چین، جنوبی گوانگ شی ژوآنگ خوداختیار خطے کے شہر ووژو کی کاؤنٹی ٹینگ شیان کے کنڈر گارٹن میں بچے شیر رقص کی مشق کررہے ہیں۔(شِنہوا)

چین ، جنوب مغربی صوبہ گوئی ژو کے شہر بیجی کے بیلی ڈوجوان انتظامی خطے میں پھولوں کے نمائشی مقام پر عملہ کے ارکان لائیو اسٹریمنگ کے ذریعے پھول فروخت کررہے ہیں۔ (شِنہوا) 

چین ، جنوب مغربی صوبہ گوئی ژو کے شہر بیجی کے بیلی ڈوجوان انتظامی خطے میں پھولوں کی کاشت کے ایک مرکز پر عملے کی ایک رکن پھولوں کی نگہداشت کررہی ہے۔(شِںہوا)

بوآؤ (شِنہوا) چین کے وزیر اعظم لی چھیانگ نے بین الاقوامی مالیاتی فنڈ (آئی ایم ایف) کی منیجنگ ڈائریکٹر کرسٹالینا جارجیوا سے صوبہ ہائی نان کے بواؤ میں ملاقات کی اور عالمی حکمرانی کو زیادہ منصفانہ اور مساوات پر مبنی بنانے کے لیے آئی ایم ایف کے ساتھ تعاون کو مزید گہرا کرنے کا عہد کیا۔

اس بات کا ذکر کرتے ہوئے کہ رواں سال کے آغاز سے چین کی معیشت میں  استحکام آیا اور بحالی کی راہ اختیار کی ہے لی نے کہا کہ چین کے پاس ایک ٹھوس اقتصادی بنیاد ، ترقی کے وسیع امکانات اور ایک امید افزامستقبل ہے۔

انہوں نے کہا کہ چین میکرو پالیسی ضابطے مضبوط بنائے گا، کھپت اور سرمایہ کاری کے امکانات کو فروغ دے گا، بیرونی دنیا کے لئے بھرپور کھلے پن کو اپنائے گا، کاروباری ماحول کو جامع طور پر بہتر بنائے گا اور دانشمندانہ طریقے سے خطرات کو کم کرے گا۔

انہوں نے کہا ہے کہ ہمارے پاس مجموعی طور پر معاشی بہتری کو فروغ دینے اور سال بھر کے ترقیاتی اہداف کے حصول کے لئے اعتماد اور صلاحیت ہے۔

لی نے کہا کہ پیچیدہ اور سنگین مسائل کا سامنا کرتے ہوئے بین الاقوامی برادری کو ان سے نمٹنے کے لئے ملکر کام کرنے کی ضرورت ہے۔

انہوں نے بین الاقوامی برادری پر زور دیا کہ وہ کثیر الجہتی برقرار رکھے، میکرو اقتصادی پالیسی تعاون کو مضبوط بنائے اور عالمی صنعتی اور سپلائی چین کی سلامتی اور استحکام برقرار رکھے اور اسے ہموار بنائے۔

لی نے کہا کہ چین نے ہمیشہ ترقی پذیر ممالک کی معیشتوں کو ترقی دینے اور اپنی صلاحیت کی حدود میں لوگوں کے ذریعہ معاش کو بہتر بنانے میں مدد کی ہے۔

انہوں نے کہا کہ ہم قرضوں کے معاملے پر آئی ایم ایف کے فعال قائدانہ کردار کی تعریف کرتے ہیں اور موسمیاتی تبدیلی سے نمٹنے میں ترقی پذیر ممالک سے مالی تعاون کے لئے لچک اور استحکام ٹرسٹ کے قیام میں آئی ایم ایف کی حمایت کرتے ہیں۔

لی نے کہا کہ چین آئی ایم ایف کے ساتھ اپنے تعلقات کو بہت اہمیت دیتا ہے۔ عالمی حکمرانی میں اہم کردار ادا کرنے میں آئی ایم ایف کی بھرپور حمایت کرتا ہے اور عالمی حکمرانی کو زیادہ منصفانہ اور مساوات پر مبنی بنانے اور بین الاقوامی امور میں ابھرتی منڈیوں اور ترقی پذیر ممالک کی آواز اور اثر و رسوخ کو بڑھانے کے لئے آئی ایم ایف کے ساتھ تعاون کو گہرا کرنے پر تیار ہے۔

آئی ایم ایف کی سربراہ چین میں بوآؤ فورم برائے ایشیا کی سالانہ کانفرنس 2023 میں شرکت کررہی ہیں۔

اس بات کا ذکر کرتے ہوئے کہ چین آئی ایم ایف کا ایک اہم شراکت دار ہے ، جارجیوا نے کہا کہ چین کی اقتصادی ترقی کی رفتار اچھی ہے اور توقع ہے کہ رواں سال عالمی اقتصادی ترقی میں اس کا حصہ ایک تہائی سے زائد ہوگا جو دوسرے ممالک کے لئے اہم مواقع فراہم کرے گا۔

بوآؤ (شِنہوا) چین کے وزیر اعظم لی چھیانگ نے بین الاقوامی مالیاتی فنڈ (آئی ایم ایف) کی منیجنگ ڈائریکٹر کرسٹالینا جارجیوا سے صوبہ ہائی نان کے بواؤ میں ملاقات کی اور عالمی حکمرانی کو زیادہ منصفانہ اور مساوات پر مبنی بنانے کے لیے آئی ایم ایف کے ساتھ تعاون کو مزید گہرا کرنے کا عہد کیا۔

اس بات کا ذکر کرتے ہوئے کہ رواں سال کے آغاز سے چین کی معیشت میں  استحکام آیا اور بحالی کی راہ اختیار کی ہے لی نے کہا کہ چین کے پاس ایک ٹھوس اقتصادی بنیاد ، ترقی کے وسیع امکانات اور ایک امید افزامستقبل ہے۔

انہوں نے کہا کہ چین میکرو پالیسی ضابطے مضبوط بنائے گا، کھپت اور سرمایہ کاری کے امکانات کو فروغ دے گا، بیرونی دنیا کے لئے بھرپور کھلے پن کو اپنائے گا، کاروباری ماحول کو جامع طور پر بہتر بنائے گا اور دانشمندانہ طریقے سے خطرات کو کم کرے گا۔

انہوں نے کہا ہے کہ ہمارے پاس مجموعی طور پر معاشی بہتری کو فروغ دینے اور سال بھر کے ترقیاتی اہداف کے حصول کے لئے اعتماد اور صلاحیت ہے۔

لی نے کہا کہ پیچیدہ اور سنگین مسائل کا سامنا کرتے ہوئے بین الاقوامی برادری کو ان سے نمٹنے کے لئے ملکر کام کرنے کی ضرورت ہے۔

انہوں نے بین الاقوامی برادری پر زور دیا کہ وہ کثیر الجہتی برقرار رکھے، میکرو اقتصادی پالیسی تعاون کو مضبوط بنائے اور عالمی صنعتی اور سپلائی چین کی سلامتی اور استحکام برقرار رکھے اور اسے ہموار بنائے۔

لی نے کہا کہ چین نے ہمیشہ ترقی پذیر ممالک کی معیشتوں کو ترقی دینے اور اپنی صلاحیت کی حدود میں لوگوں کے ذریعہ معاش کو بہتر بنانے میں مدد کی ہے۔

انہوں نے کہا کہ ہم قرضوں کے معاملے پر آئی ایم ایف کے فعال قائدانہ کردار کی تعریف کرتے ہیں اور موسمیاتی تبدیلی سے نمٹنے میں ترقی پذیر ممالک سے مالی تعاون کے لئے لچک اور استحکام ٹرسٹ کے قیام میں آئی ایم ایف کی حمایت کرتے ہیں۔

