تیانجن(شِنہوا) چین کے سب سے بڑے خام تیل پیدا کرنے والے  بوہائی آئل فیلڈ کی جنوری سے لے کر اب تک خام تیل کی یومیہ پیداوار 90ہزار ٹن سے تجاوز کر گئی ، یہ پہلی بار ہے کہ آئل فیلڈ نے اس معیار کو عبور کیا ہے۔ سی این او اوسی چائنہ لمیٹڈ کی تیانجن برانچ کے پروڈکشن ڈیپارٹمنٹ کے ڈپٹی منیجر ژینگ شونے کہاکہ یہ ملک کی خام تیل کی یومیہ پیداوار کے چھٹے حصے کے برابر اور بوہائی آئل فیلڈ کی تاریخ میں ایک نیا ریکارڈ ہے۔ 1967 کی30ٹن سے زیادہ  پیداوارکے مقابلے میں، آئل فیلڈ کی یومیہ خام تیل کی پیداوار میں تقریباً 3ہزار گنا اضافہ ہوا ہے۔ ژینگ نے کہا کہ یہ پیش رفت بوہائی آئل فیلڈ کے لیے صرف ایک نیا نقطہ آغاز ہے، اور اکتوبر میں اس کی یومیہ پیداوار بلند ترین سطح پرپہنچنے کی توقع ہے۔ ژینگ نے مزید کہا کہ اگلے دو سالوں میں، آئل فیلڈ میں خام تیل کی پیداوار میں اضافہ جاری رہے گا اور یومیہ پیداوار1لاکھ ٹن تک پہنچنے کا امکان ہے۔

بیجنگ(شِنہوا)  چین نے بعض امریکی حکام کے جھوٹے دعوے کی تردید کرتے ہوئے کہا کہ امریکہ کی اصل نوعیت کو ظاہر کرنے کے لیے کافی حقائق موجود ہیں کہ وہ دنیا کے لیے "امن کے محافظ" کی بجائے  پریشانی کا باعث ہے۔

اس بات کا ذکر کرتے ہوئے کہ یوکرین کے میدان جنگ میں امریکہ ہتھیاروں کا سب سے بڑا ذریعہ ہے،وزارت خارجہ کے ترجمان وانگ وین بن نے روزانہ کی پریس بریفنگ میں بتایا کہ ابھی کل ہی، امریکہ نے یوکرین کے لیے مزید 50کروڑ ڈالر مالیت کی فوجی امداد کا اعلان کیا ہے۔

ترجمان نے کہا کہ اس بات کے جھوٹے دعوی نے لوگوں کو حیرت میں ڈال دیا ہے کہ چین ہتھیاروں کی پیشکش کر رہا ہے،اور کیا امریکہ دنیا کو یہ بتاسکتا ہے کہ وہ امن چاہتا ہے لیکن اس کے باجود  بیٹھ کر اپنی دفاعی صنعت کی جیبیں بھرتے دیکھ رہا ہے۔

ترجمان نے کہا کہ  ہم سب نے دیکھا کہ امریکہ نے 'آخری افغان تک لڑنے' کی حکمت عملی کے ساتھ افغانستان میں کیا کیا۔ کیا اب یہ چاہتا ہے کہ یوکرین میں 'آخری یوکرینی تک لڑے'؟

وانگ نے اس بات پر زور دیا کہ چین اور روس کے درمیان جامع تزویراتی شراکت داری عدم اتحاد، عدم تصادم اور کسی تیسرے فریق کو نشانہ نہ بنانے کی بنیاد پر ہے، جو کسی بھی دو آزاد ریاستوں کاخود مختار حق ہے۔

نئی دہلی(شِنہوا)بھارت کی وزارت داخلہ نے ملک کی اعلیٰ تحقیقاتی ایجنسی کو دہلی کے نائب وزیر اعلیٰ منیش سیسودیا کے خلاف جاسوسی کے ایک مبینہ معاملے میں تحقیقات شروع کرنے کی اجازت دے دی ہے۔

 مقامی میڈیا نے بدھ کوبتایا کہ وزارت نے فیڈ بیک یونٹ (ایف بی یو) کے جاسوسی کیس کے سلسلے میں انسداد بدعنوانی ایکٹ کے تحت سیسودیا کے خلاف مقدمہ چلانے کی منظوری دی ہے۔

دہلی کے نائب وزیر اعلیٰ نے اپنے ردعمل میں سوشل میڈیا پر لکھاکہ اپنے حریفوں کے خلاف جھوٹے مقدمے درج کرنا ایک کمزور اور بزدل شخص کی نشانی ہے۔ جیسے جیسے عام آدمی پارٹی (اے اے پی) کی مقبولیت میں اضافہ ہوگا ویسے اس کے خلاف بہت سے دوسرے مقدمات درج کیے جائیں گے۔

  عام آدمی پارٹی نے سیسودیا کے خلاف الزامات کو مکمل طور پر جعلی قرار دیا ہے

اقوام متحدہ (شِنہوا)چین کے ایک مندوب نے بین الاقوامی برادری سے وسطی افریقی جمہوریہ (سی اے آر ) کی حمایت میں اضافہ کرنے کا مطالبہ کیا  ہے تاکہ اس  ملک کو پائیدار امن اور سلامتی کے حصول میں مدد مل سکے۔

اقوام متحدہ میں چین کے نائب  مستقل نمائندہ ڈائی بنگ نے  کہا ہے کہ وسطی افریقی جمہوریہ نے حال ہی میں امن عمل کو آگے بڑھانے، ریاستی حکمرانی کو مستحکم بنانے اور ترقی اور تعمیر نو کو فروغ دینے میں اہم نتائج حاصل کیے ہیں۔

 بین الاقوامی برادری کو امن کے قیام سے  امن کےا ستحکام کی جانب منتقل ہونے  کے اس  نازک دور میں پائیدار امن اور سلامتی کے حصول کے لیے  اس ملک کی مدد بارے تعاون بڑھانا چاہیے۔

انہوں نے امن معاہدے پر مکمل عمل درآمد کی اہمیت پر زور دیا۔

ڈائی نے اقوام متحدہ کی سلامتی کونسل کو بتایا کہ گزشتہ  سال کے آخر میں چار مسلح گروپس کا تحلیل ہونا  امن عمل میں ایک اہم قدم ہے۔

 چین دوسرے مسلح گروہوں سے مطالبہ کرتا ہے کہ وہ بلا تاخیر سیاسی مذاکرات اور تخفیف اسلحہ کے عمل میں شامل ہوں ۔

انہوں نے کہا کہ رواں  سال ہونے والے مقامی انتخابات امن کے استحکام کے لیے اہم ثابت ہوں گے۔ بین الاقوامی برادری کو انتخابات کے بلا رکاوٹ انعقاد کو یقینی بنانے، وسطی افریقی جمہوریہ کی خودمختاری اورملکیت کا احترام کرنے اور ترقی کے اس راستے پر چلنے میں اس کی حمایت کرنی چاہیے جو اس کے اپنے حالات کے لیے موزوں ہو۔

ڈائی نے کہا کہ مسلح گروہوں کے خطرے پر قابو پانے  کی ضرورت ہے۔

چین کے شمال مغربی سنکیانگ ویغور خوداختیار علاقے میں تاکلیماکان صحرا سے گزرتی ایک نئی شاہراہ کی فضا سے لی گئی تصویر۔(شِنہوا)

ارمچی(شِنہوا) ایک سائنسی تحقیق کے مطابق، شمال مغربی سنکیانگ ویغورخود اختیار علاقے میں چین کا سب سے بڑا صحرا تاکلیماکان 3لاکھ  سال پہلے وجود میں آیا تھا۔

