پنجاب حکومت کی جانب سے پی ٹی آئی کی کارکن خدیجہ شاہ کی نظر بندی کا حکم واپس لینے کے بعد کوئٹہ پولیس نے انہیں گرفتار کرلیا۔ کوئٹہ پولیس نے خدیجہ شاہ کو گرفتار کرکے راہداری ریمانڈ لینے کے لیے درخواست دائر کی۔ انسداد دہشت گردی عدالت نے خدیجہ شاہ کا دو روز کا راہداری ریمانڈ منظور کر لیا۔ عدالت نے خدیجہ شاہ کو دو روز میں متعلقہ عدالت میں پیش کرنے کا حکم دے دیا۔ کوئٹہ پولیس نے درخواست دی کہ ملزمہ کا کوئٹہ کی انسداد دہشت گردی عدالت سے وارنٹ لیا ہے، ملزمہ سے تفتیش کرنی ہے عدالت تین روز کا راہداری ریمانڈ منظور کرے۔ قبل ازیں، پنجاب حکومت نے خدیجہ شاہ کی نظر بندی کا حکم واپس لیا تھا جس کا حکومتی تحریری آرڈر سرکاری وکیل نے عدالت میں پیش کرنای تھا۔ واضح رہے کہ خدیجہ شاہ کے شوہر جہانزیب امین نے نظر بندی کے خلاف ہائیکورٹ سے رجوع کر رکھا ہے۔

کریڈٹ: انڈیپنڈنٹ نیوز پاکستان-آئی این پی

پنجاب حکومت نے چنگ چی رکشہ کو قانونی حیثیت دینے کے لیے موٹر وہیکلز رولز 1969 میں ترامیم کی منظوری دیتے ہوئے کہا ہے کہ چنگ چی / موٹر سائیکل رکشہ کو تھری ویلر کے طورپر رجسٹر کیا جائے گا۔ وزیر اعلی محسن نقوی کی زیرِ صدارت پنجاب کابینہ کا 34واں اجلاس ہوا جس میں صوبائی وزرا، مشیران، ایڈیشنل چیف سیکرٹری، انسپکٹر جنرل پولیس، ایڈووکیٹ جنرل پنجاب، سینئر ممبر بورڈ آف ریونیو، چیئرمین پلاننگ اینڈ ڈویلپمنٹ، متعلقہ محکموں کے سیکرٹریز اور اعلی حکام نے شرکت کی۔ اجلاس میں چنگ چی رکشہ کو قانونی حیثیت دینے کے لیے موٹر وہیکلز رولز 1969 میں ترامیم کی منظوری دی گئی اور کہا گیا کہ موجودہ موٹرسائیکل رکشہ کی عارضی رجسٹریشن کے لیے ریجنل ٹرانسپورٹ اتھارٹی کو اسپیشل رجسٹریشن اتھارٹی کا درجہ دیا جائے گا۔ عارضی رجسٹریشن کے بعد موٹر سائیکل رکشے کووضع کردہ سائز او رڈیزائن کے مطابق تبدیلی کے لئے 4 ماہ دئیے جائیں گے، 4ماہ کے بعد موٹرسائیکل رکشہ فٹنس سرٹیفکیٹ ملنے کے بعد ایکسائز سے رجسٹریشن نمبر حاصل کرسکے گا، موٹرسائیکل رکشے کی رجسٹریشن کا عمل آسان تر اور فارم اردو میں شائع کرنے کی ہدایت دی گئی۔

اجلاس میں پنجاب میں تعمیر ہونے والی 18 بڑی روڈز انفرسٹرکچر کو مستقل طور پر محفوظ بنانے کی منظوری بھی دی گئی، 18 بڑی روڈز سے حاصل ہونے والے ٹول کو متعلقہ سڑک کی تعمیر ومرمت پر ہی خرچ کیا جاسکے گا، اجلاس میں پنجاب کابینہ نے 18 بڑی روڈز کے ٹول کی رنگ فنسنگ کی منظوری بھی دے دی۔ پنجاب کابینہ کے اجلاس میں ڈیرہ غازی خان کارڈیالوجی انسٹی ٹیوٹ کو پنجاب میڈیکل اینڈ ہیلتھ انسٹی ٹیوشنزایکٹ 2003کے تحت میڈیکل انسٹی ٹیوشن کا درجہ دینے اور ڈیرہ غازی خان انسٹی ٹیوٹ آف کارڈیالوجی کی مینجمنٹ کے لیے انتظامی کمیٹی کی منظوری بھی دی گئی۔ رجب طیب اردوان اسپتال مظفر گڑھ میں نرسنگ کالج کے قیام کے لیے ضروری اقدامات کی منظوری دی گئی، کابینہ نے نرسنگ کالج کے آپریشنل اخراجات کے لئے ایک ارب روپے فنڈز کی منظوری بھی دے دی، اس کے علاوہ رجب طیب اردوان اسپتال میں نرسنگ کلاسز جلد شروع کرنے کی ہدایت بھی کی۔ اجلاس میں ساہیوال میں رحمت اللعالمین بلاک کو ساہیوال انسٹی ٹیوٹ آف کارڈیالوجی میں تبدیل کرنے کی منظوری دی گئی، ساہیوال میں 180 بیڈز کا انسٹی ٹیوٹ آف کارڈیالوجی جلد فنکشنل کیا جائے گا۔ داتا دربار کی تعمیر و مرمت اور توسیع کے پراجیکٹ کی منظوری بھی دی گئی، پولیس رولز کی ذیلی شقوں میں ترامیم کی منظوری بھی دی گئی، مینجمنٹ پے سکیلز 2023 کو وفاقی حکومت کے برابر کرنے کی منظوری دی گئی۔

