ایس ایس پی انویسٹی گیشن ڈاکٹر انوش مسعود نے کہا ہے کہ پنجاب میں مقیم غیر قانونی تارکین وطن کی واپسی کیلئے تیاریاں مکمل کر لی گئی ہیں جبکہ لوگوں کی اسکیننگ اور غیرملکی افراد کی میپنگ کا عمل بھی مکمل ہو چکا ہے۔ ایس ایس پی انویسٹی گیشن نے بتایا کہ تارکین وطن کی واپسی کے حوالے سے متعلقہ محکموں کی ٹیمیں مصروف عمل ہیں جبکہ ٹیموں کو رینجرز اور پولیس کی سیکیورٹی بھی میسرہے۔ ڈاکٹر انوش مسعود نے کہا کہ غیر ملکی افراد کے پاس موجود دستاویزات کی جانچ پڑتال جاری ہے اور ان کیلئے مختلف اضلاع میں کیمپس قائم ہیں جن میں رہائش، کھانے پینے، طبی امداد اور سکیورٹی کے انتظامات ہیں۔ انہوں نے بتایا کہ کیمپوں میں مرد اور عورتوں کیلئے علیحدہ علیحدہ رہائش گاہیں بھی بنائی گئی ہیں۔ ان کا کہنا تھا کہ بارڈرکراسنگ پوائنٹس تک انخلا کے دیگر ضروری اقدامات بھی مکمل کرلئے گئے ہیں۔ انہوں نے مزید کہا کہ غیرقانونی تارکین کو پناہ دینے والے پاکستانیوں کیخلاف قانونی کارروائی ہوگی۔ یاد رہے کہ نگران حکومت کی جانب سے پاکستان میں غیر قانونی طور پر مقیم افراد کو ملک چھوڑنے کے لئے 31 اکتوبر تک کی ڈیڈ لائن دی گئی تھی جو کہ منگل کے روز مکمل ہو رہی ہے۔

کریڈٹ: انڈیپنڈنٹ نیوز پاکستان-آئی این پی

بجلی صارفین پر 22 ارب 56 کروڑ روپے کے اضافی بوجھ ڈالنے کی تیاریاں شروع کردی گئی۔ رواں مالی سال کی پہلی سہ ماہی ایڈجسمنٹ کی مد میں نیپرا میں درخواست دائر کردی گئی، سرکاری ڈسکوز نے اضافی اخراجات کی وصولی کیلئے نیپرا کو درخواست دی۔ ڈسکوز کی ٹیرف میں ایک روپے 30 پیسے فی یونٹ اضافے، کپیسٹی پیمنٹ کی مد میں 12 ارب 12 کروڑ روپے پر وصول کرنے جبکہ مرمتی اور آپریشن کی مدمیں 4 ارب 61 کروڑ روپیاضافی وصول کرنے کی درخواست کی ہے۔ درخواست منظوری کی صورت میں بجلی چوری اور لائن لائسز کی مدمیں 6 ارب 61 کروڑ روپے جبکہ بجلی سسٹم کے استعمال کی مدمیں 10 ارب 24 کروڑ روپے وصول کیے جائیں گے۔ نیپرا حکومتی ڈسکوز کی درخواست پر 14 نومبر کو سماعت کیبعد حتمی فیصلہ کریگی۔

کریڈٹ: انڈیپنڈنٹ نیوز پاکستان-آئی این پی

چیف الیکشن کمشنر سکندر سلطان راجہ نے کہا ہیکہ عام انتخابات کا وقت قریب ہے، سب کو مل کر منصفانہ اور شفاف الیکشن یقینی بنانا ہے۔ وزیراعلی ہاوس میں چیف الیکشن کمشنر سکندر سلطان راجہ اور نگران وزیراعلی محسن نقوی کی زیر صدارت اجلاس ہوا جس میں الیکشن کمیشن کے چاروں صوبائی ممبران اور پنجاب کابینہ نے شرکت کی جب کہ اجلاس میں عام انتخابات کے لیے الیکشن کمیشن کے انتظامات اور پنجاب حکومت کی تیاریوں کا جائزہ لیا گیا۔ اجلاس میں عام انتخابات کے لیے سکیورٹی انتظامات پر بھی بریفنگ دی گئی اور اس دوران عام انتخابات کے پرامن، آزادانہ اور منصفانہ انعقاد یقینی بنانے کے عزم کا اظہار کیا گیا۔ عام انتخابات کے سلسلے میں نگران پنجاب حکومت الیکشن کمیشن کے ساتھ کوآرڈینیشن کے لیے فوکل پرسن مقرر کرے گی۔ اجلاس میں گفتگو کرتے ہوئے چیف الیکشن کمشنر نے کہا کہ عام انتخابات مقررہ وقت پر ہوں گے، انتخابات کا وقت قریب ہے، سب کو مل کر منصفانہ اور شفاف الیکشن یقینی بنانا ہے جس کے لیے الیکشن کمیشن تیار ہے۔ انہوں نے کہا کہ نگران پنجاب حکومت کو فری اینڈ فیئر الیکشن کے لیے مکمل سپورٹ کریں گے، پنجاب حکومت کے اب تک کے اقدامات سے مکمل طور پر مطمئن ہیں، 30 نومبر تک حلقہ بندیوں کا مرحلہ مکمل ہو جائے گا۔

کریڈٹ: انڈیپنڈنٹ نیوز پاکستان-آئی این پی

جیو چھوان (شِنہوا) چین کی انسان بردار خلائی ایجنسی کے مطا بق شین ژو۔ 16 کے خلا بازوں نے تیان گونگ خلائی اسٹیشن کا کنٹرول شین ژو۔ 17 کے حوالے کردیا  ہے۔

شین ژو -16  کے عملے نے تمام طے شدہ کام کرلیا جس کے بعد حوالگی سے متعلق ایک تقریب منعقد کی گئی ۔ یہ عملہ 31 اکتوبر کو شین ژو-16 خلائی جہاز کے ذریعے زمین پر واپس آئے گا۔

چین کے شمالی اندرون منگولیا خوداختیار خطے میں واقع ڈونگ فینگ لینڈنگ سائٹ پر شین ژو -16 کی واپسی کی تیاری کی جارہی ہے ۔