  چین کی اکیڈمی آف سائنسز کے ذیلی ادارے سنکیانگ انسٹی ٹیوٹ آف ایکولوجی اینڈ جیوگرافی کے سربراہ ژانگ یوآن منگ نے گزشتہ روز ایک پریس کانفرنس میں کہا کہ چینی محققین نے اس بات کا تعین سنکیانگ میں جاری تیسری سائنسی تحقیقات کے دوران کیا، جس سے بڑی کامیابیاں حاصل ہوئی ہیں۔  سائنسدانوں کی ٹیم نے اس علاقے کے ایک دریائی طاس میں پائے جانے والےگامریڈیا کی ایک نئی نسل کی بنیادپر اس بات کی نشاندہی کی کہ  تیان شان پہاڑوں اورآس پاس کے علاقے ٹھنڈے پانی میں رہنے والے جانداروں کے دنیا کے اولین مسکن تھے۔  ژانگ نے کہا کہ سائنسی سروے میں پہلی بار چین میں ریکارڈ کیے گئے طفیلی 39 قدرتی دشمن کیڑوں اور کائی کی دو نئی اقسام بھی دریافت ہوئی ہیں۔

چین، مشرقی صوبہ جیانگ سو کے یانگ ژو میں کسان کھیتوں میں کام کررہے ہیں۔(شِنہوا)

ارمچی (شِںہوا) موسم بہار کاشتکاری کی تیاریاں عروج پر ہیں جس کے لئے مستحکم پیداوار اور رسد یقینی بنانے کے لئے چین کے شمال مغربی سنکیانگ ویغور خوداختیار خطے کی بندرگاہیں کاشتکاری کے لئے درآمد شدہ رسد کا بڑا حجم نمٹارہی ہیں۔

سنکیانگ کی دو بڑی بندرگاہوں درہ الاتاؤ اور ہارگوس بندرگاہ نے جنوری میں بالترتیب 66 ہزار ٹن کیمیائی کھاد اور 89 ہزار پوٹاش کھاد کی درآمد کو نمٹایا۔ 

یہ کھاد بنیادی طور پر بیلٹ اینڈ روڈ کے ساتھ ممالک میں تیار کی جاتی ہے اور اندرون ملک علاقوں میں فروخت سے قبل چین۔یورپ مال گاڑیوں سے چین کی حدود میں داخل ہوتی ہے۔

لاجسٹکس ادارے ہارگوس جیان انٹرنیشنل فریٹ نے گزشتہ 2 ماہ میں 60 ہزار ٹن پوٹاش کھاد درآمد کی ہے جو گزشتہ برس کے کل درآمد شدہ حجم کے 70 فیصد کے لگ بھگ ہے۔

کمپنی کے سربراہ ژائی جن بن نے کہا کہ موسم بہار کاشتکاری کے عروج کا وقت آرہا ہے اور مقامی مارکیٹ میں زرعی مواد اور مشینری کی طلب بہت زیادہ بڑھ چکی ہے جس سے ہمارا کام کافی بڑھ گیا ہے۔

کاشتکاری کے سامان کا دا خلہ آسان بنانے کے لئے  مقامی ریلوے اور کسٹم محکموں نے سامان کے لئے سبز چینل قائم کئے اور طریقہ کار ہموار بنایا ہے۔

بھارت کی ٹینس اسٹار ثانیہ مرزا کا ٹینس کیریئر شکست کے ساتھ اختتام کو پہنچ گیا، اپنے آخری ٹورنامنٹ دبئی چیمپئن شپ کے پہلے رائونڈ میں شکست کھا کر ایونٹ سے باہر ہو گئیں،دبئی چیمپئن شپ کے پہلے رائونڈ میں ثانیہ مرزا امریکی ساتھی کھلاڑی کے ساتھ ڈبلز ایونٹ میں شریک ہوئیں انہیں روسی جوڑی نے اسٹریٹ سیٹس میں چھ چار اور چھ صفر سے ہرا دیا،اس شکست کے ساتھ ثانیہ مرزا کا 20سالہ ٹینس کیریئر ختم ہو گیا ، 36سالہ ٹینس اسٹار نے 2003میں پروفیشنل ٹینس کا آغاز کیا اور 6گرینڈ سلم ٹرافیز اپنے نام کیں،ثانیہ مرزا نے تین وویمن ڈبلز گرینڈ سلم ٹائٹل سوئٹزرلینڈ کی مارٹینا ہنگز کے ساتھ جیتے اور تین مکسڈ ڈبلز گرینڈ سلم ٹائٹل جیتے جبکہ دو ہم وطن مہیش بھوپتی کے ساتھ اپنے نام کیے۔،بھارتی ٹینس اسٹار نے گزشتہ ماہ میلبرن میں آخری گرینڈ سلم آسٹریلین اوپن کھیلا، روہن بوپنا کے ساتھ ثانیہ مرزا کو فائنل میں شکست ہوئی تھی۔

کریڈٹ: انڈیپنڈنٹ نیوز پاکستان-آئی این پی

ڈبلیو ٹی اے دبئی اوپن ٹینس ٹورنامنٹ میں یوکرین کی ٹینس کھلاڑی وکٹوریونا کیچینوک اورانکی لٹویا کی جوڑی دار جیلینا اوسٹاپینکو پرمشتمل سیکنڈ سیڈڈ جوڑی عمدہ کارکردگی کے تسلسل کو برقرار رکھتے ہوئے خواتین کے ڈبلز مقابلوں کے کوارٹر فائنل رائونڈ میں پہنچ گئی ہیں ،ڈبلیو ٹی اے ایونٹ کے ویمنز ڈبلز مقابلوں کے دوسرے رائونڈ میچ میں یوکرین کی ٹینس کھلاڑی وکٹوریونا کیچینوک اور ان کی لٹویا کی جوڑی دار جیلینا اوسٹاپینکو پر مشتمل سیکنڈ سیڈڈ جوڑی نے عمدہ کھیل پیش کرتے ہوئے سٹریٹ سیٹس میں ٹائی بریک پر 1-6اور 6-7(4-7)سے ہرا کر ٹورنامنٹ کے کوارٹر فائنل کے لئے کوالیفائی کرلیا،انہوں نے ہنگری کی تیمیا بابوس اور ان کی فرانسیسی جوڑی دار کرسٹینا ملاڈینوک کو شکست دی ۔

کریڈٹ: انڈیپنڈنٹ نیوز پاکستان-آئی این پی

جنوبی افریقا ویمنز کرکٹ ٹیم نے بنگلا دیش کو شکست دے کر ٹی 20ورلڈ کپ کے سیمی فائنل کے لئے کوالیفائی کر لیا جہاں اسے انگلینڈ کا چیلنج درپیش ہو گا،کیپ ٹائون میں کھیلے گئے میگا ایونٹ کے گروپ 1کے میچ میں سائوتھ افریقا نے بنگلا دیشی ٹیم کو 10وکٹوں سے شکست دے کر سیمی فائنل کے لئے کوالیفائی کیا، فاتح ٹیم کی کھلاڑی لورا وولوارڈٹ میچ میں بہترین کارکردگی پر پلیئر آف دی میچ قرار پائیں،میگا ایونٹ کے 20ویں میچ میں بنگلا دیش نے پہلے بیٹنگ کرتے ہوئے مقررہ اوورز میں 6وکٹوں کے نقصان پر 113رنز بنائے، کپتان نگار سلطانہ 30اور سوبھانہ موستری 27رنز کی اننگ کھیل کر نمایاں بیٹر رہیں، ماریزان کیپ اور آیا بونگا نے دو ، دو وکٹیں حاصل کیں،ہدف کے تعاقب میں ساتھ افریقا نے 17.5اوورز میں بغیر کسی نقصان کے 117رنز بنا کر 10وکٹوں سے فتح سمیٹ لی، اوپنرز لورا وولوارڈٹ 66اور تزمین برٹس 50رنز کے ساتھ ناقابل شکست رہیں،فاتح ٹیم کی کھلاڑی لورا وولوارڈٹ میچ میں بہترین کارکردگی پر پلیئر آف دی میچ قرار پائیں۔

