بیجنگ (شِنہوا) ایک حالیہ سروے کے مطابق چین میں غیرملکی مالی اعانت سے کام کرنے والی کمپنیوں کی اکثریت نے ملک کے سازگار کاروباری ماحول کی تعریف کی ہے اور مارکیٹ پر اعتماد ظاہر کیا ہے۔

چائنہ کونسل فار پروموشن آف انٹرنیشنل ٹریڈ کے ایک عہدیدار وانگ لین جی نے ایک پریس کانفرنس میں بتایا کہ سروے میں شامل تقریباً 97 فیصد غیرملکی کمپنیوں نے کہا کہ وہ گزشتہ برس کی چوتھی سہ ماہی کے آغاز سے اب تک متعارف کردہ غیر ملکی سرمایہ کاری کے فروغ بارے چین کی پالیسیوں سے مطمئن ہیں۔

وانگ نے بتایا کہ غیر ملکی کاروباری ادارے چینی مارکیٹ کے امکانات بارے پرجوش ہیں کیونکہ چین اپنے کاروباری ماحول کو بہتر بنانے، صنعتی و سپلائی چین کو بڑھانے اور سرحد پار تجارت آسان بنانے کا سلسلہ جاری رکھے ہوئے ہے۔

چائنہ کونسل فار پروموشن آف انٹرنیشنل ٹریڈ نے اسی دن ایک رپورٹ بھی جاری کی جس کے مطابق غیر ملکی کمپنیاں چین میں اپنی ترقی بارے پرامید ہیں۔ 90 فیصد سے زیادہ جواب دہندگان کو توقع ہے کہ اگلے 5 برس میں سرمایہ کاری پر ان کا منافع مستحکم رہے گا یا بڑھ جائے گا۔

سروے سے یہ بات بھی سامنے آئی ہے کہ غیر ملکی کمپنیاں چین میں اپنے کاروباری آپریشنز کو وسعت دینے کے لئے مضبوط عزم کا مظاہرہ کررہی ہیں ۔70 فیصد سے زیادہ جواب دہندگان نے کہا کہ وہ چین میں اپنی صنعتی چین کو مزید مقامی بنائیں گے یا اسے اسی طرح برقراررکھیں گے۔

سروے کے مطابق دریائے یانگسی طاس، دریائے پرل طاس کے ساتھ ساتھ چین کے جنوب مغربی شہر چھنگ ڈو اور چھونگ چھنگ غیر ملکی سرمایہ کاری کے اہم مقامات ہیں۔

بیجنگ(شِنہوا)  چین نے انتہائی طاقت ور مائع راکٹ انجن کے ٹیسٹ اسٹینڈ کا ایک اور ٹرائل مکمل کر لیا ہے جو اس کے مستقبل کے انسان بردار قمری مشن کے لئے مدد گار ہوسکتا ہے۔

چین کے شمال مغربی صوبہ شانشی کے شہر تونگ چھوان میں یہ  مائع پروپیلنٹ راکٹ انجن کی جانچ کے لیے ایشیا کا سب سے بڑا ٹیسٹ اسٹینڈ ہے۔ اسٹینڈ کی مالک چائنہ  ایرو اسپیس سائنس اینڈ ٹیکنالوجی کارپوریشن کے مطابق، 700 ٹن کی بنیادی طاقت کو سہارا دینے کے لیے ڈیزائن کردہ  سائٹ پر 24 اپریل کو کامیاب ہاٹ فائرانجن  ٹیسٹ کا انعقاد کیاگیا۔ کارپوریشن کے ایک اعلی اہلکار تان یونگھوا نے کہا کہ تازہ ترین ٹیسٹ سے راکٹ انجن کی جانچ کی صلاحیتوں میں خاطر خواہ بہتری کی نشاندہی  ہوئی،جو لانچنگ گاڑیوں کے لیے معاونت فراہم کرتی  ہے جو مستقبل میں چاند پر لینڈنگ، گہری خلائی تحقیق اور بنیادی خلائی ڈھانچے کی تعمیر میں استعمال ہوں گی۔  

الجزائر (شِنہوا) الجیریا کے دارالحکومت الجزائر کے ایک یتیم خانہ نے بچوں کے عالمی دن کے موقع پر چینی سفارت خانے کی جانب سے منعقد کی جانے والی خیراتی تقریب کا خیرمقدم کیا ہے۔

الجزائر میں ریڈ کریسنٹ کے یتیم خانے ویلج آف ڈرا ریا میں تقریب کے دوران الجیریا میں چینی میڈیکل ٹیم کے ارکان نے گاؤں میں بچوں کے لئے موقع  پر صحت سے متعلق مشاورت فراہم کی۔

چائنہ اسٹیٹ کنسٹرکشن انجینئرنگ کارپوریشن (سی ایس سی ای سی) الجیریا کی جانب سے متعدد کھیلوں اور سرگرمیوں کا اہتمام کیا گیا اور بچوں کوتقریباً 20 لاکھ الجزائری دینار (تقریباً  14 ہزار 617 امر یکی ڈالرز) مالیت کے تحائف، صحت دیکھ بھال کٹس اور اسٹیشنری سامان عطیہ کیا گیا۔

