ارمچی (شِںہوا) یانگ ہاؤران جیسی ملازمت حاصل کرنا ہر چھوٹے لڑکے کا خواب ہوتا ہے۔ یانگ وہ نوجوان ٹیکنیشن ہے جو اپنا زیادہ تر وقت چین کے شمال مغربی سنکیانگ ویغور خود اختیار خطے میں وسیع زرعی زمینوں پر بغیر پائلٹ کی ہوائی گاڑیاں (یو اے وی) اڑاتے ہوئے گزارتا ہے۔

جب سے سنکیانگ کے شمالی علاقوں میں موسم بہار کی کپاس کے بیجوں کی بوائی شروع ہوئی ہے۔ یانگ اپنے ڈرونز کے بیڑے کو چلانے میں مکمل طور پر مصروف نظر آتے ہیں۔ یہ ڈرونز 2 لاکھ مربع میٹر سے زائد کپاس کے کھیتوں کا احاطہ کرتے ہیں۔

شمالی سنکیانگ میں کپاس پیدا کرنے والے ایک بڑے علاقے شاوان شہر میں مقیم 90 کی دہائی کے بعد کے ایک ہنر مند کارکن یانگ کے مطابق کپاس اور گندم کے کھیتوں میں کھاد، حشرات کش ادویات اور ڈیفولینٹ چھڑکنے کے لیے اب ٹریکٹروں کے بجائے ان کے یواے وی کا استعمال کیا جاتا ہے۔

یانگ نے بتایا کہ ڈرون کے استعمال سے کھیتی کا وقت، مزدوری اور پانی کی بچت ہوتی ہے اور ٹریکٹروں کے مقابلے میں اس کی لاگت کم ہے۔

چین، شمال مغربی سنکیانگ ویغور خوداختیار خطے کے شہر شا وان میں کپاس کے ایک کھیت میں یانگ ہاؤران ڈرون کا معائنہ کررہے ہیں۔ (شِںہوا)

انہوں نے کہا کہ 40 کلوگرام وزنی ایک ڈرون ایک دن میں6 لاکھ 66 ہزار 667 مربع میٹر سے زائد پر پھیلے کپاس کے کھیت پر کام کر سکتا ہے۔ کچھ ڈرون آپریٹرز ایک سال میں تقریباً 2 لاکھ یوآن (تقریباً 28 ہزار 200  امریکی ڈالر) تک کماسکتے ہیں۔

یانگ کی پیدائش کپاس کے کاشتکاروں کے ایک گھرانے میں ہوئی تھی۔ انہوں نے اپنا بچپن کپاس کے کھیتوں میں کھیلتے ہوئے گزارا تھا۔ انہوں نے دیکھا کہ ان کے والدین کو روایتی کاشتکاری کے طریقوں کو استعمال کرتے ہوئے کتنی مشقت کرنا پڑتی ہے۔ ساتھ ہی آٹومیشن نے کس طرح پیداواری صلاحیت کو بڑھایا اور مزدوری کی بچت کی۔

یونیورسٹی سے فارغ ہونے کے بعد یانگ خود کپاس کے کاشتکار بننے کے لئے اپنے آبائی شہر واپس آ گئے تاہم ان کا تجربہ ان کے والدین اور دادا دادی سے بہت مختلف رہا ہے۔ وہ 2 لاکھ مربع میٹر سے زیادہ کپاس کے کھیتوں کا انتظام کرتے ہیں اور ہمیشہ تکنیکی اختراع سے کارکردگی بہتر بنانے کے نئے طریقے تلاش کرتے ہیں۔

انہوں نے 2018 میں کاشتکاری میں ڈرون استعمال کی عظیم کاروباری صلاحیت سے استفادہ کے لئے اپنی کمپنی قائم کی جس میں 13 ڈرون آپریٹرز کام کرتے ہیں۔ ان میں سبھی 90 کی دہائی کے بعد یانگ کی طرح کارکن ہیں۔

یانگ نے فخر سے بتایا کہ ہم ایک بڑے خاندان کی طرح ہیں، جس میں ہان، ہوئی اور قازق سمیت مختلف نسلی گروہوں کے ارکان شامل ہیں۔

