پاکستان تحریکِ انصاف کے وکیل شیر افضل مروت پر اسلام آباد کے تھانہ سیکریٹریٹ میں مقدمہ درج کر لیا گیا،ایف آئی آر کے مطابق شیر افضل مروت نے گزشتہ روز پولیس کانسٹیبل پر تشدد کیا،شیر افضل پر جان سے مارنے اور راستہ روکنے کی دفعات کے تحت مقدمہ درج کیا گیا ہے۔

کریڈٹ: انڈیپنڈنٹ نیوز پاکستان-آئی این پی

حیدرآباد سمیت اندرون سندھ میں غیر قانونی طور پر آباد افغانیوں کے خلاف کارروائیاں تیز کرنے کی تیاریاں شروع کردی گئی ہیں،کمشنر حیدرآباد نے ڈویژن کے تمام ڈپٹی کمشنرز، ایس ایس پیز اور دیگر متعلقہ اداروں کے افسران کو حساس اداروں سے بھی مدد لینے کی ہدایت کی ہے،کمشنر حیدرآباد نے یہ ہدایات اس لیے جاری کی ہیں کہ یکم نومبر 2023سے قبل حیدرآباد ڈویژن میں مقیم غیر رجسٹرڈ افغان باشندوں کی ان کے ملک واپسی کا کام پرامن اور احسن طریقے سے انجام پاسکے،واضح رہے کہ پاکستان میں غیر قانونی طور پر مقیم افغان باشندوں کا انخلاجاری ہے۔

کریڈٹ: انڈیپنڈنٹ نیوز پاکستان-آئی این پی

وزیراعظم آزاد کشمیر چوہدری انوار الحق نے کہاہے کہ میں بنیادی طور پر تربیت یافتہ سیاسی کارکن ہوں حادثاتی نہیں ، میں نے تمام فیصلے انسانی عقل کے مطابق کرنے ہیں،نجی ٹی وی سے گفتگو میں وزیراعظم آزاد کشمیر چوہدری انوار الحق نے کہا کہ آزاد کشمیر کی اتحادی حکومت کے قیام کو 6ماہ ہوگئے ہیں، 29وزارتیں ہمارے پاس ہیں جبکہ قلمدانوں کا فیصلہ ابھی کرنا ہے، وزرا نے ڈیڑھ ماہ پہلے حلف اٹھایا اور اس تاخیر کی کچھ وجوہات ہیں،انہوں نے کہا کہ یہ کسی ایک جماعت کی حکومت نہیں اس لئے اتفاق رائے پیدا کرنا ضروری تھا، اتحادی حکومت میں مختلف پارٹیوں کے لوگ شامل ہیں ، سابق وزیراعظم راجہ فاروق حیدر کی ترمیم کے باعث کچھ آئینی مسائل تھے جن میں ایک مسئلہ یہ تھا کہ آپ 16سے زیادہ وزرا نہیں رکھ سکتے،چوہدری انوار الحق نے کہا کہ ایک جماعتی حکومت 16وزرا سے نہیں چل سکتی تو 3جماعتی حکومت کیسے ممکن تھی، سب سے پہلے آئینی ترمیم کرنا پڑی جس میں ڈھائی تین مہینے لگ گئے، میرے پاس مشیر نہیں جس سے کروڑوں روپے کی بچت ہے، وزرا کا پورے سال کا انتظامی خرچ تقریبا 30سے 40کروڑ روپے ہے اور 132ارب کے بجٹ میں یہ رقم انتہائی معمولی ہے،انہوں نے مزید کہا کہ امید ہے وزرا کو اسی مہینے قلمدان سونپ دیئے جائیں گے، اگر پہلے والے لوگوں کی طرح حکومت کریں تو سمجھیں انجوائے ہی کرنا ہے۔

کریڈٹ: انڈیپنڈنٹ نیوز پاکستان-آئی این پی

سندھ کی نگران حکومت کی جانب سے سکرنڈ کے قریب ماڑی جلبانی واقعے میں 4افراد کی ہلاکت پر اظہار افسوس کرتے ہوئے لواحقین کیلئے امداد کا اعلان کیا گیا ہے،نگران وزیر داخلہ حارث نواز نے آئی جی سندھ کے ہمراہ گائوں ماڑی جلبانی پہنچ کر لواحقین سے تعزیت کی اور لواحقین کو 80، 80لاکھ روپے امداد دینے کا اعلان کیا،ماڑی جلبانی میں گفتگو کرتے ہوئے بریگیڈیئر ریٹائر حارث نواز کا کہنا تھا کہ نگران وزیراعلی کی ہدایت پر یہاں آئے ہیں، واقعے پرافسوس ہے،انہوں نے کہا کہ 28ستمبر کو سکرنڈ کے قریب گائوں ماڑی جلبانی پیش آنے والے واقعے سے متعلق تحقیقات جاری ہیں،واضح رہے کہ 28ستمبر کو سکرنڈ کے قریب گائوں ماڑی جلبانی میں پولیس اور رینجرز کی مشترکہ کارروائی میں 4افراد جاں بحق ہوئے تھے،ترجمان رینجرز کے مطابق ماڑی جلبانی میں جرائم پیشہ افراد کے خلاف کارروائی کی گئی تھی،کارروائی کے دوران رینجرز اہلکاروں پر حملے میں 4جوان زخمی ہوگئے،بعد ازاں پولیس اور رینجرز کی جوابی کارروائی میں 4افراد ہلاک ہوئے تھے۔

