پشاور، ایک باغ میں ایک شہد کی مکھی پھول سے رس کشید کررہی ہے۔(شِنہوا)

چین ، وسطی صوبہ ہینان کے صدر مقام ژینگ ژو میں چھنگ منگ میلے کے دوران ژینگ ژو فنون عجائب گھر کے نئے مقام پر منعقدہ نمائش میں خاتون سیاح تصاویر بنارہی ہے۔(شِنہوا)

چین ، جنوبی گوانگ شی ژوآنگ خوداختیار خطے کے شہر لیو ژو میں گاڑیاں بوہینا کے کھلتے پھول نظر آرہے ہیں۔(شِنہوا)

چین ، جنوبی گوانگ شی ژوآنگ خوداختیار خطے کے شہر لیو ژو میں گاڑیاں بوہینا کے کھلتے پھولوں کے پاس سے گزررہی ہیں۔ (شِنہوا)

پشاور ، ایک باغ میں ایک تتلی پھول سے رس کشید کررہی ہے ۔(شِنہوا)

نیویارک (شِنہوا) امریکی نشریاتی ادارے سی این این کی رپورٹ کے مطابق امریکہ میں 2020 کے بعد سے آتشیں اسلحہ سے بچوں اور نوعمرافراد کی اموات کار حادثات کے مقابلے میں بڑھ گئی ہیں۔

سینٹرفار ڈیزیز کنٹرول اینڈ پریوینشن (سی ڈی سی) ونڈر کے اعدادوشمار کے مطابق 2021 میں 19 فیصد بچوں کی اموات (1۔18 سال کی عمر) آتشیں اسلحے سے ہوئی۔

رواں سال اب تک 3 ہزار 600 بچے آتشیں اسلحہ کے واقعات میں موت کا شکار ہوچکے ہیں۔

رپورٹ کے مطابق امریکہ میں ہرایک لاکھ بچوں میں سے 5 بچوں نے اپنی جان گنوادی۔ اس کے برعکس کسی دوسرے ملک میں بچوں کی اموات کی 4 بڑی وجوہات میں آتشیں اسلحہ شامل نہیں ہے۔

گن وائلنس آرکائیو کے مطابق 2023 میں اب تک اجتماعی فائرنگ کے 130 واقعات ہوچکے ہیں جو 2013 کے بعد اس عرصے میں فائرنگ کے سب سے زیادہ واقعات ہیں۔

ایک نئی تحقیق کے مطابق نوول کرونا وائرس وبا کے دوران مجموعی طور پر بچوں اور نوعمروں کی اموات میں اضافہ ہوا تھا جس کی وجہ نوول کرونا وائر س نہیں بلکہ مہلک زخم تھے ۔ 2020 میں اموات میں اضافے کا تقریباً نصف حصہ آتشیں اسلحہ سے ہوا۔

بیجنگ (شِنہوا) چین میں چھنگ منگ میلے کے دوران تقریباً 2 کروڑ 40 لاکھ مقامی سیاحوں کے دورے ہوئے جو گزشتہ برس کی نسبت 22.7 فیصد زائد ہیں۔

چین کی وزارت ثقافت و سیاحت کے مطابق ان دوروں سے 6.52 ارب یوآن (تقریباً 94 کروڑ 50 لاکھ امریکی ڈالرز) سیاحتی آمدن کا تخمینہ لگایا گیا ہے جو گزشتہ برس کی نسبت 29 فیصد زائد ہے۔

گزشتہ برسوں کی نسبت رواں سال چھنگ منگ میلہ یا مقبروں کی صفائی کے دن کے ساتھ اختتام ہفتہ کی مسلسل تین چھٹیاں نہیں تھیں جس کا مطلب یہ ہے کہ متعدد چینی باشندوں نے ایک روزہ سیاحتی دورہ کیا ۔

علی بابا کی سفری شاخ فلیگی کے اعداد و شمار کے مطابق گزشتہ برس کی نسبت بدھ کو سیاحتی مصنوعات کی بکنگ میں 6 گنا اضافہ ہوا ہے جس میں عجائب گھر اور تفریحی پارک سرفہرست مقامات رہے۔

کمبوڈیا (شِنہوا) چین اور کمبوڈیا کے درمیان مشترکہ فوجی مشق " گولڈن ڈریگن 2023" کا پانچواں  مرحلہ رائل جینڈر میری ٹریننگ سینٹر میں کامیابی سے اختتام پذیر ہو گیا۔

کمبوڈیا کے نائب وزیر اعظم اور وزیر دفاع جنرل ٹی بان اور چینی پیپلز لبریشن آرمی کی سدرن تھیٹر کمانڈ کے ڈپٹی کمانڈر وائس ایڈمرل وے وین ہوئی کے علاوہ کمبوڈیا میں چین کے سفیر وانگ وینٹیان نے بھی اختتامی تقریب میں شرکت کی۔

تقریب سے خطاب کرتے ہوئے بان نے کہا کہ فوجی مشق دونوں ممالک اور فوجوں کے درمیان مفید نتائج کے ساتھ کامیابی سے اختتام پذیر ہوئی۔

انہوں نے کہا کہ اس مشترکہ مشق نے دونوں ممالک کی افواج کی استعداد کار میں اضافہ کیا ہے  اور  یکجہتی کے جذبے ، دونوں ممالک اور عوام کے درمیان روایتی دوستی اور تعاون کو مزید بڑھایا اور خطے اور دنیا کے اندر امن اور استحکام کے تحفظ میں اپنا کردار ادا کیا ہے۔

انہوں نے مزید کہا کہ یہ مشق دونوں ممالک کے اعلیٰ معیار کے عزم ، اعلیٰ درجے اور اعلیٰ معیار کی چین۔کمبوڈیا کمیونٹی کی تعمیر کے ساتھ نئے دور کے مشترکہ مستقبل کی عکاسی کرتی ہے۔

اس مو قع پر وے نے کہا کہ مشترکہ مشق نے نہ صرف انسداد دہشتگردی اور انسانی امداد بارے دونوں افواج کی صلاحیتوں میں اضافہ کیا ہے بلکہ دونوں افواج کے درمیان سیاسی باہمی اعتماد کو بڑھایا ہے اور ثقافتی تبادلوں کو فروغ دیا ہے۔

انہوں نے کہا کہ یہ مشترکہ مشق چین۔کمبوڈیا کی پُرامن ترقی کے تصور کوفروغ دینے کے لئے ایک کھڑکی ہے  اور یہ مشق ہمارے خطے کے امن کے تحفظ ، سیکورٹی اور استحکام کو فروغ دینے کے لئے پختہ ارادے اور عزم کا ثبوت ہے۔

بیجنگ (شِنہوا) چین کی وزارت خارجہ کے ترجمان نے تائیوان کی رہنما تسائی انگ وین کے امریکہ کے " ٹرانزٹ" دورے کو کڑی تنقید کا نشانہ بنایا ہے۔

ترجمان نے جمعرات کے روز کہا کہ حالیہ دنوں میں چین کی کڑی تنقید اور باربار انتباہ کو نظرانداز کرتے ہوئے امریکہ نے تسائی انگ وین کے امریکہ کے "ٹرانزٹ" دورے اور ان کے امریکی ایوان نمائندگان کے اسپیکر کیون میک کارتھی کے ساتھ ملاقات کی اجازت دی ہے ۔ کیون میک کارتھی امریکہ کے تیسرے اعلیٰ ترین عہدے دار ہیں۔

