بھارتی ریاست اترپردیش کے شہر کانپور میں خاوند نے بیوی سے گھر دیر سے آنے کی وجہ پوچھی تو اس نے شوہر کے چہرے پر تیزاب پھینک ڈالا۔ میڈیا رپورٹس کے مطابق ڈبو نامی شخص نے پولیس کو ابتدائی بیان ریکارڈ کروایا جس میں اس نے بتایا کہ واقعہ ہفتے کی شب اس وقت پیش آیا جب اس نے اپنی اہلیہ پونم سے گھر دیر سے آنے کی وجہ پوچھی۔ ڈبو کے مطابق ہمارا جھگڑا اسی بات پر شروع ہوا کہ وہ گھر دیر سے آئی تھی، لڑائی کرتے ہوئے پونم نے باتھ روم سے تیزاب اٹھایا اور اس کے منہ پر پھینک دیا۔ رپورٹس کے مطابق ڈبو اسپتال میں زیر علاج ہے جس کا چہرہ بری طرح متاثرہے۔ پولیس کے مطابق ملزمہ پونم کو گرفتار کرلیا گیا ہے جب کہ واقعہ کی مزید تحقیقات جاری ہیں۔

کریڈٹ: انڈیپنڈنٹ نیوز پاکستان-آئی این پی

برطانوی وزیراعظم رشی سونک نے اپنی ہی کنزرویٹیو پارٹی کے چیئرمین ندیم زوہاوی کو ٹیکس فراڈ میں ملوث پائے جانے پر برطرف کردیا۔ غیر ملکی میڈیا کے مطابق برطانوی وزیراعظم رشی سونک نے ٹیکس فراڈ میں ملوث پائے جانے پر کنزرویٹیو پارٹی کے چیئرمین ندیم زہاوی کو عہدے سے برطرف کردیا ہے ، ندیم زہاوی کو ان کے ٹیکس کے معاملے میں ایک آزادانہ تحقیقات میں سامنے آنے والی سنگین خلاف ورزی پر ہٹایا گیا ہے ۔ برطانوی وزیراعظم نے اس سلسلے میں ندیم زہاوی کو ایک خط میں کہا ہے کہ ایک آزادانہ تحقیقات کے نتائج ہمارے سامنے رکھے گئے ، جس میں یہ بات واضح ہے کہ ٹیکس معاملات میں منسٹیریل کوڈ کی سنگین خلاف ورزی ہوئی ہے جس کے نتیجے میں، میں آپ کو یہ اطلاع دیتا ہوں کہ آپ حکومت کی طرف سے پارٹی پوزیشن سے برطرف ہیں۔ برطانوی وزیراعظم نے اپنے فیصلے کی وضاحت کرتے ہوئے کہا کہ انہوں نے یہ عہد کیا تھا کہ جس حکومت کی وہ قیادت کر رہے ہیں، اس میں دیانتداری، پیشہ ورانہ مہارت اور ہر سطح پر جوابدہی ہوگی۔ کنزرویٹیو پارٹی کے ٹیکس معاملے کی تحقیقات کرنے والے ایڈوائزرکا کہنا ہیکہ تحقیقات میں یہ بات سامنے آئی کہ ندیم زہاوی معاملات کو غلط انداز میں پیش کرتے رہے ہیں ۔

کریڈٹ: انڈیپنڈنٹ نیوز پاکستان-آئی این پی

سابق برطانوی وزیر اعظم بورس جانسن نے انکشاف کیا ہے کہ یوکرین پر روس کے حملے سے قبل روسی صدر ولادی میر پیوٹن نے انہیں ایک غیر معمولی فون کال میں میزائل حملے کی دھمکی دی تھی۔ رپورٹ کے مطابق غیر ملکی خبر رساں ادارے کی دستاویز پیوٹن بمقابلہ مغرب میں عالمی رہنماں کے ساتھ روسی صدر پیوٹن کی بات چیت کا جائزہ لیا گیا ہے جس میں سابق برطانوی وزیر اعظم بورس جانسن کی گفتگو کو بھی شامل کیا گیا ہے۔ بورس جانسن نے بتایا کہ پیوٹن نے انہیں ایک غیر معمولی فون کال میں میزائل حملے کی دھمکی دی اور بتایا کہ اس میں صرف ایک منٹ لگے گا ۔ جانسن نے پیوٹن کو خبردار کیا کہ یوکرین پر حملہ کرنے سے مغربی پابندیاں لگ جائیں گی اور روس کی سرحدوں پر نیٹو کے مزید فوجی ہوں گے، انہوں نے پیوٹن کو یہ کہہ کر روسی فوجی کارروائی کو روکنے کی بھی کوشش کی کہ یوکرین مستقبل کے لیے نیٹو میں شامل نہیں ہوگا۔ سابق برطانوی وزیر اعظم نے کہا کہ صدر پیوٹن انتہائی غیر معمولی کال کے دوران بہت باخبر تھے، تاہم یہ جاننا ناممکن ہے کہ کیا پیوٹن کی دھمکی حقیقی تھی۔ دستاویز کے مطابق جب 24 فروری کو سرحد پر ٹینکوں کی آمدورفت ہوئی تو جانسن کو آدھی رات کو صدر زیلنسکی کا فون آیا اور انہوں نے بتایا کہ تم جانتے ہو روسی ہر جگہ حملہ کر رہے ہیں جس پر برطانوی وزیر اعظم نے یوکرینی صدر کو محفوظ مقام پر منتقل کرنے میں مدد کی پیشکش کی جسے انہوں نے قبول نہیں کیا اور وہ وہیں رہے جہاں تھے۔

کریڈٹ: انڈیپنڈنٹ نیوز پاکستان-آئی این پی

بھارت نے سری نگر میں کل جماعتی حریت کانفرنس کا دفتر سیل کردیا۔ کشمیر میڈیا سروس کے مطابق بھارتی این آئی اے کی ٹیم نیکل جماعتی حریت کانفرنس کے دفتر کو سیل کیا، دفتر کی عمارت کو سیل کرنیکا حکم نئی دہلی کی عدالت نے دیا تھا۔ کل جماعت حریت کانفرنس نے دفتر سیل کرنے کی مذمت کی اور میر واعظ عمر فاروق نے کہا کہ یکطرفہ عدالتی حکم کے تحت حریت دفتر کوسیل کیا گیا۔ انہوں نے کہا کہ انسانی حقوق کی تنظیمیں جیلوں میں قید تمام کشمیری قیادت اور کارکنوں کی طویل نظر بندی کا نوٹس لیں۔

کریڈٹ: انڈیپنڈنٹ نیوز پاکستان-آئی این پی

ودی سرکار میں مسلم تاریخ مٹانے کی مہم زور پکڑ گئی۔ ایوان صدر کے تاریخی مغل گارڈن کا نام تبدیل کردیا گیا۔ بھارتی میڈیا کے مطابق بھارتی دارالحکومت نئی دہلی میں واقع ایوان صدر کے مغل گارڈن کا نام تبدیل کر کے امرت اددیان رکھ دیا گیا ہے۔ کانگریس اوردیگر اپوزیشن جماعتوں نے مودی سرکار کی حرکت کو شدید تنقید کا نشانہ بنایا ہے۔ کانگریس رہنما راشد علوی نے سوال کیا کہ حکومت مغل گارڈن کا نام کیوں بدل رہی ہے؟ کیا اسے بی جے پی نے بنایا تھا؟ کیا آپ لال قلعہ اور تاج محل کا نام بھی بدل دیں گے؟جہاں وزیر اعظم رہتے ہیں اسے بھی انگریزوں نے بنایا تھا، کیا اس کو بھی گرا دیا جائے گا۔ تاریخی مغل گارڈن 15 ایکڑ پر پھیلا ہوا ہے جسے 1917 میں سر ایڈون لوٹینز نے ڈیزائن کیا تھا۔ مغل گارڈن دنیا کے تمام معروف پھولوں کی خوشبو سے معطر رہتا ہے۔ یہاں ہالینڈ کے ٹیولپس، برازیل کے آرکڈز، جاپان کے چیری کے پھول اور دیگر موسمی پھولوں کے ساتھ چین سے لائے جانے والے کنول کے پھول بھی ہیں۔ مغل گارڈن میں مغل طرز کی نہریں اور چبوترے بھی ہیں۔ مغل گارڈن کو سال میں ایک مرتبہ عوام کے لیے کھولا جاتا ہے۔

کریڈٹ: انڈیپنڈنٹ نیوز پاکستان-آئی این پی

جنوبی افریقا میں سالگرہ کی ایک تقریب پر دو مسلح ملزمان نے اندھا دھند فائرنگ کردی جس کے نتیجے میں 8 افراد ہلاک اور 3 زخمی ہوگئے۔ غیر ملکی میڈیا کے مطابق جنوبی افریقا کے دارالحکومت جوہانسبرگ کے نواحی علاقے میں ایک گھر میں سالگرہ کی تقریب جاری تھی کہ دو مسلح افراد نے گھر میں داخل ہو کر اندھا دھند فائرنگ کردی۔ فائرنگ میں 8 افراد ہلاک اور 3 زخمی ہوگئے۔ ہلاک اور زخمی ہونے والوں کو قریبی اسپتال منتقل کردیا گیا جہاں ایک زخمی کی حالت نازک بتائی جارہی ہے۔ ہلاک اور زخمی ہونے والوں کی شناخت کا عمل جاری ہے۔ پولیس نے تفتیش کا آغاز کردیا تاہم اب تک کوئی گرفتاری عمل میں نہیں لائی گئی۔ جنوبی افریقا میں قتل کی وارداتوں کی شرح کسی بھی ملک سے کہیں زیادہ ہیں جس کی وجہ جرائم پیشہ خطرناک گینگز اور منشیات فروشوں کے گروہ ہیں۔ واضح رہے کہ گزشتہ برس گینگ وار کی خونی جنگ میں مختلف شراب خانوں پر حملے میں دو درجن سے زائد افراد ہلاک ہوگئے تھے۔

