فائل فوٹو،ناسا کی جیمز ویب اسپیس ٹیلی سکوپ کے ذریعے کھینچی گئی تصویر جس میں کرینا نیبولا  میں ستاروں کے بننے کی جگہ  این جی سی 3324 کو دکھایا گیا ہے، امریکی ریاست میری لینڈ کے شہر گرین بیلٹ میں ناسا کے گوڈارڈ اسپیس فلائٹ سنٹر میں مشاہدہ کیا جارہا ہے۔(شِنہوا)

لاس اینجلس(شِنہوا) ناسا کی چندرا ایکس رے آبزرویٹری کا استعمال کرتے ہوئے ایک نئی تحقیق کے ذریعے ڈوارف کہکشاں میں تصادم کے راستے پر گامزن سپر ماسیو بلیک ہولز کے دو جوڑوں کی نشاندہی کی گئی ہے۔

ناسا کے مطابق، اس طرح کے وقوع پزیر ہونے والے تصادم کا یہ پہلا ثبوت ہے، جو سائنسدانوں کو کائنات کی تخلیق کے شروع میں بلیک ہولز کے بننے کے بارے میں اہم معلومات فراہم کرتا ہے۔

ناسا کے مطابق، ڈوارف کہکشائیں ایسے ستاروں پر مشتمل ہیں جن کی مجموعی کمیت سورج سے تقریباً 3 ارب گنا کم ہے۔

ماہرین فلکیات کا طویل عرصے سے یہ شبہ تھا کہ ڈوارف کہکشائیں آپس میں ضم ہو جاتی ہیں، خاص طور پر نسبتاً کائنات کی شروعات میں، تاکہ وہ بڑی کہکشائیں بن سکیں جو آج ہمیں نظر آتی ہیں۔ تاہم، موجودہ ٹیکنالوجی ڈوارف کہکشاوں کے انضمام کی پہلی نسل کا مشاہدہ نہیں کر سکتی تھی کیونکہ ناسا کے مطابق، وہ انتہائی دوری پر ہونے کی وجہ سے غیر معمولی طور پرغیر واضح ہیں۔

چندرا ایکس رے کے مشاہدات کے منظم سروے پر عملدرآمد اور ناسا کی وائڈ انفراریڈ سروے ایکسپلورر اور کینیڈا-فرانس-ہوائی ٹیلی سکوپ کے آپٹیکل ڈیٹا سے موازنہ کرتے ہوئے اس نئی تحقیق سے ان چیلنجز پر قابو پایا گیا ہے۔

چین کے شمالی اندرونی منگولیا خود مختارعلاقے کے الکسا لیگ میں کوئلے کی منہدم ہونے والی کان کے مقام پر امدادی گاڑیاں کام کر رہی ہیں۔(شِنہوا)

ہوہوٹ(شِنہوا)چین کے شمالی اندرونی منگولیا خود مختار علاقے میں ایک منہدم کوئلے کی کان میں تلاش اور بچاؤ کی کوششیں  امدادی مقام پر بڑے پیمانے پر مٹی کے تودےگرنے کی وجہ سے معطل ہونے کے بعد دوبارہ شروع ہو گئیں۔ 

اب تک چار افراد کی ہلاکت کی تصدیق ہو چکی ہے جبکہ49 دیگر لاپتہ ہیں۔

ریجنل ریسکیو ہیڈکوارٹر کے مطابق ریسکیو اہلکاروں نے ملبے سے 10 افراد کو نکال لیا ہے جن میں ہلاک شدہ اور چھ زخمی شامل ہیں جنہیں فوری طور پر ہسپتال منتقل کر دیا گیا ہے۔

بدھ کو دوپہر 1 بجے کے قریب الکسا لیگ میں کھلے گڑھے نما کان منہدم ہوئی اور اس کے بعد شام 6 بجے کے قریب بڑے پیمانے پر مٹی کے تودے گرے جس سے جمعرات کی صبح تک تلاش اور بچاؤ کی کارروائیاں معطل ہو گئیں۔

ہیڈ کوارٹرکےتحت ریسکیو ٹیم کے سربراہ اور علاقائی ایمرجنسی مینجمنٹ ڈیپارٹمنٹ کے ڈائریکٹر چھانگ ژی گانگ نے جمعرات کی سہ پہر منعقدہ ایک پریس کانفرنس میں کہا کہ 19 ورک سیفٹی ماہرین اور 919امدادی کارکنوں کی جانب سے 156 آلات اور گاڑیوں کی مدد سے  منہدم ہونے والی کان میں تلاش اور بچاؤ کی کوششیں جاری ہیں۔

سائٹ پر اب بھی ثانوی آفات کے خطرات موجود ہیں اور ماہرین امدادی منصوبوں کو بہتر بنانے اور تحفظ کو یقینی بنانے کے لیے سائٹ پر تحقیقات اور تشخیص کر رہے ہیں۔

ریسکیو کی جگہ پر ابتدائی طبی امداد کے لیے مجموعی طور پر 45 طبی کارکنان اور 15 ایمبولینسیں روانہ کی گئی ہیں۔ زخمیوں کو فوری علاج کے لیے قریبی اسپتال منتقل کرنے کے لیے گرین چینل قائم کیا گیا ہے۔

چھ زخمیوں میں سے ایک کو شدید چوٹیں آئیں جبکہ دیگر پانچ کو معمولی چوٹیں آئیں۔

کان کی ڈھلوان گرنے کی وجوہات کی تحقیقات کی جا رہی ہیں۔ مبینہ طور پر ملوث افراد پولیس کی حراست میں ہیں۔

اس کان کے حادثے کے بعد علاقائی اتھارٹی نے کان کنی کے مقام کی حفاظت کے لیے بڑے پیمانے پر نظر ثانی کا آغاز کیا ہے۔

امریکی ریاست کیلیفورنیا کے مونٹیری پارک میں پولیس اہلکار فائرنگ کے مقام پرتحقیقات کر رہے ہیں۔(شِنہوا)

واشنگٹن(شِنہوا)امریکی ریاست فلوریڈا کی اورنج کاؤنٹی میں پولیس نے فائرنگ کے مختلف واقعات میں 3 افراد کی ہلاکت کے بعد ایک مشتبہ شخص کوحراست میں لےلیا۔

اورنج کاؤنٹی کی پولیس کے مطابق متاثرین میں 20 سال کی ایک خاتون، ایک 9 سالہ لڑکی اور نیوز کمپنی کی ملازمہ شامل ہیں۔

