بیجنگ(شِنہوا) چین نے اعلی درجے کے کمپیوٹنگ سیمی کنڈکٹرز اور سیمی کنڈکٹر مینوفیکچرنگ آلات پر برآمدی کنٹرول سخت  کرنے کے امریکی اقدام کی سخت مذمت اور مخالفت کا اظہار کیا ہے۔

امریکہ  نے گزشتہ روزجاری کردہ برآمدی کنٹرول کے تازہ ترین قواعد میں ابتدائی طور پر 7 اکتوبر 2022 کو جاری کردہ پابندیوں میں ترمیم  کرتے ہوئے انہیں مزید سخت اور مزید چینی اداروں کو ایکسپورٹ کنٹرول "اینٹی لسٹ" میں شامل کیا ہے۔

چینی  وزارت تجارت (ایم او سی) کے ترجمان نے کہا کہ امریکہ قومی سلامتی کے تصور کو وسیع کرتے ہوئے  برآمدی کنٹرول کے اقدامات کا غلط استعمال  اور یکطرفہ  دباو ڈال رہا ہے۔

اس بات کا ذکر کرتے ہوئے کہ سیمی کنڈکٹر انڈسٹری انتہائی گلوبلائزڈ ہے، ترجمان نے کہا کہ امریکی کنٹرول مارکیٹ کےغلط قوانین بین الاقوامی اقتصادی وتجارتی  نظم کو شدید نقصان پہنچاتے ہوئے عالمی صنعت وسپلائی چین کے استحکام کو خطرے میں ڈال رہے ہیں۔

  ترجمان نے کہا کہ اس اقدام سے امریکی سیمی کنڈکٹر کمپنیوں کو بھاری نقصان ہوگا اس ساتھ دیگرممالک میں ان کے ہم منصب ادارے بھی متاثرہوں گے۔

پنجاب کے مختلف شہروں میں اساتذہ تنظیموں کی جانب سے لیو انکیشمنٹ پالیسی میں ترمیم اور سرکاری اسکولوں کی نجکاری کے خلاف احتجاج کا سلسلہ تاحال جاری ہے جس کے باعث تعلیمی اداروں میں سرگرمیاں معطل ہیں۔ لاہور سے تعلق رکھنے والے اساتذہ ریٹائرمنٹ پر ملنی والی مراعات محدود ہونے کی وجہ سے احتجاج کے لیئے باہر نکلے تو پنجاب حکومت نے درجنوں کو گرفتار کرلیا، سیکریٹریٹ کے باہر جاری دھرنا تعلیمی بائیکاٹ کی شکل اختیار کر گیا ، کلاسز معطل ہوئیں اور کام چھوڑ ہڑتال شروع ہوگئی۔ بھکر میں اساتذہ تنظیموں کا تعلیمی بائیکاٹ 9 ویں روز میں داخل ہوگیا ہے جبکہ سماجی تنظیموں سمیت دیگر نے بھی احتجاج کی حمایت کا اعلان کردیا ہے۔ ٹیچرز یونین کا کہنا ہے کہ مطالبات کی منظوری تک احتجاج جاری رکھنے پر اتفاق ہوا ہے۔ دنیا میں بھی اساتذہ تنظیموں کا تعلیمی بائیکاٹ 9 ویں روز میں داخل ہوچکا ہے ،دنیا پور میں سرکاری سکولوں اور دفاتر کی تالا بندی ہے جس کے باعث سکول ویران ہو گئے ہیں۔ صوبائی ٹیچر یونین رہنما ملک سجاد اختر اعوان کا کہنا ہے کہ اپنے مطالبات کی منظوری تک دفاتر کی تالا بندی اور قلم چھوڑ ہڑتال جاری رہے گی۔ فیصل آباد میں بھی اسکولوں کی نجکاری کے خلاف اساتذہ کا احتجاج جاری ہے جبکہ طلبا بھی اساتذہ کے شانہ بشانہ احتجاج میں شریک ہیں۔ پنجاب ٹیچرز یونین کے جنرل سیکریٹری رانا لیاقت کا کہنا ہے کہ حکومت سے مذاکرات کی کوشش کی گئی ہے جو ناکام رہی اور حکومت اساتذہ سمیت دیگر سرکاری ملازمین کے مطالبات تسلیم کرنے کے موڈ میں نہیں ہے۔ ان کا کہنا تھا کہ سرکاری ملازمین کی ریٹائرمنٹ مراعات پر شب خون ماراگیا ہے، اپناحق مانگنے والوں کو نظربند کر دیا گیا، جب تک لیوانکیشمنٹ اور گریجویٹی کامعاملہ حل نہیں ہوتا احتجاج کریں گے۔ رانا لیاقت کا کہنا تھا کہ سرکاری اسکولز میں تعلیمی سرگرمیوں کا مکمل بائیکاٹ کیا جائے گا، سرکاری اسکولز میں کلاسز کو معطل رکھیں گے، حکومت سالانہ ترقی کا پلان اور کنٹریکٹ اساتذہ کو ریگولر کرے اور ریٹائرمنٹ پر مراعات کو بحال کیا جائے۔ ان کا مزید کہنا تھا کہ یہ مسئلہ صرف اساتذہ کا نہیں بلکہ 42 محکموں کا ہے، دیگر محکموں کے ملازمین کا احتجاج کے لیے مکمل ساتھ دیں گے۔

کریڈٹ: انڈیپنڈنٹ نیوز پاکستان-آئی این پی

ایم ڈی کیٹ میں نقل کرنے والے طلبہ پر 2 سال کے لیے امتحان دینے پر پابندی عائد کردی گئی۔ خیبر میڈیکل یونیورسٹی نے طلبہ پر پابندی عائد کرنے کے حوالے سے باقاعدہ اعلامیہ جاری کردیا، جس میں کہا گیا ہے کہ 219 طلبہ پر 2 سال کے لیے ایم ڈی کیٹ دینے پر پابندی عائد ہوگی۔ ایم ڈی کیٹ گزشتہ ماہ 10 ستمبر کو منعقد ہوا تھا، جس میں مختلف مراکز میں طلبہ بلیوٹوتھ ڈیوائسز اور دیگر ذرائع سے نقل کرتے ہوئے پکڑے گئے تھے۔ بڑے پیمانے پر نقل کے کیسز سامنے آنے پر خیبرپختونخوا کابینہ نے ٹیسٹ کو منسوخ کردیا تھا۔

کریڈٹ: انڈیپنڈنٹ نیوز پاکستان-آئی این پی

راولپنڈی کے تھانے بھی محفوظ نہیں رہے ۔ محرر نے تھانہ ویمن میں خود ایس ایچ او پر چوری و عملے کو بلیک میلنگ کا الزام عائد کردیا اور سنگین الزام پر مبنی رپورٹ لکھ دی۔ تھانہ ویمن میں رپورٹ لیڈی کانسٹیبل انیتا نسیم کی اطلاع پر درج کی گئی جس میں کہناتھا کہ عریشہ خالد نامی خاتون درخواست دینے کے لیے تھانے آئی اور ایس ایچ او ارم خانم سے ملی ایس ایچ او ارم خانم نے خاتون کو سنا فارغ ہوکر باہر نکل کر دوسرے کمرے میں گئی تو اپنا پرس وہیں چھوڑ گئی۔دوسرے کمرے میں جاکر یاد آنے پر واپس وہاں گئی تو بیگ موجود نہ تھا۔ پرس نہ ملنے پر خاتون رونے لگی اور کہا کہ میرا پرس گم ہو گیا ہے سی سی ٹی وی کیمرے میں دیکھا تو پرس ایس ایچ او ارم خانم نے اٹھایا اور پلٹ کر باہر چلی گئی۔ ارم خانم نیباہر جاکر پرس سے پیسے نکالے اور واپس آکر پرس نیلے رنگ کی کرسی کے نیچے پھینک دیا اور بعد میں مکر گئی۔ رپورٹ میں مزید تحریر کیاگیا ہے کہ ایس ایچ او کو جب پتہ چل گیا کہ اس کو کیمروں میں دیکھ لیا گیا ہے تووہ مجھ پر دبا ڈالنے لگی کہ کسی کو بتایا تو تمھیں محرر سے تبدیل کرا دوں گی۔ ایس ایچ او ارم خانم اس سے پہلے بھی میرے پرس سے 26 ہزار روپے نکال چکی ہے اور بات بات پر بلیک میل کرتی تھی جسکے متعلق افسران کے نوٹس میں بھی لایا۔ دوسری جانب پولیس حکام کا مقف میں کہناتھاکہ محرر انیتاپیشہ وارانہ ذمہ داریاں درست انداز میں سرانجام نہیں دیتی تھی جس پر ایس ایچ او نے اسپیشل رپورٹ افسران کو بھجوائی۔ ایس ایچ او کی اسپیشل رپورٹ پر تحقیق کیبعد محررکو معطل کرکے چارج شیٹ کیا تو وہ الزام تراشیوں پر اتر آئی اور رپٹ کا اندراج کردیا ایس پی ہیڈکوراٹر تمام معاملے کی انکوائری کررہی ہیں۔ ایس ایچ او ویمن ارم خانم سے موقف جاننے کے لئے رابطہ کیاگیا تو انکی جانب سے موقف فراہم نہیں کیا گیا۔

کریڈٹ: انڈیپنڈنٹ نیوز پاکستان-آئی این پی

پاکستان مسلم لیگ (ن)کی سینئر نائب صدر اور چیف آرگنائزر مریم نواز نے غزہ کے ہسپتال پر اسرائیلی بمباری کی شدید الفاظ میں مذمت کی ہے۔ مریم نواز نے فلسطینیوں کے ساتھ یکجہتی اور شہادتوں پر گہرے دکھ اور افسوس کا اظہار کرتے ہوئے کہا ہے کہ بچوں، خواتین اور ہسپتال میں زیر علاج لوگوں پر بم برسانا بربریت کی انتہا ہے، اسرائیلی مظالم پر ہر باضمیر انسان کا سینہ غم کی شدت سے پھٹ رہا ہے۔ سینئر نائب صدر ن لیگ کا کہنا تھا کہ فلسطینی بچوں، عورتوں اور نہتے شہریوں کا قتل اس لئے ہو رہا ہے کہ وہ مسلمان ہیں؟ یہ سوچ نہ انسانی ہے نہ ہی عالمی قانون کی پاسداری ہے، صیہونی ریاست بے گناہوں کا لہو بہا کر جنگی جرائم کر رہی ہے، اسرائیلی مظالم پر عالمی برادری کی خاموشی قاتل کی مدد کرنا ہے۔ انہوں نے مزید کہا کہ عالمی برادری انسانی حقوق میں مسلمان اور غیرمسلم کا امتیاز کرے گی تو دنیا کی تباہی یقینی ہے، غزہ میں ملبے کا ڈھیر اصل میں عالمی ضمیر کے ملبے کا ڈھیر بن جانا دکھائی دیتا ہے، مسلمان ممالک انسانیت سوز مظالم رکوانے کے لئے اپنی اخلاقی، دینی اور قانونی ذمہ داریاں پوری کریں۔

