سینئر سول جج فیصل آباد نے چائلڈ پورنوگرافی مواد شیئر کرنے میں ملوث مجرم کو 2 سال قید اور 50 ہزار روپے جرمانے کی سزا سنادی۔ ترجمان ایف آئی اے کے مطابق ملزم آصف محمود رضا نے سال 2021 میں چائلڈ پورنوگرافی سے متعلق مواد مختلف واٹس ایپ گروپس میں شئیر کیا تھا۔ ایف آئی اے سائبر کرائم سرکل فیصل آباد نے کارروائی کرتے ہوئے پیکا ایکٹ کے تحت مقدمہ درج کیا۔ ملزم کے خلاف بین الاقوامی ادارے کی جانب سے شکایت موصول ہوئی۔ مقدمے کی سماعت مکمل ہونے پر سینئر سول جج کریمنل ڈویژن فیصل آباد نے آصف محمود رضا کو مجرم قرار دیتے ہوئے 2 سال قید اور 50 ہزار روپے جرمانے کی سزا سنائی۔ ایف آئی اے سائبر کرائم فیصل آباد کی جانب سے اسسٹنٹ ڈائریکٹر لیگل ساجد سہیل رانجا نے مقدمے کی پیروی کی۔

کریڈٹ: انڈیپنڈنٹ نیوز پاکستان-آئی این پی

پی ڈی ایم میں شامل جماعتوں نے ضمنی انتخابات کے بائیکاٹ کی پالیسی جاری رکھتے ہوئے خیبرپختونخوا سے قومی اسمبلی کی تین نشستوں پر ضمنی انتخابات میں بھی حصہ نہ لینے کافیصلہ کیا ہے۔ پی ڈی ایم میں شامل جماعتوں کی جانب سے کوئی بھی امیدوار این اے 22 مردان،این اے 24 چارسدہ اور این اے 31 پشاور کے حلقوں پر کاغذات نامزدگی جمع نہیں کرائے گا۔ مذکورہ نشستوں کے لیے کاغذات جمع کرانے کی آخری تاریخ 14 مارچ جبکہ پولنگ 30 اپریل کو ہوگی۔ترجمان پی ڈی ایم خیبرپختونخوا عبدالجلیل جان نے بتایا کہ ہماری پالیسی اور فیصلہ ہے کہ اب کسی ضمنی الیکشن میں حصہ نہیں لیں گے،اب صرف اور صرف عام انتخابات کی تیاری جاری ہے اور جنرل الیکشن میں ہی حصہ لیں گے ۔ انہوں نے کہا کہ یہ نشستیں تحریک انصاف نے خالی کیں ،وہی الیکشن کا شوق پورا کرے۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کے مرکزی صدر و سابق وزیراعلی پنجاب چودھری پرویز الہی نے مطالبہ کیا ہے کہ پی ٹی آئی ورکر ظل شاہ کی ہلاکت کے قصور واروں کو جوڈیشل انکوائری کروا کے پھانسی دی جائے۔ اپنے ایک بیان میں مرکزی صدر پی ٹی آئی چودھری پرویز الہی کا کہنا تھا کہ ماڈل ٹاون سانحہ میں رانا ثنا اللہ جیسے لوگوں کو سزا ہو چکی ہوتی تو آج سانحہ زمان پارک رونما نہ ہوتا، جوڈیشل انکوائری کر کے ظل شاہ کے قتل کے قصور واروں کو پھانسی دی جائے۔ انہوں نے کہا کہ آئی جی پنجاب، انتظامیہ اور پولیس علی بلال (ظل شاہ)کی شہادت میں برابر کے قصور وار ہیں، ایسی مثال بنائی جائے تاکہ آئندہ انتظامیہ اپنے اختیارات اپنے گریبان تک رکھے۔ انہوں نے مطالبہ کیا کہ انتظامیہ کے تمام قصور وار افراد کو کٹہرے میں لایا جائے تا کہ آئندہ کسی کو ایسی گھنانی حرکت کرنے کی جرت نہ ہو۔

کریڈٹ: انڈیپنڈنٹ نیوز پاکستان-آئی این پی

پاکستان مسلم لیگ(ن)کی سینئر نائب صدر اور چیف آرگنائزر مریم نواز کا کہنا ہے کہ بدقسمتی سے ملک میں سوشل میڈیا کو کوڑے دان اور گٹر سوچ کا ذریعہ بنادیا گیا ہے۔ پاکستان مسلم لیگ(ن)فیصل آباد ڈویژن کے تنظیمی اجلاس کے انعقاد پر کارکنان سے گفتگو کرتے ہوئے کہا کہ ترازو کے پلڑے برابر نہ ہوں تو صرف سلیکشن ہوتی ہے، ہماری حکومت ہی مہنگائی میں کمی لاسکتی ہے۔ انہوں نے کہا کہ مسلم لیگ(ن)ترقی اور عوام کی خوشحالی کا دوسرا نام ہے، بدقسمتی سے ملک میں سوشل میڈیا کو کوڑے دان اور گٹر سوچ کا ذریعہ بنادیا گیا، لیگی کارکنان اور رضاکار یہ گند صاف کرنے میں کردار ادا کریں۔ مریم نواز نے کہا کہ مسلم لیگ (ن)کے سوشل میڈیا ونگ کو مسلم کلچر کی شناخت بنتے ہوئے معاشرے میں نفرتوں کی آگ ختم کرنا ہوگا۔

کریڈٹ: انڈیپنڈنٹ نیوز پاکستان-آئی این پی

پاکستان ٹین پن بائولنگ فیڈریشن کے زیر جاری قومی ٹین پن بالنگ چیمپئن شپ میں مینز سنگلز کے فائنل مقابلے (آج)اتوار کو لیزر سٹی بالنگ کلب جناح پارک راولپنڈی میں کھیلے جائیں گے اور چیمپئن شپ کی اختتامی تقریب بھی (آج) اتوار کو سہ پہر چار بجے ہوگی جس کی مہمانان خصوصی اراکین قومی اسمبلی ثمینہ مطلوب، زہرہ ودود فاطمی اور رومینہ خورشید عالم ہونگی جو فائنل مقابلوں کے اختتام پر کامیابی حاصل کرنے والے کھلاڑیوں میں انعامات تقسیم کریں گی۔ ٹورنامنٹ میں دس لاکھ روپے کی انعامی رقم رکھی گئی ہے۔

