چین، دارالحکومت بیجنگ میں منعقدہ 2023 چائنہ بین الاقوامی نمائش برائے تجارتی خدمات  کے دوران ماحولیاتی خدمات کی نمائش میں "شہری توانائی" کے موضوع پر مبنی ایک بوتھ کو دیکھا جاسکتا ہے۔ (شِنہوا)

چین، شمالی مشرقی صوبے لیاؤننگ کے شہر پان جن میں لیاؤ ہی ویٹ لینڈ پارک میں لوگ لالٹین شو دیکھ رہے ہیں۔ (شِںہوا)

چین ، شمالی اندرون منگولیا خوداختیار خطے کی ہنگ گان لیگ کے آرشان میں چائنہ (آرشان) سیاحتی کانفرنس 2023 کے دوران  آتش بازی کی جارہی ہے۔(شِنہوا)

بیجنگ (شِنہوا) چین کے صدر شی جن پھنگ نے کہا ہے کہ  ان کا ملک عالمی معیشت کو پائیدار بحالی کی راہ پر گامزن کرنے کے لیے باقی دنیا کے ساتھ مشترکہ کوششیں کرتے ہوئے چین کی جدید یت مہم کی کامیابیوں کا اشتراک کرے گا۔ چینی صدرنے ان خیالات کا اظہار چائنہ انٹرنیشنل فیئرفارٹریڈ ان سروسز 2023کے عالمی تجارتی سربراہی اجلاس سے بذریعہ ویڈیو خطاب کرتے ہوئے کیا۔ صدر شی نے کہا کہ چین ملکی طلب میں اضافہ کرنے ، مضبوط مقامی مارکیٹ کی تعمیر کو تیز ، اعلیٰ معیار کی خدمات کی درآمدات میں اضافے اور علم پر مبنی خدمات کی مزید برآمدات کی حوصلہ افزائی کرے گا۔ چینی صدر نے کہا کہ چین  اپنی وسیع مارکیٹ سے پیدا ہونے والے مواقع کے ساتھ عالمی ترقی کے لیے نئی تحریک پیدا کرے گا اور دنیا بھر کے لوگوں کے فائدے حاصل کرنے کے احساس کو بڑھانے کے لیے اعلیٰ معیار کی ترقی کے ذریعے دنیا کو زیادہ اور بہتر  خدمات فراہم کرے گا۔ 

بیجنگ(شِنہوا) چین نے کہا ہے کہ امریکہ کے ساتھ  مقابلہ بازی سے  دوطرقہ تعلقات کو فائدہ کے بجائےنقصان ہوتا ہے اور تعاون کی خواہش چوائس کی بجائے دونوں ممالک کی ایک ضرورت ہے۔

دونوں ممالک کے درمیان مسابقت اور تعاون کے بارے میں امریکی میڈیا رپورٹس کے بارے ایک  سوال کا جواب دیتے ہوئے چینی وزارت خارجہ کے ترجمان وانگ وین بن نے کہا کہ حقائق نے ایک بار پھر ثابت کیا ہے کہ  دونوں ممالک کو تعاون سے فائدہ ہوا ہے اور تصادم سے نقصان پہنچا۔

وانگ نے کہا کہ فی الحال، جب بھی امریکہ چین کے ساتھ اپنے تعلقات کے بارے میں بات کرتا ہے، وہ مسابقت کا ذکر کرتا ہے، گویا چین-امریکہ۔ تعلقات بنیادی طورصرف اور صرف مقابلہ  بازی کی حد تک رہ گئے ہیں۔

ترجمان نے کہا کہ چین کا رویہ اور پوزیشن واضح ہے۔ مسابقت سے ایک دوسرے کی ترقی اور بہتری کو فروغ دینے اور دونوں ممالک اور وسیع تر دنیا کے مشترکہ مفادات اور خواہشات کو پورا کرنے میں مدد ملنی چاہیے۔ یہ دوسری طرف جانے یا ایک دوسرے کو ناکام کرنے کے لیے ہر ممکن طریقے استعمال کرنے کے بارے میں نہیں ہونی چاہیئے  ۔

بیجنگ(شِنہوا) چین نے کہا ہے کہ امریکہ کے ساتھ  مقابلہ بازی سے  دوطرقہ تعلقات کو فائدہ کے بجائےنقصان ہوتا ہے اور تعاون کی خواہش چوائس کی بجائے دونوں ممالک کی ایک ضرورت ہے۔

دونوں ممالک کے درمیان مسابقت اور تعاون کے بارے میں امریکی میڈیا رپورٹس کے بارے ایک  سوال کا جواب دیتے ہوئے چینی وزارت خارجہ کے ترجمان وانگ وین بن نے کہا کہ حقائق نے ایک بار پھر ثابت کیا ہے کہ  دونوں ممالک کو تعاون سے فائدہ ہوا ہے اور تصادم سے نقصان پہنچا۔

وانگ نے کہا کہ فی الحال، جب بھی امریکہ چین کے ساتھ اپنے تعلقات کے بارے میں بات کرتا ہے، وہ مسابقت کا ذکر کرتا ہے، گویا چین-امریکہ۔ تعلقات بنیادی طورصرف اور صرف مقابلہ  بازی کی حد تک رہ گئے ہیں۔

ترجمان نے کہا کہ چین کا رویہ اور پوزیشن واضح ہے۔ مسابقت سے ایک دوسرے کی ترقی اور بہتری کو فروغ دینے اور دونوں ممالک اور وسیع تر دنیا کے مشترکہ مفادات اور خواہشات کو پورا کرنے میں مدد ملنی چاہیے۔ یہ دوسری طرف جانے یا ایک دوسرے کو ناکام کرنے کے لیے ہر ممکن طریقے استعمال کرنے کے بارے میں نہیں ہونی چاہیئے  ۔

واشنگٹن(شِنہوا) امریکہ میں چینی سفارت خانے نے "چائنیز ڈانس سیلون" کا انعقاد کیا، جس میں بیجنگ ڈانس اکیڈمی کے نوجوان رقاصوں نے خصوصی پرفارمنس پیش کی۔  

  سفارت خانے کے وزیر جینگ چھوان نے اپنے  بیان میں کہا کہ چینی رقص اور رقاص طویل عرصے سے ثقافتی تبادلوں کو فروغ دینے اورچین اور امریکہ سمیت دنیا کے دیگر ممالک کے درمیان عوام کی عوام سے دوستی کو فروغ دینے  کے لیے ایک پل کا کردار ادا کررہے ہیں۔

چینی سفارت کار نے امید ظاہرکی کہ بیجنگ کے وفد اور نوجوان رقاصوں کے دورے سے بیجنگ اور واشنگٹن کے درمیان جڑواں شہروں کے تعلقات،تجارت، تعلیم، ثقافت اور نوجوانوں کے شعبوں میں تبادلوں اور تعاون کو فروغ ملے گا، دونوں ممالک  کےعوام کے درمیان باہمی مفاہمت اور دوستی میں اضافہ ہوگا تاکہ چین-امریکہ تعلقات میں مزید مثبت تحریک پید ا کی جاسکے۔

 مہمانوں نے شاندار ڈانس پرفارمنس کو دیکھا اور چین کے بہترین رقاصوں کو پرجوش تالیوں سے داد دی۔

واشنگٹن(شِنہوا) امریکہ میں چینی سفارت خانے نے "چائنیز ڈانس سیلون" کا انعقاد کیا، جس میں بیجنگ ڈانس اکیڈمی کے نوجوان رقاصوں نے خصوصی پرفارمنس پیش کی۔  

  سفارت خانے کے وزیر جینگ چھوان نے اپنے  بیان میں کہا کہ چینی رقص اور رقاص طویل عرصے سے ثقافتی تبادلوں کو فروغ دینے اورچین اور امریکہ سمیت دنیا کے دیگر ممالک کے درمیان عوام کی عوام سے دوستی کو فروغ دینے  کے لیے ایک پل کا کردار ادا کررہے ہیں۔

چینی سفارت کار نے امید ظاہرکی کہ بیجنگ کے وفد اور نوجوان رقاصوں کے دورے سے بیجنگ اور واشنگٹن کے درمیان جڑواں شہروں کے تعلقات،تجارت، تعلیم، ثقافت اور نوجوانوں کے شعبوں میں تبادلوں اور تعاون کو فروغ ملے گا، دونوں ممالک  کےعوام کے درمیان باہمی مفاہمت اور دوستی میں اضافہ ہوگا تاکہ چین-امریکہ تعلقات میں مزید مثبت تحریک پید ا کی جاسکے۔