کریڈٹ: انڈیپنڈنٹ نیوز پاکستان-آئی این پی

امریکا کے وزیر خارجہ انٹونی بلنکن نے کہا ہے کہ ایران کو جوہری ہتھیاروں کے حصول سے روکنے کے لیے تمام آپشنز موجود ہیں۔ عرب میڈیا کو انٹرویو میں امریکی وزیر خارجہ انٹونی بلنکن کا کہنا تھا کہ امریکی صدرجو بائیڈن نے ایران کو جوہری ہتھیار حاصل کرنے سے روکنے کے عزم کو دہرایا ہے اور اسے یقینی بنانے کے لیے امریکا کے پاس تمام آپشنز موجود ہیں۔ انہوں نے کہا کہ ایران نے جوہری معاہدہ میں دوبارہ شمولیت کو مسترد کردیا ہے تاہم امریکا اب بھی ایران کا مسئلہ حل کرنے کے لیے سفارت کاری کو سب موثر طریقہ سمجھتا ہے۔ امریکی وزیر خارجہ نے کہا کہ ایران میں حکومت کی تبدیلی کا فیصلہ عوام پرمنحصر ہے لیکن ایرانی حکومت اپنے لوگوں کواس بات پر قائل کرنے کی کوشش کررہی ہے کہ امریکا حکومت تبدیل کرنا چاہتا ہے۔

کریڈٹ: انڈیپنڈنٹ نیوز پاکستان-آئی این پی

قرضوں کے بوجھ تلے دبے امریکا کے دیوالیہ کرجانے کے خدشات بڑھ گئے ہیں جس پر ایوان نمائندگان کے اسپیکر، صدر جوبائیڈن سے ملاقات کے لیے راضی ہوگئے۔ عالمی خبر رساں ادارے کے مطابق امریکی ایوان نمائندگان میں حکومتی اور اپوزیشن ارکان کی تعداد کم و بیش برابر ہونے کے باعث کئی بار ووٹنگ کے نتیجے میں بمشکل تمام اسپیکر منتخب ہونے والے کیون میکارتھی نے بالآخر صدر جوبائیڈن سے ملاقات کا فیصلہ کرلیا۔ خیال رہے کہ حکومتی اخراجات کو پورا کرنے کے لیے مزید قرض لینے کی منظوری ایوان نمائندگان سے لینا ہوتی ہے جہاں اکثریت اپوزیشن جماعت کی ہے جس کے اسپیکر ٹرمپ کی جماعت کے رکن کیون میکارتھی ہیں اور اپنے انتخاب کے بعد سے صدر جوبائیڈن سے ملنے سے گریز کر رہے تھے۔ اس غیر متوقع ہونے والی ملاقات کے حوالے سے نومنتخب اسپیکر نے ٹی وی ٹاک شو میں بتایا کہ وہ بدھ کو صدر جوبائیڈن سے ملاقات کریں گے جس میں ملک کے دیوالیہ ہو جانے کے خدشات اور حکومتی اخراجات میں کمی پر مذاکرات کریں گے۔ اسپیکر کیون میکارتھی کا مزید کہنا تھا کہ امریکا اپنے قومی قرضوں میں ڈیفالٹ نہیں کرے گا تاہم حکومتی اخراجات جو جون میں 31.4 ٹریلین ڈالر کے اخراجات کی حد تک پہنچ گئے ہیں، جوبائیڈن انتظامیہ کو اس میں اضافہ نہ کرنے کی یقین دہانی کرانا ہوگی۔ ٹرمپ کی جماعت سے تعلق رکھنے والے اسپیکر نے خبردار کیا کہ حکومت اپنے اخراجات کی مد میں سالانہ جمع کیے گئے ٹیکس سے زیادہ خرچ نہیں کر سکتی۔ اسی طرح قرضوں کی حد کو بھی مقرر کرنے کی ضرورت ہے۔ دوسری جانب صدر جوبائیڈن اور ان کی جماعت ڈیموکریٹس کے ارکان مستقبل کے اخراجات سے منسلک قرض کی حد کو بڑھانے کی منظوری چاہتے ہیں لیکن ایوان نمائندگان میں حکومتی ارکان کے مقابلے میں اپوزیشن جماعت ری پبلکنز کے 10 ارکان زیادہ ہیں۔ عددی اکثریت کی بنیاد پر اپوزیشن جماعت نے سالانہ خسارے کو روکنے کے لیے نئے اخراجات پر حد لگانے کا مطالبہ کیا ہے جو کہ سالانہ 1 ٹریلین ڈالرز سے بھی زیادہ ہوتے ہیں۔

کریڈٹ: انڈیپنڈنٹ نیوز پاکستان-آئی این پی

عالمی ادارہ صحت(ڈبلیو ایچ او ) نے کہا ہے کہ کووڈ 19 کی وبا اب بھی عالمی ایمرجنسی ہے۔ یہ بیان اس وقت جاری کیا گیا ہے جب کووڈ 19 کی وبا کو عالمی ہیلتھ ایمرجنسی قرار دیے 3 سال مکمل ہوگئے ہیں۔ عالمی ادارے کی ایمرجنسی کمیٹی نے 30 جنوری 2020 کو کووڈ 19 کو عالمی ایمرجنسی قرار دیا تھا جس کا مقصد اس حوالے سیتحقیق اور احتیاطی اقدامات کے عمل کو تیز کرنا تھا۔ ایمرجنسی کمیٹی کا حالیہ اجلاس 27 جنوری کو ہوا تھا جس میں کووڈ کی وبا کے حوالے سے سفارشات ڈبلیو ایچ او کے ڈائریکٹر جنرل کو بھجوائی گئی تھیں۔ اب اس حوالے سے عالمی ادارے کی جانب سے بیان جاری کیا گیا۔ بیان میں کہا گیا کہ ایمرجنسی کمیٹی کے اجلاس میں ایک بار پھر کہا گیا کہ کووڈ کی وبا اب بھی ایک عالمی بحران ہے۔ بیان میں کہا گیا کہ ڈبلیو ایچ او کے ڈائریکٹر جنرل کووڈ کی وبا کے حوالے سے ایمرجنسی کمیٹی کے دیے گئے مشورے سے متفق ہیں۔ بیان میں بتایا گیا کہ ڈائریکٹر جنرل نے کمیٹی کے اس خیال کو تسلیم کیا کہ کووڈ کی وبا ابھی تبدیلی کے مرحلے سے گزر رہی ہے اور اس مشورے کو سراہا کہ اس عمل کے دوران احتیاط سے آگے بڑھنے کی ضرورت ہے تاکہ منفی نتائج سے بچ سکیں۔ اس سے قبل 27 جنوری کو عالمی ادارہ صحت نے کہا تھا کہ گزشتہ ہفتے لگ بھگ 40 ہزار اموات کووڈ کے نتیجے میں رپورٹ ہوئی تھیں۔

کریڈٹ: انڈیپنڈنٹ نیوز پاکستان-آئی این پی

وزیر مذہبی امور مفتی عبدالشکور کی پشاور دھماکے کی شدید الفاظ میں مذمت کی اور کہا کہ پشاور میں دہشت گردی کے واقعہ پر دل غمزدہ ہے،وزیر مذہبی نے جانبحق اور زخمیوں کے خاندانوں سے اظہار تعزیت کرتے ہوئے کہا کہ اموراللہ تعالی سے دعا ہے کہ شہیدوں کو بلند درجات عطا فرمائے۔

کریڈٹ: انڈیپنڈنٹ نیوز پاکستان-آئی این پی

جے یو آئی سربراہ مولانا فضل الرحمان کی پشاور مسجد میں بم حملہ کی شدید مذمت کی اور کہا کہ مقدس مقام اور عبادت کے دوران حملہ سفاکیت کی انتہا ہے ۔ قوم باہمی اتحاد واتفاق سے ایسے سازشی عناصر کا مقابلہ کرے ۔حملے میں شہید ہونے والوں کے لئے مغفرت اور زخمیوں کی صحتیابی کیلئے اللہ سے دعا گو ہوں ۔مولانا فضل الرحمان نے کہا کہ دعا کرتے ہیں کہ اللہ کریم لواحقین کو صبر جمیل عطا فرمائے۔

کریڈٹ: انڈیپنڈنٹ نیوز پاکستان-آئی این پی

پنجاب ہیلتھ کیئر کمیشن کی معائنہ ٹیم کا ملتان انٹرنیشنل ایئرپورٹ کا دورہ پرائم منسٹر آفس کی ہدایات کے مطابق وزارت نیشنل ہیلتھ سروسز، ریگولیشنز اینڈ کوآرڈینیشن، ملتان انٹرنیشنل ایئرپورٹ کا دورہ۔دورہ ائرپورٹ پر صحت عامہ کے حوالے سے کئے گئے اقدامات کی تھرڈ پارٹی تصدیق کو جانچنا تھا۔انسپیکشن ٹیم نیاس سلسلے میں بین الاقوامی آمد اور بین الاقوامی بریفنگ ایریا میں اقدامات کا جائزہ لیا انسپکشن ٹیم نے ایئرپورٹ پر کئے گئے اقدامات پر اطمینان کا اظہار کیا اور ان کو مزید موثر بنانے کی ہدایات جاری کیں۔

