوں کی رہائش گاہوں کا تحفظ، آگاہی اور شجرکاری مہم چلانے کے علاوہ اطراف کی بستیوں کو مواقع فراہم کرنے بارے ایک جامع انتظامی منصوبہ تیار کیا گیا تھا۔

کریڈٹ: انڈیپنڈنٹ نیوز پاکستان-آئی این پی

چین میں سیاحتی فروغ کے پروگرام کے ساتھ چائنہ کلچرل سینٹر میں چینی چائے کی ثقافت کی تقریب کا انعقاد کیا گیا۔ ٹورازم پروموشن ایونٹ میں روایتی چائے کی تقریب اور چائے کا ذائقہ، چینی چائے کی ثقافت اور سیاحت کی تصویری نمائش اور لوک موسیقی اور رقص کی کارکردگی سمیت دیگر سرگرمیاں شامل تھیں۔ چین کی وزارت ثقافت و سیاحت اور میانمار میں چینی سفارت خانے کی نگرانی میں منعقد ہونے والی اس تقریب کا اہتمام چائنہ انٹرنیشنل کلچر ایسوسی ایشن، چین کے جنوب مغربی صوبے یون نان کے صوبائی محکمہ ثقافت و سیاحت اور ینگون میں چائنہ کلچرل سینٹر نے کیا تھا۔ میانمار میں چینی سفارت خانے کے منسٹر قونصلر کاؤ جنگ نے کہا کہ چینی چائے کی ثقافت کا جوہر ہم آہنگی، امن اور تعاون کا مظہر ہے۔ کاؤ نے کہا کہ میانمار میں لوگ نہ صرف چائے پیتے ہیں بلکہ اسے قومی مشروب کا درجہ حاصل ہے۔ چین اور میانمار کے درمیان چائے کی ثقافت کے تباد لے اور باہمی سیکھنے کے عمل سے دونوں ممالک کے لوگوں کی زندگیوں کو بہتر کیا جا رہا ہے۔ کا ؤنے کہا کہ چین، میانمار کے ساتھ ان کی سیاحتی برادریوں کے درمیان رابطے کو فروغ دینے دونوں لوگوں کے مابین تبادلے کو بڑھانے اور باہمی تفہیم اور دوستی کو بڑھانے کے لئے کام کرے گا۔

کریڈٹ: انڈیپنڈنٹ نیوز پاکستان-آئی این پی

چین کے نائب وزیر اعظم ژانگ گوچھنگ نے سیلاب کے خلاف جاری جنگ میں امدادی کارروائیوں اور ہنگامی صورتحال سے نمٹنے کے لئے ہر ممکن کوششیں کرنے پر زور دیا ہے۔ کمیونسٹ پارٹی آف چائنہ کی مرکزی کمیٹی کے سیاسی بیورو کے رکن ژانگ نے یہ بات بیجنگ کے علاقے مینٹوگو میں امدادی کارروائیوں کی رہنمائی کرتے ہوئے کہی ہے۔ انہوں نے جلد از جلد معمول کی زندگی اور پیداوار کی بحالی سمیت لوگوں کی جان و مال کے تحفظ کو یقینی بنانے پر زور دیا۔ ژانگ نے بحالی کے مقامات پر خوراک، پینے کے صاف پانی، ادویات اور دیگر امدادی سامان بھیجنے اور متاثرہ رہائشیوں کی گزر بسر کو یقینی بنانے کے لئے ہر ممکن اقدامات کرنے کی ضرورت پر زور دیا۔ انہوں نے کہا کہ موجودہ کام کی اولین ترجیح لوگوں کی زندگیاں بچانا، لاپتہ یا پھنسے ہوئے لوگوں کی تلاش اور ہلاکتوں کو کم سے کم کرنا ہے۔ ژانگ نے کہا کہ تباہ شدہ ریلوے، سڑکوں، پلوں کے ساتھ ساتھ مواصلات اور بجلی کی سہولیات کی مرمت کے لئے بھی زیادہ کوششیں کرنے کی ضرورت ہے۔

