چینی وزیر خارجہ اور کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ یی بیجنگ میں دیاویوتائی سٹیٹ گیسٹ ہاؤس میں ترکمانستان کے نائب وزیر اعظم اور وزیر خارجہ راشد میردوف سے ملاقات کے دوران مصافحہ کر رہے ہیں۔(شِنہوا)

چینی وزیر خارجہ اور کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ یی بیجنگ میں دیاویوتائی سٹیٹ گیسٹ ہاؤس میں ترکمانستان کے نائب وزیر اعظم اور وزیر خارجہ راشد میردوف سے ملاقات کے دوران مصافحہ کر رہے ہیں۔(شِنہوا)

اسمارا(شِنہوا) اریٹیریا کے ایک اعلی سرکاری عہدیدارنے کہا ہے کہ چین کی طرف سے مجوزہ بیلٹ اینڈ روڈ منصوبہ  (بی آر آئی) ایک بڑا عالمی اقدام ہے جو "وقت کے تقاضوں  کو پورا کررہاہے" ۔

اریٹیریا کے وزیر اطلاعات یمانی گیبریمسکل نے شِنہوا کو ایک حالیہ انٹرویو میں بتایا کہ جب بی آر آئی کی بات آتی ہے، تو آپ مختلف منصوبوں اور پروگرامز کا تصور کر سکتے ہیں جو وقت کی ضروریات کے مطابق ہیں" ۔

چین کے ساتھ اپنے تعلقات میں اضافہ کرتے ہوئے بحیرہ احمر کے اس ملک نے نومبر 2021 میں چین کے ساتھ اس منصوبے میں شامل ہونے کے لیے مفاہمت کی ایک یادداشت پر دستخط کیے تھے۔

گیبریمسکل  نے کہا کہ اس منصوبے کے تحت تعاون دو طرفہ تعلقات کو نئی بلندیوں تک لے جائے گا۔

وزیر اطلاعات نے کہا کہ "بیلٹ اینڈ روڈ منصوبہ  نا صرف موجودہ تعلقات میں اضافہ کرے گا بلکہ یہ وہ رشتہ ہے جو پچھلی تین دہائیوں سے پروان چڑھ رہا ہے اور یہ جاری رہے گا۔"

اسمارا(شِنہوا) اریٹیریا کے ایک اعلی سرکاری عہدیدارنے کہا ہے کہ چین کی طرف سے مجوزہ بیلٹ اینڈ روڈ منصوبہ  (بی آر آئی) ایک بڑا عالمی اقدام ہے جو "وقت کے تقاضوں  کو پورا کررہاہے" ۔

اریٹیریا کے وزیر اطلاعات یمانی گیبریمسکل نے شِنہوا کو ایک حالیہ انٹرویو میں بتایا کہ جب بی آر آئی کی بات آتی ہے، تو آپ مختلف منصوبوں اور پروگرامز کا تصور کر سکتے ہیں جو وقت کی ضروریات کے مطابق ہیں" ۔

چین کے ساتھ اپنے تعلقات میں اضافہ کرتے ہوئے بحیرہ احمر کے اس ملک نے نومبر 2021 میں چین کے ساتھ اس منصوبے میں شامل ہونے کے لیے مفاہمت کی ایک یادداشت پر دستخط کیے تھے۔

گیبریمسکل  نے کہا کہ اس منصوبے کے تحت تعاون دو طرفہ تعلقات کو نئی بلندیوں تک لے جائے گا۔

وزیر اطلاعات نے کہا کہ "بیلٹ اینڈ روڈ منصوبہ  نا صرف موجودہ تعلقات میں اضافہ کرے گا بلکہ یہ وہ رشتہ ہے جو پچھلی تین دہائیوں سے پروان چڑھ رہا ہے اور یہ جاری رہے گا۔"

بیجنگ (شِنہوا) خلا میں جانے والے چین کے پہلے خلاباز یانگ لیوئی کی اجازت سے بیجنگ سائنس اینڈ ٹیکنالوجی پریس (بی ایس ٹی پی) نے ملک کے پہلے انسان کے خلائی سفر کی 20 ویں سالگرہ کے موقع پر تصویری کتاب "فرسٹ مین" شائع کی ہے۔

کتاب میں اکتوبر 2003 میں یانگ کی تاریخی پرواز کے پورے عمل کو تصویری شکل میں بیان کیا گیا ہے، جس میں خلا میں روانگی، مدار کے اندر پرواز اور شینژو -5 خلائی جہاز کی زمین پر واپسی کو واضح تصویروں کا استعمال کرتے ہوئے دکھایا گیا ہے۔

