لاہور ہائیکورٹ ملتان بنچ نے پنجاب بھر کے سیشن ججز اور سپیشل کورٹس کو 9مئی واقعات کے ملزمان کی شناخت پریڈ کا عمل 48گھٹنوں میں مکمل کرانے کی ہدایت کردی،لاہور ہائی کورٹ ملتان بنچ نے 9مئی واقعات میں ملوث ملزمان کی شناخت پریڈ میں تاخیر پر برہمی کا اظہار کرتے ہوئے پنجاب بھر کے سیشن ججز اور سپیشل کورٹس کو شناخت پریڈ کا عمل 48گھٹنے میں مکمل کرانے کی ہدایت کردی،جسٹس طارق سلیم شیخ نے شہری محمد رمضان کی درخواست پر 13صفحات پر مشتمل فیصلہ جاری کردیا، جس میں کہا گیا ہے کہ درخواست گزار 25مئی سے شناخت پریڈ کیلئے جیل میں ہے، شناخت پریڈ میں تاخیر بنیادی حقوق کی خلاف ورزی ہے، رجسٹرار فیصلے کی کاپی تمام سیشن ججز اور آئی جی پنجاب کو بھجوائیں،عدالت کا کہنا تھا کہ چیئرمین پی ٹی آئی کی گرفتاری پر کارکنوں نے توڑ پھوڑ کی، سرکاری اور پرائیوٹ املاک کو نقصان پہنچایا، حالات پر قابو پانے کیلئے ڈپٹی کمشنر نے شہریوں کی نظر بندی کے احکامات جاری کئے، نظر بندی کے احکامات معطل ہونے پر مقدمات میں نامزد کر کے گرفتاریاں کی گئیں،فیصلے میں عدالت عالیہ نے کہا ہے کہ گرفتاری کے بعد ملزمان کو شناخت پریڈ کیلئے عدالت پیش کیا گیا، شناخت پریڈ کے پراسس میں تاخیر کی گئی جس سے شہریوں کی آزادی پر قدغن لگائی گئی، ہر انسان کو عزت، آزادی اور تحفظ کے ساتھ جینے کا حق حاصل ہے، انسانی حقوق کے بین الاقوامی قوانین بھی شہریوں کی آزادی کی بات کرتے ہیں،لاہور ہائی کورٹ کا کہنا تھا کہ گرفتاری ملزم، اس کے خاندان اور بعض صورتوں میں معاشرے کیلئے بھی دورس اثرات رکھتی ہے، لوگ سزا سے پہلے گرفتاری اور سزا کے بعد گرفتاری میں فرق نہیں کر پاتے، کسی شخص کی گرفتاری ٹھوس شواہد اور صرف اسی صورت ہونی چاہیے جب دوسرا کوئی راستہ نہ ہو،فیصلے میں کہا گیا ہے کہ بین الاقوامی انسانی حقوق نے بھی ٹرائل سے پہلے گرفتاری پر شدید تحفظات کا اظہار کیا ہے، کسی گرفتار ملزم کا بے گناہ ڈکلئیر ہونا ٹرائل سے پہلے گرفتاری کا درد ناک پہلو ہے، کسی بھی ملزم کیلئے شناخت پریڈ کا عمل بہت اہم ہوتا ہے، شناخت پریڈ کا موجودہ عمل بہت ناکارہ ہے،عدالت کا کہنا ہے کہ شناخت پریڈ کے عمل میں تاخیر سارے پراسس کو مشکوک بناتی ہے، شناخت پریڈ کے عمل میں تاخیر بنیادی حقوق اور فیئر ٹرائل کی خلاف ورزی ہے، آئینی عدالتیں آئین کے تحفظ کی ذمہ دار ہیں، آئینی عدالتوں کو انتظامیہ کے اقدامات کا جائزہ لینے کی ضرورت ہے۔

کریڈٹ: انڈیپنڈنٹ نیوز پاکستان-آئی این پی

استحکام پاکستان پارٹی کی رہنما فردوس عاشق اعوان نے کہا ہے کہ 9مئی کے واقعات میں پی ٹی آئی کی سیاسی موت ہوئی اور نئی جماعت استحکام پاکستان پارٹی نے جنم لیا،ایک بیان میں انہوں نے کہا ہے کہ میں پونے 2 سال سیاست سے دور رہی، جس بیانیے کے ساتھ پارٹی اور چیئرمین چل رہے تھے اس کے ساتھ کھڑا نہیں ہونا چاہتی تھی،فردوس عاشق اعوان نے کہا کہ وہ جب تک سیاسی حریفوں کو ہدف بنا رہے تھے میں چٹان کی طرح ان کے ساتھ کھڑی تھی، مگر جب انہوں نے توپوں کا رخ افواج پاکستان کی طرف کیا تو مجھے خاموش ہو کر سائیڈ پر بیٹھنا پڑا،انہوں نے کہا کہ ملک میں معاشی و سیاسی عدم استحکام اور ایک دوسرے سے نفرت ہے، 9 مئی کے واقعات میں شہدا کی یادگاروں کی بے حرمتی کی گئی،انہوں نے کہا کہ 9مئی کے بعد ایسا بیانیہ پروموٹ کرنے کی کوشش کی گئی کہ یہ وہ وقت تھا جب پی ٹی آئی کی سیاسی موت واقع ہوئی،انہوں نے کہا کہ استحکام پاکستان پارٹی کی اولین ترجیح پاکستان کا استحکام ہے، سیاست میں ہٹ دھرمی اور انا والا موقف لے کر آگے نہیں بڑھا جا سکتا،فردوس عاشق اعوان نے کہا کہ سیاست میں کچھ دو اور کچھ لو کے تحت، حالات اور صورت حال کے مطابق فیصلے ہوتے ہیں، ابھی ہم پارٹی سٹرکچر بنانے میں مصروف ہیں، ممبر سازی اگلا مرحلہ ہو گا،ان کا کہنا تھا کہ ہماری کھلی دعوت ہے کہ پی ٹی آئی کے متاثرین کے لیے دروازے کھلے ہیں، آئی پی پی ثابت کرے گی کہ ہم ریاست اور سیاست دونوں کے ساتھ چلیں گے۔

کریڈٹ: انڈیپنڈنٹ نیوز پاکستان-آئی این پی

پبلک اکاؤنٹس کمیٹی نے ہاؤسنگ سوسائٹیوں کی جانب سے لوگوں سے اضافی چارجز لئے جانے کا نوٹس لے لیا اور سی ڈی اے کو ہدایت کی کہ سوسائٹیوں کو اضافی چارجز کی وصولی سے روکا جائے،کمیٹی میں لیز ایکسپائر ہونے کے باجود پلاٹ کی منسوخی نہ ہونے سے سی ڈی اے کو ایک ارب11 کروڑ سے زائد کانقصان ہونے کا انکشاف بھی ہوا،کمیٹی نے این ٹی ایل کی جانب سے آڈٹ حکام کو ریکارڈ کی عدم فراہمی پر تشویش کا اظہار کیا اور این ٹی ایل بورڈممبرز کے اثاثوں اور ٹریول ہسٹری کی تفصیلات طلب کرلیں۔جمعرات کوپارلیمنٹ کی پبلک اکاؤنٹس کمیٹی کا چیئرمین نور عالم خان کی زیر صدارت اجلاس ہوا جس میں وزارت داخلہ سے متعلق سال 2019-20 کے آڈٹ اعتراضات کا جائزہ لیا گیا، کمیٹی نے این ٹی ایل کی جانب سے آڈٹ حکام کو ریکارڈ کی عدم فراہمی پر تشویش کا اظہار کیا،نور عالم خان نے کہا کہ ایک انکوائری کی جائے اور این ٹی ایل بورڈممبرز کے اثاثوں اور ٹریول ہسٹری کی تفصیلات فراہم کی جائیں، کتنے ٹی اے ڈی اے لیتے ہیں اس کی تفصیلات بھی فراہم کی جائیں،وزیراعظم کو لکھیں یہ حساس معاملہ ہے،ان ارکان کی معطلی کے بارے میں لکھا جائے،کمیٹی نے معاملے کے حوالے سے نیب اور ایف آئی اے سے رپورٹ طلب کرلیا۔اجلاس میں اسلام آباد کی مختلف ہاؤسنگ سوسائٹیوں سے متعلق معاملہ بھی زیر بحث آیا،نور عالم خان نے کہا کہ ہاؤسنگ سوسائٹیاں لوگوں کو بلیک میل کر رہی ہیں اور لوگوں سے اضافی چارجز لے رہی ہیں، چیئرمین سی ڈی اے نے کمیٹی کو بتایا کہ 18 ہاؤسنگ سوسائٹیوں کو نوٹس کیا ہوا ہے،18 سوسائٹیاں مختلف منسٹریز کے نام پر ہیں لیکن وہاں پرائیویٹ لوگ بیٹھے ہوئے ہیں، نور عالم خان نے کہا کہ کابینہ ڈویژن اور سینیٹ کے نام پر بھی سوسائٹیاں بنی ہوئی ہیں،گلبرگ گرین میں لوگوں کو پانی نہیں ملتاکمیٹی کے سامنے پیش کی گئی آڈٹ بریفنگ کے مطابق لیز ایکسپائر ہونے کے باجود پلاٹ کی منسوخی نہ ہونے سے ایک ارب11 کروڑ سے زائد کا سی ڈی اےکو نقصان ہوا،جی نائن مرکز میں 1983میں33 سال کے لئے لیز پر ہوٹل بنانے کے لئے پلاٹ دیا گیا، آڈٹ حکام نے کمیٹی کو بتایا وہاں ہوٹل کے بجائے شاپنگ مال بنا لیا گیا، سی ڈی اے حکام نے کہا کہ اس کی لیز ہم نے 2018 میں کینسل کی تھی،متعدد لوگ عدالت میں چلے گئے،ہم اس کا قبضہ واپس لے لیں گے،چیئرمین کمیٹی نے ہدایت کی کہ اسلام آباد پولیس اور ایف آئی اے نے قبضہ لے کر سی ڈی اے کو دینا ہے،جتنے بھی پلاٹ ہوٹل کےلئے لیز پر دیئے گئےاور وہاں شاپنگ مال بن گئے ان کو نوٹس دے کر لیز کینسل کرائیں۔(محمداویس)

