گاڑیوں کے سپیئرپارٹس کی برآمدات میں جون 2023 کے دوران سالانہ بنیادوں پر 40.3فیصد کا اضافہ ریکارڈ کیا گیا ہے۔ ادارہ برائے شماریات پاکستان کی طرف سے جاری کردہ اعدادوشمار کے مطابق جون 2022 کے مقابلے میں جون 2023 کے دوران گاڑیوں کے سپیئرپارٹس کی برآمدات میں 40.3 فیصد اضافہ ہوا ہے۔ رپورٹ کے مطابق جون 2022 کے دوران 431ملین روپے کی گاڑیوں کے سپیئر پارٹس کی برآمدات کی گئی تھیں جو جون 2023 میں 40.3فیصد کے اضافے کے بعد 604ملین روپے تک پہنچ گئیں۔

کریڈٹ: انڈیپنڈنٹ نیوز پاکستان-آئی این پی

نشان حیدر اعزاز حاصل کرنے والے پاک فضائیہ کے پائلٹ آفیسر راشد منہاس کا52واںیومشہادت20اگست کو منایا جائے گا وہ شہادت کا رتبہ حاصل کرنے والے پاک فضائیہ کے پہلے آفیسر تھے۔پائلٹ آفیسر راشد منہاس 17فروری 1951ء کوکراچی کی ایک معزز راجپوت فیملی میں پیدا ہوئے ان کے خاندان اور عزیز و اقارب پاک فوج سے وابستہ تھے راشد منہاس نے بھی پاک فضائیہ کا انتخاب کیاوہ اگست1971ء کو پائلٹ آفیسر بنے 20اگست1971ء کو ان کی تربیتی پرواز تھی ان کا انسٹرکٹر مطیع الرحمن زبردستی کاک پٹ میں داخل ہو گیا اور جہاز کا رخ دشمن ملک بھارت کی جانب موڑ دیا راشد منہاس نے وطن پر جان قربان کرتے ہوئے جہاز کا رخ زمین کی جانب موڑ دیا جہاز تباہ ہونے سے راشد منہاس نے شہادت کا رتبہ حاصل کیاانہیں پاک فوج کے سب سے بڑے اعزاز نشان حیدر سے نوازا گیا۔

کریڈٹ: انڈیپنڈنٹ نیوز پاکستان-آئی این پی

انسداد دہشت گردی عدالت نے 9 مئی واقعات پرشاہ محمود ، اسد عمرسمیت دیگرکی عبوری ضمانتوں میں 2 ستمبر تک توسیع کردی۔ انسداد دہشت گردی عدالت کے جج اعجاز احمد بٹر نے سماعت کی۔ شاہ محمود قریشی انسداد دہشت گردی عدالت میں پیش ہوئے۔ انسداد دہشت گردی عدالت لاہورنے آئندہ سماعت پر وکلا سے دلائل طلب کرلیے ہیں۔ عدالت نے فواد چوہدری کی حاضری معافی کی درخواست پرفیصلہ محفوظ کرلیا۔

کریڈٹ: انڈیپنڈنٹ نیوز پاکستان-آئی این پی

سپریم کورٹ میں پولیس آرڈر 2002 کی منسوخی سے متعلق درخواستوں پر سماعت غیر معینہ مدت کیلئے ملتوی کردی گئی۔ چیف جسٹس نے ریمارکس دیئے کرائم سین کا تحفظ نہ ہونے سے شواہد ضائع اور پراسیکیوشن کے عدالتوں میں ناقابل قبول شواہد پیش کرنے سے ملزمان بری ہوجاتے ہیں۔ جسٹس عمر عطا بندیال نے سندھ اور خیبرپختونخوا پولیس کے اقدامات کی تعریف بھی کی۔ سپریم کورٹ آف پاکستان میں پولیس آرڈر 2002 کی منسوخی سے متعلق درخواستوں پر سماعت ہوئی، چیف جسٹس عمر عطا بندیال کی سربراہی میں 3 رکنی بینچ نے سماعت کی۔ چیف جسٹس نے ریمارکس دیئے کہ کرائم سین کا تحفظ نہ ہونے سے شواہد ضائع اور پراسیکیوشن کے عدالتوں میں ناقابل قبول شواہد پیش کرنے سے ملزمان بری ہوجاتے ہیں، پولیس تفتیش میں کمزوریاں ہیں جس کا ملزمان کو فائدہ ملتا ہے۔ جسٹس عمر عطا بندیال کا کہنا ہے کہ سندھ نے علیحدہ سے خصوصی تفتیشی ونگ قائم کیا ہے، سندھ پولیس کا اقدام قابل ستائش ہے، پنجاب اور اسلام آباد پولیس نے تفتیش میں بہتری کیلئے ابھی ایسے اقدامات نہیں کئے، خیبرپختونخوا میں بھی پولیس نظام کو کچھ بہتر کیا گیا ہے۔ انہوں نے کہا کہ پنجاب اور اسلام آباد دونوں پولیس نظام بہتر بنانے میں دیگر صوبوں سے پیچھے ہیں، حال ہی میں عدالتی پالیسی ساز کمیٹی کا اجلاس ہوا، اجلاس میں تمام آئی جیز اور پراسیکیوٹرز پیش ہوئے۔ وکیل فاروق ایچ نائیک نے دلائل دیتے ہوئے کہا کہ سندھ اسمبلی تحلیل ہوچکی، نگران حکومت سے ہدایات کیلئے مہلت دی جائے۔ سپریم کورٹ نے پولیس آرڈر کی منسوخی سے متعلق درخواست پر سماعت چھٹیوں کے بعد تک ملتوی کردی۔

کریڈٹ: انڈیپنڈنٹ نیوز پاکستان-آئی این پی

محکمہ زراعت کے مطابق دھان کے کاشتکار اُگی ہوئی جڑی بوٹیوں کو تلف کرنے کے لئے منتقلی لاب کے ایک مہینہ کے اندر اندر سفار ش کردہ جڑی بوٹی مار زہروں کا سپرے کریں۔زنک کی کمی کی صورت میں زنک سلفیٹ33فیصد بحساب 6 تا 27 فیصد بحساب7.5 کلو گرام یا21 فیصدبحساب 10 کلو گرام فی ایکڑ لاب منتقلی کرنے کے دس دن تک ڈالیں۔کاشتکارمنتقلی لاب کے بعد 20 تا25 دن تک کھیت میں ایک تادو انچ پانی کھڑا رکھیں۔ا س کے بعد کھیت کو تر وتر حالت میں رکھیں تاکہ دانے دار ززہر ڈالتے وقت ایک تا ڈیرھ انچ پانی لازماً کھڑا ہو۔منتقلی کے بعد مختلف عوامل کی وجہ سے کچھ پودے مر جاتے ہیں یا پانی کے اُوپر تیر جاتے ہیںجس سے ناغے رہ جاتے ہیں۔اس لئے منتقلی لاب کے ہفتہ کے اند ر اندر جائزہ لیکر جلد ا ز جلد ناغے پُر کریں۔نائٹروجنی کھاد کی باقی ماندہ مقدار کا استعمال 20 اگست سے پہلے مکمل کرلیں اور کھاد ڈالتے وقت کھیت میں پانی کم سے کم کھڑا ہونا چاہیے بہتر ہے کہ پانی بالکل نہ ہو صرف کیچڑ ہی ہو۔ ٹیوب ویل کے ناقص پانی سے سیراب ہونے والی زمینوں میں کھادوں کے ساتھ جپسم کھاد بحساب 5 بوری فی ایکڑ ڈالیں۔ترجمان محکمہ زراعت پنجاب نے مزید کہا کہ دھان کی پتہ لپیٹ سنڈی کے حملہ کی صور ت میں نقصان کی معاشی حد 2 عدد حملہ شدہ/ لیپٹے ہوئے پتے فی پودا ہے۔اسی طرح تنے کی سنڈیوں کے حملے کی صور ت میں نقصان کی معاشی حد یعنی پودوں میں سوک کی شرح 5 فیصد ہوجائے تو محکمہ زراعت کے مقامی ماہرین کے مشورہ سے زہروں کا استعمال کریں۔بکائنی کے حملہ کی صورت میں متاثرہ پودوں کو اُکھاڑ کر تلف کردیں۔سفید پشتی اور بھورے تیلے کے متوقع حملہ سے کاشتکار ہوشیار رہیں۔یہ بات یاد رکھیں کہ دھان اور دیگر غذائی فصلات پر ہمیشہ سفارش کردہ محفوظ زہریں استعمال کریںتاکہ جنس میں زہر کی باقیات نہ پائی جائیں اور برآمد کرنے کی صورت میں یہ بین الاقوامی منڈی میں قابلِ قبول ہو سکے۔

