پنوم پن (شِنہوا) چین کی جانب سے کوویڈ-19 حکمت عملی کو بہتر بنائے جانے سے کمبوڈیا اور باقی دنیا میں سیاحت اور اقتصادی ترقی کو فروغ مل سکتا ہے۔ کمبوڈیا کی وزارت اقتصادیات و خزانہ کے اسٹینڈنگ سیکرٹری آف سٹیٹ وونگسی وسوتھ نے اپنے ملک کے اقتصادی نقطہ نظر2023 سےمتعلق ہونے والے ایک فورم سے خطاب کرتے ہوئے کہا کہ چین کے دوبارہ کھلنے سے عالمی سیاحت اور معاشی بحالی کو فروغ مل سکتا ہے۔ وزارت  کے جنرل ڈپارٹمنٹ برائے پالیسی کے ڈپٹی ڈائریکٹر کروئے نارین نے کہا کہ چین کی جانب سے  وبائی حکمت عملی کو بہتر بنانے کے بعد کمبوڈیا میں بڑی تعداد میں چینی سیاحوں کی آمد متوقع ہے۔ انہوں نے اپنےخطاب میں کہا کہ چین کی  کوویڈ-19حکمت عملی کو بہتر بنانے سے ہماری سیاحت کی ترقی، چین کے لیے ہماری برآمدات اور کمبوڈیا میں چینی سرمایہ کاری کی آمد میں اضافہ ہو سکتا ہے۔

پنوم پن (شِنہوا) چین کی جانب سے کوویڈ-19 حکمت عملی کو بہتر بنائے جانے سے کمبوڈیا اور باقی دنیا میں سیاحت اور اقتصادی ترقی کو فروغ مل سکتا ہے۔ کمبوڈیا کی وزارت اقتصادیات و خزانہ کے اسٹینڈنگ سیکرٹری آف سٹیٹ وونگسی وسوتھ نے اپنے ملک کے اقتصادی نقطہ نظر2023 سےمتعلق ہونے والے ایک فورم سے خطاب کرتے ہوئے کہا کہ چین کے دوبارہ کھلنے سے عالمی سیاحت اور معاشی بحالی کو فروغ مل سکتا ہے۔ وزارت  کے جنرل ڈپارٹمنٹ برائے پالیسی کے ڈپٹی ڈائریکٹر کروئے نارین نے کہا کہ چین کی جانب سے  وبائی حکمت عملی کو بہتر بنانے کے بعد کمبوڈیا میں بڑی تعداد میں چینی سیاحوں کی آمد متوقع ہے۔ انہوں نے اپنےخطاب میں کہا کہ چین کی  کوویڈ-19حکمت عملی کو بہتر بنانے سے ہماری سیاحت کی ترقی، چین کے لیے ہماری برآمدات اور کمبوڈیا میں چینی سرمایہ کاری کی آمد میں اضافہ ہو سکتا ہے۔

سڈنی(شِنہوا) آسٹریلیا کی آر ایم آئی ٹی یونیورسٹی کی قیادت میں ایک تحقیقاتی ٹیم نے کہا ہے کہ ہائی فریکوئنسی کی حامل صوتی  لہروں کے استعمال سے اگرموبائل فون بیٹری میں لگنے والے زنگ کو دورکردیا جائے تووہ نوسال تک کارآمد ہوسکتی ہے۔

تحقیقاتی ٹیم نے بدھ کے روز کہا کہ ایک مخصوص فریکوئنسی پر صوتی لہریں  ایم ایکس ای این ای نامی نینو میٹریل سے زنگ کودور کردیتی ہیں جس سے اس کی اصل حالت بحال  ہوجاتی ہے ، اس کا مطلب یہ ہو سکتا ہے کہ ہم لیتھیم کے متبادل  ایک طویل عمر رکھنے والے مواد کی تیاری کے قریب پہنچ گئے ہیں۔ آسٹریلیا میں موبائل فون کی بیٹریوں سمیت  استعمال شدہ بیٹریوں کا صرف 10 فیصد،  ری سائیکل ہوتا ہے۔ ٹیم کے مطابق  اس مسئلے کی بڑی وجہ بیٹریوں سے حاصل ہونے والے  لیتھیم اور دیگر مواد کی ری سائیکلنگ پر اٹھنے والے زیادہ اخراجات ہیں۔ محققین کا کہنا ہے کہ ایم ایکس ای این ای میٹریل گرافین کی طرح اعلی برقی موصل  ہے جو انتہائی موزوں ہے۔اگر زنگ لگنے کا مسئلہ آسانی سے حل ہو جائے تو اسے مستقبل میں تکنیکی ایپلی کیشنز کی ایک پوری رینج میں استعمال کیا جا سکتا ہے۔

بیروت(شِنہوا)امریکی یونیورسٹی آف بیروت میڈیکل سینٹرمیں جڑواں بچیوں کو کامیابی کے ساتھ الگ کر دیا گیا ہے۔