کریڈٹ: انڈیپنڈنٹ نیوز پاکستان-آئی این پی

سابق وزیراعظم نواز شریف کی پاکستان واپسی کیلئے سول ایوی ایشن اتھارٹی (سی اے اے)نے خصوصی طیارے کو پاکستان آنے کیلئے این او سی جاری کردیا،ذرائع کے مطابق نواز شریف خلیجی ائیر لائن کے طیارے بوئنگ سیون تھری ایٹ کے ذریعے پاکستان پہنچیں گے،نواز شریف کے خصوصی طیارے نے سی اے اے سے 21اکتوبر کو دن ساڑھے 12بجے لینڈنگ کی اجازت طلب کی تھی، سی اے اے نے خلیجی ائیرلائن کی خصوصی پرواز نمبر 4525کو اسلام آباد ائیرپورٹ پر لینڈنگ کی اجازت دے دی ہے، نواز شریف کا خصوصی طیارہ دن ڈھائی بجے اسلام آباد سے لاہور روانہ ہوگا، طیارہ دن 3 بج کر 20منٹ پر لاہور پہنچے گا۔

کریڈٹ: انڈیپنڈنٹ نیوز پاکستان-آئی این پی

نگران وزیراعظم انوارالحق کاکڑ نے کہا ہے کہ پاکستان اور چین کی دوستی کا منفرد رشتہ اعتماداور باہمی احترام کی بنیاد پر استوار ہے اور سی پیک اس دوستی کی ایک اہم مثال ہے ، خنجراب اور سوست بارڈر تجارت کے لئے مزید سہولیات کی فراہمی کے لئے پر عزم ہیں،سی پیک سے صنعتی ترقی، روزگار، معدنیات اور آئی ٹی کو فروغ ملے گا،سنکیانگ یونیورسٹی کے اساتذہ اور طلبا سے خطاب کرتے ہوئے نگران وزیراعظم نے کہاکہ پاکستان چین سیلازوال تزویراتی شراکت داری کو مزید وسعت دینے کے عزم کااعادہ کرتا ہے، سنکیانگ صرف تجارتی اور مواصلاتی راہداری نہیں بلکہ دو عظیم قوموں کو جوڑنے کاباعث بھی ہے،انہوں نے کہاکہ ہمسایہ ہونے کے ساتھ ساتھ مشترکہ ثقافت کی وجہ سے سنکیانگ پاکستانیوں کے دلوں میں خصوصی اہمیت رکھتا ہے، خنجراب بارڈر پاکستان اور چین کو ایک دوسرے سے منسلک کرتا ہے۔،نگران وزیراعظم نے کہا کہ سی پیک نئے دور میں داخل ہو چکا ہے، سی پیک بی آر آئی کے تحت ایک جامع منصوبہ ہے،دونوں ملکوں کے عوام کے درمیان رابطوں سے علاقائی امن کو فروغ ملے گا، سی پیک میں گوادر کو مرکزی حیثیت حاصل ہے،ان کاکہنا تھا کہ سی پیک سے صنعتی ترقی، روزگار، معدنیات اور آئی ٹی کو فروغ ملے گا، خنجراب اور سوست بارڈر تجارت کے لئے مزید سہولیات کی فراہمی کے لئے پر عزم ہیں،بعدازاں سنکیانگ یونیورسٹی میں طلبا سے ملاقات میں گفتگوکرتے ہوئے نگران وزیراعظم کا کہنا تھا کہ کوشش ہے کہ زیادہ سے زیادہ پاکستانی طلبا سنکیانگ میں تعلیم حاصل کریں، سیاحت کیفروغ کے لئے دو طرفہ اقدامات کئے جائیں گے، چین انتہائی خوبصورت ملک اور اچھے لوگوں کا معاشرہ ہے، چینی طلبہ پاکستان میں سیاحت کے فروغ کے لئے کردار ادا کریں، باہمی شراکت داری وقت گزرنے کے ساتھ ساتھ مستحکم سے مستحکم ہوتی چلی جا رہی ہے۔

کریڈٹ: انڈیپنڈنٹ نیوز پاکستان-آئی این پی

وفاقی حکومت نے فیڈرل بورڈ آف ریونیو (ایف بی آر)کے گریڈ ایک تا 16کے ملازمین کی تنخواہوں میں فرق کو دور کرنے کیلیے ایک بار کیلیے تقسیم کی مد میں تنخواہوں میں اضافے کی اجازت دینے سے انکار کر دیا ہے،وزارت خزانہ نے اس حوالے سے ایف بی آر کی تنخواہوں میں اضافے کی سمری مسترد کر دی ہے،دستاویزات کے مطابق وزارت خزانہ کی جانب سے ایف بی آر کو لکھے خط میں موقف اختیار کیا گیا ہے کہ ایف بی آر کے ملازمین پر کیونکہ ڈسپیریٹی ریڈکشن الائونس کا ہی اطلاق نہیں ہوتا تو اس لیے انھیں ایک بار کیلیے ڈسپینسیشن بھی نہیں مل سکتا۔

کریڈٹ: انڈیپنڈنٹ نیوز پاکستان-آئی این پی

اسلام آباد ہائیکورٹ نے وفاقی سرکاری تعلیمی اداروں کے ڈیلی ویجز ملازمین کے مستقلی کیس میں کامیاب امیدواروں کے نتائج شائع کرنے کا حکم دے دیا،اسلام آباد ہائیکورٹ کے جسٹس محسن اختر کیانی نے حکمنامہ جاری کیا،حکمنامے میں کہا گیا ہے کہ وزارت تعلیم فیڈرل پبلک سروس کمیشن سے کامیاب امیدواروں کے نتائج ویب سائٹ پر جاری کرے، کامیاب امیدواروں کے آفر لیٹر بھی ان کو ارسال کئے جائیں،عدالتی حکمنامے کے مطابق ایف پی ایس سی حکام نے نتائج کی کاپی عدالت کے سامنے پیش کی، ایف پی ایس سی حکام کے مطابق 26ستمبر کو نتائج وزارت تعلیم کو بھجوا دیئے، عدالت کو بتایا گیا کہ نتائج کو شائع کرنا اور مزید پراسیس کو آگے بڑھانا وزارت تعلیم کا کام ہے،عدالت نے کہا کہ کیس کی مزید سماعت 30نومبر کو ہوگی۔

