پاکستان سپر لیگ (پی ایس ایل)کے سیزن فور کی فاتح ٹیم کوئٹہ گلیڈی ایٹرز کے ہیڈکوچ معین خان نے کپتان سرفراز احمد کو ناقص کارکردگی پر آڑے ہاتھوں لے لیا،مسلسل چوتھے سال ایونٹ کے پلے آف مرحلے میں کوالیفائی نہ کرنے پر ہیڈ کوچ معین خان نے سرفراز احمد کو آڑے ہاتھوں لیتے ہوئے کہا کہ مسلسل دو سالوں سے پاکستان کے ٹی 20 سکواڈ میں کم بیک کی کوشش کررہے ہیں لیکن انہیں ٹیم میں جگہ بنانے کیلئے تیز کھیلنا پڑے گا کیونکہ رضوان نے اپنی پوزیشن تقریبا پکی کرلی ہے،انہوں نے اعتراف کیا کہ ملتان سلطانز کیلئے جارحانہ کھیل کا مظاہرہ کرنے والے ریلی روسو کو ریلیز کرنا بھی بڑی غلطی تھی، جس کا مجھے افسوس ہے جبکہ اعظم خان بھی اسلام آباد یونائیٹڈ کیلئے ناقابلِ یقین کارکردگی پیش کر رہے ہیں،معین خان نے کہا کہ اعظم خان کو رواں سیزن میں اس لیے ریلیز کیا کہ کپتان کی بطور کیپر موجودگی کے باعث انکی جگہ نہیں بن رہی تھی۔

کریڈٹ: انڈیپنڈنٹ نیوز پاکستان-آئی این پی

پاکستان بیس بال فیڈریشن کے زیراہتمام 17ویں نیشنل ویمن بیس بال چیمپئن شپ کا آغاز ہو گیا، ایونٹ کے افتتاحی روز اسلام آباد اور خیبر پختونخوا نے اپنے اپنے میچز جیت لئے،پاکستان سپورٹس کمپلیکس اسلام آباد میں چیمپئن شپ کے افتتاحی روز پہلے میچ میں اسلام آباد نے بلوچستان کو 4-9 سے شکست دی جبکہ دوسرے میچ میں خیبرپختونخوا نے سندھ کو 2-9 ہرایا۔

کریڈٹ: انڈیپنڈنٹ نیوز پاکستان-آئی این پی

واپڈا کی نور العین نے پہلی میکڈونلڈز آل پاکستان جونیئر اینڈ ویمن سکواش چیمپئن شپ کا ویمنزسنگلز کا ٹائٹل جیت لیا،جہانگیر خان سکواش کمپلیکس پی ایس بی کراچی سینٹر میں کھیلے گئے ایونٹ کے ویمنز سنگلز کے فائنل میں واپڈا کی نور العین نے پنجاب کی رشنا محبوب کو سخت مقابلے کے بعد 3 -2سے شکست دے کر ٹائٹل اپنے نام کیا،بوائز انڈر 17کے فائنل میں خیبر پختونخوا کے عمیر عارف نے آرمی کے اذلان علی کو 11-9،11-8اور12-10سے شکست دے کر چیمپئن بننے کا اعزاز حاصل کیا،گرلز انڈر 15کے فائنل میں سندھ کی سحرش علی نے کے پی کی رانیہ قاضی کو 11-13،11-6،11-9 اور11 -7سے ہرا کر ٹائٹل اپنے نام کیا جبکہ بوائز انڈر 15کا فائنل پی اے ایف کے نعمان خان نے جیت لیا۔

کریڈٹ: انڈیپنڈنٹ نیوز پاکستان-آئی این پی

بھارتی ایئر لائن کے طیارے نے کراچی ایئر پورٹ پر ہنگامی لینڈنگ کی۔سول ایوی ایشن اتھارٹی (سی اے اے) کے ذرائع کے مطابق ایک مسافر کی طبیعت ناسازی پر ہنگامی لینڈنگ کی اجازت دی، پرواز کا مسافر لینڈنگ سے قبل ہی دوران پرواز انتقال کر گیا۔ذرائع نے کہا ہے کہ بھارتی ایئر لائن کے کپتان نے میڈیکل ایمرجنسی کی اطلاع دی، سی اے اے اور وفاقی وزارت صحت کے ڈاکٹرز نے مسافر کو چیک کیا، 60 سالہ مسافر عبداللہ لینڈنگ سے قبل ہی انتقال کر چکا تھا۔سول ایوی ایشن کے ذرائع کا کہنا تھا کہ مسافر نائیجیریا کا شہری ہے، بھارتی ایئر لائن کی پرواز نئی دہلی سے دوحہ جا رہی تھی۔ذرائع نے یہ بھی بتایا ہے کہ سی اے اے اور وزارت صحت کے ڈاکٹرز نے مسافر کا ڈیتھ سرٹیفکیٹ جاری کر دیا، بھارتی طیارہ واپس اپنی منزل کی جانب روانہ ہو گی-

کریڈٹ: انڈیپنڈنٹ نیوز پاکستان-آئی این پی

پاکستان میں امریکی سفیر ڈونلڈ بلوم نے کہا ہے کہ خیبر پختونخوا میں خواتین کے خلاف جرائم میں 60فیصد اضافہ ہوا ہے،خواتین کانفرنس سے خطاب کے دوران ڈونلڈ بلوم کا کہنا تھا کہ پاکستان میں پہلی مرتبہ خاتون کانفرنس کا انعقاد خوش آئند ہے ، اس کانفرنس کا مقصد خواتین آفیسرز کی حوصلہ افزائی کرنا ہے،امریکی سفیر نے کہا کہ دہشت گردی کیخلاف پاکستان کی پولیس نے جانوں کا نذرانہ پیش کیا ، پاکستان میں خواتین پولیسنگ کو بہتر بنانے کے لیے امریکا پاکستان کے ساتھ کھڑا ہے،ڈونلڈ بلوم نے کہا کہ خیبر پختونخوا میں خواتین کے خلاف جرائم میں 60فیصد اضافہ ہوا ہے، خواتین متاثرین کے لیے محفوظ ماحول بنانے کے لیے کونسلیں بنائی گئی ہیں، صوبے میں 100سے زائد خواتین افسران کو پولیس فورس میں شامل کیا گیا ہے،اس موقع پر وفاقی وزیر قانون اعظم نذیر تارڑ نے کہا کہ خواتین پولیس افسران گھر اور باہر تشدد کا سامنا کرنے والی خواتین کو محفوظ ماحول فراہم کر سکتی ہیں، خواتین کو بغیر کسی امتیاز اور ہراساں کیے کام کرنے کے لیے بہتر ماحول فراہم کرنا ضروری ہے۔