بیجنگ(شِنہوا)چین نے امریکی وزیر خارجہ انتھونی بلنکن کے "ڈی-رسکنگ" کے بارے میں بیان کی تردید کرتے ہوئے کہا ہے کہ خطرے کو کم کرنے کی بات کرنے سے پہلے یہ جاننے کی ضرورت ہے کہ خطرات کیا ہیں۔ رپورٹس کے مطابق 31 مئی کو امریکی وزیر خارجہ نے یو ایس-یورپی یونین ٹریڈ اینڈ ٹیکنالوجی کونسل کے وزارتی اجلاس کے بعد پریس کو بتایا تھا کہ چین کے حوالے سے امریکہ اور یورپی یونین تصادم، سرد جنگ یا ڈی کپلنگ کے خواہاں نہیں بلکہ خطرے کو دور کرنے پر توجہ مرکوز کررہے ہیں۔ وزارت خارجہ کی ترجمان ماؤ ننگ نے روزانہ کی نیوز بریفنگ میں بلنکن کے ریمارکس پر کہا  کہ ڈی-رسکنگ کا لفظ ایک فیشن  بنتا جا رہا ہے۔ خطرے کو ختم کرنے کے بارے میں بات کرنے سے پہلے، یہ معلوم کرنے کی ضرورت ہے کہ خطرات کیا ہیں۔ ماؤ نے کہا کہ چین تمام ممالک کی کمپنیوں کے لیےخود کو زیادہ پیمانے پر کھولنے اور مارکیٹ اور قانون پر مبنی اور بین الاقوامی کاروباری ماحول فراہم کرنے کے لیے پرعزم ہے۔ چین باہمی احترام اور باہمی مفاد کی بنیاد پر تمام ممالک کے ساتھ تجارت، سائنس ٹیکنالوجی اور سرمایہ کاری کے تعاون کو آگے بڑھاتا ہے۔ چین بین الاقوامی مساوات اور انصاف کو مضبوطی سے برقرار اور بات چیت اور مشاورت کے ذریعے اختلافات کو حل کرنے میں سہولت فراہم کرتا ہے۔

بیجنگ(شِنہوا)چین نے امریکی وزیر خارجہ انتھونی بلنکن کے "ڈی-رسکنگ" کے بارے میں بیان کی تردید کرتے ہوئے کہا ہے کہ خطرے کو کم کرنے کی بات کرنے سے پہلے یہ جاننے کی ضرورت ہے کہ خطرات کیا ہیں۔ رپورٹس کے مطابق 31 مئی کو امریکی وزیر خارجہ نے یو ایس-یورپی یونین ٹریڈ اینڈ ٹیکنالوجی کونسل کے وزارتی اجلاس کے بعد پریس کو بتایا تھا کہ چین کے حوالے سے امریکہ اور یورپی یونین تصادم، سرد جنگ یا ڈی کپلنگ کے خواہاں نہیں بلکہ خطرے کو دور کرنے پر توجہ مرکوز کررہے ہیں۔ وزارت خارجہ کی ترجمان ماؤ ننگ نے روزانہ کی نیوز بریفنگ میں بلنکن کے ریمارکس پر کہا  کہ ڈی-رسکنگ کا لفظ ایک فیشن  بنتا جا رہا ہے۔ خطرے کو ختم کرنے کے بارے میں بات کرنے سے پہلے، یہ معلوم کرنے کی ضرورت ہے کہ خطرات کیا ہیں۔ ماؤ نے کہا کہ چین تمام ممالک کی کمپنیوں کے لیےخود کو زیادہ پیمانے پر کھولنے اور مارکیٹ اور قانون پر مبنی اور بین الاقوامی کاروباری ماحول فراہم کرنے کے لیے پرعزم ہے۔ چین باہمی احترام اور باہمی مفاد کی بنیاد پر تمام ممالک کے ساتھ تجارت، سائنس ٹیکنالوجی اور سرمایہ کاری کے تعاون کو آگے بڑھاتا ہے۔ چین بین الاقوامی مساوات اور انصاف کو مضبوطی سے برقرار اور بات چیت اور مشاورت کے ذریعے اختلافات کو حل کرنے میں سہولت فراہم کرتا ہے۔

بیجنگ(شِنہوا)چین کی سپریم پیپلز پروکیوریٹوریٹ (ایس پی پی) نے تبت خود مختار علاقائی پیپلز کانگریس کی قائمہ کمیٹی کے سابق نائب چیئرمین جی گوگانگ کورشوت خوری اور اختیارات کے ناجائز استعمال کے الزام میں گرفتار کرنے کا حکم دیا ہے۔

ایس پی پی کے مطابق قومی نگران کمیشن نے جی گو گانگ کے کیس کی تحقیقات مکمل کر کے اسے استغاثہ کے حوالے کر دیا ہے۔ کیس پرمزید کارروائی جاری ہے۔

سڈنی (شِنہوا) بینک آف چائنہ (بی او سی) نے جنوبی بحر الکاہل کے جزیرہ نما ملک پاپوانیو گنی (پی این جی) میں نمائندہ دفتر قائم کیا ہے۔

بینک کے مطابق دنیا کے تیسرے سب سے بڑے جزیرہ نما ملک میں واقع اس کے دفتر میں جمعرات سے کام شروع ہوا۔

بینک نے کہا کہ اس کا دفتر جزیرہ نما ملک میں چینی تجارتی بینکس کی طرف سے قائم کیا گیا پہلا مقامی دفتر ہے۔

پی این جی کے وزیر اعظم جیمز مارپے نے بینک آف چائنہ کے دفتر کے افتتاح کے موقع پر خطاب کرتے ہوئے کہا کہ پاپوا نیو گنی اپنی مارکیٹ میں چینی بینک کے ان پٹ اور اس کے آنے کا منتظر ہے جو ایک اہم شراکت ہے۔ ملک آگے بڑھ رہا ہے اور چین کے ساتھ اس کی تجارت کا حجم زیادہ  ہو رہا ہے۔