کریڈٹ: انڈیپنڈنٹ نیوز پاکستان-آئی این پی

چیئرمین سینیٹ محمد صادق سنجرانی نے پشاور میں پولیس لائنز کی مسجد میں ہونے والے دھماکے کی شدید الفاظ میں مذمت کرتے ہوئے دھماکے کے نتیجے میں شہدا کے درجات کی بلندی اور زخمیوں کی جلد صحت یابی کیلئے دعا کی۔ چیئرمین سینیٹ نے کہا کہ دہشت گرد اپنے مذموم مقاصد میں کبھی کامیاب نہیں ہوسکتے۔ دہشت گردی کے خلاف پاکستان کی حکومت، سیکورٹی اداروں، عوام اور پارلیمان کا عزم غیر متزلز ل ہے۔ دہشت گردی کے واقعات ہمارے حوصلے پست نہیں کر سکتے۔ چیئرمین سینیٹ نے کہا کہ دہشت گرد تخریبی کارروائیوں سے پاکستان میں ترقی کے عمل کو سبوتاژ کرنے کی ناکام کوشش کر رہے ہیں تاہم پاکستان دہشت گردی کو جڑ سے سے اکھاڑنے کے لئے پر عزم ہے۔ ڈپٹی چیئرمین سینیٹ سینیٹر مرزا محمد آفرید ی، قائد ایوان سینیٹ سینیٹر اسحاق ڈار اورقائد حزب اختلاف سینیٹ سینیٹر ڈاکٹر شہزاد وسیم نے پشاور میں پولیس لائنز کی مسجد میں دھماکے کی شدید الفاظ میں مذمت کرتے ہوئے کہا کہ دہشت گرد اپنے مذموم مقاصد میں کامیاب نہیں ہو سکتے پوری قوم دہشت گردی کے خلاف یک جان ہے۔

کریڈٹ: انڈیپنڈنٹ نیوز پاکستان-آئی این پی

وزیراعظم شہبازشریف نے پولیس لائنز پشاور مسجد میں ہونیوالے خود کش دھماکے کی مذمت کرتے ہوئے کہا کہ اللہ کے گھر کو نشانہ بنانا ثبوت ہے کہ حملہ آوروں کا اسلام سے کوئی تعلق نہیں، پاکستان کے خلاف جنگ کرنے والوں کو صفحہ ہستی سے مٹا دیں گے۔ تفصیلات کے مطابق وزیراعظم شہبازشریف نے پولیس لائنز پشاور مسجد میں ہونیوالے خود کش دھماکے کی شدید مذمت کی ہے ، وزیراعظم نے ایک بیان میں کہا کہ اللہ تعالی کے حضور سربسجود مسلمانوں کا بہیمانہ قتل قرآن کی تعلیمات کے منافی ہے ، دہشت گرد پاکستان کے دفاع کا فرض نبھانے والوں کو نشانہ بنا کر خوف پیدا کرنا چاہتے ہیں۔ وزیر اعظم شہبازشریف نے کہا کہ پوری قوم اپنے شہداکو سلام عقیدت پیش کرتی ہے ، دہشت گردی کے خاتمے کے لئے پوری قوم اور ادارے یکسو اور متحد ہیں ، ناحق شہریوں کا خون بہانے والوں کو عبرت کا نشان بنائیں گے۔ انہوں نے مزید کہا کہ خیبرپختونخوا میں امن وامان کی بگڑتی صورتحال پر جامع حکمت عملی اپنائیں گے اور وفاق صوبوں کی انسداد دہشت گردی کی صلاحیت بڑھانے میں تعاون کرے گا ۔ وزیراعظم نے کہا کہ وفاقی وزیر داخلہ کو ہدایت کی ہے کہ صوبوں بالخصوص خیبرپختونخوا کانٹر ٹیررازم ڈیپارٹمنٹ کی صلاحیت بڑھانے میں مدد فراہم کریں۔ وزیراعظم نے شہداکے درجات کی بلندی، اہل خانہ کے لئے صبر اور زخمیوں کی جلد صحت یابی کی دعا کی ۔ واضح رہے کہ پشاور میں پولیس لائنز کی مسجد میں مبینہ خودکش دھماکے میں 17 افراد شہید جبکہ متعدد افراد زخمی ہوئے ہیں ۔

کریڈٹ: انڈیپنڈنٹ نیوز پاکستان-آئی این پی

چین کے ثقافتی شعبے نے گزشتہ برس آمدنی کے اعتبار سے شرح نمو برقرار رکھی جبکہ نئے کاروباری ماڈلز نے زیادہ لچک کا مظاہرہ کیا۔ قومی بیورو برائے شماریات کے مطابق گزشتہ برس اس شعبے کی بڑی کمپنیوں کی مشترکہ آپریٹنگ آمدنی 121.8 کھرب یوآن (تقریبا 18 کھرب امریکی ڈالرز) سے زائد رہی جو گزشتہ برس کی نسبت 0.9 فیصد زیادہ ہے۔ سال 2022 کے دوران ثقافتی مواد کی تیاری ، پیداوار اور نیوز انفارمیشن سروسز سمیت 9 میں سے 5 ذیلی شعبوں میں اضافہ ریکارڈ کیا گیا۔ ثقافتی صنعت میں ابھرتے کاروباری ماڈلز میں لچک کا عمل جاری رہا ۔آپریٹنگ آمدن گزشتہ برس کی نسبت 5.3 فیصد بڑھ کر43.9 کھرب یوآن ہوگئی۔ ڈیجیٹل اشاعت اور تفریحی اسمارٹ ڈرون کی پیداوار جیسے ذیلی شعبوں میں اضافہ دو ہندسوں میں رہا ۔

کریڈٹ: انڈیپنڈنٹ نیوز پاکستان-آئی این پی

شکاگو کے جنوبی حصے میں واقع چائنہ ٹان میں چینی قمری نئے سال کا جشن منانے کے لئے پریڈ کا انعقاد کیا گیا جو شہر میں نوول کرونا وائرس وبا پھیلنے کے بعد پہلی مرتبہ منعقد ہوئی ہے۔ پریڈ کے لیے چائنہ ٹان کی سڑکوں پر ہزاروں افراد قطار میں کھڑے تھے۔ شکاگو میں چینی قونصل جنرل ژا جیان، شکاگو کی میئر لوری لائٹ فٹ ، کچھ مقامی عہدیداروں اور کمیونٹی رہنماں نے اس میں شرکت کی۔ روایتی ڈریگن اور شیر رقص کرنے والی ٹیموں، 15 رنگا رنگ فلوٹس، 10 مارچ کرنے والے بینڈز، اور شکاگو میں مقامی چینی برادری اور دیگر پڑوسی کمیونٹیز کے 20 مارچ کرنے والے گروپس نے پریڈ میں شرکت کی۔ یہ وینٹ ورتھ ایونیو سے شروع ہوکر شمال میں 24 ویں اسٹریٹ سے سرمک روڈ پر اختتام پذیر ہوئی۔ چینی قمری نیا سال یا بہارتہوار، چین کا سب سے اہم اور روایتی تہوار ہے۔ لاس اینجلس کاؤنٹی کے مونٹیری پارک میں چینی نئے سال کی تقریبات کے دوران اختتام ہفتہ فائرنگ کے نتیجے میں 11 افراد کی ہلاکت کے واقعے کے سبب اس پریڈ کی حفاظت کے لئے اضافی پولیس اہلکار تعینات کئے گئے تھے۔

کریڈٹ: انڈیپنڈنٹ نیوز پاکستان-آئی این پی

سعودی عرب کے دارالحکومت ریاض میں منعقدہ ایک نمائش میں موجود چینی لگژری ایس یو ویز نے گاڑیوں کے شوقین افراد کو اپنی سمت متوجہ کرلیا۔ تقریبا 5 میٹر لمبائی اور 3 میٹر وہیل بیس کے ساتھ 7 نشستوں والی فلیگ شپ گاڑی ایکسیڈ وی ایکس نے لوگوں کی بھر پور توجہ حا صل کی۔ اس تقریب میں ایک ایکسیڈ ٹی ایکس ایل، تمام خصوصیات کی حامل ایس یو وی، ایک ایکسیڈ ایل ایکس اور ایک جامع ایس یو وی کو بھی نوجوان صارفین کے لئے نمائش میں پیش کیا گیا ہے۔ چینی گاڑی ساز ادارے کے مطابق ایکسیڈ 2023 ماڈلز حال ہی میں سعودی عرب میں پیش کئے گئے ہیں جو کہ یہاں کے موسم سے مطابقت رکھتے ہیں، یہ جدید ترین سلامتی اور حفاظتی نظام سے بھی لیس ہیں۔

