بیجنگ(شِنہوا) چین میں پانچ مالیاتی اداروں کو ان کے کاروبار میں بے ضابطگیوں پر مجموعی طور پر38کروڑ79 لاکھ یوآن (تقریباً 5 کروڑ65 لاکھ ڈالر) کا جرمانہ عائد کیا گیا ہے۔

چین کے اعلیٰ بینکنگ ریگولیٹر چائنہ بینکنگ اینڈ انشورنس ریگولیٹری کمیشن نے ایک بیان میں کہا کہ بینک آف چائنہ،  چائنہ من شینگ بینک اور چائنہ بوہائی بینک پر قرض کے فنڈز کے غلط استعمال اور غلط اعدادوشمار سمیت بے ضابطگیوں پر جرمانہ عائد کیا گیا۔

 کمیشن نے چائنہ کنسٹرکشن بینک اور اسٹینڈرڈ چارٹرڈ بینک (چائنہ) لمیٹڈ سے غیر قانونی منافع ضبط کیا اور دونوں قرض دہندگان پر پروڈنٹ لون مینجمنٹ آپریشن کے قوانین کی سنگین خلاف ورزیوں اور ویلتھ مینجمنٹ بزنس آپریشنز کی عدم تعمیل جیسی بےضابطگیوں پر جرمانہ عائد کیا۔

کمیشن قانون کے مطابق ان جرمانوں کے بعد سخت انتظامی جرمانے  عائد کرے گا، مارکیٹ کے نظم و ضبط کو سخت کرے گا، مالیاتی صارفین کے جائز حقوق اور مفادات کا تحفظ کرے گا، اور بینکوں اور انشورنس اداروں پر زور دے گا کہ وہ مالیاتی خطرات کو کم کرنے کے لیے قوانین اور ضوابط کے مطابق کام کریں۔ 

اقوام متحدہ میں چین کے مستقل نمائندے ژانگ جون نے کہا کہ نیٹو کو محض پریشانی کا باعث بننے کے بجائے عالمی امن اور استحکام کے لیے مثبت کردار ادا کرنا چاہیے۔یوکرین کے بارے میں سلامتی کونسل کی بریفنگ میں اظہار خیال کرتے ہوئے چینی نمائندے نے کہا کہ ہم نیٹو پر زور دیتے ہیں کہ وہ تاریخ سے سبق حاصل کرے، سرد جنگ کی فرسودہ ذہنیت اور بلاک تصادم کو ترک کرے ، خیالی دشمن پیدا کرنے، یورپ کو غیر مستحکم اور ایشیا بحرالکاہل کے حالات خراب کرنے کے خطرناک اقدامات کو روکے۔اور اسے محض پریشانی پیدا کرنے کی بجائے عالمی امن اور استحکام کے لیے مثبت کردار ادا کرنا چاہیے۔چینی نمائندے نے کہا کہ نیٹو، ایک طرف، علاقائی دفاعی اتحاد کی حیثیت برقرار رکھنے کا دعوی کرتا ہے، تو دوسری طرف، مسلسل اپنی جغرافیائی حدود کو توڑنے اپنے ایجنڈے کو پھیلانے، تقسیم اور کشیدگی کو ہوا دینے، خوف اور تصادم پیدا کرنے کی کوشش کرتا ہے اور وہ ایشیا پیسفک ممالک کے ساتھ فوجی اور سیکورٹی تعلقات کومستحکم کرنے کا عمل جاری رکھے ہوئے ہے۔ژانگ نے کہا کہ یہ واضح طور پر نیٹو کے اپنے موقف کے برعکس ہے۔ ہمیں نیٹو سیکرٹری جنرل کے حال ہی میں ایشیا پیسفک کی صورتحال پر دئے گئے غیر ذمہ دارانہ اور بے بنیاد ریمارکس پر تشویش ہے۔چینی سفیر نے اس بات پر زور دیا کہ یوکرین کا بحران، اصل میں یورپ میں سیکورٹی تنازعات کا نتیجہ ہے، جس کا سرد جنگ کے بعد سے نیٹو کی مسلسل مشرقی توسیع سے گہرا تعلق ہے۔

کریڈٹ: انڈیپنڈنٹ نیوز پاکستان-آئی این پی

چین کے خلائی مشن شین ژو۔14 کے عملے کے تین خلابازوں نے گزشتہ روز میڈیا کے نمائندوں سے ملاقات کی، جو دسمبر میں زمین پر واپسی کے بعد سے خلابازوں کی میڈیا سے پہلی ملاقات تھی۔بیجنگ میں خلابازوں کے مرکز میں ہونے والی پریس کانفرنس کے مطابق، خلابازوں نے اپنے قرنطینہ اور صحت یابی کے مراحل مکمل کر لیے ہیں اور اب وہ زیر مشاہدہ ہیں۔اس وقت واپس آنے والے خلا بازوں کی جسمانی اور ذہنی حالت بہتر اور ان کا وزن مشن پر روانگی سے پہلے والی سطح پر ہے۔ اور ان کے جسمانی پٹھوں کی طاقت اور برداشت کے علاوہ دل کے افعال مزید بحال ہوئے ہیں۔صحت کی جانچ مکمل ہونے کے بعد وہ اپنی باقاعدہ تربیت دوبارہ شروع کریں گے۔شین ژو-14 خلائی جہاز کے ذریعے چھن ڈونگ، لیو یانگ اور کائی شو ژی کو 5جون، 2022 کو چین کے خلائی اسٹیشن کے بنیادی ماڈیول تیان ہی پر بھیجا گیا تھا۔خلابازوں نے اپنے چھ ماہ کے مشن کے دوران متعدد امور انجام دئے، جن میں تین مرتبہ خلا میں چہل قدمی، لائیو آن لائن سائنس لیکچر اور خلائی اسٹیشن کے ٹی شیپ ڈھانچے کی اسمبلی اور تعمیر کو مکمل کرنے کے لیے زمینی کنٹرول کے ساتھ تعاون کی تین غیر معمولی سرگرمیاں شامل تھیں۔

کریڈٹ: انڈیپنڈنٹ نیوز پاکستان-آئی این پی

امریکی ریاست مسی سیپی کے ایک دیہی قصبے میں چھ افراد کو گولی مار کر ہلاک کر دیا گیا۔ٹیٹ کانٹی کے پولیس عہدیدارنے کہا کہ حملہ آور نے متاثرین کو ارکابوٹلا کے مختلف مقامات پر نشانہ بنایا جو ٹینیسی کے شہر میمفس سے تقریبا 50 کلومیٹر جنوب میں واقع ہے۔مسی سیپی کے گورنر ٹیٹ ریوز نے ایک بیان میں کہا کہ انہیں ٹیٹ کانٹی میں فائرنگ کے بارے میں بریفنگ دی گئی ہے۔ انہوں نے کہا کہ حملہ آور کو زندہ حالت میں گرفتار کر لیا گیا ہے۔ انہوں نے کہا کہ تاحال ملنے والے شواہد کے مطابق حملہ آورنے اکیلے یہ کارروائی کی تاہم اس کا مقصد ابھی تک معلوم نہیں ہو سکاہے۔ گورنر کے مطابق مسی سیپی بیورو آف انویسٹی گیشن سے تحقیقات میں مدد کرنے کو کہا گیا ہے۔ گن وائلنس آرکائیو کے مطابق امریکہ میں اس سال اب تک فائرنگ کے واقعات میں 5ہزار500 سے زیادہ افراد ہلاک ہو چکے ہیں۔

کریڈٹ: انڈیپنڈنٹ نیوز پاکستان-آئی این پی

چین نے کہا ہے کہ امریکہ کو اس کے بغیر پائلٹ سویلین ہوائی جہاز کے غیر ارادی داخلے کے معاملے کوسیاسی الزام تراشی کے لیے استعمال نہیں کرنا چاہیے تھا اور نہ ہی چین کو بدنام کرنا چاہیے تھا۔وزارت خارجہ کے ترجمان وانگ وین بِن نے ان خیالات کااظہار وائٹ ہاس کی پریس سیکریٹری کیرین جین پیئر کے بیان کے جواب میں کیا،جس میں کہا گیا تھا کہ امریکی دفاعی ٹھیکیداروں پر پابندیاں لگا کر چین انحراف کر رہا ہے اور یہ کہ چین کا فضائی جہاز کے معاملے میں کردارغیر ذمہ دارانہ تھا۔وانگ نے "انحراف" کے الزام کے حوالے سے کہا کہ کیاامریکہ ہمیں بتا سکتا ہے کہ وہ زمین سے 18 ہزار میٹر اوپر 'غبارے' کو کیوں دیکھ سکتا ہے، لیکن ایسا لگتا ہے کہ اسے اوہائیو پر ونائل کلورائیڈ کے زہریلے مشروم کے بادل نظر کیوں نہیں آئے؟ترجمان نے کہا کہ نورڈ اسٹریم دھماکے کے فورا بعد تحقیقات اور احتساب کے بارے میں آواز کیوں اٹھائی گئی، لیکن وہ ایک امریکی صحافی کی طرف سے لکھی گئی تازہ ترین تحقیقاتی رپورٹ کے تناظر میں غیر معمولی طور پر خاموش کیوں ہے؟"انہوں نے کہا کہ امریکہ کو یہ بھی وضاحت کرنے کی ضرورت ہے کہ اس کی جانب سے گرائی جانے والی تین اشیا کیا تھیں؟ اگر امریکہ اپنی فضائی حدود میں ان چیزوں کے نمودار ہونے کو غیر ذمہ دارانہ نہیں سمجھتا تو چین پر انگلیاں کیوں اٹھاتا ہے؟"وانگ نے کہاکہ امریکہ کو طاقت کے استعمال پر زیادہ رد عمل اور غلط استعمال نہیں کرنا چاہیے تھا، اس کے باوجود سیاسی جوڑ توڑ یا چین پر الزام تراشی کے لیے اس واقعے کو استعمال نہیں کرنا چاہیے تھا ۔