کریڈٹ: انڈیپنڈنٹ نیوز پاکستان-آئی این پی

قومی اسمبلی کے بجٹ اجلاس میں ارکان ووزیروں کی عدم دلچسپی عروج پر پہنچ گئی، اجلاس کے مقررہ وقت پر ایوان میں مولانا عبدالاکبر چترال اور بیگم طاہرہ بخاری ہی موجود تھیں، اجلاس شروع ہواتو ایوان میں 8ارکان موجود تھے پورے اجلاس کے دوران ایک وقت میں ایوان میں 20سے زاہد ارکان نہیں تھے، وزیرتعلیم رانا تنویر نے لمبی تقریر کی مگر تقریر کا محور عمران خان اور 9مئی ہی رہی رانا تنویر کی تقریر کے دوران زہرہ ودود فاطمی اور ڈاکٹر ثمینہ مطوب اپنی نشست پر سوتی رہیں،وزیر مملکت برائے خزانہ عائشہ غوث پاشا بھی ایوان میں بیٹھنے کے بجائے گیلری میں چلی جاتی،ایوان میں حکومتی ارکان کے احتجاج پر واپس ایوان میں آجاتیں۔جمعرات کو قومی اسمبلی کا اجلاس ڈپٹی سپیکر زاہداکرم درانی کی زیرصدارت شروع ہوا۔قومی اسمبلی اجلاس کا وقت 11بجے رکھاگیا تھا قومی اسمبلی میں صرف دوارکان ہی مقررہ وقت پر موجود ہوتے ہیں ان میں ایک مولانا عبدالاکبرچترالی اور دوسری مسلم لیگ ن کی خاتون رکن بیگم طاہرہ بخاری موجود تھیں ۔ 11بج کر42منٹ پر قومی اسمبلی کا اجلاس ڈپٹی سپیکر زاہد اکرم درانی کی زیرصدارت شروع ہوا۔اجلاس شروع ہوا تو صرف 8ارکان ایوان میں موجود تھے۔نماز کے وقفے کے بعد وزیر تعلیم رانا تنویر نے لمبی تقریر کی ان کی تقریر کا محور عمران خان ہی تھے ان کی تقریر کے دوران مسلم لیگ ن کی رکن قومی اسمبلی ہزرہ ودود فاطمی اور ڈاکٹر ثمینہ مطلوب سوتی رہیں ۔ایم کیو ایم کے رکن صابر قائمخانی نے وزیر و وزیر مملکت برائے خزانہ کے ایوان میں غیر حاضری پر احتجاج کا اعلان کیا تو وزیر مملکت عائشہ غوث پاشا گیلری سے ایوان میں آگئیں۔(محمد اویس)

کریڈٹ: انڈیپنڈنٹ نیوز پاکستان-آئی این پی

سابق گورنر پنجاب لطیف کھوسہ کے گھر پر نامعلوم افراد کی فائرنگ سے ان کا ڈرائیور زخمی ہوگیا،لاہور کے علاقے ڈیفنس میں سابق گورنر پنجاب کے گھر پر نامعلوم افراد کی جانب سے رات گئے فائرنگ کی گئی جس کے نتیجے میں ان کا ڈرائیور زخمی ہوگیا جبکہ فائرنگ کرنے والے افراد فرار ہوگئے،لطیف کھوسہ کا اس حوالے سے کہنا تھا کہ نامعلوم افراد نے گھر پر فائرنگ کی جو اتنی شدید تھی کہ گولیاں گھر کے دروازے کو چیرتی ہوئی اندر کھڑی گاڑیوں کو لگیں اور فائرنگ سے میرا ڈرائیونگ بھی زخمی ہوا،دوسری جانب ایس پی کینٹ اویس شفیق فائرنگ کے واقعے کے بعد سابق گورنر پنجاب لطیف کھوسہ کے گھر پہنچے،پولیس کی ابتدائی رپورٹ کے مطابق لطیف کھوسہ کے گھر پر پستول اور رائفل سے سات فائر کئے گئے ، ایک گولی گیراج میں موجود ڈرائیور جاوید کو لگی جسے زخمی حالت میں طبی امداد کے لئے ہسپتال منتقل کیا گیا،پولیس حکام کے مطابق سی سی ٹی وی کیمروں کی فوٹیج سے حملہ آوروں کی شناخت میں مدد لی جارہی ہے ۔

کریڈٹ: انڈیپنڈنٹ نیوز پاکستان-آئی این پی

ایف آئی اے منی لانڈرنگ کیس میں سابق وفاقی وزیر مونس الہی کی اہلیہ سمیت 4 ملزمان کی ضمانت میں 21 جون تک توسیع کر دی گئی،بینکنگ جرائم کورٹ لاہور میں ایف آئی اے منی لانڈرنگ مقدمہ میں مونس الہی کی اہلیہ تحریم الہی ، زارا الہی سمیت 4 ملزمان کی عبوری ضمانت پرسماعت ہوئی، جج محمد اسلم گوندل نے عبوری ضمانت پر سماعت کی،ایف آئی اے کا تفتیشی افسر رخصت پر ہونے کے باعث عدالت پیش نہ ہوا، چاروں ملزمان نے عدالت کے روبرو پیش ہو کر حاضری مکمل کرائی،درخواست گزار نے کہا کہ سیاسی بنیادوں پر مقدمے میں نامزد کیا گیا، عدالت عبوری ضمانت منظور کرنے کا حکم دے،بعدازاں عدالت نے ملزمان کی ضمانتوں میں 21 جون تک توسیع کر دی۔

کریڈٹ: انڈیپنڈنٹ نیوز پاکستان-آئی این پی

کراچی سے بپر جوائے کا خطرہ ٹل گیا، سمندری طوفان کمزور ہو کر سائیکلون اور شام تک ڈپریشن میں تبدیل ہونے کا امکان ہے،نیشنل ڈیزاسٹر مینجمنٹ اتھارٹی(این ڈی ایم اے)کے مطابق طوفان کیٹی بندر سے 125کلومیٹر جنوب مغرب میں ہے جبکہ کراچی سے 225کلو میٹر کے فاصلے پر موجود ہے، اس وقت طوفان کے مرکز کے گرد ہوائوں کی رفتار تقریبا 120کلومیٹر فی گھنٹہ ہے،این ڈی ایم اے کے مطابق طوفان کے باعث شمال مشرقی بحیرہ عرب میں لہریں 10سے 15فٹ تک بلند ہو سکتی ہیں جبکہ کیٹی بندر اور اطراف میں لہریں 6 سے 8فٹ تک بلند ہوسکتی ہیں،کراچی، حیدرآباد، ٹنڈو محمد خان، ٹنڈو الہیار، شہید بینظیر آباد اور سانگھڑ میں تیز ہوا اور گرج چمک کے ساتھ بارش کا امکان ہے،این ڈی ایم اے کے مطابق ہوائیں 30سے 50کلومیٹر فی گھنٹہ کی رفتار سے چل سکتی ہیں جبکہ سندھ اور مکران کے ساحلی علاقوں میں طغیانی رہ سکتی ہے، ٹھٹھہ، سجاول، بدین، تھرپارکر، میرپور خاص اور عمرکوٹ کے اضلاع میں 17جون تک تیز ہواں کے ساتھ بارش کا امکان ہے،حکام کے مطابق نقل مکانی کرنے والے مزید تھوڑا وقت کیمپوں میں گزارنا ہوگا، طوفان کے باعث 81ہزار سے زائد افراد گھر بار چھوڑنے پر مجبور ہوئے،نیشنل ڈیزاسٹر مینجمنٹ اتھارٹی کے مطابق سمندری طوفان بپر جوائے نے بھارتی گجرات کی ساحلی پٹی پر لینڈ فال مکمل کرلیا ہے،طوفان کیٹی بندر سے 125 کلو میٹر جنوب اور جنوب مغرب میں ہے، طوفان پہلے کمزور ہوکر سائیکلونک طوفان اور پھر ڈپریشن میں تبدیل ہونے کا امکان ہے۔

کریڈٹ: انڈیپنڈنٹ نیوز پاکستان-آئی این پی

امریکی محکمہ خارجہ کے ترجمان میتھیوملر نے کہا ہے کہ پاکستانی سیاست کا معاملہ پاکستانی عوام کیلئے ہے، پاکستانی عوام نے آئین کے مطابق خود فیصلے کرنے ہیں،واشنگٹن میں پریس بریفنگ کے دوران میتھیوملر کا کہنا تھا کہ پاکستان میں صحافیوں کو آزادی کے ساتھ کام کی اجازت ہونی چاہیے، جمہوری معاشروں میں آزاد میڈیا کا کردار اہم ہوتا ہے،میتھیو ملر نے کہا کہ پاکستان کے سیاسی معاملات کا امریکا سے تعلق نہیں ہے،چیئرمین پاکستان تحریک انصاف کے امریکا پر الزامات کی تردید کرتے ہوئے امریکی محکمہ خارجہ کے ترجمان کا کہنا تھا کہ پہلے بھی کہہ چکے ہیں کہ چیئرمین پی ٹی آئی کے الزامات جھوٹے ہیں،ان کا کہنا تھا کہ ہم ترجیحی بنیادوں پر پاکستان میں انسانی حقوق، صحافیوں کے تحفظ جمہوریت اور جمہوری اقدار اور قانون کی بالادستی جیسے بنیادی اور اہم معاملات پر پاکستان کے ساتھ رابطے میں ہیں۔

کریڈٹ: انڈیپنڈنٹ نیوز پاکستان-آئی این پی

کیگالی(شِنہوا)روانڈا ڈیفنس فورس(آر ڈی ایف) کے ترجمان رونالڈ رویوانگا نے کہا ہے کہ فوج کے دو اعلی جرنیلوں کی حالیہ برطرفی ان کے سنگین بدانتظامی میں ملوث ہونے کا براہ راست نتیجہ ہے۔سرکاری اعلان میں بتایا گیا کہ اس ماہ کے اوائل میں روانڈا کے صدر پال کاگامے نے میجر جنرل الائیس موگانگا اور بریگیڈیئرجنرل فرانسس موٹیگنڈا اور آرڈی ایف کے 14 دیگر افسران کو برطرف کرنے کا حکم دیا۔اس کے علاوہ صدر کاگامے نے دیگررینکوں سے 116 اہلکاروں کو برطرف کرنے اورمختلف رینک پر 112 افراد کے سروس کنٹریکٹ ختم کرنے کا حکم بھی دیا۔ایک پریس کانفرنس کے دوران آر ڈی ایف کیترجمان رونالڈ رویوانگا نے وضاحت کی کہ موگانگا کی برطرفی شراب نوشی پر کی گئی جبکہ موٹیگنڈا کواحکامات کی شدیدخلاف ورزیوں پربرطرف کیا گیا ۔ انہوں نے واضح کیا کہ موگانگا اورموٹیگنڈا کو دوسرے برطرف فوجیوں سمیت قانونی کارروائی کا سامنا نہیں کرنا پڑے گا۔تاہم انہوں نے کہا کہ برطرفیوں کا تعلق آرڈی ایف کی حالیہ ردوبدل سے نہیں ہے اور عہدوں پر کچھ ترقیاں کی جانی تھیں لیکن وہ ان برطرفیوں سے منسلک نہیں ہیں۔

ماسکو(شِنہوا)روس نے یوکرین کو یورینیم سے آلودہ گولے فراہم کرنے کے امریکی منصوبے کے ممکنہ ماحولیاتی اور زرعی اثرات کے بارے میں خبردار کیاہے۔روسی وزارت خارجہ کی ترجمان ماریا زاخارووا نے گزشتہ روز سینٹ پیٹرزبرگ انٹرنیشنل اکنامک فورم کے دوران کہا کہ جنگ میں تابکار مواد استعمال کرنے سے آلودگی پھیل سکتی ہے۔ ترجمان نے کہا کہ خطے سے اپنی دوری کو دیکھتے ہوئے، امریکہ نے اپنے اس فیصلے کے نقصان دہ اثرات کو نظر انداز کیا ہے۔ امریکی میڈیا کی ابتدائی رپورٹس میں کہا گیا تھا کہ وائٹ ہاس یورینیم سے آلودہ ٹینکوں کے گولے یوکرین کو فراہم کرنے پر غور کر رہا ہے۔