امریکی عہدیداروں اور کانگریس ارکان کو تسائی سے رابطے کی بھی اجازت دی گئی۔ انہیں "تائیوان کی آزادی" کے مطالبے پر علیحدگی پسند بیانات کے لئے ایک پلیٹ فارم مہیا کیا گیا۔

مختصراً یہ کہ امریکہ نے تائیوان حکام کے ساتھ ملی بھگت کرکے "تائیوان کی آزادی" کے خواہشمند علیحدگی پسندوں کو امریکی سرزمین پر سیاسی سرگرمیاں انجام دینے، امریکہ اور تائیوان کے درمیان باضابطہ بات چیت کرنے اور امریکہ۔ تائیوان ٹھوس تعلقات کے فروغ کی کوشش کی ہے۔

اس طرح کے اقدامات نے ایک چین اصول اور تین چین ۔ امریکہ  مشترکہ اعلامیوں کی شقوں اور چین کی خودمختاری و علاقائی سلامتی کی سنگین خلاف ورزی کی ہے۔ اس سے علیحدگی پسند قوتوں کو "تائیوان کی آزادی" کے غلط اشارے ملے۔ چین ان اقدامات کی سختی سے مخالفت اور اس کی شدید مذمت کرتا ہے۔

بیان کے مطابق ایک چین اصول پر بین الاقوامی برادری کا اتفاق رائے ہے اور بین الاقوامی تعلقات کا اولین اصول ہے ۔ یہ چین ۔ امریکہ سفارتی تعلقات کے قیام اور انہیں فروغ دینے کی پیشگی شرط اور بنیاد تشکیل دیتا ہے۔

بیجنگ (شِنہوا) چین کے اعلیٰ قانون ساز ادارے قومی عوامی کانگریس کی خارجہ امور کمیٹی نے جمعرات کو تائیوان کی رہنما تسائی انگ وین کی امریکی ایوان نمائندگان کے اسپیکر کیون میک کارتھی سمیت دیگر امریکی کانگریس کے دیگر ارکان سے ملاقات پر سخت ردعمل ظاہر کیا ہے۔

ایک بیان کے مطابق 6 اپریل کو چین کی سخت مخالفت اور سنجیدہ نمائندگی کو نظرانداز کرتے ہوئےامریکی ایوان نمائندگان کے اسپیکر کیون میک کارتھی اور کانگریس کے دیگر ارکان نے تسائی انگ وین سے ملاقات پر اصرار کیا۔ تسائی انگ وین امریکہ کے "ٹرانزٹ" دورے پر ہیں۔

اس طرح کے اقدامات نے ایک چین اصول اور تین چین ۔ امریکہ  مشترکہ اعلامیوں کی شقوں کی سنگین خلاف ورزی کی ہے اور اس سے چین کی خودمختاری و علاقائی سلامتی کو شدید نقصان پہنچا ہے ۔ یہ بین الاقوامی قوانین اور بین الاقوامی تعلقات کے بنیاد کی سنگین خلاف ورزی ہے ۔ چین کی قومی عوامی کانگریس اس اقدام کی سختی سے مخالفت اور  شدید مذمت کرتی ہے۔

دنیا میں صرف ایک چین ہے اور تائیوان چین کا اٹوٹ انگ ہے، عوامی جمہوریہ چین کی حکومت پورے چین کی نمائندہ واحد قانونی حکومت ہے۔

قاہرہ اعلامیہ اور پوٹس ڈیم اعلامیہ سمیت متعدد بین الاقوامی قانونی دستاویزات نے تائیوان پر چین کے اختیار کی وضاحت کی ہے۔

تائیوان کو بین الاقوامی قانون میں چین کا حصہ ہونے کے سوا کوئی اور درجہ حاصل نہیں، امریکی حکومت کے تیسرے اعلیٰ ترین عہدے دار میک کارتھی کے اس اقدام نے تائیوان معاملے پرامریکہ کے چین سے کیے گئے وعدے کو توڑ دیا اور "تائیوان کی آزادی" کے خواہشمندوں کو غلط اشارے دیئے۔

اس نے تاریخی حقائق اور انصاف کو پامال کیا ہے اور بین الاقوامی قانون کی حکمرانی کو زد پہنچائی ہے۔

ائیرپورٹ سکیورٹی فورس کے عملے نے فیصل آباد ائیرپورٹ پر کارروائی کرتے ہوئے بحرین جانے کے لیے پہنچے مسافر کے قبضے سے منشیات برآمد کرلیں۔ اے ایس ایف ترجمان کے مطابق مسافر محمد رانجھا بحرین جانے کے لیے فیصل آباد ائیرپورٹ پر پہنچا تھا کہ اے ایس ایف کے عمل نے چیکنگ کے دوران بیگ میں منشیات کی نشاندہی کی۔ مسافر نے منشیات بیگ کے پیندے میں کمال مہارت سے چھپا رکھی تھی تاہم اے ایس ایف کے عملے نے سامان کی تلاشی کے دوران 1.850 کلو گرام آئس ہیروئن برآمد کرکے اسمگلنگ کی کوششں ناکام بنا دی۔ ملزم کو ابتدائی تفتیش کے بعدبرآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا ہے۔

کریڈٹ: انڈیپنڈنٹ نیوز پاکستان-آئی این پی

وزیر پیٹرولیم مصدق ملک نے کہا ہے کہ پاکستان میں گیس کے ذخائر کم ہورہے ہیں، ذخائر کم ہونے کی وجہ سے 24 گھنٹے گیس کی فراہمی ناممکن ہے۔ وزیراعلی سندھ مراد علی شاہ اور مصدق ملک کے درمیان ملاقات ہوئی جس میں مراد علی شاہ نے کہا کہ صوبے میں گیس کا بہت بحران ہے۔ گیس کی لوڈشیڈنگ کی جارہی ہے، لوگ مشکل میں ہیں۔ پاکستان میں 33 ہزار 581 ایم ایم سی ایف ڈی گیس پیدا ہوتی ہے۔ سندھ 2200،2100 ایم ایم سی ایف ڈی گیس پیدا کرتا ہے۔ پاکستان میں 62 تا 63 فیصد گیس پیداوار سندھ میں ہوتی ہے۔ مصدق ملک نے کہا کہ پاکستان سے 3200 ایم ایم سی ایف ڈی گیس پیدا ہوتی ہے۔ 200 ایم ایم سی ایف ڈی گیس فلڈ کے کمپریسرز کے لیے استعمال ہوتی ہے۔ 300 ایم ایم سی ایف ڈی میں سے 1400 پاور سیکٹر کو فراہم کی جاتی ہے۔ وزیراعلی سندھ نے مزید کہا کہ صوبے کی 1000 گیس کی اسکیمز منظور کی تھیں جو 11-2010 سے زیر التوا ہیں۔ رمضان میں گیس کی لوڈشیڈنگ روزہ داروں کیلئے بڑا مسئلہ ہے۔ سحری اور افطاری میں لوگ شدید پریشان ہوتے ہیں۔ جو صوبہ گیس پیدا کر رہا ہے اس کو گیس ملنی چاہیے۔