 سرکاری خبر رساں ایجنسی کے مطابق نگران وزیر صحت فیراس عبیاد نے میڈیکل سینٹر میں منعقدہ ایک پریس کانفرنس میں کامیاب سرجری کی تفصیلات بتاتے کہا کہ یہ لبنان میں اپنی نوعیت کا پہلا سرجیکل آپریشن تھا۔

عبیاد نے وضاحت کی کہ جڑواں بچوں کے والدین نے چھ ماہ قبل رابطہ کرکے مدد طلب کرتےہوئے بتایا کہ ایکسرے میں ظاہر ہوا ہے کہ جڑواں بچے رحم میں جڑے ہوئے ہیں۔

انہوں نے کہا کہ اس  پر میں نے امریکی یونیورسٹی آف بیروت میڈیکل سینٹر سے رابطہ کیا، جس نے موجودہ معاشی بحران کے باوجود  جڑوں بچوں کو علیحدہ کرنے کا آپریشن کرنے پر رضامندی ظاہر کی۔

لبنان میں ہسپتالوں اور طبی اداروں کو سامان، ادویات کے ساتھ ساتھ طبی اور نرسنگ سٹاف کی کمی کا سامنا ہے۔

سرجیکل آپریشن کی تیاری میں چار مہینے لگے  اور ڈاکٹروں اور نرسوں کی ایک ٹیم جڑواں بچیوں کو طبی مرکز سے فارغ کرنے تک انکے ساتھ رہی۔

ٹیم کے ارکان کے درمیان مکمل ہم آہنگی اور تمام تفصیلات کے لیے منصوبہ بندی نے دس گھنٹے طویل آپریشن کی کامیابی میں کلیدی کردار ادا کیا ۔آپریشن انتہائی حساس نوعیت کا تھا  تاکہ الگ کیے گئے عضو میں کوئی منفی پیچیدگیاں پیدا نہ ہوں۔

نئی دہلی(شِنہوا)بھارت میں حکام نے ملک کے 74 ویں یوم جمہوریہ کی تقریبات سے قبل دارالحکومت نئی دہلی سمیت تمام  شہروں میں سیکورٹی  بڑھا دی ہے۔

یہ اقدام عسکریت پسندوں یا دہشت گرد گروپوں کے ہاتھوں کسی رکاوٹ کے بغیر سرکاری تقریبات کو محفوظ طریقے سے انجام دینے کے لیے اٹھایا گیا ہے۔

پولیس نے بڑے شہروں میں حفاظتی انتظامات کے تحت میٹرو سٹیشنوں، ریلوے سٹیشنوں، ہوائی اڈوں اور بس ٹرمینلز پر چیکنگ اور گشت کو تیز کر دیا ہے۔

دہلی میں حکام نے سیکورٹی کے خاطر خواہ انتظامات کیے ہیں جہاں جمعرات کو مرکزی تقریب منعقد ہونے والی ہے۔

مقامی میڈیا رپورٹس میں کہا گیا ہے کہ 6ہزار سے زیادہ پولیس اہلکاروں کوملکی دارالحکومت  اور اس کے ارد گرد تعینات کیا گیا ہے تاکہ فول پروف سیکورٹی یقینی بنائی جائےاور تقریب  کے دوران  کسی بھی ناخشگوارواقعے سے بچا جا سکے۔

بھارتی میڈیا نے ایک سینئر پولیس اہلکار پرناو طیال کے حوالے سے بتایا  کہ مختص مقامات پر معمور اور کوئیک رسپانس دونوں ٹیمیں کسی بھی ناخوشگوار صورتحال سے نمٹنے کے لیے چوکس رہیں گی اور ہم نے دیگر ایجنسیوں کے ساتھ مل کر انسداد دہشت گردی کے اقدامات کو تیز کر دیا ہے۔

انہوں نے کہا کہ دہلی ہمیشہ سے ہی سماج دشمن عناصر کا نشانہ رہا ہے اور ایسے مواقع پر خطرہ بہت زیادہ ہوتا ہے ۔ ہم نے خطرات سے نمٹنے کیلئے اپنے حفاظتی نظام کو مضبوط کیا ہے۔

بھارت کےیوم جمہوریہ کی پریڈ جمعرات کی صبح نئی دہلی میں کرتاویہ پاتھ (جسے پہلے راج پتھ کے نام سے جانا جاتا تھا) پر منعقد ہوگی۔

بیجنگ(شِنہوا) خرگوش کے چینی نئے سال کی آمد کے موقع پرغیر ملکی رہنماؤں نے چین، چینی عوام اور بیرون ملک مقیم چینیوں کو مبارکباد دیتے ہوئے ایک بہتر مستقبل کی جانب چین کے ساتھ مضبوط تعاون کی امید ظاہر کی ہے۔جنوبی افریقہ کے صدر سیرل رامافوسا نے ایک بیان میں کہا کہ چین سے تعلق رکھنے والے پیارے بھائیوں اور بہنوں اور دنیا بھر کی تمام چینی کمیونٹیز: میں آپ سب کو نئے قمری سال اور خوشحال بہار کے تہوار 2023 کی مبارکباد پیش کرتا ہوں۔