سی ایس سی ای سی الجیریا  کے چیئرمین تانگ ہاؤ نے کہا کہ سی ایس سی ای سی الجیریا  کے لیے یہ مسلسل ساتواں سال ہے جس میں انہوں نے ڈراریا کے  چلڈرن و یلج میں عطیات دیے ہیں۔

الجیریا  میں چین کے سفیر لی جیان نے تقریب سے خطاب کرتے ہوئے کہا کہ چین الجیریا  کا مستقل دوست اور مخلص شراکت دار ہے اور امید ہے کہ چین اور الجیریا کی دوستی نسل در نسل منتقل ہوگی۔

انہوں نے اس امید کا اظہار کیا کہ بچوں کے لئے یہ  ایک خصوصی اور خوشگوار دن  ہو گا اورانہوں نے  مستقبل کی تعلیم میں ان کی صحت مند نشوونما اور کامیابی کے لئے نیک خواہشات کا اظہار کیا۔

ڈراریا چلڈرن و یلج کی ڈائریکٹر صوفیانے گورسیف نے کہا کہ یہ تقریب الجیریا  اور چینی عوام کے درمیان دوستی کا ایک بہترین مظہر ہے۔انہوں نے مزید کہا کہ انتہائی ضروری مواد اور تحائف نے بچوں کو چین کی گرمجوشی کا احساس دلایا۔

الجزائر (شِنہوا) الجیریا کے دارالحکومت الجزائر کے ایک یتیم خانہ نے بچوں کے عالمی دن کے موقع پر چینی سفارت خانے کی جانب سے منعقد کی جانے والی خیراتی تقریب کا خیرمقدم کیا ہے۔

الجزائر میں ریڈ کریسنٹ کے یتیم خانے ویلج آف ڈرا ریا میں تقریب کے دوران الجیریا میں چینی میڈیکل ٹیم کے ارکان نے گاؤں میں بچوں کے لئے موقع  پر صحت سے متعلق مشاورت فراہم کی۔

چائنہ اسٹیٹ کنسٹرکشن انجینئرنگ کارپوریشن (سی ایس سی ای سی) الجیریا کی جانب سے متعدد کھیلوں اور سرگرمیوں کا اہتمام کیا گیا اور بچوں کوتقریباً 20 لاکھ الجزائری دینار (تقریباً  14 ہزار 617 امر یکی ڈالرز) مالیت کے تحائف، صحت دیکھ بھال کٹس اور اسٹیشنری سامان عطیہ کیا گیا۔

سی ایس سی ای سی الجیریا  کے چیئرمین تانگ ہاؤ نے کہا کہ سی ایس سی ای سی الجیریا  کے لیے یہ مسلسل ساتواں سال ہے جس میں انہوں نے ڈراریا کے  چلڈرن و یلج میں عطیات دیے ہیں۔

الجیریا  میں چین کے سفیر لی جیان نے تقریب سے خطاب کرتے ہوئے کہا کہ چین الجیریا  کا مستقل دوست اور مخلص شراکت دار ہے اور امید ہے کہ چین اور الجیریا کی دوستی نسل در نسل منتقل ہوگی۔

انہوں نے اس امید کا اظہار کیا کہ بچوں کے لئے یہ  ایک خصوصی اور خوشگوار دن  ہو گا اورانہوں نے  مستقبل کی تعلیم میں ان کی صحت مند نشوونما اور کامیابی کے لئے نیک خواہشات کا اظہار کیا۔

ڈراریا چلڈرن و یلج کی ڈائریکٹر صوفیانے گورسیف نے کہا کہ یہ تقریب الجیریا  اور چینی عوام کے درمیان دوستی کا ایک بہترین مظہر ہے۔انہوں نے مزید کہا کہ انتہائی ضروری مواد اور تحائف نے بچوں کو چین کی گرمجوشی کا احساس دلایا۔

ژین جیانگ (شِنہوا) چین کے جنوبی صوبہ گوانگ ڈونگ کی کاؤنٹی شووین میں انناس بڑی مقدار میں پیدا ہوتا ہے جہاں 3 لاکھ 50 ہزار مو (23 ہزار 333 ہیکٹر) سے زائد پر اس کی کاشت کی جاتی ہے۔

چین، جنوبی صوبہ گوانگ ڈونگ کے شہر چان جیانگ کی کاؤنٹی شووین کے قصبے چھوجی کے کھیت دیکھے جاسکتے ہیں جس کے بڑے حصے پر انناس کاشت کیا گیا ہے ۔(شِنہوا)

چین، جنوبی صوبہ گوانگ ڈونگ کے شہر چان جیانگ کی کاؤنٹی شووین کے قصبے چھوجی کے کھیت دیکھے جاسکتے ہیں جس کے بڑے حصے پر انناس کاشت کیا گیا ہے ۔(شِنہوا)

چین، جنوبی صوبہ گوانگ ڈونگ کے شہر چان جیانگ کی کاؤنٹی شووین کے قصبے چھوجی کے کھیت دیکھے جاسکتے ہیں جس کے بڑے حصے پر انناس کاشت کیا گیا ہے ۔(شِنہوا)

