قائد مسلم لیگ ن نوازشریف نے ملک بھر میں پارٹی کو مکمل طور پر منظم کرنے کا فیصلہ کر لیا۔ پارٹی ذرائع کے مطابق سابق وزیراعظم نوازشریف نے سردار ایاز صادق کو پارٹی کو منظم کرنے کی ذمہ داری سونپ دی ہے، سابق سپیکر قومی اسمبلی کو پارٹی کے پرانے ساتھی اور روٹھے ارکان کو بھی ماننے کا ٹاسک دیا گیا ہے۔ سردار ایاز صادق نے قائد کی ہدایت پر چاروں صوبوں میں رابطوں کا آغاز کر دیا، ایاز صادق نے ابتدائی دورہ بلوچستان کیا اور صوبائی قیادت کو منظم ہونے کی ہدایت کی۔ سابق سپیکر قومی اسمبلی سردار ایاز صادق جلد پنجاب، سندھ، خیبر پختونخوا کے دورے بھی کریں گے۔

کریڈٹ: انڈیپنڈنٹ نیوز پاکستان-آئی این پی

عالمی مالیاتی ادارے(آئی ایم ایف)نے ٹیوب ویل صارفین کیلئے بجٹ سبسڈی ختم کرنے کا مطالبہ کردیا۔ نجی ٹی وی کے مطابق آئی ایم ایف مشن سے تکنیکی سطح کے مذاکرات میں وزارت توانائی اور وزارت خزانہ کے حکام کی میٹنگ ہوئی جس دوران ٹیوب ویل سولرائزیشن سکیم کو رواں مالی سال شروع کرنے پر بات چیت کی گئی۔ آئی ایم ایف نے پاکستان کے زرعی شعبے کے لیے سولرائزیشن کا نظام متعارف کروانے کا کہا ہے اور ٹیوب ویل صارفین کیلئے بجٹ سبسڈی ختم کرنے کا مطالبہ کرتے ہوئے کہا ہے کہ 90 ارب روپے میں 30 ارب وفاق، 30 ارب صوبے اور 30 ارب ٹیوب ویل صارفین دیں گے۔ سکیم پر عملدرآمد سے آئندہ مالی سال کے بجٹ میں ٹیوب ویلز صارفین کو بجلی کے استعمال کی مد میں سبسڈی نہ دینے کا بھی کہا گیا ہے۔ میٹنگ میں آئی ایم ایف کو بتایا گیا ہے کہ کاسٹ ریکورننگ ٹیرف بہتری کیلئے نیپرا سہ ماہی ایڈجسٹمنٹس، فیول پرائس ایڈجسٹمنٹس بروقت نوٹیفکیشن کررہا ہے۔ آئی ایم ایف نے ڈسکوز، وزارت توانائی اور نیپرا کے درمیان تعاون اور فیصلوں پر جلد عملدرآمد کی ہدایت بھی کی ہے۔

کریڈٹ: انڈیپنڈنٹ نیوز پاکستان-آئی این پی

اردو ادب کے ممتاز شاعر و ادیب اور دانشور جون ایلیا کی 21ویں برسی(آج) 8نومبرکو منائی جائے گی اس سلسلے میں اس عظیم شاعر کو خراج عقیدت پیش کرنے کیلئے ملک بھر کے ادبی حلقوں میں تعزیتی سیمینارز،مذاکرے اور مختلف تقریبات کا اہتمام کیا جائے گا۔ فلاسفر اور سوانح نگارجون ایلیااپنے منفرد انداز تحریر کی وجہ سے جانے جاتے تھے وہ معروف شاعر،صحافی اور دانشور رئیس امروہوی او ر سیّد محمد تقی کے بھائی تھے انہوں نے پچاس ہزار سے زائد اشعار کہے اور چالیس سے زائد نایاب کتب کے تراجم کیے ان کا علم ایک انسائیکلو پیڈیا کی مانند تھا۔پسے ہوئے طبقے کے ترجمان شاعرجون ایلیا14دسمبر 1937ء کو پیدا ہوئے ان کے والد محترم علامہ شفیق حسن ایلیا ادب سے گہرا لگائو رکھتے تھے اس علمی ماحول میں جون ایلیا نے پرورش پائی جون ایلیانے اپنا پہلا اردو شعر محض 8برس کی عمر میں کہا۔ان کی معروف تصانیف میں ''شاید''، ''گویا''، ''یعنی''، ''گمان''، ''لیکن'' اور دیگر قابل ذکر ہیں۔جون ایلیا کواردو، انگریزی،عربی،فارسی،سنسکرت،عبرانی اور دیگر زبانوں پر دسترس حاصل تھی انہوں نے شاعری کے علاوہ فلسفہ،منطق،اسلامی تاریخ،سائنس اور مغربی ادب کے تراجم پر بھی وسیع کام کیا ہے انہوں نے دنیا کی40 کے قریب نایاب کتب کے تراجم کیے انہوں پچاس ہزار سے زائد شہر کہے جن میں زیادہ تر منظر عام پر نہ آسکے ہیں۔ جون ایلیا کا علم کسی انسائیکلو پیڈیا کی طرح وسیع تھااس علم کا نچوڑ ان کی شاعری سے بھی عیاں ہے۔جون ایلیا 8نومبر 2002ء کو 72برس کی عمر میں طویل علالت کے بعد انتقال کر گئے۔

کریڈٹ: انڈیپنڈنٹ نیوز پاکستان-آئی این پی

پاکستان سمیت دنیا بھر میں ذیابیطس سے بچائو کا عالمی دن14نومبر کو منایا جائے گااس دن کے منانے کا مقصد ذیابیطس (شوگر) کے مرض سے پیدا شدہ پیچیدگیوں،علامات اور اس سے بچائو کے متعلق آگاہی فراہم کرنا ہے اس دن کی مناسبت سے ملک بھر میں محکمہ صحت اور سماجی تنظیموں کی جانب سے تقریبات کا اہتمام کیا جائے گا۔ذیابیطس سے بچائو کا عالمی دن اس مرض کی دوا انسولین تیار کرنیوالے کے یوم پیدائش کے موقع پر منایا جاتا ہے۔ایک رپورٹ کے مطابق دنیا بھر میں کروڑوں لوگ ذیابیطس (شوگر) سے متاثرہ ہیں پاکستان میں بھی ایک محتاط اندازے کے مطابق ایک کروڑ سے زائد لوگ شوگر کے مرض کا شکار ہیں۔ماہرین کا کہنا ہے کہ ذیابیطس کے اسباب میںموٹاپا،تمباکو نوشی اور ورزش نہ کرنا اہم وجوہات ہیں احتیاطی تدابیر،مناسب ورزش سے اس مرض سے محفوظ رہا جا سکتا ہے جبکہ مرض لاحق ہونے کے باوجود بھی معمول کے مطابق زندگی گزاری جا سکتی ہے۔

کریڈٹ: انڈیپنڈنٹ نیوز پاکستان-آئی این پی

پاکستان کے پہلے صدر اسکندر مرزا کی 54ویں برسی12نومبر کو منائی جائیگی۔اسکندرمرزادسمبر1898ء کو مرشد آباد بنگال میں پیدا ہوئے وہ 5مارچ1956ء کو پاکستان کے نئے آئین کے تحت پہلے صدر بنے 1958ء کواسکندر مرزا نے ملک میں سیاسی بحران کے سبب مارشل لاء نافذ کر دیا اس وقت کے مارشل لاء ایڈمنسٹریٹر جنرل ایوب خان نے انہیں صدارت کے عہدے سے بدطرف کر دیا جس کے بعد وہ ملک چھوڑ کر لندن چلے گئے جہاں 12نومبر1969ء کو ان کی وفات ہو گئی اور انہیں ایران میں دفن کر دیا گیا۔