مشتبہ شخص جس کی شناخت 19 سالہ کیتھ میلوین موسیٰ کے نام سے ہوئی ہے، اس کی مجرمانہ تاریخ طویل ہے۔

اورلینڈو ریجنل میڈیکل سینٹر میں زیر علاج لڑکی کی والدہ اور نیوز کمپنی کے عملے کے ایک دوسرے رکن کی حالت تشویشناک ہے۔

فائرنگ کے دونوں واقعات بدھ کی دوپہر کو ہوئے تھے۔ خیال کیا جاتا ہے کہ موسیٰ نے صبح کے وقت ایک مرتبہ پھر فائرنگ کی جس سے ایک 20 سالہ خاتون ہلاک ہو گئی۔

بیجنگ(شِنہوا) چین نے امریکہ پر زور دیا کہ وہ خلوص کا مظاہرہ کرتے ہوئے اپنی غلطیوں کی اصلاح کرے اور طاقت کے غلط استعمال سے دوطرفہ تعلقات کو پہنچنے والے نقصان کا اعتراف کرتے ہوئے اس کا ازالہ کرے۔

چینی وزارت خارجہ کے ترجمان وانگ وین بن نے ان خیالات کا اظہار گزشتہ روز باقاعدہ پریس بریفنگ میں امریکی وزیر خارجہ انتھونی بلنکن کے چین کے بغیر پائلٹ کے غیر عسکری ہوائی جہاز کے معاملے سے متعلق حالیہ بیان کے بارے میں پوچھے گئے سوال کے جواب میں کیا۔

وانگ نے کہا کہ چین نے متعدد بار واضح طور پر امریکہ کو بتایا ہے کہ اس کے  بغیر پائلٹ کے غیر عسکری ہوائی جہاز کا اس کی فضائی حدود میں داخل ہونا مکمل طور پر غیر ارادی، غیر متوقع اور الگ تھلگ واقعہ تھا جس کی وجہ فورس میجر تھی۔

وانگ نے کہا کہ ہم نے بارہا امریکہ سے کہا ہے کہ وہ اس معاملے کو تحمل، پیشہ ورانہ اور خود پر قابو رکھتے ہوئے حل کرے۔

ترجمان نے کہا کہ تاہم، امریکہ  نے حقائق کو نظر انداز کیا اور "جاسوس غبارے" کا ایک بیانیہ گھڑ لیا اور یہ کہا کہ امریکی صدر بائیڈن نے ذاتی طور پر لڑاکا طیارے سے میزائل فائر کرکے غیر عسکری ہوائی جہاز کو ڈھٹائی سے مار گرانے کا حکم دیا۔ انہوں نے کہا کہ یہ طاقت کا سو فیصد غلط استعمال، ہیجان انگیز عمل اور حد سے زیادہ ردعمل تھا جو  روایتی بین الاقوامی طریقوں اور متعلقہ بین الاقوامی کنونشنز کی سنگین خلاف ورزی ہے۔

وانگ نے کہا کہ اس پر غور اور اس کا اعتراف کرنے کی بجائے کہ اس نے کیا غلط کیا ہے، امریکہ نے چین پر الزام تراشی اور چینی کمپنیوں پر پابندیاں لگانے اور صورتحال کو مزید خراب کرنے کا انتخاب کیا۔

بیجنگ(شِنہوا) چین نے امریکہ پر زور دیا کہ وہ خلوص کا مظاہرہ کرتے ہوئے اپنی غلطیوں کی اصلاح کرے اور طاقت کے غلط استعمال سے دوطرفہ تعلقات کو پہنچنے والے نقصان کا اعتراف کرتے ہوئے اس کا ازالہ کرے۔

چینی وزارت خارجہ کے ترجمان وانگ وین بن نے ان خیالات کا اظہار گزشتہ روز باقاعدہ پریس بریفنگ میں امریکی وزیر خارجہ انتھونی بلنکن کے چین کے بغیر پائلٹ کے غیر عسکری ہوائی جہاز کے معاملے سے متعلق حالیہ بیان کے بارے میں پوچھے گئے سوال کے جواب میں کیا۔

وانگ نے کہا کہ چین نے متعدد بار واضح طور پر امریکہ کو بتایا ہے کہ اس کے  بغیر پائلٹ کے غیر عسکری ہوائی جہاز کا اس کی فضائی حدود میں داخل ہونا مکمل طور پر غیر ارادی، غیر متوقع اور الگ تھلگ واقعہ تھا جس کی وجہ فورس میجر تھی۔

وانگ نے کہا کہ ہم نے بارہا امریکہ سے کہا ہے کہ وہ اس معاملے کو تحمل، پیشہ ورانہ اور خود پر قابو رکھتے ہوئے حل کرے۔

ترجمان نے کہا کہ تاہم، امریکہ  نے حقائق کو نظر انداز کیا اور "جاسوس غبارے" کا ایک بیانیہ گھڑ لیا اور یہ کہا کہ امریکی صدر بائیڈن نے ذاتی طور پر لڑاکا طیارے سے میزائل فائر کرکے غیر عسکری ہوائی جہاز کو ڈھٹائی سے مار گرانے کا حکم دیا۔ انہوں نے کہا کہ یہ طاقت کا سو فیصد غلط استعمال، ہیجان انگیز عمل اور حد سے زیادہ ردعمل تھا جو  روایتی بین الاقوامی طریقوں اور متعلقہ بین الاقوامی کنونشنز کی سنگین خلاف ورزی ہے۔

وانگ نے کہا کہ اس پر غور اور اس کا اعتراف کرنے کی بجائے کہ اس نے کیا غلط کیا ہے، امریکہ نے چین پر الزام تراشی اور چینی کمپنیوں پر پابندیاں لگانے اور صورتحال کو مزید خراب کرنے کا انتخاب کیا۔

جکارتہ (شِنہوا) چین اور جنوب مشرقی ایشیائی ممالک کی تنظیم (آسیان)نے جامع اسٹریٹجک شراکت داری کو نئی بلندیوں تک پہنچانے کے لیے مل کر کام کرنے پر اتفاق کیا ہے۔

آسیان کے سیکرٹری جنرل کاؤ کم ہورن نے دورے پر آئے چینی  وزیر خارجہ چھن گانگ کے ساتھ ملاقات کی، آسیان کے سیکرٹری جنرل نے چین کی جانب سے آسیان کو دی جانے والی دیرینہ اور انتہائی اہمیت اور آسیان کے انضمام کے لیے اس کی گرانقدر حمایت کو سراہتے ہوئے کہا کہ چین جنوب مشرقی ایشیا میں امن اور تعاون کے معاہدے میں شامل ہونے والا پہلا بڑا ملک اور آسیان کا ایک اہم اسٹریٹجک پارٹنر بھی ہے۔