 مہمانوں نے شاندار ڈانس پرفارمنس کو دیکھا اور چین کے بہترین رقاصوں کو پرجوش تالیوں سے داد دی۔

وزیر مملکت برائے سیاحت وصی شاہ نے کہا ہے کہ پاکستان کے شمالی علاقہ جات میں سیاحت کے صنعت کے شعبے میں  بیرونی سرمایہ کاری کے وسیع مواقع موجود ہیں۔ ان علاقوں میں سیاحوں کو جدید سہولیات فراہم کر کے بیرونی سیاحوں کو متوجہ کیا جا سکتا ہے۔ انہوں نے کہا کہ سکردو میں بچوں کے لئے پہلے تھیم پارک کا جلد سنگِ بنیاد رکھا جائے گا۔ ان خیالات کا اظہار انُہوں نے اپنے دفتر میں برطانیہ سے آئے ووکنگ بورو کونسل برطانیہ کے میئر محمد الیاس کی سربراہی میں وفد سے ملاقات کے دوران کیا۔ وفد میں معروف بزنس مین صابر حسین ،سیف اللہ سیف ایڈیٹر ان چیف روزنامہ مرکز، امریکا شامل تھے۔  وزیر ممُلکت برائے سیاحت وصی شاہ نے ووکنگ بورو کونسل برطانیہ کے میئر محمد الیاس راجہ کی خدمات کو سراہا اور انہیں پاکستان کا فخر قرار دیا۔  میئر نے وصی شاہ کی ان کوششوں کو سراہا جو انہوں نے ملک میں سیاحت کے فروغ کے لیے شروع کی ہیں۔

 انہوں نے امید ظاہر کی کہ وزیر مملکت وصی شاہ کے اقدامات سے پاکستان کی سیاحت مزید فروغ پائے گی اور انہیں ورکنگ بورو، سرے یو کے کے میئر کی حیثیت سے اپنے مکمل تعاون کا یقین دلایا۔ وزیر مملکت  برائے سیاحت وصی شاہ نے وفد کا شکریہ ادا کیا اور امید ظاہر کی کہ غیر ملکی سرمایہ کار پاکستان میں نگراں وفاقی حکومت کی جانب سے فراہم کیے جانے والے سرمایہ کاری کے مواقع سے فائدہ اٹھائیں گے۔ وصی شاہ نے پاکستان کے شمالی علاقوں کے اپنے حالیہ دورے کا ذکر کرتے ہوئے مزید کہا کہ  اُنہوں نے متعلقہ حکام کو ہدایت کی ہیں کہ پاکستان کے شمالی علاقوں میں سیاحوں کو تمام ضروری سہولیات فراہم کی جائیں  اور اس سلسلہ میں سکردو میں پچوں کے لئے پہلے تھیم پارک کا جلد سنگ بنیاد رکھا جائے گا۔

انہوں نے کہا کہ سیاحوں کو بہتر سہولیات فراہم کرنے کے لئے ہر ممکن اقدامات اُٹھائے جائیں گے تاکہ دنیا بھر سے سیاح ان خوبصورت علاقوں کا رخ کریں۔ اُنہوں نے مزید کہا کہ پاکستان میں کاروبار اور انویسٹمنٹ کے وسیع مواقع موجود ہیں، ضرورت اس امر کی ہے کہ ان سے فائدہ اُٹھایا جاسکے۔

کریڈٹ: انڈیپنڈنٹ نیوز پاکستان-آئی این پی

سنگاپور میں صدارتی انتخابات میں ایک خاتون پولنگ سٹیشن میں ووٹ ڈال رہی ہے جہاں سابق سینئر وزیر تھرمن شانموگراتنم ملک کےنویں صدر منتخب ہوئے۔(شِنہوا)

جرمنی کے دارالحکومت برلن میں آئی ایف اے 2023 کے دوران چینی کمپنی ٹی سی ایل کے بوتھ پر ایک شخص ایکسٹینڈڈ رئیلٹی ڈیوائس کا تجربہ حاصل کررہا ہے۔(شِنہوا)

 چین کےجنوبی ہانگ کانگ کے ساحلی علاقے میں شہری امدادی سروس کے ارکان  گشت کر رہے ہیں جہاں شدید نوعیت کےسمندری طوفان ساؤلا کے باعث 10ویں درجے کا انتباہ جاری کیا گیا ہے۔(شِنہوا)

غزہ شہر کے مشرق میں غزہ اسرائیل سرحد کی باڑ کے قریب جھڑپوں کے دوران مظاہرین میں سے ایک فلسطینی اسرائیلی فوجی کی طرف سے فائر کیے گئے آنسو گیس کا شیل واپس پھینک رہا ہے۔(شِنہوا)

بیجنگ(شِنہوا) چین کے صدر شی جن پھنگ نے کہا ہے کہ  ان کا ملک  عالمی معیشت کو پائیدار بحالی کی راہ پر گامزن کرنے کے لیے باقی دنیا کے ساتھ مشترکہ کوششیں کرتے ہوئے  باہمی مفاد پر مبنی تعاون کے رشتےکو مضبوط کرے گا۔ 

صدر شی نے ان خیالات کا اظہار ہفتہ کو  چائنہ انٹرنیشنل فیئر فار ٹریڈ ان سروسز کے عالمی تجارتی سربراہی اجلاس سے بذریعہ ویڈیو خطاب کرتے ہوئے کیا۔

صدر شی نے کہا کہ چین مختلف ممالک کی ترقیاتی حکمت عملی اور تعاون کے اقدامات کے ساتھ ہم آہنگی کو فروغ دے گا،بیلٹ اینڈ روڈ کے شراکت دار ممالک کے ساتھ خدمات کی تجارت اور ڈیجیٹل تجارت کےتعاون کو مضبوط کرے گا، وسائل اور پیداواری عوامل کے سرحد پار بہاؤ کو آسان بناتے ہوئے اقتصادی تعاون کے لیے مزید شعبوں کو فروغ دے گا۔

چین کے صدر شی جن پھنگ بیجنگ میں 2023 چائنہ انٹرنیشنل فیئر فار ٹریڈ ان سروسز(سی آئی ایف ٹی آئی ایس) کے عالمی تجارتی  سربراہ اجلاس سے بذریعہ ویڈیو خطاب کر رہے ہیں۔(شِنہوا)

بیجنگ(شِنہوا) چینی مین لینڈ کے ترجمان نے کہا ہے کہ اس بات سے کوئی فرق نہیں پڑتا کہ تائیوان کی ڈیموکریٹک پروگریسو پارٹی (ڈی پی پی) کے حکام نے امریکہ سے کتنے ہتھیار خریدے ہیں، وہ تائیوان کے مسئلہ کو حل کرنے اور قومی اتحاد کے حصول کے لیے مین لینڈ کے عزم کو متزلزل نہیں کر سکتے۔   ریاستی کونسل کے تائیوان امور دفتر کے ترجمان، چھن بِن ہوا نے ان خیالات کااظہار امریکی حکومت کی جانب سے چین کے علاقے تائیوان کے لیے فوجی امداد کی حالیہ منظوری سے متعلق میڈیا کے سوال کا جواب دیتے ہوئے کیا۔ چھن نے کہا کہ ڈی پی پی حکام "تائیوان کی آزادی" کے علیحدگی پسند موقف پر قائم اور طاقت کے ذریعے اپنا مقصد حاصل کرنے کی کوشش میں امریکہ سے ہتھیار خریدنے کے لیے تائیوان کے لوگوں کی محنت سے کمائی گئی رقم کو ضائع کر رہے ہیں۔

 ترجمان نے کہا کہ یہ کارروائیاں تائیوان کو جنگ کے دہانے کی طرف دھکیل دیں  گی اور تائیوانی ہم وطنوں کے خدشات میں اضافہ کریں گی۔

