وزیراعظم شہباز شریف نے شی جن پنگ کو تیسری بار چین کا صدر منتخب ہونے مبارک باد دیتے ہوئے کہا ہے کہ چین کے عوام اور پارلیمنٹ کا اعتماد ان کی غیرمعمولی قائدانہ صلاحیتوں کا اعتراف ہے،وزیراعظم شہبازشریف نے چینی صدر شی جن پنگ کو تہنیتی پیغام میں کہا کہ انہیں آئندہ پانچ سال کے لئے چین کا صدر منتخب ہونے پر پاکستان کی حکومت اور عوام کی جانب سے مبارکباد پیش کرتے ہیں،وزیراعظم نے کہا کہ صدر شی جن پنگ چین کی ترقی اور عوام کی خوشحالی کی علامت بن چکے ہیں ، ان کی قیادت میں چین دنیا کی سرفہرست معاشی قوت بن چکا ہے اور یہ سفر مسلسل جاری ہے ،انہوں نے کہا کہ صدرشی جن پنگ کی بصیرت افروز قیادت میں چین تعلیم، صحت، زراعت، ایجادات، ٹیکنالوجی سمیت ہر شعبے میں حیرت انگیز کامیابیاں حاصل کر رہا ہے ،وزیراعظم نے امید ظاہر کی کہ صدر شی جن پنگ کی پانچ سال کی مدت صدارت میں دونوں ممالک کا آزمودہ اور سدا بہار سٹریٹیجک کوآپریشن مزید مضبوط ہوگا ، ہم صدر شی جن پنگ، چین کی حکومت اور عوام کے لئے نیک تمنائوں کا اظہار کرتے ہیں،واضح رہے کہ شی جِن پنگ تیسری بار 5سالہ مدت کے لیے چین کے صدر منتخب ہوگئے ہیں۔

کریڈٹ: انڈیپنڈنٹ نیوز پاکستان-آئی این پی

لاہورکے علاقے ہربنس پورہ میں مبینہ پولیس مقابلے میں دو ڈاکو ہلاک ہوگئے،پولیس کے مطابق پولیس گرفتار ڈاکوں کو دیگر ساتھیوں کی نشاندہی کے لیے لے جارہی تھی کہ ڈاکوں کے ساتھیوں نے فائرنگ کردی اورفرارہوگئے، فائرنگ کے تبادلے میں دو ڈاکو ہلاک ہوئے جب کہ ان کے ساتھیوں کی تلاش جاری ہے۔

کریڈٹ: انڈیپنڈنٹ نیوز پاکستان-آئی این پی

محکمہ انسداد دہشت گردی (سی ٹی ڈی)پنجاب نے لاہور سمیت 3شہروں میں کارروائیاں کرتے ہوئے 12دہشت گرد گرفتار کرلیے،ترجمان سی ٹی ڈی کے مطابق دہشت گردوں کا تعلق القاعدہ اور ٹی ٹی پی سے ہے،ترجمان کا کہنا تھا کہ لاہور سے 3دہشت گردوں کو حساس علاقے کے قریب سے گرفتارکیا گیا، دہشت گردوں سے بارودی مواد اور خودکش جیکٹ بنانے والا مواد برآمد ہوا،سی ٹی ڈی حکام کے مطابق دہشت گرد حساس مقامات پر تخریب کاری کرنا چاہتے تھے، گرفتار دہشت گردوں کے خلاف مقدمات درج کرکے تفتیش شروع کردی گئی ہے،ترجمان سی ٹی ڈی نے کہا کہ لاہور سمیت 3 شہروں میں 797کومبنگ اور سرچ آپریشنز میں 159مشتبہ افرادگرفتارکیے گئے۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے سینئر نائب صدر تحریک انصاف اور سابق وفاقی وزیر فواد چودھری کیخلاف توہین عدالت کی درخواست ناقابل سماعت قرار دے دی، تفصیلات کے مطابق عدالت میں فواد چودھری کے عدلیہ کیخلاف مبینہ بیان پر کارروائی کی درخواست دائر کی گئی،درخواست میں موقف اختیار کیا گیا کہ فواد چودھری نے عدلیہ کو سکینڈلائز کرنے کی کوشش کی، لہذا رہنما پی ٹی آئی کے خلاف توہین عدالت کی کارروائی کی جائے،جسٹس شجاعت علی خان نے مقامی وکیل کی درخواست پر سماعت کی تاہم درخواست کو ناقابل سماعت قرار دے دیا،عدالت نے سینئر نائب صدر تحریک انصاف فواد چودھری کیخلاف توہین عدالت کی درخواست خارج کر دی۔

کریڈٹ: انڈیپنڈنٹ نیوز پاکستان-آئی این پی

سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ نگران حکومت پی ڈی ایم کی بی ٹیم ہے، جو کچھ لاہور میں تشدد ہوا یہ اس کا دفاع کرتے رہے، ٹوئٹر پر شیخ رشید احمد نے لکھا کہ پاکستان میں کوئی ایسی دفعہ 144خونی نہیں ہوئی جس کا پرچہ پولیس کی مدعیت میں کٹا ہو، پولیس نے علی بلال کی شہادت کا مقدمہ اس کے والد کے بجائے پولیس کی مدعیت میں درج کیا، جو مستقبل میں نگران حکومت کے گلے پڑے گا،انہوں نے کہا کہ خیبر پختونخوا کے گورنر کو ریاست کا نمائندہ بننا چاہیے، مولانا فضل الرحمان کا نہیں، پاکستان کو ایشیا پیسیفک اور انڈوپیسیفک کے درمیان سینڈوچ بنایا جا رہا ہے، امریکا نے آئی ایم ایف سے معاملات پاکستان کو خود طے کرنے کا کہہ دیا ہے، اسحاق ڈار 200کا ڈالر کرنے آئے تھے 300کا کر دیا ہے،سابق وزیر کا کہنا تھا کہ شہباز اور زرداری نے الیکشن امیدواروں سے درخواستیں طلب کر لی ہیں، سپریم کورٹ کے فیصلے کی عزت پاکستان میں جمہوریت کی زندگی اور موت کا مسئلہ ہے، الیکشن سے فراریوں کو سپریم کورٹ کے کٹہرے میں کھڑا کیا جائے،انہوں نے مزید کہا کہ حکمرانوں کو ریاست کی نہیں اپنی سیاست کی فکر ہے، عوام کا نام ہی ریاست ہے، انتخاب ہی ملک کی بقا ہے، حکومت اپنے مفاد کے بجائے قومی مفاد اور استحکام کا سوچے، قوم زندگی اور موت کی کشمکش میں ہے۔