سیکرٹری جنرل نے کہا کہ دونوں فریقوں کے درمیان تعلقات کو سٹریٹجک لحاظ سے اپ گریڈ کیا گیا ہے اور بڑھتے ہوئے باہمی اعتماد کے ساتھ تعاون مزید مستحکم ہوا ہے۔

اس موقع پر چینی وزیر خارجہ نے کہا کہ آسیان علاقائی تعاون کی سب سے کامیاب تنظیموں میں سے ایک ہے اور عالمی اور علاقائی منظرنامے پر گہری تبدیلیوں کے پس منظر میں اس کی حیثیت مزید اہم ہو گئی ہے۔

انہوں نے کہا کہ چین-آسیان جامع تزویراتی شراکت داری مستحکم رفتار سے آگے بڑھ رہی ہے اور یہ کہ اس سال ہم نصیب مستقبل اور بیلٹ اینڈ روڈ انیشیٹو کے ساتھ قریبی چین-آسیان کمیونٹی کی تعمیر کی 10ویں سالگرہ کے ساتھ ساتھ جنوب مشرقی ایشیا میں امن اور تعاون کے معاہدے میں چین کے شمولیت کی 20ویں سالگرہ بھی منائی جا رہی ہے۔

چین، شنگھائی پھو ڈونگ انٹر نیشنل ائیر پورٹ پر مسافروں کو دیکھا جا سکتا ہے۔(شِنہوا)

شنگھائی (شِنہوا) چین کے مالیاتی مرکز شنگھائی کے دو ہوائی اڈوں پر جنوری  کے دوران  مسافروں کی آمد ورفت میں نمایاں اضافہ ہوا ہے۔

شنگھائی کسٹمز نے جمعرات کو کہا ہے کہ چین کے بہتر نوول کرونا وائرس ردعمل اور آمد و روانگی  کی پالیسیوں کی بدولت یہ اضافہ  ہوا ہے۔

شنگھائی ہونگ چھیاؤ بین الاقوامی ہوائی اڈے پر جنوری کے دوران، مسافروں کی آمدورفت 26 لاکھ  سے تجاوز کر گئی جو کہ گزشتہ سال کی نسبت  37.5 فیصد زیادہ ہے۔

دریں اثنا شنگھائی  پھو ڈونگ بین الاقوامی ہوائی اڈے نے 28 لاکھ  سے زیادہ مسافروں کے سفر کا انتظام کیا جو کہ ایک سال قبل  کے مقابلے میں 34.2 فیصد زیادہ ہے۔

چین کی جانب سے  سے 8 جنوری کو نوول کرونا وائرس  کے انتظام کو کلاس اے  سے کلاس بی  تک کم کر دیا گیا اور بین الاقوامی مسافروں کی پروازوں پر وبائی مرض سے متعلق بعض پابندیوں کے خاتمے کے بعد اس پیشرفت کو جوابی  اقدامات میں مواقفت کے ذریعے آگے بڑھایا گیا۔

کسٹم حکام نے کہا  ہے کہ انہوں نے ہوابازی کی صنعت کی مکمل بحالی کو مزید فروغ دینے کے لیے حفظان صحت کے معائنے اور قرنطینہ کو مضبوط بنانے کے لیے اقدامات کا ایک سلسلہ  شروع کیا ہے۔

پاکستان سپر لیگ(پی ایس ایل)کے آٹھویں ایڈیشن میں پشاور زلمی کے بیٹنگ کوچ کامران اکمل نے سابق اسپیڈ اسٹار شعیب اختر کو تنقید کا نشانہ بناڈالا،حال ہی میں نجی ٹی وی چینل کو دیئے گئے انٹرویو میں راولپنڈی ایکسپریس شعیب اختر نے کہا تھا کہ پریزنٹیشن تقریب میں آنے والے پاکستانی کرکٹرز عجیب و غریب نظر آتے ہیں، انہیں بات کرنے کا طریقہ نہیں معلوم اور نہ ہی انگلش بولنا آتی ہے جبکہ سیکھنے کی کوشش بھی نہیں کرتے،انہوں نے کہا کہ بابراعظم پاکستان کا سب سے بڑا برانڈ ہے لیکن وہ پاکستان کا سب سے بڑا برانڈ کیوں نہیں بن سکا؟، کامران اکمل نے سابق فاسٹ بولر کو تنقید کرتے ہوئے کہا کہ انکے تبصرے پبلسٹی اسٹنٹ تھے کیونکہ انہیں سکرین پر زیادہ وقت نہیں ملتا اور شہ سرخیوں میں رہنے کیلئے اسی باتیں کررہے ہیں۔

کریڈٹ: انڈیپنڈنٹ نیوز پاکستان-آئی این پی

پاکستان سپر لیگ(پی ایس ایل)میں کراچی کنگز کی پے در پے شکست پر وسیم اکرم غصے سے بے قابو ہوگئے جس کی ویڈیو سوشل میڈیا پر وائرل ہوئی تو اس پر ان کی اہلیہ شنیرا اکرم نے بھی ردعمل دیا،سوشل میڈیا پر ایک ویڈیو وائرل ہوئی جس میں وسیم اکرم ایچ بی ایل پی ایس ایل میں ملتان سلطانز کے خلاف شکست پر شدید غصے میں آ گئے اور انہیں ٹیم کی شکست پر پہلے سر پکڑتے ہوئے اور پھر سامنے موجود سیٹ پر ٹانگ مارتے ہوئے دیکھا گیا،اب سابق کپتان کی اہلیہ شنیرا اکرم بھی اپنے شوہر کا غصہ دیکھ کر حیران ہو گئیں اور ویڈیو پر ردعمل دیا،شنیرا اکرم نے وسیم اکرم کے غصے والی ویڈیو پر حیرانی والا ایموجی شیئر کیا ہے۔