کریڈٹ: انڈیپنڈنٹ نیوز پاکستان-آئی این پی

چین میں خدمات کی تجارت میں 2022 کے دوران گزشتہ برس کی نسبت 12.9 فیصد اضافہ ہوا ہے۔ وزارت تجارت کے اعدادوشمار کے مطابق تجارتی حجم 59.8 کھرب یوآن(تقریبا 884.29 ارب امریکی ڈالرز)رہا۔ خدمات کی برآمدات گزشتہ برس کی نسبت 12.1 فیصد اضافے سے تقریبا 28.5 کھرب یوآن تک پہنچ گئی جبکہ خدمات کی درآمدات کا حجم مجموعی طور پر 31.3 کھرب یوآن رہا جو ایک برس قبل کی نسبت 13.5 فیصد زائد ہے۔ اس طرح یہ تجارتی خسارہ 275.71 ارب یوآن ہوا۔ سال 2022 کے دوران علم پر مبنی خدمات کی تجارت 25.1 کھرب یوآن تک پہنچ گئی جو گزشتہ برس کی نسبت 7.8 فیصد زائد ہے۔ علم پر مبنی خدمات کی برآمدات 12.2 فیصد اضافے سے 14.2 کھرب یوآن رہی، اس میں سر فہرست انٹلیکچوئل پراپرٹی رائلٹیز ، کمپیوٹنگ اور اطلاعاتی خدمات شامل ہیں۔ اعداد و شمار کے مطابق اس عرصے میں سفری خدمات بحالی کی رفتار جاری رہی، جبکہ اس شعبے میں تجارت گزشتہ برس کی نسبت 8.4 فیصد بڑھ کر تقریبا 855.98 ارب یوآن ہوگئی۔

کریڈٹ: انڈیپنڈنٹ نیوز پاکستان-آئی این پی

ضلع لسبیلہ میں مسافر بس کو حادثے کا مقدمہ مالکان کے خلاف درج کر لیا گیا۔ مقدمہ ایس ایچ او کی مدعیت میں پولیس تھانہ بیلہ میں درج کیا گیا ہے جس میں اقدام قتل، غفلت، دباو، غیر زمہ دارانہ ڈرائیونگ اور جان خطرے میں ڈالنے کی دفعات شامل کی گئی ہیں۔ مقدمے میں بس مالکان ظہور، منظور احمد اور مقتول ڈرائیور سلیم کو نامزد کیا گیا ہے۔ایف آئی آر کے متن کے مطابق مالکان نے تکنیکی خرابی کے باوجود ڈرائیور کو گاڑی روانہ کرنے کی ہدایت کی جبکہ اوور اسپیڈنگ کی وجہ سے مذکورہ بس کو چلانے پر پہلے ہی پابندی عائد تھی۔

کریڈٹ: انڈیپنڈنٹ نیوز پاکستان-آئی این پی

پشاور میں ہونے والے دھماکے کے بعد وفاقی دارالحکومت کے اہم ناکوں اور عمارتوں پر اسنائپرز تعینات کردیئے گئے ہیں جب کہ شہریوں کو دوران سفر اپنے شناختی دستاویزات ہمراہ رکھنے کی ہدایت جاری کردی گئی ہے۔ پشاور کی پولیس لائنز مسجد میں دھماکے کے بعد وفاقی دارالحکومت اسلام آباد میں بھی سیکیورٹی ہائی الرٹ کرکے داخلی اور خارجی راستوں پر چیکنگ بڑھا دی گئی ہے۔ ترجمان اسلام آباد پولیس کا کہنا ہے کہ وفاقی دارالحکومت میں سیکیورٹی ہائی الرٹ کرنے کے احکامات جاری کردیئے گئے ہیں، داخلی و خارجی راستوں پر چیکنگ بڑھا دی گئی ہے۔ ترجمان پولیس نے کہا ہے کہ سیف سٹی کے ذریعے مانیٹرنگ کی جا رہی ہے، اور شہر کے اہم ناکوں اورعمارتوں پر اسنائپرز تعینات کر دیئے گئے ہیں، کیپیٹل پولیس تھرمل امیجنگ کی صلاحیت سیلیس ہے۔ اسلام آباد پولیس نے ہدایت جاری کی ہے کہ شہری دوران سفر اپنے شناختی دستاویزات ہمراہ رکھیں، اور دوران چیکنگ پولیس کے ساتھ تعاون کریں۔

کریڈٹ: انڈیپنڈنٹ نیوز پاکستان-آئی این پی

صوابی کے نواحی علاقے ہنڈ میں دو دہشت گردوں نے پولیس ٹیم کو دیکھتے ہی خود کو گرنیڈ سے اڑا لیا، جب کہ ایک کو پولیس نے گرفتار کرلیا۔ پولیس حکام کے مطابق صوابی کے علاقے ہنڈ میں دہشت گردوں کی موجودگی کی مصدقہ اطلاعات پر سیکیورٹی فورسز کے ہمراہ پولیس نے کارروائی کی۔ حکام نے بتایا کہ دہشت گردوں نے پولیس کو دیکھتے ہی فائرنگ شروع کردی، اور دو دہشت گردوں نے خود کو گرنیڈ سے اڑا لیا۔ پولیس حکام نے بتایا کہ ایک دہشت گرد کو پولیس نے گرفتار کرلیا، اور اسے گرفتار کرکے نامعلوم مقام پر منتقل کردیا گیا ہے۔

کریڈٹ: انڈیپنڈنٹ نیوز پاکستان-آئی این پی

پشاور میں پولیس لائنز کی مسجد میں خودکش دھما کے کے نتیجے میں 17 افراد شہید اور 90 زخمی ہوگئے، ہسپتالوں میں ایمرجنسی نافذ کر دی گئی ،، سکیورٹی اہلکاروں نے علاقے کو سیل کردیا ۔ ریسکیو ذرائع کے مطابق پشاور کے علاقے صدر پولیس لائنز میں مسجد کے قریب دھماکا ہوا ہے جس میں متعدد افراد زخمی ہوئے ہیں۔ ریسکیو ذرائع کے مطابق دھماکے کی آواز اتنی شدید تھی کہ دور دور تک سنی گئی جب کہ دھما کے کے بعد علاقے میں فائرنگ کی آوازیں بھی سنی گئی ہیں۔ انتظامیہ لیڈی ریڈنگ اسپتال کا کہنا ہے کہ اسپتال میں خون کی اشد ضرورت ہے، شہریوں سے اپیل ہے کہ خون کے زیادہ سے زیادہ عطیات دیے جائیں۔ ترجمان لیڈی ریڈنگ اسپتال کا کہنا ہے کہ دھماکے کے 90 زخمیوں کو اسپتال لایا جا چکا ہے جبکہ دو پولیس اہلکار وں سمیت 17 افراد جاں بحق ہو چکے ہیں۔ ذرائع کا کہنا ہے کہ دھماکے کے بعد ریسکیو اہلکار موقع پر پہنچ گئے اور زخمیوں کو قریبی اسپتال منتقل کر دیا گیا جب کہ قانون نافذ کرنے والے اداروں کے اہلکار بھی موقع پر پہنچ گئے ہیں، سکیورٹی اہلکاروں نے علاقے کو سیل کردیا ہے۔ ریسکیو ذرائع کے مطابق دھماکا نماز ظہر کے دوران پولیس لائنز کی مسجد میں ہوا ہے جس کے باعث مسجد میں موجود متعدد نمازی زخمی ہوئے ہیں۔ عینی شاہدین کا کہنا ہے کہ دھماکا اس وقت ہوا جب مسجد میں نماز ادا کی جارہی تھی۔

سکیورٹی حکام کا کہنا ہے کہ پولیس لائنز میں ہونے والا دھماکا خودکش تھا اور خودکش حملہ آور مسجد کی پہلی صف میں موجود تھا جس نے نماز کے دوران خود کو دھماکے سے اڑا لیا۔ دھماکے کے بعد مسجد کی چھت نیچے آگری اور مسجد منہدم ہوگئی۔ ذرائع کے مطابق پولیس لائنز صدر کا علاقہ ریڈزون میں ہے جو ایک حساس علاقہ تصور کیا جاتا ہے جس کے قریب حساس عمارتیں بھی ہیں جب کہ سی ٹی ڈی کا دفتر بھی پولیس لائنز میں ہی ہے، اس علاقے میں پشاور پولیس کے سربراہ اور ڈی آئی جی سی ٹی ڈی کا دفتر بھی ہے۔ڈپٹی چیئرمین سینیٹ سینیٹر مرزا محمد آفرید ی، قائد ایوان سینیٹ سینیٹر اسحاق ڈار اورقائد حزب اختلاف سینیٹ سینیٹر ڈاکٹر شہزاد وسیم نے پشاور میں پولیس لائنز کی مسجد میں دھماکے کی شدید الفاظ میں مذمت کرتے ہوئے کہا کہ دہشت گرد اپنے مذموم مقاصد میں کامیاب نہیں ہو سکتے پوری قوم دہشت گردی کے خلاف یک جان ہے۔

کریڈٹ: انڈیپنڈنٹ نیوز پاکستان-آئی این پی

پاکستان سول ایوی ایشن اتھارٹی بورڈ آف آفیسرز (BOO) نے فیصل آباد چیمبر آف کامرس اینڈ انڈسٹریز (FCCI) کا دورہ کیا ۔دونوں فریقین نے نیو فیصل آباد انٹرنیشنل ایئرپورٹ کے لیے فزیبلٹی، سائٹ کے انتخاب اور پبلک پرائیویٹ پارٹنرشپ پر تفصیلی تبادلہ خیال کیا۔ صدر ایف سی سی آئی نے بورڈ آف آفیسرز کو سابقہ تجاویز، ٹرمینل اور کارگو سہولیات کی توسیع اور فلائنگ کلب/ٹریننگ سکول کے بارے میں آگاہ کیا۔ ایف سی سی ائی صدر نے مزید آگاہ کیا کہ پبلک پرائیویٹ پارٹنرشپ کی صورت میں ابتدائی سرمائے کو حتمی شکل دینے کے لیے اگلی ایف سی سی ائی ایگزیکٹو کمیٹی میں اس معاملے پر غور ہوگا۔