کریڈٹ: انڈیپنڈنٹ نیوز پاکستان-آئی این پی

چین اور پاکستان کی کمپنیوں کے درمیان پاکستان میں مرچ کی پیداوار بڑھانے کیلئے بیجنگ میں پاکستانی سفارتخانے میں مفاہمت کی یادداشت پر دستخط ہو گئے ،یہ معاہدہ دونوں ممالک کے درمیان بڑھتی ہوئی اقتصادی شراکت داری کی نشاندہی کرتا ہے اور اس کا مقصد پاکستان میں زرعی کوششوں کو فروغ دینا ہے۔ چائنہ اکنامک نیٹ کے مطابق پاکستان کی جانب سے جے ڈبلیو گروپ نے چنگ ڈا ایس سی او انٹرنیشنل ٹریڈ گروپ کمپنی اور چنگ ڈا پنپنزیاو فوڈ کمپنی کے ساتھ دستخط کیے۔ ایم او یو پر دستخط کی تقریب میں وفاقی وزیر تجارت، صنعت و پیداوار ڈاکٹر گوہر اعجاز اور پاکستانی سفارتخانے اور وزارت تجارت کے دیگر پاکستانی حکام نے شرکت کی۔ چائنہ اکنامک نیٹ کے مطابق وزیر تجارت، صنعت و پیداوار ڈاکٹر گوہر اعجاز نے کہا کہ ایم او یو سے نہ صرف اس مقبول مصالحے کی پیداوار میں اضافہ ہوگا بلکہ روزگار کے مواقع بھی پیدا ہوں گے، زرعی طریقوں میں بہتری آئے گی اور پاکستان کی برآمدی صلاحیت میں اضافہ ہوگا۔ چائنہ اکنامک نیٹ کے مطابق ایم او یو کے تحت پاکستان مکمل پیکج قائم کرنے کے لیے کاشتکاری اور صنعت، لیبر اور دیگر متعلقہ سہولیات کے لیے زمین فراہم کرے گا جبکہ چین ٹیکنالوجی اور سرمایہ کاری فراہم کرے گا اور پاکستان سے مرچ خریدے گا۔

کریڈٹ: انڈیپنڈنٹ نیوز پاکستان-آئی این پی

بیرون ملک مقیم پاکستانیوں کی جانب سے روشن ڈیجیٹل اکاونٹ کے ذریعے ستمبر 2023 میں بھیجی گئی رقم 6 ارب 70 کروڑ ڈالر تک پہنچ گئی ہے۔ اسٹیٹ بینک آف پاکستان کے مطابق روشن ڈیجیٹل اکاونٹ کی مجموعی رقم میں اضافہ ریکارڈ کیا گیا ہے۔ میڈیا رپورٹ کے مطابق ستمبر 2023 میں 139 ملین ڈالر کی رقم پاکستان بھیجی گئی۔ اس نئے اضافے کے بعد رواں سال میں اب تک 6 اعشاریہ 756 ارب ڈالر پاکستان منتقل ہوئے۔ ستمبر 2023 میں روشن ڈیجیٹل اکاونٹ کا بیلنس 429 ملین ڈالر ریکارڈ کیا گیا۔ واضح رہے کہ پاکستان کی تاریخ میں پہلی بار بیرون ملک مقیم پاکستانیوں کو مکمل طور پر ڈیجیٹل اور آن لائن اکاونٹس کھولنے کا موقع فراہم کیا جا رہا ہے۔ ترسیلات زر قومی خزانے کو مستحکم کرنے میں نمایاں کردار ادا کرتے ہیں۔ مرکزی بینک کے جاری کردہ اعدادوشمار کے مطابق پاکستان میں سب سے زیادہ ترسیلات زر سعودی عرب میں مقیم پاکستانی بھیجتے ہیں۔ سٹیٹ بینک کے مطابق ستمبر میں ورکرز ترسیلات دو ارب 20 کروڑ ڈالرز رہیں اور یہ ترسیلات اگست کے مقابلے 11 اعشاریہ 18 کروڑ ڈالرز سے زیادہ ہیں۔ ستمبر 2023 میں سعودی عرب سے 53 اعشاریہ آٹھ کروڑ ڈالرز اور متحدہ عرب امارات سے 39 اعشاریہ 98 کروڑ ڈالرز کی ترسیلات پاکستان بھیجی گئیں۔ خیال رہے کہ حکومت پاکستان کی جانب سے اوورسیز پاکستانیوں کو ملک میں قانونی طریقے سے پیسے بھیجنے اور سرمایہ کاری کے مواقع فراہم کرنے کے لیے روشن ڈیجیٹل اکاونٹ کا منصوبہ متعارف کروایا گیا تھا۔ اس منصوبے کے تحت بیرون ملک مقیم پاکستانی بآسانی آن لائن رجسٹریشن کے ذریعے اپنے ملک میں ناصرف اپنا بینک اکانٹ کھول سکتے ہیں بلکہ سرمایہ کاری بھی کر سکتے ہیں۔ اس نظام کے تحت اوورسیز پاکستانیوں کو بینک جانے تک کی ضرورت نہیں پڑتی۔

کریڈٹ: انڈیپنڈنٹ نیوز پاکستان-آئی این پی

لیاری کے علاقے میں ہونے والے مبینہ پولیس مقابلے کے دوران فائرنگ کی زد میں آنے والا میٹرک کا طالب علم جاں بحق ہوگیا۔ گھاس منڈی کے قریب مبینہ پولیس مقابلہ کے دوران دو طرفہ فائرنگ کی زد میں آکر زخمی ہونے والا میٹرک کا طالب علم دوران علاج زخموں کی تاب نہ لاتے ہوئے جاں بحق ہوگیا ۔عیدگاہ پولیس نے مقابلے میں 3 ڈاکووں کو ہلاک کردیا۔ جاں بحق ہونے والے طالب علم کی شناخت 16 سالہ محمد عمیر ولد محمد افضال کے نام سے کی گئی ۔ مقتول جائے وقوع سے کچھ فاصلے پر واقع کلاکوٹ تھانے کی حدود جمیلہ پمپنگ کے سامنے دبئی بلڈنگ میں دوسری منزل کا رہائشی اور میٹرک کا طالب علم تھا ۔محمد عمیر 2 بھائیوں اور 4 بہنوں میں سب سے چھوٹا تھا ۔علاقہ مکینوں کے مطابق مقتول اور اس کا بڑا بھائی گھر سے زیادہ باہر نہیں نکلتے تھے، گھر سے صرف نماز کے وقت مسجد جانے کے لیے نکلتے اور نماز پڑھ کر سیدھا گھر چلے جاتے تھے ۔ واقعے کے وقت مقتول گھر کے قریب جناح آباد میں دودھ کے دکان پر ناشتے کا سامان لینے گیا تھا کہ عیدگاہ پولیس 3 ڈاکووں کا تعاقب کرتے ہوئے پہنچی، جہاں فلمی انداز میں ایک دوسرے فائرنگ کا سلسلہ جاری تھا۔ گلی نمبر 7 میں ملزمان نے رک کر پولیس سے فائرنگ شروع کردی۔ اسی دوران 2 راہگیر عمیر اور 23 سالہ مرتضی ولد ریاض فائرنگ کی زد میں آکر زخمی ہوئے۔ پولیس نے جوابی فائرنگ میں تینوں ڈاکووں کو ہلاک کر دیا تھا ۔ ڈاکووں کی لاشیں اور زخمی شہریوں کو سول اسپتال منتقل کیا گیا ۔ عمیر کے سر اور مرتضی کی بائیں ٹانگ میں گولی لگی تھی ۔ عمیر دوران علاج زخموں کی تاب نہ لاتے ہوئے جاں بحق ہوگیا۔ پولیس نے ضابطے کی کارروائی کے بعد لاش ورثا کے حوالے کر دی۔ طالب علم عمیر کی لاش گھر پہنچنے پر کہرام مچ گیا۔ لاش گھر پہنچنے تک واقعے کی اطلاع اس کی والدہ کو نہیں دی گئی تھی تاہم جیسے ہی لاش گھر پہنچی تو والدہ شدت غم سے غش کھا کر گر پڑیں جب کہ بہنیں ، بھائی اور والد بھی زار و قطار رو رہے تھے۔ علاقہ مکین بھی نوجوان کی ہلاکت پر غم زدہ تھے۔

کریڈٹ: انڈیپنڈنٹ نیوز پاکستان-آئی این پی

لاہور ماحولیاتی تبدیلیوں کی زد میں آگیا۔اکتوبر میں ہونے والی بارشوں نے 30 سالہ ریکارڈ توڑ دیا۔ چیف میٹرولوجسٹ محمد اسلم کے مطابق رواں سال اکتوبر میں ہونے والی موسلادھار بارشیں تیس سال قبل اکتوبر میں برسیں تھیں۔ اکتوبر کا مہینہ خشک ہوتا ہے۔ تاہم اس ماہ معمول سے زائد بارشیں برسیں ہیں۔ ماہرین کہتے ہیں 30 سال قبل اکتوبر 1990 میں 120 ملی میٹربارش ہوئی ۔ تاہم رواں سال اکتوبر میں ہی اب تک 140میٹر بارش ہوئی ۔ جس کی ایک وجہ ماحولیاتی تبدیلیاں ہیں۔ دوسری جانب اسی بارش نے لاہور کی فضاوں سے اسموگ کی مکمل چھٹی کروا دی۔

کریڈٹ: انڈیپنڈنٹ نیوز پاکستان-آئی این پی

صدر عن وزارة الخارجية اليوم البيان التالي: تدين المملكة العربية السعودية بأشد العبارات الجريمة الشنيعة التي ارتكبتها قوات الاحتلال الإسرائيلي بقصفها مستشفى الأهلي المعمداني في غزة، والذي أدى لوفاة المئات من المدنيين، من بينهم أطفال وجرحى ومصابون. وترفض المملكة العربية السعودية بشكلٍ قاطع هذا الاعتداء الوحشي الذي يعُد انتهاكاً صارخاً لكل القوانين والأعراف الدولية بما فيها القانون الدولي الإنساني، كما تعبر عن استنكارها لعدم وقف الاحتلال الإسرائيلي هجماته المتواصلة ضد المدنيين رغم العديد من المناشدات الدولية. إن هذا التطور الخطير يفرض على المجتمع الدولي التخلي عن ازدواجية المعايير و الانتقائية في تطبيق القانون الإنساني الدولي عندما يتعلق الأمر بالممارسات الإسرائيلية الإجرامية و يتطلب موقفاً جاداً وحازماً لتوفير الحماية للمدنيين العزل. كما تؤكد المملكة على ضرورة فتح ممرات آمنة فوراً، تلبيةً لنداءات الاستغاثة التي أطلقتها الدول والمنظمات لإيصال الغذاء والدواء للمدنيين المحاصرين في غزة، وتحميل قوات الاحتلال الإسرائيلية كامل المسؤولية جرّاء استمرار خرقها المتكرر لجميع الأعراف والقوانين الدولية.