کریڈٹ: انڈیپنڈنٹ نیوز پاکستان-آئی این پی

کوئٹہ میں کانگو وائرس کی صورتحال سنگین رخ اختیار کرگئی ہے جہاں ایک اور مریض جان کی بازی ہار گیا جب کہ کوئٹہ کے سنڈیمن ہسپتال میں کریمین کانگو ہیمرجک فیور (سی سی ایچ ایف)وائرس سے متاثرہ مزید 5 مریضوں کو طبی امداد کی فراہمی کے لیے کراچی منتقل کردیا گیا۔ کراچی کے نجی اسپتال میں بلوچستان سے لائے گئے مریضوں کی کل تعداد 11 ہوگئی ہے۔ محکمہ صحت سندھ کے ترجمان نے بتایا کہ کوئٹہ سے تعلق رکھنے والے کانگو بخار کے 11 مریضوں کو گزشتہ 2 روز کے دوران آغا خان یونیورسٹی ہسپتال منتقل کیا گیا ہے۔ انہوں نے نشاندہی کی کہ ہسپتال مرض کی تشخیص کے لیے اپنے طریقہ کار کے مطابق عمل کر رہا ہے، اس لیے صرف ان ہیلتھ کیئر پرووائیڈرز کو کراچی بھیجا جا رہا تھا جن کا ٹیسٹ مثبت آیا تھا۔ بلوچستان کے محکمہ صحت کے ایک عہدیدار کے ساتھ اپنی ٹیلی فونک گفتگو کا حوالہ دیتے ہوئے محکمہ صحت سندھ کے ترجمان شبیر علی بابر نے کہا کہ سی سی ایچ ایف وبا کے باعث کوئٹہ کے ہسپتال میں خوف و ہراس پھیل گیا ہے، انہوں نے کہا کہ خاص طور پر بیمار ڈاکٹر کی کراچی منتقلی کے دوران موت کے بعد کراچی میں بھی بہت زیادہ تشویش پائی جاتی ہے۔ محکمہ صحت سندھ نے 8 بستروں پر مشتمل سی سی ایچ ایف آئسولیشن یونٹ قائم کیا ہوا ہے۔ انہوں نے کہا کہ عملہ چوبیس گھنٹے موجود رہے گا، کراچی میں اب تک کوئی سی سی ایچ ایف کیس رپورٹ نہیں ہوا۔

کریڈٹ: انڈیپنڈنٹ نیوز پاکستان-آئی این پی

پاکستان پیپلز پارٹی کے سینئر رہنما ڈاکٹر فرحت اللہ بابر نے پارٹی چھوڑنے کے حوالے سے زیر گردش افواہوں کی تردید کر دی ۔ سماجی رابطے کے پلیٹ فارم ایکس پر جاری اپنے بیان میں فرحت اللہ بابر نے بتایا کہ ان کے نام سے ایک جعلی ایکس اکانٹ گردش کر رہا ہے جس کے ذریعے ان سے متعلق جھوٹا دعوی کیا گیا ہے۔ اپنے پیغام میں فرحت اللہ بابر کا کہنا تھا کہ میرے نام سے ایک جعلی ٹوٹر اکاونٹ گردش کر رہا ہے جس میں یہ لغو، جھوٹا دعوی کیا گیا ہے کہ خدا نخواستہ میں کسی دوسری سیاسی پارٹی مئں شامل ہو گیا ہوں۔ پی پی رہنما کا کہنا تھا کہ اس گھٹیا اور مذموم حرکت پر دکھ ہوا اور شدید مذمت کرتا ہوں۔ انہوں نے مزید کہا کہ اگر کسی کو کوئی خوش فہمی ہے تواپنی بھلائی کیلئے ہی یہ خیال دل سے نکال لے۔

کریڈٹ: انڈیپنڈنٹ نیوز پاکستان-آئی این پی

وزارت خزانہ نے سابق چیف جسٹس آف پاکستان انورظہیر جمالی کی جانب سے 2 ہزار یونٹس بجلی کے استعما ل پر رقم فراہم کرنے سے انکار کر تے ہوئے کہا ہیکہ قواعد اس رقم کی ادائیگی کی اجازت نہیں دیتے۔ وزارت خزانہ ریگولیشن ونگ کی جانب سے اسسٹنٹ رجسٹرار کو بھجوائے گئے سرکاری خط میں کہا گیا ہے کہ سپریم کورٹ کے ججز کی مراعات کے آرڈر 1997میں کہا گیا ہے کہ جج کی ریٹائرمنٹ پر اور اس کی موت کے بعد اس کی بیوہ سرکاری خرچ پر2 ہزار یونٹس کے استعمال کا استحقاق رکھنے کے بارے میں جو حوالہ دیا گیا ہے اس قاعدے کی رو سے حکومت سپریم کورٹ کے ریٹائرڈ جج کی جانب سے خرچ کی گئی بجلی میں سے زیادہ سے زیادہ2 ہزار یونٹس تک کی بجلی کے استعمال کے اخراجات اٹھاسکتی ہے۔ یہ2 ہزار یونٹس زیادہ سے زیادہ حد ہے اور موجودہ قواعد مندرجہ بالا مونیٹائزیشن ( رقم ادا کرنے) کی اجازت نہیں دیتے لہذا آپ سے درخواست ہے کہ مزید ضروری اقدام کریں۔ واضح رہے کہ جسٹس(ر)انور ظہیر جمالی نے 3 اکتوبر کو وزارت خزانہ کو لکھے گئے اپنے خط میں کہا تھا کہ 3 سال تک کے 2 ہزاریونٹس ماہانہ ان کے بجلی کے بل کی نیٹ مانیٹرنگ میں ایڈجسٹ کیے جائیں کیونکہ انہوں نیاپنے گھر پر سولر سسٹم لگوالیا تھا جس کی وجہ سے وہ ججز کو استحقاق کے مطابق حاصل سہولت سے فائدہ نہیں اٹھاپائے۔

کریڈٹ: انڈیپنڈنٹ نیوز پاکستان-آئی این پی

اسلام آباد ہائی کورٹ نے شہریار آفریدی اور شاندانہ گلزار کو کسی اور مقدمے میں گرفتاری سے روکنے کے حکم میں 21 نومبر تک توسیع کردی۔ پی ٹی آئی رہنما شہریار آفریدی اور شاندانہ گلزار کی ایم پی او آرڈر کے خلاف کیس کی اسلام آباد ہائی کورٹ میں سماعت ہوئی، جسٹس بابر ستار نے کیس کی سماعت کی، ایڈیشنل اٹارنی جنرل منور اقبال دوگل عدالت میں پیش ہوئے۔ ایم پی او آرڈر سے متعلق ڈی سی کے اختیارات پر ایڈیشنل اٹارنی جنرل نے دلائل دئیے کہ پہلی بار 1960 دسمبر میں ایم پی او آیا، سب سے پہلے ویسٹ پاکستان میں ایم پی او کا اطلاق ہوا۔ ایڈیشنل اٹارنی جنرل نے کہا کہ پانچ جون 1962 میں اس میں مزید ترمیم کی گئی اور جب پہلی بار ایم پی او آیا تو اس وقت اسلام آباد دارالخلافہ نہیں تھا، جب پہلی بار ایم پی او آرڈر آیا تو اس وقت کراچی دارالخلافہ تھا۔ جسٹس بابر ستار نے کہا کہ آپ صرف اسلام آباد کی حد تک ڈی سی کے اختیارات سے متعلق دلائل دیں، ہمیں وہ دکھا دیں جب دارالخلافہ اسلام آباد ہوا تو تب کا ایم پی او آرڈریننس کیا تھا۔ ایڈیشنل اٹارنی جنرل نے کہا کہ میرے پاس فی الحال وہ ریکارڈ نہیں ہے، وزارت قانون سے مانگا تھا لیکن مل نہیں سکا، ہمارا مقف ہے کہ جب آرڈیننس آیا تو اس وقت اسلام آباد دارالحکومت نہیں تھا، میں متعلقہ شق 8 پڑھتا ہوں۔ جسٹس بابر ستار نے کہا کہ سی ڈی اے کے قانون میں کہیں لکھا ہوگا وہاں دیکھ لیں، ہو سکتا ہے وہاں موجود ہو، ہم نے دیکھنا ہے کہ ایم پی او کا اطلاق وفاق میں کیسے ہوگا۔ ایڈیشنل اٹارنی جنرل نے کہا کہ 1967 میں دارالحکومت اسلام آباد منتقل ہوا ہے، اس کے ساتھ عدالت میں ایڈیشنل اٹارنی جنرل منور اقبال دوگل کے دلائل مکمل ہوگئے جبکہ سٹیٹ کونسل آئندہ سماعت پر دلائل دیں گے۔ عدالت نے آئندہ سماعت پر موجودہ ڈپٹی کمشنر کو اختیارات تفویض کیے جانے سے متعلق دلائل دینے کی ہدایت کردی اور جسٹس بابر ستار نے کیس کی سماعت 21 نومبر تک ملتوی کردی۔