چین، جنوبی صوبہ گوانگ ڈونگ کے شہر چان جیانگ کی کاؤنٹی شووین کے قصبے چھوجی کے کھیت دیکھے جاسکتے ہیں جس کے بڑے حصے پر انناس کاشت کیا گیا ہے ۔(شِنہوا)

چین، جنوبی صوبہ گوانگ ڈونگ کے شہر چان جیانگ کی کاؤنٹی شووین کے قصبے چھوجی میں انناس کے ایک کھیت میں ایک کسان کام کررہا ہے۔ (شِنہوا)

چین میں شینزین سے 200 کلومیٹر جنوب مغرب میں این پھنگ 1-15 آئل پلیٹ فارم کے کنٹرول روم میں عملے کا ایک رکن کام کر رہا ہے۔(شِنہوا)

بھارت کے شہر نئی دہلی کے علاقےجنتر منترمیں منی پور کے سینکڑوں قبائلی افراد اپنی ریاست میں جاری کشیدگی کے خاتمے میں حکومتی مداخلت کے لیے احتجاج کے دوران  نعرے لگا رہے ہیں۔(شِنہوا)

روس کے شہر ولادی وسٹوک میں بچوں کے عالمی دن کے موقع پر ایک تقریب کے دوران ایک بچی مصوری کررہی ہے۔(شِنہوا)

نائیجیریا کے صدر بولا تینوبو چینی صدر شی جن پھنگ کے خصوصی نمائندے اور نیشنل پیپلز کانگریس کی قائمہ کمیٹی کے وائس چیئرمین پھینگ چھنگ ہوا سے نائیجیریاکے شہر ابوجا میں ملاقات کے دوران مصافحہ کر رہے ہیں۔(شِنہوا)

نائیجیریا کے صدر بولا تینوبو چینی صدر شی جن پھنگ کے خصوصی نمائندے اور نیشنل پیپلز کانگریس کی قائمہ کمیٹی کے وائس چیئرمین پھینگ چھنگ ہوا سے نائیجیریاکے شہر ابوجا میں ملاقات کے دوران مصافحہ کر رہے ہیں۔(شِنہوا)

چین میں شینزین سے 200 کلومیٹر جنوب مغرب میں این پھنگ 1-15 آئل پلیٹ فارم دیکھا جا سکتا ہے جسےکل 15 لاکھ ٹن سے زائد کاربن ڈائی آکسائیڈ (سی او 2) ذخیرہ کرنے کے لیے ڈیزائن کیا گیا ہے جوماحول کے لیےتقریباً 1 کروڑ 40 لاکھ درخت لگانے کے برابرمفید ہے۔(شِنہوا)

بیجنگ (شِںہوا) ریاستی کونسل نے بیجنگ ژونگ گوان تسون جامع بانڈڈ زون کے قیام کی باضابطہ طور پر منظوری دیدی ہے۔

بیجنگ کسٹم کے سربراہ ژانگ جی پھنگ نے اہم سائنسی اور تکنیکی کامیابیوں بارے ژونگ گوان تسون فورم 2023 کی پریس کانفرنس میں بتایا کہ جامع بانڈڈ زون میں تحقیق اور ترقی  اور اختراع شامل ہوگی۔

رواں سال ژونگ گوانگ کن فورم منگل کو بیجنگ کے اختراعی مرکز ژونگ گوان تسون میں اختتام پذیر ہوا ۔ اسے "چین کی سلیکون ویلی" بھی کہا جاتا ہے۔

بیجنگ بلدیاتی حکومت نے جولائی 2022 میں ژونگ گوان تسون جامع بانڈڈ زون کے قیام کے لئے باضابطہ طور پر ریاستی کونسل کو درخواست دی تھی۔

 ضلع ہائی ڈیان میں واقع اس زون کا طے شدہ رقبہ 0.4 مربع کلومیٹر سے زائد ہوگا۔

چین، وسطی صوبہ ہونان کے چھانگ شا کے ضلع یولو میں آزمائشی پرائمری اسکول میں طالب علم خاکے بنا رہے ہیں۔(شِنہوا)