کریڈٹ: انڈیپنڈنٹ نیوز پاکستان-آئی این پی

تحریک انصاف نے خیبر پختونخوا اسمبلی تحلیل ہونے کے بعد گورنر کی طرف سے انتخابات کی تاریخ نہ دینے کے خلاف عدالت سے رجوع کرنے کا فیصلہ کرلیاہے۔ ہائی کورٹ میں پٹیشن پی ٹی آئی کے مرکزی سیکرٹری جنرل اسد عمر اور صوبائی صدر پرویز خٹک کی جانب سے بدھ کے روز بیرسٹر گوہر کی وساطت سے دائر کی جائے گی۔ ذرائع کے مطابق پی ٹی آئی اپنی پٹیشن میں عدالت سے استدعا کرے گی کہ وہ الیکشن کمیشن کو ہدایت دے کہ قومی اسمبلی کی خالی ہونے والی 33 نشستوں پر ضمنی الیکشن کرانے کے بجائے پورے ملک میں عام انتخابات کی تاریخ کا اعلان کرے ۔پی ٹی آئی خیبر پختونخوا کے ترجمان شوکت یوسفزئی کے مطابق ملک میں معاشی بحران کی سب سے بڑی وجہ سیاسی عدم استحکام ہے، اس لیے فوری انتخابات ہی بحرانوں کا واحد حل ہے، انتخابات کی تاریخ میں جتنی تاخیر ہوگی، اتنا ہی ملک کو نقصان ہوگا۔ انہوں نے کہا کہ 13 جماعتی پی ڈی ایم ٹولہ انتخاب سے فرار چاہتا ہے۔

کریڈٹ: انڈیپنڈنٹ نیوز پاکستان-آئی این پی

پشاور میں پولیس لائنز کی مسجد میں دھماکا، متعدد افراد زخمی ہوئے ہیں۔ تفصیلات کے مطابق پشاور پولیس لائنز کی مسجد میں دھماکا ہوا ہے جس کے باعث مسجد کی چھت منہدم ہوگئی ہے، دھماکے کے باعث 20 سے زائد افراد زخمی ہو گئے ہیں جنہیں لیڈی ریڈنگ ہسپتال منتقل کر دیا گیا ہے۔ دھماکے کے بعد پولیس اور سکیورٹی فورسز نے علاقے کو گھیرے میں لے لیا ہے

کریڈٹ: انڈیپنڈنٹ نیوز پاکستان-آئی این پی

مسلم لیگ ن کے سینیٹر عرفان صدیقی نے کہا ہے کہ عمران خان کا 33 حلقوں پر ضمنی انتخاب لڑنا آئین، قانون اور جمہوریت کا مذاق ہے۔ عرفاق صدیقی نے اپنے بیان میں کہا کہ ایک حلقے کے انتخاب پر 4 کروڑ روپیہ خرچ ہوتا ہے، دنیا کے کسی جمہوری ملک میں اس طرح کے تماشے نہیں ہوتے، اکتوبر2022 میں بھی عمران خان نے 7 سیٹوں پر الیکشن لڑا، 6 پر کامیاب ہوئے، عمران خان ابھی تک نہ تو کسی نشست سے دستبردار ہوئے نہ ہی حلف اٹھایا، نتیجہ یہ ہے کہ ان 6 سیٹوں پر بھی ضمنی انتخابات ہوں گے۔ انہوں نے مزید کہا کہ اب اعلان آیا ہے کہ عمران خان مارچ میں قومی اسمبلی کی تمام 33 نشستوں پرانتخاب لڑیں گے، اگر عمران خان ساری نشستیں جیت جاتے ہیں تو 32 سیٹوں پر پھر انتخابات ہوں گے، یقینا عمران خان ایک بار پھر ان 32 سیٹوں پر امیدوار ہوں گے۔ سینیٹر عرفان صدیقی کا کہنا ہے کہ بھارت میں پابندی ہے کہ کوئی امیدوار2 سے زیادہ سیٹوں پر الیکشن نہیں لڑ سکتا، بھارت میں بات ہورہی ہیکہ خالی کردہ سیٹ پرضمنی انتخاب کا خرچہ متعلقہ امیدوارسے لیا جائے، میں نے اس سلسلے میں وزیراعظم شہباز شریف کو بھی ایک خط لکھا ہے۔ ان کا کہنا تھا الیکشن کمیشن کو معاملہ متعلقہ حلقوں کے ساتھ اٹھانا چاہیے، خالی کردہ نشستوں پر ضمنی انتخاب کا تمام خرچہ متعلقہ امیدوار سے لینا چاہیے، 32 سیٹوں پر پھر سے انتخابات کرانا پڑے تو تقریبا 1 ارب روپیہ خرچ آئے گا، یہ رقم سیٹیں خالی کرنے والے امیدوار سے وصول کی جانی چاہیے۔ عرفان صدیقی کا کہنا تھا بھارت کی طرح ہمارے الیکشن کمیشن کو بھی اس سنگین مسئلے پر توجہ دینی چاہیے، آئین و قانون کا تمسخر اڑانے کا یہ سلسلہ بند نہ کیا تو انتخابی عمل تماشا بن کر رہ جائے گا، خالی کردہ تمام سیٹوں پر نئے انتخابات کا خرچہ سیٹیں خالی کرنے والے امیدوارسے لینا چاہیے۔

کریڈٹ: انڈیپنڈنٹ نیوز پاکستان-آئی این پی

پاکستان اکانومی واچ کے صدر ڈاکٹر مرتضیٰ مغل نے کہا ہے کہ ملک کئی سال سے معاشی غارت گروں کے قبضے میں ہے۔ایک کے بعد دوسرا اکنامک ہٹ مین ملکی معیشت کو برباد کر رہا ہے اور انھیں روکنے والا کوئی نہیں۔ہمارے نمائندے ایک ارب ڈالر کے حصول کے لئے ساری دنیا میں کشکول لے کر پھر رہے ہیں اور ہر جگہ سے انکار سن رہے ہیں۔ اس وقت جتنا پیسہ پاکستان کے خزانے میں موجود ہے اس سے کہیں زیادہ سیاستدانوں اورکرپٹ اشرافیہ کے ہر طبقہ کے سرخیلوں کے غیر ملکی اکائونٹس میں موجود ہے۔ ڈاکٹر مرتضیٰ مغل نے یہاں جاری ہونے والے ایک بیان میں کہا کہ سیاستدانوں کو شہرت اور اشرافیہ کی خدمت کرنے کے علاوہ کسی چیز سے کوئی دلچسپی نہیں ہے۔ ان کی نظر میں عوام کی اہمیت بھیڑ بکریوں سے زیادہ نہیں ہے۔ موجودہ حکمرانوں نے سابق وزیر خزانہ مفتاح اسمعٰیل کو نکال کر سیاسی خود کشی کی ہے کیونکہ انکی موجودگی میں آئی ایم ایف پروگرام جاری رہتا اور حالات بہتر ہوتے۔ انھیں نکالے جانے کے بعد سے ایک شخص کی ضد نے چار ماہ سے آئی ایم ایف کے پروگرام کو روکا ہوا ہے جس سے پاکستان کو کم و بیش سات ارب ڈالر کا نقصان ہوا ہے۔

اگر سابق وزیر خزانہ کو نہ نکالا جاتا تو پٹرول اور ڈیزل کی قیمت میں پینتیس روپے فی لیٹر کا اضافہ نہ کرنا پڑتا جس سے ملک میں مہنگائی کا ایک اور سیلاب آئے گا۔ چند روز میں روپے کی قدر میں پندرہ فیصد تک کمی کر دی گئی ہے جو ن لیگ کی روپے کو مستحکم رکھنے کی پالیسی کی کھلی ناکامی ہے۔ مس منیجمنٹ کا یہ حال ہے کہ ملک میں پیاز کھانا بھی ایک عیاشی شمار کی جا رہی ہے اور حکومت نیب قوانین میں تبدیلی کے علاوہ کوئی کام نہیں کر سکی ہے۔غلط پالیسیوں کی وجہ سے اوور سیز پاکستانیوں کی بڑی تعداد قانونی زرائع پر اعتبار کرنے کو تیار نہیں ہیں اور پیسہ ہنڈی کے زریعے بھجوا رہے ہیں جس سے ملک کو بھاری نقصان اتھانا پڑ رہا ہے جبکہ انکا اعتماد بحال کرنے میں وقت لگے گا۔ڈاکٹر مرتضیٰ مغل نے کہا کہ اب 31 جنوری کو آئی ایم ایف نویں جائزے پر باضابطہ بات چیت شروع کرنے آ رہا ہے اور پاکستان کو اس جائزے کی تکمیل کی عجلت ہے کیونکہ پاکستان کے پاس فنڈ کے مطالبات کے سامنے جھکنے کے سوا کوئی چارہ نہیں کیونکہ عالمی ادارہ پاکستان کو اسکی مسلسل وعدہ خلافیوں کی وجہ سے کوئی چھوٹ دینے یا اعتماد کرنے کے لیے تیار نہیں ہے۔

