قومی اسمبلی نے پاکستان نرسنگ کونسل ترمیمی بل 2023 منظور کرلیا، قومی اسمبلی کاجلاس 24جولائی تک ملتوی کردیاگیا۔جمعہ کوقومی اسمبلی کا اجلاس سپیکر راجہ پرویز اشرف کی صدارت پارلیمنٹ ہاوس میں ہوا۔سپیکر نے کہاکہ پاکستان نرسنگ کونسل کے اجلا س بلانے میں مسائل ہیں اس می ایک چھوٹی سی ترمیم ہے اس کو منظور کرلیں۔ جام عبدالکریم نے پاکستان نرسنگ کونسل ترمیمی بل 2023پیش کیا جس کو متفقہ طورپر منظور کرلیاگیا۔معمول کاایجنڈا موخر کرے بل منظور کیاگیا۔قومی اسمبلی کا اجلا س24جولائی بروز پیر شام 5بجے تک ملتوی کردی گئی ۔

کریڈٹ: انڈیپنڈنٹ نیوز پاکستان-آئی این پی

وفاقی وزیر برائے ہوا بازی خواجہ سعد رفیق نے کہا ہے کہ پی آئی اے پر 742 ارب روپے کا قرض ہے پی آئی اے کی ری سٹرکچرنگ نہ کی گئی تو ایک ڈیڑھ سال میں بند ہوجائے گی،غلام سرور کے جاہلانہ بیان کی وجہ سے 70 ارب روپے کا نقصان ہوا ہے پی آئی اے کے پاس بہت قیمتی اسٹیشن ہیں،جلد پی آئی اے کی برطانیہ کی پروازیں بحال ہوجائیں گیں۔ ان خیالات کا اظہار انہوں نے جمعہ کے روز قومی اسمبلی کے اجلاس میں کیا انہوں نے کہا کہ پی آئی اے کی ری سٹرکچرنگ نہ کی گئی تو ایک ڈیڑھ سال میں بند ہوجائے گی،غلام سرور کے جاہلانہ بیان کی وجہ سے 70 ارب روپے کا نقصان ہوا ہے پی آئی اے کے پاس بہت قیمتی اسٹیشن ہیں،جلد برٹش ایئرلائن کی پروازیں بحال ہوجائیں گی یورپی ایئرلائنز بھی تین چار ماہ میں پروازیں بحال کردیں گی پی آئی اے پر 742 ارب روپے کا قرض ہیایئرپورٹس کی آٹ سورسنگ سب سے بہتر بولی دہندہ کو کی جائیں گی انہوں نے کہا کہ دنیا میں پرائیویٹ آپریٹرز کے ذریعے ائیرپورٹس کو چلایا جاتا ہے آئوٹ سورس کا مطلب یہ نہیں کہ ائیرپورٹس کو بیچا جارہا ہے اسلام آباد ائیرپورٹس کو آٹ کیا جارہا ہے کوئی ملازم بے روزگار نہیں ہوگا اگر کوئی دبا ڈالے گا تو دبا برداشت نہیں کیا جائے گا اسلام آباد ائیرپورٹ انشا اللہ پندرہ سال کیلئے آئوٹ سورس کیا جائے گا آئی ایف سی ہماری کنسلٹنٹ ہے پیپرا کے قانون پر عمل کیا جائے گا اسلام آباد کے بعد لاہور اور کراچی ائیرپورٹ کی باری آئے گی بعض لوگ چاہتے ہیں ان کے کھانچے چلیں سب کو پتہ ہے میں نجکاری کے حق میں نہیں ہوں۔(محمداویس)

کریڈٹ: انڈیپنڈنٹ نیوز پاکستان-آئی این پی

سپیکر قومی اسمبلی راجہ پرویز اشرف نے باغ دستور کی تعمیر میںتاخیر پر نوٹس لیتے ہوئے سی ڈی اے سے جواب طلب کرلیا اگر باغ کی تعمیر میںتاخیر کی گئی تو ذمہ دارافسران کے خلاف کارروائی ہوگی ۔مولاناعبدالاکبر چترالی نے تھرمیں قادیانیوں کی طرف سے ہزاروں ایکڑ زمین خرید کروہاں تبلیغ کرنے کا معاملہ قومی اسمبلی میں اٹھادیا،چترال میں گندم بحران کے حوالے سے وزیر اعظم شہباز شریف سے وعدہ وفا کرنے کی درخواست بھی کردی۔جمعہ کوقومی اسمبلی کا اجلاس سپیکر راجہ پرویز اشرف کی صدارت پارلیمنٹ ہاوس میں ہوا۔ اجلاس حسب معمول تقریبا ایک گھنٹہ تاخیر سے شروع ہوا۔اجلاس میں ایم کیو ایم رکن صلاح الدین نے حیدرآباد میں غیر اعلانیہ لوڈ شیڈنگ کا معاملہ اٹھا یا ا نہوں نے کہاکہ وفاقی وزیر پانی و بجلی عوام پر رحم کریں، شدید گرمی میں کئی کئی گھنٹے بجلی بند رہتی ہے اس کا نوٹس لیاجائے یہ الیکشن کا سال ہے اور حیدرآباد میں گھنٹوں بجلی نہیں ہوتی ہے اس کے ساتھ قومی اسمبلی کے 50سال مکمل ہونے پر فیصلہ کیاگیاتھاکہ باغ دستور بنایاجائے گا مگر 3ماہ ہورہے ہیں اس میں کوئی کام نہیں ہورہاہے اس کا نوٹس لیاجائے باغ دستور کی تعمیر میں سی ڈی اے جان بوجھ کر رکاوٹیں ڈال رہی ہے۔سپیکر قومی اسمبلی نے کہاکہ باغ دستور کی تعمیر میں تاخیر کرنے والے افسران کے خلاف ایکشن لیاجائے گا اور ذمہ داران کو سزا ہوگی اس حوالے سے میں سی ڈی اے سے پوچھوں گا۔

