کمیونسٹ پارٹی آف چائنہ (سی پی سی) کی مرکزی کمیٹی کے سیاسی بیورو کے رکن اور سی پی سی کی مرکزی کمیٹی کے خارجہ امور کمیشن کے دفتر کے ڈائریکٹر وانگ یی بیجنگ میں ایران کی ایکسپیڈینسی ڈسکریمنٹ کونسل کے سیکرٹری محمد باقر ذولغدر کی قیادت میں ایک وفد سے بیجنگ میں ملاقات  کر رہے ہیں۔(شِنہوا)

کمیونسٹ پارٹی آف چائنہ (سی پی سی) کی مرکزی کمیٹی کے سیاسی بیورو کے رکن اور سی پی سی کی مرکزی کمیٹی کے خارجہ امور کمیشن کے دفتر کے ڈائریکٹر وانگ یی بیجنگ میں ایران کی ایکسپیڈینسی ڈسکریمنٹ کونسل کے سیکرٹری محمد باقر ذولغدر کی قیادت میں ایک وفد سے بیجنگ میں ملاقات  کر رہے ہیں۔(شِنہوا)

فن لینڈ کی وزیر اعظم سانا مارین نے اپنے شوہر سے طلاق لینے کا فیصلہ کرلیا، دونوں نے طلاق کے لیے عدالت سے رجوع کرلیا،غیرملکی میڈیا کے مطابق فوٹو اینڈ ویڈیو شیئرنگ ایپ انسٹاگرام پر فن لینڈ کی وزیر اعظم سانا مارین اور ان کے شوہر مارکس رائکونن نے علیحدگی کے متعلق آگاہ کیا ،سنا مارین نے اپنی پوسٹ پر لکھا کہ ہم 19سالہ ساتھ پر ایک دوسرے اور اپنی بیٹی کے شکرگزار ہیں اور ہم اب بھی بہت اچھے دوست ہیں، اچھے سے پیش آتے ہیں،ان کاکہنا تھا کہ ہم بطور خاندان ایک دوسرے کے ساتھ وقت گزاریں گے،واضح رہے کہ وزیراعظم سنا مارین اور ان کے خاوند مارکس 16برس سے ساتھ تھے لیکن ان کی شادی 2020میں ہوئی تھی، دونوں کی 5سال کی بیٹی بھی ہے ،سنا مارین 34برس کی عمر میں 2019میں فن لینڈ کی وزیراعظم منتخب ہوئیں تو وہ دنیا کی کم عمر ترین وزیراعظم تھیں ،خیال رہے کہ فن لینڈ کی وزیراعظم عام انتخابات میں شکست کے بعد بہت جلد اپنے عہدے سے سبکدوش ہوجائیں گی ۔

کریڈٹ: انڈیپنڈنٹ نیوز پاکستان-آئی این پی

 چین کی جنوب مغربی میونسپلٹی چھونگ چھنگ کے ضلع یوژونگ میں ایک سیاح رات کے وقت ہونگ یاڈونگ کے مقام پر مناظر کی تصاویر لے رہا ہے۔(شِنہوا)

لاہورہائیکورٹ میں محمد خان بھٹی کی ڈی جی اینٹی کرپشن کیخلاف توہین عدالت کی درخواست پرسماعت ہوئی۔عدالت نے توہین عدالت کی درخواست پرفریقین کو24 مئی کیلئے نوٹس جاری کردیئے۔ جسٹس انوارالحق پنوں نے سابق پرنسپل سیکرٹری محمد خان بھٹی کی درخواست پر سماعت کی عدالت نے ڈی جی اینٹی کرپشن کو مقدمہ درج کرنے سے روکنے کا حکم دیا،درخواست میں موقف اختیارکیا گیا کہ ڈی جی اینٹی کرپشن نے عدالتی حکم کے باوجود ایک اورمقدمہ درج کیا۔ درخواست میں موقف اختیارکیا گیا کہ ڈی جی اینٹی کرپشن کا عدالتی حکم نہ ماننا توہین عدالت ہے،استدعا کی گئی کہ ڈی جی اینٹی کرپشن کیخلاف توہین عدالت کی کارروائی کی جائے۔

کریڈٹ: انڈیپنڈنٹ نیوز پاکستان-آئی این پی

لاہور کی انسداد دہشت گردی عدالت نے پاکستان تحریک انصاف کے مرکزی صدر چودھری پرویز الہی کی عبوری ضمانت خارج کردی۔ انسداد دہشت گردی عدالت نے چودھری پرویز الہی کی رہائش گاہ پر چھاپے کے دوران پولیس اہلکاروں پر پیٹرول بم پھینکنے کے معاملہ پر قائم دہشت گردی کے مقدمے میں درخواست عدم پیروی پر خارج کی ہے ۔ چودھری پرویز الہی کے وکیل نے جمعرات کو حاضری سے استثنی کی درخواست جمع کرائی تھی تاہم عدالت نے ان کی حاضری سے استثنی کی درخواست مسترد کردی ، جج اعجاز احمد بٹر نے کہا کہ عبوری ضمانت کے لئے درخواست گزار کا عدالت میں پیش ہونا لازم ہے۔

