شِنہوا پاکستان سروس بیلٹ اینڈ روڈ پہل

بلوچستان میں بارشوں سے تباہی، مختلف واقعات م...

کشمیر، خیبرپختونخوا اور گلگت بلتستان کے بعد بلوچستان میں بھی بارشوں نے تباہی مچادی، مختلف واقعات میں 6 افراد جاں بحق اور 13 زخمی ہوگئے۔ بلوچستان کے شہروں میں طوفانی بارشوں کے پیش نظر سیلابی صورت حال ہے۔ رپورٹس کے مطابق بسیمہ اور نواحی علاقے پتک میں بارشوں اور ریلوں نے تباہی مچا دی ہے، سیلابی ریلے شہری آبادی میں داخل ہوگئے جس کی وجہ سے متعدد گھر ، دکانیں اور ہوٹل گر گئے ہیں، اس کے علاوہ بارش سے نشیبی علاقوں میں تیار فصلیں برباد ہوگئیں۔ آواران کے علاقوں میں بارش کے بعد مقامی ندی میں پانی کا بہا تیز ہوگیا، حفاظتی بند ٹوٹنے کا بھی خدشہ ہے، بلوچستان کے مختلف علاقوں میں بارشوں کی وجہ سے مختلف واقعات میں 6 افراد جاں بحق اور 13 زخمی ہوئے ہیں۔

کریڈٹ: انڈیپنڈنٹ نیوز پاکستان-آئی این پی

۲۴ جولائی، ۲۰۲۳ مزید دیکھیں

سیاسی اندھے رشتے داروں میں ریوڑیاں بانٹنا چا...

سربراہ عوامی مسلم لیگ اور سابق وفاقی وزیر شیخ رشید احمد نے کہا ہے کہ نگران حکومت اور اس کے وزیراعظم کا فیصلہ اتنا آسان نہیں ہوگا جتنا دکھائی دے رہا ہے، سیاسی اندھے رشتے داروں میں ریوڑیاں بانٹنا چاہتے ہیں۔ سماجی رابطے کی ویب سائٹ ٹوئٹر پر شیخ رشید احمد نے اپنے پیغام میں لکھا کہ آئینی ترمیم کے بغیر نگران وزیراعظم کو الیکشن کروانے کے علاوہ کوئی اختیارات نہیں مل سکتے، ڈار کے آنے کا مطلب آئی ایم ایف ناراض، ڈالر 300 کراس، الیکشن ایک سال آگے، الیکشن کی تاخیر معیشت کی تباہی اور غریب کا زندہ دفن ہونا ہے۔ انہوں نے کہا کہ ن لیگ اور پی پی پی یہ چاہتی ہے کہ نگران وزیراعظم ان کے جیب کی گھڑی اور ہاتھ کی چھڑی ہو، لندن کے ڈاکٹر بھی بڑے باکمال ہیں وہ نواز شریف کو لندن، سعودی عرب، دبئی جانے کا مشورہ دیتے ہیں لیکن پاکستان جانے کی اجازت نہیں دیتے، 15 مہینے بھائی وزیراعظم رہا اور سفارتی پاسپورٹ نواز شریف کے ہاتھ میں رہا لیکن پاکستان آنے کی جرت نہیں ہوئی۔ سربراہ عوامی مسلم لیگ کا کہنا تھا کہ حکومت کے چہرے پر اڑی ہوئی ہوائیاں بتا رہی ہیں کہ ان کو عوام کا ردعمل بخوبی معلوم ہے جو قدم اٹھائیں گے الٹا ان کے گلے پڑے گا، الیکشن میں تاخیر کرنے کے حربے استعمال کریں گے تو اپنا ہی مزید نقصان کریں گے، جب لوگوں کے گھروں میں بجلی کے بل آئیں گے تو لوگ جھولیاں اٹھا کے ان کیلئے دعا کریں گے۔ انہوں نے کہا کہ بے شک سارے میڈیا پر قبضہ کر لیں صحافت کو ہتھکڑیاں پہنا دیں، آٹا، چینی کا بھا اور بجلی کے بل کا بم ان کی سیاست کا قبرستان بنا دے گا، کس کارکردگی پر سرکاری افسروں میں نئی گاڑیاں بانٹی جا رہی ہیں، ڈیفالٹ تو پاکستان نے نہیں عوام نے ہونا تھا اور عوام ڈیفالٹ ہو چکی ہے۔ سابق وفاقی وزیر کا مزید کہنا تھا کہ حکمران بڑے شوق سے طلوع آفتاب سے غروب آفتاب تک ٹی وی پر چھانی ڈال کر بیٹھے رہے نہ ان کے چہرے کو پسند کیا جا رہا ہے نہ ان کی کوئی بات سن رہا ہے بلکہ یہ الیکٹرونک میڈیا کی ریٹنگ خراب کر رہے ہیں، آخری 2 ہفتے پاکستان کی سیاست میں انتہائی اہم ہیں یہ عوام کو ریلیف کے بجائے مزید تکلیف دے کر جائیں گے۔

کریڈٹ: انڈیپنڈنٹ نیوز پاکستان-آئی این پی

۲۴ جولائی، ۲۰۲۳ مزید دیکھیں

اسحاق ڈار ہر طرح کی ذمہ داری نبھانے کے اہل ہ...