کریڈٹ: انڈیپنڈنٹ نیوز پاکستان-آئی این پی

پاکستان نیٹ بال فیڈریشن کے زیراہتمام قومی جونیئر گرلز ٹیم کی سلیکشن کے لیے ایک روزہ اوپن ٹرائلز(آج)اتوار 12 مارچ کو پی ایس بی کوچنگ سنٹر کراچی میں ہونگے۔ جبکہ 19 مارچ کو ایس اے گارڈن ٹان، لاہور ہونگے۔ گزشتہ روز پاکستان نیٹ بال فیڈریشن کے صدر مدثر آرائیں نے بتایا کہ چار رکنی فومی الیکشن کمیٹی قائم کی گئی ہے۔محمد ریاض سلیکشن کمیٹی کے سربراہ ہونگے جبکہ دیگر ممبران میں اعجاز الحق، انوار احمد اور قرت العین شامل ہیں۔ جس میں ملک بھر سے لڑکیاں حصہ لے سکتی ہیں۔ منتخب ٹیم رواں برس جون میں کوریا میں کھیلی جانے والی ایشین جونیئر گرلز نیٹ بال چیمپیئن شپ میں شرکت کرے گی۔

کریڈٹ: انڈیپنڈنٹ نیوز پاکستان-آئی این پی

اسلام آباد بیس بال ایسوسی ایشن کے صدر طاہر محمود پایا نے کہا ہے کہ اسلام آباد کی ٹیم 17 ویں نیشنل ویمن بیس بال چیمپیئن شپ میں شرکت کرے گی۔ ان خیالات کا اظہار انہوں نے گزشتہ روز پاکستان سپورٹس کمپلیکس میں میڈیا سے گفتگو کرتے ہوئے کیا۔ انہوں نے کہا کہ اسلام آباد ٹیم کے کھلاڑیوں کا تربیتی کیمپ اسلام آباد میں جاری ہے اور اس تربیتی کیمپ میں وفاقی دارالحکومت کی بہترین 18 خواتین کھلاڑی حصہ لے رہی ہیں۔ ان کھلاڑیوں کو ہیڈ کوچ شفقت نیازی اور اسسٹنٹ کوچ عرفان خان تربیت دے رہے ہیں۔ انہوں نے کہا کہ پاکستان بیس بال فیڈریشن کے زیراہتمام 17ویں نیشنل ویمن بیس بال چیمپیئن شپ 12 مارچ سے اسلام آباد میں شروع ہوگی۔ چیمپئن شپ میں ملک بھر سے نو ٹیمیں حصہ لے رہی ہیں جن میں پنجاب، سندھ، بلوچستان، خیبر پختونخوا، اسلام آباد کے علاوہ پاکستان آرمی، پاکستان واپڈا، ہائرایجوکیشن کمیشن (ایچ ای سی) اور پاکستان پولیس کی ٹیمیں شامل ہیں۔ ٹورنامنٹ کی اختتامی تقریب 16 مارچ کو ہوگی اور چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔

کریڈٹ: انڈیپنڈنٹ نیوز پاکستان-آئی این پی

پاکستان ٹین پن بائولنگ فیڈریشن کے زیر جاری قومی ٹین پن بالنگ چیمپئن شپ میں ٹیم ایونٹ کا ٹائٹل احمر، روبرٹ، سجاد فضل نے جیت لیا جبکہ مینز سنگلز کا فائنل(آج)اتوار کو کھیلا جائے گا۔ گزشتہ روز لیزر سٹی بالنگ کلب جناح پارک راولپنڈی میں کھیلے گئے ٹیم ایونٹ میں ٹائٹل احمر، روبرٹ، سجاد فضل نے جیت لیا۔ افضال، سکندر، دنیال شاہ نے دوسری پوزیشن جبکہ اعجاز الرحمان، محمد حسین چٹھہ، دنیال اور رانا شہزاد نے تیسری پوزیشن حاصل کی۔ چیمپئن شپ کی اختتامی تقریب(آج)اتوار کو ہوگی جس کے مہمانان خصوصی اراکین قومی اسمبلی ثمینہ مطلوب، زہرہ ودود فاطمی اور رومینہ خورشید عالم ہونگی جو فائنل مقابلوں کے اختتام پر کامیابی حاصل کرنے والے کھلاڑیوں میں انعامات تقسیم کریں گی۔ پاکستان ٹین پن بائولنگ فیڈریشن کے صدر اعجاز الرحمان نے بتایاکہ ٹورنامنٹ میں دس لاکھ روپے کی انعامی رقم رکھی گئی ہے اور اس کے علاوہ کامیابی حاصل کرنے والے کھلاڑیوں میں ٹرافیاں، میڈلز اور اسناد تقسیم کی جائیں گی۔

کریڈٹ: انڈیپنڈنٹ نیوز پاکستان-آئی این پی

کراچی گیمز 2023 باکسنگ ایونٹ ضلع جنوبی نے جیت لیا۔ میڈیا رپورٹس کے مطابق دو روزہ مقابلوں میں کراچی کے 05 اضلاع کے 70 باکسرز نے حصہ لیا اور فائنل میں 10 مقابلے ہوئے۔ مقابلوں میں کراچی ساوتھ نے 09 گولڈ لیکر پہلی، کراچی ویسٹ نے 03 گولڈ لے کر دوسری اور ملیر نے 02 گولڈ کے ساتھ تیسری پوزیشن حاصل کی۔ قبل ازیں سیکرٹری کراچی باکسنگ عبدالرزاق بلوچ نے مہمان خصوصی کو ٹورنامنٹ کی تفصیلات سے آگاہ کیا ، نتائج کے مطابق محمد عمر نے زید کو 2-1 سے، فرہاد نے عمر فاروق کو 2-1 سے، اسامہ نے فیض علی کو 3-0 سے، فیضان رضا نے معراج الدین کو 3-0 سے، حضیف نے نصیر اختر کو 3-0 سے، جنید علی نے سمیر کو 2-1 سے، سیلان نے علی عمر کو 2-1 سے، مصدق نے دانیال کو 2-1 سے بختاور نے وردا کو 3-0 سے، حنیفہ کمانڈو نے زہرہ کو 3-0 سے، اریبہ نے مہوش کو 2-1 سے شکست دی۔ علی محمد قمبرانی باکسنگ اسٹیڈیم ککری گراونڈ لیاری میں کراچی ڈویژن باکسنگ ایسوسی ایشن کے زیر اہتمام محکمہ کھیل بلدیہ کے تعاون سے دو روزہ کراچی گیمز باکسنگ ایونٹ کے اختتامی تقسیم انعامات کے موقع پر ایڈمنسٹریٹر بلدیہ عظمی کراچی ڈاکٹر سیف الرحمن کاکہنا تھا کہ کراچی گیمز کے انعقاد کا مقصد نوجوانوں کے مخصوص صلاحیتوں کو اجاگر کرنا ہے تاکہ وہ کھیل کے ساتھ ساتھ اپنی تعلیمی عمل کو بھی جاری رکھیں۔ انہوں نے کہا کہ آج باکسنگ کے یہ مقابلے دیکھ کر کافی متاثر ہوا ہوں، انشا اللہ آنے والے دنوں میں کراچی اولمپک گیمز کا بھی انعقاد کیا جائیگا ۔