کریڈٹ: انڈیپنڈنٹ نیوز پاکستان-آئی این پی

سریے کی فی ٹن قیمت میں ہوشربا اضافہ ہوگیا۔ ملک میں سریے کی قیمت میں ایک بار پھربڑا اضافہ ہوگیا،10 ہزار روپے کے حالیہ اضافے کے بعد سریے کی فی ٹن قیمت 2 لاکھ 80 ہزار روپے ہوگئی ہے۔صدر آئرن اسٹیل مرچنٹ ایسوسی ایشن حماد پونا والا کا کہنا ہے کہ ڈالر کی بڑھتی ہوئی قیمت کی وجہ سے لوہے کی قیمتیں مزید بڑھنے کا خدشہ ہے۔یاد رہے کہ اسٹیٹ بینک کے مطابق انٹربینک میں ڈالر 294 روپے 93 پیسے پر بند ہوا، انٹربینک میں ڈالر آج 3 روپے 42 پیسے مہنگا ہوا۔دوسری طرف اوپن مارکیٹ میں ڈالر مزید ڈیڑھ روپے مہنگا ہوکر 303 روپے 50 پیسے کا ہوگیا ہے۔

کریڈٹ: انڈیپنڈنٹ نیوز پاکستان-آئی این پی

محکمہ لائیو سٹاک و ڈیری ڈویلپمنٹ نے فیصل آباد ڈویژن کے چاروں اضلاع سمیت صوبہ بھر میں مویشیوں کو گل گھوٹو، منہ کھر،نمونیا، انتڑیوں کے زہر اور مرغیوں کو رانی کھیت سے بچائو کے لیے ویکسی نیشن مہم 30 ستمبر تک جاری رکھنے اعلان کیاہے۔ ڈویژنل ڈائریکٹرمحکمہ لائیو سٹاک و ڈیری ڈویلپمنٹ فیصل آبادڈاکٹر حیدر علی خان نے کہا ہے کہ مہم کے دوران جانوروں، مویشیوں، پرندوں کو حفاظتی ٹیکے لگانے کا ہدف مکمل کیاجائے گا۔انہوں نے کہا کہ تمام مویشی پال حضرات، لائیو سٹاک فارمرز اور پولٹری فارمرز کو ہدایت کی گئی ہے کہ وہ رواں موسم کے دوران اپنے جانوروں اور پرندوں کو موسمی بیماریوں سے بچانے کے لیے حفاظتی ٹیکے لگوائیں تاکہ بعدازاں انہیں کسی پریشانی کا سامنا نہ کرناپڑے۔انہوں نے لائیو سٹاک فارمرز سمیت بھینس، گائے، بکریاں اوردیگر جانور و مویشی پالنے والے حضرات سے کہا کہ چونکہ موسم خزاں میں جانوروں میں منہ کھر کی بیماری کے حملے کا خطرہ بڑھ جاتاہے لہٰذا وہ فوری طور پر اپنے مویشیوں اور جانوروں کو منہ کھر کی بیماری سے بچانے کے لیے ٹیکے لگوائیں۔انہوں نے کہا کہ منہ کھر کا وائرس جانوروں کے منہ اور کھروں کے درمیان کھال پر حملہ کرتاہے جس سے بھینسوں و گائیوں کی زبان، تالو، مسوڑھوں، ہوانہ اور کھروں کے درمیان چھالے پڑ جاتے ہیں جس سے ان کو تیز بخار ہو جاتا ہے اور وہ خوراک کھانا بندکرنے سمیت دودھ کی پیداوار بھی کم کردیتے ہیں، اسی طرح بھیڑوں و بکریوں کے منہ میں سرخ دھبے نظر آتے ہیں اور رال ٹپکنا شروع ہو جاتی ہے۔انہوں نے کہا کہ تمام ویٹرنری ہسپتالوں، ڈسپنسریوں میں متعلقہ ٹیکے وافر مقدار میں موجودہیں اور اس ضمن مزید معلومات یا رہنمائی ے لیے محکمہ کی ہیلپ لائن پر بھی مفت رابطہ کیا جا سکتا ہے۔ انہوں نے کہا کہ 5سے20فیصد برائلر چوزے مختلف بیماریوں کی وجہ سے مر جاتے ہیں اور پولٹر ی فارمرز کی جانب سے مؤثر اقدامات نہ ہونے سے نہ صرف انہیں مالی نقصان کا سامنا کرنا پڑتا ہے بلکہ اس سے ملکی وسائل بھی بری طرح متاثر ہو رہے ہیں۔انہوں نے کہا کہ جیسے جیسے مرغبانی کی صنعت ترقی کر رہی ہے ویسے ہی اس کے مسائل میں بھی اضافہ ہوتا جار ہا ہے جس میں مرغیوں کی بیماری سر فہرست ہے۔ انہوں نے کہا کہ چوزوں کی متناسب جسامت، نشوو نما، تازہ اور جراثیم سے پاک پانی کی فراہمی، متوازن خوراک، حفاظتی ٹیکہ جات، فارم اور گرد و نوا ح کی مناسب صفائی اور پرندوں کی نگہداشت سے برائلر چوزوں کے ابتدا میں ہی مرنے کی شرح کو کم کیا جا سکتاہے۔ انہوں نے کہا کہ پولٹری فارمرز محکمہ لائیو سٹاک کے حکام کے مشوروں پر عمل کریں تاکہ چوزوں میں مرنے اور ان میں بیماریاں پھیلنے کے تناسب کو کم کیا جا سکے۔

کریڈٹ: انڈیپنڈنٹ نیوز پاکستان-آئی این پی

ڈیٹ پام ریسرچ کے ماہراثمارڈاکٹر طلعت حسین نے بتایا کہ کھجور کاپھل رواں ماہ کے آخر اور ستمبرکے آغاز میں مکمل طور پر پک کر تیار ہو جائے گا جسے جدید ٹیکنالوجی کے استعمال سے 10 سال کے لیے ذخیرہ کیاجاسکتاہے۔ انہوں نے بتایاکہ جیسے جیسے گرمی کی شدت میں اضافہ ہوتاہے ویسے ہی کھجور جلد پک کر تیار ہونا شروع ہوجاتی ہے۔انہوں نے کہا کہ کھجور کی افادیت اپنی جگہ جبکہ کھجور کے درخت بھی بہت اہم خواص کے حامل ہوتے ہیں۔ انہوں نے کہا کہ کھجور کے تنے میں گھاؤ لگایاجائے تو اس سے انتہائی لذیز اور خوشبودار مواد برآمد ہوتاہے اور اسے عموماً اس وقت پیا جاتاہے جب اسے نکالاجائے۔ انہوں نے کہاکہ کھجور کے پیڑ سے نکلنے والے گوند کو بیرونی چوٹوں کے لیے استعمال کیاجاتا ہے جبکہ گھٹنے پر چوٹ کے لیے استعمال کی صورت میں بھی زبردست افاقہ حاصل ہوسکتاہے۔

