بیجنگ (شِنہوا) چین کے خلائی اسٹیشن پر موجود شین ژو۔ 16 کا عملہ آئندہ چند روز میں خلائی گاڑی سے باہر اپنی پہلی سرگرمیاں (ای وی اے) انجام د ے گا۔

چائنہ مینڈ خلائی ایجنسی نے اعلان کیا ہے کہ شین ژو -16 کا عملہ  تین شعبوں کے ماہر خلابازوں پر مشتمل ہے جن میں کمانڈر، فلائٹ انجینئر اور پے لوڈ ایکسپرٹ شامل ہیں۔ یہ 30 مئی کو خلائی اسٹیشن میں داخل ہونے کے بعد 51 دن سے مدار میں ہیں۔

عملے نے لائف ایکولوجی اور مائیکرو گریویٹی انوائرنمنٹ فزکس جیسے شعبوں میں خلائی سائنس تجربات کئے ہیں اور مینگ تیان لیب ماڈیول کے علاوہ خلائی اسٹیشن کے الیکٹرک پروپلشن سسٹم کے گیس سیلنڈرز پر آلہ نصب کیا ہے جو خلائی تابکاری حیاتیات کے تجربات انجام دے گا۔

چائنہ مینڈ خلائی ایجنسی کے مطابق خلابازوں کا مدار میں طویل مدتی صحت مند قیام یقینی بنانے میں ریڈی ایشن بائیولوجی اثرات کا تجربہ بہت اہم ہے۔ یہ چاند پر اترنے کے چینی عملے کے منصوبے کے لئے بھی اہمیت کا حامل ہے۔

یہ پہلا موقع ہے کہ جب خلائی اسٹیشن کی مدار میں طویل مدت تک دیکھ بھال کرنے والے برقی پروپیلنٹ کی بحالی مکمل کرنے اور اس کی فعالیت کو زیادہ باکفایت اور مئوثر بنانے کے لئے "گیس ایکسچینج" طریقہ کار استعمال کیا جائے گا۔  یہ برقی پروپلشن سسٹم میں گیس سیلنڈرز کی تنصیب کی بدولت ممکن ہوا ہے۔

چائنہ مینڈ خلائی ایجنسی نے بتایا کہ شین ژو۔ 16 کا عملہ اچھی حالت میں ہے اور خلائی اسٹیشن کا نظام مستحکم طریقے سے کام کر رہا ہے۔

سعودی عرب میں نئے ہجری سال کے آغاز کے ساتھ ہی سال 1445 ہجری کے عمرہ سیزن کا آغاز بھی ہوگیا۔ اس حوالے سے بیرون ملک سے آنے والے معتمرین کا استقبال کیا گیا۔ 1444 ہجری کے آخر ماہ ذو الحج میں حج آپریشن زور و شور سے جاری رہا۔ سعودی وزارت حج وعمرہ نے بیرون ملکوں سے آنے والے ضیوف الرحمن کو بہترین خدمات فراہم کرنے کے نظام کو فعال کرنے پرزور دیا تاکہ معتمرین کو آسان طریقے سے اور سہولت کے ساتھ عمرہ ادا کرنے کے قابل بنایا جا سکے۔ سعودی وزارت حج وعمرہ نے بتابا کہ مملکت کے باہرسے آنے والے افراد عمرہ کر سکتے ہیں اور مسجد نبوی ۖ کا دورہ بھی کر سکتے ہیں۔سعودی عرب کے باہر سے لوگ نسک پلیٹ فارم کے ذریعہ سے الیکٹرانک ویزاجاری کرنے کی درخواست بھی دے سکتے ہیں۔ نسک ایپ دنیا کے مختلف حصوں سے مکہ مکرمہ آنے والیمسلمانوں کے طریقہ کارکو آسان بناتی ہے۔المکہ المکرمہ اورالمدینہ المنور یں رہائش اور نقل وحمل کی خدمات کے حصول میں بھی نسک ایپ سے مدد ملتی ہے۔

کریڈٹ: انڈیپنڈنٹ نیوز پاکستان-آئی این پی

سویڈن میں قرآن پاک کے نسخے کو نذر آتش کرنے کے خلاف جاری احتجاج کے دوران سینکڑوں مظاہرین نے عراق کے دارالحکومت بغداد میں سویڈش سفارت خانے پر دھاوا بول دیا اور اسے آگ لگا دی۔ غیر ملکی میڈیا کے مطابق احتجاج کی کال عراق کے شیعہ عالم مقتدی صدر کے حامیوں کی جانب سے سویڈن میں مسلمانوں کی مقدس کتاب کو جلانے کے ایک اور مبینہ منصوبے کی توقع میں دی گئی ۔ واضح رہے کہ گزشتہ روز سویڈن کی خبر رساں ایجنسی ٹی ٹی نے رپورٹ کیا تھا کہ سویڈش پولیس نے 20 جولائی بروز جمعرات کو سٹاک ہوم میں عراقی سفارت خانے کے باہر ایک عوامی احتجاج کے لیے ایک درخواست منظور کی ہے جس میں کہا گیا ہے کہ درخواست گزار قرآن پاک کے نسخے اور عراقی پرچم کو نذر آتش کرنا چاہتا ہے۔ ٹی ٹی کے مطابق مظاہرے میں دو افراد کو شرکت کی اجازت دی گئی اور ان میں سے ایک وہی شخص ہے جس نے جون میں سٹاک ہوم کی ایک مسجد کے باہر قرآن پاک کے نسخے کو نذر آتش کیا تھا۔ خبر رساں ادارے کے مطابق بغداد میں سینکڑوں مظاہرین نے جمعرات کو علی الصبح سویڈن کے سفارت خانے پر دھاوا بول دیا اور اسے آگ لگا دی ، تاہم اس دوران سفارت خانے کے عملے کے کسی رکن کو کوئی نقصان نہیں پہنچا۔ مقامی میڈیا کے مطابق سینکڑوں لوگوں نے عراقی مذہبی رہنما مقتدی صدر کی اپیل پر بغداد میں سویڈن کے سفارت خانے کے باہر احتجاج کیا اور مظاہرین نے احتجاج کے دوران عراقی حکومت سے سویڈن کے ساتھ سفارتی تعلقات منقطع کرنے کا مطالبہ کیا ۔ عراق کی وزارت خارجہ نے اس واقعے کی مذمت کرتے ہوئے ایک بیان میں کہا ہے کہ عراقی حکومت نے سکیورٹی فورسز کو ہدایت کی ہے کہ وہ اس کی فوری تحقیقات کریں، مجرموں کی شناخت کریں اور ان کا محاسبہ کریں۔ سویڈن کی وزارت خارجہ نے تصدیق کی کہ بغداد میں اس کے سفارت خانے کے تمام ملازمین محفوظ ہیں اور مظاہرین کی آمد سے ایک گھنٹہ قبل سفارت خانے کے پورے عملے کو باہر نکال لیا گیا تھا۔