یہ کتاب سائنس پبلشرز کے لیے ایک موقع ہے کہ وہ یانگ لیوئی اور شینژو -5 مشن کی کہانی کو قارئین کے سامنے پیش کریں، جس سے وہ چینی خلائی ہیرو کو بہتر طور پر جان سکیں گے۔

تصویری کتاب کا مواد یانگ کی خود نوشت "لانگ مارچ ٹو اسپیس" پر مبنی ہے جو 2010 میں شائع ہوئی تھی۔ کتاب کے مواد کا کچھ حصہ 2021 میں ملک کے مڈل اسکول کی نصابی کتاب میں شامل کیا گیا تھا، جو جلد ہی سوشل میڈیا نیٹ ورکس پر ایک ٹرینڈنگ موضوع بن گیا تھا۔

غزہ(شِنہوا)فلسطینی تنظیم حماس نے ان خبروں کی تردید کی ہے کہ اس نے غزہ کی پٹی میں اسرائیل کے ساتھ عارضی جنگ بندی پر اتفاق کیا ہے۔

میڈیا رپورٹس میں کہا گیا ہے کہ غزہ میں پانچ گھنٹے کی جنگ بندی ہو گی تاکہ مصر کو ساحلی علاقے میں انسانی امداد بھیجنے کی اجازت دی جا سکے۔

اطلاعات کے مطابق جنگ بندی کے تحت غزہ اور مصر کے درمیان واحد رفح  سرحدی راہداری  کو دوبارہ کھول دیا جائے گا تاکہ غزہ میں انسانی امداد کے داخلے اور شورش زدہ علاقے سے غیر ملکیوں کے انخلاء کی اجازت دی جا سکے۔

غزہ میں حماس کے زیر انتظام سرکاری میڈیا آفس کے سربراہ سلامہ معروف نے پیر کو ایک بیان میں کہا کہ ہمیں کسی فریق کی طرف سے یہ اطلاع نہیں دی گئی کہ غزہ میں آئندہ گھنٹوں میں جنگ بندی ہو جائے گی۔

رفح میں شِنہوا کے نمائندے نے تصدیق کی کہ سرحدی راہداری بدستور بند ہے جو جلددوبارہ کھلنے کے کوئی آثار نہیں ہیں۔

اسرائیلی وزیراعظم کے دفتر نے بھی غیر ملکیوں کے انخلاء کے لیے غزہ میں جنگ بندی یا انسانی امداد کے حوالے سے کسی معاہدے تک پہنچنے کی تردید کی۔

اسرائیل نے گزشتہ گھنٹوں کے دوران غزہ پر اپنے حملوں میں اضافہ کیا جس میں درجنوں افراد جاں بحق اور زخمی ہوئے۔

بیجنگ(شِنہوا) وبا کے بعد 2023 کے دوران سفارتی سرگرمیوں میں ہلچل دیکھی گئی  جس سے مغربی میڈیا یہ کہنے پر مجبور ہوگیا تھا کہ  تمام راستے بیجنگ کی طرف جارہے ہیں۔

زیادہ دور کی بات نہیں۔ رواں ہفتے، 140 سے زائد ممالک کے نمائندے بیلٹ اینڈ روڈ منصوبے (بی آر آئی) کی 10ویں سالگرہ کے موقع پر منعقد ہونے والی تقریبات کے تحت  ایک اعلیٰ سطحی فورم میں شرکت کے لیے چینی دارالحکومت میں اکٹھے ہوں گے۔

2013 میں، چینی صدر شی جن پھنگ نے سلک روڈ اکنامک بیلٹ اور 21ویں صدی کی میری ٹائم سلک روڈ کی تعمیر کی تجویز پیش کی تھی جو بعدازاں پچھلی دہائی میں عالمی تعاون کے لیے صدر شی کے مجوزہ بی آر آئی منصوبے کے نام سے معروف ہوئے۔

یہ منصوبہ تاریخی شاہراہ ریشم کے تصور سے مستعار لیا گیا ہے، جہاں اونٹوں کے قافلے اور تجارتی کارواں مشرق اور مغرب کے درمیان سامان اور خیالات کے تبادلے کو فروغ دیتے تھے۔