کریڈٹ: انڈیپنڈنٹ نیوز پاکستان-آئی این پی

لیجنڈز لیگ کے افتتاحی میچ میں شاہد آفریدی کی ایشیا لائنز نے گوتم گھمبیر کی انڈین مہاراجہ کو 9 رنز سے شکست دیدی۔ سابق سٹار کرکٹرز کی بہار ایک بار پھر دوحہ کرکٹ گرانڈ میں کھیلے گئے میچ میں دیکھائی دی، پہلے بیٹنگ کرتے ہوئے شاہد آفریدی کی ایشیا لائنز نے مقررہ 20 اوورز میں 6 وکٹوں کے نقصان پر 165 رنز بنائے۔ ایشیا لائنز کی جانب سے مصباح الحق نے 50 گیندوں پر 73 رنز کی میچ ووننگ اننگز کھیلی، جس میں 6 چھکے اور 2 چوکے شامل تھے، ان کے علاوہ تھرنگا 40، کپتان شاہد آفریدی 12، دلشان اور تھیسارا پریرا 5، 5 رنز بناکر نمایاں رہے۔ ہدف کے تعاقب میں انڈین مہاراجہ کا آغاز اچھا نہ تھا، صفر پر پہلی وکٹ گنوا دینے کے بعد کپتان گوتم گھمبیر اور مرلی وجے نے 50 رنز کی پارٹنرشپ قائم لیکن وجے 25 رنز بنا کر پویلین لوٹ گئے۔ گوتم گھمبیر نے 54 رنز کی مزاحمتی اننگز کھیلی جبکہ دیگر کھلاڑیوں میں محمد کیف 22، یوسف پٹھان 14، عرفان پٹھان 19 رنز بناکر نمایاں رہے۔ ایشیا لائنز کی جانب سے سہیل تنویر نے 3 جبکہ عبدالزاق، دلشان اور پریرا نے ایک ایک وکٹ حاصل کی۔ ٹورنامنٹ میں آج ایشیا لائنز کو ورلڈکپ جائنٹس کا چیلنج درپیش ہوگا جس کی قیادت آسٹریلیا کے سابق کرکٹر ایرون فنچ کے سپرد ہے۔

کریڈٹ: انڈیپنڈنٹ نیوز پاکستان-آئی این پی

آرام نہیں کام بابر اعظم اور محمد رضوان نے بدستور قومی ٹیم کی نمائندگی جاری رکھنے کا عزم ظاہر کر دیا۔ پاکستان اور افغانستان میں 3 میچز کی ٹی ٹوئنٹی سیریز 24 مارچ کو شارجہ میں شروع ہوگی، رینکنگ میں گرین شرٹس کی پوزیشن تیسری جبکہ حریف دسویں نمبر پر موجود ہے، بعض حلقے یہ دعوی کر رہے ہیں کہ اس سیریز میں کپتان بابر اعظم اور محمد رضوان کو آرام دینے پر غور ہو رہا ہے، قیادت کی ذمہ داری شاہین شاہ آفریدی کو سونپی جائے گی۔ ذرائع کا کہنا ہے کہ اس حوالے سے تاحال دونوں اسٹار کرکٹرز سے چیف سلیکٹر ہارون رشید یا پی سی بی کی کسی اعلی شخصیت نے رابطہ نہیں کیا، بابر اور رضوان خود بھی نہیں چاہتے کہ صرف تین میچز کی سیریز میں انھیں ریسٹ دیا جائے، دونوں بدستور کھیلنے کے حق میں ہیں۔ اس حوالے سے رابطے پر پلیئرز کے قریبی ذرائع نے کہا کہ پی ایس ایل میں کھلاڑیوں پر زیادہ دبا نہیں ہے،میچز کے درمیان میں خاصا وقفہ بھی ملا، اس دوران تازہ دم ہونے کا موقع ملتا رہا، لہذا آرام کی کوئی ضرورت نہیں ہے، یاد رہے کہ بیٹنگ رینکنگ میں رضوان دوسرے اور بابر تیسرے نمبر پر موجود ہیں۔ ذرائع نے مزید بتایا کہ اگر زبردستی کسی کھلاڑی کو ریسٹ کرایا گیا تو اس سے ٹیم کے اتحاد پر خراب اثر پڑ سکتا ہے، طویل عرصے بعد ایسا ماحول بن چکا جب پلیئرز ایک دوسرے کو سپورٹ کرتے ہیں اور کوئی اختلافات بھی نہیں ہیں۔

کریڈٹ: انڈیپنڈنٹ نیوز پاکستان-آئی این پی

قطر میں ہونے والی لیجنڈز لیگ میں شاہد آفریدی کی ٹیم ایشیا لائنز نے گوتم گمبھیر کی ٹیم انڈیا مہاراجہ کو ہرا کر ایونٹ میں فاتحانہ آغاز کیا۔ 10 مارچ کو قطر کے دارالحکومت دوحا میں دونوں ٹیموں کے درمیان میچ ہوا ، میچ کے دوران دونوں کپتانوں آفریدی اور گمبھیر کی مصافحہ کرتی ہوئی تصویر وائرل ہوئی، تصویر میں گوتم نیچے جب کہ شاہد آفریدی ان کی جانب دیکھ رہے تھے۔ یہ تصویر ٹاس کے وقت سامنے آئی جب آفریدی نے ٹاس جیتنے کے بعد گمبھیر سے ہاتھ ملایا اور بیٹنگ کا فیصلہ کیا۔

کریڈٹ: انڈیپنڈنٹ نیوز پاکستان-آئی این پی

رمضان المبارک میں چند دن باقی رہ گئے ہیں، ملک بھر تمام اشیا کے مہنگے ہونے کا سلسلہ جاری ہے ایسے میں مرغی کی قیمت میں بھی اضافہ ہو گیا ہے۔ لاہور میں مرغی کے گوشت کی قیمت ایک بار پھر 600 سے تجاوز کر گئی ہے۔ گزشتہ روز کی نسبت برائلر کا گوشت آج 7 روپے فی کلو مہنگا فروخت ہو رہا ہے۔ مرغی کے گوشت کی نئی قیمت 609 روپے فی کلو مقرر کی گئی ہے، لاہور میں آج زندہ برائلر تھوک میں 398 اور پرچون میں 406 روپے فی کلو ہو رہی ہے۔ ملک کے مختلف شہروں میں مرغی کے گوشت کی قیمت 602 سے 650 تک پہنچ چکی ہے۔