کریڈٹ: انڈیپنڈنٹ نیوز پاکستان-آئی این پی

مودی سرکارکی انتہا پسند پالیسیاں بی جے پی کولے ڈوبیں بھارت کی چھبیس بڑی جماعتوں نے مودی کیخلاف انڈیا کے نام سیانتخابی اتحاد کا اعلان کردیا۔ 18جولائی کوبینگلور میں 26 سے زائد اپوزیشن جماعتوں کی مشترکہ پریس کانفرنس میں اتحاد کا اعلان کیا گیا۔اتحادی جماعتوں میں کانگرس، عام آدمی پارٹی، جنتا دل،شیوسینا،سماج وادی پارٹی،نیشنل کانفرنس شامل،پیپلزڈیموکریٹک پارٹی،کیمونسٹ پارٹی،سوشلسٹ پارٹی اورآل انڈیا مسلم لیگ شامل ہیں۔انتخابی اتحاد کامقصد مودی سرکار کے اقتدارکے دوران انسانی حقوق اورجمہوریت کی پامالیوں کوختم کرنا ہے۔اپوزیشن رہنماوں کا کہنا تھا کہ مودی کی ہارمیں بھارت کی جیت ہے۔راہول گاندھی نے جیت کا عزم کر تے ہوئے کہا کہ دوہزارچوبیس کیانتخابات میں مودی کا مقابلہ انڈیا سے ہوگا اورانڈیا مودی سے جیتے گا۔ سیاسی تجزیہ کاروں نے اظہارخیال کرتے ہوئے کہا کہ چھبیس جماعتیں انتخابی اتحاد کے خوف سے مودی پلوامہ حملے کی طرزکا ڈرامہ رچا کر انتخابات پراثراندازہوسکتا ہے۔

کریڈٹ: انڈیپنڈنٹ نیوز پاکستان-آئی این پی

کولمبیا میں مٹی کے تودے گرنے سے 5 بچوں سمیت 20 افراد ہلاک ہو گئے اور شدید بارشوں کے باعث متاثرہ علاقوں میں امدادی کارروائیوں میں مشکلات کا سامنا ہے۔ غیر ملکی میڈیا کے مطابق وسطی کولمبیا میں مٹی کے تودے گرنے کے بعد 9 افراد لاپتہ ہو گئے جن کی تلا ش کے لئے جاری امدادی کارروائیوں میں 400 سے زیادہ فوجی ، فائر فائٹرز اور دیگر سرکاری امدادی کارکن حصہ لے رہے ہیں۔ فائر ڈیپارٹمنٹ کے سربراہ الوارو فارفن نے مٹی کے تودے گرنے سے 20 اموات کی تصدیق کرتے ہوئے کہا ہے کہ مرنے والوں میں 5 بچے بھی شامل ہیں۔ کوئٹم میونسپلٹی میں موسلادھار بارشوں کے بعد کئی گھر تباہ ہو گئے اور ایک بڑی تجارتی شاہراہ بند ہو گئی تھی۔ حکام کے مطابق نعشوں کی تلاش کے لئے جاری امدادی کارروائیوں کو خراب موسم کے باعث بار بار روکنا پڑا۔حکام کے مطابق علاقے میں مزید لینڈ سلائیڈنگ کا خطرہ ہے۔واضح رہے کہ کولمبیا میں گزشتہ سال مون سون کے دوران سیلابی ریلوں اور لینڈ سلائیڈنگ سے 300 افراد ہلاک ہو گئے تھے۔

کریڈٹ: انڈیپنڈنٹ نیوز پاکستان-آئی این پی

سعودی عرب کے شہر جدہ میں خلیج تعاون کونسل اور وسطی ایشیائی ممالک کا پہلا سربراہی اجلاس ہوا ہے جس میں اقتصادی تعاون ، علاقائی استحکام سمیت متعددامور پرتبادلہ خیال کیاگیا ۔ خلیج تعاون کونسل(جی سی سی) اور وسط ایشیا کے پانچ ممالک کا سربراہ اجلاس سعودی عرب کے شہر جدہ میں ہوا ، اجلاس میں جی سی سی میں شامل سعودی عرب، متحدہ عرب امارات، بحرین، قطر، کویت اور عمان اور وسط ایشیا کے پانچ ممالک ازبکستان، ترکمانستان، تاجکستان، کرغزستان اور قزاقستان کے سربراہان شریک تھے اور ان کے درمیان اس نوعیت کا یہ پہلا سربراہ اجلاس ہے۔ سعودی ولی عہد شہزادہ محمد بن سلمان نے اجلاس میں شرکت کے لیے آنے والے وسطی ایشیائی ممالک، خلیج تعاون کونسل کے رہنماوں اور وفود کے سربراہوں کا خیرمقدم کیا۔ اجلاس کے آغاز میں سعودی ولی عہد شہزادہ محمد بن سلمان نے کہا کہ یہ سربراہ اجلاس جی سی سی اور وسط ایشیائی ممالک کے درمیان دیرینہ تعلقات کا مظہر ہے۔ اجلاس میں سعودی ولی عہد محمد بن سلمان نے چیلنجوں سے نمٹنے کیلئے کوششیں تیز کرنے پر زوردیا ہے ۔

سعودی ولی عہد کاکہنا ہے کہ کسی بھی ریاست کے اندرونی معاملات میں مداخلت کی سختی سے مخالفت کرتے ہیں، انہوں نے ریاستوں کی خودمختاری اور آزادی کا احترام کرنے کا مطالبہ کیا۔ تاجکستان کے صدر امام علی رحمان نے خلیجی ریاستوں کیساتھ تعاون بڑھانے کی اہمیت پر زوردیا۔ کویتی ولی عہد نے کانفرنس سے خطاب میں کہا کہ یہ کانفرنس وسطی ایشیا اور جی سی سی ممالک کے تعلقات کے سفر میں بڑا اضافہ ہے ، ہم چاہتے ہیں کہ یہ کانفرنس شریک ممالک کے درمیان سٹراٹیجک شراکت کے استحکام کا باعث بنے۔ ازبک صدر کاکہنا تھا کہ معیشت اور مصنوعی ذہانت سمیت مختلف شعبوں میں خلیج کے عرب ممالک کے ساتھ طویل المیعاد شراکت کے خواہشمند ہیں۔ بحرین کے شاہ حمد کے نمائندے شیخ ناصر بن حمد الخلیفہ نے جی سی سی ممالک کے درمیان تعاون اور ہم آہنگی کو بڑھانے اور دوسرے ممالک کے ساتھ دوستی اور مشترکہ تعاون کو مستحکم کرنے کے حوالے سے سعودی عرب کے فعال کردار کی تعریف کی۔ اجلاس میں اقتصادی تعاون، سلامتی کے چیلنجز اور علاقائی استحکام سمیت متعدد مسائل پر غور کیا گیا۔