کوالالمپور میں پی آئی اے کا جہاز روکے جانے کا معاملہ پارلیمنٹ ہاؤس پہنچ گیا،سیکرٹری ایوی ایشن ڈویژن نے جہاز ایک ہفتہ میں واپس لانے کی نوید سنادی،جہاز کا ایک انجن لیز پر تھا جس پر ادائیگی کی ہوئی تھی عدالت میں ثبوت جمع کرادیئے ہیں ۔جمعرات کوپبلک اکاؤنٹس کمیٹی کی ذیلی کمیٹی کااجلاس کنوینر سید حسین طارق کی زیر صدارت پارلیمنٹ ہاوس میں ہواہے ۔اجلاس میں ایوی ایشن ڈویژن سے متعلق سال 2005-06 سے 2017-18 تک کے آڈٹ اعتراضات کا جائزہ لیاگیا۔اجلاس میں کوالالمپور میں پی آئی اے کا جہاز روکے جانے کا معاملہ بھی اٹھا سینیٹر مشاہد حسین سید نے کا کوالالمپور میں روکے گئے پی آئی اے کے جہاز سے متعلق استفسار کیاجس پر سیکرٹری ایوی ایشن ڈویژن نے جہاز جلد واپس لانے کی نوید سنادی،سیکرٹری ایوی ایشن نے کہاکہ پی آئی اے کا 777 جہاز تھا جو کوالالمپور گیا تھا،جہاز کاایک انجن لیز پر تھا،ہم نے لیسر کو ادائیگی کی ہوئی تھی، ہم نے جہاز ریکور کر دیا ہے، ہمارا کیس اسی کورٹ میں ہے۔کنوینر کمیٹی سید حسین طارق نے کہاکہ جہاز واپس کب آئے گا؟،مشاہدحسین سید نے کہاکہ میںاگلے ہفتے میں کوالالمپور جارہا ہوں۔سیکرٹری ایوی ایشن ڈویژن نے کہاکہ اس سے پہلے پہلے جہاز آجائے گا، ہم نے کورٹ میں (ادائیگیوں )پیمنٹ کے سارے ثبوت دیئے ہیں۔

کریڈٹ: انڈیپنڈنٹ نیوز پاکستان-آئی این پی

بیجنگ(شِنہوا) عالمی بینک نے چین کے وسطی صوبے ہونان میں میتھین کے اخراج میں کمی اورچاول کی پیداوار میں آبپاشی اور نکاسی کی خدمات کو بہتربنانے کے پروگرام کے لیے 25کروڑ50لاکھ ڈالر قرضے کی منظوری دی ہے۔

بینک کے بیجنگ میں واقع دفتر کے مطابق  یہ پروگرام دیہی علاقوں میں آب و ہوا کی لچک کو بڑھانے اور اناج کی پیداوار میں گرین ہاؤس گیسز کے اخراج کو کم کرنے میں معاون ثابت ہوگا۔

عالمی بینک کے قرضے اور چینی حکومت کے فنڈز کے ذریعے 1ارب 24کروڑ ڈالر کی مجموعی سرمایہ کاری کے ساتھ  پانچ سالوں کے دوران اس پروگرام کے تحت چاول کی پیداوار کا ایک پائیدار ماڈل تیارکیا جائے گا اورچین اور دیگر چاول اگانے والے ممالک کے لیے قابل نقل اور قابل توسیع علم اور تجربات فراہم کرے گا۔

چین، منگولیا اور کوریا کے لیے عالمی بینک کی کنٹری ڈائریکٹر مارا واروک نے کہا کہ یہ پروگرام چین کے زرعی شعبے میں موسمیاتی اثرات میں کمی کو فروغ دینے کے لیے جدید حل فراہم کرے گا۔

بھارتی فوج اور بارڈر سیکیورٹی فورس کے اہلکاروں نے چیک پوسٹ پر ایک نہتے شہری کو دہشت گرد سمجھتے ہوئے فائرنگ کرکے قتل کردیا،کشمیر میڈیا سروس کے مطابق جموں کے علاقے سامبا کی ایک چیک پوسٹ پر بھارتی فوج اور بارڈر سیکیورٹی فورس کے اہلکاروں نے نہتے شہری کو روک لیا اور اسے صفائی کا موقع دینے کے بجائے اندھا دھند فائرنگ کردی،بھارتی فوج کی فائرنگ میں نوجوان موقع پر ہی ہلاک ہوگیا جس کے بعد تلاشی لی گئی تو نوجوان کے پاس اسلحہ یا کوئی بھی ممنوعہ چیز برآمد نہیں ہوئی، لاش کو مردہ خانے منتقل کردیا گیا اور نوجوان کی شناخت کا عمل جاری ہے،بھارتی فوج کے ترجمان کی جانب سے جاری بیان میں کہا گیا ہے کہ مشکوک شہری کو رکنے کی ہدایت کی لیکن وہ چیک پوسٹ کی جانب بڑھتا رہا، ہائی الرٹ جاری ہونے کے سبب اہلکاروں نے اپنے دفاع میں فائرنگ کی،بیان میں کہا گیا ہے کہ واقعے کی تحقیقات کے لیے انکوائری کمیٹی بھی تشکیل دیدی گئی ہے، اگر کوئی اہلکار غفلت میں ملوث پایا کیا گیا تو کارروائی کی جائے گی،یاد رہے کہ سرحد پر بھارتی فوج کے ہاتھوں نہتے شہری کی ہلاکت کا یہ پہلا موقع نہیں اس سے قبل بھی بوکھلاہٹ اور خوف کے شکار بھارتی فوج کے اہلکار معصوم شہریوں کو دہشت گرد سمجھ کر قتل کرچکے ہیں۔

کریڈٹ: انڈیپنڈنٹ نیوز پاکستان-آئی این پی

متحدہ عرب امارات(یو اے ای) نے امریکا کی زیر قیادت 38رکنی خلیجی سمندری اتحاد کے ساتھ کام روک دیا،امریکی اخبار کے مطابق امریکاکی زیرقیادت خلیجی سمندری اتحاد بحری جہازوں کی حفاظت کرتا ہے،میڈیا رپورٹس کے مطابق اماراتی بحری جہازوں کو تحفظ فراہم نہ کرنے پر امارات نے امریکا سے اظہار ناراضگی کیا تھا جس پر یو اے ای نے امریکا کی زیر قیادت 38رکنی خلیجی سمندری اتحاد کے ساتھ کام روک دیا۔