پاکستان کرکٹ بورڈ (پی سی بی) نے ایشیا کپ کے میچز کے ٹکٹس ری فنڈ ہونے سے متعلق پالیسی جاری کر دی۔ پاکستان کرکٹ بورڈ کی جانب سے بھی سوشل میڈیا پر ایک پوسٹ شیئر کی گئی جس میں ٹکٹس ری فنڈ پالیسی کی وضاحت کی گئی ہے۔ پی سی بی کے مطابق ایشیا کپ کے میچز کے ٹکٹس صرف اسی صورت میں ری فنڈ ہو سکیں گے جب میچ ٹاس سے پہلے ختم ہو جائے یا پھر میچ کا وینیو تبدیل ہو جائے اور ٹکٹ ہولڈر کے لیے نئے وینیو پر میچ دیکھنے کے لیے پہنچنا مشکل ہو۔ پاکستان کرکٹ بورڈ کی جانب سے بتایا گیا ہے کہ ٹکٹس ری فنڈ نہیں ہوں گے اگر ٹاس ہو جانے کے بعد میچ خراب موسم کی وجہ سے ختم کر دیا جائے یا موخر کر دیا جائے اور دوبارہ کھیلا جائے تاہم اگر میچ ری شیڈول ہو اور ٹکٹ ہولڈر کے لیے میچ دیکھنا ناممکن ہو تو اس صورت میں ٹکٹ ری فنڈ ہو جائے گا۔ ٹکٹس ری فنڈ کے لیے تمام درخواستیں پی سی بی کی ٹکٹنگ ویب سائٹ پر وصول کی جائیں گی، ری فنڈ درخواست موصول ہونے کے بعد 10 ورکنگ دنوں میں اس پر عمل ہو گا۔ ٹکٹس دوسروں کو فروخت کرنے یا تبدیل کرنے والے ری فنڈ کے حقدار نہیں ہوں گے، گرانڈ سے نکالے گئے افراد بھی ٹکٹ ری فنڈ نہیں کرا سکیں گے۔

کریڈٹ: انڈیپنڈنٹ نیوز پاکستان-آئی این پی

ایشیا کپ میں پاک بھارت میچ سے قبل کینڈی میں بارش شروع ہوگئی۔ ایشیا کپ 2023 میں پاک بھارت کے درمیان ہونے والے میچ سے قبل کینڈی میں بارش شروع ہوگئی ۔ پالی کیلے اسٹیڈیم کی پچ اور آوٹ فیلڈ کو کور سے ڈھانپ دیا گیا ۔

کریڈٹ: انڈیپنڈنٹ نیوز پاکستان-آئی این پی

پاکستان معاشی بحران کی لپیٹ میں ہے۔ حکومت کی معاشی پالیسیوں نے سرمایہ کاروں کا اعتماد ختم کیا، کاروبار کو جرمانہ کیا اور ایماندار ٹیکس دہندگان کو نقصان پہنچایا۔ مالیاتی ڈویژن کے سیکرٹری امداد اللہ بوسال نے ویلتھ پاک سے بات کرتے ہوئے کہا کہ اس کی وجہ سے ملک کے قرضوں کے بوجھ میں تیزی سے اضافہ ہوا ہے جس سے حکومت کے لیے اپنی مالی ذمہ داریوں کو پورا کرنا مشکل ہوتا جا رہا ہے۔انہوں نے کہا کہ معیشت کو بحال کرنے اور اسے ترقی کی ایک پائیدار راہ پر گامزن کرنے کے لیے ایک جرات مندانہ حل کی ضرورت ہے۔ انہوں نے مزید کہا کہ ملکی قرضوں کی تنظیم نو مالیاتی بحران کے خاتمے کی جانب ایک اہم قدم ہے۔ مالی سال 2024 کے لیے گھریلو قرضوں کی ادائیگی کی لاگت کا تخمینہ 6.43 ٹریلین روپے ہے جو ٹیکس ریونیو کا تقریبا 70 فیصد ہے۔ انہوں نے کہا کہ قرض کی خدمت کی لاگت میں 50 فیصد کمی فوری طور پر اہم مالیاتی جگہ پیدا کرے گی۔یہ حکومت کے قابل تجارت قرض پر 3.3 ٹریلین روپے کا ابتدائی مارک ٹو مارکیٹ اثر ڈالے گا۔ تاہم شیڈولڈ بینکوں کے سرمائے کو پہنچنے والا نقصان کم ہوگاکیونکہ ان کے پاس حکومت کے کل قابل تجارت قرض کا کم فیصد اور قلیل مدتی قرضوں کا زیادہ تناسب ہے۔ پاکستان کو بھی اصلاحات کو نافذ کرنے کی ضرورت ہے، جیسے کہ ٹیکس کے نظام کی بحالی، زرمبادلہ کے کنٹرول کو ڈھیل دینا، اور مالیاتی نظم و ضبط پر عمل کرناہے۔یہ اصلاحات مختصر مدت میں تکلیف دہ ہوں گی لیکن طویل مدتی اقتصادی ترقی کے لیے یہ ضروری ہیں۔ تاہم، انہوں نے یہ بھی تسلیم کیا کہ ان اصلاحات کا نفاذ سیاسی طور پر مشکل ہے، کیونکہ ان سے ممکنہ طور پر زیادہ ٹیکس اور کم سرکاری اخراجات ہوں گے۔ انہوں نے کہا کہ ایکویٹی سویپ پروگرام کو نافذ کیا جائے۔

اس سے حکومت کو اپنے قرضوں کا بوجھ کم کرنے کا موقع ملے گا، جس سے دیگر اصلاحات کے لیے مالی جگہ خالی ہو جائے گی۔ انہوں نے مزید کہا کہ ڈی ڈی آر پروگرام مہنگائی اور شرح سود کو کم کرنے میں بھی مدد کرے گاجس سے کاروباروں کے لیے سرمایہ کاری اور ترقی میں آسانی ہوگی۔انہوں نے گھانا اور سری لنکا کی مثال دیتے ہوئے مزید وضاحت کی جنہوں نے پہلے ہی قرض سے ایکویٹی کے تبادلے کو لاگو کیا ہے۔متوقع قرض کی خدمت کے اخراجات میں 3.21 ٹریلین روپے کی سالانہ کمی ایک بار بار فائدہ ہوگا، اور اس کی خالص موجودہ قیمت نمایاں طور پر زیادہ ہے۔ بینکنگ سیکٹر کی دوبارہ سرمایہ کاری، اگر ضروری ہو تو، ایک وقتی معاملہ ہوگا۔ حکومت کو قرض کی خدمت کی کم لاگت کے فوائد ایک بہت بڑے عنصر سے بینکوں کی دوبارہ سرمایہ کاری کی ممکنہ لاگت کو کم کر دیتے ہیں۔مارک ٹو مارکیٹ کے ممکنہ نقصانات اور بینکنگ سیکٹر کی دوبارہ سرمایہ کاری کی لاگت مادی طور پر کم ہو جائے گی اگر ڈی ڈی آر کے بعد پیداوار میں کمی آئے گی۔انہوں نے دلیل دی کہ اگر حکومت معاشی اصلاحات اور مالیاتی ذمہ داری کے لیے قابل اعتماد عزم کا مظاہرہ کرتی ہے اور اگر یہ اصلاحات قرضوں کی تنظیم نو سے پہلے ہوتی ہیں، تو مقامی پیداوار میں خاطر خواہ اور دیرپا کمی دیکھی جا سکتی ہے

۔حقیقی معیشت پر ڈی ڈی آر پروگرام بشمول بینکوں سے ٹیکس سے ہونے والے عارضی نقصانات سے ڈی ڈی آر کے معاملے کو تقویت ملے گی۔مقامی بینکوں کے موجودہ مالی چیلنجوں کو یکے بعد دیگرے حکومتوں کی لاپرواہی اور ایک چیلنجنگ کاروباری ماحول میں قرض دینے کے قابل عمل امکانات کی کمی کو قرار دیتے ہوئے، امداد نے ڈی ڈی آر کے ابتدائی مراحل میں بینکوں کے لیے غیر متزلزل حمایت کی وکالت کی۔انہوں نے متعدد اقدامات تجویز کیے جو حکومت اٹھا سکتی ہے، جیسے کہ محدود مدت کے لیے تمام ڈپازٹس کی ضمانت دینا، روایتی ڈپازٹس پر کم از کم ڈپازٹ کی شرح کو ختم کرنا اور بینکوں کو مارک ٹو مارکیٹ نقصانات کو تسلیم کرنے سے مستثنی قرار دیناہے۔اگرچہ مقامی ڈپازٹس کو بیرون ملک منتقل کرنے پر پابندیوں اور غیر ملکی ڈپازٹرز اور قرض دہندگان پر محدود انحصار کی وجہ سے پاکستان میں بینکنگ سسٹم کے بحران کا امکان کم ہے، امداد نے تجویز پیش کی کہ حکومت نقد رقم نکالنے کو محدود کرکے اور خاطر خواہ ٹیکس لگا کر استحکام کو مزید بڑھا سکتی ہے۔ انہوں نے تسلیم کیا کہ قرض سے ایکویٹی سویپ پروگرام کے بینکوں پر منفی اثرات پڑ سکتے ہیںکیونکہ وہ حکومت کو بنیادی قرض دہندہ ہیں۔ انہوں نے زور دے کر کہا کہ ڈی ڈی آرکی کامیاب کوشش کے لیے اہم ڈھانچہ جاتی اصلاحات اور ٹیکس پر نظرثانی ضروری ہیں۔