کریڈٹ: انڈیپنڈنٹ نیوز پاکستان-آئی این پی

کرنسی مارکیٹ میں ڈالر نے روپے کو روند دیا۔سیاسی صورتحال،درآمدات کا دبا اور ترسیلات زرمیں کمی کے باعث ڈالر آسمان پر پہنچ گیا ہے۔ کرنسی مارکیٹ میں روپے کی بے قدری کے تمام ریکارڈ ٹوٹ گئے۔امریکی ڈالر تاریخ میں پہلی بار تین سو روپے کا ہوگیا۔کرنسی ڈیلرزکے مطابق اوپن مارکیٹ میں ڈالر 6 روپے مہنگا ہوکر 301روپے کا ہوگیا۔ انٹربینک مارکیٹ میں بھی ڈالرچند گھنٹے میں7 روپے مہنگا ہوگیا۔انٹربینک میں ڈالرتاریخ میں پہلی بار 297 روپے سے تجاوز کرگیا۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نیملک میں انٹرنیٹ کی بندش فوری ختم کرنے کی استدعا مسترد کرتے ہوئے وفاقی حکومت اور پی ٹی اے سمیت دیگر فریقین کو نوٹس جاری کرکے 22 مئی کو جواب طلب کرلیا۔ درخواست گزار نے موقف اختیار کیا کہ چیئرمین پی ٹی آئی عمران خان کی گرفتاری پر ملک بھر میں انٹرنیٹ سروس معطل کر دی گئی ہے، آئین کے تحت معلومات تک رسائی ہر شہری کا بنیادی حق ہے، انٹرنیٹ سروس معطل کرنا بنیادی حقوق کی خلاف ورزی اور قانون کے منافی ہے، ٹویٹر، فیس بک اور یوٹیوب سمیت دیگر سوشل میڈیا ایپس کو بھی بند کر دیا گیا، عدالت ملک بھر میں انٹرنیٹ سروس اور سوشل میڈیا ایپس فوری طور پر بحال کرنے کا حکم دے۔ وفاقی حکومت کے وکیل نے درخواست پر اعتراض اٹھاتے ہوئے کہا کہ حالات ایسے بن گئے تھے کہ نیٹ سروس بند کرنا پڑی۔ درخواست گزار ابوذر سلیمان نیازی کے وکیل نے کہا کہ قومی سکیورٹی کا بھی اگر ایشو ہو تو نیٹ سروس بند نہیں ہوسکتی۔ عدالت نے درخواست گزار کی انٹرنیٹ کی بندش فوری ختم کرنے کی استدعا مسترد کرتے ہوئے وفاقی حکومت اور پی ٹی اے سمیت دیگر فریقین کو نوٹس جاری کرکے 22 مئی کو جواب طلب کرلیا۔

کریڈٹ: انڈیپنڈنٹ نیوز پاکستان-آئی این پی

پاکستان سمیت دنیا بھر میں نرسوں کا عالمی دن ''ورلڈ نرسز ڈے'' (آج)جمعہ کو بھرپور انداز سے منایا جائے گا اس دن کے منانے کا مقصد کورونا وباء کے دوران ہسپتالوں میں نرسز کے کردار اور اس کی اہمیت کو اجاگر کرنا ہے اس دن کے حوالے سے ملک بھر کے تمام چھوٹے بڑے شہروں میں محکمہ صحت اور مختلف سماجی تنظیموں کے زیر اہتمام سیمینارز،مذاکرے اور ریلیاں نکالی جائیں گی۔پاکستان سمیت دنیا بھر نرسز کا عالمی دن انٹر نیشنل کونسل آف نرسز کے زیر اہتمام 1965ء سے لے کر اب تک ہر سال12مئی کو منایا جاتا ہے۔

کریڈٹ: انڈیپنڈنٹ نیوز پاکستان-آئی این پی

پاکستان سمیت دنیا بھرمیں ہجرت کرنے والے پرندوں کا عالمی دن 13مئی کو منایاجائے گا،اس دن کی مناسبت سے ملک کے چھوٹے بڑے شہروں اور قصبوں میں سرکاری وغیر سرکاری تنظیموں،اداروں کی جانب سے مختلف پروگرامز کا انعقاد کیا جائیگا تاکہ ہجرت کرنیوالے پرندوں کے حوالے سے عوام میں شعور اجاگر کیا جاسکے اور ان کے بہتر پرورش اور حفاظت کو یقینی بنایا جا سکے۔

کریڈٹ: انڈیپنڈنٹ نیوز پاکستان-آئی این پی

پاکستان پیپلز پارٹی نے مرتضی وہاب کو میئر کراچی کیلئے نامزد کرنے پر غور شروع کر دیا ہے۔ حیدرآباد میں میئر کیلئے کاشف شورو کا نام زیر غور ہے، سکھر میں ارسلان اسلام شیخ میئر کیلئے پیپلز پارٹی کے متوقع امیدوار ہیں۔ پیپلز پارٹی کو میئر، ڈپٹی میئر، چیئرمین اور وائس چیئرمین کیلئے 50 سے زائد درخواستیں سندھ بھر سے موصول ہو چکی ہیں، سلمان عبداللہ، ہمایوں محمد، ملک فیاض کے نام کراچی میں ٹان چیئرمین کیلئے زیر غور ہیں۔ علاوہ ازیں سندھ اسمبلی اجلاس میں لوکل گورنمنٹ ایکٹ میں ترمیم کا بھی امکان ہے۔

