پاکستان تحریک انصاف کی رہنما مسرت جمشید چیمہ نے کہا ہے کہ امپورٹڈ ٹولے نے اس قدر مہنگائی کر دی ہے کہ اب آٹا، گھی، دالیں اور چکن بھی لگژری آئٹمز ہی ہیں۔ سماجی رابطے کی ویب سائٹ ٹوئٹر پر اپنے پیغام میں رہنما پی ٹی آئی مسرت جمشید چیمہ نے کہا کہ اگر پاکستان کو آگے لے کر جانا ہے تو قومی لیڈر عمران خان کو دیوار سے لگانے کی سوچ کو بدلنا ہوگا، آئی ایم ایف کو نکیل ڈالنے کی بڑھک لگانے والے اسحاق ڈار نے منی بجٹ سے عوام کو نکیل ڈال دی۔ انہوں نے کہا کہ امپورٹڈ ٹولہ اپنی سیاست بچانے کیلئے آئین کیخلاف گھنانی سازش کر رہا ہے، یہ 22 کروڑ لوگوں کے ملک کو کرپشن سے لتھڑی ہوئی اپنی سیاست کی بھینٹ چڑھانا چاہتے ہیں، عوام نے اٹل فیصلہ کر لیا ہے کہ اب شریف، زرداری خاندانوں کی آلودہ سیاست کا سکہ نہیں چلنے دیں گے۔ مسرت جمشید چیمہ نے مزید کہا کہ پی ڈی ایم ٹولے نے ہر حربہ آزما لیا لیکن ان کا سیاسی گراف اوپر نہیں جا رہا، یہ بضد ہیں کہ ان کا سیاسی گراف اوپر جائے گا تو ملک میں انتخابات ہوں گے، آپ کا گراف تو اوپر نہیں جانا البتہ ملک اس نہج پر پہنچ رہا ہے کہ جہاں سے واپسی کا کوئی راستہ نہیں بچے گا۔

کریڈٹ: انڈیپنڈنٹ نیوز پاکستان-آئی این پی

پاکستان سپر لیگ(پی ایس ایل) کی ٹیم اسلام آباد یونائیٹڈ میں شامل جنوبی افریقی کرکٹر ریسی ون ڈر ڈسن نے کہا ہے پاکستان میں کھیلنا ایک چیلنج ہے اور اس چیلنج کیلئے کافی پرجوش ہوں،انہوں نے کہا کہ پاکستان سپر لیگ 8میں ٹیموں کو دیکھ کر لگ رہا ہے کہ اس ٹورنامنٹ میں کافی سخت مقابلہ ہوگا ابتدائی دو میچز میں ہونے والے مقابلے نے اس کی ایک جھلک دکھا دی ہے،کراچی میں نجی ٹی وی کو انٹرویو میں تجربہ کار جنوبی افریقی کرکٹر نے کہا کہ انہیں اس بات کی خوشی ہے کہ وہ بالآخر پاکستان سپر لیگ کھیل پا رہے ہیں کیونکہ اس سے پہلے دو بار منتخب ہونے کے باوجود بھی وہ کسی نہ کسی وجہ سے لیگ کھیلنے سے محروم رہ گئے تھے،جنوبی افریقی کرکٹر نے کہا کہ یہاں پہلے ٹیسٹ سیریز کھیل چکے ہیں، گو کہ وہ مختلف بال کی کرکٹ تھی مگر اس سے کنڈیشنز کا اندازہ ہوگیا تھا کہ یہاں کس طرح بیٹنگ کرنی ہے،ریسی ون ڈر ڈسن نے کہا کہ انہیں پاکستان پسند ہے اور یہاں کے لوگ کافی مہمان نواز ہیں، پہلے کووڈ ببل کی پابندیاں تھیں لیکن اس بار ان کے پاس موقع ہے کہ وہ لوگوں سے ملاقات کرسکیں،ریسی ون ڈر ڈسن کا کہنا تھا کہ اسلام آباد کی ٹیم جارح مزاج کرکٹ کھیلتی ہے، ان کی کوشش ہوگی کہ وہ اسلام آباد کے برانڈ آف کرکٹ کے سانچے میں خود کو ڈھالیں، ٹیم کیلئے تسلسل کے ساتھ پرفارم کریں، ان کا کہنا تھا کہ انفرادی اہداف زیادہ اہمیت کے حامل نہیں ہیں، زیادہ اہم یہ ہے کہ وہ اس اسکواڈ کا حصہ ہوں جو ٹائٹل جیتیں،ان کا کہنا تھا کہ کوشش ہوگی کہ ذمہ داری کے ساتھ ٹورنامنٹ میں ایسی کارکردگی دکھائیں جس سے ٹیم کو فائدہ ہو، جنوبی افریقی بیٹر نے کہا کہ پی ایس ایل میں تمام ٹیمیں مضبوط ہیں، یہ نہیں کہا جاسکتا کہ کون سی ٹیم زیادہ اچھی ہوگی، ہر ٹیم کے پاس بہتر سے بہتر بولنگ اٹیک ہے اور اس صورتحال میں یہ لیگ بیٹرز کیلئے کافی چیلنجنگ ہوگی،ریسی ون ڈر ڈسن کا کہنا تھا کہ وہ پی ایس ایل کو ہمیشہ فالو کرتے رہے ہیں، دیگر پلیئرز سے بھی لیگ کے بارے میں بات ہوئی اور ہر کسی نے اس کو اعلی معیار کی لیگ قرار دیا، یہاں ہر ٹیم کے پاس ایسے بولرز ہیں جو تسلسل کے ساتھ 140کی رفتار سے بولنگ کرسکتے ہیں، ٹاپ کلاس اسپنرز اور اچھے بیٹسمین بھی ہیں، اس ٹورنامنٹ میں کافی سخت مقابلہ ہونا ہے جس کی جھلک ابتدائی دو میچز میں نظر آچکی ہے،ایک سوال پر جنوبی افریقی بیٹسمین نے کہا کہ ماضی میں ہر لیگ کی چیمپئن ٹیم کے درمیان ہونے والا چیمپئنز لیگ زبردست ٹورنامنٹ تھا، اگر ایسا ٹورنامنٹ دوبارہ ہوا تو مزہ آئے گا، دنیا بھر کی لیگز کھیل کر پلیئرز کو فائدہ ہوتا ہے مگر ہر پلیئر کی ترجیح انٹرنیشنل کرکٹ ہی ہوتی ہے کیونکہ ہر کوئی اپنے ملک کیلئے کھیلنا چاہتا ہے، ضروری ہے کہ لیگ اور انٹرنیشنل کرکٹ میں توازن برقرار رہے۔

کریڈٹ: انڈیپنڈنٹ نیوز پاکستان-آئی این پی

بھارتی ماڈل و اداکارہ اروشی روٹیلا کی جانب سے کرکٹر نسیم شاہ کو سالگرہ اور اعزازی ڈی ایس پی بننے کی مبارکباد دی گئی جس کے بعد سوشل میڈیا پر میمز کی بھر مار ہوگئی،گزشتہ روز قومی کرکٹ ٹیم کے فاسٹ بولر نسیم شاہ 20برس کے ہوگئے جس پر انہیں سالگرہ کی مبارک باد دینے کا سلسلہ جاری رہا، بھارتی ماڈل اور اداکارہ اروشی روٹیلا نے بھی نسیم شاہ کو سالگرہ اور اعزازی ڈی ایس پی بننے کی مبارکباد دی جس پر سوشل میڈیا صارفین میدان میں کود پڑے،احتشام نامی صارف نے ایک میم شیئر کی جس میں سرفراز کو اروشی کے آگے ہاتھ جوڑے دیکھا جاسکتا ہے اور میم پر لکھا گیا کہ نسیم کو پی ایس ایل پر فوکس کرنے دو۔

کریڈٹ: انڈیپنڈنٹ نیوز پاکستان-آئی این پی

سابق وزیر اعلیٰ پنجاب چوہدری پرویز الہی نے کہا ہے کہ منی بجٹ نے عوام کو زندہ درگور کردیا ہے ، سیلز ٹیکس کا 18فیصد کرنے سے مہنگائی کا طوفان آئے گا ، عوام ایک ہی بار الیکشن میں ن لیگ کے سب مظالم کو جواب دینگے ، عدلیہ آئین پر پہرہ دے رہی ہے ، آئی ٹی ٹاور شہباز شریف نے نہیں بلکہ میں نے بنایا ، مریم نواز ریکارڈ درست کرلیں۔جمعرات کے روز سابق وزیر اعلیٰ پنجاب چوہدری پرویز الہی سے عبدالستار اعوان، رضوان رحمت وڑائچ اور دیگر نے ملاقات کی ، ملاقات کے دوران سیاسی معاملات اور منی بجٹ پر گفتگو کی گئی ، چوہدری پرویز الہیٰ نے کہا کہ منی بجٹ نے عوام کو زندہ درگور کردیا ہے ، سیلز ٹیکس کا 18فیصد کرنے سے مہنگائی کا طوفان آئے گا ، عوام کی قوت خرید جواب د یتی جارہی ہے ، انہوں نے کہا کہ عوام ایک ہی بار الیکشن میں ن لیگ کے سب مظالم کو جواب دینگے ، عدلیہ آئین پر پہرہ دے رہی ہے ، پرویز الہیٰ نے کہا کہ گورنر پنجاب اور چیف الیکشن کمشنر کی الیکشن سے فرار کی کوششیں کامیاب نہیں ہونے دینگے ، انتخابات 90روز میں ہی ہوں گے ، مسلم لیگ ن کی غلط فہمی میں نہ رہے ، آئی ٹی ٹاور شہباز شریف نے نہیں بلکہ میں نے بنایا ، مریم نواز ریکارڈ درست کرلیں۔

کریڈٹ: انڈیپنڈنٹ نیوز پاکستان-آئی این پی

پشاور زلمی کے کپتان بابر اعظم کی میچ کے بعد اسٹیڈیم میں صفائی کرنے کی ویڈیو وائرل ہوگئی،سوشل میڈیا پر پشاور زلمی اور کراچی کنگز کے پہلے میچ کے بعد کی ایک ویڈیو وائرل ہورہی ہے جس میں بابر اعظم کو گرئوانڈ مین اور دیگر کھلاڑیوں کے ہمراہ گرائونڈ کی صفائی کرتے دیکھا جاسکتا ہے،ویڈیو میں دیکھا جاسکتا ہے کہ بابر گرائونڈ کی بائونڈری کے پاس پڑی بوتلوں اور ٹشوز کو ڈسٹ بن میں ڈال رہے ہیں،دوسری جانب بابر کے عقب میں کھڑے کراچی کنگز اور پشاور زلمی کے دیگر کھلاڑیوں کو بھی اسٹیڈیم میں پڑے کچرے کو ڈسٹ بن کرتے دیکھا جاسکتا ہے۔

کریڈٹ: انڈیپنڈنٹ نیوز پاکستان-آئی این پی

ویسٹ انڈیز کے سابق بولر اور کمنٹیٹر این رافیل بشپ نے پاکستان کی جانب سے پہلی ٹی ٹوئنٹی سنچری کرنے والی ویمنز ٹیم کی کرکٹر منیبہ علی کے لیے تعریفی ٹوئٹ کی ہے،این بشپ نے اپنے مصدقہ ٹوئٹر اکائونٹ سے منیبہ علی کی کارکردگی کے لیے تالیوں والا ایموجی بنایا اور ساتھ ہی انہوں نے لکھا 'منیبہ پر پورے پاکستان کو فخر کرنا چاہیے اور ہوگا،اس کے علاوہ سابق پاکستانی کپتان محمد حفیظ نے بھی منیبہ علی کی اننگز پر انہیں مبارکباد پیش کی،پاکستان کے سابق فاسٹ بولر وقار یونس نے منیبہ علی کی اس سنچری کو شاندار قرار دیا،واضح رہے کہ کیپ ٹائون میں کھیلے جا رہے آئی سی سی ویمنز ٹی ٹوئنٹی ورلڈکپ میں گروپ ٹو کے میچ میں پاکستان کی منیبہ علی نے آئر لینڈ کے خلاف 66گیندوں پر شاندار سنچری اسکور کی،منیبہ کی اننگز میں 14چوکے شامل تھے اور انہوں نے مجموعی طور پر 68گیندوں پر 150کے اسٹرائیک ریٹ سے 102رنز کی اننگز کھیلی،منیبہ پاکستان کی جانب سے ویمنز ٹی ٹوئنٹی انٹرنیشنل اور ویمنز ٹی ٹوئنٹی ورلڈکپ میں سنچری اسکور کرنے والی پہلی بیٹر بن گئی ہیں۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف (پی ٹی آئی )کے چئیرمین عمران خان نے سابق آرمی چیف جنرل قمر جاوید باجوہ کیخلاف تحقیقات کا مطالبہ کر تے ہوئے کہا ہے کہ جنرل(ر) باجوہ کو یہ اختیار کس نے دیا کہ وہ منتخب وزیراعظم کے اقتدار میں رہنے کو ملک کے لئے خطرناک ہونے کے حوالے سے فیصلہ کریں، یہ فیصلہ صرف اور صرف عوام کا ہے کہ وہ کسے وزیراعظم منتخب کرنا چاہتے ہیں،آئین کے تحت افواج پاکستان وزارتِ دفاع کے ماتحت ایک ادارہ ہے۔ تفصیلات کے مطابق چئیرمین پی ٹی آئی عمران خان کی جانب سے صدرمملکت عارف علوی کو لکھے گئے خط میں کہا گیا ہے کہ گزشتہ چند روز کے دوران عوامی سطح پر نہایت ہوشربا انکشافات ہوئے ہیں۔ منظر عام پر آنے والی معلومات سے واضح ہوتا ہے کہ جنرل (ر) باجوہ اپنے حلف کی صریح خلاف ورزی کے مرتکب ہو ئے ہیں۔ عمران خان کا مزید کہنا تھا کہ ایک انٹرویو میں جنرل(ر)باجوہ نے کہا کہ ہم عمران خان کو ملک کے لیے خطرہ سمجھتے تھے۔ہمارے خیال میں اگر عمران خان اقتدار میں رہے تو ملک کو نقصان ہوگا۔