کریڈٹ: انڈیپنڈنٹ نیوز پاکستان-آئی این پی

پی ٹی آئی رہنما شیر افضل مروت ایڈوکیٹ نے کے پی پولیس پر اغوا کرنے کی کوشش کا الزام لگایا ہے۔ نائب صدر پی ٹی آئی شیر افضل مروت ایڈوکیٹ نے اسلام آباد ہائی کورٹ میں میڈیا سے گفتگو کرتے ہوئے کہا کہ کے پی کے میں پی ٹی آئی کے کنونشن کا سلسلہ زورو شور سے جاری ہے۔ شیر افضل مروت نے بتایا کہ نگراں حکومت کی جانب سے لگائے گئے آئی جی کی وجہ سے پورے صوبے میں زیادتیوں کا سلسلہ جاری ہے ، آئی جی، تھانیدار ،ڈی پی او عوام کے حقوق کے ساتھ کھیل رہے ہیں۔ ان کا کہنا تھا کہ کے پی کے پولیس بدمعاش بنی ہوئی ہے مجھے اغوا کرنے کی کوشش کی گئی، ضلع دیر میں میرے خلاف کوئی مقدمہ نہیں تھا۔ شیر افضل مروت نے مزید کہا کہ کوہاٹ جانا میرے لیے مصیبت بنا پشاور سے کوہاٹ جگہ جگہ ناکہ بندی کی گئی، میرے چار ساتھیوں کو پکڑ کر کار سرکار میں مداخلت کا مقدمہ درج کیا گیا۔

کریڈٹ: انڈیپنڈنٹ نیوز پاکستان-آئی این پی

چیف جسٹس قاضی فائز عیسی نے کیس کی سماعت کے دوران ریمارکس دیے کہ کسٹم حکام پہلے خود پیسے لے کر گاڑیاں اسمگل کراتے اور بعد میں خود ہی پکڑوا دیتے ہیں۔ چیف جسٹس قاضی فائز عیسی کی سربراہی میں تین رکنی بینچ نے خیبرپختونخوا کسٹم حکام کی جانب سے اسمگلنگ ٹرک پکڑنے سے متعلق کیس کی سماعت کی جس دوران چیف جسٹس نے کسٹم کے وکیل کی سرزنش کی۔ چیف جسٹس نے کہا کہ آپ عدالت میں دلائل دے رہے ہیں نہ قانون کی بات کررہے ہیں، کسٹم حکام کے علم میں آئے بغیرپشاوربارڈر سے 400کلو میٹر اندرگاڑی پکڑی گئی، کسٹم حکام پہلے خود پیسے لیکر گاڑیاں اسمگل کراتے اور بعد میں خود ہی پکڑوادیتے ہیں۔ چیف جسٹس نے کہا کہ کسٹم ڈپارٹمنٹ کے خلاف انکوائری کیوں نہ کی جائے، ٹرک 1996 میں بنایا گیا اور 2016 میں پکڑا، 22 سال تک کہاں چلتا رہا، اسمگلنگ کہاں سے ہوتی ہے، یہ ٹرک ماچس کی ڈبی نہیں،کس راستے سے آیا کسٹم حکام کوپتا ہی نہیں، پشاور میں جاکر دیکھیں کیسے گاڑیاں اسمگل ہوتی ہیں۔ جسٹس قاضی فائز عیسی نے مزید کہا کہ کیوں نہ کلکٹر کسٹم کوبلالیں کہ پاکستان میں یہ کیاچیزیں ہورہی ہیں، کسٹم حکام نے غیر ضروری مقدمہ بازی کی، معاملہ سپریم کورٹ پہنچا اور پھر عدالتوں کا وقت ضائع کیا، ایسے غیرضروری مقدمات کے باعث عدالتوں میں اصل مقدمات نہیں سنے جاسکتے، آئندہ کسٹم حکام ایسے غیرضروری مقدمات دائر کرنے سے اجتناب کریں۔ اس دوران جسٹس اطہر من اللہ نے کہا کہ گاڑیاں اسمگل ہوتی ہیں تو مکمل ٹیمپرنگ کی جاتی ہے مگر ٹرک کا چیسز نمبر ٹیمپر ہی نہیں ہوا۔ بعد ازاں عدالت نے کسٹم کی اپیل خارج کردی۔

کریڈٹ: انڈیپنڈنٹ نیوز پاکستان-آئی این پی

وزیراعلی محسن نقوی نے آن لائن لرننگ ڈرائیونگ لائسنس ایپ کا افتتاح کردیا۔ لاہور میں وزیراعلی آفس میں آن لائن لرننگ ڈرائیونگ لائسنس ایپ کی افتتاحی تقریب ہوئی،تقریب میں صوبائی وزیراطلاعات عامرمیر،آئی جی پنجاب عثمان انور نے شرکت کی۔ تقریب میں چیئرمین پنجاب انفارمیشن ٹیکنالوجی بورڈ فیصل یوسف اور متعلقہ حکام بھی موجود ہیں۔ تقریب سے خطاب میں وزیراعلی محسن نقوی نیکہا پٹرولنگ پوسٹس،خدمت مراکز اور تھانوں پر لرننگ لائسنس کی سہولت دیرہیہیں،شہری گھر بیٹھےآن لائن لرننگ لائسنس کی سہولت سے فائدہ اٹھا سکیں گے۔تھانوں کیفرنٹ ڈیسک پرلرنر لائسنس کی سہولت کا آغاز بھی کردیا ۔

