شِنہوا پاکستان سروس بیلٹ اینڈ روڈ پہل

فواد چودھری کی ریڈ زون کے داخلی راستے کھلوان...

سپریم کورٹ آف پاکستان نے رہنما تحریک انصاف فواد چودھری کی ریڈ زون کھلوانے کی استدعا مسترد کر دی۔ پی ٹی آئی رہنما فواد چودھری معمول کے کیس کے دوران چیف جسٹس پاکستان عمر عطا بندیال کی عدالت میں پیش ہوئے۔ فواد چودھری نے عدالت کو بتایا کہ ریڈ زون کے داخلی راستے سیل کر دیئے گئے ہیں، لگتا ہے کہ ہم غزہ میں ہیں، وکلا کو بھی آنے سے روکا جا رہا ہے، ریڈ زون کے داخلی راستوں پر جھگڑے ہو رہے ہیں۔ چیف جسٹس پاکستان نے فواد چودھری کی ریڈ زون کے داخلی راستے کھلوانے کی استدعا مسترد کر دی۔ چیف جسٹس پاکستان عمر عطا بندیال نے کہا کہ حکومت اور انتظامیہ اپنے سکیورٹی اقدامات کر رہی ہے، کیس کی سماعت کر رہے ہیں، ہزاروں وکلا کا آنا ضروری نہیں، وکلا کو آپ نے کال دی ہے تو ان سے بات کریں۔

فواد چودھری نے جواب دیا کہ ہم نے کسی کو کال نہیں دی، وکلا کا کنونشن ہے اس کیلئے بھی انہیں روکا جا رہا ہے۔ چیف جسٹس پاکستان نے استفسار کیا کہ سپریم کورٹ کا اس سب سے کیا لینا دینا؟ جسٹس محمد علی مظہر نے کہا کہ ازخود نوٹس پر پہلے ہی مسائل بنے ہوئے ہیں، آپ پھر سے ازخود نوٹس لینے کا مطالبہ کر رہے ہیں۔ چیف جسٹس عمر عطا بندیال نے کہا کہ عدالتی احاطے میں معمول کی شناخت کے بعد وکلا آ سکتے ہیں، اس موقع پر خاتون وکیل نے شکایت کی کہ کمرہ عدالت نمبر 1 میں بھی آنے نہیں دیا جا رہا۔ چیف جسٹس پاکستان نے کہا کہ گنجائش کے مطابق ہی کمرہ عدالت میں داخلے کی اجازت ہوگی، ہر وکیل کو کمرہ عدالت میں آنے کی اجازت نہیں ہوگی۔

کریڈٹ: انڈیپنڈنٹ نیوز پاکستان-آئی این پی

۳ اپریل، ۲۰۲۳ مزید دیکھیں

الیکشن التوا معاملہ،3 رکنی بنچ کیس نہ سنے، ا...

پنجاب اور خیبرپختونخوا میں الیکشن التوا کیس میں اٹارنی جنرل پاکستان کی جانب سے متفرق درخواست سپریم کورٹ میں دائر کردی گئی۔ اٹارنی جنرل کی جانب سے دائر درخواست میں استدعا کی گئی ہے کہ چیف جسٹس پاکستان عمرعطا بندیال کی سربراہی میں تین رکنی بنچ کیس نہ سنے۔ اٹارنی جنرل کی 7 صفحات پر مشتمل متفرق درخواست میں استدعا کی گئی ہے کہ الیکشن ازخود نوٹس کیس نہ سننے والے ججزپر مشتمل عدالتی بنچ بنایا جائے۔ خیال رہے کہ چیف جسٹس عمر عطا بندیال ، جسٹس اعجازالاحسن اور جسٹس منیب اختر پر مشتمل بنچ پنجاب اور خیبرپختونخوا میں الیکشن کے التوا سے متعلق کیس کی سماعت کر رہا ہے، عدالت نے آج سیکرٹری داخلہ اور سیکرٹری خزانہ کو طلب کر رکھا ہے۔

کریڈٹ: انڈیپنڈنٹ نیوز پاکستان-آئی این پی

۳ اپریل، ۲۰۲۳ مزید دیکھیں

کراچی سے ٹورنٹو جانیوالی پرواز کی اوسلو ایئر...