یہ اس لینڈنگ مقام پر انسان بردارخلائی جہاز اور عملہ کی واپسی کا پا نچواں مشن ہوگا۔

لینڈنگ سائٹ نے بتایا کہ زمینی عملے نے آمدہ مشن کے لئے تلاش اور امداد کی مختلف مشقیں کی ہیں۔

اسلام آباد ہائیکورٹ نے آڈیو لیکس کے معاملے پر وفاق کو جواب جمع کرانے کے لیے ایک ماہ کی مہلت دے دی۔ جسٹس بابر ستار نے ریمارکس دیے الیکٹرانک سرویلنس کیسے ہو رہی ہے اور کون کر رہا ہے؟ پاکستان ٹیلی کمیونیکیشن اتھارٹی تو کہہ رہی ہے کہ انہوں نے کسی کو اجازت نہیں دی، وزیراعظم آفس ،سپریم کورٹ کے جج اور سابق چیف جسٹس کی فیملی کی آڈیو لیک ہوئی۔ انہوں نے کہا کہ ریاست پاکستان کو اعتماد میں لئے بغیر ایسا کرنا خوفناک فیصلہ ہے۔ آڈیو ٹیپ کے حوالے سے مجاز اتھارٹی کون ہے ؟ وزیراعظم آفس کی رپورٹ میں کہا گیا ہے کہ وہ خفیہ اداروں کے روزانہ معاملات نہیں دیکھتا۔ اسلام آباد ہائی کورٹ کے جسٹس بابر ستار نے سابق چیف جسٹس پاکستان کے بیٹے نجم الثاقب کی آڈیو لیکس کیس میں پارلیمانی کمیٹی طلبی جبکہ بشری بی بی کی زلفی بخاری کے ساتھ آڈیو لیک معاملے پر ایف آئی اے میں طلبی کے خلاف درخواستوں کو یکجا کر کے سماعت کی ۔ عدالتی معاون رضا ربانی نے تحریری جواب جمع کرایا اور کہا کہ عدالت کو خود اس معاملے کو نہیں دیکھنا چاہیے ، معاملہ واپس کمیٹی کو بھیجنا چاہئے تھا۔اسمبلی کی تحلیل کے ساتھ ہی کمیٹیز کے سارے آرڈرز غیر مثر ہو جاتے ہیں ۔ اٹارنی جنرل منصور اعوان نے کہا جن آڈیوز کا ذکر ہے ان کے حوالے سے ابھی تک کوئی تحقیقات نہیں ہوئیں، معلوم نہیں وہ حکومتی ایجنسی نے ریکارڈ کی ہیں یا نہیں؟ یہ چیز واضح ہو لینے دیں

آڈیوز کس نے ریکارڈ کیں ،جن خفیہ اداروں کے پاس یہ صلاحیت ہے اس سے متعلق ان کیمرہ کاروائی میں بتا سکتے ہیں ۔پارلیمانی کمیٹی کی طرف سے پٹیشنر کے خلاف کارروائی کا آغاز نہیں کیا جانا چاہئے تھا، پارلیمنٹ کے تحلیل ہونے کے بعد درخواست غیر موثر ہو چکی ،اسے نمٹا دیں۔ جسٹس بابر ستار نے کہا وزیر اعظم سے بات کریں ، کابینہ سے بات کریں ،آڈیو ٹیپنگ متعلق کوئی قانونی فریم ورک ہونا چاہیے۔ یہ نہیں ہو سکتا کہ ہمارے دفتروں اور چیمبروں میں ہماری گفتگو بھی ریکارڈ ہو رہی ہو۔میں آپ کو مناسب وقت دوں گا مگر اس حوالے سے قانونی دائرہ کار سے متعلق جواب جمع کرایا جائے۔ جسٹس بابر ستار نے ریمارکس دیے یہ پاکستان کی تاریخ ہے ، بینظیر بھٹو کیس سے اب تک یہ چیزیں ریکارڈ پر ہیں ، اگر ہمارے فون کی نگرانی کی جارہی ہے تو ہمیں پتہ ہونا چاہئے کہ ایسا کون کررہا ہے ؟ ایک لیک آڈیو پر تو ایف آئی اے تفتیش بھی کر رہا ہے، پہلے یہ تو طے ہو جائے کہ وہ آڈیو کہاں سے آئی اور لیک کیسے ہوئی؟ حکومت نے آڈیو لیکس سے متعلق اہم ججز پر مشتمل عدالتی کمیشن تشکیل دیا، اس کمیشن کے ٹی او آرز میں بھی یہ سوال نہیں تھا کہ آڈیوز لیک کون کرتا ہے؟ عدالت نے وفاق کو جواب جمع کرانے کے لیے ایک ماہ کی مہلت دیتے ہوئے سماعت ملتوی کر دی۔

کریڈٹ: انڈیپنڈنٹ نیوز پاکستان-آئی این پی

بیجنگ (شِنہوا) چین میں رواں سال کے ابتدائی 9 ماہ کے دوران قابل تجدید توانائی کی نئی تنصیب شدہ صلاحیت 17 کروڑ 20 لاکھ کلوواٹ تک پہنچ گئی جو گزشتہ برس کے اسی عرصے کے مقابلے میں 93 فیصد زائد ہے ۔ یہ اضافہ ماحول دوست ترقی کو فروغ دینے میں ملک کے عزم کی عکاسی بھی کرتا ہے۔

چین کی قومی توانائی انتظامیہ کے مطابق یہ اعداد و شمار اس مدت کے دوران ملک میں بجلی پیدا کرنے کی نئی شامل کردہ صلاحیت کا 76 فیصد ہیں۔

ستمبر کے اختتام تک ملک میں قابل تجدید توانائی کی کل نصب شدہ صلاحیت 1.38 ارب کلوواٹ تک پہنچ گئی جو ملک کی کل تنصیب شدہ بجلی کی پیداواری صلاحیت کا 49.6 فیصد اور کوئلے سے چلنے والی بجلی سے زائد ہے۔