کریڈٹ: انڈیپنڈنٹ نیوز پاکستان-آئی این پی

پاکستان کوسٹ گارڈز نے کارروائی کرتے ہوئے 1650کلو حشیش اور 69کلو اعلی کوالٹی کی آئس برآمد کرلی۔ پاکستان کوسٹ گارڈز نے خفیہ ذرائع سے اطلاع ملنے پر گوادرکے علاقے دران سے بھاری مقدار میں منشیات برآمد کرلی۔ ترجمان کوسٹ گارڈز کے مطابق جنرل ایریا دران کے قریب دو مشکوک گاڑیوں کو رکنے کا اشارہ کرنے پر ملزمان نے گاڑیوں کی رفتار تیز کردی ہوئے فرار ہونے کی کوشش کی، گاڑیوں کا پیچھا کرنے پر ملزمان گاڑیاں چھوڑ کر فرار ہو گئے۔کوسٹ گارڈز نے گاڑیوں کی تلاشی لی تو ان سے 1650کلو گرام حشیش اور 69کلو گرام اعلی کوالٹی کی آئس برآمد ہوئی۔ پکڑی گئی منشیات سمندر کے راستے بیرون ملک اسمگل ہونا تھی، جس کی عالمی مارکیٹ میں مالیت تقریبا 117 ملین ڈالرکے لگ بھگ ہے۔

کریڈٹ: انڈیپنڈنٹ نیوز پاکستان-آئی این پی

سندھ اسمبلی میں قائد حزب اختلاف اور پی ٹی آئی کے رہنما حلیم عادل شیخ کا کہنا ہے کہ عمران خان کو کوئی ہاتھ تو لگا کر دکھائے۔ کراچی میں میڈیا سے بات کرتے ہوئے حلیم عادل شیخ نے کہا کہ ملک میں مہنگائی کا طوفان ہے، پی ڈی ایم میں شامل حکمرانوں کا سیاسی جنازہ نکلنے والا ہے۔ رہنما پی ٹی آئی نے کہا کہ جہاں بھی الیکشن ہوگا پی ڈی ایم میں شامل حکمرانوں کی سیاسی قبر کھدے گی۔ حلیم عادل شیخ نے مزید کہا کہ عمران خان کو کوئی ہاتھ تو لگا کر دکھائے، عمران خان کی گرفتاری ہوئی تو قوم اینٹ سے اینٹ بجا دے گی۔

کریڈٹ: انڈیپنڈنٹ نیوز پاکستان-آئی این پی

عالمی بینک اور ایف بی آر میں ٹیکس دہندگان کی سہولت کیلیے مختلف شعبوں میں تعاون پر اتفاق ہو گیا۔ عالمی بینک اور ایف بی آر کے درمیان ٹیکس دہندگان کو ٹیکس کی ادائیگی میں سہولتوں کیلیے مختلف شعبوں میں تعاون پر اتفاق ہوا ہے جبکہ رویے کی مداخلت کے ذریعے ٹیکس کی تعمیل اور ٹیکس دہندگان کو سہولتوں کی فراہمی میں بہتری لائی جائے گی۔ اعلامیہ کے مطابق عالمی بینک کے معاشی ماہرین کی ٹیم نے چیئرمین ایف بی آر عاصم احمد سے ایف بی آر ہیڈکوارٹرز میں ملاقات کی اور بین الاقوامی تجربات سے آگاہ کیا۔

کریڈٹ: انڈیپنڈنٹ نیوز پاکستان-آئی این پی

وزیر ریلوے و شہری ہوابازی خوجہ سعد رفیق نے کہا ہے ہم پر ظلم کرنے والوں میں صرف ایک شخص نہیں بہت سے شامل تھے، کوئی اسٹیبلشمنٹ میں تھا یا عدلیہ میں تھا۔ نجی ٹی وی کو انٹریو میں سعد رفیق نے کہا کہ عمران خان اب اسٹے آرڈرز یا ٹوٹی ٹانگ کے پیچھے چھپنا چھوڑ دیں، اب تو وہ صحت مند ہیں اسی لئے ریلی کی قیادت کرنا چاہتے تھے۔ وفاقی وزیر نے کہا کہ آج کل ایک ریٹائرڈ جنرل کے کورٹ مارشل کی بات ہورہی ہے، بات نکلی تو دور تلک جائے گی، ہم پر ظلم کرنے والوں میں صرف ایک شخص نہیں بہت سے شامل تھے،کوئی اسٹیبلشمنٹ میں تھا یا عدلیہ میں۔ وزیر ریلوے نے کہا کہ سب وارداتئیے ایک ایک کرکے اپنی وارداتیں مان رہے ہیں، صرف ایک آدمی کے کورٹ مارشل تک بات نہیں رکے گی جس جس نے اس غلاظت میں حصہ ڈالا وہ بھگتنے کے لیے تیار ہو جائے۔ رہنما ن لیگ نے مزید کہا کہ ہمیں داغدار کرنے والے اپنی غلطی تسلیم کریں، نواز شریف کیخلاف کیسز ختم کرکے انہیں وطن واپس لایا جائے۔ سعد رفیق نے انتخابات سے پہلے احتساب کے بجائے انصاف کا مطالبہ کرتے ہوئے کہا کہ پورے ملک میں انتخابات ایک ساتھ ہونے چاہیے، پورے ملک میں انتخابات ایک ساتھ ہونے چاہیے۔

کریڈٹ: انڈیپنڈنٹ نیوز پاکستان-آئی این پی

نیشنل پیپلز کانگریس (این پی سی) اور چینی عوامی سیاسی مشاورتی کانفرنس (سی پی پی سی سی) کی قومی کمیٹی کے سالانہ اجلاسوں نے عالمی قیادت کو سوشلسٹ جمہوریت کی فعالیت اور اس کی بنیادی حرکیات کو سمجھنے میں مدد کی ہے۔ گوادر پرو کے مطابق دونوں اجلاسوں کے عالمی اثرات گہرے اور وسیع ہیں، اس حقیقت کو مدنظر رکھتے ہوئے کہ چین دنیا کی دوسری بڑی معیشت ہے اور جیو اکنامک، جیو پولیٹیکل اور جیو اسٹریٹجک معاملات میں ایک بڑا عالمی کھلاڑی ہے۔ گوادر پرو کے مطابق تمام پہلوؤں سے ایک جدید سوشلسٹ ملک کی تعمیر کے لیے مرحلہ طے کرنے کا مطالبہ کرتے ہوئے، چین کی حکومتی ورک رپورٹ میں 2023 کے لیے اہم ترقیاتی اہداف درج کیے گئے ہیں، جن میں جی ڈی پی کی شرح نمو تقریباً 5 فیصد، صارفین کی قیمتوں کے اشاریہ میں تقریباً تین فیصد اضافہ اور ایک خسارے سے جی ڈی پی کا تناسب تین فیصد۔ رپورٹ میں دنیا کو بتایا گیا کہ ''چین کی معیشت مستحکم بحالی پر گامزن ہے اور مزید ترقی کے لیے وسیع امکانات اور رفتار کا مظاہرہ کر رہی ہے،'' کیونکہ ملک کی صارفین کی طلب، مارکیٹ کی تقسیم، صنعتی پیداوار اور کاروباری توقعات میں نمایاں بہتری آئی ہے۔ گوادر پرو کے مطابق رپورٹ میں اعلان کیا گیا کہ چین غیر ملکی سرمایہ کاری کو راغب کرنے اور اس سے استفادہ کرنے کی کوششیں تیز کرے گا۔

