امریکی صدر جو بائیڈن ، چینی وزیر خارجہ وانگ یی سے واشنگٹن ڈی سی میں وائٹ ہاؤس میں ملاقات کر رہے ہیں۔(شِنہوا)

امریکی صدر جو بائیڈن ، چینی وزیر خارجہ وانگ یی سے واشنگٹن ڈی سی میں وائٹ ہاؤس میں ملاقات کر رہے ہیں۔(شِنہوا)

نیویارک میں اقوام متحدہ کے ہیڈ کوارٹر میں اقوام متحدہ کی جنرل اسمبلی کے 10ویں ہنگامی خصوصی اجلاس کے دوران غزہ میں انسانی ہمدردی کی بنیاد پر جنگ بندی کے لیے ووٹنگ کا منظر۔(شِنہوا)

استنبول(شِنہوا) ترکیہ کی سابق سفارت کار اور خارجہ پالیسی کی ماہر گلرو گیزرنے کہا ہے کہ  بیلٹ اینڈ روڈ منصوبے (بی آر آئی) سے حاصل ہونے والے توسیعی رابطے یکساں مفاد پر مبنی تعاون کو فروغ دیتے ہوئے دنیا بھر میں خوشحالی کا باعث بن رہے ہیں۔

شِنہوا سے گفتگو کرتے ہوئے انہوں نے کہا کہ گزشتہ ایک دہائی کے دوران، بی آر آئی  کھربوں ڈالر کا منصوبہ بن گیاہے ۔ یہ منصوبہ تین براعظموں میں پھیلا ہوا ہے اور یہ لاطینی امریکہ تک پہنچ گیاہے۔

انہوں نے کہا کہ 150 سے زیادہ ممالک اور 30 بین الاقوامی تنظیموں کی حمایت سے، بی آر آئی دنیا بھر کے ممالک کی ترقی پر مثبت اثرات مرتب کررہا ہے۔

سابق ترک سفارتکار نے کہاکہ ترکیہ بھی، بی آر آئی  میں شامل ہے اور ہم اسے خاص طور پر اہم سمجھتے ہیں کیونکہ ہم جانتے ہیں کہ اقتصادی اور تجارتی تعلقات کی ترقی کے ذریعے، خوشحالی پروان چڑھ سکتی ہے۔  اس طرح کے منصوبے کے ذریعے آپس میں منسلک ہونے سے دنیا میں خوشحالی اور امن آئے گا۔

استنبول(شِنہوا) ترکیہ کی سابق سفارت کار اور خارجہ پالیسی کی ماہر گلرو گیزرنے کہا ہے کہ  بیلٹ اینڈ روڈ منصوبے (بی آر آئی) سے حاصل ہونے والے توسیعی رابطے یکساں مفاد پر مبنی تعاون کو فروغ دیتے ہوئے دنیا بھر میں خوشحالی کا باعث بن رہے ہیں۔

شِنہوا سے گفتگو کرتے ہوئے انہوں نے کہا کہ گزشتہ ایک دہائی کے دوران، بی آر آئی  کھربوں ڈالر کا منصوبہ بن گیاہے ۔ یہ منصوبہ تین براعظموں میں پھیلا ہوا ہے اور یہ لاطینی امریکہ تک پہنچ گیاہے۔

انہوں نے کہا کہ 150 سے زیادہ ممالک اور 30 بین الاقوامی تنظیموں کی حمایت سے، بی آر آئی دنیا بھر کے ممالک کی ترقی پر مثبت اثرات مرتب کررہا ہے۔

سابق ترک سفارتکار نے کہاکہ ترکیہ بھی، بی آر آئی  میں شامل ہے اور ہم اسے خاص طور پر اہم سمجھتے ہیں کیونکہ ہم جانتے ہیں کہ اقتصادی اور تجارتی تعلقات کی ترقی کے ذریعے، خوشحالی پروان چڑھ سکتی ہے۔  اس طرح کے منصوبے کے ذریعے آپس میں منسلک ہونے سے دنیا میں خوشحالی اور امن آئے گا۔

بیجنگ(شِنہوا) چین قومی ثقافتی آثار کے بارے میں چوتھا سروے اگلے ماہ نومبر میں شروع کرے گا۔

 ریاستی کونسل کے جاری کردہ ایک سرکلر کے مطابق اس سروے کا مقصد ملک میں زمین کے اوپر، زیر زمین اور زیرآب تمام غیر منقولہ ثقافتی آثار کے بارے میں معلومات بشمول ثقافتی آثار کے نام، تاریخیں اور تحفظ کی صورتحال اکٹھا کرنا ہے۔پہلے سے شناخت شدہ ثقافتی آثار کا جائزہ لیا جائے گا، جبکہ نئے دریافت شدہ آثار کا مطالعہ  اور ان کی فہرست بنائی جائے گی۔

   سرکلر میں کہا گیا کہ سروے کے ذریعے، ملک میں ثقافتی آثار کا ایک جامع کیٹلاگ اور ان کی معلومات پر مشتمل ڈیٹا بیس بنیا جائے گا۔

   یہ سروے رواں سال نومبر سے جون 2026 تک  کیا جائے گا۔

بیجنگ(شِنہوا)چین کی قومی کاربن مارکیٹ نے اپنے دوہرے کاربن اہداف کے حصول کو فروغ دینے میں مثبت کردار ادا کیا ہے۔

چینی وزارت ماحولیات کےموسمیاتی تبدیلی کے شعبے کے ڈائریکٹر شیا ینگ شیان نے ایک پریس کانفرنس میں کہا کہ کاربن مارکیٹ نے دو سال قبل اپنے آغاز کے بعد سے اخراج کو کم کرنے کے لیے کاروباری اداروں کی آگاہی اور صلاحیت میں نمایاں اضافہ کیا ہے۔

شیا نے کہا کہ 16 جولائی 2021 کی اس کے آغاز کی تاریخ سے اس ہفتے بدھ تک کاربن اخراج کا کل  حجم 36 کروڑ 50 لاکھ ٹن تھا جس کی کل مالیت تقریباً 19 ارب 44 کروڑ یوآن (تقریباً2 ارب 71 کروڑ ڈالر) ہے۔