کریڈٹ: انڈیپنڈنٹ نیوز پاکستان-آئی این پی

صدر مملکت ڈاکٹر عارف علوی نے کراچی پولیس آفس حملے کے زخمیوں کی عیادت کی، پولیس اور رینجرز کی بہادری کو سراہا۔ صدر مملکت ڈاکٹر عارف علوی جناح ہسپتال کراچی پہنچے جہاں پولیس اور رینجرز اہلکاروں سے اظہار یکجہتی کیا، انہوں نے زخمیوں کی خیریت دریافت کی اور ان کی جلد صحت یابی کی دعا بھی کی۔ اس موقع پر صدر مملکت نے جام شہادت نوش کرنے والے رینجرز اور پولیس اہلکاروں کو خراج عقیدت بھی پیش کیا۔ واضح رہے کہ گزشتہ روز کراچی پولیس آفس پر دہشت گردوں کے حملے میں دو پولیس اور رینجرز اہلکار سمیت 4 افراد شہید ہوگئے جبکہ جوابی کارروائی میں 3 دہشت گرد بھی مارے گئے تھے۔

کریڈٹ: انڈیپنڈنٹ نیوز پاکستان-آئی این پی

سابق وزیر اعلی پنجاب چودھری پرویز الہی نے کہا ہے کہ شریفوں نے جھوٹے پرچوں کی سیاست نہیں چھوڑی ، ہمارے خلاف جعلی مقدمے کروا کے خوفزدہ کرنا چاہتے ہیں۔ سابق وزیر اعلی پنجاب چودھری پرویز الہی سے سابق ایم پی اے پیر سید تقی شاہ نے ملاقات کی ، ملاقات میں چودھری پرویز الہی کا کہنا تھا کہ وفاقی حکومت، نگران حکومت اور گورنر عمران خان کی مقبولیت سے خوفزدہ ہیں ، خوف کا یہ عالم ہے کہ پنجاب اور کے پی کے میں الیکشن کی تاریخ نہیں دے رہے ، اعلی عدلیہ نے نگران حکومت کو اپنا اصل کام یاد کروا دیا ہے۔ چودھری پرویز الہی نے کہا کہ نواز شریف کا عمران خان سے کسی بھی میدان میں حقائق اور اعداد و شمار کے ساتھ کوئی موازنہ نہیں ، نواز شریف لندن علاج کروانے گئے ہیں علاج ہی کروائیں، ہمارے خلاف جعلی مقدمے درج کروا کے خوفزدہ کرنا چاہتے ہیں۔ سابق وزیراعلی پنجاب نے کہا کہ ہمیں اللہ تعالی کے بعد اعلی عدلیہ انصاف مہیا کر رہی ہے، حکمرانوں کی اصل کام کی طرف توجہ نہیں ، مہنگائی اور ٹیکسوں کی بھر مار نے عوام کا جینا دوبھر کر دیا ہے۔ اس موقع پر چودھری پرویز الہی سے تلہ گنگ کی معروف سیاسی سماجی شخصیات، سابق چیئرمینوں اور مسلم لیگی عہدیداران نے بھی ملاقات کی ، ضلع صدر پاکستان مسلم لیگ ملک اسد کوٹ گلہ، چیئر مین بلدیہ ملک قدیر الطاف، چیئر مین ملک ممتاز حیدر، شیخ سعید احمد،رانا محمد شفیق، حضرت علامہ مولانا مجید انور، مولانا اخلاق احمد، مولانا صابر ایوب و دیگر بھی موجود تھے۔

کریڈٹ: انڈیپنڈنٹ نیوز پاکستان-آئی این پی

چین کے جنوبی صوبہ ہائی نان کے سانیا شہر میں گاہک ایک ڈیوٹی فری شاپنگ مال میں خریداری کر رہے ہیں۔(شِنہوا)

ہائیکو(شِنہوا)چین کی پر تعیش اشیاء کی مارکیٹ میں 2023 میں تیزی سے بحالی کی توقع ہے جس میں ہوائی اڈوں اور ریلوے اسٹیشنوں پر آمد کے مقامات پر(آف شور) ڈیوٹی فری خریداری میں اضافے سمیت دیگر عوامل شامل ہیں۔

عالمی انتظامی مشاورتی فرم بائن اینڈ کمپنی کے مطابق 2022 میں چین میں ذاتی پر تعیش اشیاء کی فروخت میں گزشتہ سال کی نسبت 10 فیصد کمی آئی جس سے اس کی تیزی سے ترقی کا پانچ سالہ سلسلہ  ختم ہوا تاہم توقع ہے کہ 2023 کی پہلی سہ ماہی کے اختتام سے پہلے مثبت حالات بحال ہو جائیں گے۔

بائن اینڈ کمپنی کے شراکت دار شنگ وی وی نے کہا کہ توقع ہے کہ چین میں پرتعیش اشیاء کی کھپت بحال ہو جائے گی کیونکہ کوویڈ-19 کی وبا ختم ہونے کے قریب ہے اور مالز میں آنے والے سیاحوں میں اضافہ ہو گا اور صارفین کا اعتماد بہتر ہو گا۔انہوں نے کہا کہ ہم 2023 کے پہلے اور دوسرے نصف کے درمیان کسی بھی وقت 2021 کی فروخت کی سطح دیکھنے کی توقع رکھتے ہیں۔

پرائس واٹر ہاؤس کوپرز (پی ڈبلیوسی ) کی ایک رپورٹ کے مطابق چین عالمی لگژری مارکیٹ کے ایک اہم محرک کے طور پر ترقی کی صلاحیت کو جاری رکھے گا۔

پی ڈبلیو سی کی رپورٹ میں اندازہ لگایا گیا ہے کہ چین کی لگژری مارکیٹ 2025 میں 816 ارب یوآن (تقریباً 119 ارب ڈالر) تک پہنچ جائے گی جو عالمی لگژری مارکیٹ شیئر کا تقریباً ایک چوتھائی حصہ بنتی ہے۔

رپورٹ میں مزید کہا گیا کہ نوجوان نسل، چینی روایات، انٹرنیٹ کی بڑھتی ہوئی رسائی اور ڈیوٹی فری مارکیٹ کی ترقی چین کی لگژری مارکیٹ کے مستقبل کے عوامل ہیں۔

25ہزار اور40ہزار کے پریمیم بانڈز کی قرعہ اندازی 10مارچ جبکہ 200روپے مالیت کے انعامی بانڈز کی قرعہ اندازی15مارچ کو ہو گی۔200روپے مالیت والے انعامی بانڈز کا پہلا انعام ساڑھے 7لاکھ روپے کا ایک، دوسرے انعام میںڈھائی لاکھ روپے کے تین جبکہ تیسرے انعام میں1250روپے کے 2394انعامات کامیاب خوش نصیبوں میں تقسیم ہوں گے۔

کریڈٹ: انڈیپنڈنٹ نیوز پاکستان-آئی این پی

پاکستانی فلم انڈسٹری کے معروف اداکار آغا طالش کی 25 ویں برسی(آج) 19 فروری کو منائی جائے گی۔معروف اداکار آغا طالش کا اصل نام آغا علی عباس قزلباش تھا وہ 1924 میں لدھیانہ میں پیدا ہوئے، آغا طالش کے والد محکمہ پولیس میں ملازمت کرتے تھے جس کی وجہ سے ان کا مختلف شہروں میں تبادلہ ہوتا رہتا تھا، وہ ابھی کم سن تھے کہ ان کے والد کا تبادلہ متھرا میں ہوگیا، متھرا میں آغا طالش نے اپنی حصول تعلیم کے سلسلے کا آغاز کیا اور متھرا میں ہی اپنی تعلیم مکمل کی۔قیام پاکستان کے بعد وہ لاہور منتقل ہو گئے جہاں کی فلم انڈسٹری میں انہوں نے طالش کے نام سے شہرت پائی۔آغا طالش کا فنی سفر 1947 میں کرشن چندر کی فلم ''سرائے کے باہر''سے شروع ہوا تھا، پاکستان میں پہلا کردار 1950 میں فلم ''نت''میں کیا، انہوں نے 400سے زائد اردو، پنجابی اور دیگر زبانوں میں بننے والی فلموں میں اداکاری کے جوہر دکھائے ان کی یادگار فلموں میں شہید، فرنگی، زرقا، یہ امن اور وطن، عجب خان، زخمی عورت، دہلیز بندش، محمد بن قاسم، میں بنی دلہن اور دیگر قابل ذکر ہیں۔آغا طالش نے ڈراموں میں بھی اداکاری کے جوہر دکھائے جن میں قرب، ضرورت، زندگی سمیت دیگر شامل ہیں۔آغا طالش 19 فروری 1998 کو جہان فانی سے رخصت ہو گئے تھے۔

کریڈٹ: انڈیپنڈنٹ نیوز پاکستان-آئی این پی

چین کے دارالحکومت بیجنگ میں لوگ 2020 چائنہ انٹرنیشنل فیئر فار ٹریڈ ان سروسز(سی آئی ایف ٹی آئی ایس) کے جامع نمائشی مقام پرہواوے کے بوتھ کا دورہ کر رہے ہیں۔(شِنہوا)

بیجنگ(شِنہوا)بیجنگ نے مصنوعی ذہانت (اے آئی )کے اپنے پہلے کمپیوٹنگ سینٹر"بیجنگ ایسنڈ اے آئی کمپیوٹنگ سینٹر" کا آغاز کیا ہے تاکہ شہر کی ذہین کمپیوٹنگ طاقت کی تیزی سے بڑھتی ہوئی طلب کو پورا کیا جا سکے۔

اس مرکز کی بنیاد مشترکہ طور پر مین توگوضلعی حکومت، زیڈجی سی گروپ اور ہواوے نے رکھی تھی۔

یہ مرکز ایسنڈ اے آئی ہارڈویئر اور سافٹ ویئر پر مبنی کمپیوٹنگ پاورسروسز، کاروباری اداروں اور تحقیقی اداروں کو فراہم کرتا ہے۔

یہ مرکز پہلے ہی 47 کلائنٹس کمپنیوں کو رجسٹر کرچکا ہے اور 248 پی  سے زیادہ کی متوقع کمپیوٹنگ پاورسروس فراہم کرتا ہے۔

مرکز500پی کی کمپیوٹنگ پاورکے قلیل مدتی ہدف اور 1000 پی  کے طویل مدتی ہدف حاصل کرنے کا ارادہ رکھتا ہے۔