کریڈٹ: انڈیپنڈنٹ نیوز پاکستان-آئی این پی

پاکستان کو تیزی سے ختم ہونے والے آبی وسائل کے مسئلے سے موثر انداز میں نمٹنے کے لیے بارش کے پانی کو جمع کرنے کی تکنیک کو تیزی سے اپنانے کی ضرورت ہے۔قدرتی واٹر چینلز اور چشموں کے کم بہا وکی وجہ سے دیہی علاقوں میں پانی کے وسائل ختم ہو رہے ہیں۔ پاکستان کونسل آف ریسرچ ان واٹر ریسورسز کے ریجنل ریسرچ آفیسر اکرم نے ویلتھ پاک سے بات کرتے ہوئے کہا کہ پانی کی کمی کا انتظام کرنا ایک مشکل کام ہو سکتا ہے لیکن بارش کے پانی کو ذخیرہ کرنا اس مسئلے سے نمٹنے کے لیے ایک ثابت شدہ اور انتہائی موثر طریقہ ہے۔ بارش کے پانی کو جمع اور ذخیرہ کرکے ہم اپنے قیمتی آبی وسائل کو محفوظ کر سکتے ہیں اور آنے والی نسلوں کے لیے ان کے پائیدار استعمال کو یقینی بنا سکتے ہیں۔ لہذا بارش کے پانی کو ذخیرہ کرنے کے نظام کو نافذ کرنے سے پانی کی کمی کے مسائل کو حل کرنے میں ایک اہم فرق پڑ سکتا ہے۔ اکرم نے کہا کہ گھریلو اور صنعتی شعبے 2025 تک 15 فیصد زیادہ پانی استعمال کریں گے۔ چونکہ پانی کے ذخائر کم ہو کر 1000 کیوبک میٹر فی کس رہ گئے ہیں، یہ ظاہر ہے کہ پاکستان پانی تک رسائی دینے میں ناکام رہے گا۔ انہوں نے کہا کہ اس حقیقت کے باوجود کہ دنیا کی اوسط ذخیرہ کرنے کی صلاحیت 40 فیصد تک پہنچ گئی ہے، پاکستان اپنے دریائی پانی کے سالانہ بہاو کا صرف 10 فیصد تک ذخیرہ کر سکتا ہے کیونکہ ذخیرہ کرنے کی ناکافی جگہ ہے۔

ملک کے کئی علاقوں میں بارش انسانوں اور مویشیوں کے لیے پانی کا واحد ذریعہ ہے۔ زمینی پانی یا تو دستیاب نہیں ہے، یا اگر دستیاب ہے تو نمکین ہے اور زیادہ تر قابل استعمال نہیں ہے۔ بارش کا پانی قدرتی ڈپریشنز میں ذخیرہ کیا جاتا ہے جسے مقامی طور پر ٹوباس کہتے ہیں، اور زیر زمین کھودے گئے کنووں میں ہوتا ہے۔ پاکستان کونسل آف ریسرچ ان واٹر ریسورسز کی ڈپٹی ڈائریکٹر صائقہ عمران نے ویلتھ پاک کو بتایاکہ ایک بار جب مقامی ٹوباس میں پانی ختم ہو جاتا ہے تو مقامی کمیونٹی کو اپنے لیے پانی کی تلاش میں نقل مکانی کرنا پڑتی ہے۔ ان کے مویشیوں کے لیے کیونکہ ان کی کل معاش کا انحصار مویشیوں پر ہے۔ اس لیے آبی وسائل کے استعمال کو بڑھانے کے لیے بستیوں کے قریب بارش کے پانی کے تالابوں کی تعمیر اور مویشیوں کے لیے رینج لینڈز کو بہتر بنانا بہت ضروری ہے۔صائقہ نے کہاکہ زمین کے پانی کو خاص طور پر حالیہ سیلابوں کے بعد ری چارج کرنے کے حل ملک کی ضرورت ہیں۔ ہمیں پانی کے ذخیرے کو ہر سطح پر بڑھانا ہے اور جہاں ممکن ہو، بڑے، درمیانے اور چھوٹے ڈیم بنانے کی ضرورت ہے۔" انہوں نے مزید کہاکہ یہ نیٹ ورک 110 خاص طور پر ڈیزائن کیے گئے ذخائر پر مشتمل ہے جو 440 ملین گیلن پانی ذخیرہ کر سکتے ہیں۔ مقامی آبادی اور مویشی 20 گہرے ٹیوب ویلوں سے زیر زمین پانی استعمال کر سکتے ہیں جو سائنسی طور پر ڈیزائن کیے گئے ہیں اور ان کا سالانہ اخراج تقریبا 1405 ملین گیلن ہے۔ بارش کے پانی کو ذخیرہ کرنے کے نظام اور ٹیوب ویلوں نے صحرا میں سال بھر پینے کے پانی کی دستیابی کو یقینی بنایا ہے۔ اس سے انسانوں اور مویشیوں کی نقل مکانی میں نمایاں کمی آئی ہے جس سے سالانہ 6 ارب روپے کی بچت ہوئی ہے۔

کریڈٹ: انڈیپنڈنٹ نیوز پاکستان-آئی این پی

نیشنل انرجی ایفیشنسی اینڈ کنزرویشن اتھارٹی نے 26 شعبوں کی نشاندہی کی ہے جن میں سالانہ 6.4 بلین ڈالر کی بچت کی صلاحیت ہے جو ان بے پناہ اقتصادی فوائد کو اجاگر کرتی ہے جو توانائی کی بچت اور تحفظ کے اقدامات کے ذریعے حاصل کیے جا سکتے ہیں۔ حال ہی میں منظور شدہ نیشنل انرجی ایفیشنسی اینڈ کنزرویشن پالیسی 2023 کے مطابق اگر تجویز کردہ اقدامات کو نافذ کیا جائے تو 2030 سے ملک کو سالانہ 6.4 بلین ڈالر کی بچت ہو سکتی ہے۔ یہ صنعتی، رہائشی، تجارتی اور زرعی سمیت مختلف شعبوں پر محیط ہیں۔ ہر شعبہ لاگت میں خاطر خواہ بچت اور توانائی کی کھپت میں کمی کا موقع فراہم کرتا ہے۔صنعتی شعبے کے اندر نیشنل انرجی ایفیشنسی اینڈ کنزرویشن اتھارٹی نے اہم شعبوں کی نشاندہی کی ہے جیسے کہ کارکردگی کو بہتر بنانا، توانائی کے انتظام کے نظام کو بہتر بنانا اور توانائی کی بچت والی ٹیکنالوجیز کے استعمال کو فروغ دینا ہے۔ ان اقدامات کو نافذ کرنے سے صنعتیں اپنی توانائی کی کھپت کو نمایاں طور پر کم کر سکتی ہیں، جس سے خاطر خواہ مالی بچت ہوتی ہے۔رہائشی شعبے میں نیشنل انرجی ایفیشنسی اینڈ کنزرویشن اتھارٹی نے توانائی کی بچت کرنے والے آلات، موصلیت، اور سمارٹ گرڈ ٹیکنالوجیز کی اہمیت پر زور دیا ہے۔