ٹی 10 لیگ اب کولمبو میں جادو بکھیرنے آرہا ہے ۔ لنکا ٹی 10 کے افتتاحی سیزن کے لئے کھلاڑیوں کی نیلامی جمعہ 10 نومبر 2023 کو ہوگی جبکہ مقابلے سیزن 12 دسمبر 2023 سے 23 دسمبر 2023 تک ہوں گے۔ لنکا ٹی 10 کا انعقاد ٹی 10 اسپورٹس مینجمنٹ ٹی 10 گلوبل اسپورٹس اینڈ انوویشن پروڈکشن گروپ کا کنسورشیم کررہا ہے۔ مردوں کے ٹی 10 کے علاوہ کولمبو میں پہلی بار ویمنز ٹی 10 کی میزبانی کا بھی منصوبہ ہے جو سری لنکا ٹی 10 کے متوازی چلے گا جس میں دنیا کی چند بہترین خواتین کھلاڑی شامل ہوں گی۔ٹورنامنٹ میں مردوں کی 6 ٹیمیں حصہ لیں گی جن کا نام سری لنکا کے چھ مشہور شہروں کے نام پر رکھا جائے گا جنہوں نے سری لنکا میں کرکٹ کی تشکیل میں اہم کردار ادا کیا ہے۔لنکا ٹی 10 کے لئے کھلاڑیوں کی رجسٹریشن پہلے ہی شروع ہوچکی ہے جو 5 نومبر تک جاری رہے گی۔

کریڈٹ: انڈیپنڈنٹ نیوز پاکستان-آئی این پی

بھارتی اداکار ایوشمان کھرانہ بھی پاکستان اور جنوبی افریقا کے میچ کے دوران امپائر کے غلط فیصلے پر بول اٹھے۔ ورلڈکپ کے 26 ویں اور اہم ترین میچ میں جنوبی افریقا نے پاکستان کو سنسنی خیز مقابلے کے بعد ایک وکٹ سے شکست دی،جنوبی افریقا نے پاکستان کا 271 رنز کا ہدف 9 وکٹوں کے نقصان پر 47.2 اوورز میں پورا کرلیا۔ میچ میں ایک موقع ایسا آیا کہ جنوبی افریقا کو جیت کے لیے 8 رنز اور پاکستان کو کامیابی کے لیے صرف ایک وکٹ درکار تھی۔ ایسے میں حارث رف نے جنوبی افریقا کے ٹیل اینڈر بیٹر تبریز شمسی کوگیند کروائی جو کہ ان کے پیڈ پر لگی، پاکستان کی جانب سے ایل بی ڈبلیو کی اپیل کی گئی لیکن آن فیلڈ امپائر نے ناٹ آٹ دیا تو گرین شرٹس نے ری ویو لینے کا فیصلہ کیا۔ ری ویو میں نظر آیا کہ حارث کی گیند وکٹ کو معمولی چھو رہی ہے لیکن آن فیلڈ امپائر کی جانب سے ناٹ آٹ دیا گیا تھا اس لیے وہ امپائرز کال کی وجہ سے ری ویو کے بعد بھی ناٹ آٹ ہی رہا۔ اگر آن فیلڈ امپائر حارث کی اس گیند پر آٹ دے دیتے تو پاکستان میچ جیت جاتا جب کہ جنوبی افریقا کی جانب سے ری ویو لینے پر بھی آٹ ہی قرار دیا جاتا۔ اس حوالے سے میچ کے دوران ایوشمان نے بھی اس متنازع آٹ پر تبصرہ کیا اور سوشل میڈیا سائٹ ایکس پر لکھا 'یہ شمسی آوٹ تھا'۔

کریڈٹ: انڈیپنڈنٹ نیوز پاکستان-آئی این پی

کرکٹ آسٹریلیا نے دورہ بھارت کے لیے ٹی 20 سکواڈ کا اعلان کر دیا ہے۔ کرکٹ آسٹریلیا کے مطابق وکٹ کیپر بیٹر میتھیو ویڈ آسٹریلوی سکواڈ کے کپتان مقرر کیے گئے ہیں، آسٹریلیا کی ٹیم بھارت میں ورلڈ کپ کے بعد پانچ ٹی 20 میچز کی سیریز کھیلے گی۔ ٹی 20 میچز کی سیریز نومبر اور دسمبر میں ہو گی، سٹیو سمتھ اور ڈیوڈ وارنر بھی سکواڈ کا حصہ ہیں۔ آشٹن آگر انجری کے باعث سکواڈ میں شامل نہیں ہیں جبکہ مچل مارش اور کیمرون گرین ورلڈ کپ کے بعد وطن واپس لوٹ جائیں گے۔ اس کے علاوہ پیٹ کمنز، مچل سٹارک اور جوش ہیزل ووڈ بھی ٹیسٹ سیزن کی تیاری کے لیے وطن واپس جائیں گے۔

کریڈٹ: انڈیپنڈنٹ نیوز پاکستان-آئی این پی

فیڈرل بورڈ آف انٹرمیڈیٹ اینڈ سیکنڈری ایجوکیشن کے زیر اہتمام فیڈرل بورڈ انٹر کالجیٹ بوائز بیڈمنٹن ٹورنامنٹ 30 اکتوبر سے اسلام آباد ماڈل پوسٹ گریجویٹ کالج آف کامرس، ایچ ایٹ فور اسلام آباد میں شروع ہو گا۔ فیڈرل بورڈ آف انٹرمیڈیٹ اینڈ سیکنڈری ایجوکیشن کی ڈائریکٹرسپورٹس میڈم فوزیہ معروف نے بتایا کہ ٹورنامنٹ کی تیاریاں زور و شور سے جاری ہیں اور ایونٹ کی نگرانی ڈائریکٹر فزیکل ایجوکیشن ممتازالحق کریں گے۔ ٹورنامنٹ میں فیڈرل بورڈ سے منسلک کالجز کے کھلاڑی حصہ لیں گی۔