بیجنگ(شِنہوا)چین کے دارالحکومت بیجنگ میں ہونیو الے بین الاقوامی فورم میں شریک ماہرین کا کہنا ہے کہ انسانی حقوق کی حکمرانی اور فروغ کے بارے میں چین کی سوچ اورنقطہ نظر موثرہے جوانسانی حقوق کے حوالے سے درپیش عالمی چیلنجز کے حل کے لیے نئی بصیرت فراہم کر سکتا ہے۔فورم آن گلوبل ہیومن رائٹس گورننس میں اندرون و بیرون ملک سے 300 سے زائد ماہرین نے شرکت کی۔ فورم کے شرکا نے اس بات پر تفصیلی تبادلہ خیال کیا کہ کس طرح انسانی حقوق کے بارے میں چین کا نقطہ نظر اندرون ملک انسانی حقوق کے حوالے سے اس کے طرز عمل اور اس کی سفارت کاری سے ظاہر ہوتا ہے۔ملکی سطح پر انسانی حقوق کے تحفظ اور فروغ کے لیے چین کی کوششوں کے بارے میں، انٹیگوا اور باربوڈا کی وزارت خارجہ، زراعت، تجارت اور باربوڈا امور کے وزیر ایورلی پال چیٹ گرین نے انسانی حقوق کی حکمرانی کے لیے چین کے "عوام پر مبنی" نقطہ نظر کی بات کی۔انہوں نے کہا کہ یہ اس حقیقت کی نشاندہی کرتا ہے کہ انسانی حقوق سب لوگوں کے حوالے سے ہیں۔ انہوں نے مزید کہا کہ یہ نقطہ نظر واضح طور پر چین کی جانب سے وبا پر قابو پانے کی کوششوں کے طریقے سیظاہر ہوتا ہے۔

بیجنگ(شِنہوا)چین کے دارالحکومت بیجنگ میں ہونیو الے بین الاقوامی فورم میں شریک ماہرین کا کہنا ہے کہ انسانی حقوق کی حکمرانی اور فروغ کے بارے میں چین کی سوچ اورنقطہ نظر موثرہے جوانسانی حقوق کے حوالے سے درپیش عالمی چیلنجز کے حل کے لیے نئی بصیرت فراہم کر سکتا ہے۔فورم آن گلوبل ہیومن رائٹس گورننس میں اندرون و بیرون ملک سے 300 سے زائد ماہرین نے شرکت کی۔ فورم کے شرکا نے اس بات پر تفصیلی تبادلہ خیال کیا کہ کس طرح انسانی حقوق کے بارے میں چین کا نقطہ نظر اندرون ملک انسانی حقوق کے حوالے سے اس کے طرز عمل اور اس کی سفارت کاری سے ظاہر ہوتا ہے۔ملکی سطح پر انسانی حقوق کے تحفظ اور فروغ کے لیے چین کی کوششوں کے بارے میں، انٹیگوا اور باربوڈا کی وزارت خارجہ، زراعت، تجارت اور باربوڈا امور کے وزیر ایورلی پال چیٹ گرین نے انسانی حقوق کی حکمرانی کے لیے چین کے "عوام پر مبنی" نقطہ نظر کی بات کی۔انہوں نے کہا کہ یہ اس حقیقت کی نشاندہی کرتا ہے کہ انسانی حقوق سب لوگوں کے حوالے سے ہیں۔ انہوں نے مزید کہا کہ یہ نقطہ نظر واضح طور پر چین کی جانب سے وبا پر قابو پانے کی کوششوں کے طریقے سیظاہر ہوتا ہے۔

خرطوم(شِنہوا)سوڈان کی مسلح افواج اورنیم فوجی ریپڈ سپورٹ فورسز(آر ایس ایف) کے درمیان جاری مسلح جھڑپوں کے پیش نظرملک کی سول ایوی ایشن اتھارٹی نے جمعرات کو ملک کی فضائی حدود کی بندش میں 30 جون تک توسیع کردی ہے۔سوڈانی سول ایوی ایشن اتھارٹی نے ایئرمینوں کو ایک نوٹس میں کہا کہ انسانی ہمدردی کی بنیاد پرامدادی پروازوں کے علاوہ تمام ہوابازی کی ٹریفک کے لیے سوڈانی فضائی حدود کی بندش میں 30 جون تک توسیع کر دی گئی ہے۔اتھارٹی کے مطابق خرطوم کے بین الاقوامی ہوائی اڈے کیقریب دومتحارب فریقوں کیدرمیان تنازعہ کے باعث ہوائی اڈے پر فضائی نیوی گیشن سسٹم متاثر ہونے کی وجہ سیسوڈان کی فضائی حدود اپریل کے وسط میں جھڑپوں کے شروع ہونے کے بعد سے بند کر دی گئی تھی۔بدھ کو سوڈانی ڈاکٹرز یونین کی تازہ ترین رپورٹ کیمطابق سوڈان میں 15 اپریل سے دارالحکومت خرطوم اور دیگر علاقوں میں سوڈانی فوج اورآر ایس ایف کے درمیان تباہ کن مسلح جھڑپوں میں 958 افراد ہلاک اور 4 ہزار 746 زخمی ہو چکے ہیں۔

خرطوم(شِنہوا)سوڈان کی مسلح افواج اورنیم فوجی ریپڈ سپورٹ فورسز(آر ایس ایف) کے درمیان جاری مسلح جھڑپوں کے پیش نظرملک کی سول ایوی ایشن اتھارٹی نے جمعرات کو ملک کی فضائی حدود کی بندش میں 30 جون تک توسیع کردی ہے۔سوڈانی سول ایوی ایشن اتھارٹی نے ایئرمینوں کو ایک نوٹس میں کہا کہ انسانی ہمدردی کی بنیاد پرامدادی پروازوں کے علاوہ تمام ہوابازی کی ٹریفک کے لیے سوڈانی فضائی حدود کی بندش میں 30 جون تک توسیع کر دی گئی ہے۔اتھارٹی کے مطابق خرطوم کے بین الاقوامی ہوائی اڈے کیقریب دومتحارب فریقوں کیدرمیان تنازعہ کے باعث ہوائی اڈے پر فضائی نیوی گیشن سسٹم متاثر ہونے کی وجہ سیسوڈان کی فضائی حدود اپریل کے وسط میں جھڑپوں کے شروع ہونے کے بعد سے بند کر دی گئی تھی۔بدھ کو سوڈانی ڈاکٹرز یونین کی تازہ ترین رپورٹ کیمطابق سوڈان میں 15 اپریل سے دارالحکومت خرطوم اور دیگر علاقوں میں سوڈانی فوج اورآر ایس ایف کے درمیان تباہ کن مسلح جھڑپوں میں 958 افراد ہلاک اور 4 ہزار 746 زخمی ہو چکے ہیں۔

اقوام متحدہ (شِنہوا)اقوام متحدہ کی سلامتی کونسل نیمتفقہ طور پرایک قراردادمنظورکی ہے جس میں عالمی برادری سے نفرت انگیز تقاریر، نسل پرستی اور انتہا پسند کارروائیوں کی مذمت کرنے کا مطالبہ کیا گیاہے۔سلامتی کونسل نے کہا کہ نفرت انگیز تقریر، نسل پرستی، زینو فوبیا، عدم برداشت، صنفی امتیازاورانتہا پسندی تنازعات کا باعث بن سکتی ہے۔ ان مسائل کو حل کرنے کے لیے قرارداد 2686 منظور کی گئی، جس میں رکن ممالک سے اس طرح کی کارروائیوں کی عوامی سطح پر مذمت کرنے کا مطالبہ کیاگیا۔ سلامتی کونسل نے کہا کہ بین المذاہب اور بین الثقافتی مکالمے کو رکن ممالک کی جانب سے امن، سماجی استحکام اور بین الاقوامی سطح پر تسلیم شدہ ترقیاتی اہداف کے حصول کے لیے ایک اہم ذریعہ سمجھا جانا چاہیے۔اس میں ریاستوں پر زور دیا گیا کہ وہ معاشرے میں خواتین کی محفوظ شرکت اور قیادت کو فروغ دیں۔ سماجی ہم آہنگی، کمیونٹی استحکام، صنفی مساوات اور خواتین کو معاشی لحاظ سے مزید بااختیاربنائیں اور امن کے لیے معیاری تعلیم کی حمایت کریں۔ قرارداد میں تمام افراد کے انسانی حقوق اور بنیادی آزادیوں کے احترام، فروغ اور تحفظ کے لیے ریاستوں کی ذمہ داری کا اعادہ کیاگیا۔

بیجنگ(شِنہوا)چین کے اعلی قانون ساز ژا لیجی نے جمعرات کو بیجنگ میں دورے پر آئے ہوئے فلسطین کے صدر محمود عباس سے ملاقات کی۔نیشنل پیپلز کانگریس (این پی سی) کی قائمہ کمیٹی کے چیئرمین ژا نے کہا کہ 35 سال قبل سفارتی تعلقات کے قیام کے بعد سے چین اور فلسطین ہمیشہ اچھے دوست و شراکت دار اور اچھے برادر ممالک کے طور پر رہے ہیں۔ژا نے کہا کہ دونوں فریقوں نے بدھ کے روز مشترکہ طور پر ایک سٹرٹیجک شراکت داری کے قیام کا اعلان کیا جس کے تحت دوطرفہ تعلقات کو ایک نئی بلندی پر لے جایا جائے گا ۔ ژا نے کہا کہ چین کی این پی سی فلسطینی مقننہ کے ساتھ قریبی اور دوستانہ تبادلوں کو جاری رکھنے اور روایتی دوستی کو مزید فروغ دینے سمیت دونوں ممالک کے درمیان عملی تعاون کو آگے بڑھانے میں کردار ادا کرنے کی خواہش مند ہے۔انہوں نے کہا کہ بین الاقوامی حالات میں چاہے جیسی بھی تبدیلیاں آئیں، چین فلسطینی عوام کے جائز قومی حقوق کی بحالی کے لیے ان کے منصفانہ مقصد کی ہمیشہ مضبوطی سے حمایت کرے گا۔فلسطینی وزیراعظم محمود عباس نے فلسطینی عوام کے منصفانہ مقصد کے لیے چین کی طویل مدتی حمایت کو سراہا اور دونوں ممالک کے درمیان سٹرٹیجک شراکت داری کو مسلسل مضبوط بنانے پر آمادگی ظاہر کی۔