قومی ایئر لائن پی آئی اے کی کراچی سے ٹورنٹو کی پرواز نے ناروے کے اوسلو ایئر پورٹ پر میڈیکل ایمرجنسی لینڈنگ کی۔ پرواز پی کے 783 میں سوار مسافر کی حالت بگڑ گئی تھی، مسافر کا بلڈ پریشر کم ہونے اور بے ہوشی طاری ہونے کے سبب فوری طبی امداد کی فراہمی ناگزیر ہوئی۔ حکام کا کہنا ہے کہ پرواز میں موجود 3 ڈاکٹرز نے مسافر کو ابتدائی طبی امداد فراہم کی لیکن مسافر کی حالت ٹھیک نہ ہونے پر متفقہ رائے سے ایمرجنسی ڈیکلیئر کی گئی۔ اس کے بعد کپتان نے اوسلو ایئرپورٹ پر میڈیکل ایمرجنسی کی بنیاد پر جہاز کو اتارنے کی اجازت طلب کی اور پھر ایمبولینس طلب کرتے ہوئے لینڈنگ کے بعد مسافر کو مکمل طبی امداد کے لئے ہسپتال منتقل کیا جہاں اس کی جان بچا لی گئی۔ پرواز پی کے 783 نے دوبارہ اوسلو ایئرپورٹ سے ٹورنٹو کے لئے اڑان بھر لی ہے۔ ترجمان پی آئی اے کا کہنا ہے کہ ایمرجنسی میڈیکل لینڈنگ کے سبب پرواز 4 گھنٹے تاخیر کا شکار ہوئی۔

کریڈٹ: انڈیپنڈنٹ نیوز پاکستان-آئی این پی

۳ اپریل، ۲۰۲۳ مزید دیکھیں

پاک ایران بارڈر پر شہید 4 سکیورٹی اہلکاروں ک...

پاک ایران بارڈر پر بلوچستان کے ضلع کیچ میں ایرانی سائیڈ سے دہشت گردوں کے حملے میں شہید ہونے والے 4 سکیورٹی اہلکاروں کی نماز جنازہ ان کے آبائی علاقوں میں ادا کردی گئی جبکہ شہدا کی پورے فوجی اعزاز کے ساتھ تدفین کی گئی ہے۔ پاک فوج کے شعبہ تعلقات عامہ (آئی ایس پی آر )کے مطابق نائیک شیر احمد کی نما جنازہ کہراڑ بزدار تونسہ، نائیک محمد اصغر کی نماز جنازہ کوٹ ادو، سپاہی نرسنگ عبدالرشید کی نماز جنازہ صحبت پور اور سپاہی محمد عرفان کی نماز جنازہ ڈیرہ غازی خان میں ادا کی گئی۔ نماز جنازہ میں اعلی حاضر سروس اور ریٹائرڈ فوجی افسران، سولجرز اور مختلف شعبہ ہائے زندگی سے تعلق رکھنے والے افراد اور شہدا کے عزیز و اقارب نے شرکت کی۔ آئی ایس پی آر کا کہنا ہے کہ شہدا کو پورے فوجی اعزاز کے ساتھ سپرد خاک کیا گیا۔ آئی ایس پی آرکے مطابق پاکستان کی مسلح افواج ہر قیمت پر دہشت گردی کی لعنت کے خاتمہ کے لئے پرعزم ہیں، یہ قربانیاں دہشت گردوں کے خلاف عزم کو اور مضبوط کرتی ہیں، مستقبل کی نسل کے لئے پرامن پاکستان فراہم کرنے کے لئے یہ عزم جاری رہے گا۔ واضح رہے کہ بلوچستان کے ضلع کیچ کے علاقے جلگئی سیکٹر میں ایرانی حدود سے دہشت گردوں نے حملہ کیا جس کے نتیجے میں 4 سکیورٹی اہلکار شہید ہوگئے تھے۔

کریڈٹ: انڈیپنڈنٹ نیوز پاکستان-آئی این پی

۳ اپریل، ۲۰۲۳ مزید دیکھیں

گورنر سندھ کا عید کے بعد سرجانی میں قبضہ ماف...