لی نے کہا کہ چین آئی ایم ایف کے ساتھ اپنے تعلقات کو بہت اہمیت دیتا ہے۔ عالمی حکمرانی میں اہم کردار ادا کرنے میں آئی ایم ایف کی بھرپور حمایت کرتا ہے اور عالمی حکمرانی کو زیادہ منصفانہ اور مساوات پر مبنی بنانے اور بین الاقوامی امور میں ابھرتی منڈیوں اور ترقی پذیر ممالک کی آواز اور اثر و رسوخ کو بڑھانے کے لئے آئی ایم ایف کے ساتھ تعاون کو گہرا کرنے پر تیار ہے۔

آئی ایم ایف کی سربراہ چین میں بوآؤ فورم برائے ایشیا کی سالانہ کانفرنس 2023 میں شرکت کررہی ہیں۔

اس بات کا ذکر کرتے ہوئے کہ چین آئی ایم ایف کا ایک اہم شراکت دار ہے ، جارجیوا نے کہا کہ چین کی اقتصادی ترقی کی رفتار اچھی ہے اور توقع ہے کہ رواں سال عالمی اقتصادی ترقی میں اس کا حصہ ایک تہائی سے زائد ہوگا جو دوسرے ممالک کے لئے اہم مواقع فراہم کرے گا۔

دربار حضرت بابا بلھے شاہ کے احاطہ سے غیر ملکی خاتون کو گرفتار کر لیا گیا۔ ایچبیور بیٹنا نامی غیر ملکی خاتون کا تعلق آسٹریا سے بتایا گیا ہے، خاتون فقیروں کے روپ میں بابا بلھے شاہ کے دربار کے احاطہ میں موجود تھی۔ خاتون کو پولیس تھانہ اے ڈویژن نے حراست میں لیا ہے، غیر ملکی خاتون بغیر ویزہ کے دربار بابا بلھے شاہ کیسے آئی اس بات کی تحقیق کی جا رہی ہے۔

کریڈٹ: انڈیپنڈنٹ نیوز پاکستان-آئی این پی

کنگ سلمان ریلیف سینٹر نے پاکستان میں 15,000 NFIs پر مشتمل پروجیکٹ مکمل کیا۔کنگ سلمان ہیومینٹیرین ایڈ اینڈ ریلیف سینٹر (KSrelief) نے پورے پاکستان میں مقیم سیلاب سے متاثرہ افراد میں NFI کٹس کے تیسرے اور چوتھے مرحلے کی 15,000 NFI کٹس کی پنجاب اور سندھ کے تمام متاثرہ علاقوں میں تقسیم مکمل کر لی ۔ جس کے ساتھ تقسیم شدہ کٹس کی مجموعی تعداد 50,000 گئی ہیں۔ جبکہ اس ریلیف پیکیج سے 350,000 افراد مستفید ہوئے۔ہر NFIs کٹ میں 2 کمبل، پلاسٹک میٹ کے ساتھ ایک شیلٹر کٹ، جیری کین کے ساتھ کچن سیٹ اور اینٹی بائیوٹک صابن شامل ہیں۔ یہ ریلیف پیکیج این ڈی ایم اے ، صوبائی حکومت کی مدد سے شفاف طریقے سے تقیسم کیا گیا۔

کریڈٹ: انڈیپنڈنٹ نیوز پاکستان-آئی این پی

سینیٹ نے سپریم کورٹ پریکٹس اینڈ طریقہ کار بل 2023 سمیت تین بل کثرت رائے سے منظورکرلیے،بل کے حق میں 60اور مخالفت میں 19ووٹ آئے ،تحریک انصاف ،جماعت اسلامی نے بل کی مخالفت کی جبکہ حکومتی اتحادیوں سمیت باپ اور سابقہ فاٹا کے سینیٹرز نے بل کے حق میں ووٹ دیا،بل براہ راست منظورکرنے اور کمیٹی میں نہ بھیجنے پر اپوزیشن نے شدید احتجاج کیاچیئرمین ڈائس کاگھیرؤ کیا نعرے لگائے بل کی کاپیاں پھاڑکر اچھالیں،سپریم کورٹ پر حملہ نامنظور،الیکشن کراؤ ملک بچاؤ کے نعرے لگائے،چیرمین سینیٹ سے بھی اپوزیشن کی شدیدتلخ کلامی چیئرمین نے اپوزیشن اورحکومتی بنچوں کے درمیان سارجنٹ کھڑے کروادیئے ،ہنگامہ آرائی میں تین بل قائمہ کمیٹیوں کوبھیج دیئے گئے چیئرمین نے سینیٹ کااجلاس آج صبح10بج کر30منٹ تک اجلاس ملتوی کردیا۔اپوزیشن نے کہاکہ 184-3میں ترمیم سادہ قانون سے نہیں آئینی ترمیم سے ترمیم ہوسکتی ہے یہ غیرآئینی ہے سپریم کورٹ 10دن میں اس کو کالعدم قراردے گی ،یہ ترازو کے پلڑے برابر نہیں گھر لے کر جانے کی کوشش کررہے ہیں۔حکومتی سینیٹرز نے کہاکہ عدلیہ اور مسلح افواج کو سیاست زدہ نہیں ہونا چاہیے ،سوموٹو سے اربوںڈالر کانقصان ہواہے اس لیے ترمیم لازمی تھی۔

اجلاس میں انٹر بورڈ کو آرڈینیشن کمیشن بل 2023اور وکلا فلاح اور تحفظ بل 2023 کثرت رائے سے منظور جبکہ تین بل جس میں نیشنل یونیورسٹی آف پاکستان بل 2023 ،پاکستان میری ٹائم رونز بل2023 اورپیرروشان انسٹیٹیوٹ آف روایتی علوم اور ٹیکنالوجیز میران شاہ بل 2023 ہیں کو قائمہ کمیٹیوں کوبھیج دیاگیا۔ جمعرات کوسینیٹ کااجلاس چیئرمین سینیٹ کی زیرصدارت پارلیمنٹ ہاؤس میں ہوا۔اجلاس میں وزیر دفاع خواجہ آصف نے نیشنل یونیورسٹی آف پاکستان بل 2023 ایوان میں پیش کیاچیئرمین نے بل متعلقہ قائمہ کمیٹی کو بھیج دیا اور دو دن میں منظور کرکے ایوان میں پیش کرنے کی ہدایت کردی۔اپوزیشن عدلیہ بچا ؤکے بینر ایوان میں لے آئی ۔عدالیہ پر حملہ نامنظور الیکشن کرؤ ملک بچاؤ کے نعرے درج تھے۔وزیر قانون اعظم نذیر تارڑ نے سپریم کورٹ پریکٹس اینڈ طریقہ کار بل 2023ایوان میں پیش کیا۔ اپوزیشن نے بل کی مخالفت کردی اور بل کمیٹی کو بھیجنے دینے کا کہا ۔اعظم نذیر تارڑ نے کہاکہ ایوان قانون سازی کرسکتی ہے ۔ قانون میں تبدیلی کرنی پڑتی ہے ۔سپریم کورٹ کو اجتماعی سوچ کے بجائے انفرادی طور پر استعمال کیا گیا ۔سوموٹو کے استعمال نے ریاست کو اربوں ڈالر کا نقصان پہنچایا۔ادارے کو چلانے کے لیے اجتماعی سوچ ان کوآگے لے کر جاتی ہے ۔ بنچ بنانے کا اختیار تین سینئر جج بشمول چیف جسٹس کریں گے، فل کورٹ کا آخری اجلاس 2019میں ہواہے ۔