کریڈٹ: انڈیپنڈنٹ نیوز پاکستان-آئی این پی

اسلام آباد ہائیکورٹ نے عمران خان کی 8 مقدمات میں حاضری سے استثنی کی درخواست منظور کرتے ہوئے عمران خان کی ضمانت میں 18اپریل تک توسیع کردی ۔عمران خان کی 8 مقدمات میں درخواست ضمانت پر اسلام آباد ہائیکورٹ میں سماعت ہوئی۔ عمران خان کی جانب سے اسلام آباد ہائیکورٹ میں حاضری سیاستثنی کی درخواست منظورکرلی گئی۔عدالت نے عمران خان کی ضمانت میں 18اپریل تک توسیع کردی۔ خیال رہے کہ عمران خان نے 8 کیسوں میں عبوری ضمانت پرہیں۔سابق وزیراعظم نے سیکیورٹی واپس لینے پربھی عدالت عالیہ سے رجوع کررکھا ہے۔

کریڈٹ: انڈیپنڈنٹ نیوز پاکستان-آئی این پی

روسی صدر ولادیمیر پیوٹن نے بدھ کے روز سینٹ پیٹرزبرگ میں روسی فوج کے وار بلاگر کی ایک دھماکے میں ہلاکت کے تین دن بعد مغربی انٹیلی جنس سروسز کا نام لینے بغیر الزام لگایا کہ یوکرین ان کے ملک میں دہشت گرد حملوںمیں ملوث ہے،صدر پیوٹن نے قومی سلامتی کونسل کے اجلاس کی صدارت کرتے ہوئے کہا کہ اس بات پر یقین کرنے کی وجہ ہے کہ تیسرے ممالک اور مغربی انٹیلی جنس سروسز روس کے زیر انتظام علاقوں میں تخریب کاری اور دہشت گردی کی کارروائیوں کی تیاریوں میں ملوث ہیں،اس اجلاس میں یوکرین کے ان چار خطوں کے رہنمائوں نے بھی شرکت کی جن کا گشتہ سال روس نے الحاق کیا تھا،ملاقات کے دوران روسی صدر نے یوکرینی حکام پر الزام لگایا کہ وہ ان چار خطوں میں "وہاں مقیم شہریوں کے خلاف سنگین جرائم کا ارتکاب کر چکے ہیں،انہوں نے کہا کہ کیف فورسز ان علاقوں پر اپنے حملوں میں کسی کو نہیں بخشتی، ان پر توپ خانے سے گولہ باری تک اور ٹارگٹڈ روسی اہلکاروں اور دیگر عوامی شخصیات کو نشانہ بنانے والے دہشت گرد حملے تک کیے جاتے ہیں،پیوٹن نے روسی سکیورٹی فورسز کو حکم دیا کہ وہ ان علاقوں میں مقامی آبادی کے تحفظ کو یقینی بنانے کے لیے ہر ممکن کوشش کریں۔

کریڈٹ: انڈیپنڈنٹ نیوز پاکستان-آئی این پی

قومی اسمبلی کے اجلاس میں اراکین اسمبلی نے کہا کہ سی ڈی اے سفید ہاتھی بن گیا ہے پیسے دینے کے باوجود بھی پارلیمنٹ لاجز کی تعمیر و مرمت کا کام نہیں کیا گیا ،صفائی اور تعمیر و مرمت کا کام آٹ سورس کرنے کی تجاویز دے دیں سپیکر قومی اسمبلی راجہ پرویز اشرف نے معاملہ قائمہ کمیٹی برائے استحقاق کو بیجھوا دیا ہے جبکہ وفاقی برائے تعلیم رانا حسین نے کہا کہ جو بھی ڈپٹی سپیکر بنتا ہے وہ اپنا ٹھیکدار لے آتا جس کی وجہ سے معاملات ٹھیک نہیں ہو پا رہے ہیں،قومی اسمبلی کو بتایا گیا کہ اسلام آباد میں جرائم میں اضافہ ہوا ہے قتل 160,اقدام قتل 264, اغوا کے 786, ڈکیتی کے 37,اور بچوں سے جنسی زیادتیوں کے 79 کیس ہوئے ہیں،بچوں سے 50 اور بچیوں سے 29 زیادتی کے کیس کیس ہوئے ہیں ان خیالات وزرا نے قومی اسمبلی کے اجلاس میں وقفہ سوالات کے دوران کیا۔ جمعرات کے روز قومی اسمبلی کا اجلاس سپیکر راجہ پرویز اشرف کی زیر صدارت منعقد ہوا وزیر برائے پارلیمانی امور مرتضی جاوید عباسی نے کہاکہ سرکاری عمارتوں کی مرمت کے لیے خطیر رقم خرچ کی جاتی ہیہمارے مینٹیننس کے پیسے سی ڈی اے ملازمین کے الانس میں چلے جاتے ہیں ۔پارلیمنٹ لاجز کی تعمیر کو ایک کمپنی کی وجہ سے تاخیر ہوئی ہے صفائی اور مرمت کا کام آٹ سورس کیا جائے یہ ہی واحد حل ہے ۔سی ڈی اے کو پیسے دینے کے بجائے کیفیٹیریا فعال نہیں ہوا۔

سی ڈی اے سفید ہاتھی بن گیا ہے ۔انہوں نے بتایا کہ سال 2021 کے مقابلے میں سال 2022 میں جرائم میں اضافہ ہوا ہے سال 2022 میں 160 قتل ،264 اقدام قتل ،اغوا کے 787, اغوا برائے تاوان کے3 اور ڈکیتی کے 37 مقدمات درج ہوئے ہیں سال 2022 میں بچے بچیوں سے جنسی زیادتیوں کے 79 مقدمات درج ہوئے 95 ملازمان گرفتار ہوئے شکار ہونے والوں میں 50 بچے اور 29 بچیاں زیادتی کا شکار ہوئے ہیں گزشتہ سال میں 69 مقدمات تھے جو بڑھ کر 2022 میں 79 ہو گئے ہیں ،انہوں نے بتایا ہے کہ گزشتہ دس سالوں میں اسلام آباد میں 37 پارک موجود ہیں اور 2 نئے پارک بنائے جائیں گے انہوں نے بتایا کہ سی ڈی اے سیکٹر ای ۔12 کے معاملات اسلام آباد ہائیکورٹ 32 سال سے زیر التوا ہے اسلام آباد میں 94 پبلک ڈرنکنگ واٹر فلٹریشن پلانٹ کام کر رہے ہیں جبکہ دو پلانٹ خراب ہیں وفاقی وزیر تعلیم رانا تنویر نے کہاکہ پارلیمنٹ لاجز اس قابل نہیں ہے کہ وہاں رہاجاسکے میڈیا کو بتایا جائے کہ ہماری تنخواہ کتنی ہے ۔ہم کام نہیں کرسکتے ہیں ۔ڈپٹی سپیکر نے دو دوتین لاجز پر قبضہ کیا ہوا ہے۔افسر ایم این اے وزیر کا فون نہیں سنتے ہیں ۔ایم این اے عوام کو ملتے ہیں ۔جہاں کے ڈپٹی سپیکر ہوتا ہے وہاں کا ٹھیکیدار آجاتا ہے سپیکر قومی اسمبلی نے کہاکہ مرمت کے حوالے سے خزانہ کمیٹی دس دن کے اندر جواب دے،میں لاجز کو خود دورہ کروں گا۔معاملہ استحقاق کمیٹی کو بھیج دیا گیا ۔قائد حزب اختلاف راجہ ریاض نے کہا کہ لاجز میں برا حال ہے چوہے بھاگ رہے ہیں سپیکر اس معاملے کو خود سنبھالیں۔ رکن اسمبلی ابوبکر نے کہاکہ لاچز میں موٹے موٹے مچھر ہیں حکومت سے سی ڈی اے کنٹرول نہیں ہورہاہے یہ افسوس ناک ہے۔