جنرل باجوہ کی جانب سے ہم کے لفظ کا استعمال تحقیق طلب ہے۔ پی ٹی آئی چئیرمین نے جنرل(ر)قمر جاوید باجوہ کے خلاف فوری تحقیقات کا مطالبہ کرتے ہوئے کہا کہ جنرل(ر) باجوہ کو یہ اختیار کس نے دیا کہ وہ منتخب وزیراعظم کے اقتدار میں رہنے کو ملک کے لئے خطرناک ہونے کے حوالے سے فیصلہ کریں، یہ فیصلہ صرف اور صرف عوام کا ہے کہ وہ کسے وزیراعظم منتخب کرنا چاہتے ہیں۔ عمران خان کا کہنا تھا کہ جنرل باجوہ کا اس ضمن میں خود کو فیصلہ ساز بنانا آئین کے آرٹیکل 244اور تیسرے شیڈول میں دیے گئے حلف کی صریح خلاف ورزی ہے۔ جنرل باجوہ نے اپنی گفتگو میں نیب کو کنٹرول کرنے کا دعوی بھی کیا۔ اس دعوے کی حقیقت سے قطعا نظر جنرل باجوہ نے تسلیم کیا کہ انہوں نے شوکت ترین کے خلاف نیب کا مقدمہ ختم کروایا۔ یہ دعوی بھی حلف کی خلاف ورزی ہے، آئین کے تحت افواج پاکستان وزارتِ دفاع کے ماتحت ایک ادارہ ہے۔ جنرل(ر)قمر جاوید باجوہ کی جانب سے حلف کی خلاف ورزیوں کی تفصیلات بھی صدر مملکت کو ارسال کر دی گئیں۔

کریڈٹ: انڈیپنڈنٹ نیوز پاکستان-آئی این پی

پاکستان کرکٹ ٹیم کے سابق کپتان اور سٹار آل رائونڈر شعیب ملک نے کہا ہے کہ اس ملک نے ہمیں بہت دیا ہے اب ہمارا کام ہے اسے واپس کیا جائے، میرا دل ہے میں پاکستان کی طرف سے مزید کھیلوں اور اپنے بین الاقوامی کرکٹ کیرئیر میں 15ہزار رنز مکمل کروں،سابق کپتان کا کہنا تھا کہ ٹیسٹ اور ون ڈے کرکٹ سے پہلے ریٹائرمنٹ لے چکا ہوں، اب ایک ہی بار ریٹائرمنٹ لوں گا، اپنے کیرئیر سے اپنے بیٹے کو متاثر کرنا چاہتا ہوں، کسی سے کوئی توقع نہیں صرف اللہ سے امید ہے، میری عمر کے حوالے سے زیادہ بات نہیں ہونی چاہیے، میری امی کہتی ہیں کہ کھیلتے رہو،سٹار آل رائونڈر نے کہا کہ پاکستان سپر لیگ (پی ایس ایل )کے میچز میں بلے بازوں نے اچھا کھیلا، خوشی ہے کہ میچز میں نوجوان بالرز نے رنز کا دفاع کیا، میچ میں جارحانہ انداز ہونا چاہیے، عامر ،بابر اور عماد ایک دوسرے کی بہت عزت کرتے ہیں، عامر اچھی بالنگ کر رہے ہیں وہ کم بیک کرے گا،شعیب ملک نے کہا کہ ہماری قومی ٹیم میں ابھی تھوڑی تجربے کی کمی ہے ، میری درخواست ہے کہ افتخار احمد کو ون ڈے ٹیم میں ہونا چاہیے، ورلڈکپ سکواڈ میں بھی افتخار کو لازمی ہونا چاہیے وہ بہت اچھی فارم میں ہے، حیدر علی میں بہت ٹیلنٹ ہے اس کو بتاتے رہتے ہیں۔

کریڈٹ: انڈیپنڈنٹ نیوز پاکستان-آئی این پی

پاکستان ویمنز کرکٹ ٹیم کی بیٹر منیبہ علی ویمنز ٹی ٹوئنٹی انٹرنیشنلز اور ویمنز ورلڈکپ میں پاکستان کی طرف سے سنچری سکور کرنے والی پہلی پلیئر بن گئیں،انٹرنیشنل کرکٹ کونسل (آئی سی سی )ویمن ٹی 20ورلڈ کپ کے گروپ میچ میں آئرلینڈ ویمن ٹیم کے خلاف منیبہ علی نے تاریخی اننگز کھیلتے ہوئے ٹی ٹوئنٹی کرکٹ میں سنچری سکور کر کے بڑا اعزاز اپنے نام کیا، انہوں نے 68گیندوں پر 102رنز کی شاندار اننگ کھیلی جس میں 14چوکے بھی شامل تھے،آئرلینڈ کے خلاف میچ میں منیبہ علی نے سنچری سکور کر کے ویمنز ٹی ٹوئنٹی ورلڈکپ میں پانچویں سب سے بڑی اننگ کھیلنے کا بھی اعزاز حاصل کیا،میچ کے بعد گفتگو کرتے ہوئے منیبہ علی کا کہنا تھا کہ سنچری بنانے پر بہت خوش ہوں، پلان کے مطابق بیٹنگ کی، میں اچھی اننگز کے لیے پر اعتماد تھی، ٹیم آئرلینڈ کے خلاف اچھا سکور کرنے میں کامیاب ہوئی،انہوں نے کہا کہ ایکسٹرا کور پر کھیلنا میرا پسندیدہ سٹروک ہے، میں نے بغیر کسی دبائو کے اپنی بیٹنگ کو انجوائے کیا جس کی وجہ سے سنچری بنی۔

کریڈٹ: انڈیپنڈنٹ نیوز پاکستان-آئی این پی

پاکستان سپر لیگ(پی ایس ایل )کی فرنچائز لاہور قلندرز کی جانب سے قومی کھیل ہاکی کی بحالی کا اعلان کر دیا گیا ، قلندرز پلیئر ڈویلپمنٹ ہاکی پروگرام کے تحت سندھ حکومت، پاکستان ہاکی فیڈریشن (پی ایچ ایف)اور لاہور قلندرز کے درمیان معاہدہ طے پا گیا،پاکستان ہاکی فیڈریشن(پی ایچ ایف )کے مطابق پاکستان ہاکی فیڈریشن کے صدر بریگیڈیئر ر خالد سجاد کھوکھر کی ہدایت پر پی ایچ ایف کی زیر نگرانی لاہور قلندر کے زیر اہتمام سندھ حکومت اور پنجاب حکومت کے اشتراک سے قلندر ہاکی لیگ میں حصہ لینے کیلئے کھلاڑیوں کے اوپن ٹرائلز 17فروری کی صبح 10بجے کے ایچ اے سپورٹس کملیکس کراچی میں ہوں گے،اس حوالے سے عبدالستار ہاکی اسٹیڈیم میں پریس کانفرنس کرتے ہوئے لاہور قلندر ز کے مالک عاطف رانا نے کہا کہ پہلے مرحلے میں پلیئرز ڈویلپمنٹ پروگرام کے تحت کراچی لاہور سیریز سے قبل کراچی کی ٹیم کے لئے 17فروری کو اوپن ٹرائلز کا انعقاد کیا جائے گا، جس کے بعد لاہور میں ٹرائلز ہونگے،عاطف رانا نے کہا کہ قومی کھیل کو نیا خون دینے کے لئے شہر شہر ٹیلنٹ ہنٹ کا انعقاد کریں گے، کرکٹ کی طرح ہاکی کے لئے پورے پاکستان سے نوجوان منتخب کرنے کے بعد ہائی پرفارمنس سینٹر میں انہیں تربیت فراہم کریں گے، کوشش ہے کہ 22سے 25کھلاڑیوں پر مشتمل ٹیمیں بنائیں، منتخب کھلاڑیوں کو تربیت کے لئے بیرون ملک بھیجا جائے گا،دوسری جانب لاہور قلندرز کے کپتان شاہین شاہ آفریدی اور فاسٹ بالر حارث رئوف کو ہاکی کا برانڈ ایمبیسڈر مقرر کر دیا گیا ہے، شاہین آفریدی کا اس حوالے سے کہنا تھا کہ ہاکی ہمارا قومی کھیل ہے، لاہور قلندرز کا پلان بہت زبردست ہے، ہاکی لیجنڈ کے ساتھ مل کر قومی کھیل کی بحالی کے لئے کام کرنے کا خواہشمند ہوں۔

کریڈٹ: انڈیپنڈنٹ نیوز پاکستان-آئی این پی

جرمنی کی فضائی کمپنی لفتھانسا کے آئی ٹی نظام میں خرابی کی وجہ سے دنیا بھرمیں ہزاروں مسافرپھنس کررہ گئے ہیں اورسیکڑوں پروازوں کو منسوخ یا ان کا رخ موڑنے پرمجبور ہونا پڑا ہے، اہم بین الاقوامی ٹرانزٹ مرکزاور یورپ کے سب سے بڑے ہوائی اڈوں میں سے ایک فرینکفرٹ میں اب تک 200سے زیادہ پروازیں منسوخ کی جا چکی ہیں، لفتھانسا کو امید ہے کہ شام تک صورت حال بہتر ہوجائے گی،فلائٹ اویئرکے اعداد وشمار سے پتاچلتا ہے کہ 1243جی ایم ٹی تک 105پروازیں بھی تاخیر کا شکار ہوئیں، جرمنی کے کئی ہوائی اڈوں سے لی گئی تصاویر اور ویڈیوز میں ہزاروں مسافرچیک اِن کے منتظردیکھے جاسکتے ہیں،لفتھانسا اور جرمنی کے نیشنل ٹرین آپریٹرنے اس مسئلے کی ذمے داری ریلوے لائن کی توسیع پرتھرڈ پارٹی انجینئرنگ کے کاموں پرعائد کی ہے۔منگل کی شام یہ مسئلہ اس وقت پیدا ہوا تھا جب ڈوئچے ٹیلی کام فائبرآپٹک کیبل ڈرل کے ذریعے کٹ گئی تھی۔جس کی وجہ سے بدھ کی صبح لفتھانسا میں مسافروں کی چیک ان اور بورڈنگ سسٹم کو ضبط کرلیا گیا اور جرمن ایئرٹریفک کنٹرول نے آنے والی پروازوں کو معطل کردیا تھا،اس مسئلہ کے بعد لفتھانسا،سوئٹزرلینڈ، آسٹریا ایئرلائنز، برسلزایئرلائنز اور یورو ونگز کے حصص میں 0.8فی صد کمی ریکارڈ کی گئی جبکہ فراپورٹ کے حصص میں 0.9فی صد کمی واقع ہوئی ہے،مسافروں نے سوشل میڈیا پر کہا کہ کمپنی فلائٹ بورڈنگ کا انتظام کرنے کے لیے قلم اور کاغذ کا استعمال کر رہی ہے اور وہ مسافروں کے سامان کو ڈیجیٹل طریقے سے پروسیس کرنے سے قاصر ہے۔

کریڈٹ: انڈیپنڈنٹ نیوز پاکستان-آئی این پی

کامسیٹس یونیورسٹی اسلام آباد کے چائنہ اسٹڈی سینٹر اور انسٹی ٹیوٹ آف پیس اینڈ ڈپلومیٹک اسٹڈیز (آئی پی ڈی ایس) پاکستان کے سینٹر فار بی آر آئی اینڈ چائنا اسٹڈیز کے درمیان مفاہمت کی ایک یادداشت پر دستخط کیے گئے ہیں ۔ مفاہمتی یاداشت پر دستخط کامسیٹس یونیورسٹی اسلام آباد کی زیدی لائبریری میں کیے گئے ۔گوادر پرو کے مطابق دونوں ادارے مشترکہ تحقیقی تعاون اور دونوں اداروں کی سائنسی، علمی اور تحقیقی سطح کو بہتر بنانے کے لیے سرکاری اور غیر سرکاری تحقیقی فنڈ، علمی اشاعتوں، اور تربیت حاصل کرنے کے لیے پروگراموں کی ترقی پر توجہ مرکوز کریں گے ۔ گوادر پرو کے مطابق تجربہ کار سکالرز کا تبادلہ اور چین پاکستان تعلقات کے فروغ، فرینڈز آف بی آر آئی فورم اور باہمی دلچسپی کے دیگر اہم موضوعات پر بھی تبادلہ خیال کیا جائے گا۔ سیاست، اقتصادیات، سماجی اور سٹریٹجک اسٹڈیز، بین الاقوامی تعلقات، خارجہ پالیسی، علاقائی اور بین علاقائی ترقی اور دونوں فریقوں کے مشترکہ مفاد کے دیگر موضوعات اور مسائل سے متعلق معلومات اور آراء کا تبادلہ بھی یادداشت کا حصہ ہے۔ گوادر پرو کے مطابق ایم او یو پر سی یو آئی کے رجسٹرار پروفیسر ڈاکٹر سجاد احمد مدنی اور آئی پی ڈی ایس کے ڈائریکٹر محمد آصف نور نے دستخط کیے۔ اس موقع پر آئی پی ڈی ایس کی صدر فرحت آصف اور سی یو آئی کے دیگر فیکلٹی ممبران بھی موجود تھے۔