پہلی بار بی آر آئی کی نقاب کشائی کے وقت یورپ قرضوں اور مالیاتی بحرانوں کی وجہ سے کساد بازاری سے دوچار تھا، جب کہ امریکہ مالیاتی بحران کے بعد کی مشکلات اور افغانستان میں جنگ کی پیچیدگیوں سے گزر رہا تھا۔

بی آر آئی کو دنیا کو درپیش سنگین چیلنجزسے نمٹنے کے لیے صدر شی جن پھنگ کے ردعمل کے طور پر دیکھا جاتا ہے۔ انہوں نے ایک بار کہا تھا کہ عالمی ترقی کو نئے محرکات کی ضرورت ہے، ترقی کو زیادہ جامع اور متوازن ہونے کے ساتھ  امیر اور غریب کے درمیان فرق کو کم کرنے کی ضرورت ہے۔

صدر شی  کی خواہش ایک ایسا پلیٹ فارم قائم کرنا تھا جو زیادہ سے زیادہ عالمی رابطوں کو آسان بنائے،جس کی تصدیق ان کے ان الفاظ سے ہوتی ہے کہ "کسی ایک ملک کے لیے اکیلے آگے بڑھنا یا دنیا کو درپیش مسائل کو حل کرنا مشکل ہے۔"

قدیم شاہراہ ریشم کی تاریخی علامت کا استعمال کرتے ہوئے، بی آر آئی دنیا بھر میں رابطوں کے ایک چیمپیئن کی حیثیت سے شریک ممالک کے ساتھ شراکت داری کو مضبوط کررہا ہے۔ گزشتہ دہائی کے دوران، چین نے 150 سے زائد ممالک اور 30 سے زائد بین الاقوامی تنظیموں کے ساتھ 200 سے زائد بی آر آئی تعاون کے معاہدوں پر دستخط کیے ہیں۔ منصوبے کے تحت 3ہزار سے زائد تعاون کے منصوبے شروع کیے گئے ہیں۔

بیجنگ(شِنہوا) وبا کے بعد 2023 کے دوران سفارتی سرگرمیوں میں ہلچل دیکھی گئی  جس سے مغربی میڈیا یہ کہنے پر مجبور ہوگیا تھا کہ  تمام راستے بیجنگ کی طرف جارہے ہیں۔

زیادہ دور کی بات نہیں۔ رواں ہفتے، 140 سے زائد ممالک کے نمائندے بیلٹ اینڈ روڈ منصوبے (بی آر آئی) کی 10ویں سالگرہ کے موقع پر منعقد ہونے والی تقریبات کے تحت  ایک اعلیٰ سطحی فورم میں شرکت کے لیے چینی دارالحکومت میں اکٹھے ہوں گے۔

2013 میں، چینی صدر شی جن پھنگ نے سلک روڈ اکنامک بیلٹ اور 21ویں صدی کی میری ٹائم سلک روڈ کی تعمیر کی تجویز پیش کی تھی جو بعدازاں پچھلی دہائی میں عالمی تعاون کے لیے صدر شی کے مجوزہ بی آر آئی منصوبے کے نام سے معروف ہوئے۔

یہ منصوبہ تاریخی شاہراہ ریشم کے تصور سے مستعار لیا گیا ہے، جہاں اونٹوں کے قافلے اور تجارتی کارواں مشرق اور مغرب کے درمیان سامان اور خیالات کے تبادلے کو فروغ دیتے تھے۔

پہلی بار بی آر آئی کی نقاب کشائی کے وقت یورپ قرضوں اور مالیاتی بحرانوں کی وجہ سے کساد بازاری سے دوچار تھا، جب کہ امریکہ مالیاتی بحران کے بعد کی مشکلات اور افغانستان میں جنگ کی پیچیدگیوں سے گزر رہا تھا۔

بی آر آئی کو دنیا کو درپیش سنگین چیلنجزسے نمٹنے کے لیے صدر شی جن پھنگ کے ردعمل کے طور پر دیکھا جاتا ہے۔ انہوں نے ایک بار کہا تھا کہ عالمی ترقی کو نئے محرکات کی ضرورت ہے، ترقی کو زیادہ جامع اور متوازن ہونے کے ساتھ  امیر اور غریب کے درمیان فرق کو کم کرنے کی ضرورت ہے۔

صدر شی  کی خواہش ایک ایسا پلیٹ فارم قائم کرنا تھا جو زیادہ سے زیادہ عالمی رابطوں کو آسان بنائے،جس کی تصدیق ان کے ان الفاظ سے ہوتی ہے کہ "کسی ایک ملک کے لیے اکیلے آگے بڑھنا یا دنیا کو درپیش مسائل کو حل کرنا مشکل ہے۔"