اس نے کہا ایک وسیع اور کھلی منڈی کے ساتھ، چین چین میں غیر ملکی کمپنیوں کے لیے اور بھی زیادہ کاروباری مواقع فراہم کرنے کا یقین رکھتا ہے۔ گوادر پرو کے مطابق جنوبی چین میں امریکن چیمبر آف کامرس کی طرف سے جاری کردہ ایک حالیہ رپورٹ کے مطابق 90 فیصد سے زیادہ حصہ لینے والی کمپنیوں نے چین کو سرمایہ کاری کے اہم ترین مقامات میں سے ایک کے طور پر منتخب کیا۔ بین الاقوامی مالیاتی فنڈ نے اپنی تازہ ترین ورلڈ اکنامک آؤٹ لک رپوپورٹ میں چین کی ترقی کا تخمینہ بڑھا کر 5.2 فیصد کر دیا۔ گوادر پرو کے مطابق دو سیشن کے عالمی اثرات بہت زیادہ ہیں، جو بین الاقوامی اسٹیک ہولڈرز کو ان سے نمٹنے کے لیے چینی حکمت عملیوں کو سمجھنے کی پیشکش کرتے ہیں۔ جیسا کہ دنیا پیرس معاہدے اور اقوام متحدہ کے ایس ڈی جیز کے تحت سبز ترقی پر تیزی سے توجہ مرکوز کر رہی ہے، چین کے سالانہ اجلاس نے سبز ترقی کے مسئلے کو سرفہرست رکھا۔

گوادر پرو کے مطابق چینی صوبوں نے ''دو سیشنز'' کے دوران پیش کی گئی اپنی سرکاری کام کی رپورٹوں میں سبز ترقی اور کم کاربن کی منتقلی کی اہمیت کو اجاگر کیا۔ میٹنگز میں ''سبز ترقی''، ''کاربن میں کمی،'' اور ''آلودگی میں کمی'' جیسے لفاظ شامل تھے جو ماحولیاتی پائیداری پر زور دینے کی عکاسی کرتے ہیں۔ وزارت ماحولیات کے اعدادوشمار کے مطابق 2022 میں چین میں بڑے پیمانے پر آلودگی کے اخراج میں کمی ہو ئی ۔ گوادر پرو کے مطابق وزیر اعظم لی کی چھیانگ نے حکومتی ورک رپورٹ میں کہا کہ چین اپنی توانائی کی شدت اور کاربن کے اخراج میں کمی جاری رکھے گا۔ جبکہ نیشنل ڈویلپمنٹ اینڈ ریفارم کمیشن نے کہا کہ چین ''منصوبہ بند اور مرحلہ وار طریقے سے'' کاربن کے اخراج کو کم کرنے کے لیے 10 بڑے اقدامات پر عمل کرے گا۔ ریاستی کونسل کی طرف سے 2030 تک کاربن کے اخراج کو کم کرنے کے ایک ایکشن پلان کے حصے کے طور پر 2021 میں 10 بڑے اقدامات جاری کیے گئے ۔

کریڈٹ: انڈیپنڈنٹ نیوز پاکستان-آئی این پی

صوبہ سندھ میں ہائبرڈ چاول چین پاکستان زرعی تعاون کا ایک ماڈل ہے، ان خیالات کا اظہار چینی ڈویلپر اور ہائبرڈ بیج فراہم کرنے والی ووہان چنگفا ہی شینگ سیڈ کمپنی لمیٹڈ کے پاکستان بزنس ڈیپارٹمنٹ کے ڈائریکٹر ژا وشوشینگ نے چائنہ اکنامک نیٹ کو انٹرویو میں کیا ۔ عالمی سر گرمیوں کے درمیان پاکستانی چاول کو کئی چیلنجز کا سامنا ہے۔ رائس ایکسپورٹرز ایسوسی ایشن آف پاکستان ( آر ای اے پی ) کے صدر چیلا رام کیولانی نے کہا کہ مالی سال 2022-23 کے پہلے سات ماہ کے دوران پاکستانی چاول کی برآمدی قدر گزشتہ سال کی نسبت 15.82 فیصد کم ہو کر 1.08 بلین امریکی ڈالر تک پہنچ گئی۔ بنیادی طور پر سندھ میں دھان کے کھیتوں کو سیلاب سے ہونے والے نقصان کی وجہ سے مقامی چاول کی پیداوار میں 40 فیصد کمی واقع ہوئی ہے۔ چائنا اکنامک نیٹ کے مطابق چنگفا ہی شینگ تقریباً 20 سالوں سے پاکستان کو چاول، کینولا اور سبزیوں کے ہائبرڈ بیج فراہم کر رہی ہے، اس کے ساتھ ساتھ 300 سے زائد مقامی زرعی اہلکاروں کو تربیت بھی دے رہی ہے۔ خاص طور پر، اس نے پاکستان کی تاریخ میں پہلی ہائبرڈ چاول کی قسم ـQY0413 کو رجسٹر کیا۔ چائنا اکنامک نیٹ کے مطابق ژا ونے کہاچاول کی برآمد بحال کرنے میں تین سال لگ سکتے ہیں جو کہ پاکستان کے لیے زرمبادلہ کمانے کا ایک اہم ذریعہ ہے، تاہم ہمارے پاس ایسے حالات کا حلہے۔ سب سے پہلے، فصل کی اقسام کی تنا وکے خلاف مزاحمت کو بہتر بنایا جانا چاہیے۔ دوسرا، پاکستان اور چین میں بیج کی پیداوار الگ الگ کی جا سکتی ہے، جس سے شدید موسم کی صورت میں خطرہ پھیل سکتا ہے۔