کریڈٹ: انڈیپنڈنٹ نیوز پاکستان-آئی این پی

جناح بوائز اور اے پی ایس کے 230 طلبا و طالبات نے اساتذہ سمیت ٹلہ فائر رینج کا دورہ کیا ہے جہاں انہیں فوجی ذمہ داریوں اور کاروائیوں کے بارے میں بریفنگ دی گئی۔ تفصیلات کے مطابق طلبہ کو ٹینکوں اور مختلف ہتھیاروں کی خصوصیات اور استعمال کے بارے میں آگاہی دی گئی، طلبہ نے اے پی سی اور ٹینک پر فن رائیڈ بھی لی۔ طلبہ نے ٹریننگ سٹاف کے زیر نگرانی ہتھیاروں کو استعمال کرنے کا طریقہ بھی سمجھا، بچوں نے مختلف ہتھیاروں میں گہری دلچسپی کا اظہار کیا۔ وفد نے نوجوانوں کی موثر آگاہی اور تربیت کے حوالے سے پاک فوج کی کاوشوں کو سراہا۔ شرکا نے عسکری زندگی کو سمجھنے کا زبردست موقع فراہم کرنے پر پاک فوج سے اظہار تشکر و محبت کیا جبکہ اس موقع پر طلبہ نے جذبہ حب الوطنی سے سرشار ہو کر فضا میں پاک فوج کے حق میں نعرے بلند کیے۔

کریڈٹ: انڈیپنڈنٹ نیوز پاکستان-آئی این پی

چین کے صوبہ ہینان اور پاکستان کے صوبہ بلوچستان نے سسٹر صو بہ دوستی کو مضبوط بنانے کا فیصلہ کیا ہے ، اس شراکت داری سے دونوں صوبوں میں مشترکہ خوشحالی اور ترقی کے مزید فروغ میں مدد ملے گی۔ گوادر پرو کے مطابق صوبہ بلوچستان کے قبائلی رہنماں کے ایک وفد نے وسطی چین کے صوبہ ہینان کے شہر لویانگ کا دورہ کیا۔ وفد کا مقصد ہینان اور بلوچستان کے درمیان سسٹر صو بہ دوستی کو فروغ دینا اور زراعت، سیاحت اور صنعتی شعبوں میں عملی تعاون کو مضبوط بنانا ہے۔ لویانگ میونسپل گورنمنٹ کے ڈپٹی سیکرٹری جنرل بائی شینگبن نے وفد سے ملاقات کی۔ انہوں نے کہا کہ لویانگ ایک مشہور سیاحتی شہر ہے اور چین کے قدیم ترین شہروں میں سے ایک ہے۔ بائی نے مہمانوں کو لویانگ میں تجارت اور سرمایہ کاری کے مواقع کے بارے میں آگاہ کرتے ہوئے کہا ، "یہ سرمایہ کاری کے لئے ایک خزانہ بھی ہے ، جس میں پھلتی پھولتی صنعتیں اور جدید سائنس اور جدت طرازی ہے۔ گوادر پرو کے مطابق ہینان اور بلوچستان نے جولائی 2023 میں سسٹر صو بہ کا تعلق قائم کیا ہے۔ اس شراکت داری سے دونوں صوبوں میں مشترکہ خوشحالی اور ترقی کے فروغ میں مزید جان ڈالنے میں مدد ملے گی۔ گوادر پرو کے مطابق اس وقت صوبہ ہینان پاکستان میں گوادر فری زون کی تعمیر میں گہری دلچسپی رکھتا ہے۔