کریڈٹ: انڈیپنڈنٹ نیوز پاکستان-آئی این پی

وزیراعلی گلگت بلتستان خالد خورشید کو جی بی ہاوس اسلام آباد میں نظر بند کر دیا گیا۔ تفصیلات کے مطابق وزیراعلی گلگت بلتستان خالد خورشید کو جی بی ہاس اسلام آباد میں نظر بند کر دیا گیا، خالد خورشید کو نظر بند کرنے کی منظوری چیف کمشنر اسلام آباد نے دی۔ پی ٹی آئی رہنماوں کی نقل و حرکت پر نظر رکھنے کے لیے گلگت بلتستان ہاوس اسلام آباد کے باہر پولیس کی بھاری نفری تعینات ہے۔

کریڈٹ: انڈیپنڈنٹ نیوز پاکستان-آئی این پی

عالمی مالیاتی فنڈ (آئی ایم ایف) نے سابق وزیراعظم عمران خان کی گرفتاری پر تبصرے سے گریز کیا ہے۔ پاکستان کو قرض دینے کے معاملے پر عالمی ادارے بلوم برگ نے آئی ایم ایف ترجمان سے رابطہ کیا جس دوران آئی ایم ایف نے عمران خان کی گرفتاری پر تبصرے سے گریز کیا۔ آئی ایم ایف ترجمان نے بلومبرگ کو واضح کہ پاکستان کیساتھ قرض کے معاملے پر بات چیت جاری ہے، پاکستان کی جانب سے بات چیت میں تعطل کا کوئی اشارہ نہیں آیا۔ آئی ایم ایف کا کہنا ہے کہ پاکستان نے پیٹرول سبسڈی نہ دینے کی یقین دہانی کرادی ہے جب کہ پاکستان سے پالیسی معاملات پر یقین دہانی چاہتے ہیں۔

کریڈٹ: انڈیپنڈنٹ نیوز پاکستان-آئی این پی

مظاہروں کی وجہ سے پنجاب کے تمام سرکاری اسکول بند ہیں اور یہ بندش(آج) بھی برقرار رہے گی۔ پنجاب کے 9 بورڈز کے تحت ہونے والے نویں جماعت کے پرچے ملتوی کردیے گئے ہیں، پنجاب میں تعلیمی ادارے کل بھی بند رہیں گے۔ دوسری جانب صدر آل پاکستان پرائیویٹ اسکولز فیڈریشن نے خیبر پختونخوا اور حساس علاقوں کے سوا ملک بھر میں پرائیویٹ اسکولز کھولنے کا اعلان کیا ہے۔ خیبرپختونخوا میں سکول کالجز 14 مئی تک بند رکھنے کا اعلان کیا گیا ہے جبکہ یونیورسٹیز غیر معینہ مدت کے لیے بند رکھنے کا فیصلہ ہوا ہے۔ ملتوی ہونے والے تمام امتحانی پرچوں کی تاریخوں کا اعلان بعد میں کیا جائے گا۔

کریڈٹ: انڈیپنڈنٹ نیوز پاکستان-آئی این پی

سابق وزیر اعظم عمران خان کی گرفتاری کے بعد ہونے والے احتجاج کے بعد بند کی جانے والی مختلف سڑکیں کھول دی گئی ۔ اسلام آباد پولیس لائنز کے گیٹ پر پولیس کی بھاری نفری موجود ہے اور چاروں اطراف ایف سی سمیت اور دیگر فورسز بھی موجود ہیں جب کہ پولیس لائنز کے چاروں اطراف سڑکوں کو کنٹینرز لگا کر بند کردیا گیا ہے۔ دوسری جانب رات پی ٹی آئی کارکنان کے احتجاج کے باعث بند نائنتھ ایونیو سڑک کھول دی گئی، نائنتھ ایونیو سڑک مظاہرین کے منتشر ہونے کے بعد رات گئے ٹریفک کے لیے کھول دی گئی تھی۔ رات گئے پی ٹی آئی کارکنان کے منتشر ہونے کے بعد بند مختلف سڑکیں کھول دی گئیں۔

کریڈٹ: انڈیپنڈنٹ نیوز پاکستان-آئی این پی

عمران خان کی گرفتاری کے بعد سے ملک کے بیشتر شہروں میں تعلیمی ادارے اور انٹرنیٹ سروس تیسرے روز بھی بند ہے جس سے شہریوں کو شدید مشکلات کا سامنا کرنا پڑ رہا ہے۔ لاہورمیں پی ٹی آئی کارکنان کی جانب سے زمان پارک کی طرف جانے والے راستے کو عام ٹریفک کے لیے بند کردیا گیا ہے، ڈنڈا بردار فورس موقع پر موجود ہے، راستے بند ہونے کی وجہ سے شہریوں کو شدید پریشانی کا سامنا ہے۔ مال روڈ تا دھرمپورہ انڈرپاس تک کنال روڈ ایک طرف سے مکمل طور پر بند ہے، راستہ بند ہونے کی وجہ سے ٹریفک کی روانی شدید متاثر ہو چکی ہے۔