گورنر سندھ کامران ٹیسوری نے عید کے بعد سرجانی ٹان میں قبضہ مافیا کے خلاف آپریشن کا اعلان کردیا۔ کراچی کے علاقے سرجانی ٹاون میں گورنر سندھ کامران ٹیسوری بارہویں سحری کرنے پہنچے جہاں عوام کی بڑی تعداد نے انہیں اپنے درمیان دیکھ کر خوشی کا اظہار کیا۔ اس موقع پر کامران ٹیسوری نے میڈیا سے گفتگو کرتے ہوئے کہا کہ قبضہ مافیا کو وارننگ دے رہا ہوں کہ اپنا بوریا بستر گول کر لیں، عید کے بعد سرجانی ٹاون میں قبضہ مافیا کے خلاف بھر پور آپریشن کیا جائے گا جس کی نگرانی میں خود کروں گا۔ اس سے قبل کامران ٹیسوری کی جانب سے اعلان کیا گیا تھا کہ گورنر ہاوس سندھ میں چاند رات کو خواتین کے لیے مفت مہندی لگانے کا انتظام کیا جائے گا۔ اب اس حوالے سے انہوں نے کہا خواتین کے لیے مفت مہندی لگانے کے انتظام پر بعض لوگوں کو اعتراض ہے، اعتراض کرنے والے سن لیں خواتین کو چوڑیاں بھی دی جائیں گی۔ گورنر سندھ نے بتایا کہ گورنر ہاس میں ہونے والی عوامی افطار میں میں عوام کے لیے خود پکوڑے تل رہا ہوں، تنقید کرنے والے کسی حال میں خوش نہیں رہ سکتے۔

کریڈٹ: انڈیپنڈنٹ نیوز پاکستان-آئی این پی

۳ اپریل، ۲۰۲۳ مزید دیکھیں

عمران کی سکیورٹی فراہمی کی درخواست پر وزارت...

اسلام آباد ہائیکورٹ نے عمران خان کی سکیورٹی فراہمی کی درخواست پر وزارت داخلہ اور وفاق کو نوٹس جاری کرتے ہوئے جواب طلب کر لیا۔ عمران خان کی سکیورٹی فراہمی کی درخواست پرچیف جسٹس ہائیکورٹ عامر فاروق نے سماعت کی، چیف جسٹس نے ریماکس میں کہا کیا عمران خان کو بطور سابق وزیراعظم سکیورٹی نہیں مل رہی؟ چیف جسٹس نے ریماکس میں کہا کہ کسی کو خطرات لاحق ہونے پر سکیورٹی کے کیا ایس او پیز ہیں؟ سابق چیف جسٹس ثاقب نثار نے بہت سی سکیورٹیز واپس لی تھیں، سابق چیف جسٹس نے یہ بھی کہا تھا کہ کسی کو خطرہ ہو تو سکیورٹی دی جا سکتی ہے، کیا وہ ایس او پیز اب بھی اِن فیلڈ ہیں یا نہیں؟ یہ بھی دیکھ لیں۔ فیصل فرید ایڈووکیٹ نے کہا پولیس جس کے ماتحت ہے وہی دھمکیاں دے رہا ہے، وکیل نے موقف اختیار کیا کہ عمران خان سے سکیورٹی واپس لے لی گئی تھی۔ بعدازاں نے اسلام آباد ہائی کورٹ نے وفاقی حکومت کو نوٹس جاری کرتے ہوئے 6 اپریل کو جواب جمع کرانے کا حکم دیدیا۔