کریڈٹ: انڈیپنڈنٹ نیوز پاکستان-آئی این پی

سوڈان کی وزارت صحت نے حالیہ برسوں میں سوڈانیوں میں ہائی بلڈ پریشر کی شرح میں اضافے کے بارے میں خوفناک اعدادوشمار کا انکشاف کیا ہے۔ لہذا یہ سوال موجود ہے کہ وہ کون سی وجوہات ہیں جن کی وجہ سے سوڈانی بلند فشار خون کے عارضے کا خطرناک حد تک شکار ہو رہے ہیں،سوڈانی شہریوں میں ہائی بلڈ پریشر کی شرح31.5فیصد تک پہنچ گئی ہے اور زیادہ تر متاثرہ افراد کی عمریں 18سے 69سال کے درمیان ہیں۔ ہائی بلڈ پریشر، ذیابیطس، دل اور کینسر جیسی غیر متعدی بیماریوں کے خطرات سے دوچار ہیں،سوڈان کی وفاقی وزارت صحت کے محکمہ غیر متعدی امراض نے کہاکہ اس بیماری کا سب سے زیادہ خطرہ چالیس سال یا اس سے زیادہ عمر کے افراد کو لیکن اس نے خبردار کیا کہ اس بیماری کیابتدائی علامات میں نوجوانوں میں مختلف انفیکشنز، خاص طور پر نوجوانوں کے گروپ میں اس کی علامت پائی جاتی ہیں،سوڈانیوں میں بلند فشار کی شرح میں اضافے کی وجوہات اور عوامل وہ بہت سے ہیں۔ ان میں خاندان میں بیماری کی موجودگی یا جینیاتی عنصر یا طبی تاریخ تبدیلی بھی اہم عوامل ہیں۔

اس کے علاوہ طرز زندگی اور ذریعہ معاش، جس کی وجہ سے جسمانی غیرفعالیت اور موٹاپے میں اضافہ ہوتا ہے غیر صحت بخش غذائیں کھانا، ورزش کی کمی، تمباکو نوشی اور تنا بھی اہم اسباب ہیں،وزارت صحت کے غیر متعدی امراض کے شعبے نیکہا کہ سوڈان میں ہائی بلڈ پریشر، ذیابیطس، کینسر اور ذہنی دبا سب سے عام غیر متعدی امراض ہیں،غیر متعدی بیماریاں جنہیں دائمی یا غیر متعدی امراض کہاجاتا ہے وہ ہیں جو براہ راست یا بالواسطہ رابطے کے ذریعے ایک فرد سے دوسرے میں منتقل نہیں ہوتے ہیں اور ممالک کو ان کا مقابلہ کرنے کے لیے اسٹریٹجک منصوبوں کی ضرورت ہوتی ہے کیونکہ یہ صحت کے اخراجات کے بجٹ پر بوجھ بڑھا دیتے ہیں،ہائی بلڈ پریشر یا خاموش قاتل دماغی خون بہنے اور فالج سمیت بہت سنگین پیچیدگیوں کا باعث بنتا ہے، یہ دل کے پٹھوں، آنکھوں، پھیپھڑوں، گردوں اور شریانوں کو بھی متاثر کرتا ہے، یہ سب تباہ کن علامات ہیں جن سے باقاعدہ معائنہ کرنے سے بچا جا سکتا ہے۔

کریڈٹ: انڈیپنڈنٹ نیوز پاکستان-آئی این پی

سیشن کورٹ فیصل آباد نے پاک فوج کے خلاف سوشل میڈیا کمپین چلانے والے شخص کو 5 سال قید کی سزا سنا دی گئی۔ فیصل آباد کے سکندر زمان نے لسبیلہ میں آرمی ہیلی کاپٹر گرنے کے بعد گمراہ کن پوسٹس کی تھیں، گمراہ کن پوسٹس کرنے کے بعد ایف آئی اے ملزم کے خلاف حرکت میں آئی تھی، ملزم کے خلاف پیکا کے سیکشن 20 اور24سی کے تحت کاروائی کی گئی۔ سیشن کورٹ فیصل آباد نے ملزم کو 5 سال قید اور ڈھائی لاکھ روپے جرمانے کی سزا سنائی۔

کریڈٹ: انڈیپنڈنٹ نیوز پاکستان-آئی این پی

متحدہ عرب امارات کے وزیر خارجہ شیخ عبداللہ بن زاید نے امریکی ہم منصب انٹونی بلینکن اور سینیٹ کے متعدد ارکان سے واشنگٹن ڈی سی کے دورے کے موقع پرملاقاتیں کی ہیں اوران سے باہمی دلچسپی کے متعدد امور اور دوطرفہ شراکت داری کے فروغ کے امکانات پر تبادلہ خیال کیا ہے،عرب میڈیا کے مطابق بلینکن کے ساتھ ملاقات میں شیخ عبداللہ نے سلامتی ،موسمیاتی تبدیلی، تجارتی تبادلے اور سرمایہ کاری میں تعاون کومضبوط بنانے کے طریقوں پر بات چیت کی ہے،طرفین نے مشرقِ اوسط میں انتہا پسندی سے نمٹنے اور معاہدہ ابراہیم کو آگے بڑھانے کے لیے اپنی مشترکہ کوششوں پرروشنی ڈالی۔ واضح رہے کہ متحدہ عرب امارات، بحرین،مراکش اور سوڈان نے 2020میں امریکا کی ثالثی میں ابراہیم معاہدے پر دست خط کیے تھے اور اسرائیل کے ساتھ معمول کے تعلقات استوار کیے تھے،امریکی محکمہ خارجہ کے ترجمان نیڈپرائس کا کہنا تھا کہ اسرائیل اورفلسطین کے درمیان تنازع میں حالیہ مہینوں میں شدت پر بھی دونوں وزرا خارجہ نے تبادلہ خیال کیا اورانھوں نے تشدد میں مزیداضافے کو روکنے اور امن بحال کرنے کے لیے ممکنہ اقدامات پربات چیت کی ہے، انھوں نے زلزلے سے متاثرہ ترکیہ اور شام میں امدادی سرگرمیوں کا بھی جائزہ لیا،

انھوں نے صاف توانائی کے حصول کے لیے متحدہ عرب امارات اورامریکا کے درمیان شراکت داری (پی اے سی ای)اور یواے ای میں آیندہ کوپ 28موسمیاتی کانفرنس کے انعقاد سے متعلق امور پرغور کیا ہے،امریکی وزیرخارجہ نے یوکرین کے عوام کے لیے فراخدلانہ انسانی امداد مہیا کرنے یواے ای کی تعریف کی،شیخ عبداللہ نے امریکی سینیٹ کی خارجہ تعلقات کمیٹی کے چیئرمین باب میننڈیز، کمیٹی کے وائس چیئرمین جم رس اور نیشنل ری پبلکن مرکزی کمیٹی کے سابق چیئرمین سینیٹرٹوڈ ینگ سے الگ الگ ملاقات کی ہے،اطلاعات کے مطابق ان ملاقاتوں میں دونوں اتحادی ممالک کے درمیان اقتصادی تعلقات کو مضبوط بنانے اور تجارت اور سرمایہ کاری کو فروغ دینے کے طریقوں پرتبادلہ خیال کیا گیا،متحدہ عرب امارات مشرق اوسط میں امریکی برآمدات کی سب سے بڑی مارکیٹ ہے۔ گذشتہ سال دونوں ممالک کے درمیان تجارتی تبادلے کا حجم 27.8ارب ڈالررہا تھا۔ امریکا کو متحدہ عرب امارات کی برآمدات کا حجم 6.9ارب ڈالر سے تجاوز کر گیا اور یہ گذشتہ سال کے دوران میں ملکی برآمدات کے حجم کے مقابلے میں 16فی صد زیادہ ہے،شیخ عبداللہ کے ہمراہ بین الاقوامی تعاون کی وزیر مملکت ریم بنت الہاشمی ،اقوام متحدہ میں متحدہ عرب امارات کی مستقل مندوب اور نائب وزیرخارجہ لانا نسیبہ اور واشنگٹن میں اماراتی سفیر یوسف العتیبہ بھی ان ملاقاتوں میں موجود تھے

کریڈٹ: انڈیپنڈنٹ نیوز پاکستان-آئی این پی

پاکستان مسلم لیگ(ن)کی سینئر نائب صدر اور چیف آرگنائزر مریم نواز نے کہا ہے کہ مہنگائی سے غریب آدمی متاثر ہوتا ہے لیکن یہ میری حکومت نہیں ہے۔ چیف آرگنائزر مسلم لیگ(ن)مریم نواز نے لاہور میں نوجوانوں کے وفد سے ملاقات کی، حکومتی ناقص کارکردگی کے حوالے سے نوجوانوں کے سوال پر مریم نواز نے کہا کہ میں حکومت کا حصہ نہیں ہوں۔ انہوں نے کہا کہ موجودہ مہنگائی کی ذمہ داری مسلم لیگ(ن)پر نہیں ڈالی جاسکتی، ہماری حکومت تو تب ہوگی جب نواز شریف پاکستان میں ہوں گے، نواز شریف ہی پاکستان کو آگے لے کر جا سکتے ہیں۔

کریڈٹ: انڈیپنڈنٹ نیوز پاکستان-آئی این پی

سینیٹ کی قائمہ کمیٹی برائے خزانہ نے کثرت رائے سے سپلیمنٹری فنانس بل 2023 (منی بجٹ )کی منظوری دے دی۔ پارلیمنٹ ہاوس اسلام آباد میں سینیٹر سلیم مانڈوی والا کی سربراہی میں سینیٹ کی قائمہ کمیٹی برائے خزانہ کا اجلاس ہوا۔ کمیٹی نے کثرت رائے سے سپلیمنٹری فنانس بل 2023 (منی بجٹ)کی منظوری دے دی۔جس میں چیئرمین ایف بی آر نے کمیٹی کو بتایا کہ تمام درآمدی لگژری اشیا پر 25 فیصد ٹیکس لگایا جارہا ہے جن میں درآمدی گاڑیاں، میک اپ کاسامان اور کاسمیٹکس شامل ہیں۔ چیئرمین ایف بی آر کے مطابق امپورٹڈ واٹر، ہوم ایمپلائنسز، کراکری، فٹ ویئر، درآمدی فرنیچر، چاکلیٹ، پرفیوم، کارن فلیکس اور باتھ روم کے درآمدی سامان پربھی 25 فیصد ٹیکس لگے گا۔ انہوں نے کہا کہ پہلے لگژری درآمدی اشیا پرجی ایس ٹی کی شرح 17 فیصد تھی جب کہ 300 سے 500 ڈالرکے موبائل فون پر ٹیکس17 سے بڑھاکر 18 فیصد کردیا ہے جب کہ 500 ڈالر سے زائد مالیت کے موبائل فون پر ٹیکس 17 سے بڑھا کر 25 فیصد کیا ہے۔ چیئرمین ایف بی آر نے مزید کہا کہ حکومت کوکابینہ سے منظوری کے بعد ٹیکس میں ردوبدل کا اختیار ہے، ضمنی بجٹ کے ذریعے 170 ارب روپے کے ٹیکس لگائے گئے ہیں اور 30 جون تک کا خسارہ پورا کرنے کیلیے اضافی ٹیکس لگائے گئے، یہ رقم ساڑھے چار ماہ میں اکٹھا کرنا ہے۔ کمیٹی کے چیئرمین سلیم مانڈوی والا نے کہا کہ ائیر لائن کمپنیوں نے ٹکٹ پر فکسڈ ٹیکس لگانے کی تجویز دی ہے، ایف بی آر ائیر لائنز پر فکسڈ ٹیکس کے لئے تجاویز تیار کرے۔ سلیم مانڈوی والا نے کہا کہ یورپ، امریکا یا کینیڈا جانے ے لئے فضائی ٹکٹس کے مطابق فکسڈ ٹیکس عائد کیا جائے، بزنس اور اکانومی کلاس کیلئے بھی فکس ٹیکس عائد ہونا چاہیے۔ منی بجٹ میں فضائی ٹکٹ پر 50 ہزار روپے یا 20 فیصد ٹیکس کی تجویز شامل ہے جب کہ کمیٹی نے یورپ کیلئے 50 ہزار روپے جب کہ مشرق وسطی کے ممالک کے لئے 25 ہزار روپے فکسڈ ٹیکس کی تجویز دی ہے۔ واضح رہے کہ آ ئی ایم ایف کی شرائط کے مطابق حکومت نے 170 ارب روپے کا منی بجٹ گزشتہ روز قومی اسمبلی میں پیش کیا تھا۔ منی بجٹ میں پیش کی گئی تجاویز کے مطابق پیکٹس میں ملنے والی تمام اشیا پر جی ایس ٹی 17 فیصد سے بڑھا کر 18 فیصد کردیا گیا تھا۔