کریڈٹ: انڈیپنڈنٹ نیوز پاکستان-آئی این پی

الیکشن کمیشن آف پاکستان نے اڈیالہ جیل میں قید چیئرمین پاکستان تحریک انصاف کے پروڈکشن آرڈر جاری کر دیئے،سابق وزیر اعظم کے توہین الیکشن کمیشن کیس میں فرد جرم عائد کرنے کیلئے پروڈکشن جاری ہوئے ہیں، الیکشن کمیشن نے چیئرمین پی ٹی آئی کو 24اکتوبر صبح 10بجے پیش کرنے کی ہدایت کی ہے، آئی جی پنجاب اور اسلام آباد کو پیشی کے موقع پر فول پروف سکیورٹی کا حکم بھی دیا گیا ہے،دوسری جانب توہین الیکشن کمیشن کیس میں سابق وزیر اطلاعات فواد چودھری کے قابل ضمانت وارنٹ گرفتاری جاری کرتے ہوئے انہیں 50ہزار روپے کے دو مچلکے جمع کرانے کی ہدایت کی گئی ہے،الیکشن کمیشن نے وارنٹ گرفتاری کی تعمیل کیلئے آئی جی اسلام آباد کو خط لکھا ہے جس میں کہا گیا کہ آئی جی اسلام آباد فواد چودھری کو 24اکتوبر کو الیکشن کمیشن میں پیش کریں کیونکہ ہدایات کے باوجود فواد چودھری کیس میں ذاتی حیثیت میں پیش نہیں ہو رہے،واضح رہے کہ توہین الیکشن کمیشن کیس میں 24اکتوبر کو چیئرمین پی ٹی آئی اور فواد چودھری پر فرد جرم عائد کی جائے گی، الیکشن کمیشن نے گزشتہ سماعت کا تحریری حکم بھی جاری کر دیا۔

کریڈٹ: انڈیپنڈنٹ نیوز پاکستان-آئی این پی

سپریم کورٹ نے فوجی عدالتوں میں سویلینز کے ٹرائل کے خلاف کیس سماعت کیلئے مقرر کر دیا،جسٹس اعجازالاحسن کی سربراہی میں قائم پانچ رکنی لارجر بنچ 23اکتوبر کو ساڑھے گیارہ بجے سماعت کرے گا، بنچ میں جسٹس منیب اختر، جسٹس یحیی آفریدی، جسٹس مظاہر نقوی اور جسٹس عائشہ ملک شامل ہیں،عدالت نے فریقین کو نوٹس جاری کر دیئے۔

کریڈٹ: انڈیپنڈنٹ نیوز پاکستان-آئی این پی

بیجنگ (شِنہوا) چین نے دنیا کا سب سے بڑا اور تکنیکی طور پر جدید آپٹیکل فائبر اور موبائل کمیونیکیشن نیٹ ورک تعمیر کرلیا ہے۔

 صنعت وانفارمیشن ٹیکنالوجی کے وزیر جن ژوانگ لونگ نے جمعرات کو چین افریقہ ڈیجیٹل تعاون فورم سے خطاب کرتے ہوئے کہا کہ گزشتہ پانچ سالوں میں چین کے ڈیٹا سنٹرز میں تقریباً 30 فیصد کی اوسط سالانہ شرح سے اضافہ ہوا ہے۔

حالیہ برسوں میں، چین نے ڈیجیٹل ٹیکنالوجی اور ریئل معیشت کے انضمام کے عمل کوتیز کیا ہے۔ ای کامرس، ٹیلی میڈیسن اور ڈیجیٹل زراعت جیسے نئے کاروباری ماڈلز بھرپور طریقے سے ترقی کر رہے ہیں، جو اقتصادی ترقی میں نئی جان ڈال رہے ہیں۔

  ڈیجیٹل شعبے میں بین الاقوامی تعاون مزید مستحکم  ہورہا ہے۔ وزارت صنعت وانفارمیشن ٹیکنالوجی کے اعداد و شمار کے مطابق چین نے 10 سے زائد افریقی ممالک کے ساتھ اس شعبے میں تعاون کی یادداشتوں پر دستخط کیے ہیں۔

وزارت ڈیجیٹل شعبے میں افریقی ممالک کے ساتھ تبادلوں کو مزید مضبوط کرے گی، مشترکہ طور پر ڈیجیٹل ترقی کی صلاحیتوں میں اضافہ  اور مارکیٹ اصولوں کے مطابق تعاون کی صلاحیت کوبروئے کار لایاجائے گا۔

ہانگ ژو(شِنہوا) چین کے مشرقی صوبے ژی جیانگ میں ایک شاندار عمارت کے کھنڈرات دریافت ہوئے ہیں جن کے بارے میں خیال کیا جاتا ہے یہ شانگ عہد کے اواخر (1600 قبل مسیح تا 1046 قبل مسیح) میں تعمیر کی گئی تھی۔عمارت کے کھنڈرات میں3ہزار400 مربع میٹر پر محیط رسومات ادا کرنے کی جگہ اور  مٹی کے برتنوں کی ورکشاپس بھی ہے۔