کریڈٹ: انڈیپنڈنٹ نیوز پاکستان-آئی این پی

اینٹی کرپشن عدالت لاہور نے مرکزی صدر پاکستان تحریک انصاف اور سابق وزیراعلی پنجاب کی عبوری ضمانت 25 مئی تک منظور کرلی ۔ ترقیاتی منصوبوں میں کروڑوں روپے کی کرپشن کے کیس میں اینٹی کرپشن عدالت کے جج علی رضا نے ضمانتوں پر سماعت کی ، پرویزالہی کے وکیل نے حاضری معافی کی درخواست دائر کی۔ اینٹی کرپشن عدالت نے پرویز الہی کی عبوری ضمانت 25 مئی تک منظور کرلی ہے ۔

کریڈٹ: انڈیپنڈنٹ نیوز پاکستان-آئی این پی

عوامی مسلم لیگ کے سربراہ و سابق وفاقی وزیر داخلہ شیخ رشید نے کہا ہے کہ 13 جماعتوں کا ایجنڈا صرف ایک شخص کو نااہل کروانا اور جیل میں ڈالنا ہے۔ سربراہ عوام مسلم لیگ شیخ رشید نجی ٹی وی سے گفتگو میں کہنا تھا کہ آپ عمران خان کو ختم کرکے یہ سمجھتے ہیں کہ اس کی سیاست ختم ہوجائے گی تو آپ کی عقل پر پردہ پڑا ہوا ہے، حکومت اپنی پاں پر خود کلہاڑی ماررہی ہے، آپ ایک شخص کو دس بار نااہل کردو، آپ سے وہ ختم نہیں ہورہا، انہوں نے اپنے کیسز ختم کرنے کیلئے نیب کو لنگڑا لولا کردیا ہے، عمران خان کا کیس 10 دن کی مارنہیں ہے۔ انہوں نے کہا چھوٹے لوگ بڑی جگہوں پر آگئے ہیں، لوگ اس نااہل،نالائق اور نکمی حکومت سے تنگ ہیں، آپ ڈلیور نہیں کرسکتے، آپ نے ایک شخص کو پکڑنا تھا، ان 13جماعتوں نے جو کچھ سوچا تھا اس کا سارا فائدہ عمران خان کو چلا گیا، سارا اسلام آباد سیل ہوچکا ہے، دنیا بھر کی ایجنسیاں کیا سے کیا خبر دے رہی ہیں، اس 27کلومیٹر کی حکومت میں 3تھانے جل گئے ہیں، صرف لاہور میں 10آدمی مرگئے ہیں۔ سابق وفاقی وزیر نے کہا ڈائیلاگ کرنے والے لوگوں کو عدالتوں سے اٹھا یا جارہا ہے، آپ کرنے کیا جارہے ہیں؟ یہ چاہتے ہیں ان کے سر پر کوئی دستک شفقت رکھے، جن لوٹوں نے پیسے لے کر ووٹ بیچے ان کو رینجرز کی سکیورٹی دی جارہی ہے۔ ان کا مزید کہنا تھا کہ گلی محلے میں جو نعرے لگ رہے ہیں ،میں خود ڈپریشن میں چلاگیا ہوں، اس سے بہتر ہے بندہ جیل چلا جائے اس فوج کو عظیم سمجھتا ہوں، فوج پاکستان کے عوام پر گولی نہیں چلا سکتی، یہ ادارے بہت عظیم ہیں، فوج کیاداروں کو نقصان پہنچانا زیادتی ہے، توڑ پھوڑ کی یہی وجہ ہے کہ اس احتجاج کو عوام نے خود لیڈ کیا ہے۔

کریڈٹ: انڈیپنڈنٹ نیوز پاکستان-آئی این پی

چینی ماحولیاتی ٹیکنالوجی کمپنی، چونگ ر ن لان انوائرمینٹل ٹیکنالوجی (گ ) کمپنی لمیٹڈ نے بین الاقوامی اداروں کے تعاون سے اسکول کے پانی کے معیار کے چیلنجوں سے نمٹنے کے لیے اسلام آباد ماڈل کالج کو ریورس اوسموسس (آر او )واٹر ٹریٹمنٹ کا سامان عطیہ کیا ہے۔ گزشتہ ماہ کمپنی کے انجینئرز کی ایک ٹیم تکنیکی رہنمائی فراہم کرنے اور اسکول میں آلات کی تنصیب کے لیے پاکستان پہنچی۔چائنا اکنامک نیٹ کے مطابق رن لان نے کہا ہے کہ چین کے ''بیلٹ اینڈ روڈ'' اقدام کے فریم ورک کے تحت اور سبز ترقی کے اصولوں کے مطابق، چینی کمپنیاں چین کے صاف توانائی کے آلات، ٹیکنالوجی اور خدمات کو دنیا کے ساتھ بانٹ کر عالمی پائیدار ترقی میں فعال کردار ادا کر رہی ہیں۔ چائنا اکنامک نیٹ کے مطابق رن لان انوائر منٹ ٹیکنالوجی کے ایک نمائندے نے کہا کہ پاکستان پہنچنے پر، تکنیکی ماہرین کی ٹیم پانی کے نمونوں کی جانچ کے لیے فوری طور پر جائے وقوعہ پر پہنچی۔ ان کے جائزوں سے چونکا دینے والے نتائج سامنے آئے،ہماری جانچ کے بعد ہم نے پایا کہ پانی کے نمونوں کی موصلیت 2330s/cm تک پہنچ گئی ہے، جو بین الاقوامی معیارات سے کہیں زیادہ نقصان دہ آئن کی ناپاکیوں کے زیادہ ارتکاز کی نشاندہی کرتی ہے۔