تین جج ہی سوموٹو لینے کا فیصلہ کریں گے آئین کی تشریخ کے لیے کم ازکم پانچ ججوں کو بنچ ہوگا۔184-3پر اپیل کا حق نہیں ہوسکتی ہے اس میں اپیل دی گئی قانون بننے کے بعد 30دن کے اندر اپیل درج کرسکیں گے سابقہ ناانصافیوں پر بھی اپیل کا حق دیاہے ۔ نظر ثانی کی اپیل میں وکیل تبدیل کرنے کی اجازت دی جارہی ہے ۔قائدحزب اختلاف سینیٹر شہزاد وسیم نے کہاکہ یہ نیک نیتی کے ساتھ اصلاحات کا بل بتایا جارہاہے ۔یہ قوم کو بیوقوف بنانے کی روش ختم کریں یہ مفادات کا بل ہے انہوں نے اپنے مفادات کو درمیان میں رکھا ہے اس بل کی اصلیت یہ چھپا نہیں سکتے ہیں ۔اس ملک میں اقتدار پر اشرافیہ قابض ہے ان کے لیے قوانین بھی بن جاتے ہیں۔ یہ سو فیصد پرسن پیسیفک بل ہے یہ اپنا مفاد حاصل کرنے کی کوشش کررہے ہیں ۔آج یہ ایک اور حملہ ایوان پر کررہے ہیں نام عوام کا اور کام اپنا۔پچھلے چند دنوں سے ایک مسئلہ ہے کہ آئین نے پابند کیا ہے کہ 90دن میں الیکشن کروانا ہے ۔الیکشن سے فرار حاصل کرنے کے لیے عدلیہ پر حملہ کیا جارہاہے۔ ان کے لیے وقت اہم ہے بل اہم نہیں ہے کیوں کہ سپریم کورٹ میں پاکستان کے مستقبل کا فیصلہ ہونے جارہاہے ۔90دن پانچ سال اور 9سال بھی بن جاتے ہیں آئین کے ساتھ کھلواڑ نہ کریں۔یہ ترازو کو گھر لے کر جانے کی کوشش کررہے ہیں. ترازو کے پلڑے برابر نہیں کررہے ہیں ان کی عدلیہ پر حملے کی تاریخ ہے ۔پہلے باہر سے حملہ آور ہوتے تھے اب اندر سے حملہ آور ہیں ۔

وہ سوموٹو جس نے ان کو اقتدار میں بیٹھایا وہ جائز اور اب ناجائز ہوگیا ہے ۔یہ الیکشن کمیشن کے ترجمان اور الیکشن کمیشن ان کے ترجمان ہیں۔ الیکشن کمیشن آئین کے مطابق الیکشن کرانے کا پابند ہے اپنی صوابدید کا پابند نہیں ہے ساز گار حالات کا انتظار نہیں کرتا اس نے وقت پر الیکشن کرانا ہے یہ سپریم کورٹ کے رولز بنانے چلے ہیں یہ سپریم کورٹ پر حملہ ہے ۔عدلیہ کو اپنا کام کرنے دیں۔ آپ نے عدلیہ کو متنازعہ کرنا ہے سپریم کورٹ کو تقسیم کرنے کی کوشش کی جارہی ہے ۔ اپنی نااہلی کی فیصلے ختم کرنے کے لیے قانون لائے ہیں۔انہوں نے عدلیہ کو اپنے تابع کرنا ہے ۔ کیا سینیٹ میں بحث نہیں ہوسکتی ہے اس بل کو قائمہ کمیٹی کو بھیج دیں ۔ باپ پارٹی کے پارلیمانی رہنماسینیٹرمنظور کاکڑ نے کہاکہ ہم اس بل کی حمایت کرتے ہیں ۔سابق چیئرمین سینیٹ سینیٹرمیاں رضا ربانی نے کہاکہ اس بل کا تعلق آئین کے 90دن کے الیکشن سے تعلق نہیں ہے ۔90دن میں الیکشن ہونا لازم ہے ۔یہ وکلا برادری کا مطالبہ رہاہے ۔کہ سوموٹو پر نظر ثانی کی جائے ۔ جب ادارے ناکارے ہونے لگے تو یہ ریاست کے لیے خطرہ بن جاتا ہے پارلیمنٹ کو ناکارہ کردیا گیاہے سپریم کورٹ کی صورت حال تشویش ناک ہے یہ ریاست پاکستان کے لیے اچھا نہیں ہے سیاسی ایشوز ہیں سیاسی جماعتیں اپنے جھگڑے عدالت میں لے کر گئے۔عدلیہ ثالث نہیں بن سکتی ہے

یہ کام پارلیمان کاہے ۔اس میں سپیکر اور چیئرمین کا اہم کردار ہے ۔پی ٹی آئی کے سینیٹر بیرسٹر علی ظفر نے کہاکہ اس بل کو کمیٹی میں بھیج دیا جائے تا کہ اس پر بحث ہو۔184سپریم کورٹ کو سو۔موٹو کا اختیار دیتا ہے ۔بل پر دو اعتراضات ہیں ایک یہ بل جس وقت میں آیاہے ۔جس الیکشن کے حوالے سے سپریم کورٹ میں سماعت ہو رہی ہے ۔ قومی اسمبلی کی قائمہ کمیٹی میں بل جاسکتا ہے مگر سینیٹ کی قائمہ کمیٹی میں نہیں جاسکتا ہے ۔کیا ہمارے پاس اخیتار ہے کہ ہم 184-3میں ترمیم کرسکیں ۔ سپریم کورٹ میں ترمیم آئین میں ترمیم لانی ہوگی اس کے لیے عام قانون سے نہیں آئینی ترمیم چاییے ورنہ اگلے 15دن میں یہ قانون کالعدم ہوجائے گا۔ ہم سپریم کورٹ کے حوالے سے قانون سازی نہیں کرسکتے۔یہ بل آئین کے خلاف ہے میں اس کا حصہ نہیں بنوں گا ۔184-3میں ترمیم آئینی ترمیم کے تحت آیا ہوا ہے کمیٹی نے سینیٹ کو یہ معاملہ بھیج دیا ہے ۔ اس بل کو قائمہ کمیٹی بھیج دیں ۔ اس بل میں کچھ چیزیں غیر آئینی ہیں۔سینیٹر مشتاق احمد نے کہاکہ اس پارلیمنٹ میں غریب کے لیے کوئی قانون سازی نہیں ہوتی ہے ۔7لوگ کے پی کے میں آٹے کی لائن میں شہید ہوگئے ہیں پولیس کے جوان شہید ہوئے ہیں اس پر بات نہیں ہوتی ہے ۔

یہ اشرافیہ کے لیے قانون سازی کی گئی ہے ۔اس پر بحث ہونی چاہیے گر رولز کو بلڈوزنہ کیا جائے ۔پارلیمنٹ سپریم ہے پارلیمنٹ کے دائرہ اختیار میں صرف سپریم کورٹ نہیں اسٹیبلشمنٹ بھی مداخلت کررہی ہے اس کے خلاف قرارداد قومی اسمبلی سے کیوں نہیں آرہی ہے ۔ کیا حکومت اس قابل ہے کہ جنرل باجوہ اور جنرل فیض کے خلاف تحقیقات کرئے ۔ملٹری اسٹیبلشمنٹ کی انکروچمنٹ کو بھی روکا جائے ۔ تمام داروں کے سربراہان جنرل لگائے ہیں ۔یہ پتہ لگایا جائے یہ آڈیو ویڈیو کون جاری کررہاہے اس کی بھی تحقیقات ہونی چاہیے کہ کیوں اور کن مقصد کے لیے جاری کیا جارہاہے ۔پارلیمنٹ کو ربڑ سٹمپ نہ بنائیں پارلیمنٹ کو اپنا کردار ادا کرنے دیں ۔طاہر بزنجو نے کہاکہ فوج اور عدلیہ کو سیاست ذدہ نہ کیا جائے۔اپوزیشن کے احتجاج کے باوجود چیئرمین نے بل قائمہ کمیٹی کو نہیں بھیجا اور ایوان میں پیش کرنے دیاجس پر سینیٹر اعظم نذیرتارڑ نے ریم کورٹ پریکٹس اور طریقہ کار بل 2023 ایوان میں پیش کیا۔بل پر رائے شماری کی گئی تو بل کے حق میں حق میں 60 اور خلاف میں 19ووٹ آئے۔حکومت کے ساتھ اپوزیشن میں بیٹھے سابقہ فاٹا کے ارکان اور باپ پارٹی کے سینیٹرز نے بل کے حق میں ووٹ دیا۔