عبد الاکبر چترالی نے کہاکہ تھر میں قادیانیوں نے تبلیغ کا سلسلہ شروع کر رکھا ہے جس کی اجازت نہیںانہوں نے ایکڑوں اراضی اس مقصد کے لیے حاصل کی ہے جہاں غریبوں کی غربت کا فائدہ اٹھاتے ہوئے انہیں اپنے جال میں پھنسایا جا رہا ہے آئین پاکستان میں قادیانیوں کو غیر مسلم قرار دیا گیا تھا وہ اس طرح تبلیغ نہیں کر سکتے قادیانیوں کے خلاف ایکشن کیوں نہیں لیا جارہا ۔انہوں نے کہاکہ چترال میں لوگوں کے پاس گندم نہیں ہے اس حوالے سے ایک ماہ قبل وزیر اعظم نے وعدہ کیا تھا گذارش ہے وہ وعدہ پورا کیا جائے محرم کی آڑ میں راستوں کو بند کیا جارہا ہے شاہراہ دستور پر موٹر سائکل والوں کو نہیں چھوڑا جارہا جن کے پاس سرکاری کارڈ ہیں ان کو دفاتر میں آنے دیا جائے ۔رومینہ خورشید عالم نے کہاکہ ایس ڈی جیز کے حوالے سے انہوں نے غیرملکی دورہ کیا ہے اور اس کو یواین میں بھی تسلیم کیاگیا ہے مگر پاکستانی میڈیا میرے خلاف من گھڑت خبریں لگائی گئیں ہیں اس کا نوٹس لیاجائے یہ ہماری توہین ہے عالمی میڈیا ہماری تعریف کرتی ہے اور ہمارا میڈیا ہماری توہین کررہی ہے جس پر سپیکر نے معاملہ استحقاق کمیٹی بھیج دیا ،رانا قاسم نون نے کہاکہ اس معاملے کو کمیٹی میںاٹھائیںگے اور اس کو حل کریں گے ۔(محمداویس)

کریڈٹ: انڈیپنڈنٹ نیوز پاکستان-آئی این پی

پاکستان میں ہیپا ٹائٹس کے مریضوں کی تعداد میں مسلسل اضافے کا انکشاف ہوا ہے،پنجاب میں ہیپاٹائٹس بی کا پھیلا 2.2 فیصد جبکہ ہیپاٹائٹس سی کا پھیلا 18.19 فیصد ہے، پمز میں 10، پولی کلینک میں 12 وینٹلیٹر خراب ہیں جبکہ نرم اسپتال میں میں کوئی وینٹلیٹر ہی دستیاب نہیں ہے ۔قومی اسمبلی کا اجلاس سپیکر راجہ پرویز اشرف کی صدارت پارلیمنٹ ہاوس میں ہوا۔وزراتوں کی طرف سے تحریری جواب میں بتایاگیاہے کہ پمز اسپتال میں کل وینٹلیٹرز کی تعداد 76 ہے جن میں سے 66 فعال ہیں۔قومی اسمبلی میں اسلام آباد کے سرکاری ہسپتالوں میں فعال اور غیر فعال وینٹلیٹرز کی تفصیلات پیش کی گئیں ۔وزارت صحت نے بتایاکہ پمز اسپتال میں کل وینٹلیٹرز کی تعداد 76 ہے جن میں سے 66 فعال ہیں، پمز اسپتال کے 10 وینٹلیٹرز غیر فعال ہیں جن میں سے 3 وینٹلیٹرز پرانے ماڈل کے ہیں جن کے پرزے مارکیٹ میں موجود نہیں، پولی کلینک اسپتال میں وینٹلیٹرز کی کل تعداد 56 ہے جن میں سے 12 غیر فعال ہیں ،نرم اسپتال میں میں کوئی وینٹلیٹر ہی دستیاب نہیں ، پاکستان میں ہیپا ٹائٹس کے مریضوں کی تعداد میں مسلسل اضافے کا انکشاف ہوا ہے،پاکستان میڈیکل ریسرچ کونسل نے 2008 میں سروے کروایا ہیپیٹائٹس بی کا پھیلا دو اعشاریہ پانچ فیصد اور ہیپاٹائٹس سی کا پھیلا پانچ فیصد تھا۔سندھ اور پنجاب میں 19-2018 کے سروے کے دوران ہیپاٹائٹس کے پھیلاں میں مزید اضافہ دیکھا گیا۔پنجاب نے 2018 کے دوران ہیپاٹائٹس کا سروے کرایا۔پنجاب میں ہیپاٹائٹس بی کا پھیلا 2.2 فیصد جبکہ ہیپاٹائٹس سی کا پھیلا 18.19 فیصد تھا۔سندھ میں ہیپاٹائٹس بی کا پھیلائو 1.05 اور ہیپاٹائٹس سی کا پھیلا 6.2 فیصد تھا۔ہیپاٹائٹس غیر محفوظ خون کے نفوذ اور سرنجوں کے دوبارہ استعمال کے سبب پھیل رہا ہے۔صحت مراکز میں غیر مناسب طور پر اسٹیرلائز کردہ طبی، جراحی اور دندان آلات بھی اس مرض کا سبب ہیں۔حجام کی جانب سے ریزر کا اشتراک اور انفیکٹڈ آلات کا استعمال بھی ہیپاٹائٹس کو پھیلا رہا ہے۔ٹیٹو بنانا اور کان چھیدنا بھی ہیپاٹائٹس کے مرض کو بڑھا رہا ہے۔(محمداویس)