اس وقت ہمارے ٹیسٹ فیلڈ لاہور، چنیوٹ، شکارپور، گولارچی میں واقع ہیں۔ چائنا اکنامک نیٹ کے مطابق سیلابوں کے علاوہ، موسمیاتی تبدیلیوں کی وجہ سے پیدا ہونے والا انتہائی بلند درجہ حرارت بھی مشکلات میں سے ایک ہے جس پر پاکستان کی چاول کی صنعت کی اپ گریڈنگ میں قابو پانا ضروری ہے۔ یہاں کا سالانہ اوسط درجہ حرارت چین کے مرکزی چاول کے آب و ہوا والے علاقے سے کہیں زیادہ ہے۔ لہذا، ہمارے چاول کی اقسام کے انتخاب میں، اعلی درجہ حرارت کے تحت بیج کی ترتیب کی شرح اور معیار کی ضمانت دینا ضروری ہے۔ بہر حال ایک سکے کے دو رخ ہوتے ہیں۔ یہ خاص طور پر پاکستان میں گرم اور خشک آب و ہوا کی وجہ سے ہے کہ ہائبرڈ چاول کی بیماریاں چین کے مقابلے میں بہت کم ہیں، جیسا کہ بیکٹیریل بلائیٹ، لیکن بہت کم خطرناک ہیں۔ چائنا اکنامک نیٹ کے مطابق پی بی ایس کے اعداد و شمار سے ظاہر ہوتا ہے کہ باسمتی چاول کی برآمدات اس سال کے پہلے سات ماہ میں 22.95 فیصد کم ہو کر 316,055 ٹن رہ گئیں جو گزشتہ سال کی اسی مدت میں 410,207 ٹن تھیں جبکہ غیر باسمتی چاول کی برآمدات 25 فیصد کم ہو کر 1.62 ملین ٹن رہ گئیں۔ برآمدات میں تیزی سے کمی کے باوجود مہنگائی اور چاول کی بین الاقوامی قیمتوں میں اضافے کی وجہ سے مقامی مارکیٹ میں چاول کی قیمتوں میں غیر معمولی اضافہ دیکھا گیا ہے۔

چائنا اکنامک نیٹ کے مطابق اس سلسلے میں چاؤ نے اپنا نقطہ نظر پیش کیا کہ کرنسی کی قدر میں کمی اور افراط زر سے متاثر، قدرتی گیس کی سبسڈی کی منسوخی کا مطلب یہ ہے کہ کھاد کی قیمتوں میں اضافہ ہوا ہے، اور یہاں تک کہ سپلائی کی کمی ہے۔ مختلف اخراجات نے باسمتی چاول کی قیمت خرید کو بڑھا دیا ہے۔ دوسری طرف، غیر باسمتی چاول کا بنیادی مقصد غیر ملکی زرمبادلہ برآمد کرنا ہے، اور چاول کے تین سرکردہ ادارے غیر باسمتی کی برآمدات میں 50 فیصد سے زیادہ حصہ لیتے ہیں۔ بڑھتی ہوئی قیمتیں بین الاقوامی مارکیٹ میں غیر باسمتی چاول کی مسابقت میں کمی کا باعث بنی ہیں، اس لیے آرڈرز میں نمایاں کمی آئی ہے۔ چائنا اکنامک نیٹ کے مطابق چاول کی بڑھتی ہوئی قیمتوں نے مقامی کسانوں کے ہائبرڈ چاول کی کاشت کے لیے جوش و جذبے کو بڑھاوا دیا ہے، لیکن مہنگی کھادوں اور پٹرول اور ڈیزل نے بیک وقت لاگت کو بڑھا دیا ہے۔ ہمارے لیے پاکستان میں ہائبرڈ چاول کے کاروبار کو مزید آگے بڑھانے، مقامی غذائی تحفظ کو یقینی بنانے، اور پاکستان کے زرمبادلہ میں مزید اضافہ کرنے کے لیے مقامی لوگوں کو متعلقہ کم درجے والی صنعتی چین قائم کرنے میں مدد کرنے، مسابقت کو بہتر بنانے کے لیے لاگت کو کم کرنے اور اس کی قیمت میں اضافہ کرنے کے لیے زرعی مصنوعات اور روزگار میں مزید اضافہ ہماری اولین ترجیح ہے۔

کریڈٹ: انڈیپنڈنٹ نیوز پاکستان-آئی این پی

وفاقی وزیر قانون اعظم نذیر تارڑ نے کہا ہے کہ احتساب عدالتیں نیب کے دائرہ اختیار سے باہر کیسز کو متعلقہ فورمز پر بھیجیں گی۔ایک بیان میں اعظم تارڑ کا کہنا تھا کہ کون سا کیس کہاں منتقل ہوگا؟ یہ اختیار احتساب عدالتوں کا ہوگا۔ انہوں نے کہا کہ نیب ترامیم سے ختم ہونے والے نیب کیسز کی منتقلی کے قانون کی وفاقی کابینہ منظوری دے چکی۔ وزیر قانون کا مزید کہنا تھا کہ پارلیمنٹ کا اجلاس ہونے تک کابینہ سے منظور قانون کو آرڈیننس کے لیے بھیجا گیا ہے۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے چیئرمین پی ٹی آئی عمران خان پر وزیرآباد حملہ کیس کی تحقیقات کیلئے بنائی گئی نئی جے آئی ٹی کی تشکیل کیخلاف درخواستیں 13 مارچ کو سماعت کے لیے مقرر کر دیں۔ جسٹس علی باقر نجفی کی سربراہی میں 2 رکنی بنچ ڈاکٹر یاسمین راشد سمیت دیگر کی درخواستوں پر 13 مارچ کو سماعت کرے گا، ہائیکورٹ کے رجسٹرار آفس نے کیس کی سماعت کی کاز لسٹ جاری کر دی ہے۔ درخواست گزاروں کی جانب سے موقف اختیار کیا گیا ہے کہ عمران خان پر حملہ کی تحقیقات کیلئے پنجاب حکومت نے 15 جنوری 2022 کو جے آئی ٹی تشکیل دی تھی، پہلے سے جے آئی ٹی کی موجودگی میں نئی جے آئی ٹی غیر قانونی ہے، نئی جے آئی ٹی کی تشکیل بد نیتی کی بنیاد پر کی گئی ہے۔ درخواست میں عدالت سے استدعا کی گئی ہے کہ عدالت نئی جے آئی ٹی کی تشکیل کا اقدام کالعدم قرار دے۔ واضح رہے کہ درخواست گزاروں نے نئی جے آئی ٹی کی تشکیل کو لاہور ہائیکورٹ میں چیلنج کر رکھا ہے، درخواستوں میں وفاقی حکومت بذریعہ وزارت داخلہ، پنجاب حکومت بذریعہ ہوم سیکرٹری اور نئی جے آئی ٹی کے سربراہ آئی جی ریلوے را سردار علی سمیت دیگر کو فریق بنایا گیا ہے۔