کریڈٹ: انڈیپنڈنٹ نیوز پاکستان-آئی این پی

پاکستان کرکٹ ٹیم کے ڈائریکٹر مکی آرتھر نے کہا ہے کہ ہم ورلڈ کپ کے معیار کی کرکٹ نہیں کھیل پارہے۔جنوبی افریقا کے خلاف شکست پر مکی آرتھر نے پریس کانفرنس نے کہا کہ ہم نے اچھی بیٹنگ نہیں کی، یہاں 300 رنز ہونا تھا۔ انہوںنے کہا کہ بولنگ بہتر کی مگر بیٹنگ رنز نہ کر پائی، ہم نے ٹورنامنٹ کی بہترین بولنگ کی۔پاکستان ٹیم کے ڈائریکٹر نے کہا کہ کوشش سب کر رہے مگر ہماری بیٹنگ فارم میں نہیں آرہی، ہم اس معیار کی کرکٹ نہیں کھیل پارہے جو ورلڈ کپ میں درکار ہے۔ انہوںنے کہاکہ افغانستان کے خلاف ہم تینوں شعبوں میں ایوریج تھے، آج جس انداز میں بولرز نے محنت کرکے فائٹ بیک کیا اس پر فخر ہے۔مکی آرتھر نے کہا کہ ہم کوشش کریں گے کہ بقیہ 3 میچ جیت کر اچھے انداز میں ٹورنامنٹ ختم کریں، ہم نے آخری اوورز میں اچھی بیٹنگ نہیں کی۔ انہوں نے کہا کہ آخری 5 اوورز ٹھیک طرح نہیں کھیل سکے، اگر 300 کر جاتے تو اسکا دفاع ہوسکتا تھا، ہم نے یہ ٹورنامنٹ اچھا نہیں کھیلا۔پاکستان ٹیم کے ڈائریکٹر نے کہا کہ بابر اعظم یا انضمام الحق یا کسی پر بھی الزام دینا ٹھیک نہیں ہوگا، جانتا ہوں کہ پلیئرز اور اسٹاف نے پوری کوشش کی۔

کریڈٹ: انڈیپنڈنٹ نیوز پاکستان-آئی این پی

گورنر اسٹیٹ بینک جمیل احمد نے کہا ہے کہ سرحد پار تجارت اور سرمایہ کاری کے لین دین کے لئے چائنیز رینمن بی (آر ایم بی) کو استعمال کرنے سے پاکستان اور چین کے اقتصادی تعلقات کو مزید تقویت ملے گی۔ گوادر پرو کے مطابق گورنر اسٹیٹ بینک جمیل احمد نے چین کے آئی سی بی سی بینک کے زیر اہتمام "سرحد پار تجارت میں آر ایم بی کے استعمال کو فروغ دینے" کے عنوان سے منعقدہ ایک تقریب سے خطاب کرتے ہوئے پاکستان اور چین کے درمیان مضبوط اور پائیدار معاشی اور مالیاتی روابط پر زور دیا۔ انہوں نے اس بات پر زور دیا کہ سرحد پار تجارت اور سرمایہ کاری کے لین دین کے لئے چینی رینمن بی(آر ایم بی)کو فروغ دینے سے ان تعلقات کو مزید تقویت مل سکتی ہے۔ اس تقریب میں پیپلز بینک آف چائنا (پی بی او سی)کی جانب سے آئی سی بی سی بینک کو پاکستان میں آر ایم بی کلیئرنگ ایجنٹ کے طور پر نامزد کیا گیا۔ گوادر پرو کے مطابق گورنر اسٹیٹ بینک نے چین کے ساتھ پاکستان کے معاشی تعلقات کی اہمیت پر روشنی ڈالی اور اس بات پر زور دیا کہ اسٹیٹ بینک نے تجارت اور سرمایہ کاری کی سرگرمیوں میں آر ایم بی کے استعمال کو آسان بنانے کے لئے ضروری ریگولیٹری فریم ورک قائم کیا ہے۔ اس میں لیٹر آف کریڈٹ (ایل / سی) کھولنے اور آر ایم بی میں فنانسنگ سہولیات تک رسائی جیسے اقدامات شامل ہیں۔

انہوں نے نشاندہی کی کہ پاکستان کے ریگولیٹری منظر نامے میں آر ایم بی دیگر عالمی کرنسیوں جیسے امریکی ڈالر، یورو اور جاپانی ین کے برابر کھڑا ہے۔ گوادر پرو کے مطابق انہوں نے مزید کہا کہ پاکستان میں سرکاری اور نجی دونوں شعبوں کے اداروں کو اپنے باہمی تجارت اور سرمایہ کاری کے معاملات میں آر ایم بی کا انتخاب کرنے کی آزادی ہے۔ انہوں نے کہا کہ چین کے ساتھ تجارت میں آر ایم بی کے استعمال کو فروغ دینے کے لئے اسٹیٹ بینک کی کوششوں کی بدولت ، چین سے آر ایم بی کی درآمدات میں نمایاں اضافہ ہوا ہے ، جو مالی سال 18 میں تقریبا 2 فیصد سے بڑھ کر مالی سال 22 میں تقریبا 18 فیصد ہوگئی ہے۔ گورنر اسٹیٹ بینک نے مقامی آر ایم بی کلیئرنگ سسٹم اور آر ایم بی میں تجارتی لین دین کے فوائد پر بھی تبادلہ خیال کیا۔ گوادر پرو کے مطابق انہوں نے کہا کہ ان فوائد میں مقامی بینکاری نظام کے لئے تیزی سے تبدیلی کا وقت اور لاگت میں کمی، آر ایم بی تصفیے تک آسان رسائی، دوطرفہ تجارت کے لئے بہتر اور زیادہ مسابقتی قیمتوں کا آغاز اور پاکستانی کاروباری اداروں کے لئے نئی مارکیٹوں کا افتتاح شامل ہے۔ گوادر پرو کے مطابق انہوں نے چین کے ساتھ اقتصادی اور مالیاتی تعلقات کو مضبوط بنانے کے لئے پالیسی اور ریگولیٹری معاونت فراہم کرنے کے لئے اسٹیٹ بینک کے غیر متزلزل عزم کا اعادہ کیا جس سے بالآخر دونوں ممالک کے صارفین اور کاروباری اداروں کو فائدہ ہوگا۔

کریڈٹ: انڈیپنڈنٹ نیوز پاکستان-آئی این پی

محکمہ انسداد دہشتگردی (سی ٹی ڈی)پنجاب نے صوبے کے مختلف شہروں میں کارروائیاں کرتے ہوئے 10 دہشتگردوں کو گرفتار کرلیا۔ ترجمان سی ٹی ڈی کے مطابق لاہور سے کا لعدم ٹی ٹی پی کا کمانڈر 4 ساتھیوں سمیت پکڑا گیا جبکہ رحیم یارخان، بہاولپور اور سرگودھا سے بھی 5 دہشتگردوں کو گرفتار کر لیا گیا۔ دہشتگرد قاسم افغانی تخریب کاری کی منصوبہ بندی بناچکا تھا۔ حکام کے مطابق دہشتگردوں سے بارودی مواد، ہینڈگرینیڈ، اسلحہ، موبائل فون اورنقدی برآمد کرلیا گیا، گرفتاردہشتگرد اہم تنصیبات پرحملے کی منصوبہ بندی کررہے تھے۔ اعلامیے میں مزید کہا گیا ہے کہ محکمہ انسداد دہشتگردی (سی ٹی ڈی )پنجاب نے صوبے کے مختلف شہروں میں رواں ہفتے359 کومبنگ آپریشنز کے دوران225مشتبہ افراد گرفتار کیے۔