کریڈٹ: انڈیپنڈنٹ نیوز پاکستان-آئی این پی

وفاقی وزیر برائے خزانہ اسحاق ڈار نے کہا ہے کہ وعدہ کیاتھا کہ آئی ایم ایف کے ساتھ معائدہ ہونے کے بعد اس کو قومی اسمبلی میں پیش کروں گا آج وعدہ پورا کرلیا ہے قومی اسمبلی کی لائبریری میں اس کو رکھ دیا گیا ہے جو دیکھنا چاہیے دیکھ سکتاہے وزارت خزانہ کی ویب سائٹ پر بھی آج اپلوڈ کردیاجائے گا۔پاکستانی ذخائر چودہ بلین ڈالر پر پہنچ چکے ہیں 5.3 بلین پرائیویٹ بینکوں کے پاس, 8.7 بلین ڈالر اسٹیٹ بینک کے ذخائر میں موجود ہیں کوشش ہے ملک کو معاشی طور پر مستحکم کر کے چھوڑ کر جائیں ان خیالات کا اظہار انہوں نے جمعہ کے روز قومی اسمبلی کے اجلاس میں کیا انہوں نے کہا کہ آئی ایم ایف سے جو معاہدہ کیا ہے اس کی تفصیلات ایوان میں پیش کررہا ہوں اس کا مقصد یہ ہے کہ اراکین پارلیمنٹ کو اس کی تفصیلات کا علم ہوسکے،آئی ایم ایف پروگرام کی تفصیلات بتانے کا مقصد شفافیت ہے،آئی ایم ایف سیمعاہدوں کی کاپی اسمبلی لائبریری میں رکھوارہاہوں،آئی ایم ایف کا نواں جائزہ نومبر2022میں تھا دس ریویو فروری2023 میں ہونا تھا گیارہواں ریویو2023 میں منعقد ہونا تھا کریڈیبیلٹی کے گیپ کی وجہ سے 9واں ریویوتاخیر کا شکار ہوا، بجٹ2023-24 آگیا لیکن نواں ریویونہیں ہوا تھا،وزیرخزانہ اسحاق ڈار نے کہا کہ ہم نے ٹیکس کے حوالے سے کچھ اقدامات لیے ہم نے دو سو پندرہ ارب کے اقدامات لیے جب بجٹ پاس ہوا تو اس کے بعد نو مہینے کا ایگریمنٹ کیا پھر طے ہوا کے 200 ملین شروع میں دینگے نویں ریویو کے برابر ہمیں ایک اعشاریہ دو ارب ڈالر مل گئیپاکستانی ذخائر چودہ بلین ڈالر پر پہنچ چکے ہیں 5.3 بلین پرائیویٹ بینکوں کے پاس ذخائر موجود ہیں 8.7 بلین ڈالر اسٹیٹ بینک کے ذخائر میں موجود ہیں کوشش ہے ملک کو معاشی طور پر مستحکم کر کے چھوڑ کر جائیں۔(محمداویس)

کریڈٹ: انڈیپنڈنٹ نیوز پاکستان-آئی این پی

اقوام متحدہ کے ترجمان اسٹیفن دویارچ نے کہا ہے کہ مقدس کتابوں اور مقامات کی بے حرمتی ناقابل قبول ہے۔ دویارچ نے اپنی یومیہ پریس کانفرنس کے دوران بغداد میں سویڈش سفارت خانے پر دھاوے اور سویڈن میں قرآن کی بے حرمتی کے واقعات پر تشویش کا اظہار کیا اور کہا کہ باہمی احترام وقت کی ضرورت ہے۔ ترجمان نے کہا کہ مقدس کتابوں اور مقامات کی بے حرمتی ناقابل قبول ہے جبکہ ایسے واقعات کا مقصد اشتعال انگیزی کو بڑھاوا دینا ہے، انسانوں کو اشتعال انگیزی کی جانب راغب نہ کرواتے ہوئے ان کے مذہبی احساسات ک احترام کرنے اور تشدد سے اجتناب برتنا ہے ۔

کریڈٹ: انڈیپنڈنٹ نیوز پاکستان-آئی این پی

قرآن کی بیحرمتی کے واقعے کے بعد عراق نے سویڈن کے سفیر کو ملک سے نکال دیا۔ گزشتہ روز سویڈن میں رہائش پذیر عراقی ملعون شہری سلوان مومیکا کی جانب سے ایک بار پھر قرآن پاک کی بے حرمتی کی گئی اور عراقی پرچم کی بھی تذلیل کی گئی۔ اس حوالے سے ملعون سلوان مومیکا کا کہناتھا اس کا آئندہ 10 روز میں قرآن پاک کی بے حرمتی اور عراقی پرچم کی تذلیل کا دوبارہ ارادہ ہے۔ دوسری جانب توہین قرآن کے معاملے پر عراقی دارالحکومت بغداد میں سیکڑوں مشتعل افراد نے دھاوا بولتے ہوئے سویڈن کا سفارت خانہ جلادیا جبکہ قرآن کی بیحرمتی پر عراق نے سویڈن کے سفیر کو ملک سے نکال دیا۔

کریڈٹ: انڈیپنڈنٹ نیوز پاکستان-آئی این پی

یوکرین اناج معاہدے سے روس کے نکلنے کے بعد دنیا بھر میں اجناس کی قیمتوں میں مزید اضافے کا خدشہ ہے۔روس کے اس فیصلے پر ردعمل دیتے ہوئے عالمی مالیاتی فنڈ(آئی ایم ایف) نے کہا ہے کہ یوکرین سے اناج کی فراہمی رکنے سے جنوبی ایشیا، مشرق وسطی اور شمالی افریقا کے غریب اور کم آمدنی والے ممالک متاثر ہوں گے ۔ آئی ایم ایف کے مطابق روس کے فیصلے سے عالمی غذائی تحفظ کو شدید نقصان ہوگا، یوکرین سے اناج کی فراہمی میں تعطل سے خوراک کی قیمتوں میں اضافہ ہوگا۔

کریڈٹ: انڈیپنڈنٹ نیوز پاکستان-آئی این پی

یوکرین نے روس پر اناج کے ٹرمینلز کو میزائلوں کے ذریعے نشانہ بنانے کا الزام عائد کیا ہے۔ میڈیا رپورٹس کے مطابق اوڈیسہ کے گورنرنے کہا کہ روسی میزائلوں نے جنوبی علاقے میں مسلسل چوتھی رات فضائی حملے کیے جس میں زرعی انٹرپرائز پر اناج کے ٹرمینلز کو نشانہ بنایا گیا ہے جس کے نتیجے میں 100 ٹن کے قریب مٹر اور 20 ٹن کے قریب گندم تباہ ہوگئی جب کہ اس حملے دو شہری بھی زخمی ہوئے ہیں۔ گورنر اولے کیپرنے کہا کہ روس نے حملوں میں کلیبر کروز میزائل استعمال کیے جنہیں بحیرہ اسود سے داغا گیا تھا۔ دوسری جانب روس نے بحیرہ اسود میں نیوی کی مشقیں بھی شروع کردی ہیں جس میں روسی بحریہ بحیرہ اسود میں براہ راست فائرنگ کی مشقیں کررہی ہے۔