چینی نائب وزیر اعظم لیو ہی دارالحکومت بیجنگ میں  ایچ ایل ایچ ایل فاؤنڈیشن کی ایوارڈ تقریب میں سائنسدانوں ہوسائڈ(بائیں) اور لِن منگ (دائیں)کے ساتھ تصویر بنواتے ہوئے۔(شِنہوا)

بیجنگ (شِنہوا) چینی نائب وزیر اعظم لیو ہی نے اس امید کا اظہار کیا کہ چینی سائنسدان ملک کی سائنس اور ٹیکنالوجی کی اختراعات کو فروغ دینے میں بڑا کردار ادا کریں گے۔

لیو نے ان خیالات کا اظہار بیجنگ میں ہانگ کانگ کی  ہو لیونگ ہو لی (ایچ ایل ایچ ایل) فاؤنڈیشن کی جانب سے منعقدہ ایوارڈ تقریب سے خطاب کرتے ہوئے کیا۔

اپنے خطاب میں لیو نے کہا کہ آج دنیا تیز رفتار سائنس ٹیکنالوجی ترقی کا مشاہدہ کر رہی ہے۔ انہوں نے کہا کہ چین کی اقتصادی ترقی کو سائنس اور ٹیکنالوجی کی مضبوطی سے مدد ملنی چاہیے انہوں نے امید ظاہر کی کہ چینی سائنسدان اس سلسلے میں بڑا کردار ادا کریں گے۔

فاؤنڈیشن کی طرف سے دو سائنسدانوں کو اچیومنٹس انعامات جب کہ دیگر 110 کو فاؤنڈیشن کے ترقی و اختراعی انعامات سے نوازا گیا۔

ایچ ایل ایچ ایل فاؤنڈیشن کی بنیاد 1994 میں ہانگ کانگ کے محب وطن فنانسرز ہو سن ہانگ، لیونگ کاؤ-کوئی، ہو ٹم اور لی چھو-وی نے چینی سائنسدانوں کے کام کا اعتراف کرنے کے لیے رکھی تھی، فاؤنڈیشن اب تک 1ہزار 526 افراد کو نمایاں کامیابیوں پر ایوارڈ دے چکی ہے۔

بیجنگ(شِنہوا) چین میں پولیس نے سائبر اسپیس سے متعلقہ منظم جرائم کے خلاف خصوصی آپریشن میں پیش رفت کے لیے سخت اقدامات کیے ہیں۔

اس بات کا ذکر کرتے ہوئے کہ منظم جرائم سائبر اسپیس میں تیزی سے قدم جما رہے ہیں، وزارت برائے پبلک سیکورٹی نے ملک بھر کی پولیس پر زور دیا کہ وہ جرائم کے خطرے کا ادراک کرتے ہوئے منظم جرائم سے نمٹنے کے لیے اپنی روزمرہ ذمہ داریوں میں خصوصی آپریشن کو اہمیت دیں۔

ان کے آپریشن کا بنیادی ہدف آن لائن قرض فراڈ اور قرض وصولی سے متعلقہ جرائم ہوں گے جو نرم تشدد کے حربے استعمال کرتے ہیں۔

وزارت نے دیگر متعلقہ حکام کے تعاون سے جرائم کی تحقیق اور قانونی پالیسی کی حمایت کو مضبوط بنانے اور قبل از وقت وارننگ، احتیاطی تدابیر اور مشترکہ کریک ڈاؤن میکانزم کی اہمیت پر زور دیا۔

وزارت نے 2022 میں آٹھ متعلقہ محکموں کے ساتھ خصوصی آپریشن کا آغاز کیا اور اب تک، 20 سے زیادہ مافیا نما تنظیموں سمیت 400 سے زیادہ جرائم پیشہ گروہوں کا خاتمہ کیا گیا ہے۔ خصوصی آپریشن کے تحت اس طرح کے 8ہزار800 سے زیادہ کیسز کو نمٹایاگیا ہے۔

میونخ، جرمنی (شِنہوا) چین نے کہا ہے کہ وہ سلامتی اور استحکام کو برقرار رکھنے کے ساتھ ساتھ ترقی اور جدت کے حصول کے لیے پاکستان کی بھرپور حمایت کرتا ہے اور پاکستان کو عارضی مشکلات پر قابو پانے میں مدد کرنے کے لیے اپنی بہترین صلاحیت کے مطابق مدد فراہم کرنے کے لیے تیار ہے۔

کمیونسٹ پارٹی آف چائنہ(سی پی سی) کی مرکزی کمیٹی کے خارجہ امور کمیشن دفتر کے ڈائریکٹر وانگ یی نے 59ویں میونخ سیکورٹی کانفرنس کے موقع پر وزیر خارجہ بلاول بھٹو زرداری سے ملاقات کی۔

ملاقات کے دوران سی پی سی کی مرکزی کمیٹی کے پولیٹیکل بیورو کے رکن وانگ نے کہا کہ چین اور پاکستان ہمہ موسمی تزویراتی تعاون پر مبنی شراکت دار ہیں اور دونوں ممالک کی دوستی چٹان کی طرح مضبوط ہے۔

انہوں نے کہا کہ چین پاکستان کے ساتھ مل کر دونوں ممالک کے رہنماؤں کے درمیان طے پانے والے تزویراتی اتفاق رائے کو عملی جامہ پہنانے اور نئے دور میں ہم نصیب مستقبل پر مبنی مزید قریبی برادری بنانے کے لیے تیار ہے۔

بلاول بھٹو نے پاک چین تعلقات میں بہتری پر اطمینان کا اظہار کرتے ہوئے کہا کہ چین پاکستان کا ہمہ وقت دوست ہے اور چین کے ساتھ تعلقات کو مضبوط بنانا اور چین پاکستان اقتصادی راہداری کی تعمیر کو فروغ دینا پاکستان کی خارجہ پالیسی کا ایک اہم ستون ہے۔

انہوں نے کہا کہ پاکستان پرعزم طریقے سے دہشت گردی کا مقابلہ کرے گا اور پاکستان میں چینی کاروباری اداروں اور شہریوں کے تحفظ کے لیے کوئی کسر اٹھا نہیں رکھے گا۔

دونوں رہنماؤں نے موجودہ بین الاقوامی صورتحال میں باہمی تعاون کو مضبوط بنانے پر بھی تبادلہ خیال کیا۔

چین کی امدادی ٹیم کے ارکان ترکی کے آدانا ہوائی اڈے پر ایئر چائنہ کے چارٹرڈ طیارے میں سوارہو رہےہیں۔(شِنہوا)

بیجنگ(شِنہوا)چینی مین لینڈ اور ہانگ کانگ خصوصی انتظامی علاقے کی طرف سے ترکی روانہ کی گئی امدادی ٹیمیں اپنے امدادی مشن کو مکمل کرنے کے بعد ایک چارٹرڈ طیارے کے ذریعے بیجنگ واپس پہنچ گئیں۔

 چین کی ہنگامی انتظام کی وزارت کے مطابق چینی امدادی ٹیم کے سربراہ ژاؤ منگ نے کہا کہ 8 فروری کو متاثرہ علاقے میں پہنچنے کے بعد چینی امدادی ٹیموں نے زلزلے کے مرکز کے قریب جنوبی ترک صوبے ہاتے میں تلاش اور بچاؤ کی کارروائیاں کیں۔

 ٹیم نے 7لاکھ مربع میٹر سے زیادہ رقبے کے ساتھ 87 عمارتوں میں امدادی کارروائیاں سر انجام دیں۔ انہوں نے زندہ بچ جانے والے  ملبے میں پھنسے 6 افراد کو نکالا اور مرنے والے11 افراد کو تلاش کیا۔

کراچی میں ایک حملے کے بعد لوگ پولیس کی عمارت کے باہر جمع ہیں۔(شِنہوا)

تہران(شِنہوا)ایران نے کراچی میں ایک پولیس دفتر پر دہشت گرد حملے کی مذمت کی ہے۔

ایران کی سرکاری خبر رساں ایجنسی اِرنا کے مطابق وزارت خارجہ کے ترجمان ناصر کنعانی نے دہشت گردوں کے  حملے کی مذمت کرتے ہوئے پاکستانی حکومت، عوام اور متاثرین کے خاندانوں سے ہمدردی کا اظہار کیا۔

 کراچی میں پولیس اور ہسپتال کے حکام نے بتایا کہ جمعہ کی رات دہشت گردوں کے ایک گروپ کی پولیس کی عمارت پر فائرنگ کے نتیجے میں کم سےکم تین حملہ آور ہلاک اور 19 افراد زخمی ہوئے۔

پاکستان سمیت دنیا بھر میںشہری دفاع کا عالمی دن یکم مارچ کو بھرپور طریقے سے منایا جائے گا۔اس دن کے منانے کا مقصدعوام کو قدرتی آفات،حادثات،ناگہانی واقعات،سیلاب،آگ لگنے اورزلزلوں سے متاثرہ افراد کو فوری طبی امدادکی فراہمی جیسی سرگرمیوں کے متعلق شعور پیدا کرنا ہے۔شہری دفاع کے عالمی دن کی مناسبت سے فیصل آبادسمیت ملک بھر میں خصوصی سیمینارز،واک،کانفرنسز،مذاکروں اور مختلف تقاریب کا اہتمام کیا جائے گا جس سے خطاب کے دوران مقررین زمانہ امن اور حالت جنگ کے دوران شہری دفاع کی اہمیت،سول سوسائٹی کے فرسٹ ایڈ کی تربیت بارے پہلوئوں کو اجاگر کریں گے مختلف شہروں میں شہری دفاع کے رضا کار عملی مظاہرے بھی پیش کریں گے جس میں فرضی آگ لگا کر متاثرین کو بچانے،حادثے میں شدید زخمیوں کو طبی امداد کی فراہمی اور د شہری دفاع کے د یگر مصنوعی مظاہرے شامل ہونگے۔

کریڈٹ: انڈیپنڈنٹ نیوز پاکستان-آئی این پی

اقوام متحدہ میں چین کے مستقل نمائندے ژانگ جون (سامنے ،درمیان میں) سلامتی کونسل کے  اجلاس میں اظہار خیال کرتے ہوئے۔(شِنہوا)

اقوام متحدہ (شِنہوا) اقوام متحدہ میں چین کے مستقل نمائندے ژانگ جون نے کہا کہ نیٹو کو محض پریشانی کا باعث بننے کے بجائے عالمی امن اور استحکام کے لیے مثبت کردار ادا کرنا چاہیے۔