کریڈٹ: انڈیپنڈنٹ نیوز پاکستان-آئی این پی

لاہور قلندرز کے کپتان شاہین آفریدی نے کوئٹہ گلیڈی ایٹرز کے خلاف شاندار پرفارمنس پر خود کو ملنے والا پلاٹ ساتھی کرکٹر جلات خان کو تحفے میں دے دیا،21فروری کو کراچی میں ہونے والے میچ میں لاہور قلندرز نے کوئٹہ گلیڈی ایٹرز کو 63رنز سے شکست دی جس میں مین آف دی میچ کا ایوارڈ کپتان شاہین آفریدی کے نام رہا جنہوں نے 3وکٹیں لیں اور ساتھ ہی شاندار کیچ بھی کیے،تاہم میچ کے بعد ڈریسنگ روم میں قلندرز کے مینیجر ثمین رانا نے اعلان کیا کہ شاندار کارکردگی پر شاہین کو قلندرز سٹی میں ایک پلاٹ دیا جاتا ہے،ثمین رانا کے اعلان کے بعد قلندرز کے پورے اسکواڈ نے تالیاں بجائیں جب کہ شاہین نے سب کو خاموش کراتے ہوئے کہا کہ 'میں نے یہ جلات خان کو تحفے میں دیا'۔

کریڈٹ: انڈیپنڈنٹ نیوز پاکستان-آئی این پی

پاکستان والی بال فیڈریشن کے زیراہتمام قومی انڈر16والی بال کھلاڑیوں کے تربیتی کیمپ اسلام آباد اور سیالکوٹ میں شروع ہوگئے، اسلام آباد میں 24اور سیالکوٹ میں 14کھلاڑی تربیتی کیمپ میں حصہ لے رہے ہیں،تربیتی کیمپس کے دوران کھلاڑیوں کو قومی ٹیم کے کوچز سعید احمد خان اور لئیق خان جدید اور اعلی تربیت دے رہے ہیں،کوچ سعید احمد خان کے مطابق سیالکوٹ والے کیمپ کے کھلاڑی یکم مارچ کو اسلام آباد منتقل ہو جائیں گے اور اس کے بعد ایرانی کوچ علی پور آروجی ٹرائلز کر کے ایشین انڈر 16والی بال چیمپئن شپ کے لئے بہترین کھلاڑیوں کا انتخاب کریں گے،انہوں نے کہا کہ ملک میں والی بال کے ٹیلنٹ کی کمی نہیں بلکہ کھلاڑیوں کو وسائل اور سہولیات فراہم کرنے کی ضرورت ہے، والی بال کا کھیل تعلیمی اداروں میں عام ہوچکا ہے جس کے مقابلے باقاعدگی سے منعقد ہو رہے ہیں ، سپانسرز کو کرکٹ کی طرح دوسرے کھیلوں پر بھی توجہ دینی چاہئے۔

کریڈٹ: انڈیپنڈنٹ نیوز پاکستان-آئی این پی

پاکستان ٹینس فیڈریشن کے زیر اہتمام آل پاکستان پی ایس بی نیشنل رینکنگ جونیئر ٹینس ٹورنامنٹ میں بوائز انڈر 18سنگلز کے دوسرے رائونڈ کے مقابلے اختتام پزیر ہو گئے، حسن علی، سیف اللہ خان ، حمزہ رحمت، اسد زمان ، حمزہ عاصم، حزیمہ عبدالرحمن، حامد اسرار نے اگلے رائونڈ کے لئے کوالیفائی کر لیا،پی ٹی ایف ٹینس کمپلیکس اسلام آباد میں جاری ٹورنامنٹ میں بوائز انڈر 18سنگلز کے دوسرے رائونڈ میں حسن علی نے طلحہ خان کو 5-7،6-0،7-5، سیف اللہ خان نے ابراہیم بن سہیل کو 6-1،6-3، حمزہ رحمت نے یحیی موسی لونی کو 6-3،6-1سے شکست دے کر اگلے رائونڈ میں جگہ بنائی،اسد زمان نے مستنصر علی خان کو 6-1،6-2، حمزہ عاصم نے اذان شاہد کو 6-1،6-1، حزیمہ عبدالرحمن نے سالار کو 6-0،6-1، اور حامد اسرار نے محمد علی کو6-0،6-2پوائنٹس سے ہرا کر اگلے رائونڈ کیلئے کوالیفائی کیا۔

کریڈٹ: انڈیپنڈنٹ نیوز پاکستان-آئی این پی

پرتگالی فٹبال اسٹار کرسٹیانو رونالڈو بھی سعودی یوم تاسیس کے موقع پر سعودی گیتوں سے جھوم اٹھے اور تلواروں کے ساتھ روایتی رقص بھی کیا،رونالڈو کی جانب سے ٹوئٹر پر ایک ویڈیو شیئر کی گئی ہے جس میں انہیں النصر کلب کے دیگر کھلاڑیوں کے ہمراہ سعودی عرب کے یوم تاسیس پر سعودی لباس میں جشن مناتے دیکھا جاسکتا ہے،اس موقع پر جاری پیغام میں رونالڈو نے کہا کہ سعودی عرب کے یوم تاسیسں کے جشن میں شرکت کا تجربہ شاندار رہا،دوسری جانب النصر فٹبال کلب کی جانب سے بھی رونالڈو کی یوم تاسیس کے موقع پر سعودی گیتوں سے لطف اندوز ہونے کی تصاویر شیئر کی گئی ہیں،یاد رہے کہ مملکت میں 22فروری کا دن یوم تاسیس کے موقع پر منایا جاتا ہے۔

کریڈٹ: انڈیپنڈنٹ نیوز پاکستان-آئی این پی

سعودی عرب نے اپنی پہلی خواتین کھلاڑیوں پر مشتمل ٹیم ٹینس کے بین الاقوامی مقابلوں میں شرکت کیلئے روانہ کردی،چارکھلاڑیوں پر مشتمل سعودی عرب کی خواتین ٹینس ٹیم سری لنکا کے شہر کولمبو میں ہونے والے بلی جین کنگ کپ جونیئر کے کوالیفائنگ ایونٹ میں شرکت کرے گی،اس حوالے سے بات چیت کرتے ہوئے سعودی عرب کی خواتین ٹینس ٹیم کی کپتان اریج فرح کا کہنا تھا بین الاقوامی مقابلوں میں شرکت کرنا سعودی عرب کی خواتین کیلئے ایک انتہائی اہم موقع ہے، ہمیں اپنے ملک کی نمائندگی کرتے ہوئے انتہائی فخر محسوس ہو رہا ہے، ہم اپنی بھرپور کارکردگی دکھانے کی کوشش کریں گے،انہوں نے کہا کہ یہ تجربہ ان کیلئے انتہائی مسحورکن اور اعتماد بخشنے والا ہے، سعودی خواتین پر کھیلوں کے دروازے کھلتے ہوئے دیکھنا ایک ناقابل بیان احساس ہے۔