کریڈٹ: انڈیپنڈنٹ نیوز پاکستان-آئی این پی

معروف معاشی ماہر نے کہا ہے کہ پاکستان کو مسلسل مالیاتی خسارے پر قابو پانے کے لیے اپنے خسارے میں چلنے والے پبلک سیکٹر انٹرپرائزز کی تنظیم نو کرنے کی ضرورت ہے۔پاکستان کے پرائیویٹائزیشن کمیشن کے سابق ممبر یاور خان نے ویلتھ پی کے کو بتایا کہ پاکستان انٹرنیشنل ایئر لائنز ، پاکستان اسٹیل ملز، پاکستان ریلویز، اور توانائی کمپنیوں جیسے پی ایس ای کے انتظام میں بہت سے مسائل خسارے میںمسلسل اضافے کا سبب بن رہے ہیں۔.اسٹیٹ بینک آف پاکستان کی حالیہ رپورٹ کے مطابق، دسمبر 2022 کے آخر تک خسارے میں جانے والے پبلک سیکٹر انٹرپرائززکے قرضے اور واجبات 1.972 ٹریلین روپے تھے۔ یہ ایک سال میں 187 ارب روپے کا اضافہ ظاہر کرتا ہے۔ مالی سال 2022-23 کی پہلی ششماہی جولائی تا دسمبرکے دوران صرف پبلک سیکٹر انٹرپرائززکے قرضے 134.9 بلین روپے بڑھ کر 1.474 ٹریلین روپے ہو گئے۔ملک میں پبلک سیکٹر کے کچھ ادارے لاگت میں کمی کے اقدامات، ہنر مند پیشہ ور افراد کی کمی اور آپریشن کے پرانے طریقوں کی وجہ سے ناکارہ ہیں۔یاور نے پبلک سیکٹر انٹرپرائززکی تنظیم نو کے آخری حربے کے طور پر نجکاری کے خیال کی حمایت کی۔انہوں نے کہا کہ خسارے میں چلنے والے عوامی اداروں کی فروخت کو پہلے آپشن کے طور پر ترجیح نہیں دی جانی چاہیے، انہوں نے مزید کہا کہ لاگت میں کمی، خریداری کے طریقوں میں بہتری، جدید ٹیکنالوجی کو اپنانے اور اختراعات جیسے پیشگی اقدامات کو ترجیح دی جانی چاہیے۔"ہر سال، مالی وسائل پر ایک اہم بوجھ سبسڈی کے پیمانے ، مراعات، فنانسنگ، حکومت کی طرف سے گارنٹی شدہ بینک قرض لینے، اور خسارے میں چلنے والی کمپنیوں، اداروں اور کارپوریشنوں کو فراہم کیے جانے والے غیر ملکی قرضوں سے آتا ہے۔ ۔انہوں نے تجویز پیش کی کہ اصلاحات متعارف کروا کر پاکستان کی مالی حالت کو بہتر بنایا جا سکتا ہے۔پاکستان اکنامک سروے 2022-23 کے مطابق مالی سال 23 کے پہلے 10 مہینوں جولائی تا اپریل کے دوران مالیاتی خسارہ جی ڈی پی کے 4.6 فیصد تک کم ہو گیا، جو پچھلے سال کی اسی مدت کے دوران ریکارڈ کی گئی 4.9 فیصد سے بہتری ہے۔ اسی طرح، پرائمری بیلنس نے زیر جائزہ مدت کے دوران 99.1 بلین روپے کا سرپلس ظاہر کیا، جو پچھلے سال کی اسی مدت کے دوران 890.2 بلین روپے کے خسارے کے برعکس تھا۔یاور نے ٹیلی کام، بینکنگ اور سیمنٹ کے شعبوں کو تنظیم نو کی کامیابی پر حوالہ دیا جنہوں نے ماضی میں کارکردگی میں نمایاں بہتری حاصل کی۔پاکستان کی معیشت کا مالیاتی پہلو زبردست چیلنجز کا سامنا کر رہا ہے۔ تاہم، نقصانات کو کم کرنا یا پبلک سیکٹر انٹرپرائززکو منافع بخش بنانا معیشت کے لیے ایک اہم بفر کے طور پر کام کر سکتا ہے۔

کریڈٹ: انڈیپنڈنٹ نیوز پاکستان-آئی این پی

پاکستان کی چمڑے کی صنعت، جو ٹیکسٹائل کے بعد دوسری سب سے بڑی برآمدی صنعت ہے، قابل عمل مارکیٹنگ اور جدت کے ذریعے دنیا کے صف اول کے برآمد کنندگان میں سے ایک بننے کی وسیع صلاحیت رکھتی ہے۔ممبر ایگزیکٹو کمیٹی سیالکوٹ چیمبر آف کامرس اینڈ انڈسٹریز (ایس سی سی آئی) شعیب امتیاز نے ویلتھ پی کے سے بات کرتے ہوئے کہا کہ سیالکوٹ پاکستان کی چمڑے کی مصنوعات کا مرکز ہے جہاں شہر میں 280 سے زائد ٹینریز کام کر رہی ہیں۔ انہوں نے کہا کہ سیالکوٹ چھوٹی، درمیانے اور بڑے پیمانے کی صنعتوں کا مرکز ہے اور شہر کی تاجر برادری پاکستان کے لیے قیمتی زرمبادلہ کمانے کا وسیع وژن رکھتی ہے۔سیالکوٹ بین الاقوامی سطح پر کھیلوں کے سامان، آلات جراحی، چمڑے کے سامان، کھیلوں کے لباس اور موسیقی کے آلات کے معیاری پروڈیوسر کے طور پر تسلیم کیا جاتا ہے۔ چمڑے کی مصنوعات کی پیداوار بھی سیالکوٹ کے لیے کئی دہائیوں سے شہرت کا باعث ہے، امتیاز نے کہا۔سیالکوٹ کی چمڑے کی صنعت 100 سال پرانی ہے کیونکہ چمڑے کو ابتدائی طور پر فٹ بال بنانے کے لیے استعمال کیا جاتا تھا۔ تاہم، 1970 کی دہائی میں، چمڑے کے دستانے کی پیداوار شروع ہوئی، اس کے بعد چمڑے کے ملبوسات کا آغاز ہوا۔ 1980 کی دہائی میں فٹ بال کی تیاری میں مصنوعی چمڑے نے قدرتی چمڑے کی جگہ لے لی۔ نتیجتا، فٹ بال مینوفیکچررز کے لیے چمڑا تیار کرنے والے ٹینرز دستانے، گارمنٹس اور چمڑے کے دیگر لوازمات کی پیداوار میں تبدیل ہو گئے۔