کریڈٹ: انڈیپنڈنٹ نیوز پاکستان-آئی این پی

بھارتی ریاست مہاراشٹر میں مسلسل بارشوں کے بعد پہاڑی علاقے میں مٹی کا تودہ گرنے سے 10 افراد ہلاک اور 100 سے زائد لاپتا ہوگئے۔ بھارتی خبر رساں ادارے کے مطابق ریاست مہاراشٹر کے ضلع رائے گڑھ میں مٹی کا ایک بڑا تودہ گائوں ارشل واڑی پر گر گیا۔ مکانوں کے ملبے تلے درجنوں افراد دب گئے۔یہ گائوں دور افتادہ، پہاڑی اور جنگلات میں ہے جس کے باعث ریسکیو کے کاموں میں شدید مشکلات کا سامنا رہا۔ ایک اندازے کے مطابق گاوں میں 225 افراد رہتے تھے۔ ریسکیو کے کاموں کے دوران ملبے سے 10 لاشیں برآمد ہوئیں جب کہ 75 افراد کو بحفاظت نکال لیا گیا اب بھی 100 سے زائد افراد کے ملبے تلے دبے ہونے کا خدشہ ہے تاہم درست تعداد کا اندازہ نہیں۔

کریڈٹ: انڈیپنڈنٹ نیوز پاکستان-آئی این پی

اٹلی میں ژالہ باری کے دوران آسمان سے ٹینس گیند جتنے بڑے اولے گرنے سے 100 سے زائد افراد زخمی ہوگئے۔غیرملکی میڈیا رپورٹس کے مطابق شمالی اٹلی کے علاقے وینیٹو میں گزشتہ رات کو ژالہ باری ہوئی اس دوران ٹینس گیند کے سائز کے اولے گرنے سے تقریبا 110افراد زخمی ہوئے۔ رپورٹس میں بتایا گیا کہ بھاری اولے پڑنے سے املاک کوبھی نقصان پہنچا جبکہ تیز ہواں سے کئی درخت اور تاریں گرگئیں۔ علاقے میں شہریوں کی جانب سے ایمرجنسی سروسز کو مدد کیلئے 500 سے زیادہ فون کالز موصول ہوئیں جس پر بروقت ریسکیو ٹیمیں جائے وقوعہ پر پہنچیں اور کھڑکیوں ،گاڑیوں کے ٹوٹے ہوئے شیشے اور درخت ہٹائے۔ حکام کے مطابق شہریوں کی بڑی تعداد بھاری اولوں سے شیشے ٹوٹنے کی وجہ سے زخمی ہوئی جنہیں فورا ریسکیو کرکے طبی امداد دی گئی۔ واضح رہے کہ ان دنوں امریکا سمیت یورپ میں شدید گرمی کا راج ہے۔ روم، فلورینس سمیت اٹلی کے 16شہروں میں شدید گرمی کا الرٹ جاری کیا گیا ہے۔

کریڈٹ: انڈیپنڈنٹ نیوز پاکستان-آئی این پی

ترکیہ کے صدر رجب طیب ایردوان نے دنیا سے شمالی قبرصی ترک جمہوریہ کو جلد از جلد تسلیم کرنے کی اپیل کی ہے۔ انہوں نے شمالی قبرصی ترک جمہوریہ کے صدر ایرسن تاتار کے ساتھ دارالحکومت لفکوشیا میں منعقدہ 20 جولائی کی پر امن کاروائی اور آزادی کی سرکاری تقریب سے اپنے خطاب میں کہا کہ 1963 تا 1974 کا دور بدقسمتی سے خون، آنسو اور قتل عام کا دور تھالیکن ترکوں نے کبھی بھی اس ظلم و ستم کے سامنے سر نہیں جھکایا ہے۔ ایردوان نے کہا کہ ضامن ملک ہونے کے ناطے ترکیہ نے حقوق اور ذمہ داریوں کے دائرہ کار میں 20 جولائی 1974 کو ترک مسلح افواج نے جزیرے پر قدم رکھا اور دنیا کوقبرصی ترکوں کے تنہا نہ ہونے اوت محکوم نہ کیے جانے سے آگاہ کردیا۔صدر ایردوان نے کہا، "20 جولائی کا دن قبرصی ترک عوام کے امن و سکون کی خواہش کے مطابق خود مختار حقوق اور مساوی حیثیت کے تحفظ کی علامت ہے۔انہوں نے کہا کہ یونانی قبرصی انتظامیہ اپنے مظالم اور قتل عام کو پوری دنیا سے چھپانے کی کوشش کر رہی ہے۔انہوں نے کہا کہ جب تک قبرصی ترکوں کی خود مختار مساوات اور مساوی بین الاقوامی حیثیت کا تعین نہیں کرلیا جاتا ، اس وقت تک نئے مذاکراتی عمل کا آغاز کرنے کا سوال ہی پیدا نہیں ہوتا۔انہوں نے کہا کہ حالات کچھ بھی ہوں، ہم ترک قبرص کی مساوی خودمختاری اور مساوی بین الاقوامی حیثیت کی تصدیق کے لیے اپنی کوششوں سے پیچھے نہیں ہٹیں گے۔ ہمارا کام اس غیر قانونی، غیر انسانی تنہائی اور پابندی کو ختم کرنے کے عزم کے ساتھ جاری رہے گا جس کا قبرصی ترکوں کو سامنا ہے۔