انہوں نے مزید کہا کہ "جیسے ہی ہم نئے سال میں داخل ہو رہے ہیں، ہم 1998 میں جنوبی افریقہ اور عوامی جمہوریہ چین کے درمیان سفارتی تعلقات کے قیام کی 25 ویں سالگرہ بھی منا رہے ہیں، جنوبی افریقہ چین کے بعد  اگلے برکس سربراہی اجلاس کے میزبانی کرے گا۔انہوں نے کہا کہ یہ مواقع جشن منانے کوکافی جواز فراہم کرتے ہیں۔ ایک ویڈیو پیغام میں، زمبابوے کے صدر ایمرسن منانگاگوا نے زمبابوے کی حکومت عوام  اور اپنی طرف سے پرتپاک مبارکباد پیش کرتے ہوئے کہا کہ "نیا موسم دوستی اور یکجہتی کے مضبوط بندھن کو مضبوط کرنے کا موقع فراہم کرتا ہے۔ جو ہمارے دونوں ممالک اور عوام کے درمیان موجود ہے۔" نئے سال میں تمام چینیوں کی اچھی صحت، خوشحالی اور کامیابی  کی خواہش ظاہر کرتے ہوئے، منانگاگوا نے چینی زبان میں "چھون جی کوائی لی! (بہار کا تہوار مبارک ہو!)" کے ساتھ پیغام کا اختتام کیا۔  ایک ویڈیو پیغام میں سری لنکا کے صدر رانیل وکرما سنگھے نے چین کے عوام اور حکومت کے لیے خرگوش کے خوشحال سال کی خواہش کااظہار کیا۔

دریں اثنا، سری لنکا کے وزیر اعظم دنیش گناوردینا نے اپنے ویڈیو پیغام میں کہا کہ چین سری لنکا کا "سچا بھروسہ مند دوست" ہے۔ انہوں نے کہا کہ سری لنکا کے موجودہ معاشی بحران میں بھی چین نے اقتصادی مشکلات پر قابو پانے کے لیے غیر معمولی خصوصی تعاون کی یقین دہانی کرائی۔  صدر شی جن پھنگ کو بھیجے گئے اپنے پیغام میں مالدیپ کے صدر ابراہیم محمد صالح نے چینی عوام کی خوشحالی، ترقی، خوشی اور اچھی صحت کی خواہش کا اظہار کیا۔انہوں نے کہا کہ وہ چین کے ساتھ مل کر مختلف شعبوں میں باہمی مفاد پر مبنی تعاون کو وسعت دینے اور مالدیپ اور چین کے درمیان پہلے سے قریبی تعاون پر مبنی شراکت داری کو مزید بڑھانے کے لیے پر امید ہیں۔سربیا کی وزیر اعظم اینا برنابک نے بلغراد میں خرگوش کے سال کے استقبال کے لیے منعقد ہونے والی مرکزی تقریب میں شرکت کرتے ہوئے کہا کہ  وہ اپنے عوام کی طرف سے آپ (چین اور چینی عوام) کی اچھی صحت، قسمت اور بہت سی نئی اقتصادی کامیابیوں کی خواہش کرتی ہیں۔

برلن (شِنہوا)جرمنی کی چین سے نایاب زمینی دھاتوں کی درآمدات 2022 کے پہلے گیارہ ماہ میں4کروڑ93لاکھ یورو(5کروڑ37لاکھ ڈالر) کی رہیں،جو ملک کی کل درآمدات کا دو تہائی ہے۔

وفاقی شماریاتی دفتر (ڈیسٹیٹس) کے مطابق کچھ نایاب دھاتوں کاحصہ اس سے بھی زیادہ تھا۔ اس عرصے کے دوران درآمد کردہ  220 ٹن سکینڈیم اور یٹریئم، جن کی مالیت 17لاکھ  یورو تھی، میں سے 94.4 فیصد چین سے درآمد کیاگیا۔ نایاب زمینی دھاتوں کی اصطلاح سے مراد 17 عناصر کا ایک گروپ ہے جو مختلف مصنوعات اور انفراسٹرکچر بنانے کے لیے استعمال ہوتے ہیں جو روزمرہ زندگی کے لیے تیزی سے اہمیت حاصل کررہے ہیں۔ یہ موبائلز، ہارڈ ڈرائیوز اور ٹرینوں میں  استعمال ہوتے ہیں، لیکن یہ ماحول دوست ٹیکنالوجی بشمول ونڈ ٹربائنز اور الیکٹرک گاڑیوں کے لیے بھی اہم ہیں۔جرمن انسٹی ٹیوٹ فار اکنامک ریسرچ (ڈی آئی ڈبلیو برلن) کے مطابق، دنیا کے نایاب دھاتوں کے سب سے بڑے پروڈیوسر کے طور پر، چین کا دنیا بھرکی  درآمدات میں تین چوتھائی حصہ ہے۔ یورپی یونین (ای یو) میں، چین سے نایاب دھاتوں کی درآمدات کا اوسط حصہ تقریباً 94 فیصد ہے۔