ان طریقوں کو اپنانے سے، گھر والے اپنے توانائی کے بلوں کو کم کر سکتے ہیں اور ایک سرسبز مستقبل میں اپنا حصہ ڈال سکتے ہیں۔تجارتی شعبہ بھی موثر روشنی کے نظام، بہتر حرارتی نظام، وینٹیلیشن، اور ایئر کنڈیشنگ کے نظام، اور توانائی کے انتظام کی حکمت عملی جیسے اقدامات کے ذریعے توانائی کی بچت کے لیے زبردست امکانات پیش کرتا ہے۔نیشنل انرجی ایفیشنسی اینڈ کنزرویشن اتھارٹی کے مطابق، ان اقدامات کے نتیجے میں کاروبار کے لیے لاگت میں بچت ہوگی اور مزید پائیدار ماحول میں بھی حصہ ڈالیں گے۔ پالیسی زرعی شعبے میں توانائی کے تحفظ کے مواقع پر بھی روشنی ڈالتی ہے۔موثر آبپاشی کے نظام، قابل تجدید توانائی کے ذرائع کا استعمال اور جدید زرعی تکنیک بھی توانائی کی کھپت کو نمایاں طور پر کم کر سکتے ہیں اور پیداواری صلاحیت کو بہتر بنا سکتے ہیں۔ نیشنل انرجی ایفیشنسی اینڈ کنزرویشن اتھارٹی کی طرف سے 6.4 بلین ڈالر کی سالانہ بچت کو مختلف شعبوں میں دوبارہ سرمایہ کاری کیا جا سکتا ہے جس سے اقتصادی ترقی، روزگار کی تخلیق اور بنیادی ڈھانچے کی ترقی کو فروغ دیا جا سکتا ہے۔ مزید برآں توانائی کی کھپت میں کمی جیواشم ایندھن پر انحصار میں کمی اور کاربن کے اخراج میں اس کے نتیجے میں کمی کا باعث بنے گی۔پاکستان کے پاس اپنے کاربن فوٹ پرنٹ کو کم کرنے کے ساتھ ساتھ خاطر خواہ رقم بچانے کا موقع ہے۔ ان اقدامات پر عمل درآمد نہ صرف مالی بچت کا باعث بنے گا بلکہ ایک پائیدار اور خوشحال مستقبل کی راہ بھی ہموار کرے گا۔ حکومت، صنعتوں اور افراد کے لیے ضروری ہے کہ وہ ان اقتصادی اور ماحولیاتی فوائد کو حاصل کرنے کے لیے تعاون کریں اور فوری کارروائی کریں۔

کریڈٹ: انڈیپنڈنٹ نیوز پاکستان-آئی این پی

بلوچستان کی سیب کی پیداوارجو کھجور کے بعد دوسرے نمبر پر ہے، گزشتہ سال کے تباہ کن سیلاب سے نمایاں طور پر متاثر ہوئی ہے اور باغات اس سال اپنی معمول کی پیداوار کا نصف ہی حاصل کریں گے۔اسسٹنٹ ڈائریکٹر کراپ رپورٹنگ سروسز، بلوچستان محاز اللہ نے ویلتھ پاک کو بتایاکہ سیب پیدا کرنے والے بنیادی علاقوں میں اس سال پھلوں کی پیداوار میں کمی واقع ہوئی ہے۔ کوئٹہ، پشین، لورالائی، زیارت، قلعہ سیف اللہ، مستونگ، قلعہ عبداللہ، قلات اور بارکھان جیسے اضلاع میں پھیلے ہوئے بلوچستان کے بلند علاقے سیب کی کاشت کے اہم زون کے طور پر کام کرتے ہیں۔ ضلع پشین صوبے کے سیب کی پیداوار میں ایک اہم شراکت دار کے طور پر نمایاں ہے۔اس کے علاوہ کھجور کی پیداوار میں بھی 60 فیصد سے زیادہ کی زبردست کمی دیکھی گئی ہے جبکہ انگور کی پیداوار میں 40 فیصد سے 45 فیصد کی کمی واقع ہوئی ہے۔ انگور کوئٹہ، مستونگ، قلات، خضدار، پنجگور، خاران، واشک، پشین، قلعہ سیف اللہ اور قلعہ عبداللہ کے اضلاع میں اگائے جاتے ہیں۔ صوبہ بلوچستان کو اکثر "فروٹ باسکٹ آف پاکستان" کے نام سے جانا جاتا ہے۔ محدود صنعتی اور روزگار کے مواقع کی وجہ سے اس کا زرعی شعبہ 75فیصدآبادی کو برقرار رکھتا ہے۔ صوبے کی منفرد آب و ہوا، خاص طور پر سیب جیسے پھلوں کے لیے سازگار، اسے ملک کے دیگر حصوں سے ممتاز کرتی ہے۔ اگست کے اوائل میں سیلاب نے پھلوں کے باغات کو تباہ کر دیا تھا۔ تباہی نے سیب، کھجور اور انگور کی پیداوار پر گہرا اثر ڈالا ہے جس سے کسانوں کو دیرپا نتائج کا سامنا کرنا پڑ رہا ہے۔ گلوبل رسک رپورٹ 2023 کے مطابق پاکستان میں سیلاب سے 800,000 ہیکٹر سے زیادہ کھیتی تباہ ہو گئی تھی جس سے ملک میں اجناس کی قیمتوں میں نمایاں اضافہ ہوا ہے۔ اقوام متحدہ کے ترقیاتی ادارے اور دیگر اداروں کی جانب سے مشترکہ طور پر جاری کردہ ایک اور رپورٹ میں 2022 کے سیلاب سے ہونے والے نقصانات کی نشاندہی کی گئی ہے، جس کی مجموعی مالیت 890 ارب روپے ہے۔

ان نقصانات میں سے صرف آبپاشی کے شعبے کو 9 ارب روپے سے زیادہ کا نقصان ہوا ہے۔ خطے کے وافر قدرتی وسائل اور متنوع سطح مرتفع بلوچستان کی زرعی اہمیت کو بڑھانے میں اہم کردار ادا کرتے ہیں۔ سیب کی بھرپور اقسام کے علاوہ، صوبہ کھجور، چیری، خوبانی، انار اور انگور کی پیداوار دیتا ہے۔ فوڈ اینڈ ایگریکلچر آرگنائزیشن کے مطابق صوبے میں آب و ہوا کا تنوع مختلف پھلوں کی فصلوں کو اگانے کے لیے ایک نعمت ہے ۔ بلوچستان میں اگائے جانے والے اہم پھل پاکستان کے پھلوں کے رقبے کا 32.6 فیصد ہیں۔ اور اس کی پیداوار کا 17.4 فیصد، 0.23 ملین ہیکٹر سے تقریبا 10 لاکھ ٹن پھلوں کے ساتھ نمایاں طور پر حصہ ڈالتا ہے۔ صوبے میں سیب کی کاشت تقریبا 0.101 ملین ہیکٹر پر پھیلی ہوئی ہے، جس کی پیداوار تقریبا 0.224 ملین ٹن ہے جس کی مالیت تقریبا 6.7 بلین روپے ہے۔ آل پاکستان فروٹ اینڈ ویجیٹیبل ایکسپورٹرز، امپورٹرز اینڈ مرچنٹس ایسوسی ایشن کے مطابق مقامی طلب سے زائد سرپلس پاکستان کے دیگر صوبوں تک پہنچ جاتا ہے اور اعلی معیار کی پیداوار بین الاقوامی منڈیوں تک پہنچ جاتی ہے۔ بلوچستان سے پھلوں کی برآمدات کے امکانات سیب کے باغات کا معیار بین الاقوامی برآمدی معیارات سے کم ہے جو ان کی مناسبیت کو بنیادی طور پر گھریلو استعمال تک محدود کرتا ہے۔ پاکستان ایکسپورٹ اسٹریٹجی فروٹ اینڈ ویجیٹیبلز 2023-27 کی رپورٹ کے مطابق پاکستان میں سیب اور انگور کے باغات برآمدات کے لیے درکار معیار اور ورائٹی کا فقدان ہیں اور یہ صرف گھریلو استعمال کے لیے موزوں ہیں۔" 2016-2022 کے دوران صوبہ وار سیب کی پیداوار پر نظر ڈالتے ہوئے، بلوچستان مسلسل ایک مضبوط شراکت دار کے طور پر ابھرتا ہے، جس کے اعداد و شمار مسلسل بڑھ کر تقریبا 686,000 ٹن تک پہنچ گئے ۔ سیب کے ایک کاشتکار علی بخش نے ویلتھ پاک کو بتایا کہ بلوچستان کی معیشت کا زیادہ تر انحصار زراعت پر ہے، لیکن یہاں پانی کی کمی ایک اہم تشویش ہے اور اس چیلنج سے نمٹنے کے لیے سیب اور دیگر پھلوں کی پیداوار کو فروغ دینا بہت ضروری ہے۔ انہوں نے زور دیا کہ اگر کسانوں کو وافر مقدار میں پانی فراہم کیا جائے تو پاکستان اچھے معیار کے سیب پیدا کر سکتا ہے اور بڑی مقدار میں مزیدار سیب برآمد کر کے بہت زیادہ زرمبادلہ کما سکتا ہے۔