کریڈٹ: انڈیپنڈنٹ نیوز پاکستان-آئی این پی

پاکستان کی خاتون کوہ پیما نائلہ کیانی نے نئی تاریخ رقم کرتے ہوئے ایک اور اعزاز اپنے نام کرلیا۔ پاکستانی کوہ پیما نائلہ کیانی نے پاکستان میں موجود تمام پانچ ( 8 ہزار میٹر سے بلند چوٹیاں) سر کرلیں، وہ یہ کارنامہ سر انجام دینے والی پہلی پاکستانی خاتون ہیں۔ نائلہ نے یہ کارنامہ آج 8051 میٹر بلند براڈ پیک سر کرکے سر انجام دیا ہے ، براڈ پیک دنیا کی بارہویں بلند چوٹی ہے۔ نائلہ کیانی نے حال ہی میں دنیا کی بلند ترین چوٹی مانٹ ایورسٹ سر کرکے تاریخ رقم کی تھی، نائلہ کیانی رواں سال 2023 میں مانٹ ایورسٹ سر کرنے والی پہلی بین الاقوامی کوہ پیما ہیں ۔ اس سے قبل یہ اعزاز پاکستانی کوہ پیما ثمینہ بیگ کے پاس تھا، جنہوں نے 2013 میں مانٹ ایورسٹ سر کرکے کرنے والی پہلی پاکستانی خاتون کا اعزاز اپنے نام کیا۔ پاکستان کی خاتون کوہ پیما نائلہ کیانی نے اس سے قبل پاکستان میں کے ٹو، نانگا پربت ، گیشربرم ون اور گیشربرم ٹو سر کرنے کا اعزاز بھی اپنے نام کررکھا ہے۔ نائلہ نانگا پربت ، لوٹسے، اناپورنا اور گیشربرم سر کرنے والی پہلی پاکستانی خاتون بھی ہیں جبکہ 14 میں سے 8 آٹھ ہزار میٹر کی بلند چوٹیاں سر کرنے والی پہلی پاکستانی خاتون ہیں۔ نائلہ کیانی کا تعلق صوبہ پنجاب میں راولپنڈی شہر کے علاقے گجر خان کے ایک قدامت پسند خاندان سے ہے، انھوں نے ایرو سپیس انجینئرنگ کی تعلیم برطانیہ سے حاصل کر کے اپنے اس شعبے میں بھی کام کررکھا ہے ۔ خیال رہے کہ وزیراعظم محمد شہبازشریف کی ہدایت پر دنیا کی بلند ترین چوٹی مانٹ ایورسٹ سر کرنے پر پاکستانی خاتون کوہ پیما نائلہ کیانی کو ستارہ امتیاز دینے کا بھی نوٹی فکیشن جاری کیا گیا تھا۔ دسمبر 2021 میں نائلہ کو صدر مملکت ڈاکٹر عارف علوی نے کوہ پیمائی میں ان کی کامیابیوں کے اعتراف میں ایوارڈ سے بھی نوازا تھا۔

کریڈٹ: انڈیپنڈنٹ نیوز پاکستان-آئی این پی

پاکستان والی بال فیڈریشن نے اے وی سی چیلنج کپ میں عدم شرکت پر عاد ہونیوالا 20ہزار ڈالرز کیجرمانے کا معاملہ وزارت خارجہ، بین الصوبای رابطہ اور پاکستان سپورٹس بورڈ کیساتھ اٹھادیا، فیڈریشن نے جرمانہ کی ادایگی کیلے حکومت سے مدد مانگ لی۔ تفصیلات کے مطابق پاکستان والی بال فیڈریشن کے چیرمین چوہدری محمد یعقوب نے پاکستان سپورٹس بورڈ کے ڈاریکٹر جنرل شعیب کھوسو کو خط لکھا ہے جن کی کاپی وفاقی وزیر بین الصوبای رابطہ احسان مزاری، سیکرٹری خارجہ اسد مجید خان، سیکرٹری آی پی سی احمد حنیف اورکزی کو بھجوای گی ہے۔ خط میں کہا گیاہے کہ اے وی سی چیلنج کپ 8جولای سے چاینیز تای پای کھیلا جانا تھا جس میں شرکت کیلے آخری لمحات میں وزارت خارجہ نے پاکستان والی ٹیم کو این او سی دینے سے انکار کر دیا ، میگا ایونٹ میں عدم شرکت پر ایشین والی بال کنفڈریشن نے پاکستان پر 20ہزار ڈالرز جرمانہ عاد کر دیا ہے۔ وزارت خارجہ کا این او سی جاری نہ ہونے پر پاکستان کو جرمانہ ہوا، قومی والی بال ٹیم کو این او سی جاری ہوتا تو جرمانہ نہ ہوتا،خط میں کہا گیا کہ وفاقی حکومت جرمانہ کی ادایگی میں مدد کرے، 20ہزار ڈالرز ادا نہ ہوا تو انٹرنیشنل ایونٹس میں شرکت معدوم ہوجاے گی جبکہ ایونٹ میں عدم شرکت پر پہلے ہی ٹکٹوں کی مد میں فیڈریشن کو 67لاکھ کا نقصان برداشت کرنا پڑھ رہا ہے اور والی بال فیڈریشن کے پاس فنڈز نہیں کہ وہ جرمانہ ادا کر سکے، خط میں مزید کہا گیا کہ وفاقی حکومت چاینیز تای پای میں منعقدہ ایونٹس کی پالیسی پر بھی نظر ثانی کرے، چین اپنی ٹیم وہاں بھیج سکتا ہے تو پاکستان کیوں نہیں انٹرنیشنل اولمپک کمیٹی کی کھیلوں بارے بھی واضح پالیسی ہے۔