چائنا اکنامک نیٹ کے مطابقپاکستان ان ممالک میں سے ایک ہے جہاں پانی کی آلودگی کے شدید مسائل کا سامنا ہے، خاص طور پر جب بات پینے کے پانی کی ہو۔ بعض خطوں میں، منفی قدرتی حالات اور آبی وسائل کے غلط استعمال کی وجہ سے، زمینی پانی میں نقصان دہ مادوں کی زیادہ مقدار ہوتی ہے، جو اسے استعمال کے لیے غیر موزوں بناتی ہے۔ اس سے مقامی باشندوں کے پینے کے پانی کی حفاظت کو براہ راست خطرہ لاحق ہے۔اسلام آباد میں ترنول کے دیہی علاقے میں واقع اسلام آباد ماڈل کالج فار گرلز ایک ایسا ہی اسکول ہے جو اس مسئلے سے دوچار ہے۔ اسکول میں پانی کی فلٹریشن کا مناسب سامان نہیں ہے، جس کی وجہ سے کچھ بچے روزانہ گھر سے اپنا پینے کا پانی لانے پر مجبور ہیں۔ بدقسمتی سے، تمام بچوں کو گھر میں صاف پانی کی سہولت میسر نہیں ہے۔چائنا اکنامک نیٹ کے مطابق ٹیم نے ریورس اوسموسس واٹر ٹریٹمنٹ ( آر او)کے آلات کے بارے میں بنیادی نظریاتی نالج کی وضاحت کرکے اسکول کے عملے کے ساتھ اپنی بات چیت کا آغاز کیا۔ اس کے بعد انہوں نے اسکول میں وائرنگ کے مخصوص مراحل اور جانچ کے طریقہ کار کا مظاہرہ کیا۔ آر او ریورس اوسموسس واٹر پیوریفیکیشن کے آلات سے ٹریٹمنٹ کروانے کے بعد، بین الاقوامی معیارات پر پورا اترتے ہوئے پانی کے نمونوں کی موصلیت /42up/cm تک کم ہو گئی۔ نمائندہ چونگ کی رن لان نے سی ای این کو بتایاکہ ہمیں یہ دیکھ کر خوشی ہوئی کہ بچے ا

کریڈٹ: انڈیپنڈنٹ نیوز پاکستان-آئی این پی

چین پاکستان اسٹریٹجک ڈائیلاگ خطے کیلئے اہمیت کے حامل ہیں ، ڈائیلاگ باہمی مفادات کے متنوع شعبوں میں علاقائی اور عالمی چیلنجز سے نمٹنے کے لیے دونوں ممالک کے لیے ایک پلیٹ فارم ہیں ، پاکستان متنوع اندرونی اور بیرونی چیلنجز سے نبرد آزما ہے ، قوم کو شدید سیاسی اور سماجی و اقتصادی بحرانوں کا سامنا ہے، سی پیک منصوبوں کی مالی معاونت کے لیے چین کا غیر متزلزل عزم پاکستان کو اپنے ترقیاتی مقاصد حاصل کرنے کے قابل بناتا ہے۔ گوادر پرو کے مطابق سٹریٹجک پارٹنرشپ میں نئی بلندیوں کو حاصل کرنے کے لیے ایک نئی کوشش میں، پاکستان اور چین کے وزرائے خارجہ نے 6 مئی کو اسلام آباد میں پاک چین وزرائے خارجہ کے اسٹریٹجک ڈائیلاگ کے چوتھے دور کی مشترکہ صدارت کی۔ یہ بات چیت دونوں ممالک کے درمیان سدا بہار اسٹریٹجک پارٹنرشپ کی تاریخ میں ایک اہم سنگ میل کی نشاندہی کرتی ہے اور خطے کے لیے اہمیت کی حامل ہے۔گوادر پرو کے مطابق گزشتہ سال عہدہ سنبھالنے کے بعد چینی وزیر خارجہ چھن گانگ کے پاکستان کے پہلے دورے کے دوران ہونے والا یہ دو سالہ ڈائیلاگ باہمی مفادات کے متنوع شعبوں میں باہمی تعاون کے ذریعے علاقائی اور عالمی چیلنجز سے نمٹنے کے لیے دونوں ممالک کے لیے ایک پلیٹ فارم کے طور پر کام کرتا ہے۔