کریڈٹ: انڈیپنڈنٹ نیوز پاکستان-آئی این پی

ابراہیم فائبرز لمیٹڈ کی رواں مالی سال کے پہلے نو مہینوں کے لیے خالص فروخت 91,297 ملین روپے تھی جو کہ گزشتہ سال کی اسی مدت کے لیے 63,383 ملین روپے تھی۔ویلتھ پاک کی رپورٹ کے مطابق اس دوران منافع13,640 ملین روپے تھا جو کہ گزشتہ سال کی اسی مدت کے لیے 13,794 ملین روپے تھا۔زیر نظر نو مہینوں کے لیے ٹیکس سے پہلے کا منافع 11,104 ملین روپے تھا، جو پچھلے سال کی اسی مدت کے لیے 11,238 ملین روپے سے کم ہے۔بعد از ٹیکس منافع6,447 ملین روپے تک پہنچ گیاجس میں18 فیصد کی کمی واقع ہوئی ہے۔رپورٹس سے پتہ چلتا ہے کہ تمام اہم اقتصادی پالیسی سازوں کی طرف سے مانگ پر مبنی افراط زر کے دبا کا مقابلہ کرنے کے لیے لاگو کی گئی اقتصادی پالیسیوں کے نتیجے میں عالمی اجناس کی قیمتیں بہت زیادہ ہنگامہ آرائی کا شکار رہی ہیں۔ یورپ میں جغرافیائی سیاسی صورتحال اس سے دنیا بھر میں معاشی کساد بازاری کے امکانات بڑھ گئے ہیں اور اس کے نتیجے میں معاشی تصویر خاص طور پر ابھرتے ہوئے ممالک کے لیے مدھم پڑ گئی ہے۔ان تمام مسائل کے علاوہ، ملکی معیشت لیکویڈیٹی کی کمی، غیر ملکی زرمبادلہ کے بحران، ماحولیاتی تباہی اور سیاسی بدامنی کی وجہ سے پیدا ہونے والی بے پناہ مشکلات سے بھی نمٹ رہی ہے۔ان تمام متغیرات پر غور کرنے کے بعد، گھریلو اقتصادی سرگرمیوں میں نمایاں سست روی متوقع ہے، جو مستقبل قریب میں کاروبار میں سست روی اور کم مارجن کا سبب بنے گی۔ابراہیم فائبرز لمیٹڈ کے حریف سفائر فائبرز لمیٹڈ، فیروزملز لمیٹڈ، نشاط ملز لمیٹڈ، اور سیفائر ٹیکسٹائل ملز لمیٹڈ ہیں۔براہیم فائبرز لمیٹڈ کا سرمایہ22 ارب روپے ہے۔اپنے حریفوں کے مقابلے میں، ابراہیم فائبرز لمیٹڈ کی قدر زیادہ ہوتی ہے۔ ان سرمایہ کاروں کے لیے جو پوزیشن کو کم کرنا چاہتے ہیں، زیادہ قیمت والی ایکوئٹی پرکشش ہوتی ہے۔ اس کو حاصل کرنے کے لیے، قیمتوں میں آنے والی کمی سے فائدہ اٹھانے کے لیے حصص کو فروخت کیا جانا چاہیے۔ابراہیم فائبرز لمیٹڈ کو پاکستان میں ایک پبلک لمیٹڈ کمپنی کے طور پر شامل کیا گیا تھا اور اس کا بنیادی کاروبار پولیسٹر سٹیپل فائبر اور یارن کی تیاری اور فروخت کرنا ہے۔

کریڈٹ: انڈیپنڈنٹ نیوز پاکستان-آئی این پی

زراعت کے شعبے کو مضبوط بنانے کے لیے بلیک سولجر مکھی (بی ایس ایف) کی پیداوار کو پاکستان میں ایک صنعت کے طور پر فروغ دینے کی ضرورت ہے، یہ بات خیبرپختونخوا ایگریکلچرل ریسرچ سسٹم کے پرنسپل ریسرچ آفیسر ڈاکٹر محمد شاہ سوار نے ویلتھ پاک سے گفتگو کرتے ہوئے کہی۔ .ڈاکٹر شاہ سوار نے کہا کہ حیاتیاتی ریوڑ کو کھانا کھلانے کے لیے تمام جانوروں کے پروٹینوں میں سے یہ نسبتا کم وقت میں کافی مقدار میں پروٹین فراہم کرنے کا بہترین اور سستا ذریعہ ہے۔"کھیتی کے اخراجات کا ساٹھ فیصد صرف خوراک پر خرچ ہوتا ہے۔ زیادہ تر، سویا بین کو فیڈ کے طور پر استعمال کیا جاتا ہے۔ پیداوار کے لیے درکار ماحول اور درجہ حرارت کے لیے لیبارٹری کی طرح ایک خاص سیٹ اپ کی ضرورت ہے۔ بی ایس ایف ایک صفائی کرنے والا جنگلی کیڑا ہے جو صرف بوسیدہ نامیاتی مادے پر ہی پنپتا ہے۔ یہ عام گھریلو مکھی سے تین گنا بڑا ہے اور گھریلو مکھی کی طرح کھانے کی اشیا کے ارد گرد کبھی نہیں گونجتا۔ اس کی زندگی کا دورانیہ 5 سے 10 دن سے زیادہ نہیں ہے۔ ذخائر 500 انڈے کے قریب ہوتے ہیں۔ باقاعدگی سے خوراک کی فراہمی پر، لاروا 10 سے 28 دن تک بڑھتے ہیں اور پیوپا کے مرحلے میں داخل ہوتے ہیں جس کے بعد وہ مزید پیداوار کے لیے بالغوں میں تبدیل ہو جاتے ہیں۔انہوں نے کہاکہ"بی ایس ایف لاروا زیادہ تر چار دن کے بعد نکلتا ہے اور غذائی اجزا سے بھرا ہوتا ہے۔ عام طور پر، ایک گرام 37,000 انڈے پر مشتمل ہوتا ہے، اور صرف پانچ گرام سے لاروا کی پیداوار 700 کلو گرام پروٹین ( لاروا) اور 300 کلو گرام بہترین کمپوسٹ/فراس کھاد اور بائیو ڈیزل پیدا کرنے کے لیے 1 ٹن بوسیدہ نامیاتی مادہ استعمال کرتی ہے۔ لاروا کو پولٹری، سوائن، جھینگے، مچھلی کے بائیو فلاک کے لیے بھرپور غذائیت سے بھرپور خوراک بنانے کے لیے بھی خشک کیا جاتا ہے۔ زیادہ تر، خشک لاروا چین سے درآمد کیا جاتا ہے اور زیادہ تر ایکویریم فش فیڈ کے طور پر استعمال ہوتا ہے۔

ہائبرنیشن سے بچنے کے لیے بی ایس ایف کے لیے درجہ حرارت کو 25 اور 35 سینٹی گریڈ کے درمیان برقرار رکھنا ضروری ہے۔ اس درجہ حرارت پر، وہ بالکل بھی ہائیبرنیٹ نہیں ہوتے ہیں۔ بی ایس ایف کی پرورش گھر کے پچھواڑے کے ایک کونے میں کی جا سکتی ہے۔ نامیاتی مادے کو باہر نہیں پھینکنا چاہیے، کیونکہ بی ایس ایف اسے کھا لیتی ہے۔ اس طرح مفت پروٹین تیار ہوتی ہے اور پولٹری اور بائیو فلاک اس پر کھانا کھاتے ہیں۔ لاروا کو خشک کرنے کے لیے کسی خاص مشینری کی ضرورت نہیں ہے۔ آپ اسے گرم پانی کے ذریعے، یا ایک سادہ تندور میں کر سکتے ہیں۔ لاگت پیداوار کے سائز پر منحصر ہے۔ اگر آپ اسے 200-300 مرغیوں کے لیے، یا بائیو فلوک فش فارمنگ کے چار ٹینکوں کے لیے ترتیب دے رہے ہیں، تو کل 2,720 مربع فٹ کی ضرورت ہے جس میں سے 544 مربع فٹ کا احاطہ کیا جانا چاہیے۔خیبر پختونخواہ کے زرعی تحقیقی نظام کے پرنسپل ریسرچ آفیسر نے کہا کہ پاکستان میں بی ایس ایف زیادہ تر انڈونیشیا سے لایا گیا تھا، لیکن پاکستانی اسٹرینڈ اعلی معیار کے تھے۔ پاکستانی بی ایس ایف سائز میں چھوٹا ہے لیکن لاروا سائز میں انڈونیشین کے برابر ہے۔عالمی سطح پر، بی ایس ایف کی صنعت ایک ارب ڈالر کا کاروبار بن چکی ہے۔ چین، کینیڈا، آسٹریلیا اس صنعت میں آگے ہیں۔ہمارے کسانوں کو اختراعات، نئے رجحانات اور کاشتکاری کے غیر روایتی طریقوں سے متعارف کرانا ضروری ہے۔ پاکستان ایک زرعی ملک ہے اور کسانوں کی خوشحالی اس کی ترقی اور معاشی ترقی کی علامت ہے۔

کریڈٹ: انڈیپنڈنٹ نیوز پاکستان-آئی این پی

نیشنل یونیورسٹی آف سائنس اینڈ ٹیکنالوجی (نسٹ) کے محققین کو ٹھوس فضلہ سے توانائی پیدا کرنے کے لیے ہائر ایجوکیشن کمیشن سے مالیاتی گرانٹ موصول ہوئی ہے، جس سے لینڈ فلز پر بوجھ کم ہو جائے گا ۔ڈاکٹر سلمان رضا نقوی، ڈائریکٹر نیشنل سائنس اینڈ ٹیکنالوجی پارک، ڈپارٹمنٹ آف کیمیکل انجینئرنگ، نے ویلتھ پاک سے گفتگو میں کہا کہ فی الحال، پاکستان میں کسی کوڑا کرکٹ مینجمنٹ کمپنی کے پاس موثر استحصال کا طریقہ تیار کرنے کی ٹیکنالوجی نہیں ہے۔ انہوں نے کہا کہ نسٹ پراجیکٹ ٹیم سے توقع ہے کہ وہ آنے والے سالوں میں مقامی استعمال کے لیے ٹھوس فضلہ سے توانائی پیدا کرنے کے لیے ٹیکنالوجی تیار کرے گی۔نقوی نے کہا کہ ویسٹ سے انرجی پروڈکشن ٹکنالوجی کے روایتی لینڈ فلنگ کے مقابلے ویسٹ مینجمنٹ سسٹم کے بہت زیادہ فوائد ہیں۔فضلے سے توانائی (اکثر گرمی اور بجلی) پیدا کرنے کے عمل کو فضلہ سے توانائی کی پیداوار کہا جاتا ہے۔ یہ اکثر ٹھوس فضلہ کو جلا کر انجام دیا جاتا ہے۔ جلانا کچرے کو توانائی میں تبدیل کرنے کا ایک طریقہ ہے۔ تاہم، یہ اب بھی توانائی پیدا کرنے کا نسبتا نیا ذریعہ ہے۔ ردی کی ٹوکری کو جلانے سے بھاپ پیدا ہوتی ہے، جو بجلی پیدا کرنے کے لیے ٹربائنوں کا رخ کرتی ہے۔