کریڈٹ: انڈیپنڈنٹ نیوز پاکستان-آئی این پی

مین ہٹن میں مقدمے کی سماعت کے لیے لائے جانے کے چند گھنٹے بعد کیلیفورنیا میں امریکی عدالت نے فحش اداکارہ سٹورمی ڈینیئلز کو سابق صدر ڈونلڈ ٹرمپ کو ہتک عزت کے ایک مقدمہ میں ایک لاکھ 22ہزار ڈالر قانونی فیس ادا کرانے کا حکم دے دیا، اس فیصلے کو ٹرمپ کی قانونی فتح سمجھا جارہا ہے،منگل چار اپریل کو سابق امریکی صدر ٹرمپ کو مین ہٹن کے کمرہ عدالت میں پیش کیا گیا، اس مقدمہ میں ان پر 2016کی اپنی صدارتی مہم کے دوران فحش اداکارہ سٹوری ڈینئلز کو خاموش کرنے کے لیے اسے ادائیگی کرنے کی فرد جرم عائد کی گئی تھی۔ اس فرد جرم کے عائد ہونے کے چند گھنٹے بعد ہی ٹرمپ نے ایک اور مقدمہ میں سٹوری ڈینئلز کے خلاف کامیابی حاصل کرلی ہے،نیویارک پوسٹ کے مطابق نویں سرکٹ کورٹ آف اپیل نے ڈینیئلز کو 2018میں ٹرمپ کے خلاف دائر ہتک عزت کے ایک مقدمے جسے بعد میں خارج کردیا گیا تھا کے حوالے قانونی فیس کی مد میں ایک لاکھ 21ہزار 972ڈالر ادا کرنے کا حکم دے دیا۔ اس کے علاوہ ٹرمپ کو مزید 5لاکھ ڈالر دینے کی ہدایت بھی کی گئی ہے،اس حوالے سے ٹرمپ نے اپنے سماجی روابط کی ویب سائٹ ٹروتھ سوشل کے اکائونٹ کے ذریعے تبصرہ کیا کہ نائنتھ سرکٹ کورٹ نے مجھے ابھی ایک لاکھ 22ہزار ڈالر کا انعام دیا ہے۔

کریڈٹ: انڈیپنڈنٹ نیوز پاکستان-آئی این پی

بریانسک نامی علاقے میں یوکرین کا ایک چھوٹا طیارہ گر گیا جس کے روسی فوج نے پائلٹ کو حراست میں لے لیا ہے، روس کی وفاقی دفاعی ایجنسی کے جاری کردہ بیان کے مطابق یوکرین کی سرحد کے قریب بریانسک نامی علاقے میں یوکرین کا ایک چھوٹا طیارہ گر گیا ہے جس کے پائلٹ کو گرفتار کرلیا گیا ہے،واقعے سے متعلق تفتیش شروع کر دی گئی ہے۔

کریڈٹ: انڈیپنڈنٹ نیوز پاکستان-آئی این پی

صومالیہ میں گزشتہ ہفتے آنے والے سیلاب کے دوران 21افراد جان کی بازی ہار گئے اور 100ہزار افراد بے گھر ہو گئے ہیں،اقوام متحدہ کے انسانی ہمدردی کے رابطہ دفتر کی طرف سے جاری کردہ بیان کے مطابق ملک کے جنوب میں گیڈو میں خشک سالی سے متاثرہ باردھیرے علاقے میں طوفانی بارشوں کے باعث آنے والے سیلاب نے ایک لاکھ افراد کو بے گھر کر دیا ہے،ایتھوپیا کی سرحد پر بارش کے باعث دریائے شبیل اور کیوبا میں پانی کی سطح بلند ہونے سے عوام کو خبردار کیا گیا ہے۔

کریڈٹ: انڈیپنڈنٹ نیوز پاکستان-آئی این پی

بھارتی ریاست بہار میں انتہا پسند ہندووں نے 110سال پرانے مدرسے اور اس سے منسلک لائبریری کو آگ لگا دی،بھارتی میڈیا کے مطابق ملک میں رام نوامی ریلیوں کے دوران تشدد اور فسادات کے کئی واقعات رونما ہوئے جن میں سے ایک واقعے میں ایک ہزار سے زائد جنونی ہندوتوا کے شرپسندوں نے مدرسہ عزیزیہ میں دھاوا بول دیا،حملہ آور جے شری رام کے نعرے لگا رہے تھے اور مدرسے کے محافظ کو تشدد کا نشانہ بناتے ہوئے مدرسے میں داخل ہوگئے۔ توڑ پھوڑ کی اور جاتے ہوئے پٹرول بم پھینک گئے،جس سے مدرسے اور لائبریری کو آگ لگ گئی، 110سال قدیم ہونے کی وجہ سے اس مدرسے کو تاریخی اہمیت بھی حاصل تھی،تاریخی مدرسے میں جنونی ہندووں کی دہشت گردی پر مسلمانوں میں غم و غصے کی لہر دوڑ گئی،بھارت بھر میں ایک ہفتے کے دوران رام نوامی تہوار کے نکلنے والے جلوسوں نے مختلف مقامات پر مساجد، مدارس اور مسلمانوں کی املاک کو نقصان پہنچایا۔ اس دوران پولیس سے جھڑپیں بھی ہوئیں،اس ایک ہفتے کے دوران انتہا پسندوں نے ایک تھانے کو آگ لگادی اور پولیس کی کئی گاڑیوں کو نذر آتش کردیا جب کہ مجموعی طور پر 20کے قریب افراد زخمی بھی ہوئے ہیں،مدرسے کے مہتمم کی درخواست پر پولیس نے مقدمہ درج کرلیا لیکن تاحال مدرسے پر حملہ کرکے اسے آگ لگانے والوں کے خلاف کوئی کارروائی نہیں ہوئی۔

کریڈٹ: انڈیپنڈنٹ نیوز پاکستان-آئی این پی

کینیڈین وزیراعظم جسٹن ٹروڈو نے اسرائیل کی جانب سے مسجد اقصی میں جارحیت پر تشویش کا اظہار کیا ہے،ایک بیان میں کینیڈین وزیراعظم جسٹن ٹروڈو نے اسرائیل کی پرتشدد کارروائی پر تنقید کرتے ہوئے کہا کہ اس وقت اسرائیل میں جو ہو رہا ہے اس پر افسوس ہے، مسجد اقصی کے اردگرد ہونے والے تشدد پر بھی تشویش ہے،کینیڈین وزیراعظم کا کہنا تھا کہ اسرائیلی حکومت کو اپنے نقطہ نظر میں تبدیلی کی ضرورت ہے،جسٹن ٹروڈو نے کہا کہ اسرائیلی حکومت کی اشتعال انگیز بیان بازی پر بھی بہت تشویش ہے، قریبی دوست ہونے کے ناتے ہمیں اسرائیلی حکومت کی اپنائی سمت پر بھی گہری تشویش ہے،انہوں نے کہا کہ کینیڈا اسرائیل میں عدالتی اصلاحات کے بارے میں بھی فکر مند ہے۔