بائی نے کہا کہ بیلٹ اینڈ روڈ انیشی ایٹو کے فریم ورک اور چین پاکستان اقتصادی راہداری کی تعمیر کے تحت، لویانگ کا مقصد بلوچستان کے ان شہروں کے ساتھ دوستانہ تعلقات قائم کرنا ہے جو ان کی حیثیت کے لحاظ سے مطابقت رکھتے ہیں، صنعت میں ایک دوسرے کی تکمیل کرتے ہیں، اور ثقافت میں ایک دوسرے سے سیکھتے ہیں۔ گوادر پرو کے مطابق وفد کے سربراہ میر مقصود نے اس بات کا اظہار کیا کہ اپنے کئی روزہ دورے کے دوران وہ لویانگ کے شاندار تاریخی اور ثقافتی ورثے سے بہت متاثر ہوئے ہیں۔ انہیں لویانگ کے منفرد ثقافتی سیاحتی منصوبوں جیسے "لویانگ میں ہانفو ٹور" کا شاندار تجربہ تھا۔ گوادر پرو کے مطابق وفد نے لویانگ نیشنل یونیورسٹی سائنس پارک، لویانگ ناردرن ایک چور موٹر سائیکل کمپنی اور وائی ٹی او گروپ جیسے اہم پارکوں اور کاروباری اداروں کا بھی دورہ کیا۔ اپنے دورے کے دوران ، انہوں نے تیزی سے تبدیلیوں کا مشاہدہ کیا اور لویانگ کی اعلی معیار کی ترقی کا مشاہدہ کیا۔ گوادر پرو کے مطابق بلوچستان پاکستان کا ایک بڑا زرعی صوبہ ہے جو اپنی وافر زمین، معدنیات، زرعی مصنوعات اور دیگر وسائل کی وجہ سے جانا جاتا ہے۔ جبکہ لویانگ زرعی مشینری اور سازوسامان کے شعبے میں اپنی جدید ٹیکنالوجی کے لئے مشہور ہے۔ میر نے کہا کہ بلوچستان مختلف شعبوں میں ہینان اور لویانگ کے ساتھ عملی تعاون بڑھانے کا خواہاں ہے۔ گوادر پرو کے مطابق انہوں نے اس اعتماد کا اظہار کیا کہ بلوچستان اور لویانگ تجارت و سرمایہ کاری، زرعی صنعت، لاجسٹکس اور عوامی تبادلوں میں ہمہ جہت تعاون کو فروغ دیں گے۔

کریڈٹ: انڈیپنڈنٹ نیوز پاکستان-آئی این پی

خدیجہ شاہ کے خلاف کیس میں اہم پیشرفت ہوئی ہے،پنجاب حکومت نے خدیجہ شاہ کی نظر بندی کا حکم واپس لے لیا۔ لاہورہائیکورٹ میں خدیجہ شاہ کی نظربندی کیخلاف کیس کی سماعت ہوئی ۔ خدیجہ شاہ کے شوہر جہانزیب امین نینظر بندی کیخلاف ہائیکورٹ سے رجوع کررکھا ہے۔ گزشتہ سماعت پر عدالت نے نظربندی کی درخواست پر فیصلہ محفوظ کیا،وکیل درخواستگزار نے استدعا کی کہ خدیجہ شاہ کوعدالت طلب کرنے کی ہدایت کی جائے۔

کریڈٹ: انڈیپنڈنٹ نیوز پاکستان-آئی این پی

محکمہ انسداد دہشت گردی (سی ٹی ڈی ) نے پنجاب کے مختلف شہروں میں انٹیلی جنس بیسڈ آپریشنز کرتے ہوئے 9 دہشت گردوں کو گرفتار کر لیا۔ ترجمان سی ٹی ڈی کے مطابق کارروائیاں لاہور، فیصل آباد، گوجرانوالہ، بہاولپور، بہاولنگر، سیالکوٹ اور حافظ آباد میں کی گئیں، لاہور سے کالعدم ٹی ٹی پی کی مالی مدد کرنے والے 2 افراد گرفتار ہوئے ہیں۔ ترجمان کے مطابق گرفتار دہشت گردوں کے قبضے سے بارودی مواد، 2 ہینڈ گرینڈ، نقدی اور دیگر سامان بھی برآمد کیا گیا ہے۔ سی ٹی ڈی کے ترجمان کے مطابق گرفتار دہشت گردوں میں عبدالرحمن، عبدالوحید، عظیم، سفیان، زمان، صدیق، سجاد جٹ، عمران علی اور عمر فاروق شامل شامل ہیں۔ سی ٹی ڈی کے ترجمان کا یہ بھی کہنا ہے کہ دہشت گرد مختلف شہروں میں حملوں کی منصوبہ بندی کر رہے تھے۔

کریڈٹ: انڈیپنڈنٹ نیوز پاکستان-آئی این پی

پاکستانی ماہر نے موسمیاتی تبدیلی سے نمٹنے کے لیے چین کے ساتھ زیادہ سے زیادہ تعاون کی ضرورت پر زور د یتے ہوئے کہا ہے کہ چین پاکستان کا سب سے بڑا تجارتی شراکت دار اور موسمیاتی تبدیلی سے نمٹنے کی عالمی کوششوں میں ایک کلیدی کھلاڑی ہے، چین اور پاکستان کے درمیان موسمیاتی تعاون سے دونوں اطراف کو فوائد حاصل ہوں گے ۔گوادر پرو کے مطابق دنیا کی توجہ دبئی میں جاری کوپ 28 موسمیاتی تبدیلی کانفرنس پر مرکوز ہے، پوٹھوہار آرگنائزیشن فار ڈیولپمنٹ ایڈووکیسی (پوڈا)پاکستان میں موسمیاتی تبدیلی کے تعلیمی پروگرام کے ڈائریکٹر ڈاکٹر عدنان ارشد نے اس تقریب میں شرکت کی اور عالمی بحران سے نمٹنے کے لئے چین کے ساتھ تعاون بڑھانے پر زور دیا۔ گوادر پرو کو انٹرویو میں ڈاکٹر عدنان ارشد نے موسمیاتی تبدیلی سے پیدا ہونے والے بڑھتے ہوئے چیلنجوں سے فوری نمٹنے کے لئے اجتماعی اقدامات کی ضرورت پر روشنی ڈالی۔ نوجوانوں کی موسمیاتی فنانسنگ کی اہمیت پر زور دیتے ہوئے اور اس بات پر زور دیا کہ موافقت کو پیچھے نہیں چھوڑا جانا چاہئے ، ماہر نے چین کے ساتھ زیادہ سے زیادہ تعاون کی ضرورت پر زور دیا ، جو پاکستان کا سب سے بڑا تجارتی شراکت دار اور موسمیاتی تبدیلی سے نمٹنے کی عالمی کوششوں میں ایک کلیدی کھلاڑی ہے۔گوادر پرو کے مطابق چین نے ماحولیاتی استحکام کو فروغ دینے میں اہم پیش رفت کی ہے۔