ہوژوشہر کے ووشنگ ڈسٹرکٹ میں پھیشان کے مقام پر واقع یہ عمارات ایک خندق کے اندر واقع ہیں جو تقریباً 3ہزار سال قدیم ہیں۔پھیشان سائٹ فی الحال ژی جیانگ کا سب سے بڑا آثار قدیمہ کا مقام ہے جس میں قدیم چین کے شیا عہد (2070 قبل مسیح-1600 قبل مسیح) اور شانگ عہد کی باقیات موجود ہیں۔

 اس مقام سے کانسی ، مٹی اور قدیم چینی مٹی کے برتن بھی برآمد ہوچکے ہیں ۔ یہ نئی دریافت دریائے یانگسی کے جنوبی علاقوں پر شانگ ثقافت کے اثر و رسوخ کے بھرپور ثبوت فراہم کرتی ہے۔

اقوام متحدہ (شِںہوا) اقوام متحدہ مں چین کے مستقل نمائندے ژانگ جون نے کہا کہ سلامتی کونسل کی جانب سے غزہ میں انسانی بنیادوں پر جنگ بندی کا مطالبہ کرنے والی قرارداد منظور کرانے میں ناکامی پرچین حیران اور مایوس ہے۔

ژانگ نے کہا کہ روسی قرارداد پر پیر کی شب ووٹنگ ہوئی تھی۔ اس میں اسرائیل۔ فلسطین تنازع کے انسانی خدشات پر توجہ مرکوز کرتے ہوئے شہریوں کے تحفظ کے لیے فوری جنگ بندی کا مطالبہ کیا گیا تھا۔ کئی عرب ممالک مسودہ کو پیش کرنے میں شامل تھے اور اس کی حمایت کی تھی۔ تاہم کچھ ممالک نے اس کے خلاف ووٹ دیا  کیونکہ وہ برازیل کی پیش کردہ قرارداد کے مسودے پر اتفاق رائے کے لئے مزید وقت چاہتے تھے۔

انہوں نے کہا کہ برازیل اور کونسل کے بہت سے دیگر ارکان نے تعمیری رویہ کا مظاہرہ کرتے ہوئے رائے شماری کو 24 گھنٹے اور پھر بدھ تک ملتوی کرنے پر اتفاق کیا۔ گزشتہ 40 گھنٹے کے دوران ان ممالک نے برازیل کے مسودے پر نہ تو کوئی تبصرہ کیا ہے اور نہ ہی اس کی مخالفت کی جس سے یقین تھا کہ کونسل قرارداد منظور کرنے میں کامیاب ہو جائے گی۔ تاہم حتمی نتیجہ ناقابل یقین ہے۔

انہوں نے کہا کہ غزہ میں حالات  تیزی سے خراب ہورہے ہیں ۔ منگل کو غزہ کے الھلی اسپتال پر فضائی حملے میں سینکڑوں شہری جاں بحق ہوئے اس کے لئے کونسل کو فوری اور سخت اقدامات کرنا چاہئے۔

چینی مندوب نے کہا کہ چین یہ سمجھتا ہے کہ اگرچہ برازیل کے مسودے میں اب بھی بہتری کی گنجائش موجود ہے تاہم یہ عمومی طور پر عالمی برادری کی مشترکہ اپیل کی عکاسی کرتا ہے اورجنگ بندی کے لیے سلامتی کونسل کے ابتدائی اقدامات کی نمائندگی کرسکتا ہے۔ یہ واحد متن ہوسکتا ہے جس پر کونسل موجودہ حالات میں اتفاق رائے تک پہنچ سکتی ہے۔

اقوام متحدہ (شِںہوا) اقوام متحدہ مں چین کے مستقل نمائندے ژانگ جون نے کہا کہ سلامتی کونسل کی جانب سے غزہ میں انسانی بنیادوں پر جنگ بندی کا مطالبہ کرنے والی قرارداد منظور کرانے میں ناکامی پرچین حیران اور مایوس ہے۔

ژانگ نے کہا کہ روسی قرارداد پر پیر کی شب ووٹنگ ہوئی تھی۔ اس میں اسرائیل۔ فلسطین تنازع کے انسانی خدشات پر توجہ مرکوز کرتے ہوئے شہریوں کے تحفظ کے لیے فوری جنگ بندی کا مطالبہ کیا گیا تھا۔ کئی عرب ممالک مسودہ کو پیش کرنے میں شامل تھے اور اس کی حمایت کی تھی۔ تاہم کچھ ممالک نے اس کے خلاف ووٹ دیا  کیونکہ وہ برازیل کی پیش کردہ قرارداد کے مسودے پر اتفاق رائے کے لئے مزید وقت چاہتے تھے۔

انہوں نے کہا کہ برازیل اور کونسل کے بہت سے دیگر ارکان نے تعمیری رویہ کا مظاہرہ کرتے ہوئے رائے شماری کو 24 گھنٹے اور پھر بدھ تک ملتوی کرنے پر اتفاق کیا۔ گزشتہ 40 گھنٹے کے دوران ان ممالک نے برازیل کے مسودے پر نہ تو کوئی تبصرہ کیا ہے اور نہ ہی اس کی مخالفت کی جس سے یقین تھا کہ کونسل قرارداد منظور کرنے میں کامیاب ہو جائے گی۔ تاہم حتمی نتیجہ ناقابل یقین ہے۔

انہوں نے کہا کہ غزہ میں حالات  تیزی سے خراب ہورہے ہیں ۔ منگل کو غزہ کے الھلی اسپتال پر فضائی حملے میں سینکڑوں شہری جاں بحق ہوئے اس کے لئے کونسل کو فوری اور سخت اقدامات کرنا چاہئے۔