کریڈٹ: انڈیپنڈنٹ نیوز پاکستان-آئی این پی

پلانٹ پتھالوجیکل ریسرچ انسٹی ٹیوٹ فیصل آباد کے زرعی ماہرین نے کہا ہے کہ کاشتکار باسمتی اقسام سے 60من اور اری اقسام سے 80من فی ایکڑ پیداوار حاصل کر رہے ہیں، بیماریوں پر کنٹرول کر کے دھان کی پیداوار میں مزید اضافہ ممکن بنایاجاسکتاہے۔ انہوں نے کہا کہ چاول ہماری غذائی ضروریات پوری کرنے کے ساتھ ساتھ زرمبادلہ کمانے کا ذریعہ بھی ہے۔انہوں نے کہاکہ دھان کی فصل سے اچھی پیداوار کے حصول کے لییبیماریوں پر کنٹرول حاصل کرنا نہایت اہم ہے کیونکہ اگر ان بیماریوں کا بروقت تدارک نہ کیا جائے تو یہ پیداوار میں بہت بڑی کمی کا سبب بنتی ہیں۔انہوں نے کہاکہ دھان کی فصل کو بیماریوں اور نقصان رساں کیڑوں سے بروقت تدارک کے لیے کاشتکار ماحول دوست زہروں کا استعمال کریں۔انہوں نے کہاکہ کاشتکار محکمہ زراعت کی طرف سے قائم کردہ لیبارٹریوں سے کسان دوست کیڑے حاصل کرکے غیر کیمیائی انسداد کی ٹیکنالوجی کو اپنائیں کیونکہ ان اقدامات سے چاول کی پیداوارمیں اضافے کے ساتھ معیار کو بہتر بنانے میں بھی مدد ملے گی جس سے چاول کی برآمدات میں اضافہ ہوگا اور ہم ملک کے لیے زیادہ زرمبادلہ حاصل کرسکیں گے۔انہوں نے کہا کہ پتوں پر بھورے دھبے کی بیماری کی وجہ سے دھان کے پتوں پر چھوٹے چھوٹے گول یا بیضوی نشان ظاہر ہوتے ہیں نیزدھان کے پتوں کے جراثیمی جھلساؤکی بیماری فصل پر گوبھ کے وقت نمودار ہوتی ہے اور پتے کی نوک اور کناروں سے شروع ہو کر لمبائی اور چوڑائی میں بڑھتی ہے اسی طرح پتوں پر بیماری کی علامات سفید نمدار دھاری کی شکل میں ظاہر ہوتی ہیں جس سے بعد میں پتے کا بیمار حصہ سوکھ کر سفید ہو جاتا ہے اور پتہ اوپر کی طرف لپٹ جاتا ہے۔انہوں نے کہاکہ شروع میں اس کا حملہ ٹکڑیوں کی شکل میں ہوتا ہے جو بعد میں پوری فصل کو اپنی لپیٹ میں لے لیتا ہے جس کے باعث دور سے فصل جُھلسی ہوئی دکھائی دیتی ہے۔انہوں نے کہاکہ بیمار پودوں پر دانے بہت کم بنتے ہیں اور پیداوار متاثر ہوتی ہے لہٰذاکاشتکار نائٹروجن اور فاسفورس کھاد کی مناسب مقدار استعمال کرنے کے ساتھ ساتھ پوٹاش والی کھاد کا بھی استعمال کریں تاہم شدیدحملہ کی صورت میں محکمہ زراعت کے توسیعی عملیکے مشورے سے مؤثر پھپھوندی کش زہر کا استعمال بھی کیاجاسکتاہے۔

کریڈٹ: انڈیپنڈنٹ نیوز پاکستان-آئی این پی

شوگرکین ریسرچ انسٹیٹیوٹ کے ماہرین زراعت نے کہا ہے کہ گنے کی نئی اقسام کی کاشت سے پاکستان میں چینی کی پیداوار میں 4فیصد تک اضافہ کیاجاسکتاہے، جدید پیداواری ٹیکنالوجی کے استعمال سے پاکستان کو دنیا میں گنا پیداکرنیوالا سب سے بڑا ملک بنانے میں بھی مدد مل سکتی ہے، کماد کی بمپر کراپ کے حصول کے لئے کی جانے والی تحقیق کے ثمرات کاشتکاروں تک پہنچانے کے مثبت اثرات مرتب ہو سکتے ہیں۔ایک بیان میں انہوں نے کہاکہ جدید تحقیق کے مطابق اگر رجر کے ذریعے گہری کھیلیاں بنا کر کماد کاشت کیا جائے تو بہاریہ فصل کی فی ایکڑ پیداوار 840 من جبکہ ستمبر کاشتہ فصل سے پیداوار 1150من فی ایکڑ حاصل ہو سکتی ہے۔ انہوں نے کہاکہ پاکستان میں گنے کی اوسط پیداوار 565 من فی ایکڑ کے قریب ہے جبکہ ترقی پسند ملکوں کے کاشتکار 1500من فی ایکڑ پیداوار حاصل کررہے ہیں۔ انہوں نے کہاکہ گنے کی نئی اقسام کی کاشت سے پانی کی کمیابی کے باوجود اچھی پیداوار مل سکتی ہے جس سے چینی کی پیداوار میں 4 فیصد تک اضافہ ممکن ہے

کریڈٹ: انڈیپنڈنٹ نیوز پاکستان-آئی این پی

ڈویژنل کمشنر فیصل آباد سلوت سعیدکی ہدایات پرڈویژنل ٹاسک فورس کمیٹی کی زیر نگرانی شعبہ پیسٹ وارننگ اینڈ کوالٹی کنٹرول آف پیسٹی سائیڈزکی ملاوٹ شدہ زرعی ادویات کی تیاری و فروخت کے خلاف مہم جاری ہے۔ڈپٹی ڈائریکٹرشعبہ پلانٹ پروٹیکشن، پیسٹ وارننگ اینڈ کوالٹی کنٹرول آف پیسٹی سائیڈزمحکمہ زراعت فیصل آباد ڈاکٹر عامر رسول نے بتایا کہ ڈویژن کے چاروں اضلاع میں رواں سال اب تک پیسٹی سائیڈ دکانوں اور زرعی ادویات کی تقسیم کار کمپنیز کے سٹور زسے لئے گئے 753 نمونہ جات لیبارٹری بھجوائے گئے جن میں سے اب تک 539 کے نتائج موصول ہوئے اور 14 نمونہ جات غیر معیاری اور ملاوٹ شدہ ہونے پر32مقدمات درج ہوئے، 24 دکانداروں کو گرفتار اور 65 لاکھ روپے جرمانہ بھی کیا گیا۔انہوں نے بتایا کہ غیر معیاری اور ملاوٹ شدہ زرعی ادویات کے خلاف مہم جاری ہے اور مافیا سے کوئی رعایت نہیں ہوگی تاکہ کسانوں کو معیاری اور ملاوٹ سے پاک زرعی ادویات کی دستیابی یقینی ہو

کریڈٹ: انڈیپنڈنٹ نیوز پاکستان-آئی این پی

نیا گوادر بین الاقوامی ہوائی اڈہ جو ستمبر میں شروع ہونے والا ہے پاکستان کی ہوابازی کی صنعت میں ایک اہم لمحے کی نشاندہی کرے گا، جو مواقع اور ترقی کے ایک نئے دور کا آغاز کرے گا۔مصطفی حیدر سید، ایگزیکٹو ڈائریکٹرپاک چائنا انسٹی ٹیوٹ نے ویلتھ پاک کو بتایاکہ اپنے جدید انفراسٹرکچر اور اسٹریٹجک محل وقوع کے ساتھ، ہوائی اڈہ ایوی ایشن کے شعبے کے لیے نئے افق کھولنے کے لیے بالکل تیار ہے جو خطے اور اس سے باہر اقتصادی ترقی، تجارت اور سیاحت کو فروغ دے گا۔چین، عالمی ہوا بازی کی صنعت میں ایک بڑے ملک کے طور پرسی پیک سے مختلف طریقوں سے فائدہ اٹھانے کی صلاحیت رکھتا ہے۔ گوادر پورٹ کی ترقی سے چین کو مشرق وسطی اور افریقہ سے سامان کی نقل و حمل کے لیے زیادہ موثر اور کم لاگت کا راستہ مل سکتا ہے۔ اس سے چین اور پاکستان کے درمیان ایئر کارگو سروسز کی مانگ میں اضافہ ہو سکتا ہے۔زمین پر مبنی نقل و حمل اس وقت چین اور پاکستان کے درمیان سامان اور لوگوں کی نقل و حرکت پر حاوی ہے۔تاہم، یہ روایتی نقل و حمل کے نظام وقت طلب ہیں اور خاص طور پر گوادر کے علاقے میں حفاظتی چیلنجز کا سامنا کرتے ہیں۔گوادر بین الاقوامی ہوائی اڈے کو ایک بڑے کارگو اور مسافروں کے مرکز کے طور پر ترقی دینا چینی سرمایہ کاری کو راغب کرے گا اور اسٹارٹ اپ ایئر لائنز کے قیام میں سہولت فراہم کرے گا۔