کریڈٹ: انڈیپنڈنٹ نیوز پاکستان-آئی این پی

جنوبی افریقا میں بجلی کے شدید بحران کے بعد اب ملک کی بڑی ٹیلی کام کمپنیوں کیلئے سروس کی بلا تعطل فراہمی انتہائی مشکل ہو گئی،ملک کی سب سے بڑی ٹیلی کام کمپنی کے منیجنگ ڈائریکٹر کا کہنا تھاکہ ایک دن میں 10 دس گھنٹے کی لوڈ شیڈنگ کے باعث سروس جاری رکھنا مہنگا پڑ رہا ہے، ہمارے اخراجات حد سے تجاوز کر گئے ہیں،انہوں نے کہا کہ بجلی بحران کے باعث ٹیلی کام کمپنیوں کو ڈیزل جنریٹر، سولر انرجی اور ونڈ انرجی سسٹمز پر لاکھوں کے اضافی اخراجات کرنے پڑ رہے ہیں،برطانویمیڈیا کے مطابق جنوبی افریقا کی تین بڑی ٹیلی کام کمپنیوں نے گزشتہ برس ملک بھر میں صرف میٹروپولیٹنز اور ہائی ریونیو سائٹس پر سروسز بحال رکھنے کیلئے جنریٹرز، تیل، بیٹریوں اور مرمت کی مد میں ایک ہزار نوے ملین افریقی رینڈ (تقریبا 60.89ملین ڈالرز)خرچ کیے تھے تاہم طویل لوڈ شیڈنگ کے دوران بیک اپ ختم ہونے پر شہریوں کو سروس معطلی کا سامنا کرنا پڑتا تھا،افریقا کی مضبوط معیشت سمجھے جانے والے ملک جنوبی افریقا میں بجلی کے بحران نے شدت اختیار کر لی ہے جس کے باعث ملک کے صدر نے فروری میں اسے نیشنل ڈیزاسٹر قرار دے دیا تھا جبکہ مرکزی بینک نے بھی رواں برس بجلی بحران کے زیر اثر معاشی شرح نمو میں دو فیصد کمی کی پیش گوئی کردی ہے۔

کریڈٹ: انڈیپنڈنٹ نیوز پاکستان-آئی این پی

اقوام متحدہ کی انسانی حقوق کونسل نے اسرائیلی قبضے کیخلاف او آئی سی کی قرارداد بھاری اکثریت سے منظور کر لی،بیت المقدس اور گولان کی پہاڑیوں پر قبضے کیخلاف او آئی سی کی قرارداد پاکستان نے پیش کی، قرارداد کے حق میں اڑتیس اور مخالفت میں چار ووٹ پڑے جبکہ پانچ ملکوں نے ووٹنگ میں حصہ نہیں لیا،اسرائیل کیخلاف قرارداد کی مخالفت کرنے والے چار ملکوں میں امریکا اور برطانیہ بھی شامل تھے۔

کریڈٹ: انڈیپنڈنٹ نیوز پاکستان-آئی این پی

بھارتی ریاست کرناٹک میں سنگدل باپ نے اپنے بیٹے کو گھر میں پکے مرغی کے سالن کے پیچھے قتل کردیا،بھارتی میڈیا رپورٹس کے مطابق 32سالہ شیورام کا گھر میں بنا چکن سالن کھانے کے معاملے پر اپنے والد شینا کے ساتھ جھگڑا ہوا ، اسی دوران والد نے بیٹے کو لکڑی کا ڈنڈا مارا جس سے اس کی موت ہوگئی، بھارتی میڈیا رپورٹس کے مطابق مقتول شیورام جب نوکری سے گھر لوٹا تو اس نے گھر میں پکے سالن سے متعلق پوچھا، پتا چلا کہ سالن ختم ہوگیا ہے جس پر اس نے باپ سے جھگڑا کرنا شروع کردیا،بعدازاں دونوں میں تلخ کلامی زور پکڑ گئی جس کے بعد باپ نے غصے میں آکر لکڑی کا ڈنڈا اٹھایا جو شیورام کی موت کی وجہ بنا،بھارتی میڈیا کے مطابق مرنے والے شخص کی اہلیہ اور 2بچے ہیں جب کہ پولیس نے ملزم کو گرفتار کرلیا ہے۔

کریڈٹ: انڈیپنڈنٹ نیوز پاکستان-آئی این پی

پولینڈیوکرین کو سوویت ڈیزائن کردہ14 مگ 29لڑاکا طیارے فراہم کرنے پر آمادہ ہو گیا ہے ، عالمی میڈیا کے مطابق یوکرین کے صدر ولادی میر زیلنسکی سرکاری دورے پر پولینڈ پہنچ گئے جہاں انہوں نے پولش صدر اندریز ڈوڈا کے ساتھ ملاقات کی اور روس کیخلاف جنگ میں حمایت پر ان کا شکریہ ادا کیا ہے،غیر ملکی میڈیا کے مطابق روس کے یوکرین پر حملے کے بعد یوکرینی صدر زیلنسکی کا یہ پولینڈ کا پہلا سرکاری دورہ ہے،زیلنسکی کا دورہ ایسے وقت میں ہوا جب پولش وزیر زراعت نے سستے یوکرینی اناج کے بارے میں کسانوں کی شکایت پر استعفی دیا ہے، پولینڈ اس حوالے سے مظاہروں کی ایک لہر کی لپیٹ میں بھی ہے کہ یوکرینی اناج پولش اناج کی مارکیٹ کی قیمت کو کم کر رہا ہے اور کسانوں کا کہنا ہے کہ یورپی یونین کو مدد فراہم کرنی چاہیے،زیلنسکی نے اپنے دورے کے دوران اس مسئلے پر بھی توجہ دی اور کہا کہ وہ جلد ہی ایسے فیصلوں کی توقع رکھتے ہیں جو کسانوں کے غصے کو کم کریں گے،انہوں نے کہا کہ ہم نے ایک راستہ نکال لیا ہے، مجھے یقین ہے کہ آنے والے دنوں اور ہفتوں میں ہم بالآخر تمام مسائل کو حل کر لیں گے کیونکہ پولینڈ اور یوکرین جیسے قریبی شراکت داروں اور حقیقی دوستوں کے درمیان کوئی سوال، کوئی پیچیدگیاں نہیں ہو سکتیں،دوسری جانب پولینڈ کے صدر اندریز ڈوڈا کا کہنا تھا کہ پولینڈ یوکرین کو سوویت ڈیزائن کردہ14 مگ 29لڑاکا طیارے فراہم کرے گا تاکہ اسے کریملن کے حملے کو پسپا کرنے میں مدد ملے اور روس نے یوکرین میں جنگی جرائم کا ارتکاب کیا ہے جس کی سزا ملنی چاہیے،ڈوڈا نے اپنے یوکرینی ہم منصب کو پولینڈ کے اعلی ترین اعزاز آرڈر آف دی وائٹ ایگل سے بھی نوازا،زیلنسکی نے ایوارڈ حاصل کرنے پر کہا کہ آپ ہمارے ساتھ کندھے سے کندھا ملا کر کھڑے ہیں، اور ہم اس کے لیے شکر گزار ہیں۔