کریڈٹ: انڈیپنڈنٹ نیوز پاکستان-آئی این پی

لاہور کی اسپیشل کورٹ سینٹرل نے پراسیکیوٹر سے مکالمہ کرتے ہوئے کہا کہ آپ کے دلائل کوئی قابل اپیل نظر نہیں آ رہے، تفصیلات کے مطابق پیر کو اسپیشل کورٹ سینٹرل میں سلیمان شہباز سمیت دیگر کے خلاف منی لانڈرنگ کیس کی سماعت ہوئی،سلیمان شہباز اپنے وکیل امجد پرویز کے ہمراہ عدالت میں پیش ہوئے،اسپیشل پراسیکیوٹر فاروق باجوہ نے دلائل دیتے ہوئے کہا کہ تفتیشی افسر دستیاب نہیں اس کی اسلام آباد میں ٹریننگ ہے، ریکارڈ آ چکا ہے،عدالت نے امجد پرویز ایڈووکیٹ سے استفسار کیا کہ کیا آپ بریت کی درخواستوں پر دلائل کے لیے تیار ہیں؟وکیل امجد پرویز نے کہا کہ میں مودبانہ معروضات پیش کرنے کے لیے تیار ہوں،عدالت نے پراسیکیوٹر سے استفسار کیا کہ آپ سے تحریری دلائل مانگے تھے،اسپیشل پراسیکیوٹر فاروق باجوہ نے کہا کہ تفتیشی افسر ٹریننگ پر ہیں، عدالتی حکم پر تعمیل ہو گی، سلیمان شہباز کے وکیل دلائل دے دیں، اس کے بعد میں دلائل دے دوں گا،وکیل امجد پرویز نے مقدمے کے اندراج اور شہباز شریف کی گرفتاری سے دلائل کا آغاز کرتے ہوئے کہا کہ نیب نے اسی نوعیت کے الزامات پر سلیمان کے والد اور بھائی کو گرفتار کیا اور شامل تفتیش کیا، مقدمہ درج کرنے کے بعد ایف آئی اے نے اس کیس کو ایک سال تک دبائے رکھا،سلیمان شہباز کے وکیل نے کہا کہ بینکنگ جرائم عدالت کے حکم پر مقدمہ کا عبوری چالان ایک سال بعد پیش کیا گیا، عبوری چالان میں بینکرز کے کردار کا تعین نہیں کیا گیا، بعدازاں ایف آئی اے نے بینکرز کی حد تک معاملہ اسٹیٹ بینک کو بھجوا دیا،وکیل امجد پرویز نے کہا کہ بینکنگ جرائم عدالت نے بینکرز پر الزام علیحدہ ہونے پر معاملہ اپنے دائرہ اختیار سے باہر قرار دے دیا

ضابطہ فوجداری کے تحت 164کے بیانات کی نقول بھی شہباز شریف کی درخواست پر فراہم کی گئیں، شہباز شریف اور حمزہ شہباز کی بریت کے بعد کوئی بھی ملزم پبلک سرونٹ نہیں،فاضل جج نے وکیل امجد پرویز سے سوال کیا کہ کیا آپ اس کیس میں بریت کے لیے دلائل دے رہے ہیں یا دائرہ اختیار پر بحث کر رہے ہیں؟وکیل امجد پرویز نے کہا کہ دائرہ اختیار کا نکتہ پہلے طے ہونا چاہیے اس کے بعد بریت پر دلائل سن لیے جائیں، شہباز شریف کی بریت کا فیصلہ چیلنج نہ ہونے پر حتمی صورت اختیار کر چکا ہے، پبلک سرونٹ کی بریت کے بعد پرائیویٹ ملزموں کی قسمت کیا ہو گی اس پر اعلی عدلیہ کے فیصلے موجود ہیں،انہوں نے کہا کہ پبلک آفس ہولڈر ملزموں کی بریت کے بعد کرپشن کا الزام پرائیویٹ افراد پر نہیں لاگو ہوتا، پبلک آفس ہولڈر کی بریت کے بعد پرائیویٹ افراد کے خلاف مقدمہ اس عدالت میں نہیں چل سکتا، سلیمان شہباز اور طاہر نقوی کو بے گناہ قرار دیا گیا ہے،اسپیشل پراسیکیوٹر نے دلائل دیتے ہوئے کہا کہ جو دلائل امجد پرویز نے دیے اور جو حقائق بتائے وہ ریکارڈ کا حصہ ہیں، شہباز شریف اور حمزہ شہباز کے علاوہ کوئی بھی ملزم پبلک آفس ہولڈر نہیں، سلیمان شہباز اور طاہر نقوی پر الزام ثابت نہیں ہو سکا، کیس کی قانونی حیثیت پر کوئی اعتراض نہیں ہے،عدالت نے پراسیکیوٹر سے مکالمہ کرتے ہوئے کہا کہ آپ کے دلائل کوئی قابل اپیل نظر نہیں آ رہے،اسپیشل پراسیکیوٹر نے کہا کہ بدقسمتی سے مجھے کیس ہی ایسا ملا ہے جو سارے کا سارا ریکارڈ پر کھڑا ہے، قانونی طور پر جو الزامات پرائیویٹ افراد پر ہیں ان کے تحت اس عدالت کا اختیار سماعت کا نہیں۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے وفاقی حکومت کو توشہ خانہ سے تحائف وصول کرنے سے متعلق 2002سے پہلے کا ریکارڈ فوری پیش کرنے کا حکم دے دیا، تفصیلات کے مطابق عدالت نے توشہ خانہ سے تحائف وصول کرنے والی شخصیات کی تفصیلات فراہم کرنے کی درخواست پر سماعت کی،لاہور ہائیکورٹ کے جسٹس عاصم حفیظ نے حکم دیا کہ توشہ خانے کا 2002سے پہلے کا ریکارڈ جس شکل میں بھی موجود ہے پیش کیا جائے،عدالت مکمل جائزہ لینے کے بعد حکم جاری کرے گی، یہ بھی دیکھیں گے کہ تحفے کس نے دیئے ہیں،جسٹس عاصم حفیظ نے ریمارکس میں کہا کہ اس پہلو کا جائزہ لینا بھی ضروری ہے کہ تحائف کیوں دیئے جاتے ہیں، کیا تحفہ اس لیے دیا جاتا ہے کہ بدلے میں کوئی فائدہ لیا جائے، ہم اتنے خوبصورت تو نہیں کہ کوئی بیوٹی کونٹیسٹ میں تحفہ جیت لیا ہو،درخواست گزار کے وکیل نے موقف اختیار کیا کہ ایک وزیر تحفہ لے رہا ہو تو سمجھ آتی ہے مگر جن کے پاس سرکاری عہدہ ہے وہ تحفہ کیسے لے سکتے ہیں،عدالت نے کہا کہ ہمارے پاس یہ معاملہ نہیں ہے اس کے لیے متعلقہ فورم موجود ہے۔