برلن (شِنہوا)جرمنی کی چین سے نایاب زمینی دھاتوں کی درآمدات 2022 کے پہلے گیارہ ماہ میں4کروڑ93لاکھ یورو(5کروڑ37لاکھ ڈالر) کی رہیں،جو ملک کی کل درآمدات کا دو تہائی ہے۔

وفاقی شماریاتی دفتر (ڈیسٹیٹس) کے مطابق کچھ نایاب دھاتوں کاحصہ اس سے بھی زیادہ تھا۔ اس عرصے کے دوران درآمد کردہ  220 ٹن سکینڈیم اور یٹریئم، جن کی مالیت 17لاکھ  یورو تھی، میں سے 94.4 فیصد چین سے درآمد کیاگیا۔ نایاب زمینی دھاتوں کی اصطلاح سے مراد 17 عناصر کا ایک گروپ ہے جو مختلف مصنوعات اور انفراسٹرکچر بنانے کے لیے استعمال ہوتے ہیں جو روزمرہ زندگی کے لیے تیزی سے اہمیت حاصل کررہے ہیں۔ یہ موبائلز، ہارڈ ڈرائیوز اور ٹرینوں میں  استعمال ہوتے ہیں، لیکن یہ ماحول دوست ٹیکنالوجی بشمول ونڈ ٹربائنز اور الیکٹرک گاڑیوں کے لیے بھی اہم ہیں۔جرمن انسٹی ٹیوٹ فار اکنامک ریسرچ (ڈی آئی ڈبلیو برلن) کے مطابق، دنیا کے نایاب دھاتوں کے سب سے بڑے پروڈیوسر کے طور پر، چین کا دنیا بھرکی  درآمدات میں تین چوتھائی حصہ ہے۔ یورپی یونین (ای یو) میں، چین سے نایاب دھاتوں کی درآمدات کا اوسط حصہ تقریباً 94 فیصد ہے۔

یروشلم(شِنہوا) اسرائیلی فوجیوں نے مقبوضہ مغربی کنارے میں بدھ کے روزایک فوجی چوکی پرموجود فوجیوں پرچاقوسےوار کرنے کی کوشش کرنے والےایک فلسطینی کو گولی مار کرقتل کر دیا۔

ایک عسکری بیان میں کہا گیا ہے کہ مشتبہ فلسطینی شخص نے نابلس شہر کے مغرب میں واقع اسرائیلی بستی خومیم کے باہر ایک سڑک پرچھرا گھونپنے کی کوشش کی جس پر فوجیوں نے حملہ آور کو ناکام بنایا۔ حملوں کے شبہ میں فلسطینیوں کی ہلاکت کو بیان کرنے کے لیے اسرائیل اکثر "نیوٹرلائزڈ" کی اصطلاح استعمال کرتا ہے۔

حملے میں کسی اسرائیلی کے زخمی ہونے کی اطلاع نہیں ملی۔

یہ پر تشدد کارروائی مارچ 2022  اور اب ایک  غیر قومی حکومت کے قیام کے بعد روزانہ کی بنیاد پراسرائیلی چھاپوں سے مغربی کنارے میں بڑھتی ہوئی کشیدگی کا تازہ ترین واقعہ ہے۔

جنوری 2023 کےآغاز سے اسرائیل اور فلسطینیوں کے درمیان کشیدگی میں اضافہ ہواہے۔ فلسطینی وزارت صحت نے کہا ہے کہ یکم جنوری سے اسرائیلی فوجیوں کے ہاتھوں 17 فلسطینی جاں بحق اور درجنوں زخمی ہو چکے ہیں۔

بیجنگ(شِنہوا)چین کے وزیر خارجہ چھن گانگ نے  گیبون کے وزیر خارجہ مائیکل موسی ایڈمو کی وفات پرگیبونی وزارت خارجہ کو تعزیتی پیغام بھیجا ہے۔

پیغا م میں انہوں نےکہا کہ وہ مائیکل موسی کی موت کے بارے میں جان کر صدمے میں ہیں اورسوگوار خاندان سے تعزیت اوردلی ہمدردی کا اظہارکرتے ہیں۔

چینی وزیرخارجہ نے کہا کہ  مائیکل موسی گیبون کےایک اہم سیاستدان اور سفارت کار تھے جو چینی عوام کےلئے دوستانہ جذبات رکھتے تھے اور انہوں نے چین-گیبون دوستی کو فعال طور پر فروغ دیا اور دو طرفہ تعلقات کی ترقی میں اہم کردار ادا کیا۔