قدیم شاہراہ ریشم کی تاریخی علامت کا استعمال کرتے ہوئے، بی آر آئی دنیا بھر میں رابطوں کے ایک چیمپیئن کی حیثیت سے شریک ممالک کے ساتھ شراکت داری کو مضبوط کررہا ہے۔ گزشتہ دہائی کے دوران، چین نے 150 سے زائد ممالک اور 30 سے زائد بین الاقوامی تنظیموں کے ساتھ 200 سے زائد بی آر آئی تعاون کے معاہدوں پر دستخط کیے ہیں۔ منصوبے کے تحت 3ہزار سے زائد تعاون کے منصوبے شروع کیے گئے ہیں۔

ہانگژو(شِنہوا)چین میں ہانگژو ایشین پیرا گیمز ویلج کی افتتاحی تقریب کے ساتھ ساتھ چینی وفد کے لیے استقبالیہ  تقریب پیر کو منعقد ہوئی۔

تقریباً ایک ہفتے کی کوشش کے بعد ایشین گیمز ولیج کو ایشین پیرا گیمز ولیج میں تبدیل کر دیا گیا ہے تاکہ اس کے رہائشیوں کی پہلی کھیپ کا خیر مقدم کیا جا سکے۔

3 لاکھ 25 ہزار مربع میٹر کے رقبے پر محیط اس ویلج کو ہانگژو ایشین گیمز کے میڈیا ویلج سے  تبدیل کر دیا گیا ہے جس میں ایشین پیرا گیمز کے دوران وفود کے لیے3 ہزار 446کمرے میسر ہوں گے۔

بیجنگ (شِنہوا)  چین کے نائب صدر ہان ژینگ نے پیر کو بیجنگ میں سابق برطانوی وزیر اعظم ٹونی بلیئر سے ملاقات کی جس میں انہوں نے چین اور برطانیہ کے درمیان مضبوط تعاون پر زور دیا۔

ہان نے کہا کہ اقوام متحدہ کی سلامتی کونسل کے مستقل ارکان اور بڑی عالمی معیشتوں کی حیثیت سے چین اور برطانیہ نے کثیرالجہتی، اقتصادی عالمگیریت اور آزاد تجارت کو برقرار رکھتے ہوئے ایک دوسرے سے  تعاون کیا اور اسے فروغ دیتے ہوئے فائدہ اٹھایا۔

بین الاقوامی سطح پر بڑھتی ہوئی غیر یقینی صورتحال اور عدم استحکام کے عوامل کے پس منظر میں چین اور برطانیہ کے درمیان مضبوط تعاون نہ صرف دونوں ممالک بلکہ پوری دنیا کے مفاد میں ہے۔

ہان نے مزید کہا کہ دونوں ممالک کے پاس صاف توانائی، بائیو میڈیسن، فنانس، تعلیم، عوامی تبادلوں اور دیگر شعبوں میں تعاون کی وسیع گنجائش ہے۔ دونوں ممالک کو بین الاقوامی امور میں تعاون کو مضبوط بنانا چاہیے، مشترکہ طور پر موسمیاتی تبدیلی اور حیاتیاتی تنوع کے چیلنجز کا مقابلہ اور عالمی امن و سلامتی کا تحفظ کرنا چاہیے۔

لیبر پارٹی کے سابق رہنما بلیئر نے کہا کہ آج دنیا کو بہت سے چیلنجز کا سامنا ہے۔ چین کی ایک اہم بین الاقوامی حیثیت ہے، اور برطانیہ اور چین کے لیے دوستانہ تعلقات برقرار رکھنا ضروری ہے۔

بیجنگ(شِنہوا)چین کی سپریم پیپلز پروکیوریٹوریٹ (ایس پی پی) نے بینک آف چائنہ کے بورڈ آف ڈائریکٹرز کے سابق چیئرمین لیو لیانگی کو رشوت خوری اور غیر قانونی قرض جاری کرنے کے الزام میں گرفتار کرنے کا حکم دیا ہے۔

ایس پی پی نے پیر کو کہا نگرانی کے قومی کمیشن کی طرف سے تحقیقات کے اختتام کے بعد کیس کی مزید جانچ پڑتال کے لیے پروکیوریٹری حکام کو منتقل کر دیا گیا ہے۔