چینی مندوب نے کہا کہ چین یہ سمجھتا ہے کہ اگرچہ برازیل کے مسودے میں اب بھی بہتری کی گنجائش موجود ہے تاہم یہ عمومی طور پر عالمی برادری کی مشترکہ اپیل کی عکاسی کرتا ہے اورجنگ بندی کے لیے سلامتی کونسل کے ابتدائی اقدامات کی نمائندگی کرسکتا ہے۔ یہ واحد متن ہوسکتا ہے جس پر کونسل موجودہ حالات میں اتفاق رائے تک پہنچ سکتی ہے۔

لاس اینجلس(شِنہوا) ناسا کا مریخ پر موجود  ہیلی کاپٹررواں ہفتے دوبارہ اڑان بھرےگا۔

 ناساکےمطابق  ہیلی کاپٹرکی سرخ سیارے پر63 ویں پرواز 19 اکتوبر کے بعد ہوگی۔ ہیلی کاپٹرنئی فضائی پٹی میں جانے کے لیے 137 سیکنڈ کے لیے تقریباً 574 میٹر پرواز کرے گا۔

ناسا کے اعداد و شمار کے مطابق، اب تک، ہیلی کاپٹر نے مریخ پر مجموعی طور پر113 منٹ میں 62 پروازیں مکمل کرتے ہوئے 13.9 کلومیٹر کا فاصلہ طے کیا ہے۔

انجنیوٹی نامی ہیلی کاپٹر 18 فروری 2021 کو مریخ کے جیزیرونامی گڑھے میں پہنچا تھا جو ناسا کے پرسیورینس روور کے ساتھ منسلک تھا۔

بیجنگ (شِںہوا) چینی وزیر خارجہ وانگ یی نے کہا کہ تیسرا بیلٹ اینڈ روڈ فورم برائے بین الاقوامی تعاون  مشترکہ طور پر بیلٹ اینڈ روڈ کے تعمیراتی عمل کا ایک اور اہم سنگ میل ہے۔

کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ نے ایک پریس کانفرنس میں کہا کہ اس فورم پر سب سے اہم اتفاق رائے اعلیٰ معیار کے بیلٹ اینڈ روڈ تعاون کے ایک نئے مرحلے کا آغاز ہے۔

وانگ نے کہا کہ تعاون کا نیا مرحلہ عالمی معیشت میں مزید نئے مواقع پیدا کرے گا اور عالمی صورتحال کے لئے ایک نعمت ثابت ہوگا۔

چینی وزیرجارجہ وانگ یی نے کہاکہ اس فورم کا سب سے بڑا وژن مشترکہ طور پر دنیا کو جدید بنانا ہے۔ بیلٹ اینڈ روڈ انیشی ایٹو (بی آر آئی) نے مشترکہ ترقی میں ایک تعاون کا پلیٹ فارم تشکیل دیا اور بہت سے ترقی پذیر ممالک کو جدیدیت کی سمت سفر تیز کرنے میں معاونت کی ہے۔

انہوں نے مزید کہا کہ فورم نے مجموعی طور پر 458 کامیابیاں حاصل کیں جو دوسرے بیلٹ اینڈ روڈ فورم سے کہیں زیادہ ہیں۔

گزشتہ 10 برس میں بیلٹ اینڈ روڈ تعاون نے تاریخی کامیابیاں سمیٹی اور تعاون، مواقع و خوشحالی کی راہ کو کھولا جس سے مشترکہ ترقی کی راہ ہموار ہوئی۔

چینی وزیرخارجہ نے یہ بھی کہا کہ بی آر آئی آج دنیا میں مقبول ترین بین الاقوامی عوامی مفاد اور سب سے بڑا بین الاقوامی تعاون پلیٹ فارم بن چکا ہے۔

بیلٹ اینڈ روڈ ایک کھلا پلیٹ فارم ہے اور ہر ملک کا کسی بھی وقت اس میں شمولیت پر خیرمقدم کیا جائے گا۔

انہوں نے امید ظاہر کی کہ دوسرے ممالک سے رابطوں کے اقدامات بھی جاری رہیں گے اور خاص گروہ بنانے سے گریز کیا جائے گا۔

چینی وزیرخارجہ نے کہا کہ چین رابطوں کے دیگر تمام اقدامات سے ہم آہنگ ہونے کو تیار ہے۔

پریس کانفرنس میں وانگ نے یہ دعویٰ بھی مسترد کردیا کہ امریکہ نے بیلٹ اینڈ روڈ کو نشانہ بنانے کے لئے پارٹنرشپ فار گلوبل انفرا اسٹریکچر اینڈ انویسمنٹ شروع کی ہے۔

انہوں نے کہا کہ یہ بیانیہ دراصل معاشی مسائل کو سیاسی رنگ دینے کے مترادف ہے۔

بیجنگ (شِنہوا) بیجنگ میں تیسرے بیلٹ اینڈ روڈ فورم برائے بین الاقوامی تعاون موضوع  کے ذیلی قومی تعاون فورم کا انعقاد ہوا۔

چین کے نائب وزیر اعظم ژانگ گوچھنگ اور کمیونسٹ پارٹی آف چائنہ کی بیجنگ بلدیاتی کمیٹی کے سیکرٹری ین لی نے فورم میں شرکت کی اور خطاب کیا۔ دونوں کمیونسٹ پارٹی آف چائنہ کی مرکزی کمیٹی کے سیاسی بیورو کے ارکان بھی ہیں۔