بل منظور ہونے پر سینیٹرعلی ظفر نے بل کی کاپی پھاڑ دی اور ہوا میںلہرادی۔اس دوران اپوزیشن کی طرف سے چیئرمین ڈائس کا گھیراؤ جاری رکھاگیا اور شدید نعرے بازی کرتے رہے اسی دوران وفاقی وزیر قانون سینیٹر اعظم نذیر نے وکلا فلاح اور تحفظ بل 2023 ایوان میں پیش کیا جس کو بھی کثرت رائے سے منظور کرلیا گیا ۔اس کے بعدوزیر خزانہ اسحاق ڈار نے پاکستان میری ٹائم رونز بل2023ایوان میں پیش کیا جس کو چیئرمین نے متعلقہ قائمہ کمیٹی کو بھیج دیا۔وزیر تعلیم رانا تنویر نے پیرروشان انسٹیٹیوٹ آف روایتی علوم اور ٹیکنالوجیز میران شاہ بل 2023ایوان میںپیش کیا چیئرمین نے دو دن کے اندر کمیٹی کو واپس بھیجنے کی ہدایت کرتے ہوئے کمیٹی کو بھیج دیا ۔وزیرتعلیم رانا تنویر نے انٹر بورڈ کو آرڈینیشن کمیشن بل 2023پیش کیا۔جس کو کثرت رائے سے منظور کرلیا گیا ۔ بل منظور ہونے کے بعد چیئرمین سینیٹ نے اجلاس جمعہ کی صبح 10بج کر 30منٹ تک ملتوی کردیا۔اوراپوزیشن چیئرمین ڈائس کے سامنے احتجاج کرتی رہے گئی۔

کریڈٹ: انڈیپنڈنٹ نیوز پاکستان-آئی این پی

سینیٹ میں شہیدہونے والے سیکیورٹی اہلکاروں اور آٹا کی وجہ سے مرنے والوں کے لیے دعاکرائی گئی،مردم شماری پر سینیٹرز کے تحفظات پر چیئرمین سینیٹ نے اگلے ہفتے کمیٹی آف ہول بنانے کافیصلہ کرلیا،وزیر تجارت نویدقمر نے بری خبر سناتے ہوئے کہاکہ آئی ایم ایف کی شرائط کی وجہ سے برآمدات میں اب کمی ہی ہوگی کوئی اضافہ نہیں ہوگاجولائی سے دسمبر 2022تک برآمدات میں پچھلے سال کے مقابلے میں میں 5.7فیصد کمی ہوئی ہے،وزیرخزانہ اسحاق ڈار نے کہاکہ سٹیٹ بینک ریاست کے اندر ریاست ہے ،شرح سود پر سٹیٹ بینک کا مکمل کنٹرول ہے،جون تک ملکی زرمبادلہ 13ارب ڈالر تک لے جانے کی کوشش ہے 20فیصد شرح سود پر کوئی کاروبار نہیں کرسکتا ہے آئیں ملک میں میثاق معیشت کریں معیشت پر سیاست نہ کریں ۔قائد حزب اختلاف ڈاکٹر شہزاد وسیم نے کہا کہ اگر سٹیٹ بینک کی قانون سازی غلط ہے تو اس کو تبدیل کرنے سے آپ کوکس نے روکا ہے؟ آپ کی اکثریت ہے بل لاکر قانون بدل دیں ۔ جمعرات کوسینیٹ کااجلاس چیئرمین سینیٹ کی زیرصدارت پارلیمنٹ ہاؤس میں ہوا۔اجلاس شروع ہواتوبرگیڈئیر مصطفی برکی کی شہادت، اور سیکیورٹی اہلکاروں کی شہادت اورآٹا نہ ملنے سے مرنے والوں کے لیے مولوی فیض محمد نے دعا کرائی۔

وفقہ سولات کے دوان وزیر مملکت برائے قانون انصاف شہادت اعوان نے کہاکہ وزیر منصوبہ بندی نے سوال موخر کرنے کا کہا ہے ۔چیئرمین سینیٹ نے کہاکہ کوئی موخر کرنے کی درخواست نہیں کی گئی ہے ۔وزیر قانونسینیٹر اعظم نذیر تارڑ نے کہاکہ تمام جماعتوں نے کہاتھاکہ 2023کے انتخابات نئے مردم شماری سے ہوگے یہ معائدہ ہواتھا اور مردم شماری ڈیجیٹل ہوگی۔ مردم شماری شروع ہوچکی ہے 30اپریل سے پہلے یہ مکمل ہوجائے گی۔ وفاقی وزیر سینیٹر فیصل سبزواری نے کہاکہ مردم شماری دس سال سے پہلے مردم شماری اس لیے ہورہی ہے کہ سندھ کراچی اور بلوچستان کو اس پر تحفظات تھے ۔2017کی مردم شماری پر اتفاق نہیں تھا ۔لوگوں کے ذہنوں میں خدشات پیدا ہونا شروع ہوگیا ہے اس طرح کی مردم شماری کوئی نہیں مانے گا ۔جب مردم شماری ہوتی ہے تو گھروالوں کو میسج بھیج دیا جائے کہ آپ کے گھر میں اتنے لوگوں کو گنا ہے ۔35ارب روپے خرچ کرکے بھی لوگ اس کو نہیں مانیں گے ۔ اس کو شفاف بنایا جائے ۔سینیٹر ہدایت اللہ نے کہاکہ مردم شماری میں کافی غلطیاں ہیں اس لیے مردم شماری پر کمیٹی آف ہول بلائی جائے ۔ جس پر چیئرمین سینیٹ نے ان کی تجویز کو منظورکرتے ہوئے اگلے ہفتے مردم شماری پر کمیٹی آف ہول بلانے کافیصلہ کیا۔قائد حزب اختلاف سینیٹر اسحاق ڈار نے کہاکہ 2017کی مردم شماری پر لوگوں کو شدید تحفظات تھے۔ جس پر آئین میں ترمیم کی گئی۔