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے جناح ہاوس اور عسکری ٹاور حملہ کیس میں خدیجہ شاہ سمیت 6 ملزمان کی ضمانتیں منظور کر لیں۔ ضمانتیں منظور ہونے والے دیگر ملزمان میں عثمان شریف، محمد شہباز، سلیمان قادری، فیض احمد اور ارباز خان شامل ہیں۔ جسٹس عالیہ نیلم کی سربراہی میں لاہور ہائی کورٹ کے دو رکنی بنچ نے محفوظ فیصلہ سنایا۔ یاد رہے کہ خدیجہ شاہ و دیگر ملزمان نے جناح ہاوس جلاو گھیرا واور عسکری ٹاور کے مقدمے میں ضمانت کیلئے درخواستیں دائر کی تھیں۔

کریڈٹ: انڈیپنڈنٹ نیوز پاکستان-آئی این پی

لاہور کی انسدادِ دہشت گردی کی عدالت نے عسکری ٹاور جلائوگھیرا ئوکیس میں پی ٹی آئی رہنما ڈاکٹر یاسمین راشد سمیت 22 ملزمان کے مقدمے کا ریکارڈ طلب کر لیا۔ انسدادِ دہشت گردی کی عدالت کے جج ارشد جاوید نے ڈاکٹر یاسمین راشد سمیت 22 ملزمان کی ضمانتوں کی درخواستوں پرسماعت کی ۔ پراسیکیوشن نے عدالت کو بتایا کہ ڈاکٹر یاسمین راشد ، صداقت حسین ، رفیق خان ، اعزاز رفیق سمیت 22 ملزمان نے جیل سے اپنے وکلا کے ذریعے ضمانت دائر کی، ملزمان کے مقدمے کا ریکارڈ ہائی کورٹ میں ہے ، ہائیکورٹ سے ریکارڈ ملتا ہے تو عدالت میں پیش کریں گے۔ عدالت نے مقدمے کا ریکارڈ طلب کرتے ہوئے سماعت 24 اکتوبر تک ملتوی کردی۔ واضح رہے کہ ڈاکٹر یاسمین راشد اور صداقت حسین سمیت 22 ملزمان نے ضمانت بعد از گرفتاری دائر کر رکھی ہے ، ملزمان کے خلاف تھانہ گلبرگ میں مقدمہ 1271/23 درج ہے۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے ایفی ڈرین کیس میں حنیف عباسی کی سزا کالعدم قرار دے دی، ن لیگی رہنما نے 25 سال قید کی سزا کے خلاف اپیل دائر کی تھی۔ ایفی ڈرین کوٹہ کیس میں سزا کے خلاف مسلم لیگ(ن) کے رہنما حنیف عباسی کی اپیل پر لاہور ہائیکورٹ نے محفوظ فیصلہ سنا دیا۔ ن لیگی رہنما حنیف عباسی کی درخواست پر لاہور ہائیکورٹ کی جسٹس مس عالیہ نیلم کی سربراہی میں 2 رکنی بینچ نے گزشتہ روز کیس کی سماعت کی، دوران سماعت حنیف عباسی عدالت کے روبرو پیش ہوئے۔ دوران سماعت اے این ایف کے وکیل نے موقف اختیار کیا کہ حنیف عباسی کے خلاف درج مقدمے کی انکوائری رولز کے مطابق نہیں ہوئی، حنیف عباسی کو ٹرائل کورٹ نے 25 سال قید کی سزا سنائی، جن افراد نے ایفی ڈرین کا کوٹہ دیا ان کے خلاف مقدمہ درج کیا گیا ہے۔ حنیف عباسی کے وکیل نے بتایا کہ ایفی ڈرین جتنی دی گئی ساری ادویات میں استعمال ہوئی اور ان ادویات کی مارکیٹ میں باقاعدہ فروخت بھی ہوئی جس کی رسیدیں موجود ہیں، ٹرائل کورٹ نے سزا دیتے وقت درست حالات کا جائزہ نہیں لیا۔

کریڈٹ: انڈیپنڈنٹ نیوز پاکستان-آئی این پی

مسلم لیگ ن نے نواز شریف کی آمد کے سلسلے میں نئے ترانے کے اجرا کی تقریب منسوخ کر دی۔ فلسطینیوں سے یکجہتی اور بیگناہوں کی شہادتوں پراظہار افسوس کے طور پر تقریب منسوخ کی گئی۔صدر ن لیگ شہبازشریف نے تقریب میں پارٹی ترانے کا اجرا کرنا تھا۔ گزشتہ شب غزہ میں ہسپتال پر اسرائیلی وحشیانہ بمباری سے500 سے زائد بیگناہ فلسطینیوں کی شہید ہوئے۔

کریڈٹ: انڈیپنڈنٹ نیوز پاکستان-آئی این پی

نگران وزیر اعظم انوار الحق کاکڑ نے کہا ہے کہ اسرائیل کا غزہ میں ہسپتال کو نشانہ بنانا غیر انسانی فعل ہے۔ تفصیلات کے مطابق نگران وزیر اعظم انوار الحق کاکڑ نے دورہ چین کے دوران بیجنگ میں منعقدہ تیسرے بیلٹ اینڈ روڈ فورم میں شرکت کی جہاں انہوں نے عالمی رہنماں سے غیر رسمی ملاقاتیں بھی کی ہیں۔ نگران وزیراعظم کی سیکرٹری جنرل اقوام متحدہ انتونیو گوتریس سے ملاقات ہوئی جس میں دونوں رہنماں نے عالمی و علاقائی امور پر تفصیلی گفتگو کی جبکہ غزہ میں جاری اسرائیلی جارحیت کے نتیجے میں پیدا ہونے والی صورتحال پر بھی تبادلہ خیال کیا گیا۔ وزیراعظم نے غزہ میں ہسپتال پر حملے اور فلسطینیوں کی شہادت کو انسانیت سوز اور انسانی حقوق کی شدید خلاف ورزی قرار دیا اور نہتے فلسطینیوں پر اسرائیلی حملوں کی بھرپور مذمت کی۔ انوار الحق کاکڑ نے فوری جنگ بندی کے ساتھ ساتھ متاثرین تک مدد کی ترسیل پر زور دیا، وزیر اعظم نے اقوام متحدہ اور عالمی قوتوں سے فوری طور پر فلسطینیوں کے قتل عام کو روکنے کیلئے کردار ادا کرنے کا مطالبہ کیا۔ دوسری جانب سوشل میڈیا پلیٹ فارم ایکس پر انوارالحق کاکڑ نے پیغام جاری کرتے ہوئے کہا ہے کہ غزہ کے ہسپتال پر اسرائیلی حملے کی شدید مذمت کرتے ہیں، جس میں متعدد شہریوں کی ہلاکتیں ہوئیں، ہسپتال کو نشانہ بنانا غیر انسانی فعل ہے۔ انہوں نے لکھا کہ بین الاقوامی انسانی قانون ہسپتالوں اور طبی عملے کو تحفظ فراہم کرتا ہے، عالمی برادری پر زور دیتے ہیں کہ وہ تشدد کو روکنے کے لیے تیزی سے کام کرے۔ نگران وزیراعظم نے کہا کہ اقوام متحدہ کے سیکرٹری جنرل کے ساتھ اپنی بات چیت میں میں نے ان پر زور دیا تھا کہ عالمی برادری اسرائیل سے کہے کہ وہ بے گناہ فلسطینیوں کا قتل عام بند کرے۔

کریڈٹ: انڈیپنڈنٹ نیوز پاکستان-آئی این پی

آفیشل سیکرٹ ایکٹ عدالت نے سپرنٹنڈنٹ اڈیالہ کو حکم دیا ہے کہ وہ چیئرمین پی ٹی آئی کی بیٹوں سے فون پر بات کروائیں۔ چیئرمین پی ٹی آئی کی بیٹوں کے ساتھ ٹیلیفون پر بات کروانے کی درخواست پر سماعت ہوئی، خصوصی عدالت کے جج ابو الحسنات ذوالقرنین نے کیس کی سماعت کی۔ وقفے کے بعد سماعت کا آغاز ہوا تو جج ابوالحسنات ذوالقرنین نے کہا کہ ایس او پیز آگئے ہیں جن کے مطابق ملزم کو بات کرنے کی اجازت نہیں، میں پھر بھی جیل مینوئل کے مطابق ٹیلیفونک گفتگو کے معاملے کو دیکھ لیتا ہوں۔ وکیل صفائی شیراز رانجھا نے کہا کہ آفیشل سیکرٹ ایکٹ کے تحت ملزم کو اپنی فیملی سے ٹیلیفونک گفتگو کروانے پر پابندی نہیں، پریزنرز رولز کے مطابق 12 گھنٹے اہلیہ اور بچوں سے جیل میں ملاقات کروانے کی اجازت ہے، دیگر ملزمان کو ٹیلیفونک گفتگو کروانے کی بالکل اجازت ہے۔ جج ابوالحسنات ذوالقرنین نے کہا کہ مجھے جیل مینوئل میں بیرون ملک بات کرنے کی اجازت کی تحریر دکھا دیں۔وکیل شیراز احمد رانجھا نے فیڈرل شریعت کورٹ کے فیصلے کو عدالت میں جمع کرواتے ہوئے کہا کہ جیل مینوئل میں اجازت نہیں لیکن فیڈرل شریعت کورٹ نے اس حوالے سے فیصلہ جاری کیا ہے۔ جج نے کہا کہ میں آپ کے حق میں کہہ رہا ہوں، میں ٹیلیفونک گفتگو کی اجازت دے دیتا ہوں، سپرنٹنڈنٹ اڈیالہ جیل کو ہدایت جاری کرتا ہوں کہ چیئرمین پی ٹی آئی کو بیٹوں سے بات کرنے کی اجازت دی جائے۔ جج ابوالحسنات ذوالقرنین نے اوپن کورٹ میں درخواست پر فیصلہ سنایا اور کہا کہ میں چیئرمین پی ٹی آئی کو بیٹوں سے ٹیلیفون پر بات کرانے کی اجازت دیتا ہوں۔

