بیجنگ(شِنہوا)چین کی سپریم پیپلز پروکیوریٹوریٹ (ایس پی پی) نے چینی عوامی سیاسی مشاورتی کانفرنس کی ہونان کی صوبائی کمیٹی کے سابق نائب چیئرمین یی پھینگفی کو رشوت خوری اوراختیارات کے ناجائز استعمال کے الزام میں جمعہ کو گرفتار کرنے کا حکم دیا ہے۔

 نگرانی کے قومی کمیشن کی طرف سے تحقیقات کے اختتام کے بعد کیس کی مزید جانچ پڑتال کے لیے اسے  پروکیوریٹوریٹ کے حکام کو منتقل کر دیا گیا ہے جس کے بعد  کیس کی تحقیقات جاری ہیں۔

نئی دہلی(شِنہوا)بھارت میں حکمران جماعت بھارتیہ جنتا پارٹی (بی جے پی) کے ایک مقامی رہنما کو شمالی ریاست اتر پردیش میں گولی مار کر ہلاک کر دیا گیا۔

مقامی پولیس نے جمعہ کو بتایا کہ34 سالہ انوج چودھری کو جمعرات کی شام ایک موٹر سائیکل پر سوار تین افراد نے اس وقت گولی مار دی جب وہ اتر پردیش کے دارالحکومت لکھنؤ سے تقریباً 355 کلومیٹر شمال مغرب میں ضلع مراد آباد میں اپنی رہائش گاہ کے باہر چہل قدمی کر رہے تھے ۔

  پولیس کے مطابق انہیں  فوری طور پر مقامی ہسپتال لے جایا گیا جہاں وہ علاج کے دوران زخموں کی تاب نہ لاتے ہوئے چل بسے۔

 پولیس نے واقعے کا مقدمہ درج کر لیا ہے اور ملزمان کا سراغ لگانے کی کوششیں جاری ہیں۔

 پولیس کی جانب سے جاری کردہ ایک بیان میں کہا گیا ہے کہ مطلوب ملزمان کی گرفتاری کے لیے پانچ ٹیمیں تشکیل دی گئی ہیں اور جلد ہی انہیں گرفتار کرکے سخت قانونی کارروائی کی جائے گی۔

رپورٹس میں کہا گیا ہے کہ انوج چودھری بی جے پی کے سرگرم رکن تھے جنہیں اپنے علاقے میں ایک مقامی الیکشن میں ناکامی کا سامناکرنا پڑا ۔

انوج چوہدری کی لاش کو پوسٹ مارٹم کے لیے بھیج دیا گیا ہے۔

رم اللہ(شِنہوا) مغربی کنارے کے شمالی علاقےمیں فلسطینی پناہ گزینوں کے تلکرم کیمپ میں اسرائیلی فوجیوں کے ساتھ  جھڑپوں کے دوران ایک فلسطینی  جاں بحق اور آٹھ زخمی ہو گئے۔

فلسطینی وزارت صحت نے جمعہ کوایک پریس بیان میں کہا کہ 24 سالہ محمود جراد جھڑپوں کے دوران اسرائیلی فوجیوں کی گولی لگنے سے جاں بحق ہو گیا۔

بیان میں  کہا گیا ہے کہ اسرائیلی فوجیوں کی براہ راست فائرنگ  سے آٹھ دیگر فلسطینی زخمی ہوئےجنہیں تلکرم کے سرکاری اسپتال منتقل کیا گیا ہے۔

عینی شاہدین نے بتایا کہ اسرائیلی فوج نے رات گئے پناہ گزینوں کے کیمپ پر دھاوا بول دیا  جس کا مقصد اسرائیل کے خلاف حملوں میں ملوث ہونے کے الزام میں اسرائیلی سکیورٹی فورسز کو مطلوب فلسطینیوں کو گرفتارکرنا تھا۔

عینی شاہدین نے بتایا کہ اسرائیلی فوجیوں نے پناہ گزین کیمپ میں درجنوں گھروں پر دھاوا بولا اور اس دوران فلسطینی مظاہرین اور اسرائیلی فوجیوں کے درمیان شدید جھڑپیں ہوئیں۔

اسرائیل ریڈیو نے اطلاع دی ہے کہ اسرائیلی فوج نے معمول کی حفاظتی سرگرمی کے تحت تلکرم پناہ گزین کیمپ پر چھاپہ مارا اور آپریشن کے دوران مسلح فلسطینیوں  نے فورس پر فائرنگ کی جس پر فوجیوں نے ان پر جوابی فائرنگ کی۔