کریڈٹ: انڈیپنڈنٹ نیوز پاکستان-آئی این پی

ماری کلچر ورکشاپ نے پاکستانی اسکالرز کو گوادر میں پائیدار آبی زراعت کے طریقوں کو فروغ دینے کی ترغیب دی ، ما ورکشاپ کے دوران اسکالرزکو مچھلی کی افزائش، فیڈ مینجمنٹ، بیماریوں پر قابو پانے اور پانی کے معیار کی نگرانی سمیت ماری کلچر کی مختلف ٹیکنالوجیز سے روشناس کرایا گیا۔گوادر پرو کے مطابق ماری کلچر ٹیکنالوجیز پر بین الاقوامی تربیتی ورکشاپ2023 ، 24 اکتوبر سے 3 نومبر تک چنگ ڈا ومیں منعقد ہوئی ،اس نے پاکستانی اسکالرز کو گوادر میں پائیدار آبی زراعت کے طریقوں کو فروغ دینے کی ترغیب دی ہے۔ جدید آبی زراعت کی تکنیک پر توجہ مرکوز کرتے ہوئے ، ورکشاپ نے پاکستان ، افغانستان اور گھانا سمیت مختلف ممالک کے اسکالرز کو اہم معلومات اور مہارت فراہم کی ، جس سے وہ خطے میں آبی زراعت کی ترقی اور استحکام میں کردار ادا کرسکتے ہیں۔ گوادر پرو کے مطابق ما اوشن یونیورسٹی آف چائنا (او یو سی)کالج آف فشریز میں پی ایچ ڈی اسکالر ایدہ بلوچ، جو ماہی گیری کے وسائل میں مہارت رکھتی ہیں اور پاکستان میں پائیدار آبی زراعت کے طریقوں کو فروغ دینے کے جذبے سے سرشار ہیں، کو ورکشاپ میں شرکت کے لیے منتخب کیا گیا۔ ورکشاپ کے دوران، انہوں نے معروف ماہرین، خاص طور پر یلو سی فشریز ریسرچ انسٹی ٹیوٹ، چائنیز اکیڈمی آف فشری سائنسز کے ماہرین کے ساتھ مختلف سیشنز اور تبادلہ خیال میں سرگرمی سے حصہ لیا۔ گوادر پرو کے مطابق ما ورکشاپ کی ایک خاص بات عملی تربیتی نشستیں تھیں، جس کے دوران شرکا کو ماری کلچر کی سہولیات کا دورہ کرنے اور مختلف ٹیکنالوجیز کے نفاذ کا براہ راست مشاہدہ کرنے کا موقع ملا۔ دیگر شرکا کے ساتھ ، ایدہ نے چین -آسیان فشریز کوآپریشن فورم اور 26 ویں چائنا انٹرنیشنل فشریز ایکسپو میں حصہ لیا اور ماری کلچر انٹرپرائزز اور تحقیق اور ترقیاتی اڈوں کا دورہ کیا ، جس نے ماری کلچر کے عملی پہلوں میں قیمتی تجربہ اور بصیرت حاصل کی۔

گوادر پرو کے مطابق ما ورکشاپ کے دوران ایدہ کو مچھلی کی افزائش، فیڈ مینجمنٹ، بیماریوں پر قابو پانے اور پانی کے معیار کی نگرانی سمیت ماری کلچر کی مختلف ٹیکنالوجیز سے روشناس کرایا گیا۔ جامع تربیت نے انہیں چین کی انتہائی کامیاب آبی زراعت کی صنعت میں استعمال ہونے والی تازہ ترین پیشرفتوں اور بہترین طریقوں کی گہری تفہیم فراہم کی۔ ایدہ نے نشاندہی کی کہ بلوچستان کی ساحلی پٹی میں بہت سے لوگوں کا ذریعہ معاش ماہی گیری کے شعبے سے جڑا ہوا ہے ، اور غیر موسمی مچھلی پکڑنا اور علم اور آگاہی کی کمی کی وجہ سے مارکیٹ کا نامکمل سائز جیسے بہت سے چیلنجز ہیں ۔ گوادر پرو کے مطابق ورکشاپ کے دوران حاصل ہونے والے علم سے متاثر ہو کر ایدہ گریجویشن کے بعد اپنے آبائی شہر گوادر کے مالا مال ساحلی وسائل سے فائدہ اٹھاتے ہوئے اپنی تحقیق کو آگے بڑھانے اور پائیدار آبی زراعت کے طریقوں کو نافذ کرنے کے لیے حاصل کردہ مہارتوں اور علم کو بروئے کار لانے کے لیے وقف ہیں۔ گوادر پرو کے مطابق اپنے تجربے پر روشنی ڈالتے ہوئے ایدہ نے ورکشاپ میں شرکت کا موقع ملنے پر شکریہ ادا کیا۔ انہوں نے کہا، "چنگ ڈا میں تربیتی ورکشاپ میرے لئے ایک ناقابل یقین سیکھنے کا تجربہ رہا ہے. میں نے ماری کلچر ٹیکنالوجیز میں قیمتی علم اور عملی مہارت حاصل کی ہے جو میری تحقیق اور مستقبل کی کوششوں میں بہت اہم کردار ادا کرے گی۔ انہوں نے کہا کہ مجھے امید ہے کہ یہ ورکشاپ پاکستان میں دیگر محققین اور اسکالرز کے لئے سمندری سائنس کے شعبے میں بین الاقوامی تعاون اور معلومات کے تبادلے کے مواقع تلاش کرنے کے لئے ایک تحریک کا کام کرے گی۔

کریڈٹ: انڈیپنڈنٹ نیوز پاکستان-آئی این پی

چائنا گیزوبا گروپ کمپنی لمیٹڈ (سی جی جی سی)کے نائب صدر ڈینگ ین چی نے اپنے دورہ پاکستان کے دوران کہا کہ گیزوبا گروپ اپنے وسائل سے فائدہ اٹھانے، پاکستانی مارکیٹ میں مزید داخل ہونے، چین پاکستان اقتصادی راہداری کو مہارت اور وسائل فراہم کرنے اور چین اور پاکستان کے درمیان پائیدار دوستی کو لامتناہی رفتار دینے کا خواہاں ہے۔گوادر پرو کے مطابق چائنا گیزوبا گروپ کمپنی لمیٹڈ (سی جی جی سی) کے نائب صدر ڈینگ نے گزشتہ ہفتے پاکستان کا دورہ کرنے والے وفد کی قیادت کی۔ انہوں نے پاکستان میں چینی سفارت خانے کے کمرشل قونصلر لی یونگ سے ملاقات کی اور پاکستان میں سی جی جی سی کے بین الاقوامی کاروبار اور آپریشنز کا تعارف کرایا۔ انہوں نے ایس کے ہائیڈرو پاور اسٹیشن منصوبے کی تعمیر کے بارے میں بھی تفصیلی تبادلہ خیال کیا ، جو سی پیک کے تحت گروپ کی طرف سے سرمایہ کاری کا سب سے بڑا ہائیڈرو پاور اسٹیشن ہے۔ گوادر پرو کے مطابق ڈینگ نے پاکستان میں قیام کے دوران واٹر اینڈ پاور ڈویلپمنٹ اتھارٹی (واپڈا) کے چیئرمین لیفٹیننٹ جنرل (ر) سجاد غنی سے بھی ملاقات کی۔ انہوں نے این جے ہائیڈرو پاور اسٹیشن کے کامیاب نفاذ کا جائزہ لیا جو پاکستان میں گیزوبا گروپ کی جانب سے تعمیر کیا جانے والا پہلا منصوبہ تھا۔ ڈینگ نے کہا کہ 2018 میں این جے منصوبے کی کامیاب بجلی کی پیداوار گیزوبا اور واپڈا کے درمیان مضبوط دوستی کا مظہر ہے کیونکہ انہوں نے مشترکہ ترقی اور باہمی فائدے کے لئے مل کر کام کیا ہے۔ گوادر پرو کے مطابق سی جی جی سی واپڈا کے ساتھ گہرے تعاون کو مضبوط بنانے کے لئے پرعزم ہے۔ ان کا مقصد مشترکہ طور پر پن بجلی، پانی کے تحفظ، فوٹو وولٹک اور دیگر شعبوں میں تعاون کو فروغ دینا ہے۔ ڈینگ نے مزید کہا کہ ان کا مقصد چین اور پاکستان کے درمیان دوستانہ تعاون کا ماڈل تیار کرنا ہے۔گوادر پرو کے مطابق سی جی جی سی اور واپڈا کے درمیان تعاون اور باہمی اعتماد کی مضبوط بنیاد ہے۔ سجاد نے گروپ کو پاکستان کی صاف توانائی کی تعمیر میں فعال طور پر حصہ لینے اور ملک کی سماجی و اقتصادی ترقی میں حصہ لینے پر خوش آمدید کہا۔ گوادر پرو کے مطابق ڈینگ اور ان کے وفد نے خیبر پختونخوا میں ایس کے ہائیڈرو پاور اسٹیشن کی سائٹ کا بھی دورہ کیا۔ مارکیٹ کی ترقی کو چھوتے ہوئے ، ڈینگ نے اس بات پر زور دیا کہ ہائیڈرو پاور سی جی جی سی کا روایتی اور فائدہ مند کاروبار ہے ، جو گروپ کی ترقی کی "جڑ" اور "روح" کے طور پر کام کرتا ہے۔ گیزوبا گروپ کو پن بجلی کے شعبے پر مضبوط اعتماد ہے۔ ہمیں پاکستان میں متعلقہ مارکیٹ میں گہری شرکت کرنی چاہئے اور گروپ کے بین الاقوامی کاروبار کے معیار اور ہم آہنگی کی ترقی کو ترجیح دینی چاہئے۔