بیجنگ(شِنہوا)چین کے اعلی قانون ساز ژا لیجی نے جمعرات کو بیجنگ میں دورے پر آئے ہوئے فلسطین کے صدر محمود عباس سے ملاقات کی۔نیشنل پیپلز کانگریس (این پی سی) کی قائمہ کمیٹی کے چیئرمین ژا نے کہا کہ 35 سال قبل سفارتی تعلقات کے قیام کے بعد سے چین اور فلسطین ہمیشہ اچھے دوست و شراکت دار اور اچھے برادر ممالک کے طور پر رہے ہیں۔ژا نے کہا کہ دونوں فریقوں نے بدھ کے روز مشترکہ طور پر ایک سٹرٹیجک شراکت داری کے قیام کا اعلان کیا جس کے تحت دوطرفہ تعلقات کو ایک نئی بلندی پر لے جایا جائے گا ۔ ژا نے کہا کہ چین کی این پی سی فلسطینی مقننہ کے ساتھ قریبی اور دوستانہ تبادلوں کو جاری رکھنے اور روایتی دوستی کو مزید فروغ دینے سمیت دونوں ممالک کے درمیان عملی تعاون کو آگے بڑھانے میں کردار ادا کرنے کی خواہش مند ہے۔انہوں نے کہا کہ بین الاقوامی حالات میں چاہے جیسی بھی تبدیلیاں آئیں، چین فلسطینی عوام کے جائز قومی حقوق کی بحالی کے لیے ان کے منصفانہ مقصد کی ہمیشہ مضبوطی سے حمایت کرے گا۔فلسطینی وزیراعظم محمود عباس نے فلسطینی عوام کے منصفانہ مقصد کے لیے چین کی طویل مدتی حمایت کو سراہا اور دونوں ممالک کے درمیان سٹرٹیجک شراکت داری کو مسلسل مضبوط بنانے پر آمادگی ظاہر کی۔

تائی یوآن(شِنہوا)چین نے لانگ مارچ-2ڈی راکٹ کے ذریعے ایک ہی بار سب سے زیادہ 41 سیٹلائٹس خلا میں بھیجنے کا ملکی ریکارڈ قائم کردیا ہے۔لانگ مارچ-2ڈی راکٹ کو جمعرات کو دوپہر 1 بج کر 30 منٹ(بیجنگ ٹائم) پرملک کے شمال میں واقع تائی یوآن لانچ سنٹر سے خلا میں روانہ کیا گیا،جس نے تھوڑی دیربعد جیلن-1 گاوفین 06اے سمیت دیگر سیٹلائٹس کو مقررہ مدار میں پہنچادیا۔لانگ مارچ راکٹ سیریز کا یہ 476 واں فلائٹ مشن تھا۔ خلا میں روانہ کیے گئے ان سیٹلائٹس میں جیلن 1 فیملی کے 36 سیٹلائٹس شامل تھے، جو شمال مشرقی صوبے جیلن میں تجارتی سیٹلائٹ بنانے والی کمپنی چھانگ گوانگ سیٹلائٹ ٹیکنالوجی نے تیارکئے ہیں ۔ان سیٹلائٹس سے مدار میں موجود جیلن 1سیٹلائٹس کی تعداد100 سے زیادہ ہوگئی ہے۔

تائی یوآن(شِنہوا)چین نے لانگ مارچ-2ڈی راکٹ کے ذریعے ایک ہی بار سب سے زیادہ 41 سیٹلائٹس خلا میں بھیجنے کا ملکی ریکارڈ قائم کردیا ہے۔لانگ مارچ-2ڈی راکٹ کو جمعرات کو دوپہر 1 بج کر 30 منٹ(بیجنگ ٹائم) پرملک کے شمال میں واقع تائی یوآن لانچ سنٹر سے خلا میں روانہ کیا گیا،جس نے تھوڑی دیربعد جیلن-1 گاوفین 06اے سمیت دیگر سیٹلائٹس کو مقررہ مدار میں پہنچادیا۔لانگ مارچ راکٹ سیریز کا یہ 476 واں فلائٹ مشن تھا۔ خلا میں روانہ کیے گئے ان سیٹلائٹس میں جیلن 1 فیملی کے 36 سیٹلائٹس شامل تھے، جو شمال مشرقی صوبے جیلن میں تجارتی سیٹلائٹ بنانے والی کمپنی چھانگ گوانگ سیٹلائٹ ٹیکنالوجی نے تیارکئے ہیں ۔ان سیٹلائٹس سے مدار میں موجود جیلن 1سیٹلائٹس کی تعداد100 سے زیادہ ہوگئی ہے۔

رم اللہ(شِنہوا)فلسطین کیوزیراعظم محمد اشتیہ نیاسرائیل کی جانب سے دوریاستی حل کو سبوتاژ کرنے سے بچانے کے لیے فوری بین الاقوامی کارروائی کا مطالبہ کیا ہے۔فلسطینی وزیر اعظم کے دفتر کے ایک بیان کے مطابق انہوں نے یہ بات مغربی کنارے کے شہر رم اللہ میں مشرق وسطی امن عمل کے لیے یورپی یونین کے خصوصی نمائندے سوین کوپ مینز کے ساتھ ملاقات میں کہی۔اشتیہ نے بیان کے حوالے سے کہا کہ ایک ایسے وقت میں دو ریاستی حل کے تحفظ کے لیے فوری طور پر اقدام کرنے کی ضرورت ہے جب اسرائیلی حکومت فلسطینی اتھارٹی کو تباہ کرنے اور فلسطینی ریاست کے قیام کیامکانات کوختم کرنے کے لیے کام کر رہی ہے۔انہوں نے اسرائیلی وزیر اعظم بنجمن نیتن یاہو کی حکومت پر الزام عائد کیا کہ وہ اسرائیلی بستیوں کو فروغ دینے کے ساتھ ساتھ زمین پر قبضہ ،شہروں میں مسلسل دراندازی اور راہداریوں اور قدرتی وسائل کو کنٹرول کر کے دو ریاستی حل کو سبوتاژ کر رہی ہے ۔اس موقع پریورپی یونین کے خصوصی نمائندے سوین کوپ مینزنے اشتیہ کو مختلف بین الاقوامی فریقوں پر مشتمل ایک مستقل حل کی بنیاد کے طور پرعرب امن اقدام کو بحال کرنے کی اپنی کوششوں کے بارے میں آگاہ کیا۔

بیجنگ(شِنہوا)چینی مین لینڈ کی ترجمان نے تائیوان کی مین لینڈ امور سے متعلقہ اتھارٹی کو جزیرے کے شہری گروپوں کو 15ویں آبنائے فورم کی مشترکہ میزبانی سے روکنے اور آبنائے پار تبادلوں میں تائیوان کے لوگوں کی شمولیت کو محدود کرنے پر آڑے ہاتھوں لیاہے۔ ریاستی کونسل کے تائیوان امور دفتر کی ترجمان ژو فینگ لیان نے تائیوان کی ڈیموکریٹک پروگریسو پارٹی (ڈی پی پی)حکام کے غیر منصفانہ اقدام کی مذمت اورمسلسل کئی سالوں سے منعقد ہونے والے اس فورم کی راہ میں رکاوٹ ڈالنے کے لیے اس کے غیر ضروری بہانوں پر شک کا اظہار کیاہے جوعوامی تبادلوں کے لیے آبنائے پار سرگرمی ہے۔ ژو نے کہا کہ ڈی پی پی حکام نے فورم میں شہری گروپوں کی شرکت کو "قانون شکنی" قرار دینے کی دھمکی بھی دی، جو تائیوان کے لوگوں کے بنیادی حقوق اور آزادی کی سنگین خلاف ورزی کی ہے۔ ترجمان نے کہاکہ ڈی پی پی اتھارٹی حکام کے مخالفانہ اقدامات کرتے ہوئے سب اچھا کا راگ الاپ رہی ہے۔

بیجنگ(شِنہوا)چینی مین لینڈ کی ترجمان نے تائیوان کی مین لینڈ امور سے متعلقہ اتھارٹی کو جزیرے کے شہری گروپوں کو 15ویں آبنائے فورم کی مشترکہ میزبانی سے روکنے اور آبنائے پار تبادلوں میں تائیوان کے لوگوں کی شمولیت کو محدود کرنے پر آڑے ہاتھوں لیاہے۔ ریاستی کونسل کے تائیوان امور دفتر کی ترجمان ژو فینگ لیان نے تائیوان کی ڈیموکریٹک پروگریسو پارٹی (ڈی پی پی)حکام کے غیر منصفانہ اقدام کی مذمت اورمسلسل کئی سالوں سے منعقد ہونے والے اس فورم کی راہ میں رکاوٹ ڈالنے کے لیے اس کے غیر ضروری بہانوں پر شک کا اظہار کیاہے جوعوامی تبادلوں کے لیے آبنائے پار سرگرمی ہے۔ ژو نے کہا کہ ڈی پی پی حکام نے فورم میں شہری گروپوں کی شرکت کو "قانون شکنی" قرار دینے کی دھمکی بھی دی، جو تائیوان کے لوگوں کے بنیادی حقوق اور آزادی کی سنگین خلاف ورزی کی ہے۔ ترجمان نے کہاکہ ڈی پی پی اتھارٹی حکام کے مخالفانہ اقدامات کرتے ہوئے سب اچھا کا راگ الاپ رہی ہے۔

بیجنگ(شِنہوا)چین  نے امریکہ کی طرف سے بعض چینی اداروں کو نام نہاد فوجی اور انسانی حقوق کے تحفظات کی آڑ میں برآمدی کنٹرول فہرست میں شامل کرنے کے فیصلے کو مسترد کردیا ہے۔وزارت تجارت کے ترجمان نے گزشتہ روزکہا کہ  قومی سلامتی کے دائرہ کو وسعت دینا اور حقائق کو نظر اندازکرتے ہوئیبرآمدی کنٹرول کا غلط استعمال امریکہ کی طرف سے معاشی جبر اور یکطرفہ غنڈہ گردی کا ایک عام چلن ہے۔ترجمان نے کہا کہ ایسے اقدام  سے کمپنیوں کے جائز حقوق اورمفادات کو شدید نقصان پہنچتا ہے اور عالمی صنعتی وسپلائی چینز کی سلامتی اور استحکام کو دھچکالگتا ہے۔وزارت تجارت کے ترجمان نے امریکہ سے فوری طور پر اپنے غلط طرز عمل کو درست کرنے اور چینی کاروباری اداروں پر غیر معقول دبا بند کرنے کا مطالبہ کیا۔

بیجنگ(شِنہوا)چین  نے امریکہ کی طرف سے بعض چینی اداروں کو نام نہاد فوجی اور انسانی حقوق کے تحفظات کی آڑ میں برآمدی کنٹرول فہرست میں شامل کرنے کے فیصلے کو مسترد کردیا ہے۔وزارت تجارت کے ترجمان نے گزشتہ روزکہا کہ  قومی سلامتی کے دائرہ کو وسعت دینا اور حقائق کو نظر اندازکرتے ہوئیبرآمدی کنٹرول کا غلط استعمال امریکہ کی طرف سے معاشی جبر اور یکطرفہ غنڈہ گردی کا ایک عام چلن ہے۔ترجمان نے کہا کہ ایسے اقدام  سے کمپنیوں کے جائز حقوق اورمفادات کو شدید نقصان پہنچتا ہے اور عالمی صنعتی وسپلائی چینز کی سلامتی اور استحکام کو دھچکالگتا ہے۔وزارت تجارت کے ترجمان نے امریکہ سے فوری طور پر اپنے غلط طرز عمل کو درست کرنے اور چینی کاروباری اداروں پر غیر معقول دبا بند کرنے کا مطالبہ کیا۔