کریڈٹ: انڈیپنڈنٹ نیوز پاکستان-آئی این پی

عالمی مالیاتی بینک حکام نے ملک میں سیلاب سے متاثرہ علاقوں کی ازسر نو تعمیر شروع کرنے کی تجویز دیتے ہوئے پاکستان میں سیلاب کے بعد ہیٹ ویوز جیسے خطرات سے خبردار کر دیا، تفصیلات کے مطابق پیر کو وزیراعلی سندھ مراد علی شاہ سے ورلڈبینک کے ڈائریکٹر جنوبی ایشیا جان اے روم کی سربراہی میں وفد نے ملاقات کی جس میں وزیراعلی کے ہمراہ صوبائی وزرا، مشیر، چیف سیکرٹری، چیئرمین پی اینڈ ڈی سمیت دیگر حکام شریک تھے جب کہ اجلاس میں مختلف منصوبوں کی پیش رفت پر تبادلہ خیال کیا گیا،ترجمان کے مطابق اس موقع پر ورلڈبینک وفد نے کہا کہ پاکستان میں موسمی تبدیلیوں کے باعث 2022میں تباہ کن بارشیں اور سیلاب آئے جس میں 1700لوگ جاں بحق، 33ملین لوگ متاثر ہوئے اور 16بلین ڈالرز کا نقصان ہوا، سیلاب کے بعد اب ہیٹ ویوز جیسے خطرات بھی ہو سکتے ہیں،ورلڈ بینک وفد نے تجویز دی کہ ملک میں سیلاب متاثر علاقوں میں تعمیر نو شروع کی جائے، زراعت کے شعبے پر خصوصی توجہ دے کر اسے بحال کیا جائے، ملک میں جدید زراعت کے طریقے اور زراعت پانی کی نکاسی کا نظام لانا ہوگا،وزیراعلی سندھ نے وفد سے گفتگو میں کہا کہ سندھ میں زراعت کی بحالی کے لیے اقدامات کیے گئے ہیں، ہاریوں کو گندم کے بیج کے لیے ورلڈ بینک کی مدد سے مالی مدد کی گئی جب کہ زرعی زمینوں سے پانی کی نکاسی کرکے خریف کی فصل اگائی ہے،مراد علی شاہ کا کہنا تھا کہ اس سال سندھ میں گندم کی بہترین فصل ہوئی ہے اور سندھ حکومت نے گندم کی سپورٹ پرائس 4000روپے فی من مقرر کی ہے، گندم کی اچھی فصل اور کاشتکاروں کو اچھی قیمت ملنے سے ان کی بحالی ممکن ہوگی۔

کریڈٹ: انڈیپنڈنٹ نیوز پاکستان-آئی این پی

لاہور ہائی کورٹ نے چیئرمین پاکستان تحریک انصاف (پی ٹی آئی)عمران خان کی تقاریر اور بیانات نشر کرنے پر پاکستان الیکٹرونک میڈیا ریگولیٹری اتھارٹی (پیمرا)کی پابندی کا نوٹیفکیشن معطل کرنے کے حکم امتناع میں 20مارچ تک توسیع کردی، تفصیلات کے مطابق پیر کو عمران خان کی تقاریر نشر کرنے پر پابندی کے خلاف درخواست کی لاہور ہائی کورٹ میں سماعت ہوئی، چیف جسٹس لاہور ہائی کورٹ جسٹس امیربھٹی کی سربراہی میں3رکنی فل بینچ نے سماعت کی،عدالت نے پابندی کا نوٹیفکیشن معطل کرنیکے حکم امتناع میں مارچ تک توسیع کرتے ہوئے پیمرا کے وکیل کو دائرہ اختیار سے متعلق تحریری دلائل داخل کرانے کی ہدایت کر دی۔

کریڈٹ: انڈیپنڈنٹ نیوز پاکستان-آئی این پی

شمالی کوریا نے مزید 2 میزائلوں کا کامیاب تجربہ کرلیا، میزائل آبدوز کے ذریعے فائر کئے گئے۔ غیرملکی میڈیا کے مطابق شمالی کوریا کی جانب سے یہ تجربہ جنوبی کوریا اور امریکا کی جنگی مشقوں کے آغاز سے چند گھنٹے قبل کیا گیا۔ دوسری جانب جنوبی کوریا کے جوائنٹ چیفس آف اسٹاف کا کہنا ہے کہ ان کی شمالی کوریا کے میزائل تجربے کے بعد ان کی فوج ہائی الرٹ ہوگئی ہے جبکہ انٹیلی جنس ایجنسی اپنے امریکی ہم منصب کے ساتھ مل کر لانچ کی تفصیلات کا تجزیہ کر رہی ہے۔

کریڈٹ: انڈیپنڈنٹ نیوز پاکستان-آئی این پی

سعودی عرب کا پرچم ڈیزائن کرنے والے معروف خطاط صالح المنصوف انتقال کرگئے ۔ عرب میڈیا کے مطابق سعودی خطاط صالح المنصوف، جنہوں نے سعودی عرب کے پرچم پرسفید رنگ سے کلمہ طیبہ اور تلوار کے ڈیزائن کو اپ ڈیٹ کیا ، 86 برس کی عمر میں مملکت کے یوم پرچم سے عین قبل انتقال کر گئے۔ رپورٹس کے مطابق المنصوف پہلے سعودی خطاط تھے جنہوں نے ٹیکنالوجی اور پرنٹنگ کے آلات دستیاب نہ ہونے کے باوجود 1960 کی دہائی کے اوائل میں سفید رنگ سے سعودی عرب کے جھنڈے پر تلوار اور کلمہ ہاتھ سے لکھنے کا اعزاز حاصل کیا۔

کریڈٹ: انڈیپنڈنٹ نیوز پاکستان-آئی این پی

بھارتی حکومت نے سپریم کورٹ میں جمع کروائے گئے حلف نامے میں ہم جنس پرستوں کی شادیوں کی مخالفت کرتے ہوئے اسے بھارت کے خاندانی نظام کے نظریے کے منافی قرار دے دیا۔ مرکزی بھارتی حکومت کی جانب سے عدالت میں جمع کروائے گئے حلف نامے میں مقف اختیار کیا گیا ہے کہ بھارت میں خاندان کا نظریہ بائیولوجیکل مرد اور عورت پر مشتمل ہے، جبکہ عدالت کیلئے بھی ممکن نہیں کہ ایسے تمام قوانین اور پالیسیوں کو تبدیل کر دے جس کی جڑیں مذہبی اور سماجی اقدار میں بہت گہری ہیں۔ بھارتی سپریم کورٹ میں ہم جنس پرستوں کی شادیوں سے متعلق مقدمے کی سماعت کے دوران حکومت نے موقف اختیار کیا کہ ہم جنس پرستوں کے ایک ساتھ رہنے کو قابل سزا جرم کے کیٹگری سے نکال دیا گیا ہے تاہم یہ بھارت کے شوہر، بیوی اور بچوں پر مشتمل فیملی یونٹ کے نظریے کے مترادف نہیں ہو سکتا۔حکومت نے موقف اختیار کیا کہ مختلف مذاہب میں بھی شادی کے ادارے کو الگ نظریے سے دیکھا جاتا ہے ہندو مذہب کے مطابق مرد اور عورت کا ملن ایک مقدس باہمی فریضہ ہے جسے دونوں کو مل کر پورا کرنا ہے، اسی طرح مسلمانوں میں یہ عورت اور مرد کے درمیان ایک معاہدہ ہے، لیکن ہم جنس پرستی اس سے بالکل مختلف ہے جس وجہ سے اسے یکساں نہیں سمجھا جا سکتا۔واضح رہے کہ عدالت نے گزشتہ برس نومبر میں نوٹس جاری کرتے ہوئے ہم جنس پرستوں کی شادیوں کو متعلقہ کمیونٹی کے لوگوں کا بنیادی حق قرار دیا تھا۔