ہانگ ژو(شِنہوا)  بی ایم ایکس سائیکلنگ ٹیسٹ ایونٹ کے اختتام کے بعد ہانگ ژو ایشین گیمز کی تیاریاں اپنے آخری مرحلے میں داخل ہو گئی ہیں۔ ہانگ ژو اولمپک اسپورٹس سنٹر کا مرکزی اسٹیڈیم، جسے اس کے کنول کے پھول کے ڈیزائن کی وجہ سے "جائنٹ لوٹس" کہا جاتا ہے میں 9 جولائی2021 کو "پرجوش ہانگ ژو" ٹریک اینڈ فیلڈ انویٹیشنل ٹورنامنٹ کے انعقاد کے ساتھ سب سے پہلے ٹیسٹنگ پروگرام کا آغاز کیا گیا تھا۔

مارچ سے جولائی کے آخرتک،51 ٹیسٹنگ ایونٹس کامیابی کے ساتھ منعقد کیے گئے، جن میں سے کچھ بین الاقوامی سطح تک پہنچنےمیں کامیاب ہوئے۔

 مئی میں ہانگ ژو اولمپک اسپورٹس سنٹر ایکواٹک اسپورٹس ایرینامیں نیشنل سوئمنگ چیمپئن شپ کے دوران ٹوکیو اولمپک کے چیمپئن وانگ شون نے  کہا تھا کہ یہ وہ بہترین مقام ہے جہاں پر انہوں نے گزشتہ تین ایشیائی کھیلوں کے دوران حصہ لیاتھا۔

ہانگ کانگ (شِنہوا) ہانگ کانگ خصوصی انتظامی علاقے (ایچ کے ایس اے آر) حکومت کے ترجمان نے چین میں سرمایہ کاری کو محدود کرنے کے امریکی اقدام کے جواب میں،  ہانگ کانگ کی معمول کی تجارت اور سرمایہ کاری کی سرگرمیوں کو نقصان پہنچانے کے بلاجواز اقدامات پر امریکہ کو شدید تنقید کا نشانہ بنایا ہے۔

 ترجمان نے کہا کہ ایچ کے ایس اے آر حکومت نے سخت اعتراض اور ناپسندیدگی کا اظہار کیا ہے۔   ترجمان نےکہا کہ ہانگ کانگ اور امریکہ کے درمیان قریبی اقتصادی تعلق رہا ہے اور امریکی کمپنیوں کے ہانگ کانگ میں وسیع کاروباری مفادات ہیں۔ ترجمان نے کہا کہ سرمایہ کاری پرپابندی کابلاجواز امریکی اقدام مارکیٹ اکانومی اور منصفانہ مسابقت کے اصولوں کی سنگین خلاف ورزی ہے جس سے بین الاقوامی اقتصادی اور تجارتی نظام کو نقصان اور امریکی کاروباری اداروں اور امریکہ کے اقتصادی اور تجارتی مفادات کو خطرے میں ڈالاگیا ہے اور اس سے عالمی اقتصادی بحالی اور ترقی کے لیے مزید غیر یقینی صورتحال پیدا کی ہے،ترجمان نے امریکہ سے اس اقدام کو واپس لینے کا مطالبہ کیا۔

تائپے (شِنہوا) تائیوان کی ڈیموکریٹک پروگریسو پارٹی (ڈی پی پی) کی سیاست دان لائی چھنگ تے کے امریکہ کے طے شدہ  "ٹرانزٹ" دورہ کے خلاف تائیوان کی درجنوں سیاسی جماعتوں اور تنظیموں نے جمعہ کو تائپے میں احتجاج کیا۔ سینکڑوں لوگوں نے لائی کے متوقع سفر کے خلاف مخالفت کا اظہار کرنے کے لیے احتجاج میں حصہ لیا، اس دورہ کو"تائیوان کی آزادی" کی کوشش کے طور پر دیکھا جارہا ہے ۔  مظاہرین نے ایک بیان جاری کرتے ہوئے کہا کہ لائی اور ڈی پی پی حکام کی جانب سے آزادی کے ایجنڈے کے لیے امریکی حمایت حاصل کرنے اوراس پختہ حقیقت کوبدلنے کی کوششوں سے کہ آبنائے تائیوان کے آرپار کا تعلق ایک ہی چین سے ہے، تائیوان کے عوام کے مفادات کو شدید نقصان پہنچا ہے۔

بیان میں کہا گیا کہ اس طرح کی کارروائیاں آبنائے کے دونوں اطراف کے ہم وطنوں کے درمیان قائم رشتوں اور اعتماد کو ختم  اور آبنائے پار تعلقات کی پرامن ترقی کو خطرے میں ڈال رہی ہیں  جو تائیوان کے لیے تباہ کن نتائج کا باعث بن سکتی ہیں۔