کریڈٹ: انڈیپنڈنٹ نیوز پاکستان-آئی این پی

مقبوضہ کشمیر میں بھارتی ریاستی دہشت گردی جاری ہے،کشمیر میڈیا سروس کے مطابق بھارتی فوج نے ماہ مئی میں 10کشمیریوں کو شہید کیا، گزشتہ ماہ مئی میں شہید کیے جانے والے 10میں سے 4کشمیری نوجوانوں کو جعلی مقابلوں یا حراست میں شہید کیاگیا،میڈیا رپورٹس کے مطابق گزشتہ ماہ قابض بھارتی فورسز نے 2ہزار 141کشمیریوں کو حراست میں لیا جب کہ بھارتی فوج کیطاقت کے استعمال سے مئی میں کم از کم 6کشمیری زخمی ہوئے۔

کریڈٹ: انڈیپنڈنٹ نیوز پاکستان-آئی این پی

بھارتی فضائیہ کا تربیتی طیارہ دوران پرواز گرکرتباہ ہوگیا،بھارتی میڈیا کے مطابق ائیرفورس کا تربیتی طیارہ جمعرات کے روز ریاست کرناٹکا کے علاقے سورتی میں گرکرتباہ ہوا،بھارت میڈیا کے مطابق جس دوران حادثہ پیش آیا اس وقت طیارہ معمول کی تربیتی پروازپر تھا، یہ حادثہ بنگلورو شہر سے 136کلو میٹر دور چمراج نگر ضلع میں پیش آیا،بھارتی میڈیا کے مطابق حادثے میں طیارے میں موجود کریو ممبران محفوظ رہے،بھارتی میڈیا کا کہنا ہے کہ فضائیہ نے حادثے کی تحقیقات شروع کردی ہیں اور طیارہ گرنے کی وجوہات کا فوری طور پرپتا نہیں چل سکا ہے۔

کریڈٹ: انڈیپنڈنٹ نیوز پاکستان-آئی این پی

ٹیسلا اور اسپیس ایکس کے مالک ایلون مسک نے ایک بار پھر دنیا کے امیر ترین شخص کا اعزاز اپنے نام کرلیا ہے،پرتعیش اشیا بنانے والی کمپنی ایل وی ایم ایچ کے مالک برنارڈ آرنلٹ کی دولت میں مسلسل کمی کے باعث 31مئی کی شب ایلون مسک ایک بار پھر دنیا کے امیر ترین شخص بن گئے،بلومبرگ کی رپورٹ کے مطابق ایلون مسک اس وقت 192ارب ڈالرز کے مالک ہیں جبکہ برنارڈ آرنلٹ کے اثاثوں کی مالیت 187ارب ڈالرز ہے اور وہ دنیا کے امیر ترین افراد کی فہرست میں پہلے سے دوسرے نمبر پر چلے گئے ہیں۔

کریڈٹ: انڈیپنڈنٹ نیوز پاکستان-آئی این پی

امریکا کی جانب سے یوکرین کے لیے 300ملین ڈالر کے نئے فوجی امدادی پیکج کا اعلان کر دیا گیا،غیر ملکی میڈیا کے مطابق وائٹ ہائوس کی قومی سلامتی کونسل کے ترجمان جان کربی نے پریس بریفنگ کے دوران کہا کہ روس نے یوکرین کے خلاف ایک وحشیانہ، مکمل طور پر بلا اشتعال جنگ جاری رکھی ہوئی ہے، مزید فضائی حملے شروع کیے ہیں اور یوکرینی شہروں پر بمباری کی ہے،جان کربی کا کہنا تھا کہ روس کے حالیہ حملوں میں صرف مئی میں یوکرین کے دارالحکومت کیف کو نشانہ بنانے والے 17الگ الگ فضائی حملے شامل تھے اور ان حملوں سے شہریوں اور شہری بنیادی ڈھانچے کو شدید نقصان پہنچا ہے ، اس کے جواب میں امریکا یوکرین کو ایسی چیزیں دینے میں مدد جاری رکھے گا جس کی اسے اپنے دفاع کے لیے ضرورت ہے،انہوں نے بتایا کہ نئے امدادی پیکج میں ایونجر ایئر ڈیفنس، اسٹنگر اینٹی ایئر کرافٹ سسٹم، ہائی موبلٹی آرٹلری راکٹ سسٹمز کے لیے گولہ بارود اور دیگر آرٹلری کے ساتھ ساتھ اینٹی آرمر سسٹم بھی شامل ہوں گے،