کریڈٹ: انڈیپنڈنٹ نیوز پاکستان-آئی این پی

قومی کرکٹ ٹیم کے سابق کپتان اور چیف سلیکٹر شاہد آفریدی نے شاہین کو مشورہ دیتے ہوئے کہا ہے کہ وہ سٹمپ سے بہت دور بالنگ کررہے ہیں جس کی وجہ سے انہیں رنز پڑ رہے ہیں،نجی ٹی وی پر گفتگو کرتے ہوئے سابق کپتان شاہد آفریدی نے کہا کہ لاہور قلندرز کے کپتان شاہین کو گیند کی لائن اور لینتھ ٹھیک کرنا پڑے گی، وہ سٹمپ سے دور گیند بازی کررہے ہیں، انہیں وسیم اکرم کی طرح سٹمپ میں گیند کو اندر لانے کی کوشش کرنی چاہیے،انہوں نے شاہین کو مشورہ دیتے ہوئے کہا کہ انہیں اپنی پرانی ویڈیوز دیکھنے کی ضرورت ہے، وہ اننگز کے اختتامی اوورز میں یارکر کی کوشش میں فل ٹاس گیندیں کروا رہے ہیں جس سے حریف ٹیم کو فائدہ پہنچ رہا ہے۔

کریڈٹ: انڈیپنڈنٹ نیوز پاکستان-آئی این پی

قومی ٹیم کے کرکٹر شعیب ملک نے کہا ہے کہ میں ابھی ریٹائرمنٹ کے حوالے سے نہیں سوچ رہا، میں نے ٹی 20میں 15ہزار رنز مکمل کرنے ہیں،ایک حالیہ انٹرویو میں قومی کرکٹر کا کہنا تھا کہ جب تک فٹ ہوں ٹی 20کرکٹ کھیلتا رہوں گا اور جب بوجھ محسوس کروں گا تو پھر ریٹائرمنٹ کا اعلان کر دوں گا،شعیب ملک کا کہنا تھا کہ میری رائے ہے احسان اللہ اور عباس آفریدی جیسے ٹیلنٹڈ نوجوان کھلاڑیوں کو فوری ٹیم میں نہیں لانا چاہیے، پہلے ان کھلاڑیوں کو انٹرنیشنل لیول کا فٹ ہونا چاہیے تاکہ جس طرح احسان اللہ 145کی سپیڈ سے گیند کرتا ہے، وہ چار اوور کے بعد بھی اسی سپیڈ سے گیند کرے،شعیب ملک کا کہنا تھا کہ جب بھی میری بیٹنگ یا بالنگ آئے تو بہترین کرنے کی کوشش کرتا ہوں، لاہور ایک مضبوط سائیڈ ہے، اس کو ہرا کر اعتماد ملا ہے، ان کا بالنگ اٹیک بہت مضبوط ہے،انہوں نے کہا کہ ملتان سلطان اپنے ہوم گرائونڈ میں بہت اچھا کھیل رہی ہے، ہماری کوشش ہوگی کہ ملتان کے کمزور پوائنٹس پر اٹیک کریں،شعیب ملک نے کہا کہ افتخار احمد بہت اچھا کھیل رہے ہیں، میں نے انہیں بنگلہ دیش پریمیم لیگ میں کھیلتے دیکھا ہے۔

کریڈٹ: انڈیپنڈنٹ نیوز پاکستان-آئی این پی

ولمپین توقیر ڈار نے کہا ہے کہ پاکستان ہاکی کی بحالی اور ہاکی کے ٹیلنٹ ہنٹ پروگرام کے حوالے سے پاکستان سپر لیگ (پی ایس ایل)کی فرنچائز لاہور قلندرز کا آگے آنا خوش آئند ہے، کراچی میں جس انداز سے کھلاڑیوں کا جوش خروش سامنے آیا وہ بے مثال ہے،پاکستان ہاکی فیڈریشن کے مطابق اولمپین توقیر ڈار نے اپنے ایک پیغام میں کہا کہ میں لاہور قلندرز کے چیف ایگزیکٹو آفیسرعاطف رانا، عاقب جاوید اور فیڈریشن کو مبارکباد پیش کرتا ہوں، لاہور قلندرز نے ہاکی کی بحالی کیلئے جو کام شروع کیا ہے اگر وہ اس میں کامیاب ہوگئے تو وہ وقت دور نہیں جب ہاکی کو اسکا کھویا ہوا مقام حاصل ہوسکے،توقیر ڈار نے کہا کہ کراچی میں جس انداز سے کھلاڑیوں کا جوش خروش سامنے آیا وہ بے مثال ہے، اب چونکہ لاہور قلندرز کی جانب سے اپنے شہر لاہورمیں ٹرائلز کے انعقاد کے حوالے سے پروگرام تشکیل دیا جارہا ہے تو میری لاہور اور اسکے گردنواح میں موجود تمام کھلاڑیوں سے درخواست ہے کہ وہ ٹرائلز میں بڑھ چڑھ کر حصہ لیں۔

کریڈٹ: انڈیپنڈنٹ نیوز پاکستان-آئی این پی

معروف انگلش ٹینس سٹار اور سابق عالمی نمبر ون اینڈی مرے نے ایسوسی ایشن ٹینس پروفیشنل(اے ٹی پی )قطر ٹوٹل اوپن ٹینس ٹورنامنٹ کا فاتحانہ آغاز کرتے ہوئے مینز سنگلز مقابلوں کے دوسرے رائونڈ کے لئے کوالیفائی کر لیا،قطر میں جاری اے ٹی پی ٹوٹل اوپن ٹینس ٹورنامنٹ کے مینز سنگلز مقابلوں کے ابتدائی رائونڈ میں انگلش ٹینس سٹار نے اطالوی حریف لورینزو سونیگوکو شکست دے کر دوسرے رانڈ کے لئے کوالیفائی کیا،ایونٹ کے ابتدائی رائونڈ میں اینڈی مرے نے عمدہ کارکردگی کا مظاہرہ کرتے ہوئے لورینزو سونیگو کو 6-4، 1-6 اور 6-7(4-7)سے شکست دی، اس فتح کے ساتھ ہی مرے نے تین میچ پوائنٹس بھی بچالئے،اینڈی مرے کا ایونٹ کے دوسرے رائونڈ میں جرمن ٹینس سٹار الیگزینڈر زویروف سے مقابلہ ہو گا۔

کریڈٹ: انڈیپنڈنٹ نیوز پاکستان-آئی این پی

ترجمان پنجاب پولیس نے کہا ہے کہ احتجاج میں تحریک انصاف کے کسی رہنما یا کارکن کو گرفتار نہیں کیا جائے گا ۔ بدھ کو ایک بیان میں پولیس ترجمان کا کہنا تھا کہ اگر کسی نے قانون کو ہاتھ میں لینے کی کوشش کی تو اس کے خلاف کارروائی ضرور کی جائے گی ۔ پولیس ترجمان کا مزید کہنا تھا کہ گرفتاریاں زیادہ ہونے کی صور ت میں کارکنوں کو پنجاب کے دیگر اضلاع منتقل کیا جائے گا کیونکہ لاہور کی دوجیلوں میں مزید قیدیوں کیلئے گنجائش موجود نہیں ۔ پولیس کا یہ بیان پی ٹی آئی قیادت کی جانب سے تحریک انصاف کی جیل بھرو تحریک کے اعلان کے بعد سامنے آیا ہے جہاں تحریک انصاف کے رہنماں اور کارکنان کی بڑی تعداد زمان پارک اور چئیرنگ کراس (فیصل چوک ) پہنچنا شروع ہوگئی ہے ۔ اس تحریک کا مقصد انتخابات ، معاشی عدم استحکام اور پارٹی رہنماں اور کارکنوں پر مبینہ کریک ڈاون کے خلاف احتجاج کرنا ہے۔