تائپے (شِنہوا) تائیوان کی ڈیموکریٹک پروگریسو پارٹی (ڈی پی پی) کی سیاست دان لائی چھنگ تے کے امریکہ کے طے شدہ  "ٹرانزٹ" دورہ کے خلاف تائیوان کی درجنوں سیاسی جماعتوں اور تنظیموں نے جمعہ کو تائپے میں احتجاج کیا۔ سینکڑوں لوگوں نے لائی کے متوقع سفر کے خلاف مخالفت کا اظہار کرنے کے لیے احتجاج میں حصہ لیا، اس دورہ کو"تائیوان کی آزادی" کی کوشش کے طور پر دیکھا جارہا ہے ۔  مظاہرین نے ایک بیان جاری کرتے ہوئے کہا کہ لائی اور ڈی پی پی حکام کی جانب سے آزادی کے ایجنڈے کے لیے امریکی حمایت حاصل کرنے اوراس پختہ حقیقت کوبدلنے کی کوششوں سے کہ آبنائے تائیوان کے آرپار کا تعلق ایک ہی چین سے ہے، تائیوان کے عوام کے مفادات کو شدید نقصان پہنچا ہے۔

بیان میں کہا گیا کہ اس طرح کی کارروائیاں آبنائے کے دونوں اطراف کے ہم وطنوں کے درمیان قائم رشتوں اور اعتماد کو ختم  اور آبنائے پار تعلقات کی پرامن ترقی کو خطرے میں ڈال رہی ہیں  جو تائیوان کے لیے تباہ کن نتائج کا باعث بن سکتی ہیں۔

نان جنگ(شِنہوا) چین کے مشرقی صوبےجیانگ سو کے شہر سوژومیں دو مربوط الیکٹرک وہیکل (ای وی) چارجنگ اسٹیشن قائم کیے گئے ہیں جن میں پلگ ان اور وائرلیس چارجنگ  کے دونوں موڈ شامل ہیں۔

 انہیں سوژوکے نیو ڈسٹرکٹ میں واقع ایک سمارٹ چارجنگ اسٹیشن پر نصب کیا گیا ہے۔  سٹیٹ گرڈ سوژو پاور سپلائی کمپنی کے مارکیٹنگ ڈیپارٹمنٹ کے عملے کے رکن ژاؤ مینگ نے کہا کہ این ای ویز کے لیے وائرلیس چارجنگ اسمارٹ فونز کی چارجنگ کی طرح کام کرتی ہے، انہوں نے مزید کہا کہ دونوں چارجنگ اسٹیشن بالترتیب 7 کلو واٹ اور 11 کلو واٹ کی پاورکے ساتھ 90 فیصد سے زیادہ موثرطور پرچارجنگ کرسکتے ہیں۔    پلگ ان چارجنگ کے مقابلے میں، ای وی کی وائرلیس چارجنگ کے استعمال میں آسانی اورکھلے کنڈکٹرز سے منسلک حفاظتی خطرات سے بچاو جیسے متعدد فوائد ہیں۔

اقوام متحدہ(شِنہوا)اقوام متحدہ کے سکریٹری جنرل انتونیو گوتریس نے ان اطلاعات پر اپنے تحفظات کا اظہار کیا ہے جن میں کہا گیا ہے کہ نائجر کے صدر کو افسوسناک حالات میں رکھنے کے علاوہ  حکومتی ارکان کو حراست میں لیا گیا ہے۔

سیکرٹری جنرل کے نائب ترجمان فرحان حق نے کہا کہ صدارتی گارڈ کے ارکان نے مبینہ طور پر صدر محمد بازوم اور ان کے خاندان کو پانی، خوراک، ادویات اور بجلی تک رسائی کے بغیر رکھا ہوا ہے۔

فرحان حق نے کہاکہ سیکرٹری جنرل نائجر کے صدر اور ان کے خاندان کی صحت اور حفاظت پر اپنی تشویش کا اعادہ کرتے ہوئےایک بار پھران کی فوری،غیرمشروط رہائی اور ریاست کے سربراہ کے طورپران کی بحالی کامطالبہ کرتے ہیں۔

  صدارتی گارڈ نے 26 جولائی کو محمد بازوم اور ان کے خاندان کو حراست میں لے کر کنٹرول سنبھال لیا تھا۔

ترجمان نے کہا کہ گوتریس کو متعدد حکومتی ارکان کی گرفتاری کے بارے میں مسلسل اطلاعات  پر بھی تشویش ہے اور وہ فوری طور پر ان کی غیر مشروط رہائی اور نائجر کی جانب سے بین الاقوامی انسانی حقوق کی ذمہ داریوں پر سختی سے عمل کرنے کا مطالبہ کرتے ہیں۔

تاہم فرحان حق نے کہا کہ نائجر کے لوگوں کو ریلیف فراہم کرنے کے لیے اقوام متحدہ کی کوششوں میں کوئی کمی نہیں آئی ہے جبکہ  اقوام متحدہ کے انسانی امور کے رابطہ دفتر (او سی ایچ اے ) کی رپورٹ کے مطابق امدادی کارروائیاں جاری ہیں۔