کریڈٹ: انڈیپنڈنٹ نیوز پاکستان-آئی این پی

لاہور کی انسداد دہشت گردی عدالت نے جناح ہاوس جلاو گھیرا وکے مقدمے میں عمرسرفراز چیمہ سمیت 153 ملزمان کے جوڈیشل ریمانڈ میں توسیع کردی۔ پولیس نے جوڈیشل ریمانڈ مکمل ہونے کے بعد ملزمان کو عدالت میں پیش کیا جبکہ اعجاز چودھری کو طبیعت ناسازی کے باعث پیش نہ کیا جاسکا۔ عدالت نے ملزمان کے جوڈیشل ریمانڈ میں 11 نومبر تک توسیع کر دی، پولیس نے ملزمان کے جوڈیشل ریمانڈ میں توسیع کی استدعا کی تھی، ملزمان کے خلاف تھانہ سرور روڈ پولیس نے مقدمہ درج کیا ہے۔

کریڈٹ: انڈیپنڈنٹ نیوز پاکستان-آئی این پی

نگران وزیر اعظم انوار الحق کاکڑ (کل)پیر کو دو روزہ دورے پر لاہور پہنچیں گے۔ نگران وزیراعظم پیر اور منگل کو لاہور میں مختلف اجلاسوں کی صدارت کریں گے، صوبے میں امن و امان کی صورتحال پر بھی جائزہ اجلاس کی صدارت کریں گے۔ نگران وزیر اعظم سے گورنر اور نگران وزیر اعلی پنجاب بھی ملاقاتیں کریں گے۔

کریڈٹ: انڈیپنڈنٹ نیوز پاکستان-آئی این پی

اسلام آباد ہائیکورٹ نے قائد مسلم لیگ ن نواز شریف کے خلاف دائر توہین عدالت کی درخواست سماعت کیلئے مقرر کر دی۔ چیف جسٹس اسلام آباد ہائیکورٹ عامر فاروق 2018 سے زیرسماعت توہین عدالت کی درخواست پر 15 نومبر کو سماعت کریں گے۔ واضح رہے کہ نوازشریف کے خلاف عدلیہ مخالف تقاریر کرنے پر توہین عدالت کی درخواست مقامی شہری عدنان اقبال نے دائر کی تھی۔ درخواست میں قائد مسلم لیگ ن نوازشریف کے خلاف 2018 کے بیانات پر توہین عدالت کی کارروائی کی استدعا کی گئی۔

کریڈٹ: انڈیپنڈنٹ نیوز پاکستان-آئی این پی

حضرت نظام الدین اولیا کے 720 ویں سالانہ عرس میں شرکت کے لیے بھارتی حکومت کی طرف سے ابھی تک پاکستانی زائرین کو ویزے نہیں مل سکے ہیں۔ عرس کی تقریبات بھارتی دارالحکومت میں شروع ہو گئی ہیں جو 5 نومبر تک جاری رہیں گی، جس میں شرکت کے لیے 250 پاکستانی زائرین نے ہفتہ کو واہگہ کے راستے بھارت روانہ ہونا تھا لیکن انہیں ابھی تک بھارتی ہائی کمیشن کی طرف سے ویزا نہیں مل سکا ہے۔ پاکستانی زائرین نے وزارت مذہبی امور وبین المذاہب ہم آہنگی کے ذریعے درخواستیں جمع کروائی تھیں۔ درخواست دہندگان کو ہدایت کی گئی تھی کہ وہ حاجی کیمپ لاہور پہنچیں اور یہاں سے اپنی سفری دستاویزات وصول کرلیں۔ گزشتہ روز زائرین کی بڑی تعداد حاجی کیمپ لاہور میں پہنچی اور رات گئے تک پاسپورٹ ملنے کا انتظار کرتی رہی لیکن بھارتی ہائی کمیشن کی طرف سے پاسپورٹ واپس نہیں بھیجے گئے۔وفاقی وزارت مذہبی امور کے حکام نے بتایا کہ زائرین کے ویزوں کے حوالے سے وزارت خارجہ کے توسط سے بھارتی سفارتخانے سے رابطہ کیا گیا ہے لیکن ابھی تک بھارتی سفارتخانے نے پاکستانی زائرین کو ویزے دینے یا ان کی درخواستیں مسترد ہونے سے متعلق کچھ نہیں بتایا ہے ۔ تمام زائرین کو پیغام پہنچایا جارہا ہے کہ ابھی حاجی کیمپ لاہور نہ پہنچیں۔جب ویزے مل جائیں گے تو تمام زائرین کو بذریعہ ایس ایم ایس اطلاع کردی جائے گی۔ ادھر بھارتی سفارتخانے کے ذرائع نے بتایا کہ انہیں ابھی تک پاکستانی زائرین کو ویزے دینے سے متعلق نئی دہلی سے اجازت نہیں مل سکی۔ واضح رہے کہ 1974 کے پاک بھارت مذہبی سیاحت کے معاہدے کے تحت بھارت حضرت نظام الدین اولیا کے عرس میں شرکت کے لیے 250 پاکستانی زائرین کو ویزے دینے کا پابند ہے لیکن بھارتی سفارتخانے کی طرف سے پاکستانی زائرین کو ویزے فراہم کرنے میں اکثر تاخیر کی جاتی ہے یا پھر عین موقع پر ویزے جاری کرنے سے انکار کر دیا جاتا ہے۔ دوسری جانب پاکستان مذہبی سیاحت کے اسی معاہدے کے تحت نومبر میں 3 ہزار بھارتی سکھ یاتریوں کو باباگورونانک دیو جی کے جنم دن کی تقریبات میں شرکت کے لیے ویزے جاری کرے گا۔