کریڈٹ: انڈیپنڈنٹ نیوز پاکستان-آئی این پی

برازیل کے پرائمری سکول میں نوجوان نے کلہاڑی کے وار کرکے چاربچوں کو موت کے گھاٹ اتار دیا ،غیر ملکی میڈیا رپورٹس کے مطابق پولیس کاکہنا ہے کہ یہ واقعہ بدھ کو ریاست سانتا کترینا کے پرائمری سکول میں ہوا، جہاں 25سالہ حملہ آور نے سکول میں داخل ہوکر کلہاڑی سے بچوں پر حملہ کیا، حملے میں تینلڑکوں اور ایک لڑکی سمیت چاربچے ہلاک جبکہ چار بچے زخمی ہوئے ہیں ، ہلاک ہونے والے بچوں کی عمریں 5سے 7برس کے درمیان ہیں،حملے کے بعد حملہ آور نے پولیس اسٹیشن جا کر خود کو پولیس کے حوالے کردیا، پولیسکے مطابق حملے کی وجہ تاحال سامنے نہیں آئی ہے، واقعہ کی تحقیقات کی جارہی ہیں۔

کریڈٹ: انڈیپنڈنٹ نیوز پاکستان-آئی این پی

عرب لیگ نے القدس کے دفاع کے لیے سفارتی مہم چلانے کا اعلان کر دیا،سعودی میڈیا رپورٹس کے مطابق اسرائیل کی جانب سے مسجدِ اقصی میں حملوں کے خلاف عرب لیگ کا ہنگامی اجلاس مصر کے دارالحکومت قاہرہ میں منعقد ہوا ، اجلاس میں رمضان المبارک میں اسرائیل کے مسجدِ اقصی پر حملے اور اس کی حرمت کو پامال کرنے کی شدید مذمت کی گئی،اجلاس کے حوالے سے عرب لیگ کے اعلامیے میں کہا گیا ہے کہ مسجداقصی میں اسرائیلی فوجی کا اقدام انسانی اور عالمی قوانین کی خلاف ورزی ہے،عرب لیگ کا کہنا ہے کہ تازہ صورتِ حال کا جائزہ لینے کے لیے اس حوالے سے اجلاس جاری رہے گا۔

کریڈٹ: انڈیپنڈنٹ نیوز پاکستان-آئی این پی

شمالی کوریا نے خطے میں جاری جنگی مشقوں پر برہمی کا اظہار کرتے ہوئے جوہری جنگ کی دھمکی دے دی،غیرملکی میڈیا نے شمالی کوریا کی سرکاری خبرایجنسی میں جاری بیان میں کہا گیا ہے کہ جنوبی کوریا اور امریکا کی مشترکہ جنگی مشقوں سے صورتحال جوہری جنگ کے دہانے کی طرف جا رہی ہے۔ مشترکہ مشقیں جارحانہ اقدام ہے،بیان میں کہا گیا ہے کہ جنگی مشقوں سے جزیرہ نما کوریا میں حالات دھماکا خیز ہوسکتے ہیں، امریکا اور اس کے اتحادیوں کا شمالی کوریا کے خلاف پاگل پن ناقابل تصور تباہی کا سبب بنے گا، عالمی برادری کو چاہیے کہ جزیرہ نما کوریا پر منڈلاتے جوہری جنگ کے بادلوں کو ختم کرنے کے لیے فوری طور پر کردار ادا کرے۔

کریڈٹ: انڈیپنڈنٹ نیوز پاکستان-آئی این پی

اسرائیلی پولیس نے مسجد اقصی کے احاطے میں ایک بار پھر فلسطینی نمازیوں پر حملہ کر دیا،غیر ملکی میڈیاکے مطابق فلسطینی ہلال احمر کی جانب سے تازہ ترین حملے میں کم از کم چھ افراد کے زخمی ہونے کی اطلاع دی گئی ہے،مسلح پولیس نے سٹن گرینیڈز کا استعمال کرتے ہوئے فلسطینی نمازیوں پر ربڑ کی کوٹیڈ اسٹیل کی گولیاں برسائی ہیں جبکہ سوشل میڈیا پر سامنے آنے والی ویڈیوز میں مسلح فوجیوں کو مسجد کو نمازیوں سے زبردستی خالی کرتے ہوئے دکھایا گیا ہے۔

کریڈٹ: انڈیپنڈنٹ نیوز پاکستان-آئی این پی

برطانیہ کے بادشاہ چارلس سوئم کی 6مئی کو تاج پوشی ہو گی، تاج پوشی کی تقریب میں 2ہزار مہمانوں کو دعوت نامے ارسال کر دیے گئے،شاہی محل کی جانب سے برطانوی بادشاہ کی تاج پوشی کے دعوت نامے کا آرٹ ورک جاری کر دیا گیا ہے، اینڈریو جیمیسن نے ڈیزائن کردہ ری سائیکل کارڈز پر پانی کے رنگوں کا خوبصورت استعمال کیا ہے، دعوت نامے میں برطانوی لوک داستانوں کی قدیم شخصیت سمیت پھولوں کو شامل کیا گیا ہے،بادشاہ چارلس کی تاج پوشی 6مئی کو ویسٹ منسٹر ایبے میں ہوگی، یہ وہ جگہ ہے جہاں پچھلے ایک ہزار برس سے انگریزی اور برطانوی بادشاہوں کی تاج پوشی کی جاتی رہی ہے۔

کریڈٹ: انڈیپنڈنٹ نیوز پاکستان-آئی این پی

امریکا کی مختلف ریاستوں میں طوفانی بگولوں سے آنے والی تباہی میں مزید 5افراد ہلاک اور متعدد زخمی ہوگئے ،طوفان سے ہزاروں افراد بے گھر ہو گئے ، 87عمارتوں کو نقصان پہنچا ،12 عمارتیں مکمل تباہ ہو گئیں ،غیر ملکیمیڈیا رپورٹس کے مطابق ریاست آرکنساس، الینوائے اور مسوری سمیت دیگر امریکی ریاستوں میں طوفان سے تباہی کا سلسلہ جاری ہے ، طوفان کے باعث ہزاروں افراد بے گھر ہوگئے ہیں،طوفان سے 87عمارتوں کو نقصان پہنچا ہے جبکہ 12مکمل طور پر تباہ ہوگئیں ۔