تہران(شِنہوا) ایران اور امریکہ کے درمیان قیدیوں کا تبادلہ اور جنوبی کوریا  کے بینکوں میں ایران کے منجمد اثاثوں کی بحالی ایک ساتھ ہوں گے ۔

 یہ بات ایرانی صدر ابراہیم رئیسی کے سیاسی امور کے عملے کے نائب سربراہ محمد جمشیدی نے جمعہ کو ایکس پرایک بیان میں کہی جسے پہلے ٹویٹر کہا جا تا تھا۔ انہوں نے کہا کہ ایران میں امریکی قیدی ، امریکہ میں ہمارے غیر قانونی طور پر قید شہریوں کی رہائی کے ساتھ ہی رہا کئے جائیں گے اور جنوبی کوریا میں غیر قانونی طور پر رکھے گئے ایرانی اثاثوں کی مکمل منتقلی  حال ہی میں عراق میں بحال کیے گئے اثاثوں کی طرح ہو گی۔

قیدیوں کے تبادلے اور اثاثوں کو غیر منجمد کرنے کا اعلان جمعرات کی شب ایرانی وزارت خارجہ کے ایک بیان میں کیا گیا۔

ایرانی وزارت نے کہا کہ ملک کے فنڈز امریکہ کی طرف سے چند سالوں سے جنوبی کوریا کے بینکوں میں غیر قانونی طور پر منجمد کر دیے گئے تھے جبکہ ایران نے اس سلسلے میں امریکہ کی جانب سے کیے گئے وعدے پورے کرنے کے لیے اس سے ضروری ضمانتیں حاصل کی ہیں۔

دمشق(شِنہوا) شام کے مشرقی صوبے دیر الزور میں داعش کے عسکریت پسندوں نے  ایک فوجی بس پر گھات لگا کر حملہ کیا  جس میں23 شامی فوجی ہلاک اور 10 زخمی ہو گئے۔

سیریئن آبزرویٹری فار ہیومن رائٹس کا کہنا ہے کہ داعش کے جنگجوؤں نےجمعہ کی صبح دیر الزور کے مشرقی شہرالمیادین کے صحرائی علاقے میں بس پر حملہ کیا۔

برطانیہ میں قائم مبصرگروپ نے کہا کہ داعش کےعسکریت پسندوں نے گھات لگا کر حملہ کیا اور بس پر ہلکے اور درمیانے درجے کے ہتھیاروں سے فائرنگ کی۔

ٹوکیو(شِنہوا) جاپان میں فوکوشیما ڈائیچی نیوکلیئر پاور پلانٹ سے تابکاری سے آلودہ پانی کومنتقل کرنے کے لیے استعمال ہونے والا پائپ لیک ہوگیا۔

سرکاری  نشریاتی ادارے این ایچ کے کی رپورٹ کے مطابق  ٹوکیو الیکٹرک پاور کمپنی (ٹیپکو) نے تابکاری سے آلودہ پانی ذخیرہ کرنے والے ایک ٹینک کے ارد گرد تعمیر کردہ ڈیک میں بارش کے پانی میں معمول سے زیادہ تابکارموادکی موجودگی  کی نشاندہی ہونے کےبعد تحقیقات کی ہیں۔

 رپورٹ کے مطابق تحقیق سے معلوم ہوا کہ تابکاری سے آلودہ پانی کو منتقل کرنے کے لیے استعمال ہونے والے پائپ میں تقریباً چار سینٹی میٹر کے شگافوں سے کچھ پانی نکلا تھا۔ پائپ کو دوسرے ٹینک سے تابکار پانی کی منتقلی کے لیے استعمال کیا جاتا تھا،اس وجہ سے ٹیپکو نے ٹینک کے ارد گرد موجود پانی کا تجزیہ کیا جس سے معلوم ہوا کہ  پانی کے فی لٹر میں ٹریٹیم کی مقدار67ہزاربیکریلزتھی جوجاپانی حکومت کی طرف سے ٹریٹیم کوماحول میں چھوڑنے کے لیے مقرر کردہ معیار 60ہزاربیکریلز سے زیادہ ہے۔

بیجنگ(شِنہوا) چین نے امریکہ پر زوردیا ہے کہ وہ21ویں صدی کے ٹریڈ فرسٹ ایگریمنٹ عملدرآمد ایکٹ کے تحت نام نہاد یو ایس-تائیوان اقدام کو واپس لے ۔

وزارت خارجہ کے ترجمان نے نام نہاد ایکٹ کے قانون پردستخطوں کے حوالے سے ایک سوال کے جواب میں کہا کہ چین اپنے تائیوان کے علاقے اوراپنےساتھ سفارتی تعلقات رکھنے والے ممالک کے درمیان کسی بھی قسم کی سرکاری بات چیت کی سخت مخالفت کرتا ہے۔ اس میں خودمختارحیثیت یا سرکاری نوعیت کے کسی بھی معاہدے پر بات چیت یا دستخط کرنا شامل ہے۔