کریڈٹ: انڈیپنڈنٹ نیوز پاکستان-آئی این پی

مختلف ممالک سے ڈی پورٹ کیے جانے والے پاکستانیوں اور ائیرپورٹ پر روکے گئے مسافروں کو24 گھنٹے سے زیادہ تحویل میں نہیں رکھا جائے گا ۔ ڈپٹی ڈائریکٹر امیگریشن کراچی کے مطابق کراچی ائیرپورٹ پر پہنچے دونوں طرح کے مسافروں اور ڈی پورٹ پاکستانیوں کو اب ایف آئی اے امیگریشن کی تحویل میں 24 گھنٹے سے زیادہ نہیں رکھا جائے گا۔ ایسے افراد جو ڈی پورٹ ہو کر کراچی لائے جاتے ہیں یا کراچی سے کسی بھی ملک جاتے ہوئے ائیرپورٹ پر روکے جاتے ہیں اور وہ کراچی سے باہر کی پولیس کو مطلوب ہوں گے ایسے افراد کو 24 گھنٹے میں متعلقہ ملزم کی کسٹڈی لینا لازم قرار دی گئی ہے اور کسٹڈی نہ لینے کی صورت میں ان ملزمان کو 24 گھنٹے بعد کراچی ائیرپورٹ پولیس کے سپرد کر دیا جائے گا۔ ڈپٹی ڈائریکٹر امیگریشن نے بتایا کہ کراچی سے باہر کی پولیس کو مطلوب مختلف ملزمان کو کراچی ائیر پورٹ پولیس کے حوالے کیا جائے گا، ائیرپورٹ پولیس سیکرٹری داخلہ کے ذریعے ملزمان کو متعلقہ پولیس کے حوالے کرنے کی کارروائی کرے گی اور کراچی کے رہائشی ڈی پورٹ افراد یا ائیرپورٹ پر روکے گئے مسافر کو حسب سابق انسداد انسانی اسمگلنگ سرکل کے سپرد کیا جائے گا۔

کریڈٹ: انڈیپنڈنٹ نیوز پاکستان-آئی این پی

چیئرمین پی ٹی آئی عمران خان نے ہر ہفتے بیٹوں سے بات کرنے کے لیے عدالت سے رجوع کرلیا۔ چیئرمین پی ٹی آئی کی جانب سے ان کے وکلا نے درخواست آفیشل سیکرٹ ایکٹ خصوصی عدالت کے عملے کو جمع کرائی جس میں کہا گیا ہیکہ عدالت نے 21 اکتوبر کو چیئرمین پی ٹی آئی کی بیٹوں سے بات کرانیکا حکم دیا، سپرنٹنڈنٹ اڈیالہ جیل نے چیئرمین پی ٹی آئی کی بیٹوں سے بات کرائی جب کہ گزشتہ ہفتے کی طرح آج چیئرمین پی ٹی آئی کی بیٹوں سے بات نہیں کرائی جارہی۔ درخواست میں کہا گیا ہے کہ چیئرمین پی ٹی آئی کا اپنے بیٹوں قاسم خان اور سلیمان خان سے بات کرنا حق ہے لہذا ہرہفتے کے روز چیئرمین پی ٹی آئی کی بیٹوں سے بات کرانیکا حکم دیا جائے۔ چیئرمین پی ٹی آئی کے وکیل نے درخواست عدالتی عملیکوجمع کرادی تاہم جج ابوالحسنات کی عدم دستیابی کے باعث درخواست پر کارروائی نہ ہوسکی۔

کریڈٹ: انڈیپنڈنٹ نیوز پاکستان-آئی این پی

سپریم کورٹ میں نیب ترامیم فیصلے کیخلاف انٹرا کورٹ اپیل سماعت کیلئے مقرر کر دی گئی۔ وفاقی حکومت کی جانب سے دائر کی گئی انٹرا کورٹ اپیل پر سماعت منگل کو ہوگی۔ چیف جسٹس قاضی فائز عیسی کی سربراہی میں 5 رکنی لارجر بنچ سماعت کرے گا، جسٹس امین الدین، جسٹس جمال خان اور جسٹس اطہر من اللہ بنچ میں شامل ہونگے، جسٹس حسن اظہر رضوی بھی لارجر بنچ کا حصہ ہونگے۔ سپریم کورٹ نے حکومت کی اپیل پر مقدمے کے وکلا کو نوٹسز جاری کر دیئے۔ خیال رہے کہ سابق چیف جسٹس عمر عطا بندیال نے پارلیمنٹ کی جانب سے منظور کردہ نیب ترامیم کو کالعدم قرار دیا تھا جس کے بعد سابق صدر اور 6 سابق وزرائے اعظم سمیت درجنوں سیاستدانوں کے مقدمات دوبارہ احتساب عدالتوں کو بھیج دیئے گئے تھے۔

کریڈٹ: انڈیپنڈنٹ نیوز پاکستان-آئی این پی

مسلم لیگ ن کے سینئر رہنما اور سابق وفاقی وزیر میاں جاوید لطیف نے کہا ہے کہ پاکستان میں صرف نواز شریف پر اعتماد کیا جا سکتا ہے، لوگوں میں جو فاصلے پیدا کر دیئے گئے انہیں نواز شریف ہی ختم کر سکتے ہیں۔ اسلام آباد میں پریس کانفرنس کرتے ہوئے میاں جاوید لطیف نے کہا کہ ماضی میں نون لیگ کی قیادت کو جھوٹے کیسز میں پابند سلاسل کیا گیا، نوازشریف کو نا اہل کر کے پاکستان کی معیشت کو ڈبو دیا گیا، کیا قائد ن لیگ کا پاناما میں ذکر تھا، ہماری پارٹی کے خلاف مہم پر اربوں روپے خرچ کئے گئے۔ انہوں نے کہا کہ کچھ دانشور اور تجزیہ نگار ایسا بیانیہ اور ماحول بنا رہے ہیں جیسے ہمیں انصاف نہیں فیور دی جا رہی ہے، قوم کو یاد ہے کہ پی ٹی آئی کے سابق صدر جاوید ہاشمی نے پہلے ہی بتا دیا تھا کہ نواز شریف کو عدلیہ کے ذریعے نکالا جائے گا۔ لیگی رہنما کا کہنا تھا کہ اربوں روپے خرچ کر کے سوشل میڈیا ٹیموں کے ذریعے ہمیں چور اور ڈاکو کے لقب دلوائے گئے، سوشل میڈیا پر قوم بالخصوص نوجوانوں کی ذہن سازی کی گئی کہ ایک فرد کے علاوہ سب چور ڈاکو ہیں، کیا ہمارے ساتھ ناانصافی کو تمام غیر جانبدار تجزیہ نگار اور دانشور تسلیم نہیں کرتے۔ انہوں نے کہا کہ ہم کسی سے انتقام نہیں لینا چاہتے، ہم آئین کا تحفظ چاہتے ہیں، پی ٹی آئی چیئرمین جسے چور ڈاکو کہتے تھے وہ بھی کہہ رہے انصاف نہیں ہو رہا، انصاف ہر وقت فاسٹ ٹریک پر ہونا چاہیے، ہم وینٹی لیٹر پر پڑی معیشت کو دیکھ رہے ہیں، آج پاکستان کے اندر دو طرح کے طبقوں کو سہولت دی جارہی ہے، ایک عالمی قوت کے اعلی کار ہیں جن کے کالے کرتوتوں پر پردہ ڈالا ہوا ہے۔ میاں جاوید لطیف کا مزید کہنا تھا کہ باوقار ریاست کے طور پر نواز شریف ہی دنیا میں پاکستان کو آگے لیکر جاسکتے ہیں، اداروں سے گزارش ہے کہ خدا کیلئے پاکستان پر رحم کریں، ووٹ کو عزت دیں، جتنا جلدی ہو الیکشن کروائے جائیں، قبولیت پر سودے بازی نہ کی جائے، جتنا جلدی ہو جن کا مینڈیٹ ہے انہیں آنے دیا جائے۔