کریڈٹ: انڈیپنڈنٹ نیوز پاکستان-آئی این پی

سعودی عرب کے یومِ تاسیس کے موقع پر اس مرتبہ سرکاری اورنجی شعبے کے ملازمین طویل اختتام ہفتہ سے لطف اندوز ہوں گے۔مملکت میں اس سال دوسرے دوسری مرتبہ یوم تاسیسمنانے کی تیاریاں کی جارہی ہیں،بدھ 22فروری کو سرکاری اور نجی شعبے دونوں کے ملازمین کے لیے مشترکہ قومی تعطیل ہے۔ سرکاری شعبے کے ملازمین کو جمعرات 23فروری کوبھی چھٹی ہوگی۔اس طرح انھیں اختتام ہفتہ پرمجموعی طور پر چاردن کی چھٹی ملے گی،نجی کمپنیاں اس کا ازخود فیصلہ کریں گی کہ آیا جمعرات کو بھی اپنے ملازمین کو چھٹی دی جائے یا نہیں۔البتہ بعض ادارے پہلے ہی اس روزاپنے ملازمین کو چھٹی دینے کااعلان کرچکے ہیں۔

کریڈٹ: انڈیپنڈنٹ نیوز پاکستان-آئی این پی

آٹھ سال اقتدار میں رہنے کے بعد نکولا سٹرجن نے وزیر اول اور پارلیمنٹ کی سب سے بڑی جماعت سکاٹش نیشنل پارٹی کے رہنما کے عہدے سے استعفی دینے کا اعلان کردیا ،غیرملکی میڈیا کے مطابق سکاٹ لینڈ کی وزیر اول (فرسٹ منسٹر)نکولا سٹرجن نے اچانک مستعفی ہونے کی تصدیق کرتے ہوئے اعلان کیا ہے کہ سکاٹش نیشنل پارٹی کا جانشین منتخب کرنے کیلئے انتخابات کرائے جائیں گے،52سالہ سٹرجن نے گزشتہ روز وزیراول اور پارلیمنٹ کی سب سے بڑی جماعت سکاٹش نیشنل پارٹی کے رہنما کے عہدے سے استعفی دینے کا اعلان کیا ہے ،اگرچہ سٹرجن نے ایک ماہ سے بھی کم عرصہ قبل اپنے استعفی کے امکان کو مسترد کر دیا تھا لیکن سٹرجن نے ایک پریس کانفرنس کے دوران کہا کہ مجھے لگتا ہے کہ اب مستعفی ہونے کا وقت آگیا ہے ، وہ اس وقت تک وزیراعظم رہیں گی جب تک سکاٹش نیشنل پارٹی اپنے جانشین کا انتخاب نہیں کرتی،واضح رہے کہ نکولا سٹرجن 2014میں سکاٹ لینڈ کی قیادت کرنے والی پہلی خاتون بنیں ، دوران حکومت سکاٹش وزیراعظم کو آزادی اور خواجہ سراں کے حقوق کے لیے اپنی حکمت عملیوں پر شدید دبا کا سامنا کرنا پڑا۔

کریڈٹ: انڈیپنڈنٹ نیوز پاکستان-آئی این پی

روسی صدر ولادیمیر پوٹین نے آذری ہم منصب الہام علی ایف نے دو طرفہ تعاون اور آذربائیجان ۔آرمینیا سرحدی استحکام اور بحالی امن کے موضوعات ٹیلیفون پر رابطہ کیا ہے،آذری ایوان صدارت کیمطابق، اس ٹیلی فون بات چیت میں دو طرفہ اقتصادی و تجارتی تعاون سمیت مشترکہ توانائی و مواصلاتی منصوبوں پر غور کیا گیا ، بات چیت میں جنوبی قفقاز علاقے کی موجودہ صورت حال سے متعلق تفصیلی تبادلہ خیال کیا گیا اور آذری۔آرمینی سرحد پر استحکام و سلامتی کی بحالی کیلیے ضروری تدابیر کی اہمیت اجاگر کی گئی،بات چیت میں روس،آذربائیجان اور آرمینیا کے درمیان سہ رکنی مطابقت کو بلا مشروط نافذ کرنے کی بھی تائید کی گئی۔

کریڈٹ: انڈیپنڈنٹ نیوز پاکستان-آئی این پی

روس کے صدر ولادی میر پیوٹن نے ترکیہ اور شام میں زلزلے کے بعد فوری اور معیاری امدادی کاروائیوں پر روسی ریسکیو سروسس کی خدمات کی تعریف کی ہے ،صدر پیوٹن نے صدارتی پیلس کریملن سے، روس وزارتِ ہنگامی حالات کو مخاطب کر کے ایک ویڈیو پیغام جاری کیا ہے،پیغام میں انہوں نے ترکیہ کے ضلع قاہرمان ماراش مرکز والے زلزلے کے بعد روس کی طرف سے، ترکیہ اور شام میں جاری امدادی کاروائیوں پر زور دیا اور کہا کہ گذشتہ ہفتے ترکیہ اور شام میں تباہ کن زلزلے کے بعد روس وزارتِ ہنگامی حالات کے اہلکارمتاثرہ مقامات پر پہنچنے والے اولین امدادی عملے میں سے تھے۔ ہمارے امدادی کارکنوں، تربیت یافتہ کتوں والی ٹیموں، ڈاکٹروں اور ماہرین نفسیات نے 24گھنٹے بغیر کسی وقفے کے کام کیا۔ ہمارے فیلڈ ہسپتال بلاتاخیر قائم کر دئیے گئے اور منظم امدادی کاروائیوں کے نتیجے میں متعدد انسانوں کی جانیں بچا لی گئیں"پیوٹن نے اس بہترین کارکردگی پر روس وزارتِ ہنگامی حالات کی ٹیموں کا شکریہ ادا کیا ہے۔

کریڈٹ: انڈیپنڈنٹ نیوز پاکستان-آئی این پی

رواں اسلامی سال تقریبا 50لاکھ غیر ملکی عازمین نے عمرہ ادا کرنے کی سعادت حاصل کی،سعودی وزارت حج اور عمرہ کی جانب سے جاری بیان کے مطابق جولائی 2022کے آخر میں شروع ہونے والے اسلامی سال کے دوران 48لاکھ غیرملکی عازمین نے عمرہ کی ادائیگی کی سعادت حاصل کی،وزارت نے مزید بتایا کہ 43لاکھ 29ہزار349عازمین طیارے کے ذریعے پہنچے۔ زمینی راستے سے 5لاکھ 7ہزار 430بذریعے سڑک جبکہ 3 ہزار985سمندری راستے سے عمرے کی ادائیگی کے لیے پہنچے،مجموعی طور پر ایک کروڑ، 3لاکھ 51ہزار731عازمین کنگ عبدالعزیز ائیرپورٹ سے مدینہ منورہ پہنچے اور مسجد نبوی ۖ اور روضہ رسول پر حاضری دی۔

کریڈٹ: انڈیپنڈنٹ نیوز پاکستان-آئی این پی

نیوزی لینڈ میں گبریئل نامی سمندری طوفان کے باعث مختلف حادثات میں ہلاک افراد کی تعداد 5ہوگئی،غیر ملکی میڈیا کے مطابق طوفانی بارشوں کے بعد آنے والے سیلاب کے باعث 9ہزار افراد بے گھر ہوگئے ہیں، متاثرہ علاقوں میں بحالی کی کوششیں جاری ہیں، کچھ شہروں میں رابطے اور رسائی کے ذرائع بدستور منقطع ہیں جب کہ لاکھوں لوگ بجلی سے بھی محروم ہیں، متاثرہ علاقوں میں ہیلی کاپٹروں کی مدد سے پانی، خوراک اور فیول آبادی تک پہنچایا جا رہا ہے،دوسری جانب محکمہ موسمیات نے نیوزی لینڈ کے مشرقی حصوں میں مزید بارشوں کا امکان ظاہرکیا ہے،حکومت کی جانب سے سمندری طوفان کی شدت کو دیکھتے ہوئے ملک میں ایمرجنسی بھی نافذ ہے۔

کریڈٹ: انڈیپنڈنٹ نیوز پاکستان-آئی این پی

امریکا، کینیڈا اور جاپان کے بعد یوکرین نے بھی اپنی فضائی حدود میں روس کے چھ غباروں کی موجودگی پر انہیں مار گرایا ہے ،غیر ملکی میڈیا کے مطابق یوکرین فضائیہ کے ترجمان نے کہا ہے کہ ہماری فضائی حدود میں چھ روسی غبارے جاسوسی کرتے پائے گئے ہیں ، ہم نے اپنے ائیر ڈیفنس سسٹم سے ان جاسوس غباروں کو مار گرایا ہے،ترجمان نے کہا کہ یہ غبارے یوکرین کے دارلحکومت کیف میں مختلف مقامات پر موجود تھے اور فضا میں منڈلا رہے تھے ، جاسوسی کے لئے غباروں کا استعمال پرانا ہو چکا لیکن روس فرسودہ نظام کا استعمال کر رہا ہے،رپورٹس میں کہا گیا ہے کہ ممکنہ طور پر غبارے کارنر ریفلیکٹرز اور جاسوسی کا سامان لے کر جا رہے تھیلیکن حکام نے یہ واضح نہیں کیا کہ وہ کب دارالحکومت کے اوپر سے اڑائے گئے،علاوہ ازیں انٹرنیشنل انسٹی ٹیوٹ فار سٹریٹیجک سٹڈیز (آئی آئی ایس ایس )کی ایک رپورٹ میں کہا گیا ہے کہ ڈرونز کی کمی کے علاوہ روس ایک سال قبل یوکرین پر حملے کے بعد سے تقریبا نصف جنگی ٹینک کھو چکا ہے لیکن ماسکو نے اپنی فضائیہ کو بڑی حد تک برقرار رکھا ہے اور وہ اسے جنگ کے اگلے مرحلے میں مزید استعمال کر سکتا ہے،دوسری جانب روسی حکام نے فوری طور پر کیف کی جانب سے گرائے جانے والے غباروں کی خبروں پر کوئی بیان نہیں جاری کیا۔

کریڈٹ: انڈیپنڈنٹ نیوز پاکستان-آئی این پی

وسطی امریکی ملک پاناما میں 60سے زائد تارکین وطن کو لے جانے والی ایک بس پہاڑی سے گر گئی جس کے نتیجے میں درجنوں تارکین وطن ہلاک جبکہ تقریبا 20زخمی ہوگئے،غیر ملکی میڈیاکے مطابق بس حادثے میں ہلاک ہونے والے تارکین وطن کی تعداد کم از کم 39ہے جبکہ حکام کی جانب سے ان کی شناخت تاحال ظاہر نہیں کی گئی، حادثے میں زخمی ہونے والے افراد کو ایمبولینسز کے ذریعے ہسپتال منتقل کر دیا گیا ، ٹوئٹر پر پاناما کے صدر لارینٹینو کورٹیزو نے اپنے ایک بیان میں کہا کہ حکومت اس حادثے میں ہلاک ہونے والوں کے اہل خانہ سے تعزیت کرتی ہے اور غیر قانونی نقل مکانی سے نمٹنے کے لیے انسانی امداد اور مناسب حالات فراہم کرنے کے لیے اپنے عزم کا اعادہ کرتی ہے،پاناما کی نیشنل امیگریشن سروس کی ڈائریکٹر سمیرا گوزائن نے کہا کہ بس بظاہر تارکین وطن کی پناہ گاہ کے داخلی راستے سے گزر گئی تھی لیکن پلٹنے کی کوشش کے دوران دوسری بس سے ٹکرا کر ایک پہاڑ سے نیچے گر گئی،بعض میڈیا رپورٹس میں دعوی کیا گیا کہ حادثے کے نتیجے میں زخمی ہونے والوں میں 5سے زائد بچے بھی شامل ہیں،واضح رہے کہ یہ کم از کم 10سالوں میں پاناما میں تارکین وطن کے ساتھ ہونے والا بدترین حادثہ ہے۔

کریڈٹ: انڈیپنڈنٹ نیوز پاکستان-آئی این پی

نارتھ اٹلانٹک ٹریٹی آرگنائزیشن (نیٹو )کے رکن ممالک یوکرین کی حمایت میں ڈٹ گئے، نیٹو ممالک کے وزرائے دفاع نے روس کو سبق سکھانے کی ٹھان لی، جنگ میں روس کی شکست کو یقینی بنانے اور یوکرین کے دفاع کو مضبوط کرنے کیلئے مزید بھاری ہتھیاروں کی فراہمی اور فوجی تربیت دینے کا اعلان کردیا،بیلجئم کے دارالحکومت برسلز میں منعقدہ اجلاس میں نیٹو ممالک کے وزرائے دفاع نے دفاعی صنعتی صلاحیت کو بڑھانے اور اپنے اسلحے اور گولہ بارود کے ذخیرے کو بھرنے کے طریقوں پر بھی بات کی اور وزرا نے خطرے سے دوچار دیگر شراکت داروں، بوسنیا، جارجیا اور مالدووا کیلئے تعاون بڑھانے پر بھی اتفاق کیا،نیٹو کے سیکرٹری جنرل اسٹولٹن برگ نے اتحادیوں کی جانب سے یوکرین کیلئے کیے گئے تعاون کے وعدوں کا خیرمقدم کیا اور یوکرین کو خوراک، ایندھن، طبی سامان، اینٹی ڈرون سسٹم، پانی اور خشکی پر باندھے جانے والا پل فراہم کرنے پر اتحادیوں کا شکریہ ادا کیا،اسٹولٹن برگ کا کہنا تھا کہ روس کے جارحانہ رویے، دہشتگردی کے مسلسل خطرے اور درپیش چیلنجز کے باعث نئی دفاعی منصوبہ بندی بنائی گئی ہے،دوسری جانب جرمنی کے وائس چانسلر رابرٹ ہیبیک نے سوئٹزرلینڈ کو یوکرین کی طرف سے استعمال کی جانے والی جرمن ساختہ طیارہ شکن توپوں کے لیے اسلحہ فراہم کرنے سے انکار کرنے پر تنقید کا نشانہ بناتے ہوئے کہا کہ ہم سوئٹزرلینڈ کے ساتھ بات چیت کر رہے ہیں، مجھے یہ بات سمجھ نہیں آرہی کہ سوئٹزرلینڈ اسلحہ فراہم کیوں نہیں کر رہا ،انہوں نے کہا کہ کچھ ممالک کے پاس اب بھی جنگی سازوسامان موجود ہے لیکن وہ تاریخی وجوہات کی بنا پر یوکرین کو فراہم کرنے سے گریزاں ہیں۔