انہوں نے یہ بھی کہا کہ ان کا ملک امید کرتا ہے کہ بینک آف چائنہ دونوں ممالک کے عوام اور کاروباری اداروں کے درمیان لین دین میں سہولت فراہم کرے گا اور کاروباری شراکت داری مستقبل میں بھی برقرار رہے گی۔

بینک آف چائنہ کے چیئرمین گی ہائی جیاؤ نے کہا کہ بینک گلوبلائزیشن میں اپنے فوائد سے مستفیدہونا جاری رکھے گا اور جنوبی بحرالکاہل کے خطے میں ایک مشترکہ سروس نیٹ ورک کی تعمیر کو مضبوط بنائے گا۔

پی این جی کے مقامی اخبار پوسٹ کورئیر کے مطابق بینک آف چائنہ کا نمائندہ دفتر پی این جی کے دارالحکومت پورٹ مورسبی میں واقع ہے اور توقع ہے کہ

 آ ئندہ برسوں میں بینک کی سروس میں  کوکوپو سمیت دیگر شہروں تک توسیع ہو گی۔

سڈنی (شِنہوا) بینک آف چائنہ (بی او سی) نے جنوبی بحر الکاہل کے جزیرہ نما ملک پاپوانیو گنی (پی این جی) میں نمائندہ دفتر قائم کیا ہے۔

بینک کے مطابق دنیا کے تیسرے سب سے بڑے جزیرہ نما ملک میں واقع اس کے دفتر میں جمعرات سے کام شروع ہوا۔

بینک نے کہا کہ اس کا دفتر جزیرہ نما ملک میں چینی تجارتی بینکس کی طرف سے قائم کیا گیا پہلا مقامی دفتر ہے۔

پی این جی کے وزیر اعظم جیمز مارپے نے بینک آف چائنہ کے دفتر کے افتتاح کے موقع پر خطاب کرتے ہوئے کہا کہ پاپوا نیو گنی اپنی مارکیٹ میں چینی بینک کے ان پٹ اور اس کے آنے کا منتظر ہے جو ایک اہم شراکت ہے۔ ملک آگے بڑھ رہا ہے اور چین کے ساتھ اس کی تجارت کا حجم زیادہ  ہو رہا ہے۔

انہوں نے یہ بھی کہا کہ ان کا ملک امید کرتا ہے کہ بینک آف چائنہ دونوں ممالک کے عوام اور کاروباری اداروں کے درمیان لین دین میں سہولت فراہم کرے گا اور کاروباری شراکت داری مستقبل میں بھی برقرار رہے گی۔

بینک آف چائنہ کے چیئرمین گی ہائی جیاؤ نے کہا کہ بینک گلوبلائزیشن میں اپنے فوائد سے مستفیدہونا جاری رکھے گا اور جنوبی بحرالکاہل کے خطے میں ایک مشترکہ سروس نیٹ ورک کی تعمیر کو مضبوط بنائے گا۔

پی این جی کے مقامی اخبار پوسٹ کورئیر کے مطابق بینک آف چائنہ کا نمائندہ دفتر پی این جی کے دارالحکومت پورٹ مورسبی میں واقع ہے اور توقع ہے کہ

 آ ئندہ برسوں میں بینک کی سروس میں  کوکوپو سمیت دیگر شہروں تک توسیع ہو گی۔

کابل (شِںہوا) افغانستان کا شمالی صوبہ جوزجان زراعت کے حوالے سے بہت اہمیت  کا حامل ہے جہاں کسان کھیرے کی کٹائی میں مصروف ہیں۔

مقامی حکومت کسانوں کو زرعی شعبے میں سرمایہ کاری کرنے اور مقامی افراد کے لئے روزگار کے مواقع پیدا کرنے میں مدد کرتی ہے۔

افغانستان کے صوبہ بلخ میں خوبانی کی بھی کٹائی شروع ہوچکی ہے۔

خوبانی ملک کی سب سے اہم سالانہ فصلوں میں سے ایک ہے۔ مقامی حکام کے مطابق رواں سال خوبانی کی پیداوار میں اضافہ ہوا ہے۔

افغانستان، جوزجان کے کھیت میں تازہ کھیرے دیکھے جاسکتے ہیں۔ (شِنہوا)

افغانستان، صوبہ جوزجان کے ایک کھیت میں ایک افغان کسان تازہ اور نامیاتی کھیرے کاٹ رہا ہے۔ (شِنہوا)

افغانستان، جوزجان کے کھیت میں تازہ کھیرے دیکھے جاسکتے ہیں۔ (شِنہوا)

افغانستان، صوبہ جوزجان کے ایک کھیت میں ایک افغان کسان تازہ اور نامیاتی کھیرے کاٹ رہا ہے۔ (شِنہوا)

افغانستان، صوبہ بلخ کے ایک کھیت میں ایک افغان خوبانی توڑ کر پلاسٹک کی ٹوکری میں رکھ رہا ہے۔ (شِنہوا)