کریڈٹ: انڈیپنڈنٹ نیوز پاکستان-آئی این پی

گوجرانوالہ کی عدالت نے مسلم لیگ ن کے رہنما کیپٹن (ر)صفدر کے خلاف بغاوت کے مقدمے کا فیصلہ محفوظ کر لیا۔ جوڈیشل مجسٹریٹ فیصل الاسلام نے کیپٹن(ر)صفدر پر بغاوت کے کیس کیس کی سماعت کی، عدالت نے فریقین کے دلائل مکمل ہونے کے بعد فیصلہ محفوظ کر لیا۔ واضح رہے کہ کیپٹن(ر)صفدر پر مقدمہ 3 اکتوبر 2020 کو درج کیا گیا تھا، ان کیخلاف درج ایف آئی آر میں اشتعال انگیز تقاریر اور بغاوت کا الزام ہے۔ عدالت کے باہر میڈیا سے گفتگو کرتے ہوئے (ر)صفدر نے کہا کہ آج اس مقدمے کا فیصلہ ہو جائے گا، ہم انتظار کر رہے ہیں، فیصلہ پاکستان کی عدالتی تاریخ میں ایک ریکارڈ ہو گا۔

کریڈٹ: انڈیپنڈنٹ نیوز پاکستان-آئی این پی

قومی ایئر لائنز (پی آئی اے) کا مالی بحران سے جڑا ایندھن کا مسئلہ تاحال ٹھیک نہ ہوسکا جس کے باعث 2 ہفتوں سے پروازوں کا شیڈول درہم برہم ہو کر رہ گیا ہے۔ ذرائع کے مطابق پی آئی اے کا ہفتہ کو بھی ملک بھر میں 40 سے زائد پروازوں کا شیڈول متاثر ہوا ہے، کراچی سے تربت، اسلام آباد، لاہور، جدہ، کوئٹہ اور سکھر کی دوطرفہ 16 پروازیں منسوخ ہو گئی ہیں۔ اسی طرح پی آئی اے کی پشاور سے ابوظہبی، ریاض، دبئی اور دوحہ کی دوطرفہ 10 پروازیں بھی منسوخ کر دی گئی ہیں۔ سب سے زیادہ اسلام آباد کی 18 منسوخ پروازوں میں دبئی کی 4 پی کے 233، 234، 211، 312، جدہ کی پی کے 760، گلگت کی پی کے 601، 602، 605 اور 606، سکردو کی پی کے 451، 452، کوئٹہ کی پی کے 325، 326، تربت کی پی کے 509، 510، مسقط کی پی کے 291، القسیم کی پی کے 168، ابوظہبی کی پی کے 262 شامل ہیں۔ ملتان سے القسیم کی پی کے 169، دبئی کی پی کے 221، 222 اور مسقط کی پی کے 172 بھی منسوخ پروازوں کی فہرست میں شامل ہیں۔ لاہور سے شارجہ کی پی کے 185، 186، دبئی کی پی کے 203، 204، جدہ کی پی کے 731، 839، باکو کی پی کے 159، دمام کی پی کے 248 منسوخ ہیں، اس کے علاوہ سیالکوٹ سے شارجہ کی پی کے 209، 210 اور دبئی کی پی کے 180 بھی اڑان نہیں بھر سکیں۔

کریڈٹ: انڈیپنڈنٹ نیوز پاکستان-آئی این پی

سندھ ہائی کورٹ نے لاپتہ افراد کی بازیابی کیس میں سیکرٹری داخلہ سندھ کو ذاتی حیثیت میں طلب کر لیا۔ سندھ ہائی کورٹ میں 2 بچوں سمیت دیگر لاپتہ افراد کی بازیابی سے متعلق درخواستوں پر جسٹس امجد علی سہتو نے سماعت کی۔ عدالت عالیہ نے محکمہ داخلہ سندھ کی رپورٹ پر عدم اطمینان کا اظہار کرتے ہوئے 2 نومبر کو سیکرٹری داخلہ سندھ کو ذاتی حیثیت میں طلب کر لیا۔ عدالت نے وفاقی سیکرٹری داخلہ سے بھی جبری گمشدگی کی نشاندہی اور اہل خانہ کو معاوضہ دینے سے متعلق رپورٹ طلب کر لی۔ سماعت کے دوران درخواست گزار خاتون نے عدالت میں کہا کہ 8 سال سے شوہر لاپتہ ہیں، کوئی نہیں سنتا، ہماری کوئی سفارش بھی نہیں جس پر جسٹس امجد علی سہتو نے ریمارکس میں کہا کہ ہم کسی کی سفارش سنتے بھی نہیں۔ عدالت نے اپنے ریمارکس میں مزید کہا کہ عدالت تمام لاپتہ افراد کو بازیاب کرانے کی کوشش کر رہی ہے۔ بعد ازاں سندھ ہائی کورٹ نے لاپتہ افراد کو ہر ممکن صورت بازیاب کرانے کا حکم دیتے ہوئے سماعت 2 نومبر تک ملتوی کر دی۔