رپورٹس کے مطابق بائیڈن انتظامیہ نے فروری 2022میں روس کے حملے کے آغاز سے لے کر اب تک یوکرین کو 37.6بلین ڈالر سے زیادہ کی سکیورٹی امداد فراہم کی ہے اور امریکا یوکرین کے دفاعی رابطہ گروپ کے 12اجلاسوں کی قیادت کر چکا ہے جو 50سے زائد ممالک کا اتحاد ہے اور یوکرین کے دفاع کے لیے پرعزم ہے،کربی نے کہا کہ امریکا اور اس کے اتحادی یوکرین کی آگے بڑھنے میں مدد کے لیے مضبوطی سے پرعزم ہیں،دوسری جانب پینٹاگون نے ایک پریس ریلیز میں یوکرین کو دیئے جانے والے امدادی پیکج کی تصدیق کرتے ہوئے بتایا کہ نئے پیکج کی مالیت 300ملین ڈالر ہوگی اور اس میں توپ خانے، اینٹی آرمر سسٹم اور گولہ بارود بشمول چھوٹے ہتھیاروں کے لاکھوں رانڈز شامل ہیں،پینٹاگون نے یوکرین کو پیش کیے جانے والے ہتھیاروں کی مالیت میں کم از کم 3بلین ڈالر کا تخمینہ لگایا ہے،واضح رہے کہ یوکرین کے لیے تازہ ترین پیکج بائیڈن انتظامیہ کی طرف سے منظور شدہ 39واں پیکج ہے۔

کریڈٹ: انڈیپنڈنٹ نیوز پاکستان-آئی این پی

بھارتی ریاست مدھیہ پردیش میں کار درخت سے جاٹکرائی جس کے بعد کار میں آگ لگ گئی، حادثے میں نوبیاہتا جوڑے سمیت ایک ہی خاندان کے چار افراد اس وقت زندہ جل کر ہلاک ہوگئے،بھارتی میڈیا کے مطابق سڑک کنارے درخت سے ٹکرانے والی کار مکمل طور پر آگ کی لپیٹ میں آگئی، پولیس نے بتایا کہ انہیں حادثے کی اطلاع ملی اور جب وہ فائر بریگیڈ کے ساتھ موقع پر پہنچے تو گاڑی پہلے ہی بری طرح جل چکی تھی،ایک پولیس اہلکار نے بتایا کہ مرنے والوں میں ایک خاتون سمیت چار افراد شامل ہیں، یہ تمام افراد ایک شادی کی تقریب سے واپس آ رہے تھے، مرنے والوں میں وہ نو بیاہتا جوڑا بھی شامل ہے جس کی چھ مہینے پہلے ہی شادی ہوئی تھی۔

کریڈٹ: انڈیپنڈنٹ نیوز پاکستان-آئی این پی

سعودی وزارت حج وعمرہ کے مطابق دنیا بھر سے دو لاکھ سے زائد عازمین حج مدینہ منورہ پہنچ چکے ہیں،جاری کردہ اعداوشمار کیمطابق حج سیزن کے آغاز سے اب تک دولاکھ سے زیادہ حج زائرین مدینہ منورہ پہنچ چکے ہیں جن میں سے ایک لاکھ 25ہزارحج زائرین امیر محمد بن عبدالعزیز انٹرنیشنل ایئرپورٹ مدینہ منورہ جبکہ 7ہزار سے زیادہ زمینی راستے سے مدینہ پہنچے ہیں،مدینہ پہنچنے والوں میں سے سب سے زیادہ حج زائرین کا تعلق انڈونیشیا سے ہے جبکہ اس حوالہ سے بھارت دوسرے ، پاکستان تیسرے اور بنگلہ دیش چوتھے نمبر پر ہے،واضح رہے کہ 20ہزار سے زیادہ حج زائرین مسجد نبوی کی زیارت کے بعد مکہ مکرمہ روانہ ہوچکے ہیں۔

کریڈٹ: انڈیپنڈنٹ نیوز پاکستان-آئی این پی

امریکا کے دیوالیہ ہونے کا خطرہ ٹل گیا، پروسیجرل ووٹ منظور ، بل اب ایوان نمائندگان میں پیش کیا جائے گا،غیر ملکی میڈیا کے مطابق ایوان میں کارروائی سے متعلق قرارداد 187کے مقابلے میں 241ووٹوں سے منظور کرلی گئی ، ووٹ منظور کیے جانے سے بل پر بحث کا آغاز ہوگیا ہے اور اس پر ووٹنگ کی راہ ہموار ہوگئی ہے،قرض کی حد 31.4 کھرب ڈالر تک محدود رکھنے کو معطل کیے جانے کا بل کچھ دیر میں ایوان میں پیش کیا جائے گا،ایوان میں 213ڈیموکریٹس اور 222ری پبلکنز اراکین جبکہ 29ری پبلکنز کو بل پر اعتراض ہے، اس طرح بل منظور کرنے کے لیے ری پبلکنز کو حریف ڈیموکریٹس کی بھی حمایت درکار ہے،ایوان نمائندگان کے ری پبلکن سپیکر کیون مک کارتھی کا کہنا ہے کہ بل پر ووٹنگ مقامی وقت کے مطابق رات ساڑھے آٹھ بجے یعنی پاکستانی وقت کے مطابق صبح ساڑھے پانچ بجے ہوگی اور یہ منظور کرلیا جائے گا،انہوں نے کہا کہ قانون سازی کر لی گئی تو قرض کی حد یکم جنوری 2025تک معطل کردی جائے گی۔