عدالت نے جیل سپرنٹنڈنٹ کو اپنی نگرانی میں چیئرمین پی ٹی آئی کی بیٹوں سے ٹیلیفونک گفتگو کروانے کی ہدایت جاری کی۔ سماعت میں وقفے سے قبل جج ابو الحسنات ذوالقرنین نے استفسار کیا کہ ابھی تک اڈیالہ جیل سپرنٹنڈنٹ کے ٹیلیفونک گفتگو کے حوالے سے ایس او پیز نہیں آئے، جیل میں ٹیلیفونک گفتگو کے حوالے سے ایس او پیز آجائیں تو دیکھ لیتے ہیں۔ چیئرمین پی ٹی آئی کے وکیل شیراز احمد رانجھا نے کہا کہ آج بھی ایس او پیز نہیں آئے، آپ کہیں تو میں عدالت کی معاونت کر دیتا ہوں۔ وکیل صفائی شیراز احمد رانجھا نے کہا کہ چیئرمین پی ٹی آئی کو جیل میں ورزش کے لیے سائیکل مہیا کرنا چاہتے ہیں۔ جج ابو الحسنات ذوالقرنین نے کہا کہ سائیکل کے حوالے سے تو میں پہلے ہی جیل حکام کو کہہ چکا ہوں، وکیل شیراز احمد رانجھا نے کہا کہ اگر عدالت اجازت دے تو سائیکل آج ہی مہیا کر دیتا ہوں۔جج نے کہا کہ میں چاہتا ہوں کہ سائیکل کا غلط استعمال نہ ہو، ایسا نہ ہو کہ سائیکل جیل سپرنٹنڈنٹ چلاتا رہے، جیل مینوئل بھی دیکھنا ہوتا ہے، ہمارے لیے انڈر ٹرائل ملزم کی سکیورٹی اہم ہے۔ وکیل صفائی شیراز احمد رانجھا نے کہا کہ اگر خدشات ہیں تو ایک بندہ مقرر کر دیں جس کی نگرانی میں سائیکل استعمال ہو۔ جج ابوالحسنات نے سوال کیا کہ چیئرمین پی ٹی آئی کہتے ہیں کھانا گھر سے منگوایا جائے لیکن ذمے داری کون لے گا؟ اگر کھانا جیل میں تیار ہو تو جیل حکام ذمے دار ہوتے ہیں، میں سائیکل والے معاملے پر آرڈر کر دیتا ہوں، معاملے کو حل کر دیتے ہیں۔

کریڈٹ: انڈیپنڈنٹ نیوز پاکستان-آئی این پی

پاکستان میں غیرقانونی مقیم ڈھائی سو افغان باشندوں کو چمن کے قریب پاک افغان بارڈر سے ڈی پورٹ کردیا گیا۔ لیویز حکام کے مطابق غیرقانونی طورپر مقیم 250افغان باشندے افغانستان ڈی پورٹ کیا گیا ہے۔ کراچی اور دیگرشہروں سیگرفتار افغان شہریوں میں خواتین اور بچے بھی شامل ہیں۔ لیویز کا کہنا ہے کہ افغان باشندوں کو چمن بارڈر پر افغان حکام کے حوالے کیے، افغان باشندوں کو رات کاکھانا،بستر اور صبح کا ناشتہ دیا گیا۔

کریڈٹ: انڈیپنڈنٹ نیوز پاکستان-آئی این پی

سپریم کورٹ میں بحریہ ٹان ادائیگیوں سے متعلق کیس کی سماعت کے دوران چیف جسٹس قاضی فائز عیسی نے عمل درآمد بینچز بنانے پر سوالات اٹھا دیئے۔ دوران سماعت چیف جسٹس نے وکلا کو مخاطب کرتے ہوئے استفسار کیا کہ کیا قانون میں عمل درآمد بینچ کا کوئی تصور ہے؟ کیا سپریم کورٹ کے فیصلے پر عملدرآمد بینچ بن سکتا ہے؟ کیا ججز ساتھی ججز کو اپنے فیصلے پر عمل درآمد کرانے کا حکم دے سکتے ہیں؟ بینچ فیصلے پر عمل نہ کراسکے تو کیا ججز کے خلاف توہین عدالت کی کارروائی ہوگی؟کیا سپریم کورٹ کا ایک بینچ دوسرے بینچ کو کوئی حکم دے سکتا ہے؟ وکیل سلمان اسلم بٹ نے عدالت کو بتایا کہ مذکورہ کیس میں فیصلے کی تعمیل کے لیے عملدرآمد بینچ بنایا گیا تھا، چیف جسٹس قاضی فائز عیسی نے پوچھا کہ کیا قانون میں عملدرآمد بینچ کا کوئی تصور ہے؟ جس پر سلمان اسلم بٹ نے کہا کہ قانون میں تو عملدرآمد بینچ بنانے کا کوئی تصور نہیں ہے۔ چیف جسٹس نے کہا فاروق نائیک صاحب، کیا سپریم کورٹ کے فیصلے پر عملدرآمد بینچ بن سکتا ہے؟ فاروق ایچ نائیک نے جواب دیا کہ عملدرآمد بینچ کا قانون میں کوئی جواز یا حوالہ نہیں ہے؟ چیف جسٹس نے کہا کہ اٹارنی جنرل صاحب آپ بتائیں کہ کیا عملدرآمد بینچز بنائے جاسکتے ہیں؟ کیا سپریم کورٹ کا ایک بینچ دوسرے بینچ کو کوئی حکم دے سکتا ہے؟ ایڈیشنل اٹارنی جنرل عامر رحمان نے عدالت کو بتایا کہ عملدرآمد بینچز کا تصور بھارتی پریکٹس سے اخذ کیا گیا ہے،جس پر چیف جسٹس نے کہا کہ بھارتی حوالے نہ دیں پاکستان کا بتائیں، ایڈیشنل اٹارنی جنرل کا کہنا تھا کہ کئی بار عملدرآمد بینچز بنتے رہے ہیں۔

کریڈٹ: انڈیپنڈنٹ نیوز پاکستان-آئی این پی

تیسرا بیلٹ اینڈ روڈ فورم برائے بین الاقوامی تعاون بیجنگ میں منعقد ہوا۔ بدھ کے روز کمیونسٹ پارٹی آف چائنا کی مرکزی کمیٹی کے جنرل سیکریٹری، چین کے صدر اور مرکزی فوجی کمیشن کے چیئرمین شی جن پھنگ نے افتتاحی تقریب میں شرکت کی اور اہم خطاب کیا۔شی جن پھنگ نے کہا کہ "بیلٹ اینڈ روڈ" تعاون نے منصوبہ بندی کو حقیقت میں بدلتے ہوئے بین الاقوامی تعاون میں وافر ثمرات حاصل کئے ہیں۔ گزشتہ 10 سالوں میں، اقتصادی راہداری کی تعمیر کے سلسلے میں بڑے چینلز اور انفارمیشن ہائی ویز کو اہمیت دیتے ہوئے ریلوے، شاہراہوں، ہوائی اڈوں، بندرگاہوں اور پائپ لائن نیٹ ورکس کی حمایت سے مختلف ممالک کے درمیان مصنوعات، سرمائے، ٹیکنالوجی اور عملے کی بڑے پیمانے پر گردش کو فروغ دیا گیا ہے.شی جن پھنگ نے اس بات پر زور دیا کہ "بیلٹ اینڈ روڈ" کی مشترکہ تعمیر ،مشترکہ ترقی اور جیت جیت پر مبنی تعاون کو فروغ دے رہی ہے۔ ہم نظریاتی محاذ آرائی، جغرافیائی سیاسی گیمز، بلاک سیاسی محاذ آرائی، یکطرفہ پابندیوں، معاشی جبر اور "ڈی کپلنگ" کا ہر گز حصہ نہیں ہیں۔اپنے خطاب میں شی جن پھنگ نے "بیلٹ اینڈ روڈ" کی اعلیٰ معیار کی مشترکہ تعمیر کی حمایت کے لئے چین کے آٹھ اقدامات کا اعلان کیا۔ان میں بیلٹ اینڈ روڈ کے لئے سہ جہتی رابطہ نیٹ ورک کی تعمیر،کھلے پن پر مبنی عالمی معیشت تشکیل دینے کی حمایت، عملی تعاون، سبز ترقی ،سائنسی اور تکنیکی جدت طرازی ، مختلف ممالک کے عوام کے درمیان روابط، بدعنوانی سے پاک راستہ اور "بیلٹ اینڈ روڈ" بین الاقوامی تعاون کے میکانزم کو بہتر بنانا شامل ہیں۔