دہن کے عمل سے پیدا ہونے والی حرارت کو استعمال کرنا بھی ممکن ہے۔انہوں نے کہا کہ پاکستان کی سالانہ میونسپل سالڈ ویسٹ کی پیداوار 49.6 ملین ٹن تھی جو کہ 2.4 فیصد کی شرح سے بڑھ رہی ہے۔ انہوں نے مزید کہا کہ کچرے کا ناکافی انتظام انسانی صحت اور ماحول کے لیے خطرہ ہے۔ انٹرنیشنل ٹریڈ ایڈمنسٹریشن کے مطابق، ہفتہ وار ٹھوس فضلہ کی پیداوار کا تخمینہ 87,000 ٹن ہے، جس میں روزانہ میونسپل کچرے کی پیداوار تقریبا 16,500 ٹن ہے۔ اسی طرح کے اضافہ پلاسٹک کوڑے کی پیداوار اور ٹھکانے لگانے میں بھی دیکھا جا سکتا ہے۔نقوی نے کہا کہ پاکستان کے موجودہ سالڈ ویسٹ مینجمنٹ سسٹم کو کافی رکاوٹوں کا سامنا ہے، جیسے سرخ فیتہ، شہری منصوبہ بندی کی عدم موجودگی، فرسودہ ٹیکنالوجی ہیں۔انہوں نے کہا کہ ملک کا ساٹھ سے ستر فیصد کچرا اکٹھا کیا جاتا ہے، جب کہ باقی کو خالی جگہوں پر پھینک دیا جاتا ہے یا دفن کر دیا جاتا ہے، جو موسمیاتی تبدیلیوں میں معاون ہے۔"شہری کچرے کے مسئلے نے کراچی، اسلام آباد، لاہور اور پشاور سمیت اہم شہروں میں بڑی مشکلات پیدا کر دی ہیں۔ شہری منصوبہ بندی کا فقدان، فرسودہ انفراسٹرکچر، اور عوامی معلومات کی کمی پاکستان کی بگڑتی ہوئی کچرے کی صورت حال کا مرکز ہے۔انہوں نے وضاحت کی کہ ایچ ای سی اور نسٹ اس مسئلے کو حل کرنے کی کوشش کر رہے ہیں کوڑے کے جمع ہونے پر قابو پا کر اور اسے فضلہ سے توانائی کی پیداوار کی سہولیات کی صورت میں پیداواری استعمال میں لا کر، جو کوڑے کو بجلی پیدا کرنے کے لیے استعمال کریں گے۔دھاتوں کی ری سائیکلنگ، قابل تجدید توانائی پیدا کرنا، اور گرین ہاس گیسوں کے اخراج کو کم کرنا فضلے سے توانائی کے عمل کے کچھ فوائد ہیں۔نقوی نے واضح کیا کہ فضلہ سے توانائی کے پلانٹس سے پیدا ہونے والے بیس لوڈ کو بجلی کے گرڈ، انفرادی گھروں اور تجارتی اور صنعتی سہولیات سے منسلک کیا جا سکتا ہے۔ انہوں نے مزید کہا کہ پاکستان میں فضلہ سے توانائی کی سہولیات کی ترقی ایک بہت بڑا اقدام ہے جسے قوم نے شروع کیا ہے۔

کریڈٹ: انڈیپنڈنٹ نیوز پاکستان-آئی این پی

نیشنل ایگریکلچر ریسرچ سینٹر کے سینئر سائنٹیفک آفیسر ڈاکٹر نور اللہ نے کہا ہے کہ زرعی شعبے کو پیداوار بڑھانے اور مجموعی معیشت میں مزید حصہ ڈالنے کے لیے ڈیجیٹل ٹیکنالوجیز کو اپنانے کی ضرورت ہے۔ڈاکٹر نور نے ویلتھ پاک سے گفتگو کرتے ہوئے کہا کہ ٹیکنالوجی اور اختراع کے نتیجے میں ملک کا زرعی منظر نامہ تبدیل ہو جائے گا، جس سے کاشتکار زیادہ باشعور اور مسابقتی بن سکیں گے۔انہوں نے کہا کہ زرعی شعبے میں ڈیجیٹل تبدیلی کسانوں کو فصلوں کی بہتر پیداوار کے ذریعے اپنی آمدنی بڑھانے میں مدد دے سکتی ہے۔ڈاکٹر نور نے کہا کہ پاکستان میں زراعت کی ڈیجیٹلائزیشن پر زیادہ توجہ نہیں دی گئی۔ تاہم، اگر اس ٹیکنالوجی پر ضروری توجہ دی جائے، تو یہ بہت اچھے نتائج دے سکتی ہے۔"ڈیجیٹل تبدیلی موسم کی پیشن گوئی کے ساتھ کسانوں کی مدد کر سکتی ہے۔ اس نئے ڈیٹا پر مبنی زرعی شعبے میں، درست موسمی حالات کی نگرانی کرنا کسانوں کو اپنے کھیتوں کے لیے سب سے اہم کاموں میں سے ایک ہے کیونکہ یہ انہیں بار بار آنے والی مشکلات کو بہتر طریقے سے حل کرنے اور اپنی محنت، فصل کی صحت اور پانی کے استعمال کو بہتر بنانے کے قابل بناتا ہے۔ یہ پروگرام بارش کی پیشین گوئی بھی کرے گا، اس لیے اگر غیر معمولی بارش کا امکان ہے، تو کسانوں کو پہلے ہی معلوم ہو جائے گا کہ وہ کتنی دیر تک برقرار رہیں گے اور کب شروع ہوں گے۔انہوں نے مزید کہا کہ "اس سے ہمیں درجہ حرارت کو منظم کرنے میں بھی مدد مل سکتی ہے۔

" اس لیے، انہوں نے کہا، ہمیں ڈیجیٹل ٹرانسفارمیشن ٹیکنالوجی کی ضرورت ہے، جو ہمیں درجہ حرارت کی انتہاں کے بارے میں پہلے سے آگاہ کرے گی اور نقصان پر قابو پانے میں ہماری مدد کرے گی، یعنی ہم پیشگی تدارک کے اقدامات کر سکتے ہیں۔انہوں نے مزید کہا کہ "یہ چیزیں صرف اس صورت میں حاصل کی جاسکتی ہیں جب ہم انتہائی احتیاط سے ڈیٹا کو ترتیب دیں، یعنی کم انتہائی اور انتہائی، تاکہ کمپیوٹر خود بخود انٹرمیڈیٹ ڈیٹا کا پتہ لگا سکے ۔ڈاکٹر نور نے وضاحت کی کہ ایک بار ڈیٹا بیس بن جانے کے بعد، اس کا استعمال اس بات کا اندازہ لگانے کے لیے کیا جائے گا کہ مستقبل میں چیزیں کیسی ہوں گی۔"یہ طریقہ، جسے ریموٹ سسٹم بھی کہا جاتا ہے، دوسرے ممالک میں کافی اچھی طرح سے کام کر رہا ہے۔ تاہم پاکستان میں اسے ابھی تک باضابطہ طور پر نافذ نہیں کیا گیا۔ تجربات صرف یونیورسٹی کی سطح پر کیے گئے ہیںاس کے علاوہ، کچھ کسانوں نے آزادانہ طور پر چھوٹے پیمانے پر ریموٹ سینسنگ کا استعمال کرتے ہوئے ڈیجیٹل تبدیلی پر مبنی ماڈلز بنائے ہیں۔"حکومت کو ڈیجیٹل تبدیلی کی حمایت کرنی چاہیے، کسانوں کو ان کے مسائل حل کرنے میں مدد کرنی چاہیے، اور اس نظام کو تیار کرنے کے لیے انجینئرنگ اداروں کے ساتھ مشغول ہونا چاہیے۔ پیداواری تکنیک اور درجہ حرارت کے بارے میں فصل کے ماہرین سے مشورہ لے کر یا علاقے کے لحاظ سے یا صوبے کے لحاظ سے معلومات حاصل کرکے اور اس ڈیٹا کو نوٹ کرکے ان مسائل سے نمٹنے کے لیے ہر فصل کے لیے ایک الگ نظام ہونا چاہیے۔ ایک الگ سسٹم یا سافٹ ویئر تیار کیا جا سکتا ہے جو خاص طور پر ٹماٹروں کے لیے ڈیزائن کیا گیا ہو جو ان کی نشوونما میں مدد کر سکتا ہے۔