کریڈٹ: انڈیپنڈنٹ نیوز پاکستان-آئی این پی

وزیراعظم شہباز شریف کی ہدایت پر قومی کھیل ہاکی کے بارے قام خصوصی کمیٹی نے پاکستان ہاکی فیڈریشن کے موجودہ سیٹ اپ کو تبدیل کرنے کی سفارش کر دی۔ تفصیلات کے مطابق وفاقی وزیر دفاع خواجہ آصف کی سربراہی میں قام کمیٹی نے اولمپینز پر مشتمل کمیٹی کی سفارشات کی بھی توثیق کر دی ہے ۔ خواجہ آصف کی سربراہی میں قام کمیٹی کو وزیراعظم نے فیصلے کرنے کا بھی اختیار دے رکھا ہے اس حوالے سے پاکستان سپورٹس بورڈ کے ڈاریکٹر جنرل شعیب کھوسو کو بھی ہدایات جاری کی گی ہے۔

کریڈٹ: انڈیپنڈنٹ نیوز پاکستان-آئی این پی

پاکستان کرکٹ ٹیم کے سابق کپتان شعیب ملک نے کہا ہے کہ بھارتی ٹیم کو پاکستان آنا چاہیے اور پاکستان کو بھارت جا کر کھیلنا چاہیے۔ ایک انٹرویومیں شعیب ملک کا کہنا تھا کہ پاکستانی کرکٹ کا مستقبل روشن ہے، مجھے امید ہے کہ آنے والے ورلڈ کپ میں پاکستانی ٹیم اچھا پرفارم کرے گی۔ شعیب ملک کا کہنا تھا کہ کھیل سرحدوں کا محتاج نہیں ہے، کھیل لوگوں کو اکٹھا کرتا ہے اور چھوٹی موٹی ناراضگیاں بھی دور کرتا ہے، سابق کپتان نے کہا کہ پاکستان میں ٹیلنٹ کی کمی نہیں ہے، انہیں مواقع فراہم کرنے کی ضرورت ہے۔ انہوں نے نئے چیئرمین پاکستان کرکٹ بورڈ مینجمنٹ کمیٹی ذکا اشرف کیلئے نیک خواہشات کا اظہار کیا،واضح رہے کہ شعیب ملک ٹورنٹو میں گلوبل ٹی ٹوئنٹی کرکٹ لیگ میں ٹیم مِسی ساگا پینتھر کی نمائندگی کر رہے ہیں۔

کریڈٹ: انڈیپنڈنٹ نیوز پاکستان-آئی این پی

پاکستان نے گال ٹیسٹ میں سری لنکا کو 4 وکٹوں سے شکست دے دیدی، قومی ٹیم نے 131 رنز کا ہدف 6 وکٹوں پر حاصل کیا۔ سری لنکا کی جانب سے گال ٹیسٹ میں پاکستان کو جیت کیلئے 131 رنز کا ہدف دیا گیا جو قومی ٹیم نے 6 وکٹوں کے نقصان پر حاصل کیا، امام الحق نے ناقابل شکست 50 رنز اسور کئے، سعود شکیل 30، بابر اعظم 24، عبداللہ شفیق 8 اور شان مسعود 7 رنز بنا کر آوٹ ہوئے، سرفراز احمد بھی ایک رن بنا کر پویلین لوٹ گئے، آغا سلمان 6 رنز بنا کر ناٹ آوٹ رہے۔ گال ٹیسٹ میں سری لنکا نے ٹاس جیت کر پہلے بیٹنگ کرنے کا فیصلہ کیا، میزبان ٹیم پہلی اننگز میں دھنن جیا ڈی سلوا کے 122 رنز کی بدولت 312 رنز بناسکی، جس کے جواب میں پاکستان ٹیم نے اپنی پہلی اننگز میں 461 رنز بنائے، سعود شکیل 206 رنز بنا کر ناقابل شکست رہے۔

سری لنکن ٹیم دوسری اننگز میں 279 رنز بناکر آٹ ہوگئی، اس بار بھی ڈی سلوا 82 رنز کے ساتھ ٹاپ اسکورر رہے، میزبان ٹیم نے پاکستان کو جیت کیلئے 131 رنز کا ہدف دیا۔ قومی ٹیم کو ابتدا میں مشکلات کا سامنا کرنا پڑا اور محض 38 رنز پر تین بلے باز پویلین لوٹ گئے، تاہم اس موقع پر امام الحق نے ذمہ دارانہ بیٹنگ کرتے ہوئے ناقابل شکست نصف سنچری اسکور کی اور ٹیم کی فتح میں اہم کردار ادا کیا۔ پاکستان کی جانب سے شاندار بیٹنگ اور ڈبل سنچری پر سعود شکیل کو میچ کا بہترین کھلاڑی قرار دیا گیا۔ بولرز میں شاہین شاہ آفریدی نے 5 اور ابرار احمد نے 6 کھلاڑیوں کو آوٹ کیا جبکہ سری لنکا کی جانب سے پرابھاس جے سوریا نے 7 اور رمیش مینڈس نے 6 شکار کئے۔ پاکستان کو دو ٹیسٹ میچوں کی سیریز میں 0-1 کی برتری حاصل ہوگئی۔ پاکستان اور سری لنکا کے درمیان دوسرا اور آخری ٹیسٹ 24 جولائی سے شروع ہوگا۔

کریڈٹ: انڈیپنڈنٹ نیوز پاکستان-آئی این پی

چیئرمین پاکستان کرکٹ بورڈ (پی سی بی)کی تعیناتی کے خلاف درخواست پر سماعت عدالتی چھٹیوں کے بعد تک ملتوی کردی گئی۔ لاہور ہائی کورٹ کے جسٹس شاہد کریم نے چیئرمین پی سی بی کی تعیناتی کالعدم قرار دینے کی درخواست پر سماعت کی۔ دوران سماعت عدالت نے ریمارکس دیئے کہ گرمیوں کی چھٹیوں میں یہ کیس کیسے لگ گیا، کوئی ایمرجنسی نہیں کیس کی سماعت نہیں ہو سکتی۔ لاہور ہائی کورٹ نے چئیرمین پی سی بی ذکا اشرف کی تعیناتی کالعدم قرار دینے کی درخواست پر سماعت بغیر کارروائی کے گرمیوں کی عدالتی چھٹیوں کے بعد تک ملتوی کردی۔

کریڈٹ: انڈیپنڈنٹ نیوز پاکستان-آئی این پی

دریائے چناب میں بھارت کی طرف سے دوسرا سیلابی ریلہ چھوڑ دیا گیا۔ ہیڈ مرالہ کے مقام پر پانی کی آمد2لاکھ 10ہزار 983 کیوسک اور اخراج ایک لاکھ 92ہزار960 ریکارڈ کیا گیا۔ ہیڈ خانکی کے مقام پر پانی کی آمد ایک لاکھ 88ہزار934کیوسک اوراخراج ایک لاکھ 10 ہزار کیوسک ہے۔ ہیڈ قادرآباد میں پانی کی آمدایک لاکھ 77ہزار 775 جبکہ اخراج 90ہزارکیوسک ہے۔