کریڈٹ: انڈیپنڈنٹ نیوز پاکستان-آئی این پی

سندھ ہائیکورٹ نے فوڈ اسٹریٹ کے لیے برنس روڈ کی سڑکیں بند کرنے کا نوٹیفکیشن منسوخ کردیا۔ سندھ ہائیکورٹ میں برنس روڈ کے رہائشیوں کی جانب سے ایک پٹیشن دائر کی گئی تھی جس میں کہا گیا تھا کہ سڑکوں کی بندش سے ایمبولینس کو بھی راستہ نہیں ملتا اور شام کے اوقات میں اہل علاقہ شدید مشکلات کا سامنا کرتے ہیں لہذا برنس روڈ کی بندش سیلیاقت آباد اور ملیر سیٹاور تک ٹریفک متاثر ہوتا ہے۔ عدالت نے برنس روڈ کے مکینوں کی درخواست کو منظور کرتے ہوئے برنس روڈ کی سڑکیں بند کرنے کا نوٹیفکیشن منسوخ کردیا اور انتظامیہ کو دو دن میں برنس روڈ کی سڑکیں کھولنے کا حکم دیا۔ عدالت نے کہا کہ فوڈ اسٹریٹ کے لیے شہریوں کے بنیادی حقوق ختم نہیں کیے جاسکتے، شام کے اوقات میں برنس روڈ اور اطراف کی سڑکیں بند نہ کی جائیں۔ عدالت نے علاقے میں سڑکوں اور فٹ پاتھوں سے تمام تجاوزات بھی فوری ختم کرنے کا حکم دیا ہے۔

کریڈٹ: انڈیپنڈنٹ نیوز پاکستان-آئی این پی

وائس چیئرمین پاکستان تحریک انصاف و سابق وزیر خارجہ شاہ محمودقریشی نے کہا ہے کہ 90روز میں انتخابات کروانا آئینی ذمہ داری ہے،صدرنے غیر آئینی بات نہیں کی،صدر نے پنجاب اور خیبرپختوانخوا میں انتخابات کا اعلان کیا،صدر سے متعلق تضحیک آمیز گفتگو کی جارہی ہے، صدر مملکت کہہ رہے کہ انتخابات کی تیاری کریں، ہم کوئی توڑپھوڑ،جلائو گھیرائو نہیں کررہے تو دفعہ 144کیوں نافذ کی گئی،آئین وقانون کی راہ میں رکاوٹ نہ بنیں،پی ٹی آئی چیئرنگ کراس سے گرفتاری کا عمل شروع کرے گی، مہم کا مقصدپرامن احتجاج ریکارڈ کرانا ہے۔بدھ کے روز لاہور میں میڈیا سے گفتگو کرتے ہوئے وائس چیئرمین پاکستان تحریک انصاف و سابق وزیر خارجہ شاہ محمودقریشی نے کہا کہ لاہور سے جیل بھرو تحریک قافلے کی صورت میں چیئرنگ کراس جائیں گے، چیئرنگ کراس پہنچ کر گرفتاری دی جائے گی، ملک کے دیگر شہروں میں بھی مہم شروع کررہے ہیں، مہم کا مقصدپرامن احتجاج ریکارڈ کرانا ہے،صدر نے پنجاب اور خیبرپختوانخوا میں انتخابات کا اعلان کیا،صدر سے متعلق تضحیک آمیز گفتگو کی جارہی ہے،

صدر مملکت نے کوئی غیر آئینی بات نہیں کی۔ انہوں نے کہاکہ90روز میں انتخابات کرواناآئینی ذمہ داری ہے،گزشتہ 10ماہ میں معاشی حالات بگڑ گئی ہے،ملک میں بے روزگاری بڑھی جارہی ہے،مہنگائی تاریخ کی نئی حدود کو چھو رہی ہے،آئی ایم ایف کی شرائط پوری کرنے سے مہنگائی کی شرح 40فیصد ہو جائے گی، ڈالردستیاب نہیں، روپیہ دن بدن گرتا جارہا ہے۔ وائس چیئرمین پی ٹی آئی نے کہا کہ ملک میں سرمایہ کاری نہیں ہورہی،تاجر پریشان ہیں،جنرل سیل ٹیکس میں ایک فیصد مزید اضافہ کر دیا گیا ہے،ان حالات میں تحریک انصاف کے قائدین عوام سے لاتعلق نہیں ہوسکتے، ہم خاموش نہیں رہ سکتے، اس لئے جیل بھر و تحریک کا فیصلہ کیا۔ شاہ محمود قریشی نے کہا کہ صدر مملکت کہہ رہے کہ انتخابات کی تیاری کی جائے، دوسری طرف اب دفعہ 144کا نفاذ کررہے ہیں، ہم توڑ پھوڑ، جلائو گھیرائو نہیں کرنا چاہتے تو دفعہ 144کیوں لگا دی، آپ آئین و قانون کے راستے میں رکاوٹ بن رہے ہیں، مسلم لیگ (ن)کا عدلیہ پر حملہ انتہائی خطرناک ہے،عدلیہ کو ڈرایا دھمکایا جارہا ہے،وکلاء بار کونسلز اپنا کردار ادا کریں، ان حالات میں خاموش رہنا ظلم ہوگا۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کے رہنما و سابق وزیراعلی پنجاب چودھری پرویز الہی نے کہا ہے جیل بھرو تحریک آئین کے تحفظ اور انتخابات کے لیے ہے، حکومت جان لے الیکشن کرواکر ہی جان چھوٹنی ہے۔ جیل بھرو تحریک کے آغاز پر ایک بیان میں چودھری پرویز الہی کا کہنا تھا کہ تحریک انصاف کے رہنما اور کارکن رضاکارانہ گرفتاریاں پیش کرکے حقیقی آزادی کے لیے جدوجہد کررہے ہیں ، عمران خان کی کال پر عوام اور پارٹی کارکن جیلوں میں جانے کیلئے تیار ہیں ۔ پرویز الہی کا مزید کہنا تھا کہ آئین سے کھیلنے والے حکمران اپنے لیے خود آرٹیکل 6 کی راہ ہموار کررہے ہیں ، عوام عمران خان کے ساتھ ہیں یہی خوف پی ڈی ایم ۔ کو الیکشن سے روکے ہوئے ہے ،ان کاکہنا تھا کہ آئین کے تحفظ کی جدوجہد میں قوم عمران خان کے ساتھ ہے۔