یوکرین کے بارے میں سلامتی کونسل کی بریفنگ میں اظہار خیال کرتے ہوئے چینی نمائندے نے کہا کہ  ہم نیٹو پر زور دیتے ہیں کہ وہ تاریخ سے سبق حاصل کرے، سرد جنگ کی فرسودہ ذہنیت اور بلاک تصادم کو ترک کرے ، خیالی دشمن پیدا کرنے، یورپ کو غیر مستحکم اور ایشیا بحرالکاہل کے حالات خراب کرنے کے خطرناک اقدامات کو روکے۔اور اسے محض پریشانی پیدا کرنے کی بجائے عالمی امن اور استحکام کے لیے مثبت کردار ادا کرنا چاہیے۔

چینی نمائندے نے کہا کہ نیٹو، ایک طرف، علاقائی دفاعی اتحاد کی حیثیت برقرار رکھنے کا دعویٰ کرتا ہے، تو دوسری طرف، مسلسل اپنی جغرافیائی حدود کو توڑنے اپنے ایجنڈے کو پھیلانے، تقسیم اور کشیدگی کو ہوا دینے، خوف اور تصادم پیدا کرنے کی کوشش کرتا ہے اور وہ ایشیا پیسفک ممالک کے ساتھ فوجی اور سیکورٹی تعلقات کومستحکم کرنے کا عمل جاری رکھے ہوئے ہے۔

ژانگ نے کہا کہ یہ واضح طور پر نیٹو کے اپنے موقف کے برعکس ہے۔ ہمیں نیٹو سیکرٹری جنرل کے حال ہی میں ایشیا پیسفک کی صورتحال پر دئے گئے غیر ذمہ دارانہ اور بے بنیاد ریمارکس پر تشویش ہے۔

چینی سفیر نے اس بات پر زور دیا کہ یوکرین کا بحران، اصل میں یورپ میں سیکورٹی تنازعات کا نتیجہ ہے، جس کا سرد جنگ کے بعد سے نیٹو کی مسلسل مشرقی توسیع سے گہرا تعلق ہے۔

چین اور پاکستان دونوں برادر ممالک کے درمیان مشترکہ کوششوں کے ثمرات آنا شروع ہو گئے ہیں، گوادر میں پاک چائنا ٹیکنیکل اینڈ ووکیشنل انسٹی ٹیوٹ ( پی سی ٹی اینڈ وی آئی) نے مختلف ڈپلومہ کورسز میں داخلوں کا اعلان کر دیا ۔ گوادر پرو کے مطابق پی سی ٹی اینڈ وی آئی کو حال ہی میں گوادر یونیورسٹی (UG) اور شیڈونگ انسٹی ٹیوٹ آف کامرس اینڈ ٹیکنالوجی (SIC&T) چین نے فعال کیا ہے۔ اعلان کے مطابق انسٹی ٹیوٹ نے میری ٹائم اینڈ پورٹ مینجمنٹ، ہوٹل مینجمنٹ اینڈ ہاسپیٹلیٹی، انفارمیشن ٹیکنالوجی، فنانشل لٹریسی اور ای کامرس میں 12 ماہ کے ڈپلومہ پروگرامز کا اعلان کیا ہے۔ گوادر ڈویلپمنٹ اتھارٹی ( جی ڈی اے ) اور یوجی مستحق طلباء کو مکمل طور پر فنڈڈ میرٹ کی بنیاد پر اور ضرورت پر مبنی وظائف فراہم کریں گے۔ گوادر پرو کے مطابق میٹرک یا اس کے مساوی میں کم از کم 45 فی صد نمبر والے طلباء تمام ڈپلومہ پروگراموں کے لیے اہل ہیں۔ انہیں سہولیات میسر ہوں گی جن میں بین الاقوامی طور پر تعلیم یافتہ فیکلٹی، ہاسٹل (مردوں اور خواتین کے لیے)، ٹرانسپورٹ، لائبریری، انٹرنیٹ اور اسٹڈی ٹور، اور ایکسپوزر وزٹ شامل ہیں۔ درخواست دینے کی آخری تاریخ 24 مارچ ہے اور داخلہ ٹیسٹ 27 مارچ کو ہوں گے جبکہ کلاسز کا آغاز 3 اپریل کو ہوگا۔ گوادر پرو کے مطابق گوادر کے ساحلی شہر میں چین پاکستان اقتصادی راہداری ( سی پیک ) کے تحت چینی حکومت کی گرانٹ سے جدید ترین پی سی ٹی وی آئی تعمیر کیا گیا ہے۔ گوادر کے عوام گوادر کے بنیادی اسٹیک ہولڈر ہیں۔ گہر ی سمندری بندرگاہ کے آپریشن اور انتظام میں ان کی شرکت، صنعتی اور تجارتی کاروبار میں شرکت، اور نئے شہر وں کی تعمیر کے عمل میں تمام طویل مدتی ترقیاتی اقدامات کی کلید ہے۔ پی سی ٹی اینڈ وی آئی کو گوادر کی فعال آبادی کی صلاحیتوں کو بہتر بنانے اور ساحلی شہر کی ترقی میں حصہ لینے کے لیے ڈیزائن کیا گیا ہے۔

کریڈٹ: انڈیپنڈنٹ نیوز پاکستان-آئی این پی

چین کے خلائی مشن شین ژو-14 کے عملے کے تین خلاباز میڈیا کےنمائندوں سے ملاقات کرتے ہوئے،دسمبر میں زمین پر واپسی کے بعد سے خلابازوں کی میڈیا سے  یہ پہلی ملاقات تھی۔ (شِنہوا)

بیجنگ(شنہوا) چین کے خلائی مشن شین ژو-14 کے عملے کے تین خلابازوں نے گزشتہ روز میڈیا کے نمائندوں سے ملاقات کی، جو دسمبر میں زمین پر واپسی کے بعد سے خلابازوں کی میڈیا سے پہلی ملاقات تھی۔

بیجنگ میں خلابازوں کے مرکز میں ہونے والی پریس کانفرنس کے مطابق، خلابازوں نے اپنے قرنطینہ اور صحت یابی کے مراحل مکمل کر لیے ہیں اور اب وہ زیر مشاہدہ  ہیں۔

اس وقت  واپس آنے والے خلا بازوں کی جسمانی اور ذہنی حالت بہتر اور ان کا وزن مشن پر روانگی سے پہلے والی سطح پر ہے۔ اور ان کے جسمانی پٹھوں کی طاقت اور برداشت کے علاوہ دل کے افعال مزید بحال ہوئے ہیں۔

صحت کی جانچ مکمل ہونے کے بعد وہ اپنی باقاعدہ تربیت دوبارہ شروع کریں گے۔

شین ژو-14 خلائی جہاز کے ذریعے  چھن ڈونگ، لیو یانگ اور کائی شو ژی کو 5جون، 2022 کو چین کے خلائی اسٹیشن کے بنیادی ماڈیول تیان ہی پر بھیجا گیا تھا۔

خلابازوں نے اپنے چھ ماہ کے مشن کے دوران متعدد امور انجام دئے، جن میں تین مرتبہ خلا میں چہل قدمی، لائیو آن لائن سائنس لیکچر اور خلائی اسٹیشن کے ٹی شیپ ڈھانچے کی اسمبلی اور تعمیر کو مکمل کرنے کے لیے زمینی کنٹرول کے ساتھ تعاون کی تین غیر معمولی سرگرمیاں شامل تھیں۔

محکمہ داخلہ سندھ نے دہشتگردوں کے علاج و معالجے کے کیس میں ڈاکٹر عاصم اور دیگر کو کلین چٹ دے دی۔ محکمہ داخلہ سندھ نے ضیا الدین اسپتال میں دہشتگردوں کے علاج معالجے کے کیس سے متعلق انسداد دہشتگردی کی عدالت میں درخواست جمع کرائی جس میں کہا گیا ہے کہ ڈاکٹر عاصم اور دیگر کے خلاف گواہ نہیں ملے۔ محکمہ داخلہ سندھ نے کیس واپس لینے کے لیے انسداد دہشتگردی عدالت میں درخواست جمع کرائی جس میں کہا گیا ہیکہ تفتیشی افسر نے ابتدائی مراحل میں بھی عدم شواہد پر کیس اے کلاس کردیا تھا، تعزیرات پاکستان کی دفعہ 494 کے تحت ملزمان پر کیس ختم کیا جائے۔ عدالت نے محکمہ داخلہ کی درخواست پر فریقین کو نوٹس جاری کرتے ہوئے مارچ کے دوسرے ہفتے میں جواب طلب کرلیا۔ واضح رہے کہ ضیا الدین اسپتال میں دہشتگردوں کے علاج معالجے کا مقدمہ 2015 میں رینجرز کی مدعیت میں درج کیا گیا تھا جس میں ڈاکٹر عاصم، انیس قائمخانی، قادر پٹیل، وسیم اختر، رف صدیقی، عثمان معظم اور سلیم شہزاد کوبھی نامزد کیا گیا تھا۔

کریڈٹ: انڈیپنڈنٹ نیوز پاکستان-آئی این پی

امریکی ریاست کیلیفورنیا میں ہاف مون بے میں فائرنگ کے مقام پر پولیس اہلکار تحقیقات کررہے ہیں۔(شِنہوا)

واشنگٹن(شِنہوا) امریکی ریاست مسی سیپی کے ایک دیہی قصبے میں چھ افراد کو گولی مار کر ہلاک کر دیا گیا۔

ٹیٹ کاؤنٹی کے پولیس عہدیدارنے کہا کہ حملہ آور نے متاثرین کو ارکابوٹلا کے مختلف مقامات پر نشانہ بنایا جو ٹینیسی کے شہر میمفس سے تقریباً 50 کلومیٹر جنوب میں واقع ہے۔

مسی سیپی کے گورنر ٹیٹ ریوز نے  ایک بیان میں کہا کہ انہیں ٹیٹ کاؤنٹی میں فائرنگ کے بارے میں بریفنگ دی گئی ہے۔ انہوں نے کہا کہ حملہ آور کو زندہ حالت میں گرفتار کر لیا گیا ہے۔ انہوں نے کہا کہ تاحال ملنے والے شواہد کے مطابق حملہ آورنے اکیلے  یہ کارروائی کی تاہم اس کا مقصد ابھی تک معلوم نہیں ہو سکاہے۔