کریڈٹ: انڈیپنڈنٹ نیوز پاکستان-آئی این پی

پاکستان کے معروف پلیٹ فارم او ٹی ،وڈلی ٹی وی نے اپنے ہر دلعزیز ناطرین کے لئے اردو، ہسپانوی، فارسی انگریزی زبانوں پر مشتمل مورچال شاہکار ڈرامہ پیش کر دیا ہے جو 40 اقساط کی سیریز پر مشتمل جسے ڈاٹ ریبلک میڈیا کا تعاون حاصل ہے۔مور چال میں معاشرتی مسائل کی نشاندہی کی گئی ہے۔۔مورچال 40 اقساط کی سیریز پر مشتمل مین اسٹریم براڈکاسٹر کے روایتی تعاون کے بغیر خصوصی طور پر ڈیجیٹل پلیٹ فارمز پر ریلیز ہونے والا پہلا مکمل طویل ڈرامہ ہے۔گزشتہ روز او ٹی ،وڈلی ٹی وی انتظامیہ کی طرف سے جاری کیے گئے ایک بیان کے مطابق مور چال" صرف ایک ڈرامہ نہیں ہے بلکہ اس میں معاشرتی مسائل کی تصویر کشی کی گئی جو خفیہ تھے کبھی ان پر سے پردہ نہیں اٹھایا گیا۔اس کے ڈائریکٹر، دلاور ملک ہیں جو کہ ملک کی ڈرامہ انڈسٹری کے ساتھ طویل عرصے سے وابستہ ہیں جبکہ انہوں "انتہائے عشق"، "لنڈا بازار"، "ٹوبہ ٹیک سنگھ سے بوٹا" اور "لال عشق جیسے مشہور ڈرامہ ترتیب دیے ہیں ۔مورچال ڈرامے کے رائٹرکے رحمان ہیں جس کسی تعارف کے محتاج نہیں۔مورچال" سماجی چیلنجوں کے پس منظر میں، اپنے کرداروں کی پیچیدہ زندگیوں کو بیان کرتی ہے۔ڈرامے میں دکھایا گای ہے کہ منشا پاشا ماہین کے طور پر آگے بڑھ رہی ہیں، جو ایک وقف وکیل اور سماجی کارکن ہیں جو خواتین کے حقوق کی بھرپور وکالت کرتی ہیں جبکہ آغا علی نے اشعر ابراہیم کی تصویر کشی کی ہے، جو ایک کرشماتی مصنف ہے جو دوہری شخصیت کے ساتھ جکڑ رہا ہے۔

سری اصغر نے سیریز میں گہرائی کا اضافہ کیا کیونکہ عروسہ، ایک معمولی نسل سے تعلق رکھنے والی ایک نوجوان خاتون کو ایک نازک صورتحال کا سامنا ہے۔ ورسٹائل اداکار علی جوش نے ایک بااثر مذہبی شخصیت کے بدعنوان بیٹے کے کردار میں اپنی صلاحیتوں کا لوہا منوایا۔مور چال" خواتین کے حقوق، سماجی اور اقتصادی محرومی، ہراساں کیے جانے، اور طاقت کے غلط استعمال کے موضوعات کے گرد گھومتی ہے۔ یہ معاشرے کو درپیش گہرے چیلنجوں کی عکاسی کرتے ہوئے معصوم زندگیوں پر ان مسائل کے اثرات کو حساس طور پر تلاش کرتا ہے۔ایک باصلاحیت ٹیم کی طرف سے تیار کیا گیا، "مور چال" پاکستان کے لوگوں تک بہترین ویب ٹی وی لانے کے Vidly.tv کے وژن کا ثبوت ہے اور Dot Republic Media کے فکر انگیز کہانی سنانے کے عزم کا ثبوت ہے۔ vidly.tv پاکستان کا معروف OTT پلیٹ فارم ہے جو پاکستان کی بہترین فلموں اور ڈراموں کی میزبانی کرتا ہے۔ جبکہ ڈاٹ ریپبلک میڈیا 240 ممالک میں 130 سے زیادہ نیٹ ورکس پر عالمی تقسیم کے ساتھ خطے میں سب سے بڑے مواد جمع کرنے والوں اور تقسیم کاروں میں سے ایک ہے۔اس موقع سی ای اوڈاٹ ریبلک میڈیا عدنان بٹ کا کہنا تھا کہ "ہم روایتی نشریاتی چینلز کو نظرانداز کرتے ہوئے پاکستان کی پہلی طویل فارمیٹ کی ڈرامہ سیریز 'مور چال' کے آغاز کا اعلان کرتے ہوئے بہت پرجوش ہیں جو خصوصی طور پر ڈیجیٹل پلیٹ فارمز پر دستیاب ہے۔ چار زبانوں اردو، ہسپانوی، فارسی اور انگریزی میں دستیاب ہے۔ یہ سیریز رکاوٹوں کو توڑنے اور عالمی سطح پر پاکستانی مواد کی رسائی کو بڑھانے کے لیے ہمارے عزم کی عکاسی کرتی ہے ان کا کہنا تھا ۔ یہ ایک واٹرشیڈ لمحہ ہے، نہ صرف ہمارے لیے بلکہ پورے پاکستانی تفریحی منظر نامے کے لیے۔

کریڈٹ: انڈیپنڈنٹ نیوز پاکستان-آئی این پی

دوست کے جنازے میں شرکت کرنے والا دوست بھی چل بسا، تفصیلات کے مطابق رحیم یار خان کالج اف ٹیکنالوجی کے پرنسپل خالد محمود جو انتقال کر گئے تھے،ان کے قریبی دوست لطف علی جو لاہور سے ان کی نماز جنازہ میں شرکت کے لییآئے تھے، مرحوم کے گھر پہنچتے ہی دل کا دورہ پڑنے سے موقع پر ہی جاں بحق ہو گئے۔ ان کی میت لاہور کے لیے روانہ کر دی گئی ۔یہ وقوعہ چک 111پی شرقی میں پیش آیا ۔

کریڈٹ: انڈیپنڈنٹ نیوز پاکستان-آئی این پی

پاکستانی سینیٹر رانا محمود الحسن نے وفد کے ہمراہ سنکیانگ میڈیکل یونیورسٹی کا دورہ کیا اور اسکول کے صدر حاجی اکبر عیسی کے ساتھ ایک سمپوزیم منعقد کیا جس کا مقصد تعلیم اور سائنسی تحقیق کے شعبوں میں پاکستان اور سنکیانگ میڈیکل یونیورسٹی کے درمیان تبادلوں اور تعاون کو مزید مستحکم کرنا ہے۔ حاجی اکبر عیسی نے کہا بی آر آئی ممالک کے ساتھ ہمارے پچھلے تبادلے میں، ہمیں معلوم ہوا کہ وہ روایتی چینی ادویات(ٹی سی ایم)میں بہت دلچسپی رکھتے ہیں، جس میں اویغور، کازک اور منگولیا کی ادویات شامل ہیں۔ سنکیانگ میڈیکل یونیورسٹی کا بی آر آئی ممالک کے ساتھ طبی تبادلے بہت پہلے شروع ہو چکے ہیں، لیکن ہمہ جہت طبی تعاون کے لیے پلیٹ فارم کا فقدان ہے۔ اس سال کے اوائل میں 14 ویں نیشنل پیپلز کانگریس(این پی سی)کے پہلے اجلاس میں حاجی اکبر عیسی نے بی آر آئی میڈیکل سائنس اینڈ ٹیکنالوجی جدت طرازی کے لئے ایک ایکشن پلان تیار کرنے کی تجویز پیش کی تھی۔ بین الاقوامی طبی ٹیلنٹ کے تبادلوں کو مضبوط بنانا اور باہمی سیکھنے کے لئے ایک پل کی تعمیر منصوبے کے اہم حصے ہیں۔سمپوزیم میں دونوں فریقین نے تعلیمی پالیسیوں، طلبہ کے تبادلوں اور دیگر پہلوں پر تفصیلی تبادلہ خیال کیا۔