اس کی وجہ سے سیالکوٹ میں چمڑے کی مصنوعات تیار کرنے کی صنعت نے جنم لیا۔پنجاب کی صوبائی حکومت نے ٹینرز کے تعاون سے سیالکوٹ میں ٹینری زون بھی قائم کر دیا ہے اور ٹینریز کی شفٹنگ کا عمل جاری ہے۔ امتیاز نے کہا کہ چمڑے کی صنعت کے گندے پانی کو ٹریٹ کرنے کے لیے پلانٹ کی تعمیر بھی تکمیل کے آخری مرحلے میں ہے۔ 2023 کے بعد سیالکوٹ میں کسی بھی ٹینری کو ماحولیاتی تحفظات کو مدنظر رکھتے ہوئے ٹینری زون سے باہر کام کرنے کی اجازت نہیں ہوگی۔صدر ٹینری ایسوسی ایشن آف پاکستان رضا منیر نے بتایا کہ سیالکوٹ ٹینری زون میں ٹینریز کے 620 پلاٹس ہیں۔ انہوں نے کہا کہ سیالکوٹ شہر میں 280 سے زائد ٹینریز کام کر رہی ہیں، جو چمڑے کی صنعت سے وابستہ جیکٹس، دستانے، بیگز اور کھیلوں کے سامان سمیت چمڑے کے سامان کی تیاری کا مرکز ہے، اور علی بابا اور ایمیزون سمیت دنیا کے تمام معروف چمڑے کی تجارت کے انجن بھی۔ سیالکوٹ سے چمڑے کی مصنوعات خریدیں۔پاکستان کے چمڑے کے شعبے میں ویلیو ایڈڈ اشیا کی برآمدات میں اضافے کی بڑی صلاحیت ہے، لیکن محنت کش صنعت ہونے کی وجہ سے اسے مہارت اور مہارت کی ضرورت ہے۔ پاکستان، جو دنیا میں چمڑے کا ایک بڑا پروڈیوسر ہے، ویلیو ایڈیشن اور جدت کے ذریعے زیادہ سے زیادہ منافع کما سکتا ہے۔پاکستان بیورو آف سٹیٹسٹکس (PBS) کے مطابق پاکستان کی چمڑے کی صنعت برآمدات میں تقریبا 5.4 فیصد حصہ ڈالتی ہے۔ چمڑے کی مصنوعات کے لیے پاکستان کی اعلی ممکنہ برآمدی منڈیوں میں امریکہ، چین اور یورپ شامل ہیں۔ ان اور باقی عالمی منڈیوں میں برآمدات کے تناسب کو بہتر مارکیٹنگ اور تجارتی میلوں اور نمائشوں میں شرکت کے ذریعے بڑھایا جا سکتا ہے۔

کریڈٹ: انڈیپنڈنٹ نیوز پاکستان-آئی این پی

پاکستان فارماسیوٹیکل مینوفیکچررز ایسوسی ایشن نے کہا کہ اگر صنعت کو پالیسی سپورٹ اور دیگر مراعات فراہم کی جائیں تو پاکستان کی ادویات کی برآمدات 2030 تک 5 بلین ڈالر تک بڑھ سکتی ہیں۔پی پی ایم اے کے چیئرمین سید فاروق بخاری نے ویلتھ پاک سے بات کرتے ہوئے کہا کہ حکومت کو فارماسیوٹیکل سیکٹر کو ایک صنعت کے طور پر تسلیم کرنا چاہیے اور برآمدات کو فروغ دینے کے لیے ایک وقف ادارہ قائم کرنا چاہیے۔انہوں نے کہا کہ فارماسیوٹیکل سیکٹر کو پاکستان میں ایک صنعت کے طور پر تسلیم نہیں کیا گیا جیسے ٹیکسٹائل، لیدر، اور انجینئرنگ گڈز، جنہیں ایکسپورٹ گروتھ ایریا سمجھا جاتا ہے۔بخاری نے تجویز پیش کی کہ ایک سرشار سرکاری ادارے یا کونسل کو ملک کی فارما مصنوعات کی بین الاقوامی پروجیکشن کا کام سونپا جانا چاہیے۔انہوں نے مزید کہا کہ "کونسل کو فارما انڈسٹری سے متعلق مختلف سرکاری محکموں کو بھی مربوط کرنا چاہیے۔پی پی ایم اے کے چیئرمین نے کہا کہ عالمی فارماسیوٹیکل مارکیٹ کی مالیت اس وقت 1.4 ٹریلین ڈالر ہے جبکہ اس میگا مارکیٹ میں پاکستان کا حصہ اس کی حقیقی صلاحیت کے مقابلے میں بہت کم ہے۔پی پی ایم اے کے چیئرمین کے مطابق، یہ شعبہ اگلے دو سالوں کے دوران اپنی برآمدات کو 1 بلین ڈالر تک بڑھا سکتا ہے، اور اگر اسے پالیسی سپورٹ اور مراعات فراہم کی جائیں تو 2030 تک یہ 5 بلین ڈالر تک پہنچ سکتی ہے۔ انہوں نے بتایا کہ اس وقت پاکستانی فارما انڈسٹری گھریلو ادویات کی 95 فیصد سے زائد ضروریات پوری کر رہی ہے۔بخاری نے کہا کہ ہمارا مقصد معیاری ادویات کی دستیابی کو یقینی بنانا اور یورپ اور امریکہ کی زیادہ منافع بخش منڈیوں تک رسائی حاصل کرکے برآمدات کو بڑھانا ہے۔انہوں نے کہا کہ مختلف تحقیقوں کے مطابق فارما انڈسٹری کو ایک ایسے علاقے کے طور پر شناخت کیا گیا ہے جو برآمدات کے لیے بہت زیادہ امکانات رکھتا ہے۔