بیجنگ(شِنہوا)چین کے وزیر اعظم لی چھیانگ ساتویں چین-جرمنی بین الحکومتی مشاورتی اجلاس میں شرکت کیلیے جرمنی کا سرکاری دورہ کریں گے جبکہ اسکے علاوہ وہ نئے عالمی مالیاتی معاہدے کے لیے سربراہ اجلاس میں شرکت کی غرض سے فرانس کا سرکاری دورہ بھی کریں گے۔چینی وزارت خارجہ کے ترجمان وانگ وین بن نے جمعرات کو روزمرہ کی پریس بریفنگ میں اعلان کیا کہ چینی وزیراعظم 18 سے 23 جون تک یہ دورہ جرمن چانسلر اولاف شولز اور فرانسیسی حکومت کی دعوت پرکر رہے ہیں۔

بیجنگ(شِنہوا)چین کے وزیر اعظم لی چھیانگ ساتویں چین-جرمنی بین الحکومتی مشاورتی اجلاس میں شرکت کیلیے جرمنی کا سرکاری دورہ کریں گے جبکہ اسکے علاوہ وہ نئے عالمی مالیاتی معاہدے کے لیے سربراہ اجلاس میں شرکت کی غرض سے فرانس کا سرکاری دورہ بھی کریں گے۔چینی وزارت خارجہ کے ترجمان وانگ وین بن نے جمعرات کو روزمرہ کی پریس بریفنگ میں اعلان کیا کہ چینی وزیراعظم 18 سے 23 جون تک یہ دورہ جرمن چانسلر اولاف شولز اور فرانسیسی حکومت کی دعوت پرکر رہے ہیں۔

بیجنگ (شِنہوا)چین میں رواں سال کے ابتدائی 5 ماہ کے دوران مقرر کردہ اثاثہ سرمایہ کاری میں گزشتہ برس کی نسبت 4 فیصد اضافہ ہوا۔جمعرات کے روز قومی ادارہ شماریات کے مطابق جنوری سے مئی کے دوران مجموعی طور پر 188.8 کھرب یوآن (تقریبا 26.4 کھرب امریکی ڈالرز) کی مقرر کردہ اثاثہ سرمایہ کاری ہوئی۔اعدادوشمار کے مطابق صرف مئی میں مقرر کردہ اثاثہ سرمایہ کاری میں گزشتہ ماہ کی نسبت 0.11 فیصد اضافہ ہوا۔رواں سال کے ابتدائی 5 ماہ کے دوران نجی شعبے کی جانب سے مقرر کردہ اثاثوں کی سرمایہ کاری 101.9 کھرب یوآن رہی جو گزشتہ برس کے اسی عرصے کی نسبت 0.1 فیصد کم ہے۔صنعتی سرمایہ کاری میں گزشتہ برس کے مقابلے میں 8.8 فیصد اضافہ ہوا۔ خاص طور پرمینوفیکچرنگ شعبے میں سرمایہ کاری 6 فیصد بڑھی جبکہ کان کنی صنعت میں 1.5 فیصد اضافہ ہوا ۔ بجلی، حرارت ، گیس ، پانی کی پیداوار اور سپلائی شعبے میں سرمایہ کاری 27.6 فیصد بڑھی۔اسی مدت میں بنیادی ڈھانچے کی تعمیر میں سرمایہ کاری میں گزشتہ برس کی نسبت 7.5 فیصد اضافہ ہوا۔ مجموعی طور پر ریلوے نقل و حمل میں سرمایہ کاری میں 16.4 فیصد اور تحفظ آب کے انتظام میں 11.5 فیصد اضافہ ہوا۔

بیجنگ (شِنہوا)چین کے ایک اہم معاشی اشاریے ویلیو ایڈڈ صنعتی پیداوار میں گزشتہ سال کے مقابلے میں مئی کے دوران 3.5 فیصد اضافہ ہوا ہے۔جمعرات کے روز قومی ادارہ برائے شماریات (این بی ایس) کے اعداد و شمار کے مطابق شرح نمو اپریل کے مقابلے میں 2.1 فیصد پوائنٹس کم رہی۔این بی ایس کے ترجمان فو لنگ ہوئی نے ایک پریس کانفرنس کے دوران بتایا کہ چین کی صنعتی پیداوار نے مارکیٹ کی کمزور طلب اور گرتی ہوئی قیمتوں کے منفی عوامل پر قابو پا لیا ہے اور مئی کے دوران بحالی کی رفتار کو برقرار رکھا ہے۔صنعتوں کے اعداد و شمار کے مطابق مینوفیکچرنگ شعبے کی پیداوار گزشتہ سال کے اسی عرصے کے مقابلے میں 4.1 فیصد بڑھی ہے جبکہ بجلی، حرارت، گیس اور پانی کی پیداوار اور فراہمی میں 1.8 فیصد اضافہ ہوا ہے۔این بی ایس کے مطابق ملکیت کے اعتبار سے ریاست کے زیر انتظام کاروباری اداروں کی پیداوار میں 4.4 فیصد اضافہ ہوا ہے جبکہ نجی شعبوں کی پیداوار میں 0.7 فیصد کا اضافہ ہوا ہے۔مصنوعات کی اقسام کے اعتبار سے شمسی سیلز اور نئی توانائی گاڑیوں کی پیداوار میں گزشتہ سال کی نسبت بالترتیب 53.1 فیصد اور 43.6 فیصد اضافہ ہوا ہے۔ملک کی صنعتی پیداوار میں جنوری سے مئی کے دوران گزشتہ سال کی نسبت 3.6 فیصد اضافہ ہوا ہے۔صنعتی پیداوار کو بڑے کاروباری اداروں کی سرگرمیاں ماپنے کے لئے استعمال کیا جاتا ہے جن میں سے ہر ایک کا سالانہ اہم کاروباری منافع کم از کم 2 کروڑ یوآن (تقریبا 28 لاکھ امریکی ڈالرز) ہے۔

 بیجنگ (شِنہوا)چین میں معاشی سرگرمیاں معمول پر آرہی ہیں جس کے سبب ملک کے خدمات شعبے میں مئی کے دوران تیزرفتار بحالی ہوئی۔جمعرات کے روز قومی ادارہ شماریات کے ترجمان فو لینگ ہوئی نے بتایا کہ ملک کی خدمات صنعت کی پیداوار کا تخمینہ لگانے والے انڈیکس میں مئی کیدوران گزشتہ برس کی نسبت 11.7 فیصد اضافہ ہوا۔فو نے بتایا کہ رابطے پر مبنی خدمات شعبے میں تیزی سے بحالی ہوئی ۔ رہائش اور کھانے پینے کے شعبے کے ذیلی انڈیکس میں گزشتہ برس کی نسبت 39.5 فیصد اضافہ ہوا ۔لیزنگ اور کاروباری خدمات کی پیداوار پر نگاہ رکھنے والا ذیلی انڈیکس گزشتہ برس کی نسبت 14 فیصد بڑھا جبکہ انفارمیشن ٹرانسمیشن، سافٹ ویئر اور آئی ٹی خدمات میں 12.9 فیصد اضافہ ہوا۔ابتدائی 5 ماہ کے دوران انڈیکس گزشتہ برس کی نسبت 9.1 فیصد بڑھا اور شرح نمو جنوری ۔ اپریل مدت کے مقابلے میں 0.7 فیصد پوائنٹس زیادہ رہی۔

 تہران (شِنہوا)ایران کے صدر ابراہیم رئیسی نے کہا ہے کہ آزاد ممالک کو تسلط پسند نظام سے بچانے کے لئے ان کے درمیان مسلسل رابطے ضروری ہیں۔سر کا ری خبر رساں ادارے ارنا کی رپورٹ میں کہا گیا ہے کہ رئیسی نے یہ بات لاطینی امریکی ملک نکاراگوا کے دورے کے دوسرے دن دارالحکومت منگوا میں قومی اسمبلی کے ارکان سے خطاب کرتے ہوئے کہی۔انہوں نے کہا کہ موجودہ عالمی نظام تسلط پسند طاقتوں کے اثر و رسوخ میں کمی کے ساتھ تبدیل ہو رہا ہے جبکہ لاطینی امریکی اور مغربی ایشیائی ممالک کی خواہشات زیادہ اہمیت حاصل کر رہی ہیں۔رئیسی نے کہا کہ تسلط پسند طاقتیں منافع خوری اور خود غرضی کے ذریعے دوسرے ممالک پر اپنی مرضی مسلط کرنا چاہتی ہیں۔ انہوں نے مزید کہا کہ انسانی حقوق، آزادی اور جمہوریت کے جعلی حامی جن میں امریکہ اور کچھ دیگر مغربی ممالک شامل ہیں فلسطین، افغانستان، عراق، شام اور لاطینی امریکی ممالک میں عوام کے حقیقی ووٹوں کو برداشت نہیں  کرتے ۔انہوں نے فوجی قبضے، بغاوتوں اور پابندیوں کا آزاد ممالک کے خلاف تسلط پسند نظام کے ہتھیار وں کے طور پر اندراج کیا۔رئیسی نے کہا کہ دنیا بھر میں لوگ دہشت گردی کے خلاف لڑنے کے امریکی جعلی دعوے پر یقین نہیں کرتے ہیں۔ انہوں نے کہا کہ دہشت گردی کے خلاف لڑنے کا دعوی کرتے ہوئیامریکہ اور کچھ مغربی ممالک دراصل وہ ہیں جنہوں نے داعش کو پیدا کیا اور اس کی حمایت کی ۔اس کے بارے میں امریکی صدارتی امیدوار رابرٹ ایف کینیڈی جونیئر نے  ایک حالیہ تقریر میں تسلیم کیا تھا۔رئیسی نے کہا کہ تسلط پسند نظام کی میڈیا سلطنت لوگوں کے تصورات کو تبدیل کرنا چاہتی ہے ۔ انہوں نے اس طرح کے پروپیگنڈا پر مبنی مہم اور سامراجی مداخلت کے بارے میں مزید آگاہی کی ضرورت پر زور دیا۔