کریڈٹ: انڈیپنڈنٹ نیوز پاکستان-آئی این پی

بھارت میں ٹماٹر کی قیمت آسمان پر پہنچنے کے بعد ایک ماں نے دبئی سے آنے والی بیٹی سے ٹماٹر کی انوکھی فرمائش کردی۔ بھارتی میڈیا رپورٹس کے مطابق دبئی کی رہائشی بھارتی خاتون نے اسکولوں کی چھٹیوں میں بھارت جانے کا ارادہ کیا اور اپنی والدہ سے پوچھا کہ انہیں دبئی سے کیا منگوانا ہے۔ جواب میں والدہ نے قیمتی چیز ٹماٹر لانے کی فرمائش کردی۔ بیٹی نے والدہ کی خواہش پوری کی اور اپنے سوٹ کیس میں 10 کلو ٹماٹر رکھ کر بھارت لے گئیں۔ دبئی سے ٹماٹر لانے والی خاتون کی بہن نے سوشل میڈیا پر والدہ کی فرمائش کے بارے میں پوسٹ لکھی جو وائرل ہوگئی۔ اس سوال پر کہ ٹماٹر جلد خراب ہوجاتے ہیں اتنے ٹماٹر کیسے محفوظ کریں گی تو دبئی سے آنے والی خاتون کی بہن نے جواب دیا کہ ٹماٹر کی چٹنی سمیت مختلف طریقوں سے استعمال کریں گے۔ کچھ سوشل میڈیا صارفین نے سوٹ کیس میں ٹماٹر لانے کے بارے میں قانون سے متعلق سوال اٹھا دئیے جبکہ بہت سے صارفین نے اسے دلچسپ قرار دیا۔بھارت میں ٹماٹر بہت مہنگے اور عام آدمی کی قیمت خرید سے باہر ہوگئے ہیں۔

کریڈٹ: انڈیپنڈنٹ نیوز پاکستان-آئی این پی

ایک برطانوی جریدے نے اپنی رپورٹ میں کہا ہے کہ بھارت کی حکمران جماعت بی جے پی ریاست منی پور میں انتہا پسند جذبات کو فروغ دے کر انتخابی فوائد اٹھانا چاہتی ہے۔رپورٹ کے مطابق منی پور میں میتی اور کوکی برادری کے مابین فسادات میں اب تک 200 سے زائد افراد جان کی بازی ہار چکے ہیں۔ اس حوالے س مظاہرین کا کہنا ہے کہ مودی منی پور میں نسلی فسادات کو ہوا دے کر فوج کی مستقل تعیناتی چاہتے ہیں، ان کی کوشش ہے کہ فوج کی مستقل تعیناتی سے انتخابات میں فائدہ اٹھایا جا سکے۔ غیرملکی میڈیا کے مطابق ڈھائی ماہ سے پوری ریاست میں انٹرنیٹ کی فراہمی بھی معطل ہے۔ واضح رہے کہ املاک کو جلانے اور نقصان پہنچانے کے علاوہ حال ہی میں منی پور سے خواتین کے ساتھ ایک دل دہلا دینے والے روئیے کی ویڈیو بھی منظر عام پر آئی تھی۔

کریڈٹ: انڈیپنڈنٹ نیوز پاکستان-آئی این پی

سویڈن میں ایک بار پھر قرآن کریم کے نسخے کو جلانے کی ناپاک جسارت کی گئی۔ عالمی خبر رساں ادارے کے مطابق سویڈن میں دائیں بازو کے 2 انتہا پسندوں کو پولیس نے عراق کے سفارت خانے کے سامنے احتجاجی مظاہرے کی اجازت دی تھی۔ جس میں آزادی اظہارِ رائے کے نام نہاد دعویداروں نے مسلمانوں کی الہامی کتب قرآن پاک کو جلانے کی مکروہ حرکت کی گئی۔ سویڈن میں رواں برس ایسا تیسری بار کیا گیا ہے۔ مظاہرہ کرنے والے دونوں شدت پسندوں نے عراق کا پرچم بھی جلایا۔ پچھلی بار کی طرح اس بار بھی قرآن پاک جلانے کی ناپاک جسارت عراقی پناہ گزین سلوان مومیکا نے کی جس نے عید الاضحی کے دن مسجد کے باہر قرآن کو نذر آتش کرنے کی ناپاک جسارت کی تھی۔ سویڈن پولیس کی جانب سے عراقی سفارت خانے کے سامنے احتجاجی مظاہرے اور قرآن پاک کو نذر آتش کرنے کی اجازت عراق میں سویڈن کے سفارت خانے پر حملے اور اسے نذر آتش کرنے کے بعد دی تھی۔

کریڈٹ: انڈیپنڈنٹ نیوز پاکستان-آئی این پی

بلوچستان عوامی پارٹی نے آئندہ عام انتخابات میں بھرپور حصہ لینے کا فیصلہ کرلیا۔ گزشتہ روز بلوچستان عوامی پارٹی کے مرکزی صدر اور وزیراعلی بلوچستان میر عبدالقدوس بزنجو کی زیر صدارت پارٹی کی سینئر قیادت کا اجلاس ہوا جس میں چیئرمین سینیٹ صادق سنجرانی، پارٹی کے چیف آرگنائزر و اسپیکر بلوچستان صوبائی میر جان محمد جمالی سمیت دیگر رہنمائوں نے شرکت کی۔ اجلا س میں نگران سیٹ اپ کے قیام پر مشاورت کی گئی اورپارٹی کے تنظیمی امور بھی زیر غور لائے گئے۔ اجلاس میں فیصلہ کیا گیا کہ بلوچستان عوامی پارٹی عام انتخابات میں بھرپور حصہ لے گی، ٹکٹوں کی تقسیم کے لیے جلد پارلیمانی بورڈ قائم کر دیا جائے گا۔ اجلاس میں پارلیمانی بورڈ کے قیام سمیت دیگر پارٹی امور کے جائزے کے لیے 26 جولائی کو کوئٹہ میں پارٹی اجلاس منعقد کرنے کا فیصلہ بھی کیا گیا۔