کریڈٹ: انڈیپنڈنٹ نیوز پاکستان-آئی این پی

ایران میں اسکول کی بچیوں کو زہر دینے کے معاملے میں حکام نے 100سے زائد مشتبہ ملزمان کو گرفتار کر لیا۔ ایرانی میڈیا کے مطابق ایرانی وزارت داخلہ کا کہنا ہے کہ ملک کے مختلف علاقوں میں اسکول کی بچیوں کو زہر دینے کے واقعات میں ملوث مشتبہ افراد کی نشاندہی اور گرفتاری کے بعد ان سے تفتیش کی جا رہی ہے۔ ایرانی وزارت داخلہ کے ایک بیان کے مطابق ابتدائی تحقیقات سے معلوم ہوا ہے کہ ان لوگوں نے اسکول بند کرانے کے مقصدسے شرارت اور مہم جوئی کرتے ہوئے خوف کی فضا قائم کرنے کیلئے اسکولوں میں بے ضرر اور بدبودار مادوں کا استعمال کیا تھا۔ واضح رہے کہ کچھ روز قبل ایران میں بچیوں کو اسکول جانے سے روکنے کیلئے زہر دینے کے واقعات کا انکشاف ہوا تھا۔

کریڈٹ: انڈیپنڈنٹ نیوز پاکستان-آئی این پی

بھارت میں سفاک بیٹے نے جائیداد کے تنازع پر باپ کو قتل کرکے لاش کے ٹکڑے کرکے بیگ میں چھپا دیئے۔ بھارتی میڈیا کے مطابق واقعہ ریاست اترپردیش کے علاقے گورکھ پور میں پیش آیا جہاں جواں سال بیٹے نے 62سالہ باپ کو ہتھوڑے کے وار کرکے قتل کردیا اور لاش کے ٹکڑے بھی کردیے۔ مقامی پولیس کے مطابق واقعہ سورج کند کالونی میں پیش آیا جہاں 30سالہ سنتوش کمار گپتا نے اپنے والد پرشانت گپتا کو جائیداد کے تنازع پر ہتھوڑے کے وار کرکے قتل کیا جس کی اطلاع ملزم کے بھائی نے پولیس کو دی۔ پولیس کا بتانا تھاکہ ملزم کے بھائی کی جانب سے اطلاع دینے پر قتل کا مقدمہ درج کیا گیا جس کے مطابق ملزم سنتوش نے جائیداد کے معاملے پر باپ کو قتل کیا اور لاش کے ٹکڑے کرکے سوٹ کیس میں بند کردیے، ملزم نے یہ سوٹ کیس گھر کے پیچھے زمین میں چھپا دیا،پولیس کا کہنا تھا کہ وقوعہ کے وقت مقتول گھر میں اکیلا تھا اور ملزم نے اس کا فائدہ اٹھاتے ہوئے واردات کی جس سے اس کا باپ موقع پر ہی ہلاک ہوگیا، مقتول کے بیٹے کی جانب سے شکایت درج کرانے پر لاش کو گھر کے پیچھے سے برآمد کرلیا گیا۔

کریڈٹ: انڈیپنڈنٹ نیوز پاکستان-آئی این پی

ایران کے وزیر خارجہ نے دعوی کیا ہے کہ امریکا کے ساتھ قیدیوں کا تبادلہ جلد ہی ہو سکتا ہے اور اس حوالے سے ابتدائی معاہدہ طے پا گیا ہے جبکہ امریکی حکام نے ان دعوں کو غلط قرار دیا ہے،غیر ملکیمیڈیا کے مطابق ایرانی وزیر خارجہ حسین امیر عبد اللہیان نے اپنے ایک انٹرویو کے دوران کہا کہ ہم نے قیدیوں کے تبادلے سے متعلق گزشتہ چند دنوں میں ایک معاہدہ کیا تھا اور اگر امریکا کی جانب سے سب کچھ ٹھیک رہا تو مجھے لگتا ہے کہ ہم مختصر مدت میں قیدیوں کے تبادلے کا مشاہدہ کریں گے،دوسری جانب وائٹ ہائوس کی قومی سلامتی کونسل کے ترجمان نے ایران کے زیر حراست امریکی شہریوں کی رہائی کے لیے کسی بھی معاہدے کی تردید کی اور ایران کی جانب سے کئے جانے والے دعووں کو جھوٹا قرار دیا،ترجمان نے تین ایرانی نژاد امریکی شہریوں کا حوالہ دیتے ہوئے کہا کہ بدقسمتی سے ایرانی حکام چیزوں کو بنانے میں ہچکچاہٹ محسوس نہیں کریں گے اور تازہ ترین ظالمانہ دعوی ان قیدیوں کے خاندانوں کے لیے مزید تکلیف کا باعث بنے گا۔

کریڈٹ: انڈیپنڈنٹ نیوز پاکستان-آئی این پی

ترک صدر رجب طیب اردوان نے کہا ہے کہ ترکیہ نے زلزلے کے بعد سے اپنے تمام اداروں، اہلکاروں اور وسائل کو آفت زدہ علاقوں کے لیے متحرک کر دیا ہے،غیر ملکی میڈیا کے مطابق ترک صدر نے زلزلہ سے متاثرہ صوبے ہتاے کا دورہ کیا اور اس موقع پر کہا کہ کسی کو اس میں کوئی شک نہیں ہونا چاہیے کہ ریاست اور قوم کے تمام وسائل کو زلزلہ زدہ علاقے کے لیے متحرک کر دیا گیا ہے،اردوان نے کہا کہ ہم نے اپنی فوج، پولیس، ہیلتھ کیئر پروفیشنلز، ماہرین تعلیم، تمام متعلقہ اداروں کے اہلکاروں اور اپنی تمام گاڑیاں، ہوائی جہاز سے لے کر ہیلی کاپٹروں اور بحری جہازوں کو اپنے زلزلہ زدگان کے لیے متحرک کر دیا ہے،انہوں نے کہا کہ کوئی ملک ایسا نہیں جو ترکیہ سے زیادہ تیزی سے ایسی تباہی کا سامنا کر سکے۔