کریڈٹ: انڈیپنڈنٹ نیوز پاکستان-آئی این پی

پاکستان کے معروف ریسرچ ادارے پائیڈ کے مطابق پاکستان کی تینوں بڑی سیاسی جماعتیں عوامی مسائل کے حل کیلئے منصوبہ بندی میں ناکام دکھائی دے رہی ہیں۔ ریسرچ ادارے پائیڈ نے مسلم لیگ ن، پیپلزپارٹی اور تحریک انصاف کے منشور کا پوسٹ مارٹم کردیا۔ رپورٹ میں بتایا گیا ہے کہ تینوں جماعتوں کے منشور میں ملک کے صرف 20 فیصد مسائل کا حل موجود ہے، تینوں بڑی سیاسی جماعتیں ملک کے 18 بڑے مسائل کے حل کیلئے پاسنگ مارکس بھی نہ لے سکیں۔ رپورٹ کے مطابق پیپلز پارٹی کا اسکور صفر، پی ٹی آئی کے پاس 13 شعبوں جبکہ مسلم لیگ ن کے منشور میں بھی 12 شعبوں کے مسائل کے حل کا پلان موجود نہیں۔ تینوں جماعتوں کے منشور میں ملک کے صرف 20 فیصد مسائل کا حل موجود ہے۔ پائیڈ کے مطابق بڑی سیاسی جماعتوں کے منشور میں 18 شعبوں سے متعلق پالیسیز کا جائزہ لیا گیا، اہم شعبوں میں لوکل گورنمنٹ، پارلیمنٹ، انتخابات، کابینہ اور پولیس کا محکمہ شامل ہیں۔ بیورو کریسی، ترقیاتی فنڈز، رئیل اسٹیٹ، زراعت، توانائی، ٹیکس، تجارت، قرضوں کا انتظام، ٹیرف، حکومتی ملکیتی اداروں، انٹرنیٹ کی فراہمی سے متعلق منشور کا بھی موازنہ کیا گیا۔ رپورٹ کے مطابق تینوں سیاسی جماعتوں کے منشور کا جائزہ لینے کے بعد یہ معلوم ہوا کہ پیپلزپارٹی کے پاس 7 فیصد، تحریک اںصاف کے پاس 1.5 فیصد جبکہ ن لیگ کے پاس 12 فیصد ملکی مسائل حل کرنے کا منصوبہ موجود ہے۔ ریسرچ ادارے نے سیاسی جماعتوں کو مسائل حل کرنے کا پلان منشور کا حصہ بنانے کا مشورہ دیتے ہوئے مسائل کے حل کیلئے سیاسی عناد اور کیچڑ اچھالنے کے بجائے پالیسی ایشوز پر بحث پر زور دیا ہے، پائیڈ کی پالیسیز پر مباحثے کیلئے ٹویٹر جیسے سوشل میڈیا پلیٹ فارم استعمال کرنے کی سفارش کی گئی ہے۔ رپورٹ کے مطابق 2022 میں پاکستان میں ٹویٹر صارفین کی تعداد 34 لاکھ تھی۔ رپورٹ کے مطابق جو بھی سیاسی جماعت اقتدار میں آئی اس کے پاس پائیدار ترقی کا پلان نہیں، منشور میں پلان نہ ہونے سے ایڈہاک ازم اور ذاتی مفادات کو فروغ ملتا ہے، مقامی حکومتوں کو مضبوط بنانے کیلئے عملی اقدامات نہیں کئے گئے، سیاسی جماعتیں انتخابی نعروں کو عملی جامہ پہنانے میں بھی ناکام رہیں۔ پیپلز پارٹی اور نون لیگ کی توجہ موروثی سیاست اور دیگر سیاسی تنازعات پر رہی۔

کریڈٹ: انڈیپنڈنٹ نیوز پاکستان-آئی این پی

مسلم لیگ (ن)کے رہنما اور سابق وزیر اعظم شاہد خاقان عباسی کو متحدہ قومی موومنٹ ( ایم کیو ایم ) میں شمولیت کی دعوت مل گئی۔ کراچی میں احتساب عدالت میں پیشی کے موقع پر ایم کیو ایم رہنما رف صدیقی کی شاہد خاقان عباسی سے ملاقات ہوئی جہاں انہوں نے سابق وزیر اعظم کو پارٹی میں شمولیت کی دعوت دی۔ روف صدیقی کا کہنا تھا کہ شاہد خاقان عباسی کو پارٹی میں شامل ہونے کی دعوت دیتا ہوں جس پر سابق وزیر اعظم نے ان سے مکالمہ کیا کہ لاہور میں ایم کیو ایم کا نائب صدر میرے گاوں کا ہے۔ ایم کیو ایم رہنما کا کہنا تھا کہ مڈل کلاس پارٹی ہی ملک کی ترقی کا حل ہے۔ اس موقع پر روف صدیقی نے شاہد خاقان کو ملکی حالات پر اشعار بھی سنائے۔

کریڈٹ: انڈیپنڈنٹ نیوز پاکستان-آئی این پی

نگران وزیر توانائی محمد علی نے کہا ہے کہ سمندر میں تیل و گیس کی تلاش کے 24 بلاکس کی نشاندہی کرلی گئی۔ اسلام آباد میں سالانہ ٹیکنیکل کانفرنس اینڈ آئل شو سے خطاب میں نگران وزیر توانائی محمد علی کا کہنا تھا کہ نومبر میں ان بلاکس کی بڈنگ کر دی جائے گی۔ انہوں نے کہا کہ ٹائٹ گیس پالیسی حتمی مراحل میں ہے، تیل و گیس میں زیادہ پیداوار بڑھانے کیلئے جدید ٹیکنالوجی سے فائدہ اٹھایا جائے گا۔ محمد علی نے کہا کہ سرمایہ کاروں کی سیکیورٹی تحفظ پر کام کر رہے ہیں، چاہتے ہیں تیل و گیس سیکٹر میں سرمایہ کاری بڑھے۔ وزیر توانائی کا مزید کہنا تھا کہ قابل تجدید توانائی کے منصوبوں پر کام جاری ہے، ملک میں توانائی کی بہتری کیلیے اقدامات کر رہے ہیں۔ متبادل توانائی کے منصوبوں پر سرمایہ کاری کیلئے بھی کام جاری ہے۔

کریڈٹ: انڈیپنڈنٹ نیوز پاکستان-آئی این پی

سیالکوٹ کے قریب کھیت سے دو نوجوانوں کی لاشیں برآمد کرلی گئیں۔ پولیس کے مطابق مقتولین کو فائرنگ کر کے قتل کیا گیا اور دونوں کو سروں میں گولیاں مار کر قتل کیا گیا، ایک مقتول کی شناخت یعقوب کے نام سے ہوئی جبکہ مقتولین کی عمریں 25 سال کے قریب ہیں۔ پولیس کا کہنا ہے کہ ابتدائی طور پر ایسا لگتا ہے کہ غیرت کے نام پر مارا گیا ہے تاہم واقعے کی تحقیقات کی جا رہی ہیں۔

کریڈٹ: انڈیپنڈنٹ نیوز پاکستان-آئی این پی

گولدائی میں ڈبل کیبین گاڑی گہری کھائی میں گرنے سے 4 افراد جاں بحق ہو گئے۔ پولیس اور ریسکیو 1122 ذرائع کے مطابق حادثے میں کئی افراد زخمی بھی ہوئے ہیں، جنہیں آر ایچ سی پاتراک منتقل کردیا گیا ہے۔ مقامی ذرائع کا کہنا ہے کہ حادثہ سڑک کی خرابی کی وجہ سے پیش آیا، جس میں 4 افراد جاں بحق اور کئی دیگر زخمی ہوئے ہیں۔

کریڈٹ: انڈیپنڈنٹ نیوز پاکستان-آئی این پی

اڈیالہ جیل روڈ سے برآمد ہونے والے بم کو پولیس اور بم ڈسپوزل اسکواڈ نے ناکام بنا دیا۔ تفصیلات کے مطابق پولیس نے مشکوک ڈیوائس میں بارودی مواد کی موجودگی کی تصدیق کی اور ڈیوائس کو کھیت میں لے جا کر رکھ دیا۔ بم ڈسپوزل اسکواڈ کا فوری طلب کیا گیا۔ بارود بچا حفاظتی کٹ میں ملبوس سول ڈیفنس اور بم ڈسپوزل عملے نے بم ناکارہ بنایا۔ کمانڈر بم ڈسپوزل اسکواڈ کے مطابق ڈیوائس میں 1200 گرام بارود تھا جسے ناکارہ بنایا گیا، بم اڈیالہ جیل کے گیٹ نمبر 5 سے 100 میٹر دور فاصلے پر رکھا گیا تھا۔ بم ڈسپوزل اسکواڈ نے بتایا کہ ڈھاکہ سویٹ گورکھ پور کے ساتھ یہ بم رکھا گیا تھا ۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کے وائس چیئرمین شاہ محمود قریشی کی سائفر کیس میں ضمانت کی درخواست پر سماعت(آج) بدھ تک ملتوی ہوگئی۔ منگل کو اسلام آباد ہائی کورٹ میں چیف جسٹس عامر فاروق نے وائس چیئرمین پی ٹی آئی شاہ محمود قریشی کی سائفر کیس میں درخواست ضمانت پر سماعت کی۔ سماعت کے دوران وفاقی تحقیقاتی ایجنسی (ایف آئی اے )کے پراسیکیوٹر شاہ خاور کے معاون وکیل عدالت میں پیش ہوئے اور بتایا کہ پراسیکیوٹر سپریم کورٹ میں مصروف ہیں۔ شاہ محمود قریشی کے وکیل ایڈووکیٹ علی بخاری نے سماعت دو بجے تک ملتوی کرنے کی استدعا کی جسے عدالت نے مسترد کر دیا، چیف جسٹس نے کہا کہ خصوصی ڈویژن بنچ ہے، اسے (آج) بدھ کیلئے رکھ لیتے ہیں۔ تاہم عدالت عالیہ نے ایف آئی اے پراسیکیوٹر کی عدم دستیابی کے باعث سماعت(آج) تک ملتوی کر دی۔