بخاری نے نشاندہی کی فی الحال، پاکستان کی فارما انڈسٹری کم اور متوسط آمدنی والے ممالک میں صرف کچھ کم سخت مارکیٹوں کو برآمد کرتی ہے جو کم مارجن اور کم منافع پیش کرتے ہیں۔ پی پی ایم اے کے چیئرمین نے کہا کہ بین الاقوامی ریگولیٹری معیارات کی تعمیل فارما انڈسٹری کو اہم فوائد فراہم کرتی ہے۔ انہوں نے مزید کہا کہ ہمیں اپنی برآمدات کو بڑھانے کے لیے بڑی منڈیوں پر قبضہ کرنے کے لیے بین الاقوامی سرٹیفیکیشن پر کام کرنا چاہیے۔بخاری نے کہا کہ اگر ڈرگ ریگولیٹری اتھارٹی آف پاکستان بین الاقوامی ریگولیٹری معیارات کے مطابق کام کرتی ہے تو مقامی صنعت زیادہ منافع بخش برآمدی منڈیوں تک رسائی حاصل کر سکے گی۔"اگر بڑی مارکیٹیں پاکستان میں مقامی مصنوعات کی حفاظت، معیار اور افادیت کو ریگولیٹ کرنے میں اہلیت کو تسلیم کرتی ہیں، تو اس کا مطلب ہے کم نان ٹیرف رکاوٹیں اور فوری مارکیٹ تک رسائی ممکن ہے۔انہوں نے کہا کہ حکومت کو پالیسی ٹولز کا استعمال کرتے ہوئے کلیدی کردار ادا کرنا چاہیے، صنعت کو بین الاقوامی معیارات جیسے کہ ڈبلیو ایچ او پی کیو پری کوالیفائیڈ پراڈکٹس، یو ایس فوڈ اینڈ ڈرگ ایڈمنسٹریشن، میڈیسن اور ہیلتھ کیئر پراڈکٹس ریگولیٹری ایجنسی کو اپنانے اور ان کی تعمیل میں سرمایہ کاری کے لیے مراعات فراہم کرنا چاہیے۔ بخاری نے کہا کہ دو طرفہ اور کثیرالطرفہ تجارتی معاہدوں، کاروبار سے کاروبارمصروفیات اور سہولت کاری اور منظوریوں کے ذریعے دواسازی کی برآمدات کی حمایت میں حکومت کا بھی ایک اہم کردار ہے۔انہوں نے فارماسیوٹیکل مصنوعات کے پرائس کنٹرول نظام میں تبدیلی کا بھی مطالبہ کیا۔بخاری نے مشورہ دیاکہ ڈریپ کو صرف ڈبلیو ایچ او کی ضروری ادویات کی فہرست میں ادویات کی قیمتیں طے کرنی چاہئیں، جبکہ باقی کو مارکیٹ فورسز پر چھوڑ دینا چاہیے۔ وزارت نیشنل ہیلتھ سروسز ریگولیشنز اینڈ کوآرڈینیشن کے مطابق مالی سال 2022-23 کے دوران پاکستان کی ادویات کی برآمدات میں 98.6 فیصد اضافہ ہوا۔ دواسازی کی برآمدات 2022-23 کے دوران 713 ملین ڈالر ریکارڈ کی گئیں جو پچھلے سال کے دوران 359 ملین ڈالر تھیں۔ مالی سال 23 کے دوران جراحی اور طبی آلات کی برآمدات 407 ملین ڈالر جبکہ ادویات کی برآمدات 306 ملین ڈالر ریکارڈ کی گئیں۔