مجموعی طور پر پن بجلی ، ہوا سے بجلی ، شمسی توانائی اور ایندھن سے  بجلی پیدا کرنے کی تنصیب شدہ صلاحیت بالترتیب 41 کروڑ 90 لاکھ کلووٹ ، 40 کروڑ کلوواٹ ، 52 کروڑ 10 لاکھ کلوواٹ اور 4 کروڑ 30 لاکھ کلوواٹ تھی۔

پنجاب میں ڈینگی وائرس کے کیسز تھم نہ سکے، پنجاب میں ڈینگی کیمزید 131 کیس رپورٹ ہوئے۔ محکمہ صحت پنجاب کے مطابق 24 گھنٹے کیدوران لاہور سے 55،راولپنڈی سے 32کیس سامنے آئے،گوجرانوالہ سے25،ملتان 6اور فیصل آباد میں 6افراد ڈینگی سے متاثر ہوئے۔محکمہ صحت پنجاب کا کہنا ہے کہ پنجاب میں رواں برس ڈینگی متاثرین کی تعداد 9180 ہوگئی، واضح رہیکہ اس وقت پنجاب کے اسپتالوں میں ڈینگی کے 124 مریض زیر علاج ہیں۔

کریڈٹ: انڈیپنڈنٹ نیوز پاکستان-آئی این پی

گوادر پورٹ اتھارٹی (جی پی اے) نے گوادر فری زون نارتھ کو پانی کی فراہمی منصوبے پر پر شروع کر دیا ہے جو تقریبا 2221 ایکڑ رقبے پر محیط ہے، تکمیل کا ٹائم فریم جنوری 2024 میں مقرر کیا گیا ہے۔ گوادر پرو کے مطابق پانی دو مختلف ذرائع سے فراہم کیا جائے گا۔ ایک ذریعہ 1.2 ایم جی ڈی سمندری پانی کو ڈی سیلینیشن پلانٹ سے حاصل کیا جائے گا جو حال ہی میں 30 جون کو گوادر پورٹ کے علاقے میں مکمل ہوا ہے۔ دوسرا ذریعہ پرانے ہوائی اڈے کے واٹر سپلائی لائن نیٹ ورک سے ہوگا جس میں 5.6 ملین ایم جی ڈی ذخیرہ کرنے کی گنجائش ہوگی۔ یہ نیٹ ورک شادی کور ڈیم اور سوار ڈیم سے جڑا ہوا ہے۔ گوادر ڈیولپمنٹ اتھارٹی (جی ڈی اے) نے شادی کور اور سواد ڈیمز سے 158 کلومیٹر پائپ لائن مکمل کر لی ہے۔ گوادر پرو کے مطابق پانی کی تقسیم کے منصوبے کی تکمیل کے بعد ایگون اور ہنگنگ سمیت دو صنعتوں کو روزانہ 400 مکعب میٹر پانی ملے گا۔ دیگر مستفید گوادر فری زون نارتھ میں آنے والی صنعتیں ہوں گی۔ ایسٹ سی گروپ کے علاوہ ایکریز مارک، ایسٹیکس انڈسٹریز، ادریس اسٹیل، بلیو مون انڈسٹریز اور باری ٹیکسٹائل پہلے ہی اپنے سرمایہ کاری پلان جمع کرا چکے ہیں۔ جی پی اے حکام نے گوادر پرو کو بتایا کہ انجینئرنگ ڈپارٹمنٹ کے ڈیزائن کردہ منصوبے کے مطابق دو مقامی فرموں نے مذکورہ بالا دو ذرائع سے پانی کی تقسیم کے نیٹ ورک بچھانے کا کام شروع کر دیا ہے۔ انہوں نے کہا کہ گوادر پورٹ اتھارٹی ( جی پی اے)، نیشنل انجینئرنگ سروسز پاکستان اور چائنا ہاربر انجینئرنگ کمپنی (سی ایچ ای سی)کے تعاون سے چین سے 2 ارب روپے کی گرانٹ سے 1.2 ایم جی ڈی سمندری پانی ڈی سیلینیشن واٹر پلانٹ لگایا گیا ہے۔ سول، مکینیکل اور الیکٹریکل کام مکمل ہونے کے ساتھ ساتھ 1.2 ایم جی ڈی ڈی ڈی سیلینیشن واٹر پلانٹ کا سینٹرل روم بھی فعال اور چل رہا ہے۔ انہوں نے کہا کہ تقریبا 90 فیصد افرادی قوت اور انسانی وسائل گوادر اور بلوچستان کی مقامی مارکیٹ سے حاصل کیے جاتے ہیں۔گوادر پرو کے مطابق ابتدائی طور پر 0.5 ایم جی ڈی واٹر ڈیسیلینیشن پلانٹ منصوبے پر حکومت پاکستان اور چین کی جانب سے فزیبلٹی اور سروے کے ساتھ دستخط کیے گئے تھے۔ بعد ازاں پانی کی موجودہ طلب کا ازسرنو جائزہ لینے کے بعد حکومت نے 5 جولائی 2021 کو گوادر کے لیے 1.2 ایم جی ڈی واٹر ڈیسیلینیشن پلانٹ کی منظوری دی۔

کریڈٹ: انڈیپنڈنٹ نیوز پاکستان-آئی این پی

سپریم کورٹ نے ڈسٹرکٹ اسپتال ملتان کیلئے اراضی کی قیمت کے تعین کے خلاف پنجاب حکومت کی اپیل خارج کر دی۔ چیف جسٹس سپریم کورٹ قاضی فائز عیسی کی سربراہی میں تین رکنی بینچ نے ڈسٹرکٹ اسپتال ملتان کیلئے اراضی کی قیمت کے تعین کے خلاف اپیل کی سماعت کی۔ سماعت کے دوران ایڈیشنل ایڈووکیٹ جنرل پنجاب نے کہا کہ ڈسٹرکٹ کلکٹر نے زمین کیلئے دس ہزار روپے فی مرلہ قیمت کا تعین کیا ہے لیکن ریفری جج نے قیمت بڑھا کر 30 ہزار کردی جبکہ لاہور ہائی کورٹ نے بھی 30 ہزار فی مرلہ قیمت برقرار رکھی۔ سپریم کورٹ نے قرار دیا کہ ریفری جج نے ریکارڈ کا جائزہ لے کر قیمت 30 ہزار روپے فی مرلہ کی اور بظاہر تو قیمت کے تعین میں کوئی غلطی نہیں۔ بعدازاں، عدالت عظمی نے خاتون غزالہ سلیم کے حق میں لاہور ہائی کورٹ کا فیصلہ برقرار رکھتے ہوئے پنجاب حکومت کی اپیل مسترد کردی۔