کریڈٹ: انڈیپنڈنٹ نیوز پاکستان-آئی این پی

اسلام آ باد ہائی کورٹ نے پبلک اکاونٹس کمیٹی میں طلبی کے خلاف نیب افسران کی جانب سے حکم امتناع کی درخواست مسترد کردی۔ چیف جسٹس اسلام آباد ہائی کورٹ عامر فاروق نے طلبی کے خلاف نئی درخواست کو طیبہ گل کیس کے ساتھ یکجا کردیا اور پی اے سی کے دائرہ اختیار کے خلاف نئی درخواست پر فریقین کو نوٹس جاری کردیے۔ دوران سماعت نیب کی جانب سے پراسیکیوٹر جہانزیب بھروانہ اور محمد رافع عدالت میں پیش ہوئے اور مقف اختیار کیا کہ پی اے سی نے 23فروری کو نیب حکام کو طلب کیا ہے۔ چیئرمین نیب، پراسیکیوٹر جنرل ،نیب کے پی سے موجودہ اور سابقہ تمام ڈی جیز کو طلب کیا گیا ہے جب کہ پی اے سی کا نوٹس دائرہ اختیار سے تجاوز اور رولز کی خلاف ورزی ہے۔ جہانزیب بھروانہ نے عدالت کو بتایا کہ ہم نے پبلک اکاونٹس کمیٹی کا دائرہ اختیار چیلنج کیا ہے۔ متعلقہ ڈی جی خواہ پی اے سی جائیں مگر سب کو کیوں بلایا گیا؟۔ (آج)جمعرات کو طلبی کے لیے جاری پی اے سی کے نوٹس زمعطل کیے جائیں۔ چیف جسٹس نے ریمارکس دیے کہ آپ اس رِٹ کے اسکوپ سے زیادہ مانگ رہے ہیں۔ بعد ازاں عدالت نے پبلک اکانٹس کمیٹی کو نیب کی درخواست پر نوٹس جاری کرتے ہوئے سماعت 8 مارچ تک ملتوی کردی۔ واضح رہے کہ پبلک اکاونٹس کمیٹی نے نیب حکام کو خیبر پختونخوا سے متعلق کیسز پر بلا رکھا ہے۔ پی اے سی نے بی آر ٹی پشاور، خیبر بینک، ہیلی کاپٹر کیس اور بلین ٹری سونامی پر بریفنگ طلب کر رکھی ہے۔

کریڈٹ: انڈیپنڈنٹ نیوز پاکستان-آئی این پی

وزیراطلاعات مریم اورنگزیب نے کہا ہے کہ پچھلے 9 ماہ سے ملک میں تماشا لگا ہوا ہے ،جیل بھرو تحریک ملک کے خلاف سازش کی تحریک ہے،یہ جیل بھرو تحریک نہیں''جیل بچو تحریک'' ہے ،گھریلو خاتون توشہ خانہ کی گھڑیاں اور القادر ٹرسٹ کی زمین فروخت کرتی رہیں،گھریلو خاتون کے جادو ٹونے نے ملک کو تباہ کیا ہے، جب بھی حالات بہتر ہوتے ہیں تو عمران خان ایک نئے تماشے کا اعلان کردیتے ہیں، پی ٹی آئی نے ملک کو معاشی طور پر تباہ کردیا گیا ہے، عمران خان توشہ خانے کے چور ہیں وہ ہائی کورٹ، ایف آئی اے ، سپریم کورٹ سمیت کہیں پیش نہیں ہوتے ، فرح خان اس گھریلو خاتون کی فرنٹ ویمن ہے۔ اسلام آباد میں پریس کانفرنس کے دوران مریم اورنگزیب نے کہا کہ پچھلے 9 ماہ سے ملک میں تماشا لگا ہوا ہے۔ ملک پر 4 سال نالائقوں اور نااہلوں نے حکمرانی کی، سرکاری خزانہ مخالفین کے خلاف پروپیگنڈا کیا گیا، اس کے باوجود ایک دھیلے کی کرپشن ثابت نہیں کرسکے، کرپشن نہ ملی تو ہیروئن کے کیسز بنائے گئے۔ عمران خان کو تنقید کا نشانہ بناتے ہوئے مریم اورنگزیب نے کہا کہ پارلیمنٹ نے عدم اعتماد کے ذریعے عمران خان کو باہر پھینکا، سوال پوچھو تو کہتے ہیں یہ ملک کے خلاف سازش ہے، سازش کی کہانی پر 9 مہینے تک تماشے کیے گئے، یہ شخص جانتا ہے کہ سائفر کی کوئی کہانی نہیں تھی، یہ جانتا ہے امریکا نیکوئی سازش نہیں کی تھی، سازش امریکا سے ہوتے ہوئے

محسن نقوی تک آگئی۔ رہنما ن لیگ نے کہا کہ عمران خان کسی ادارے اور عدالت میں پیش نہیں ہوتا، وہ توشہ خانہ کیس میں 2020 سے فرار ہے کیونکہ یہ چور ہے، آپ کو ادارے بلارہے ہیں اور آپ جیل بھرو تحریک چلا رہے ہیں، اس کے ساتھ ضمانتیں بھی کروا رہے ہیں۔ عمران خان کی اہلیہ سے متعلق مریم اورنگزیب نے کہا کہ اس گھریلو خاتون نے سیاسی مخالفین کوغداری سے جوڑنے کا کہا، گھریلو خاتون توشہ خانہ کی گھڑیاں بیچتی رہی، گھریلو خاتون کے جادو ٹونے نے ملک کو تباہ کیا، فرح خان گھریلو خاتون کی فرنٹ مین تھی، توشہ خانہ سے ہیروں کے ہار چوری کیے گئے۔ وزیر اطلاعات نے کہا کہ جیل بھرو تحریک ملک کے خلاف سازش کی تحریک ہے، یہ جیل بھرو تحریک نہیں،جیل بچو تحریکہے، عمران خان نے زمان پارک کو ضمانت پارک بنادیا، تمہارے بچے باہر ہیں تو لوگوں کے بچے جیل کیوں جائیں؟ وفاقی وزیر نے کہا کہ اختیارات کا ناجائز استعمال کرکے ملک کو نقصان پہنچایا گیا، عمران خان کے پاس جواب نہیں توجیل بچو تحریک شروع کردی، جیل بھرو تحریک کی شروعات عمران خان کی گرفتاری سے ہونی چاہیے۔ جیل بھرو، جیل بچو تحریک اور ضمانت پارک بنا کر آپ بچ نہیں سکتے۔

کریڈٹ: انڈیپنڈنٹ نیوز پاکستان-آئی این پی

مائیکروسافٹ کا 68ارب ڈالر کا نیا معائدہ۔مائیکروسافٹ نے کال آف ڈیوٹی اور کینڈی کرش کو خریدنے کی اپنی تجویز کا دفاع کیا ہے۔مائیکروسافٹ کا کہنا ہے کہ اسے یقین ہے کہ معاہدہ مزید گیمرز کے لیے مزید انتخاب لائے گا۔لیکن حریف سونی جس نے بھی سماعت میں شرکت کی، کا کہنا ہے کہ انضمام سے مائیکروسافٹ کو دنیا کے کچھ مشہور گیمز پر بہت زیادہ کنٹرول مل جائے گا۔سونی پلے اسٹیشن کا مالک ہے جو مائیکروسافٹ کے ایکس بکس کنسول کا ایک بڑا حریف ہے۔مائیکروسافٹ کے صدر بریڈ اسمتھ نے یورپی یونین کی سماعت کو "ایک اہم دن" قرار دیا۔انہوں نے سونی کی طرف سے ان خدشات کو بھی مسترد کر دیا کہ ایکٹیویژن بلیزارڈ گیمز خاص طور پر کال آف ڈیوٹی اگر انضمام آگے بڑھتا ہے تو ایکس بکس صارفین تک محدود ہو سکتا ہے۔

کریڈٹ: انڈیپنڈنٹ نیوز پاکستان-آئی این پی

دنیا کی سب سے بڑی کافی چین سٹاربکس نے اٹلی میں زیتون کے تیل کی کافی کا کاروبار شروع کر دیا۔چیف ایگزیکٹو ہاورڈ شولٹز کا کہنا ہے کہ زیتون کے تیل کا غیر متوقع مخملی، مکھن کا ذائقہ کافی کو بڑھا دیتا ہے اور تالو پر خوبصورتی سے رہتا ہے۔"سٹاربکس امریکہ کے ان بڑے کاروباروں میں شامل ہے جنہیں اطالوی کھانے پینے کی اشیا کی مارکیٹ میں توسیع کے لیے رکاوٹوں کا سامنا کرنا پڑا۔اٹلی کا کافی منظر اپنے آزاد اور اکثر خاندانی کیفے کے لیے مشہور ہے۔سٹاربکس کے اس وقت ملک میں تقریبا 20 اسٹورز ہیں۔فرم اس موسم بہار میں امریکہ میں جنوبی کیلیفورنیا کے اسٹورز پر گرم اور آئسڈ مشروبات کا انتخاب لانے کا ارادہ رکھتی ہے۔