کریڈٹ: انڈیپنڈنٹ نیوز پاکستان-آئی این پی

ہمدرد یونیورسٹی اسلام آباد کیمپس میں خوراک کے عالمی دن پہ شعبہِ نیوٹریشن ، کلیہ مشرقی ادویات کی جانب سے آگاہی واک اور ایک روزہ سیمینار منعقد کروایا گیا۔ اس موقع پر ڈائریکٹر جنرل امتیاز حیدر، ڈائریکٹر ایڈمن و نائب ڈین کُلیہ ادویات پروفیسر ڈاکٹر فیصل حیدر نے خصوصی شرکت کی۔مہمانانِ خصوصی مِس راکعہ انعم سعید اور مِس فِزہ مُشتاق نے آگاہی سیمینار سے خطاب کرتے ہوئے پانی اور خوراک کی اہمیت کو اجاگر کیا۔ سربراہ شعبہ نیوٹریشن مِس نیلم شہزادی، سربراہ شعبہ خوراک ڈاکٹر احمد مُجتبیٰ، لیکچرار مُجاہد الاسلام، حسیب الرحمان، اور مِس شانزہ اسرار نے انتظامی معاملات بخوبی سرانجام دیے۔ طُلبا کی طرف سے خوراک کے عالمی دن پہ آگاہی ٹیبلو بھی پیش کیا گیاتقریب کے اختتام پہ ڈائریکٹر جنرل کی جانب سے مہمانان، میزبان اور نمایاں بچوں کو اعزازی شیلڈز سے نوازا گیا۔

کریڈٹ: انڈیپنڈنٹ نیوز پاکستان-آئی این پی

پاکستان کے پاس فلورائٹ پر مبنی ویلیو ایڈڈ مصنوعات تیار کرنے کے لیے ہائی ٹیک مشینری کا فقدان ہے جو کہ فلورائٹ کے بڑے ذخائر سے ہے۔ ٹریڈ ڈویلپمنٹ اتھارٹی آف پاکستان کی ایک تحقیق کے مطابق بلوچستان میں 50,000 ٹن فلورائٹ کے ذخائر کا تخمینہ لگایا گیا ہے۔ویلیو ایڈیشن سیکشن میں، فلورائٹ کو اس سے متعلقہ معدنیات کو نکال کر بڑھایا جاتا ہے۔ پاکستان صرف ترکی، جمہوریہ کوریا، اٹلی، سعودی عرب، تھائی لینڈ اور ملائیشیا کو فلورائٹ کنسنٹریٹ برآمد کرتا ہے۔قیمت کے اضافے کے عمل میں دھونا، خشک کرناکرنا شامل ہے۔ پاکستان 30 ملی میٹر تک کا کیلشیم فلورائٹ فائن پاوڈر تیار کرتا ہے۔فلورائٹ کا پہلا سب سے بڑا ذخیرہ 0.1 ملین ٹن سے زیادہ کیرتھر فولڈ بیلٹ کے آس پاس کے دلبند میں ہے، جبکہ 6,750 ٹن گرین فلورائٹ کا دوسرا سب سے بڑا ذخیرہ کیرتھر فولڈ بیلٹ کے مولا زہری رینج میں ہے۔تیسرا بڑا ذخیرہ لورالائی ضلع اور اس کے آس پاس کے علاقے سلیمان فولڈ بیلٹ میں ہے۔ لورالائی کے علاقے کا فلورائٹ جراسک لورالائی چونے کے پتھر کے ذریعے رگوں اور پھیلے ہوئے دانوں کے ساتھ فالٹ اور فریکچر کے طور پر پایا جاتا ہے، جس سے اینٹیکلینل کور بنتا ہے۔لورالائی میں فلورائٹ کے 50,000 ٹن ذخائر ہیں۔ لورالائی کے مختار، وتیگام زرہ سے ہلکے سبز، پیلے اور ہلکے نیلے رنگوں میں پرکشش جواہرات کے معیار کے فلورائٹ کرسٹل پائے جاتے ہیں۔فلورائٹ کے استعمال کی وسیع اقسام ہیں۔ بنیادی استعمال دھات کاری، سیرامکس اور کیمیائی صنعتوں میں ہیں۔

تاہم، آپٹیکل، لیپیڈری، اور دیگر استعمال بھی اہم ہیں۔ میٹالرجیکل انڈسٹری توانائی کو بچانے کے لیے پگھلنے والے درجہ حرارت کو کم کرنے کے لیے فلورائٹ کا استعمال کرتی ہے۔ہر ٹن دھات کے لیے 20-60 پانڈ فلورسپار استعمال ہوتا ہے۔ اسے دھاتی ریفائننگ ایجنٹ کے طور پر استعمال کیا جاتا ہے اور اسٹیل کے سلفر مواد کو کم کرنے میں بھی کردار ادا کرتا ہے۔ کیمیکل اور میڈیکل انڈسٹری فلورائٹ کو متعدد دواسازی اور صنعتی کیمیکلز کی ترکیب میں استعمال کیا جاتا ہے، بشمول ہائیڈرو فلورک ایسڈ، ایلومینیم فلورائٹس، فلورو کاربن، فلورو پولیمر جیسے ٹیفلون، فلوروڈوکسائگلوکوز، اور اینٹی بائیوٹک آفلوکساسین، اور بہت سے دیگرسیرامکس، انامیل ویئر، اور خاص گلاس فلورائٹ کے ساتھ بنائے جاتے ہیں. اس کا استعمال سخت چمکدار، اوپلیسینٹ سطحوں، اور مختلف قسم کے دیگر شکلوں کو بنانے کے لیے بھی کیا جاتا ہے جو صارفین کے شیشے کے سامان کو زیادہ دلکش یا زیادہ پائیدار بناتے ہیں۔ٹیفلون، ایک نان اسٹک کھانا پکانے کی سطح، فلورائن سے تیار کی جاتی ہے جو فلورائٹ سے آتی ہے۔ جواہرات اور زیورات کی صنعت زیورات میں اعلی درجے کے فلورائٹ کا استعمال کرتی ہے۔پاکستان مختلف قسم کی معدنیات خام شکل میں برآمد کرتا ہے، حالانکہ تھوڑی سی ویلیو ایڈیشن کے ذریعے بھاری زرمبادلہ کمایا جا سکتا ہے۔ چین تیار شدہ مصنوعات کی تیاری اور برآمد کے لیے خام مال کی بڑی مقدار درآمد کر رہا ہے۔ پاکستان بھی اس شعبے سے فائدہ اٹھا سکتا ہے۔پاکستان کی جی ڈی پی میں معدنیات کے شعبے کا حصہ کم ہے جسے مزید بڑھایا جا سکتا ہے۔ اس سے روزگار کے مزید مواقع پیدا ہوں گے۔ملک کی معیشت میں کان کنی اور کھدائی کا حصہ 3.0 فیصد سے کم ہے جب کہ چین کی معدنی تجارت کا ملک کی کل تجارت کا تقریبا 25 فیصد حصہ ہے۔ لہذا، اس شعبے میں ترقی کے بہت زیادہ امکانات ہیں۔

کریڈٹ: انڈیپنڈنٹ نیوز پاکستان-آئی این پی

سستی توانائی کی مسلسل فراہمی کو یقینی بنانا ایک سنگین مسئلہ ہے جس کا پاکستان کو کئی دہائیوں سے سامنا ہے۔ بایو ایندھن، ایک قابل تجدید توانائی کے ذریعہ کے طور پر، درآمدی ایندھن پر ملک کے انحصار کو کم کرنے میں مدد کر سکتا ہے، جس کے نتیجے میں ملک کی توانائی کی حفاظت میں اضافہ ہوتا ہے۔اسلام آباد میں مقیم پاکستان-جرمن رینیوایبل انرجی فورم کے توانائی کے ماہر فراز خان نے یہ بات ویلتھ پاک سے گفتگو کرتے ہوئے کہی۔فصلوں کے لیے اپنی سازگار آب و ہوا کے پیش نظر، ملک فصلوں، پودوں، بائیو ویسٹ اور دیگر نامیاتی ذرائع سے توانائی پیدا کر سکتا ہے۔ پاکستان اکنامک سروے 2022-23 کے مطابق پاکستان قابل تجدید ذرائع سے سب سے کم توانائی پیدا کرتا ہے۔ ملک میں بجلی کی کل نصب صلاحیت 41,000 میگاواٹ ہے۔ ہائیڈل، تھرمل، نیوکلیئر اور قابل تجدید کا فیصد حصہ بالترتیب 25.8فیصد، 58.8فیصد، 8.6فیصد، اور 6.8فیصدہے۔ فراز نے کہا کہ کچھ عوامل جیسے روپے کی قدر میں کمی، کرنٹ اکاونٹ کا خاطر خواہ خسارہ، اور زرمبادلہ کے ذخائر میں کمی ملک کی توانائی کی سلامتی کے لیے اہم ممکنہ خطرات کا باعث بن سکتی ہے۔موجودہ حالات کو مدنظر رکھتے ہوئے، پاکستان میں بائیو فیول کی پیداوار کی بنیادی اقسام میں ایتھنول، بائیو ڈیزل اور بائیو گیس شامل ہیں۔ ان میں سے، ایتھنول ملک میں اپنی کافی پیداواری صلاحیت کی وجہ سے ایک نمایاں مقام رکھتا ہے۔

ایتھنول کے ماخذ کی وضاحت کرتے ہوئے، انہوں نے کہاکہ ایتھانول توانائی کی فصلوں سے حاصل کیا جاتا ہے، جس میں مکئی ، گنا، چاول، جو، اور میٹھے سورگم کے ساتھ ساتھ دیگر بائیو ماس مواد جیسے بھوسے، گھاس اور لکڑی کا بنیادی فیڈ اسٹاک ہوتا ہے۔ فراز نے کہا کہ پاکستان کے لیے بائیو فیول کو توانائی کے ذرائع کے طور پر استعمال کرنے کا ایک نمایاں فائدہ کاربن کے اخراج کے اہداف کو پورا کرنے کی صلاحیت میں ہے۔بایو ایندھن دہن کے دوران فضا میں کاربن ڈائی آکسائیڈ کا اخراج کرتے ہیں، لیکن حیاتیاتی ایندھن پیدا کرنے کے عمل میں پودوں اور فصلوں کو لگانا شامل ہے، جو ان کاربن ڈائی آکسائیڈ کے اخراج کو کم کرنے اور کم کرنے کے لیے کام کرتا ہے۔ پاکستان جیسے ملک کے لیے، عالمی سطح پر تیل کی قیمتوں میں کافی اتار چڑھا وایک اہم اقتصادی خطرہ ہے جس سے ملک کے کاروبار، زراعت، اور مینوفیکچرنگ کے شعبوں کے پورے منظرنامے میں خلل پڑتا ہے۔ اس کے نتیجے میں، درآمدی ایندھن پر انحصار کو کم سے کم کرنے کے لیے ٹھوس کوشش کرنا ایک اہم قومی مقصد ہونا چاہیے ۔انہوں نے کہا کہ توانائی کے مرکب کو متنوع بنانا پاکستان کی بنیادی ضرورت بن چکی ہے تاکہ تیل کی عالمی قیمتوں میں اتار چڑھا وکے منفی اثرات کو جذب کیا جا سکے۔ اس تناظر میں، بایو ایندھن ترجیحی آپشن کے طور پر نمایاں ہیں۔