 گورنر کے مطابق مسی سیپی بیورو آف انویسٹی گیشن سے تحقیقات میں مدد کرنے کو کہا گیا ہے۔

 گن وائلنس آرکائیو کے مطابق امریکہ میں اس سال اب تک فائرنگ کے واقعات میں 5ہزار500 سے زیادہ افراد ہلاک ہو چکے ہیں۔

مہنگائی میں پسے عوام پر ایک اور بم گرادیا گیا ، یوٹیلیٹی اسٹورز پر مختلف برانڈز نے اپنی قیمتوں میں اضافہ کر دیا ۔ یوٹیلٹی اسٹورز کارپوریشن نے قیمتوں میں اضافے کا نوٹیفکیشن جاری کردیا ہے۔ نوٹیفکیشن کے مطابق ملک بھر میں یوٹیلیٹی اسٹورز برانڈز نے اپنی قیمتوں میں اضافہ کر دیا ہے، متعدد اشیا کی قیمتیں بڑھادی گئی ہیں، قیمتوں میں اضافے کا اطلاق فوری طور پر لاگو ہوگا۔ نوٹیفکیشن کے مطابق برانڈڈ کارن آئل کی فی لیٹر قیمت میں 300 روپے تک اضافہ کرکے آئل کی فی لیٹر قیمت 1170 روپے کر دی گئی ہے۔ اس کے علاوہ بچوں کے 800 گرام فارمولا مِلک کی قیمت 820 روپے تک بڑھا کر 4 ہزار 445 روپے کر دی گئی ہے، 330 گرام سیریل 450 روپے تک مہنگا ہوکر 1198 روپے ہوگیا ہے، ایک لیٹر فروٹ جوس 70 روپے تک مہنگا ہوا ہے، 336 گرام نوڈلز 60 روپے تک مہنگی ہوکر 425 روپے کی ہوگئی ہے۔ نوٹیفکیشن کے مطابق 800 گرام کیچپ کی قیمت میں 50 روپے تک اضافہ کیا گیا ہے، بچوں کے ڈائپرز کی قیمتوں میں 350 روپے تک کا اضافہ ہوا ہے، 650 ملی لیٹر شیمپوکی قیمت میں 210 روپے تک اضافہ ہوا ہے، ایک کلو کپڑے دھونے کا پاڈر 59 روپے تک مہنگا ہوگیا ہے، 130 گرام صابن 30 روپے، ہینڈ واش 21 روپے، ٹوائلٹ رول 10 روپے، ٹشو پیپرکا ڈبہ 43 روپے تک مہنگا ہوگیا۔ یوٹیلیٹی اسٹورز پر باڈی واش،گارلک ساس، چکن، چیز نوڈلز کی قیمتوں میں بھی اضافہ کردیا گیا ہے۔

کریڈٹ: انڈیپنڈنٹ نیوز پاکستان-آئی این پی

بیجنگ (شِنہوا)چین نے کہا ہے کہ امریکہ کو اس کے بغیر پائلٹ سویلین ہوائی جہاز کے غیر ارادی داخلے کے معاملے کوسیاسی الزام تراشی کے لیے استعمال نہیں کرنا چاہیے تھا اور نہ ہی چین کو بدنام کرنا چاہیے تھا۔

وزارت خارجہ کے ترجمان وانگ وین بِن نے ان خیالات کااظہار وائٹ ہاؤس کی پریس سیکریٹری کیرین جین پیئر کے بیان کے جواب میں کیا،جس میں کہا گیا تھا کہ امریکی دفاعی ٹھیکیداروں پر پابندیاں لگا کر چین ’انحراف‘ کر رہا ہے اور یہ کہ چین کا فضائی جہاز کے معاملے میں کردار’غیر ذمہ دارانہ‘ تھا۔

وانگ نے "انحراف" کے الزام کے حوالے سے کہا کہ کیاامریکہ ہمیں بتا سکتا ہے کہ وہ زمین سے 18 ہزار میٹر اوپر 'غبارے' کو کیوں دیکھ سکتا ہے، لیکن ایسا لگتا ہے کہ اسے اوہائیو پر ونائل کلورائیڈ کے زہریلے مشروم کے بادل نظر کیوں نہیں آئے؟

ترجمان نے کہا کہ نورڈ اسٹریم دھماکے کے فوراً بعد تحقیقات اور احتساب کے بارے میں آواز کیوں اٹھائی گئی، لیکن وہ ایک امریکی صحافی کی طرف سے لکھی گئی تازہ ترین تحقیقاتی رپورٹ کے تناظر میں غیر معمولی طور پر خاموش کیوں ہے؟"

انہوں نے کہا کہ امریکہ کو یہ بھی وضاحت کرنے کی ضرورت ہے کہ اس کی جانب سے گرائی جانے والی تین اشیاء کیا تھیں؟ اگر امریکہ اپنی فضائی حدود میں ان چیزوں کے نمودار ہونے کو غیر ذمہ دارانہ نہیں سمجھتا تو چین پر انگلیاں کیوں اٹھاتا ہے؟"

وانگ نے کہاکہ امریکہ کو طاقت کے استعمال پر زیادہ رد عمل اور غلط استعمال نہیں کرنا چاہیے تھا، اس کے باوجود سیاسی جوڑ توڑ یا چین پر الزام تراشی کے لیے اس واقعے کو استعمال نہیں کرنا چاہیے تھا ۔

کل جماعتی حریت کانفرنس کے جنرل سیکرٹری شیخ عبدلمتین نے مقبوضہ جموں وکشمیرمیں قابض بھارتی انتظامیہ کی طرف سے جاری بے دخلی اور مسماری مہم کی مذمت کرتے ہوئے کہا ہے کہ بھارت اس مہم کی آڑ میں غیر ریاستی باشندوں کو مقبوضہ علاقے میں آباد کرکے کشمیری مسلمانوں کی اکثریت کو اقلیت میں تبدیل کرنا چاہتاہے ،کشمیری عوام فاشسٹ مودی حکومت کے ان مذموم عزائم کو کامیاب نہیں ہونے دیں گے ، اسلام آباد سے جاری ایک بیان میں شیخ عبدالمتین نے کہا کہ بھارت کی انتہا پسند ہندو سرکار اپنی ظالمانہ کارروائیوں سے کشمیریوں کے جذبہ آزاد ی کو ختم کرنے کی کوششوں میں مصرو ف ہے ، کشمیری اپنے بنیادی حقوق کے لئے پرامن طریقے سے جدوجہد کررہے ہیں لیکن بھارت نو لاکھ سے زائد اپنی قابض افواج کو استعمال میں لاتے ہوئے کشمیری عوام پر ظلم وبربریت کررہا ہے تاکہ انہیں اپنی جدوجہد سے دستبر دارکرایا جاسکے ،انہوں نے کہاکہ بھارت کشمیریوں کے بلند حوصلوں کے باعث آ ج تک اپنے عزائم میں ناکام رہا ہے، اب اس نے 5 اگست 2019کے غیر قانونی اور یکطرفہ اقدامات کے بعد مقبوضہ علاقے میںنہتے کشمیریوں کے خلاف اسرائیلی طرز پر سفاکانہ کارروائیاں شرو ع کر رکھی ہیں،جس کے تحت بھارت کی مودی سرکا ر کشمیریوں کو اپنی سرزمین سے بے دخل کرنے کی پالیسی پر عمل پیر اہے اور اس پالیسی کے تحت اب تک لاکھوں ہندوںکو مقبوضہ جموں وکشمیر کے ڈومیسائل سرٹیفکیٹ جاری کئے گئے ہیں

اس کے ساتھ ساتھ مقبوضہ علاقے میں اب انسداد تجاوزات مہم کی آڑ میں مسماری اور بے دخلی کے ذریعے کشمیری لوگوں کو اپنی ہی سرزمین میںبے دخل کیا جارہا ہے تاکہ کشمیری مسلمانوں کی اکثریت کو اقلیت میں تبدیل کیا جاسکے ، حریت کانفرنس کے رہنما نے کہا کہ بھارت نے مقبوضہ جموں کشمیر میں اپنی فوج کو انسانی حقوق کی پامالیوں کا لائسنس جاری کیا ہے ، وہ کسی قانون کے تابع نہیں ہیں ، بھارت نے اپنی قابض فوج کے بل بوتے پرکشمیریوں کی نسل کشی کے ساتھ ساتھ عورتوں کی عزت و عصمت کو پامال کر نے کا معمول بنا رکھا ہے، بھارت کشمیریوں کو ہر طرح سے کمزور اور ان کے جذبہ حریت کو توڑ نے کی ہر ممکن کوشش کر رہا ہے ، کشمیریوں کی آواز کو خاموش کرانے کے لئے پوری حریت قیادت کو جیلوں میں بند کیا گیا ہے، نوجوانوں کو گرفتار کرکے جعلی مقابلوں میں شہید کیا جاتا ہے ، انہوں نے کہاکہ بھارت کی ان سفاکانہ اور ظالمانہ کارروائیوں کے باوجود کشمیریوں کے حوصلے بلند ہیں وہ کسی بھی صورت ایسے اوچھے ہتھکنڈوں سے مرعوب ہونے والے نہیں ہیں، کشمیریوں نے حصول آزادی تک اپنی جدوجہد جاری رکھنے کا عزم کررکھا ہے، ،شیخ عبدالمتین نے عالمی برادری خاص کرا قوام متحدہ پر زوردیا ہے کہ وہ کشمیری عوام کو اپنی سرزمین سے بے دخل کرنے کے بھارتی سفاکانہ اقدامات کا نوٹس لیں اور خطے میں پائیدار امن کے لئے کشمیریوں سے کئے گئے وعدے پورا کرے اور مسئلہ کشمیر کا کشمیری عوام کی خواہشات اور یواین قراردداوں کے مطابق حل تلاش کرنے کے لئے بھارت پر دباو بڑھائیں ۔