سٹریٹیجک ڈائیلاگ بڑھتے ہوئے عالمی انتشار کے درمیان چین اور پاکستان کی اپنی تزویراتی شراکت داری کو برقرار رکھنے کے باہمی عزم کو اجاگر کرتا ہے۔ گوادر پرو کے مطابق سال 2023 پاکستان اور چین کے لیے ایک مصروف اور فعال سال رہا ہے کیونکہ دونوں ممالک متعدد سفارتی اور سیکیورٹی سے متعلق مشاورت میں مصروف ہیں۔ یہ اقدام دونوں ممالک کی سفارتی صلاحیتوں اور علاقائی استحکام کے عزم کا اظہار کرتا ہے۔ قبل ازیں، دونوں وزرائے خارجہ نے شنگھائی تعاون تنظیم کے وزرائے خارجہ کی میٹنگ میں ہندوستان میں نمایاں شرکت کی۔ یہ مصروفیات دونوں ممالک کے درمیان دوطرفہ تعلقات کی اسٹریٹجک گہرائی کو ظاہر کرتی ہیں۔ گزشتہ ماہ پاکستان اور چین کے وزرائے اعظم نے ٹیلی فون پر بات چیت کی تھی۔ گوادر پرو کے مطابق یہ کثیر جہتی رابطے سینئر قیادت کے لیے دوطرفہ، علاقائی اور عالمی مسائل پر بات چیت کرنے اور باہمی خطرات اور ایجنڈوں کے جوابات پر اتفاق رائے حاصل کرنے کے طریقے ہیں۔ اس طرح کے اسٹریٹجک ڈائیلاگ فریم ورک سیاسی، اقتصادی، سیکورٹی اور فوجی تعاون کو گہرا کرنے کی بنیاد پیش کرتے ہیں، جو بالآخر مشترکہ چیلنجوں کے لیے افہام و تفہیم اور ہم آہنگی کے ردعمل کا باعث بنتے ہیں۔ گوادر پرو کے مطابق پاکستان متنوع اندرونی اور بیرونی چیلنجز سے نبرد آزما ہے جو ملک کے استحکام اور ترقی کے لیے ایک بڑاخطرہ ہیں۔

تقریباً 230 ملین افراد کی آبادی کے ساتھ، قوم کو شدید سیاسی اور سماجی و اقتصادی بحرانوں کا سامنا ہے، جو کہ کووڈ ـ19 وبائی امراض کے نتیجے میں اور 2022 میں عالمی موسمیاتی تبدیلیوں کے نتیجے میں آنے والے تباہ کن سیلابوں کی وجہ سے شامل ہیں۔ ان چیلنجوں پر قابو پانے کے لیے، پاکستان کو اشد ضرورت ہے۔ بین الاقوامی حمایت اور مدد. پاکستان کے سب سے اہم مسائل میں سے ایک ہے اس کے زرمبادلہ کے ذخائر کو بڑھانا اور قرض کی فراہمی کو حل کرنا ہے، جس کے لیے کافی لیکویڈیٹی کی ضرورت ہوتی ہے۔ سی پیک منصوبوں کی مالی معاونت کے لیے چین کا غیر متزلزل عزم پاکستان کو اپنے ترقیاتی مقاصد حاصل کرنے کے قابل بناتا ہے۔ بڑھتے ہوئے چیلنجوں کے باوجود پاک چین سٹریٹجک پارٹنرشپ کی اقتصادی جہت مسلسل بڑھ رہی ہے۔گوادر پرو کے مطابق مستقبل کو دیکھتے ہوئے، پاکستان اور چین سی پیک کو افغانستان تک توسیع دینے، وسطی ایشیائی جمہوریہ کو سڑکوں اور ریلوے کے ذریعے پاکستان سے ملانے میں دلچسپی رکھتے ہیں۔

مشرق وسطیٰ اور پڑوسی خطوں میں امن قائم کرنے والی چین کی بڑھتی ہوئی سفارت کاری بالآخر خطے کے لوگوں کی زندگیوں میں بڑا فرق لائے گی۔گوادر پرو کے مطابق چین اور پاکستان چیلنجوں کو کم کرنے کے لیے ملکر کام کرنے اور خراب والوں سے لڑنے، اپنے تعاون اور ہم آہنگی کو مضبوط بنانے اور خطے کے لیے ایک پرامن اور خوشحال مستقبل کی تعمیر کے لیے مل کر کام کرنے کے خواہشمند ہیں۔ سٹریٹجک ڈائیلاگ پاکستان اور چین کے لیے اگلے دو سالوں کے لیے چین میں ہونے والے آئندہ سٹریٹجک ڈائیلاگ تک سمت، رفتار اور اہداف کا تعین کر تے ہیں ۔ مستقبل میں چین پاکستان تعلقات کے لیے بہت زیادہ عہدکیا گیا ہے، اور یہ دیکھنا باقی ہے کہ وہ کس طرح چیلنجوں سے نبرد آزما ہوتے ہیں اور اپنی اسٹریٹجک شراکت داری کے ذریعے پیش کیے گئے مواقع سے فائدہ اٹھاتے ہیں۔