کریڈٹ: انڈیپنڈنٹ نیوز پاکستان-آئی این پی

نگران وزیر اعلی پنجاب محسن نقوی نے کہا ہے کہ ہمارے پاس یہ انفارمیشن آئی کہ وہ بندہ تشدد سے نہیں مرا، بندہ مرنا کوئی چھوٹی چیز نہیں ہے، لوگوں پر تشدد کرنے کی کوئی ہدایات جاری نہیں کی گئی تھیں، کارکن کی ہلاکت میں ملوث افراد کے خلاف کارروائی ہوگی۔ مقتول پی ٹی آئی کارکن علی بلال کی ہلاکت کے حوالے سے نگران وزیر اعلی پنجاب محسن نقوی نے آئی جی پنجاب عثمان انور کے ہمراہ پریس کانفرنس کرتے ہوئے کہا کہ اس واقعے کے بعد ہم آپس میں بیٹھے اور اسی ٹائم ہمارے پاس یہ اطلاعات آئیں کہ وہ بندہ تشدد سے نہیں مرا، اس پر آئی جی پنجاب اور سی سی پی او لاہور نے اسی وقت کام شروع کر دیا۔ آئی جی پنجاب عثمان انور نے پریس کانفرنس کے دوران گفتگو کا آغاز کرتے ہوئے کہا کہ کل مقتول علی بلال کے والد لیاقت علی نے ویڈیو پیغام میں مجھ سے اپیل کی کہ ان کے بیٹے کی موت کے بارے میں مکمل معلومات دی جائے، تفتیش کی جائے اور انصاف دیا جائے۔ انہوں نے کہا کہ ہماری یہ ذمہ داری 3 روز قبل ہی شروع ہوگئی تھی جب 6 بج کر 52 منٹ پر ایک کالے رنگ کی ویگو نے علی بلال کی نعش سروسز ہسپتال پہنچائی، فوری طور پر یہ اطلاعات ہمارے پاس پہنچی اور ہم نے اسے ٹریک کرنا شروع کیا، ہم نے فیصلہ کیا تھا کہ اگر یہ شخص پولیس تشدد سے ہلاک ہوا یا اس کے بارے میں ایسی کوئی چیز سامنے آئی جس میں پولیس کی زیادتی ثابت ہو تو اس کے خلاف سخت کارروائی کی جائے گی۔ عثمان انور کا کہنا تھا کہ وارث شاہ روڈ پر گلبہار سکیورٹیز کی بیسمنٹ سے یہ گارڑی برآمد ہوئی، گاڑی میں علی بلال کا خون بھی موجود تھا، فارنزک جانچ کروا دی گئی ہے، 6 بج کر 24 منٹ پر یہ گار فورٹریس برج پر ٹکرا گئی تھی، گاڑی چلانے والوں کا کوئی کریمنل ریکارڈ نہیں تھا، ان کی علی بلال کو مارنے کی کوئی سازش نہیں تھی۔

کریڈٹ: انڈیپنڈنٹ نیوز پاکستان-آئی این پی

لاہور میں سی آئی اے شاہدرہ پولیس کے ساتھ مبینہ مقابلے میں ایک ڈاکو مارا گیا۔ پولیس کے مطابق ناکے پر دو موٹرسائیکلوں پر سوار افراد کو رکنے کا اشارہ کیا تو انہوں نے فائرنگ کر دی، جوابی کارروائی کے دوران ایک ڈاکو اپنے ہی ساتھیوں کی گولیوں سے مارا گیا جب کہ تین ملزمان تاریکی میں فرار ہو گئے۔ پولیس نے بتایا کہ ہلاک ہونے والے ڈاکو کی شناخت محسن مجید کے نام سے ہوئی جو قتل، ڈکیتی، رہزنی اور نقب زنی کے 80 مقدمات میں مطلوب تھا۔ پولیس کا کہنا ہے کہ فرار ہونے والے ڈاکوں کی تلاش کے لیے علاقے کی ناکہ بندی کر کے سرچ آپریشن شروع کردیا گیا ہے۔

کریڈٹ: انڈیپنڈنٹ نیوز پاکستان-آئی این پی

کے علاقے کورنگی نمبر تین میں سڑک کنارے کھڑی گاڑی سے بچے کی تشدد زدہ لاش برآمد کی گئی ہے۔ پولیس کے مطابق مقتول بچے کی عمر دس سال تھی۔ پولیس نے گاڑی کے مالک کو حراست میں لے کر تفتیش شروع کر دی ہے۔ پولیس حکام کے مطابق مقتول بچے کے جسم پر تشدد کے نشانات ہیں، شہبہ ہے کہ بچے کو زیادتی کا نشانہ بنایا گیا۔ لاش ملنے پر لواحقین کی جانب سے شدید احتجاج بھی کیا گیا۔ بچے کے اہل خانہ کا کہنا تھا کہ ملزمان کو گرفتار کر کے انصاف فراہم کیا جائے۔ ان کا کہنا تھا کہ ہماری کسی کے ساتھ دشمنی نہیں۔ بچے کے ماموں نے بتایا کہ بچہ ذہنی طور پر معذور تھا، گرفتار شخص محلے کا رہائشی ہے، اسی نے لاش کی اطلاع دی تھی۔ انہوں نے مزید بتایا کہ بچے کے والد حیدرآباد میں ملازمت کرتے ہیں۔ رپورٹ کے مطابق واقعہ کورنگی کے علاقے زمان ٹاون میں پیش آیا، پولیس کو لاش کی اطلاع گاڑی کے مالک نے دی۔ ابتدائی تفتیش کے مطابق گاڑی کا مالک شہزاد والدہ کی دوا لینے گاڑی میں سوار ہوا تو کچھ فاصلے پر جا کر اسے پچھلی سیٹ پر لاش کی موجودگی کا پتا چلا۔ پولیس کا کہنا ہے موت کی وجہ پوسٹ مارٹم رپورٹ کے بعد معلوم ہوگی۔

کریڈٹ: انڈیپنڈنٹ نیوز پاکستان-آئی این پی

اسلام آباد کی عدالت نے پی ٹی آئی رہنما علی امین گنڈا پور کو اشتہاری قرر دے دیا۔ اسلام آباد کی ڈسٹرکٹ کورٹ نے تحریک انصاف کے رہنماوں کے خلاف دفعہ 144 کی خلاف ورزی کے کیس کی سماعت کی جس سلسلے میں راجا خرم نواز عدالت میں پیش ہوئے۔ عدالت کے طلب کرنے پر علی امین گنڈا پور پیش نہیں ہوئے جس پر عدالت نے انہیں مسلسل غیر حاضری رہنے پر اشتہاری قرار دے دیا۔ عدالت نے پی ٹی آئی رہنما کی ضمانت کی درخواست بھی خارج کردی۔ عدالت نے علی نواز اعوان کی آج حاضری سے استثنی کی درخواست منظور کرتے ہوئے سماعت 12 اپریل تک ملتوی کردی۔