کریڈٹ: انڈیپنڈنٹ نیوز پاکستان-آئی این پی

موجودہ عالمی اقتصادی حالات نے سٹارٹ اپس کو بری طرح متاثر کیا ہے، جس سے ان کی ترقی میں بہت سی سنگین رکاوٹیں اور چیلنجز پیدا ہو رہے ہیں۔ یونیورسل سروس فنڈ کی اسٹریٹجی مینیجر تانیہ صوفی نے کہا کہ حکومت اور اس کے متعلقہ اداروں کو اسٹارٹ اپ ایکو سسٹم کی حمایت میں ایک ہوشیار کردار ادا کرنا چاہیے۔ ویلتھ پاک سے بات کرتے ہوئے، انہوں نے کہا کہ معاشی عدم استحکام سے منسلک غیر یقینی صورتحال اور غیر متوقع پن کے باعث اسٹارٹ اپ آپریشنز، ان کی سپلائی چین میں خلل، اخراجات میں اضافہ، اور سرمایہ کاروں کو طویل مدتی سرمایہ کاری کرنے سے روکنے کے لیے اہم خطرات لاحق ہیں۔انہوں نے کہا کہ کاروبار نئے منصوبوں میں سرمایہ کاری کرنے یا اپنے آپریشنز کو بڑھانے میں ہچکچاتے ہیں، جس کی وجہ سے اسٹارٹ اپ کی دنیا میں جدت اور ترقی میں کمی واقع ہوتی ہے۔اس کے علاوہ، اقتصادی بدحالی نے صارفین کے اخراجات کو کم کر دیا، جس کی وجہ سے اسٹارٹ اپس کی طرف سے فراہم کردہ سامان اور خدمات کی مانگ میں کمی واقع ہوئی۔ اس کے نتیجے میں ان کی آمدنی اور منافع میں کمی واقع ہوئی، جس سے ان اسٹارٹ اپس پر اضافی دبا پڑا جو پہلے ہی زندہ رہنے کے لیے جدوجہد کر رہے تھے۔پاکستان سافٹ ویئر ایکسپورٹ بورڈ کے ڈومیسٹک بزنس فیسیلیٹیشن آفیسر محمد شعیب اسلم نے کہا کہ استحکام کی کمی نے ایسے کاروباروں کے لیے سرمائے اور دیگر وسائل تک رسائی کو مشکل بنا دیا ہے، جو ان کی ترقی اور کامیابی کے لیے اہم ہیں۔زیادہ تر سٹارٹ اپ وینچر کیپیٹل فنڈنگ پر انحصار کرتے ہیں، جو کہ حالیہ دنوں میں ناکافی ہو گئی ہے کیونکہ سرمایہ کار اپنی سرمایہ کاری میں زیادہ محتاط رہتے ہیں۔سٹارٹ اپ فنڈنگ 2023 کی پہلی ششماہی کے دوران 28.3 ملین ڈالر رہی جبکہ 2022 کی پہلی ششماہی میں 276.9 ملین ڈالر جمع کیے گئے۔

حالیہ اعداد و شمار سے پتہ چلتا ہے کہ سہ ماہی بنیادوں پر پاکستانی سٹارٹ اپس کو حاصل ہونے والی فنڈنگ اپریل سے جون 2023 کے دوران تین سالوں میں کم ترین سطح پر آگئی، تین مہینوں میں صرف آٹھ سودے ہوئے۔فنڈنگ کی یہ کمی اسٹارٹ اپس کے لیے ایک بڑا چیلنج ہے، جس کی وجہ سے بین الاقوامی کمپنیوں کے بڑے پیمانے پر اخراج اور بڑے شٹ ڈان ہوتے ہیں۔تاہم، سٹارٹ اپ فنڈنگ میں کمی حیران کن نہیں ہے، کیونکہ پاکستان کی معیشت ڈیفالٹ کے خوف کے ساتھ اپنے بدترین سال سے گزر رہی ہے۔ شعیب نے مزید کہا کہ ایسے ماحول میں، زیادہ تر سرمایہ کار دائو لگانے سے گریزاں ہوں گے۔مزید برآں، بے روزگار لوگوں کی تعداد میں اضافہ ہوا ہے، جس سے اسٹارٹ اپس کے لیے بہترین ٹیلنٹ کو راغب کرنا اور اسے برقرار رکھنا مشکل ہو گیا ہے۔ ملازمین کی خدمات حاصل کرنے اور ان کی دیکھ بھال کی لاگت میں بھی اضافہ ہوا ہے جس سے اسٹارٹ اپس پر اضافی مالی بوجھ پڑا ہے۔ان مشکلات کے باوجود، پاکستانی سٹارٹ اپس کو لچکدار رہنا چاہیے اور بدلتے ہوئے حالات سے ہم آہنگ ہونا چاہیے۔ یہ تب ہی ممکن ہو گا جب حکومت اور اس کے متعلقہ ادارے سٹارٹ اپس کی حمایت کے لیے فعال اقدامات کریں۔انٹرپرینیورشپ اور اسٹارٹ اپس کے لیے ایک معاون ماحول مراعات کی پیشکش، کنیکٹیویٹی کو فعال کرنے، تحقیق اور ترقی کے لیے فنڈنگ کی سہولت فراہم کرنے اور ایک سازگار ریگولیٹری ماحول کے نفاذ کے ذریعے حاصل کیا جا سکتا ہے۔مزید برآں، حکومت کو سٹارٹ اپس، اکیڈمیا اور صنعت کے درمیان تعاون کی حوصلہ افزائی کرنی چاہیے تاکہ خیالات اور علم کے تبادلے کو فروغ دیا جا سکے اور اقتصادی ترقی کو آگے بڑھایا جا سکے۔