کریڈٹ: انڈیپنڈنٹ نیوز پاکستان-آئی این پی

کوہاٹ تاندہ ڈیم میں کشتی ڈوبنے کے واقعے کا مقدمہ تھانہ محمد ریاض شہید میں درج کر لیا گیا۔ ایس ایچ او ایم آر ایس قسمت خان کی مدعیت میں درج مقدمے میں ایریگیشن ڈیپارٹمنٹ کے ذمہ دار افسران اور کشتی کے ملاح کو نامزد کیا گیا۔ تھانہ محمد ریاض شہید میں درج مقدمے میں قتل بالسبب کے دفعات شامل کیے گئے ہیں۔ گزشتہ روز، تاندہ ڈیم میں مدرسے کے طلبا کی کشتی الٹنے سے 10 طلبا ڈوب کر جاں بحق ہوگئے تھے۔ مدسرے کے طلبا پکنک کے لیے تاندہ ڈیم آئے تھے۔ خیبر پختونخوا کی نگراں حکومت نے کوہاٹ تاندہ ڈیم میں کشتی ڈوبنے کے واقعے کا نوٹس لیا تھا۔ نگراں صوبائی وزیر خوشدل خان نے واقع کی انکوائری کا حکم دیتے ہوئے کوہاٹ انتظامیہ کو واقع کی رپورٹ پیش کرنے کی ہدایت کی تھی۔

کریڈٹ: انڈیپنڈنٹ نیوز پاکستان-آئی این پی

چین میں پاکستانی سفارتخانے کے کمرشل قونصلر غلام قاد ر نے کہا ہے کہ پاکستان کی چینی سیاحوں کے استقبال کے لیے وسیع پیمانے پر تیاریاں ، یہ سال پاکستان اور چین کے سیاحتی تبادلوں کا سال ہے، رواں سال دونوں پڑوسیوں کے درمیان سیاحت سے متعلق متعدد سرگرمیاں ہوں گی،تمام ثقافتی تہواروں کے ساتھ روڈ شوز کا انعقاد کیا جائے گا، پاکستان کے کچھ سیاحتی مقامات کی نمائش کی جائے گی ، سی پیک دونوں ممالک کی دوستی کی بہترین مثال ہے،ہمارا اتنا طویل، برادرانہ، شاندار رشتہ ہے، ہمیں اس سے فائدہ اٹھانا چاہیے ۔گوادر پرو کے مطابقپاکستان ٹورازم ڈیولپمنٹ کارپوریشن کے منیجنگ ڈائریکٹر آفتاب الرحمان رانا نے کہا کہ چین کی سیاحت کا آغاز پاکستان کے لیے ایک بہت ہی مثبت علامت ہے، پاکستان نے چینی سیاحوں کے استقبال کے لیے وسیع پیمانے پر تیاریاں کی ہیں ۔ گوادر پرو کے مطابق 8 جنوری 2023 سے، چین نے کووڈ 19 کے انتظامی اقدامات کو کلاس اے سے بی تک کم کرنے کے بعد باہر جانے والی سیاحت کو دوبارہ شروع کیا۔ سٹریپ (Ctrip )کی جانب سے جاری کردہ 2023 کے موسم بہار کے تہوار کے سفری خلاصے کی رپورٹ کے مطابق، چینی سیاحوں کے ملکی اور غیر ملکی سفری آرڈرز میں گزشتہ سال کے موسم بہار کے تہوار کے مقابلے میں چار گنا اضافہ ہوا۔ گوادر پرو کے مطابق چائنا ایسٹرن ایئر لائنز کے پڈونگ پسنجر سروس سینٹر کے ڈپٹی جنرل منیجر کن یی نے کہا موسم بہار کے تہوار کی سیاحت کی مقبولیت صرف ایک آغاز ہے، اور چینی سیاحتی منڈی میں اس سال قابل ذکر بحالی دیکھنے کو ملے گی۔ ایشیا پیسیفک خطے کے اندر بین الاقوامی پروازیں دوسرے خطوں کے لیے بین البراعظمی پروازوں کے مقابلے میں تیزی سے بحال ہوں گی، ہم اپنے بین الاقوامی راستوں کو بتدریج وسعت دینے کا ارادہ رکھتے ہیں ۔ گوادر پرو کے مطابق چین میں پاکستانی سفارتخانے کے کمرشل قونصلر غلام قادر نے کہا کہ یہ سال پاکستان اور چین کے سیاحتی تبادلوں کا سال ہے۔

ہم اس پر پوری توجہ مرکوز کر رہے ہیں۔ پاکستان کے پاس وہ سب کچھ ہے جو اسے دنیا کے بہترین سیاحتی مقامات میں سے ایک بننے کے لیے درکار ہے، حکومت پاکستان نے بھی سیاحت کو ایک اہم ترجیح کے طور پر شامل کیا۔ انہوں نے انکشاف کیا کہ اس سال دونوں پڑوسیوں کے درمیان سیاحت سے متعلق متعدد سرگرمیاں ہوں گی۔ گوادر پرو کے مطابق غلام نے مزید کہا تمام ثقافتی تہواروں کے ساتھ روڈ شوز کا انعقاد کیا جائے گا، جس میں پاکستان کے کچھ سیاحتی مقامات کی نمائش کی جائے گی۔ ہم چاہتے ہیں کہ ہمارے چینی بھائی اور بہنیں پاکستان میں ہمارے جدید برانڈز سے پاکستانی کھانوں اور فیشن کا تجربہ کریں۔ ہم چین سے پاکستان اور اس کے برعکس سفر کی سہولت کے لیے ایک مکمل گائیڈ بک لے کر آئیں گے۔ گوادر پرو کے مطابق آفتاب الرحمان رانا نے کہا ہم نے جنوب سے مشرق سے شمال تک نئی شاہراہیں، اور سائیڈ سڑکیں دیکھی ہیں اور سیاحت کے فروغ کے لیے سڑکوں کے نیٹ ورک کو بہتر بنانا بہت ضروری ہے۔ انہوں نے اس اہم کردار پر زور دیا جو چین پاکستان اقتصادی راہداری ( سی پیک ) نے پاکستان کی سیاحت کو تبدیل کرنے میں ادا کیا ہے۔ سی پیک نے نہ صرف پاکستان کے مختلف کاروباری مراکز اور شہروں تک رسائی کو بہتر بنایا بلکہ مختلف سیاحتی مقامات تک رسائی کو بھی آسان بنایا۔ بہتر رسائی کے ساتھ آنے والے سالوں میں بہت سی نئی پیشرفتیں ہوں گی، جن میں سی پیک کے راستوں پر سیاحتی زون، نئے ہوٹلز اور سیاحتی مقامات کا قیام شامل ہے۔ گوادر پرو کے مطابق غلام نے یہ بھی کہا کہ جیسے ہی سی پیک اپنے اعلیٰ معیار کی ترقی کے دوسرے مرحلے میں داخل ہو رہا ہے، مزید شراکت داری، مشترکہ منصوبوں اور سفر کی ضرورت ہے۔ سی پیک دونوں ممالک کی دوستی کی بہترین مثال ہے۔ ہم ہائی ویز بنا رہے ہیں جو پاکستان کو شمال سے جنوب، کراچی اور بندرگاہوں سے جوڑے گی، اور بہت جلد ایک ریلوے منصوبہ نافذ کیا جائے گا۔ گوادر پرو کے مطابق غلام نے اعتماد سے کہا ہمارا اتنا طویل، برادرانہ، شاندار رشتہ ہے، اور ہمیں اس سے فائدہ اٹھانا چاہیے۔ میرے خیال میں کوویڈ 19 کی وبا کے بعد بحالی کے ساتھ، چینی لوگ اپنے گھروں سے نکلنے اور پاکستان کا سفر کرنے کے منتظر ہوں گے ۔

کریڈٹ: انڈیپنڈنٹ نیوز پاکستان-آئی این پی

پنجاب پولیس میں اعلی افسران کے تقرر و تبادلے کر دیئے گئے، اطہر اسماعیل کو ہٹا کر سہیل اختر سکھیرا کو ڈی آئی جی انویسٹی گیشن لاہور تعینات کر دیا گیا۔ پنجاب پولیس میں 10 اعلی افسران کے تبادلے کئے گئے ہیں، لاہور میں اطہر اسماعیل کی جگہ سہیل احمد سکھیرا کو ڈی آئی جی انویسٹی گیشن تعینات کیا گیا ہے جبکہ اطہر اسماعیل کو ایس اینڈ جے اے ڈی رپورٹ کرنے کا حکم جاری کیا گیا۔ زین عاصم کو ایس پی سکیورٹی چیف منسٹر آفس تعینات کر دیا گیا جبکہ ایس پی سکیورٹی چیف منسٹر عبدالوہاب کو آئی جی آفس رپورٹ کرنے کا حکم جاری کیا گیا ہے۔ پولیس ذرائع کا کہنا ہے کہ ایس ایس پی رانا ایاز سلیم کی گوجرانوالہ بطور سی پی او تعیناتی کی گئی ہے جبکہ سی پی او گوجرانوالہ عمر سلامت سنٹرل پولیس آفس رپورٹ کریں گے۔ اے آئی جی ڈویلپمنٹ پنجاب منصور الحق رانا بطور سی پی او ملتان فرائض سرانجام دیں گے جبکہ سی پی او ملتان شاکر حسین داوڑ کو آئی جی آفس رپورٹ کرنے کا حکم جاری کیا گیا ہے۔ ایس ایس پی لا اینڈ آرڈر کیپٹن(ر)علی ضیا کو سنٹرل پولیس آفس رپورٹ کرنے کے احکامات جاری کئے گئے ہیں۔

کریڈٹ: انڈیپنڈنٹ نیوز پاکستان-آئی این پی