کریڈٹ: انڈیپنڈنٹ نیوز پاکستان-آئی این پی

نگران پنجاب کابینہ نے آئندہ 4 ماہ کے صوبائی بجٹ کی منظوری دے دی۔ نگران وزیراعلی پنجاب محسن نقوی کی زیر صدارت ہونے والے صوبائی کابینہ کے اجلاس میں 2023-24کے آئندہ 4 ماہ کیلئے 2 ہزار 73 ارب روپے کا بجٹ منظور کر لیا گیا، اجلاس میں غیر ترقیاتی اخراجات کیلئے 1 ہزار 718 ارب اور جاری ترقیاتی سکیموں کیلئے 355 ارب روپے کی منظوری دی گئی ہے۔ اجلاس میں فیصلہ کیا گیا کہ 33ارب روپے کی غیر ملکی فنڈنگ سے بھی ترقیاتی سکیموں کو بروقت مکمل کیا جائے گا، پنشن کی مد میں 130 ارب روپے مختص کئے گئے ہیں جبکہ سرکاری ملازمین کی تنخواہوں کیلئے 170 ارب روپے کی منظوری دی گئی ہے۔ پلاننگ اینڈ ڈویلپمنٹ بورڈ پنجاب کی جانب سے 4 ہزار900 ترقیاتی سکیموں کیلئے 355 ارب روپے کا بجٹ مختص کیا گیا، یکم نومبر سے شروع ہونے والے فنڈز کو 120 دنوں کیلئے مختص کیا جائے گا۔ یاد رہے کہ اس سے قبل جون میں نگران حکومت نے اپنا پہلے چار ماہ (جولائی تا اکتوبر) کا بجٹ منظور کیا تھا۔

کریڈٹ: انڈیپنڈنٹ نیوز پاکستان-آئی این پی

پولیس نے کہا ہے کہ مولانا طارق جمیل کے بیٹے عاصم جمیل کی اتفاقیہ موت کی رپورٹ درج کرلی گئی ہے، ورثا کی درخواست پر عاصم جمیل کا پوسٹ مارٹم نہیں کرایا گیا، لاش قانونی کارروائی کے بعد ورثا کے حوالے کر دی گئی ہے۔ واضح رہے کہ مولانا طارق جمیل کے بیٹے عاصم جمیل ڈپریشن میں مبتلا تھے اور انہوں نے 29 اکتوبر کی شب بندوق سے گولی مار کر خودکشی کرلی۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ راولپنڈی بینچ نے سربراہ عوامی مسلم لیگ (اے ایم ایل )اور سابق وفاقی وزیر شیخ رشید احمد کی رہائش گاہ لال حویلی کو ڈی سیل کرنے کا حکم جاری کر دیا ہے۔ سابق وفاقی وزیر شیخ رشید احمد کے وکلا سردار عبدلرازق اور سردار شہباز نے لال حویلی سے متعلق کیس کی پیروی کی۔ہائی کورٹ کے جج جسٹس مرزا وقاص رف ن فیصلہ سنایا۔ لال حویلی کی دونوں ملکیتی رجسٹریاں منسوخ کرنے کا فیصلہ بھی کالعدم قرار دیا گیا۔ ہائیکورٹ نے حکم دیا کہ لال حویلی فوری ڈی سیل کی جائے، لال حویلی بابت محکمہ ریفرنس چیئرمین از سر نو سماعت کرے گا۔

کریڈٹ: انڈیپنڈنٹ نیوز پاکستان-آئی این پی

آفیشل سیکرٹ ایکٹ کی عدالت نے چیئرمین پی ٹی آئی کی ہر ہفتے بیٹوں سے بات کرانے کی درخواست پر جواب کیلئے نوٹس جاری کر دیا۔ درخواست شیراز احمد رانجھا ایڈووکیٹ نے دائر کی جس پر خصوصی عدالت کے جج ابوالحسنات ذوالقرنین نے سماعت کی، شیراز احمد رانجھا ایڈووکیٹ نے درخواست میں موقف اپنایا گیا کہ عدالت نے 21 اکتوبر کو چیئرمین پی ٹی آئی کی بیٹوں سے بات کرانے کا حکم دیا تھا۔ درخواست میں مزید کہا گیا ہے کہ چیئرمین پی ٹی آئی کا حقیقی بیٹوں سلیمان اور قاسم سے بات کرنا حق ہے، سابق وزیراعظم کی بیٹوں سے واٹس ایپ پر بیٹوں سے بات کرانے کا حکم دیا جائے۔بعدازاں خصوصی عدالت نے سپرنٹنڈنٹ اڈیالہ جیل سے جواب طلب کرتے ہوئے کیس کی مزید سماعت 8 نومبر تک کیلئے ملتوی کردی۔