ترجمان نے کہا کہ امریکی اقدام ایک چین کے اصول اورچین امریکہ تین مشترکہ  بیانات اورامریکہ کے اس وعدے کی خلاف ورزی ہے کہ وہ  تائیوان کے ساتھ صرف غیر سرکاری تعلقات رکھے گا ،اس  اقدام سے"تائیوان کی آزادی" کی خواہاں علیحدگی پسند قوتوں کو غلط پیغام دیا گیاہے۔ ترجمان نے کہا کہ چین اپنی خودمختاری اور علاقائی سالمیت کے تحفظ کے لیے اپنے عزم پر قائم ہے اور وہ امریکہ سے اپنی روش کو فوری بدلنے، نام نہاد ایکٹ کو منسوخ کرنے، نام نہاد اقدام پر مذاکرات میں پیش رفت بند اور مزید غلط راستہ اختیارنہ کرنے کا مطالبہ کرتا ہے۔

چھونگ چھنگ (شِنہوا) جاپان کی جارحیت کے خلاف جنگ کے دوران چینی حکومت اور عوام کی مدد کرنے والے سابق امریکی جنرل جوزف اسٹیل ویل کی 140ویں سالگرہ کے موقع پرچین کی جنوب مغربی چھونگ چھنگ  میونسپلٹی میں یادگاری تقریبات کا انعقاد کیاگیا۔

اپنی 42 سالہ فوجی سروس کے دوران، اسٹیل ویل نے چین کے پانچ دورے کیے اور 12 سال تک یہاں مقیم رہے۔

دوسری جنگ عظیم کے دوران چین-برما-انڈیا محاذ پرخدمات انجام دیتے ہوئے، اسٹیل ویل نے جاپانی جارحیت کے خلاف مزاحمت میں چینی عوام کی مدد کی۔ ان کی کوششوں نے جاپانی جارحیت کے خلاف چین کی عوامی مزاحمت اور عالمی اینٹی فاشسٹ جنگ کی حتمی فتح میں اہم کردار ادا کیاتھا۔

2015 میں، اسٹیل ویل کو دوسری جنگ عظیم کے دوران چین کے ساتھ شانہ بشانہ لڑنے پر بعد از مرگ میڈل سے نوازا گیا تھا۔

اسٹیل ویل کی پڑپوتیوں سوسن کول اور نینسی ملورڈ نے چھونگ چھنگ  میں ان کی سابقہ رہائش گاہ کا دورہ کیا، جسے اب ایک میوزیم میں تبدیل کر دیا گیا ہے۔ یہ چین کا واحد عجائب گھر ہے جس کا نام غیر ملکی فوجی شخصیت کے نام پر رکھا گیا ہے۔

سابق امریکی جنرل جوزف اسٹیل ویل کی پڑپوتی سوسن کول چھونگ چھنگ  میونسپلٹی میں انٹرویو دیتے ہوئے۔(شِنہوا)

اسٹیل ویل کی زندگی کے حوالے سے ایک نمائش منگل کوچھونگ چھنگ میں شروع ہوئی۔ جس میں تقریباً 200 تاریخی تصاویر اور 60 سے زائد اشیاء رکھی گئی ہیں۔ جو اسٹیل ویل کی زندگی اور فوجی کیریئر کے ساتھ ساتھ روایتی چینی ثقافت کے لیے اس کے جذبے اور چینی لوگوں کے لیے انکی گہری محبت کو واضح کرتی ہیں۔

چھونگ چھنگ (شِنہوا) جاپان کی جارحیت کے خلاف جنگ کے دوران چینی حکومت اور عوام کی مدد کرنے والے سابق امریکی جنرل جوزف اسٹیل ویل کی 140ویں سالگرہ کے موقع پرچین کی جنوب مغربی چھونگ چھنگ  میونسپلٹی میں یادگاری تقریبات کا انعقاد کیاگیا۔

اپنی 42 سالہ فوجی سروس کے دوران، اسٹیل ویل نے چین کے پانچ دورے کیے اور 12 سال تک یہاں مقیم رہے۔

دوسری جنگ عظیم کے دوران چین-برما-انڈیا محاذ پرخدمات انجام دیتے ہوئے، اسٹیل ویل نے جاپانی جارحیت کے خلاف مزاحمت میں چینی عوام کی مدد کی۔ ان کی کوششوں نے جاپانی جارحیت کے خلاف چین کی عوامی مزاحمت اور عالمی اینٹی فاشسٹ جنگ کی حتمی فتح میں اہم کردار ادا کیاتھا۔

2015 میں، اسٹیل ویل کو دوسری جنگ عظیم کے دوران چین کے ساتھ شانہ بشانہ لڑنے پر بعد از مرگ میڈل سے نوازا گیا تھا۔