اس کے نتیجے میں، سیاحت اور تحقیقی سرگرمیوں کو فروغ ملے گا، گوادر کو ایک طویل المدتی منزل کے طور پر پوزیشن میں رکھا جائے گا اور سمندری اور علاقائی ماحول میں سائنسی تحقیق میں سہولت ملے گی۔ویلتھ پاک سے بات کرتے ہوئے، منصوبہ بندی، ترقی اور خصوصی اقدامات کی وزارت کے جوائنٹ چیف اکانومسٹ ظفر الحسن نے کہاکہ گوادر کو ہوا بازی پر مبنی بندرگاہ میں تبدیل کرنے سے شہری ہوابازی کی صنعت کو نمایاں فروغ ملے گا اور کاروبار اور اقتصادیات کو فروغ ملے گا۔ سرگرمیاں ملک میں نئے اقتصادی صنعتی زونز کا قیام سی پیک کے مقاصد کو مثر طریقے سے حاصل کر سکتا ہے، اقتصادی تعلقات کو مزید مضبوط بنا سکتا ہے اور علاقائی ترقی اور ترقی کو آگے بڑھا سکتا ہے۔بندرگاہ سے 26 کلومیٹر شمال مشرق میں واقع گوادر بین الاقوامی ہوائی اڈہ چین پاکستان ایوی ایشن تعاون کی ایک شاندار مثال ہے۔ اب تک، زیادہ تر انفراسٹرکچر مکمل طور پر مکمل ہو چکا ہے۔پبلک سیکٹر ڈویلپمنٹ پروگرام 2023-24 کے تحت، حکومت نے ہوائی اڈے کے لیے 5 ارب روپے مختص کیے ہیں جو اس اسٹریٹجک بندرگاہی شہر کے اندر اور باہر ہوائی ٹریفک کے لیے اہم ثابت ہوں گے۔

کریڈٹ: انڈیپنڈنٹ نیوز پاکستان-آئی این پی

چین پاکستان اقتصادی راہداری کا دوسرا مرحلہ دیہی ترقی، زرعی ترقی، صنعتی ترقی اور ماحولیاتی طور پر پائیدار اقدامات کے ذریعے پاکستان کی معیشت کو مضبوط بنانے میں اہم کردار ادا کرے گا۔یہ بات سی پیک سینٹر آف ایکسی لینس اسلام آباد کے ایگزیکٹو ڈائریکٹر محمود خالد نے ویلتھ پاک سے گفتگو کرتے ہوئے کہی۔انہوں نے کہا کہ سی پیک فیز II کے منصوبوں پر تیزی سے عمل درآمد نہ صرف سست شرح نمو کے خلاف ایک کشن فراہم کرے گا بلکہ روزگار کے مواقع بھی پیدا کرے گا۔یہ بتانا ضروری ہے کہ دونوں ممالک نے حال ہی میں سی پیک کی 10 ویں سالگرہ کے موقع پر فیز II کو بحال کرنے کا عہد کیا تھا جو کہ چین کے مجوزہ بیلٹ اینڈ روڈ انیشیٹو کا ایک اہم حصہ ہے۔محمود نے کہا کہ پاکستان کے اہم بجٹ اور مالیاتی حدود کے نتیجے میں سی پیک منصوبوں پر عمل درآمد میں بدقسمتی سے تاخیر ہوئی۔ انہوں نے مزید کہا کہ فیز II کے پراجیکٹس میں سہولت فراہم کرنے کے لیے حکومت پاکستان کی طرف سے دکھائے گئے ایک نئے عزم کے ساتھ، مینوفیکچرنگ اور زرعی شعبے ترقی کی منازل طے کریں گے۔محمود نے انتہائی ضروری ایم ایل ون منصوبے کو مکمل کرنے کے لیے دونوں ممالک کے عزم کو سراہا۔ملٹی بلین کا تاریخی ریلوے منصوبہ ملک کے بنیادی ڈھانچے کی ترقی میں ایک اہم اہمیت کا حامل ہے، اور فیز II کے تحت اس کی تکمیل کنیکٹیویٹی کو بہتر بنائے گی اور انٹر سٹی تجارت اور تجارت کو فروغ دے گی۔ 1680 کلومیٹر کا یہ ٹریک پاکستان کے صوبوں کے درمیان پل کا کام کرے گا۔مزید برآں، انہوں نے صاف توانائی کی منتقلی کے لیے فیز II کی اہمیت اور پاکستان کے لیے اس کے ثمر آور نتائج پر روشنی ڈالی۔ فیز II کے منصوبوں کی تکمیل کے ساتھ، پاکستان قابل تجدید توانائی کے ایک بڑے حصے پر مشتمل توانائی کا مرکب حاصل کر سکے گا۔ اس طرح درآمد شدہ جیواشم ایندھن کی وجہ سے زرمبادلہ کے ذخائر میں کمی کی توقع ہے، انہوں نے کہاکہ فیز II کی بحالی صنعت کاری کو فروغ دینے، سماجی ترقی کو آگے بڑھانے، خصوصی آزاد اقتصادی زونز کی ترقی کو تیز کرنے، اور ملک کے اندر قابل تجدید توانائی کے اقدامات کی توسیع کو فروغ دینے کے لیے اچھی علامت ہے۔

کریڈٹ: انڈیپنڈنٹ نیوز پاکستان-آئی این پی

ایکسائیڈ پاکستان لمیٹڈ نے گزشتہ مالی سال 2022-23 میں فروخت اور منافع میں پہلے کے مالی سال کے مقابلے میں حیران کن نمو ظاہر کی، مارکیٹ کے چیلنجوں کو کامیابی کے ساتھ نیویگیٹ کرتے ہوئے اور مواقع سے فائدہ اٹھایا۔فروخت، مجموعی منافع، آپریٹنگ منافع اور خالص منافع میں مسلسل اضافہ اسٹریٹجک لچک اور موثر انتظامی طریقوں کو ظاہر کرتا ہے۔ چونکہ کمپنی متحرک توانائی کے شعبے میں ترقی کرتی جارہی ہے، اس کی منافع اور ترقی کو آگے بڑھانے کی صلاحیت سرمایہ کاروں اور اسٹیک ہولڈرز کے لیے ایک امید افزا علامت بنی ہوئی ہے۔مالی سال 23 میں، کمپنی کی فروخت مالی سال 22 میں 14 بلین روپے سے بڑھ کر 23 ارب روپے تک پہنچ گئی، جس میں 63 فیصد کی نمایاں نمو تھی۔مجموعی منافع بھی مالی سال 21 میں 1.6 بلین روپے سے مالی سال 23 میں مضبوط 104 فیصد بڑھ کر 3.3 بلین روپے تک پہنچ گیا۔اسی طرح، آپریٹنگ منافع 1.8 بلین روپے تک پہنچ گیا، جو کہ مالی سال 22 میں 514 ملین روپے سے 266 فیصد زیادہ ہے۔کمپنی کا ٹیکس سے پہلے کا منافع مالی سال 23 میں 449 فیصد سے بڑھ کر 1.1 بلین روپے تک پہنچ گیا، جو مالی سال 22 میں پوسٹ کیے گئے 209 ملین روپے سے زیادہ ہے۔بعد از ٹیکس منافع مالی سال 23 میں 754 ملین روپے تک پہنچ گیا جو مالی سال 22 میں صرف 28 ملین روپے تھا، جس نے سال بہ سال 2514 فیصد کی زبردست نمو درج کی۔کمپنی نے گزشتہ مالی سال 2022-23 میں فروخت اور منافع میں مسلسل نمو کا مظاہرہ کیا اور آخری سہ ماہی خالص منافع کے لحاظ سے سب سے زیادہ نتیجہ خیز ثابت ہوئی، جس سے مارکیٹ کے متحرک ماحول میں کمپنی کی لچک دکھائی گئی۔ مجموعی منافع کا مارجن 2020 میں 8.34 فیصد رہا، جس سے پیداواری لاگت کے انتظام میں بہتری کی گنجائش ہے۔