کریڈٹ: انڈیپنڈنٹ نیوز پاکستان-آئی این پی

سربراہ عوامی مسلم لیگشیخ رشید نے کہا ہے کہ میں چلے پر ضرور گیا تھا، جن نہیں ہوں کہ تین جگہوں پر موجود ہوتا، اللہ نے مدد کی اور لال حویلی کو کھول دیا،چلے نے مجھے نیا شیخ رشید بنا دیا ہے، کوئی زیادتی نہیں کی گئی، میں جیل بھی گیا توبھی دونوں حلقوں سے الیکشن لڑوں گا، پاک فوج ہماری عظیم فوج ہے، جنرل عاصم منیر نے معشیت درست کر دی۔اس موقع پر میڈیا سے گفتگو کرتے ہوئے شیخ رشید نے کہا کہ میں چلے پر ضرور گیا تھا لیکن جن نہیں ہوں کہ تین جگہوں پر موجود ہوتا، آج اللہ نے مدد کی اور لال حویلی کو کھول دیا۔ سابق وزیر داخلہ کا کہنا تھا چلے نے مجھے نیا شیخ رشید بنا دیا ہے، کوئی زیادتی نہیں کی گئی، میں جیل بھی گیا توبھی دونوں حلقوں سے الیکشن لڑوں گا۔ شیخ رشید کا کہنا تھا ہم افواج پاکستان کے شانہ بشانہ کھڑے ہیں، ہم نسلی اور اصلی ہیں، سب اللہ پر چھوڑتے ہیں۔پاک فوج ہماری عظیم فوج ہے، جنرل عاصم منیر نے معشیت درست کر دی۔ جنرل عاصم منیر اور جنرل ندیم ملک کے لیے کام کر رہے ہیں۔ شیخ رشید کا کہنا تھا کہ نو مئی ایک لعنتی پروگرام تھا، کل بھی فوج کے ساتھ تھے اور آج بھی فوج کے ساتھ ہیں۔ مجھ سے کوئی غلطی ہوئی معافی مانگتا ہوں۔

کریڈٹ: انڈیپنڈنٹ نیوز پاکستان-آئی این پی

جسٹس منصور علی شاہ نے نیب ترامیم کیس میں اپنے اختلافی نوٹ میں لکھا ہے کہ نیب قانون میں کی گئی ترامیم خالصتا ایگزیکٹو معاملہ ہے لہذا عدالت مداخلت نہیں کرسکتی، عدلیہ قانون سازی کا اس وقت جائزہ لے سکتی ہے جب وہ بنیادی انسانی حقوق سے متصادم ہو لیکن قانون سازوں کے مفاد کو سامنے رکھ کر قانون سازی جانچنا پارلیمنٹ اور جمہوریت کو نیچا دکھانے کے مترادف ہے۔ ستائیس صفحات پر مشتمل اختلافی نوٹ میں جسٹس منصور علی شاہ نے لکھا کہ ہر ادارے کو دوسرے کا احترام کرنا چاہیے، جمہوریت کی بقا کے لیے باہمی برداشت اور تحمل لازم ہے۔ جسٹس منصور نے لکھا کہ عوامی ووٹوں سے منتخب پارلیمنٹ نے نیب قانون میں ترامیم کیں، چیئرمین پی ٹی آئی نے نیب ترامیم کی مخالفت یا حمایت کے بجائے اسے عدالت میں چیلنج کر دیا۔ اختلافی نوٹ میں جسٹس منصور نے لکھا کہ سابق چیف جسٹس عمر عطا بندیال اور جسٹس اعجاز الاحسن کے نیب ترامیم کالعدم قرار دینے سے فیصلے سے متفق نہیں کیونکہ نیب ترامیم سے بنیادی حقوق متاثر نہیں ہوئے اور اکثریتی فیصلہ پبلک سرونٹ کی درست تعریف کرنے میں ناکام رہا، تعزیرات پاکستان کے تحت بھی پبلک آفس ہولڈر کے خلاف کارروائی ممکن ہے کیونکہ تعزیرات پاکستان کے تحت پبلک آفس ہولڈر پبلک سرونٹ ہیں۔ اختلافی نوٹ میں انہوں نے لکھا کہ ممبر پارلیمنٹ کے خلاف ٹیکس چوری، منی لانڈرنگ، کرپشن یا غیر قانونی طریقے سے دولت بنانے پر ٹیکس قانون، انسداد منی لانڈرنگ ایکٹ اور تعزیرات پاکستان کے تحت کارروائی ہوسکتی ہے۔

نیب کتنی کرپشن پر کارروائی کر سکتا ہے یہ معاملہ پالیسی میٹر ہے، کتنی کرپشن پر نیب کارروائی کرے یہ تعین کرنا پارلیمنٹ کا کام ہے عدلیہ کا نہیں۔ جسٹس منصور نے لکھا کہ عدلیہ پارلیمنٹ کی قانون سازی کی اسکورٹنی نہیں کر سکتی، کتنی مالیت کی کرپشن ہوگی تو وہ میگا اسکینڈل کہلائے گا، یہ تعین کرنا عدلیہ کا نہیں بلکہ پارلیمنٹ کا اختیار ہے اور عدلیہ پارلیمنٹ کی اہلیت پر سوال نہیں اٹھا سکتی، عدلیہ پارلیمنٹ کو اپنی تجاویز کے ذریعے دبا میں نہیں لاسکتی۔ اختلافی نوٹ میں یہ بھی لکھا کہ آئین پاکستان نے ریاست کے تینوں ستونوں کو مکمل خود مختاری دے رکھی ہے، اختیارات کی تکون آئین کا بنیادی ڈھانچہ ہے، پارلیمنٹ کا کام قانون بنانا ہے اور منتخب حکومت کا کام پارلیمنٹ کے قانون پر عمل درآمد کرانا ہے جبکہ عدلیہ کا کام پارلیمنٹ کے بنائے قانون کی تشریح کرنا ہے۔ جسٹس منصور نے لکھا کہ اکثریتی فیصلے میں وجہ نہیں بتائی گئی نیب ترامیم کیسے بنیادی حقوق سے متصادم ہیں، طویل سماعت کے دوران بار بار سوال پوچھا جاتا رہا نیب ترامیم بنیادی حقوق سے کیسے متصادم ہیں، عدالت کے اس سوال کا جواب چیئرمین پی ٹی آئی کے وکیل دینے میں ناکام رہے۔ اختلافی نوٹ میں انہوں نے لکھا کہ آئین پاکستان نے ایک سیاست دان کے احتساب کا طریقہ کار طے کر رکھا ہے، منتخب سیاست دان کا آئینی طریقہ کار سے احتساب ذریعہ ووٹ ہے، پارلیمنٹ نے جو کیا وہ پارلیمنٹ ہی ختم کر سکتا ہے اور پارلیمنٹ قانون میں تبدیلی کے ساتھ ساتھ قانون ختم بھی کر سکتا ہے، پارلیمنٹ کو یہ اختیار بھی حاصل ہے کہ وہ پورا نیب قانون ہی ختم کر دے۔