کریڈٹ: انڈیپنڈنٹ نیوز پاکستان-آئی این پی

پولیس نے ایف نائن پارک میں خاتون سے زیادتی کے دو ملزمان کی ہلاکت کا دعوی ٰکیا ہے۔ پولیس کے مطابق اسلام آباد کے سیکٹر ڈی 12 میں ناکے پر 2 نامعلوم مسلح موٹر سائیکل سواروں نے فائرنگ کی جس کے بعد پولیس کی جوابی فائرنگ میں 2 ملزمان ہلاک ہوگئے۔ ہلاک ملزمان مبینہ طور پر ایف نائن پارک واقعہ میں ملوث تھے، پولیس گزشتہ روز ملزمان کی شناخت کرچکی تھی، ملزمان نے گرفتاری سے بچنے کے لیے فرار ہونے کی کوشش کی، ملزمان نے فرار ہوتے ہوئے ناکہ دیکھا تو فائرنگ کردی جس کے بعد پولیس کی جوابی فائرنگ میں ملزمان مارے گئے۔ پولیس ذرائع کے مطابق دونوں ملزمان کوگزشتہ روزمارگلہ پولیس نے تھانہ گولڑہ کے علاقے سے گرفتار کیا تھا، ایک ہلاک ملزم کی شناخت نواب علی اور دوسرے کی اقبال کے نام سے ہوئی، دونوں ملزمان ریکارڈ یافتہ تھے، ان کے خلاف تھانوں میں 60 سے زائد مقدمات درج تھے۔

کریڈٹ: انڈیپنڈنٹ نیوز پاکستان-آئی این پی

احتساب عدالت لاہور نے آمدن سے زائد اثاثہ جات انکوائری میں سابق وزیر اعلی پنجاب عثمان بزدار کی عبوری ضمانت 27 فروری تک منظور کرلی۔عدالت نے نیب کو 27 فروری تک گرفتاری سے روکتے ہوئے عثمان بزادر کو شامل تفتیش ہونے کا حکم دیا ہے جبکہ آئندہ سماعت پر نیب حکام سے رپورٹ طلب کرلی ہے۔ سابق وزیر اعلی پنجاب سردار عثمان بزدار نے گرفتاری کے خوف سے عبوری ضمانت جمعرات کی صبح دائر کی تھی جس میں عثمان بزدار نے موقف اپنایا کہ پہلے نیب نے کہا تھا کہ عثمان بزدار کی گرفتاری مطلوب نہیں ہے اور اب نوٹس بھیج دیا ہے۔ عثمان بزدار نے استدعا کی کہ نیب نے مجھے کال اپ نوٹس بھیج دیا ہے جس پر گرفتاری کا ڈر ہے لہذا عبوری ضمانت منظور کی جائے۔ احتساب عدالت کی ایڈمن جج عظمی اختر چغتائی نے درخواست پر سماعت کی۔ واضح رہے کہ نیب لاہور نے کرپشن سمیت دیگر الزامات میں عثمان بزدار کو آج پیش ہونے کا حکم دے رکھا تھا۔

کریڈٹ: انڈیپنڈنٹ نیوز پاکستان-آئی این پی

سپریم کورٹ نے سی سی پی او لاہور غلام محمود ڈوگر کی ٹرانسفر کیس میں الیکشن کمیشن سے تمام اداروں میں ہونے والے خطوط بازی کی تفصیلات طلب کر تے ہوئے سماعت (آج) جمعہ تک ملتوی کر دی ۔ بدھ کو دوران سماعت جسٹس اعجاز الاحسن نے ریمارکس دیے کہ سپریم کورٹ کا حکم تھا پھر بھی سی سی پی او تبدیل کیوں کیا گیا، غلام محمود ڈوگر کو ٹرانسفر کرنے کی اتنی جلدی کیا تھی؟ جس پر وکیل پنجاب حکومت نے کہا کہ الیکشن کمیشن کی اجازت سے غلام محمود ڈوگر کو دوسری مرتبہ تبدیل کیا گیا۔ جسٹس اعجاز الاحسن نے ریمارکس دیے کہ افسران کی تبدیلی میں الیکشن کمیشن کا کیا کردار ہے۔ جسٹس مظاہر علی اکبر نے کہا کہ الیکشن کمیشن کا کردار انتخابات کے اعلان ہونے کے بعد ہوتا ہے۔ ایڈیشنل ایڈوکیٹ جنرل نے موقف دیا کہ پنجاب میں کیئر ٹیکر سیٹ اپ آنے کی وجہ سے الیکشن کمیشن سے اجازت لی گئی، آئین کے مطابق کیئر ٹیکر سیٹ اپ آنے کے بعد 90 دنوں میں انتخابات ہونا ہیں۔ جسٹس اعجاز الاحسن نے ریمارکس دیے کہ تو پھر بتائیں الیکشن ہیں کہاں۔ جسٹس مظاہر علی نے ریمارکس دیے کہ آدھے پنجاب کو ٹرانسفر کر دیا ہے۔ جسٹس مظاہر علی اکبر نقوی نے ریمارکس دیے کہ کیا پنجاب میں ایسا کوئی ضلع ہے جہاں ٹرانسفر نہ ہوئی ہو۔ جسٹس اعجاز الاحسن نے ریمارکس دیے کہ کیا الیکشن کمیشن کو سپریم کورٹ کے حکم کا علم نہیں تھا؟ الیکشن کمیشن اپنے کام کے علاوہ باقی سارے کام کر رہا ہے۔ چیف الیکشن کمشنر کو طلب کیے جانے کے بعد غلام محمود ڈوگر تبادلہ کیس کی وقفے کے بعد دوبارہ سماعت ہوئی تو ججز نے استفسار کیا کہ کیا چیف الیکشن کمشنر پہنچ گئے ہیں؟ کس پر عدالتی عملے نے بتایا کہ ابھی تک سرکاری وکلا واپس آئے اور نہ چیف الیکشن کمشنر۔ جسٹس اعجاز الاحسن نے ریمارکس دیے کہ معمول کے مقدمات ختم ہوچکے اس لیے چیف الیکشن کمشنر پہنچیں تو آگاہ کیا جائے، جس کے بعد چیف الیکشن کمشنر کے پہنچنے تک سماعت ملتوی کی گئی۔چیف الیکشن کمشنر کو فوری طلب کرنے پر سلندر سلطان راجہ عدالت میں پیش ہوئے۔ عدالت عظمی نے چیف الیکشن کمیشن سے تفصیلی رپورٹ طلب کرتے ہوئے کیس کی سماعت (آج) جمعہ تک ملتوی کر دی۔

کریڈٹ: انڈیپنڈنٹ نیوز پاکستان-آئی این پی

وزیر اعظم شہباز شریف نے کہا ہے کہ ترکیہ کے نقصان کو اپنا نقصان سمجھتے ہیں ، وقت کا تقاضا ہے عالمی برادری مشکل کا شکار انسانیت کی مدد کیلئے آگے آئے،ترکیہ اور شام میں زلزلہ کے نقصانات سے نمٹنا کسی ایک حکومت کی استعداد سے کہیں زیادہ ہے۔ جمعرات کو وزیر اعظم شہباز شریف قیامت خیز زلزلے پر اظہار تعزیت اور یکجہتی کے لیے ترکیہ چلے گئے ہیں، روانگی سے قبل انہوں نے اپنی ٹوئٹ میں کہا کہ میں پاکستان کے عوام اور حکومت کی طرف سے اپنے ترک بھائیوں اور بہنوں کے ساتھ غیر متزلزل یکجہتی اور حمایت کے پیغام کے ساتھ ترکیہ جا رہا ہوں۔ وزیر اعظم نے کہا کہ دو ریاستوں میں رہنے والی ایک قوم کے جذبے کے تحت ہم ترکیہ کے نقصان کو اپنا نقصان سمجھتے ہیں۔ اپنی ایک اور ٹوئٹ میں وزیر اعظم نے مزید کہا کہ ترکیہ اور شام میں زلزلہ کے نقصانات سے نمٹنا کسی ایک حکومت کی استعداد سے کہیں زیادہ ہے۔ وزیر اعظم نے مزید کہا کہ ترکیہ اور شام میں آنے والے زلزلے کے طور پر قدرتی آفات کسی ایک حکومت کی ہینڈل کرنے کی صلاحیت سے باہر ہیں، کوئی بھی ملک خواہ کتنا ہی وسائل رکھتا ہو، اس شدت کی تباہی سے نمٹ نہیں سکتا، یہ وقت ہے کہ دنیا آگے آئے اور دکھی انسانیت کی مدد کرے۔

کریڈٹ: انڈیپنڈنٹ نیوز پاکستان-آئی این پی

اسلام آباد ہائیکورٹ نے سابق وزیر داخلہ شیخ رشید کی ضمانت منظور کرلی، عدالت نے 50 ہزار روپے کے ضمانتی مچلکوں کے عوض شیخ رشید کی رہائی کا حکم دیدیا ، جسٹس محسن اختر کیانی نے ریمارکس دیے کہ سب لوگ پارلیمانی زبان ہی استعمال کر رہے ہوتے ہیں،جو حکومت میں ہوتا ہے وہ اور زبان ہوتی ہے، اپوزیشن میں زبان بدل جاتی ہے۔ جمعرات کو اسلام آباد ہائیکورٹ میں شیخ رشید کی درخواست ضمانت پر سماعت ہوئی ،جسٹس محسن اختر کیانی نے کیس کی سماعت کی جس میں سابق وزیر کے وکیل سلمان اکرم راجا، ایڈووکیٹ جنرل اسلام آباد جہانگیر جدون اور ایس ایچ او آبپارہ عدالت میں پیش ہوئے۔ سماعت کا آغاز ہوا تو وکیل سلمان اکرم راجا روسٹرم پر آ گئے۔ اس موقع پر ایڈووکیٹ جنرل اسلام آباد جہانگیر خان جدون، ایس ایچ او آبپارہ بھی عدالت میں پیش ہوگئے۔ وکیل نے عدالت میں دلائل دیتے ہوئے کہا کہ ضمانت بعد از گرفتاری کی درخواست ہے۔ ایڈیشنل سیشن جج صاحب نے ایک الزام کی بنا پر ضمانت خارج کی۔ عدالت نے استفسار کیا کہ الزام کیا لگایا گیا ہے، جس پر وکیل نے بتایا کہ نیوز چینل پر ایک بیان دکھایا گیا جس کی بنا پر مقدمہ درج کیا گیا ۔ وکیل سلمان اکرم راجا نے عدالت میں ایف آئی آر پڑھ کر سنائی اور عدالت کو بتایا کہ شیخ رشید پر تھانہ آبپارہ میں مقدمہ درج ہے اور شیخ رشید اس وقت جوڈیشل ریمانڈ پر جیل میں قید ہیں۔ وکیل کے دلائل مکمل ہونے پر عدالت نے استفسار کیا کہ دورانِ تفتیش آپ کو کیا معلومات ملی ہیں، جس پر ایڈووکیٹ جنرل اسلام آباد نے بتایا کہ شیخ رشید اپنے بیان سے انکاری نہیں ہیں، اب بھی وہ بیان دہرا رہے ہیں۔ 8 مرتبہ رکن قومی اسمبلی بنے لیکن ایسے بیانات کی ان سے توقع نہیں کی جا سکتی۔

آپ ایسے بیانات دے دیتے ہیں تو اس کی کچھ حدود و قیود ہیں۔ ایڈووکیٹ جنرل نے عدالت میں کہا کہ آپ کہہ رہے ہیں میں سینئر ہوں اور کہہ رہے ہیں آصف زرداری نے دہشت گردوں کی خدمات حاصل کر لیں۔ جسٹس محسن اختر کیانی نے ریمارکس دیے کہ سب لوگ پارلیمانی زبان ہی استعمال کر رہے ہوتے ہیں۔جو حکومت میں ہوتا ہے وہ اور زبان ہوتی ہے، اپوزیشن میں زبان بدل جاتی ہے۔ ایڈووکیٹ جنرل نے عدالت کو بتایا کہ شیخ رشید نے وزیر داخلہ اور بلاول کو گالیاں دی ہیں جو الفاظ عدالت کے سامنے دہرا نہیں سکتا جبکہ شیخ رشید اپنے متنازع الفاظ بار بار دہرا رہے ہیں۔ آزادی اظہار رائے کا حق ہے لیکن اس کی کچھ حدود و قیود ہوتی ہیں۔ شیخ رشید کے وکیل نے کہا کہ اس میں کوئی ایسا امکان نہیں کہ یہ بیان دہرایا جائے، جس پر ایڈووکیٹ جنرل نے کہا کہ اگر تو یہ جرم نہیں دہراتے اور انڈرٹیکنگ دیتے ہیں تو عدالت دیکھ لے۔ جسٹس محسن اختر کیانی نے ریمارکس دیے کہ ہمیں پرائمری اسکول کے نصاب ہی سے تربیت شروع کرنی پڑے گی۔ بعد ازاں عدالت نے دلائل سننے کے بعد شیخ رشید کی درخواست ضمانت کے کیس کا فیصلہ محفوظ کرلیا۔ عدالت نے کچھ دیر بعد فیصلہ سناتے ہوئے عوامی مسلم لیگ کے سربراہ شیخ رشید کی ضمانت منظور کرلی۔ اسلام آباد ہائیکورٹ نے 50 ہزار روپے کے ضمانتی مچلکوں کے عوض شیخ رشید کی رہائی کا حکم جاری کیا۔