یہ اس کی پیداوار کے عمل کو بہتر بنانے اور ممکنہ طور پر زیادہ سازگار سورسنگ کے اختیارات تلاش کرنے میں کمپنی کی مرکوز کوششوں کی نشاندہی کرتا ہے۔2022 میں 11.46فیصد کے مجموعی منافع کے مارجن کے ساتھ اوپر کی جانب رجحان جاری رہا۔ کمپنی اس مارجن کو مزید بڑھانے کی صلاحیت اس کی لاگت کے ڈھانچے کو بہتر بنانے اور اسٹیک ہولڈرز کو قدر فراہم کرنے کے عزم کو واضح کرتی ہے۔تازہ ترین اعداد و شمار 2023 میں 14.37فیصد کے متاثر کن مجموعی منافع کے مارجن کو ظاہر کرتے ہیں۔ یہ تیز اضافہ کمپنی کی اپنی آمدنی کے سلسلے کو برقرار رکھنے یا اس میں اضافہ کرتے ہوئے اخراجات کے انتظام میں کامیاب حکمت عملیوں کا ثبوت ہے۔کمپنی کو چیلنجوں کا سامنا کرنا پڑا، جیسا کہ 2020 میں 6.41 فیصد کے منفی خالص منافع کے مارجن سے ظاہر ہوتا ہے۔میں متاثر کن 3.22 فیصد تک بڑھنے سے پہلے 2022 میں خالص منافع کا مارجن 0.20 فیصد تک بہتر ہوا۔کمپنی کا مارکیٹ کیپٹلائزیشن 2.6 بلین روپے ہے۔ تھل لمیٹڈ کے پاس سب سے زیادہ مارکیٹ کیپٹلائزیشن 17.5 بلین روپے ہے، اور بلوچستان وہیلز لمیٹڈ کی سب سے کم مارکیٹ ویلیو 1.2 بلین روپے ہے۔ مقامی بیٹری انڈسٹری کو صلاحیت میں توسیع اور مارکیٹ کی حرکیات میں تبدیلی کی وجہ سے مسابقت کا سامنا کرنا پڑے گا۔ کمپنی کو اندازہ ہے کہ آنے والے سالوں میں منافع کی شرح یوٹیلیٹی کی قیمتوں میں اضافے، اجرت اور پاکستانی روپے کی قدر میں کمی سے متاثر ہو سکتی ہے۔ تاہم، انتظامیہ معیار میں بہتری، پیداواری صلاحیت، لاگت پر قابو پانے، اور بعد از فروخت سروس پر مسلسل توجہ کے ذریعے مواقع کو زیادہ سے زیادہ بنانے کے لیے پرعزم ہے، جس کا مقصد اس کی مسابقت اور مارکیٹ میں رسائی کو بڑھانا ہے۔کمپنی پاکستان میں بیٹریاں، کیمیکلز اور تیزاب تیار اور فروخت کرتی ہے۔ کمپنی کاروں، موٹر سائیکلوں، ہلکی نقل و حمل اور بھاری گاڑیوں میں استعمال کے لیے بیٹریاں پیش کرتی ہے۔ صنعتی حل کے لیے صنعتی اور لوکوموٹو بیٹریاں اور گھرانوں کے لیے بیٹریاںبھی شامل ہے۔

کریڈٹ: انڈیپنڈنٹ نیوز پاکستان-آئی این پی

پاکستان ایسوسی ایشن آف لارج اسٹیل پروڈیوسرز نے حکومت سے مطالبہ کیا ہے کہ وہ زمینی راستوں سے پڑوسی ممالک سے اسٹیل کی اسمگلنگ کو روکنے کے لیے ٹھوس کارروائی کرے۔ایسوسی ایشن نے کہا کہ سمگلنگ نہ صرف ملکی سٹیل کی صنعت کو نقصان پہنچا رہی ہے بلکہ بڑے پیمانے پر ٹیکس چوری کا باعث بن رہی ہے۔ جنرل سیکرٹری سید واجد بخاری نے سمگلنگ کو روکنے کے لیے فوری اور جامع اقدامات کی ضرورت پر زور دیا۔انہوں نے کہا کہ اس مسئلے کو فوری طور پر حل کرنے میں ناکامی کے پاکستان کے اسٹیل سیکٹر کے لیے سنگین نتائج ہو سکتے ہیں۔پاکستان ایسوسی ایشن آف لارج اسٹیل پروڈیوسرز نے پاکستانی مارکیٹ میں غیر قانونی اسٹیل بارز کی بڑی مقدار میں داخل ہونے کے بارے میں خدشات کا اظہار کیا ہے، جو بنیادی طور پر ایران اور افغانستان سے آتے ہیںجو ملکی اسٹیل کی صنعت کے لیے خطرہ ہیں۔انہوں نے وضاحت کرتے ہوئے کہا کہ ایران اور افغانستان سے اسٹیل بارز کی وسیع پیمانے پر اسمگلنگ اس مقام پر پہنچ گئی ہے جہاں پاکستان کے اسٹیل سیکٹر کی بقا خطرے میں پڑ گئی ہے۔واجد نے صوبہ بلوچستان میں کسٹم چیک پوسٹوں پر وزنی پلوں کی عدم موجودگی پر تشویش کا اظہار کیا۔ انہوں نے کہا کہ ٹریفک کی نگرانی کے لیے بلوچستان اور خیبرپختونخوا صوبوں میں کسٹم چیک پوسٹوں پر کوئی سکینر موجود نہیں ہے۔پاکستان میں اسٹیل کی صنعت اس وقت متعدد چیلنجوں سے نبرد آزما ہے، جن میں کرنسی کی قدر میں خاطر خواہ کمی، بڑھتا ہوا مالی بوجھ، اور بڑھتی ہوئی ان پٹ لاگت جیسے بجلی، پیٹرول، نقل و حمل وغیرہ شامل ہیں۔واجد نے کہااس وقت، مختلف ملیں بند ہو چکی ہیں اور باقی کم سے کم صلاحیت پر کام کر رہی ہیں۔انہوں نے خبردار کیا کہ فوری مداخلت کے بغیر، گھریلو صنعت کو ناقابل تلافی نقصان پہنچایا جا سکتا ہے جو 45 سے زیادہ ڈاون اسٹریم صنعتوں کو پالتی ہے۔ اندازوں کے مطابق ہر سال تقریبا 500,000 میٹرک ٹن سٹیل غیر قانونی طور پر پڑوسی ممالک سے پاکستان میں سمگل کیا جاتا ہے۔

یہ ملک کی سٹیل کی کل پیداوار کا تقریبا 10 فیصد ہے اور سالانہ ٹیکس ریونیو میں 25 ارب روپے کا نقصان ہوتا ہے۔ اس کے برعکس رکن کمپنیاں ملک میں مجموعی طور پر 70فیصد اسٹیل تیار کرتی ہیں، اور قومی خزانے میں نمایاں حصہ ڈالتی ہیں۔ انہوں نے اس بات پر زور دیا کہ منفی اثرات سٹیل کے شعبے سے آگے بڑھ سکتے ہیں، ممکنہ طور پر پاکستان کی مجموعی معیشت کو متاثر کر سکتے ہیں، جو سٹیل کی صنعت میں کافی سرمایہ کاری پر انحصار کرتی ہے۔واجد نے نشاندہی کی کہ اسمگلنگ کے نقصان دہ اثرات بلوچستان میں خاص طور پر تباہ کن رہے ہیں، جہاں اسٹیل کی گھریلو صنعت کو نقصان پہنچا ہے۔انہوں نے مزید کہابلوچستان میں، 80 فیصد سے زیادہ اسٹیل فروخت کیا جاتا ہے جو ایران سے اسمگلنگ، انڈر انوائسنگ، جھوٹے اعلانات اور دیگر غیر قانونی طریقے سے لایا جاتا ہے۔انہوں نے دعوی کیا کہ کمزور معائنہ نے اسمگل شدہ اسٹیل کو ملک کے دیگر علاقوں بشمول لاہور اور کراچی جیسے بڑے شہروں میں دراندازی کی اجازت دی ہے۔پاکستان ایسوسی ایشن آف لارج اسٹیل پروڈیوسرز کی اپیلوں کے جواب میں، حکومت نے ملک بھر میں سمگلنگ نیٹ ورکس کے خلاف کریک ڈان شروع کر دیا ہے۔ انہوں نے کہا، ان کوششوں سے صرف عارضی ریلیف حاصل ہوا ہے اور دیرپا حل فراہمکرنے میں ناکام رہے ہیں۔