کریڈٹ: انڈیپنڈنٹ نیوز پاکستان-آئی این پی

معروف عالم دین مولانا طارق جمیل کے بڑے بیٹے مولانا یوسف جمیل نے اپنے بھائی عاصم جمیل کی خودکشی کی تصدیق کرتے ہوئے کہا ہے کہ میرا بھائی عاصم جمیل بچپن سے شدید ڈپریشن کا مریض تھا،بیماری کو کنٹرول کرنے کے لیے عاصم کو الیکٹرک شاک لگائے جارہے تھے،عاصم نے سکیورٹی سے بندوق لے کر خود کو گولی مارلی ۔ مرحوم کے بڑے بھائی نے ویڈیو پیغام میں عاصم جمیل کی خودکشی کی تصدیق کردی اور کہا کہ میرا بھائی عاصم جمیل بچپن سے شدید ڈپریشن کا مریض تھا۔ مولانا یوسف جمیل نے کہا عاصم جمیل کی بیماری میں پچھلے 6 ماہ سے شدت آگئی تھی، بیماری کو کنٹرول کرنے کے لیے عاصم کو الیکٹرک شاک لگائے جارہے تھے لیکن الیکٹرک شاک دینے سے بھی کوئی افاقہ نہیں ہوا۔ انہوں نے کہا گزشتہ روز وہ اتفاقا گھر میں اکیلا تھا، تکلیف اور اذیت برداشت نہیں کرسکا اور عاصم نے سکیورٹی سے بندوق لے کر خود کو گولی مارلی۔ بھائی نے اپنے پیغام میں یہ بھی کہا کہ ایسی کوئی بات نہیں کہ کسی سے دشمنی تھی یا کسی نے حملہ کیا،یہ اس کی تقدیر تھی اور ہم اللہ کے اس فیصلے پر راضی ہیں۔

کریڈٹ: انڈیپنڈنٹ نیوز پاکستان-آئی این پی

انٹر بینک میں پیر کو کاروبار کے آغاز پر ڈالر کی قدر میں 22 پیسے کا اضافہ دیکھا گیا ۔ڈیلر کے مطابق انٹر بینک میں ڈالر 280 روپے 80 پیسے کا ہوگیا۔ دوسری جانب پاکستان اسٹاک ایکسچینج میں کاروباری ہفتے کے پہلے روز تیزی کا رجحان دیکھا گیا،ہنڈریڈانڈیکس200سیزائدپوائنٹس بڑھ کر51ہزار156پوائنٹس پر پہنچ گیا۔ اس سے قبل پاکستانی کرنسی کے مقابلے میں امریکی ڈالر کی قیمت میں مسلسل 5 ہفتوں کی کمی کے بعد گزشتہ دو ہفتے سے دوبارہ اضافے کا رجحان دیکھا گیا۔ اسٹیٹ بینک آف پاکستان کے مطابق انٹر بینک میں ڈالر کی قیمت گزشتہ کاروباری ہفتے کے آخری روز یعنی 20 اکتوبر کو 278.80 روپے کی سطح پر بند ہوئی تھی جو گزشتہ روز 280.57 روپے ریکارڈ کی گئی۔ ڈالر کی قیمت میں گزشتہ ہفتے کے دوران مجموعی طور پر ایک روپے 77 پیسے کا اضافہ ریکارڈ کیا گیا۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے صنم جاوید کی درخواست پر نوٹسز جاری کرتے ہوئے پولیس افسران سے 3 نومبر تک جواب طلب کرلیا۔ لاہور ہائیکورٹ کے جسٹس علی باقر نجفی نے صنم جاوید کی توہین عدالت کی درخواست پر سماعت کی۔ درخواست گزار کے وکیل نے موقف اختیار کیا کہ عدالتی حکم پر پولیس رپورٹ میں بتایا گیا کہ صنم جاوید کے خلاف دو مقدمات درج ہیں، رہائی کی روبکار کے بعد صنم جاوید کو دوبارہ گرفتار کر لیا گیا، عسکری ٹاور کے مقدمے میں گرفتار کیا اور اے ٹی سی نے ڈسچارج کر دیا، پھر ماڈل ٹان کے مقدمے میں نامزد کر دیا گیا۔ جس پر سرکاری وکیل غلام سرور نہنگ نے عدالت عالیہ کو آگاہ کیا کہ 9 مئی کے مقدمات میں روزانہ کی بنیاد پر کوئی نا کوئی پیش رفت ہوتی ہے، صنم جاوید کو بھی اس طرح دیگر مقدمات میں نامزد کیا گیا ہے۔ بعدازاں عدالت نے صنم جاوید کی پولیس افسران کے خلاف توہین عدالت کی درخواست پر نوٹسز جاری کرتے ہوئے 3 نومبر کو متعلقہ پولیس افسران سے جواب طلب کر لیا ہے۔

کریڈٹ: انڈیپنڈنٹ نیوز پاکستان-آئی این پی

پاکستان میں غیر قانونی طور پر مقیم غیر ملکیوں کے ملک چھوڑنے کی مہلت ختم ہونے میں صرف ایک دن باقی ہے۔ غیر قانونی طور پر پاکستان میں رہنے والوں سے متعلق حکام واضح کرچکے ہیں کہ 31 اکتوبر تک پاکستان چھوڑنیکی ڈیڈلائن نہیں بڑھائی جائیگی۔ سکیورٹی فورسز نے بڑے پیمانے پرمیپنگ اور جیو فینسنگ کرکے مشکوک افرادکی نشاندہی کرلی ہے۔ 31 اکتوبرکے بعد غیرقانونی غیرملکیوں کی منقولہ و غیرمنقولہ جائیدادضبط کرلی جائیگی۔ یکم نومبر سے غیر قانونی مقیم افرادکی بے دخلی کا فیصلہ حتمی ہے اور اس میں کوئی توسیع نہیں کی جائے گی۔