کریڈٹ: انڈیپنڈنٹ نیوز پاکستان-آئی این پی

نیپرا نے مئی کے مہینے کیلئے قیمت میں 1.90 روپے اضافے کی منظوری دیدی، صارفین کو 21 ارب 10 کروڑ روپے اضافی ادا کرنا پڑیں گے۔ نیشنل الیکٹرک اینڈ پاور ریگولیٹری اتھارٹی (نیپرا )نے مئی کے مہینے کیلئے بجلی کی قیمت میں 1.90 روپے اضافے کی منظوری دیدی، مئی کی فیول پرائس ایڈجسٹمنٹ کی مد میں منظوری کا نوٹیفکیشن جاری کردیا گیا۔ نیپرا کے مطابق سینٹرل پاور پرچیزنگ اتھارٹی(سی پی پی اے ) نے 2 روپے 0 پیسے فی یونٹ اضافے کی درخواست کی تھی، جس پر نیپرا نے 5 جولائی کو فیول پرائس ایڈجسٹمنٹ کی درخواست پر سماعت کی تھی۔ رپورٹ کے مطابق قیمت میں اضافے سے بجلی صارفین آئندہ ماہ کے بلوں میں 21 ارب 10 کروڑ اضافی ادا کریں گے۔ نوٹیفکیشن کے مطابق اطلاق ڈسکوز کے تمام صارفین ماسوائے لائف لائن اور الیکٹرک وہیکل چارجنگ اسٹیشنز پر ہوگا، اضافے کا اطلاق کے الیکٹرک صارفین پر نہیں ہوگا۔

کریڈٹ: انڈیپنڈنٹ نیوز پاکستان-آئی این پی

سپریم کورٹ نے سابق صدر پرویز مشرف کی نااہلی کے خلاف دائر درخواست خارج کر دی۔ سابق صدر کی نااہلی کیس کی سماعت چیف جسٹس کی سربراہی میں 3 رکنی بنچ نے کی اور سپریم کورٹ نے پرویز مشرف کی نااہلی کی درخواست غیر موثر ہونے پر خارج کر دی۔ ایڈیشنل اٹارنی جنرل نے عدالت میں کہا کہ درخواست گزار پرویز مشرف وفات پا چکے ہیں، 2013 کے عام انتخابات میں پرویز مشرف کی نااہلی کو چیلنج کیا گیا تھا۔ ایڈیشنل اٹارنی جنرل نے مزید کہا کہ 2013 کی اسمبلی کی مدت بھی ختم ہو چکی ہے۔ واضح رہے کہ پرویز مشرف نے 2013 کے عام انتخابات میں چترال سے کاغذات نامزدگی جمع کروائے تھے جو ریٹرننگ آفیسر نے مسترد کردئیے تھے۔

کریڈٹ: انڈیپنڈنٹ نیوز پاکستان-آئی این پی

وفاقی وزیر ریلوے خو اجہ سعد رفیق نے کہا ہے کہ ایم ایل ون کے لئے چین کو منانے میں کامیاب ہو گئے ہیںرواں سال کے آخر تک ایم ایل ون منصوبے پر کام کا آغاز ہو جائے گامو ہنجو دڑو ایکسپر یس بحال کر دی گئی۔ان خیالات کا اظہار وزیر ریلوے خواجہ سعد رفیق نے وزارت میں ٹرین کا افتتاح کرتے ہوئے کیا ۔انہوں نے کہا کہ کوٹری لاڑکانہ سیکشن پر رہنے والے عوام کو مبارکباد دیتا ہوں کوٹری،لاڑکا نہ سیکشن پر ٹرین کی رونق دوبارہ بحال ہو گئی ۔ اس ٹر ین کا اہلیان علاقے کے عوام کا دیرینہ مطالبہ تھا ٹرین کی بحالی سے اس علاقے کے عوام کو سفری سہو لت میسر آئی گی ۔کوٹری ۔لاڑکانہ سیکشن پر ریلوے بحال ہو چکی ہے۔یہ ٹرین 10بو گیوں پر مشتمل ہو گی اور اس میں 870مسافر سفر کر سکیں گے۔کوٹری ۔لاڑکانہ بیاوقت چلا کر ے گی۔گذشتہ بر س شدید بارشوں سے بنیادی ریلوے ڈھانچہ بر ی طر ح متاثر ہوا۔ریلوے ٹریک بھی بارشوں سے بر ی طر ح متا ثر ہو ا تھا۔ ریلوے افسران اور ملازمین نے دن رات کام کر کے ٹریک بحال کییسیلابی پانی میں کھڑے ہو کر بغیر وسائل کے ریلوے ٹریک کو بحال کیا گیاسیلاب اور دہشتگردی کی وجہ سے پل اور پشتے تباہ ہو ئے محدود وسائل اور مشکلات کے باوجود مسافروں کو سہو لیات فراہم کر رہے ہیں ہم ایک بار پھر بہتری کی جانب چل پڑے ہیں۔سبی ، ہر نائی سیکشن پر مسافراور کوئلہ کی ٹرین چلا رہے ہیں سبی ، ہر نائی سیکشن میں روڈ نیٹ ورک نہ ہو نے کے برابر ہے۔سبی ،ہر نائی سیکشن پر جلد ہی ٹرین چلے گیگذشتہ حکو مت نے عوام کو سہو لیات دینے کے لئے کو ئی قدم نہیں اٹھایا۔ایم ایل ون کے لئے احسن قبال کی زیر قیادت وفد چین گیاگذشتہ حکو مت نے ایم ایل ون پر کو ئی کام نہیں کیاحکو مت آتی جاتی رہتی ہیں ریاستی کاموں کو نہیں روکنا چاہیئیایم ایل ون کی لاگت ساڑھے6ارب سے 10ارب ڈالر پر چلی گئی ہیگذشتہ حکو مت کی عد م توجہی کی وجہ سے ایم ون کی لاگت بڑھ گی ہیاتنا بڑا قرض پاکستان برداشت نہیں کر سکتاتھارواں سال کے آخر تک ایم ایل ون منصوبے پر کام کا آغاز ہو جائے گا۔