کریڈٹ: انڈیپنڈنٹ نیوز پاکستان-آئی این پی

لیبیا کے قریب تارکین وطن کی کشتی الٹنے سے 30افراد لاپتا ہو گئے۔ اٹالین کوسٹ گارڈز کے مطابق قریب میں موجود بحری جہاز نے تارکین وطن کو بچانے کی کوشش کی جس کے نتیجے میں کچھ افراد کو بچا بھی لیا گیا، حادثے میں تقریبا 17 افراد کو بچا لیا گیا ہے جبکہ 30اب بھی لاپتا ہیں،خیال رہے کہ کچھ روز قبل اٹلی میں بھی کشتی ڈوبنے کے حادثے میں 4پاکستانی جاں بحق ہوئے تھے،ترکیہ سے اٹلی جانے والے غیرقانونی مہاجرین کی کشتی سمندر میں چٹان سے ٹکرا کر ڈوب گئی تھی جس کے نتیجے میں پاکستانیوں سمیت 59افراد ہلاک ہوئے تھے۔

کریڈٹ: انڈیپنڈنٹ نیوز پاکستان-آئی این پی

سعودی عرب نے کہا ہے کہ ایران سے سفارتی تعلقات بحالی کا مطلب ایران سے تمام اختلافات کا خاتمہ نہیں۔ عرب میڈیا کو ایک انٹرویو میں سعودی عرب کے وزیرخارجہ شہزادہ فیصل بن فرحان نے کہا کہ ایران اور سعودی عرب بات چیت کے ذریعے اختلافات حل کرنا چاہتے ہیں، دونوں ممالک کے درمیان مفاہمت کا معاہدہ مشترکہ خواہشات کا عکاس ہے،انہوں نے کہا کہ سعودی عرب سے سفارتی تعلقات کی بحالی کا یہ مطلب نہیں ہے کہ تمام باہمی اختلافات ختم ہوگئے ہیں، اگلے 2ماہ میں ایران اور سعودی عرب کے سفارتی تعلقات بحال ہوجائیں گے، ایرانی ہم منصب سے جلد ملاقات کا منتظر ہوں۔

کریڈٹ: انڈیپنڈنٹ نیوز پاکستان-آئی این پی

امریکی صدر جوبائیڈن نے بینکنگ بحران کے ذمہ داروں کیخلاف کارروائی کا فیصلہ کیا ہے۔ امریکی میڈیا کے مطابق صدر جوبائیڈن نے کہا کہ سلیکون ویلی بینک اور سگنیچربینک دیوالیہ کرنے والوں کا احتساب ہوگا۔ انہوں نے کہا میں یقین دلاتاہوں ان بینکوں میں موجود شہریوں کے اثاثے محفوظ ہیں۔ جوبائیڈن نے کہا کہ مستقبل میں بڑے بینکوں کی نگرانی اور انہیں مستحکم کرنے کے لیے پرعزم ہوں، کوشش کررہے ہیں کہ عوام کو آئندہ اس قسم کی صورتحال کا سامنا نہ کرناپڑے۔ دوسری جانب امریکی فیڈرل ڈپازٹ انشورنس کا کہنا تھاکہ بینک کے دفاتر کھول دییگئے اور بینک میں سرمایہ رکھنے والے صارفین اپنی رقوم نکلوانا شروع کر دی ہیں ۔

کریڈٹ: انڈیپنڈنٹ نیوز پاکستان-آئی این پی

روپے کے مقابلے میں امریکی ڈالر کی قیمت میں اضافے کا سلسلہ جاری ہے،کاروباری ہفتے کے پہلے روز کاروبار کے آغاز پر ہی انٹر بینک میں ڈالر نے اڑان بھر لی، 2 روپے 23 پیسے اضافے کے ساتھ انٹر بینک میں امریکی کرنسی 283 روپے پر ٹریڈ کر رہی ہے،یاد رہے کہ گزشتہ کاروباری ہفتے کے دوران انٹربینک میں ڈالر کی قدر میں 2 روپے 31 پیسے اضافہ ہوا، گزشتہ ہفتے کاروبار کے اختتام پر انٹر بینک میں ڈالر 280 روپے 77 پیسے پر بند ہوا تھا،دوسری جانب پاکستان سٹاک مارکیٹ سٹاک ایکسچینج میں بھی مثبت رجحان دیکھنے میں آیا ہے، 100 انڈیکس 486 پوائنٹس اضافے کے ساتھ 42 ہزار 280 پوائنٹس کی سطح پر آگیا ہے۔

کریڈٹ: انڈیپنڈنٹ نیوز پاکستان-آئی این پی

لاہور ہائی کورٹ نے چوہدری شجاعت حسین کو پاکستان مسلم لیگ ق کے سربراہ کے عہدے پر برقرار رکھنے کے خلاف درخواست پر سماعت کرتے ہوئے الیکشن کمیشن کو جواب جمع کروانے کے لیے مہلت دے دی،عدالتِ عالیہ کے جسٹس عاصم حفیظ نے چوہدری وجاہت حسین کی درخواست پر سماعت کی،درخواست گزار کی جانب سے عامر سعید راں ایڈووکیٹ عدالت میں پیش ہوئے،دورانِ سماعت الیکشن کمیشن کے وکیل نے جواب جمع کروانے کے لیے مہلت کی استدعا کر دی،درخواست میں الیکشن کمیشن اور چوہدری شجاعت حسین کو فریق بنایا گیا ہے،عدالتِ نے الیکشن کمیشن کو جواب جمع کروانے کے لیے 15مارچ تک مہلت دے دی۔

کریڈٹ: انڈیپنڈنٹ نیوز پاکستان-آئی این پی

کندھ کوٹ پولیس نے ڈاکوں کی جانب سے چیک پوسٹ پر حملہ کرکے اغوا کیے گئے 2 اہلکاروں کوبازیاب کرالیا،ایس ایس پی کندھ کوٹ کے مطابق ڈاکوں سے مقابلے کے بعد اہلکاروں کوبازیاب کرایا گیا، جوابی فائرنگ میں بھیوگینگ کیڈاکواہلکاروں کو چھوڑکرفرار ہوگئے،ایس ایس پی کا کہنا تھا کہ فرار ہونے والے ڈاکوں کی گرفتاری کے لیے گھرگھرتلاشی جاری ہے، اہلکاروں کی بازیابی کے لیے کچے کیدرانی مہر میں آپریشن کیا گیا جس دوران ڈاکوں کے ٹھکانوں کوگراکرآگ لگا دی،واضح رہے کہ اہلکار عبدالغفار اور سجادجکھرانی کو 2روز قبل دوڑ چیک پوسٹ سے اغوا کیا گیا تھا۔

کریڈٹ: انڈیپنڈنٹ نیوز پاکستان-آئی این پی

وفاقی وزیر اطلاعات و نشریات مریم اورنگزیب نے توشہ خانہ کا کوئی تحفہ اپنے پاس نہیں رکھا، ٹوئٹر پر وزارت اطلاعات نے بیان جاری کرتے ہوئے کہا ہے کہ وفاقی وزیر اطلاعات نے تمام تحائف توشہ خانہ میں جمع کروائے،مریم اورنگزیب نے ایک رولیکس واچ سیریل نمبر W278343RBR-0024ماڈل 96 PA Oyster M96PA0021مالیت 27 لاکھ 50 ہزار روپے مورخہ 19مئی 2022 کو توشہ خانہ میں جمع کروائی۔