کریڈٹ: انڈیپنڈنٹ نیوز پاکستان-آئی این پی

برطانوی فولاد کی صنعت زوال پذیر،کارخانے بند ہونے لگے۔ برٹش اسٹیل آج 300 ملازمتوں کے خاتمے کے ساتھ سکنٹورپ میں اپنے کوکنگ اوونز کو بند کرنے کا اعلان کرے گا۔اس بندش کا مطلب ہے کہ برٹش اسٹیل کوک درآمد کرے گا۔کوکنگ اوونز کی بندش کو برطانیہ کی سٹیل انڈسٹری کی صحت کے بارے میں تشویشناک اشارے کے طور پر دیکھا جاتا ہے۔یونین کے عہدیداروں نے بتایا کہ برطانوی اسٹیل کے چینی مالکان جینگے، ٹاٹا اور ٹریژری کے درمیان ہر کمپنی کو 300 ملین کے امدادی پیکج کے بارے میں بات چیت جاری ہے۔ برطانوی اسٹیل کے ترجمان نے کہاکہ بدقسمتی سے بہت سے دوسرے کاروباروں کی طرح ہمیں عالمی کساد بازاری اور بڑھتی ہوئی لاگت کی روشنی میں لاگت میں کمی پر غور کرنا پڑ رہا ہے۔

کریڈٹ: انڈیپنڈنٹ نیوز پاکستان-آئی این پی

32 بلین ڈالر کے اسٹاک پورٹ فولیو کو چھپانے پر مورمن چرچ کو پانچ لاکھ ڈالر جرمانہ۔مورمن چرچ جسے باضابطہ طور پر چرچ آف جیسس کرائسٹ آف لیٹرڈے سینٹس کے نام سے جانا جاتا ہے نے حصص کا بہت بڑا ذخیرہ چھپا رکھا ہے۔یو ایس سیکورٹیز اینڈ ایکسچینج کمیشن نے کہا کہ اس کی سرمایہ کاری فرم نے "شیل" کمپنیوں کو 32 بلین ڈالر کے اسٹاک پورٹ فولیو کو چھپانے کے لیے استعمال کیا۔دونوں میں سے کسی نے کوئی غلطی تسلیم نہیں کی۔ مینیجر نے چرچ کی سرمایہ کاری کو ظاہر کرنے سے بچنے کے لیے کافی حد تک کوشش کی، کمیشن اور سرمایہ کاری کرنے والے عوام کو مارکیٹ کی درست معلومات سے محروم رکھا۔

کریڈٹ: انڈیپنڈنٹ نیوز پاکستان-آئی این پی

جے ڈی ڈبلیوشوگر ملز لمیٹڈ نے سال 2022 کی آخری سہ ماہی میں 16 بلین روپے کی مجموعی آمدنی حاصل کی اور چینی کے شعبے میں اپنی 25 ہم مرتبہ کمپنیوں کو پیچھے چھوڑ دیا۔ویلتھ پاک کی رپورٹ کے مطابق اس عرصے کے دوران مجموعی طور پر 66 ارب روپے کی آمدنی ہوئی۔ شوگر سیکٹر کی زیادہ تر فرمیں اکتوبر سے ستمبر تک اپنے مالی سال کا مشاہدہ کرتی ہیں۔یہ شوگر کی سب سے بڑی فرم ہے جس کا مارکیٹ کیپٹلائزیشن 20.7 بلین روپے ہے۔ فی الحال، چینی اور اس سے منسلک صنعتوں کا مارکیٹ کیپ 32 ارب روپے ہے۔ تاندلیانوالہ شوگر ملز لمیٹڈ جو اس شعبے کی تیسری بڑی فرم ہے نے 8.5 بلین روپے کی دوسری سب سے زیادہ آمدنی کی ۔ تھل انڈسٹریز کارپوریشن لمیٹڈ اور النور شوگر ملز لمیٹڈ بالترتیب 5.3 بلین اور 4.3 بلین روپے کی سیلز ویلیو کے ساتھ تیسری اور چوتھی پوزیشن پر رہے۔ چشمہ شوگر ملز لمیٹڈ نے 3.8 بلین روپے کی مجموعی آمدنی کا اعلان کیا اور چینی کے شعبے میں پانچویں سب سے زیادہ ریونیو جمع کرنے والے کے طور پر درجہ بندی کی۔ رائس پروڈکٹ لمیٹڈنے 639 ملین روپے کی سب سے کم آمدنی کا اعلان کیا۔ 25 میں سے چھ فرموں نے اپنے مجموعی منافع کو 500 ملین روپے سے زیادہ کا اعلان کیا۔ خالص منافع کے لحاظ سے صرف دو کمپنیاں 500 ملین بار کو عبور کر سکیں۔ شکر گنج لمیٹڈ کو خالص نقصان کا سامنا کرنا پڑا۔ اس شعبے کی سب سے چھوٹی کمپنی ایڈم شوگر ملز لمیٹڈ نے آخری سہ ماہی میں خالص نقصان کی اطلاع دی۔ شوگر سیکٹر میںکل 25 درج کمپنیوں میں سے پانچ نے فی حصص کی قیمت میں دوہرے ہندسے کی آمدنی پوسٹ کی۔

کریڈٹ: انڈیپنڈنٹ نیوز پاکستان-آئی این پی

کراچی میںایک ارب چالیس کروڑ کی لاگت سے اگلے سال کے آخر تک اپ گریڈڈ فش ہاربر مکمل ہوجائیگی، چینی ماڈل کی طرح سندھ حکومت سمندری غذا کی مصنوعات کی بین الاقوامی سطح پر مارکیٹنگ بھی شروع کر رہی ہے،ویلیو ایڈیشن، کوالٹی پیکنگ، مارکیٹنگ کے حوالے سے مفت تربیتی پروگرام بھی ترتیب دیے گئے ہیں۔ویلتھ پاک کی رپورٹ کے مطابق پاکستان کو خوردنی سمندری مصنوعات کے معیار کو بڑھانے کے لیے جدید فش ہاربرز کی ضرورت ہے جو برآمدات میں اضافے کی صورت میں مجموعی معیشت میں معاون ثابت ہوں گے۔ پاکستان کی ساحلی پٹی مختلف قسم کی لذیذ سمندری حیات سے بھری ہوئی ہے۔ مچھلی پکڑنے کے مناسب تحفظ اور ویلیو ایڈیشن سے زیادہ منافع حاصل کیا جا سکتا ہے۔ پاکستان اپنی حقیقی صلاحیت سے بہت کم مچھلیاں برآمد کر رہا ہے۔ اس کی بنیادی وجہ معیار اور تازگی کو برقرار رکھنے کے لیے مناسب نظام کی کمی ہے۔ معیاری محفوظ اور منجمد سمندری مصنوعات بین الاقوامی اور مقامی دونوں منڈیوں میں مزید مواقع فراہم کریں گی۔ بین الاقوامی سطح پر مطلوبہ معیار کے تمام معیارات کو پورا کرنے کے لیے کراچی میں اگلے سال کے آخر تک ایک اپ گریڈڈ فش ہاربر مکمل ہونے کا امکان ہے۔