کریڈٹ: انڈیپنڈنٹ نیوز پاکستان-آئی این پی

سوشل ویب سائٹ ٹوئٹر کے مالک ایلون مسک نے اعتراف کیا ہے کہ ٹوئٹر پر کوئی کچھ نہیں خریدتا جبکہ اس کے مقابلے میں انسٹا گرام پر ہر کوئی خریداری کرتا ہے۔ ایلون مسک نے ٹوئٹر پر لکھا کہ وہ معذرت خواہ ہیں کہ آپ کو غیر متعلقہ اشتہارات دکھائے جا رہے ہیں،اس پر ان کے سابق ملازم اورشعبہ اشتہارات کے ہیڈ نے لکھا کہ وہ اعتماد کے ساتھ کہہ سکتے ہیں کہ یہ شخص جو بات کر رہا ہے، اسے اس کا کچھ پتہ نہیں۔ جواب میں ایلون مسک نے لکھا کہ آپ بہت ذہین ہوں گے ، اس وجہ سے ٹوئٹر کرہ ارض پراشتہارات کی مسابقت میں سب سے بدترین ہے۔

کریڈٹ: انڈیپنڈنٹ نیوز پاکستان-آئی این پی

امریکی ریاست مسی سپی میں فائرنگ کے واقعے میں 6 افراد ہلاک ہوگئے، حملہ آور کوگرفتار کرلیاگیا ۔ غیر ملکی میڈیا کے مطابق فائرنگ کا واقعہ مسی سپی کے قصبے ٹیٹ کاونٹی میں پیش آیا، جہاں مسلح شخص نے سابقہ بیوی سمیت پانچ افراد کو موت کے گھاٹ اتار دیا ، مسلح شخص نے مختلف مقامات پر لوگوں کو قتل کیا ، واقعہ میں ملوث 52 سالہ حملہ آور کو گرفتار کرلیا گیا ہے۔ غیر ملکی میڈیا کے مطابق مسلح شخص نے دکان میں داخل ہوکر ایک شخص کو گولی مار کر ہلاک کر دیا، اس سے قبل اس نے قریبی گھر میں داخل ہوکر اپنی سابقہ بیوی کو قتل کیا۔ غیر ملکی میڈیا کے مطابق ملزم نے پھر ایک گھر میں داخل ہوکر مزید دو افراد کو قتل کیا، جبکہ اسی علاقے سے مزید دو افراد کی بھی گولیاں لگی نعشیں برآمد ہوئیں۔ غیرملکی میڈیا کے مطابق ریاست کے گورنرکا کہنا ہے کہ بظاہر لگ رہا ہے کہ ملزم نے اکیلے ہی واردات کو انجام دیا ہے، تاہم فائرنگ کی وجوہات معلوم کی جارہی ہیں ۔ واشنگٹن گن وائلنس آرکائیو کے مطابق سال کے آغاز سے اب تک یہ امریکا میں فائرنگ کا 73واں واقعہ ہے۔

کریڈٹ: انڈیپنڈنٹ نیوز پاکستان-آئی این پی

مسجد نبوی کی انتظامیہ نے کہا ہے کہ اس سال رمضان کے دوران خواتین سکیورٹی اہلکار تعینات کی جائیں گی ۔ سعودی خبررساں ادارے کے مطابق مسجد نبوی کی انتظامیہ نے رمضان کے انتظامات کے لیے خصوصی اجلاس کا انعقاد کیا جس میں ہنگامی صورتحال ، خطرات سے نمٹنے ، امن و سلامتی کے انتظامات اور سہولتوں کا نظام جدید خطوط پر استوارکرنے کا جائزہ لیا گیا۔ اجلاس میں امن و سلامتی کے انتظامات کرنے والے ادارے اوردیگر عہدیداروں نے شرکت کی ، اجلاس میں فیصلہ کیا گیا کہ مسجد نبوی میں خواتین سکیورٹی اہلکار تعینات کی جائیں گی۔ واضح رہے کہ حرمین الشریفین انتظامیہ کے سربراہ اعلی شیخ ڈاکٹر عبدالرحمن السدیس کی ہدایات پر زائرین کو رمضان میں نئی سہولتیں فراہم کی جائیں گی۔

کریڈٹ: انڈیپنڈنٹ نیوز پاکستان-آئی این پی

جرمن چانسلر اولاف شولز نے کہا ہے کہ جرمنی جلد اپنے لیپرڈز ٹینک یوکرین کو فراہم کردے گا، ایک طویل جنگ کی تیاری کرنا دانشمندی ہے اور روسی صدر ولادی میر پیوٹن کو یہ دکھانا ہے کہ جرمنی اور اس کے اتحادی یوکرین کی حمایت سے دستبردار نہیں ہوں گے۔ غیر میڈیا کے مطابق روس اور یوکرین کے درمیان جاری جنگ کا ایک سال مکمل ہونے سے چند روز قبل سالانہ میونخ سکیورٹی کانفرنس سے خطاب کرتے ہوئے جرمن چانسلر نے اپنے اتحادیوں پر زور دیا کہ وہ ایک طویل جنگ کی توقع رکھیں۔ اس سال سالانہ میونخ سکیورٹی کانفرنس کی توجہ ٹرانس اٹلانٹک ہے، امریکی نائب صدر کملا ہیرس اور سیکرٹری آف سٹیٹ انٹونی بلنکن تقریبا 30 یورپی سربراہان اور کانگریس کے ایک بڑے وفد کے ساتھ کانفرنس میں شرکت کر رہے ہیں جبکہ روسی حکام کو مدعو نہیں کیا گیا ہے۔ اس موقع پر فرانس کے صدر میکرون نے بھی کہا کہ اب روس کے ساتھ یوکرین پر حملے پر بات چیت کا وقت نہیں ہے، اگلے چند ہفتے فیصلہ کن ہوں گے، اتحادی یوکرین کے لیے اپنی حمایت کو تیز کریں تاکہ وہ جوابی کارروائی شروع کر سکے۔ یوکرین کے حکام نے کہا کہ انہیں فوری طور پر بھاری ہتھیاروں کی ضرورت ہے اور کافی جنگی ٹینک کیف کی افواج کو روسیوں سے علاقہ واپس لینے میں مدد دے سکتے ہیں جبکہ اس سے قبل یوکرین کے صدر ولادی میر زیلنسکی نے تمام رہنماں سے ویڈیو لنک کے ذریعے بات کی اور اتحادیوں پر زور دیا کہ وہ ہتھیاروں کی سپلائی کو تیز کریں۔واضح رہے کہ جرمنی حالیہ مہینوں میں یوکرین کو ہتھیار بھیجنے میں بظاہر ہچکچاہٹ کی وجہ سے بڑھتے ہوئے دبا میں تھا لیکن اس نے جنوری میں جرمن ساختہ بھاری لیپرڈ ٹینک یوکرین بھیجنے کی اجازت دینے پر اتفاق کیا اور دوسرے ممالک کو اپنے لیپرڈ 2 ٹینک یوکرین بھیجنے کی بھی اجازت دی جو اب تک برآمدی ضوابط کے تحت محدود تھی۔

کریڈٹ: انڈیپنڈنٹ نیوز پاکستان-آئی این پی

یورپی ملک بلغاریہ کی پولیس نے دارالحکومت صوفیہ کے قریب ایک ٹرک سے 18 افغان تارکین وطن کی لاشیں برآمد کرلیں ۔ بلغاریہ کی وزارت داخلہ نے ایک بیان میں کہا ہے کہ لوکورسکو گاوں کے قریب ملنے والا ٹرک لکڑی اور کمپارٹمنٹس میں چھپے غیرقانونی تارکین وطن کو لے جا رہا تھا۔ اس حوالے سے نیشنل تحقیقاتی سروس کے سربراہ کا بتانا تھا کہ تارکین وطن کی اموات دم گھٹنے کے باعث ہوئیں ، ان افراد نے غیرقانونی طور پر ہمسایہ ملک ترکیہ کی سرحد عبور کی اور بلغاریہ کے شہر یامبول کے قریب ٹرک پر چڑھنے سے قبل دو دن تک جنگل میں چھپے رہے۔ بلغاریہ کے وزیر صحت کا کہنا ہے کہ پانچ بچوں سمیت 34 تارکین وطن کو ہسپتالوں میں پہنچایا گیا جہاں ان کی حالت بہتر ہے جبکہ پولیس نے چار افراد کو بھی حراست میں لے لیا ہے ۔ سینیئر پولیس اہلکار کا کہنا ہے کہ حراست میں لیے گئے چار افراد میں سے ایک کو پہلے ہی انسانی سمگلنگ کے الزام میں سزا سنائی جا چکی ہے، مزید ثبوت ملنے پر الزامات عائد کیے جائیں گے۔

کریڈٹ: انڈیپنڈنٹ نیوز پاکستان-آئی این پی

آسٹریلیا کے اوپنر ڈیوڈ وارنر کنکشن (concussion) کا شکار ہونے کے باعث بھارت کے خلاف دوسرے ٹیسٹ میچ میں مزید حصہ نہیں لیں گے۔ کرکٹ آسٹریلیا کے مطابق میتھیو رینشا کو ٹیم میں شامل کر لیا گیا ہے، میچ ریفری اینڈی پائی کرافٹ نے میتھیو رینشا کی منظوری دوسرے روز کھیل کے آغاز سے قبل دی۔طاس حوالے سے کرکٹ آسٹریلیا کا بتانا ہے کہ ڈیوڈ وارنر کو پہلے روز سر پر گیند لگی تھی، 2 مرتبہ ہیلمٹ پر گیند لگی اور پھر وہ کنکشن کا شکار ہوئے۔طآئی سی سی قوانین کے مطابق کنکشن کے شکار کھلاڑی کا متبادل میچ میں شامل کیا جاسکتا ہے۔طآئی سی سی کے مطابق ڈیوڈ وارنر باقاعدگی سے بولنگ نہیں کرتے اس لیے رینشا بولنگ نہیں کر سکیں گے، کنکشن کے متبادل کو باہر ہونے والے کھلاڑی کی طرح ہی ہونا ہوتا ہے۔طواضح رہے کہ بھارت اور آسٹریلیا کے درمیان دوسرا ٹیسٹ دہلی میں جاری ہے۔