انہوں نے کہا کہ 2022 میں ملک میں کاربن ڈائی آکسائیڈ کے اخراج کی شدت میں 2005 کے مقابلے میں 51 فیصد سے زیادہ کی کمی واقع ہوئی جبکہ غیر فوسل توانائی کی کھپت کا تناسب 17.5 فیصد تک پہنچ گیا۔ ہمیں چین کے تجربات سے سیکھنے اور اس عالمی بحران سے نمٹنے کے لیے اپنے تعاون کو مضبوط بنانے کی ضرورت ہے۔ شمسی اور ہوا کی بجلی، برقی گاڑیاں، اور بجلی کی بیٹریوں کی ترقی میں عمدہ پیش رفت کے ساتھ، چین صاف توانائی میں ایک عالمی چیمپیئن ہے اور زراعت اور پانی کے شعبوں میں آگے بڑھ رہا ہے. چین اور پاکستان کے درمیان موسمیاتی تعاون سے دونوں اطراف کو فوائد حاصل ہوں گے جن میں اقتصادی فروغ، زمین کی بحالی، خوراک کی پیداوار اور ویلیو ایڈیشن، تحقیق اور ٹیکنالوجی کے تبادلے کی ترقی اور نئے کاروباری مواقع شامل ہیں۔ گوادر پرو کے مطابق انہوں نے متعدد شعبوں پر بھی روشنی ڈالی جہاں پاکستان اور چین موسمیاتی تبدیلی سے نمٹنے کے لئے تعاون کرسکتے ہیں جن میں معلومات کا تبادلہ، ٹیکنالوجی کی منتقلی، زراعت اور توانائی کے شعبے میں باہمی تعاون اور چین پاکستان اقتصادی راہداری (سی پیک) کے تحت منصوبوں کو ماحول دوست بنانا شامل ہے۔ گوادر پرو کے مطابق انہوں نے مزید کہا کہ چین اور پاکستان کو انتہائی موسمی واقعات سے نمٹنے کے لئے ٹیکنالوجی ز اور مہارتوں کو اپناتے ہوئے ڈیجیٹل زراعت اور وسائل سے بھرپور خوراک کی پیداوار کے لئے اپنی صلاحیتوں سے فائدہ اٹھانا چاہئے، اسی طرح کے طریقوں کا استعمال کرتے ہوئے جس طرح چین نے حالیہ دنوں میں ٹڈی دل اور سیلاب کی آفات کے دوران پاکستان کے زرعی شعبے کی مدد کی تھی۔

کریڈٹ: انڈیپنڈنٹ نیوز پاکستان-آئی این پی

گریٹ وال موٹرز (جی ڈبلیو ایم)پاکستان کے ڈی فیکٹری نے حوال ایچ 6 ایچ ای وی کے اپنے 3000 ویں یونٹ کی پیداوار کو متعین کیا ، جو آپریشن کے آغاز کے صرف ایک سال بعد ایک اہم کامیابی ہے۔ یہ سنگ میل جی ڈبلیو ایم کی مقامی نئی توانائی کی گاڑیوں کی مارکیٹ میں نمایاں طور پر کم وقت میں رہنما کی حیثیت سے پوزیشن کی نشاندہی کرتا ہے۔گوادر پرو کے مطابق نومبر 2022 میں شروع ہونے والی جی ڈبلیو ایم پاکستان کے ڈی فیکٹری ایکواڈور، ملائیشیا، تیونس اور دیگر مقامات کے بعد جی ڈبلیو ایم کے لئے ایک اہم بیرون ملک کے ڈی سہولت کے طور پر کھڑی ہے۔ 20,000 یونٹس کی منصوبہ بند سالانہ پیداواری صلاحیت کے ساتھ ، فیکٹری کامیابی کے ساتھ اپنے پہلے مرحلے میں داخل ہوگئی ہے ، جس میں دو ایس یو وی ماڈلز ، حوال ایچ 6 / ایچ 6 ایچ ای وی ، اور حوال جولین شامل ہیں۔ گوادر پرو کے مطابق حوال ایچ 6 ایچ ای وی پاکستان میں پہلی مقامی طور پر اسمبل ہونے والی نئی انرجی وہیکل ہونے کے ناطے مقامی آٹوموٹو مارکیٹ میں تیزی سے ایک بینچ مارک پروڈکٹ بن گئی ہے۔ اس نے پاکستانی مسافر گاڑیوں کی مارکیٹ میں نئی توانائی سے چلنے والی گاڑیوں کی رسائی کی شرح کو بڑھانے میں اہم کردار ادا کیا ہے، جو گزشتہ سال کے 0 فیصد سے بڑھ کر موجودہ 2.3 فیصد تک پہنچ گیا ہے۔ گوادر پرو کے مطابق پاکستان آٹوموٹو مینوفیکچررز ایسوسی ایشن (پاما) کے اعداد و شمار کے مطابق توقع ہے کہ رواں سال پاکستانی مسافر گاڑیوں کی مارکیٹ میں مجموعی سالانہ فروخت ایک لاکھ یونٹس سے بھی کم رہے گی جو گزشتہ دو دہائیوں کی کم ترین سطح پر پہنچ جائے گی۔