کریڈٹ: انڈیپنڈنٹ نیوز پاکستان-آئی این پی

لاہورپولیس نے پاکستان سپرلیگ (پی ایس ایل)کے لیے سکیورٹی پلان مرتب کرلیا، پانچ ہزار سے زائد اہلکار پی ایس ایل کے موقع پر سکیورٹی ڈیوٹی پر مامور ہوں گے، ان میں 11ایس پیز،34ڈی ایس پیز اور 94انسپکٹرز بھی شامل ہوں گے،ڈی آئی جی آپریشنز افضال کوثر کا کہنا تھا کہ کھلاڑیوں اورشائقین کو بھرپور سکیورٹی فراہم کی جائے گی، ایلیٹ فورس کی 43،ڈولفن کی 107اور پی آریو کی 58ٹیمیں پیٹرولنگ کریں گی جبکہ ائیرپورٹ اور اسٹیڈیم کے گردونواح سمیت مختلف مقامات پر ناکے لگائے جائیں گے ،اس کے علاوہ پنجاب سیف سٹی اتھارٹیز کے کیمروں سے مسلسل مانیٹرنگ کی جائے گی۔

کریڈٹ: انڈیپنڈنٹ نیوز پاکستان-آئی این پی

صدر مملکت ڈاکٹر عارف علوی سے پاکستان کی مینز اور ویمنز فٹبال ٹیم کے کھلاڑیوں نے فیفا نارملائزیشن کمیٹی کے سربراہ ہارون ملک کے ہمراہ ملاقات کی،صدر مملکت عارف علوی نے سعودی عرب میں ہونے والے 4ملکی ٹورنامنٹ میں دوسری پوزیشن حاصل کرنے والی قومی ویمنز ٹیم کی کارکردگی کو سراہتے ہوئے کہا کہ کھلاڑی پاکستان کے سفیربن کر ملک کا امیج بہتر بنانے میں اپنا کردار ادا کریں،عارف علوی نے کہا کہ فٹبال دنیا کا ہی نہیں پاکستان میں کافی مقبول ہے،لاکھوں شائقین ہیں، ملک میں اس کھیل کے فروغ کیلئے بین الاقوامی معیار اپنانے کی ضرورت ہے،فٹبالرز کی حوصلہ افزائی کا سلسلہ جاری رکھنا ہوگا،بین الاقوامی شراکت داروں کے ساتھ روابط بڑھانے اور پبلک پرائیویٹ پارٹنرشپ کی ضرورت ہے،ان کا کہنا تھا کہ فٹبال کو ضلعی اور کلب کی سطح پر فروغ دینے کے ساتھ فٹبالرز کو تربیت کی بہتر سہولیات اور کوچنگ فراہم کرنا ہوگی۔ انہوں نے کہا کہ افسوس کہ پاکستان فٹبال فیڈریشن کی اندرونی سیاست نے اس کی کارکردگی کو متاثر کیا،فیفا کی نامزد نارملائزیشن کمیٹی کو ملک میں فٹبال معاملات سے متعلق مسائل کے حل کیلئے اپنی کوششیں تیزکرنا چاہییں، امید ہے کہ این سی کی مدد سے فیڈریشن کی کارکردگی میں واضح بہتری آئے گی،اس موقع پر اپنی بریفنگ میں نارملائزیشن کمیٹی کے چیئرمین ہارون احمد ملک نے کہا کہ پاکستان میں 70لاکھ سے زائد لوگ فٹبال کھیلتے ہیں، فیڈریشن کے نظام کو بہتر بنانے کی کوششیں کر رہے ہیں، اب تک ملک کے 163اضلاع سے تقریبا 4600کلب رجسٹرڈ ہو چکے ہیں، دستاویزات کی جانچ پڑتال اور فزیکل سکروٹنی کا عمل مقررہ وقت میں مکمل کرلیاجائیگا،انہوں نے کہا کہ پاکستان ویمنز ٹیم نے 8سال بعد اپنے پہلے بین الاقوامی ایونٹ میں شرکت کی، مینز ٹیم نے 4سال بعد اپنا پہلا انٹرنیشنل میچ کھیلا،مینز ٹیم فیفا ورلڈکپ 2026کوالیفائرز اور ویمنز ٹیم پیرس اولمپکس 2024کے کوالیفائرزمیں شرکت کرے گی۔

کریڈٹ: انڈیپنڈنٹ نیوز پاکستان-آئی این پی

جرمنی نے تہران عدالت کی جانب سے جرمن شہری کو سزائے موت سنانے پر احتجاجا ایران کے دو سفارت کاروں کو ملک بدر کر دیا،عالمی میڈیا کے مطابق 67سالہ جمشید شرمہد نامی شخص جو امریکی نژاد جرمن شہری ہے جسے ایرانی عدالت نے 2008میں ہونے والے ایک مسجد میں بم دھماکے کا مجرم قرار دیتے ہوئے سزائے موت سنائی ہے،2008میں ہونے والے اس دھماکے میں 14نمازی جاں بحق ہوگئے تھے،ایران نے جمشید شرمہد پر تندر نامی جماعت کے سربراہ ہونے کا الزام بھی عائد کیا تھا جس کا مقصد ایران میں خمینی انقلاب سے پہلے رائج شاہ ایران کے دور کی بحالی تھا،جمشید شرمہد کی سزائے موت کے فیصلے پر شدید احتجاج کرتے ہوئے جرمنی کے وزیر خارجہ اینالینا بیربوک نے کہا کہ ایرانی سفارت خانے سے دو سفارت کاروں کو نان گریٹا قرار دیتے ہوئے انہیں فوری طور پر جرمنی چھوڑنے کا حکم دیا ہے،جرمنی کے وزیر خارجہ نے اس معاملے پر ایران کے چارج ڈی افیئرز کو طلب کرکے احتجاج بھی ریکارڈ کروایا تھا جب کہ ایرانی حکومت سے جمشید شرمہد کی سزائے موت کو واپس لینے کا مطالبہ بھی کیا،جرمن وزیر خارجہ نے کہا کہ ایران کی حکومت قانون کی حکمرانی کی بنیاد پر منصفانہ اپیل کو ممکن بنائے۔ درج کرایا ہے جس پر معاملے کی تفتیش جاری ہے۔