کریڈٹ: انڈیپنڈنٹ نیوز پاکستان-آئی این پی

جب چین اور پاکستان چین پاکستان اقتصادی راہداری ( سی پیک ) کی پہلی دہائی کا جشن منا رہے ہیں، پاتھیے گرل پہلی پاک چین مشترکہ پروڈکشن فلم 4 اگست کو سینما گھروں کی زینت بنے گی ۔ گوادر پرو کے مطابق پاتھیے گرل پہلی چینـپاک فیچر فلم ہے جو پاکستان اور چین کے لوگوں کے درمیان دوستی پر مبنی ہے۔ اس فلم کو چائنہ فلم ایڈمنسٹریشن اور ہنرکڈا فلمز آف پاکستان نے تیار کیا ہے، جس میں وانگ جیا جیا، شائزہ چنا، سورج ارمان خان، یوئے، آصف شاہ اور دیگر شامل ہیں۔ پاتھیے گرل جس کا اردو میں مطلب ہے ''دوست لڑکی''، پاکستان کے ایک چھوٹے سے گاؤں کی ایک نوجوان، پرجوش لڑکی کی کہانی ہے جس میں فٹ بال کے خواب اور ہنر ہے۔ گوادر پرو کے مطابق یہ ایک نوجوان لڑکی کو بااختیار بنانے کی کہانی ہے جسے کسی دوسری قوم کی عورت نے لایا ہے۔ ایک قوم (چین) پاکستان نے کئی دہائیوں سے اپنا اعتماد اور دوستی رکھی ہے۔ ان کی کہانی، بالکل اسی طرح، جیسے ''پاک چن دوستی'' ہمدردی اور ترقی سے بھری ہوئی ہے۔ گوادر پرو کے مطابق فلم میں فٹ بال کو سماجی تبدیلی کے محرک کے طور پر استعمال کیا گیا ہے۔ کھیلوں نے ہمیشہ پورے شہروں، صوبوں اور قوموں کو اکٹھا کیا ہے۔ پاتھیے گرل اس طرح شروع ہوتی ہے جہاں آبائی دشمنی والے دو قبائل اکٹھے ہوتے ہیں، خواتین کے حقوق کو تسلیم کیا جاتا ہے، اور معاشرے کی تقدیر نوجوان لڑکیوں کے کندھوں پر منحصر ہوتی ہے۔ جبکہ یہ سب کچھ پاکستان کے ایک چھوٹے سے گاؤں میں ہو رہا ہے۔ گوادر پرو کے مطابق فلم کا پلاٹ دو خواتین لیڈز کی پیروی کرتا ہے، ایک پاکستانی نوجوان، 13 سالہ ناسا، جو فٹ بال کا شوق رکھتی ہے، اور لو یو، جو ایک زمانے میں چین کی مشہور خاتون فٹبالر تھیں اور اب پاکستان میں آباد ہیں، جن کا تجربہ اور عزم ناسا کے خوابوں کے پر بن گئے ۔ فلم خوبصورتی سے دو ملی جلی نسلوں سے بنی ایک کمیونٹی کی تصویر کشی کرتی ہے اور کس طرح دونوں متضاد ثقافتیں نہ صرف پرامن طور پر ایک ساتھ رہ سکتی ہیں بلکہ کمیونٹی میں خوشی، جوش اور آسودگی کے ذائقے بھی لا سکتی ہیں۔ گوادر پرو کے مطابق پاکستان نیشنل کونسل آف آرٹس (پی این سی اے) اسلام آباد میں باضابطہ ریلیز ہونے کے بعد یہ فلم 4 اگست کو اسلام آباد کلب اور 7 اگست کو بحریہ ایرینا کے سینما گھروں کی زینت بنے گی۔