چھن نے کہا کہ چین دوطرفہ تعاون میں نئی کامیابیوں کو آگے بڑھانے کے لیے گیبون کے ساتھ مل کر کام کرنے کے لیے تیار ہے۔

بیجنگ(شِنہوا)چین کے وزیر خارجہ چھن گانگ نے  گیبون کے وزیر خارجہ مائیکل موسی ایڈمو کی وفات پرگیبونی وزارت خارجہ کو تعزیتی پیغام بھیجا ہے۔

پیغا م میں انہوں نےکہا کہ وہ مائیکل موسی کی موت کے بارے میں جان کر صدمے میں ہیں اورسوگوار خاندان سے تعزیت اوردلی ہمدردی کا اظہارکرتے ہیں۔

چینی وزیرخارجہ نے کہا کہ  مائیکل موسی گیبون کےایک اہم سیاستدان اور سفارت کار تھے جو چینی عوام کےلئے دوستانہ جذبات رکھتے تھے اور انہوں نے چین-گیبون دوستی کو فعال طور پر فروغ دیا اور دو طرفہ تعلقات کی ترقی میں اہم کردار ادا کیا۔

چھن نے کہا کہ چین دوطرفہ تعاون میں نئی کامیابیوں کو آگے بڑھانے کے لیے گیبون کے ساتھ مل کر کام کرنے کے لیے تیار ہے۔

بیجنگ(شِنہوا) چین کے پک اپ ٹرک کی برآمدات میں2022کے دوران گزشتہ سال کی نسبت 65 فیصد اضافہ ہوا۔

چائنا پیسنجر کار ایسوسی ایشن کے مطابق 2022 میں کُل 1لاکھ28ہزار پک اپ ٹرک برآمد کیے گئے جوپک اپ کی مجموعی فروخت کا 25 فیصد ہے۔

چین نےصرف دسمبر میں 15ہزارپک اپ ٹرک برآمد کیےجوگزشتہ سال اسی عرصے کے مقابلے میں70 فیصد زیادہ ہیں۔

ایسوسی ایشن نے کہا کہ کورونا وباٰء میں رکاوٹوں کی وجہ سے  گزشتہ ماہ چین کے پک اپ ٹرکوں کی فروخت گزشتہ سال کی نسبت 26 فیصد کم ہو کر 43ہزار رہ گئی۔

بیجنگ (شِنہوا) چین میں جنوری 2023 کے وسط میں اہم اشیاء کے نرخ میں جنوری کے آغاز کی نسبت اضافہ ہوا ہے۔

قومی بیورو برائے شماریات کے مطابق حکومت کی زیرنگرانی 50 اشیاء میں سے 33 کی قیمتوں میں اضافہ اور 14 میں کمی ہوئی۔ ان میں اسٹیل ٹیوبز، پٹرول، کوئلہ، کھاد اور پروسیسنگ میں استعمال ہونے والی کچھ زرعی مصنوعات شامل ہیں۔

یہ اعدادوشمار ہر 10 روز میں ملک بھر میں صوبائی سطح کے 31 خطوں میں 2 ہزار کے قریب تھوک فروشوں اور تقسیم کنندہ سے سروے کی بنیاد پر تیار کئے جاتے ہیں۔ 

منیلا (شِنہوا)فلپا ئن ائیر فورس (پی اے ایف) کا طیارہ  تر بیتی پرواز کے دوران صوبہ با تا ن میں بدھ کی صبح گر کر تباہ ہو گیا جس کے باعث دونوں پا ئلٹ ہلا ک ہو گئے۔

پی اے ایف کی ترجمان کر نل ما کو ن سوئے لو کیسٹیلو نے ایک بیان میں کہا کہ دو پا ئلٹس کے ساتھ ما رشیٹی ایس ایف 260 ائیر کرافٹ منیلا کے مغر بی  با تا ن صوبہ میں گر کر تباہ ہوا۔

کیسٹیلو نے حادثہ میں دونوں پا ئلٹس کی ہلا کت بارے رپورٹس کو مسترد کر دیا، تا ہم جا ئے حا دثہ کا دورہ کر نے والے صوبائی پو لیس کے ارا کین نے دونوں پائلٹس کی ہلا کت کی تصد یق کی۔

کیسٹیلو نے کہا کہ طیارے نے مقا می وقت کے مطا بق صبح 9 بج کر 59 منٹ پر صوبہ کیوٹ کے سا نگلے پوائنٹ میں فو جی اڈے سے اڑان بھری تھی۔

انہوں نے کہا کہ  یہ طیارہ 15 ویں اسٹرئیک ونگ کے تحت پی اے ایف کے حملہ آور  طیاروں میں سے ایک تھا۔