افغانستان، صوبہ بلخ کے ایک کھیت میں افغان کسان خوبانیاں پکڑے ہوئے ہیں۔ (شِنہوا)

افغانستان، صوبہ بلخ کے ایک کھیت میں ایک افغان کسان خوبانیاں پکڑے ہوئے ہے۔ (شِنہوا)

شنگھائی (شِنہوا) دنیا کے 22 ممالک اور خطوں کے تقریباً 500 ادارے چائنہ جوائے میں شرکت کی تصدیق کرچکے ہیں۔  چین میں ہرسال منعقد ہونے والا یہ ایشیا کا سب سے بڑا وڈیو گیمز کا مقابلہ ہے جو 28 سے 31 جولائی تک جاری رہے گا۔

رواں سال  اس کے قیام کی 20 ویں سالگرہ ہے۔ نمائش کے لئے رجسٹرڈ کاروباری اداروں کی تعداد اب بھی تیزی سے بڑھ رہی ہے ، جو عالمی آن لائن تفریح اور کھیلوں کی کمپنیوں کے لئے چینی مارکیٹ کی مضبوط کشش کو ظاہر کرتی ہے۔

رواں سال متحدہ عرب امارات، برازیل، فرانس، امریکہ، جاپان، سنگاپور، اسرائیل اور بھارت سمیت دیگر ممالک کی 100 سے زائد غیر ملکی کمپنیوں نے چائنہ جوائے میں شرکت کی تصدیق کی ہے۔ منتظمین کے مطابق نمائش کے لئے تمام درخواست دینے والی کمپنیوں میں تقریباً ایک تہائی غیرملکی ہیں۔

شنگھائی میں منعقدہ ایونٹ میں کوالکوم، سونی، بانڈائی نامکو، اے ایم ڈی، سام سنگ اور دیگر عالمی شہرت یافتہ صف اول کی صنعتیں اپنی نئی ڈیجیٹل تفریحی مصنوعات نمائش کے لئے پیش کریں گی۔

رواں سال کے ایڈیشن میں مصنوعی ذہانت کے عناصر کو اجاگر کرنے کی منصوبہ بندی کی گئی ہے۔ یہاں مختلف مصنوعی ذہانت ایپلی کیشن منظرنامے اور متعلقہ مصنوعات کو نمائش کے لئے پیش کیا جائےگا اور پہلی بار ڈیجیٹل ٹیکنالوجی کی اختراع  پر ایک مو ضوع پر مبنی نمائش سیکشن قائم کیا جائے گا۔ اس کا نمائشی رقبہ 1 لاکھ 20 ہزار مربع میٹر سے زائد ہے۔

چائنہ جوائے کی سائیڈ لائن سرگرمی میں چائنہ گیم ڈویلپرز کانفرنس ، مصنوعی ذہانت پر ایک خصوصی ذیلی فورم کی میزبانی بھی شامل ہے جس میں کھیل اور ڈیجیٹل تفریح اختراع پر مصنوعی ذہانت کی ٹیکنالوجیز کے ممکنہ اثرات پر تبادلہ خیال کرنے بارے عالمی ماہرین کو مدعو کیا جائے گا۔

نمائش کے دوران بھی شنگھائی میں اندرون اور بیرون ملک سے سینکڑوں آن لائن گیمز شروع ہونے کی توقع ہے۔

بیجنگ (شِںہوا) چین میں یکم جون کو عالمی یوم اطفال منایا گیا۔ دن کی مناسبت سے ملک بھر میں مختلف تقریبات کا انعقاد کیا گیا جس میں جوش و خروش اور خوشگوار ہنسی کے ساتھ بچے اور ان کے اہلخانہ جشن منانے کے لئے جمع ہوئے۔

چین ، شمالی تیان جن کے ضلع ہی پھنگ کے ایک کنڈگارٹن میں بچے پیسٹری  تیار کررہے ہیں۔ (شِںہوا)

چین ، مشرقی صوبہ انہوئی کے ہیفے کے ایک کنڈرگارٹن ایک بچی دوڑ میں حصہ لے رہی ہے۔ (شِنہوا)

چین ، جنوبی گوانگ شی ژوانگ خوداختیار خطے کے گوئی لین کے ایک پرائمری اسکول میں شو کے دوران طالبات نے ماحول دوست ملبوسات پہن رکھے ہیں۔ (شِںہوا)

چین، شمالی صوبہ ہیبے کے شی جیا ژوآنگ کے کنڈرگارٹن میں بچے کھیل رہے ہیں۔ (شِنہوا)

نیو یارک(شِنہوا) امریکی بروکنگز انسٹی ٹیوٹ نے کہا ہے کہ چین کے لیے ڈی کپلنگ کی بجائے ڈی رسکنگ کے  اقتصادی نقطہ نظر پر مبنی  اصول سے حال ہی میں جی سیون ممالک نے اتفاق کیا ہے جو بڑے پیمانے پر غیر یقینی صورتحال پیدا کر سکتا ہے۔