کریڈٹ: انڈیپنڈنٹ نیوز پاکستان-آئی این پی

۳ اپریل، ۲۰۲۳ مزید دیکھیں

دی کشمیر ساگا

مصنف :سردار یعقوب خان

“جیسا کہ پہلے ذکر ہوچکا ہے سدھنوتی (جموں کی تحصیل) بغاوت جو آگے چل کر تحریکِ آزادئِ کشمیر کا پیش خیمہ ثابت ہوئی، اُنہوں نے اپنے چند افراد پٹھان قبائلی علاقہ سے ہتھیاروں کی خریداری کے لیۓ وہاں بھیجے تھے۔
“جب اور پھر نومبر کے دوران، نیم خودمختار
پٹھان قبائلیوں کے ساتھ مُستقبل میں سیاسی تعلقات (اگر تھے) مکمل طور پر غیر یقینی تھے- تاہم صلاح و مشورے شروع ہوچکے تھے اور توقع کی جارہی تھی کہ یہ قوی اور سخت جان لوگ، نئی ریاست کے ساتھ الحاق پر رضامند ہوجائینگے۔ تاہم ان کی جانب سے کسی شرارت کا خدشہ بھی تھا جس سے نمٹنے کے لیۓ جرگوں کا اہتمام اور بندوبست ضروری تھا، جو نہ ہوسکا۔
“پاکستانی حکام کو بھی قبائلیوں سے خطرہ کے ساتھ یہ ادراک بھی تھا کہ وہ اُن سے ٹکر نہیں لے سکتے۔ اُس وقت، پاکستان کی فوج نہ ہونے کے برابر تھی اور اس کا انحصار غیر منقسم ہندوستان کی سابقہ فوج پر تھا جس میں سے کچھ دستے حسبِ ضرورت آگے پیچھے کیۓ جارہے تھے۔
“ہندو اور سکھ جو ابھی تک پاکستانی سرزمین اور دوسری طرف مُسلمان بھارتی علاقہ میں پھنسے ہوئے تھے جبکہ جنگجو پٹھان حکومت کے لیۓ سر درد سے کچھ کم نہ تھے کہ اگر وہ بپھر جاتے تو اُن پر قابو پانا مُشکل تھا۔
“یہ زیادہ پُرانی بات نہیں کہ 38-1937 میں، اکیلے وزیرستان نے رائل برطانوی فورسز کے پچاس ہزار سپاہیوں کو کئی ماہ تک، ایک خُون آشام گوریلہ جنگ میں گھیرے رکھا تھا”۔
جوزف کاربل جو پاک۔بھارت یو۔این کمیشن کا رُکن تھا، اپنی کتاب Danger in Kashmir کے صفحہ - 63 پر رقمطراز ہے:
“کشمیر کے مُستقبل کے بارے میں گُفت و شُنید ک غیر یقینی نوعیت کا نمایاں پہلو، مہاراجہ کا غیر ذمہ دارانہ طرزِعمل تھا۔ اُس کی قوم کے کوئی فیصلہ نہ کر پانے اور لوگوں کی تشنہ آرزؤں کے درمیان، 15 اگست 1947 یعنی تقسیم کا جان لیوا دن گذر گیا-
“مہاراجہ کی معاندانہ سوچ، سہل انگاری و عیاری (بشمول قولنج کی تکلیف)کی وجہ سے اُس کی رعایا کو ناقابلِ تلافی نقصان اور مصائب و آلام کا سامنا کرنا پڑا اور یوں وہ ایک پکا ڈوگرہ ثابت ہوا۔
“15 اگست کا سورج طُلوع ہوا تو مسلمانوں نے یومِ پاکستان منایا اور پوری ریاست میں جوش و ولولہ کے ساتھ پاکستانی جھنڈے لہرائے۔