انہوں نے مز ید کہا کہ طیارے کی پرواز کے 30 منٹ کے بعد ہما را را بطہ منقطع ہو گیا تھا۔

بیجنگ (شِنہوا) لاطینی امریکی اور کیریبین ریاستوں کی کمیونٹی (سی ای ایل اے سی) کا 7 واں سربراہی اجلاس ارجنٹائن کے دارالحکومت بیونس آئرس میں منعقد ہوا۔

ارجنٹائن کے صدر البرٹو فرنینڈس کی دعوت پر چین کے صدر شی جن پھنگ نے سربراہی اجلاس سے بذریعہ ویڈیو لنک خطاب کیا۔

صدر شی نے کہا کہ لاطینی امریکی اور کیریبین (ایل اے سی) ممالک ترقی پذیر دنیا کے اہم ارکان ہیں، وہ عالمی حکمرانی میں بھی فعال طور پر شرکت کرتے اور اس میں اہم کردار ادا کرتے ہیں ،سی ای ایل اے سی عالمی جنوب۔ جنوب تعاون میں ایک لازم قوت کے طور پر ا بھرے ہیں۔

سی ای ایل اے سی نے علاقائی امن کے تحفظ، مشترکہ ترقی کے فروغ اور علاقائی انضمام کو آگے بڑھانے میں نمایاں کردار ادا کیا ہے۔

شی نے زور دیا کہ چین ہمیشہ لاطینی امریکہ اور کیریبین کے علاقائی انضمام کے عمل میں تعاون کرتا ہے۔

انہوں نے کہا کہ ہم سی ای ایل اے سی کے ساتھ اپنے تعلقات کو انتہائی قدر کی نگاہ سے دیکھتے ہیں اور سی ای ایل اے سی کو ترقی پذیر ممالک کے درمیان یکجہتی بڑھانے اور جنوب ۔جنوب تعاون آگے بڑھانے میں اپنا کلیدی شراکت دار تصور کرتے ہیں۔

یہی وجہ ہے کہ چین لاطینی امریکہ اور کریبین ممالک کے ساتھ مل کر کام کررہا ہے تاکہ چین۔ سی ای ایل اے سی فورم کو مستحکم اور چین۔ایل اے سی تعلقات کو ایک نئے دور میں لے جایا جا سکے جس میں مساوات، باہمی فائدے، اختراع ، کشادگی اور فوائد عوام کے لیے موجود ہوں۔

شی نے کہا کہ خطے کے زیادہ سے زیادہ ممالک چین کے ساتھ اعلیٰ معیار کے بیلٹ اینڈ روڈ تعاون میں شریک ہیں ، گلوبل ڈیویلپمنٹ انیشی ایٹو اور گلوبل سیکیورٹی انیشی ایٹو میں ان کا تعاون اور شرکت ہے اور مشترکہ مستقبل کے ساتھ چین۔ایل اے سی کمیونٹی کی تعمیر میں چین کے ساتھ مل کر کام کررہے ہیں۔

انہوں نے اس بات پر زور دیا کہ دنیا افراتفری اور تبدیلی کے ایک نئے دور میں ہے۔ہم زیادہ سے زیادہ یکجہتی اور قریبی تعاون سے ہی مشکلات سے نمٹ سکتے اور اس مشکل وقت پر قابو پا سکتے ہیں۔

پشاور ، ایک شخص سگریٹ نوشی کررہا ہے۔(شِنہوا)

پشاور، ایک شخص نے سگریٹ تھام رکھا ہے۔(شِنہوا)

چین ، مشرقی شہر شنگھائی کے علاقے شوجیا ہوئی میں ایک دکان سے لوگ کھانے کی اشیاء خرید رہے ہیں۔(شِنہوا)

چین ،  جنوب مغربی صوبہ یون نان کے شہر کن منگ کے ایک تجارتی مرکز میں بچہ پکوان کھارہا ہے۔ (شِنہوا)

چین ، شمال مشرقی صوبہ حئی لونگ جیانگ کے شہر ہاربن میں بچے آئس کر یم  کھارہے ہیں۔ (شِنہوا)

چین کے شمال مغربی سنکیانگ ویغورخودمختار علاقے کے شہر ارمچی کے بڑے بازار میں ایک سیاح تصاویر لے رہا ہے۔(شِنہوا)

 چین کے شمال مغربی سنکیانگ ویغور خودمختارعلاقےکے شہرارمچی کے بڑے بازار میں فنکار اور سیاح رقص کر رہے ہیں۔(شِنہوا)

چین کے شمال مغربی سنکیانگ ویغورخود مختار علاقےکے شہر ارمچی میں لوگ بہار کے تہوار کی چھٹیوں کے دوران بڑے بازار کا دورہ کر رہے ہیں۔ (شِنہوا)

 اسلام آباد ، لوگ ایک ریستوران کے باہر چینی نئے سال کے لیے کی گئی سجاوٹ کے سامنے سے گز ر رہے ہیں۔(شِنہوا)