کریڈٹ: انڈیپنڈنٹ نیوز پاکستان-آئی این پی

سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ بات توشہ خانہ اور کورٹ مارشل سے بہت آگے نکل چکی ہے، ایسا وقت بھی آئے گا کہ بھوک سے مارے لوگ دفعہ 144 کے 144 ٹکڑے کر دیں گے، ٹوئٹر پر اپنے پیغام میں شیخ رشید احمد نے لکھا کہ پاکستان میں غریب صرف جان دینے، جیل جانے اور لاٹھیاں کھانے کے لیے پیدا ہوا ہے، اشرافیہ صرف اقتدار کے لیے پیدا ہوئی ہے، غریب کو مفت روٹی نہیں مفت قبر چاہیے،انہوں نے کہا کہ میں ایوب خان کے اٹک قلعہ میں بھی رہا ہوں، لیکن صنف نازک پے تشدد پہلی بار اس حکومت میں سنا ہے،کئی لوگ جمہوریت کے لیے شہید ہوتے دیکھے، جس میں 5 لال حویلی کے شہید بھی شامل ہیں، لیکن جتنا گہرا زخم قوم نے ظل شاہ کا اپنے دل پے لگایا ایسا کبھی سوچا بھی نہ تھا،کئی لوگ جمہوریت کیلیے شہیدہوتے دیکھے جس میں5لال حویلی کے شہیدبھی شامل ہیں لیکن جتناگہرازخم قوم نے ظلے شاہ کااپنے دل پے لگایاایساکبھی سوچا بھی نہ تھاپاکستان میں غریب صرف جان دینے جیل جانیاورلاٹھیاں کھانے کیلیے پیداہواہے اشرافیہ صرف اقتدارکیلیے پیداہوئی ہیں غریب کو مفت روٹی نہیں مفت قبرچاہیے،سربراہ عوامی مسلم لیگ کا کہنا تھا کہ بلورانی امریکا سے نہیں آ رہی، نانی بابے کو نہیں بلا رہی، خلق خدا، لوگ کاغذات جمع کروا رہے ہیں اور الیکشن کمیشن گومگو میں ہے، ن لیگ اسٹیبلشمنٹ اور عدلیہ کے خلاف بیکار بیانیہ بنا رہی ہے،انہوں نے کہا کہ ایسا محسوس ہوتا ہے اپریل، مئی، جون کے 90دن انتہائی خوفناک ہوں گے، یہ ہفتہ بھی آئی ایم ایف کی سٹاف لیول میٹنگ کے بغیر گزر گیا، سعودی عرب، چین سے بھی کوئی مدد نہیں ملی۔

کریڈٹ: انڈیپنڈنٹ نیوز پاکستان-آئی این پی

تحریک انصاف نے الیکشن کا شیڈول جاری ہونے کے بعد دفعہ 144کے نفاذ کو لاہور ہائیکورٹ میں چیلنج کر دیا،لاہور ہائیکورٹ میں درخواست تحریک انصاف کے حماد اظہر نے اظہر صدیق کی وساطت سے دائر کی، درخواست میں الیکشن کمیشن، پنجاب حکومت سمیت دیگر کو فریق بنایا گیا ہے،درخواست گزار نے کہا کہ الیکشن کا شیڈول جاری ہونے کے بعد دفعہ 144نافذ نہیں کی جاسکتی، نگران پنجاب حکومت نے الیکشن کا شیڈول جاری ہونے کے بعد دفعہ 144نافذ کی،درخواست میں استدعا کی گئی کہ عدالت نگران پنجاب حکومت کے اقدام کو غیر قانونی قرار دے اور مستقبل میں بھی دفعہ 144 کے حوالے سے گائیڈ لائن جاری کرے،واضح رہے چیئرمین پاکستان تحریک انصاف عمران خان نے اتوار کو انتخابی مہم کے سلسلے میں ریلی نکالنے کا اعلان کیا تھا جس کے بعد لاہور کی انتظامیہ نے شہر میں دفعہ 144 لگا کر پولیس کی بھاری نفری تعینات کرنے ساتھ ساتھ رینجرز کو بھی طلب کر لیا تھا۔

کریڈٹ: انڈیپنڈنٹ نیوز پاکستان-آئی این پی

لاہور ہائی کورٹ میں پاکستان تحریک انصاف کے کارکن علی بلال المعروف ظل شاہ کی ہلاکت کی تحقیقات کے لیے جوڈیشل کمیشن بنانے کیلئے درخواست دائر کر دی گئی،عدالت میں ظل شاہ کی موت کی تحقیقات کے لیے جوڈیشل کمیشن بنانے کی درخواست ایڈووکیٹ ندیم سرور کی جانب سے دائر کی گئی ہے،درخواست میں پنجاب حکومت، آئی جی پولیس اور ڈپٹی کمشنر سمیت دیگر کو فریق بنایا گیا ہے،درخواست گزار نے عدالت سے استدعا کی ہے کہ ظل شاہ کی ہلاکت کی تحقیقات کے لیے عدالتی کمیشن تشکیل دیا جائے۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کے چیئرمین اور سابق وزیراعظم عمران خان نے توشہ خانہ کیس میں الیکشن کمیشن کی شکایت خارج اور ایک روز کیلئے حاضری سے استثنی کی درخواست دائر کر دی،اسلام آباد کی ڈسٹرکٹ اینڈ سیشنز کورٹ نے عمران خان کو فرد جرم عائد کرنے کیلئے گزشتہ روز طلب کر رکھا تھا، سابق وزیراعظم کی درخواست پر اسلام آباد ہائی کورٹ نے ناقابل ضمانت وارنٹ معطل کر کے پیشی کا حکم دیا تھا،ایڈیشنل سیشن جج ظفر اقبال توشہ خانہ کیس کی سماعت کر رہے ہیں، ن لیگ کے رہنما محسن شاہنواز رانجھا عدالت میں موجود تھے،عمران خان کے وکیل خواجہ حارث نے ڈسٹرکٹ اینڈ سیشن کورٹ میں دلائل دیتے ہوئے کہا کہ ایسا نہیں ہے کہ عمران خان جان بوجھ کر پیش نہیں ہو رہے، ہم نے اسلام آباد ہائی کورٹ اور لاہور ہائی کورٹ میں پٹیشنز دائر کی ہیں، عمران خان کو سکیورٹی تھریٹس ہیں، عمران خان پر قاتلانہ حملہ ہوا اور وہ زخمی بھی ہوئے،وکیل خواجہ حارث نے حاضری سے استثنی کے ساتھ سابق وزیراعظم عمران خان کے خلاف الیکشن کمیشن کی شکایت ناقابل سماعت قرار دینے کی استدعا بھی کر دی،خواجہ حارث نے درخواست کی کہ وارنٹ گرفتاری جاری کرنے سے پہلے کیس کے قابل سماعت ہونے کا فیصلہ کیا جائے، عمران خان کے وارنٹ گرفتاری جاری نہیں ہوسکتے، الیکشن کمیشن نے توعمران خان کیخلاف شکایت کی نہیں، عمران خان کے خلاف شکایت ڈسٹرکٹ الیکشن کمیشن نے کی، شکایت میں صرف ہدایات دی گئیں کہ عمران خان کیخلاف کارروائی کی جائے،عمران خان کے وکلا نے فرد جرم عائد کرنے کی مخالفت کر دی اور دلائل میں کہا کہ عمران خان کو نوٹس جاری ہوں گے، پیش نہ ہونے پر وارنٹ جاری ہوسکتے ہیں، اسلام آباد ہائی کورٹ نے ایک روز کیلئے وارنٹ گرفتاری منسوخ کرنے کا فیصلہ دیا اور قانون کے مطابق کارروائی آگے بڑھانے کی ہدایت کر دی۔