کریڈٹ: انڈیپنڈنٹ نیوز پاکستان-آئی این پی

آئی ایم ایف نے پٹرولیم لیوی بڑھانے کی ایک شرط رکھ دی ہے جس کو حکومت پاکستان پورا کرنے کیلئے تیار ہے۔ وزارت خزانہ کے مطابق موجودہ مالی سال میں لیوی ٹارگٹ میں49 ارب روپے کا اضافہ ہو گا، رواں سال پٹرولیم لیوی کا ہدف869 ارب سے بڑھا کر918 ارب روپے تک لے جایا جائے گا۔ 49 ارب روپے کے ٹیکس اضافہ کے لیے آرڈینینس لائے جانے کا امکان ہے، ٹارگٹ حاصل ہونے پر آئندہ مالی سال یہ ہدف1065 ارب روپے رکھا جائے گا۔ منتخب حکومت سے پہلے فی لیٹر لیوی بڑھائی تو آرڈیننس لایا جا سکتا ہے، پٹرولیم مصنوعات کی کھپت بڑھنے سے بھی 918 ارب لیوی کا ہدف حاصل کیا جا سکتا ہے۔ آئندہ مالی سال کے دوران فی لیٹر پٹرولیم مصنوعات پر لیوی بڑھائی جا سکتی ہے جبکہ وزارت خزانہ اور آئی ایم ایف ایم ای ایف پی ڈرافٹ میں ہدف بڑھانے پر متفق ہیں۔

کریڈٹ: انڈیپنڈنٹ نیوز پاکستان-آئی این پی

اسلام آباد کی انسداد دہشت گردی کی عدالت نے سابق چیئرمین پی ٹی آئی کی توڑ پھوڑ کے 3 اور شاہ محمود قریشی کی 2 مقدمات میں ضمانت کی درخواستیں منظور کر لیں۔ اے ٹی سی کے جج ابوالحسنات ذوالقرنین نے درخواستوں پر سماعت کی، دوران سماعت پراسیکیوٹر راجہ نوید اور پی ٹی آئی کے وکلا سردار مصروف اور خالد یوسف عدالت میں پیش ہوئے۔ اے ٹی سی جج ابوالحسنات ذوالقرنین نے بانی پی ٹی آئی اور شاہ محمود قریشی کی ضمانتیں 30، 30 ہزار روپے کے مچلکوں کے عوض منظور کیں، جج نے کہا کہ شاہ محمود قریشی اور بانی پی ٹی آئی کی ضمانتیں منظور کی جاتی ہیں۔ پراسیکیوٹر راجہ نوید نے عدالت کو بتایا کہ پی ٹی آئی رہنماوں نے جان بوجھ کر احتجاج کروایا، بانی پی ٹی آئی نے عوام کو ورغلایا اور اشتعال پیدا کرنے کی کوشش کی، پی ٹی آئی رہنماوں کو غیر ضروری نرمی دی جا رہی ہے۔ انہوں نے عدالت سے استدعا کی کہ شاہ محمود قریشی اور بانی پی ٹی آئی کی ضمانتیں خارج کی جائیں، جج نے پراسیکیوٹر سے استفسار کیا کہ شاہ محمود قریشی اور بانی پی ٹی آئی موقع پر تو موجود نہیں تھے؟ پراسیکیوٹر راجہ نوید نے بتایا کہ شاہ محمود قریشی اور بانی پی ٹی آئی موقع پر موجود نہیں تھے جس پر جج ابوالحسنات ذوالقرنین نے کہا کہ دیگر شریک ملزمان کی ضمانتیں کنفرم ہو چکی ہیں۔

کریڈٹ: انڈیپنڈنٹ نیوز پاکستان-آئی این پی

نئے کاروباری ہفتے کے آغاز پر پاکستان اسٹاک ایکسچینج میں تیزی کا رجحان دیکھا گیا ۔کے ایس ہنڈریڈ انڈیکس 300 پوائنٹس بڑھ کر 66500 پوائنٹس کی حد عبور کر گیا۔گزشتہ ہفتے اسٹاک مارکیٹ 66 ہزار 223 پربند ہوئی تھی۔

کریڈٹ: انڈیپنڈنٹ نیوز پاکستان-آئی این پی

پاکستانی روپے کے مقابلے میں امریکی ڈالر کی قدر میں 18 پیسے کا اضافہ ریکارڈ کیا گیا ۔ کرنسی ڈیلرز کے مطابق انٹربینک میں ڈالر کی قدر میں 18 پیسے کا اضافہ دیکھا گیا ، انٹر بینک میں ڈالر 284 روپے 05 پیسے کاہوگیا۔گزشتہ ایک ہفتے کے دوران انٹر بینک میں ڈالر ایک روپے 9 پیسے سستا ہوا۔