اب تو دو اسمبلیوں کے الیکشن ہوں گے وہ پرانے پر ہوں گے اور جب باقی کا الیکشن ہوگا تو وہ نئے مردم شماری پر ہوگا ۔اور اس وقت یہاں پر نگران حکومت نہیں ہوگی۔ ملک میں مہنگائی بہت زیادہ ہے ۔پانچ سال میں ملکی معیشت کا یہ حال ہواہے ۔ پانچ سال میں فراڈ پالیسی کی وجہ سے ہواہے اس کا کوئی فوری حل نہیں ہے ۔ ملکی خزابہ میں پانچ ماہ سے بہتری ہورہی ہے ۔ہم اپنی کوشش پوری کر رہے ہیں ملکی خزانہ کو 13ارب ڈالر تک جون تک لے کر جارہے ہیں ۔آج شرح سود 20فیصد ہے اس پر کوئی کاروبار نہیں کرسکتا ہے آئیں ملک میں میثاق معیشت کریںاس پر سیاست نہ کریں ۔اسٹیٹ بینک کو ملک کے اندر ریاست بنا دیا ہے ۔اسٹیٹ بینک مکمل بااختیار ہے ۔شرح سود پر سٹیٹ بینک کا مکمل کنٹرول ہے ۔آپ جو گارڈ فادر لائے ہیں مجھے ملک میں معاشی اصلاحات کی سزا دی گئی ہے ۔ پاکستان ڈیفالٹ نہیں کرے گا۔ وزیر کامرس نوید قمر نے کہاکہ آئی ایم ایف کے کہنے پر سبسڈی ختم کی ہے جس سے برآمدات میں کمی ہوگی۔ سال 2021-22میں برآمدات 31.8ارب ڈالر تک پہنچی جو پچھلے سال کے مقابلہ میں 26فیصد اضافہ ہوگا ۔برآمدات میں اضافہ نہیں ہوگا بلکہ اس میں مزید کمی ہوگی ۔ چین کو پاکستان نے مالی سال 2021-22میں 2.42ارب ڈالر برآمدات کیں جبکہ چین سے 20ارب ڈالر کی درآمدات کی ہیں ۔ جولائی سے دسمبر 2022میں برآمدات میں 5.7فیصد کمی ہوئی ہے ہم اسحاق ڈار سے مسلسل کہے رہے ہیں کہ ہمیں کچھ جگہ دی جائے تاکہ برآمدات بڑھائی جاسکے آئی ایم ایف کی وجہ سے مشکلات ہیں۔قائد حزب اختلاف ڈاکٹر شہزاد وسیم نے کہا کہ اگر سٹیٹ بینک کی قانون سازی غلط ہے تو اس کو تبدیل کرنے سےآپ کوکس نے روکا ہے؟ آپ کی اکثریت ہے بل لاکر قانون بدل دیں ۔

کریڈٹ: انڈیپنڈنٹ نیوز پاکستان-آئی این پی

مصر سے تعلق رکھنے والی روزہ دار خاتون عمرے کی ادائیگی کے دوران انتقال کرگئیں،عرب میڈیا کے مطابق مصری خاتون ہب القبانی روزے کی حالت میں طواف ادا کرنے میں مصروف تھیں کہ انہیں دل کا دورہ پڑا اور وہ خانہ کعبہ کے سامنے انتقال کرگئیں، مرحومہ کی نماز جنازہ میں ہزاروں افراد نے شرکت کی،خاتون نے پسماندگان میں شوہر اور 5بچوں کو سوگوار چھوڑا ہے، سوشل میڈیا پرمرحومہ ہب القبان کے شوہر ڈاکٹرعبد المنعم الخطیب نے کہا کہ وہ دیکھ بھال کرنے والی، صالح اور فرمانبردار خاتون تھی۔

کریڈٹ: انڈیپنڈنٹ نیوز پاکستان-آئی این پی

بھارتی ریاست مشرقی بنگال کی وزیراعلی ممتا بینرجی کا احتجاج کا انوکھا انداز، دھرنے میں بی جے پی واشنگ مشین لاکر لانڈری ڈے منا لیا،کلکتہ میں ترینامول کانگریس کی سربراہ وزیر اعلی ممتا بینرجی نے بھارتیہ جنتا پارٹی (بی جے پی)کی مرکزی حکومت کے خلاف دو روزہ دھرنے کیلئے بنائے گئے اسٹیج پر ایک بڑی واشنگ مشین لا کر رکھ دی گئی جس پر بڑے حروف میں بے جے پی واشنگ مشین لکھا گیا تھا،ممتا بینرجی نے واشنگ مشین میں ایک کالے رنگ کا کپڑا ڈالا بعد میں مشین سے علامتی طور پر سفید رنگ کا کپڑا نکالتے ہوئے کہا کہ بے جے پی اب واشنگ مشین بن چکی ہے، کوئی بھی کرپٹ آدمی لے آ اور اسے بے جے پی میں شامل کروا دو، اس کی ساری کرپشن دھل جائے گی اور وہ تمام کرپشن اور جرائم سے صاف شفاف ہو کر نکلے گا،مرکزی حکومت کے خلاف مغربی بنگال کو فنڈز جاری نہ کرنیپر دیے گئے دھرنے سے خطاب کرتے ہوئے انہوں نے کہا کہ مجھے چوروں اور ڈاکوں کی فہرست بنا کر دو تو میں دکھائوں گی کہ سارے بے جے پی میں بیٹھے ہوئے ہیں، اب یہ لوگ ہمیں آئین اور قانون پر بھاشن دیں گے؟ممتا بینرجی نے کہا کہ مودی حکومت میں حزب اختلاف کے رہنماں کو چن چن کر نشانہ بنایا جا رہا ہے جبکہ بے جے پی میں موجود کرمنلز کو کابینہ میں شامل کیا جا رہا ہے،ان کا کہنا تھا کہ دھرنا دینا ہمارا جمہوری حق ہے اور ضرورت پڑی تو ہم دہلی میں وزیر اعظم ہائوس کے باہر جاکر بھی دھرنا دے سکتے ہیں۔

کریڈٹ: انڈیپنڈنٹ نیوز پاکستان-آئی این پی

بھارت کے شہر گوروگرام میں ایک مالیاتی کمپنی کے ملازم نے اپنے ہی کولیگ کو گولی ماردی،بھارتی میڈیا رپورٹس کے مطابق یہ واقعہ بدھ کی شام پیش آیا جب 23سالہ وشال کی اپنے کولیگ امن جانگڑا سے آفس میں کرسی پر بحث شروع ہوئی جو ایک بڑی لڑائی میں تبدیل ہوگئی،پولیس کے مطابق وشال گولی لگنے سے شدید زخمی ہوگیا جسے فوری طور پر اسپتال منتقل کیا گیا جہاں اس نے اپنا ابتدائی بیان ریکارڈ کرایا،وشال کے مطابق یہ لڑائی دو رز قبل شروع ہوئی تھی جب میری امن سے میری جگہ کی کرسی پر بحث ہوئی، چھٹی کا وقت ہوگیا تھا اس لیے میں غصے سے آفس سے نکل گیا،وشال کے بیان میں بتایا گیا کہ بدھ کے روز ایک مرتبہ پھر کرسی کو لے کر تکرار شروع ہوئی جس کے بعد وہ جب آفس سے نکل کر سڑک کنارے چل رہا تھا تو امن نے اسے پیچھے سے آکر گولی ماردی،پولیس کا کہنا تھا کہ ملزم امن کی تلاش شروع کردی گئی ہے اور جلد اسے گرفتار کرلیا جائے گا۔

کریڈٹ: انڈیپنڈنٹ نیوز پاکستان-آئی این پی

بھارت میں 70سال سے زائد عرصے بعد چیتے کے ہاں چار بچوں کی پیدائش ہوئی ہے،70سالوں میں یہ پہلی بار اس لیے ہوا کیونکہ بھارت میں چیتے کی نسل کے خاتمے کا سرکاری طور پر تقریبا 7دہائیوں سے زائد عرصے قبل کہا گیا تھا،برطانویمیڈیا کے مطابق بھارت میں چیتے کے ہاں چار بچوں کی پیدائش ہوئی ہے اور یہ انوکھی بات اس لیے ہے کیونکہ ہندوستان میں 70سال سے ان چیتوں کو معدوم قرار دیا گیا تھا،میڈیا رپورٹس کے مطابق بھارتی وزیر ماحولیات کی جانب سے چیتے کے بچوں کی پیدائش کو اچھی خبر قرار دیتے ہوئے اسے ایک تاریخی واقعہ کہا گیا ہے،بھارت میں دہائیوں سے بڑی بلیوں کو دوبارہ آباد کرنے کے لیے مختلف اقدام کیے جارہے ہیں اور اسی وجہ سے گزشتہ سال نمیبیا سے 8چیتوں کو لایا گیا تھا جب کہ گزشتہ ماہ 12چیتے جنوبی افریقا سے بھی منگوائے گئے،تاہم چیتے کے بچوں کی پیدائش بھارت کے کونو نیشنل پارک وائلڈ لائف پناہ گاہ میں ہوئی ہے اور یہ وہ ہی مادہ ہے جو نمیبیا سے منگوائی گئی تھی۔