وزیر مملکت برائے پیٹرولیم مصدق ملک نے کہا ہے کہ اسحاق ڈار ہر طرح کی ذمہ داری نبھانے کے اہل ہیں۔ مصدق ملک نے کہا کہ نگران وزیراعظم کے لیے لیڈرآف دی ہاؤس تمام سیاسی جماعتوں سے مشاورت کریں گے، اسحاق ڈار معاملات بہت اچھے انداز میں لے کر چلے ہیں، کوئی بھی ذمیداری دی جائے وہ نبھائیں گے۔ انہوں نے کہا کہ سیاسی جوڑ توڑ پر اس وقت کوئی تبصرہ نہیں کرسکتا، نئی مردم شماری پر اعتراضات ہو گئے جنہیں دور کرنے میں کئی ماہ لگ گئے، نئی مردم شماری اگر نوٹیفائی کردی جائے تو اس کے مطابق الیکشن میں 4 سے 6 ماہ چاہئیں، حکومت کا مؤقف ہے کہ پرانی مردم شماری پر الیکشن کرا لیا جائے، نئی حلقہ بندیوں کے لیے 4 سے 6 ماہ درکار ہوں گے۔ انہوں نے مزید کہا کہ(ن)لیگ کا مؤقف ہے کہ پرانی حلقہ بندیوں کی بنیاد پر الیکشن کرالیے جائیں، بہت سی جماعتیں ہمارے موقف کی حمایت کررہی ہیں۔ ایک سوال کے جواب میں مصدق ملک کا کہنا تھا کہ بیس ریٹ اس لیے نوٹیفائی کیا گیا ہے تاکہ فیول ایڈجسمنٹ کے کوارٹرلی چارجز کم چارج ہوں۔

کریڈٹ: انڈیپنڈنٹ نیوز پاکستان-آئی این پی

۲۴ جولائی، ۲۰۲۳ مزید دیکھیں

چین قومی نوادرات پر مشتمل یادگاری سکے جاری ک...

بیجنگ (شِنہوا) چین کے مرکزی بینک نے 25 جولائی کو چین کے 5 قیمتی نوادرات سے مزین یادگاری سکوں کا ایک سیٹ جاری کر نے کا اعلان کیا ہے۔

پیپلز بینک آف چائنہ کے مطابق 5 سکوں کا سیٹ چین میں قانونی حیثیت کا حامل ہو گا جس میں 2 سونے اور 3 چاندی کے سکے شامل ہوں گے۔

ایک سونے کے سکے کی مالیت 200 یوآن (تقریباً 28 امریکی ڈالر) ہے جس کے عقبی حصے پر ایک جیڈ ڈریگن کنندہ ہے جبکہ سونے کے دوسرے سکے کی مالیت 50 یوآن ہے جوجیڈ ایکس ہیڈ کی تصویر سے مزین ہے۔

چاندی کے سکوں کی مالیت 5 یوآن ہے جن میں بالترتیب عقاب کی شکل کا مٹی کا برتن، مٹی کا سفید برتن اور ایک پلیٹ پر اژدھے کا نشان کنندہ ہے۔

۲۳ جولائی، ۲۰۲۳ مزید دیکھیں

چین نے نقصان دہ اجنبی انواع کا داخلہ روکنے...

بیجنگ (شِنہوا) چین نے ایک تین سالہ ایکشن پلان پر عملدرآمد کا آغاز کیا ہے جس کے دوران سرحدی بندرگاہوں پر نقصان دہ اجنبی انواع کا داخلہ روکا جائے گا۔

یہ منصوبہ ملک کے ماحولیات اور حیاتیاتی آبادی کے تحفظ کی کوششوں کا ایک حصہ ہے۔

جنرل ایڈمنسٹریشن آف کسٹمز کے مطابق حالیہ برسوں میں بین الاقوامی تجارت کی تیز رفتارترقی اور اہلکاروں کے سرحد پار متعدد دوروں سے ملک میں نقصان دہ انواع کے حملہ آور ہونے کا خطرہ بڑھ رہا ہے۔