کریڈٹ: انڈیپنڈنٹ نیوز پاکستان-آئی این پی

ترکیہ کے زلزلے میں خدمات انجام دینے والی پاکستانی ٹیم کو وطن واپسی کے موقع پر شاندار خراج تحسین پیش کیا گیا،پاکستانی رضاکاروں کو ترکوں کی جانب سے دئیے گئے خراج تحسین کی ویڈیو سوشل میڈیا پر وائرل ہوگئی۔ ویڈیو میں دیکھا جا سکتا ہے کہ پاکستان کی ریسکیو 1122کی ٹیم کے ارکان وطن واپسی کے لیے ائیرپورٹ پہنچے تو ائیرپورٹ کے عملے نے پاکستانی ٹیم کی خدمات کو سراہا اور تالیوں کی گونج میں انہیں رخصت کیا،پاکستانی رضا کاروں نے شاندار خراج تحسین پر ائیرپورٹ کے عملے کا شکریہ ادا کیا۔

کریڈٹ: انڈیپنڈنٹ نیوز پاکستان-آئی این پی

تاجکستان میں جمعرات کی صبح 7.2 شدت کا زلزلہ آیا جس کے جھٹکے چین کے شمال مغربی سنکیانگ ویغور خوداختیار خطے میں تاجک خوداختیار کانٹی ٹاشکورگن میں بھی محسوس کئے گئے۔کانٹی کے سربراہ ظفر نیشِنہواکو فون پر بتایا کہ سرحد پار زلزلے کے جھٹکے شدت سے محسوس کئے گئے تاہم ابھی تک کسی جانی و مالی نقصان کی اطلاع نہیں ملی ۔علاقائی امدادی محکمہ کو ابھی تک جانی و مالی نقصان کی کوئی اطلاع نہیں ملی۔اس وقت کاشغر میں بجلی کی فراہمی اور مواصلات معمول کے مطابق ہیں۔ یہ علاقہ تاجک خوداختیار کانٹی ٹاشکورگن کا انتظام سنبھالتا ہے۔ کاشغر پریفیکچر اور اطراف کے علاقوں کی کئی کانٹیز اور شہر زلزلے کے مرکز کے 300 کلومیٹر کے دائرے میں ہیں۔چائنہ زلزلہ نیٹ ورک مرکز کے مطابق تاجکستان میں جمعرات کی پاکستانی وقت صبح 5 بج کر 37 منٹ پر زلزلہ آیا جس کی شدت 7.2 تھی۔چائنہ زلزلہ نیٹ ورک مرکز کے مطابق زلزلے کا مرکز 37.98 ڈگری شمالی طول بلد اور 73.29 ڈگری مشرقی طول بلد پر 10 کلومیٹر کی گہرائی میں تھا۔

کریڈٹ: انڈیپنڈنٹ نیوز پاکستان-آئی این پی

چین نے دریا کے تحفظ کی کوششیں جاری رکھی ہیں جس کے سبب چین کی طویل ترین آبی گزرگاہ دریائے یانگسی میں 2022 کے دوران پانی کے معیار میں مسلسل بہتری ہوئی ہے۔وزارت ماحولیات اور حیاتیات میں شعبہ آبی ماحولیات وحیاتیات کے سربراہ ہوانگ شیازنگ نے ایک پریس کانفرنس میں بتایا کہ 2022 میں یانگسی کے 98.1 فیصد حصے میں پانی کا معیار درجہ دوم سے اوپر رہا جو کہ ملک میں پانی کے لئے مقرر کردہ معیار کے 5 درجوں میں دوسری بلند ترین سطح ہے۔وزارت کے مطابق اس میں گزشتہ برس کی نسبت ایک فیصد پوائنٹس اضافہ ہوا ہے۔یہ مسلسل تیسرا سال ہے جب دریائے یانگسی کے مرکزی دھارے نے پانی کے معیار کا درجہ دوم برقرار رکھا ہے۔چینی حکومت یانگسی کے تحفظ کو بہت اہمیت دیتی ہے۔ دریا کے کنارے حیاتیاتی تنوع کی بحالی کے لئے چین نے جنوری 2020 میں دریائے یانگسی کے طاس میں 332 مختص علاقوں میں ماہی گیری پر مکمل پابندی لگادی تھی۔اس کے بعد دریا کے مرکزی دھارے اور اس کے معاون دریا پر یہ پابندی 10 سال تک بڑھادی گئی جس کا اطلاق یکم جنوری 2021 سے کیا گیا۔وزارت کے مطابق 2022 میں دریائے زرد کے مرکزی دھارے میں پانی کا معیار پہلی بار درجہ دوم تک پہنچ گیا ہے۔ اس دریا کو چین میں "مدر ریور" بھی کہا جاتا ہے۔

کریڈٹ: انڈیپنڈنٹ نیوز پاکستان-آئی این پی

بیجنگ (شِنہوا) چین کے صدر شی جن پھنگ نے ملک کے شمال میں واقع اندرون منگولیا خود اختیار علاقے  کے الکسا لیگ میں کوئلے کی کان منہدم ہونے کے بعد لاپتہ ہونے والوں کی تلاش، ان کے بچاؤ اور زخمیوں کے علاج کے لیے ہرممکن کوششوں  پر زور دیا ہے۔

 کمیونسٹ پارٹی  آف چائنہ کی مرکزی کمیٹی کے جنرل سیکرٹری اور  مرکزی فوجی کمیشن کے چیئرمین شی نے حادثے کے بعد ہدایات جاری کرتے ہوئے لوگوں کی جان و مال کے تحفظ کو یقینی بنانے اور مجموعی سماجی استحکام برقرار رکھنے کی کوششوں پر زور دیا ہے۔

اس انہدام سے اب تک دو افراد ہلاک اور 6 زخمی ہوئے ہیں جبکہ 53 لاپتہ ہوئے ہیں۔

شی نے حادثے کی وجہ کا جلد از جلد تعین کرنے اور متعلقہ لوگوں سے  جواب طلبی کی کوششوں پر زور دیتے ہوئے کہا ہے کہ انتظام میں کسی خامی سے گریز کیا جائے۔

شی نے واضح  کیا کہ تمام خطوں اور متعلقہ محکموں کو احساس ذمہ داری کے ساتھ ہر قسم کے اندیشوں اور چھپے ہوئے خطرات  کی جانچ پڑتال  کرنی چاہیے اوران کا تدارک کرنا چاہیے۔

انہوں نے کہا کہ حفاظتی اقدامات کو بڑھانا چاہیے اور ترقی اور تحفظ  کو بہتر طور پر مربوط بنانے  کے لیے عمل درآمد  کو سختی سے یقینی بنانا چاہیے۔

چین کے وزیر اعظم لی کھ  چیانگ نے بھی ہدایت  جاری کی ہیں جس میں ریاستی کونسل کی ورک سیفٹی کمیٹی اور وزارت ہنگامی انتظام سے مطالبہ کیا گیا ہے کہ وہ تمام علاقوں پر زور دیں کہ وہ اپنی ذمہ داریاں ادا کریں اور کام کی جگہ کے تحفظ  کے لیے اقدامات پر عمل درآمد کریں۔