پال گیورٹز کے تحریر کردہ آرٹیکل میں کہا گیا ہے کہ کسی بھی بڑے ملک کی معیشت کو چین سے الگ کرنا ہمیشہ ناممکن تھا جو  بنیاد پرستی پر مبنی لگتا ہے لیکن یہ چین کے پالیسی حلقوں میں عام طور پر استعمال ہونے والا لفظ رہا ہے۔

ڈی رسکنگ کا لفظ کافی اعتدال پسند اور فطری لگتا ہے اور اب اس نے مختلف ممالک کے درمیان چین کی پالیسی پر ایک انتہائی مقبول اتفاق رائے پیدا کیا ہے۔

حقیقت میں  ڈی رسکنگ کا لفظ انتہائی مبہم ہے اور اس کا مطلب غیر یقینی ہے۔ یہ لفظ خود ہمیں چین کی پالیسی کے بارے میں بہت کم بتاتا ہے۔ ییل لاء اسکول میں آئینی  قانون کے پوٹر اسٹیورٹ پروفیسر اور ییل یونیورسٹی میں پال سائی چائنہ سینٹر کے ڈائریکٹر گیورٹز نے لکھا کہ اس کا دائرہ کار اس بات پر منحصر ہے کہ اس لفظ کی تشریح کس طرح کی جاتی ہے۔

ڈی رسکنگ اور چائنہ پالیسی کے عنوان سے شائع ہونے والے آرٹیکل  میں کہا گیا ہے کہ اس بات کا قوی امکان ہے کہ مختلف ممالک مختلف طریقے سے ڈی رسکنگ کی تشریح اور اس کا اطلاق کریں گے جس سے اتفاق رائے کی بجائے اختلافات پیداہوں گے ۔

 کچھ ممالک میں معاشی علیحدگی کی معمولی گنجائش موجود ہے جبکہ  کچھ میں ممکنہ طور پر ڈی کپلنگ جیسی پالیسی ہے۔

نیویارک (شِنہوا) امریکی اخبار دی ہل کے مطابق امریکہ میں کریڈٹ کارڈ قرض واجبات 10 کھرب امریکی ڈالرز سے زائد ہوچکے ہیں اور نئے کارڈ پر اوسط شرح سود 24 فیصد تک پہنچ چکی ہے جو ریگن دور کے بعد سب سے زیادہ ہے۔

رپورٹ میں بتایا گیا ہے کہ ایک اندازے کے مطابق ایک عام امریکی گھرانہ کریڈٹ کارڈ پر 10 ہزار ڈالر کا مقروض ہے۔

اگر آپ اسے ادا کرنے کی کوشش کریں تو بظاہر دیکھنے میں یہ زیادہ قرض نہیں لگتا۔ لیکن 250 ڈالر ماہانہ پر 24 فیصد شرح سے آپ 2030 تک ادائیگی ہی کرتے رہیں گے۔ اس دوران آپ کو 20 ہزار 318 ڈالر کی ادائیگی کرنا ہوگی۔ یہ رقم واجب الادا رقم سے دوگنا ہے لیکن اس دوران آپ کارڈ دوبارہ استعمال نہیں کرسکیں گے۔

فیڈرل ریزرو کے مطابق ملک کا کریڈٹ کارڈ قرض 986 ارب ڈالر ز ہے۔ 2 برس کے دوران اس حجم میں 250 ارب ڈالر کا اضافہ ہوا ہے۔

کچھ دوسرے اندازے اس سے بھی زیادہ ہیں۔ اے والٹ حب کی ایک رپورٹ کے مطابق 2022 کے اختتام تک کارڈ کا مجموعی قرض 12 کھرب  ڈالر تھا۔

نان جنگ (شِنہوا) چین کے مشرقی صوبہ جیانگ سو کے شہر سو ژو میں 28 سالہ ڈلیوری مین وانگ ژے جی کے لئے جمعرات ایک بڑا دن تھا جب انہوں نے اپنی تین سالہ پرانی دوست سے ایک مقامی رجسٹریشن دفتر میں باضابطہ طور پر شادی کی۔

رجسٹریشن کے عمل نے ان  کی خوشی میں اضافہ کیا۔ چین کی جانب سے بین العلاقائی میرج رجسٹریشن پائلٹ ایریاز کی توسیع کی بدولت یہ نوجوان جوڑا اپنی شادی کا اندراج کرانے کے لیے شمال مشرقی صوبہ  لیاؤننگ میں واقع اپنے آبائی شہر واپس نہیں گیا جس سے انہیں تقریباً 1 ہزار600  کلومیٹر کا سفر طے نہیں کرنا پڑا۔

بیجنگ، شنگھائی اور جیانگ سو سمیت چین کے 21 صوبائی سطح کے علاقوں نے رواں سال یکم جون سے آزمائشی بنیادوں پر بین العلاقائی شادی و طلاق رجسٹریشن پالیسی پر عمل درآمد شروع کیا تھا۔