کریڈٹ: انڈیپنڈنٹ نیوز پاکستان-آئی این پی

بیجنگ(شِنہوا)  چین کے خواتین اوربچوں کے قومی عجائب گھرکے  مستقل مجموعے میں خلائی سفرسے لائی گئی چار نئی اشیاء شامل کی گئی ہیں۔

 یہ تمام اشیاء خلائی شعبے میں چینی خواتین کی کامیابیوں کی گواہی دیتی ہیں جن میں قومی سطح کا ایک تمغہ اورخواتین کی شاندار کامیابیوں اوررضاکارانہ خدمات کو خراج تحسین پیش کرنے والا  بینر،خلابازلیو یانگ کی جانب سے کاغذ سےبنائے گئے تارے اورخلابازوانگ یاپھنگ کا استعمال کردہ ٹیچنگ پراپ شامل ہے۔

میوزیم کے مطابق، یہ اشیاء مستقبل میں اس کی جانب سے منعقد کی جانے والی نمائشوں میں پیش کی جائیں گی، تاکہ نئے دور میں خواتین کے بھرپور کردارکو عوام کے سامنے بہتر انداز میں پیش کیا جا سکے۔

اقوام متحدہ (شِنہوا) چین نے کہا ہے کہ سوڈان کے خلاف اقوام متحدہ کی سلامتی کونسل کی پابندیاں فرسودہ ہو چکی ہیں جنہیں ہٹا لیا جانا چاہیے۔  15 رکنی سلامتی کونسل نے سوڈان سے متعلقہ پابندیوں  کی نگرانی کرنے والی اپنی کمیٹی کے پینل ماہرین کے مینڈیٹ میں 12 مارچ 2024 تک توسیع کردی، اس حوالے سے13ارکان نے توسیع کے لیے حمایت کا اظہار کیا، چین اور روس نے رائے شماری میں حصہ نہیں لیا۔

 قرارداد 2676 (2023) کو منظور کرتے ہوئے، کونسل نے سوڈان کی حکومت کی طرف سے کئی اہم معیارات پر حاصل کی گئی پیش رفت کی روشنی میں پابندیوں کا جائزہ لینے کا ارادہ  ظاہر کیا۔ مسودہ قرارداد امریکہ کی جانب سے پیش کی گئی تھی۔  

اقوام متحدہ (شِنہوا) چین نے کہا ہے کہ سوڈان کے خلاف اقوام متحدہ کی سلامتی کونسل کی پابندیاں فرسودہ ہو چکی ہیں جنہیں ہٹا لیا جانا چاہیے۔  15 رکنی سلامتی کونسل نے سوڈان سے متعلقہ پابندیوں  کی نگرانی کرنے والی اپنی کمیٹی کے پینل ماہرین کے مینڈیٹ میں 12 مارچ 2024 تک توسیع کردی، اس حوالے سے13ارکان نے توسیع کے لیے حمایت کا اظہار کیا، چین اور روس نے رائے شماری میں حصہ نہیں لیا۔

 قرارداد 2676 (2023) کو منظور کرتے ہوئے، کونسل نے سوڈان کی حکومت کی طرف سے کئی اہم معیارات پر حاصل کی گئی پیش رفت کی روشنی میں پابندیوں کا جائزہ لینے کا ارادہ  ظاہر کیا۔ مسودہ قرارداد امریکہ کی جانب سے پیش کی گئی تھی۔  

جنیوا (شِنہوا) اقوام متحدہ کی چائنہ ایسوسی ایشن کے نمائندے گیری وونگ چھی- ہِم نے کہا ہے کہ ہانگ کانگ میں قومی سلامتی کے قانون کے نفاذ کے تین سال بعدخطے میں استحکام بحال اورموثر حکمرانی نمایاں ہے۔ ہانگ کانگ خصوصی انتظامی علاقے سے تعلق رکھنے والے نوجوانوں نے اقوام متحدہ کی انسانی حقوق کونسل کے 52ویں اجلاس سے آن لائن اظہار خیال کرتے ہوئے کہا کہ قومی سلامتی کے قانون نے انسانی حقوق کے تحفظ پرسمجھوتہ کیے بغیرہانگ کانگ کو افراتفری سے استحکام اور خوشحالی کی طرف  جانے میں اہم کردار ادا کیا ہے۔ 2021 میں، ورلڈ بینک کے مطابق، ہانگ کانگ قانون کی حکمرانی کی درجہ بندی  میں 90 فیصد سے اوپرتھا۔ انہوں نے کہا کہ حقائق الفاظ سے زیادہ اہمیت کے حامل ہیں۔ قومی سلامتی کے قانون کی توہین کرنے والے کچھ خوف پھیلانے والے افراد  قانون کی حکمرانی کے معاملے میں ہانگ کانگ سے بہتر کام نہیں کر رہے ۔ میں یہاں ان پر زور دیتا  ہوں کہ وہ چین کے اندرونی معاملات میں مداخلت بند کریں اوراپنے ہاں انسانی حقوق کی صورتحال  میں بہتری کے لیے زیادہ وقت صرف کریں۔ 