کریڈٹ: انڈیپنڈنٹ نیوز پاکستان-آئی این پی

متحدہ عرب امارات ( یو اے ای )کے صدر شیخ محمد بن زید النہیان نے اپنے بڑے بیٹے شیخ خالد کو امارات کے دارالحکومت ابوظہبی کا ولی عہد نامزد کر دیا،شیخ محمد نے دبئی کے حکمران شیخ محمد بن راشد المکتوم کے ساتھ اپنے بھائی شیخ منصور بن زید النہیان کو متحدہ عرب امارات کا نائب صدر بھی مقرر کیا ہے،نئے ولی عہد 41سالہ شیخ خالد پہلے ہی ابوظہبی ایگزیکٹو کونسل کے رکن اور ابوظہبی ایگزیکٹو آفس کے چیئرمین ہیں، انہوں نے امارات کے بہت بڑے حالیہ ترقیاتی منصوبوں کی نگرانی کی ہے،شیخ خالد متحدہ عرب امارات کی جینومکس کونسل، ابوظہبی نیشنل آئل کمپنی کی ایگزیکٹو کمیٹی، اور ایڈوانسڈ ٹیکنالوجی ریسرچ کونسل سمیت متعدد بورڈز کے چیئرمین ہیں، وہ شادی شدہ ہیں اور انکا ایک بیٹا اور دو بیٹیاں ہیں،علاوہ ازیں شیخ طہنون جو متحدہ عرب امارات کے قومی سلامتی کے مشیر بھی ہیں اور ایک بڑی کاروباری سلطنت کو کنٹرول کرتے ہیں انہیں ابوظہبی انویسٹمنٹ اتھارٹی کا چیئرمین نامزد کیا گیا ہے۔

کریڈٹ: انڈیپنڈنٹ نیوز پاکستان-آئی این پی

بھارت نے 31افریقی ممالک سے تعلق رکھنے والے فوجی اور حکومتی عہدیداران کے لئے ملک میں تیار کردہ ہیلی کاپٹر، ڈرون اور آرٹلری کے ہتھیاوں کی نمائش کا اہتمام کیا،نمائش میں افریقی عہدیداروں کے لئے بھارتی فوج نے مشقوں کے ذریعے سے ہیلی کاپٹروں، آرمرڈ گاڑیوں اور بم ڈسپوزل روبوٹس کی صلاحیتوں کا مظاہرہ کیا،اس کے علاوہ پونے میں منعقد کی جانے والی اس نمائش میں رائفلز، آرٹلری شیل اور میزائلوں کے مقامی ماڈل بھی شامل تھے،نمائش میں ایتھوپیا، مصر، کینیا، مراکش، نائیجریا، روانڈا اور جنوبی افریقہ سمیت 23افریقی ممالک کے فوجیوں نے 9دن تک مشترکہ مشقوں میں حصہ لیا،بھارت نیکہاہے کہ آئندہ چند سالوں میں ہتھیاروں کی برآمد کو بڑھا کر 5ارب ڈالر تک پہنچا دیا جائے گا۔

کریڈٹ: انڈیپنڈنٹ نیوز پاکستان-آئی این پی

ترک صدر رجب طیب اردگان کا کہنا ہیکہ روس کے صدر ولادیمیر پیوٹن جوہری پاور پلانٹ کے افتتاح کے لیے ترکیہ کا دورہ کر سکتے ہیں،میڈیا رپورٹس کے مطابق نجی ترک ٹی وی پر گفتگو کے دوران ترک صدر رجب طیب اردگان نے اس حوالے سے گفتگو کی ہے ،ان کا کہنا تھا کہ ترکیہ میں آئندہ ماہ 27 اپریل کو جوہری پاور پلانٹ کا افتتاح ہونا ہے،ترک صدر نے کہا کہ اس موقع پر ممکن ہے کہ روسی صدر پیوٹن ترکیہ آئیں یا پلانٹ کی افتتاحی تقریب میں آن لائن شرکت کریں،غیر ملکی میڈیا کے مطابق ترکیہ کا پہلا جوہری پاور پلانٹ روسی کمپنی تعمیر کر رہی ہے،دوسری جانب حال ہی میں روسی صدر ولادی میر پیوٹن نے اعلان کیا تھا کہ بیلاروس میں روس کے جوہری ہتھیاروں کی تنصیب سے متعلق معاہدہ طے پایا ہے۔

کریڈٹ: انڈیپنڈنٹ نیوز پاکستان-آئی این پی

فلپائن کے ایک جزیرے میں موجود کشتی میں آگ لگنے سے 31افراد ہلاک ہوگئے،غیرملکی میڈیا کے مطابق فلپائن کے جنوبی علاقے میں رات گئے سفر کرنے والی ایک کشتی میں آگ لگ گئی جس کے نتیجے میں 3بچوں سمیت 31افراد ہلاک جبکہ 7لاپتہ ہوگئے، کشتی میں 250مسافر سوار تھے،آگ لگنے کے بعد متعدد افراد نے کشتی سے چھلانگ لگا دی،موقع پر موجود کوسٹ گارڈ کی کشتیوں نے 212افراد کو ریسکیو کرلیا،واقعہ میں 23افراد زخمی ہوئے۔ کشتی صوبہ سولو سے جولو ٹان کی جانب روانہ ہوئی تھی جہاں باسلن جزیرے کے قریب اس میں آگ بھڑک اٹھی۔ کشتی میں آگ لگنے کی وجوہات جاننے کے لیے تحقیقات جاری ہیں،،صوبائی گورنر کے مطابق کشتی میں آگ لگنے کی وجہ سے لوگوں میں خوف پھیل گیا اور زیادہ تر افراد نے جان بچانے کے لیے پانی میں چھلانگ لگائی جنہیں کوسٹ گارڈز نے ریسکیو کیا،اس حوالے سے گورنر کا کہنا تھاکہ ایم وی لیڈی میری جوئے نامی کشتی سے زیادہ تر افراد کو ریسکیو کرلیا گیا ہے تاہم اہلکار احتیاطی تدابیر کے تحت مزید سرچ آپریشن کررہے ہیں۔

کریڈٹ: انڈیپنڈنٹ نیوز پاکستان-آئی این پی

وسط ایشیائی ریاست آذربائیجان اور اسرائیل کے درمیان سفارتی تعلقات بحال ہوگئے ہیں،غیر ملکی میڈیا رپورٹس کے مطابق آذربائیجان نے اسرائیلی شہر تل ابیب میں اپنے پہلے سفارتخانے کا افتتاح کر دیا، سفارتخانے کی افتتاحی تقریب میں دونوں ممالک کے وزرائے خارجہ نے شرکت کی ، اس حوالے سے اسرائیلی وزیرخارجہ ایلی کوہن کا کہنا ہے کہ اسرائیل میں آذربائیجان کے سفارتخانے کا افتتااح باہمی تعلقات میں نئے دور کا آغاز ہوگا،انہوں نے کہا کہ دونوں ممالک کے درمیان دوطرفہ تعلقات مزید وسعت آئے گی،ایلی کوہن نے مزید کہا کہ آذربائیجان اسرائیل کا اسٹریٹجک پارٹنر ہے، مختلف شعبوں میں تعاون بڑھائیں گے،واضح رہے کہ اسرائیل اور آذربائیجان کے درمیان 30سال سے تعلقات ہیں اور باکو میں 1993سے اسرائیل کا سفارت خانہ موجود ہے۔