انتظامیہ نے بتایا کہ رواں سال کی پہلی ششماہی میں ایسے 1 ہزار 405 زندہ جانوروں اور پودوں کی اقسام کا داخلہ روکا گیا جن کی ملک میں داخلے پر پابندی ہے۔

اس کے علاوہ غیرملکی پالتو جانوروں کی درآمد کے غیرقانونی کاروبار میں ملوث متعدد جرائم پیشہ گروہوں کو ختم کردیا گیا۔

منصوبے کے تحت جدید ٹیکنالوجی اور اسمارٹ آلات کے استعمال کو مضبوط بنایا جائے گا تاکہ ملک میں داخل ہونے والی اجنبی انواع کے بارے قبل ازوقت انتباہ مل سکے اور خطرے کے تجزیہ اور قرنطینہ معائنے کا طریقہ کار تیز کیا جائے۔

انتظامیہ دیگر سرکاری محکموں کے ساتھ بھی کام کرے گی تاکہ غیر ملکی انواع کی آمد کو مئوثر طریقے سے روکا جاسکے۔

۲۳ جولائی، ۲۰۲۳ مزید دیکھیں

چین، عملہ بردار قمری مشن کے لیے مرکزی راکٹ ا...

بیجنگ (شِنہوا) چین نے اپنے مستقبل کے عملہ بردار قمری مشن کے لئے مرکزی راکٹ انجن کی آزمائش مکمل کر لی ہے۔

چائنہ ایرو اسپیس سائنس اینڈ ٹیکنالوجی کارپوریشن کے مطابق راکٹ انجن 130 ٹن مائع آکسیجن کیروسین کلاس سے تعلق رکھتا ہے ۔ یہ موجودہ ہائی تھرسٹ انجن کا اپ گریڈڈ ورژن ہے جسے لانگ مارچ۔5 جیسی نئی نسل کے کیریئر راکٹ میں استعمال کیا جارہا ہے۔

راکٹ انجن عملہ بردار قمری مشن میں لانگ مارچ -10 کیریئر راکٹس میں استعمال کیا جائے گا۔

چائنہ ایرو اسپیس سائنس اینڈ ٹیکنالوجی کارپوریشن سے وابستہ ایک محقق ژو شیان چھی نے بتایا کہ آزمائش نے متعلقہ ٹیسٹ کی ضروریات کو پورا کردیا ہے۔ اب متعدد اونچائی کے سیمولیشن ٹیسٹ کئے جائیں گے جس میں متعلقہ کارکردگی اور پیرامیٹرز کو حتمی شکل دی جائے گی ۔ یہ آزمائش رواں سال کی دوسری ششماہی میں ہوگی۔

۲۳ جولائی، ۲۰۲۳ مزید دیکھیں

اردن کی ڈنمارک میں قرآن پاک کو نذر آتش کرنے...

عمان (شِنہوا) اردن کی وزارت خارجہ نے ڈنمارک کے دارالحکومت کوپن ہیگن میں قرآن پاک کو نذر آتش کرنے کی مذمت کی ہے۔

وزارت کے ایک بیان کے مطابق اس اقدام کو نفرت اور اسلامو فوبیا کی ایک شکل قرار دیا گیا ہے جس نے مذاہب کے خلاف تشدد کو بھڑکایاہے۔

وزارت نے اس بات کا اعادہ کیا ہے کہ وہ اس طرح کے غیر ذمہ دارانہ اقدامات پر اپنی تنقید کرتے ہوئے اسے مسترد کرنا جاری رکھیں گے جو مسلمانوں کے جذبات کو بھڑکانے اور نفرت کو ہوا دینے کا سبب بنے اور پرامن بقائے باہمی کے لئے خطرہ ہو۔

بیان میں زور دیا گیا ہے کہ انتہا پسندی، مذہبی منافرت اور مذہبی علامتوں و تقدس کی بے حرمتی کو جرم قرار دینے والے قوانین کے ذریعے ایسے اقدامات کو روکا جائے جبکہ امن، ہم آہنگی، رواداری اور دوسروں کی قبولیت کو فروغ دیا جائے۔

اردن کی وزارت خارجہ نے سویڈن کے دارالحکومت اسٹاک ہوم میں قرآن پاک کی حالیہ بے حرمتی پر سویڈش ناظم الامور کو طلب کیا تھا۔

۲۳ جولائی، ۲۰۲۳ مزید دیکھیں

مندری طوفان موکا، چین نے امدادی سامان میانما...