کریڈٹ: انڈیپنڈنٹ نیوز پاکستان-آئی این پی

قومی ایئر لائنز (پی آئی اے) کا فلائٹ آپریشن بدستور متاثر ہے، پیر کو پی آئی اے کی مقامی اور بین الاقوامی 29 پروازیں منسوخ ہو گئیں ۔ اسلام آباد سے گلگت اور اسکردو کے درمیان 6 پروازیں پیر کو بھی آپریٹ کی جا رہی ہیں۔ فلائٹ شیڈول کے مطابق کراچی سے اسلام آباد کی 4 پروازیں پی کے 368، 308، 309، 369 اور دمام کی ایک پرواز پی کے 242 منسوخ کی گئی ہے جبکہ کراچی سے لاہور کیلئے پی آئی اے کی پرواز 304، 305، ملتان کیلئے پی کے 331، دبئی کیلئے پی کے 214 اور سکھر کیلئے پی کے 536، 537 منسوخ ہیں۔ شیڈول کے مطابق اسلام آباد سے سکھر کیلئے پی کے 631، 632، القسیم پی کے 167، دبئی پی کے 233 منسوخ کی گئی ہیں جبکہ اسلام آباد سے ابوظہبی کی پرواز پی کے 161 اور جدہ کیلئے پی کے 841 منسوخ ہیں۔ فلائٹ شیڈول کے مطابق پشاور سے دبئی کیلئے پی آئی اے کی پروازیں پی کے 283، 284، شارجہ پی کے 257، 258 اور ابوظہبی کیلئے پی کے 217 اور 118 منسوخ ہیں۔ سیالکوٹ سے دمام کیلئے پرواز پی کے 243، کویت سٹی پی کے 240 اور شارجہ کیلئے پی کے 210 منسوخ ہے، ملتان سے دبئی کیلئے پی آئی اے کی پروازیں پی کے 221، 222 اور القسیم پی کے 170 منسوخ شیڈول میں شامل ہیں۔

کریڈٹ: انڈیپنڈنٹ نیوز پاکستان-آئی این پی

لاہور فضائی آلودگی کی فہرست میں پہلے نمبر پر براجمان ہے، شہر کا اوسط ایئر کوالٹی انڈیکس 445 ریکارڈ کیا گیا۔ فضائی آلودگی روگ بن گئی، باغوں کے شہر میں فضائی آلودگی میں خطرناک حد تک اضافہ ریکارڈ کیا جا رہا ہے، شہر کا اوسط ایئر کوالٹی انڈیکس 445 تک جا پہنچا ہے، سب سے زیادہ اے کیو آئی کینٹ پر 494 ریکارڈ کیا گیا۔ عامر ٹاون کے علاقے میں اے کیو آئی 447 جبکہ ڈی ایچ اے فیز ایٹ کا ایئر کوالٹی انڈیکس 421 ریکارڈ کیا گیا ہے۔ سموگ کے باعث ناک، کان، گلا، آنکھوں میں جلن اور سانس لینے میں دشواری جیسے مسائل جنم لینے لگے، طبی ماہرین نے بڑھتی ہوئی فضائی آلودگی کے حوالے سے ہدایات جاری کرتے ہوئے شہریوں کو ماسک اور عینک کے استعمال کا مشورہ دیا۔

کریڈٹ: انڈیپنڈنٹ نیوز پاکستان-آئی این پی

عدالت نے چیئرمین پی ٹی آئی اور بشری بی بی کیخلاف دوران عدت نکاح کے کیس میں سابق وزیراعظم کے وکیل سے دلائل طلب کر لیے۔ ڈسٹرکٹ اینڈ سیشن کورٹ اسلام آباد میں چیئرمین پی ٹی آئی اور بشری بی بی کیخلاف غیر شرعی نکاح کیس کی سماعت ہوئی، سول جج قدرت اللہ نے جلد سماعت کی درخواست پر سماعت کی۔ دوران سماعت چیئرمین پی ٹی آئی کے وکیل شیر افضل مروت ایڈووکیٹ کے معاون عدالت میں پیش ہوئے اور موقف اختیار کیا کہ شیر افضل مروت 4 نومبر تک بیرون ملک ہیں۔ معاون وکیل نے کہا کہ سماعت ملتوی کرنے کی درخواست دائر کر دی ہے جس پر عدالت نے کیس کی مزید سماعت 4 نومبر تک ملتوی کردی۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کے وائس چیئرمین شاہ محمود قریشی نے اسلام آباد ہائی کورٹ میں درخواست ضمانت بعداز گرفتاری دائر کر دی۔ اسلام آباد ہائی کورٹ کے چیف جسٹس عامر فاروق نے درخواست پر اعتراضات کے ساتھ سماعت کی۔ چیف جسٹس اسلام آباد ہائی کورٹ جسٹس عامر فاروق نے کہا کہ آپ نے دستاویزات ترتیب سے نہیں لگائیں اس لیے اعتراض لگا، آپ دستاویزات کو ترتیب میں لگا کر دوبارہ دے دیں۔ شاہ محمود قریشی کے وکیل علی بخاری نے کہا کہ ہماری درخواست فوری معاملہ ہے اس لیے اگر جناب نوٹس فرما دیتے تو، جس پر اسلام آباد ہائی کورٹ کے چیف جسٹس نے کہا کہ آپ دستاویزات ترتیب سے دے دیں پھر اس پر نوٹس جاری کر دیتے ہیں۔

کریڈٹ: انڈیپنڈنٹ نیوز پاکستان-آئی این پی

نگران وزیر داخلہ سرفراز بگٹی نے کہا ہے کہ وطن عزیز کو دہشت گردوں سے پاک کرکے دم لیں گے۔ آواران میں مسلح افواج کے 2 جوانوں کی شہادت پر گہرے دکھ اور افسوس کا اظہار کرتے ہوئے سرفراز بگٹی نے کہا ہے کہ جوانوں نے بہادری سے لڑتے ہوئے جام شہادت نوش کیا، مسلح افواج کی جرات اور بلند حوصلے کو سلام پیش کرتے ہیں۔ انہوں نے مزید کہا ہے کہ پاک فوج کے جوانواں نے 2 دہشت گردوں کو جہنم واصل کر دیا، مسلح افواج کی قربانیاں رائیگاں نہیں جائیں گی، وطن عزیز کو دہشت گردوں سے پاک کرکے دم لیں گے۔