کریڈٹ: انڈیپنڈنٹ نیوز پاکستان-آئی این پی

لاہور کا موسم سرد اور خشک ریکارڈ کیا جارہا ہے،شہر میں پیر کو صبح سویرے ہلکی دھند کے ڈیر ے ،فضائی آلودگی کے بادل بھی چھٹ نہ سکے۔ آلودگی کے اعتبار سے لاہور دنیا میں پانچویں نمبر پر آگیا،شہر کی فضا میں آلودگی کی اوسط شرح 210 ریکارڈ کی جارہی ہے،شارع قائد اعظم پر ایرکوالٹی 269 سے تجاوز کرگیا۔ ڈی ایچ اے کے علاقے کا ایئرکوالٹی انڈیکس 294 ،پولو گرانڈ کینٹ کے علاقے کا 222 فیروز پور روڈ کے علاقے کا ایئر کوالٹی انڈیکس 400 سے تجاوز کرگیا۔پنجاب حکومت نے تمام شہریوں کو ماسک کا استعمال کرنے کی ہدایت کی ہے۔ دوسری جانب کراچی میں بھی صبح سویرے دھند کے ڈیرے ہیں،محکمہ موسمیات کے مطابق شہر کا موجودہ درجہ حررات 15ڈگری سینٹی گریڈ ریکارڈ کیا جارہا ہے،زیادہ سے زیادہ درجہ حرارت 27 سے 28 ڈگری سینٹی گریڈ جانے کا امکان ہے۔

کریڈٹ: انڈیپنڈنٹ نیوز پاکستان-آئی این پی

پاکستان میں غیرقانونی طور پر مقیم افغان باشندوں کی واپسی کا سلسلہ بدستور جاری ، 10 دسمبر کو افغانستان واپس لوٹنے والے افغان باشندوں کی مجموعی تعداد 4 لاکھ 23 ہزار سے تجاوز کرگئی۔ تفصیلات کے مطابق 10 دسمبر کو مزید ایک ہزار 930 افغان باشندے اپنے ملک چلے گئے، افغان شہریوں میں 465 مرد، 376 خواتین اور 1089 بچے تھے۔ افغانستان روانگی کے لیے 68 گاڑیوں میں 169 خاندانوں کی اپنے وطن واپسی عمل میں لائی گئی ہے۔ یاد رہے کہ حکومت پاکستان کے اعلان سے قبل بھی غیر قانونی افغان باشندوں کی کثیر تعداد گرفتاری کے ڈر سے پاکستان سے واپس افغانستان جاتی رہی ہے تاہم سرکاری اعداد وشمار کے مطابق افغانستان لوٹنے والے افغان باشندوں کی مجموعی تعداد 4 لاکھ 20 ہزار سے تجاوز کرگئی۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے پاکستان تحریک انصاف کے سابق چیئرمین عمران خان کی توہین الیکشن کمیشن کیس میں جیل ٹرائل کے خلاف درخواست فل بینچ کو بھجوا دی۔ پیر کے روز لاہور ہائیکورٹ کی جسٹس عالیہ نیلم نے سابق چیئرمین پی ٹی آئی کی توہین الیکشن کمیشن کیس میں جیل ٹرائل کیخلاف درخواست پر سماعت کی جس کے دوران انہوں نے درخواست کو فل بینچ میں پیش کرنے کی سفارش کرتے ہوئے کیس کی فائل چیف جسٹس کو بھجوا دی۔ عدالت کی جانب سے جیل ٹرائل کے نوٹیفکیشن سے متعلق ریکارڈ کو درخواست کے ساتھ لگانے کی بھی ہدایت کی گئی۔ سماعت کے دوران وکیل نے بتایا کہ الیکشن کمیشن نے توہین کی کارروائی میں جیل ٹرائل کا نوٹیفکیشن جاری کیا ہے جس پر جسٹس عالیہ نیلم نے استفسار کیا کہ اب تک کتنے کیسز میں جیل ٹرائل کا نوٹیفکیشن ہوچکا ہے، وکیل نے بتایا کہ سائفر اور القادر ٹرسٹ سے متعلق کیسز کا جیل ٹرائل کا نوٹیفکیشن ہوا ہے۔ عدالت نے استفسار کیا کہ کیا آپ نے وہ تمام ریکارڈ درخواست کے ساتھ لگایا ہے، اسی نوعیت کی درخواست فل بینچ کے روبرو زیر سماعت ہے، ہم ایک کیس میں آرڈرکر دیں تو باقیوں پر کیا اثر ہوگا، انہوں نے کہ ہدایت کی کہ آپ تمام ریکارڈ فراہم کریں۔ جسٹس عالیہ نیلم نے ریمارکس دیے کہ آپ کے پاس سو وکلا کی ٹیم ہے فوری ریکارڈ منگوا کر ساتھ لگا دیں جس پر وکیل نے بتایا کہ ہم ریکارڈ فراہم کر دیتے ہیں آپ درخواست کو کل کے لیے مقرر کردیں۔ تاہم، جسٹس عالیہ نے ریمارکس دیے کہ آپ متفرق درخواست کے ذریعے تمام دستاویزات لف کردیں پھر دیکھتے ہیں، یہی عدالتی طریقہ کار ہے۔ بعدازاں، عدالت نے درخواست فل بینچ کو بھجوا دی۔