کریڈٹ: انڈیپنڈنٹ نیوز پاکستان-آئی این پی

جنیوا(شِنہوا) سوئس لاجسٹکس کمپنی کوہنے پلس  ناگل چین کی جانب سے نوول کرونا وائرس کی روک تھام کے اقدامات اوراس کی مستحکم  کھپت کی طاقت کی بدولت چینی معیشت کے بارے میں  بہت پراعتماد ہے۔

کمپنی  کے ایشیا  بحرالکاہل کے صدر نے کہا  ہے کہ یہ  کمپنی دنیا کی دوسری سب سے بڑی معیشت میں سرمایہ کاری جاری رکھے گی ۔

کوہنے پلس ناگل کے ایشیا بحرالکاہل خطے کے صدر وونگ سیو لونگ نے شنگھائی سے ایک ورچوئل انٹرویو میں شِنہوا کو بتایا  کہ چین ہمارے لیے بہت اہم کردار ادا کرتا رہے گا ۔

انہوں نے کہا کہ میں نے ہمیشہ یہ بات کھلے دل سے کہی ہے کہ دنیا چین کے بغیر نہیں رہ سکتی اور چین باقی دنیا کے بغیر نہیں رہ سکتا۔ یہ ایک بہت ہی باہم  جڑا ہوا رشتہ ہے جو برقراررہے گا۔

سوئٹزرلینڈ کے سینڈ لیگی میں صدر دفتر  قائم کر نے والا سوئس گروپ دنیا کی معروف لاجسٹکس کمپنیوں میں سے ایک ہے اور دنیا بھر میں سمندری  اور فضائی مال برداری کی سب سے بڑی کمپنیوں میں سے ایک ہے۔

سیو لونگ نے چینی معیشت کی کارکردگی کے بارے میں مثبت رائے کا اظہار کرتے ہوئے  کہا کہ ہم باقی دنیا کے ساتھ تعاون بارے  بہت پراعتماد ہیں۔ ہمیں یقین ہے کہ معیشت آگے بڑھے گی۔

سال 2023کے لیے چین کی مجموعی ملکی پیداوار کے تقریباً 5 فیصد کے ہدف کا حوالہ دیتے ہوئے کمپنی کے  صدر نے کہا کہ بڑی  آبادی  کے باعث چین میں خرچ کرنے کی صلاحیت کا کہیں اورکوئی متبادل نہیں ہے اور کم از کم مسقبل قریب میں توکوئی نہیں ہے۔

انہوں نے کہا کہ پانچ فیصد ایک بہت اہم ہندسہ ہے۔ اسی لیے ہمیں بہت یقین ہے کہ ہم چین میں مناسب وقت پر مناسب جگہوں پر سرمایہ کاری جاری رکھیں گے۔

جنیوا(شِنہوا) سوئس لاجسٹکس کمپنی کوہنے پلس  ناگل چین کی جانب سے نوول کرونا وائرس کی روک تھام کے اقدامات اوراس کی مستحکم  کھپت کی طاقت کی بدولت چینی معیشت کے بارے میں  بہت پراعتماد ہے۔

کمپنی  کے ایشیا  بحرالکاہل کے صدر نے کہا  ہے کہ یہ  کمپنی دنیا کی دوسری سب سے بڑی معیشت میں سرمایہ کاری جاری رکھے گی ۔

کوہنے پلس ناگل کے ایشیا بحرالکاہل خطے کے صدر وونگ سیو لونگ نے شنگھائی سے ایک ورچوئل انٹرویو میں شِنہوا کو بتایا  کہ چین ہمارے لیے بہت اہم کردار ادا کرتا رہے گا ۔

انہوں نے کہا کہ میں نے ہمیشہ یہ بات کھلے دل سے کہی ہے کہ دنیا چین کے بغیر نہیں رہ سکتی اور چین باقی دنیا کے بغیر نہیں رہ سکتا۔ یہ ایک بہت ہی باہم  جڑا ہوا رشتہ ہے جو برقراررہے گا۔

سوئٹزرلینڈ کے سینڈ لیگی میں صدر دفتر  قائم کر نے والا سوئس گروپ دنیا کی معروف لاجسٹکس کمپنیوں میں سے ایک ہے اور دنیا بھر میں سمندری  اور فضائی مال برداری کی سب سے بڑی کمپنیوں میں سے ایک ہے۔

سیو لونگ نے چینی معیشت کی کارکردگی کے بارے میں مثبت رائے کا اظہار کرتے ہوئے  کہا کہ ہم باقی دنیا کے ساتھ تعاون بارے  بہت پراعتماد ہیں۔ ہمیں یقین ہے کہ معیشت آگے بڑھے گی۔

سال 2023کے لیے چین کی مجموعی ملکی پیداوار کے تقریباً 5 فیصد کے ہدف کا حوالہ دیتے ہوئے کمپنی کے  صدر نے کہا کہ بڑی  آبادی  کے باعث چین میں خرچ کرنے کی صلاحیت کا کہیں اورکوئی متبادل نہیں ہے اور کم از کم مسقبل قریب میں توکوئی نہیں ہے۔

انہوں نے کہا کہ پانچ فیصد ایک بہت اہم ہندسہ ہے۔ اسی لیے ہمیں بہت یقین ہے کہ ہم چین میں مناسب وقت پر مناسب جگہوں پر سرمایہ کاری جاری رکھیں گے۔

بیجنگ (شِنہوا) شی جن پھنگ کے عوامی جمہوریہ چین کا صدر منتخب ہونے پرعالمی رہنماؤں کی جانب سے تہنیتی پیغامات کا سلسلہ جاری ہے۔

پاکستان کے صدرعارف علوی اور وزیراعظم شہباز شریف نے شی جن پھنگ کو چین کا صدر منتخب ہونے پر مبارکباد کا پیغام بھیجا ہے ۔ وزیراعظم شہباز شریف نے اپنے پیغام میں کہا ہے کہ شی جن پھنگ کی دور اندیش قیادت میں چین اور عظیم چینی قوم نے انسانی مقاصد کے حصول میں بڑی کامیابیاں حاصل کی ہیں۔