کریڈٹ: انڈیپنڈنٹ نیوز پاکستان-آئی این پی

پارلیمانی کمیٹی برائے انتخابی اصلاحات نے حلقہ بندیاں رجسٹرڈ ووٹرز کی مساوی تعداد کی بنیاد پر کرنے کی تجویز پیش کی ہے۔ ایک نجی ٹی وی کی رپورٹ کے مطابق پارلیمانی کمیٹی برائے انتخابی اصلاحات نے تجویز پیش کی ہے کہ حلقہ بندیاں رجسٹرڈ ووٹرز کی مساوی تعداد کی بنیاد پر کی جائیں، حلقہ بندیوں کا عمل انتخابی شیڈول کے اعلان سے 4 ماہ قبل مکمل ہوگا اور تمام انتخابی حلقوں میں رجسٹرڈ ووٹرز کی تعداد برابر رکھنے کی تجویز دی گئی ہے۔ تجویز کے مطابق الیکشن کمیشن پولنگ عملے کی تفصیلات ویب سائٹس پر جاری کرے گا اور پولنگ عملہ انتخابات کے دوران اپنی تحصیل میں ڈیوٹی نہیں دے گا۔تجویز میں کہا گیا ہے کہ پولنگ اسٹیشن میں کیمروں کی تنصیب میں ووٹ کی رازداری یقینی بنائی جائے گی۔ پارلیمانی کمیٹی برائے انتخابی اصلاحات نے مجوزہ ترامیم کو حتمی شکل دے دی اور مجوزہ ترامیم کی قومی اسمبلی اور سینیٹ سے منظوری لی جائے گی۔

کریڈٹ: انڈیپنڈنٹ نیوز پاکستان-آئی این پی

انٹر بینک میں ڈالر 35 پیسے مہنگا ہونے کے بعد 285 روپے 50 پیسے کا ہو گیا۔ جمعہ کو کاروبار کے آغاز سے ہی امریکی ڈالر نے اڑان بھرنا شروع کر دی اور روپیہ ناقدری کا شکار رہا۔ گزشتہ روز انٹر بینک میں ڈالر 285 روپے 15 پیسے پر بند ہوا تھا۔ دوسری جانب پاکستان اسٹاک ایکسچینج میں جمعہ کو کاروبار کا مثبت رجحان دکھائی د یا۔ پاکستان اسٹاک ایکسچینج کا 100 انڈیکس 381 پوائنٹس کے اضافے سے 45 ہزار 780 پر آ گیا۔ گزشتہ روز 100 انڈیکس 45 ہزار 398 پوائنٹس پر بند ہوا تھا۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کے رہنما اسد عمر کی عسکری ٹاور میں جلا گھیرا اور توڑ پھوڑ کے مقدمے میں عبوری ضمانت میں 8 اگست تک توسیع کردی گئی۔ لاہور کی انسداد دہشت گردی عدالت میں سابق وفاقی وزیر اسد عمر کی عسکری ٹاور میں جلا گھیرا اور توڑ پھوڑ کے مقدمے میں عبوری ضمانت کی درخواست پر سماعت ہوئی۔ عدالت نے اسد عمر کی عبوری ضمانت میں 8 اگست تک توسیع کردی۔ سابق وفاقی وزیر نے جناح ہاس اور مسلم لیگ ن کے آفس میں جلا گھیرا کے مقدمے میں بھی عبوری ضمانت دائر کردی۔ عدالت نے اسد عمر کو دونوں مقدمات میں بھی شامل تفتیش ہونے کا حکم دے دیا۔ انسداد دہشت گردی عدالت نے آئندہ سماعت پر دیگر مقدمات کا ریکارڈ بھی طلب کرلیا۔

کریڈٹ: انڈیپنڈنٹ نیوز پاکستان-آئی این پی

سپریم کورٹ میں شہریوں کے ملٹری کورٹس میں ٹرائل سے متعلق کیس کی سماعت کے دوران اٹارنی جنرل منصور عثمان اعوان نے کہا کہ نو مئی واقعات میں بڑی تعداد کے ملوث ہونے کے باوجود احتیاط کے ساتھ 102 افراد کورٹ مارشل کیلئے منتخب کئے گئے، آرمی ایکٹ پر بنیادی انسانی حقوق کا اطلاق نہیں ہوتا۔ سپریم کورٹ میں 9 مئی سے متعلق خصوصی عدالتوں میں شہریوں کے ٹرائل کیخلاف درخواستوں پر سماعت کا آغاز ہوا، چیف جسٹس عمر عطا بندیال کی سربراہی میں6 رکنی لارجر بینچ نے سماعت کی جس میں جسٹس اعجاز الاحسن، جسٹس منیب اختر، جسٹس یحییٰ آفریدی، جسٹس مظاہر علی اکبر نقوی اور جسٹس عائشہ ملک بھی شامل ہیں۔ اٹارنی جنرل منصور عثمان اعوان نے اپنے دلائل میں کہا کہ 9 مئی کی ویڈیوز میں کئی لوگ حساس مقامات پر حملہ کرتے نظر آئے، صرف 102 افراد ملٹری ٹرائل کی فہرست میں ہیں، جن کا انتخاب انتہائی احتیاط سے کیا گیا، 9 مئی کو حملے آرمی اور ایئرفورس کی تنصیبات پر ہوئے، میانوالی میں ایئربیس پر بھی حملے کئے گئے۔ انہوں نے کہا کہ ایسے حملے مستقبل میں نہیں ہونے چاہئیں، ان حملوں پر جو ردعمل تھا وہ ایسا نہیں تھا جو ہونا چاہئے، میں نے 9 مئی کے پیچھے منظم منصوبے کی بات کی تھی، میں نے تصاویر بھی عدالت میں پیش کی تھیں۔ جسٹس مظاہر علی اکبر نے پوچھا کہ کس کا ٹرائل ملٹری کورٹس میں ہوگا کس کا نہیں؟، اس کا انتخاب کیسے کیا گیا؟۔ جس پر اٹارنی جنرل نے بتایا کہ ہم بہت محتاط ہیں کہ کس کیخلاف فوجی عدالت میں مقدمہ چلنا ہے، 102 افراد کیخلاف فوجی عدالت میں مقدمہ چلانے کیلئے بہت احتیاط برتی گئی ہے، 9 مئی جیسا واقعہ ملکی تاریخ میں پہلے کبھی نہیں ہوا۔ انہوں نے مزید کہا کہ عدالت میں دکھائے گئے ویڈیو کلپس سے ظاہر ہے 9 مئی واقعات میں بہت سے افراد شامل تھے، بڑی تعداد ہونے کے باوجود احتیاط کے ساتھ 102 افراد کورٹ مارشل کیلئے منتخب کئے گئے۔اٹارنی جنرل کا نے کہا کہ 9 مئی کا واقعہ ملکی تاریخ میں پہلی مرتبہ ہوا ہے، مستقبل میں ایسے واقعات کا تدارک کرنا ہے، میانوالی میں ایئرکرافٹ پر حملہ ہوا ایسا آرڈیننس فیکٹری یا کسی اور جگہ بھی ہوسکتا تھا، سول جرائم اور سویلنز کی جانب سے کئے گئے جرائم میں فرق ہے، 2 ون ڈی کے تحت ہونے والے جرائم پر ہی ملٹری کورٹس میں ٹرائل ہوں گے۔ جسٹس منیب اختر نے سوال اٹھایا کہ کسی فوجی کا جھگڑا کسی سویلین کے ساتھ ہو تو ٹرائل کیسے ہوگا؟، قانون بالکل واضح ہونا چاہئے۔ جسٹس اعجاز الاحسن نے کہا کہ سویلین پر فوجی ایکٹ کے اطلاق کیلئے 21 ویں ترمیم کی گئی تھی، سویلین پر آرمی ایکٹ کے اطلاق کیلئے شرائط رکھی گئیں، 21 ویں آئینی ترمیم کے تحت قائم کردہ فوجی عدالتیں مخصوص وقت کیلئے تھیں۔جسٹس یحییٰ آفریدی نے کہا کہ آپ جیسے دلائل دے رہے ہیں لگتا ہے اپنی ہی کہی ہوئی بات کی نفی کررہے ہیں، کیا آرمی ایکٹ بنیادی انسانی حقوق کے دائرے سے خارج ہے؟۔ اٹارنی جنرل کا کہنا ہے کہ جی آرمی ایکٹ پر بنیادی انسانی حقوق کا اطلاق نہیں ہوتا۔ اٹارنی جنرل نے آرمی ایکٹ 2015 کا سیکشن 2(1) بی عدالت میں پڑھ کر سنایا۔ جسٹس مظاہر علی اکبر نقوی نے کہا کہ آرمی ایکٹ 2015 میں زیادہ زور دہشتگرد گروپس پر دیا گیا ہے۔ اٹارنی جنرل نے کہا کہ ایکٹ میں افراد کا تذکرہ بھی موجود ہے۔