انہوں نے بین الاقوامی تعلیمی تعاون کے لئے ایک پلیٹ فارم بنانے ، سائنسی تحقیق ، اساتذہ کے تبادلے اور طلبا کی مشترکہ تربیت میں تعاون کو مزید مستحکم کرنے کا بھی منصوبہ بنایا۔ انہوں نے مزید کہا ہماری یونیورسٹی کو بین الاقوامی تعلیم میں 30 سال کا تجربہ ہے، ایک پختہ نظام انڈر گریجویٹ اور پوسٹ گریجویٹ مراحل کا احاطہ کرتا ہے. ہم نے تقریبا 1200 پاکستانی طالب علموں کو تربیت دی ہے۔ مستقبل میں ہم پاکستان کے ساتھ انٹر اسکول تعاون کو مضبوط کریں گے اور طبی قابلیت کے امتحانات میں تعاون کریں گے۔ ہم بی آر آئی ممالک میں طبی تحقیق اور ٹیلنٹ کی تربیت کو فروغ دینے میں زیادہ فعال کردار ادا کرنا چاہتے ہیں۔۔حاجی اکبر عیسی نے بی آر آئی ممالک میں اعلی معیار کے غیر ملکی تحقیقی اور تعلیمی مراکز کے قیام اور ٹی سی ایم کے کچھ باہمی طور پر تسلیم شدہ تکنیکی اصولوں اور معیارات کو شروع کرنے کی بھی تجویز دی تاکہ وسائل کے تبادلے میں سہولت فراہم کی جاسکے اور بی آر آئی ممالک کی تکنیکی جدت طرازی کی صلاحیت کو بہتر بنایا جاسکے۔ انہوں نے کہا طبی صنعت کی بین الاقوامیت اور میڈیکل سائنس اور ٹیکنالوجی کی ترقی کے ساتھ، ٹی سی ایم بیلٹ اینڈ روڈ ممالک کے مرکزی دھارے کے طبی نظام میں ضم ہوجائے گا، اور معیشت، ثقافت اور ماحولیات سمیت دیگر پہلوں میں زیادہ اہم کردار ادا کرے گا۔

کریڈٹ: انڈیپنڈنٹ نیوز پاکستان-آئی این پی

کراچی کی انسداد دہشت گردی عدالت نے پاکستان تحریک انصاف کے رہنما حلیم عادل شیخ کو 3 روز کے جسمانی ریمانڈ پر پولیس کے حوالے کر دیا۔ پی ٹی آئی رہنما حلیم عادل شیخ کو کراچی کی انسداد دہشت گردی عدالت میں پیش کیا گیا ، تفتیشی افسر نے کہا کہ حلیم عادل شیخ پی ٹی آئی سندھ کے رہنما ہیں،انکی ہدایت پر کارکنوں نے 9 مئی کو ہنگامہ آرائی کی ، ان کے اشتعال دلانے پر پولیس موبائل کو دیگر املاک کو کارکنوں نے نقصان پہنچایا، حلیم عادل شیخ سے تحقیقات کرنی ہے، جسمانی ریمانڈ دیا جائے۔ عدالت نے حلیم عادل شیخ کو رہا کرنے کی درخواست مسترد کرتے ہوئے انہیں جسمانی ریمانڈ پر پولیس کے حوالے کر دیا۔ پولیس کے مطابق حلیم عادل شیخ کے خلاف مبینہ ٹان تھانے میں مقدمہ درج ہے۔

کریڈٹ: انڈیپنڈنٹ نیوز پاکستان-آئی این پی

پاکستان سمیت دنیا بھر میں حجاب کا عالمی دن4ستمبرکومنایا جائے گااس دن کے منانے کا مقصد اسلامی تعلیمات میںپردے کی اہمیت کو اجاگر کرنا ہے حجاب کے عالمی دن کے موقع پر ملک بھر میں جماعت اسلامی حلقہ خواتین کے زیر اہتمام مختلف تقاریب کا اہتمام کیا جائے گا۔حجاب کے عالمی دن کی بنیادفرانس کی کی جانب سے پردے کے خلاف پابندیاں بنیںیورپ کے شہر فرانس میں مسلم خواتین کے پردہ کرنے کے تنازع پر وہاں کی ایک یونیورسٹی کے طلباء و طالبات نے حجاب ڈے منایاجس کے بعد چار ستمبر کو ہر سال پاکستان سمیت دنیا بھر میں حجاب کا عالمی دن منایا جاتا ہے۔

کریڈٹ: انڈیپنڈنٹ نیوز پاکستان-آئی این پی

اردو ادب کے معروف مزاح نگار مشتاق احمد یوسفی کا102واں یوم پیدائش 4ستمبر کو منایا جائے گا۔ مشتاق احمد یوسفی 4 ستمبر 1921ء جے پور (بھارت) میں پیدا ہوئے تھے۔ان کی تصانیف میں چراغ تلے، خاکم بدہن، زرگزشت،آب گم اور شام شعر یاراں کے نام شامل ہیں۔ مشتاق احمد یوسفی کو ان کی ادبی خدمات کے اعتراف میں ستارہ امتیاز اور ہلال امتیاز کے اعزازات سے سرفراز کیا گیا تھا جبکہ اکادمی ادبیات پاکستان نے انہیں پاکستان کا سب سے بڑا ادبی اعزاز کمال فن ایوارڈ عطا کیا تھا۔مشتاق احمد یوسفی طویل علالت کے بعد20 جون2018ء کو انتقال کرگئے۔

کریڈٹ: انڈیپنڈنٹ نیوز پاکستان-آئی این پی

شارع فیصل سے پکڑا جانے والا شیر چڑیا گھر میں اپنے مالک کو دیکھ کر گلے سے لپٹ گیا جس کی ویڈیو نے سوشل میڈیا صارفین کے دل جیت لیے۔چند روز قبل کراچی میں شارع فیصل پر عائشہ باوانی کالج کے قریب ایک شیر مٹر گشت کرتا دکھائی دیا جس نے مصروف شاہراہ پر ٹریفک جام اور لوگوں میں خوف پیدا کردیا تھا۔ یہ شیر گارڈن کے رہائشی شمس نامی شہری کا پالتو ہے جسے وہ گاڑی میں بٹھا کر اسپتال لے جانا چاہتا تھا لیکن شیر گاڑی سے باہر نکل گیا تھا۔ شیر کو پکڑنے کیلئے محکمہ وائلڈ لائف کو طلب کیا جس نے شیر کو قابو کرکے چڑیا گھر منتقل کیا۔ بعدازاں دو دن بعد شیر کا مالک جب چڑیا گھر میں اپنے پالتو شیر سے ملنے گیا تو اس دوران جذباتی مناظر دیکھنے کو ملے جس کی ویڈیو بھی سوشل میڈیا پر وائرل ہورہی ہے۔ ویڈیو میں دیکھا جاسکتا ہے کہ شیر اپنے مالک سے مل کر گلے سے لپٹ جاتا ہے اور اسے پیار کرنے کی کوشش کرتا ہے۔ ویڈیو میں شیر کو اپنے مالک کے ساتھ کھیلتے ہوئے بھی دیکھا جا سکتا ہے جب کہ مالک شیر کیلئے مرغی کا گوشت بھی لایا۔ واضح رہے شارع فیصل پر مٹرگشت کرنے والے شیر کے مالک کو کراچی کی مقامی عدالت نے 10لاکھ روپے کا جرمانہ بھی عائد کیا ہے۔

کریڈٹ: انڈیپنڈنٹ نیوز پاکستان-آئی این پی

پنجاب میں ڈینگی کیسزتیزی سے بڑھنے لگے۔ 24 گھنٹوں کے دوران مزید 84 مریض سامنے آگئے۔ رپورٹ کے مطابق گزشتہ 24 گھنٹوں میں ڈینگی کے لاہورمیں 37 ،راولپنڈی 27 ،ملتان ،فیصل آباداورگوجرانوالہ میں چار چار کیس رپورٹ ہوئے۔ شیخوپورہ، قصور، ڈیرہ غازی خان، ساہیوال اور پاکپتن میں دو دو مریض سامنے آئے۔ صوبے میں ڈینگی مریضوں کی مجموعی تعداد1351 تک جا پہنچی ہے۔ پنجاب کے اسپتالوں میں ڈینگی کے88مریض زیرعلاج ہیں۔