اس پالیسی کے تحت چینی مین لینڈ کے رہائشی جو شادی کرنے کا ارادہ رکھتے ہیں وہ دولہا یا دولہن کی موجودہ رہائش گاہ کے مقام پر رجسٹری کا انتخاب کرسکتے ہیں۔

اب انہیں پرانے ضوابط کے تحت گھر یلو رجسٹریشن کیلئے متعلقہ شہروں میں واپس نہیں جا نا پڑ ے گا۔

وانگ نے کہا ہے کہ یہ پالیسی میرے جیسے ہجرت کر نے والوں کے لئے بہت آسان ہے۔ انہوں نے مزید کہا کہ ان کی شادی کا اندراج کرانے میں صرف 10 منٹ لگے اور انہوں نے سفری اخراجات میں تقریباً 3 ہزار یوآن (تقریباً 423 امریکی ڈالرز) کی بچت کی۔

وزارت شہری امور کے مطابق چائنیز میرج  رجسٹریز شادی و طلاق کے اندراج کو نمٹاتی ہے اور سالانہ اوسطاً 1 کروڑ 80 لاکھ جوڑوں کی شادی کے سرٹیفکیٹ دوبارہ جاری کرتی ہے۔

تیان جن (شِنہوا) چین کی شمالی تیان جن بندرگاہ کی غیر ملکی تجارت سال کے ابتدا ئی 4 ماہ کے دوران گزشتہ برس کی نسبت 16.9 فیصد اضافے سے 660.87 ارب یوآن (تقریباً 93.1 ارب امریکی ڈالرز) رہی۔

کسٹم حکام کے مطابق یہ شرح نمو چین کی 10 بہترین بندرگاہوں میں پہلے نمبر پر ہے۔

جنوری سے اپریل تک جنوب مشرقی ایشیائی اقوام کی تنظیم کے ارکان کے ساتھ اس کا تجارتی حجم 110.28 ارب یوآن رہا جو گزشتہ برس کی نسبت 50.3 فیصد زائد ہے۔

بیلٹ اینڈ روڈ سے متصل ممالک اور علاقائی جامع اقتصادی شراکت داری ارکان کے ساتھ بندرگاہ کی تجارت میں بالترتیب 36.7 فیصد اور 21.3 فیصد اضافہ ہوا۔

بندرگاہ سے الیکٹرک مسافر گاڑیوں اور لیتھیم بیٹریوں کی برآمدات میں اضافے کی شرح بالترتیب 126.7 فیصد اور 142.3 فیصد رہی۔

اس مدت میں ہوائی جہازوں، سویابین اور منجمد سامان کی درآمدات میں بھی اضافہ ہوا۔

بیجنگ(شِنہوا) چین کے نائب وزیر اعظم اور کمیونسٹ پارٹی آف چائنہ کی مرکزی کمیٹی کے سیاسی  بیورو کے رکن ہی لی فنگ نے ویڈیو کال کے ذریعے دی گئی دعوت پر فرانس کے وزیربرائے معیشت و  خزانہ برونو لی مائرے کے ہمراہ چین۔ فرانس اعلیٰ سطح کے  اقتصادی و مالیاتی مذاکرات بارے رہنماؤں کاسالانہ مشاورتی اجلاس  منعقد کیا۔

فریقین نے بین الاقوامی اور کثیر الجہتی امور کو مربوط کرنے اور دوطرفہ اقتصادی و مالی تعاون اور دیگر موضوعات کو مستحکم اور گہرا کرنے پر تفصیلی تبادلہ خیال کیا۔

بیجنگ(شِنہوا) چین کے نائب وزیر اعظم اور کمیونسٹ پارٹی آف چائنہ کی مرکزی کمیٹی کے سیاسی  بیورو کے رکن ہی لی فنگ نے ویڈیو کال کے ذریعے دی گئی دعوت پر فرانس کے وزیربرائے معیشت و  خزانہ برونو لی مائرے کے ہمراہ چین۔ فرانس اعلیٰ سطح کے  اقتصادی و مالیاتی مذاکرات بارے رہنماؤں کاسالانہ مشاورتی اجلاس  منعقد کیا۔

فریقین نے بین الاقوامی اور کثیر الجہتی امور کو مربوط کرنے اور دوطرفہ اقتصادی و مالی تعاون اور دیگر موضوعات کو مستحکم اور گہرا کرنے پر تفصیلی تبادلہ خیال کیا۔

تہران (شِنہوا) ایرانی وزیر خارجہ نے کہا ہے کہ شنگھائی تعاون تنظیم (ایس سی او) میں ایران کی مستقل رکنیت کو جولائی کے اوائل میں حتمی شکل دے دی جائے گی۔

یہ بات ایران کی خبر رساں ایجنسی آئی آر آئی بی کو د ئیے گئے ایک انٹرویو میں حسین امیر عبداللہیان نے کہی۔ انہوں نے  کہا کہ کرغز پارلیمان کی منظوری کے بعد شنگھائی تعاون تنظیم کے تمام بانی ارکان نے ایران کو مستقل رکنیت کے لیے مثبت اشارہ دے دیا ہے۔