چین نے امریکہ سے کہا ہے کہ وہ چینی طلبا سے تفتیش، انہیں ہراساں کرنے اور ملک سے بے دخل کرنے کا سلسلہ بند کرے اور اس طرح کے واقعات نہ د ہرائے۔وزارت خارجہ کے ترجمان وانگ وین بن نے یہ بات یومیہ پریس بریفنگ میں ایک سوال کے جواب میں کہی۔ترجمان سے سوال پوچھا گیا تھا کہ ایک چینی طالب علم جس کے پاس امریکہ کا قانونی ویزا تھا اور وہ امریکہ میں کینسر پر تحقیق کا ارادہ رکھتا تھا، اسے امریکہ نے ملک میں داخلے کی اجازت نہیں دی اور واپس بھیج دیا۔وانگ نے کہا کہ ہم نے اس کا نوٹس لیا اور اس پر گہری تشویش کا اظہار کیا ہے۔ یہ امریکی قانون نافذ کرنے والے محکمے کی جانب سے چینی طلبا کو جان بوجھ کر ہراساں کرنے اور انہیں ڈرانے دھمکانے کا معاملہ ہے۔ " ہم نے اس پر امریکہ کے ساتھ سخت احتجاج کیا ہے"۔وانگ نے کہا کہ عوامی تبادلے چین ۔ امریکہ عوامی تائید کی بنیاد ہیں۔ ان میں اکیڈمک، تعلیمی، سائنسی اور تکنیکی تبادلے ایک اہم جزو ہے۔

انہوں نے کہا کہ امریکہ چینی طلبا کو خیرمقدم کرنے کا دعوی کرتا ہے لیکن درحقیقت اس نے سابقہ انتظامیہ کی غلط روایت برقرار رکھی ہے جس میں امریکہ میں تعلیم کے حصول یا تحقیق کرنے کی خواہش رکھنے والے چینی طالب علموں کو محدود کرتے ہوئے انہیں ناکام بنایا گیا۔انہوں نے کہا کہ اس سے امریکہ میں چینی طلبا کے قانونی حقوق اور مفادات کو شدید نقصان پہنچا ہے اور یہ دونوں ممالک کے درمیان عوامی تبادلوں اور تعلیمی تعاون کے لئے نقصان دہ ہے۔وانگ نے کہا کہ ہم امریکہ پر زور دیتے ہیں کہ وہ اپنے قول کے مطابق چینی طلبا کا حقیقی معنوں میں خیرمقدم کرے۔ متعصبانہ اور امتیازی اعلامیہ 10043 کو واپس لے، قومی سلامتی کا تصور بڑھا چڑھا کر پیش کرنا بند کرے۔ امریکہ میں چینی طلبا سے تفتیش، انہیں ہراساں کرنے یا ان کی بے دخلی کو بند کرے اور اس طرح کے واقعات کو دوبارہ رونما ہونے سے روکے۔انہوں نے کہا کہ چین قانون کے تحت اپنے جائز اور قانونی حقوق و مفادات کے دفاع میں چینی طلبا سے تعاون کرے گا اور امریکہ جانے والے چینی طلبا کو یاد دہانی کرائے گا کہ وہ اس طرح کے خطرات سے ہوشیار رہیں۔

کریڈٹ: انڈیپنڈنٹ نیوز پاکستان-آئی این پی

چین کے جنوب مغربی صوبہ گوئی ژو کے دارالحکومت گوئی یانگ کے ایک ریلوے اسٹیشن پر اپنے منگیتر لیو ژینگ لنگ کا انتظار کرتے اور پھولوں کا گلدستہ تھامے ہو ئے جیانگ ژاہوا کا دل امید کے ساتھ دھڑک رہا تھا۔جیسے ہی لیو چائنہ بلیو اسکائی ریسکیو ٹیم کے 12 دیگر اراکین کے ہمراہ زلزلہ زدہ ترکیہ سے واپس پہنچا تو جیانگ تیزی سے آگے بڑھی اور اپنے منگیتر کو بھرپور طریقے سے گلے لگایا۔نومبر2018 میں 28 سالہ لیو نے شہری ریلیف اسکواڈ میں شمولیت اختیار کی تھی۔ اس نے مئی 2020 میں گوئی ژو کے چھیان شی شہر میں اسکواڈ کیبرانچ کپتان کے طور پر خدمات کی انجام دہی شروع کی۔ترکیہ اور شام میں 6 فروری کو تباہ کن زلزلوں کے جھٹکوں کے بعد کئی چینی امدادی ٹیموں نے امدادی کارروائیوں میں شامل ہونے کے لیے متاثرہ علاقوں میں جانے میں کوئی وقت ضائع نہیں کیا۔لیو نے ابتدائی طور پر ترکیہ جانے سے قبل 7 فروری کو گوئی یانگ میں اپنے ساتھیوں کے ساتھ شامل ہونے کا منصوبہ بنایا تھا

تاہم جیانگ نے اسے اپنے تحفظ کے خدشے کے باعث نہ جانے پر آمادہ کیا۔لیو نے یاد کیا کہ میں گھر میں بیٹھے ہوئے اس تباہی کے بارے میں اپنی سوچوں پر قابو نہیں پا سکا اور ہر روز زلزلوں کے بارے میں خبریں دیکھتا رہتا تھا۔ جتنا زیادہ میں اسے دیکھتا مجھے اتنا ہی دکھ ہوتا تھا۔ جب لیو نے دوبارہ منصوبہ پیش کیا تو جیانگ نے اتفاق کیا۔جیانگ نے کہا کہ مجھے ان خبر وں سے معلوم ہوا کہ آفت کتنی تباہ کن تھی۔ چونکہ وہ مدد کرنے کے لیے بہت بے تاب تھاتو میں صرف اتنا کر سکتی تھی کہ اس سے کہوں کہ اپنی اچھی طرح دیکھ بھال کرے۔لیو اور ا س کے دیگر 6 ساتھی 10 فروری کو ترکیہ کے لیے روانہ ہوئے۔ آفت زدہ علاقے میں پہنچنے کے بعد انہیں زندگی کے آثار کا پتہ لگانے اور منہدم مکانات کا ملبہ ہٹانے کا کام سونپا گیا۔لیو اور اس کے ساتھیوں نے 14 فروری کو مقامی وقت کے مطابق دوپہر 2 بجکر 50 منٹ پر دیگر امدادی ٹیموں کے ساتھ مل کر ایک متاثرہ شخص کو بچایا جو 180 گھنٹوں سے منہدم عمارت میں پھنسا ہوا تھا۔ لیو نے پرجوش انداز میں کہا کہ یہ واقعی زندگی کا ایک معجزہ تھا۔