جاپانی وزیر اعظم فومیو کیشیدا نے اپنے پیغام میں کہا ہےکہ رواں سال جاپان ۔ چین امن و  دوستی معاہدے پر دستخط کی 45 ویں سالگرہ ہے۔ وہ شی جن پھنگ کے ساتھ رابطے کو برقرار رکھنے کے خواہش مند ہیں اور جاپان ۔ چین مستحکم اور تعمیری تعلقات کا فروغ چاہتے ہیں۔

انڈونیشیا کے صدر جوکو ویدودو نے اپنے پیغام میں انڈونیشیا اور چین پر زور دیا کہ وہ باہمی تعاون کو مزید مستحکم کریں اور دونوں ممالک کی خوشحالی کو فروغ دیں تاکہ علاقائی امن و استحکام میں اپنا کردار جاری رکھ سکیں۔

سنگاپور کے وزیراعظم لی سین لونگ نے کہا کہ چین ترقی کے ایک نئے دور میں داخل ہو رہا ہے۔ انہیں یقین ہے کہ صدر شی پائیدار ترقی اور خوشحالی کی طرف چین کی پیش قدمی جاری رکھیں گے۔

تاجک صدر امام علی رحمان نے کہا کہ ان کے انتخاب سے ظاہر ہوتا ہے کہ شی کے حکومتی فلسفے کو پوری قوم کی حمایت حاصل ہے۔

ازبک صدر شوکت میرزی یوف نے کہا کہ صدر شی کی قیادت میں چین نے بے مثال ترقی کی ہے۔

سنگاپور کی صدر حلیمہ یعقوب، مالدیپ کے صدر ابراہیم محمد صالح اور بھوٹان کے چوتھے بادشاہ جگمے سنگے وانگ چک نے بھی چین کا صدر منتخب ہونے پر شی جن پھنگ کو مبارکباد دی ہے۔

بیجنگ (شِنہوا) بیجنگ میں مرسڈیز بینز کے صدر نے شِنہوا کے ساتھ ایک خصوصی انٹرویو میں کہا  ہے کہ ان کی کمپنی اور بی اے آئی سی گروپ کے مشترکہ منصوبہ کو 2023 میں کارکردگی کے لحاظ سے ایک بہت ہی مثبت سال  کی توقع ہے جس نے ایک بہت مستحکم  آغاز کیا ہے۔

بیجنگ بینز آٹوموٹِو کمپنی لمیٹڈ (بی بی ا ے سی ) کے چیف ایگزیکٹیو آفیسراور  صدر آرنو وان ڈیر مروی نے کہا کہ کمپنی 2023 میں ایک زبردست آغاز کرتے ہوئےمکمل طور پر معمول کی کارکردگی  کے ماحول میں واپس آگئی ہے۔ ہم فعال ہو نے  کے لحاظ سے  ایک بہت بھرپور سال کے منتظر ہیں۔

چین نے نوول کرونا وائرس کی روک تھام اور قابو پانے  کے اقدامات کو بھرپور طور پر بہتر کیا اور موافق  بنایا ہے۔ دنیا کی دوسری سب سے بڑی معیشت ایک  بہتر سماجی نقل وحمل اوربین الاقوامی تبادلوں کے ساتھ مستحکم  اقتصادی واپسی کی راہ پرگامزن ہے۔

وان ڈیر مروی نے کہا کہ عالمی  وبائی مرض کے اثرات کے باوجود بیجنگ بینز آٹوموٹِو کمپنی  2022 میں اپنے اہداف کے حصول میں کامیاب رہی جس نے گزشتہ سال 6 لاکھ سے زیادہ گاڑیاں تیار کیں۔

اس مشترکہ منصوبے نے 2005 میں اپنے قیام کے بعد سے تیزی سے ترقی کی ہے اور سال  2022 تک اس نے 0 4 لاکھ  سے زیادہ گاڑیاں تیارکی ہیں۔ چینی مارکیٹ میں اس وقت 11 مختلف ماڈلز دستیاب ہیں جن میں چار الیکٹرک گاڑیوں کے ماڈلز بھی شامل ہیں۔

چائنا پیسنجر کار ایسوسی ایشن کے مطابق سال 2022  کے دوران چین کی مسافر  گاڑیوں کی مجموعی فروخت میں نئی انرجی گاڑیاں (این ای ویز) کا حصہ 27.6 فیصد تھا۔

بیجنگ (شِنہوا) بیجنگ میں مرسڈیز بینز کے صدر نے شِنہوا کے ساتھ ایک خصوصی انٹرویو میں کہا  ہے کہ ان کی کمپنی اور بی اے آئی سی گروپ کے مشترکہ منصوبہ کو 2023 میں کارکردگی کے لحاظ سے ایک بہت ہی مثبت سال  کی توقع ہے جس نے ایک بہت مستحکم  آغاز کیا ہے۔

بیجنگ بینز آٹوموٹِو کمپنی لمیٹڈ (بی بی ا ے سی ) کے چیف ایگزیکٹیو آفیسراور  صدر آرنو وان ڈیر مروی نے کہا کہ کمپنی 2023 میں ایک زبردست آغاز کرتے ہوئےمکمل طور پر معمول کی کارکردگی  کے ماحول میں واپس آگئی ہے۔ ہم فعال ہو نے  کے لحاظ سے  ایک بہت بھرپور سال کے منتظر ہیں۔

چین نے نوول کرونا وائرس کی روک تھام اور قابو پانے  کے اقدامات کو بھرپور طور پر بہتر کیا اور موافق  بنایا ہے۔ دنیا کی دوسری سب سے بڑی معیشت ایک  بہتر سماجی نقل وحمل اوربین الاقوامی تبادلوں کے ساتھ مستحکم  اقتصادی واپسی کی راہ پرگامزن ہے۔

وان ڈیر مروی نے کہا کہ عالمی  وبائی مرض کے اثرات کے باوجود بیجنگ بینز آٹوموٹِو کمپنی  2022 میں اپنے اہداف کے حصول میں کامیاب رہی جس نے گزشتہ سال 6 لاکھ سے زیادہ گاڑیاں تیار کیں۔

اس مشترکہ منصوبے نے 2005 میں اپنے قیام کے بعد سے تیزی سے ترقی کی ہے اور سال  2022 تک اس نے 0 4 لاکھ  سے زیادہ گاڑیاں تیارکی ہیں۔ چینی مارکیٹ میں اس وقت 11 مختلف ماڈلز دستیاب ہیں جن میں چار الیکٹرک گاڑیوں کے ماڈلز بھی شامل ہیں۔

چائنا پیسنجر کار ایسوسی ایشن کے مطابق سال 2022  کے دوران چین کی مسافر  گاڑیوں کی مجموعی فروخت میں نئی انرجی گاڑیاں (این ای ویز) کا حصہ 27.6 فیصد تھا۔