کریڈٹ: انڈیپنڈنٹ نیوز پاکستان-آئی این پی

پاکستان کو بدھ کی باقیات کا گھر ہونے کا نادر اعزاز حاصل ہے۔ ان کی شاندار پریزنٹیشن نہ صرف مذہبی سیاحت کو فروغ دے سکتی ہے بلکہ بیرون ملک ملک کے سافٹ امیج کو بھی فروغ دے سکتی ہے۔یہ بات لاہور ہیڈ آفس کے ڈپٹی ڈائریکٹر آرکیالوجی نارتھ محمد اقبال خان منج نے ویلتھ پاک سے گفتگو کرتے ہوئے کہی۔ٹیکسلا میوزیم میں بدھا کے مقدس آثار کی خوبصورتی سے نمائش کے بارے میں تفصیلات بتاتے ہوئے انہوں نے کہا کہ 1928 میں ٹیکسلا میوزیم کے افتتاح کے بعد سے بدھ مت کے مقدس آثار کو ان کی چوری سے بچنے کے لیے خفیہ چیمبروں میں رکھا گیا تھا۔یہ آثار تقسیم سے قبل 1912 اور 1916 کے درمیان ٹیکسلا میں واقع دھرمراجیکا اسٹوپا کی کھدائی کے دوران دریافت ہوئے تھے۔ سر جان مارشل، اس وقت کے ڈائریکٹر جنرل آرکیالوجیکل سروے آف انڈیا نے کھدائی کی۔یہ آثار گندھارا کے قدیم خروستی رسم الخط میں لکھے ہوئے ایک چھوٹے سے سنہری تابوت میں پائے گئے تھے۔ بدھا کے اوشیشوں کے گرد چاندی کی لپیٹنے والی ورقوں پر یہ لکھا ہوا تھا کہ نوچا کے اروساکا نے بھگوان بدھ کی ہڈیوں کے آثار اپنے دھرمراجیکا کے چیپل میں رکھے تھے۔انہوں نے کہاکہ یہ آثار عام لوگوں سے چھپائے گئے تھے۔ لہذا، سب ریجنل آفس، ٹیکسلا کے ڈپٹی ڈائریکٹر کی حیثیت سے، میں نے انہیں عام ناظرین کے سامنے ظاہر کرنے کا فیصلہ کیا اور پروجیکٹ پر کام شروع کیا۔تھائی لینڈ کی حکومت نے اس سلسلے میں حکومت پاکستان کے ساتھ تعاون کیا۔ میں اس ٹیم کا حصہ تھا جس نے تھائی ماہرین کے ساتھ باہمی طور پر کام کیا تاکہ آثار کی محفوظ نمائش کو یقینی بنایا جا سکے۔

یہ منصوبہ 2021 میں شروع ہوا اور 2022 میں مکمل اور افتتاح کیا گیا۔انہوں نے مزید کہاکہ عوام میں بدھ مت کے آثار کی حفاظت کو یقینی بنانے کے لیے، ایک خاص بلٹ پروف شیشے کے کیس کو اسمارٹ سیکیورٹی الارم سسٹم کے ساتھ ڈیزائن کیا گیا تھا۔ ٹیکسلا میوزیم کے مرکزی ہال میں مقدس آثار کو ان کی تاریخ کے بارے میں تفصیلی نوٹ کے ساتھ نمائش کے لیے سونے کی چڑھائی کے ساتھ ایک کرسٹل صاف شیشے کا کیس ہے۔پاکستان ثقافتی سرگرمیوں کا مرکز ہے۔ یہ اس بات پر منحصر ہے کہ ہم انہیں کس طرح ہوشیاری سے باقی دنیا کے سامنے پیش کر سکتے ہیں۔ معیشت کسی بھی ملک کی ریڑھ کی ہڈی ہوتی ہے۔ تغیر معاشی سائیکل کا باقاعدہ حصہ ہے۔ کبھی یہ ٹوٹ جاتا ہے اور کبھی یہ صورت حال پیدا نہیں ہوتی اور معاشی گردش آسانی سے چلتی ہے۔انہوں نے کہا کہ سیاحت کا شعبہ سری لنکا جیسے کئی ممالک میں آمدنی کا بنیادی ذریعہ ہے۔ اس جنوبی ایشیائی قوم کو ایک مشکل معاشی بحران کا سامنا کرنا پڑا لیکن وہ اس کے فروغ پر جمے رہے اور آہستہ آہستہ اس سے نکل گئے۔انہوں نے مزید کہا کہ ہمیں کسی بھی بحران میں بھی اپنے اہداف اور اہم منصوبوں پر توجہ مرکوز کرنے کی کوشش کرنی چاہیے، تب ہی ہم شدت کا مقابلہ کرنے میں کامیاب ہوں گے۔اس سال ستمبر میں سری لنکا کے اپنے حالیہ دورے کے بارے میں بات کرتے ہوئے، منج نے کہا کہ شدید اقتصادی بحران کا سامنا کرنے کے باوجود، سری لنکا نے کبھی بھی سیاحت کو پیچھے نہیں رہنے دیا اور اس کے فروغ کے لیے اپنی کوششوں کو دوگنا کیا۔ پاکستان کو سری لنکا کے جذبے کی پیروی کرنے اور بیرونی دنیا میں اپنا بہتر امیج بنانے کی ضرورت ہے۔

کریڈٹ: انڈیپنڈنٹ نیوز پاکستان-آئی این پی

پاکستان آئل فیلڈز لمیٹڈ نے گزشتہ مالی سال کے مقابلے 30 جون 2023 کو ختم ہونے والے مالی سال کے دوران خالص فروخت میں 17.3 فیصد اضافہ، مجموعی منافع میں 22.9 فیصد اور خالص منافع میں 40.6 فیصد اضافہ کیا۔ مالی سال 22 کے دوران، خالص فروخت 51.9 بلین روپے اور مجموعی منافع روپے 33.9 بلین رہا، جس کے نتیجے میں مجموعی منافع کا مارجن 65.35 فیصد رہا۔ مالی سال 23 میں، پاکستان آئل فیلڈز لمیٹڈ نے 60.95 بلین روپے کی خالص فروخت اور 41.73 بلین روپے کا مجموعی منافع ریکارڈ کیا، جس سے مجموعی منافع کا مارجن 68.47 فیصد رہا۔ مالی سال 23 میں 6 بلین روپے مالی سال 22 میں 36.98 بلین۔ اسی طرح، خالص منافع مالی سال 23 میں 40.6 فیصد بڑھ کر 36.4 ارب روپے ہو گیا جو گزشتہ سال کے 25.9 ارب روپے تھا۔ مالی سال 22 میں خالص منافع کا مارجن 49.93 فیصد رہا جو مالی سال 23 میں بڑھ کر 59.81 فیصد ہو گیا۔ کمپنی نے منافع میں اس اضافے کی وجہ تیل اور گیس کی قیمتوں میں روپے اور ڈالر کی برابری کے مثبت اثرات کو قرار دیا۔ مزید برآں، اس مدت کے دوران، کمپنی نے مالیاتی اثاثوں پر زر مبادلہ کے فوائد اور سود کی بلند شرحوں کی وجہ سے بینک ڈپازٹس سے آمدنی میں اضافہ دیکھا۔ منافع میں اضافے کے نتیجے میں مالی سال 22 میں 91.37 روپے کے مقابلے 128.42 روپے فی حصص کی آمدنی ہوئی۔کمپنی کی خالص فروخت 2018 میں 32.6 بلین روپے سے بڑھ کر 2019 میں 43.6 بلین روپے ہو گئی، لیکن 2020 میں 36.5 بلین روپے اور 2021 میں 36.04 بلین روپے تک گر گئی۔ 2022 اور 2023 میں 60.9 بلین روپے۔ اسی طرز پر 2018 سے 2023 تک مجموعی منافع کی پیروی کی گئی۔ مجموعی منافع 2023 میں بڑھ کر 41.7 بلین روپے ہو گیا جو 2018 میں 17.13 بلین روپے تھا۔ 2020 اور 2021 کے مقابلے میں دو کمی دیکھی گئی۔

پچھلے سال تک۔ سال کے منافع نے اسی طرز کی نمائش کی، جس میں پچھلے سال کے مقابلے میں 2020 اور 2021 میں دو کمی واقع ہوئی۔ مجموعی طور پر یہ منافع 2018 میں 10 بلین روپے سے بڑھ کر 2023 میں 36.4 بلین روپے ہو گیا۔ کمپنی کا منافع 2018 میں 10.05 بلین روپے رہا اور اگلے تین سالوں میں 2019، 2020 اور 2021 میں 14.19 بلین روپے پر وہی رہا۔ 2023 میں شیئر ہولڈرز کو سب سے زیادہ ڈیویڈنڈ دیا گیا جس کی مالیت 22.7 بلین روپے تھی۔پاکستان آئل فیلڈز کے ذخائر میں 2018 میں 1.76 بلین روپے سے بعد کے سالوں میں 1.75 بلین روپے تک کی معمولی کمی دیکھی گئی۔ طویل مدتی ڈپازٹس 2018 میں 837 ملین روپے سے 2023 میں 925 ملین روپے تک بڑھ گئے۔ کمپنی کی طویل مدتی سرمایہ کاری سال بھر میں 9.616 بلین روپے کی برابر رہی۔ تاہم، کمپنی نے اس عرصے کے دوران موجودہ اثاثوں میں قابل ذکر اضافہ دیکھا، جو 2018 میں 35.9 بلین روپے سے 2023 میں 133.89 بلین روپے تک پہنچ گیا۔کیش فلو کا خلاصہآپریٹنگ سرگرمیوں سے پیدا ہونے والی نقد رقم میں 2018 سے 2023 تک مجموعی طور پر اضافہ ہواجو کہ 2021 میں کمی کے بغیر ہے۔ سرمایہ کاری کی سرگرمیوں سے کیش نے ملے جلے رجحان کی نمائش کی۔ یہ 2018، 2020 اور 2022 میں منفی رہی اور 2019، 2021 اور 2023 میں مثبت رہی۔ کمپنی نے پوری مدت میں قرض کی ادائیگی جیسی فنانسنگ سرگرمیوں کے لیے نقد رقم کا استعمال کیا، جو کہ کیش آوٹ فلو کی نشاندہی کرتا ہے۔ سال کے آخر میں نقدی اور نقدی کے مساوی 2018 میں 21.53 بلین روپے سے 2023 میں مسلسل بڑھ کر 105.1 بلین روپے ہو گئے۔مارکیٹ کیپٹلائزیشن قومی خزانے میں پاکستان آئل فیلڈز کا حصہ مجموعی طور پر بڑھ کر 2023 میں 29.2 بلین روپے تک پہنچ گیا۔ تاہم 2020 میں یہ حصہ پچھلے سال سے کم ہوا۔ کمپنی کی مارکیٹ کیپٹلائزیشن 2018 میں 158.9 بلین روپے سے کم ہو کر 2023 میں 114 بلین روپے رہ گئی۔