مزار شریف، افغانستان (شِنہوا) افغانستان کے شمالی صوبہ بلخ کے گورنر ایک دھماکے میں ہلاک ہوگئے ہیں۔

صوبائی پولیس ترجمان محمد آصف وزیری نے جمعرات کے روز بتایا  کہ دھماکہ صوبہ بلخ کے دارالحکومت مزار شریف شہر میں ہوا۔

وزیری نے شِنہوا کو بتایا " دھماکہ صوبائی گورنر کے دفتر کے قریب کچھ دیر قبل ہوا ہے جس کی مزید تفصیلات موصول نہیں ہوئیں"۔

دریں اثنا نجی ٹی وی چینل طلوع نیوز کے مطابق سیکیورٹی فورسز نے علاقے کو گھیرے میں لیتے ہوئے جائے وقوعہ کو عوام کے لئے بند کردیا ہے۔

بیجنگ (شِنہوا) چین کی وزارت قدرتی وسائل نے انٹیلی جنٹ گاڑیوں کے بنیادی نقشوں کے لیے معیاری نظام کی تعمیر سے متعلق  رہنما ہدایات جاری کی ہیں۔ ہدایات عام ایپلی کیشن، پروڈکشن اپ ڈیٹ، ایپلیکیشن سروس، کوالٹی کا پتہ لگانے اور حفاظتی انتظام کے پہلوؤں سے ان نقشوں کے معیاری ہونے  کے حوالے سے رہنمائی کرتی ہیں۔

 ہدایات  میں آٹوموبائل، انفارمیشن اینڈ کمیونیکیشن، الیکٹرانکس، ٹرانسپورٹیشن، انفارمیشن سیکیورٹی، پاس ورڈ اور دیگر صنعتوں کے ساتھ ان نقشوں اور جغرافیائی معلومات کی مربوط ترقی کو فروغ دینے  اوربتدریج  انٹیلی جنٹ گاڑیوں کے بنیادی نقشوں کا ایک معیاری نظام بنانے پر زور دیا گیا ہے جوملک کی تکنیکی اور صنعتی ترقی  کی ضروریات کو پورا کرتا ہو۔ گائیڈ لائن میں  انٹیلی جنٹ گاڑیوں کے بنیادی نقشوں کے لیے 10 سے زیادہ معیارات پیشگی تیار کرنے کی تجویز دی گئی ہے،جن میں بنیادی جنرل ایپلی کیشن اور ڈیٹا مہارت جیسے تکنیکی تقاضوں اور ضروریات کا احاطہ کیا گیا ہوتاکہ انٹیلی جنٹ گاڑیوں کے بنیادی نقشوں کے مکمل اطلاق کی فوری ضرورتوں کو پورا کیا جا سکے۔ گائیڈ لائن کے مطابق، چین ابتدائی طور پر 2025 تک خود مختار گاڑیاں چلانے کے لیے انٹیلی جنٹ گاڑیوں کے بنیادی نقشوں کے لیے ایک معیاری نظام بنائے گا۔

بیجنگ (شِنہوا) بصارت کی محرومی کے باعث وانگ یونگ چھنگ  بیجنگ میں عظیم عوامی  ہال کا شاندار اندرونی حصہ نہیں دیکھ سکے لیکن یہ کمزوری ا نہیں  اپنے عزائم کو پورا کرنے کے لیےاس  دیوقامت عمارت میں گھومنے پھرنے سے نہیں روک سکی۔

چین کی اعلیٰ قانون سازنیشنل پیپلزکانگریس (این پی سی) کے نومنتخب نائب وانگ ملک کی اہم ترین قانون سازی اور جمہوری تقریب کے دوران چین کے 8 کروڑ50 لاکھ معذور افراد کی نمائندگی کے لیے کام کر رہے ہیں۔

چائنہ ایسوسی ایشن آف دی بلائنڈ کے نائب چیئرمین وانگ نے دو سیشنز کے موقع پر شِنہوا کو بتایا کہ میرا  مقصد معذور لوگوں کی آواز بلند کرنا اور ان کے مسائل کے حل میں مدد کے لیے تجاویز پیش کرنا ہے۔

 یہ دو سیشن قومی قانون ساز ادارے  اور چینی عوامی سیاسی مشاورتی کانفرنس کی قومی کمیٹی کے سالانہ اجلاس ہیں جوکہ  ملک کا اعلیٰ سیاسی مشاورتی ادارہ ہے۔

 اس تقریب میں ہزاروں قومی قانون ساز اور سیاسی مشیر حکومتی رپورٹس اور دیگر قانونی دستاویزات کا جائزہ لینے اور مفاد عامہ کے مسائل پر تبادلہ خیال کے لیے اکٹھے ہو ئے ہیں۔

وانگ رواں  سال کے نیشنل پیپلز کانگریس کے  اجتماع میں دو تجاویز لائے ہیں جن میں سے ایک نابینا مساج  کرنے والوں اور ان کے کلینکس کے لائسنس سے متعلق ہے۔

چین نے جزوی یا مکمل نابینا ہونے والے   ہزاروں  لوگوں کو لائسنس جاری کیے ہیں تاکہ وہ اپنے طبی مساج  کے پیشے کو اپنی آمدنی  بہتر بنانے کے طریقے کے طور پر تسلیم کراسکیں۔

وانگ نے اس پیشہ سے منسلک افراد  سے تحقیق  کرنے کے بعد  معلوم کیا  کہ درحقیقت  یہ لائسنس اکثر ملک کے طبی نظام کی جانب سے غیر تسلیم شدہ ہیں جس کی وجہ سے ایسے بہت سے مساج پارلرز کے اندراج میں مشکلات کا سامنا کرنا پڑتا ہے۔