 اسلام آباد ، لوگ ایک ریستوران کے باہر چینی نئے سال کے لیے کی گئی سجاوٹ کے سامنے سے گز ر رہے ہیں۔(شِنہوا)

ہیوسٹن (شِنہوا) امریکہ کی جنوبی ریاست لوزیانا کے دارالحکومت بیٹن روج میں اتوار کی علی الصبح ایک نائٹ کلب میں فائرنگ سے 12 افراد کو گولیاں  مار تے ہوئے زخمی کر دیا گیا۔

مقامی میڈیا کے مطابق زخمیوں میں سے تین کی حالت تشویشناک تھی اور انہیں فوری طور پر ہسپتال منتقل کردیا گیا ہے۔

پولیس کے ترجمان ایل جیان میک کنیلی جونئیر نے بعد میں کہا کہ تمام زخمیوں کی حالت مستحکم ہے۔

میک کنیلی نے کہا کہ فائرنگ کا واقعہ ڈیور بار اور لاؤنج میں مقامی وقت کے مطابق اتوار  کے روز قبل از سحر1 بج کر 30 منٹ ( پاکستانی وقت کے مطابق  دو پہر 12 بج کر 30 منٹ ) کے قریب پیش آیا۔

کسی گرفتاری کا اعلان نہیں کیا گیا ہے۔ فائرنگ کا مقصد تاحال واضح نہیں ہے۔

و ینتیانے (شِنہوا) لاؤس کے لوگ اور بیرون ملک مقیم چینی شہری  و ینتیانے میں تہوار کی تقریب سے لطف اندوز ہوئے جس میں شیر کے رقص، آتش بازی اور کھانوں کے ساتھ چینی نئے قمری سال کا جشن منایا گیا۔

چینی سفارتخانہ کی جانب سے منعقدہ اس تقریب میں چین کے سفیر جیانگ زائی ڈونگ نے شرکت کی۔

اس حوالے سے  2023 ہیپی چائنیز نیو ایئر فیسٹیول اور پرکشش دریاؤں اور پہاڑوں کے موضوع پر قدیم چینی دلکش مناظر کی  پینٹنگ کی نمائش کا انعقاد کیا گیا۔

لاؤس کے چائنہ کلچرل سینٹر میں تہوار کے ماحول سے بھرپور جشن کا انعقاد کیا گیا جس میں لاؤس اور چین کے 500 سے زائد  شہر یوں نے شرکت کی۔

و ینتیانے (شِنہوا) لاؤس کے لوگ اور بیرون ملک مقیم چینی شہری  و ینتیانے میں تہوار کی تقریب سے لطف اندوز ہوئے جس میں شیر کے رقص، آتش بازی اور کھانوں کے ساتھ چینی نئے قمری سال کا جشن منایا گیا۔

چینی سفارتخانہ کی جانب سے منعقدہ اس تقریب میں چین کے سفیر جیانگ زائی ڈونگ نے شرکت کی۔

اس حوالے سے  2023 ہیپی چائنیز نیو ایئر فیسٹیول اور پرکشش دریاؤں اور پہاڑوں کے موضوع پر قدیم چینی دلکش مناظر کی  پینٹنگ کی نمائش کا انعقاد کیا گیا۔

لاؤس کے چائنہ کلچرل سینٹر میں تہوار کے ماحول سے بھرپور جشن کا انعقاد کیا گیا جس میں لاؤس اور چین کے 500 سے زائد  شہر یوں نے شرکت کی۔

بیجنگ(شِنہوا) چین میں بجلی کی کھپت، جو اقتصادی سرگرمیوں کا ایک اہم پیمانہ ہے، نے 2022 میں مستحکم نمو کو برقرار رکھاہے۔

نیشنل انرجی ایڈمنسٹریشن کے مطابق، گزشتہ سال کی نسبت بجلی کا استعمال 3.6 فیصد بڑھ کر تقریباً 86کھرب40ارب  کلو واٹ گھنٹے تک پہنچ گیا۔

2022 میں بنیادی صنعتوں میں بجلی کی کھپت میں گزشتہ سال کے مقابلے میں10.4 فیصد اضافہ ہوا۔ ثانوی اور تیسرے درجے  کی صنعتوں میں  استعمال ہونے والی بجلی میں بالترتیب 1.2 فیصد اور 4.4 فیصد اضافہ ہوا۔

اس عرصے کے دوران گھروں میں بجلی کی کھپت میں گزشتہ سال کے مقابلے میں 13.8 فیصد اضافہ ریکارڈ کیا گیا۔

دمشق (شِنہوا) شام کے شمالی صوبے حلب میں رہائشی عمارت گرنے سے مجموعی طور پر 16 شہری ہلاک اور چار زخمی ہو گئے۔