کریڈٹ: انڈیپنڈنٹ نیوز پاکستان-آئی این پی

پاکستان مسلم لیگ (ن)نے 33 رکنی منشور کمیٹی کا اعلان کر دیا۔ پارٹی صدر شہباز شریف کی منظوری سے سیکرٹری جنرل احسن اقبال نے منشور کمیٹی کی تشکیل کا باضابطہ نوٹیفکیشن بھی جاری کر دیا ہے۔ منشور کمیٹی میں چاروں صوبوں، آزاد جموں و کشمیر، گلگت بلتستان اور اقلیتوں کو نمائندگی دی گئی ہے، کمیٹی کے چیئرمین سینیٹر عرفان صدیقی ہوں گے، احسن اقبال، پرویز رشید، سعد رفیق، سینیٹر اعظم نذیر تارڑ، خرم دستگیر کمیٹی کے رکن مقرر کر دیئے گئے۔ لیگی رہنما رانا احسان افضل، را اجمل، ریاض الحق، سینیٹر مصدق ملک، بیرسٹر ظفر اللہ، ڈاکٹر طارق فضل، پیر صابر شاہ، اختیار ولی، کھیل داس کوہستانی، بشیر میمن کمیٹی ارکان میں شامل ہیں۔ نوٹیفکیشن کے مطابق راحیلہ درانی، عظمی بخاری، ناصر محمود، کامران مائیکل، سینیٹر نزہت صادق، رانا مشہود احمد خان، گلگت بلتستان سے حافظ حفیظ الرحمان، آزاد جموں و کشمیر سے شاہ غلام قادر بھی منشور کمیٹی کا حصہ ہیں۔ سینیٹر ڈاکٹر افنان اللہ خان، بیرسٹر امجد ملک، سلمہ بٹ، عاشق کرمانی، راحیلہ خادم حسین، رانا سکندر حیات، مرکزی سیکرٹری اطلاعات مریم اورنگزیب، اسسٹنٹ سیکرٹری جنرل بلال اظہر کیانی، علی پرویز ملک اور شزا فاطمہ خواجہ بھی منشور کمیٹی کے ارکان میں شامل ہیں۔

کریڈٹ: انڈیپنڈنٹ نیوز پاکستان-آئی این پی

مسافر بس نے بے قانو ہو کر گدھا ریڑھی پر سوار مزدوروں کو کچل دیا جس سے 5 افراد موقع پر ہی جاں بحق اور 3 زخمی ہوگئے۔ ریسکیو ذرائع کے مطابق یہ افسوسناک واقعہ ٹبی موچی والی سنانواں کے نزدیک پیش آیا، گدھا ریڑھی پر سوار افراد کوٹ ادو سے سنانواں مزدوری کیلئے جاتے ہوئے مسافر بس کی زد میں آئے۔ تیز رفتار مسافر بس راولپنڈی سے راجن پور جا رہی تھی، ریسکیو کے عملے نے زخمیوں کو ابتدائی طبی امداد دی جبکہ جاں بحق افراد کی لاشوں کو ڈیڈ شیٹ سے ڈھانپ دیا گیا۔

کریڈٹ: انڈیپنڈنٹ نیوز پاکستان-آئی این پی

نگران وزیراعلی پنجاب محسن نقوی نے ترقیاتی منصوبوں پر کام کی رفتار مزید تیز کرنے کی ہدایت کر دی۔ نگران وزیراعلی پنجاب نے علی الصبح خالد بٹ چوک انڈرپاس پراجیکٹ کا دورہ کیا، منصوبے پر جاری تعمیراتی کاموں کی پیش رفت کا تفصیلی جائزہ لیا، محسن نقوی نے انڈر پاس کی اندرونی دیواروں کے تعمیراتی کاموں کا معائنہ بھی کیا۔ کمشنر و ڈی جی ایل ڈی اے محمد علی رندھاوا، چیف انجینئر اور کنٹریکٹر نے پراجیکٹ پر پیشرفت کے بارے وزیراعلی کو بریفنگ دی۔ بریفنگ کے دوران بتایا گیا کہ انڈر پاس کی اندرونی دیواروں کے کام کو آئندہ چند روز میں مکمل کر لیا جائے گا، انڈر پاس کی اندرونی سڑک پر تعمیراتی کام دن رات جاری ہے۔ وزیر اعلی پنجاب نے منصوبے پر کام کی رفتار مزید تیز کرنے کی ہدایت کرتے ہوئے کہا کہ خالد بٹ چوک انڈر پاس کو اسی ماہ کے وسط تک مکمل کیا جائے، محسن نقوی نے منصوبے کے اطراف گرین بیلٹس پر شجرکاری اور لینڈ سکیپنگ کیلئے ڈی جی پی ایچ اے کو بھی ہدایات دیں۔ محسن نقوی کا کہنا تھا کہ خالد بٹ چوک انڈرپاس کو جلد ٹریفک کیلئے کھول دیا جائے گا، منصوبے کی تکمیل سے یومیہ ایک لاکھ 80 ہزار گاڑیوں کو آمدورفت میں سہولت ملے گی، گلبرگ، کلمہ چوک ، کینٹ کیولری گرانڈ ، ڈی ایچ اے اوروالٹن کے علاقے مستفید ہوں گے۔ اس موقع پر صوبائی وزرا عامر میر، اظفر علی ناصر، ابراہیم حسن مراد، ڈپٹی کمشنر، ڈی آئی جی آپریشنز، سی ٹی او اور متعلقہ حکام بھی موجود تھے۔

کریڈٹ: انڈیپنڈنٹ نیوز پاکستان-آئی این پی

نگران وفاقی وزیر اطلاعات و نشریات مرتضی سولنگی نے وزارت پارلیمانی امور کا اضافی چارج سنبھال لیا۔ نگران وفاقی وزیر مرتضی سولنگی نے وزارت پارلیمانی امور کا چارج سنبھالنے کے بعد وزارت کا دورہ کیا جہاں سیکرٹری وزارت پارلیمانی امور اور دیگر حکام نے ان سے ملاقات کی۔ اس دوران مرتضی سولنگی کو وزارت پارلیمانی امور کے بارے میں بریفنگ دی گئی، گزشتہ روز مرتضی سولنگی کو وزارت پارلیمانی امور کا اضافی چارج سونپا گیا تھا۔

کریڈٹ: انڈیپنڈنٹ نیوز پاکستان-آئی این پی

صدر مملکت ڈاکٹر عارف علوی نے گزشتہ روز وادی تیراہ میں آپریشن کے دوران جام شہادت نوش کرنے والے جوانوں کو خراج عقیدت پیش کیا ہے۔ صدر مملکت نے دہشتگردوں سے مقابلے میں شہید ہونے والے لیفٹینٹ کرنل محمد حسن اور سپاہیوں خوشدل خان، رفیق خان اور عبدالقادر کو قوم کی جانب سے خراج عقیدت پیش کیا۔ انہوں نے کہا کہ شہدا کی قربانیاں رائیگاں نہیں جائیں گی، دہشت گردی کا مکمل خاتمہ کریں گے، دہشتگردی کا مقابلہ کرنے والے شہدا قوم کا فخر ہیں۔ صدر مملکت نے شہدا کے اہل خانہ سے اظہار ہمدردی بھی کیا اور ان کے صبر جمیل کی دعا کی، صدر مملکت نے شہدا کی بلند درجات کی دعا کی اور وطن کیلئے خدمات کو سراہا۔ خیال رہے کہ گزشتہ روز ضلع خیبر کے علاقے تیراہ میں دہشت گردوں کی موجودگی کی خفیہ اطلاع پر آپریشن کے دوران 3 دہشتگرد جہنم واصل جبکہ لیفٹیننٹ کرنل سمیت 4 جوان شہید ہوئے تھے۔