صوبائی وزیر برائے لائیو سٹاک اینڈ فشریز عبدالباری پتافی نے ویلتھ پاک کو بتایا کہ یہ ماہی گیری کے کاروبار میں خاص طور پر صوبہ سندھ میں انقلاب کے پورٹلز کھول دے گا۔انہوں نے کہا کہ نئی اور اپ گریڈ شدہ بندرگاہ بہت ساری جدید سہولیات سے آراستہ ہے جس میںنئے تعمیر شدہ نیلامی ہالز، برف بنانے کی زیادہ صلاحیت، ہائی ٹیک بلاسٹ فریزنگ کمپارٹمنٹس، مچھلیوں کی مختلف اقسام کی کوالٹی ایشورنس، مصنوعات کی حفاظت اور تازگی، جھینگا چھیلنے کا یونٹ، کشتیوں میں ترمیم، بہتر سیوریج سسٹم، حفظان صحت کے حالات کے لیے خصوصی دیکھ بھال، اور نظام کو ہموار طریقے سے ریگولیٹ کرنے کے لیے دیگر ون ونڈو آپریشنزجب کہ حتمی ڈھانچے کو پیش کرنے کے لیے تمام اسٹیک ہولڈرز کی شمولیت اور آسانی کو بھی ضروری بنایا گیا ہے۔ بہتر ڈھانچے اور بین الاقوامی معیار کے معیار کو برقرار رکھنے سے ایک وسیع عالمی منڈی تک رسائی میں مدد ملے گی۔ انہوں نے کہا کہ ماہی گیروں اور دیگر دلچسپی رکھنے والے افراد کے لیے ویلیو ایڈیشن، کوالٹی پیکنگ، مارکیٹنگ کے حوالے سے مفت تربیتی پروگرام بھی ترتیب دیے گئے ہیں، چینی ماڈل کی طرح سندھ کی صوبائی حکومت سمندری غذا کی مصنوعات کی بین الاقوامی سطح پر مارکیٹنگ بھی شروع کر رہی ہے۔

وزیر نے کہا کہ 1.4 بلین روپے کے اس منصوبے کی بحالی سے سمندری خوراک کے کاروبار اور کام کے مواقع بھی بڑھیں گے۔ سندھ حکومت ایک مخصوص نظام کے مطابق گڈ نیٹ جیسی سرگرمیوں کو فروغ دے رہی ہے۔ انہوں نے واضح کیا کہ ذخیرہ کرنے کی سہولت نہ ہونے کی وجہ سے سمندری غذا معیار اور تازگی کھو دیتی ہے اس لیے اس کمی کو دور کرنا ضروری تھا۔ مچھلی پروسیسنگ کے لیے یورپی فہرست کو دوبارہ قائم کرنے کے لیے یہ تمام اقدامات ضروری ہیں۔ سندھ حکومت نے چند سال قبل کراچی فش ہاربر کو بین الاقوامی معیار کے مطابق اپ گریڈ کرنے کا اقدام اٹھایا تھا جواب تکمیل کے قریب ہے۔ ان سرگرمیوں کی پیداوار سے مچھلی پکڑنے کی تعداد میں اضافہ ہو گاجس سے بہتر قیمتوں کے ساتھ منافع میں اضافہ ہو گا۔ پاکستان میں ساحلی پٹی کے ملحقہ علاقوں میں رہنے والے لوگوں کی ایک بڑی تعداد ماہی گیری کے کاروبار پر منحصر ہے۔ انہیں اپنی روزی کو بہتر بنانے کے لیے ایک پائیدار ماہی گیری کے کاروباری ماڈل کی ضرورت ہے۔ سندھ حکومت کی جانب سے اٹھائے گئے اقدامات سے ان کی سماجی و اقتصادی حالت بہتر ہونے میں مدد ملے گی اور ملک کی مجموعی معیشت کی ترقی میں مدد ملے گی۔

کریڈٹ: انڈیپنڈنٹ نیوز پاکستان-آئی این پی

انڈونیشیا ، یوگیا کارتا کے توری اسنیک فروٹ پلانٹیشن  سے ایک کسان اسنیک پھل چن رہا ہے۔(شِںہوا)

یوگیا کارتا (شِنہوا) انڈونیشیا کے شہر یوگیاکارتا میں کسانوں نے اسنیک پھل سے بھرپور فصل کی کٹائی کرلی۔

اسنیک پھل  روایتی طور پر انڈونیشیا اور جنوب مشرقی ایشیا میں کاشت کیا جاتا ہے۔  اس کا بیرونی حصہ سرخ، ذائقہ میٹھا لیکن تھوڑا سا ترش ہوتا ہے  جس میں موجود اعلیٰ غذائی اجزاء صحت کے لئے مفید ہوتے ہیں۔

انڈونیشیا ، یوگیا کارتا کے توری اسنیک فروٹ پلانٹیشن سے ایک کسان اسنیک پھل چھانٹ رہا ہے ۔ (شِںہوا)

انڈونیشیا ، یوگیا کارتا کے  توری اسنیک فروٹ پلانٹیشن سے ایک کسان اسنیک پھل لیکر جارہا ہے۔  (شِںہوا)

انڈونیشیا ، یوگیا کارتا کے توری اسنیک فروٹ پلانٹیشن سے ایک خاتون اسنیک پھل چن رہی ہے۔  (شِںہوا)

انڈونیشیا ، یوگیا کارتا کے  توری اسنیک فروٹ پلانٹیشن سے  کسان اسنیک پھل کی چھانٹی کررہے ہیں ۔ (شِںہوا)

دواسازکمپنی اے جی پی لمیٹڈ کی آمدنی 2022 کے پہلے نو مہینوں میں 39 فیصد بڑھ کر 7.2 بلین روپے ہو گئی ،کمپنی کا مجموعی منافع اسی مدت میں 2.8 بلین روپے سے بڑھ کر 3.7 بلین روپے ہو گیا ۔ویلتھ پاک کی رپورٹ کے مطابق دواسازکمپنی اے جی پی لمیٹڈ کی آمدنی کیلنڈر سال 2022 کے پہلے نو مہینوں میں 39 فیصد بڑھ کر 7.2 بلین روپے ہو گئی جو کہ گذشتہ برس اسی عرصے کے دوران 5.2 بلین روپے تھی۔ کمپنی کا مجموعی منافع اسی مدت میں 2.8 بلین روپے سے بڑھ کر 3.7 بلین روپے ہو گیاجو کہ 32 فیصد سالانہ ترقی کو ظاہر کرتا ہے۔ ٹیکس سے پہلے کا منافع 1.4 بلین روپے تک بڑھ گیا جو 1.2 بلین روپے تھا۔ 2018 میں کمپنی کی فی شیئر آمدنی منفی رہی، لیکن پھر اگلے دو سالوں تک مثبت رہی۔ مارکیٹ شیئر کے لحاظ سے اے جی پی لمیٹڈ پاکستان کی سرکردہ فارماسیوٹیکل کمپنیوں میں سے ایک ہے۔ مسابقتی رہنے کے لیے، اے جی پی لمیٹڈ جدت، معیار اور کسٹمر سروس کے ساتھ ساتھ اپنے پروڈکٹ پورٹ فولیو کو وسعت دینے اور نئی منڈیوں کی تلاش پر توجہ مرکوز کرتا ہے۔ مجموعی طور پرپاکستان میں فارماسیوٹیکل انڈسٹری بہت زیادہ مسابقتی ہے ۔ اے جی پی لمیٹڈ جیسی کمپنیوں کو مارکیٹ میں مسابقتی رہنے کے لیے اختراعات اور موافقت جاری رکھنی چاہیے۔