بیجنگ (شِنہوا)چین کا شہر ہانگ ژو 19 ویں ایشیائی کھیلوں کی میزبانی کو تیار ہے جس میں اعلی ٹیکنالوجی کی مدد سے ماحول دوست اور پائیدار اصولوں پر توجہ مرکوز کی جائے گی۔ہانگ ژو کے میئر یا گا یوآن نے بیجنگ میں ایک پریس کانفرنس کے دوران بتایا کہ اگر موجودہ مقامات کی تزئین و آرائش ایشیائی معیار کے مطابق ہوسکتی ہے تو نئے مقامات کی تعمیر کی ضرورت نہیں ہے۔ اس لئے ہانگ ژو ایشیائی کھیلوں کے 56 مقابلوں کے مقامات میں سے صرف 12 نئے تعمیرکردہ ہیں۔سبز توانائی ذرائع جیسے سورج اور ہوا سے حاصل کردہ توانائی ، کھیلوں کے تمام مقامات پر وسیع پیمانے پر استعمال کی گئی ہے ۔ اس کے علاوہ آن لائن خدمات، ڈیجیٹل مصنوعات اور جدید ترین سہولیات فراہم کی گئی ہیں جس کا شرکا بے صبری سے انتظار کررہے ہیں،اس کی آ مد میں تقریبا 100 دن باقی ہیں۔ہانگ ژو ایشیائی کھیل منتظم کمیٹی کے نائب صدر ژا جن چھیانگ نے اسی پریس کانفرنس میں تصدیق کی کہ ایشیا کی تمام 45 قومی اور علاقائی اولمپک کمیٹیز نے ہانگ ژو ایشیائی کھیلوں کے لئے اندراج کرایا ہے اور کھیلوں کیلئے "بے پناہ جوش وخروش" کا مظاہرہ کیا ہے۔انہوں نے مزید کہا کہ 900 سے زائد چینی کھلاڑی ہانگ ژو ایشیائی کھیلوں میں شرکت کرکے اپنا خواب پورا کریں گے۔

ہانگ ژو ایشیائی کھیل منتظم کمیٹی کے مطابق 80 لاکھ سے زائد افراد پہلے ہی مقابلے اور تربیتی مقامات کا دورہ کرچکے ہیں۔یا نے کہا یہ مقامات عوام کے لئے کھیلوں کی سرگرمیوں کے حوالے سے مقبول مقامات بن چکے ہیں ۔ آپریشنز، کھانے پینے کی اشیا ، طبی اور نقل و حمل خدمات کو مزید بہتر بنانے کے لئے تربیتی سرگرمیوں کا انعقاد کیا گیا ہے اور اب یہ تمام مقامات کھیلوں کے انعقاد کے لئے مکمل طور پر تیار ہیں۔ژے جیانگ صوبے کے نائب گورنر لی یانی نے پریس کانفرنس میں بتایا کہ ایشیائی کھیلوں کے انعقاد نے ہانگ ژو اور دیگر شریک میزبان شہروں ننگ بو ، وین ژو ، ہوژو، شاشینگ اور جن ہوا میں نقل و حمل نظام بہتر بنانے میں مدد دی ہے۔

انہوں نے کہا کہ کھیلوں کے دوران ہموار نقل و حمل کو یقینی بنانے اور یانگسی دریا کے طاس میں طویل مدتی مربوط ترقی کو ٹھوس بنیاد فراہم کرنے کے لئے اب تک ہانگ ژو نے 516 کلومیٹر ریلوے لائن اور 480 کلومیٹر ایکسپریس وے نیٹ ورک مکمل کیا ہے۔ہانگ ژو میٹرو لائن 19 کو 19 ویں ایشیائی کھیلوں کی علامت اور نعروں سے سجایا گیا ہے۔ اس کا آغاز گزشتہ برس ہوا اور یہ شہر کے ریلوے اسٹیشنز اور بین الاقوامی ہوائی اڈے کو جوڑتی ہے۔ یہ مقامی رہائشیوں کو اہم سہولت فراہم کررہی ہے۔لی نے کہا کہ جمعرات سے ہانگ ژو ایشیائی کھیلوں کی 100 روزہ الٹی گنتی شروع ہوئی ہے جس کی مناسبت سے ژے جیانگ کے قدیم شہر لیانگ ژو میں آثار قدیمہ کے کھنڈرات میں مشعل روشن ہوگی اور تمغے کے ڈیزائن جاری کیے جائیں گے۔

سری لنکا کے خلاف ٹیسٹ سیریز کے لیے پاکستانی ٹیم کا اعلان کردیا گیا جب کہ فاسٹ بالر شاہین شاہ آفریدی کی ٹیم میں واپسی ہوئی ہے۔ قومی سلیکشن کمیٹی نے اعلان کردہ 16 رکنی ٹیم میں محمد حریرہ اور عامر جمال کو پہلی بار شامل کیا ہے جب کہ سابق جنوبی افریقن فاسٹ بالر مورنے مورکل بالنگ کوچ ہوں گے۔ ٹیم کا انتخاب سری لنکا کی کنڈیشنز کو مدنظر رکھتے ہوئے کیا گیا ہے جس میں 4 سپنرز ،4 فاسٹ بالرز، 6 مستند بیٹرز اور2 وکٹ کیپرز شامل ہیں۔ تاہم فاسٹ بولر شاہین شاہ آفریدی کی ٹیسٹ کرکٹ میں واپسی ہو گئی ہے، انہیں آئندہ ماہ سری لنکا کے دورے میں کھیلی جانے والی 2 ٹیسٹ میچوں کی سیریز کے لیے پاکستانی کرکٹ ٹیم میں شامل کرلیا گیا ہے۔ سری لنکا کے خلاف ہونے والی 2 ٹیسٹ میچوں کی یہ سیریز دراصل تیسری آئی سی سی ورلڈ ٹیسٹ چیمپئن شپ میں پاکستان ٹیم کی پہلی سیریز ہوگی۔ قومی سکواڈ میں بابراعظم ( کپتان )،محمد رضوان (نائب کپتان اور وکٹ کیپر )، عامر جمال، عبداللہ شفیق، ابرار احمد ،حسن علی، امام الحق، محمد حریرہ، محمد نواز، نسیم شاہ، نعمان علی، سلمان علی آغا، سرفراز احمد(وکٹ کیپر )، سعود شکیل، شاہین شاہ آفریدی اور شان مسعود کو شامل کیا گیا ہے۔

کریڈٹ: انڈیپنڈنٹ نیوز پاکستان-آئی این پی

فرینکفرٹ (شِنہوا)جرمنی اور اس کے اردگرد مسافر پروازیں چلانے والی ایئرلائنز نیٹو کی بڑے پیمانے پر مشقوں کے باعث جرمنی کی فضائی حدود کے ایک بڑے حصے کے بند یا محدود ہونے سے پریشان ہیں۔نیٹو فضائیہ کی اب تک کی سب سے بڑی مشق "ایئر ڈیفینڈر 23 "پیر سے شروع ہو کر 23 جون تک جاری رہے گی ۔ اس مشق میں 25 ممالک کے 10 ہزار فوجی اہلکار اور 250 لڑاکا طیارے شامل ہیں ۔جرمن ایئر ٹریفک کنٹرول کے ترجمان کے مطابق یہ مشق بنیادی طور پر جرمن فضائی حدود میں کی جا رہی ہے جس کا مسافر پروازوں پر کافی اثر پڑے گا۔ترجمان نے کہا کہ اس کے نتیجے میں 800 مسافر پروازوں کو راستہ تبدیل کرنا پڑے گا اور ان میں سے تقریبا 40 فیصد کو لگ بھگ 110 کلومیٹر طویل فاصلہ طے کرنا ہو گا۔مسافروں کو دو ہفتوں کے دوران ممکنہ تاخیر، طویل پرواز کے وقت اور منسوخی سے نمٹنا ہوگا۔

نیٹو کی جانب سے فوجی طاقت کا مظاہرہ ایک ایسے وقت میں کیا گیا ہے جب یوکرین کا بحران شدت اختیار کر گیا ہے۔نیٹو کی فوجی مشقوں کے خلاف سڑکوں پر نکلنے والے مقامی افراد میں سے ایک تھامس ویفنگ نے کہاکہ اگر وہ یہ مشقیں دوسروں کو ڈرانے دھمکانے کے لیے حربے کے طور پر استعمال کرنا چاہتے ہیں تو یہ ہمیشہ غلط علامت ہوتی ہے۔نیٹو کا دعوی ہے کہ 2018 میں شروع ہونے والی اس مشق کا مقصد کسی کو نشانہ بنانا نہیں ہے تاہم، ویفنگ نے شِنہوا کو بتایا کہ انہیں یقین ہے کہ اس مشق سے روس مشتعل ہوگا اور یوکرین میں صورتحال مزید خراب ہوگی۔ویفنگ کی تشویش کے اثبات میں دوسرے مظا ہرہ کر نے والے ایگون روتھ اس بات پر یقین رکھتے ہیں کہ یوکرین کا بحران ہتھیاروں کے استعمال کی بجائے صرف سفارتی طور پر حل کیا جا سکتا ہے۔سیکورٹی کے ماہر اور سابق فوجی افسر جوچھن شولز کو خدشہ ہے کہ اس فوجی مشق کا فائدہ اٹھاتے ہوئے یہ غلط تصور پیدا کیا جائے گا کہ روس ،یورپ کی سلامتی کے لیے خطرہ ہے۔انہوں نے کہاکہ روس یورپ کے لئے خطرہ نہیں بلکہ امریکہ ہے کیونکہ وہ یوریشین براعظم کے غلبے کو اپنی عالمی بالادستی کے لئے ایک شرط کے طور پر دیکھتا ہے۔

لوانڈا(شِنہوا) وینانسیو ڈی مورا ڈپلومیٹک اکیڈمی نے کنفیوشس انسٹی ٹیوٹ آف اگسٹینہو نیٹو یونیورسٹی کے ساتھ مفاہمت کی یادداشت پر دستخط کیے ہیں تاکہ اے ڈی وی ایم کے احاطے میں چینی زبان اور ثقافت کی تعلیم کے لئے وقف کلاس روم قائم کیا جاسکے۔ اے ڈی وی ایم ،یو اے این کے بعد انگولا کی دوسری یونیورسٹی ہوگی جو انگولا میں کنفیوشس انسٹی ٹیوٹ کی مدد سے باضابطہ طور پر چینی زبان کے کورسز پیش کرے گی۔ اے ڈی وی ایم کے ڈائریکٹر جنرل جوز مارکوس باریکا نے اپنی تقریر میں ایم او یو کی اہمیت پر روشنی ڈالتے ہوئے کہا کہ کلاس روم کی جانب سے انگولا اور چینی عوام کے درمیان تعلقات کو مضبوط بنانے میں اہم کردار ادا کیا جائے گا۔ اے ڈی وی ایم میں چینی زبان کے کلاس روم کے افتتاح سے سفارتکاروں کو طویل مدتی فوائد پر زور دیتے ہوئے یو اے این کے ریکٹر پیڈرو مگلہیس نے کہا کہ یہ موقع انہیں انگولا اور چین دونوں کے فائدے کے لئے اہم کامیابیاں حاصل کرنے کے قابل بنائے گا۔