“مہاراجہ نے پاکستانی جھنڈے پھاڑنے کا حُکم دیا اور پاکستان کے حامی اخباروں کی اشاعت پر پابندی عائد کردی۔ اُس کے باوجود دباؤ بڑھتا چلا گیا۔خُون میں ڈوبے ہوئے پنجاب سے آنے والے مہاجرین کے سکھوں اور ہندوؤں کے ہاتھوں دلخراش واقعات، سراسیمہ اور زخم خوردہ مہاجرین کی کشمیر میں موجودگی کے باوجود کشمیر کے اندر تناؤ اور کشیدگی کی شدت میں کوئی کمی نہیں آئی”۔
وہ صفحہ۔66 پر دوبارہ لکھتا ہے:
“ایک دوسرے پر الزام تراشی سے قطعِ نظر، کشمیریوں نے قبائلیوں کے حملہ آور ہونے سے بہت پہلے، مہاراجہ کے خلاف علمِ بغاوت بلند کردیا تھا۔ 1930 میں جنم لینے والی سیاسی مخالفت اور بُحران 1946 میں، ایک کُھلی مزاحمتی تحریک میں ڈھل چکی تھی۔
“جس نے 1947 کے موسمِ بہار میں، ایک بھرپور انگڑائی لی اور موسمِ گرما تک، ایک انتہائی نازک موڑ پر جا پہنچی جب پنجاب میں ہونے والے دنگا و فساد کی خبریں پورے کشمیر میں پھیلنے اور سُنائی دی جانے لگیں۔ مہاراجہ اس صورتحال سے پوری طرح آگاہ تھا لہذا اُس نے مُسلمانوں کی آبادی میں سکھ اور ہندو گیریژن کی نفری بڑھادی اور جولائی کے آخر میں مُسلمانوں کو حکم دیا کہ وہ اپنے ہتھیار پولیس کے پاس جمع کروادیں”۔
“مُسلمانوں نے گوریلہ انداز میں، ٹولیوں کی شکل میں مغربی پونچھ کے پہاڑی علاقہ میں اپنی سرگرمیاں جاری رکھیں جن کا ایک عرصہ تک کسی کو پتہ نہ چل سکا۔ ان کی قیادت برٹش انڈین آرمی کے سابق فوجی کررہے تھے اور ہتھیاروں کی فراہمی کے نگران بھی تھے۔
شمال مغربی صوبہ سرحد کے اسلحہ سازی کے لیۓ مشہور قبائلی علاقہ کو پیغام بھیج کر اسلحہ منگوایا جاتا اور پہاڑی علاقوں میں مسلمان مجاہدین کے حوالہ کردیا جاتا تھا۔
“دوسری جنگِ عظیم میں شریک سابقہ فوجی، مہاراجہ کی بڑھتی ہوئی شر انگیزیوں سے نمٹنے کے لیۓ اپنے اہلِ خانہ کو پہلے ہی مغربی پنجاب میں اپنے عزیز و اقارب کے پاس چھوڑ کر واپس جموں پہنچ چُکے تھے اور ڈوگرہ راج کے مدِمقابل سر بکف تھے۔ آزادی کے ان متوالوں کا قائد کون تھا؟ اس کی جوزف کاربیل نے صفحہ۔67 پر دو ٹوک وضاحت کی ہے:
“اِس تحریک کے قائد، ایک کشمیری نوجوان، سردار محمد ابراہیم خان تھے جو جون سے پوری ریاست میں متحرک و فعال اور اپنے ہموطنوں کا حوصلہ بڑھانے میں مصروف تھے۔ اگست میں وہ سرینگر میں گرفتاری سے بال بال بچے اور چھپتے چھپاتے، پاکستان پہنچنے میں کامیاب ہوگئے۔ مری پہنچ کر اُنہوں نے آزادی کی سیاسی تحریک کی داغ بیل ڈالی جس نے آگے چل کر آزاد کشمیر حکومت کی شکل اختیار کی”۔
(جاری ہے)
سردار محمد ابراہیم خان

کریڈٹ: انڈیپنڈنٹ نیوز پاکستان-آئی این پی

۳ اپریل، ۲۰۲۳ مزید دیکھیں

سی پیک کے تحت تھر بحلی گھر سے پاکستان میں سم...