 کیس کی مزید کارروائی جاری ہے۔

بیجنگ (شِنہوا) چینی ماہرین آثار قدیمہ نے بیجنگ میں یونیسکو کی جانب سے عالمی ثقافتی ورثہ قرار دی گئی بادالنگ دیوارعظیم کے مغربی حصے میں ایک عمارت کے کھنڈرات سے پتھر سے بنے قدیم 59 دستی بم دریافت کئے ہیں۔

ماہرین آثار قدیمہ کا خیال تھا کہ یہ عمارت عظیم دیوار کے ساتھ ہتھیاروں کا ذخیرہ کرنے کا گودام تھا۔

میونسپل انسٹی ٹیوٹ آف آرکیالوجی کے محقق شانگ ہینگ نے کہا کہ یہ پہلی بار ہے کہ اس طرح کے ہتھیاروں کا ذخیرہ عظیم دیوار کے ساتھ دریافت ہوا ہے جس نے ہمارے سابقہ تصورات کو تبدیل کردیا ہے۔

اس سے قبل، ماہرین آثار قدیمہ کو 400 سے زیادہ اس سے ملتے جلتے پتھر کے دستی بم ملے تھے، جو قدیم دستی بموں کا ایک قدیم ایڈیشن تھا، جو منگ عہد (1368-1644) کے دوران عظیم دیوار کے محافظوں کے لیے ایک عام ہتھیار تھا۔

شانگ نے وضاحت کی کہ ان بظاہر غیرقابل ذکر پتھروں میں بارود بھرنے کے لیے مرکز میں گول سوراخ ہوتا ہے۔ بارود  بھرنے کے بعد، انہیں باہر پھینکا جا سکتا تھا، جو نہ صرف دشمن کو نشانہ بنا سکتا تھے بلکہ دشمن کو شکست دینے کے لیے دھماکے کا باعث بھی بنتے تھے۔

لہاسا(شِنہوا)چین کے جنوب مغربی تبت خود مختار علاقے نے نگاری پریفیکچر کے گوگمو ٹاؤن شپ میں فائیو جی بیس سٹیشن کے کام فعال ہونے کے بعد تمام قصبوں میں فائیونیٹ ورک کوریج حاصل کر لی ہے۔

علاقائی مواصلاتی انتظامیہ نے پیر کو کہا کہ تبت نے فائیو جی انفراسٹرکچر کی تعمیر میں 3 ارب 20 کروڑ یوآن (تقریباً44 کروڑ 57 لاکھ ڈالر) کی سرمایہ کاری کی ہے۔ مجموعی طور پر 8 ہزار 710 فائیو جی بیس اسٹیشن قائم کیے گئے ہیں جو18 لاکھ 40 ہزار صارفین کو فائیو جی خدمات فراہم کرتے ہیں۔ خطے میں ہر 10 ہزار افراد کے لیے 23 فائیو جی بیس سٹیشن قائم کئے گئے ہیں جو قومی اوسط سطح کے مطابق ہیں۔

اقوام متحدہ(شِنہوا)اقوام متحدہ کے سیکریٹری جنرل انتونیو گوتریس نے غزہ تک فوری اور بلا رکاوٹ انسانی امداد کی رسائی اور حماس کے ہاتھوں یرغمال بنائے گئے افراد کی رہائی پر زور دیاہے۔

انہوں نے ایک بیان میں کہا کہ اس ڈرامائی لمحے میں جہاں ہم مشرق وسطیٰ میں گہری کھائی کے دہانے پر ہیں، اقوام متحدہ کے سیکرٹری جنرل کی حیثیت سے یہ میرا فرض ہے کہ میں انسانی ہمدردی کی بنیاد پر دو مضبوط اپیلیں کروں۔

انہوں نے کہا کہ حماس کی طرف سے یرغمالیوں کو غیر مشروط طور پرفوری رہا کیا جانا چاہیے جبکہ اسرائیل کو غزہ میں شہریوں کے لیے انسانی امداد اور کارکنوں کے لیے فوری اور بلا رکاوٹ رسائی دینی چاہیے۔

اقوام متحدہ کے سربراہ نے کہا کہ یہ دونوں مقاصد جائز ہیں اور ان پر کسی قسم کا سمجھوتہ نہیں کیا جانا چاہیئے۔

انہوں نے کہا کہ اقوام متحدہ کے پاس خوراک، پانی،غیرغذائی اشیاء،طبی سامان اور ایندھن کا ذخیرہ موجود ہے جو مصر، اردن، مغربی کنارے اور اسرائیل میں موجود ہے۔ یہ سامان چند گھنٹوں میں بھیجا جاسکتا ہے۔