وانگ نے اس طرح قومی صحت  کمیشن (این ایچ سی ) اور دیگر متعلقہ اداروں  کو نابینا مساج کرنے والوں اور شفا خانوں کے لیے ڈیجیٹل رجسٹریشن کے نظام میں اصلاحات کی تجویز پیش کی تھی۔

انہوں نے قومی صحت  کمیشن  کے گروپ مباحثے  کے دوران ایک تقریر میں کہا کہ ان کی ملازمت کے اندراج کے مسائل کو حل کرنے سے بصارت سے محروم زیادہ تر  لوگوں کو مستحکم ملازمتوں کے حصول میں مدد مل سکتی ہے اوراس طرح غربت کے خلاف جنگ میں ان کی کامیابیوں کو مستحکم کیا جا سکتا ہے۔

وانگ کی دوسری تجویز باقاعدہ اسکولوں میں داخل بصارت سے محروم طلباء کے لیے بڑے حروف  کی نصابی کتابوں کی فراہمی سے متعلق ہے۔

اس قانون ساز نے کہا کہ تقریب میں بیٹھے دیگر نائبین اورعہدیداروں کے ساتھ بات چیت نے انہیں اپنی تجاویز کو بہتر بنانے میں مدد فراہم کی ہے۔

اقوام متحدہ (شِنہوا) چین کے مندوب نے امریکہ اور دیگرممالک پرزور دیا ہے کہ افغانستان کے بیرون ملک اثاثے فوری طور پر افغان عوام کو واپس  کئے جا ئیں تاکہ وہ خواتین اور لڑکیوں کے حقوق اور مفادات کا تحفظ کرسکیں۔

سال2021  میں سقوط کابل  کے بعد امریکہ نے اعلان کیا تھا کہ وہ افغان مرکزی بینک کے تقریباً 9.5 ارب  امریکی ڈالرز کے اثاثوں کو منجمد کر دے گا جسے کچھ لوگ خالص لوٹ مارقرار دے رہے  ہیں۔

اقوام متحدہ میں چین کے نائب مستقل مندوب گینگ شوانگ نے سلامتی کونسل کے اجلاس سے خطاب کرتے ہوئے کہا کہ بیرون ملک اثاثے افغان عوام کے ہیں اور انہیں افغان عوام کے لیے استعمال کیا جا نا چا ہئے۔

گینگ نے فروری میں نیویارک کے جنوبی ضلع کی ڈسٹرکٹ کورٹ کے امریکی جج کے فیصلے کا حوالہ دیا جس میں کہا گیا تھا  کہ امریکہ کو کوئی حق نہیں پہنچتا کہ افغانوں کے بیرون ملک اثاثوں کو استعمال کے لیے کسی دوسری طرف منتقل  کرے۔

انہوں نے   کہا کہ اس سے ایک بار پھر ظاہر ہوتا ہے کہ افغان اثاثوں کو منجمد کرنا بلا جوازاورغیر قانونی ہے ۔

انہوں نے کہا کہ خواتین کے عالمی دن کے موقع پرجب ہم افغانستان کی صورتحال پر غور کرتے ہیں تو ہم افغان خواتین کی جانب  توجہ دینے کے علاوہ کوئی مدد نہیں کر سکتے  ۔ وہ افغان معاشرے میں ایک کمزور گروہ ہیں اور کئی برسوں کی جنگ اورافراتفری کا سب سے بڑا شکار ہیں۔ 

اقوام متحدہ (شِنہوا) چین کے مندوب نے امریکہ اور دیگرممالک پرزور دیا ہے کہ افغانستان کے بیرون ملک اثاثے فوری طور پر افغان عوام کو واپس  کئے جا ئیں تاکہ وہ خواتین اور لڑکیوں کے حقوق اور مفادات کا تحفظ کرسکیں۔

سال2021  میں سقوط کابل  کے بعد امریکہ نے اعلان کیا تھا کہ وہ افغان مرکزی بینک کے تقریباً 9.5 ارب  امریکی ڈالرز کے اثاثوں کو منجمد کر دے گا جسے کچھ لوگ خالص لوٹ مارقرار دے رہے  ہیں۔

اقوام متحدہ میں چین کے نائب مستقل مندوب گینگ شوانگ نے سلامتی کونسل کے اجلاس سے خطاب کرتے ہوئے کہا کہ بیرون ملک اثاثے افغان عوام کے ہیں اور انہیں افغان عوام کے لیے استعمال کیا جا نا چا ہئے۔

گینگ نے فروری میں نیویارک کے جنوبی ضلع کی ڈسٹرکٹ کورٹ کے امریکی جج کے فیصلے کا حوالہ دیا جس میں کہا گیا تھا  کہ امریکہ کو کوئی حق نہیں پہنچتا کہ افغانوں کے بیرون ملک اثاثوں کو استعمال کے لیے کسی دوسری طرف منتقل  کرے۔

انہوں نے   کہا کہ اس سے ایک بار پھر ظاہر ہوتا ہے کہ افغان اثاثوں کو منجمد کرنا بلا جوازاورغیر قانونی ہے ۔

انہوں نے کہا کہ خواتین کے عالمی دن کے موقع پرجب ہم افغانستان کی صورتحال پر غور کرتے ہیں تو ہم افغان خواتین کی جانب  توجہ دینے کے علاوہ کوئی مدد نہیں کر سکتے  ۔ وہ افغان معاشرے میں ایک کمزور گروہ ہیں اور کئی برسوں کی جنگ اورافراتفری کا سب سے بڑا شکار ہیں۔ 

ڈبلن (شِنہوا) چینی ملکیت کے حامل سوشل میڈیا پلیٹ فارم ٹک ٹاک نے یورپ میں صارفین  کے ڈیٹا کے تحفظ کو مضبوط  بنانے کے لیے متعدد نئے اقدامات کا اعلان کیا ہے ۔