کریڈٹ: انڈیپنڈنٹ نیوز پاکستان-آئی این پی

نگران وزیراعلی پنجاب ڈسٹرکٹ ہیڈ کوارٹر ہسپتال شیخوپورہ کی حالت زار دیکھ کر برہم ہو گئے۔ نگران وزیراعلی پنجاب نے 18 گھنٹوں کے دوران 5 ہسپتالوں کے دورے کیے، رات گئے محسن نقوی شیخوپورہ ڈسٹرکٹ ہسپتال پہنچے جہاں گندی بیڈ شیٹس، مس مینجمنٹ اور گندگی دیکھ کر اظہار برہمی کیا۔ ہسپتال کی انتہائی بری حالت میں وارڈز میں زیر علاج مریضوں اور تیمارداروں نے شکایات کے انبار لگا دیئے، نگران وزیر اعلی نے ایم ایس ہسپتال کو فوری تبدیل کرنے کا حکم دیا جبکہ چیف ایگزیکٹو آفیسر ہیلتھ کو سخت وارننگ بھی دی۔ وزیراعلی نے شکایات کے ازالے کیلئے ڈپٹی کمشنر شیخوپورہ ڈاکٹر وقار کی سربراہی میں کمیٹی تشکیل دی جو تمام شکایات کا جائزہ لے کر فوری ازالہ کر کے وزیراعلی کو رپورٹ پیش کرے گی، محسن نقوی نے باہر سے ادویات منگوانے اور ٹیسٹ کروانے والے مریضوں کے پیسے واپس کرنے کا حکم دیا اور صحت کارڈ کانٹرز 24 گھنٹے کھلے رکھنے کی ہدایت کی، انہوں نے موقع پر ہی سیکرٹری صحت کو فون کیا اور اس ضمن میں ہدایات دیں۔ انہوں نے ہسپتال میں مریضوں کے لیے فراہم کردہ طبی سہولتوں کا جائزہ لیا، محسن نقوی مختلف وارڈز میں گئے، مریضوں کی عیادت کی اور طبی سہولتوں کے بارے میں استفسار کیا، وزیر اعلی نے مفت ادویات اور ٹیسٹ کی سہولت کے بارے بھی دریافت کیا۔ نگران وزیراعلی نے لیب کا دورہ کیا اور ٹیسٹ کا ریکارڈ چیک کیا، انہوں نے ایمرجنسی میں مریضوں کی عیادت کی اور علاج معالجے کی سہولتوں کے بارے میں استفسار کیا، اس موقع پر وزیر اعلی محسن نقوی نے ہسپتال کے کیفے ٹیریا کی اپ گریڈیشن کا بھی حکم دیا۔

کریڈٹ: انڈیپنڈنٹ نیوز پاکستان-آئی این پی

میکسیکو، ریاست گیریرو کے شہر اکاپولکو میں سمندری طوفان اوٹس سے متاثرہ ایک علاقہ دیکھا جاسکتا ہے۔ (شِنہوا)

امریکہ ، واشنگٹن ڈی سی میں چینی وزیرخارجہ وانگ یی امریکی اسٹریٹجک حکام سے بات چیت کر رہے ہیں۔ (شِنہوا)

چین ، مشرقی صوبے ژے جیانگ کے شہر ہانگ ژو میں چوتھے ایشیئن پیرا گیمز کی اختتامی تقریب میں کھلاڑی پریڈ میں شریک ہیں۔ (شِنہوا)

غزہ پٹی کے شمالی علاقے میں اسرائیل  کی بمباری کے بعد دھواں اٹھ رہا ہے۔ (شِنہوا)

چین ، وسطی صوبے ہوبے کے جنگ مین شہر میں ایک ہیلی کاپٹر آگ بجھانے کی مشق میں شریک ہے۔ (شِنہوا)

بیجنگ (شِنہوا) چین کا مرکزی بینک 30 اکتوبر کو 14 یادگاری پانڈا سکے جاری کرے گا۔ 

پیپلز بینک آف چائنہ کی ویب سائٹ پر جاری ایک اعلامیہ کے مطابق تمام سکوں کے سامنے والے حصے میں اچھی فصلوں کے لئے دعائیہ ہال، ہیکل آف ہیون کا مرکزی ڈھانچہ ، ملک کا نام، اور اجراء کا سال کنندہ ہے۔

جبکہ عقبی حصے پر ماں بیٹا دیوہیکل پانڈا  کنندہ کیا گیا ہے۔ سکے کی قیمت اور وزن ،  سکے میں شامل سونے یا چاندی کی فیصد مقدار کے مساوی ہے۔

چین کے مشرقی صوبہ ژی جیانگ کے شہر ہانگژو میں چوتھے ایشین پیرا گیمز میں مردوں کےبیڈمنٹن سنگلزایس ایچ6 مقابلے میں طلائی تمغہ جیتنے والے چینی ہانگ کانگ کےکھلاڑی چھو مان کائی (بائیں جانب سے دوسرے)، چاندی کا تمغہ جیتنے والے بھارتی کھلاڑی کرشنا نگر (بائیں جانب پہلے)، کانسی کا تمغہ جیتنے والے چینی کھلاڑی لِن نائلی (دائیں جانب دوسرے) اورچینی ہانگ کانگ کے وونگ چھون یم  ایوارڈتقریب کے دوران تصویربنوارہے ہیں۔(شِنہوا)

جنوبی غزہ کی پٹی کے شہر خان یونس میں اسرائیلی فضائی حملوں میں تباہ ہونے والی عمارتوں کے ملبے کے درمیان لوگ نظر آ رہے ہیں جبکہ غزہ کی پٹی پر اسرائیلی حملوں میں جاں بحق فلسطینیوں کی تعداد 7 ہزار 326ہو گئی ہے۔(شِنہوا)

اردن کے شہر عمان میں فلسطینیوں سے حمایت کے اظہار کے لیے لوگ احتجاج میں شریک ہیں۔(شِنہوا)