بیجنگ(شِنہوا) برطانوی اسکالر مارٹن جیکس نے کہا ہے کہ چین کا بیلٹ اینڈ روڈ منصوبہ (بی آر آئی) عالمی ایجنڈے کو تبدیل  کرتے ہوئے ترقی پذیر ممالک کو خوشحالی کے نئے مواقع پیش کر رہا ہے۔ شِنہوا کے چائنہ چیٹ شو کے ساتھ ایک خصوصی انٹرویو میں، جیکس نے بی آر آئی کو ایک عظیم منصوبہ، پرعزم بیانیہ اور چینی تاریخ کا عکس قرار دیا۔

انہوں نے کہا کہ یہ عظیم الشان منصوبہ چین کے ایک عظیم قوم کے طور پر اپنی تاریخ کی جانب سب کو متوجہ کرنے کی صلاحیت کے ساتھ ساتھ بڑے پیمانے پر سوچنے کی اس کی بے مثال صلاحیت کی وجہ سے ممکن ہوا ہے۔ کوئی دوسرا ملک اس جیسا کچھ نہیں سوچ  سکتا لیکن چین نے اس عظیم سوچ کا مظاہرہ کیا۔ بی آر آئی کا آغاز چین نے 2013 میں قدیم شاہراہ ریشم کے تجارتی راستوں پر اور اس سے آگے ایشیا کو یورپ اور افریقہ سے جوڑنے والے تجارتی اور بنیادی ڈھانچے کے نیٹ ورکس کی تعمیر کے لیے کیا تھا۔ رواں سال اس کی 10 ویں سالگرہ منائی جارہی ہے، اور  تیسرا بیلٹ اینڈ روڈ فورم برائے بین الاقوامی تعاون 17 سے 18 اکتوبر تک بیجنگ میں منعقد ہوگا۔ جیکس نے  کہا کہ ایک نئے عالمی ماڈل کے لیے چین کا پرجوش وژن بھی خود ایک ترقی پذیر ملک کے طور پر اس کی شناخت کی عکاسی کرتا ہے۔

ترقی پذیر ممالک، جو دنیا کی تقریباً 85 فیصد آبادی کی نمائندگی کرتے ہیں، 1970 کی دہائی میں عالمی جی ڈی پی کا صرف ایک تہائی حصہ تھے۔ آج یہ تناسب 60 فیصد تک پہنچ گیا ہے اور بی آر آئی نے اس تبدیلی میں اپنا حصہ ڈالا ہے۔

بیجنگ(شِنہوا)  چینی وزیر اعظم لی چھیانگ نے پیر کو بیجنگ میں ہنگری کے وزیراعظم وکٹر اوربان سے ملاقات کی۔

وزیراعظم لی نے کہا کہ چین اور ہنگری کے درمیان باہمی مفاد پر مبنی تعاون سے حالیہ سالوں میں مفید نتائج حاصل  ہوئے ہیں اور اس سے نئی قسم کے بین الاقوامی تعلقات کو فروغ دینے کے لیے ایک اچھی مثال قائم ہوئی ہے۔ چینی وزیراعظم نے کہا کہ ان کا ملک بیلٹ اینڈ روڈ منصوبے کو ہنگری کی "مشرق کی طرف کھلنے " کی پالیسی کے ساتھ زیادہ ہم آہنگ بنانے اور تجارت، سرمایہ کاری، مالیات اور دیگر شعبوں میں عملی تعاون کو مسلسل فروغ دینے کے لیے مشترکہ کوششیں کرنے کے لیے تیار ہے۔ لی نے کہا کہ چین بوڈاپیسٹ-بلغراد ریلوے منصوبے پر کام کو تیز کرے گا اور نئی توانائی، ڈیجیٹل معیشت اور مصنوعی ذہانت کے شعبوں میں جدید تعاون کو فروغ دے گا۔ چینی وزیر اعظم نے کہا کہ چین ہنگری کے ساتھ مل کر عالمی گورننس کو مزید منصفانہ اور شفاف بنانے کا خواہاں ہے اور یہ کہ چین کی ترقی چیلنج کے بجائے ایک موقع اور یورپ کے لیے خطرے کی بجائے ایک محرک قوت ہے۔

بیجنگ(شِنہوا)چین میں اقتصادی سرگرمیوں کا ایک اہم اشاریے کے طور پر بجلی کی کھپت میں ستمبر میں مستحکم توسیع  کا رجحان جاری رہا۔