اسٹیل ویل کی پڑپوتیوں سوسن کول اور نینسی ملورڈ نے چھونگ چھنگ  میں ان کی سابقہ رہائش گاہ کا دورہ کیا، جسے اب ایک میوزیم میں تبدیل کر دیا گیا ہے۔ یہ چین کا واحد عجائب گھر ہے جس کا نام غیر ملکی فوجی شخصیت کے نام پر رکھا گیا ہے۔

سابق امریکی جنرل جوزف اسٹیل ویل کی پڑپوتی سوسن کول چھونگ چھنگ  میونسپلٹی میں انٹرویو دیتے ہوئے۔(شِنہوا)

اسٹیل ویل کی زندگی کے حوالے سے ایک نمائش منگل کوچھونگ چھنگ میں شروع ہوئی۔ جس میں تقریباً 200 تاریخی تصاویر اور 60 سے زائد اشیاء رکھی گئی ہیں۔ جو اسٹیل ویل کی زندگی اور فوجی کیریئر کے ساتھ ساتھ روایتی چینی ثقافت کے لیے اس کے جذبے اور چینی لوگوں کے لیے انکی گہری محبت کو واضح کرتی ہیں۔

اسلام آباد (شِنہوا) اسٹیٹ بینک نے چین پاکستان اقتصادی راہداری (سی پیک) کے آغاز کی 10 ویں سالگرہ کے موقع پر 100 پاکستانی روپے کا یادگاری سکہ جاری کرنے کا اعلان کیا ہے۔

مرکزی بینک نے ایک بیان میں بتایا کہ سکے کے دونوں اطراف میں ہلال ، ستارہ اور 5 ستاروں کا ایک گروپ ہے جو پاکستان اور چین کے قومی پرچم کی نمائندگی کرتا ہے۔

اسٹیٹ بینک نے بتایا کہ اردو، چینی اور انگریزی رسم الخط میں "چین پاکستان اقتصادی راہداری کے الفاظ عقبی حصے میں کنندہ ہیں جبکہ انگریزی رسم الخط میں سی پیک کے 10 برس مکمل ہونے کا جشن اور اردو رسم الخط میں اسلامی جمہوریہ پاکستان سامنے کے حصے پر کنندہ کیا گیا ہے۔

اسٹیٹ بینک نے مزید کہا کہ سکے کی شکل گول ہے جبکہ کنارے پر دندانے ہیں ۔ سکے کا قطر 30 ملی میٹر اور وزن 13.5 گرام ہے۔ سکے میں تانبہ اور نکل ( تانبہ 75 فیصد ، نکل 25 فیصد) استعمال کیا گیا ہے۔

مرکزی بینک کے مطابق سی پیک نے 2013 میں اپنے قیام کے بعد سے پاکستان کے بنیادی ڈھانچے اور معاشی ترقی میں اہم کردار ادا کیا ہے۔

اسلام آباد (شِنہوا) اسٹیٹ بینک نے چین پاکستان اقتصادی راہداری (سی پیک) کے آغاز کی 10 ویں سالگرہ کے موقع پر 100 پاکستانی روپے کا یادگاری سکہ جاری کرنے کا اعلان کیا ہے۔

مرکزی بینک نے ایک بیان میں بتایا کہ سکے کے دونوں اطراف میں ہلال ، ستارہ اور 5 ستاروں کا ایک گروپ ہے جو پاکستان اور چین کے قومی پرچم کی نمائندگی کرتا ہے۔

اسٹیٹ بینک نے بتایا کہ اردو، چینی اور انگریزی رسم الخط میں "چین پاکستان اقتصادی راہداری کے الفاظ عقبی حصے میں کنندہ ہیں جبکہ انگریزی رسم الخط میں سی پیک کے 10 برس مکمل ہونے کا جشن اور اردو رسم الخط میں اسلامی جمہوریہ پاکستان سامنے کے حصے پر کنندہ کیا گیا ہے۔

اسٹیٹ بینک نے مزید کہا کہ سکے کی شکل گول ہے جبکہ کنارے پر دندانے ہیں ۔ سکے کا قطر 30 ملی میٹر اور وزن 13.5 گرام ہے۔ سکے میں تانبہ اور نکل ( تانبہ 75 فیصد ، نکل 25 فیصد) استعمال کیا گیا ہے۔

مرکزی بینک کے مطابق سی پیک نے 2013 میں اپنے قیام کے بعد سے پاکستان کے بنیادی ڈھانچے اور معاشی ترقی میں اہم کردار ادا کیا ہے۔

اسلام آباد (شِنہوا) اسٹیٹ بینک نے چین پاکستان اقتصادی راہداری (سی پیک) کے آغاز کی 10 ویں سالگرہ کے موقع پر 100 پاکستانی روپے کا یادگاری سکہ جاری کرنے کا اعلان کیا ہے۔