کریڈٹ: انڈیپنڈنٹ نیوز پاکستان-آئی این پی

بیجنگ میں چین پاکستان مشترکہ سمندری ارضیاتی سروے ڈیٹا حوالگی تقریب کا انعقاد کیا گیا ، سفیر معین الحق نے چائنہ جیولوجیکل سروے کا شکریہ ادا کرتے ہوئے اس عزم کا اظہار کیا کہ ان مہمات کے دوران اکٹھا کیا گیا ڈیٹا پاکستان میں تحقیق اور قدرتی وسائل کی تلاش کی راہوں کو مزید وسعت دینے کے لیے مفید ثابت ہوگا۔ گوادر پرو کے مطابق کے مطابق چین پاکستان جوائنٹ میرین جیولوجیکل سروے ڈیٹا حوالے کرنے کی تقریب بیجنگ میں چائنا جیولوجیکل سروے (سی جی ایس) ہیڈ کوارٹرز میں منعقد ہوئی۔چین میں پاکستان کے سفیر معین الحق، چائنہ جیولوجیکل سروے کے نائب صدر ڈاکٹر سو زوئی اور سفارت خانے اور سی جی ایس اور چنگ ڈاؤ انسٹی ٹیوٹ آف میرین جیولوجی کے دیگر اعلیٰ حکام نے تقریب میں شرکت کی۔ گوادر پرو کے مطابق سو نے چائنہ جیولوجیکل سروے کی تاریخ اور پاکستان کے ساتھ تعاون کے بارے میں تفصیلی بریف کیا۔ دونوں ممالک نے 2019 میں میرین سائنسز کے شعبے میں تعاون کے لیے ایک مفاہمتی یادداشت ( ایم او یو ) پر دستخط کیے، جو سمندری سائنسی شعبوں اور اس سے وابستہ تحقیق ، خاص طور پر پاکستان کے علاقائی پانیوں کے اندر قدرتی معدنی اور ہائیڈرو کاربن کے وسائل کے استعمال میں تعاون کے لیے ایک مفید بنیاد فراہم کرتا ہے۔ گوادر پرو کے مطابق اپنے ریمارکس میں حق نے چائنہ جیولوجیکل سروے اور چنگ ڈاؤ میری ٹائم انسٹی ٹیوٹ کا مشترکہ میرین جیولوجیکل سروے ڈیٹا حوالے کرنے کی تقریب کا اہتمام کرنے پر شکریہ ادا کیا۔ گوادر پرو کے مطابق انہوں نے 2018 سے 2022 تک پہلے سے ہونے والی تین مشترکہ سائنسی مہمات کی اہمیت پر زور دیا اور اس عزم کا اظہار کیا کہ ان مہمات کے دوران اکٹھا کیا گیا ڈیٹا پاکستان میں تحقیق اور قدرتی وسائل کی تلاش کی راہوں کو مزید وسعت دینے کے لیے مفید ثابت ہوگا۔

کریڈٹ: انڈیپنڈنٹ نیوز پاکستان-آئی این پی

پی ڈی ایم کے ترجمان حافظ حمد اللہ نے کہا ہے کہ عوام بروقت انتخابات کا انعقاد چاہتے ہیں ، ہم بھی الیکشن میں تاخیر نہیں چاہتے۔ حافظ حمد اللہ نے میڈیا سے گفتگو کرتے ہوئے کہا کہ اسمبلیاں بروقت تحلیل ہوتی ہیں تو90 دن میں الیکشن ہوں۔ مردم شماری اور حلقہ بندیوں کی ذمے داری پی ٹی آئی حکومت کی تھی۔ وہ معاملہ حل کر دیتی تو آج یہ مسئلہ نہ ہوتا۔ اب اگر مردم شماری کی منظوری دی جائے گی تو حلقہ بندیوں کے لیے چار سے پانچ ماہ مزید درکار ہوں گے۔ حافظ حمد اللہ نے مزید کہا کہ نئی مردم شماری پر الیکشن کرانے ہیں یا پرانی حلقہ بندیوں پر ، اس حوالے سے پی ڈی ایم اور اتحادی جماعتوں میں باقاعدہ بات نہیں ہوئی۔ اب 8 دن باقی ہیں ، نئی اور پرانی حلقہ بندیوں کا معرکہ کیسے حل کریں گے۔

کریڈٹ: انڈیپنڈنٹ نیوز پاکستان-آئی این پی

وزیراعظم شہباز شریف نے پاکستانی اور ترکیہ انجینئرز کیلئے 20 کروڑ روپے کے تحفے کا اعلان کرتے ہوئے کہا ہے کہ ماہرین اور ورکرز کی خدمات کو سنہرے حروف میں لکھا جائے گا۔ کراچی میں پی این ایس طارق کی لانچنگ تقریب سے خطاب کرتے ہوئے انہوں نے کہا کہ پاک بحریہ بیڑے میں پی این ایس طارق کی شمولیت پر خوشی ہے۔ پی این ایس طارق کی پاک بحریہ بیڑے میں شمولیت سے سمندری دفاع مضبوط ہوگا۔ وزیراعظم نے ترکیے کے نائب صدر جودت یلماز کی کراچی آمد پر ان کا شکریہ ادا کرتے ہوئے کہا کہ ترکیے اور پاکستان کے درمیان اچھے تعلقات پائے جاتے ہیں۔ پاکستان ترکیے کے ساتھ دفاع سمیت دیگر شعبوں میں تعاون جاری رکھنے کا خواہاں ہے۔ انہوں نے کہا کہ پاکستان اور ترکیے کے درمیان منفرد باہمی، برادرانہ اور بہترین تعلقات ہیں۔ سیلاب کے دوران ترکیے کے عوام نے پاکستانیوں کی مدد کی۔ ہم مشکل حالات میں ترکیے کی مدد اور تعاون کو نہیں بھول سکتے۔ پاکستان میں جب زلزلہ آیا تو ترکیہ نے فنڈ ریزنگ پروگرام منعقد کیا۔ وزیراعظم کا کہنا تھا کہ ترک صدر نے کبھی بھی مشکل میں تعاون کی فراہمی سے دریغ نہیں کیا۔ پاکستان ترکیہ کے ساتھ تعاون، بھائی چارے اور محبت کا سفر جاری رکھنے کا خواہاں ہے۔ سی پیک منصوبوں سے خطے کے دیگر ممالک بھی فائدہ حاصل کرسکیں گے۔ انہوں نے مزید کہا کہ سی پیک پاکستان اور چین کا بہترین منصوبہ ہے، ہم نے قریبی دوست ترکیے کو بھی دعوت دی، سی پیک گیم چینجر منصوبہ ہے۔