اپنی معیشت کو ترقی دینے کے لیے پاکستان کو بہت زیادہ اسٹیل بنانا اور استعمال کرنا ہوگا، لیکن ملک فی کس 42 کلوگرام فی کس استعمال کرتا ہے، جبکہ عالمی اوسط 256 کلوگرام فی کس ہے۔پی اے ایل ایس پی کے جنرل سکریٹری نے کہا کہ سٹیل کی صنعت تعمیرات، انجینئرنگ، آٹوموٹیو اور دفاع سمیت مختلف شعبوں کے لیے ایک اہم جزو کے طور پر کام کرتی ہے۔انہوں نے زور دے کر کہا کہ اسٹیل برآمد کرنے والے ملک کے طور پر اپنی صلاحیت کو بروئے کار لانے کے لیے، پاکستان کو عالمی سطح پر اپنی اسٹیل کی صنعت کی مسابقت کو بڑھانا ہوگا۔واجد نے اسٹیل کی درآمد پر پابندی کی وکالت کی اور اسمگلنگ کو روکنے کے لیے جدید سکیننگ ٹیکنالوجی سے لیس اضافی چوکیوں کے قیام پر بھی زور دیا۔ انہوں نے کارکردگی کو بہتر بنانے کے لیے ڈیجیٹلائزیشن کے طریقہ کار کی تجویز بھی دی۔مزید برآں، واجد نے اسمگلنگ میں براہ راست ملوث افراد اور اس طرح کی سرگرمیوں کو چھپانے میں ملوث افراد کی حوصلہ شکنی کے لیے سخت سزائیں عائد کرنے کی اہمیت پر زور دیا۔

کریڈٹ: انڈیپنڈنٹ نیوز پاکستان-آئی این پی

جھنگ روڈو سلطان لیہ روڈ پر کیری ڈبہ درخت سے ٹکراگیا جس کے نتیجے میں خاتون سمیت دوزخمی دم توڑ گئے ۔ ریسکو کے مطابق حادثہ ڈرائیور کو نیند آنے کے باعث پیش آیا ، حادثے کے نتیجے میں خواتین سمیت چار افراد زخمی ہوئے جنہیں ٹی ایچ کیو 18 ہزاری منتقل کردیا گیا جہاں دو زخمی جانبر نہ ہوسکے ۔ ہسپتال ذرائع کے مطابق جھنگ کیری ڈبہ میں جاں بحق ہونے والوں میں ایک خاتون بھی شامل ہیں ، جاں بحق افراد کی نعشیں ہسپتال میں موجود ہیں ۔ ریسکیو کے مطابق کیری ڈبہ کے مسافر اسلام آباد سے کوٹ ادو جارہے تھے ۔

کریڈٹ: انڈیپنڈنٹ نیوز پاکستان-آئی این پی

چین کے شہر تیانجن میں منایا جانے والا پاکستان فوڈ اینڈ کلچر ویک پاکستان کے کھانوں اور ثقافتی ورثے کے مرکز میں ایک دلکش سفر تھا، جس میں شرکا کو لذیذ کھانوں سے لطف اندوز ہونے اور پاکستانی عوام کی مہمان نوازی کی گرمجوشی کا تجربہ کرنے کا انوکھا موقع فراہم کیا گیا۔ چائنہ اکنامک نیٹ کے مطابق ایک افتتاحی تقریب سے خطاب کرتے ہوئے بیجنگ میں پاکستانی سفارت خانے کے اکنامک منسٹر اسلم چوہدری نے کہا کہ پاکستان فوڈ اینڈ کلچر ویک صرف کھانوں اور ثقافتی تبادلوں کے بارے میں نہیں تھا اس نے پاکستان اور چین کے درمیان سفارتی تعلقات کو فروغ دینے اور عوامی سطح پر تعلقات کو مضبوط بنانے میں بھی کردار ادا کیا۔ انہوں نے مزید کہا کہ اس تقریب نے ثقافتی سفارتکاری کے لئے ایک پلیٹ فارم فراہم کیا ، جس سے دونوں ممالک کے مابین افہام و تفہیم اور دوستی کو فروغ ملا۔ چائنہ اکنامک نیٹ کے مطابق اس نے تیانجن کے شہر بنہائی کے لوگوں کو پاکستانی ثقافت اور روایات کے ایک ٹکڑے کا براہ راست تجربہ کرنے کا موقع فراہم کیا ، غلط فہمیوں کو دور کیا اور ملک کے بھر پور ورثے کے لئے کو فروغ دیا۔ تیانجن یونیورسٹی کے ایک پاکستانی طالب علم عمر فاروق نے چائنا اکنامک نیٹ کو بتایا کہ پاکستان فوڈ اینڈ کلچر ویک نے سیاحوں کو کھانا پکانے کے علاوہ ملک کے امیر ثقافتی ورثے کو جاننے کے لئے ایک پلیٹ فارم بھی فراہم کیا۔روایتی موسیقی اور رقص کی پرفارمنس نے سامعین کو محظوظ کیا اور انہیں پاکستان کی دھن اور جذبے کی جھلک دکھائی۔ پیچیدہ دستکاریوں، ٹیکسٹائل اور نوادرات کی نمائش کی گئی تھی، جو نسل در نسل منتقل ہونے والی فنکارانہ روایات میں ایک راستہ پیش کرتے ہیں۔ چائنہ اکنامک نیٹ کے مطابق پاکستانی طلبا اور تاجروں نے کہا کہ پاکستان فوڈ اینڈ کلچر ویک منانا اس بات کی بہترین مثال ہے کہ کس طرح کھانا اور ثقافت خلا کو پر کر سکتی ہے اور لوگوں کو متحد کر سکتی ہے۔ پاکستان کے متنوع ذائقوں، فنکارانہ صلاحیتوں اور روایات کو پیش کرتے ہوئے اس تقریب نے نہ صرف ذائقے کو خوش کیا بلکہ بین الثقافتی تفہیم کو بھی فروغ دیا۔

کریڈٹ: انڈیپنڈنٹ نیوز پاکستان-آئی این پی

پاکستان میں نقل و حمل کے شعبے کی ترقی کے لیے چینی اور پاکستانی کمپنیوں کے مشترکہ منصوبے کے تحت الیکٹرک دو پہیوں اور تین پہیوں والی گاڑیوں جنہیں عام طور پر ملک میں رکشہ کہا جاتا ہے کی پیداوار شروع کی جائے گی، امیدہے کہ اس تعاون سے مقامی مارکیٹ میں مثبت تبدیلیاں آئیں گی، کاربن کے اخراج میں کمی آئے گی اور ماحول دوست نقل و حمل کے اختیارات کو فروغ ملے گا۔ چائنہ اکنامک نیٹ کے مطابق یہ جوائنٹ وینچر اپریل میں چینی الیکٹرک وہیکل مینوفیکچرر بینلنگ گروپ، چینی بیٹری مینوفیکچرر ڈونگ جن گروپ اور پاکستانی آٹو کمپنی کران گروپ نے قائم کیا تھا تاکہ پاکستانی مارکیٹ میں جدید الیکٹرک موبلٹی سلوشنز متعارف کرانے کے لیے اپنی مہارت سے فائدہ اٹھایا جا سکے۔دو پہیوں اور تین پہیوں والی گاڑیاں پاکستان میں عوامی نقل و حمل کے لئے بڑے پیمانے پر استعمال ہوتی ہیں اور ملک کے نقل و حرکت کے ماحولیاتی نظام کا ایک اہم حصہ ہیں۔ توقع ہے کہ یہاں تیار کی جانے والی گاڑیاں گنجان آباد شہری علاقوں میں موثر اور ماحول دوست نقل و حمل کے آپشنز کی بڑھتی ہوئی طلب کو پورا کریں گی، جہاں ٹریفک کا ہجوم اور فضائی آلودگی بڑے خدشات بن چکے ہیں۔چائنا اکنامک نیٹ کو انٹرویو میں ڈونگ جن پاکستان کے جنرل منیجر ہو گی نے کہا کہ توقع ہے کہ الیکٹرک ٹو وہیلر اور تھری وہیلرز کی تیاری کے لیے مواد، بیٹریاں اور آلات کی پہلی کھیپ اگلے ہفتے کسٹم کلیئرنس کے بعد پاکستان پہنچ جائے گی۔ ہم اس مہینے کے آخر میں یا ستمبر کے اوائل میں ہمارے مشترکہ منصوبے کے ذریعہ تیار کردہ برقی دو پہیوں اور تین پہیوں والی گاڑیوں کی پہلی کھیپ کے اجرا کے بارے میں پرجوش ہیں۔