کریڈٹ: انڈیپنڈنٹ نیوز پاکستان-آئی این پی

مسلم لیگ ن کے رہنما عطا اللہ تارڑ نے کہا ہے کہ پی ٹی آئی والے انسانی حقوق کامقدمہ بناکرعالمی عدالتوں میں جارہے ہیں ۔عالمی عدالتوں میں دو ممالک کیدرمیان تنازعات لے جائے جاتے ہیں۔ اب یہ ملک کو عالمی عدالت میں گھسیٹ رہے ہیں۔ پریس کانفرنس کے دوران عطا اللہ تارڑ نے کہا کہ پی ٹی آئی نے ملعون رشدی کے وکیل کو فخر سے اپنا وکیل کرنے کا اعلان کیا ۔ جیفری رابرٹ سن چیئرمین پی ٹی آئی کی نمائندگی کرے گا ۔ جیفری رابرٹ ریاستوں کے خلاف کام کرنے والوں کی وکالت کرتا رہا۔ جیفری رابرٹ سن نے ملعون سلمان رشدی کواپنیگھرمیں پناہ دیرکھی تھی۔ عطاتارڑ نے کہا کہ آپ کے قول وفعل میں تضادرہا مگرآج تمام حدیں پارکردیں، اپنی سیاست بچانے کیلئے دنیا کو پیغام دیاجارہاہے پاکستان محفوظ نہیں۔ اپنی حمایت کیلئے اسلام اور ملک دشمنوں کو کھڑا کیا جارہاہے۔ ملک دشمنی کے بعداسلام دشمنی شروع کردی گئی ہے۔ ان کا کہنا تھا کہ چیئرمین پی ٹی آئی کے اسرائیل سے بڑے قریبی روابط ہیں، دشمنوں نیٹی وی شوزمیں کہاچیئرمین پی ٹی آئی ہمیں سوٹ کرتاہے، اپنے ہی ملک کیدفاعی اداروں پر حملے کیے گئے، 9 مئی کیواقعات ملک دشمنوں کوخوش کرنے کیلئے کیے گئے۔

کریڈٹ: انڈیپنڈنٹ نیوز پاکستان-آئی این پی

انسداد دہشت گردی عدالت میں سابق اسپیکر سندھ اسمبلی اور سابق قائد حزب اختلاف حلیم عادل شیخ کے درمیان دلچسپ جملوں کا تبادلہ ہوا۔ انسداد دہشتگردی عدالت میں ہونے والی ملاقات میں آغاسراج درانی نے حلیم عادل شیخ سے پوچھا آپ تو سندھی ٹوپی پہنتے تھے آج یہ کیپ پہنی ہے جس پر حلیم عادل شیخ نے مسکرا کر جواب دیا سر غلطی ہو گئی۔ آغا سراج درانی نے حلیم عادل شیخ سے پوچھا کہ آپ ہمیشہ سندھی ٹوپی پہنتے ہیں لیکن آج انگریز بن گئے، جس پر حلیم عادل شیخ نے کہا آغا صاحب! آپ کے مہمان ہیں اس لیے اس ٹوپی میں ہیں، گھر سے آتا تو سندھی ٹوپی میں ہی آتا۔ رہنما پیپلز پارٹی نے کہا آپ اسمبلی میں ہوتے تو میرے مہمان ہوتے یہاں نہیں۔ پی ٹی آئی سندھ کے صدر حلیم عادل شیخ نے آغا سراج درانی نے پوچھا آپ خیریت سے ہیں، جس پر سابق اسپیکر سندھ اسمبلی نے کہا مجھے کیا ہو گا میں بالکل خیریت سے ہوں۔ آغا سراج درانی سے سوال پوچھا گیا کہ کیا آپ تحفے میں ٹوپی دیں گے، جس پر آغا سراج درانی نے کہا نہیں میں گھر پہنچتے ہی ان کو ٹوپی کا تحفہ دوں گا۔

کریڈٹ: انڈیپنڈنٹ نیوز پاکستان-آئی این پی

اپوزیشن پارٹیوں کی مخالفت کے باوجود ڈنمارک کی حکومت نے قرآن پاک کی بے حرمتی کو روکنے کیلئے بل تیار کر لیا ۔ قرآن پاک کے نسخوں کی بے حرمتی کرنے پر ڈنمارک اور سویڈن میں پچھلے ہفتوں کے دوران عوامی سطح پر احتجاجی مظاہرے دیکھنے میں آئے ہیں، بے حرمتی کے واقعات کے باعث مسلم ممالک میں شدید غم و غصہ پایا جاتا ہے۔ پاکستان سمیت دیگر مسلم ممالک نے نورڈک حکومتوں سے مطالبہ کیا تھا کہ وہ قرآن پاک کی بے حرمتی کو روکنے کیلئے قانون سازی کریں جس کے بعد اب ڈنمارک حکومت نے قرآن پاک کی بے حرمتی کو روکنے کیلئے بل تیار کیا ہے۔

کریڈٹ: انڈیپنڈنٹ نیوز پاکستان-آئی این پی

برطانیہ کی معروف کاروباری شخصیت مصری نژاد محمد الفائد 94 برس کی عمر میں انتقال کر گئے۔ اہل خانہ کی جانب سے جاری بیان میں کہا گیا کہ بدھ 30 اگست کو محمد الفائد خالق حقیقی سے جاملے، مصر کے شہر سکندریہ میں پیدا ہونے والے محمد الفائد 70 کی دہائی میں برطانیہ منتقل ہوئے۔ محمد الفائد کے بیٹے ڈودی الفائد آنجہانی شہزادی لیڈی ڈیانا کے ساتھ کار حادثے میں چل بسے تھے، محمد الفائد کی نماز جنازہ لندن کے ریجنٹس پارک مسجد میں ادا کی گئی۔ واضح رہے فوربز کی درجہ بندی کے مطابق محمد الفائد امیر ترین عربوں کی فہرست میں 12 ویں نمبر پر تھے ، ان کی دولت کی مجموعی مالیت 2 بلین ڈالر ہے، وہ دنیا میں 1516 ویں نمبر پر تھے۔

کریڈٹ: انڈیپنڈنٹ نیوز پاکستان-آئی این پی

چلی میں ٹرین اور منی بس کے تصادم میں 6 افراد ہلاک ہو گئے ۔ غیر ملکی میڈیا کے مطابق مقامی ملٹری پولیس کے ترجمان فرانسسکو کاراسکو نے میڈیا کو بتایا کہ سینٹیاگو سے تقریبا 500 کلومیٹر جنوب میں سان پیڈرو ڈی لا پاز کے علاقے میں ایک ٹرین منی بس سیٹکرا گئی جس کے نتیجے میں6افراد ہلاک ہو گئے ہیں۔ رپورٹ کے مطابق حادثہ اس وقت پیش آیا جب منی بس بند پھاٹک کو توڑتے ہوئے ٹرین کی زد میں آگئی۔ ٹرین کی ٹکر سے بس میں سوار 14مسافروں میں سے 6 کی فوری طور پرموت ہوگئی۔ حکام نے بتایا کہ یہ تصادم ریلوے کراسنگ پر ہوا ہے، ابتدائی تحقیق کے مطابق ٹرین کراسنگ کے وقت کراسنگ بیریئرز معمول کے مطابق کام کر رہے تھے، سان پیڈرو قصبے میں تین روزہ سوگ کا اعلان کیا گیا ہے۔

کریڈٹ: انڈیپنڈنٹ نیوز پاکستان-آئی این پی

بھارتی ریاست منی پور میں جاری خانہ جنگی مودی حکومت کے کنٹرول سے باہرہوگئی، قبائلی تصادم میں 8 افراد ہلاک، 18سے زائد زخمی ہوگئے۔ غیر ملکی میڈیا کے مطابق خونریز تصادم کے واقعات بشنوپور اور چورا چندپور کے اضلاع میں پیش آئے، جہاں کوکی اور میٹی قبائل کے درمیان تصادم گزشتہ 2روز سے جاری تھا۔ عینی شاہدین کا کہنا ہے کہ اس تمام صورتحال میں پولیس اور فوج خاموش تماشائی بنی رہی، جبکہ منی پور کے وزیراعلی بیرن سنگھ نے حالات کوسنگین اور نازک ترین قرار دیدیا۔ ڈی جی آسام رائفلزلیفٹیننٹ جنرل پردیپ نائر نے بھی ہاتھ کھڑے کر دیے ہیں، لیفٹیننٹ جنرل پردیپ نائر کا کہنا ہے کہ کوکی، میٹی قبائل کے پاس بڑی تعداد میں ہتھیار موجود ہیں۔ لیفٹیننٹ جنرل پردیپ نے کہا کہ قبائل کے پاس ہتھیاروں کے باعث فورسز کو ناکامی کاسامنا ہے، ماضی میں کبھی ایسی کشیدگی نہیں دیکھی، حالات انتہائی خراب ہیں۔ واضح رہے کہ منی پور میں 4 ماہ سے خانہ جنگی جاری ہے جس میں اب تک 300 سے زائد افراد ہلاک ہوچکے ہیں جبکہ 50 ہزار بے گھر ہوئے ہیں۔

کریڈٹ: انڈیپنڈنٹ نیوز پاکستان-آئی این پی