کریڈٹ: انڈیپنڈنٹ نیوز پاکستان-آئی این پی

سابق امریکی صدر ڈونلڈ ٹرمپ پر ممکنہ فرد جرم کی کارروائی تاخیر کا شکار ہوگئی، گرینڈ جیوری تعطیلات کے بعد کیسز دوبارہ سنے گی،غیر ملکی میڈیا کے مطابق سابق صدر ٹرمپ نے 18مارچ کو کہا تھا کہ ان پر 3دن میں فردِ جرم عائد ہوگی، امریکا میں ایسٹر، پاس اوور، عیدالفطر اور 10اپریل سے 2 ہفتے کی تعطیلات آرہی ہیں،گرینڈ جیوری کی جانب سے اپریل کے آخر تک کیسز پر غور کا امکان نہیں،واضح رہے کہ سابق صدر ٹرمپ پر الیکشن 2016سے پہلے اداکارہ کو بطور رشوت ایک لاکھ 30ہزار ڈالر دینے کا الزام ہے،دوسری جانب اس مقدمے کے باوجود ٹرمپ نے 2024کے صدارتی انتخاب کے لیے اپنی مہم بھی شروع کی اور ٹیکساس میں 25مارچ سے انتخابی ریلی کا اعلان کیا تھا ۔

کریڈٹ: انڈیپنڈنٹ نیوز پاکستان-آئی این پی

نیپرا نے سرکاری ڈسکوز کی جانب سے بجلی 86 پیسے مہنگی کرنے کی درخواست مسترد کردی، ساتھ ہی فی یونٹ قیمت 6 پیسے کم کردی۔ سرکاری ڈسکوز نے نیشنل الیکٹرک اینڈ پاور ریگولیٹری اتھارٹی کو ایف سی اے کی مد میں بجلی 86 مہنگی کرنے کی درخواست دی تھی، جسے نیپرا نے مسترد کردیا۔ چئیرمین نیپرا کی سربراہی میں اتھارٹی نے ماہانہ فیول ایڈجسٹمنٹ پر سماعت مکمل کرلی، نیپرا نے بجلی کی قیمت میں اضافے کے بجائے 6 پیسے کمی کردی، تفصیلی فیصلہ بعد میں جاری کیا جائے گا۔ نیپرا حکام کا کہنا ہے کہ فروری میں پانی اور درآمدی کوئلے سے کم بجلی پیدا کی گئی، نیلم جہلم منصوبے کی بندش کے باعث پن بجلی پیداوار کم رہی۔ نیپرا نے تھر کول سے مکمل بجلی نیشنل گرڈ میں شامل نہ ہونے پر اتھارٹی کا برہمی کا اظہار کیا۔ نیپرا حکام نے کہا کہ میرٹ آرڈر کی خلاف ورزی سے 6 ارب 55 کروڑ کا اضافی بوجھ پڑا، ٹرانسمیشن لائن ایشوز کی وجہ سے 5 ارب 6 کروڑ کا اضافی بوجھ اٹھانا پڑا۔ چیئرمین نیپرا نے پوچھا کہ کیا این ٹی ڈی سی کی مستقبل کے حوالے سے کوئی پلاننگ ہے؟۔

کریڈٹ: انڈیپنڈنٹ نیوز پاکستان-آئی این پی

ڈسٹرکٹ اینڈ سیشن کورٹس اسلام آباد میں خاتون جج دھمکی کیس میں عمران خان کی جانب سے وارنٹ گرفتاری کے فیصلے پرنظرثانی اپیل کی گئی۔ ڈسٹرکٹ اینڈ سیشن کورٹس اسلام آباد نے عمران خان کے ناقابلِ ضمانت وارنٹ گرفتاری (آج) جمعرات تک معطل کر دیے گئے۔ایڈیشنل سیشن جج سکندرخان نے (آج) جمعہ تک سماعت ملتوی کردی۔ خیال رہے کہ گزشتہ روز قبل ڈسٹرکٹ اینڈ سیشن کورٹس اسلام آباد نے تحریک انصاف کیچیئرمین عمران خان کے خلاف خاتون جج دھمکی کیس میں عدم حاضری پرناقابل ضمانت وارنٹ گرفتاری جاری کرتے ہوئے 18 اپریل کو پیش کرنے کا حکم دیا تھا۔

کریڈٹ: انڈیپنڈنٹ نیوز پاکستان-آئی این پی

چیئرمین قومی احتساب بیورو (نیب )کی ملازمت کے قواعد وضوابط سپریم کورٹ کے جج کے برابر کر دیے گئے۔ وفاقی وزارت قانون وانصاف نے اس حوالے سے نوٹیفکیشن جاری کردیا ہے۔ نوٹیفکیشن کے مطابق چیئرمین نیب کی ملازمت کی شرائط سپریم کورٹ کے جج کے برابر ہوں گی۔ وزارت قانون کے حکام کا کہنا ہے کہ وفاقی حکومت نے چیئرمین نیب کی ملازمت کی شرائط کی منظوری دی ہے۔

کریڈٹ: انڈیپنڈنٹ نیوز پاکستان-آئی این پی

انسداد دہشت گردی کی عدالت نے توڑ پھوڑ، جلا گھیرا اور ظل شاہ قتل کیس میں حسان نیازی سمیت دیگر ملزمان کی ضمانتیں منظور کرلیں۔ عدالت نے مقدمے میں ملوث ملزم حسان نیازی ، راجا شکیل ،محسن شاہ ،اشتیاق احمد ،جہانزیب اور عمیر فرید کی بعد از گرفتاری ضمانتوں پر محفوظ فیصلہ سنا دیا۔ جس میں عدالت نے ملزمان کی ضمانتیں منظور کرنے کا حکم دیا ہے۔ انسداد دہشت گردی عدالت کے جج اعجاز احمد بٹر نے فیصلے میں کہا ہے کہ مقتول ظل شاہ کی پوسٹ مارٹم رپورٹ دیکھیے ۔ اس ملزم کی 7 بج کر 12 منٹ ڈیتھ ہوئی ہے۔ آپ لوگوں نے کیسے اندازہ لگایا کہ ساڑھے 4 بجے وہ مر گیا۔ دوسری جانب سندھ ہائیکورٹ نے حسان نیازی کے والد حفیظ اللہ نیازی کی مقدمہ کالعدم قرار دینے کی درخواست مسترد کردی۔ جسٹس کے کے آغا کی سربراہی میں 2 رکنی بینچ کے روبرو پی ٹی آئی رہنما اور عمران خان کے بھانجے حسان نیازی کے والد حفیظ اللہ نیازی کی مقدمہ کالعدم قرار دینے کے لیے درخواست کی سماعت ہوئی۔ درخواست گزار کے وکیل نے موقف اختیار کیا کہ جوڈیشل مجسٹریٹ نے حسان نیازی کو مقدمے سے ڈسچارج کیا ہے۔ حسان نیازی کیخلاف مقدمہ اب بھی برقرار رہے۔ پولیس نے حسان نیازی کو رہا نہیں کیا۔ عدالت نے ریمارکس دیے کہ درخواست ناقابل سماعت ہے، واپس لے لیں یا پھر ہم مسترد کردیتے ہیں۔ عدالت نے درخواست ناقابل سماعت قرار دیتے ہوئے مسترد کردی۔ عدالت نے ریمارکس دیے کہ حسان نیازی کو متعلقہ عدالت نے کیس سے ڈسچارج کردیا ہے۔ ملزم کے کیس سے ڈسچارج ہونے پر مقدمہ کالعدم قرار دینے کی درخواست پر کارروائی نہیں ہوسکتی۔ جسٹس کے کے آغا نے ریمارکس دیے کہ درخواستگزار کو چاہیے کہ پولیس کیخلاف حبس بے جا کی نئی درخواست دائر کرسکتا ہے۔ دائر درخواست میں مقف اپنایا گیا تھا کہ حسان نیازی کیخلاف مقدمہ ختم کیا جائے۔ سندھ پولیس سے مقدمات کی تفصیل طلب کی جائے۔ ایم پی او کے تحت گرفتار نہ کیا جائے۔ سپریم کورٹ کی ہدایت ہے کہ ایک مقدمہ کی زائد ایف آئی آر درج نہیں ہوسکتی۔