کریڈٹ: انڈیپنڈنٹ نیوز پاکستان-آئی این پی

ملک بھر میں کورونا وائرس سے ایک مریض کا انتقال ، 31کیسز رپورٹ۔قومی ادارہ صحت ( این آئی ایچ) کے مطابق 24 گھنٹوں کے دوران ملک بھر میں کورونا وائرس سے ایک مریض انتقال کرگیا ۔ قومی ادارہ صحت کی جانب سے جاری کردہ اعداد و شمار کے مطابق 24 گھنٹوں کے دوران 4 ہزار 890کورونا ٹیسٹ کئے گئے جن میں سے 31 افراد کے ٹیسٹ مثبت آئے ہیں۔ ملک بھر میں 24 گھنٹوں میں کئے گئے مثبت کورونا ٹیسٹ کی شرح 0.63 فیصد رہی ہے، مزید برآں 09 مریضوں کی حالت تشویشناک ہے۔

کریڈٹ: انڈیپنڈنٹ نیوز پاکستان-آئی این پی

کریم آباد میں نجی اسپتال کے عملے کی مبینہ غفلت ولاپروائی کے نتیجے میں نومولود کوجنم دینے والی خاتون اسٹریچر سمت لفٹ سے گرجاں بحق ہو گئی۔ گلبرگ تھانے کے علاقے کریم آباد کے قریب سیمروز اسپتال کے عملے کی مبینہ غفلت و لاپروائی کے نتیجے میں نومولود کو جنم دینے والی خاتون اسٹریچر سمیت لفٹ سے گر جاں بحق ہو گئی، خاتون کی لاش قانونی کارروائی کے لیے عباسی شہید اسپتال منتقل کی گئی جہاں متوفیہ خاتون کی شناخت سمیہ زوجہ اشعرکے نام سے کی گئی۔ متوفیہ خاتون گلستان جوہر بلاک 2 کی رہائشی اور بی ڈی ایس ڈاکٹر تھی اور گلستان جوہر میں واقع دارالصحت اسپتال میں ملازمت کرتی تھی، متوفیہ خاتون نے واقعے سے چند گھنٹے قبل ہی بچی کو جنم دیا تھا۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف رہنما اور سابق وزیر خزانہ حماد اظہر نے کہا ہے کہ جنگوں میں بھی پاکستان کی معیشت اتنی خراب نہیں ہوئی جتنی آج ہے، پی ڈی ایم کی غلط پالیسیاں ہیں، پہلے مفتاح اسماعیل پھر اسحاق ڈار نے معاشی بحران کی بنیاد رکھی، یہ لوگ عوام میں سے منتخب نہیں ہوئے اس لیے ان کو عوام کی کیا فکر۔ایک بیان میں حماد اظہر نے کہا کہ عالمی منڈی میں پٹرول اور ڈیزل کی قیمتیں کم ہوئی ہیں، جب پٹرول عالمی منڈی میں 113 ڈالر پر تھا تو پاکستان میں پٹرول کی قیمت 150 روپے تھی، آج عالمی منڈی میں پٹرول 80 ڈالر پر ہے اور پاکستان میں 272 روپے قیمت ہو گئی، 9 ماہ اور خاص طور پر 30 دن میں روپیہ ڈالر کے مقابلے میں 90 روپے قدر کھو بیٹھا ہے۔ انہوں نے کہا کہ پی ڈی ایم کی غلط پالیسیاں ہیں، پہلے مفتاح اسماعیل پھر اسحاق ڈار نے معاشی بحران کی بنیاد رکھی، یہ لوگ عوام میں سے منتخب نہیں ہوئے اس لیے ان کو عوام کی کیا فکر، ہمارے دور میں پٹرول کی قیمت 4 روپے بڑھانی تھی تو کابینہ میں ایک گھنٹہ بحث ہوئی، یہ ایک جھٹکے میں 20،30 روپے بڑھا دیتے ہیں ان کو کوئی پرواہ نہیں۔ حماد اظہر کا کہنا تھا کہ معیشت چل نہیں رہی اور ملک ڈیفالٹ کے دہانے پر کھڑا ہے، ان کا ردعمل یہ ہے کہ اعظم سواتی، شوکت ترین اور عمران خان کو گرفتار کرلو آڈیو نکال لو، ویڈیو نکال لو، ان کو نہ سیاست کی سمجھ ہے نہ معیشت اور نہ تاریخ کا علم ہے، بجلی کی قیمتوں میں اضافہ اس لیے کیا گیا کہ انہوں نے ڈالر انڈیکس معاہدے کیے تھے۔ سابق وزیر کا کہنا تھا کہ جنگوں میں بھی پاکستان کی معیشت اتنی خراب نہیں ہوئی جتنی آج ہے، اسحاق ڈار نے جو امپورٹ بند کی ابھی تو اس کے بھی اثرات آنے ہیں، ہر چیز انہوں نے عوام کی پہنچ سے دور کردی اور ان کے فلسفے سنیں۔

کریڈٹ: انڈیپنڈنٹ نیوز پاکستان-آئی این پی

اسلام آباد ہائیکورٹ نے سابق وزیر داخلہ شیخ رشید کی درخواست ضمانت پر فیصلہ محفوظ کر لیا ، جسٹس محسن اختر کیانی نے ریمارکس دیے کہ سب لوگ پارلیمانی زبان ہی استعمال کر رہے ہوتے ہیں،جو حکومت میں ہوتا ہے وہ اور زبان ہوتی ہے، اپوزیشن میں زبان بدل جاتی ہے۔ جمعرات کو اسلام آباد ہائیکورٹ میں شیخ رشید کی درخواست ضمانت پر سماعت ہوئی ،جسٹس محسن اختر کیانی نے کیس کی سماعت کی جس میں سابق وزیر کے وکیل سلمان اکرم راجا، ایڈووکیٹ جنرل اسلام آباد جہانگیر جدون اور ایس ایچ او آبپارہ عدالت میں پیش ہوئے۔ سماعت کا آغاز ہوا تو وکیل سلمان اکرم راجا روسٹرم پر آ گئے۔ اس موقع پر ایڈووکیٹ جنرل اسلام آباد جہانگیر خان جدون، ایس ایچ او آبپارہ بھی عدالت میں پیش ہوگئے۔ وکیل نے عدالت میں دلائل دیتے ہوئے کہا کہ ضمانت بعد از گرفتاری کی درخواست ہے۔ ایڈیشنل سیشن جج صاحب نے ایک الزام کی بنا پر ضمانت خارج کی۔ عدالت نے استفسار کیا کہ الزام کیا لگایا گیا ہے، جس پر وکیل نے بتایا کہ نیوز چینل پر ایک بیان دکھایا گیا جس کی بنا پر مقدمہ درج کیا گیا ۔ وکیل سلمان اکرم راجا نے عدالت میں ایف آئی آر پڑھ کر سنائی اور عدالت کو بتایا کہ شیخ رشید پر تھانہ آبپارہ میں مقدمہ درج ہے اور شیخ رشید اس وقت جوڈیشل ریمانڈ پر جیل میں قید ہیں۔

وکیل کے دلائل مکمل ہونے پر عدالت نے استفسار کیا کہ دورانِ تفتیش آپ کو کیا معلومات ملی ہیں، جس پر ایڈووکیٹ جنرل اسلام آباد نے بتایا کہ شیخ رشید اپنے بیان سے انکاری نہیں ہیں، اب بھی وہ بیان دہرا رہے ہیں۔ 8 مرتبہ رکن قومی اسمبلی بنے لیکن ایسے بیانات کی ان سے توقع نہیں کی جا سکتی۔ آپ ایسے بیانات دے دیتے ہیں تو اس کی کچھ حدود و قیود ہیں۔ ایڈووکیٹ جنرل نے عدالت میں کہا کہ آپ کہہ رہے ہیں میں سینئر ہوں اور کہہ رہے ہیں آصف زرداری نے دہشت گردوں کی خدمات حاصل کر لیں۔ جسٹس محسن اختر کیانی نے ریمارکس دیے کہ سب لوگ پارلیمانی زبان ہی استعمال کر رہے ہوتے ہیں۔جو حکومت میں ہوتا ہے وہ اور زبان ہوتی ہے، اپوزیشن میں زبان بدل جاتی ہے۔ ایڈووکیٹ جنرل نے عدالت کو بتایا کہ شیخ رشید نے وزیر داخلہ اور بلاول کو گالیاں دی ہیں جو الفاظ عدالت کے سامنے دہرا نہیں سکتا جبکہ شیخ رشید اپنے متنازع الفاظ بار بار دہرا رہے ہیں۔ آزادی اظہار رائے کا حق ہے لیکن اس کی کچھ حدود و قیود ہوتی ہیں۔ شیخ رشید کے وکیل نے کہا کہ اس میں کوئی ایسا امکان نہیں کہ یہ بیان دہرایا جائے، جس پر ایڈووکیٹ جنرل نے کہا کہ اگر تو یہ جرم نہیں دہراتے اور انڈرٹیکنگ دیتے ہیں تو عدالت دیکھ لے۔ جسٹس محسن اختر کیانی نے ریمارکس دیے کہ ہمیں پرائمری اسکول کے نصاب ہی سے تربیت شروع کرنی پڑے گی۔ بعد ازاں عدالت نے دلائل سننے کے بعد شیخ رشید کی درخواست ضمانت کے کیس کا فیصلہ محفوظ کرلیا۔

کریڈٹ: انڈیپنڈنٹ نیوز پاکستان-آئی این پی

امریکی محکمہ خارجہ کے ترجمان نیڈ پرائس نے کہا ہے کہ پہلے بھی کہہ چکے ہیں رجیم چینج سے متعلق امریکا پر الزامات میں کوئی حقیقت نہیں ہے۔، پاکستان میں بلیم گیم سے متعلق تبصرہ نہیں کرنا چاہتے جمہوری اور خوشحال پاکستان امریکہ کے مفادات کیلئے اہم ہے، پاکستان کے ساتھ سیکیورٹی تعلقات ہمارے لیے اہم ہیں، پروپیگنڈا اور غلط معلومات کو تعلقات میں رکاوٹ نہیں بننے دیں گے ، ہم پاکستان میں کسی ایک سیاسی امیدوار یا جماعت کو دوسروں پر ترجیح نہیں دیتے،ہم پرامن جمہوری اور آئینی اصولوں کی حمایت کرتے ہیں۔ واشنگٹن میں نیوز بریفنگ کے دوران ترجمان نے کہا کہ ہم پاکستان میں کسی سیاسی رہنما اور جماعت کو کسی دوسرے پر فوقیت نہیں دیتے، پروپیگنڈا اور غلط معلومات کو تعلقات میں رکاوٹ نہیں بننے دیں گے، پاکستان میں کسی بھی سیاسی رہنما اور جماعت کے ساتھ بات کرنے کے لئے تیار ہیں۔ ترجمان محکمہ خارجہ کا کہنا ہے کہ پاکستان ، امریکا کا قابل اعتماد شراکت دار ہے اور پاکستان کیلئے موجود خطرات ہمارے لیے بھی خطرہ ہیں، پاکستان کے ساتھ سکیورٹی تعلقات ہمارے لیے اہم ہیں اور جمہوری اور خوشحال پاکستان ہمارے مفادات میں ہے۔ ان کا کہنا تھا کہ امریکا بھارت میں برٹش براڈ کاسٹنگ کارپوریشن کے دفاتر پر چھاپے سے آگاہ ہے، دنیا بھر میں آزادی صحافت کی حمایت کرتے ہیں۔

کریڈٹ: انڈیپنڈنٹ نیوز پاکستان-آئی این پی

چیچہ وطنی کے قریب کوئٹہ سے پشاور جانے والی جعفر ایکسپریس میں خوفناک دھماکے کے نتیجے میں دوافراد جاں بحق جبکہ متعدد زخمی ہو گئے ۔ جعفر ایکسپریس میں دھماکہ بوگی نمبر چار کے واش روم میں ہوا ، بوگی نمبر چار میں 14 تبلیغی جماعت کے لوگ موجود تھے ، دھماکے کی طلاع ملنے پر پولیس ، ریسکیو 1122 اور دیگر ادارے موقع پر پہنچ گئے، ابتدائی اطلاعات کے مطابق گیس لیکج کے باعث یکدم دھماکہ ہوگیا۔ مسافروں کا کہنا ہے کہ ٹرین میں دھماکہ میاں چنوں سے نکلتے ہی ہوا تھا، مسافر ایمرجنسی چین کھینچتے رہے مگرعملے نے دھیان نہیں دیا۔ واقعے میں جاں بحق اور زخمیوں کو ہسپتال منتقل کر دیا گیا ہے۔ پولیس نے موقع پر پہنچ کر تحقیقات شروع کردی جبکہ دھماکے کی نوعیت معلوم کی جارہی ہے۔ دوسری جانب نگران وزیراعلی پنجاب محسن نقوی نے واقعے کا نوٹس لے لیا ، نگران وزیراعلی نے انسپکٹر جنرل پولیس سے رپورٹ طلب کرتے ہوئے واقعہ کی تحقیقات کا حکم دے دیا ۔ نگران وزیراعلی پنجاب نے ساہیوال کے کمشنر، آر پی او، ڈپٹی کمشنر اور ڈی پی او کو فی الفور جائے وقوعہ پر پہنچنے اور زخمیو ں کو علاج معالجے کی بہترین سہولتیں فراہم کرنے کی ہدایت کردی ۔