کریڈٹ: انڈیپنڈنٹ نیوز پاکستان-آئی این پی

صوبائی دارالحکومت لاہور میں ہنگامہ آرائی کے الزام میں چیئرمین پی ٹی آئی عمران خان سمیت متعدد رہنماوں اور کارکنوں کے خلاف 7 مقدمات درج کر لیے گئے۔ پی ٹی آئی کارکنوں کے خلاف لاہور کے مختلف تھانوں میں 7 مقدمات کا اندراج کیا گیا ہے جن میں تھانہ سرور روڈ میں درج مقدمے میں عمران خان سمیت تحریک انصاف کی قیادت پر قتل، اقدام قتل اور دہشتگردی سمیت 20 دفعات لگائی گئی ہیں۔ ایف آئی آر کے مطابق میاں محمود الرشید اور میاں اسلم اقبال کی فائرنگ سے 2 افراد ہلاک ہوئے ہیں، عمران خان، شاہ محمود قریشی ، فرخ حبیب کی ایما پر میاں اسلم اقبال اور میاں محمود الرشید مسلح ہو کر مشتعل ہجوم کی قیادت کر رہے تھے، میاں محمود الرشید نے دستی اسلحے سے فائرنگ کی جس سے عبدالقدیر جبکہ میاں اسلم اقبال کی فائرنگ سے عبداللہ نامی نوجوان جان کی بازی ہار گیا۔ ایف آئی آر کے متن کے مطابق جلا گھیرا کی ترغیب دینے میں حماد اظہر، مسرت جمشید چیمہ، جمشید اقبال چیمہ، زبیر نیازی، اسد زمان ، مراد سعید اور علی امین گنڈا پور شامل ہیں۔ واضح رہے کہ د و روز میں مظاہرین سے جھڑپوں میں ڈی آئی جی اور ایس ایس پی آپریشنز سمیت 53 پولیس اہلکار زخمی ہو چکے ہیں۔

کریڈٹ: انڈیپنڈنٹ نیوز پاکستان-آئی این پی

حکومت کی جانب سے پاکستان تحریک انصاف کے رہنماوں کے گرد گھیرا تنگ کیا جارہا ہے، فواد چودھری اور اسد عمر کے بعد وائس چیئرمین پی ٹی آئی شاہ محمود قریشی کو بھی گرفتار کر لیا گیا۔ پاکستان تحریک انصاف کے وائس چیئرمین شاہ محمود قریشی کو اسلام آباد میں گلگت بلتستان ہاوس سے گرفتار کیا گیا۔ اسلام آباد پولیس نے بدھ کی دوپہر بھی شاہ محمود قریشی کو گرفتار کرنے کی کوشش کی تھی لیکن وہ گرفتار نہ ہوسکے تھے۔ تاہم اب پی ٹی آئی رہنما شہباز گل نے شاہ محمود قریشی کی گرفتاری کی تصدیق کردی ہے۔ شاہ محمود قریشی کو 3 ایم پی او کے تحت گرفتار کیا گیا، اسلام آباد اور پنجاب میں حالیہ جلا گھیرا اور ہنگامہ آرائی کے مقدمات میں بھی پی ٹی آئی کے وائس چیئرمین نامزد ہیں۔ گرفتاری سے پہلے شاہ محمود قریشی نے اپنے ایک پیغام میں کہا کہ کوئی غلط کام نہیں کیا، کوئی اشتعال انگیز بیان نہیں دیا، ان پر کور کمانڈر لاہور واقعہ کا لگا الزام جھوٹ ہے۔ دوسری طرف جمعرات کو علی الصبح پاکستان تحریک انصاف کے مرکزی رہنما و سابق معاون خصوصی جمشید اقبال چیمہ کو بھی پولیس نے حراست میں لے لیا ہے۔ جمعرات کو صبح پولیس نے خواتین پی ٹی آئی رہنماوں کو بھی گرفتار کر لیا ہے، گرفتار ہونیوالی رہنماوں میں مسرت جمشید چیمہ، ملیکہ بخاری، عالیہ حمزہ اور فلک ناز چترالی شامل ہیں۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے پنجاب بھر میں انٹرنیٹ سروس بند کرنے کے خلاف درخواست پر وفاقی حکومت اور پی ٹی اے سمیت دیگر فریقین سے جواب طلب کر لیا۔ لاہور ہائیکورٹ میں پنجاب بھر میں انٹرنیٹ سروس بند کرنے کے خلاف درخواست پر سماعت ہوئی۔ درخواست گزار سلمان ابوذر نیازی عدالت کے روبرو پیش ہوئے اور موقف اختیار کیا کہ پیکا ایکٹ 2016 کے سیکشن 37 کے تحت انٹرنیٹ پر پابندی عائد نہیں کی جا سکتی، حکومت نے غیر قانونی طور پر سروسز معطل کر دی ہیں، حکومت کسی شکایت پر متعلقہ مواد ہٹا سکتی ہے، سروس معطل نہیں کرسکتی۔ سرکاری وکیل نے عدالت کو بتایا کہ جیسے حالات پیدا ہوئے ہیں پہلے کبھی نہیں ہوئے تھے، افواہیں پھیلنے سے روکنے کے لیے سروس بند کی گئی۔ عدالت نے ریمارکس دئیے کہ آپ نے تو پہلے سے ہی سروس بند کردی ہے، پی ٹی اے وہ حکم لائے جس کے تحت سروس بند کی گئی۔ عدالت نے وفاقی حکومت اور پی ٹی اے سمیت دیگر فریقین سے جواب طلب کرتے ہوئے معاونت کے لیے اٹارنی جنرل کو نوٹس جاری کردئیے۔