ژانگ نے کہا کہ چین تمام فریقین کے ساتھ ملکر کام کرنے کا خواہش مند ہے تاکہ لوگوں کو زیادہ فوائد فراہم کرنے اور انسانیت کے مشترکہ مستقبل کے ساتھ ایک برادری کی تعمیر میں زیادہ کردار ادا کرنے کو یقینی بنایا جاسکے۔

ین نے اپنی تقریر میں کھلے پن، اختراع ، صنعتی ، ثقافتی اورعوامی سطح پر تبادلوں میں تعاون مزید گہرا کرنے کی کوششوں پر زور دیا۔

بیجنگ (شِنہوا) بیجنگ میں تیسرے بیلٹ اینڈ روڈ فورم برائے بین الاقوامی تعاون موضوع  کے ذیلی قومی تعاون فورم کا انعقاد ہوا۔

چین کے نائب وزیر اعظم ژانگ گوچھنگ اور کمیونسٹ پارٹی آف چائنہ کی بیجنگ بلدیاتی کمیٹی کے سیکرٹری ین لی نے فورم میں شرکت کی اور خطاب کیا۔ دونوں کمیونسٹ پارٹی آف چائنہ کی مرکزی کمیٹی کے سیاسی بیورو کے ارکان بھی ہیں۔

ژانگ نے کہا کہ چین تمام فریقین کے ساتھ ملکر کام کرنے کا خواہش مند ہے تاکہ لوگوں کو زیادہ فوائد فراہم کرنے اور انسانیت کے مشترکہ مستقبل کے ساتھ ایک برادری کی تعمیر میں زیادہ کردار ادا کرنے کو یقینی بنایا جاسکے۔

ین نے اپنی تقریر میں کھلے پن، اختراع ، صنعتی ، ثقافتی اورعوامی سطح پر تبادلوں میں تعاون مزید گہرا کرنے کی کوششوں پر زور دیا۔

بیجنگ (شِںہوا) چینی وزیر اعظم لی چھیانگ نے پاکستانی ہم منصب سے ملاقات کی۔ پاکستانی وزیر اعظم انوار الحق کاکڑ تیسرے بیلٹ اینڈ روڈ فورم برائے بین الاقوامی تعاون میں شرکت کے لئے بیجنگ میں ہیں۔

چینی وزیراعظم نے چین اور پاکستان کو آہنی بھائی قرار دیتے ہوئے کہا کہ چین دونوں ممالک کے رہنماؤں کے درمیان طے شدہ اہم اتفاق رائے کو مزید عملی جامہ پہنانے، اعلیٰ سطح کے تبادلوں اور اسٹریٹجک رابطوں کے فروغ، باہمی فائدہ مند تعاون وسیع کرنے اور نئے دور میں مشترکہ مستقبل کے ساتھ قریبی چین پاکستان برادری کے قیام کو آگے بڑھانے میں پاکستان کے ساتھ ملکر کام کرنے کا خواہش مند ہے۔

انہوں نے مزید کہا کہ چین پاکستان کے ساتھ ملکر چین پاکستان اقتصادی راہداری کی تعمیر، زراعت، مویشی پروری اور ماہی گیری جیسے شعبوں میں تعاون کے امکانات سے فائدہ اٹھانے اور ڈیجیٹل معیشت، ٹیلی مواصلات ، تکنیکی اختراع اور دیگر شعبوں میں تعاون کے فروغ کو تیار ہے۔

چینی وزیراعظم نے امید ظاہر کی کہ پاکستان چینی اہلکاروں اور اداروں کے تحفظ کو یقینی بنانے کے لیے مؤثر اقدامات کرے گا۔

پاکستانی وزیراعظم انوارالحق کاکڑ نے کہا کہ گزشتہ 10 برس میں بیلٹ اینڈ روڈ تعاون کے خاطر خواہ نتائج برآمد ہوئے ہیں۔  پاکستان دہشت گردی کے خلاف ٹھوس اقدامات کرے گا اور پاکستان میں چینی اہلکاروں اور اداروں کے تحفظ کو یقینی بنانے میں کوئی کسر نہیں چھوڑے گا۔

چینی اور پاکستانی وزرائے اعظم کی موجودگی میں دوطرفہ تعاون کی متعدد دستاویزات پر دستخط بھی ہوئے۔

بیجنگ (شِںہوا) چینی وزیر اعظم لی چھیانگ نے پاکستانی ہم منصب سے ملاقات کی۔ پاکستانی وزیر اعظم انوار الحق کاکڑ تیسرے بیلٹ اینڈ روڈ فورم برائے بین الاقوامی تعاون میں شرکت کے لئے بیجنگ میں ہیں۔

چینی وزیراعظم نے چین اور پاکستان کو آہنی بھائی قرار دیتے ہوئے کہا کہ چین دونوں ممالک کے رہنماؤں کے درمیان طے شدہ اہم اتفاق رائے کو مزید عملی جامہ پہنانے، اعلیٰ سطح کے تبادلوں اور اسٹریٹجک رابطوں کے فروغ، باہمی فائدہ مند تعاون وسیع کرنے اور نئے دور میں مشترکہ مستقبل کے ساتھ قریبی چین پاکستان برادری کے قیام کو آگے بڑھانے میں پاکستان کے ساتھ ملکر کام کرنے کا خواہش مند ہے۔

انہوں نے مزید کہا کہ چین پاکستان کے ساتھ ملکر چین پاکستان اقتصادی راہداری کی تعمیر، زراعت، مویشی پروری اور ماہی گیری جیسے شعبوں میں تعاون کے امکانات سے فائدہ اٹھانے اور ڈیجیٹل معیشت، ٹیلی مواصلات ، تکنیکی اختراع اور دیگر شعبوں میں تعاون کے فروغ کو تیار ہے۔