کریڈٹ: انڈیپنڈنٹ نیوز پاکستان-آئی این پی

سابق وزیراعظم شاہد خاقان عباسی نے کہا ہے کہ نیب کے ہوتے ہوئے حکومت کا نظام نہیں چل سکتا، یہ واحد ادارہ ہے جس کا مقصد صرف سیاستدانوں کا احتساب کرنا ہے، نگران حکومت ہی کوئی فیصلہ کرلے کہ نیب کے ادارے کا کیا کرنا ہے؟ یہ ادارہ وقت کا ضیاع اور لوگوں کی زندگیاں تباہ کر رہا ہے۔ کراچی میں نیب کورٹ پیشی کے موقع پر میڈیا سے گفتگو کرتے ہوئے شاہد خاقان عباسی نے کہا کہ ہمیشہ کہتا ہوں جو کیسز ہم پر بنائے ہیں انکو چلائیں، یہ کیس کب تک چلے گا یہ وقت بتائے گا، نہیں پتا کیس کی نوعیت اور ہمارا جرم کیا ہے، یہ کس قسم کا احتساب ہے، کون سا انصاف ہے؟ کئی جج ان عدالتوں سے ریٹائرڈ ہو کر گھر چلے گئے، اگر اس ادارے کو ختم نہیں کریں گے تو ملک نہیں چلے گا۔ سابق وزیراعظم کا کہنا تھا کہ آصف زرداری اور نوازشریف سیاسی لیڈر ہیں، سیاستدانوں کی ملاقاتیں ہونا اچھا ہوتا ہے، ملکی سیاست میں تمام اسٹیک ہولڈرز کو بیٹھ کر آگے کے راستے کا تعین کرنا پڑے گا، 35 سال سے سیاست میں ہوں، سیاست کروں گا، ان حالات میں الیکشن کا قائل نہیں ہوں۔ انہوں نے کہا کہ آج ملکی مسائل کا حل کسی ایک جماعت کے پاس نہیں، مسائل کا حل اتحاد ہی دے سکتا ہے، پی ٹی آئی اقتدار میں رہی، اپوزیشن میں بیٹھے نہیں لیکن بڑی جماعت تھی، پی ٹی آئی کا سیاست میں ایک رول ہے، میں نے پارٹی عہدے سے استعفی دیدیا تھا، کسی مشاورت میں شامل نہیں ہوتا، میری دعا ہے الیکشن صاف و شفاف ہوں گے۔ شاہد خاقان عباسی نے مزید کہا کہ میرا نوازشریف سے ذاتی تعلق، عزت کا رشتہ برقرار رہے گا، نوازشریف کے ملک آنے سے 10 روز قبل قطر میں ملاقات ہوئی تھی، مجھے بلائیں گے تو چلا جاں گا، پارٹی کے ہر اچھے برے وقت میں ساتھ رہا ہوں، آج جس طرح کے ملکی حالات ہیں ان میں الیکشن کی چوری کا بہت بڑا ہاتھ ہے، اگر آج بھی سبق حاصل نہ کیا تو آگے بھی خرابی ہی ملے گی۔

کریڈٹ: انڈیپنڈنٹ نیوز پاکستان-آئی این پی

پاکستان سٹاک مارکیٹ میں 100 انڈیکس 54 ہزار پوائنٹس کی حد عبور کر گیا۔ کاروباری ہفتے کے دوسرے روز کاروبار کے آغاز پر پاکستان سٹاک مارکیٹ ملکی تاریخ کی بلند ترین سطح پر پہنچ گئی۔ پاکستان سٹاک مارکیٹ میں 407 پوائنٹس کا اضافہ دیکھا گیا ہے جس کے ساتھ 100 انڈیکس 54 ہزار 267 پوائنٹس کی سطح پر ٹریڈ ہوا ۔ یاد رہے کہ کاروباری ہفتے کے پہلے روز پاکستان سٹاک ایکسچینج میں 100 انڈیکس 737 پوائنٹس اضافے سے 53 ہزار 860 پوائنٹس پر بند ہوا تھا۔

کریڈٹ: انڈیپنڈنٹ نیوز پاکستان-آئی این پی

امریکا کی جانب سے ایک مرتبہ پھر پاکستان میں آزادانہ اور منصفانہ انتخابات کرانے کی حمایت کر دی گئی ہے۔ ترجمان امریکی محکمہ خارجہ نے کہا کہ امریکا کی توجہ پاکستان میں آزادانہ اور منصفانہ انتخابات پر مرکوز ہے، کسی امیدوار یا سیاسی جماعت کی نمائندگی کے بارے میں کوئی اندازہ نہیں دے سکتے، پاکستان میں آزادانہ اور منصفانہ انتخابات کے حامی ہیں۔ پریس بریفنگ کے دوران گفتگو کرتے ہوئے ترجمان امریکی محکمہ خارجہ ویدانت پٹیل نے کہا کہ امیدوار اور سیاسی جماعت کی نمائندگی کے بارے میں فیصلہ پاکستانی عوام کو کرنا ہے، یہ یقینی بنایا جائے کہ پاکستان میں انتخابات عوام کے فائدے کیلئے ہوں۔

کریڈٹ: انڈیپنڈنٹ نیوز پاکستان-آئی این پی

تحصیل درازندہ میں دہشت گردوں نے آئل گیس کمپنی کے کیمپ پر حملہ کر کے ڈیوٹی پر مامور 2 پولیس اہلکاروں کو شہید اور 3 کو زخمی کر دیا۔ شہید اہلکاروں میں رحمت الہی اور محمد عارف شامل ہیں جبکہ زخمی اہلکاروں میں اے ایس آئی عالمشیر، فضل الرحمن اور عطاالرحمن شامل ہیں۔ پولیس کے مطابق حملہ الحاج آئل اینڈ گیس پرائیویٹ ڈرلنگ کمپنی پر ہوا ہے، زخمیوں کو ڈی ایچ کیو ہسپتال منتقل کر دیا گیا جن میں سے ایک اہلکار کی حالت تشویشناک ہے۔ پولیس نے مزید بتایا کہ کمپنی کیمپ پر پولیس کی نفری تعینات تھی جس کو نشانہ بنایا گیا، موقع پر مزید پولیس نفری پہنچ گئی ہے جبکہ دہشت گردوں کی تلاش جاری ہے۔

کریڈٹ: انڈیپنڈنٹ نیوز پاکستان-آئی این پی

لاہور کی احتساب عدالت نے آشیانہ ریفرنس میں سابق وزیر اعظم شہباز شریف سمیت دیگر کی بریت کی درخواستوں پر مزید معاونت مانگ لی۔ احتساب عدالت میں شہباز شریف اور دیگر کے خلاف آشیانہ ریفرنس پر سماعت ہوئی۔ عدالت نے ریمارکس دئیے کہ سپریم کورٹ نے احتساب عدالتوں کو حتمی فیصلہ کرنے سے روک رکھا ہے، ملزمان کے وکیل نے کہا کہ ہم سپریم کورٹ کے فیصلے کی کاپی پیش کر دیتے ہیں اس سے معاملہ کلیئر ہو جائے گا۔نیب کے وکیل نے کہا کہ یہ کیس میرٹ پر سنا گیا ہے، سپریم کورٹ کا فیصلہ اس کیس پر اثر انداز نہیں ہوتا، احتساب عدالت کے جج نے کہا کہ ہم سپریم کورٹ کے حکم کے پابند ہیں۔ عدالت نے سپریم کورٹ کے فیصلے کی کاپی پیش کرنے کی ہدایت کرتے ہوئے سماعت کچھ دیر کے لیے ملتوی کر دی۔ واضح رہے کہ شہباز شریف سمیت دیگر کی بریت کی درخواستوں پر فیصلہ آج سنایا جانا تھا، احتساب عدالت نے شہباز شریف سمیت دیگر کی درخواستوں پر یکم نومبر کو فیصلہ محفوظ کیا تھا۔

کریڈٹ: انڈیپنڈنٹ نیوز پاکستان-آئی این پی

صدر مسلم لیگ ن شہباز شریف نے کہا ہے کہ اقوام متحدہ دنیا کا سب سے بڑا ڈیبیٹنگ کلب ہے جو انسانی حقوق کے نفاذ اور شہریوں کی حفاظت سے قاصر ہے۔ سابق وزیرِ اعظم شہباز شریف نے اسرائیل کی جانب سے فلسطین پر بربریت کے ایک ماہ کو مکمل ہونے پر سماجی رابطوں کی ویب سائٹ ایکس پر پیغام جاری کیا ہے۔ انہوں نے اپنے ٹوئٹ میں کہا ہے کہ اسرائیل کی جانب سے معصوم فلسطینیوں کا قتل عام شروع ہوئے آج ایک ماہ مکمل ہو رہا ہے، دنیا انسانیت کے امتحان میں ناکام ہو چکی ہے۔ شہباز شریف نے کہا ہے کہ مسلم دنیا کو آگے بڑھنے کے لیے گہرائی سے خود کا جامع جائزہ لینے کی ضرورت ہے۔ انہوں نے اپنے پیغام میں مزید لکھا ہے کہ عالمی نظام اس طرح کی ناانصافی کی موجودگی میں اپنے آپ کو برقرار نہیں رکھ سکتا۔