کریڈٹ: انڈیپنڈنٹ نیوز پاکستان-آئی این پی

محکمہ موسمیات نے کر اچی میں اتوار اور پیر کو تیز بارش کی پیشگوئی کی ہے۔ چیف میٹرولوجسٹ سردار سرفراز نے میڈیا سے بات کرتے ہوئے پیش گوئی کی کہ کراچی میں 23 اور 24 جولائی کو تیز بارش ہو سکتی ہے۔ان کا کہنا تھا 23 اور 24 جولائی کو کراچی سمیت سندھ کے دیگر اضلاع میں تیز بار ش کا امکان ہے۔چیف میٹرولوجسٹ نے کہا کہ مون سون کا یہ اسپیل 25 اور 26 جولائی تک وقفے وقفے سے جاری رہنے کا امکان ہے۔ انہوں نے بتایا کہ امید ہے کہ دوسرے اسپیل میں کراچی میں اچھی بارش ہو گی۔ سردار سرفراز کا کہنا ہے کہ سندھ میں یومِ عاشور پر بارشوں کا امکان نظر نہیں آ رہا۔ انہوں نے مزید بتایا کہ 9 اور 10 محرم کو شمال مشرقی پنجاب میں بارشوں کا اچھا اسپیل متوقع ہے۔ چیف میٹرولوجسٹ سردار سرفراز نے یہ بھی بتایا ہے کہ 9 اور 10 محرم الحرام کو اسلام آباد، راول پنڈی، جہلم اور دیگر علاقوں میں بارشیں متوقع ہیں۔

کریڈٹ: انڈیپنڈنٹ نیوز پاکستان-آئی این پی

مسلم لیگ (ن) کے رہنما طلال چوہدری نے کہا ہے کہ 2023 کا الیکشن 2013 کا ری پلے ہوگا، نواز شریف دو تہائی اکثریت سے واپس آ رہے ہیں۔ ایک ٹی وی پروگرام میں گفتگو کرتے ہوئے طلال چوہدری نے کہا کہ ہم نے ماضی میں پرفارمنس دکھائی ہے، الیکشن کے لیے مسلم لیگ ن کا ہوم ورک مکمل ہے، ہم چاہتے ہیں جلد از جلد الیکشن ہوں۔ انہوں نے کہا کہ چیئرمین پی ٹی آئی کیا قانون سے بالا تر ہیں؟ یہ الیکشن الزامات اور گالی کی بنیاد پر نہیں بلکہ کردار اور پرفارمنس کی بنیاد پر ہونے چاہئیں۔ انہوں نے کہا کہ ریاست کو بچانے کے لیے ہم نے اپنی سیاست کو قربان کیا ہے، الیکشن کے لیے ہم بالکل تیار ہیں۔

کریڈٹ: انڈیپنڈنٹ نیوز پاکستان-آئی این پی

چیئرمین پی ٹی آئی انسداد دہشت گردی کی عدالت میں پیش ہو گئے جہاں انہیں ضمانت میں توسیع مل گئی۔انسداد دہشت گردی کی خصوصی عدالت کی جج عبہر گل نے چیئرمین پی ٹی آئی کی جناح ہائوس حملہ سمیت 5 مقدمات میں عبوری ضمانت میں توسیع کی درخواست پر سماعت کی۔ چیئرمین پی ٹی آئی کے عدالت کے روبرو پیش ہونے کے بعد عبوری ضمانت میں 8 اگست تک توسیع کردی گئی۔ دوران سماعت اسپیشل پراسیکیوٹر فرہاد علی شاہ نے عدالت کو بتایا کہ پولیس نے چیئرمین پی ٹی آئی کی تفتیش مکمل کرلی ہے۔ چیئرمین پی ٹی آئی تفتیش میں قصور وار پائے گئے ہیں۔ عدالت نے وکلا کو دلائل کے لیے آئندہ سماعت پر طلب کرتے ہوئے جناح ہائوس حملے، جلا گھیرا اور توڑ پھوڑ سمیت 5 مقدمات میں عبوری ضمانتوں میں 8 اگست تک توسیع کردی۔ واضح رہے کہ چیئرمین پی ٹی آئی کے خلاف تھانہ سرور روڈ، گلبرگ، شادمان سمیت دیگر پولیس اسٹیشنز میں مقدمات درج ہیں۔