چائنہ اکنامک نیٹ کے مطابق کراچی کے قریب صنعتی زون میں واقع پیداواری سہولت کے ساتھ جوائنٹ وینچر پارٹنرز اس بات کو یقینی بنانے کے لیے پرعزم ہیں کہ پاکستان میں تیار ہونے والی الیکٹرک گاڑیاں بین الاقوامی معیار پر پورا اتریں۔ بیٹریاں برقی دو پہیوں اور تین پہیوں والی گاڑیوں کا ایک اہم جزو ہیں ، جو ان کی رینج ، کارکرد گی ، ماحولیاتی اثرات اور مجموعی استعمال کو متاثر کرتی ہیں۔ پاکستان میں الیکٹرک دو پہیوں اور تین پہیوں والی گاڑیوں کی ترقی روکنے کی سب سے اہم وجہ مقامی بیٹریوں کی محدود ٹیکنالوجی ہے۔بیٹریاں برقی دو پہیوں اور تین پہیوں والی گاڑیوں کا ایک اہم جزو ہیں ، جو ان کی رینج ، کارکردگی ، ماحولیاتی اثرات اور مجموعی استعمال کو متاثر کرتی ہیں۔چائنہ اکنامک نیٹ کے مطابق پاکستان میں الیکٹرک دو پہیوں اور تین پہیوں والی گاڑیوں کی ترقی روکنے کی سب سے اہم وجہ مقامی بیٹریوں کی محدود ٹیکنالوجی ہے۔ مزید برآں، مشترکہ منصوبے کا مقصد سپلائی چین اور بعد از فروخت سروس نیٹ ورک کے قیام کے ذریعے مقامی برادریوں کے لئے روزگار کے مواقع پیدا کرنا ہے۔ ہو نے کہا کہ "تعاون کے عمل میں، ہم الیکٹرک دو پہیوں والی اور تین پہیوں والی گاڑیوں کی مینوفیکچرنگ ٹیکنالوجی کو پاکستان منتقل کرنا جاری رکھیں گے، اور آہستہ آہستہ مقامی پیداوار کا احساس کریں گے اور پارک میں آٹو پارٹس کمپنیوں کے ساتھ تعاون کو وسعت دیں گے۔ چائنہ اکنامک نیٹ کے مطابق انہوںنے کہا ہمیں یقین ہے کہ جیسے جیسے پیداواری سہولت آپریشنز کے لئے تیار ہے، پاکستانی صارفین صاف، موثر اور سستی نقل و حمل کے اختیارات کے ایک نئے دور کا انتظار کر سکتے ہیں۔ چین اور پاکستان کے مشترکہ منصوبے پاکستان میں شہری نقل و حرکت کے مستقبل کی تشکیل اور عالمی سطح پر پائیدار نقل و حمل کے لئے ایک مثبت مثال قائم کرنے میں اہم کردار ادا کریں گے۔

کریڈٹ: انڈیپنڈنٹ نیوز پاکستان-آئی این پی

پٹرولیم مصنوعات کی قیمتوں میں اضافے پر ازخود نوٹس کے لئے سپریم کورٹ میں درخواست دائر کردی گئی۔ سپریم کورٹ میں درخواست مقامی وکیل مدثرچوہدری ایڈووکیٹ نے دائر کی ہے، درخواست کے متن میں کہا گیا ہے کہ پٹرولیم مصنوعات کی قیمتوں میں اضافہ کیا گیا ہے، مہنگائی سے غریب خود کشیاں کر رہے ہیں، قانون جینے کا ہر شہری کو حق دیتا ہے۔ درخواست میں استدعا کی گئی ہے کہ چیف جسٹس پاکستان اس معاملے پر ازخود نوٹس لیں، قوم کی چیف جسٹس پاکستان سے امیدیں وابستہ ہیں۔ یاد رہے کہ گزشتہ روز نگران حکومت نے پٹرولیم منصوعات کی قیمتوں میں بڑا اضافہ کیا ہے۔

کریڈٹ: انڈیپنڈنٹ نیوز پاکستان-آئی این پی

سائرس سجاد قاضی کو سیکرٹری خارجہ مقرر کردیا گیا ہے۔ ترجمان وزارت خارجہ کے مطابق اسد مجید کی ریٹائرمنٹ پر سائرس سجاد قاضی سیکرٹری خارجہ کی ذمہ داریاں سنبھالیں گے۔ علاوہ ازیں نگراں وفاقی کابینہ کے لیے مشاورت مکمل کر لی گئی ہے۔ ذرائع کے مطابق جلیل عباس جیلانی کو وزارت خارجہ اور سرفراز بگٹی کو وزارت داخلہ کا قلمدان سونپے جانے کا امکان ہے، دفاعی تجزیہ کار ڈاکٹر سید محمد علی کو وزیر اطلاعات بنائے جانے کا امکان ہے۔

کریڈٹ: انڈیپنڈنٹ نیوز پاکستان-آئی این پی

پاکستانی روپیہ کے مقابلے میں مسلسل 11 روز اضافے کے بعد ڈالر کی قدر میں معمولی کمی ۔ کرنسی ڈیلرز کے مطابق کاروباری دن کے آغاز پر ڈالر کی قدر میں اضافے کا رجحان رہا تاہم چند گھنٹے بعد روپے کی قدر بحال ہونے لگی ہے۔ ڈیلرز کے مطابق انٹر بینک میں ڈالر کی قدر میں 43 پیسے کی کمی کے بعد انٹر بینک میں ڈالر 294 روپے 50 پیسے پر آگیا۔ خیال رہے کہ نگران حکومت کے صرف 2 روز میں اوپن اور انٹر بنک میں ڈالر 7.17 روپے مہنگا ہوا ہے۔گزشتہ روز بھی انٹربنک میں ڈالر 3.42 روپے مہنگا ہو کر 294 روپے93 پیسے پربند ہوا جبکہ اوپن مارکیٹ میں ڈالر 3 روپے مہنگا ہو کر 303 روپے پرجا پہنچا۔

کریڈٹ: انڈیپنڈنٹ نیوز پاکستان-آئی این پی

اسلام آباد کے بعد ملک بھرکے تمام پاسپورٹ دفاتر سے ای پاسپورٹ کے اجرا کا آغاز کردیا گیا،ڈائریکٹویٹ جنرل امیگریشن اینڈ پاسپورٹس نے فیس شیڈول سے متعلق مراسلہ بھی جاری کر دیا ہے۔ 5 سالہ ای پاسپورٹ کے لیئے 36 صحفات کی نارمل فیس 9 ہزارروپے ہوگی، 36 صحفات ارجنٹ ای پاسپورٹ کی فیس 15 ہزارروپیمقرر کردی گئی،72 صفحات ای پاسپورٹ کے لیئے نارمل فیس 16500 اوراریجنٹ کے 27 ہزار مقرر کی گئی ہے۔ 36 صحفات پرمشتمل دس سالہ پاسپورٹ کے لیے نارمل فیس 13 ہزار5 سو مقرر، دس سالہ پاسپورٹ کی ارجنٹ فیس 22500 روپے ہوگی۔ 72 صفحات کے دس سالہ پاسپورٹ کی نارمل فیس 24750 اوراریجنٹ 40500 روپے ہوگی نارمل پاسپورٹ کی فیس حسب سابق رہیں گی۔ ڈائریکٹویٹ جنرل امیگریشن اینڈ پاسپورٹس کا کہنا ہے کہ فیس شیڈول 16 اگست سے نافذ العمل ہوگا۔