کریڈٹ: انڈیپنڈنٹ نیوز پاکستان-آئی این پی

خیبرپختونخوا کے دارالحکومت پشاور کے علاقے ریگی میں پولیس اہلکاروں پر فائرنگ کا واقعہ پیش آیا جس کے نتیجیمیں دو پولیس اہلکار شہید جبکہ 2 زخمی ہوگئے۔ تفصیلات کے مطابق پولیس اسٹیشن ریگی ماڈل ٹاون کی انٹری چیک پوائنٹ پر حملہ کیا گیا ۔ایس پی ورسک ارشد خان کا کہنا ہے کہ نفری تبدیل ہوتے وقت پولیس پرفائرنگ کی گئی، پولیس اہلکاروں پر 17گولیاں فائرکی گئیں۔ فائرنگ کے بعد حملہ آور فرار ہوگئے جن کے تلاش کیلیے علاقے میں سرچ آپریشن جاری ہے۔ دوسری جانب ترجمان خیبرٹیچنگ اسپتال کا کہنا ہے کہ 2 پولیس اہلکار شہید اور2 زخمی ہوئے ہیں۔ ہیڈ کانسٹیبل واجد اور ڈرائیور فرمان شہید ہوئے جبکہ فیروز اور سیاراسپتال میں زیرعلاج ہیں۔ یاد رہے کہ دو روزقبل بھی خیبرپختونخوا کے دارالحکومت پشاور کے علاقے حیات آباد میں سکیورٹی فورسزکی گاڑی کے قریب خود کش دھماکے کے نتیجے میں8 افراد زخمی ہوگئے۔ خیال رہے کہ رواں سال خیبرپختونخوا میں دہشت گردی کے واقعات میں تشویشناک حد تک اضافہ ہوا ہے۔ صوبے بھر میں مختلف دہشت گرد حملوں میں اب تک سال 146 پولیس اہلکار شہید ہوئے ہیں۔

کریڈٹ: انڈیپنڈنٹ نیوز پاکستان-آئی این پی

سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ آخری 20 دن رہ گئے ہیں جو کرنا ہے کر لیں پھرانہیں موقع نہیں ملے گا، غربت اور مہنگائی کے مارے لوگ اگر شفاف الیکشن ہوئے تو پولنگ باکس پر 15 مہینے کا سارا ادھار اتار دیں گے۔ سماجی رابطے کی ویب سائٹ ٹوئٹر پر شیخ رشید احمد نے اپنے پیغام میں لکھا کہ جے یو آئی کہتی ہے کہ تمام سیٹوں پر الیکشن لڑیں گے ن لیگ کہتی ہے سیٹ اجسٹمنٹ نہیں کریں گے، پی پی پی کہتی ہے کہ اپنے نشان پر الیکشن لڑیں گے میں نے پہلے ہی کہا تھا کہ ان کا شیرازہ بکھرے گا یہ عوام کے غیض و غضب کا نشانہ بنیں گے اور ان کے پاس ضمانتیں ضبط کروانے والوں کا جمع غفیر ہوگا۔ انہوں نے کہا کہ پاکستان نے آئی ایم ایف کی جن شرائط پر عمل کرنا ہے وہ بہت سخت ہیں اور پاکستانی اکانومی کو نئے مسائل سے دوچار ہونا پڑے گا اور غریب کا مزید سوا ستیاناس ہو جائے گا، ہمارے دوست ملکوں نے بھی یہی مشورہ دیا ہے کہ اپنے ملک کے اندر کے حالات ٹھیک کریں اور سیاسی و معاشی استحکام لائیں۔ سابق وفاقی وزیر کا کہنا تھا کہ غریب کا کوئی والی وارث نہیں ہے، بات اہلیت اور نااہلیت سے آگے چلی گئی ہے، نہ کوئی فیکٹری لگا رہا ہے نہ کوئی سرمایہ کار آ رہا ہے، اسٹینڈ بائی ایگریمنٹ عارضی ہے اور الیکشن سے منسلک ہے، 24 کروڑ لوگوں میں سے 10 کروڑ لوگ خط غربت سے نیچے چلے گئے ہیں، 10 لاکھ ڈاکٹر، انجینئر پروفیسر، ملک چھوڑ گئے ہیں۔ انہوں نے کہا کہ آئی ایم ایف نے شرائط جاری کر دی ہیں جو حکومت کے خلاف چارج شیٹ ہے، بجلی، گیس کی قیمت بڑھا کر چینی، آٹا مہنگا کر کے کس منہ سے یہ عوام میں ووٹ مانگنے جائیں گے، اصل مسئلہ نگران وزیراعظم کا ہے، سیاستدان ہوگا یا معیشت دان ہوگا، اس پر سوئی پھنسی ہوئی ہے اور یہ مسئلہ متنازع بھی بن سکتا ہے، حکومت نے اپنے منی لانڈرنگ اور کرپشن کے کیس ختم کرا لیے ہیں لیکن آج عوام کا کیس لڑنے والا کوئی نہیں ہے۔ سربراہ عوامی مسلم لیگ کا مزید کہنا تھا کہ اگر کوئی دیانتدار، ایماندار اور غیرجانبدار نگران وزیر اعظم آگیا تو دھاندلی کی ساری خواہشیں دم توڑ جائیں گی اور قومی وقار میں اضافہ ہوگا دنیا بھی اسے تسلیم کرے گی، ہر کوئی اپنے سیاسی فائدے کا سوچ رہا ہے، ملک و قوم اور غریب عوام کے فائدے کی کوئی بات نہیں ہو رہی۔

کریڈٹ: انڈیپنڈنٹ نیوز پاکستان-آئی این پی

امریکا نے کہا ہے کہ ہم کسی ملک کی اندرونی سیاست میں مداخلت نہیں کرتے، سائفر کے حوالے سے بے بنیاد الزامات لگائے گئے۔ ترجمان امریکی دفتر خارجہ میتھیو ملر نے ایک بار پھر سے سائفر سے متعلق الزامات کو بے بنیاد قرار دیتے ہوئے کہا ہے کہ جانتے نہیں کہ کتنی بار اس سوال کا جواب دے چکے ہیں۔ میتھیو ملر کا کہنا تھا کہ ہر بار ایک ہی جواب دیا جاتا ہے کہ یہ الزامات بے بنیاد ہیں ، پھر سے کہتے ہیں کہ امریکا کسی بھی ملک کی اندرونی سیاست میں دخل نہیں دیتا۔