چین کی نیشنل انرجی ایڈمنسٹریشن کے پیر کو جاری اعداد و شمارکے مطابق بجلی کا استعمال گزشتہ سال کی نسبت 9.9 فیصد بڑھ کر گزشتہ ماہ 781.1 ارب  کلوواٹ گھنٹے تک پہنچ گیا۔

بنیادی صنعتوں کی طرف سے بجلی کی کھپت میں گزشتہ سال کی نسبت 8.6 فیصد اضافہ ہوا جبکہ دوسرے اور تیسرے درجے کے شعبوں میں بجلی کی کھپت میں بالترتیب 8.7 فیصد اور 16.9 فیصد اضافہ ہوا۔

انتظامیہ نے کہا کہ رہائشی عمارتوں میں بجلی کا استعمال گزشتہ سال کی نسبت ستمبر میں 6.6 فیصد کے اضافے کے ساتھ  103.5 ارب کلو واٹ گھنٹے تک پہنچ گیا۔

تہران(شِنہوا)ایرانی وزارت خارجہ کے ترجمان ناصر کنعانی نے کہا ہے کہ بیلٹ اینڈ روڈ انیشیٹو (بی آر آئی) تجارت کو فروغ دینے اور اپنے راستے پر موجود ممالک کے درمیان اقتصادی تعاون کو بڑھانے میں مدد کر سکتا ہے۔

انہوں نے یہ بات ایرانی دارالحکومت تہران میں پیر کے روز ہفتہ وار پریس کانفرنس میں 17 اور 18 اکتوبر کو بیجنگ میں منعقد ہونے والے بین الاقوامی تعاون کے تیسرے بیلٹ اینڈ روڈ فورم اور بی آر آئی کی 10ویں سالگرہ کے حوالے سے ایک سوال کا جواب دیتے ہوئے کہی۔

2013 میں تجویز کردہ اس اقدام کا مقصد قدیم شاہراہ ریشم کے راستوں پر اور اس سے آگے تجارت اور بنیادی ڈھانچے کے نیٹ ورکس تعمیر کرنا ہے۔ یہ سلک روڈ اکنامک بیلٹ اور اکیسویں صدی کی میری ٹائم سلک روڈ پر مشتمل ہے۔

کنعانی نے کہا کہ ایران نے بی آرآئی کا خیرمقدم کیا ہے اور اس پر عمل درآمد میں تعاون کیا ہے۔ انہوں نے اس بات پر زور دیا کہ ایران یہ سمجھتا ہے کہ اس طرح کے اقدامات مشترکہ علاقائی اور عالمی مفادات پر مبنی ہوتے ہیں اور شریک ممالک اور شراکت داروں کے مفادات کا تحفظ کرسکتے ہیں۔

انہوں نے کہا کہ اس تناظر میں ایران کے چین کے ساتھ اچھے روابط وتبادلوں کی فضا قائم ہے۔

تہران کے میئر علیرضا زکانی اس فورم میں شرکت کریں گے۔

تہران(شِنہوا)ایرانی وزارت خارجہ کے ترجمان ناصر کنعانی نے کہا ہے کہ بیلٹ اینڈ روڈ انیشیٹو (بی آر آئی) تجارت کو فروغ دینے اور اپنے راستے پر موجود ممالک کے درمیان اقتصادی تعاون کو بڑھانے میں مدد کر سکتا ہے۔

انہوں نے یہ بات ایرانی دارالحکومت تہران میں پیر کے روز ہفتہ وار پریس کانفرنس میں 17 اور 18 اکتوبر کو بیجنگ میں منعقد ہونے والے بین الاقوامی تعاون کے تیسرے بیلٹ اینڈ روڈ فورم اور بی آر آئی کی 10ویں سالگرہ کے حوالے سے ایک سوال کا جواب دیتے ہوئے کہی۔

2013 میں تجویز کردہ اس اقدام کا مقصد قدیم شاہراہ ریشم کے راستوں پر اور اس سے آگے تجارت اور بنیادی ڈھانچے کے نیٹ ورکس تعمیر کرنا ہے۔ یہ سلک روڈ اکنامک بیلٹ اور اکیسویں صدی کی میری ٹائم سلک روڈ پر مشتمل ہے۔