کریڈٹ: انڈیپنڈنٹ نیوز پاکستان-آئی این پی

دہشت گردی کے خدشات کے پیش نظر سی ٹی ڈی نے پنجاب کے مختلف شہروں میں 157 انٹیلی جنس بیسڈ آپریشن کے دوران 9 دہشت گرد گرفتار کرلیے ۔ ترجمان کانٹر ٹیررزم ڈیپارٹمنٹ(سی ٹی ڈی ) کے مطابق کارروائیاں لاہور ، فیصل آباد، ننکانہ صاحب ، رحیم یار خان ، شیخوپورہ اور راولپنڈی میں کی گئیں ، لاہور کے سرحدی گاں سے داعش کے 2 اہم کمانڈرز بھی گرفتار کیے گئے ہیں ۔ ترجمان کے مطابق دہشت گردوں کے قبضے سے بارودی مواد ، 12 ڈیٹو نیٹرز، پرائما کارڈ، موبائل فون، اسلحہ اور نقدی برآمد کی گئی ہے ۔ ترجمان کاکہنا ہے کہ دہشت گردوں کی شناحت رف، زبیر، ضیا ، وقار، امین، مسعود، سرفراز، حمید خان اور شاہد کے نام سے ہوئی ہے ۔ ترجمان سی ٹی ڈی کا کہنا ہے کہ دہشت گرد اہم تنصیبات پر حملے کی منصوبہ بندی کر رہے تھے ، دہشت گردوں کے خلاف مقدمات درج کرکے مزید تفتیش جاری ہے۔ سی ٹی ڈی ترجمان کے مطابق رواں ہفتے 990کومبنگ آپریشنز کے دوران 134 مشتبہ افراد گرفتار کیے گئے ہیں جبکہ کومبنگ آپریشنز میں 41411 افراد سے پوچھ گچھ کی گئی۔ ترجمان کاکہنا ہے کہ سی ٹی ڈی محفوظ پنجاب کے ہدف پر عمل پیرا ہے ، دہشت گردی کے ناسور کو جڑ سے اکھاڑ پھینکنے کے لیے پرعزم ہیں ۔

کریڈٹ: انڈیپنڈنٹ نیوز پاکستان-آئی این پی

آزاد جموں و کشمیر میں جاری بارش اور برفباری کا سلسلہ تھم گیا ہے جس کے بعد سردی میں اضافہ ہوگیا ہے۔ بارش اور برف باری کے بعد آزاد جموں و کشمیر کے دارالحکومت اور گردونواح میں موسم خوش گوار ہوگیا، دارالحکومت کے پہاڑی سلسلے کوہ مکڑہ، پیر چناسی، پیر ہسی مار نے برف کی چادر اوڑھ لی۔ وادی نیلم اور لیپا کے پہاڑوں پر بھی ہر سو برف ہی برف نظر آ رہی ہے، آزاد کشمیر میں حالیہ بارش اور پہاڑوں پر برفباری کی وجہ سے سردی میں اضافہ ہو گیا ہے۔

کریڈٹ: انڈیپنڈنٹ نیوز پاکستان-آئی این پی

پاکستان اسٹاک ایکس چینج میں کاروبار کے آغاز پر ہی مثبت میں رجحان دیکھا گیا ۔ بدھ کو کاروبار کے آغاز پر 100 انڈیکس 70 پوائنٹس کے اضافے کیساتھ 49601 پوائنٹس ہوگیا۔ بدھ کو 10 بجکر 28 منٹ پر 100 انڈیکس 207 پوائنٹس کا اضافہ دیکھا جارہا ہے جس کے بعد پاکستان اسٹاک ایکسچینج 49738 کے ہندسے پر ٹریڈ کررہا ہے۔ اسٹاک مارکیٹ میں مثبت رجحان کو دیکھتے ہوئے توقع کی جارہی ہے کہ پاکستان اسٹاک مارکیٹ آج بھی 50 ہزار کے ہندسے کو عبور کرے گی۔ گزشتہ روز دوران ٹریڈنگ اسٹاک مارکیٹ نے 6 سال 4 ماہ بعد 50 ہزار پوائنٹس کی حد عبور کی تھی تاہم ڈالر کی قدر گرنے کا سلسلہ رکنے اور پرافٹ ٹیکنگ کے باعث مارکیٹ گرگئی، اسٹاک مارکیٹ میں گزشتہ روز 10ارب روپے مالیت کے36 کروڑ78 لاکھ شیئرز کا لین دین ہوا۔

کریڈٹ: انڈیپنڈنٹ نیوز پاکستان-آئی این پی

چیئرمین پیپلزپارٹی اور سابق وزیرخارجہ بلاول بھٹوزرداری کا کہنا ہے کہ آمریت اور دہشتگردی کا گٹھ جوڑ تہذیب اور انسانیت کا دشمن ہے۔ یوم شہدا کار ساز پر پیغام میں بلاول بھٹو نے کہا کہ شہداِ کار ساز نے جانیں قربان کر کے تاریخ میں ایک ناقابلِ فراموش داستان رقم کی، خونریز سانحے کا غم و غصہ آج بھی قوم کے ذہنوں میں کل کی طرح تازہ ہے، پارٹی شہدا کے خاندانوں سے بھی یکجہتی کا اظہار اور سلام پیش کرتا ہوں۔ بلاول بھٹو نے کہا کہ آمریت اور دہشتگردی کا گٹھ جوڑ تہذیب اور انسانیت کا دشمن ہے، پاکستانی قوم جمہوریت کی خاطر ہر مشکل کا مقابلہ کرنے اورجیتنے کا عزم رکھتی ہے۔

کریڈٹ: انڈیپنڈنٹ نیوز پاکستان-آئی این پی

سائفر کیس میں سامنے آنے والے ایف آئی اے چالان میںسابق وزیراعظم عمران خان او روزیر خارجہ شاہ محمودقریشی کو ملزم قرار دیدیا گیا۔ نجی ٹی وی کے مطابق سائفر کیس میں ایف آئی اے چالان چیئرمین پی ٹی آئی کے مجرمانہ اقدامات اور اس کے نتیجے میں خارجہ تعلقات کو پہنچنے والے نقصان کا ذکر کیا گیا ہے، اور کہا گیا ہے کہ سائفر کی غیر قانونی تحویل سے ملزمان نے ملکی سلامتی کو داو پر لگایا۔ ایف آئی اے چالان میں سابق وزیر اعظم عمران خان کے سیکرٹری جنرل اعظم خان کے کردار اور ان کا بیان بھی موجود ہے۔ چالان کے ساتھ تیس گواہان کی فہرست دی گئی ہے۔ چالان میں بتایا گیا ہے کہ سائفر کی غیر قانونی تحویل سے ملزمان نے ملکی سلامتی کو داو پر لگایا،ملزمان کے اقدامات سے غیر ملکی قوتوں کا مفاد پورا ہوا اور پاکستان کو نقصان پہنچا۔ چالان کے مطابق قوائد کے تحت سائفر تلف کرنے لئے دفتر خارجہ کو واپس کرنا ضروری تھا۔سابق وزیراعظم و وزیر خارجہ آفیشل سیکرٹ ایکٹ کی دفعہ پانچ اور نو کے تحت ملزم ہیں۔ ایف آئی اے چالان کے مطابق تیس ستمبر کو قبضے میں لی گئی رپورٹ کے مطابق سیکریٹری خارجہ کی ہدایت پر سائفر اعظم خان کو دیا گیا تھا۔

کریڈٹ: انڈیپنڈنٹ نیوز پاکستان-آئی این پی

گوجرخان پولیس نے 3 سالہ بھانجے کو کلہاڑیوں سے قتل کرنے اور بہن کو زخمی کرنے والے سفاک ملزم کو 24 گھنٹے میں گرفتار کرلیا. پولیس ترجمان نے بتایا کہ گزشتہ روز سفاک ملزم محمد عقاب نے گھریلو تنازعے پر 3 سالہ بھانجے صائم کو بے دردی سے کلہاڑیوں کے وار کرکے قتل کیا تھا، ملزم نے اپنی بہن کو بھی کلہاڑی مار کر شدید زخمی کیا تھا جس کو اسپتال میں انتہائی تشویشناک حالت میں رکھا گیا ہے۔ پولیس کا کہنا تھا کہ ملزم کے خلاف ٹھوس شواہد پولیس کو موصول ہوئے جس کو قانون کے مطابق سخت سزا دلوائی جائے گی۔

کریڈٹ: انڈیپنڈنٹ نیوز پاکستان-آئی این پی

وفاقی حکومت نے سرکاری دفاتر کے اوقات کار تبدیل کردیے۔ نوٹیفکیشن کے مطابق اسلام آباد کے تمام سرکاری دفاتر فوری طور پر نظرثانی شدہ دفاتری اوقات کار پر عمل کریں گے، نوٹیفکیشن کے مطابق وفاقی سرکاری دفاترمیں نئے اوقات کار کا اطلاق فوری طور پرہوگا۔ وفاقی حکومت نے اسلام آباد کے سرکاری دفاتر کے اوقات کار تبدیل کردیے ہیں، سرکاری دفاتر صبح ساڑھے 8 بجے سے شام ساڑھے 4 بجے تک کھلیں گے۔ اس سے قبل سرکاری دفتری اوقات صبح 7:30 بجے سے 3:30 بجے تک ہوتے تھے۔ نوٹیفکیشن کے مطابق ملازمین کو دوپہر ایک بجے سے ڈیڑھ بجے تک 30 منٹ کا لنچ اور نماز کا وقفہ ہوگا، اسلام آباد کے تمام سرکاری دفاتر فوری طور پر نظرثانی شدہ دفاتری اوقات کار پر عمل کریں گے۔