سرکاری خبر رساں ایجنسی سانا کے مطابق گزشتہ روز پانچ منزلہ عمارت پانی کے اخراج کے باعث بنیادیں کمزور ہونے کی وجہ سے منہدم ہو گئی۔عمارت میں شیخ مقصود کے کرد اکثریتی محلے میں سات خاندان رہائش پذیر تھے۔

سانا کے مطابق امدادی کارکن اب بھی زندہ بچ جانے والوں کی تلاش میں مصروف ہیں۔

یروشلم(شِنہوا)اسرائیلی ڈاکٹروں نے پیر کو 24 گھنٹے کی انتباہی ہڑتال کی۔ یہ بات اسرائیل کی میڈیکل ایسوسی ایشن (آئی ایم اے) نے کہی جو ملک میں زیادہ تر ڈاکٹروں کی نمائندہ تنظیم ہے۔

اس ہڑتال کا اعلان مریضوں اور انکے اہل خانہ کےطبی عملے پر تشدد کے حالیہ واقعات کے بعد کیا گیا جس میں اسرائیل بھر کے سرکاری ہسپتالوں اور کلینکس کے ڈاکٹروں نے شرکت کی۔

آئی ایم اے کے مطابق  ہڑتال کے دوران صرف جان بچانے  کیلئے ہنگامی علاج اور سرجری کی  گئی۔

آئی ایم اے کے چیئرمین زیون ہاگئی نے کہا کہ صحت کی دیکھ بھال کے نظام میں تشدد ایک وبا کی شکل اختیار کر چکا ہے جس میں تقریباً ہر روز حدود سے تجاوز کیا جاتا ہے۔

گزشتہ ہفتے جنوبی شہر بیئر شیوا کے سوروکا ہسپتال میں ایک مریض کے والدین کی طرف سے ماہر امراض اطفال کو مارا پیٹا گیا اور مرکزی شہر رم اللہ کے ایک کلینک میں ایک ماہر امراضِ نسواں پر مریض نے حملہ کیا۔

بیجنگ (شِنہوا) چین کی توانائی کی فراہمی کو یقینی بنانے میں ہوا اور شمسی توانائی مسلسل تو سیع کی بدولت بھرپور کردار ادا کر رہی ہے۔

قومی توانائی انتظامیہ (این ای اے) کے اعداد و شمار  کے مطابق سال 2022 کے دوران ہوا اور شمسی توانائی کی نئی نصب شدہ صلاحیت 12 کروڑ کلوواٹ تک پہنچ گئی اور گزشتہ سال کے آخر تک مجموعی نصب شدہ صلاحیت 70 کروڑ کلو واٹ سے تجاوز کر گئی ہے۔

ہوا اور شمسی توانائی کی نئی نصب شدہ صلاحیت گزشتہ سال ملک میں نئی تنصیب شدہ صلاحیت کے 78 فیصد کی برابرتھی جس سے یہ چین میں بڑے پاور جنریٹر بن گئے ہیں۔

سال 2022 کے دوران ہوا اور شمسی توانائی کی نئی شامل کردہ پیداوار ملک کی بجلی کی نئی پیداوار کے 55 فیصد سے زیادہ ہے۔

قومی توانائی انتظامیہ نے واضح کیا ہے کہ شمسی توانائی نے گزشتہ موسم گرما میں توانائی کے استعمال کی بلند ترین سطح کے دوران چین کے مشرقی جیانگ سو اور ژے جیانگ جیسے شمسی توانائی کے بڑے صوبوں میں توانائی کی مستحکم فراہمی میں قابل ذکر حصہ ڈالا۔

ڈھاکہ(شِنہوا) بنگلہ دیش کی حکومت نے عالمی بینک سمیت اپنے دیگر ترقیاتی شراکت داروں سے ترقیاتی اہداف کے حصول میں حمایت جاری رکھنے کی درخواست کی ہے۔وزیر خزانہ مصطفی کمال نے دارالحکومت ڈھاکہ میں حکومت اور عالمی بینک کے درمیان شراکت داری کے 50 سال مکمل ہونے کی تقریب سے خطاب کرتے ہوئے کہا کہ ہم اس سلسلے میں عالمی بینک سمیت اپنے ترقیاتی شراکت داروں سے ہر ممکن تعاون چاہتے ہیں۔

بنگلہ دیش کی سرکاری خبر رساں ایجنسی بی ایس ایس کے مطابق انہوں نے کہا کہ ان کا اگلا ہدف 2031 تک بنگلہ دیش کو زیادہ متوسط آمدنی والے ملک اور 2041 تک ایک سمارٹ ترقیاتی ملک میں تبدیل کرنا ہے۔

وزیر خزانہ نے کہا کہ بنگلہ دیش کی مجموعی ملکی پیداوار (جی ڈی پی) کا حجم گزشتہ 50 سالوں میں 74 گنا اضافے کے ساتھ 465 ارب ڈالر تک پہنچ گیا ہے۔