شِنہوا کو حاصل ہونے والے ایم او یو کے مطابق اے ڈی وی ایم ہفتے میں ایک یا دو بار کنفیوشس انسٹی ٹیوٹ آف یو اے این کی مدد سے چینی زبان اور ثقافت میں کورسز پیش کرے گا۔ کورسز کی تکمیل پر شرکا کو سرٹیفکیٹ دیا جائے گا۔ انگولا میں چین کے سفیر گونگ تا نے تقریب سے خطاب کے دوران ایم او یو کے بارے میں اپنی امید کا اظہار کرتے ہوئے کہا کہ اس سے چین اور انگولا کے ثقافتی تعاون کو نئی رفتار ملے گی۔ انہوں نے یقین ظاہر کیا کہ اس شراکت داری سے گہرے دوطرفہ تعاون کو فروغ ملے گا اور نئے دور میں چین اور انگولا کے درمیان مشترکہ مستقبل کے ساتھ ایک قریبی کمیونٹی کی تعمیر میں مدد ملے گی۔ یو اے این میں کنفیوشس انسٹی ٹیوٹ کے چینی ڈائریکٹر رین بنگ نے اے ڈی وی ایم کو انگولا میں سفارت کاروں کا گہوارہ قرار دیا۔ رین کے مطابق یو اے این میں کنفیوشس انسٹی ٹیوٹ نے گزشتہ سات سالوں کے دوران 2 ہزار سے زائد مقامی طالب علموں کو تربیتی کورسز فراہم کیے ہیں۔ اس وقت اس انسٹی ٹیوٹ میں 200 نوجوان انگولا کے لوگ چینی زبان کی تعلیم حاصل کر رہے ہیں۔

لوانڈا(شِنہوا) وینانسیو ڈی مورا ڈپلومیٹک اکیڈمی نے کنفیوشس انسٹی ٹیوٹ آف اگسٹینہو نیٹو یونیورسٹی کے ساتھ مفاہمت کی یادداشت پر دستخط کیے ہیں تاکہ اے ڈی وی ایم کے احاطے میں چینی زبان اور ثقافت کی تعلیم کے لئے وقف کلاس روم قائم کیا جاسکے۔ اے ڈی وی ایم ،یو اے این کے بعد انگولا کی دوسری یونیورسٹی ہوگی جو انگولا میں کنفیوشس انسٹی ٹیوٹ کی مدد سے باضابطہ طور پر چینی زبان کے کورسز پیش کرے گی۔ اے ڈی وی ایم کے ڈائریکٹر جنرل جوز مارکوس باریکا نے اپنی تقریر میں ایم او یو کی اہمیت پر روشنی ڈالتے ہوئے کہا کہ کلاس روم کی جانب سے انگولا اور چینی عوام کے درمیان تعلقات کو مضبوط بنانے میں اہم کردار ادا کیا جائے گا۔ اے ڈی وی ایم میں چینی زبان کے کلاس روم کے افتتاح سے سفارتکاروں کو طویل مدتی فوائد پر زور دیتے ہوئے یو اے این کے ریکٹر پیڈرو مگلہیس نے کہا کہ یہ موقع انہیں انگولا اور چین دونوں کے فائدے کے لئے اہم کامیابیاں حاصل کرنے کے قابل بنائے گا۔

شِنہوا کو حاصل ہونے والے ایم او یو کے مطابق اے ڈی وی ایم ہفتے میں ایک یا دو بار کنفیوشس انسٹی ٹیوٹ آف یو اے این کی مدد سے چینی زبان اور ثقافت میں کورسز پیش کرے گا۔ کورسز کی تکمیل پر شرکا کو سرٹیفکیٹ دیا جائے گا۔ انگولا میں چین کے سفیر گونگ تا نے تقریب سے خطاب کے دوران ایم او یو کے بارے میں اپنی امید کا اظہار کرتے ہوئے کہا کہ اس سے چین اور انگولا کے ثقافتی تعاون کو نئی رفتار ملے گی۔ انہوں نے یقین ظاہر کیا کہ اس شراکت داری سے گہرے دوطرفہ تعاون کو فروغ ملے گا اور نئے دور میں چین اور انگولا کے درمیان مشترکہ مستقبل کے ساتھ ایک قریبی کمیونٹی کی تعمیر میں مدد ملے گی۔ یو اے این میں کنفیوشس انسٹی ٹیوٹ کے چینی ڈائریکٹر رین بنگ نے اے ڈی وی ایم کو انگولا میں سفارت کاروں کا گہوارہ قرار دیا۔ رین کے مطابق یو اے این میں کنفیوشس انسٹی ٹیوٹ نے گزشتہ سات سالوں کے دوران 2 ہزار سے زائد مقامی طالب علموں کو تربیتی کورسز فراہم کیے ہیں۔ اس وقت اس انسٹی ٹیوٹ میں 200 نوجوان انگولا کے لوگ چینی زبان کی تعلیم حاصل کر رہے ہیں۔

بیجنگ(شِنہوا) چین میں رواں سال مئی کے دوران شہری بیروزگاری کی شرح میں اپریل کے مقابلے میں کوئی تبدیلی نہیں ہوئی اور یہ 5.2 فیصد رہی ہے۔ جمعرات کے روز قومی ادارہ شماریات کے مطابق لیبر مارکیٹ میں 25 سے 59 برس کے افراد میں یہ شرح اپریل میں 4.2 فیصد سے کم ہو کر 4.1 فیصد رہ گئی۔ اعداد و شمار کے مطابق مئی کیدوران 31 بڑے شہروں میں بیروزگاری کی شرح میں گزشتہ ماہ کی نسبت کوئی کمی بیشی نہیں ہوئی اور یہ بدستور 5.5 فیصد رہی۔ سروے شدہ شہری بیروزگاری کی شرح کا تخمینہ ان بیروزگار افراد کی تعداد کی بنیاد پر لگایا جاتا ہے جو شہری علاقوں میں روزگار سروے میں حصہ لیتے ہیں۔ ان میں مہاجر مزدور بھی شامل ہیں۔ 

بیجنگ(شِنہوا)چین کے صدر شی جن پھنگ نے بیجنگ میں فلسطینی صدر محمود عباس کے ساتھ بات چیت کی ہے۔

بیجنگ(شِنہوا) چین 2023کے دوران 30 ایسے شہروں کو منتخب کرے گا جہاں چھوٹے اور درمیانے درجے کے کاروباری اداروں کی ڈیجیٹل تبدیلی کی جاسکے گی۔ یہ آزمائشی پروگرام 2025 تک جاری رہے گا۔ وزارت خزانہ اور وزارت صنعت و انفارمیشن ٹیکنالوجی کی جاری کردہ دستاویز کے مطابق اس اقدام کا مقصد شہروں کو صنعتوں اور کمپنیوں بارے مقامی حکومتوں کے علم سے فائدہ اٹھاتے ہوئے چھوٹے اور درمیانی درجے کے اداروں کی ڈیجیٹل تبدیلی میں تعاون کرنا ہے۔ دستاویز میں بتایا گیا ہے کہ اس ڈیجیٹل تبدیلی سے اداروں کی بنیادی پوزیشن مستحکم ہوگی اور ان کی بنیادی مسابقت کی مضبوطبی میں مدد ملے گی۔ پریفیکچر سطح یا اس سے اوپر کے آزمائشی شہروں میں سے ہر ایک کو 2 سال کی آزمائشی مدت کے دوران مرکزی حکومت کی جانب سے ایک مقررہ رقم بونس کے طور پر ملے گی۔ دستاویز کے مطابق 2023 کے بعد مزید شہر اس پروگرام کا حصہ بن سکتے ہیں۔

بیجنگ(شِنہوا) چین 2023کے دوران 30 ایسے شہروں کو منتخب کرے گا جہاں چھوٹے اور درمیانے درجے کے کاروباری اداروں کی ڈیجیٹل تبدیلی کی جاسکے گی۔ یہ آزمائشی پروگرام 2025 تک جاری رہے گا۔ وزارت خزانہ اور وزارت صنعت و انفارمیشن ٹیکنالوجی کی جاری کردہ دستاویز کے مطابق اس اقدام کا مقصد شہروں کو صنعتوں اور کمپنیوں بارے مقامی حکومتوں کے علم سے فائدہ اٹھاتے ہوئے چھوٹے اور درمیانی درجے کے اداروں کی ڈیجیٹل تبدیلی میں تعاون کرنا ہے۔ دستاویز میں بتایا گیا ہے کہ اس ڈیجیٹل تبدیلی سے اداروں کی بنیادی پوزیشن مستحکم ہوگی اور ان کی بنیادی مسابقت کی مضبوطبی میں مدد ملے گی۔ پریفیکچر سطح یا اس سے اوپر کے آزمائشی شہروں میں سے ہر ایک کو 2 سال کی آزمائشی مدت کے دوران مرکزی حکومت کی جانب سے ایک مقررہ رقم بونس کے طور پر ملے گی۔ دستاویز کے مطابق 2023 کے بعد مزید شہر اس پروگرام کا حصہ بن سکتے ہیں۔

ہانگ کانگ(شِنہوا) ہانگ کانگ سے شائع ہونے والے انگریزی اخبار ساؤتھ چائنہ مارننگ پوسٹ کی رپورٹ کے مطابق امریکہ کی قیادت میں نام نہاد 'ڈی رسکنگ' بیان بازی کے دوران جہاں دنیا چین کی برآمدات پر زیادہ انحصار کر رہی ہے وہیں چین خود انحصاری سیکھ رہا ہے۔ کارنیگی انڈومنٹ فار انٹرنیشنل پیس کے ایک سینیئر فیلو یوکون ہوانگ نے اخبار کے لیے ایک آرٹیکل  میں لکھا کہ اب تک واشنگٹن کے اقدامات کے نتائج سامنے آنے کے لیے بہت کم ہیں۔ سرکاری امریکی اعداد و شمار کے مطابق چین کے ساتھ امریکہ کا تجارتی خسارہ گزشتہ سال سابق صدر ڈونلڈ ٹرمپ کے اقتدار سنبھالنے کے مقابلے میں زیادہ تھا اور مجموعی طور پر تجارتی خسارہ بلند سطح پر ہے۔ مزید برآں، امریکی تیار کردہ اشیا کی درآمدات میں کمی نہیں ہوئی۔درآمدات کا دائرہ کار 2017 میں 31 فیصد سے بڑھ کر 34 فیصد ہو گیا ہے۔ ہوانگ نے کہا کہ امریکی تجارت میں چین کی اہمیت میں ڈرامائی کمی آئی ہے لیکن حالیہ برسوں میں دنیا کو چین کی برآمدات میں ریکارڈ اضافہ ہوا ہے۔ ہوانگ نے لکھا کہ چین بڑے پیمانے پر درآمد شدہ اجزا کے اسمبلر سے جدید مصنوعات تیار کرنے والا ملک بن گیا ہے جس نے چین کو زیادہ خود کفیل بنا دیا ہے۔