کریڈٹ: انڈیپنڈنٹ نیوز پاکستان-آئی این پی

لا بواں باجو ، انڈونیشیا (شِںہوا) جنوب مشرقی ایشیائی ممالک کی تنظیم (آسیان) کا 42 واں سربراہ اجلاس انڈونیشیا کے مشرقی قصبے لابوان باجو میں شروع ہوگیا ۔

انڈونیشیا کے صدر جوکو ویدودو نے آسیان اتحاد اور علاقائی اتحاد پر زور دیا تاکہ علاقائی امن اور ترقی میں مرکزی کردار ادا کیا جاسکے۔

انہوں نے کہا کہ اتحاد کے ساتھ آسیان امن و ترقی لانے میں مرکزی کردار ادا کرسکے گا۔

انہوں نے کہا کہ مستقبل میں آسیان کو اپنے معاشی انضمام اور علاقائی جامع اقتصادی شراکت داری کے نفاذ سمیت جامع تعاون کو مضبوط بنانا ہوگا۔ اس کے علاوہ صحت، خوراک اور توانائی ڈھانچہ مستحکم کرنے کے ساتھ ساتھ مالی استحکام برقراررکھنا ہوگا۔

توقع ہے کہ سربراہی اجلاس میں مشرقی تیمور کو مکمل رکنیت بارے ایک لا ئحہ عمل تیار کیا جائے گا۔

آسیان نے گزشتہ نومبر میں مشرقی تیمور کو تنظیم کا 11 واں رکن بنانے پر اتفاق کیا تھا۔

مشرقی تیمور کے وزیر اعظم تور متان روآک سربراہی اجلاس میں موجود تھے اور انہوں نے صدر ویدودو کے افتتاحی خطاب کے بعد تقریر کی۔

اس میں آسیان برداری کے قیام میں اتحاد کے مضبوط احساس کو باہمی طور پر تسلیم کرنے پر زور دیا اور آسیان رکنیت کے لئے اپنے ملک کی کوششوں کا جائزہ پیش کیا۔

رواں سال انڈونیشیا میں منعقدہ آسیان سربراہی اجلاس کا موضوع "آسیان امور، ترقی کا مرکز " ہے۔ انڈونیشیا نے امید ظاہر کی ہے کہ یہ تنظیم علاقائی اور عالمی ترقی کا مرکز رہے گی اور آسیان کو طویل مدت میں تیزی سے بڑھتا ہوا، جامع اور پائیدار اقتصادی خطہ بنانے پر توجہ دے گی۔

لا بواں باجو ، انڈونیشیا (شِںہوا) جنوب مشرقی ایشیائی ممالک کی تنظیم (آسیان) کا 42 واں سربراہ اجلاس انڈونیشیا کے مشرقی قصبے لابوان باجو میں شروع ہوگیا ۔

انڈونیشیا کے صدر جوکو ویدودو نے آسیان اتحاد اور علاقائی اتحاد پر زور دیا تاکہ علاقائی امن اور ترقی میں مرکزی کردار ادا کیا جاسکے۔

انہوں نے کہا کہ اتحاد کے ساتھ آسیان امن و ترقی لانے میں مرکزی کردار ادا کرسکے گا۔

انہوں نے کہا کہ مستقبل میں آسیان کو اپنے معاشی انضمام اور علاقائی جامع اقتصادی شراکت داری کے نفاذ سمیت جامع تعاون کو مضبوط بنانا ہوگا۔ اس کے علاوہ صحت، خوراک اور توانائی ڈھانچہ مستحکم کرنے کے ساتھ ساتھ مالی استحکام برقراررکھنا ہوگا۔

توقع ہے کہ سربراہی اجلاس میں مشرقی تیمور کو مکمل رکنیت بارے ایک لا ئحہ عمل تیار کیا جائے گا۔

آسیان نے گزشتہ نومبر میں مشرقی تیمور کو تنظیم کا 11 واں رکن بنانے پر اتفاق کیا تھا۔

مشرقی تیمور کے وزیر اعظم تور متان روآک سربراہی اجلاس میں موجود تھے اور انہوں نے صدر ویدودو کے افتتاحی خطاب کے بعد تقریر کی۔

اس میں آسیان برداری کے قیام میں اتحاد کے مضبوط احساس کو باہمی طور پر تسلیم کرنے پر زور دیا اور آسیان رکنیت کے لئے اپنے ملک کی کوششوں کا جائزہ پیش کیا۔

رواں سال انڈونیشیا میں منعقدہ آسیان سربراہی اجلاس کا موضوع "آسیان امور، ترقی کا مرکز " ہے۔ انڈونیشیا نے امید ظاہر کی ہے کہ یہ تنظیم علاقائی اور عالمی ترقی کا مرکز رہے گی اور آسیان کو طویل مدت میں تیزی سے بڑھتا ہوا، جامع اور پائیدار اقتصادی خطہ بنانے پر توجہ دے گی۔