کریڈٹ: انڈیپنڈنٹ نیوز پاکستان-آئی این پی

نیشنل الیکٹرک پاور ریگولیٹری اتھارٹی (نیپرا)نے برآمدی شعبے کے لیے بجلی 12 روپے 13 پیسے فی یونٹ مہنگی کرنے کی منظوری دے دی۔ حکومت کی جانب سے آئی ایم ایف شرائط پر عمل درآمد کا سلسلہ جاری ، برآمدی شعبے اور کسانوں کے لیے بجلی پر 65 ارب روپے کی سبسڈی ختم کردی گئی ہے اور کسانوں کے لیے بجلی3.60 روپے فی یونٹ مہنگی کرنے کی بھی منظوری دی گئی ہے۔ نیپرا نے فیصلہ نوٹیفکیشن کے لیے وفاقی حکومت کو بھجوا دیا اور کہا سبسڈی دینے اور ختم کرنے کا اختیار وفاقی حکومت کا ہے۔

کریڈٹ: انڈیپنڈنٹ نیوز پاکستان-آئی این پی

سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ پی ڈی ایم ٹوٹ چکی ہے ہر ایک نے انگوٹھا رکھ کر اپنا حصہ لے لیا ہے، فضل الرحمان نے ہاوسنگ مذہبی امور اور مواصلات دبوچ لیں۔ ہفتہ کو سماجی رابطے کی ویب سائٹ ٹوئٹر پر شیخ رشید احمد نے کہا کہ ملک اقتصادی انتظامی اور سماجی بحران میں آگیا ہے، آئینی اور قانونی بحران شدید ترین ہوتا جا رہا ہے، سپریم کورٹ آخری امید ہے، آئین قانون اور اپنی عزت کو بچائے بالآخر یا غریب مرے گا یا سڑکوں پر آئے گا۔ انہوں نے کہا کہ کے پی کے میں فضل الرحمان کے سمدھی کی حکومت، پنجاب میں زرداری کے فرنٹ مین محسن نقوی کی حکومت ہے، ہم قطر اور یو این میں سکیورٹی دے سکتے ہیں اپنے ملک کے الیکشن میں نہیں الیکشن کمیشن اپنا بوجھ شہبازشریف کے گلے میں ڈال رہا ہے۔ سابق وزیر کا کہنا تھا کہ ملک کی آئینی قانونی بقا 90 دن میں انتخاب کروانے میں ہے ورنہ ہیجان اور غیریقینی ہے، آئی ایم ایف کا فیصلہ آنے تک بجلی 14.24 تک فی یونٹ مہنگی ہو جائے گی، علی بلال کا پوسٹ مارٹم رپورٹ کے باوجود کیس رجسٹر ہوا نہ ہی خیبر پی کے سیالیکشن کی تاریخ آئی، انتخاب سے انحراف بڑی تباہی کا پیش خیمہ ہوگا۔ سربراہ عوامی مسلم لیگ نے مزید کہا کہ چینی صدر شی جن پنگ کا تیسری بارانتخاب اور سعودی عرب ایران کے سفارتی تعلقات بحال انتہائی خوش آئند ہیں۔

کریڈٹ: انڈیپنڈنٹ نیوز پاکستان-آئی این پی

صدر اليوم بيان ثلاثي مشترك لكل من المملكة العربية السعودية والجمهورية الإسلامية الإيرانية وجمهورية الصين الشعبية، فيما يلي نصه
استجابةً لمبادرة كريمة من فخامة الرئيس شي جين بينغ رئيس جمهورية الصين الشعبية بدعم الصين لتطوير علاقات حسن الجوار بين المملكة العربية السعودية والجمهورية الإسلامية الإيرانية، وبناءً على الاتفاق بين فخامة الرئيس شي جين بينغ وكل من قيادتي المملكة العربية السعودية والجمهورية الإسلامية الإيرانية، بأن تقوم جمهورية الصين الشعبية باستضافة ورعاية المباحثات بين المملكة العربية السعودية، والجمهورية الإسلامية الإيرانية، ورغبة منهما في حل الخلافات بينهما من خلال الحوار والدبلوماسية في إطار الروابط الأخوية التي تجمع بينهما، والتزاماً منهما بمبادئ ومقاصد ميثاقي الأمم المتحدة ومنظمة التعاون الإسلامي، والمواثيق والأعراف الدولية، فقد جرت في الفترة من 6 - 10 مارس 2023م في بكين، مباحثات بين وفدي المملكة العربية السعودية والجمهورية الإسلامية الإيرانية برئاسة معالي الدكتور مساعد بن محمد العيبان وزير الدولة عضو مجلس الوزراء مستشار الأمن الوطني في المملكة العربية السعودية، ومعالي الأدميرال علي شمخاني أمين المجلس الأعلى للأمن القومي في الجمهورية الإسلامية الإيرانية.
وقد أعرب الجانبان السعودي والإيراني عن تقديرهما وشكرهما لجمهورية العراق وسلطنة عمان لاستضافتهما جولات الحوار التي جرت بين الجانبين خلال عامي 2021م - 2022م، كما أعرب الجانبان عن تقديرهما وشكرهما لقيادة وحكومة جمهورية الصين الشعبية على استضافة المباحثات ورعايتها وجهود إنجاحها.
وتعلن الدول الثلاث أنه تم توصل المملكة العربية السعودية والجمهورية الإسلامية الإيرانية إلى اتفاق يتضمن الموافقة على استئناف العلاقات الدبلوماسية بينهما وإعادة فتح سفارتيهما وممثلياتهما خلال مدة أقصاها شهران، ويتضمن تأكيدهما على احترام سيادة الدول وعدم التدخل في شؤونها الداخلية، واتفقا أن يعقد وزيرا الخارجية في البلدين اجتماعاً لتفعيل ذلك وترتيب تبادل السفراء ومناقشة سبل تعزيز العلاقات بينهما، كما اتفقا على تفعيل اتفاقية التعاون الأمني بينهما، الموقعة في 22 / 1 / 1422هـ، الموافق 17 / 4 / 2001م والاتفاقية العامة للتعاون في مجال الاقتصاد والتجارة والاستثمار والتقنية والعلوم والثقافة والرياضة والشباب، الموقعة بتاريخ 2 / 2 / 1419هـ الموافق 27 / 5 / 1998م.
وأعربت كل من الدول الثلاث عن حرصها على بذل كافة الجهود لتعزيز السلم والأمن الإقليمي والدولي.
صدر في بكين بتاريخ 10 مارس 2023م.
عن الجمهورية الإسلامية الإيرانية
علي شمخاني
أمين المجلس الأعلى للأمـــــن القـــومـي
عن المملكة العربية السعودية
مساعد بن محمد العيبان
وزيـر الـدولـة عضـو مجـلس الوزراء مستشار الأمن الوطني
عن جمهورية الصين الشعبية
وانغ يي
عضو المكتب السياسي للجنة المركزية ومدير المكتب للجنة الشؤون الخارجية التابعة للجنة المركزية للحزب الشيوعي الصيني.

کریڈٹ: انڈیپنڈنٹ نیوز پاکستان-آئی این پی