کریڈٹ: انڈیپنڈنٹ نیوز پاکستان-آئی این پی

سیول (شِنہوا) چین رواں سال کے پہلے نو ماہ میں جنوبی کوریا کی براہ راست بیرون ملک خریداری کی مارکیٹ میں سرفہرست رہا  ہے کیونکہ جنوبی کوریا کےزیادہ تر باشندوں نے چین کی ای کامرس کمپنیوں کے ذریعے سامان خریدا۔ سال کے پہلے نو ماہ کے دوران جنوبی کوریائی باشندوں کی جانب سے کی گئی  براہ راست بیرون ملک خریداری کی مالیت 47 کھرب 90 ارب وان(3ارب 70 کروڑڈالر) رہی جو گزشتہ سال کی اسی مدت کے مقابلے میں 20.4 فیصد زیادہ ہے۔

چینی ای کامرس کمپنیوں کے ذریعے سامان کی براہ راست بیرون ملک خریداری جنوری سے ستمبر کے عرصے میں دوگنا سے زیادہ ہوکر 22کھرب20 ارب وان(1ارب70 کروڑڈالر) ہوگئی جوکل کا تقریباً نصف ہے۔

اس کے بعد گزشتہ سال کی نسبت9.7 فیصد کی کمی کے ساتھ 13کھرب90ارب وان(1ارب 10کروڑڈالر)کے ساتھ امریکہ رہا۔

غزہ شہرمیں اسرائیلی فضائی حملوں میں عمارتیں ملبے کا ڈھیر بن گئی ہیں۔(شِنہوا)

غزہ شہر میں اسرائیلی فضائی حملوں میں تباہ ہونے والی عمارتوں کے ملبہ کالوگ معائنہ کرتے ہوئے۔(شِنہوا) 

کیوبا کے وزیر اعظم مینوئل میریرو کروز بیجنگ کے تیان آن من اسکوائر میں عوامی ہیروز کی یادگار پر پھول چڑھا رہے ہیں۔(شِنہوا)

 چین کے شمالی شہر تیانجن  میں عظیم دیوار کے ارد گرد خزاں کے منظر کو دیکھا جاسکتا ہے۔(شِنہوا)

چین کے شمال مشرقی صوبے حئی لونگ جیانگ کے شہر ہاربن میں شدید برفباری کے دوران  لوگ بس میں سوار ہو رہے ہیں۔(شِنہوا)

بیجنگ (شِنہوا) چین  نے امریکی محکمہ خزانہ کی جانب  سے روس سے متعلق نام نہاد بہانوں کی آڑ میں کچھ  چینی کمپنیوں کو "خصوصی طور پر نامزد اداروں" کی فہرست میں شامل کرنے کے فیصلے پرسخت عدم اطمینان کا اظہار کرتے ہوئے اس کی بھرپور مخالفت کی ہے۔

وزارت تجارت کے ایک ترجمان نے پیر کو کہا کہ  امریکہ کا یہ اقدام یکطرفہ پابندیوں اور غیر ملکی کمپنیوں کے خلاف ملکی قانون کے تحت کارروائی کا معمول کا وطیرہ ہے، جو بین الاقوامی تجارت کے نظام  اور قوانین کے ساتھ ساتھ عالمی صنعتی وسپلائی چین کی سلامتی اور استحکام کے لیے نقصان دہ ہے۔

ترجمان نے کہا کہ امریکہ کو فوری طور پر چینی کمپنیوں پر بلاجواز دباو ڈالنے کا سلسلہ بند کرنا چاہئے، چین اپنی کمپنیوں کے جائز حقوق اور مفادات کا پوری طرح سے تحفظ کرے گا۔

اولان باتور(شِنہوا) منگولیا کے وسطی علاقے  میں برفانی طوفان کی وجہ سے 8 چرواہے ہلاک ہو گئے۔

 ملک کی نیشنل ایمرجنسی مینجمنٹ ایجنسی نے پیر کو بتایا کہ  اختتام ہفتہ  پرملک کے بڑے حصوں میں آنے والے برفانی طوفان میں اپنے ریوڑ کی دیکھ بھال کرتے ہوئے وسطی صوبوں توو اور اوورکھنگائی میں ایک مرد ،چھ  خواتین  چرواہے اور ایک 12 سالہ لڑکا اپنی جان سے ہاتھ دھو بیٹھے۔

جمعہ کی شام سے برف باری اور  طوفان کی وجہ سے  شاہراہیں برف سے ڈھک گئی ہیں اورحد نگاہ کم ہوگئی ہے۔

بیجنگ(شِنہوا) کمیونسٹ پارٹی آف چائنہ کی مرکزی کمیٹی کے سیاسی بیورو کے رکن، ریاستی کونسل کے نائب وزیر اعظم اورچین-امریکہ اقتصادی و تجارتی امور کے لیے چین کے لیڈ پرسن ہی لی فینگ  8سے 12 نومبر تک امریکہ کا دورہ کریں گے۔

وزارت خارجہ کے ترجمان وانگ وین بن نے پیر کواس حوالے سے بتایا کہ  ہی لی فینگ امریکی وزیر خزانہ جینٹ ییلن کی دعوت پر امریکہ کا دورہ کریں گے۔

بیجنگ (شِنہوا) کمیونسٹ پارٹی آف چائنہ (سی پی سی) کی مرکزی کمیٹی کے امورخارجہ دفتر کے ڈائریکٹر وانگ یی نے پیر کو بیجنگ میں نیوزی لینڈ کے سابق وزیر اعظم جان کی سے ملاقات کی۔    کمیونسٹ پارٹی آف چائنہ کی مرکزی کمیٹی کے پولیٹیکل بیورو کے رکن وانگ نے کہا کہ چین اور نیوزی لینڈ کے درمیان باہمی احترام اور باہمی مفاد پر مبنی تعاون نیوزی لینڈ  اوراسکے عوام کے مفادات کے عین مطابق  ہے،دوطرفہ تعلقات میں پائیداراورمستحکم ترقی  نے خطے میں استحکام کو بھی فروغ دیا ہے۔

 وانگ نے کہا کہ چین نیوزی لینڈ کی نئی حکومت کے ساتھ بہتر عملی تعلقات قائم کرنے، اعلیٰ سطح کے تبادلوں کو مضبوط بنانے، دوطرفہ جامع اسٹریٹجک شراکت داری میں مشترکہ طور پر ایک نئے دور کے آغاز اور تعاون میں نئی کامیابیوں کو آگے بڑھانے کے لیے تیار ہے۔

عمان (شِنہوا) اردن کی رائل ایئر فورس کے ایک طیارے نے پیر کو غزہ کی پٹی میں اردن کے فیلڈ ہسپتال میں فضا سے فوری طبی سامان اتارا ہے۔

اردن کی سرکاری پیٹرا نیوز ایجنسی کی ایک رپورٹ میں    ایک نامعلوم فوجی ذریعے کے حوالہ سے بتایا گیا کہ غزہ کی  محصور پٹی تک زمینی راستے سے امداد کی فراہمی میں تاخیر کی وجہ سے ہسپتال میں ادویات اور طبی سہولیات سے متعلقہ سامان ختم ہونے کے  قریب تھا ، یہ کارروائی غزہ میں لوگوں کی مدد کے لیے اردن کی  مسلسل کوششوں کاحصہ ہے۔ اردن کے شاہ عبداللہ دوم نے پیر کو اپنے ایکس اکاؤنٹ پر فلسطینی عوام کے لیے اپنی حمایت کا اعادہ کرتے ہوئے کہا کہ ہماری نڈر فضائیہ کے اہلکاروں نے آدھی رات کو غزہ میں اردن کے فیلڈ ہسپتال میں فوری طبی امداد فراہم کی ہے۔

رپورٹ میں کہا گیا ہے کہ اردن کا فیلڈ ہسپتال تمام چیلنجز اور مشکلات کے باوجود غزہ کے زخمیوں کا علاج کر رہا ہے اور  غزہ کے لوگوں کے دکھوں کو کم کرنے کے لیے اپنا انسانی  ہمدردی کا کردار ادا کر رہا ہے

غزہ (شِنہوا) غزہ کی پٹی میں ٹیلی کمیونیکیشن کی خدمات بتدریج بحال کر دی گئی ہیں،جو اتوار کو معطل ہوگئی تھیں۔  