کریڈٹ: انڈیپنڈنٹ نیوز پاکستان-آئی این پی

لاہورہائیکورٹ نے چیئرمین پی ٹی آئی کومقدمات میں تادیبی کارروائی سے روکنے کا حکم واپس لے لیا ۔لاہورہائیکورٹ میں چیئرمین پی ٹی آئی کیخلاف پنجاب کے کیسزیکجا کرنے اورکارروائی روکنے کی درخواست پرسماعت ہوئی۔ جسٹس عالیہ نیلم نے چیئرمین تحریک انصاف کی درخواست پرسماعت کی ۔ وکیل چیئرمین پی ٹی آئی انتظار حسین کا کہنا ہے کہ سینئروکیل دستیاب نہیں مہلت دی جائے، عدالت تادیبی کارروائی سے روکنے کا حکم واپس نہ لے۔ عدالت نے درخواست کی مزید سماعت غیرمعینہ مدت کیلئے ملتوی کردی۔ درخواست میں پنجاب بھرمیں درج چیئرمین پی ٹی آئی کیخلاف کیسز یکجا کرنے کی استدعا کی گئی۔

کریڈٹ: انڈیپنڈنٹ نیوز پاکستان-آئی این پی

اسلام آباد ہائی کورٹ کے چیف جسٹس موسم گرما کی تعطیلات کے دوران ارجنٹ کیسز کے علاوہ کیس مقرر کرنے پر برہم ہوگئے۔ اس حوالے سے چیف جسٹس نے رجسٹرار آفس کے متعلقہ افسر کو عدالت طلب کر لیا۔ اسلام آباد ہائی کورٹ کے چیف جسٹس نے کہا کہ روٹین کیسز اور سپلیمنٹری کیسز کیسے مقرر کیے گئے ہیں۔ چیف جسٹس اسلام آباد ہائی کورٹ نے کہا کہ چھٹیوں میں صرف ارجنٹ کیسز لگانے کا آرڈر ہے۔ انہوں نے کہا کہ کلیئر آرڈر ہے کہ چھٹیوں میں صرف ضمانت، اسٹے آرڈر اور ہنگامی نوعیت کے کیسز سنے جائیں گے۔ چیف جسٹس اسلام آباد ہائی کورٹ نے عدالتی عملے کو ہدایت کی کہ رجسٹرار آفس کے نمائندے کو کہیں فوری عدالت میں پیش ہوں۔

کریڈٹ: انڈیپنڈنٹ نیوز پاکستان-آئی این پی

اقوام متحدہ کے سیکرٹری جنرل انتونیو گوتریس(درمیان میں) نیویارک میں اقوام متحدہ کے ہیڈ کوارٹر میں گزشتہ سال ڈیوٹی کے دوران اپنی جانیں گنوانے والے اقوام متحدہ کے اہلکاروں کے لیے سالانہ یادگاری تقریب سے خطاب کر رہے ہیں۔(شِنہوا)

چین کےشمالی صوبے ہیبی کے شہر تانگشان میں تانگشان بندرگاہ کے ایک کنٹینر ٹرمینل کا منظر جہاں سال کی پہلی ششماہی میں غیرملکی تجارتی سامان کی ترسیل میں گزشتہ سال کی نسبت 28.8 فیصد اضافہ ہوا۔(شِنہوا)

 لبنان کے شہر بیروت کےساحل پر سیاح پیراگلائیڈنگ کر رہے ہیں۔(شِنہوا)

نیوزی لینڈ کے شہر آکلینڈ میں فائرنگ کے واقعے کے مقام کے قریب پولیس نے سڑک کوگھیرے میں لیا ہوا ہے جہاں فائرنگ کرنے والے مسلح شخص سمیت تین افراد ہلاک اور چھ زخمی ہوئے۔(شِنہوا)

فرانس کے جنوبی مونٹ پیلیئرمیں پلیس ڈی کومیڈی پر ایک بچی تھری گریس فوارےسے ٹھنڈک حاصل کررہی ہے جہاں درجہ حرارت 38 ڈگری سینٹی گریڈ تک پہنچ گیا۔(شِنہوا)

بیجنگ (شِنہوا) چینی فضائیہ میں رواں سال ریکارڈ تعداد میں کیڈٹس کی بھرتیاں کی گئی ہیں اور کیڈٹس کی قابلیت کی سطح نئی بلندیوں پر پہنچ گئی ہے۔

فضائیہ کے ریکروٹمنٹ محکمہ کے مطابق لڑاکا پائلٹ کے جسمانی معیار پر پورا اترنے والے کیڈٹس کے تناسب میں نمایاں اضافہ ہوا اور 95 فیصد کیڈٹس کے پاس ہوائی جہاز اڑنے کی اچھی صلاحیت ہے۔

فضائیہ نے وسیع تشہیر، بہتر انتخاب وتشخیصی نظام اور ایلیٹ سویلین یونیورسٹیوں کے ساتھ تعاون کوبھرتیوں میں پیشرفت کی وجہ قرار دیا ہے۔ نئے کیڈٹس کے احساس فخر کو بڑھانے کے لیے انہیں  بدھ اور جمعرات کو وائی -20 ٹرانسپورٹ طیاروں سے  ملک بھر کے پانچ شہروں سے شمال مشرقی صوبے جیلن کے شہر  چھانگ چھون میں واقع ایوی ایشن یونیورسٹی آف ایئر فورس  روانہ کیا جائے گا۔