نئے اقدامات میں حفاظتی گیٹ ویزکو متعارف کر واتے ہوئے صارفین  کے ڈیٹا تک رسائی پر کنٹرول کو بڑھانا شامل ہے جو کہ یورپ کے ٹک ٹاک صارفین کے ڈیٹا تک ملازمین کی رسائی اور ڈیٹا کی یورپ سے باہر منتقلی کا تعین کرے گا۔

ٹک ٹاک نے کہا ہے کہ کسی بھی ڈیٹا تک رسائی نہ صرف ڈیٹا کے تحفظ کے متعلقہ قوانین کی پابندی  سے مشرو ط ہوگی بلکہ اسے پہلے ان سیکیورٹی گیٹ ویز اور اضافی جانچ پڑتال  سے گزرنا پڑے گا۔

اس عمل کی نگرانی تیسرےفریق کی یورپی سیکیورٹی کمپنی کرے گی۔

ٹک ٹاک کا کہنا ہے  کہ صارفین  کی معلومات کی رازداری کو یقینی بنانے کے لیے جدید ٹیکنالوجیز کا بھی استعمال کیا جائے گا۔اس میں ذاتی ڈیٹا کو فرضی نام دینا شامل ہے  تاکہ بغیر اضافی معلومات کے کسی فرد کی شناخت نہ کی جا سکے۔

یہ کمپنی رواں  سال سے اپنے یورپی صارفین کے  ڈیٹا کو آئرلینڈ اور ناروے میں مزید دو نئے ڈیٹا سینٹرز قائم کر کے مقامی طور پر ذخیرہ کرنا شروع کر دے گی۔

گزشتہ سال ٹک ٹاک کا پہلا یورپی ڈیٹا سینٹر  آئرلینڈ کے ڈبلن میں قائم کیا گیا تھا۔

ٹک ٹاک نے کہا ہے کہ ایک بار  فعال ہونے  کے بعد ان تینوں ڈیٹا سینٹرز کی سالانہ سرمایہ کاری 1.2 ارب  یورو (1.26 ارب  امریکی ڈالرز) تک پہنچ جائے گی ۔

ان نئے اقدامات کو "پروجیکٹ کلوور"کا نام دیا گیا ہے جو کہ رواں  سال اور 2024 تک لاگو کردیئے جائیں گے۔

اس وقت پورے یورپ میں ٹک ٹاک کے 15 کروڑ سے زیادہ صارفین ہیں۔

کمپنی نے کہا  ہے کہ اس سطح  کے پیمانے کے ساتھ اہم ذمہ داری عائد ہوتی ہے ۔ ہماری کمیونٹی اوران کے ڈیٹا کے تحفظ ، رازداری اور حفاظت کو یقینی بنا کر اعتماد پیدا کرنا اہم ہے۔ (1 یورو = 1.05 امریکی ڈالر)

انڈونیشیا کے جزائر ناٹونا میں شدید بارشوں کے بعد ہونے والی لینڈ سلائیڈنگ کی تباہ کاریوں میں 21افراد ہلاک اور کم از کم 50افراد لاپتہ ہو گئے ہیں ،انڈونیشیا کے جزائر ناٹونا میں شدید بارشوں کے بعد لینڈ سلائیڈنگ کا حادثہ پیش آیا ہے،لینڈ سلائیڈنگ کے نتیجے میں 21افراد ہلاک ہو گئے،لینڈ سلائڈنگ والے علاقے میں ریسکیو ٹیموں کی امدادی کاروائیاں جاری ہیں اور مزید جانی نقصان پہنچنے کا خدشہ ظاہر کیا جا رہا ہے،حالیہ دنوں میں شدید بارشوں کے نتیجے میں انڈونیشیا کے بیشتر علاقوں میں لینڈ سلائیڈنگ اور سیلاب کی لہر آئی ہوئی ہے۔

کریڈٹ: انڈیپنڈنٹ نیوز پاکستان-آئی این پی

سعودی عرب کے ولی عہد شہزادہ محمد بن سلمان نے ریاض میں پولینڈ کے وزیر اعظم متیوس موراویکی سے ملاقات کی ہے اور ان سے دونوں ملکوں کے درمیان دوطرفہ تعلقات اور باہمی دلچسپی کے امور پرتبادلہ خیال کیا ہے، عرب میڈیا کے مطابق موراویکی سرکاری دورے پر سعودی عرب کے دارالحکومت ریاض پہنچے تو ڈپٹی گورنر شہزادہ محمد بن عبدالعزیز کی قیادت میں حکام نے شاہ خالدبین الاقوامی ہوائی اڈے پر ان کا استقبال کیا، سعودی ولی عہد نے الیمامہ محل میں پولینڈ کے رہ نما کا استقبال کیا اوران سے تمام شعبوں میں دوطرفہ تعلقات کو بڑھانے کے طریقوں پر بات چیت کی ،دونوں سربراہان نے خام تیل مہیا کرنے کے دائرہ کار اور تیل کی عالمی مارکیٹ کو مستحکم کرنے پر بھی تبادلہ خیال کیا،پولش حکومت کے بیان کے مطابق یوکرین کا تنازع بھی بات چیت کا موضوع تھا،پولش وزیراعظم نے ہرسطح پر یوکرین کے لیے غیر متزلزل حمایت جاری رکھنے کی ضرورت پر زور دیا،دونوں رہنمائوں نے سعودی عرب کو پولینڈ سے خوراک کی مصنوعات کی برآمد کے لیے کاروباری مواقع کے علاوہ جدید ٹیکنالوجیز اور قابل تجدید توانائی کے ذرائع کی اہمیت پربھی تبادلہ خیال کیا،ملاقات میں سعودی وزیرتوانائی شہزادہ عبدالعزیز بن سلمان ،وزیرمملکت شہزادہ ترکی بن عبدالعزیز، وزیرتجارت ڈاکٹر ماجدالقصبی، وزیر مملکت برائے امور خارجہ عادل الجبیر،ٹرانسپورٹ اور لاجسٹک سروسز کے وزیر صالح الجسر، وزیر برائے معیشت و منصوبہ بندی فیصل علی ابراہیم اور پولینڈ میں سعودی سفیر سعد الصالح بھی شریک تھے،ان کے علاوہ سعودی عرب میں یوکرین کے سفیر اناطولی پیٹرینکو بھی موجود تھے۔