کریڈٹ: انڈیپنڈنٹ نیوز پاکستان-آئی این پی

وزیرِ ریلوے خواجہ سعد رفیق نے کہا ہے کہ رواں سال کے آخر تک ایم ایل ون پر کام شروع ہو جائے گا۔ میڈیا سے گفتگو کرتے ہوئے خواجہ سعد رفیق کا کہنا تھا کہ سابق حکومت نے ایم ایل ون پر کوئی کام نہیں کیا، لاگت ساڑھے 6 ارب ڈالر سے بڑھ کر 10 ارب ڈالر پر چلی گئی ہے، ایم ایل ون کیلئے ہم چائنیز کو منانے میں کامیاب ہو گئے ہیں۔ انہوں نے کہا کہ گزشتہ برس بارشوں سے بنیادی ڈھانچہ شدید متاثر ہوا ہے، ریلوے ٹریک کو بھی بارشوں سے نقصان پہنچا ہے، ریلوے کے افسران اور ملازمین نے دن رات کام کر کے ٹریک بحال کیا۔ وزیرِ ریلوے کا کہنا تھا کہ کوٹلی لاڑکانہ سیکشن پر ریلوے بحال ہو چکی ہے، کوشش ہے کہ جو ٹرینیں بند ہیں انہیں بحال کیا جائے، محدود وسائل اور مشکلات کے باوجود مسافروں کو سہولتیں فراہم کر رہے ہیں۔ خواجہ سعد رفیق نے مزید کہا کہ ریلوے کی سمت ٹھیک ہوگئی ہے، اب اگلی حکومت کی ذمہ داری ہوگی، حکومتیں آتی جاتی رہتی ہیں، ریاست کیلئے کام آگے بڑھانا چاہیے۔

کریڈٹ: انڈیپنڈنٹ نیوز پاکستان-آئی این پی

سپریم کورٹ آف پاکستان نے وکیل قتل کیس میں چیئرمین پاکستان تحریک انصاف کو طلب کر لیا۔ سپریم کورٹ کی جانب سے چیئرمین پی ٹی آئی کو کوئٹہ وکیل قتل کیس میں پیر کی صبح 10 بجے پیش ہونے کا حکم دیا گیا ہے۔ واضح رہے کہ چند ہفتے پہلے کوئٹہ میں ائیر پورٹ روڈ پر عالمو چوک کے قریب فائرنگ سے سپریم کورٹ کے وکیل عبدالررزاق شر جاں بحق ہو گئے تھے اور وہ چیئرمین پی ٹی آئی کے خلاف سنگین غداری کیس کے درخواست گزار تھے بعدازاں سپریم کورٹ کے سینئر وکیل عبدالرزاق شر کے قتل کا مقدمہ پی ٹی آئی چئیرمین کے خلاف درج کرلیا گیا تھا۔

کریڈٹ: انڈیپنڈنٹ نیوز پاکستان-آئی این پی

بیجنگ (شِنہوا) چین کے نائب صدر ہان ژینگ نے بدھ کو بیجنگ میں امریکی صدارتی ایلچی برائے موسمیات جان کیری سے ملاقات کی۔ جان کیری سے گفتگو کرتے ہوئے چینی نائب صدر نے کہاکہ موسمیاتی تبدیلیوں سے نمٹنا چین-امریکہ تعاون کا ایک اہم پہلو ہے۔انہوں نے کہا کہ  بالی میں دونوں سربراہان مملکت کی ملاقات میں طے پانے والے اتفاق رائے کو عملی جامہ پہنانا، باہمی احترام، پرامن بقائے باہمی اوریکساں مفاد پرمبنی تعاون کے اصولوں پر عمل کرنا اور چین امریکہ  مختلف شعبوں میں تبادلوں اور تعاون کے لیے سازگار ماحول پیدا کرنا ناگزیر ہے۔ہان نے کہا کہ موسمیاتی تبدیلی انسانیت کی پائیدار ترقی پر اثر اندازہے۔ ایک ذمہ دار بڑے ملک کی حیثیت سے چین نے ترقی کے نئے فلسفے پر عمل کرتے ہوئے اعلیٰ معیار کی ترقی کے  بنیادی تقاضوں کے مطابق موسمیاتی تبدیلیوں کے مسئلہ کو موثر  طور پر حل کیا ہے۔ہان نے مزید کہا کہ چین امریکہ کے ساتھ مل کرایک دوسرے کے بنیادی تحفظات کا احترام اور مکمل رابطوں کی بنیاد پر مشترکہ بنیاد تلاش کرنے، پیرس معاہدے کے مکمل  نفاذ کو فروغ دینے اور موسمیاتی تبدیلی جیسے عالمی چیلنجز سے نمٹنے کے لیے نئی شراکت داریاں قائم  کرنے کے لیے تیار ہے۔

بیجنگ (شِنہوا) چین کے نائب صدر ہان ژینگ نے بدھ کو بیجنگ میں امریکی صدارتی ایلچی برائے موسمیات جان کیری سے ملاقات کی۔ جان کیری سے گفتگو کرتے ہوئے چینی نائب صدر نے کہاکہ موسمیاتی تبدیلیوں سے نمٹنا چین-امریکہ تعاون کا ایک اہم پہلو ہے۔انہوں نے کہا کہ  بالی میں دونوں سربراہان مملکت کی ملاقات میں طے پانے والے اتفاق رائے کو عملی جامہ پہنانا، باہمی احترام، پرامن بقائے باہمی اوریکساں مفاد پرمبنی تعاون کے اصولوں پر عمل کرنا اور چین امریکہ  مختلف شعبوں میں تبادلوں اور تعاون کے لیے سازگار ماحول پیدا کرنا ناگزیر ہے۔ہان نے کہا کہ موسمیاتی تبدیلی انسانیت کی پائیدار ترقی پر اثر اندازہے۔ ایک ذمہ دار بڑے ملک کی حیثیت سے چین نے ترقی کے نئے فلسفے پر عمل کرتے ہوئے اعلیٰ معیار کی ترقی کے  بنیادی تقاضوں کے مطابق موسمیاتی تبدیلیوں کے مسئلہ کو موثر  طور پر حل کیا ہے۔ہان نے مزید کہا کہ چین امریکہ کے ساتھ مل کرایک دوسرے کے بنیادی تحفظات کا احترام اور مکمل رابطوں کی بنیاد پر مشترکہ بنیاد تلاش کرنے، پیرس معاہدے کے مکمل  نفاذ کو فروغ دینے اور موسمیاتی تبدیلی جیسے عالمی چیلنجز سے نمٹنے کے لیے نئی شراکت داریاں قائم  کرنے کے لیے تیار ہے۔

یونان کے شہر ایتھنزکے مغربی مضافاتی علاقے ماندرا میں ایک ہیلی کاپٹر جنگل میں بھڑکنے والی آگ بجھانے کی کوشش کر رہا ہے۔(شِنہوا)