چینی وزیراعظم نے امید ظاہر کی کہ پاکستان چینی اہلکاروں اور اداروں کے تحفظ کو یقینی بنانے کے لیے مؤثر اقدامات کرے گا۔

پاکستانی وزیراعظم انوارالحق کاکڑ نے کہا کہ گزشتہ 10 برس میں بیلٹ اینڈ روڈ تعاون کے خاطر خواہ نتائج برآمد ہوئے ہیں۔  پاکستان دہشت گردی کے خلاف ٹھوس اقدامات کرے گا اور پاکستان میں چینی اہلکاروں اور اداروں کے تحفظ کو یقینی بنانے میں کوئی کسر نہیں چھوڑے گا۔

چینی اور پاکستانی وزرائے اعظم کی موجودگی میں دوطرفہ تعاون کی متعدد دستاویزات پر دستخط بھی ہوئے۔

قاہرہ (شِنہوا) مصر کے صدر عبدالفتاح السیسی اور ان کے امریکی ہم منصب جو بائیڈن نے رفاہ سرحد سے غزہ کی پٹی میں پائیدار انسانی امداد کی فراہمی پر اتفاق کیا ہے۔

مصری ایوان صدر نے ایک بیان میں بتایا کہ ٹیلی فون پر گفتگو میں بائیڈن نے خطے میں امن واستحکام میں مصری کوششوں کو سراہا۔

بیان کے مطابق دونوں ممالک کے متعلقہ حکام اقوام متحدہ کی نگرانی میں بین الاقوامی انسانی حقوق کی تنظیموں کے ساتھ تعاون کریں گے تاکہ امداد کی آمد یقینی بنائی جاسکے۔

یہ بات چیت بائیڈن کے تل ابیب کا دورہ مکمل کرنے کے چند گھنٹے بعد ہوئی ۔

اس سے قبل سیسی نے فلسطینی عوام کے لیے مصر کی بھرپور حمایت کا اظہار کرتے ہوئے انہیں جزیرہ نما سینا میں منتقل کرنے کی کسی بھی کوشش کو سختی سے مسترد کردیا تھا۔

اسی روز اسرائیلی کابینہ نے مصر سے غزہ کی پٹی میں بنیادی انسانی امداد کی اجازت دینے کا فیصلہ کیا۔ اس پیشرفت کو مصری وزیر خارجہ سمیح شکری نے "مثبت" قرار دیا۔

مصر، اردن، متحدہ عرب امارات، ترکی اور عالمی ادارہ صحت نے ہزاروں ٹن امدادی اشیاء بھیجی ہے جو چند روز سے غزہ جانے کے لئے رفاہ سرحد کے قریب انتظار کررہی ہے۔ یہ فراہمی اسرائیلی بمباری کی وجہ سے بند ہے۔

حماس نے 7 اکتوبر کو اسرائیل پر ہزاروں راکٹ داغے تھے جواب میں اسرائیل نے غزہ پر بڑے پیمانے پر فضائی حملے کئے اور صاف پانی، بجلی، ایندھن اور دیگر ضروریات کی فراہمی بند کردی ۔

اسرائیل ۔ حماس تنازع میں اب تک 4 ہزار سے زائد افراد جان کی بازی ہارچکےہیں۔

چین کے صدر شی جن پھنگ نے پاکستان کے وزیر اعظم انوار الحق کاکڑ سے ملاقات کی جو تیسرے بیلٹ اینڈ روڈ بین الاقوامی تعاون فورم میں شرکت کے لیے چین آئے ہوئے ہیں ۔ جمعرات کے روز شی جن پھنگ نے کہا کہ وہ پاکستان کی تمام حکومتوں کی جانب سے "بیلٹ اینڈ روڈ" کے تعاون کی فعال حمایت اور اس میں شمولیت کو بے حد سراہتے ہیں ۔ اس سال چین -پاکستان اقتصادی راہداری کے آغاز کی دسویں سالگرہ منائی جا رہی ہے۔ گزشتہ 10 سالوں کے دوران، سی پیک کی تعمیر نے مثبت نتائج حاصل کیے ہیں، پاکستان کی اقتصادی اور سماجی ترقی کو مؤثر طریقے سے فروغ دیا ہے، اور یہ "بیلٹ اینڈ روڈ" کی مشترکہ تعمیر کا ایک اہم تاریخی منصوبہ بن گیا ہے. انہوں نے کہا کہ چین اور پاکستان سدا بہار اسٹریٹجک پارٹنر اور فولاد جیسے مضبوط دوست ہیں۔ جب دنیا میں شدید نوعیت کی تبدیلیاں بڑھ رہی ہیں اور دنیا افراتفری اور تبدیلی کے ایک نئے دور میں داخل ہو رہی ہے، ایسے میں چین، چینی طرز کی جدیدیت کے ساتھ ایک مضبوط ملک کی تعمیر اور قومی احیاء کے عظیم مقصد کو جامع طور پر فروغ دے رہا ہے اور پاکستان، قومی سلامتی، استحکام اور معاشی خود انحصاری کے لیے انتھک کوششیں کر رہا ہے۔ چین، پاکستان کے ساتھ روایتی دوستی کو آگے بڑھانے، مفید باہمی تعاون کو گہرا کرنے، اعلیٰ معیار کے ساتھ چین پاکستان اقتصادی راہداری کی مشترکہ تعمیر، نئے عہد میں چین -پاکستان ہم نصیب معاشرے کی تشکیل کو تیز کرنے نیز عالمی و علاقائی امن، استحکام اور خوشحالی کو برقرار رکھنے کے لئے مسلسل نئے کردار ادا کرنے کا خواہاں ہے۔