کریڈٹ: انڈیپنڈنٹ نیوز پاکستان-آئی این پی

پنجاب اسمبلی میں غیر قانونی بھرتیوں کے کیس میں سابق سیکرٹری پنجاب اسمبلی محمد خان بھٹی کی درخواست ضمانت خارج ہوگئی۔ اینٹی کرپشن کی خصوصی عدالت کے جج علی رضا اعوان نے پنجاب اسمبلی میں غیر قانونی بھرتیوں کے کیس میں محمد خان بھٹی کی ضمانت کی درخواست پر سماعت کی۔ سماعت کے دوران جج علی رضا اعوان نے ریمارکس دیئے کہ اینٹی کرپشن کی نگرانی کی درخواست منظورہو چکی ہے اب ضمانت کی درخواست ناقابل سماعت ہے۔ بعدازاں ، عدالت نے درخواست غیرموثر قرار دیتے ہوئے خارج کردی۔ یاد رہے کہ محمد خان بھٹی کے خلاف اینٹی کرپشن اسٹیبلشمنٹ نے پنجاب اسمبلی میں غیر قانونی بھرتیوں سے متعلق مقدمہ درج کر رکھا ہے۔

کریڈٹ: انڈیپنڈنٹ نیوز پاکستان-آئی این پی

نگراں وزیراعلی سندھ جسٹس (ر)مقبول باقر نے کہا ہے کہ چائنا ریلوے کنسٹرکشن کارپوریشن کراچی سرکلر ریلوے بنائے گی۔ نگراں وزیراعلی سندھ جسٹس (ر)مقبول باقر نے کہا ہے کہ کراچی میں سرکلر ریلوے چائنہ ریلوے کنسٹرکشن کارپوریشن (سی آ سی سی)بنائے گی، یہ فیصلہ نگران وزیراعلی سندھ جسٹس (ر) مقبول باقر اور چائنہ ریلوے کنسٹریکشن کارپوریشن (سی آر سی سی)کے صدر لی سما کی اور نائب صدر گونجی رین کے درمیان بیجنگ میں سی آر سی سی ہیڈ کوارٹر میں ہونے والی ملاقات میں کیا گیا۔ اجلاس میں سی آر سی سی نائب صدر نے بریفنگ دیتے ہوئے کہا کہ ٹرانسپورٹ اینڈ ماس ٹرانزٹ ڈپارٹمینٹ حکومت سندھ اور ہماری چائنیز کمپنی سی آر سی سی نے ملکر کے سی آر کی فزیبلٹی رپورٹ بنائی ہے، اس لیے چائنیز حکام کراچی میں سرکلر ریلوے بنائی گے۔ نگران وزیراعلی سندھ نے کہا کہ کراچی سرکلر ریلوے کو سی پیک میں 2016 میں شامل کیا گیا تھا، اجلاس میں بتایا گیا کہ2023 میں سی پیک کے اجلاس میں فیصلہ ہوا کہ چائنہ ریلوے اتھارٹی کو نئے سرے سے فزیبلٹی کی ضرورت ہے اور حکومت سندھ نے چینی فرم سی آر سی سی کے تعاون کے ساتھ دوبارہ فزیبلٹی رپورٹ تیار کی، جس کے مطابق کے سی آر پر 2.002 بلین ڈالرز کی لاگت آئے گی۔ پلاننگ کمیشن کے ذریعے چائنہ ریلوے اتھارٹی کو پیش کردہ فزیبلٹی اسٹڈی کو اپ ڈیٹ کیا گیا۔ اجلاس میں بریفنگ کے دوران بتایا گیا کہ کے سی آر کا سر کیولر روٹ تقریبا 43 کلومیٹر (27 میل)پر پھیلا ہوا ہے، جس میں کے سی آر شہر کراچی کے متنوع منظر نامے بشمول صنعتی زون، تجارتی اور رہائشی علاقوں کو جوڑتا ہے۔ بریفنگ کے دوران بتایا گیا کہ چینی معیارات پر مبنی تازہ ترین فزیبلٹی اسٹڈی کے مطابق کے سی آر منصوبے کی لاگت 2.002 بلین ڈالرز بنتی ہے، کراچی سرکلر ریلورے کے 24 اسٹیشنز ہونگے اور یومیہ 650000 مسافر سفر کریں گے۔ نگران وزیر اعلی سندھ اور سی آر سی سی کے نائب صدر نے فیصلہ کیا کہ سندھ حکومت کے سی آر کے روٹ کی اراضی مسائل حل کرے گی۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے خاور مانیکا کی درخواست ضمانت بعد از گرفتاری پر فریقین کو نوٹسز جاری کرتے ہوئے جواب طلب کرلیا۔ لاہور ہائیکورٹ میں خاور مانیکا کی درخواست ضمانت بعد از گرفتاری پر سماعت ہوئی، جسٹس علی باقر نجفی نے درخواست ضمانت بعد از گرفتاری پر سماعت کی۔ عدالت نے وکیل درخواست گزار کے دلائل سننے کے بعد کیس کی مزید سماعت 14 نومبر تک ملتوی کر دی۔ اینٹی کرپشن کے مقدمے میں خاور مانیکا نے درخواست ضمانت دائر کی ہے، خاور مانیکا پر قبرستان کی زمین پر قبضہ کرنے کا الزام ہے۔

کریڈٹ: انڈیپنڈنٹ نیوز پاکستان-آئی این پی

پاکستان نے غزہ میں جنگ بندی کے لیے روس کی طرف سے پیش کردہ قرار داد کو منظور کرنے میں اقوام متحدہ کی سلامتی کونسل کی ناکامی پر مایوسی کا اظہار کیا ہے ۔ اقوام متحدہ میں پاکستان کے مستقل مندوب منیر اکرم نے بتایا کہ پاکستان نے کئی عرب اور او آئی سی کے رکن ممالک کے ساتھ مل کر اس قرار داد کی حمایت کی تھی ۔ انہوں نے کہاکہ اس مرحلے پر غزہ میں فوری جنگ بندی کی ضرورت ہے اور روسی مسودہ قرارداد جس میں فوری طور پر انسانی بنیادوں پر جنگ بندی کا مطالبہ کیا گیا تھا کی سلامتی کونسل کی طرف سے منظوری میں ناکامی انتہائی مایوس کن ہے۔ اس قرار داد کی امریکا ، برطانیہ ، فرانس اور جاپان نے مخالفت کی تھی جبکہ البانیہ، برازیل، ایکواڈور، گھانا، مالٹا اور سوئٹزرلینڈنے اس قرار داد پر رائے شماری میں حصہ نہیں لیا جس کی وجہ سے اس قرارداد کو منظوری کے لئے مطلوبہ 9 ووٹ حاصل نہیں ہو سکے۔ قرار داد کی حمایت چین، گیبون ، موزمبیق، روسی فیڈریشن اور متحدہ عرب امارات نے کی تھی ۔ اس قرار داد کی تیاری اور اسے سلامتی کونسل میں پیش کرنے کی حمایت پاکستان، بحرین، اردن، سعودی عرب، مصر، متحدہ عرب امارات، قطر، کویت، عمان، لبنان، یمن، انڈونیشیا، ملائیشیا، ترکی، بنگلہ دیش، مالدیپ ، موریطانیہ، سوڈان، جبوتی، اریٹیریا اور مالی۔ زمبابوے، نکاراگوا اور وینزویلا نے کی تھی جبکہ فلسطین نے بھی اس کے مسودے کی حمایت کی تھی۔ روس نے مغربی بلاک کے خود غرضی پر مبنی رویئے کو قرار داد کی منظوری میں ناکامی کا ذمہ دار ٹھہراتے ہوئے اس پر افسوس کا اظہا رکیا ہے ۔ روسی سفیر کاکہنا تھا کہ مغربی ممالک کے سفیروں نے غزہ میں تشدد کے خاتمے ادھر مغربی ممالک نے یہ موقف اختیار کیا کہ اس قرار داد میں اسرائیل کے خلاف حماس کی کارروائی کو دہشت گردی قرار نہیں دیا گیا تھا۔

کریڈٹ: انڈیپنڈنٹ نیوز پاکستان-آئی این پی

نیو ڈیولپمنٹ بینک کی صدر دلما روسیف کا بیجنگ پہنچنے پر استقبال کیا جا رہا ہے جہاں وہ تیسرے بیلٹ اینڈ روڈ فورم برائے بین الاقوامی تعاون میں شرکت کریں گی۔(شِںہوا)

نیو ڈیولپمنٹ بینک کی صدر دلما روسیف کا بیجنگ پہنچنے پر استقبال کیا جا رہا ہے جہاں وہ تیسرے بیلٹ اینڈ روڈ فورم برائے بین الاقوامی تعاون میں شرکت کریں گی۔(شِںہوا)

چین کے صدر شی جن پھنگ  بیجنگ میں ایتھوپیا کے وزیر اعظم ابی احمد سے عظیم عوامی ہال میں ملاقات کے دوران مصافحہ کر رہے ہیں۔(شِنہوا)

چین کے صدر شی جن پھنگ  بیجنگ میں ایتھوپیا کے وزیر اعظم ابی احمد سے عظیم عوامی ہال میں ملاقات کے دوران مصافحہ کر رہے ہیں۔(شِنہوا)

جنوبی غزہ کی پٹی کے شہر خان یونس میں اسرائیلی فضائی حملوں میں تباہ ہونے والی عمارت کے پاس سے لوگ گزر رہے ہیں۔(شِنہوا)

چین کے نائب صدر ہان ژینگ نائجیریا کے نائب صدر قاسم شیٹیما سے  بیجنگ میں ملاقات کے دوران مصافحہ کر رہے ہیں۔(شِنہوا)

چین کے نائب صدر ہان ژینگ نائجیریا کے نائب صدر قاسم شیٹیما سے  بیجنگ میں ملاقات کے دوران مصافحہ کر رہے ہیں۔(شِنہوا)

اسرائیل کے جنوبی علاقے میں اسرائیل-غزہ سرحد کے قریب ایک فوجی گاڑی پر اسرائیلی فوجی دکھائی دے رہے ہیں۔(شِنہوا)