افغانستان کے صوبہ قندوز میں کسان خربوزوں کی نئی فصل کی کٹائی کےبعد انہیں گاڑی پر لاد رہے ہیں۔(شِنہوا)

کمیونسٹ پارٹی آف چائنہ کی مرکزی کمیٹی کے پولیٹیکل بیوروکی قائمہ کمیٹی کے رکن اور نیشنل پیپلز کانگریس کی قائمہ کمیٹی کے چیئرمین ژاؤ لیجی بیجنگ میں الجزائر کے صدرعبدالمجید تبون سے ملاقات کے دوران مصافحہ کررہے ہیں۔(شِنہوا)

کمیونسٹ پارٹی آف چائنہ کی مرکزی کمیٹی کے پولیٹیکل بیوروکی قائمہ کمیٹی کے رکن اور نیشنل پیپلز کانگریس کی قائمہ کمیٹی کے چیئرمین ژاؤ لیجی بیجنگ میں الجزائر کے صدرعبدالمجید تبون سے ملاقات کے دوران مصافحہ کررہے ہیں۔(شِنہوا)

اٹلی کے شہر روم میں پینتھیون کے قریب لوگ نل سے پانی پی رہے ہیں جہاں زیادہ درجہ حرارت 41 ڈگری سینٹی گریڈ سے تجاوزکر گیا تھا۔(شِنہوا)

لبنان کے شہر طرابلس میں نوجوان رضاکار ساحل سمندر سےکچرا جمع کررہے ہیں۔(شِنہوا)

لاس اینجلس(شِنہوا) مصنوعی ذہانت (اے آئی) کی رہنمائی میں برین اسٹیمولیشن دماغ کی تکلیف دہ چوٹ (ٹی بی آئی) کے مریضوں کی یادداشت کو بہتر بنانے میں مدد کر سکتا ہے۔

جریدے برین اسٹیمولیشن میں شائع ہونے والی اس تحقیق  کے مطابق  ٹی بی آئی کے مریضوں میں ٹارگٹڈ  برقی اسٹیمولیشن الفاظ کو یاد کرنے میں اوسطاً 19 فیصد اضافہ کرتا ہے۔    یونیورسٹی آف پنسلوانیا کے سائیکالوجی کے پروفیسر مائیکل جیکب کاہانا کی سربراہی میں تحقیقی ٹیم نے ٹی بی آئی کے مریضوں کے دماغ میں لگائے گئے  الیکٹروڈز کا مریضوں کی جانب سے الفاظ کا مطالعہ اور یادداشت کی خرابیوں کا اندازہ لگانے کے لیے مشین لرننگ الگورتھم کا استعمال کرتے ہوئے مطالعہ اور عصبی ڈیٹا کا تجزیہ کیا۔

تحقیق سے یہ بات سامنے آئی  کہ تھراپیوٹک سیٹنگ میں اس قسم کی اسٹیمولیشن کو لاگو کرنے سے پہلے مزید کام باقی ہے اور سائنسدانوں کو یادداشت کی بہتر کارکردگی کے پیچھے اعصابی میکانزم کو بہتر طور پر سمجھنے کے لیے اسٹیمولیشن کے لیے جسمانی ردعمل کا مطالعہ کرنے کی ضرورت ہے۔

لاس اینجلس(شِنہوا) مصنوعی ذہانت (اے آئی) کی رہنمائی میں برین اسٹیمولیشن دماغ کی تکلیف دہ چوٹ (ٹی بی آئی) کے مریضوں کی یادداشت کو بہتر بنانے میں مدد کر سکتا ہے۔

جریدے برین اسٹیمولیشن میں شائع ہونے والی اس تحقیق  کے مطابق  ٹی بی آئی کے مریضوں میں ٹارگٹڈ  برقی اسٹیمولیشن الفاظ کو یاد کرنے میں اوسطاً 19 فیصد اضافہ کرتا ہے۔    یونیورسٹی آف پنسلوانیا کے سائیکالوجی کے پروفیسر مائیکل جیکب کاہانا کی سربراہی میں تحقیقی ٹیم نے ٹی بی آئی کے مریضوں کے دماغ میں لگائے گئے  الیکٹروڈز کا مریضوں کی جانب سے الفاظ کا مطالعہ اور یادداشت کی خرابیوں کا اندازہ لگانے کے لیے مشین لرننگ الگورتھم کا استعمال کرتے ہوئے مطالعہ اور عصبی ڈیٹا کا تجزیہ کیا۔

تحقیق سے یہ بات سامنے آئی  کہ تھراپیوٹک سیٹنگ میں اس قسم کی اسٹیمولیشن کو لاگو کرنے سے پہلے مزید کام باقی ہے اور سائنسدانوں کو یادداشت کی بہتر کارکردگی کے پیچھے اعصابی میکانزم کو بہتر طور پر سمجھنے کے لیے اسٹیمولیشن کے لیے جسمانی ردعمل کا مطالعہ کرنے کی ضرورت ہے۔

بیجنگ (شِنہوا) چین کے سنکیانگ ویغور خود اختیارعلاقے میں تین سالہ امدادی مشن کا آغازکرنے کے لیے تقریباً 120 مرکزی محکموں اور تنظیموں کے 600 سے زائد چینی اہلکار  دارالحکومت ارمچی پہنچ گئے۔ 1997 کے بعد سے اس 11 ویں بیج  ٹیلنٹ ایڈ ٹیم کا انتظام کمیونسٹ پارٹی آف چائنہ کی مرکزی کمیٹی کے آرگنائزیشن ڈیپارٹمنٹ اور انسانی وسائل وسماجی تحفظ کی وزارت نے کیا ہے۔

43 سال کی اوسط عمر کے ساتھ، بھیجے گئے اہلکاروں میں سے 73.1 فیصد ماسٹر ڈگری یا اس سے زیادہ کے حامل ہیں جن میں  سے 60 فیصد تکنیکی شعبوں یا انٹرپرائز مینجمنٹ کے پیشہ ور افراد ہیں۔ ان کے مشن میں تعلیم، صحت ، سیاست اور قانون، سائنس اور ٹیکنالوجی اور ثقافت اور سیاحت کے شعبوں میں مخصوص ضروریات کو پورا کرنے کے لیے مدد فراہم کرنا شامل ہے۔1997 میں اپنے آغاز کے بعد سے، پرسنل اسسٹنس پروگرام کے تحت سنکیانگ میں 20ہزار سے زیادہ افراد نے خدمات انجام دیتے ہوئے اس کی ترقی میں حصہ لیا ہے۔