فلسطینی ٹیلی کمیونیکیشنز (پال ٹیل) کمپنی نے پیر کو شِنہوا کو بھیجے گئے ایک پریس بیان میں کہا کہ   اسرائیل کی جانب سے منقطع  کیے جانے کے بعد غزہ کی پٹی کے مختلف علاقوں میں ٹیلی کمیونیکیشن (فکسڈ،موبائل، اور انٹرنیٹ) سروسز بتدریج  بحالی کردی گئی ہے۔

 ایک ماہ قبل حماس اور اسرائیل کے درمیان خونریز لڑائی شروع ہونے کے بعد سے غزہ میں ٹیلی کمیونیکیشن سروس تین بار معطل کی جا چکی ہے۔ پال ٹیل نے کہا کہ ٹیلی کمیونیکیشن سروسز میں تعطل  اسرائیلی بمباری کی وجہ سے ہے۔

شنگھائی(شِنہوا) امریکہ کی سویا بین ایکسپورٹ کونسل(یو ایس ایس ای سی) کے سی ای اوجم سوٹر نے کہا ہے کہ چین اور امریکہ کے درمیان مضبوط زرعی تعاون موجود ہے اورچائنہ انٹرنیشنل امپورٹ ایکسپو (سی آئی آئی ای) طویل مدتی تعلقات کو مستحکم کرنے کے ذرائع میں سے ایک ہے۔

شِنہوا سے گفتگو کرتے ہوئے سوٹرنے کہا کہ سی آئی آئی ای ہمارے لیے یو ایس سویا کی نمائش اور ہمارے کسانوں اور  ہمارے برآمد کنندگان کے کام کو پیش کرنےکا ایک بہترین موقع ہے اس سے ہمیں امریکی سویا کی خریدار چینی کمپنیوں کے ساتھ ملاقات کا موقع ملتا ہے۔انہوں نےبتایا کہ ہمارا ادارہ 1982 سے چین کے ساتھ کام کر رہا ہے۔

انہوں نے کہا کہ چین اور امریکہ کے درمیان خاص طور پر زراعت میں بہت مضبوط تعلقات ہیں۔ ہم امریکی زراعت کے چینی صارفین کے لیے اپنی حمایت کا اظہار کرنے کے لیے آئے ہیں تاکہ انہیں بتایا جائے کہ ہم اس کاروبار کی تعریف کرتے ہیں اور اس کو مضبوط کرنے کے لیے کوشاں ہیں۔

انہوں نےبتایا کہ  چین امریکہ کی زرعی مصنوعات کا مسلسل ایک بڑا خریدار ہے اور یو ایس ایس ای سی کی کئی رکن کمپنیوں نے طویل عرصے سے چینی مارکیٹ میں اپنے تعاون کو برقرار رکھا ہے۔

بنکاک (شِنہوا) تھائی لینڈ کی ایک کاروباری شخصیت نے کہا ہے کہ چائنہ انٹرنیشنل امپورٹ ایکسپو (سی آئی آئی ای )  صنعت کے معروف کاروباری اداروں کی شرکت کے ساتھ ایک اعلیٰ سطح کی نمائش اور غیر ملکی کاروباری اداروں کے لیے چینی مارکیٹ میں داخل ہونے کے لیے ایک وسیع پلیٹ فارم ہے۔

48 سالہ جیولر لی جیاچھون تھائی چائنیز نیو جنریشن بزنس ایسوسی ایشن کے چیئرمین بھی ہیں جو بچپن میں اپنے والدین کے ساتھ تھائی لینڈ چلے گئے تھے  جہاں انہوں نے 18 سال کی عمر میں تھائی لینڈ یونگ ٹائی جیولری کمپنی کی بنیاد رکھی۔ اس وقت سے لی زیورات کی تجارت کے پیشے سے منسلک  ہیں۔

سی آئی آئی ای کے آغاز سے قبل ایک انٹرویومیں لی نے شِنہوا کو بتایا کہ سی آئی آئی ای سے حلقہ احباب وسیع ہوتا ہے اور انہوں نے 2018 میں سی آئی آئی ای کے آغاز سے اب تک اس کے تمام ایڈیشن میں شرکت کی ہے۔ لی کا5 سے 10 نومبر تک ہونے والی سی آئی آئی ای میں شرکت کا یہ چھٹا موقع ہوگا۔

تھائی لینڈ روبی اور نیلم کی پروسیسنگ کا عالمی مرکز ہے اور زیورات تھائی لینڈ کی بڑی صنعتوں میں سے ایک ہے۔ 2018 میں چائنہ جیمز اینڈ جیڈ ایکسچینج کی دعوت پر لی اور اس کی کمپنی نے پہلی سی آئی آئی سی  میں شرکت کی تھی۔

پنوم پن (شِنہوا) کمبوڈیا کے وزیر اعظم ہن مانیت نے کہا ہے کہ چینی سرمایہ کاری سے تعمیر ہونے والا پنوم پن - سیہانوکیویل ایکسپریس وے ملک کے لیے ایک نیا اقتصادی ذریعہ بن گئی ہے، جو سیاحت اور معاشی ترقی کو نمایاں طور پر فروغ دے رہی ہے۔

ملک کی پہلی ایکسپریس وے، پنوم پن - سیہانوکویل ایکسپریس وے کی پہلی سالگرہ کے موقع پر مبارکباد کے اپنے پیغام میں ہن مانیت نے کہا کہ مسافروں کی جانب سے سفری وقت کی بچت، سہولت اور محفوظ ہونے کے لیے فری وے کو سراہا جارہا ہے۔

انہوں نے کہا کہ یہ ایکسپریس وے لوگوں کے سفر کو بہتر بنانے، ٹریفک جام سے بچنے اور سفری وقت کو صرف دو گھنٹے تک کم کرنے میں اہم کردار ادا کررہی ہے۔

انہوں نے مزید کہا کہ ایکسپریس وے کی وجہ سے لوگ صبح کے وقت پنوم پن سے شہرسیہانوکیویل جاتے ہیں اور شام کو دارالحکومت واپس آجانے کی سہولت کا لطف اٹھارہے ہیں۔

بیجنگ (شِنہوا) چین کی شہری پبلک ٹرانسپورٹ نے رواں سال کی پہلی تین سہ ماہی میں زبردست ترقی کی ہے، اور مسافردوروں کی تعداد میں گزشتہ سال کی نسبت 16.7 فیصد اضافہ ہوا۔

وزارت ٹرانسپورٹ کے اعداد و شمارکے مطابق اس مدت کے دوران ملک کے شہری پبلک ٹرانسپورٹ سسٹم کے ذریعے 69ارب 95 کروڑسفری دورے  کیے گئے۔

خاص طور پر، شہری ریل ٹرانزٹ نیٹ ورک کے ذریعے کیے گئے  سفری دوروں کی تعداد گزشتہ سال کے مقابلے میں43 فیصد بڑھ کر 21 ارب 49کروڑ ہوگئی  ، جب کہ فیری سروسز کے ذریعے کیے جانے والے سفری دورے 86.5 فیصد اضافے کے ساتھ 6کروڑ30لاکھ 30ہزار تک پہنچ گئے۔

بس اور ٹرام سروسز  سے پہلی تین سہ ماہی میں 30ارب 35 کروڑ سفری دورے کیے گئے جو گزشتہ سال کی اسی مدت کے مقابلے میں 7.3 فیصد زیادہ ہے۔

اعداد و شمارکے مطابق  ٹیکسی کے ذریعے شہری مسافر دوروں کی تعداد ایک سال پہلے کے مقابلے میں 8.7 فیصد بڑھ کر اسی مدت میں 18ارب4 کروڑ تک پہنچ گئی۔

ارمچی (شِنہوا) چین کے تارم بیسن میں فومن آئل فیلڈ میں قائم گیس وتیل کے ایک بڑے پروسیسنگ اسٹیشن نے کام شروع کردیا ہے۔

پیٹروچائنہ کی تارم آئل فیلڈ برانچ کے مطابق چین کا سب سے انتہائی گہرے  فومن آئل فیلڈ میں 1 ارب ٹن سے زیادہ تیل اور گیس کے وسائل موجود ہیں ، جو بنیادی طور پر 7ہزار500 میٹر سے 10 ہزار میٹر گہرائی میں زیر زمین پائے جاتے ہیں۔

ملتان کے ایک کپاس کے کھیت میں خواتین کاشتکار کپاس کی چنائی کررہی ہیں۔ (شِنہوا)

چین ، مشرقی شہر شنگھائی میں چھٹی چائنہ بین الاقوامی درآمدی نمائش میں لوگ ہنڈراس کی کافی دیکھ رہے جو پہلی مر تبہ  نمائش میں پیش کی گئی ہے ۔ (شِنہوا)

چین، جنوبی گوانگ شی ژوآنگ خوداختیار خطے کے شہر نان ننگ میں چین کے پہلے طلباء (نوجوان) کھیلوں کی افتتاحی تقریب میں فنکار فن کا مظاہرہ کررہے ہیں۔ (شِنہوا)