کنعانی نے کہا کہ ایران نے بی آرآئی کا خیرمقدم کیا ہے اور اس پر عمل درآمد میں تعاون کیا ہے۔ انہوں نے اس بات پر زور دیا کہ ایران یہ سمجھتا ہے کہ اس طرح کے اقدامات مشترکہ علاقائی اور عالمی مفادات پر مبنی ہوتے ہیں اور شریک ممالک اور شراکت داروں کے مفادات کا تحفظ کرسکتے ہیں۔

انہوں نے کہا کہ اس تناظر میں ایران کے چین کے ساتھ اچھے روابط وتبادلوں کی فضا قائم ہے۔

تہران کے میئر علیرضا زکانی اس فورم میں شرکت کریں گے۔

بیجنگ (شِنہوا) چینی وزیر خارجہ وانگ یی نے پیر کو بیجنگ میں اپنے روسی ہم منصب سرگئی لاوروف سے ملاقات کی ہے۔

یہ ملاقات بیجنگ میں منگل اور بدھ کو ہونے والے بین الاقوامی تعاون کے تیسرے بیلٹ اینڈ روڈ فورم سے پہلے ہوئی۔

کمیونسٹ پارٹی آف چائنہ کی مرکزی کمیٹی کے سیاسی بیورو کے رکن ،  وانگ نے کہا کہ  روں سال جو صدر شی جن پھنگ کے مجوزہ بیلٹ اینڈ روڈ منصوبے کی 10ویں سالگرہ ہے، ماضی کو مستقبل سے جوڑنے کے حوالے سے انتہائی اہمیت کا حامل ہے۔

مشترکہ ترقی اور خوشحالی کو فروغ دینے کے لیے اس منصوبے میں فعال شرکت جاری رکھنے پر روس کا خیر مقدم کرتے ہوئے وانگ نے کہا کہ چین روسی صدر ولادیمیر پیوتن کی طرف سے بیلٹ اینڈ روڈ تعاون کے لیے بھرپور تعریف اور حمایت  کوسراہتاہے۔ 

اس موقع پر لاوروف نے کہا کہ روس اور چین نے دوطرفہ تعلقات کے فروغ دینے میں ایک بہتر رفتار کو برقرار رکھا ہے۔ توقع ہے کہ چین کے ساتھ قریبی سٹریٹجک رابطے کو برقرار رکھتے ہوئے ہر سطح پر عملی تعاون کوفروغ دیا جائے گا۔

فورم کی کامیابی پر اعتماد کا اظہار کرتے ہوئے لاوروف کا کہنا تھا کہ صدر پیوتن چین میں صدر شی جن پھنگ سے ملاقات اور فورم میں شرکت کے انتہائی منتظر ہیں۔

بیجنگ (شِنہوا) چینی وزیر خارجہ وانگ یی نے پیر کو بیجنگ میں اپنے روسی ہم منصب سرگئی لاوروف سے ملاقات کی ہے۔

یہ ملاقات بیجنگ میں منگل اور بدھ کو ہونے والے بین الاقوامی تعاون کے تیسرے بیلٹ اینڈ روڈ فورم سے پہلے ہوئی۔

کمیونسٹ پارٹی آف چائنہ کی مرکزی کمیٹی کے سیاسی بیورو کے رکن ،  وانگ نے کہا کہ  روں سال جو صدر شی جن پھنگ کے مجوزہ بیلٹ اینڈ روڈ منصوبے کی 10ویں سالگرہ ہے، ماضی کو مستقبل سے جوڑنے کے حوالے سے انتہائی اہمیت کا حامل ہے۔

مشترکہ ترقی اور خوشحالی کو فروغ دینے کے لیے اس منصوبے میں فعال شرکت جاری رکھنے پر روس کا خیر مقدم کرتے ہوئے وانگ نے کہا کہ چین روسی صدر ولادیمیر پیوتن کی طرف سے بیلٹ اینڈ روڈ تعاون کے لیے بھرپور تعریف اور حمایت  کوسراہتاہے۔ 

اس موقع پر لاوروف نے کہا کہ روس اور چین نے دوطرفہ تعلقات کے فروغ دینے میں ایک بہتر رفتار کو برقرار رکھا ہے۔ توقع ہے کہ چین کے ساتھ قریبی سٹریٹجک رابطے کو برقرار رکھتے ہوئے ہر سطح پر عملی تعاون کوفروغ دیا جائے گا۔

فورم کی کامیابی پر اعتماد کا اظہار کرتے ہوئے لاوروف کا کہنا تھا کہ صدر پیوتن چین میں صدر شی جن پھنگ سے ملاقات اور فورم میں شرکت کے انتہائی منتظر ہیں۔