مارکیٹ کیپٹلائزیشن کمپنی کی کارکردگی، مارکیٹ کے رجحانات اور سرمایہ کاروں کے جذبات سمیت متعدد عوامل سے متاثر ہو سکتی ہے جس کے نتیجے میں وقت کے ساتھ ساتھ ان درجہ بندیوں میں تبدیلیاں آ سکتی ہیں۔اے جی پی لمیٹڈ ایک منافع بخش کمپنی معلوم ہوتی ہے کیونکہ یہ پچھلے چار سالوں سے صحت مند مجموعی منافع کے مارجن کو برقرار رکھے ہوئے ہے۔ کمپنی تمام اخراجات کا حساب کتاب کرنے کے بعد بھی اپنی سیلز اور آپریشنز سے منافع کی ایک معقول سطح پیدا کر رہی ہے۔ کمپنی ایکویٹی پر معقول منافع بھی پیدا کر رہی ہے جو اس بات کی نشاندہی کرتی ہے کہ وہ اپنے شیئر ہولڈرز کے لیے منافع کمانے کے قابل ہے۔ مالیاتی تناسب کمپنی کے منافع کا تجزیہ کرنے کا صرف ایک پہلو ہے اور اسے دیگر عوامل جیسے کہ مارکیٹ کے رجحانات، صنعتی مقابلہ اور کمپنی کی حکمت عملی کے ساتھ مل کر غور کیا جانا چاہیے۔ اے جی پی کو مئی 2014 میں کمپنیز آرڈیننس، 1984 کے تحت ایک پبلک لمیٹڈ کمپنی کے طور پر شامل کیا گیا تھاجسے اب کمپنیز ایکٹ، 2017 سے تبدیل کر دیا گیا ہے۔ کمپنی 5 مارچ 2018 کو پاکستان اسٹاک ایکسچینج میں درج ہوئی۔ فرم کی بنیادی سرگرمیوں میں دواسازی کی مصنوعات کی تیاری، درآمد، مارکیٹنگ، برآمد، ڈیلرشپ اور تقسیم شامل ہے ۔ ویسٹ اینڈ 16 پرائیویٹ لمیٹڈ، سنگاپور، اس کی حتمی پیرنٹ کمپنی ہے۔

کریڈٹ: انڈیپنڈنٹ نیوز پاکستان-آئی این پی

کیمیکل بنانے والی کمپنی آرکروما پاکستان لمیٹڈ کی آمدنی رواں مالی سال کی پہلی سہ ماہی میں 18 فیصد کم ہو کر 6.5 بلین روپے رہ گئی ،کمپنی کا مجموعی منافع بھی 45فیصدکم ہو کر 1.1 بلین روپے ہو گیا ۔ویلتھ پاک کی رپورٹ کے مطابق کیمیکل بنانے والی کمپنی آرکروما پاکستان لمیٹڈ کی آمدنی رواں مالی سال 2022-23 کی پہلی سہ ماہی میں 18 فیصد کم ہو کر 6.5 بلین روپے رہ گئی ہے جو گزشتہ مالی سال اسی مدت میں 7.9 بلین روپے تھی۔ کمپنی کا مجموعی منافع بھی 45فیصدکم ہو کر 1.1 بلین روپے ہو گیا جو 2 بلین روپے ریکارڈ کیا گیا تھا۔کمپنی نے مالی سال 22 کی اسی مدت میں 750 ملین کے منافع کے مقابلے میں 145.4 ملین روپے کا خالص منافع کمایاجو سال بہ سال 79فیصدکی منفی نمو کو ظاہر کرتا ہے۔ برانڈ اور پرفارمنس ٹیکسٹائل اسپیشلٹیز جن کی فروخت میں 18 فیصد کمی واقع ہوئی اور کوٹنگ، چپکنے والی اور سیلنٹ، جن کی آمدنی میں 8 فیصد کمی واقع ہوئی سیلز میں 18 فیصد کمی کے بنیادی معاون تھے جب کہ پیکیجنگ اور کاغذی خصوصیات میں 24 فیصد اضافہ دیکھا گیا۔

صلاحیت کے کم استعمال اور کم پیداواری حجم نے کمپنی کے مجموعی مارجن کو مزید کم کر دیاجس نے اس کے منافع پر منفی اثر ڈالا۔مالی سال 2021-22 کے دوران کمپنی کی مجموعی فروخت مالی سال 21 میں 23.5 بلین روپے سے بڑھ کر 29.4 بلین روپے تک پہنچ گئی جس میں سال بہ سال 25 فیصد کا اضافہ ہوا۔مالی سال 22 کا مجموعی منافع 7.2 بلین روپے رہا جو کہ مالی سال 21 کے 6.2 بلین روپے سے 17 فیصد زیادہ ہے۔تاہم سال کے لیے بعد از ٹیکس منافع مالی سال 21 میں 2.3 ارب روپے سے 18 فیصد کم ہو کر 1.9 ارب روپے رہ گیا۔ امریکی ڈالر اور دیگر بڑی کرنسیوں کے مقابلے پاکستانی روپے کی قدر میں نمایاں کمی نے منافع پر منفی اثر ڈالا ہے۔کمپنی کی فی حصص آمدنی نے حالیہ برسوں کے دوران ملا جلا رجحان ظاہر کیا۔ مالی سال21 میں 67.69 روپے تھی جو مالی سال22 میں گھٹ کر 55.25 روپے ہو گئی۔آرکروما پاکستان بنیادی طور پر کیمیکلز، ڈائیسٹف اور کوٹنگ، چپکنے والی اشیا اور سیلنٹ کی تیاری، درآمد اور فروخت میں مصروف ہے۔ یہ انڈینٹنگ ایجنٹ کے طور پر بھی کام کرتا ہے جس کا رجسٹرڈ اور ہیڈ کوارٹر ریناچ، سوئٹزرلینڈ میں ہے۔

کریڈٹ: انڈیپنڈنٹ نیوز پاکستان-آئی این پی

فائل فوٹو، چین، مشرقی صوبہ انہوئی کے شہر ووہو کے ضلع فان چھانگ کے قصبے شن گانگ میں ایک کسان کھیت کو پانی دے رہا ہے۔ (شِنہوا)

بیجنگ (شِںہوا) چین نے ملک میں غذائی تحفظ کو یقینی بنانے کی خاطر کھاد کی فراہمی کو محفوظ بنانے اور قیمتوں میں استحکام بارے ایک مراسلہ جاری کیا ہے۔

قومی ترقیاتی و اصلاحاتی کمیشن اور دیگر سرکاری اداروں کی جانب سے مشترکہ طور پر جاری کردہ مراسلہ میں کہا گیا ہے کہ مقامی حکام اور متعلقہ سرکاری محکمے کھاد کے پیداواری اداورں کو پیداوار دوبارہ شروع کرنے اور صلاحیت کا استعمال بہتر بنانے میں حوصلہ افزائی کریں۔

مراسلہ  میں کہا گیا ہے کہ  پیداوارمیں ماحولیاتی تحفظ اور حفاظتی ضروریات کو پورا کر تے ہو ئے  وافر مقدار میں پانی فراہم کیا جائے۔

اس میں مقامی حکام پر زور دیا گیا ہے کہ وہ کھاد پیدا کرنے والے اداروں کی نقل و حمل کی طلب کی فعال طریقے سے نشاندہی کریں اور بروقت رابطے کرکے مشکلات اور مسائل کو حل کریں۔

مراسلے کے مطابق صوبائی سطح پر اقتصادی منصوبہ ساز متعلقہ سرکاری محکموں کے ساتھ مل کر کام کریں تاکہ مارکیٹ کی طلب اور موسم بہار کے دوران کھادوں کی رسد اور قیمتوں کا تجزیہ ہوسکے۔ اس کے علاوہ پیداوار، نقل و حمل، ذخیرہ ، فروخت اور استعمال میں درپیش مسائل فعال طور پر حل ہوسکیں۔

اس میں ملک کے 13 بڑے اناج پیدا کرنے والے علاقوں کو موسم بہار کی کاشتکاری کے لئے کھاد فراہم کرنے اور قیمت میں استحکام کو یقینی بنانے کے لئے خصوصی میکانزم قائم کرنے کا حکم بھی دیا گیا ہے۔