تھرپارکر(شِنہوا) 27 سالہ مکینیکل انجینئر مظہر علی خان چین پاکستان اقتصادی راہداری ( سی پیک) کے تحت توانائی تعاون کے منصوبے تھر کول بلاک 1 کول الیکٹریسٹی انٹیگریشن منصوبہ کے مرکزی کنٹرول روم میں شفٹ انچارج کے طور پر کام کرتا ہے۔

مظہر علی خان صوبہ سندھ کے جنوب مشرقی گرم صحرائی علاقے میں واقع پلانٹ میں ایک چینی شفٹ انچارج کے ماتحت ہے جو انہیں ہدایات دیتا ہے جس پر وہ دوسرے پاکستانی اور چینی انجینئرز کے ذریعے عملدرآمد کرتا ہے۔

صوبہ سندھ میں تھر کول بلاک 1 کول الیکٹریسٹی انٹیگریشن منصوبے کے ایک بوائلر پلانٹ کو دیکھا جاسکتا ہے۔ (شِنہوا)

نوجوان انجینئر نے کہا کہ اس کوئلہ پلانٹ میں استعمال ہونے والی جدید ٹیکنالوجی مقامی کوئلے میں استعمال کے لئے موزوں ہے۔ نوجوان انجینئر کا تعلق سندھ کے کم ترقی یافتہ شہر حیدرآباد سے ہے اور انہوں نے 2022 میں سی پیک منصوبے کے ملازم اور سال کے بہترین ماڈل ملازم کا ایوارڈ بھی حاصل کیا تھا۔

انہوں نے کہا کہ "چینی عملہ ہمیشہ ہم سے تعاون کرتے ہوئے رہنمائی کرتا ہے کیونکہ وہ پہلے ہی مختلف غیرملکی منصوبوں میں اس طرح کے پلانٹس فعال کرچکے ہیں" ۔

اس پلانٹ میں 660 میگاواٹ کے دو ہائی پیرامیٹر کوئلے سے چلنے والے پیداواری یونٹ ہیں جنہیں سالانہ 78 لاکھ ٹن کوئلہ پیدا کرنے والی لیگنائٹ اوپن پٹ کوئلہ کان کا تعاون حاصل ہے۔ یہ اعلیٰ معیار اور بڑی صلاحیت کی حامل ٹیکنالوجی ملک میں پہلی بار استعمال کی جارہی ہے۔

وزیراعظم شہبازشریف نے تھر کول بلاک ون کول الیکٹریسٹی انٹیگریشن منصوبے کا حال ہی میں باضابطہ افتتاح کیا ہے۔ یہ پاکستان میں 40 لاکھ گھرانوں کی بجلی کی طلب پوراکرنے کی صلاحیت کا حامل ہے۔

صوبہ سندھ میں تھر کول بلاک 1 کول الیکٹریسٹی انٹیگریشن منصوبے کے کولنگ ٹاورز کو دیکھا جاسکتا ہے۔(شِنہوا)

منصوبے کے سی ای او مینگ ڈونگ ہائی نے شِنہوا سے گفتگو میں کہا کہ پاکستان تھر سے حاصل شدہ کوئلے سے سستی بجلی پیدا کررہا ہے۔

انہوں نے مزید کہا کہ اس سے ملک کو ایندھن کی درآمدات کم کرنے، غیر ملکی زرمبادلہ کے ذخائر کی بچت اور قومی توانائی تحفظ بڑھانے میں مدد ملے گی۔

۲ اپریل، ۲۰۲۳ مزید دیکھیں