کریڈٹ: انڈیپنڈنٹ نیوز پاکستان-آئی این پی

زمبابوے کرکٹ چیف ٹوینگوا مکھلانی نے آئی سی سی سے چھوٹی ٹیموں کیلیے ٹیسٹ کرکٹ کا قحط ختم کرنے کا مطالبہ کردیا۔ زمبابوے، افغانستان اور آئرلینڈ آئی سی سی ورکنگ گروپ سے ٹیسٹ کرکٹ کا قحط ختم کرنے میں معاونت کے خواہاں ہیں، افغانستان اور آئرلینڈ کو 2017میں ٹیسٹ اسٹیٹس ملا تھا مگر میچز کی تعداد نہ ہونے کے برابر ہے، تینوں ملکوں نے 2017 کے بعد مجموعی طور پر صرف23ٹیسٹ میں حصہ لیا ہے۔ زمبابوے کرکٹ چیف ٹوینگوا مکھلانی پہلے بھی میچز کی تعداد بڑھانے پر زور دیتے رہے ہیں، اب ایک انٹرویو میں انھوں نے کہا کہ اگلے ماہ آئی سی سی ورکنگ گروپ کے اجلاس میں تینوں ملکوں کو زیادہ ٹیسٹ کرکٹ کھیلنے کے مواقع فراہم کرنے کا کوئی راستہ نکالنا ہوگا۔

کریڈٹ: انڈیپنڈنٹ نیوز پاکستان-آئی این پی

بھارتی میڈیا نے دعویٰ کیا ہے کہ ایشیا کپ 2023 کے حوالے سے بھارتی کرکٹ بورڈ(بی سی سی آئی ) نے پاکستان کرکٹ بورڈ ( پی سی بی ) کو دو آپشن دے دیئے ہیں۔ بھارتی میڈیا کی رپورٹس کے مطابق بھارتی کرکٹ بورڈ نے ایشیا کپ میں اپنے میچز متحدہ عرب امارات ( یو اے ای ) میں کھیلنے کی تجویز دی ہے، بھارتی بورڈ کی تجویز ہے کہ پاکستان ایشیا کپ کا میزبان رہے اور دیگر ٹیموں کے میچز پاکستان میں ہوں تاہم بھارت کے فائنل میں پہنچنے کی صورت میں فائنل بھی یو اے ای میں ہو گا ۔ بھارتی میڈیا کا مزید کہنا ہے کہ بھارتی بورڈ نے پاکستانی بورڈ کو آپشن دے دیا ہے اور اب فیصلہ کرنا پی سی بی کے ہاتھ میں ہے ، ایشیا کرکٹ کونسل ( اے سی سی ) کے آئندہ اجلاس میں ایشیا کپ کے وینیو کے حوالے سے حتمی فیصلہ ہو گا۔

کریڈٹ: انڈیپنڈنٹ نیوز پاکستان-آئی این پی

سابق ٹیسٹ کرکٹر جاوید میاںداد نے طبیعت خرابی اور ہسپتال میں داخل ہونے کی خبروں پر کہا ہے کہ میری حالت ٹھیک ہے اور میں میڈیکل چیک اپ کے لیے ہسپتال آ یا تھا جلد گھر روانہ ہوجا وں گا ۔ تفصیلات کے مطابق میڈیا میں خبریں گردش کررہی تھیں کہ جاوید میاں داد کی طبیعت خراب ہے اور وہ ہسپتال میں زیر علاج ہیں جس پر جاوید میاں داد کا وضاحتی پیغام سامنے آیا ہے۔ جاوید میاں داد نے اپنے ویڈیو بیان میں کہا ہے کہ میں اپنے چاہنے والوں کا شکر گزار ہوں کہ انہوں ںے میری طبیعت خرابی پر تشویش کا اظہار کیا، میری طبیعت زیادہ خراب نہیں، سر میں درد کے سببب چیک اپ کے لیے آیا تھا کوئی فکر کی بات نہیں ہے، دنیا بھر میں جہاں بھی مجھ سے محبت کرنے والے موجود ہیں وہ پریشان نہ ہوں۔

کریڈٹ: انڈیپنڈنٹ نیوز پاکستان-آئی این پی

چیئرمین پاکستان کرکٹ بورڈ (پی سی بی ) منیجمنٹ کمیٹی نجم سیٹھی نے کہا ہے کہ پاکستان سپر لیگ (پی ایس ایل ) 8 کو کوئی خطرہ نہیں، ایونٹ جاری رہے گا۔ ٹوئٹر پر ایک بیان میں نجم سیٹھی کا کہنا تھا کہ پی ایس ایل جاری رہے گی، پی ایس ایل کو کوئی خطرہ نہیں ہے۔ نجم سیٹھی کا کہنا تھا کہ ٹی ٹی پی نے کہا ہے کہ وہ صرف سٹیٹ سکیورٹی اسٹیبلشمنٹ کو ٹارگٹ کرے گی، ان کہنا ہے کہ معاہدوں کو توڑا گیا ہے اس لیے ٹارگٹ کریں گے۔ دوسری جانب کراچی میں سکیورٹی صورتحال سے متعلق پاکستان کرکٹ بورڈ اور ایچ بی ایل پی ایس ایل فرنچائز مالکان کا اجلاس ہوا جس میں اتفاق کیا گیا کہ واقعیکا براہ راست پاکستان سپرلیگ سے کوئی تعلق نہیں۔ فرنچائز مالکان کا کہنا ہے کہ پی ایس ایل 8 کے میچز شیڈول کے مطابق ہوں گے، کراچی کنگز اور کوئٹہ گلیڈی ایٹرز کے درمیان آج میچ بھی کراچی میں کھیلا جائے گا۔

کریڈٹ: انڈیپنڈنٹ نیوز پاکستان-آئی این پی

انسداد دہشتگردی ڈپارٹمنٹ نے پنجاب کے مختلف شہروں میں آپریشن کے دوران 8 دہشتگردوں کو گرفتار کرلیا۔ حکام کے مطابق سی ٹی ڈی نے گزشتہ رات لاہور، سرگودھا اور ملتان سمیت دیگر پانچ اضلاع میں دہشت گردوں کے خلاف آپریشن کے دوران ان کے ٹھکانوں پر چھاپے مارے۔ سیکورٹی آپریشن میں کالعدم ٹی ٹی پی اور داعش سے تعلق رکھنے والے 8 دہشتگردوں کو گرفتار کرلیا گیا۔ حکام کا کہنا ہے کہ 36 مشتبہ افراد سے تفتیش میں ملی معلومات کی بنیاد پر دہشتگردوں کو گرفتار کیا گیا۔ گرفتار دہشتگردوں میں مسعود الرحمان ، سبحان اللہ ، ساجد علی ، عزیز خان ، شاہد اعجاز اور شرافت اللہ شامل ہیں۔ سیکورٹی آپریشن کے دوران خود کش جیکٹ ،بارودی مواد، اسلحہ اور گولیاں برآمد کی گئیں۔ دہشتگردوں کے خلاف 7 مقدمات درج کرلیے گئے۔ رواں ہفتے 483 کومبنگ آپریشن کیے گئے جس میں 127 مشتبہ افراد کو گرفتار کیا گیا۔

کریڈٹ: انڈیپنڈنٹ نیوز پاکستان-آئی این پی

گوادر میں سمندری پانی کو صاف کرنے کے 1.2 ایم جی ڈی واٹر پلانٹ پر 80 فیصد کام مکمل ہو چکا ہے، یہ بات گوادر پورٹ اتھارٹی (جی پی اے) کے پروجیکٹ ڈائریکٹر داؤد بلوچ نے گوادر پرو کو ایک انٹرویو میں بتائی ۔ یہ چین کی طرف سے ایک تحفہ ہے جس کی لاگت 2 بلین روپے ہے، اس سے گوادر کے مقامی لوگوں کو پینے کے پانی کی فراہمی میں مدد ملے گی ۔ گوادر پرو کے مطابق منصوبے کی رفتار اور پیمانے پر اطمینان کا اظہار کرتے ہوئے انہوں نے کہا کہ 80 فیصد تکمیل نے اس امید کو جنم دیا ہے کہ واٹر ڈی سیلینیشن پلانٹ کی تکمیل کے مقررہ وقت سے کئی ہفتے قبل باضابطہ افتتاح کر دیا جائے گا۔ انہوں نے وضاحت کی کہ اصل تکمیل کا وقت 30 جون 2023 مقرر کیا گیا ہے۔ ایک سوال پر انہوں نے کہا کہ تمام متعلقہ آلات اور سامان گوادر پہنچ چکا ہے اور تکنیکی طور پر انہیں دو ماہ کے اندر اندر نصب کر دیا جائے گا، یہ ڈی سیلینیشن پلانٹ کے جلد آپریشنل ہونے کا وعدہ ہے۔ گوادر پرو کے مطابق ایک سوال کے جواب میں انہوں نے کہا کہ 1.2 ایم جی ڈی سمندری پانی کو صاف کرنے کے پلانٹ کی جاری تعمیر کے ساتھ ساتھ پلانٹ کی جگہ سے گوادر کے مین واٹر سپلائی نیٹ ورک تک تقریباً ایک کلو میٹر طویل واٹر سپلائی لائن بچھانے کا عمل بھی ریکارڈ مدت میں مکمل کر لیا گیا ہے۔. انہوں نے مزید کہا کہ جب واٹر پلانٹ کام کرنا شروع کر دے گا تو یہ واٹر سپلائی لائن کام شروع کر دے گی۔ گوادر پرو کے مطابق انہوں نے بتایا کہ اس رابطے کے ذریعے گوادر کے رہائشیوں کو پینے کا پانی فراہم کیا جائے گا۔ 1.2 ایم جی ڈی واٹر ڈی سیلینیشن پلانٹ تقریباً ایک ایکڑ اراضی پر محیطہوا ہے۔