انہوں نے مزید کہا کہ اس طرح ایران کی مستقل رکنیت کو شنگھائی تعاون تنظیم کے سربراہان مملکت کی کونسل کے چار جولائی کو منعقد ہونے والے آئندہ اجلاس میں حتمی شکل دی جائے گی جس میں ایرانی صدر شرکت کریں گے۔

نومبر 2022 میں ایرانی پارلیمنٹ نے ملک کی شنگھائی تعاون تنظیم کی رکنیت سے متعلق ایک بل بھاری اکثریت سے منظور کیا تھا۔

ستمبر 2021 میں تاجکستان کے دارالحکومت دوشنبے میں ہونے والے شنگھائی تعاون تنظیم کے سربراہان مملکت کی کونسل کے اکیسویں اجلاس میں ایران کو تنظیم کا مکمل رکن تسلیم کرنے کے فیصلے کا اعلان کیا گیا تھا۔

ایس سی او کے اعلامیے کے مطابق بھارت چار جولائی 2023 کو ورچوئل فارمیٹ میں شنگھائی تعاون تنظیم کے سربراہان مملکت کی کونسل کے  22ویں سربراہ اجلاس کی میزبانی کرے گا۔

کیپ ٹاؤن (شِنہوا) جنوبی افریقہ کے دارالحکومت کیپ ٹاؤن میں برکس ممالک کے وزرائے خارجہ کا اجلاس شروع ہو گیا۔

اجلاس کی میزبانی کرتے ہوئے جنوبی افریقہ کی بین الاقوامی تعلقات اور تعاون کے وزیر نالیدی پانڈور نے کہا کہ  آج کی بات چیت میں ہم عالمی گورننس کے نظام کو مضبوط بنانے اور تبدیل کرنے کے مواقع پر توجہ مرکوز کریں گے اور پائیدار اور جامع عالمی اقتصادی بحالی کے حل کے منتظر ہیں۔

پانڈور نے کہا کہ اس سال کا برکس سربراہ اجلاس جوہانسبرگ میں منعقد ہوگا۔  اجلاس کا موضوع برکس اور افریقہ باہمی تیز رفتار ترقی، پائیدار ترقی اور جامع کثیر الجہتی کے لئے شراکت داری ہے۔

جنوبی افریقہ کے برکس کے  نما ئندہ انل سوکلال نے اجلاس سے قبل میڈیا بریفنگ میں کہا کہ اجلاس کے چارسیشنز  کے دوران عالمی جغرافیائی سیاسی صورتحال پر تبادلہ خیال کیا جائے گا۔

برکس ایک ابھرتی ہوئی مارکیٹ بلاک کا مخفف ہے جس میں برازیل، روس، بھارت، چین اور جنوبی افریقہ شامل ہیں۔ جنوبی افریقہ نے یکم جنوری 2023 کو چین سے اقتدار سنبھالتے ہوئے برکس کی صدارت سنبھالی تھی۔

کیپ ٹاؤن (شِنہوا) جنوبی افریقہ کے دارالحکومت کیپ ٹاؤن میں برکس ممالک کے وزرائے خارجہ کا اجلاس شروع ہو گیا۔

اجلاس کی میزبانی کرتے ہوئے جنوبی افریقہ کی بین الاقوامی تعلقات اور تعاون کے وزیر نالیدی پانڈور نے کہا کہ  آج کی بات چیت میں ہم عالمی گورننس کے نظام کو مضبوط بنانے اور تبدیل کرنے کے مواقع پر توجہ مرکوز کریں گے اور پائیدار اور جامع عالمی اقتصادی بحالی کے حل کے منتظر ہیں۔

پانڈور نے کہا کہ اس سال کا برکس سربراہ اجلاس جوہانسبرگ میں منعقد ہوگا۔  اجلاس کا موضوع برکس اور افریقہ باہمی تیز رفتار ترقی، پائیدار ترقی اور جامع کثیر الجہتی کے لئے شراکت داری ہے۔

جنوبی افریقہ کے برکس کے  نما ئندہ انل سوکلال نے اجلاس سے قبل میڈیا بریفنگ میں کہا کہ اجلاس کے چارسیشنز  کے دوران عالمی جغرافیائی سیاسی صورتحال پر تبادلہ خیال کیا جائے گا۔

برکس ایک ابھرتی ہوئی مارکیٹ بلاک کا مخفف ہے جس میں برازیل، روس، بھارت، چین اور جنوبی افریقہ شامل ہیں۔ جنوبی افریقہ نے یکم جنوری 2023 کو چین سے اقتدار سنبھالتے ہوئے برکس کی صدارت سنبھالی تھی۔

کابل(شِنہوا)افغان سیکورٹی فورسز نے مشرقی صوبہ ننگرہار میں داعش (آئی ایس) تنظیم کے ایک ٹھکانے پر چھاپہ مارکر دو دہشت گردوں کو ہلاک کر دیا ہے۔