ینگون (شِنہوا) چین نے سمندری طوفان موکا کے متاثرین میں تقریباً 190 ٹن امدادی سامان تقسیم کر نے کے لئے میانمار پہنچادیا ہے۔

چینی حکومت کی میانمار کو عطیہ کردہ امدادی سامان کی حوالگی کی تقریب ینگون بندرگاہ پر منعقد ہوئی۔

ینگون خطے کے وزیراعلیٰ یو سو تھین، میانمار میں چین کے سفیر چھن ہائی اور میانمار میں چینی سفارت خانے کے اقتصادی اور تجارتی قونصلر اویانگ ڈاؤبنگ نے تقریب میں شرکت کی۔

عطیہ کردہ سامان میں خوراک، کلورین ڈائی آکسائیڈ گولیاں، جراثیم کش گولیاں، پانی کے پمپ، جنریٹر، پورٹیبل شمشی سولر لیمپ اور خیمے شامل ہیں۔

چینی حکومت نے سمندری طوفان موکا کے میانمار سے ٹکرانے کے بعد میانمار کو 90 لاکھ یوآن (12 لاکھ 50 ہزار امریکی ڈالر) کی انسانی اور 10 لاکھ یوآن کی نقد امداد دی ہے۔

آفت کے فوری بعد ہنگامی امداد کی پہلی کھیپ ہوائی جہاز سے میانمار پہنچادی گئی تھی۔

۲۳ جولائی، ۲۰۲۳ مزید دیکھیں

مندری طوفان موکا، چین نے امدادی سامان میانما...

ینگون (شِنہوا) چین نے سمندری طوفان موکا کے متاثرین میں تقریباً 190 ٹن امدادی سامان تقسیم کر نے کے لئے میانمار پہنچادیا ہے۔

چینی حکومت کی میانمار کو عطیہ کردہ امدادی سامان کی حوالگی کی تقریب ینگون بندرگاہ پر منعقد ہوئی۔

ینگون خطے کے وزیراعلیٰ یو سو تھین، میانمار میں چین کے سفیر چھن ہائی اور میانمار میں چینی سفارت خانے کے اقتصادی اور تجارتی قونصلر اویانگ ڈاؤبنگ نے تقریب میں شرکت کی۔

عطیہ کردہ سامان میں خوراک، کلورین ڈائی آکسائیڈ گولیاں، جراثیم کش گولیاں، پانی کے پمپ، جنریٹر، پورٹیبل شمشی سولر لیمپ اور خیمے شامل ہیں۔

چینی حکومت نے سمندری طوفان موکا کے میانمار سے ٹکرانے کے بعد میانمار کو 90 لاکھ یوآن (12 لاکھ 50 ہزار امریکی ڈالر) کی انسانی اور 10 لاکھ یوآن کی نقد امداد دی ہے۔

آفت کے فوری بعد ہنگامی امداد کی پہلی کھیپ ہوائی جہاز سے میانمار پہنچادی گئی تھی۔

۲۳ جولائی، ۲۰۲۳ مزید دیکھیں

پاکستان اور بھارت میں مون سون بارش کے مناظر

اسلام آباد (شِںہوا) پاکستان اور بھارت میں مون سون بارش سے لوگوں کو شدید مشکلات کا سامنا کرنا پڑا ہے۔

جنوبی ایشیا کے دو ممالک میں موسلادھار بارش سے مکانات تباہ ہوگئے، بنیادی ڈھانچے کو نقصان پہنچا، فصلیں بہہ گئیں اور لوگ ہلاک یا زخمی ہوئے۔

بھارت ، شمالی ریاست پنجاب کے ضلع امرتسر میں ایک شخص سیلابی پانی سے گزررہاہے۔ (شِنہوا)

بھارت ، شمالی ریاست پنجاب کے ضلع امرتسر میں ایک شخص بارش میں گھوڑا گاڑی چلا ر ہا ہے۔ (شِنہوا)

بھارت ، شمالی ریاست پنجاب کے ضلع امرتسر میں ایک شخص بارش کے پانی سے گزررہاہے۔ (شِنہوا)

لاہور میں مون سون کی شدید بارش کے بعد لوگ ایک گدھا گاڑی کو سیلابی پانی میں دھکیل کرلے جارہے ہیں۔ (شِنہوا)

لاہور میں مون سون کی شدید بارش کے بعد لوگ موٹرسائیکل پر سیلابی پانی سے گزررہے ہیں۔ (شِنہوا)

لاہور میں مون سون کی شدید بارش کے بعد سیلابی پانی میں پھنسا ایک ٹرک دیکھا جاسکتا ہے۔ (شِنہوا)

لاہور میں مون سون کی شدید بارش کے بعد دو افراد اپنی موٹرسائیکل کو سیلابی پانی میں دھکیل کرلے جارہے ہیں۔ (شِنہوا)