کریڈٹ: انڈیپنڈنٹ نیوز پاکستان-آئی این پی

یوکرین کے صدر ولودی میر زلنسکی نے کہا ہے کہ اقوام متحدہ کے سیکرٹری جنرل انتونیو گٹرس سے ملاقات میں بحیرہ اسود اناج راہداری سمجھوتے کو 18مارچ کے بعد بھی جاری رکھنے کے معاملے پر اتفاق ہو گیا ہے،زلنسکی نے دارالحکومت کیف میں سیکرٹری جنرل اقوام متحدہ انتونیو گٹرس کے ساتھ ملاقات کے بعد مشترکہ پریس کانفرنس میں کہا کہ روس نے یوکرین میں زاپوریژیا جوہری پلانٹ پر قبضہ کر کے ایک جوہری بلیک میلنگ کی ہے۔ زاپوریژیا جوہری پلانٹ واپس یوکرین کے مکمل کنٹرول میں آنا چاہیے۔ یہ صرف یوکرین کی ہی نہیں عالمی سلامتی کا مسئلہ ہے،زلنسکی نے کہا کہ ہم نے گٹرس کے ساتھ بحیرہ اسود اناج راہدری سمجھوتے کو 18مارچ کے بعد بھی جاری رکھنے کے موضوع پر غور کیا ہے، ہم اس معاملے میں متفق ہیں کہ بحیرہ اسود اناج راہداری سمجھوتے کا 18مارچ کے بعد بھی جاری رہنا پوری دنیا کی ایک اہم ضرورت ہے،گٹرس نے بھی پریس کانفرنس سے خطاب میں روس کو یوکرین پر حملوں کا قصوروار ٹھہرایا اور کہا ہے کہ اقوام متحدہ یوکرین کی زمینی سالمیت اور خودمختاری کی حمایت جاری رکھے گی،انہوں نے کہا ہے کہ زاپوریژیا جوہری پلانٹ کی سلامتی اور تحفظ کلیدی اہمیت رکھتا ہے، اس علاقے کو فوجیوں سے مکمل طور پر پاک کرنا ضروری ہے،سیکرٹری جنرل اقوام متحدہ نے کہا کہگذشتہ سال استنبول میں طے پانے والے اناج راہداری سمجھوتے کے بعد سے یوکرین کی بندرگاہوں سے 23ملین ٹن سے زائد اناج کی برآمد کی جا چکی ہے۔ اس برآمد نے عالمی سطح پر خوراک کی قیمتیں گرانے میں اہم کردار ادا کیا اور خاص طور پر ترقی پذیر ممالک میں جنگ کا بھاری بدل چکانے والے انسانوں کی فوری امداد کو یقینی بنایا ہے،انتونیو گٹرس نے کہا ہے کہ اناج راہداری سمجھوتے کا 18مارچ کے بعد بھی جاری رہنا ضروری ہے۔

کریڈٹ: انڈیپنڈنٹ نیوز پاکستان-آئی این پی

یورپی یونین نے اسرائیل اور فلسطین سے تناو میں کمی کرنے کی اپیل کی ہے،یورپی یونین کے ہائی کمشنر برائے خارجہ تعلقات و سلامتی پالیسی جوزف بوریل کے آفس سے جاری کئے گئے تحریری بیان میں کہا گیا ہے کہ یورپی یونین اور اس کے رکن ممالک کو، اسرائیل میں اور مقبوضہ فلسطینی زمینوں میں بڑھتے ہوئے اور بچوں سمیت کثیر تعداد میں اسرائیلی وفلسطینی جانی نقصان کا سبب بننے والے پرتشدد واقعات اور انتہا پسندی پر، شدید تشویش کا سامنا ہے،بوریل نے کہا کہ ہم اسرائیل اور فلسطینی حکام سے حالات میں نرمی لانے اور تناو میں شدت پیدا کرنے والے اقدامات سے پرہیز کرنے کی اپیل کرتے ہیں، بیان میں کہا گیا ہے کہ اسرائیل کو رہائشی بستیوں کی توسیع کو بند کرنا ہو گا، یہودی آبادکاروں کے اختیار کردہ تشدد کا سدباب کرنا اور پر تشدد اقدامات کے خاتمے کے لئے اسرائل سے جواب طلب کرنا چائیے، غزہ کی پٹی میں انسانی صورتحال کو بہتر کرنا اور پابندیوں میں نرمی لانا ضروری ہے، مقدس مقامات کی حیثیت کا تحفظ، سابقہ نقطہ نظر کے ساتھ اور اردن کے خصوصی کردار کا احترام ملحوظ رکھتے ہوئے کیا جانا چاہیے،عیسائیوں، یہودیوں اور مسلمانوں کے ایک جگہ پر اور پر امن شکل میں زندگی گزارنے کو یقینی بنایا جانا چاہیے،بیان میں کہا گیا ہے کہ مذکورہ تمام مسائل قیام امن کے راستے کی رکاوٹ ہیں، دو حکومتی حل کو یقینی بنانے کے لئے ایک سیاسی افق کی تعمیر نو کلیدی اہمیت کی حامل ہے، صرف مذاکرات شدہ سمجھوتہ ہی ہر ایک کو امن و سلامتی کا موقع فراہم کر سکتا ہے ،بیان میں یورپی یونین کی طرف سے عرب امن اقدام کی بحالی نو کو دی گئی اہمیت اور اس معاملے میں صرف کردہ کوششوں کا بھی حوالہ دیا گیا ہے۔