کریڈٹ: انڈیپنڈنٹ نیوز پاکستان-آئی این پی

فائل فوٹو، چین ، وسطی صوبہ ہینان کے شہر شِن می میں چھنگ یوکائی اپنی ورکشاپ میں گلوچی مشین پر کام کررہا ہے۔ (شِںہوا)

بیجنگ (شِںہوا) چین اختراع کی صلاحیت کو بڑھانے کے لئے اپنے پیٹنٹ کی جانچ پڑتال کے شعبے کی کارکردگی کو مزید بہتر بنائے گا۔

قومی حقوق دانش انتظامیہ کے ایک عہدیدار وئے باؤ ژی نے ایک نیوز بریفنگ میں بتایا کہ رواں سال سے ایجاد کی پیٹنٹ درخواستوں پر کارروائی کا دورانیہ مزید کم کرتے ہوئے 16 ماہ کر دیا جائے گا۔

وئے نے ابھرتی صنعتوں کی ترقی میں تعاون کے لئے بگ ڈیٹا ، مصنوعی ذہانت اور جین ٹیکنالوجی جیسے شعبوں میں پیٹنٹ کی جانچ پڑتال کا معیار بہتر بنانے پر گفتگو کی۔

سال 2022 کے دوران مجموعی طور پر 7 لاکھ 98 ہزار ایجادات کے پیٹنٹ منظور کئے گئے تھے۔ اگرچہ چین کو پیٹنٹ درخواستوں کی تعداد میں عالمی سطح پر سبقت حاصل ہے تاہم اس نے پیٹنٹ کی تعداد میں کوششوں کی بجائے اس شعبے کی کارکردگی بہتر بنانے پر توجہ دی ہے۔

عہدیدار نے پیٹنٹ تحفظ کو مستحکم کرنے کے لئے دیگر اقدامات بارے بھی تفصیل سے آگاہ کیا جس میں پیٹنٹ سے متعلق ضوابط پر نظر ثانی کرنا اور غیر معمولی ایپلی کیشنز کی روک تھام شامل ہے۔

چین کے صدر شی جن پھنگ نے ملک کے شمال میں واقع اندرون منگولیا خود اختیار علاقے کے الکسا لیگ میں کوئلے کی کان منہدم ہونے کے بعد لاپتہ ہونے والوں کی تلاش، ان کے بچا اور زخمیوں کے علاج کے لیے ہرممکن کوششوں پر زور دیا ہے۔کمیونسٹ پارٹی آف چائنہ کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین شی نے حادثے کے بعد ہدایات جاری کرتے ہوئے لوگوں کی جان و مال کے تحفظ کو یقینی بنانے اور مجموعی سماجی استحکام برقرار رکھنے کی کوششوں پر زور دیا ہے۔اس انہدام سے اب تک دو افراد ہلاک اور 6 زخمی ہوئے ہیں جبکہ 53 لاپتہ ہوئے ہیں۔شی نے حادثے کی وجہ کا جلد از جلد تعین کرنے اور متعلقہ لوگوں سے جواب طلبی کی کوششوں پر زور دیتے ہوئے کہا ہے کہ انتظام میں کسی خامی سے گریز کیا جائے۔شی نے واضح کیا کہ تمام خطوں اور متعلقہ محکموں کو احساس ذمہ داری کے ساتھ ہر قسم کے اندیشوں اور چھپے ہوئے خطرات کی جانچ پڑتال کرنی چاہیے اوران کا تدارک کرنا چاہیے۔انہوں نے کہا کہ حفاظتی اقدامات کو بڑھانا چاہیے اور ترقی اور تحفظ کو بہتر طور پر مربوط بنانے کے لیے عمل درآمد کو سختی سے یقینی بنانا چاہیے۔چین کے وزیر اعظم لی کھ چیانگ نے بھی ہدایت جاری کی ہیں جس میں ریاستی کونسل کی ورک سیفٹی کمیٹی اور وزارت ہنگامی انتظام سے مطالبہ کیا گیا ہے کہ وہ تمام علاقوں پر زور دیں کہ وہ اپنی ذمہ داریاں ادا کریں اور کام کی جگہ کے تحفظ کے لیے اقدامات پر عمل درآمد کریں۔

کریڈٹ: انڈیپنڈنٹ نیوز پاکستان-آئی این پی

فائل فوٹو، بنگلہ دیش، ڈھاکہ میں نمائش کے دوران لوگ چینی بوتھ کا دورہ کررہے ہیں۔ (شِںہوا)

بیجنگ (شِںہوا) چین نے رواں سال سے بیرون ملک نمائشوں کی منظوری دوبارہ شروع کردی ہے جس کے بعد سے بیرون ملک اقتصادی اور تجارتی نمائشوں کے انعقاد یا ان میں شرکت بارے 519 درخواستوں پر کام کیا جا رہا ہے۔

چائنہ کونسل فار دی پروموشن آف انٹرنیشنل ٹریڈ کے ترجمان یانگ فین نے ایک پریس کانفرنس میں بتایا کہ یہ درخواستیں ملک بھر کے 50 منتظمین کی جانب سے موصول ہوئی تھیں جو دنیا کے 47 ممالک کے  بارے میں تھیں۔

یانگ نے کہا کہ کونسل ابھرتی مارکیٹوں اور اسٹریٹجک ابھرتی صنعتوں پر توجہ مرکوز کرتے ہوئے نمائش کے انعقاد میں مدد کر تے ہو ئے چینی کمپنیوں کی حوصلہ افزائی کرے گی تاکہ وہ ترقی یافتہ ممالک میں اعلیٰ معیار کی صعنتی نمائش میں بڑے پیمانے پر شرکت کرسکیں۔

کمپنیوں کے بین الاقوامی تبادلوں کے لئے چین مزید پلیٹ فارمز قائم کرے گا اور اداروں کو غیر ملکی منڈیوں کی تلاش میں مدد کے لئے مزید کوشش کرے گا۔

یانگ نے کہا کہ کونسل رواں سال ایسی سینکڑوں نمائشوں، فورمز اور دو طرفہ دوروں کا اہتمام یا ان میں شرکت کرے گی جس سے دنیا بھر کی کمپنیاں نتیجہ خیز تعاون کو فروغ دے سکیں۔