کریڈٹ: انڈیپنڈنٹ نیوز پاکستان-آئی این پی

وزیر داخلہ رانا ثنا اللہ نے کہا ہے کہ 12 یا 16 اگست کے بعد ہماری حکومت نہیں ہو گی، 16 اگست کو عبوری حکومت آ جائے گی، الیکشن کرانا ان کا کام ہے۔ وزیرداخلہ رانا ثنا اللہ نے میڈیا سے گفتگو کرتے ہوئے کہا کہ ملک میں سیاسی درجہ حرارت کم ہونا چاہیے، لوگوں کو معاملات کے حل کرنے کے لیے مشاورت سے کام لینا چاہیے۔ انہوں نے کہا کہ ملک اس وقت افرا تفری اور انارکی کی طرف کھڑا ہے، اس کے لیے عمران خان کی دس سال کی محنت ہے، انہوں نے ملک کو انتشار کی طرف لے جانے کی بھرپور کوشش کی ہے۔ رانا ثنا کا کہنا تھا کہ ان معاملات کو حل کرنے کے لیے گریٹر ڈائیلاگ کی ضرورت ہے، ایک بیان دینے سے یہ معاملہ حل نہیں ہوگا، ڈائیلاگ ہی بہتر راستہ ہے لیکن اس کے لیے درست لائحہ عمل بنایا جائے۔ وفاقی وزیر نے مزید کہاکہ دہشت گردی آوٹ آف کنٹرول نہیں ہوئی اور نہ ہی ہوگی، دہشت گردی موجود ہے، دہشت گرد اپنی کارروائیاں کررہے ہیں، ان کے تدارک کے لیے ہماری افواج اور وزارت اپنا کام کر رہی ہے، دہشت گردی کو ملک سے ختم کیا جائے گا۔ ا نہوں نے مزید کہا کہ ایک فریق دس سال سے اپنے مخالفین کو ختم کرنے کی کوشش کر رہا ہے، وہ شخص حکومت میں ہو یا اپوزیشن میں، مخالفین سے ہاتھ ملانے کو تیار نہیں، اگر الیکشن کی تاریخ دے دی جائے اور ہم الیکشن میں چلے جائیں، تو بیٹھ کر کیا بات کرنی ہے؟ بیٹھ کر بات پہلے ہو گی، عدالت عظمی جو فیصلہ کرے گی اس کا احترام ہو گا۔ رانا ثنا نے کہا کہ الیکشن کمیشن نے ساری باتوں کو مدنظر رکھ کر فیصلہ کیا ہے، فیصلہ آئینی اور قانونی طور پر درست ہے، عمران خان نے اسمبلی اس لیے توڑی تا کہ وقت سے پہلے الیکشن ہوں، وہ چاہتے ہیں 2 اسمبلیوں کا الیکشن الگ اور 2 کا الگ ہو۔ ان کا مزید کہنا تھا کہ عمران خان کا یہ اقدام ملک کے لیے بہتر نہیں، اس سے ملک میں انارکی آئے گی، 8 اکتوبر کو جنرل الیکشن ہوں گے۔

کریڈٹ: انڈیپنڈنٹ نیوز پاکستان-آئی این پی

پاکستان اکانومی واچ کے چئیرمین برگیڈئیر(ر) محمد اسلم خان نے کہا ہے کہ پاکستان دیوالیہ پن سے بچنے کے لئے آئی ایم ایف کی ضرورت ہے۔عالمی ادارے کو ہماری کوئی ضرورت نہیں۔آئی ایم ایف جیسے اہم عالمی کو جان بوجھ کر پاکستان کا دشمن بنایا جا رہا ہے جس کی بھاری قیمت ادا کرنا ہو گی۔ارباب اختیار غیر ذمہ دارانہ بیانات اور من گھڑت الزامات لگانے کا سلسلہ بند کریں جس سے جگ ہنسائی ہو رہی ہے۔ محمد اسلم خان نے یہاں جاری ہونے والے ایک بیان میں کہا کہ دیوالیہ ہوتے ہوئے ملک کے سرکردہ سیاستدانوں اور اکنامک مینیجرز کی جانب سے کبھی آئی ایم ایف کو دھمکیاں دی جاتی رہی ہیں تو کبھی اسے اپنے سامنے جھکانے کے دعوے کئے جاتے رہے ہیں۔اس کے بعد آئی ایم ایف کی جانب سے پاکستان کے میزائل پروگرام میں کٹوتی کی بڑ ہانکی گئی جس پر پاکستان سے پریشان عالمی ادارے کو اس بیان کی تردید کرنا پڑی۔ اس سے چند روز قبل عالمی ادارے پر الزام لگایا گیا تھا کہ وہ الیکشن میں رکاوٹ بن رہا ہے جس پر اسے وضاحت پیش کرنا پڑی۔ ایسا لگتا ہے کہ آئی ایم ایف کو جان بوجھ کر دشمن بنایا جا رہا ہے تاکہ وہ پاکستان کو قرضہ نہ دینے کا فیصلہ کر لے۔آئی ایم ایف پہلے ہی سالہا سال کی وعدہ خلافیوں کی وجہ سے پاکستان پر اعتماد نہی کرتا اور اب اس پر مسلسل بے بنیاد الزامات لگائے جا رہے ہیں جو اسکے لئے پریشان کن ہیں۔ وہ عرب ممالک جنھوں نے گزشتہ سال پاکستان کو قرض دینے کی حامی بھری تھی اب تک تعاون نہیں کر رہے ہیں اور پاکستان چھ ارب ڈالر کے قرضوں کے بغیر زیادہ دیر چل نہیں پائے گا۔ان حالات میں آئی ایم ایف کے خلاف سازشیں پریشان کن ہیں۔ اسلم خان نے کہا کہ خزانہ خالی ہونے کے باوجود آئی ایم ایف کی اجازت کے بغیر پٹرولیم سبسڈی کے اعلان نے بد اعتماد کو مزید بڑھا دیا ہے۔انھوں نے کہا کہ ایک اکنامک مینیجر کئی ماہ سے یہ دعوے کر رہے ہیں کہ آئی ایم ایف کے پروگرام کی بحالی چند دن کی بات ہے، بہت جلد سعودی عرب قطر اور دیگر دوست ممالک سے ڈالر آ رہے ہیں مگر ایسا کچھ نہیں ہو رہا ہے ۔ان بے بنیاد دعووں سے ملکی ساکھ مزید خراب ہونے کے علاوہ کچھ حاصل نہیں کیا جا سکا ہے۔

کریڈٹ: انڈیپنڈنٹ نیوز پاکستان-آئی این پی