کریڈٹ: انڈیپنڈنٹ نیوز پاکستان-آئی این پی

رضوانہ تشدد کیس میں ملزمہ کے شوہرجوڈیشل افسر عاصم حفیظ کو چیف جسٹس کی منظوری کے بعد اوایس ڈی تعینات کردیا گیا۔ چیف جسٹس لاہور ہائی کورٹ نے جوڈیشل افسر عاصم حفیظ کو او ایس ڈی راولپنڈی تعینات کیا۔ چیف جسٹس کی منظوری کے بعد رجسٹرار نے عاصم حفیظ کو او ایس ڈی تعینات کرنے کا نوٹیفکیشن جاری کردیا۔

کریڈٹ: انڈیپنڈنٹ نیوز پاکستان-آئی این پی

لاہورہائیکورٹ نے حسان خان نیازی کو اٹھارہ اگست کومتعلقہ عدالت پیش کرنے کا حکم دے دیا۔ لاہورہائیکورٹ میں حسان نیازی کے والد حفیظ اللہ نیازی کی بیٹے کی بازیابی کے لیے درخواست پرسماعت ہوئی۔عدالت نے حسان نیازی پولیس تحویل میں ہے تو متعلقہ عدالت میں پیش کرنے کا حکم دیا۔ جسٹس سلطان تنویرنیحفیظ اللہ نیازی کی درخواست پر تحریری حکم جاری کردیا۔تحریری حکم کے مطابق سرکاری وکیل عدالتی حکم پر عملدرآمد کویقینی بنائیں،اگرحسان نیازی فریقین کے تحویل میں ہے تو18اگست کو عدالت پیش کریں۔ آئی جی پولیس سمیت دیگرفریق آئندہ سماعت پر رپورٹ جمع کرائیں۔ حسان نیازی کے والد نے بیٹے کی بازیابی کے لیے لاہورہائیکورٹ میں درخواست دائرکی تھی۔

کریڈٹ: انڈیپنڈنٹ نیوز پاکستان-آئی این پی

نگران وزیراعظم انوارالحق کاکڑ نے امریکی وزیرخارجہ انٹونی بلنکن کی مبارکباد کا خیرمقدم کرتے ہوئے کہا ہے کہ امریکا کے ساتھ اپنی شراکت داری کو اہمیت دیتے ہیں،خطے میں خوشحالی،جمہوریت کیلیے مشترکہ عزم کی قدر کرتے ہیں۔ سماجی رابطے کی ویب سائٹ ٹوئٹر پر اپنے بیان میں انوارلحق کاکڑ نے کہا کہ آزادانہ اور منصفانہ انتخابی عمل کے لیے کام کریں گے۔ خیال رہے کہ امریکی وزیرخارجہ انٹونی بلنکن نے نگران وزیراعظم پاکستان انوار الحق کاکڑ کو عہدہ سنبھالنے پر مبارک باد دی ہے۔ امریکی وزیرخارجہ انٹونی بلنکن نے اپنے ایک بیان میں کہا کہ پاکستان آزادانہ اور منصفانہ انتخابات کی تیاری کر رہاہے۔انہوں نے کہا کہ ہم آئین،آزادی اظہار،اقتصادی خوشحالی کیلئے مشترکہ عزم کو آگے بڑھاتے رہیں گے۔

کریڈٹ: انڈیپنڈنٹ نیوز پاکستان-آئی این پی

15ویں قومی اسمبلی نے کل کتنے بل پاس کئے معمہ بن گیا، فافن اور قومی اسمبلی کے ریکارڈ میں زمین آسمان کا فرق ،شعبہ قانون اپنا ڈیٹامستند ہونے پر بضد،صحافی کو ویب سائٹ سے ڈیٹا لینے کامشورہ ،مستند ڈیٹادینے سے معذرت کرلی صحافی نے تاریخ کے ساتھ قومی اسمبلی میں پیش اور پاس ہونے والے بلوں کے نام بتائے اورکہاکہ یہ بل ویب سائٹ پر کہاں پر ہیں ،جس پر کہاکہ ہم یہ بل ویب سائٹ پر ڈال دیتے ہیں ۔اس خبررساں ادارے کے مطابق فافن کے رپورٹ کے مطابق 15ویں قومی اسمبلی نے کل 322بل پاس کئے جن میں سے 223حکومتی اور 99پرائیوٹ ممبر بل تھے،جبکہ قومی اسمبلی سیکرٹریٹ شعبہ قانون کی طرف سے صحافی کو دوصفحوں پر جس میں ایک صفحے پر پانچ سال میں پرائیوٹ ممبرز کی طرف سے پیش کئے گئے اور پاس ہونے والے بلوں کی تعداد تھی جبکہ دوسرے صفحے پرحکومت کی طرف سے قومی اسمبلی میں پیش کئے گئے بل اور پاس ہونے والے بلوں کی تعداد تھی دی گئی اس کے مطابق پانچ سال میں قومی اسمبلی نے267کل بل پاس کئے جن میں سے 199حکومتی اور68پرائیوٹ ممبر بل تھے۔قومی اسمبلی میں کل کتنے بل پاس ہوئے سیکرٹریٹ کے پاس مستند ریکارڈ ہی نہیں ہے،صحافی نے سوال کیاکہ فافن اور قومی اسمبلی کے ریکارڈ میں زمین آسمان کا فرق ہے فافن کے مطابق زیادہ بل پاس ہوئے ہیں جبکہ آ پ جو ریکارڈ دے رہے ہیں اس میں کم پاس ہوئے ہیں آپ کے ویب سائٹ پر بھی پورا ڈیٹا موجود نہیں ہے ،قومی اسمبلی کی شعبہ قانون سازی کے حکام سے صحافی نے مستند ریکارڈ مانگااور کہاکہ میں مسلسل قومی اسمبلی کورکررہاہوں آپ کے ریکارڈ میں وہ بل نہیں ہیں جو قومی اسمبلی میں پیش اور پاس ہوئے ہیں ،شعبہ قانون سازی کے حکام نے صحافی کو کہاکہ آپ ہمارا ریکارڈ چیلنج کررہے ہیں ویب سایٹ پر سب ڈیٹا موجود ہے اور پورا ہے وہاں سے دیکھ کرلکھ لیں ہم نے بھی جو لسٹ بنائی ہے وہ ویب سائٹ سے ہی لسٹ بنائی ہے اور یہی لسٹ سپیکر قومی اسمبلی راجہ پرویز اشرف کو دی ہے۔ صحافی نے ثبوت کے طور پر ایک بل کا نام دیا اور کہاکہ آپ کے ریکارڈ میں کہاں ہے کہ یہ بل قومی اسمبلی میں پیش اور پاس ہواہے ،جس کے بعد صحافی کو ریسرچ ونگ جانے کا مشورہ دے دیا گیااورکہاکہ یہ بل ہم اپنے ریکارڈ میں شامل کرلیں گے۔شعبہ قانون سازی کے حکام نے صحافی کے ساتھ تعصبانہ رویہ اختیار کیا۔(محمداویس)

کریڈٹ: انڈیپنڈنٹ نیوز پاکستان-آئی این پی

روس کے سینٹ پیٹرزبرگ میں پیلس اسکوائر پر لوگ ساتویں "روسی سرکل ڈانس" بین الاقوامی میلے کے دوران دائرے کی صورت میں رقص کر رہے ہیں۔(شِنہوا)

 چین کے دارالحکومت بیجنگ میں ورلڈ روبوٹ کانفرنس 2023 میں ایک روبوٹ کتے کے ساتھ ایک شخص بات کر رہا ہے۔(شِںہوا)

چین کے دارالحکومت بیجنگ میں ورلڈ روبوٹ کانفرنس 2023 میں آگ بجھانے والے روبوٹس نمائش کے لیے رکھے گئے ہیں۔(شِںہوا)

انڈونیشیا کے مشرقی جاوا کےعلاقےسورابایا میں 78 ویں یوم آزادی کے جشن میں لوگ ربڑ ریلے گیم میں حصہ لے رہے ہیں۔(شِنہوا)

جاپان کے دارالحکومت ٹوکیو میں ٹوکیو سٹیشن پر مسافر ٹرینوں کی بحالی کا انتظار کر رہے ہیں جہاں سمندری طوفان لان کے باعث ٹوکائیڈو شنکانسن سروسزمعطل کر دی گئیں۔(شِنہوا)