کریڈٹ: انڈیپنڈنٹ نیوز پاکستان-آئی این پی

امریکا کے سابق صدر ٹرمپ نے اپنے اوپر 34سنگین جرائم کے الزامات عائد ہونے کے بعد کانگریس میں ری پبلکنز سے محکمہ انصاف اور ایف بی آئی کے فنڈز میں کمی کرنے کا مطالبہ کر دیا،غیرملکی میڈیا کے مطابق سابق صدر ٹرمپ نے سوشل میڈیا پر بیان میں کہا کہ ری پبلکنز محکمہ انصاف اور ایف بی آئی کو اس وقت تک فنڈ نہ دیں جب تک وہ ہوش میں نہ آجائیں،اس سے قبل ٹرمپ اپنے دور صدارت میں محکمہ انصاف اور ایف بی آئی کی فنڈنگ میں اضافے کی حمایت کر چکے ہیں۔

کریڈٹ: انڈیپنڈنٹ نیوز پاکستان-آئی این پی

سعودی وزیر ٹرانسپورٹ صالح الجاسر نے اعلان کیا ہے کہ مکہ مکرمہ اور مدینہ منورہ کے درمیان حرمین ایکسپریس ٹرین روزانہ 100سے زائد چکر لگا رہی ہے، اس طرح ماہ مقدس میں اس ٹرین میں مسافروں کے لیے 10لاکھ سے زائد نشستیں فراہم کردی گئی ہیں، معتمرین اور زائرین کے لیے مسجد حرام اور مسجد نبوی کے درمیان سفر کی سہولت میں زبردست اضافہ کردیا گیا ہے،وزیر ٹرانسپورٹ نے اس حوالے خادم حرمین شریفین اور ان کے ولی عہد کا شکریہ ادا کیا جن کی خصوصی توجہ سے عمرہ کرنے کے لیے آنے والے اور روضہ رسول ۖ پر حاضری دینے والوں کو بہتر سے بہتر سہولیات فراہم کی جارہی ہیں۔

کریڈٹ: انڈیپنڈنٹ نیوز پاکستان-آئی این پی

چین کے دارالحکومت بیجنگ میں سعودی وزیر خارجہ شہزادہ فیصل بن فرحان نے اپنے ایرانی ہم منصب حسین امیر عبداللہیان سے ملاقات کی ہے ، دونوں وزرائے خارجہ کی ملاقات کے بعد ایرانی صدر کا دورہ سعودی عرب متوقع ہے،غیر ملکیمیڈیا کے مطابق دونوں وزرائے خارجہ کی سفارتی تعلقات مزید بڑھانے کے اقدامات پر گفتگو ہوئی ، ملاقات میں سعودی عرب اور ایران کے سفارتخانے دوبارہ کھولنے کے اقدامات پر بھی تبادلہ خیال کیا گیا ،ملاقات میں دونوں ممالک کے چین میں متعین سفیر اور دیگر اعلی حکام بھی موجود تھے ، سات سال سے زائد عرصے میں دونوں ملکوں کے اعلی ترین سفارت کاروں کی پہلی باضابطہ ملاقات تھی،دونوں رہنمائوں کی ملاقات کے بعد مشترکہ بیان بھی جاری کردیا گیا ہے جس کے مطابق دونوں ممالک سفارت خانے اور قونصل خانے دوبارہ کھولنے کے انتظامات کرنے پر رضامند ہوگئے،چینی میڈیا کے مطابق سعودی اور ایرانی وزرائے خارجہ نے چینی ہم منصب سے بھی ملاقات کی، دونوں وزرائے خارجہ کی ملاقات کے بعد ایرانی صدر کا دورہ سعودی عرب متوقع ہے،اس حوالے سے ایران کے نائب صدر نے کہا ہے کہ ایرانی صدر ابراہیم رئیسی نے سعودی فرمانروا شاہ سلمان کی دورے کی دعوت قبول کر لی ہے۔

کریڈٹ: انڈیپنڈنٹ نیوز پاکستان-آئی این پی

فرانس سے تعلق رکھنے والے برنارڈ آرنلٹ کافی عرصے سے دنیا کے امیر ترین شخص ہیں اور اب اس کا باضابطہ اعلان بھی ہو گیا ہے،امریکی جریدے فوربز کی جانب سے 2023کے امیر ترین افراد کی فہرست جاری کی گئی ہے جس میں پرتعیش اشیا بنانے والی کمپنی ایل وی ایم ایچ کے مالک 211ارب ڈالرز کے ساتھ سرفہرست ہیں،طویل عرصے بعد یہ پہلی بار ہے جب امریکا سے باہر سے تعلق رکھنے والی کسی شخصیت کو فوربز کی سالانہ فہرست میں دنیا کا امیر ترین شخص قرار دیا گیا،2022میں امیر ترین شخص کا اعزاز حاصل کرنے والے ایلون مسک 180ارب ڈالرز کے ساتھ 2023کے لیے دنیا کے دوسرے امیر ترین شخص قرار پائے ہیں،برنارڈ آرنلٹ کی دولت میں 2022کے دوران 53ارب ڈالرز کا اضافہ ہوا، جبکہ ایلون مسک 39ارب ڈالرز سے محروم ہونے کے بعد پہلے سے دوسرے نمبر پر پہنچ گئے،برنارڈ آرنلٹ اور ایلون مسک کی پوزیشن کو مستقبل قریب میں کوئی خطرہ نظر نہیں آتا ہے کیونکہ ایمازون کے بانی جیف بیزوس 114ارب ڈالرز کے ساتھ تیسرے نمبر پر ہیں، یعنی کافی بڑا فرق ہے،اوریکل کمپنی کے مالک لیری ایلیسن 107ارب ڈالرز کے ساتھ چوتھے، وارن بفٹ 106ارب ڈالرز کے ساتھ پانچویں، بل گیٹس 104ارب ڈالرز کے ساتھ چھٹے اور مائیکل بلومبرگ 94.5ارب ڈالرز کے ساتھ 7 ویں نمبر پر موجود ہیں،کارلوس سلم 93ارب ڈالرز کے مالک ہیں اور دنیا کے 8ویں امیر ترین شخص ہیں جبکہ میکش امبانی 83.4ارب ڈالرز کے ساتھ 9ویں نمبر پر ہیں اور رواں برس کے لیے ایشیا کے امیر ترین شخص بھی قرار پائے ہیں،اسٹیو بالمر 80.7ارب ڈالرز کے ساتھ 10ویں نمبر پر ہیں،فوربز کی رپورٹ کے مطابق دنیا کے امیر ترین افراد کے لیے 2023ایک اور سخت سال ثابت ہونے والا ہے اور رواں برس بھی ان کی دولت میں کمی آنے کا امکان ہے،رپورٹ میں بتایا گیا کہ 2022کے دوران دنیا کے 25امیر ترین افراد کی دولت میں مجموعی طور پر 200ارب ڈالرز کی کمی آئی،رپورٹ کے مطابق دنیا بھر میں ارب پتی افراد کی تعداد اور ان کی مجموعی دولت میں کمی آئی،گزشتہ سال 254افراد ارب پتی کی حیثیت سے محروم ہوگئے اور باقی بچ جانے والے 2640ارب پتی افراد ایک سال میں 500ارب ڈالرز سے محروم ہوئے۔