وینانسیو ڈی مورا ڈپلومیٹک اکیڈمی نے کنفیوشس انسٹی ٹیوٹ آف اگسٹینہو نیٹو یونیورسٹی کے ساتھ مفاہمت کی یادداشت پر دستخط کیے ہیں تاکہ اے ڈی وی ایم کے احاطے میں چینی زبان اور ثقافت کی تعلیم کے لئے وقف کلاس روم قائم کیا جاسکے۔ اے ڈی وی ایم ،یو اے این کے بعد انگولا کی دوسری یونیورسٹی ہوگی جو انگولا میں کنفیوشس انسٹی ٹیوٹ کی مدد سے باضابطہ طور پر چینی زبان کے کورسز پیش کرے گی۔ اے ڈی وی ایم کے ڈائریکٹر جنرل جوز مارکوس باریکا نے اپنی تقریر میں ایم او یو کی اہمیت پر روشنی ڈالتے ہوئے کہا کہ کلاس روم کی جانب سے انگولا اور چینی عوام کے درمیان تعلقات کو مضبوط بنانے میں اہم کردار ادا کیا جائے گا۔ اے ڈی وی ایم میں چینی زبان کے کلاس روم کے افتتاح سے سفارتکاروں کو طویل مدتی فوائد پر زور دیتے ہوئے یو اے این کے ریکٹر پیڈرو مگلہیس نے کہا کہ یہ موقع انہیں انگولا اور چین دونوں کے فائدے کے لئے اہم کامیابیاں حاصل کرنے کے قابل بنائے گا۔ شِنہوا کو حاصل ہونے والے ایم او یو کے مطابق اے ڈی وی ایم ہفتے میں ایک یا دو بار کنفیوشس انسٹی ٹیوٹ آف یو اے این کی مدد سے چینی زبان اور ثقافت میں کورسز پیش کرے گا۔ کورسز کی تکمیل پر شرکا کو سرٹیفکیٹ دیا جائے گا۔ انگولا میں چین کے سفیر گونگ تا نے تقریب سے خطاب کے دوران ایم او یو کے بارے میں اپنی امید کا اظہار کرتے ہوئے کہا کہ اس سے چین اور انگولا کے ثقافتی تعاون کو نئی رفتار ملے گی۔ انہوں نے یقین ظاہر کیا کہ اس شراکت داری سے گہرے دوطرفہ تعاون کو فروغ ملے گا اور نئے دور میں چین اور انگولا کے درمیان مشترکہ مستقبل کے ساتھ ایک قریبی کمیونٹی کی تعمیر میں مدد ملے گی۔ یو اے این میں کنفیوشس انسٹی ٹیوٹ کے چینی ڈائریکٹر رین بنگ نے اے ڈی وی ایم کو انگولا میں سفارت کاروں کا گہوارہ قرار دیا۔ رین کے مطابق یو اے این میں کنفیوشس انسٹی ٹیوٹ نے گزشتہ سات سالوں کے دوران 2 ہزار سے زائد مقامی طالب علموں کو تربیتی کورسز فراہم کیے ہیں۔ اس وقت اس انسٹی ٹیوٹ میں 200 نوجوان انگولا کے لوگ چینی زبان کی تعلیم حاصل کر رہے ہیں۔

کریڈٹ: انڈیپنڈنٹ نیوز پاکستان-آئی این پی

چین کے قومی ادارہ برائے شماریات کے اعداد و شمار کے مطابق مئی کے مہینے میں چین میں اشیائے صرف کی خوردہ فروخت میں 12.7 فیصد اضافہ ہوا ہے۔ این بی ایس کے مطابق جنوری سے مئی کے دوران ملک میں اشیائے صرف کی خوردہ فروخت میں گزشتہ سال کی نسبت 9.3 فیصد اضافہ ہوا۔ یہ 2023 کے پہلے پانچ مہینوں میں 187.6 کھرب یوآن (تقریبا ً26.2 کھرب امریکی ڈالرز)رہا۔

کریڈٹ: انڈیپنڈنٹ نیوز پاکستان-آئی این پی

چین میں رواں سال مئی کے دوران شہری بیروزگاری کی شرح میں اپریل کے مقابلے میں کوئی تبدیلی نہیں ہوئی اور یہ 5.2 فیصد رہی ہے۔ جمعرات کے روز قومی ادارہ شماریات کے مطابق لیبر مارکیٹ میں 25 سے 59 برس کے افراد میں یہ شرح اپریل میں 4.2 فیصد سے کم ہو کر 4.1 فیصد رہ گئی۔ اعداد و شمار کے مطابق مئی کیدوران 31 بڑے شہروں میں بیروزگاری کی شرح میں گزشتہ ماہ کی نسبت کوئی کمی بیشی نہیں ہوئی اور یہ بدستور 5.5 فیصد رہی۔ سروے شدہ شہری بیروزگاری کی شرح کا تخمینہ ان بیروزگار افراد کی تعداد کی بنیاد پر لگایا جاتا ہے جو شہری علاقوں میں روزگار سروے میں حصہ لیتے ہیں۔ ان میں مہاجر مزدور بھی شامل ہیں۔

کریڈٹ: انڈیپنڈنٹ نیوز پاکستان-آئی این پی

چین کے صدر شی جن پھنگ نے بیجنگ میں فلسطینی صدر محمود عباس کے ساتھ بات چیت کی ہے۔

کریڈٹ: انڈیپنڈنٹ نیوز پاکستان-آئی این پی

محکمہ ایکسائز ٹیکسیشن لاہور موٹربرانچ کا سربراہ جج کو الاٹ کی گئی نمبر پلیٹ استعمال کرنے لگا ۔ ڈیفالٹرگاڑیوں کیخلاف آپریشن کرنے والا افسر ایڈیشنل سیشن جج ٹوبہ ٹیک سنگھ کو الاٹ کی گئی نمبرپلیٹ استعمال کرنے لگا،گاڑی نمبرایل ای جی 3714ڈسٹرکٹ اینڈ سیشن جج ٹوبہ ٹیک سنگھ کوالاٹ ہوا، ایکسائز ریکارڈ کے مطابق جج کی جانب سے نمبراستعمال نہ کرنے الاٹ شدہ نمبراستعمال نہ کرنے پرریمووکردیاگیا، ایکسائز ڈائریکٹر ریجن سی محمد آصف ایل ای جی 3714 سیاہ رنگ کی گاڑی پر آفس آتے جاتے ہیں محمد آصف کوفرید کورٹ ہاوس اس گاڑی پر آتے دیکھا جاسکتا ہے، ڈائریکٹر جنرل محکمہ ایکسائز اینڈ ٹیکسیشن پنجاب محمد علی نے بتایا کہ اس معاملہ پر تحقیقات شروع کردی ہیں اور متعلقہ افسران سے رپورٹ بھی طلب کرلی گئی ہے۔

کریڈٹ: انڈیپنڈنٹ نیوز پاکستان-آئی این پی

پاکستان پیپلز پارٹی کی رہنما شازیہ مری نے مرتضی وہاب کو میئر کراچی منتخب ہونے پر مبارکباد دی ہے۔ رہنما پیپلز پارٹی شازیہ مری نے ایک بیان میں کہا ہے کہ مرتضی وہاب کراچی کا بیٹا ہے اور وہ کراچی کے تمام طبقات کی نمائندگی کرے گا، یقین ہے کہ مرتضی وہاب کراچی کی تعمیر و ترقی میں بھرپور کردار ادا کریں گے۔ شازیہ مری کا کہنا تھا کہ آج ثابت ہو گیا کہ کراچی کسی ایک پارٹی کا نہیں بلکہ ہم سب کا ہے ، سندھ کے دیگر شہروں کے منتخب میئرز، ڈپٹی میئرز، ڈسٹرکٹ کونسلز، ٹاون کے چیئرمین اور ڈپٹی چیئرمین کو بھی مبارکباد دیتی ہوں۔ واضح رہے کہ پیپلز پارٹی کے مرتضی وہاب میئر کراچی منتخب ہو گئے ہیں ، غیر سرکاری و غیر حتمی نتیجے کے مطابق مرتضی وہاب 173 ووٹ لے کر کامیاب ہوئے ہیں جبکہ جماعت اسلامی کے حافظ نعیم الرحمن کو 161 ووٹ ملے ہیں ۔ دوسری جانب ڈپٹی میئر کا الیکشن بھی پیپلز پارٹی جیت گئی، سلمان عبداللہ مراد 173 ووٹ لے کر کامیاب ٹھہرے ہیں۔

کریڈٹ: انڈیپنڈنٹ نیوز پاکستان-آئی این پی

وزیر مملکت برائے خزانہ عائشہ غوث پاشا نے کہا ہے کہ ایف بی آر نظام کو مزید آسان اور ڈیجیٹل بنارہے ہیں، جب تک ایلیٹ کلچر نہیں توڑا جائے گا مراعات ایک مخصوص طبقے تک محدد رہیں گی۔ وزیر مملکت برائے خزانہ عائشہ غوث پاشا نے اسلام آباد میں میڈیا سے گفتگو کرتے ہوئے کہا کہ آصف علی زرداری بھی چارٹر آف اکانومی کی بات کرتے ہیں، یہ ایک خوش آئند بات ہے۔ ان کا کہنا ہے کہ وزیراعظم نے چارٹر آف اکانومی کی اس وقت بات کی جب وہ اپوزیشن لیڈر تھے، وزیراعظم آج بھی معاشی استحکام اور چارٹر آف اکانومی کی بات کرتے ہیں، ملک میں اصلاحات کا ایجنڈا حکومت شروع کرے گی۔ وزیر مملکت برائے خزانہ نے مزید کہا کہ پاکستان میں حکومت کے علاوہ بھی کئی اسٹیک ہولڈرز موجود ہیں، ہم سب کو مل کر اس پر عملدرآمد کرنا ہوگا۔ عائشہ غوث پاشا کا کہنا ہے کہ پاکستان میں بدقسمتی سے مراعات یافتہ کا نظام رائج ہے، جب تک ایلیٹ کلچر نہیں توڑا جائے گا مراعات ایک مخصوص طبقے تک محدود رہیں گی۔ انہوں نے کہا کہ ایف بی آر نظام میں بہتری کی گنجائش ہے، اسے مزید آسان اور ڈیجیٹل بنا رہے ہیں، کوشش ہے زیادہ سے زیادہ لوگوں کو ٹیکس نیٹ میں شامل کرسکیں۔

کریڈٹ: انڈیپنڈنٹ نیوز پاکستان-آئی این پی

پاکستان پیپلز پارٹی کے چیئرمین و وزیر خارجہ بلاول بھٹو زرداری نے مرتضی وہاب کو میئر کراچی اور سلمان عبداللہ مراد کو ڈپٹی میئر منتخب ہونے پر مبارک باد دی۔ انہوں نے کہا کہ یہ کامیابی کراچی کے جیالوں کی طویل جدوجہد اور قربانیوں کا ثمر ہے، ملک کے معاشی حب میں نفرت اور تقسیم کی سیاست اپنے منطقی انجام کو پہنچی، جمہوریت بہترین انتقام ہے۔ بلاول بھٹو زرداری کا کہنا تھا کہ شہرِ قائد کو حقیقی معنوں میں عروس البلاد بنائیں گے، کراچی اب ترقی، امن اور بھائے چارے کا گہوارہ بنے گا، کراچی کی ہر گلی، محلے اور علاقے کے بلدیاتی مسائل بلامتیاز حل کریں گے۔انہوں نے مزید کہا کہ مرتضی وہاب اور سلمان عبداللہ مراد سمیت پیپلز پارٹی کے تمام منتخب نمائندوں کے کندھوں پر اب بھاری ذمے داریاں ہیں، مجھے یقین ہے، ماضی میں کٹھن ترین حالات کا مقابلہ کرنے والے جیالے اب کی بار بھی سرخرو ہوں گے۔

کریڈٹ: انڈیپنڈنٹ نیوز پاکستان-آئی این پی