کریڈٹ: انڈیپنڈنٹ نیوز پاکستان-آئی این پی

پاکستان اور بین الاقوامی مالیاتی فنڈ (آئی ایم ا یف ) کے درمیان میمورنڈم آف اکنامک اینڈ فنانشنل پالیسز (ایم ای ایف پی ) اور سٹاف سطح پر معاہدے کے مسودے پر اصولی اتفاق ہوگیا ہے اور آئندہ ہفتے معاہدے پر دستخط کی توقع ہے۔ نجی ٹی وی کے مطابق بین الاقوامی مالیاتی فنڈ جائزہ مشن کی طرف سے اصلاحات کے تحت طے پانے والے اقدامات پر اطمینان کا اظہار کیا گیا ہے اور پاکستان کی جانب سے آئی ایم ایف کو وزیراعظم کی سطح پر اصلاحات پرعملدرآمد کی گارنٹی فراہم کی گئی ہے۔ وزارت خزانہ ذرائع کا کہنا ہے کہ آئی ایم ایف کے ساتھ 30 جون تک ملکی زرمبادلہ ذخائر دو ماہ کی درآمدات کے مساوی لانے پر بھی اتفاق ہواہے، پاکستان کو دوست ممالک، عالمی اداروں اور کمرشل قرض کے ذریعے 10 ارب ڈالرسے زائد کا انتظام کرنا ہو گا، اس کے علاوہ آئی ایم ایف کے ساتھ اس سال معاشی شرح نمو دو فیصد تک اور مہنگائی 29 فیصد سے زیادہ رہنے کا تخمینہ طے ہوا ہے۔ دوست ممالک اور عالمی مالیاتی ادارے بھی موجودہ قرض پروگرام کی نگرانی کریں گے، جبکہ جون 2023 تک 2.5 ارب ڈالرملنے کے بعد آئی ایم ایف کا قرض پروگرام ختم ہوجائے گا، ضرورت ہوئی تو پاکستان نئے قرض پروگرام کے لئے اگلے مالی سال کیلئے نئی درخواست دے گا۔ حکام کے مطابق آئی ایم ایف کا ایگزیکٹو بورڈ معاہدے کے 3 سے 4 ہفتے بعد 1.1 ارب ڈالر قسط کی منظوری دے گا، توقع ہے کہ پاکستان کی جانب سے آئی ایم ایف سے سپیشل بورڈ میٹنگ بلانے کی درخواست کی جائے گی۔

کریڈٹ: انڈیپنڈنٹ نیوز پاکستان-آئی این پی

آشیانہ اقبال ریفرنس کی سماعت میں جرح کے دوران وعدہ معاف گواہ وزیراعظم شہباز شریف کیخلاف بیان سے منحرف ہوگیا۔ احتساب عدالت نمبر 5 کے جج ساجد علی اعوان کے روبرو وزیراعظم شہباز شریف اور دیگر کے خلاف آشیانہ اقبال ریفرنس کی سماعت ہوئی، جس میں نیب کے وعدہ معاف گواہ کرنل(ر)عارف مجید نے شہباز شریف کو کلین چٹ دے دی۔ وعدہ معاف گواہ اسرار سعید نے کہا کہ شہباز شریف کا اس مقدمے میں کوئی کردار نہیں ہے، اس وقت کے چیئرمین نیب ، ڈی جی نیب اور دیگر نے یہ بیان لیا، اس وقت نیب کے افسران نے تحریری صورت میں مجھے صفحات دیے کہ یہ بیان عدالت میں دیں۔ نیب کے وعدہ معاف گواہان اسرار سعید اور کرنل(ر)عارف مجید کے بیان پر وکلا کی جرح مکمل ہوگئی، احتساب عدالت میں وکیل امجد پرویز، وکیل قاضی مصباح الحسن سمیت دیگر نے وعدہ معاف گواہ پر جرح مکمل کی، وعدہ معاف گواہوں نے عدالت میں کہا کہ نیب افسران کے دبا کی وجہ سے وعدہ معاف بن کر بیان دیا تھا۔ سماعت کے دوران وزیراعظم شہباز شریف کی جانب سے انوار حسین حاضری کے لیے پیش ہوئے۔ یاد رہے کہ عدالت نے شہباز شریف اور سابق وزیر اعظم نواز شریف کے پرنسپل سیکرٹری فواد حسن فواد کو حاضری سے استثنا دے رکھا ہے۔ دوران سماعت عدالت میں شریک ملزم ندیم ضیا پیرزادہ ، کامران کیانی اور دیگر ملزمان پیش ہوئے۔ بعد ازاں عدالت نے کیس پر مزید سماعت 4 مارچ تک ملتوی کرنے کا حکم دے دیا۔

کریڈٹ: انڈیپنڈنٹ نیوز پاکستان-آئی این پی

وزیر اعظم شہباز شریف نے کہا ہے کہ ترکیہ میں تباہ کن زلزلے سے جانی و مالی نقصان پر بے حد افسوس ہے، نقصان بہت زیادہ ہے، آخری متاثرہ شخص کی بحالی تک چین سے نہیں بیٹھیں گے، صدر طیب اردگان کی اہلیہ امینہ نے سیلاب متاثرین کیلئے اپنے کنگن عطیہ کئے،پاکستان پر جب بھی مشکل وقت آیا ترکیہ نے ہماری مدد کی، مجھے یقین ہے ترک حکومت اور عوام جلد مشکل سے نکل آئیں گے، ترکیہ کی مدد کیلئے او آئی سی کا ہنگامی اجلاس بلانا چاہیے، ترک میڈیا کو انٹرویو دیتے ہوئے وزیرِ اعظم شہباز شریف نے کہا کہ پاکستان پہلا ملک ہے جو ترکیہ میں 21 ویں صدی کے بدترین زلزلے کے بعد مدد کو پہنچا، زلزلے کے بعد صدر طیب اردوان کو فون کر کے تعزیت کی اور مدد کی پیشکش کی، اپنی حکومت، پاکستانی عوام کی جانب سے متاثرہ خاندانوں سے تعزیت کرتا ہوں۔ انہوں نے کہا کہ جتنی بھی امداد کی جائے کم ہے، ہم اب تک 500 ٹن سے زائد امدادی اشیا پہنچا چکے ہیں، وزرا، ارکان پارلیمنٹ نے ایک ایک ماہ کی تنخواہ ترک بھائیوں کے لیے عطیہ کی، صدر طیب اردگان کی اہلیہ امینہ نے سیلاب متاثرین کیلئے اپنے کنگن عطیہ کئے۔

وزیراعظم کا کہنا تھا کہ ترکیہ کی مدد کیلئے او آئی سی کا ہنگامی اجلاس بلانا چاہیے، پاکستانی قوم مشکل گھڑی میں ترکیہ کے عوام سے مکمل یکجہتی کا اظہار کرتی ہے، پاکستان پر جب بھی مشکل وقت آیا ترکیہ نے ہماری مدد کی، مجھے یقین ہے ترک حکومت اور عوام جلد مشکل سے نکل آئیں گے۔ شہباز شریف نے کہا کہ پاکستان میں سردیوں کے خیمے تیار کرنے والی کمپنیوں کا ہنگامی اجلاس بلایا ہے، ہماری توجہ سردیوں کے خیمے زیادہ سے زیادہ ترکیہ بھیجنے پر ہے، اعلی معیار کے سردیوں کے خیمے جلد تیار کر کے بھیجیں گے،2010 کے سیلاب کے بعد صدر اردوان نے دورہ کیا، لاکھوں ڈالر امداد دی، بین الاقوامی برادری کو ترکیہ میں بحالی اور تعمیر نو کے لیے کام کرنا چاہیے۔ وزیراعظم کا مزید کہنا تھا کہ انسانیت کی بھلائی سے بڑا کوئی کام نہیں ہے، کاش ہم کسی خوشی کے موقع پر آئے ہوتے، ترکیہ میں آخری متاثرہ شخص کی بحالی تک چین سے نہیں بیٹھیں گے۔

کریڈٹ: انڈیپنڈنٹ نیوز پاکستان-آئی این پی

شہر قائد کے علاقے پرانا گولیمار میں شاہ نواز چوک کے قریب مکان کی چھت گرنے کے باعث 2 افراد جاں بحق جبکہ 2 زخمی ہو گئے۔ ریسکیو ذرائع کے مطابق چھت گرنے کے باعث جاں بحق ہونے والوں میں ایک مرد اور ایک خاتون شامل ہیں جن کی شناخت محمد علی اور سلطانہ کے نام سے ہوئی ہے، جبکہ گل بانو اور 8 سالہ ریان زخمی ہوئے۔ ریسکیو ذرائع نے مزید بتایا کہ واقعہ میں جاں بحق ہونے والوں کی لاشوں اور زخمیوں کو ہسپتال منتقل کر دیا گیا ہے۔

کریڈٹ: انڈیپنڈنٹ نیوز پاکستان-آئی این پی

سجاول روڈ پر برانچ موری کے قریب تیز رفتار ہائی روف الٹ گئی جس کے نتیجے میں 10 سالہ بچہ جاں بحق جبکہ 15 افراد زخمی ہو گئے۔ ریسکیو ذرائع کے مطابق حادثے کے نتیجے میں زخمی ہونے والوں میں عورتیں اور بچے بھی شامل ہیں جبکہ تمام زخمیوں کا تعلق ایک ہی خاندان سے ہے۔ ذرائع نے بتایا کہ جاں بحق ہونے والے بچے کی شناخت ذیشان کے نام سے ہوئی ہے جبکہ بچے کی لاش اور حادثے میں زخمی ہونے والے تمام افراد کو سول ہسپتال منتقل کر دیا گیا ہے۔ ذرائع نے مزید بتایا کہ ہسپتال منتقل کئے جانے والے زخمیوں میں سے تین کی حالت نازک ہے۔

کریڈٹ: انڈیپنڈنٹ نیوز پاکستان-آئی این پی

کراچی پولیس آفس پر دہشت گرد حملے میں آپریشن کے دوران مارے جانے والے2 دہشت گردوں کی شناخت کر لی گئی ۔ گزشتہ روز کراچی پولیس آفس پردہشتگرد حملے میں سیکورٹی فورسز کی جوابی کارروائی میں مارے جانے والے 2 دہشتگردوں کی شناخت کرلی گئی ہے۔ ایک دہشتگرد کی شناخت زالا نور ولد وزیرحسن کے نام سے کی گئی جس کا تعلق شمالی وزیرستان سے تھا۔ سیکورٹی آپریشن کے دوران خود کو دھماکے سے اڑانے والے دہشتگرد کا نام کفایت اللہ ولد میرز علی خان تھا اور وہ وانڈہ امیر لکی مروت کا رہنے والا تھا۔

کریڈٹ: انڈیپنڈنٹ نیوز پاکستان-آئی این پی