کریڈٹ: انڈیپنڈنٹ نیوز پاکستان-آئی این پی

مشرقی شام کے دیر الزور علاقے کوایک بار پھر نامعلوم حملوں کا نشانہ بنایا گیا، عرب میڈیا کے مطابق اس دھماکے میں چار افراد جاں بحق ہوگئے،یہ حملہ ایران کے وفادار دھڑوں کے زیر کنٹرول علاقے میں ایک ڈرون کے ذریعے کیا گیا، حملے میں ایرانی میزائلوں کے گودام اور ہتھیاروں سے لدے ایک ٹرک کو نشانہ بنایا گیا ہے،یہ گودام رہائشی علاقوں کے درمیان واقع ہے۔

کریڈٹ: انڈیپنڈنٹ نیوز پاکستان-آئی این پی

سعودی عرب کی حکومت نے ایک نیا پروگرام ترتیب دیا ہے جس کا مقصد بین الاقوامی کمپنیوں کو مملکت میں راغب کرنے کے منصوبے کوتیزکرنا ہے،بین الاقوامی کمپنیوں کواپنے علاقائی ہیڈکوارٹرز سعودی دارالحکومت میں منتقل کرنے کی ترغیب دینے کے پروگرام کی نگرانی شاہی کمیشن برائے الریاض کے بورڈ آف ڈائریکٹرز کے ارکان کریں گے،واضح رہے کہ سعودی حکومت نے فروری 2021میں اعلان کیا تھا کہ وہ 2024سے صرف ان کمپنیوں کے ساتھ معاہدوں پر دست خط کرے گی جنھوں نے اپنے علاقائی صدردفاترسعودی عرب میں قائم کیے ہوں گے،اسی سال اکتوبر تک 44بین الاقوامی کمپنیوں کو مملکت میں اپنے علاقائی صدردفاترقائم کرنے کے لیے لائسنس جاری کیے گئے تھے،حالیہ مہینوں میں، زیادہ سے زیادہ تارکین وطن اور بین الاقوامی کمپنیاں مملکت میں منتقل ہو رہی ہیں اور وہ خطے کے دیگراہم مراکزسے دورکاروبار کو راغب کرتی ہے،ایسی ہی ایک کمپنی پیپسی کو ہے جس کے مشرق اوسط کے چیف ایگزیکٹوآفیسر(سی ای او)نے گذشتہ ماہ العربیہ کو بتایا تھا کہ کمپنی کی اعلی قیادت کی ٹیم الریاض منتقل ہو گئی ہے،سعودی وزیرخالدالفالح نے فنانشیل ٹائمزکو بتایا تھاکہ جو بین الاقوامی کمپنیاں اپنے صدردفاتر سعودی عرب منتقل کریں گے، انھیں ٹیکس میں کچھ ریلیف ملنے کا امکان ہے۔

کریڈٹ: انڈیپنڈنٹ نیوز پاکستان-آئی این پی

چیچن رہ نما رمضان قدیروف نے روسی صدر ولادیمیر پوتین کی آشیرباد کے بعد اپنے 17سالہ بیٹے احمد کی شادی تامیلا محمد وفا سے شادی کی،چیچنیا کے دارالحکومت گروزنی میں ایک پروقار تقریب کا انعقاد کیا گیا اور شادی کی بارات لگژری کاروں پر مشتمل ایک جلوس کی شکل میں نمودار ہوئی،باراتیوں کے محافظوں کو شادی کی خوشی میں فائرنگ کرنے سے منع کیا گیا تھا اور مہمانوں کی محدود تعداد کو شادی میں شرکت کے لیے مدعو کیا گیا تھا،احمد قدیروف کی شادی کی ویڈیو سوشل میڈیا پر وائرل ہوئی جس میں لگژری ویڈنگ کاروں کی قطار دکھائی گئی،دوسری طرف سے ولادی میر پیوٹن نے دولہا احمد قدیروف جورمضان قدیروف کے 14بیٹوں میں سے ایک ہیں کو ذاتی طور پر کریملن میں اس کی شادی پر مبارکباد دی۔

کریڈٹ: انڈیپنڈنٹ نیوز پاکستان-آئی این پی

امریکا نے انسانی حقوق کی خلاف ورزیوں اور بدعنوانی سے متعلق پابندیوں کے ایک نئے دورمیں ایران کے ایک اعلی فوجی کمانڈر سمیت بعض سینئر سرکاری عہدے داروں اور اداروں پر نئی پابندیاں عائد کر دی ہیں ، عرب میڈیا کے مطابق امریکی محکمہ خزانہ نے یہ اقدامات خواتین کے عالمی دن کے موقع پر مغربی اتحادیوں کے تعاون سے کیے ہیں،امریکا نے ایرانی فوج کے اعلی کمانڈر میجر جنرل عبدالرحیم موسوی پرپابندیاں عائد کی ہیں،وہ پاسداران انقلاب کے ایک اعلی کمانڈر ہیں اور صوبہ مغربی آذربائیجان میں شہدا صوبائی کور کے سربراہ ہیں،ان کے ساتھ ایرانی حکومت کے ایک عہدہ دار کو بھی نشانہ بنایا گیا ہے،اس عہدہ دار نے مبینہ طورپرعوام تک انٹرنیٹ کی رسائی کو روکنے کی حکومت کی کوششوں میں براہ راست کردارادا کیا تھا،موسوی 2019 میں عوامی احتجاجی ریلیوں اور 2022میں پولیس کی حراست میں 22سالہ مہسا امینی کی موت کے ردعمل میں ہونے والے مظاہروں کو دبانے والے فوجی یونٹوں کے انچارج تھے۔