کریڈٹ: انڈیپنڈنٹ نیوز پاکستان-آئی این پی

نیویارک (شِںہوا) چائنہ انسٹی ٹیوٹ کے سالانہ بلیو کلاؤڈ گالا میں چین اور امریکہ کے درمیان بین الثقافتی تفہیم کو فروغ دینے پر 8 شخصیات کو اعزاز سے نواز گیا۔

ایوارڈ حاصل کرنے والوں میں چینی نژاد امریکی ایمی ایوارڈ یافتہ ٹیلی ویژن میزبان یو سائی کان، سنگاپور کی کاروباری  اور مخیر خاتون مشیل لیم، فارموسٹ گروپ کے بانی اور اعزازی چیئرمین ڈاکٹر جیمز ایس سی شاؤ اور شاؤ خاندان کے دیگر5 افراد شامل تھے۔ ان میں ایلین شاؤ امریکی وزیر محنت اور ٹرانسپورٹیشن کی حیثیت سے خدمات انجام دے چکی ہیں۔

تقریب میں نیویارک میں چینی قونصل جنرل ہوانگ پھنگ اور نیویارک شہر کے میئر ایرک ایڈمز سمیت 350 سے زائد مہمانوں نے شرکت کی۔ اس موقع پر سابق امریکی وزیر خارجہ ہنری کسنجر نے ویڈیو کے ذریعے مبارکباد کا پیغام دیا ۔

چائنہ انسٹی ٹیوٹ ایک غیر منافع بخش تنظیم ہے جو امریکہ اور چین کے درمیان تفہیم بڑھانے اور اعتماد کو گہرا کرنے کا کام کرتی ہے۔ اس کا قیام 1926 میں عمل میں آیا تھا۔

بلیو کلاؤڈ ایوارڈ 1984 میں متعارف کرایا گیا تھا جس کا مقصد چائنہ انسٹی ٹیوٹ کے مشن کو آگے بڑھانے والے نمایاں افراد کی خدمات کا اعتراف کرنا ہے۔

نیویارک (شِںہوا) چائنہ انسٹی ٹیوٹ کے سالانہ بلیو کلاؤڈ گالا میں چین اور امریکہ کے درمیان بین الثقافتی تفہیم کو فروغ دینے پر 8 شخصیات کو اعزاز سے نواز گیا۔

ایوارڈ حاصل کرنے والوں میں چینی نژاد امریکی ایمی ایوارڈ یافتہ ٹیلی ویژن میزبان یو سائی کان، سنگاپور کی کاروباری  اور مخیر خاتون مشیل لیم، فارموسٹ گروپ کے بانی اور اعزازی چیئرمین ڈاکٹر جیمز ایس سی شاؤ اور شاؤ خاندان کے دیگر5 افراد شامل تھے۔ ان میں ایلین شاؤ امریکی وزیر محنت اور ٹرانسپورٹیشن کی حیثیت سے خدمات انجام دے چکی ہیں۔

تقریب میں نیویارک میں چینی قونصل جنرل ہوانگ پھنگ اور نیویارک شہر کے میئر ایرک ایڈمز سمیت 350 سے زائد مہمانوں نے شرکت کی۔ اس موقع پر سابق امریکی وزیر خارجہ ہنری کسنجر نے ویڈیو کے ذریعے مبارکباد کا پیغام دیا ۔

چائنہ انسٹی ٹیوٹ ایک غیر منافع بخش تنظیم ہے جو امریکہ اور چین کے درمیان تفہیم بڑھانے اور اعتماد کو گہرا کرنے کا کام کرتی ہے۔ اس کا قیام 1926 میں عمل میں آیا تھا۔

بلیو کلاؤڈ ایوارڈ 1984 میں متعارف کرایا گیا تھا جس کا مقصد چائنہ انسٹی ٹیوٹ کے مشن کو آگے بڑھانے والے نمایاں افراد کی خدمات کا اعتراف کرنا ہے۔

اساتذہ نے گرفتاریوں کیخلاف ردعمل دیتے ہوئے امتحانی ڈیوٹیوں کے بائیکاٹ کا اعلان کر دیا ہے۔ اساتذہ کا کہنا ہے کہ 20 اکتوبر سے شروع ہونے والے انٹرمیڈیٹ کے امتحانات میں ڈیوٹی انجام نہیں دیں گے اور اگلے مرحلے میں پیپر سیٹنگ اور عملی امتحانات کی ڈیوٹی بھی نہیں کریں گے۔ ٹیچرز کا کہنا ہے کہ جب تک ہمارے ساتھیوں کو رہا نہیں کیا جاتا احتجاج جاری رہے گا، لیو انکیشمنٹ قانون میں تبدیلی بھی واپس لی جائے، گرفتاریوں اور معطلیوں سے گھبرانے والے نہیں۔

کریڈٹ: انڈیپنڈنٹ نیوز پاکستان-آئی این پی

غزہ کی پٹی میں اسپتال پر اسرائیلی فضائی حملے کے خلاف مغربی کنارے کے شہر نابلس میں فلسطینی احتجاج کررہے ہیں۔ (شِنہوا)

قائد مسلم لیگ ن اور سابق وزیراعظم نوازشریف کی اسلام آباد ہائی کورٹ سے ضمانت منظوری کے بعد وطن واپسی کے پروگرام میں تبدیلی کر دی گئی۔ سابق وزیراعظم نوازشریف 21 اکتوبر کو دبئی سے سیدھا لاہور پہنچیں گے، ان کی پرواز دوپہر ایک بجے کے قریب لاہور ایئرپورٹ پر لینڈ کرے گی۔

کریڈٹ: انڈیپنڈنٹ نیوز پاکستان-آئی این پی