کریڈٹ: انڈیپنڈنٹ نیوز پاکستان-آئی این پی

جمعیت علماء اہل حدیث پاکستان کے چیئرمین علامہ قاضی عبدالقدیرخاموش نے اسرائیلی قابض فوجیوں کی طرف سے مسجد اقصی کی بے حرمتی،نمازیوں پرتشدد کی مذمت کرتے ہوئے کہاہے کہ جمعة المبارک کو اسرائیلی بربریت اور جارحیت کے خلاف احتجاج کیا جائے گاسپریم کورٹ نے دبا ئوکے باوجودآئین کی بالادستی کو برقرار رکھاعدالتی فیصلے کوقبول نہ کرنے والے آئین کے باغی ہیں ۔ان خیالات کااظہارانہوں نے پارٹی رہنمائوںحاجی عبدالغفارسلفی،علامہ عبدالخالق فریدی،حاجی محمدشفیق انصاری،چوہدری شعیب گوندل ،ثناء اللہ ڈار،ابوبکرقدوسی ،حاجی محمدایوب ،حافظ محمدانس ظہیر،حافظ عبدالباسط،انعام الرحمن ودیگرسے گفتگوکرتے ہوئے کیاعلامہ قاضی عبدالقدیرخاموش نے کہاکہ بھارت اوراسرائیل کی طرف سے مساجدپرحملے اورنمازیوں پرتشددافسوسناک ہے رمضان مبارک کے بابرکت مہینے میں بھی اسرائیل اور انڈین انتہا پسند ظلم روا رکھے ہوئے ہیںجوکہ ناقابل قبول ہیں انہوں نے کہاکہ ہمیشہ رمضان المبارک میں اسرائیلی مظالم میں اضافہ ہو جاتا ہے ، گذشتہ رات اسرائیلی فوجیوں نے جس طرح مسجد اقصی کی بے حرمتی کی ہے اور فلسطینی عوام پر مظالم کیے ہیںاس سے ہرمسلمان دکھی ہے اقوام متحدہ کو زبانی نہیں عملی اقدامات اسرائیلی جارحیت کے خلاف اٹھانے ہوں گے ۔

انہوں نے اسلامی تعاون تنظیم سے بھی اپیل کی کہ وہ اسرائیلی جارحیت کے خلاف عملی اقدامات اٹھائے، اسلامی ممالک کے سربراہان فلسطین کو اسرائیل کے ناجائز تسلط سے نجات دلانے کے لیے عملی کوششیں کریں ۔ انہوں نے اعلان کیا کہ جمع المبارک 7اپریل کو پوری دنیا میں اسرائیلی جارحیت اور الاقصی کی بے حرمتی کے خلاف احتجاج کیا جائے گا۔انہوں نے مزیدکہاکہ سپریم کورٹ نے الیکشن کے حوالے سے جرات مندانہ فیصلہ دیاہے حکومت کے پاس الیکشن کے علاوہ فرارکاکوئی راستہ نہیںعدلیہ کے فیصلوں کو نہ ماننے اورالیکشن سے فرارملک میں انتشار کاسبب بنے گامحب وطن سیاسی جماعتیں ہار سے ڈر کر ملک میں ایسے حالات پیدا کرنے سے گریز کرتی ہیں جو ملک کی سالمیت کیلئے نقصان دہ ہوں۔اداروں کاآپس میںٹکرا ئوملک کے لیے نیک شگون نہیں۔ پارلیمنٹ، عدلیہ اور انتظامیہ میں اختلافات نے ملک کا مستقبل دا ئوپر لگا دیاہے، ایک طرف عوام مہنگائی کی آگ میں جل رہے ہیں، راشن کے حصول کے لیے جانیں جا رہی ہیں، دوسری جانب حکمران طبقہ اقتدارکوبچانے میں مصروف ہے ۔ انھوں نے کہا کہ پارلیمنٹ اور عدالت باوقار انداز اختیار کریں تو معاملات مثبت جانب بڑھ سکتے ہیں اور سیاسی جماعتیں کسی ایک نقطہ پر متفق ہو سکتی ہیں۔ اتحادی حکومت اور پی ٹی آئی کی جنگ جاری رہی تو رہی سہی جمہوریت بھی ختم ہو سکتی ہے۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف نے خیبرپختونخوا میں انتخابات کے معاملے پر سپریم کورٹ میں درخواست دائر کردی۔ سابق اسپیکرکے پی مشتاق غنی نے درخواست بیرسٹرگوہرکی وساطت سے دائر کی ہے، درخواست میں الیکشن کمیشن اور گورنرکے پی کو فریق بنایا گیا ہے، درخواست میں موقف اختیار کیا گیا ہیکہ گورنر کے پی یکم مارچ کے عدالتی حکم پر عمل نہیں کر رہے۔ درخواست میں کہا گیا ہے کہ گورنر کے پی نے میڈیا پر 28 مئی کی تاریخ کا اعلان کیا اور بعد میں مکرگئے۔ درخواست میں استدعا کی گئی ہیکہ آئین کے مطابق 90 دن میں انتخابات ضروری ہیں، سپریم کورٹ گورنرکے پی کو انتخابات کی تاریخ کا حکم دے۔

کریڈٹ: انڈیپنڈنٹ نیوز پاکستان-آئی این پی

درخشاں کے علاقے میں سابق میئر کراچی کے بنگلے میں بھاری مالیت کے طلائی زیورات اور نقدی چرانے کے الزام میں پولیس نے گھریلو ملازمہ سمیت 3 ملزمان کو گرفتار کر کے چوری کیے گئے طلائی زیورات میں سے کچھ برآمد کرلیے۔ ڈی آئی جی ساوتھ عرفان بلوچ کے مطابق بنگلہ سابق میئر کراچی وسیم اختر کا ہے جبکہ گھریلو ملازم بنگلے سے طلائی زیورات ، ڈائمنڈ کی انگوٹھیاں اور نقدی چوری کر کے فرار ہوگیا تھا۔ پولیس نے بنگلے کے ملازم محمد طفیل کی مدعیت میں واقعہ کا مقدمہ درج کیا تھا پولیس نے چوری کے الزام میں گھریلو ملازمہ سمیت 3 ملزمان کو گرفتار کر کے چوری کیے جانے والے کچھ طلائی زیورات برآمد کرلیے اور دیگر کی برآمدگی کے لیے کوششیں جاری ہیں ۔

کریڈٹ: انڈیپنڈنٹ نیوز پاکستان-آئی این پی

پنجاب میں عام انتخابات سے متعلق الیکشن کمیشن نے وفاقی و صوبائی حکومتوں سے رجوع کرنے کا فیصلہ کر لیا۔ الیکشن کیشن فنڈز اور سکیورٹی پلان کیلئے وزارت خزانہ اور وزارت داخلہ کو خطوط لکھے گا، ذرائع الیکشن کمیشن کا کہنا ہے کہ 21 ارب کے فنڈز مرحلہ وار ملنے کا امکان ہے۔ الیکشن کمیشن کا کہنا ہے کہ سکیورٹی پلان کیلئے پنجاب حکومت سے رابطہ کیا جائے گا جبکہ سیکرٹری کمیشن 10 اپریل تک سکیورٹی پلان فائنل کرنے کا کہیں گے۔ ذرائع کے مطابق خطوط میں پنجاب میں انتخابات سے متعلق سپریم کورٹ کے فیصلے کے متعلقہ حصے بھی شامل کئے جائیں گے۔

کریڈٹ: انڈیپنڈنٹ نیوز پاکستان-آئی این پی