کریڈٹ: انڈیپنڈنٹ نیوز پاکستان-آئی این پی

بھارتی خفیہ ایجنسی را،بھارتی میڈیا اوربلوچ دہشت گردوں کاگٹھ جوڑ بے نقاب ہوگیا،مودی سرکار کا بلوچستان کے حوالے سے بین الاقوامی سطح پر پراپیگنڈا کے لیے بھارتی صحافیوں کا استعمال، بھارتی صحافی کے بلوچ دہشتگردوں سے ہمسایہ ملک میں موجود سہولت کاروں کے ذریعے رابطوں کا انکشاف ہوا ہے،بھارتی خفیہ ایجنسی را کے بلوچستان ڈیسک کے انچارج کرنل اشوک سے براہ راست رابطے میں رہنے والا بھارتی صحافی منیش رائے بلوچستان کے پرامن نوجوانوں کو بہکانے اور بلوچستان میں امن کی کوششوں کو سبوتاژ کرنے کے لیے مختلف پمفلٹس اورتربیتی دستاویزات کو پروپیگنڈا کے طور پر استعمال کررہا ہے،منیش رائے نے متعدد بلوچ دہشتگردوں سمیت اعلی قیادت کے انٹرویوز بھی کئے ہیں جن میں بلوچ لبریشن فرنٹ کے گوہرام بلوچ،بلوچ نیشنل آرمی کے گلزارامام شمبے اوربلوچ لبریشن آرمی کیحربیارمری شامل ہیں،منیش رائے ہمسایہ ملک میں موجود بلوچ دہشت گرد گروپوں کے سہولت کارعبدالجبار کریم زئی عرف راج دفتر کے ذریعے انٹرویو حاصل کرتا ہے۔منیش رائے تشدد کو فروغ دینے والے بلوچ دہشت گرد گروپوں کی جانب سے پروپیگنڈا رپورٹس مرتب کرنے کا بھی ذمہ دار ہے۔

کریڈٹ: انڈیپنڈنٹ نیوز پاکستان-آئی این پی

9 مئی کے مقدمات میں پی ٹی آئی رہنما اعجاز چوہدری سے دوران ریمانڈ پستول برآمد کرلیا گیا۔ پولیس کے مطابق پستول فارنزک لیب بھجوا دیا چیئرمین پی ٹی آئی کی اسلام آباد ہائیکورٹ سے گرفتاری کے بعد پی ٹی آئی کارکنوں کی جانب سے 9 مئی کو پرتشدد احتجاج اور عسکری و نجی املاک پر حملے کئے گئے تھے۔

کریڈٹ: انڈیپنڈنٹ نیوز پاکستان-آئی این پی

ایل پی جی کی قیمت میں حیرت انگیز طور پر بڑی کمی آئی ہے، اوگرا نے ایل پی جی کی قیمت میں 37 روپے فی کلو کمی کرتے ہوئے نوٹی فکیشن جاری کر دیا۔ نوٹی فکیشن کے مطابق ملک بھر میں امپورٹ اور لوکل ایل پی جی کی قیمت 197 روپے فی کلو مقرر کی گئی ہے۔ گھریلو سلنڈر کی قیمت میں 438 روپے اور کمرشل سلنڈر کی قیمت میں 1686 روپے کمی کی گئی ہے۔ ایل پی جی انڈسٹریز ایسوسی ایشن پاکستان کے چیئرمین عرفان کھوکھر نے کہا ہے کہ گھریلو سلنڈر 2322 روپے اور کمرشل سلنڈر 8933 روپے میں فروخت ہوگا، ہمارے فارمولے پر عمل کیا جائے تو قیمت میں مزید کمی کی جاسکتی ہے۔

کریڈٹ: انڈیپنڈنٹ نیوز پاکستان-آئی این پی

وفاقی سرکاری تعلیمی اداروں میں موسم گرما کی چھٹیوں کا اعلان کردیا گیا ، اس حوالے سے نوٹیفکیشن جاری کر دیا گیا ہے ۔ نوٹیفکیشن کے مطابق تعلیمی ادارے10 جون سے 31 جولائی تک بند رہیں گے، وفاقی نظامت تعلیمات اداروں کے سربراہان ضروری سٹاف کو بلا سکیں گے۔ دوسری جانب کراچی سمیت سندھ بھر کے تعلیمی اداروں میں آج سے 2 ماہ کی موسم گرما کی تعطیلات کا آغاز ہوگیا ہے۔ علاوہ ازیں خیبر پختونخوا کے گرم علاقوں کے پرائمری سکولوں میں بھی آج سے دو ماہ کی چھٹیوں کا آغاز ہوا ہے ۔