مرکزی بینک نے ایک بیان میں بتایا کہ سکے کے دونوں اطراف میں ہلال ، ستارہ اور 5 ستاروں کا ایک گروپ ہے جو پاکستان اور چین کے قومی پرچم کی نمائندگی کرتا ہے۔

اسٹیٹ بینک نے بتایا کہ اردو، چینی اور انگریزی رسم الخط میں "چین پاکستان اقتصادی راہداری کے الفاظ عقبی حصے میں کنندہ ہیں جبکہ انگریزی رسم الخط میں سی پیک کے 10 برس مکمل ہونے کا جشن اور اردو رسم الخط میں اسلامی جمہوریہ پاکستان سامنے کے حصے پر کنندہ کیا گیا ہے۔

اسٹیٹ بینک نے مزید کہا کہ سکے کی شکل گول ہے جبکہ کنارے پر دندانے ہیں ۔ سکے کا قطر 30 ملی میٹر اور وزن 13.5 گرام ہے۔ سکے میں تانبہ اور نکل ( تانبہ 75 فیصد ، نکل 25 فیصد) استعمال کیا گیا ہے۔

مرکزی بینک کے مطابق سی پیک نے 2013 میں اپنے قیام کے بعد سے پاکستان کے بنیادی ڈھانچے اور معاشی ترقی میں اہم کردار ادا کیا ہے۔

شی جیانگ ژوآنگ (شِنہوا) چین کے شمالی صوبے ہیبے میں حالیہ بارش کے سبب جمعرات تک 29 افراد لقمہ اجل بن چکے ہیں جبکہ 16 افراد تاحال لاپتہ ہیں۔

مقامی حکام نے جمعہ کی صبح ایک پریس کانفرنس میں بتایا کہ 110 کاؤنٹیز، شہروں اور اضلاع میں موسلا دھار بارش اور شدید سیلاب نے تباہی مچائی۔

آفت زدہ علاقوں میں نقل و حمل، بجلی، مواصلات اور پانی کی سہولیات سمیت بنیادی ڈھانچے کو نقصان پہنچا۔ صوبے کو 95.81 ارب یوآن (تقریباً 13.38 ارب امریکی ڈالرز) کا براہ راست معاشی نقصان ہوا جبکہ تباہی کا ابھی اندازہ لگایا جارہا ہے۔

جمعرات تک سیلاب سے 38 لاکھ 90 ہزار افراد متاثر ہوئے تھے ۔3 لاکھ 19 ہزار 700 ہیکٹر پر فصلیں متاثر ہوئیں جبکہ 1 لاکھ 31 ہزار 500 ہیکٹر پر فصلیں تباہ ہو گئیں۔

رہائشی علاقے بھی متاثر ہوئے جہاں 40 ہزار 900 مکانات منہدم ہوگئے جبکہ 1 لاکھ 55 ہزار 500 مکانات کو شدید نقصان پہنچا۔

کنڈرگارٹن کے ساتھ ساتھ مجموعی طور پر 1 ہزار 150  پرائمری اور سیکنڈری اسکولوں کو نقصان پہنچا۔

سڈنی(شِنہوا) ایک سینئر چینی قانون ساز نے جمعہ کے روز آسٹریلیا کا پانچ روزہ دورہ مکمل کر لیا ہے جس کے بعد چین کے اعلیٰ قانون ساز ادارے نیشنل پیپلز کانگریس (این پی سی) نے آسٹریلیا کی پارلیمنٹ کے ساتھ مزید تبادلوں کا عزم کیا ہے۔

آسٹریلیا کے دورے کے دوران این پی سی کی قائمہ  کمیٹی کی نائب چیئرپرسن ٹائی ننگ نے کہا کہ چین اور آسٹریلیا کے تعلقات مستحکم اور بہتر ہو رہے ہیں۔

انہوں نے کہا کہ چین، آسٹریلیا کے ساتھ تبادلوں اور تعاون کو مضبوط بنانے اور دونوں ممالک کے رہنماؤں کے درمیان طے پانے والے اہم اتفاق رائے پر عمل درآمد کے لئے تیار ہے۔

انہوں نے کہا کہ این پی سی آسٹریلیا کی پارلیمنٹ کے ساتھ مل کر کام کرنے کے لئے  تیار ہے تاکہ چین۔ آسٹریلیا تعلقات کی صحت مند ترقی میں مثبت کردار ادا کیا جا سکے۔

آسٹریلوی وفد نے دوطرفہ تعلقات پر مثبت تبصرہ کیا اور باہمی افہام و تفہیم کو فروغ دینے اور دوطرفہ تعلقات کو آگے بڑھانے کے لئے مثبت کوششیں کرنے کی خاطر چینی فریق کے ساتھ بات چیت اور تبادلوں کو مزید مضبوط بنانے پر آمادگی کا اظہار کیا۔