کریڈٹ: انڈیپنڈنٹ نیوز پاکستان-آئی این پی

پٹرولیم مصنوعات کی قیمتوں میں ہوشربا اضافے کے حکومتی فیصلے کو لاہور ہائیکورٹ میں چیلنج کر دیا گیا۔ لاہور ہائیکورٹ میں درخواست شہری منیر احمد نے اظہر صدیق کی وساطت سے دائر کی گئی ہے، جس میں وزارت پٹرولیم اور اوگرا سمیت دیگر کو فریق بنایا گیا۔ درخواست میں کہا گیا ہے کہ پٹرولیم مصنوعات کی قیمتوں میں اضافہ غیر قانونی ہے، عدالت پٹرولیم مصنوعات کی قیمتوں میں اضافہ کالعدم قرار دے۔ خیال رہے کہ حکومت نے پٹرولیم مصنوعات کی قیمتوں میں اضافہ کر دیا ہے جس کے بعد فی لٹر پٹرول کی نئی قیمت 272 روپے، ہائی سپیڈ ڈیزل 280 روپے لٹر اور لائٹ سپیڈ ڈیزل فی لٹر 196 روپے 68 پیسے کا ہو گیا ہے۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کے رہنما فواد چودھری نے منی بجٹ اور پٹرول کی قیمت بڑھنے پر عوام کو باہر نکلنے کا مشورہ د یتے ہوئے کہا ہے کہ دن میں 170ارب کے ٹیکس لگائے اور رات میں پٹرول کی قیمتیں بڑھا کر شب خون مارا گیا، مڈل اور لوئر مڈل کلاس کے لوگ غربت کی لکیر سے نیچے چلے گئے، جب تک پاکستان کے لوگ نہیں نکلیں گے یہ ظلم ہوتا رہے گا۔ منی بجٹ پر رد عمل دیتے ہوئے فواد چودھری نے کہا کہ اسحاق ڈار کے کون سے بچے پاکستان میں ہیں جس کی وہ فکر کرے، حکومت کی ساری توجہ اس پر ہے کہ کس طرح عمران خان کو جیل بھیجنا ہے۔ فواد چودھری نے مزید کہا ہے کہ عوام پر مہنگائی کا بوجھ بڑھا دیا گیا، اگر ہم احتجاج نہیں کرتے تو اس کا مطلب ہے کہ جو ہورہا ہے ہم اسی کے لائق ہیں، یہ سب کچھ ہرگز برداشت نہیں کرنا چاہیے اس کے خلاف نکلنا چاہیے۔

کریڈٹ: انڈیپنڈنٹ نیوز پاکستان-آئی این پی

پاکستان ڈیموکریٹک موومنٹ(پی ڈی ایم ) کے ترجمان حافظ حمد اللہ نے کہا ہے کہ سابق وزیراعظم عمران خان کیلئے عدلیہ کی دریا دلی پر رشک آتا ہے۔ اپنے ایک بیان میں ترجمان پی ڈی ایم حافظ حمداللہ نے کہا کہ نہ عمران خان مسلط ہوتا نہ آئی ایم ایف آتا، نہ عمران خان معاہدہ توڑتا نہ آج منی بجٹ آتا، منی بجٹ کا نام عمران بجٹ رکھا جائے، عمران کا فیض آئی ایم ایف، معیشت اور مہنگائی کی تباہی لایا۔ انہوں نے کہا کہ عمران خان کے فیض کے چرچے لندن میں بھی جاری ہیں، شہباز شریف کے خلاف ڈیلی میل میں جھوٹی خبر شائع کروانے والے کے بارے میں ڈیلی میل میں سچی خبر شائع ہوئی ہے لیکن آرٹیکل 62 اور 63 پر مکمل خاموشی طاری ہے، کیا آئین کی یہ دو شقیں معطل ہو چکی ہیں؟، یا آئین کا حصہ نہیں رہیں؟۔ حافظ حمداللہ کا مزید کہنا تھا کہ جیل جانے کی باری آئی تو بزرگی اور بیماری یاد آگئی، جیب بھرنے کیلئے کپتان اور جیل بھرنے کیلئے عوام؟، عمران خان بزرگ ہے نہ بیمار ہے، وہ صرف فنکار ہے۔

کریڈٹ: انڈیپنڈنٹ نیوز پاکستان-آئی این پی

وزیراعظم شہباز شریف وفاقی وزرا کے ہمراہ 2 روزہ دورے پر ترکیہ چلے گئے،وزیراعظم پاکستان حالیہ زلزلے کے باعث ہونے والے جانی و مالی نقصانات پر ترکیہ سے اظہار یکجہتی کریں گے۔ وزیراعظم ترک عوام کے ساتھ خصوصی یکجہتی اور تعاون کے جذبے کے ساتھ دورہ کر رہے ہیں، وزیراعظم انقرہ میں ترک صدر رجب طیب اردوان کے ساتھ ملاقات میں زلزلے سے جانی نقصان اور تباہی پر اظہار افسوس اور ترکیہ کے عوام کے ساتھ کھڑے رہنے کے عزم کا اظہار کریں گے۔ وزیراعظم جنوبی ترکی میں زلزلے سے متاثرہ علاقوں کا دورہ بھی کریں گے، وزیراعظم شہباز شریف پاکستانی ریسکیو ٹیموں اور زلزلہ سے بچ جانیوالے افراد سے گفتگو کریں گے۔ خیال رہے کہ ترکیہ میں خوفناک زلزلے کے فوری بعد وزیراعظم شہباز شریف کے دورہ ترکیہ کا اعلان کیا گیا تھا تاہم بعد میں یہ دورہ منسوخ کر دیا گیا۔ وزیراعظم شہباز شریف نے ترکیہ میں زلزلہ کے فوری بعد 6 فروری کو ترک صدر سے بات کی تھی جس میں انہوں نے ریسکیو اور بحالی کیلئے ہر قسم کی مدد کا یقین دلایا تھا۔

کریڈٹ: انڈیپنڈنٹ نیوز پاکستان-آئی این پی

Saudi Arabia Greatning humanitarian bridges globally.

The INTERNATIONAL HUMANITARIAN FORUM adresses

humanitarian challenges and seeks innovative practical solutions.

ليس جديداً ما تقدمه المملكة في مجال العمل الإنساني على المستوى الإسلامي الدولي، كون الشراكة مع الإنسان أضحت علاقة راسخة ومسؤولية إنسانية لا تخضع لأي نوع من أنواع التمييز

أو الأجندات أو المؤثرات السياسية وتميز العمل الإنساني السعودي في المرحلة الحالية بالعمل المؤسساتي المحوكم والتطوير في آلية العمل لتحقيق أهداف إنسانية ثابتة.

وشاءت الأقدار أن يتزامن عقد مركز الملك سلمان للإغاثة والأعمال الإنسانية منتدى الرياض الدولي الإنساني الأسبوع القادم (20-21) فبراير في الرياض؛ مع تعظيمها لحراكها الإنساني السريع لدعم الشعب السوري والتركي أثر الزلزال المدمر الذي ضرب عددا من المدن، والذي فتح فصلاً جديداً من الدعم السعودي الإنساني للدول العربية والإسلامية والدول حول العالم دون أي أجندة دينية أو سياسية أو أي الاعتبارات أو الأغراض السياسية أو العرقية أو غيره.

مشاركة نخبوية

المنتدى الإنساني الذي يعقد بمشاركة نخبة من القادة والمانحين والعاملين والباحثين في مجال العمل الإنساني وغيرهم من المهتمين لتعزيز الحوار حول الإطار التشريعي والمعرفي والممارسات الميدانية للعمل الإنساني والتحديات المرتبطة بها لإيجاد حلول عملية مبتكرة وفقاً لمبادئ ومعايير العمل الإنساني والمساهمة في تحقيق أهداف التنمية المستدامة، وسيقرأ بموضوعية هذه الجهود وحجم الدعم الإنساني والجسور الإنسانية السعودية العابرة للحدود مهما كانت طبيعة هذه الحدود، مسلطا الضوء الدور المسؤول الذي تقوم به المملكة تجاه الإنسان في أي مكان، بلا منّ، ترجمة لما تؤمن به من قيم إنسانية وانطلاقاً من مبدأ ردف الأعمال بعد الأقوال، مبتعدة عن الشعارات الزائفة لا تقدم تعليماً، ولا تعالج مريضا، ولا تطعم جائعاً، ولا تعالج مشكلات الفقر والبيئة والتشرد، العمل والإنجازات التنموية هو الطريق الذي تسلكه المملكة في الماضي والحاضر والمستقبل.

تدابير فعالة

منتدى الرياض الدولي الإنساني الثالث يعد الأكبر من نوعه في العالم، بالشراكة مع منظمة الأمم المتحدة ومنظماتها الإنسانية، لمواكبة أحدث التطورات ذات الصلة بالعمل الإنساني والإغاثي واستحداث تدابير عملية وفعالة تراعي الاحتياجات المتغيرة على أرض الواقع، كما يوفر على مدى يومين منصة مثالية تجمع بين المختصين وكبار صناع القرار من جميع أطياف المجتمع الإنساني الدولي، ويشارك فيه ممثلون رفيعو المستوى للهيئات والمؤسسات الأممية والعالمية.

حوكمة العمل

ويحرص مركز الملك سلمان للإغاثة التجديد في آلية تقديم الأعمال الإنسانية والإغاثية خصوصا إن المركز هو الذراع الإنسانية والجهة الوحيدة المخولة لتسلم المساعدات النقدية والعينية من الداخل وتسليمها للفئات المحتاجة في الخارج، والإشراف على الأعمال الخيرية السعودية الخارجية، وتنظيمها والترخيص للمؤسسات الخيرية المحلية للعمل بالخارج، ووضع حوكمة للعمل الإنساني بما يضمن منع استخدام الأموال الخيرية لغير الأغراض المخصصة لها، فضلاً عن الرقابة والتقييم للأعمال الإنسانية والمشاركة في البحوث والدراسات بهذا الشأن.

جلسات علمية

وسيطرح المنتدى عبر جلسات علمية متخصصة والفعاليات المصاحبة عدة محاور مهمة تتعلق بتطور الاحتياجات الإنسانية وطرق الاستجابة لها، وجمع البيانات وتحليلها لدعم العمل الإنساني، والعمل الاستباقي وتعزيز المرونة في المجتمعات المحلية، وأساليب تحقيق أهداف التنمية المستدامة من خلال تفعيل النهج الترابطي بين العمل الإنساني والتنمية والسلام، وتغير المناخ وعلاقته بالعمل الإنساني بهدف تعزيز الحوار وقنوات الاتصال بين القادة والمانحين والعاملين والباحثين وتبادل الخبرات والأفكار والممارسات الفضلى لتطوير العمل الإنساني، وتفعيل النهج الترابطي بين العمل الإنساني والتنمية والسلام لضمان تحقيق الاستدامة والتنمية الشاملة، إضافةً إلى تطويع التقنية والتحول الرقمي لخدمة العمل الإنساني، وطرح أبرز الفرص والتحديات في العمل الإنساني لتطوير حلول مبتكرة ومستدامة وفاعلة للاستجابة الإنسانية، وتشجيع وإشراك الشباب في العمل التطوعي والمساهمة في العمل الإنساني.

إغاثة المنكوبين

ويعد مركز الملك سلمان للإغاثة والأعمال الإنسانية إحدى المؤسسات المتميزة الفاعلة التي تمد جسور الدعم للمحتاجين وإغاثة المنكوبين في أي مكان في العالم، وفق أهدافها الإنسانية، بآلية رصد دقيقة وطرق نقل متطورة وسريعة تتم من خلال الاستعانة بمنظمات الأمم المتحدة والمنظمات غير الربحية الدولية والمحلية في الدول المستفيدة ذات الموثوقية العالمية.

وبلغت مشروعات المركز الإنسانية والإغاثية 2233 مشروعاً في 87 دولة بالتعاون مع 175 شريكاً دولياً وإقليمياً ومحلياً بقيمة تجاوزت 6 مليارات دولار.

وسيناقش القادة على مدى يومين تعزيز الحوار وقنوات الاتصال بين القادة والمانحين والعاملين والباحثين وتبادل الخبرات والأفكار والممارسات الفضلى لتطوير العمل الإنساني وتفعيل النهج الترابطي بين العمل الإنساني والتنمية والسلام لضمان تحقيق الاستدامة والتنمية الشاملة وتطويع التقنية والتحول الرقمي لخدمة العمل الإنساني وطرح أبرز الفرص والتحديات في العمل الإنساني بهدف تطوير حلول مبتكرة ومستدامة وفاعلة للاستجابة الإنسانية وتسريع تحقيق أهداف التنمية المستدامة (SDGs) في السياق الإنساني واستشراف وتطوير العمل الإنساني من خلال البحث العلمي وحوكمة جودة البيانات بما في ذل كالدراسات القائمة على الممارسات المبنية على الأدلة والبراهين وتشجيع وإشراك الشباب في العمل التطوعي والمساهمة في العمل الإنساني.