کریڈٹ: انڈیپنڈنٹ نیوز پاکستان-آئی این پی

چیئرمین نیب لیفٹیننٹ جنر(ر)نذیر احمد نے کہا ہے کہ ایک واحد ادارہ بدعنوانی کا خاتمہ نہیں کر سکتا، اس لعنت کو تمام اسٹیک ہولڈرز کی اجتماعی کاوشوں سے ہی شکست دی جاسکتی ہے،نیب اس بات کو یقینی بنائے گا کہ بدعنوانی کے ہر عمل کے نتائج برآمد ہوں، معیشت کی دستاویز سازی سے یقینی طور پر ملک کو بدعنوانی کے خاتمے میں مدد ملے گی۔ تفصیلات کے مطابق نیب ہیڈ کوارٹرز میں سیمینار کا انعقاد کیا گیا جس میں معروف ماہر اقتصادیات اور نسٹ انسٹی ٹیوٹ آف پالیسی اسٹڈیز (این آئی پی ایس)کے ڈائریکٹر جنرل ڈاکٹر اشفاق حسن نے کہا ہے کہ کرپشن کے خاتمے کے لئے دستاویزی معیشت ناگزیر ہے۔ٹیکس کے نظام میں اندراج کروانا ہر شہری کی ذمہ داری ہے تاکہ وہ ریاست سے فلاحی فوائد حاصل کرسکیں۔

ڈاکٹر اشفاق حسن نے کہا کہ غیر رسمی غیر رجسٹرڈ معیشت میں لوگ غریب رہتے ہیں کیونکہ انہیں قرضوں سمیت بینکاری مراعات تک رسائی حاصل نہیں ہے۔ انہوں نے اس بات پر زور دیا کہ ٹیکس نظام کی حوصلہ افزائی سے تادیبی اقدامات سے زیادہ فوائد حاصل ہوں گے۔ اس موقع پر چیئرمین نیب لیفٹیننٹ جنر(ر)نذیر احمد نے کہا ہے کہ ایک واحد ادارہ بدعنوانی کا خاتمہ نہیں کر سکتا اور اس لعنت کو تمام اسٹیک ہولڈرز کی اجتماعی کاوشوں سے ہی شکست دی جاسکتی ہے۔

انہوں نے اس عزم کا اعادہ کیا کہ قومی احتساب بیورو (نیب) اس بات کو یقینی بنائے گا کہ بدعنوانی کے ہر عمل کے نتائج برآمد ہوں۔ چیئرمین نیب نے کہا کہ معیشت کی دستاویز سازی سے یقینی طور پر ملک کو مدد ملے گی اور بدعنوانی کے خاتمے میں مدد ملے گی۔ انہوں نے کہا کہ نیب بدعنوانی کے خلاف اقوام متحدہ کے کنونشن (یو این سی اے سی ) کی ذمہ داریوں پر کاربند ہے۔ اقوام متحدہ کے دفتر برائے منشیات و جرائم (یو این او ڈی سی) پاکستان کے کنٹری نمائندے جرمی ملسم نے تقریب میں مہمان مقررین کی حیثیت سے شرکت کی۔

انہوں نے اقوام متحدہ کے سیکرٹری جنرل کا پیغام پڑھ کر سنایا قبل ازیں ڈائریکٹر جنرل آگاہی و روک تھام ((اے اینڈ پی ) ڈویژن نیب ہیڈ کوارٹرز نعمان اسلم نے اینٹی کرپشن ڈے منانے کی اہمیت اور بدعنوانی کے منفی اثرات کے بارے میں آگاہی پیدا کرنے میں اے اینڈ پی ڈویژن کے کردار کے بارے میں بریفنگ دی۔

کریڈٹ: انڈیپنڈنٹ نیوز پاکستان-آئی این پی

چین، جنوب مغربی صوبے سیچھوان کے شی چھانگ سیٹلائٹ لانچ مرکز سے لانگ مارچ-2 ڈی کیریئر راکٹ یاؤگان-39 سیٹلائٹ کو لیکر خلاء میں روانہ ہو رہا ہے۔ (شِںہوا)

بیجنگ (شِنہوا)چین بھر میں  ثانوی اور اعلیٰ درجے کے طبی اداروں میں بچوں میں سانس کی بیماریوں کی مجموعی تشخیص اور علاج کے حجم میں  کمی ریکارڈ کی  گئی ہے۔

چینی وزیر خارجہ وانگ یی بیجنگ میں مالی کے وزیر خارجہ عبدولے دیوپ سے  ملاقات کرتے ہوئے۔(شِنہوا)

ایک زخمی خاتون غزہ کی پٹی کے جنوبی شہر خان یونس کے  ہسپتال میں زیر علاج ہے۔(شِنہوا)

بیجنگ(شِنہوا) چین کے شمالی صوبے ہیبے میں انسداد بدعنوانی محکمے  کے ایک عہدیدار چھین یوشیانگ سے پارٹی نظم و ضبط اور قوانین کی مشتبہ خلاف ورزی کے الزام میں تفتیش کی جارہی ہے۔

  ہیبے کے ڈسپلن انسپیکشن کمیشن اور صوبائی  نگران کمیشن کے نائب سربراہ چھین سے کمیونسٹ پارٹی آف چائنہ  کا مرکزی کمیشن فار ڈسپلن انسپیکشن  اینڈ نیشنل کمیشن آف سپرویژن تفتیش  کررہا ہے۔