ٹائی نے ریاست نیو ساؤتھ ویلز کا بھی دورہ کیا اور ریاستی پارلیمنٹ کے رہنماؤں کے ساتھ ذیلی قومی تعاون اور تبادلوں پر تبادلہ خیال کیا۔

دورے کے دوران ٹائی نے بالترتیب سینیٹ کے صدر سو لائنز، ایوان نمائندگان کے اسپیکر ملٹن ڈک، معاون وزیر برائے امور خارجہ ٹم واٹس، پارلیمنٹ کی خارجہ امور، دفاع اور تجارت سے متعلق مشترکہ قائمہ کمیٹی کے چیئرمین شین نیومین، شیڈو وزیر برائے سائنس اینڈ آرٹس پال فلیچر اور آسٹریلیا-مشرقی ایشیا پارلیمانی نیٹ ورک کے تحت چائنہ گروپ کے چیئرمین کیرینا گارلینڈسے ملاقاتیں کیں۔

ولادی ووسٹک (شِنہوا) روس نے چاند کے جنوبی قطب کی کھوج کے لیے ایک تاریخی مشن کا آغاز کرتے ہوئے جمعہ کی علی الصبح لونا-25 قمری اسٹیشن کامیابی سے لانچ کردیا۔

یہ اسٹیشن روس کے مشرق بعید میں واقع امور اوبلاست میں ووسٹوکنی کاسموڈروم سے فریگٹ اپر اسٹیج میں سویوز-2.1 بی راکٹ سے لانچ کیا گیا ۔  اس میں واپسی کا کیپسول نہیں ہے۔

لانچ کے 9 منٹ بعد  لونا -25 اسٹیشن میں فریگٹ اپراسٹیج راکٹ کے تیسرے مرحلے سے الگ ہوگیا۔

تقریباً ایک گھنٹے بعد لونا-25 فریگٹ کے اوپری مرحلے سے الگ ہو گیا اور کامیابی سے چاند کے گردشی راستے میں داخل ہو گیا ۔ یہ اس مشن کا پہلا مرحلہ کامیابی سے مکمل ہونے کی علامت ہے۔

سنگاپور(شِنہوا) چین کے وزیر خارجہ اور کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ یی نے سنگاپور کے وزیر خارجہ ویوین بالا کرشنن سے ملاقات کی اور دونوں فریقین نے بیلٹ اینڈ روڈ کی تعمیر کو فروغ دینے کے عزم کا اظہار کیا۔

ملاقات کے دوران دونوں فریقین نے چین ۔سنگاپور تعلقات کی موجودہ مضبوط رفتار کی تعریف کرتے ہوئے کہا کہ دونوں ممالک کے رہنماؤں کی اسٹریٹجک رہنمائی کے مطابق وہ چین اور سنگاپور کے تعلقات کو ہمہ جہت اعلیٰ معیار کے مستقبل پر مبنی شراکت داری میں اپ گریڈ کرنے کے موقع سے فائدہ اٹھائیں گے تاکہ بیلٹ اینڈ روڈ کی اعلیٰ معیار کی مشترکہ تعمیر کو آگے بڑھایا جا سکے۔

دونوں فریق رابطے اور باہمی فائدہ مند تعاون کے مسلسل حصول کو فروغ دیں گے تاکہ اس سے دونوں ممالک اور خطے کے عوام کو بہتر فائدہ پہنچے۔

دونوں فریقین نائب وزیر اعظم کی سطح پر دوطرفہ تعاون کے میکانزم کے اجلاس کے لئے ٹھوس تیاری کریں گے  جو رواں سال منعقد ہونا ہے ، تعاون کے اگلے مرحلے کی منصوبہ بندی کریں گے اور تعاون کے نئے شعبوں کو وسعت دیں گے۔

سنگاپور ،چین کی جانب سے لوگوں کے درمیان تبادلوں کو آسان بنانے کے لیے اٹھائے گئے حالیہ اقدامات کو سراہتا ہے  اور دونوں فریق دونوں ممالک کے درمیان براہ راست پروازوں کی بحالی کے ساتھ ساتھ معیشت، تجارت، عوامی تبادلوں، سیاحت وغیرہ میں قریبی تبادلے اور تعاون کو تیز کریں گے۔

فریقین نے علاقائی اور بین الاقوامی امور پر بھی تبادلہ خیال کیا۔ان میں اتفاق کیا گیا کہ وہ مواصلات اور کوآرڈینیشن کو مضبوط کریں گے، مشرقی ایشیائی  تعاون پر رہنماؤں کے اجلاسوں کی مثبت کامیابیوں کو مشترکہ طور پر فروغ دیں گے اور مشترکہ طور پر علاقائی امن، استحکام، ترقی اور خوشحالی کا تحفظ کریں گے۔