افغانستان کی بختار نیوز ایجنسی نے جمعہ کو مقامی ذرائع کے حوالے سے بتایا کہ ملک کی انسداد انٹیلی جنس ایجنسی جنرل ڈائریکٹوریٹ آف انٹیلی جنس (جی ڈی آئی) کے اہلکاروں نے جمعرات کی رات واچ تنگی کے علاقے میں مسلح گروپ کے ٹھکانے پر دھاوا بول دیا جس میں داعش کے ایک کمانڈر سمیت دو دہشت گرد ہلاک ہو گئے۔

افغان نگران حکومت نے داعش کو ایک سنگین خطرہ قرار دیتے ہوئے جنگ زدہ  ایشیائی ملک میں مسلح مخالفین کو کچلنے کے عزم کا اظہار کیا ہے۔

بیجنگ(شِنہوا)جمہوریہ ترکیہ کی حکومت کی دعوت پر چینی صدر شی جن پھنگ کے خصوصی ایلچی اور نیشنل پیپلز کانگریس کی  قائمہ کمیٹی کے وائس چیئرمین ڈنگ ژونگ لی ترک صدر رجب طیب ایردوان کی تقریب حلف برداری میں شرکت کریں گے۔

چینی وزارت خارجہ کی ترجمان ماؤ ننگ نے جمعہ کو ایک بیان میں کہا کہ چینی صدرکے خصوصی ایلچی تین جون کو انقرہ میں ہونے والی تقریب حلف برداری میں شریک ہوں گے۔

بیجنگ(شِنہوا)جمہوریہ ترکیہ کی حکومت کی دعوت پر چینی صدر شی جن پھنگ کے خصوصی ایلچی اور نیشنل پیپلز کانگریس کی  قائمہ کمیٹی کے وائس چیئرمین ڈنگ ژونگ لی ترک صدر رجب طیب ایردوان کی تقریب حلف برداری میں شرکت کریں گے۔

چینی وزارت خارجہ کی ترجمان ماؤ ننگ نے جمعہ کو ایک بیان میں کہا کہ چینی صدرکے خصوصی ایلچی تین جون کو انقرہ میں ہونے والی تقریب حلف برداری میں شریک ہوں گے۔

نئی دہلی(شِنہوا)بھارت کی شمال مشرقی ریاست منی پور میں گزشتہ ماہ کے دوران پرتشدد واقعات کے آغاز کے بعد سے کم سے کم 98 افراد ہلاک اور 300 سے زائد زخمی ہو چکے ہیں۔

ایک سرکاری اہلکار نے جمعہ کو تصدیق کی کہ ان ہلاکتوں کے علاوہ آتشزدگی کے 4 ہزار  سے زائد واقعات رپورٹ ہوئے ہیں، جن میں کروڑوں روپے مالیت کی املاک کو نذر آتش کیا گیا اور ہزاروں لوگ اپنے گھر خالی کرنے پر مجبور ہوئے۔ اپنے گھروں سے بے گھر ہونے والے لوگ ریلیف کیمپوں میں رہ رہے ہیں کیونکہ حالات بدستور کشیدہ ہیں۔

ریاستی حکومت کے ذرائع کے مطابق جمعرات کو ایک اپیل کے بعد گزشتہ 24 گھنٹوں کے دوران مقامی لوگوں نے پولیس کے سامنے 140 سے زیادہ ہتھیارڈال دیے۔

یہ تشدد میٹی کمیونٹی کے شیڈول ٹرائب کا درجہ دینے کے مطالبے کے خلاف احتجاج کے لیے 3 مئی کو مقامی لوگوں کی طرف سے ریاست کے 10 اضلاع میں ایک قبائلی یکجہتی مارچ کے انعقاد کے بعد شروع ہوا۔ جھڑپیں بنیادی طور پر میٹی اور کوکی برادریوں کے درمیان ہوئیں۔

مقامی میڈیا کے مطابق میٹی برادری سے تعلق رکھنے والے لوگ منی پور کی آبادی کا تقریباً 53 فیصد ہیں اور زیادہ تر وادی امپھال میں رہتے ہیں۔ جبکہ ناگا اور کوکی برادریوں سے تعلق رکھنے والے قبائلی لوگ آبادی کا 40 فیصد ہیں جوریاست کے پہاڑی اضلاع میں رہتے ہیں۔

میڈیا رپورٹ میں مزید کہا گیا ہے کہ اس وقت ریاست میں امن اور امن عامہ کو برقرار رکھنے کے لیے بھارتی فوج اور نیم فوجی آسام رائفلز کے 10 ہزار سے زیادہ سیکیورٹی اہلکار تعینات کیے گئے ہیں۔

پر تشدد واقعات کے تناظر میں بھارتی وزیر داخلہ امت شاہ نے صورتحال کا جائزہ لینے کے لیے ریاست میں چار دن گزارے اور اپنے دورے کے اختتام پر انہوں نےجھڑپوں کی عدالتی تحقیقات جلد شروع کرانے کا اعلان کیا۔