محکمہ خزانہ کا کہنا تھا کہ موسوی کی کمان میں فوجیوں نے مشین گنوں کا استعمال کرتے ہوئے مظاہرین کے ہجوم پر اندھا دھند فائرنگ کی،مہساامینی کی موت کے بعد ایران میں گذشتہ چھے ماہ سے بڑے پیمانے پر مظاہرے ہو رہے ہیں۔ان میں ایرانی حکومت کے خاتمے کے مطالبات کیے جارہے ہیں اورخواتین ملک بھر میں ان مظاہروں میں حصہ لے رہی ہیں۔ حکومت نے اس کے جواب میں مظاہرین کے خلاف پرتشدد کریک ڈائون کیا، جس میں سکیورٹی فورسز کے ساتھ جھڑپوں میں درجنوں افراد ہلاک ہوئے ہیں اور ہزاروں کو گرفتار کر لیا گیا ہیں،امریکا کی ان نئی پابندیوں میں ایران کے جیل نظام کے دواعلی عہدے داروں کو بھی نشانہ بنایا گیا ہے۔ وہ خواتین اور لڑکیوں کیانسانی حقوق کی سنگین خلاف ورزیوں میں ملوث بتائے جاتے ہیں۔ امریکی محکمہ خزانہ کا کہنا تھا کہ علی چہارمحلی کی نگرانی میں جیلوں میں بھیجے گئے مظاہرین کو تشدد کا نشانہ بنایا گیا اور جبری اعتراف جرم کے لیے ان پردبا ئوڈالا گیا،

انھوں نے تہران کی ایوین جیل کے وارڈن کی حیثیت سے بھی خدمات انجام دیں، جن کی نگرانی میں پاسداران انقلاب کے ارکان سمیت جیل حکام نے حکومت کے سیاسی مخالفین کو تشدد کا نشانہ بنایا۔اس میں کرنٹ لگانے، جلانے اور شدید مار پیٹ کے واقعات شامل ہیں،جیل کے ایک اور اہلکار داروش بخشی ارومیہ سنٹرل جیل کے انچارج تھے،میڈیا نے دسمبر میں رپورٹ کیا تھا کہ جیلوں میں بڑے پیمانے پر بدسلوکی اور جاری مظاہروں کے دوران میں گرفتار کیے گئے ایرانیوں پرجنسی حملے کیے گئے،ایران کی جیل سروس نے ان الزامات کو جھوٹا قرار دیتے ہوئے مستردکردیا ہے،امریکا کی ان پابندیوں میں تین ایرانی کمپنیوں اور ان کی قیادت کو ایرانی سکیورٹی سروسز، قانون نافذ کرنے والی فورسز(ایل ای ایف)کوسازوسامان اور خدمات مہیاکرنے ہدف بنایا گیا ہے۔

کریڈٹ: انڈیپنڈنٹ نیوز پاکستان-آئی این پی

برطانیہ کے شاہ چارلس کوکولچیسٹر شہر کے دورے پر مظاہرین کے طنزیہ نعروں کا سامنا کرنا پڑگیا، برطانوی میڈیا کے مطابق کولچیسٹر شہر میں برطانوی شاہ چارلس نے اہلیہ کمیلا پارکر کے ہمراہ دورہ کیا تھا تاہم اس موقع پر شاہ چارلس کو طنزیہ نعروں کا سامنا کرنا پڑا،شاہ چارلس کے دورے پر مظاہرین کی جانب سے میگافون پر نعرے لگائے گئے کہ ہمارے ٹیکس کا پیسہ کیوں ضائع کررہے ہیں؟ ایک پلے کارڈ پر نعرہ درج تھا کہ یہ ہمارا بادشاہ نہیں۔

کریڈٹ: انڈیپنڈنٹ نیوز پاکستان-آئی این پی

روسی ہیکرز نے تاوان ادا نہ کرنے پر امریکا کی پینسلوینیا کی اسپتال میں زیرعلاج کینسر کی مریضہ کی برہنہ تصاویر شیئر کردیں،روسی ہیکرز نے 4مارچ کو امریکی اسپتال لی ویلی ہیلتھ نیٹورک کے ڈیٹا پر سائبر حملہ کیا جس کے بعد 6مارچ کو اسپتال انتظامیہ نے سائبر حملے کے حوالے سے سکیورٹی اداروں کو آگاہی دی تاہم ہیکرز اسپتال کا ڈیٹا چرانے میں کامیاب رہے،ہیکرز نے اسپتال انتظامیہ کو ای میل کی گئی جس میں انہوں نے لکھا کہ لمبے عرصے سے ہم آپ کے نیٹورک میں موجود تھے اور آپ کا تمام ڈیٹا ہمارے پاس آگیا ہے، جس میں مریضوں کی تفصیلات، ان کے پاسپورٹس کی مندرجات، سوال نامے، نجی معلومات اور برہنہ تصاویر شامل ہیں،امریکی حکام کے مطابق ڈارک ویب پر ڈیٹا جاری نہ کرنے کے بدلے میں ہیکرز کی جانب سے 15لاکھ امریکی ڈالرز تاوان کا مطالبہ کیا گیا تھا،اسپتال کی جانب سے تاوان کی رقم دینے سے انکار کے بعد ہیکرز نے کینسر کی مریضہ کی تفصیلات پر مبنی سات دستاویزات اور ریڈی ایشن اونکولوجی ٹریٹمنٹ لیتے ہوئے تین برہنہ تصاویر کے اسکرین شاٹس سمیت دیگر ڈیٹا ڈارک ویب پر اپلوڈ کر دیا۔

کریڈٹ: انڈیپنڈنٹ نیوز پاکستان-آئی این پی