کریڈٹ: انڈیپنڈنٹ نیوز پاکستان-آئی این پی

مغربی افریقی ممالک میں سے ایک نائجیریا میں گزشتہ 3ماہ میں خناق کی وبا سے مرنے والوں کی تعداد 83ہو گئی،نائجیرین نیشنل ہیلتھ سروسز ایجنسی کے ڈائریکٹر فیصل شعیب نے ایک بیان میں کہا کہ خناق کی وبا ملک کی مختلف ریاستوں میں پھیل رہی ہے،مئی تاجولائی کے عرصے میں ملک بھر میں خناق کے 836کیسز سامنے آنے کا ذکر کرتے ہوئے شعیب نے کہا کہ اس وبا سے جان کی بازی ہارنے والوں کی تعداد بڑھ کر 83ہو گئی،انہوں نے کہا کہ این پی ایچ سی ڈی اے نے وفاقی وزارت صحت اور دیگر شراکت داروں کے ساتھ مل کر اس وبا سے موثر طریقے سے نمٹنے کے لیے تمام ضروری وسائل کو متحرک کیا ہے،متعدی بیماری خناق، جسے برڈ فالج بھی کہا جاتا ہے، اس وقت ہوتا ہے جب "کورائن بیکٹیریم ڈفتھیریا" نامی مائکروجنزم گلے، ناک، آنکھوں اور جلد میں بس جاتا ہے۔

کریڈٹ: انڈیپنڈنٹ نیوز پاکستان-آئی این پی

چین کے دارلحکومت بیجنگ میں 40گھنٹوں کی مسلسل بارش نے 140سالہ ریکارڈ توڑ دیا،بیجنگ کے محکمہ موسمیات نے بدھ کوجاری پیغام میں بتایا کہ طوفان کے باعث حالیہ بارشوں نیچینی دارالحکومت میں 140سال قبل ہونے والی بارشوں کا ریکارڈ توڑ دیا ہے،بیجنگ میٹرولوجیکل سروس نے کہا کہ اس طوفان کے دوران ریکارڈ کی گئی زیادہ سے زیادہ بارش 744.8ملی میٹر تھی، جو چانگ پنگ کے وانگجیوان واٹر ریزرو میں ہوئی،سی سی ٹی وی کی رپورٹ کے مطابق طوفان سے کم از کم 11افراد ہلاک اور 27لاپتہ ہیں، جبکہ شہر سے 127,000سے زائد افراد کو نکال کر محفوظ مقام پر منتقل کردیا گیا ہے، شمالی چین میں دیگرمقامات پربھی نواموات کی اطلاع ملی ہے،طوفان کے نتیجے میں شمالی علاقہ جات میں میں آنے والے سیلاب سے 20افراد ہلاک ہو گئے ہیں۔ فوجی ہیلی کاپٹر بیجنگ سیلاب متاثرین کو امداد پہنچا رہے ہیں،اس سے پہلے 1891میں سب سے زیادہ بارش ریکارڈ کی گئی تھی۔

کریڈٹ: انڈیپنڈنٹ نیوز پاکستان-آئی این پی

سعودی وزارت ہیومن ریسورسز نے اعلان کیا ہے کہ گھریلو ملازمین کو نقل کفالہ کی سہولت فراہم کی جائے گی،غیرملکی میڈیا رپورٹس کے مطابق اب سعودیہ میں کام کرنے والے ملازمین نقل کفالہ کی سہولت سے فائدہ اٹھا سکیں گے، سعودی افراد کے مابین نقل کفالہ کی سہولت مساند ویب سائٹ کے ذریعے فراہم کرنے کا آغاز کردیا گیا ہے،وزات انسانی وسائل کے حکام کا کہنا ہے کہ یہ اقدام اس لیے کیا گیا ہے کہ سعودی افراد کے مابین گھریلو عملے کی نقل کفالہ کی سہولت ریکروٹمنٹ کے معیار میں بہتری لائے جائے،حکام نے بتایا کہ ایک کفیل سے دوسرے کفیل کو منتقل ہونے کے سلسلے میں گھریلو ملازمین کے لیے ضوابط طے شدہ ہیں اور مساند کے ذریعے یہ عمل انجام دیا جاسکتا ہے، نقل کفالہ کی سہولت حاصل کرنے کے لیے ادا کی جانے والی فیسیں بھی مساند ویب سائٹ کے ذریعے دی جائے گی،سعودی حکام نے واضح کیا ہے کہ گھریلو ملازمین سمیت تمام فریقین کے حقوق کا خیال رکھا جائے گا جس میں مساند اہم کردار ادا کرے گا۔

کریڈٹ: انڈیپنڈنٹ نیوز پاکستان-آئی این پی