کریڈٹ: انڈیپنڈنٹ نیوز پاکستان-آئی این پی

چیئرمین پی ٹی آئی سے کون سے 10 وکلا جیل میں ملاقات کر سکیں گے؟ سپرنٹنڈنٹ اڈیالہ جیل نے چیئرمین پی ٹی آئی سے پوچھ کر فہرست اسلام آباد ہائیکورٹ میں جمع کرا دی۔ عدالت میں جمع کرائی گئی فہرست کے مطابق منگل اور جمعرات کو چیئرمین پی ٹی آئی سے ملاقات کرنے والے وکلا میں حامد خان، بیرسٹر علی ظفر، شعیب شاہین، شیر افضل مروت، سلمان صفدر، بیرسٹر عمیر نیازی کے نام شامل ہیں۔ سلمان اکرم راجہ، بیرسٹر گوہر، برہان معظم، لطیف خان کھوسہ بھی چیئرمین پی ٹی آئی سے ملاقات کر سکیں گے۔ سپرنٹنڈنٹ اڈیالہ جیل کے اقدام پر چیئرمین پی ٹی آئی کے وکلا نے اطمینان کا اظہار کیا ہے۔ اسلام آباد ہائیکورٹ نے سہولیات فراہمی درخواست نمٹانے کا تحریری حکم جاری کر دیا۔

کریڈٹ: انڈیپنڈنٹ نیوز پاکستان-آئی این پی

نگران وزیراعظم انوار الحق کاکڑ نے (کل)پیر کو وفاقی کابینہ کا اجلاس طلب کرلیا۔ اجلاس میں ملک کی معاشی و سیاسی صورتحال کا جائزہ لیا جائے گا جبکہ کابینہ کی اقتصادی رابط کمیٹی کی سفارشات کی منظوری بھی دی جائے گی۔ کابینہ اجلاس میں گیس کی قیمتوں میں ہوشربا اضافے سے متعلق بھی ای سی سی کے فیصلے کی توثیق ہو گی، غیر قانونی تارکین وطن کی واپسی کے حوالے سے پیش رفت کا جائزہ لیا جائے گا۔ غیر قانونی معاشی سرگرمیوں کے خلاف جاری آپریشنز کے نتائج سے بھی وفاقی کابینہ کو آگاہ کیا جائے گا، آئی ایم ایف حکام کے ساتھ نومبر میں مذاکرات کے ایجنڈے سے متعلق بھی بریفنگ دی جائے گی جبکہ ملک میں امن وامان کی صورتحال کا بھی جائزہ لیا جائے گا۔

کریڈٹ: انڈیپنڈنٹ نیوز پاکستان-آئی این پی

بیماریوں کے کنٹرول اور روک تھام کے امریکی ادارے (سی ڈی سی) کے محققین نے ملک بھر میں حفظان صحت کے کارکنان کی ذہنی حالت کے حوالے سے وارننگ جاری کی ہے۔ 2018 اور 2022 کے درمیان ملک گیر سروے کے اعداد و شمار کا استعمال کرتے ہوئے ادارے کی ایک نئی رپورٹ میں پتا چلا ہے کہ تقریبا نصف ہیلتھ ورکرز نے 2022 میں ذہنی، جسمانی اور جذباتی تنا کی اطلاع دی۔ رپورٹ میں اس بات کا بھی انکشاف ہوا کہ حفظان صحت کے کارکنان کی جانب سے کام پر ہراساں کیے جانے کی رپورٹس بھی پہلے سے دگنی ہیں۔حال ہی جاری ہونے والی رپورٹ میں یہ بھی بتایا گیا ہے کہ صحت کے کارکنوں کو دیگر صنعتوں کے ملازمین کے مقابلے میں دماغی صحت کے بدترین نتائج کا سامنا کرنا پڑتا ہے۔ یہ نتائج امریکی تاریخ میں ہیلتھ کیئر ورکرز کی سب سے بڑی ہڑتال کے بعد سامنے آئے ہیں جس میں 75,000 ہیلتھ کیئر ملازمین نے پانچ ریاستوں اور ڈسٹرکٹ آف کولمبیا میں واک آؤٹ کے دوران حد درجہ جسمانی ذہنی بڑھتا تنا اور عملے کی دائمی کمی کا حوالہ دیا۔

کریڈٹ: انڈیپنڈنٹ نیوز پاکستان-آئی این پی

بھارت کے ارب پتی تاجر مکیش امبانی کو 20 کروڑ روپے نہ دینے کی صورت میں قتل کرنے کی دھمکی دی گئی ہے۔ بھارتی میڈیا کے مطابق پولیس کا کہنا ہے کہ مکیشن امبانی کو ای میل پر موصول دھمکی میں کہا گیا ہے کہ 20 کروڑ روپے ادا کرو ورنہ ہمارے پاس بھارت کے بہترین شوٹرز ہیں۔ مکیشن امبانی کے سکیورٹی انچارج کی درخواست پر ممبئی پولیس نے نامعلوم شخص کے خلاف مقدمہ درج کر کے واقعے کی تحقیقات کا آغاز کر دیا ہے۔

کریڈٹ: انڈیپنڈنٹ نیوز پاکستان-آئی این پی

کونسل آف خالصتان کے سربراہ ڈاکٹر بخشیش سنگھ سندھو نے کہا ہے کہ ہردیپ سنگھ پر چلنے والی گولیاں بھارت کے تابوت میں آخری کیلیں ثابت ہونگی۔ کینیڈا کے صوبے برٹش کولمبیا کے گرونانک سکھ گوردوارہ میں 29 اکتوبر کو خالصتان ریفرنڈم ووٹنگ میں ہزاروں سکھوں کی شرکت متوقع ہے۔ اسی گوردوارہ میں 18 جون کو بھارتی حکومت کے اہلکاروں نے ہردیپ سنگھ نجر کو درجنوں گولیاں مار کر قتل کردیا تھا اور کینیڈین وزیراعظم نے بھارتی حکومت پر ڈائریکٹ ہردیپ سنگھ اور دیگر رہنماں کو دھمکانے پر الزام لگایا تھا۔ اتوار کو سکھ ریکارڈ تعداد میں بھارت کے خلاف اپنا حق رائے دہی استعمال کرکے فیصلہ سنائیں گے۔ کونسل آف خالصتان کے سربراہ ڈاکٹر بخشیش سنگھ سندھو کی جانب سے جاری بیان میں کہا گیا ہیکہ ہردیپ سنگھ نجر کے قتل نے تحریک خالصتان میں نئی روح پھونک دی ہے، کینیڈین وزیراعظم نے ہمارے خدشات کی تصدیق کردی ہے کہ بھارت سکھوں کی نسل کشی کے مصروف ہے۔ انہوں نے کہا کہ اب یہ پوری دنیا پر عیاں ہے کہ بھارت سکھوں کے قتل عام میں ملوث ہے، ہردیپ سنگھ نجر کے ریاستی قتل پر دنیا بھر کے سکھ غم و غصے سے دو چار ہیں، ہردیپ کو لگنے والی گولی ہر سکھ کو چھلنی کرگئی، یہ گولیاں بھارت کے تابوت میں آخری کیلیں ثابت ہوں گی۔ انہوں نے مزید کہا کہ ریفرنڈم کے ذریعے سکھ بھارت سے آزادی حاصل کرکے اپنا الگ وطن خالصتان قائم کرنا چاہتے ہیں، بھارت نے ہردیپ سنگھ کو قتل کرکے اپنے پاں پر کلہاڑی ماری ہے، ہم ہردیپ کے خون کو رائیگاں نہیں جانے دیں گے۔