وستتيح الجلسات العلمية إجراء الحوارات التي تستند إلى شواهد علمية، وتعرض أفضل الممارسات ونتائج الأبحاث العالمية في سياق العمل الإنساني.

مخرجات متوقعة

ومن المتوقع أن تخلص المخرجات الرئيسية للجلسات العلمية في تعزيز دور البحث العلمي في القطاع الإنساني وعرض الاتجاهات الحديثة في البحوث والدراسات وأفضل الممارسات لدعم اتخاذ القرار في الاستجابة للاحتياجات الإنسانية وتشجيع الجهات العاملة في المجال الإنساني على تبني حلول إنسانية مبتكرة مبنية على البحث العلمي.

نموذج يقتدى به

وأضحت المملكة في عملها الإنساني نموذجا يقتدى بها وتعتبر نبراسا ومعلما في مبادراتها الإنسانية حيث أصبحت المملكة رائدة في مجال العمل الخيري والإنساني على مستوى العالم في العديد من المبادرات الإنسانية والمساعدات من منطلق إيمانها بأهمية الدور الإنساني والتنموي الفاعل الذي تقوم به تجاه الدول المحتاجة والمتضررة، لتجعل من البعد الإنساني نهجًا ثابتًا في سياستها لإغاثة المجتمعات التي تُعاني من الكوارث بهدف مساعدتها ورفع معاناتها لتعيش حياة كريمة.

رؤية 2030

واعطت رؤية 2030 الجانب الإنساني اتساقا الجانب المادي مع الجوانب المعنوية حيث أصبح العمل الإغاثي والإنساني السعودي نبراساً عالمياً يُحتذى، وعَلماً بارزاً يُقتدى به، وأصبحت المملكة رائدة في هذا المجال على الصعيد الدولي، نظير جهودها الكبيرة التي غطت مشارق الأرض ومغاربها، وشهد لها القاصي والداني، واضعة نصب عينيها حياة الإنسان وكرامته وصحته أياً كان، وأينما كان، وذلك عبر برامج احترافية تخضع لمعايير فنية مُحكمة.

حملة تبرعات

وفي الأزمات تظهر معادن الرجال تواصل الإقبال اللافت على حملة تبرعات شعبية والتي تعتبر الاولى في العالم لإغاثة سورية وتركيا، من كارثة الزلزال وتجاوزت التبرعات لمئات الملايين إلى جانب استمرار وصول العشرات من الطائرات من خلال الجسر الجوي لإغاثة المنكوبين في سوريا وتركيا جراء الزلزال، محملة بالإغاثة الصحية والغذائية.

فالسعودية لا تتحرك على صعيد الأعمال الإنسانية والإغاثة منتظرة أي جهة، أو أي طلب، أو أي مبادرة، فالدافع الإنساني لدى القيادة السعودية يبقى هو المحفز الأول، وبأعمالها الناتجة عنه لا تنظر أبدا إلى الوراء، بل عينها إلى الأمام، إلى النتائج المثمرة، المتمثلة في إنقاذ إنسان أيا كان عرقه ودينه وانتماؤه. فالإنسانية في المملكة لا تتجزأ ولا تتلون، وهي شاملة كل ما يختص بالإنسان واحتياجاته، خصوصا في أوقات الأزمات والكوارث والمصائب. ولأن الأمر كذلك، تتصدر جهود السعودية في أعمال الإنقاذ والإغاثة المشهد العام.

نجاة الأبرياء

جهود مدعومة من قيادة، وضعت هدفا واحدا فقط، أن تسهم في نجاة الأبرياء، وأن تضمد جراح المصابين، عندما تحل الكارثة ويدخل ضمن إطار المفهوم العام للعمل الإنساني، الذي يستند إلى حقيقة واحدة عن القيادة، هي أن حياة الإنسان "أي إنسان" أغلى من كل شيء، وأن الواجب يحتم صونها وحمايتها وتوفير كل ما يحفظ كرامتها في أوقات المحن وأزمنة الانفراجات والاستقرار. وهذا الجسر المتجه نحو سوريا وتركيا هو واحد من جسور إنسانية مشابهة شيدتها السعودية في التاريخ خلال تعاطيها مع كوارث طبيعية مشابهة. إنها وجدت لتكون جاهزة عندما تحتاج البشرية إليها، وعندما يكون الهدف صون الإنسانية ككل. وجسور وأعمال الإغاثة السعودية لا تستند فقط إلى آليات العمل الضرورية، والإمكانات المتوافرة، بل أيضا إلى تلمس القيادة العليا احتياجات الضحايا والأبرياء الذين وقعت عليهم الكارثة.

تحرك شامل

وهذا الاهتمام لا يختص ببلد ولا بمنطقة ولا بهوية معينة كونه تحرك شامل كل جانب إنساني بصرف النظر عن أي اعتبارات. ولهذا، لم تربط المملكة أيا من أعمالها الإنسانية في وقت الأزمات وغيرها بأجندة سياسية، لأن ذلك يتضارب في الواقع مع مفهومها لحماية الإنسان وصون كرامته وحفظ حياته. وفي هذه الظروف وجدنا دولا لا تنفك عن ربط جهودها التي يفترض أنها إنسانية بأجندات سياسية داعمة لها. إنها شكل آخر من أشكال الاتجار بالإنسانية.

فرعاية الإنسانية ليست كلمة تقال ويتم تسويقها على مدار الساعة، بل هي عمل مباشر يتعاطى مع الحالة بأبعادها البشرية فقط. فالسعودية التي تمد جسور العون والإغاثة والإنقاذ وحماية الإنسان، تمتلك كل الأدوات اللازمة لذلك، سواء من الجوانب الأخلاقية أو العملية المباشرة، فضلا عن تناغم السعوديين مع قيادتهم في العمل الإنساني عموما، وفي الأزمات خصوصا. فالمجتمع السعودي أظهر في الأزمة التي تواجهها سورية وتركيا معدنه الأصيل المعروف، الذي أظهره دائما في السابق في مثل هذه الحالات، عبر حملات التبرع الناجحة المستندة إلى مشاعر ومحفزات العطاء. وهبة المجتمع السعودي لدعم المتضررين أكبر دليل على ذلك.

قدرات السعوديين

وأظهرت التجارب مدى القدرات التي تتمتع بها فرق الانقاذ السعودية الى جانب فرق مركز الملك سلمان للإغاثة والأعمال الإنسانية في القيام بمهامها ومبادراتها وأعماله بأعلى معايير الجودة. فالجاهزية حاضرة دائما عندما يتطلب الأمر التحرك والتعامل الفوري مع الأحداث الكبيرة بصرف النظر عن طبيعتها. إنها عملية متكاملة للقيادة وشعبها ومؤسساتها، كما أنها جزء أصيل من الأخلاقيات على كل المستويات. وتبقى قاعدة المملكة الدائمة في هذا الميدان مستندة فقط إلى أن العمل الإنساني والإغاثي لا دخل له بأي اعتبارات أخرى.

لقد شاهدنا الطواقم والآليات وفرق الإنقاذ التابعة لمديرية الدفاع المدني، وهي تباشر العمل في مدينة غازي عينتاب التركية المتضررة بالزلزال وهو مصدر فخر للشعب السعودي. وفي ظل الأزمات والكوارث التي تمر على عالمنا من حين لآخر، تظهر المملكة برداء الإغاثة والشقيق الأكبر مع كافة الدول المتضررة والتي تعاني جراء تعرضها للأزمات، فتكون المملكة بقيادتها الرشيدة من أوائل الدول التي تمد يد العون من أجل تجاوز الأزمات وإنقاذ ملايين البشر من خطر الموت أو الضياع كون المملكة هي الأخ الأكبر وقت الأزمات على مدار السنين، ضربت المملكة مثالا رائعًا يحتذى في تقديم يد العون للدول المتضررة من الكوارث والأزمات الإنسانية؛ حيث تقدم المملكة المساعدات دون النظر لأي عوامل أخرى وهدفها إنقاذ حياة الإنسان.

رسخت المملكة مكانتها العالمية وحضورها القوي في العمل الإنساني والتطوعي وتقديم المساعدات الإنسانية على مستوى العالم، التي تتضح عبر ما تقدمه من برامج إغاثية مالية ومادية بسواعد وطنية في مناطق الكوارث والحروب والصراعات، من خلال ذراعها الإنساني مركز الملك سلمان للإغاثة والأعمال الإنسانية الذي يمثل قيمة إنسانية وإغاثية في العالم أجمع.

کریڈٹ: انڈیپنڈنٹ نیوز پاکستان-آئی این پی

موغادیشو(شِنہوا)صومالیہ کےجنوبی اوروسطی علاقوں میں صومالی نیشنل آرمی(ایس این اے) اور علاقائی فورسز کی طرف سے ایک ہفتے تک جاری رہنے والے آپریشن کے دوران الشباب کے 200 سے زائد عسکریت پسند مارے گئے۔

صومالیہ کے وزیراطلاعات داؤد اویس جاما نے صومالیہ کے دارالحکومت موغادیشو میں ایک بریفنگ میں بتایا کہ القاعدہ سے منسلک عسکریت پسندوں پر تازہ ترین حملے میں بڑے پیمانے پرجانی نقصانات کا بدلہ لیا گیا۔

انہوں نے کہا کہ فوجیوں نے گالمودوگ، ہرشابیلے، جنوب مغربی اور جوبالینڈ ریاستوں کےعلاقوں میں عسکریت پسندوں پر حملے تیز کر دیے ہیں۔

جاما نے بتایا کہ آپریشن کے دوران مزید عسکریت پسندوں نے ہتھیار ڈال دیے، جن میں ایک الشباب کمانڈر اور بم بنانے کا ماہر بھی شامل ہے۔

غزہ شہر میں فلسطینی بچےاسرائیلی فضائی حملے سے تباہ ہونے والے اپنے مکان کے ملبے پر بیٹھے ہیں۔(شِنہوا)

رم اللہ(شِنہوا)فلسطین لبریشن آرگنائزیشن(پی ایل او)نےاسرائیلی حکومت کی طرف سے مغربی کنارے میں بستیوں کی توسیع کو روکنے کے بین الاقوامی مطالبات کا خیر مقدم کیا ہے۔

پی ایل او کی ایگزیکٹو کمیٹی کے سیکرٹری جنرل حسین الشیخ نے ایک پریس بیان میں کہا کہ پی ایل اومغربی کنارے میں نو بستیوں کو قانونی حیثیت دینے سے متعلق امریکہ، برطانیہ، جرمنی، فرانس اور اٹلی کی طرف سے اسرائیلی حکومت کے حالیہ فیصلوں کے بارے میں جاری کردہ بیان کا خیرمقدم کرتا ہے۔ 

 الشیخ نے ان ممالک سے مطالبہ کیا کہ وہ اپنے ان الفاظ کوعملی جامہ پہنائیں اوربین الاقوامی برادری کو آمادہ کریں کہ وہ اسرائیل کو فلسطینی عوام کے خلاف اپنی جارحیت اور یکطرفہ اقدامات روکنے پر مجبور کرے۔

اس سے پہلے پانچ ممالک کے وزرائےخارجہ نےاسرائیلی حکومت کی طرف سے بستیوں میں ہزاروں نئے گھر بنانے اور نو چوکیوں کو قانونی حیثیت دینے کے فیصلے پر تشویش کا اظہار کیا تھا۔

اسرائیلی حکومت نے بین الاقوامی تنقید کو مسترد کرتے ہوئے ہزاروں نئے  گھربنانے اور غیر مجاز چوکیوں کو قانونی حیثیت دینے کے عزم کا اظہار کیا۔

اقوام متحدہ(شِنہوا) چین نے بین الاقوامی برادری سےعالمی حدت میں کمی کے لیے بھرپور کوششوں اورسطح سمندر میں تیزی سے اضافے کے رجحان کو روکنے کے لیے تمام ضروری اقدامات اٹھانے کا مطالبہ کیا ہے۔

اس بات کا ذکر کرتے ہوئے کہ موسمیاتی تبدیلی سمندروں کی سطح میں اضافے کی بنیادی وجہ ہے، اقوام متحدہ میں چین کے مستقل نمائندے ژانگ جون نے بین الاقوامی برادری پر زور دیا کہ وہ  اس چیز کا بلا تاخیر احساس پیدا کرے، تمام ضروری اقدامات  اٹھانے کے موقع سے فائدہ اٹھائے اور آب و ہوا کی تبدیلی کو انسانیت کے لیے ناقابل واپسی تباہی کا سبب بننے سے روکے۔

"سمندر کی سطح میں اضافہ: بین الاقوامی امن وسلامتی کے لیے مضمرات" کے موضوع پر سلامتی کونسل میں ہونے والی بحث  میں حصہ لیتے ہوئے ژانگ نے کہا کہ  "پیرس معاہدے میں درجہ حرارت کی حد کے حصول کے لیےترقی یافتہ ممالک کوکاربن اخراج کو مزید کم کرنے میں سب سے آگے ہونا چاہیے۔

 تاہم، انہوں نے کہا کہ گزشتہ سال سے، کچھ ترقی یافتہ ممالک کی توانائی پالیسیوں کو پسپائی کا سامنا کرنا پڑاہے اور ان کی فوسل فیول کھپت اور کاربن اخراج میں کمی کے بجائے اضافہ ہوا ہے، جس سے عالمی سطح پر اخراج میں کمی کا امکان پہلے سے بھی زیادہ خطرناک ہو گیا ہے۔