کریڈٹ: انڈیپنڈنٹ نیوز پاکستان-آئی این پی

سپریم کورٹ نے پریکٹس اینڈ پروسیجر ایکٹ کیخلاف درخواستوں پر سماعت آئندہ ہفتے تک ملتوی ہو گئی۔ چیف جسٹس کی سربراہی میں 8 رکنی لارجربنچ نے کیس کی سماعت کی، حکومت کی جانب سے پیش کیا گیا سپریم کورٹ پریکٹس اینڈ پروسیجر بل پارلیمنٹ سے منظوری کے بعد صدر مملکت کے دستخط کے بعد قانون بن گیا ہے۔ دوران سماعت عدالت کو آگاہ کیا گیا وفاقی حکومت نے سپریم کورٹ پریکٹس اینڈ پروسیجربل پر نظرثانی کا فیصلہ کر لیا ہے۔اٹارنی جنرل نے کہا کہ سپریم کورٹ کی مشاورت سے اب قانون میں ترمیم ہو گی، چیف جسٹس عمرعطا بندیال نے خیر مقدم کرتے ہوئے کہا نظرثانی سے قوانین میں ہم آہنگی آئے گی، اٹارنی جنرل نے کہا پریکٹس اینڈ پروسیجر بل اور نظرثانی قانون دونوں میں کچھ شقیں ایک جیسی ہیں، دونوں قوانین کے باہمی تضاد سے بچنے کیلئے دوبارہ جائزہ لیا جائے گا۔ چیف جسٹس نے اٹارنی جنرل سے مکالمہ کرتے ہوئے کہا آپ سپریم کورٹ کے معاملے سے ڈیل کررہے ہیں، ان معاملات پر مشاورت ہو گی تو تنازع ہی نہیں ہو گا، آپ چاہتے ہیں توفل کورٹ والے نکتے پر دلائل سن لیتے ہیں، اگر قانون پر نظرثانی کر رہے ہیں تو یہ ایک اکڈیمک مشق ہو گی، ہم اس تنازع کا پہلا سکوپ طے کر لیتے ہیں، سکوپ طے کرنے سے سماعت کا طریقہ کار بھی فوکس ہوجائے گا۔ بعدازاں عدالت نے سپریم کورٹ پریکٹس اینڈ پروسیجرایکٹ کیخلاف درخواستوں پرسماعت آئندہ ہفتے تک ملتوی کر دی۔

کریڈٹ: انڈیپنڈنٹ نیوز پاکستان-آئی این پی

لاہورہائیکورٹ نے سابق وزیرخزانہ کی بیٹی خدیجہ شاہ کو جوڈیشل ریمانڈ ختم ہونے پر پیش نہ کرنے پر ناراضگی کا اظہار کیا اور(آج) جمہ کو پیش کرنے کا حکم دیدیا۔ لاہورہائیکورٹ کے جسٹس شہباز رضوی کی سربراہی میں دو رکنی بنچ نے خدیجہ شاہ کے والد سلمان شاہ اور شوہرجہانزیب امین کی درخواست پرسماعت کی۔ایس ایس پی انویسٹی گیشن ڈاکٹر انوش پیش ہوئیں اورجواب داخل کرایا۔عدالت نے باور کرایا ریمانڈ میں توسیع کیلئے پیش نہیں کیا گیا۔ایسے میں ریمانڈ کیسے ہوگیا۔ عدالت نے خدیجہ شاہ کو عدالت میں پیش نہ کرنے پربرہمی کا اظہار کیا اوراستفسار کیا کہ انہیں پیش کیوں نہیں کیا گیا۔عدالت نے نشاندہی کی کہ اکتیس مئی کا عدالتی آرڈرواضح ہے۔سماعت کے دوران ایس ایس پی انویسٹی گیشن عدالت میں تسلی بخش جواب نہ دے سکیں۔ درخواست میں خدیجہ شاہ کوپیش نہ کرنے کے اقدام کوچیلنج کیا گیا اوران کی رہائی کی استدعا کی گئی۔

کریڈٹ: انڈیپنڈنٹ نیوز پاکستان-آئی این پی

لاپتہ افراد کمیشن نے ماہانہ پیشرفت رپورٹ سپریم کورٹ میں جمع کرادی،لاپتہ افراد کمیشن میں زیر التوا مقدمات کی تعداد 2346ہے۔جمعرات کے روز لاپتہ افراد کمیشن نے ماہانہ پیشرفت رپورٹ سپریم کورٹ میں جمع کرادی، رپورٹ کے مطابق لاپتہ افراد کمیشن میں زیر التوا مقدمات کی تعداد 2346ہے، رواں ماہ مئی میں کمیشن کو 82مقدمات موصول ہوئے اور 88مقدمات نمٹائے گئے، نمٹائے گئے 88مقدمات میں سے 73افراد گھروں کو واپس پہنچ گئے ، رواں ماہ مئی میں لاپتہ ایک شخص کی لاش ملی ، ایک شخص حراستی مرکزجبکہ ایک جیل میں ہے،مئی میں 12مقدمات جبری گمشدگی نہ ہونے پر نمٹائے گئے، لاپتہ افراد کمیشن کو گزشتہ ماہ اپریل تک مجموعی طور پر 9707مقدمات موصول ہوئے، گزشتہ ماہ اپریل تک کمیشن نے 7273مقدمات نمٹائے۔

کریڈٹ: انڈیپنڈنٹ نیوز پاکستان-آئی این پی