کریڈٹ: انڈیپنڈنٹ نیوز پاکستان-آئی این پی

اسرائیل غزہ کوصفحہ ہستی سے مٹانے کی کوششیں ، زمینی فوج غزہ میں داخل ہوچکی ہے اور سمندر میں موجود بحریہ کی کشتیوں اور طیاروں سے اب تک کی سب سے زیادہ تباہ کن بمباری جاری ہے۔ غزہ پراسرائیلی بمباری سے مزید 300 فلسطینی شہید ہوگئے، اقوام متحدہ کی ریلیف ایجنسی کے 53 اہلکاروں سمیت شہدا کی مجموعی تعداد ساڑھے 7 ہزار کے قریب پہنچ گئی ہے۔ اقوام متحدہ کی ریلیف ایجنسی کے 15 اہلکار صرف ایک ہی روز میں مارے جا چکے ہیں جب کہ اب تک مجموعی طور پر 21 ہزار سے زائد فلسطینی اسرائیلی حملوں میں زخمی ہوچکے ہیں۔ اسی دوران عرب ٹی وی کے صحافی کی متاثرہ ترین علاقے خان یونس سے سیٹیلائٹ کے ذریعے رپورٹنگ جاری ہے، انہوں نے بتایا کہ غزہ کے شہری تنہا ہیں، بمباری ہی بمباری ہے۔ رپورٹر کے مطابق لوگ ایک دوسرے سے رابطہ کرنے سے قاصر ہیں۔ دوسری جانب اسرائیلی فوج نے امریکی اور فرانسیسی خبررساں اداروں کوبھی خبردار کردیا ہیکہ ان کے صحافیوں کی سکیورٹی کی یقین دہانی نہیں کرائی جاسکتی۔

کریڈٹ: انڈیپنڈنٹ نیوز پاکستان-آئی این پی

ورلڈکپ میچز کی میزبانی سے قبل ایڈن گارڈنز کولکتہ کی بیرونی دیوار کا ایک حصہ گرگیا۔ کرکٹ ایسوسی ایشن آف بنگال کا کہنا ہے کہ تعمیراتی کام کے دوران ایک ارتھ موونگ مشین دیوار سے ٹکرائی جس وہ ٹوٹ گئی، یہاں پر ورلڈکپ کے 5 میں سے پہلا میچ ہفتے کے روز بنگلہ دیش اور نیدرلینڈز کے درمیان ہو گا۔ حکام کا کہنا ہے کہ اس دیوار کو جلد سے جلد ٹھیک کرنے کا کام تیزی سے جاری ہے۔ واضح رہے کہ لکھن میں کھیلے گئے آسٹریلیا اور سری لنکا کے درمیان ورلڈکپ میچ کے دوران ایکانا اسٹیڈیم میں تیز ہوائیں چلنے سے ہورڈنگز اسٹینڈز پر گر پڑے تھے۔

کریڈٹ: انڈیپنڈنٹ نیوز پاکستان-آئی این پی

بھارت کی سیاحت پر آنے والی ایک ڈچ خاتون واپس اپنے وطن لوٹ رہی تھیں جب انہوں نے ایک آوارہ کتیا کو اسکا ویزا بنوا کر اپنے ساتھ لے کر جانے کا فیصلہ کیا۔ بھارتی میڈیا کے مطابق ایمسٹرڈیم کی رہنے والی میرل بونٹنبل وارانسی میں چہل قدمی کر رہی تھیں جب ان کے پیچھے جیا نامی کتیا آئی۔ خاتون نے کہا کہ جب کتیا نے ہر جگہ ان کا پیچھا کرنا شروع کردیا تب انہوں نے کتیا کے ساتھ دوستی کرلی۔ ایک دن جیا پر ایک اور آوارہ کتے نے حملہ کر دیا تاہم ایک سکیورٹی گارڈ نے مداخلت کر کے اسے بچا لیا۔ میرل نے ابتدائی طور پر کتیا کو گود لینے کا ارادہ نہیں کیا تھا لیکن وہ چاہتی تھیں کہ وہ محفوظ اور سڑکوں سے دور رہے۔میرل کو جیا کے پاسپورٹ اور ویزا کے بندوبست کے لیے بھارت میں اپنا قیام چھ ماہ تک بڑھانا پڑا۔ انہوں نے ایک نیوز ویب سائٹ کو بتاتے ہوئے کہا کہ میں پرجوش ہوں کہ آخر کار اسے اپنے ساتھ لے جارہی ہوں۔ یہ ایک طویل عمل تھا لیکن مقصد کے آگے کچھ نہیں تھا۔ میں ہمیشہ سے ایک کتیا رکھنا چاہتی تھی اور جب پہلی بار جیا مجھ سے ملی تو مجھے اس سے پیار ہو گیا۔

کریڈٹ: انڈیپنڈنٹ نیوز پاکستان-آئی این پی

اسکاٹ لینڈ کے فرسٹ منسٹر حمزہ یوسف نے کہا ہے کہ دعا ہی کرسکتے ہیں کہ غزہ میں پھنسے خاندان والے حیات ہوں۔ اسکاٹش فرسٹ منسٹر حمزہ یوسف نے ٹوئٹر پر بیان میں کہا کہ غزہ پر شدید بمباری جاری ہے۔ غزہ میں مواصلاتی رابطے کاٹ دئیے گئے ہیں اس لیے خاندان والوں سے رابطہ نہیں ہو پا رہا۔ تین ہفتوں سے غزہ میں پھنسے خاندان کے افراد کے لیے اب صرف دعا ہی کی جا سکتی ہے۔ حمزہ یوسف کا مزید کہنا تھا کہ دنیا کو جھنجھوڑنے اور غزہ کی صورتحال پر کارروائی کرنے کے لیے مزید کتنے بچوں کو اپنی جان قربان کرنا ہوگی۔

کریڈٹ: انڈیپنڈنٹ نیوز پاکستان-آئی این پی